ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ

ΠΡΟΣΕΥΧΗΤΑΡΙΟΝ ΟΡΘΟ∆ΟΞΟΥ ΧΡΙΣΤΙΑΝΟΥ

ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ Επιμέλεια: Ειρήνη Ζαρζώνη, θεολόγος Σελιδοποίηση - Τυπογραφική διόρθωση: Μαρία Σαντοριναίου Εξώφυλλο: Κυριάκος Μεγαλόπουλος Εκτύπωση - Βιβλιοδεσία: Unisoft © 2017 ΕΚΔΟΣΕΙΣ ΠΑΙΔΕΙΑ / ΜΑΛΛΙΑΡΗΣ-ΠΑΙΔΕΙΑ Α.Ε. Κεντρική διάθεση: 25ης Μαρτίου 51, 564 29 Ν. Ευκαρπία, Θεσσαλονίκη, τηλ. 2310640756, 2310649251 www.malliaris.gr e-mail: [email protected] Κεντρικά βιβλιοπωλεία: • Δημητρίου Γούναρη 39, 546 22 Θεσσαλονίκη, τηλ. 2310277113 • Ερμού 53, 546 23 Θεσσαλονίκη, τηλ. 2310252888 ISBN: 978-960-457-800-9

ΠΕΡΙΕΧΟΜΕΝΑ Πρόλογος . . . . . . . . . . . . . . . . . . . . . . . . . . . . . . . . . . . . . 4 Τὸ «Πιστεύω» (Σύμβολον τῆς πίστεως) . . . . . . . . . . . . . 5 Τὸ «Πάτερ ἡμῶν» (Κυριακὴ προσευχή) . . . . . . . . . . . . . 6 Ἐωθινὴ προσευχή . . . . . . . . . . . . . . . . . . . . . . . . . . . . . . 7 Ἀκολουθία τοῦ ὄρθρου . . . . . . . . . . . . . . . . . . . . . . . . . . 16 Ἀκολουθία τῆς πρώτης ὥρας . . . . . . . . . . . . . . . . . . . . . 31 Ἀκολουθία τῆς ἐνάτης ὥρας . . . . . . . . . . . . . . . . . . . . . . 39 Ἀκολουθία τοῦ ἑσπερινοῦ . . . . . . . . . . . . . . . . . . . . . . . 48 Μικρὸν ἀπόδειπνον . . . . . . . . . . . . . . . . . . . . . . . . . . . . 63 Μέγα ἀπόδειπνον . . . . . . . . . . . . . . . . . . . . . . . . . . . . . . 76 Ἀκολουθία τῆς θείας μεταλήψεως . . . . . . . . . . . . . . . . 108 Μικρὸς παρακλητικὸς κανών . . . . . . . . . . . . . . . . . . . . . 148 Μέγας παρακλητικὸς κανών . . . . . . . . . . . . . . . . . . . . . . 169 Ἀκάθιστος ὕμνος . . . . . . . . . . . . . . . . . . . . . . . . . . . . . . . 184 Εὐχαὶ ἀναγινωσκόμεναι ἐν τῇ λειτουργίᾳ . . . . . . . . . . . 215 Προσευχαὶ εἰς τὰ σχολεῖα . . . . . . . . . . . . . . . . . . . . . . . . 221 Κατανυκτικαὶ προσευχαί . . . . . . . . . . . . . . . . . . . . . . . . . 222 Προσευχαὶ τραπέζης . . . . . . . . . . . . . . . . . . . . . . . . . . . . 228 Προσευχαὶ ἑσπεριναί . . . . . . . . . . . . . . . . . . . . . . . . . . . . 231 Εὐχαριστία μεθ᾽ ἱκεσίας εἰς τὴν πανάχραντον Θεοτόκον Μαρίαν . . . . . . . . . . . . . . . . . . . . . . . . . . . . 234

ΠΡΟΛΟΓΟΣ Η προσευχή είναι η νοερή επικοινωνία του αν- θρώπου με τον Θεό. Μέσα από την προσευχή και τη συμμετοχή στις λατρευτικές συνάξεις “μεγα- λύνεται η ψυχή τον Κύριο”, ανακαινίζεται και αγιάζεται η κτίση του. Ας μη λησμονούμε ότι ο ίδιος ο Ιησούς Χριστός έδωσε το παράδειγμα της προσευχής και προσευχόταν κάθε στιγμή στον Ουράνιο Πατέρα, ακόμη κι επάνω στον Σταυρό. Η προσευχή, λοιπόν, αποτελεί το μεγαλύτερο και ισχυρότερο εφόδιο του Χριστιανού για την πνευματική του ζωή. Στο βιβλίο αυτό περιλαμβάνονται, εκτός των ιερών ακολουθιών της Ορθοδόξου Εκκλησίας, το Σύμβολο της Πίστεως, ο Ακάθιστος ύμνος, η Κυ- ριακή προσευχή, ευχές και αναγνώσματα.

ΤΟ «ΠΙΣΤΕΥΩ» (ΣΥΜΒΟΛΟΝ ΤΗΣ ΠΙΣΤΕΩΣ) Πιστεύω εἰς ἕνα Θεόν, Πατέρα, παντοκράτο- ρα, ποιητὴν οὐρανοῦ καὶ γῆς, ὁρατῶν τε πάντων καὶ ἀοράτων. Καὶ εἰς ἕνα Κύριον Ἰησοῦν Χριστόν, τὸν Υἱὸν τοῦ Θεοῦ τὸν μονογενῆ, τὸν ἐκ τοῦ Πατρός γεν- νηθέντα πρὸ πάντων τῶν αἰώνων. Φῶς ἐκ φωτός, Θεὸν ἀληθινὸν ἐκ Θεοῦ ἀλη- θινοῦ γεννηθέντα, οὐ ποιηθέντα, ὁμοούσιον τῷ Πατρί, δι᾽ οὗ τὰ πάντα ἐγένετο. Τὸν δι᾽ ἡμᾶς τοὺς ἀνθρώπους καὶ διὰ τὴν ἡ- μετέραν σωτηρίαν κατελθόντα ἐκ τῶν οὐρανῶν καὶ σαρκωθέντα ἐκ Πνεύματος Ἁγίου καὶ Μαρίας τῆς Παρθένου καὶ ἐνανθρωπήσαντα. Σταυρωθέντα τε ὑπὲρ ἡμῶν ἐπὶ Ποντίου Πι- λάτου καὶ παθόντα καὶ ταφέντα. Καὶ ἀναστάντα τῇ τρίτῃ ἡμέρᾳ κατὰ τὰς Γραφάς. Καὶ ἀνελθόντα εἰς τοὺς οὐρανοὺς καὶ καθε- ζόμενον ἐκ δεξιῶν τοῦ Πατρός. Καὶ πάλιν ἐρχό-

6 ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ μενον μετὰ δόξης κρῖναι ζῶντας καὶ νεκρούς, οὗ τῆς βασιλείας οὐκ ἔσται τέλος. Καὶ εἰς τὸ Πνεῦμα τὸ Ἅγιον, τὸ Κύριον, τὸ ζωο- ποιόν, τὸ ἐκ τοῦ Πατρὸς ἐκπορευόμενον, τὸ σὺν Πατρὶ καὶ Υἱῷ συμπροσκυνούμενον καὶ συνδο- ξαζόμενον, τὸ λαλῆσαν διὰ τῶν προφητῶν. Εἰς μίαν, ἁγίαν, καθολικὴν καὶ ἀποστολικὴν Ἐκκλησίαν. Ὁμολογῶ ἓν Βάπτισμα εἰς ἄφεσιν ἁμαρτιῶν. Προσδοκῶ ἀνάστασιν νεκρῶν. Καὶ ζωὴν τοῦ μέλλοντος αἰῶνος. Ἀμήν. ΤΟ «ΠΑΤΕΡ ΗΜΩΝ» (ΚΥΡΙΑΚΗ ΠΡΟΣΕΥΧΗ) Πάτερ ἡμῶν ὁ ἐν τοῖς οὐρανοῖς, ἁγιασθήτω τὸ ὄνομά σου, ἐλθέτω ἡ βασιλεία σου, γενηθή- τω τὸ θέλημά σου, ὡς ἐν οὐρανῷ καὶ ἐπὶ τῆς γῆς. Τὸν ἄρτον ἡμῶν τὸν ἐπιούσιον δὸς ἡμῖν σήμερον. Καὶ ἄφες ἡμῖν τὰ ὀφειλήματα ἡμῶν, ὡς καὶ ἡμεῖς ἀφίεμεν τοῖς ὀφειλέταις ἡμῶν. Καὶ μὴ εἰσενέγκῃς ἡμᾶς εἰς πειρασμόν, ἀλλὰ ῥῦσαι ἡμᾶς ἀπὸ τοῦ πονηροῦ. Ἀμήν.

ΕΩΘΙΝΗ ΠΡΟΣΕΥΧΗ Εἰς τὸ ὄνομα τοῦ Πατρὸς καὶ τοῦ Υἱοῦ καὶ τοῦ Ἁγίου Πνεύματος. Ἀμήν. Δόξα σοι, ὁ Θεὸς ἡμῶν, δόξα σοι. Βασιλεῦ οὐράνιε, Παράκλητε, τὸ Πνεῦμα τῆς ἀληθείας, ὁ πανταχοῦ παρῶν καὶ τὰ πάντα πλη- ρῶν, ὁ θησαυρὸς τῶν ἀγαθῶν καὶ ζωῆς χορηγός, ἐλθὲ καὶ σκήνωσον ἐν ἡμῖν καὶ καθάρισον ἡμᾶς ἀπὸ πάσης κηλῖδος καὶ σῶσον, Ἀγαθέ, τὰς ψυχὰς ἡμῶν. Ἅγιος ὁ Θεός, Ἅγιος Ἰσχυρός, Ἅγιος Ἀθάνα- τος, ἐλέησον ἡμᾶς (τρίς). Δόξα Πατρὶ καὶ Υἱῷ καὶ Ἁγίῳ Πνεύματι· καὶ νῦν καὶ ἀεὶ καὶ εἰς τοὺς αἰῶνας τῶν αἰώνων. Ἀμήν. Παναγία Τριάς, ἐλέησον ἡμᾶς. Κύριε, ἱλάσθη- τι ταῖς ἁμαρτίαις ἡμῶν. Δέσποτα, συγχώρησιν

8 ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ τὰς ἀνομίας ἡμῖν. Ἅγιε, ἐπίσκεψαι καὶ ἴασαι τὰς ἀσθενείας ἡμῶν, ἕνεκεν τοῦ ὀνόματός σου. Κύ- ριε, ἐλέησον· Κύριε, ἐλέησον· Κύριε ἐλέησον. Δόξα. Καὶ νῦν. Πάτερ ἡμῶν ὁ ἐν τοῖς οὐρανοῖς, ἁγιασθήτω τὸ ὄνομά σου. Ἐλθέτω ἡ βασιλεία σου. Γενηθή- τω τὸ θέλημά σου, ὡς ἐν οὐρανῷ καὶ ἐπὶ τῆς γῆς. Τὸν ἄρτον ἡμῶν τὸν ἐπιούσιον δὸς ἡμῖν σήμερον. Καὶ ἄφες ἡμῖν τὰ ὀφειλήματα ἡμῶν, ὡς καὶ ἡμεῖς ἀφίεμεν τοῖς ὀφειλέταις ἡμῶν. Καὶ μὴ εἰσενέγκῃς ἡμᾶς εἰς πειρασμόν, ἀλλὰ ῥῦσαι ἡμᾶς ἀπὸ τοῦ πονηροῦ. Ὅτι σοῦ ἐστιν ἡ βασιλεία, καὶ ἡ δύναμις, καὶ ἡ δόξα, τοῦ Πατρός, καὶ τοῦ Υἱοῦ, καὶ τοῦ Ἁγίου Πνεύματος, νῦν καὶ ἀεί, καὶ εἰς τοὺς αἰῶνας τῶν αἰώνων. Ἀμήν. Τροπάριον. Ἦχος πλ. β΄. Τῆς νυκτὸς διελθούσης ἤγγικεν ἡ ἡμέρα, καὶ τὸ φῶς τῷ κόσμῳ ἐπέλαμψε· διὰ τοῦτο ὑμνεῖ σε τάγματα ἀγγέλων καὶ δοξολογεῖ σε. Χριστὲ ὁ Θεός.

ΕΩΘΙΝΗ ΠΡΟΣΕΥΧΗ 9 Εὐχαριστήριος εὐχὴ μεθ᾽ ἱκεσίας. Ἐκ τοῦ ὕπνου ἐξανιστάμενος εὐχαριστῶ σοι, Ἁγία Τριάς, ὅτι διὰ τὴν πολλήν σου ἀγαθότητα καὶ μακροθυμίαν οὐκ ὠργίσθης ἐμοὶ τῷ ῥαθύμῳ καὶ ἁμαρτωλῷ οὐδέ συναπώλεσάς με ταῖς ἀνο- μίαις μου, ἀλλ᾽ ἐφιλανθρωπεύσω συνήθως καὶ πρὸς ἀπόγνωσιν κείμενον ἤγειράς με εἰς τὸ ὀρ- θρίσαι καὶ δοξολογῆσαι τὸ κράτος σου. Καὶ νῦν φώτισόν μου τὰ ὄμματα τῆς διανοί- ας, ἄνοιξόν μου τὸ στόμα τοῦ μελετᾶν τὰ λόγιά σου καὶ συνιέναι τὰς ἐντολάς σου καὶ ποιεῖν τὸ θέλημά σου καὶ ψάλλειν σοι ἐν ἐξομολογήσει καρδίας καὶ ἀνυμνεῖν τὸ πανάγιον ὄνομά σου, τοῦ Πατρὸς καὶ τοῦ Υἱοῦ καὶ τοῦ Ἁγίου Πνεύμα- τος, νῦν καὶ ἀεὶ καὶ εἰς τοὺς αἰῶνας τῶν αἰώνων. Ἀμήν. Εὐχὴ ἑτέρα. ∆όξα σοι, Βασιλεῦ, Θεὲ Παντοκράτορ, ὅτι τῇ θείᾳ σου καὶ φιλανθρώπῳ προνοίᾳ ἠξίωσάς με τὸν ἁμαρτωλὸν καὶ ἀνάξιον ἐξ ὕπνου ἀναστῆναι καὶ τυχεῖν τῆς εἰσόδου τοῦ ἁγίου σου οἴκου.

10 ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ ∆έξαι, Κύριε, καὶ τὴν φωνὴν τῆς δεήσεώς μου, ὡς τῶν ἁγίων καὶ νοερῶν σου δυνάμεων καί εὐδόκησον ἐν καρδίᾳ καθαρᾷ καὶ πνεύματι τα- πεινώσεως προσενεχθῆναί σοι τὴν ἐκ τῶν ῥυπα- ρῶν χειλέων μου αἴνεσιν, ὅπως κἀγὼ κοινωνὸς γένωμαι τῶν φρονίμων παρθένων ἐν φαιδρᾷ λαμπηδόνι τῆς ψυχῆς μου καὶ δοξάζω σὲ τὸν ἐν Πατρὶ καὶ Πνεύματι δοξαζόμενον Θεὸν Λόγον. Ἀμήν. Εὐχὴ ἑτέρα. Αἰνοῦμεν, ὑμνοῦμεν, εὐλογοῦμεν καὶ εὐχαρι- στοῦμέν σοι, ὁ Θεὸς τῶν πατέρων ἡμῶν, ὅτι πα- ρήγαγες τὴν σκιὰν τῆς νυκτὸς καὶ ἔδειξας ἡμῖν πά- λιν τὸ φῶς τῆς ἡμέρας. Ἀλλ᾽ ἱκετεύομεν τὴν σὴν ἀγαθότητα· ἱλάσθητι ταῖς ἁμαρτίαις ἡμῶν καὶ πρόσδεξαι τὴν δέησιν ἡμῶν ἐν τῇ μεγάλῃ σου εὐ- σπλαγχνίᾳ, ὅτι πρὸς σὲ καταφεύγομεν τὸν ἐλεή- μονα καὶ παντοδύναμον Θεόν. Λάμψον ἐν ταῖς καρδίαις ἡμῶν τὸν ἀληθινὸν ἥλιον τῆς δικαιοσύνης σου· φώτισον τὸν νοῦν ἡμῶν καὶ τὰς αἰσθήσεις ὅλας διατήρησον, ἵνα, ὡς

ΕΩΘΙΝΗ ΠΡΟΣΕΥΧΗ 11 ἐν ἡμέρᾳ εὐσχημόνως περιπατοῦντες τὴν ὁδὸν τῶν ἐντολῶν σου, καταντήσωμεν εἰς τὴν ζωὴν τὴν αἰώνιον, ὅτι παρὰ σοὶ ἐστιν ἡ πηγὴ τῆς ζωῆς, καὶ ἐν ἀπολαύσει γενέσθαι καταξιωθῶμεν τοῦ ἀπρο- σίτου φωτός. Ὅτι σὺ εἶ ὁ Θεὸς ἡμῶν, καὶ σοὶ τὴν δόξαν ἀναπέμπομεν, τῷ Πατρὶ καὶ τῷ Υἱῷ καὶ τῷ Ἁγίῳ Πνεύματι, νῦν καὶ ἀεὶ καὶ εἰς τοὺς αἰῶνας τῶν αἰώνων. Ἀμήν. Εὐχὴ τοῦ ἁγίου Εὐστρατίου (ἀναγινωσκομένη τῷ Σαββάτῳ) Μεγαλύνων μεγαλύνω σε, Κύριε, ὅτι ἐπεῖδες ἐπὶ τὴν ταπείνωσίν μου καὶ οὐ συνέκλεισάς με εἰς χεῖρας ἐχθρῶν, ἀλλ᾽ ἔσωσας ἐκ τῶν ἀναγκῶν τὴν ψυχήν μου. Καὶ νῦν, Δέσποτα, σκεπασάτω με ἡ χείρ σου καὶ ἔλθοι ἐπ᾽ ἐμὲ τὸ ἔλεός σου, ὅτι τε- τάρακται ἡ ψυχή μου καὶ κατώδυνός ἐστιν ἐν τῷ ἐκπορεύεσθαι αὐτὴν ἐκ τοῦ ἀθλίου μου καὶ ῥυ- παροῦ σώματος τούτου, μή ποτε ἡ πονηρὰ τοῦ ἀντικειμένου βουλὴ συναντήσῃ καὶ παρεμπο- δίσῃ αὐτὴν διὰ τὰς ἐν ἀγνοίᾳ καὶ γνώσει ἐν τῷ βίῳ τούτῳ γενομένας μοι ἁμαρτίας. Ἵλεως γενοῦ

12 ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ μοι, Δέσποτα, καὶ μὴ ἰδέτω ἡ ψυχή μου τὴν ζο- φερὰν καὶ σκοτεινὴν ὄψιν τῶν πονηρῶν δαιμό- νων, ἀλλὰ παραλαβέτωσαν αὐτὴν ἄγγελοί σου φαιδροὶ καὶ φωτεινοί. Δὸς δόξαν τῷ ὀνόματί σου τῷ ἁγίῳ καὶ τῇ σῇ δυνάμει ἀνάγαγέ με εἰς τὸ θεῖ- ον σου βῆμα. Ἐν τῷ κρίνεσθαί με μὴ καταλάβοι με ἡ χεὶρ τοῦ ἄρχοντος τοῦ κόσμου τούτου εἰς τὸ κατα- σπάσαι με τὸν ἁμαρτωλὸν εἰς βυθὸν ᾅδου, ἀλλὰ παράστηθί μοι καὶ γενοῦ μοι σωτὴρ καὶ ἀντιλή- πτωρ. Ἐλέησον, Κύριε, τὴν ῥυπωθεῖσαν τοῖς πά- θεσι τοῦ βίου ψυχήν μου καὶ καθαρὰν αὐτὴν διὰ μετανοίας καὶ ἐξομολογήσεως πρόσδεξαι, ὅτι εὐ- λογητὸς εἶ εἰς τοὺς αἰῶνας τῶν αἰώνων. Ἀμήν. Καὶ εὐθύς. Ἄξιόν ἐστιν ὡς ἀληθῶς, μακαρίζειν σε τὴν Θεοτόκον, τὴν ἀειμακάριστον καὶ παναμώμητον καὶ Μητέρα τοῦ Θεοῦ ἡμῶν. Τὴν τιμιωτέραν τῶν Χερουβὶμ καὶ ἐνδοξοτέραν ἀσυγκρίτως τῶν Σε- ραφίμ, τὴν ἀδιαφθόρως Θεὸν Λόγον τεκοῦσαν, τὴν ὄντως Θεοτόκον σὲ μεγαλύνομεν.

ΕΩΘΙΝΗ ΠΡΟΣΕΥΧΗ 13 Πᾶσαι τῶν ἀγγέλων αἱ στρατιαί, Πρόδρομε Κυρίου, ἀποστόλων ἡ δωδεκάς, οἱ ἅγιοι πάντες μετὰ τῆς Θεοτόκου, ποιήσατε πρεσβείαν, εἰς τὸ σωθῆναι ἡμᾶς. Θεοτόκε παρθένε, χαῖρε κεχαριτωμένη Μα- ρία, ὁ Κύριος μετὰ σοῦ· εὐλογημένη σὺ ἐν γυ- ναιξί, καὶ εὐλογημένος ὁ καρπὸς τῆς κοιλίας σου, ὅτι σωτῆρα ἔτεκες τῶν ψυχῶν ἡμῶν. Βαπτιστὰ τοῦ Χριστοῦ, πάντων ἡμῶν μνήσθη- τι, ἵνα ῥυσθῶμεν τῶν ἀνομιῶν ἡμῶν· σοὶ γὰρ ἐ- δόθη χάρις πρεσβεύειν ὑπὲρ ἡμῶν. Δόξα. Ἱκετεύσατε ὑπὲρ ἡμῶν, ἅγιοι ἀπόστοιλοι καὶ ἅγιοι πάντες, ἵνα ῥυσθῶμεν κινδύνων καὶ θλίψε- ων· ὑμᾶς γὰρ θερμοὺς προστάτας πρὸς τὸν Σωτῆ- ρα κεκτήμεθα. Καὶ νῦν. Ὑπὸ τὴν σὴν εὐσπλαγχνίαν καταφεύγομεν, Θεοτόκε· τὰς ἡμῶν ἱκεσίας μὴ παρίδῃς ἐν περι- στάσει, ἀλλ᾽ ἐκ κινδύνων λύτρωσαι ἡμᾶς, μόνη ἁγνή, μόνη εὐλογημένη.

14 ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ Τὸ «Κύριε, ἐλέησον» μ΄ (40). Εὐξώμεθα ὑπὲρ εἰρήνης τοῦ σύμπαντος κό- σμου (εἰς ἑκάστην εὐχὴν λέγομεν «Κύριε, ἐλέη- σον»). Ὑπὲρ τῶν εὐσεβῶν καὶ ὀρθοδόξων χριστια- νῶν. Ὑπὲρ τοῦ εὐσεβοῦς ἡμῶν ἔθνους καὶ πάσης ἀρχῆς καὶ ἐξουσίας ἐν αὐτῷ. Ὑπὲρ εὐοδώσεως καὶ ἐνισχύσεως τοῦ φιλοχρί- στου στρατοῦ. Ὑπὲρ τοῦ ἀρχιεπισκόπου ἡμῶν (δεῖνος) καὶ πά- σης τῆς ἐν Χριστῷ ἡμῶν ἀδελφότητος. Ὑπὲρ τῶν ἀπολειφθέντων πατέρων καὶ ἀδελ- φῶν ἡμῶν. Ὑπὲρ τῶν μισούντων καὶ ἀγαπώντων ἡμᾶς. Ὑπὲρ τῶν ἐλεούντων καὶ διακονούντων ἡμῖν. Ὑπὲρ τῶν ἐντειλαμένων ἡμῖν τοῖς ἀναξίοις εὔχεσθαι ὑπὲρ αὐτῶν. Ὑπὲρ ἀναρρύσεως τῶν αἰχμαλώτων. Ὑπὲρ τῶν ἐν θαλάσσῃ καλῶς πλεόντων. Ὑπὲρ τῶν ἐν ἀσθενείαις κατακειμένων.

ΕΩΘΙΝΗ ΠΡΟΣΕΥΧΗ 15 Εὐξώμεθα καὶ ὑπὲρ εὐφορίας τῶν καρπῶν τῆς γῆς. Καὶ ὑπὲρ πάσης ψυχῆς χριστιανῶν ὀρθοδό- ξων. Μακαρίσωμεν τοὺς εὐσεβεῖς βασιλεῖς. Τοὺς ὀρθοδόξους ἀρχιερεῖς. Τοὺς γονεῖς ἡμῶν καὶ διδασκάλους καὶ πάντας τοὺς προαπελθόντας πατέρας καὶ ἀδελφοὺς ἡ- μῶν τοὺς ἐνθάδε εὐσεβῶς κειμένους καὶ τοὺς ἁπανταχοῦ ὀρθοδόξους. Εἴπωμεν καὶ ὑπὲρ ἑαυτῶν τὸ «Κύριε, ἐλέησον· Κύριε, ἐλέησον· Κύριε, ἐλέησον». Ἐν τῇ σκέπῃ τῶν πτερύγων σου σκεπασθή- σομαι καὶ ὑπνώσω, ὅτι σύ, Κύριε, κατὰ μόνας ἐπ᾽ ἐλπίδι κατῴκισάς με. Δόξα. Καὶ νῦν. Εἰς χεῖράς σου, Κύριε, παρατίθημι τὴν ψυχὴν καὶ τὸ σῶμά μου· αὐτός με εὐλόγησον, αὐτός με ἐλέησον καὶ ζωὴν τὴν αἰώνιον χάρισαί μοι. Ἀμήν.

ΑΚΟΛΟΥΘΙΑ ΤΟΥ ΟΡΘΡΟΥ Τρισάγιον. Δόξα, Καὶ νῦν. Παναγία Τριάς. Δό- ξα, Καὶ νῦν. Πάτερ ἡμῶν. Ὅτι σοῦ ἐστιν. Σῶσον, Κύριε, τὸν λαόν σου. Δόξα. Ὁ ὑψωθείς. Καὶ νῦν. Προστασία. Εἶτα ἀναγινώσκεται ὁ ἑξάψαλμος. (Βλέπε πάντα ταῦτα εἰς ὄρθρον μεγάλης Δευτέ- ρας). Μετὰ τὸν ἑξάψαλμον Θεὸς Κύριος καὶ ἐπέφανεν ἡμῖν· εὐλογημένος ὁ ἐρχόμενος ἐν ὀνόματι Κυρίου. Στίχ. Ἐξομολογεῖσθε τῷ Κυρίῳ, καὶ ἐπικαλεῖ- σθε τὸ ὄνομα τὸ ἅγιον αὐτοῦ. Στίχ. Πάντα τὰ ἔθνη ἐκύκλωσάν με, καὶ τῷ ὀνό- ματι Κυρίου ἠμυνάμην αὐτούς. Στίχ. Παρὰ Κυρίου ἐγένετο αὕτη, καὶ ἔστι θαυ- μαστὴ ἐν ὀφθαλμοῖς ἡμῶν. Εἶτα λέγομεν τὸ τροπάριον τῆς ἡμέρας:

ΑΚΟΛΟΥΘΙΑ ΤΟΥ ΟΡΘΡΟΥ 17 Τῇ Κυριακῇ ἑσπέρας, καὶ τῇ Δευτέρᾳ πρωί. Ἦχος δ΄. Τῶν οὐρανίων στρατιῶν ἀρχιστράτηγοι, δυ- σωποῦμεν ὑμᾶς ἡμεῖς οἱ ἀνάξιοι, ἵνα ταῖς ὑμῶν δεήσεσι, τειχίσητε ἡμᾶς, σκέπῃ τῶν πτερύγων τῆς ἀύλου ὑμῶν δόξης, φρουροῦντες ἡμᾶς προ- σπίπτοντας, ἐκτενῶς καὶ βοῶντας· Ἐκ τῶν κινδύ- νων λυτρώσασθε ἡμᾶς, ὡς ταξιάρχαι τῶν ἄνω δυνάμεων. Θεοτοκίον. Τῇ ἀνατραφείσῃ ἐν τῷ ναῷ, εἰς τὰ Ἅγια τῶν Ἁγίων, τῇ περιβεβλημένῃ τὴν πίστιν καὶ τὴν σο- φίαν καὶ τὴν ἄμεμπτον παρθενίαν, ὁ ἀρχιστρά- τηγος Γαβριὴλ προσέφερεν οὐρανόθεν τὸν ἀ- σπασμόν, καὶ τὸ Χαῖρε· Χαῖρε εὐλογημένη· χαῖρε δεδοξασμένη· ὁ Κύριος μετὰ σοῦ. Τῇ Δευτέρᾳ ἑσπέρας καὶ τῇ Τρίτῃ πρωί. Ἦχος β΄. Μνήμη δικαίου μετ᾽ ἐγκωμίων· σοὶ δὲ ἀρκέ- σει ἡ μαρτυρία τοῦ Κυρίου, Πρόδρομε, ἀνεδεί- χθης γὰρ ὄντως καὶ προφητῶν σεβασμιώτερος,

18 ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ ὅτι καὶ ἐν ῥείθροις βαπτίσαι κατηξιώθης τὸν κη- ρυττόμενον. Ὅθεν τῆς ἀληθείας ὑπεραθλήσας, χαίρων εὐηγγελίσω καὶ τοῖς ἐν ᾅδῃ, Θεὸν φανε- ρωθέντα ἐν σαρκί, τὸν αἴροντα τὴν ἁμαρτίαν τοῦ κόσμου, καὶ παρέχοντα ἡμῖν τὸ μέγα ἔλεος. Θεοτοκίον. Θείας γεγόναμεν κοινωνοὶ φύσεως, διὰ σοῦ, Θεοτόκε ἀειπάρθενε· Θεὸν γὰρ ἡμῖν σεσαρκω- μένον τέτοκας· κατὰ χρέος διό σε πάντες, εὐσε- βῶς μεγαλύνομεν. Τῇ Τρίτῃ καὶ τῇ Πέμπτῃ πρωί· καὶ τῇ Πέμπτῃ ἑσπέρας καὶ τῇ Παρασκευῇ πρωί. Ἦχος α΄. Σῶσον, Κύριε, τὸν λαόν σου, καὶ εὐλόγησον τὴν κληρονομίαν σου, νίκας τοῖς βασιλεῦσι κατὰ βαρβάρων δωρούμενος, καὶ τὸ σὸν φυλάττων, διὰ τοῦ σταυροῦ σου πολίτευμα. Σταυροθεοτοκίον. Οἱ τὴν σὴν προστασίαν, κεκτημένοι Ἄχραντε, καὶ ταῖς σαῖς ἱκεσίαις τῶν δεινῶν ἐκλυτρούμενοι, τῷ σταυρῷ τοῦ Υἱοῦ σου ἐν παντὶ φρουρούμενοι,

ΑΚΟΛΟΥΘΙΑ ΤΟΥ ΟΡΘΡΟΥ 19 κατὰ χρέος σε πάντες, εὐσεβῶς μεγαλύνομεν. Τῇ Τετάρτῃ ἑσπέρας καί τῇ Πέμπτῃ πρωί. Ἦχος γ΄. Ἀπόστολοι ἅγιοι, πρεσβεύσατε τῷ ἐλεήμονι Θεῷ, ἵνα πταισμάτων ἄφεσιν, παράσχῃ ταῖς ψυ- χαῖς ἡμῶν. Ἕτερον. Ἦχος δ΄. Κανόνα πίστεως καὶ εἰκόνα πραότητος, ἐγ- κρατείας διδάσκαλον, ἀνέδειξέ σε τῇ ποίμνῃ σου, ἡ τῶν πραγμάτων ἀλήθεια· διὰ τοῦτο ἐκτήσω τῇ ταπεινώσει τὰ ὑψηλά, τῇ πτωχείᾳ τὰ πλούσια, πάτερ ἱεράρχα Νικόλαε· πρέσβευε Χριστῷ τῷ Θεῷ, σωθῆναι τὰς ψυχὰς ἡμῶν. Θεοτοκίον. Τὸν Λόγον τοῦ Πατρός, Χριστὸν τὸν Θεὸν ἡ- μῶν, ἐκ σοῦ σαρκωθέντα ἔγνωμεν, Θεοτόκε Παρ- θένε, μόνη ἁγνή, μόνη εὐλογημένη· διὸ ἀπαύ- στως σὲ ἀνυμνοῦντες μεγαλύνομεν. Τῇ Παρασκευῇ ἑσπέρας καὶ τῷ Σαββάτῳ πρωί. Ἦχος β΄.

20 ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ Ἀπόστολοι, μάρτυρες καὶ προφῆται, ἱεράρ- χαι, ὅσιοι καὶ δίκαιοι, οἱ καλῶς τὸν ἀγῶνα τελέ- σαντες καὶ τὴν πίστιν τηρήσαντες, παρρησίαν ἔχοντες πρὸς τὸν Σωτῆρα, ὑπὲρ ἡμῶν αὐτὸν ὡς ἀγαθὸν ἱκετεύσατε, σωθῆναι δεόμεθα τὰς ψυχὰς ἡμῶν. Δόξα. Νεκρώσιμον. Μνήσθητι, Κύριε, ὡς ἀγαθὸς τῶν δούλων σου, καὶ ὅσα ἐν βίῳ ἥμαρτον συγχώρησον· οὐδεὶς γὰρ ἀναμάρτητος, εἰ μὴ σὺ ὁ δυνάμενος, καὶ τοῖς με- ταστᾶσι δοῦναι τὴν ἀνάπαυσιν. Καὶ νῦν. Θεοτοκίον. Μῆτερ ἁγία, ἡ τοῦ ἀφράστου φωτός, ἀγγελι- κοῖς σε ὕμνοις τιμῶντες, εὐσεβῶς μεγαλύνομεν. Καθίσματα κατανυκτικά. Ἦχος α΄. Τὸν τάφον σου Σωτήρ. Ἀγκάλας πατρικάς, διανοῖξαί μοι σπεῦσον, ἀσώτως τὸν ἐμόν, κατηνάλωσα βίον· εἰς πλοῦτον ἀδαπάνητον, ἀφορῶν τῶν οἰκτιρμῶν σου Σωτήρ· νῦν πτωχεύουσαν, μὴ ὑπερίδῃς καρδίαν· σοὶ

ΑΚΟΛΟΥΘΙΑ ΤΟΥ ΟΡΘΡΟΥ 21 γάρ, Κύριε, ἐν κατανύξει κραυγάζω· Ἥμαρτόν σοι, σῶσόν με. Δόξα. Ὁ αὐτός. Τὸ βῆμά σου φρικτόν, καὶ ἡ κρίσις δικαία, τὰ ἔργα μου δεινά, ἀλλ᾽ αὐτὸς ἐλεῆμον, προφθάσας με διάσωσον, καὶ κολάσεως λύτρωσαι· ῥῦσαι Δέ- σποτα, τῆς τῶν ἐρίφων μερίδος, καὶ ἀξίωσον, ἐκ δεξιῶν σού με στῆναι, κριτὰ δικαιότατε. Καὶ νῦν. Θεοτοκίον. Ὅμοιον. Κυβέρνησον ἁγνή, τὴν ἀθλίαν ψυχήν μου, καὶ οἴκτιρον αὐτὴν ὑπὸ πλήθους πταισμάτων, βυθῷ ὀλισθαίνουσαν, ἀπωλείας πανάμωμε· καὶ ἐν ὥρᾳ με, τῇ φοβερᾷ τοῦ θανάτου, ἐλευθέρωσον, κα- τηγορούντων δαιμόνων, φρικτῆς ἀποφάσεως. Μετὰ τὴν γ΄ στιχολογίαν ἕτερα καθίσματα. Ἦχος α΄. Τὸν τάφον σου Σωτήρ. Ἀφρόνως ἀπὸ σοῦ, μακρυνθεὶς Πανοικτίρ- μον, ἀσώτως τὸν ἐμὸν ἐδαπάνησα βίον, δουλεύ- ων τοῖς πάθεσι, τοῖς ἀλόγοις ἑκάστοτε· ἀλλὰ δέ- ξαι με, ταῖς τῶν ἀγγέλων πρεσβείας, πάτερ εὔ-

22 ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ σπλαγχνε, ὥσπερ τὸν ἄσωτον παῖδα, καὶ σῶσόν με δέομαι. Δόξα. Ὁ αὐτός. Μαρτυρικόν. Ἀθλήσεως καύχημα καὶ στεφάνων ἀξίωμα, οἱ ἔνδοξοι ἀθλοφόροι, περιβέβληνταί σε, Κύριε· καρτερίᾳ γὰρ αἰκισμῶν, τοὺς ἀνόμους ἐτροπώ- σαντο, καὶ δυνάμει θεϊκῇ, ἐξ οὐρανοῦ τὴν νίκην ἐδέξαντο. Αὐτῶν ταῖς ἱκεσίαις, ἐλευθέρωσον τοῦ ἀοράτου ἐχθροῦ Σωτήρ, καὶ σῶσόν με. Καὶ νῦν. Θεοτοκίον. Ἦχος ὁ αὐτός. Τὸν τάφον σου Σωτήρ. Ἀύλων στρατιῶν, ὑπερέχουσα κόρη, καὶ τά- ξεις οὐρανοῦ ὑπερβαίνουσα μόνη, ἐπάξιον τὴν αἴνεσιν, παρ᾽ αὐτῶν δέχῃ, Πάναγνε· ἀλλὰ πρέ- σβευε, τῷ σῷ Υἱῷ σὺν ἀγγέλοις, τοῦ ῥυσθῆναί με τῆς τῶν παθῶν τυραννίδος, τὸν μόνον κατάκρι- τον. Τῷ Σαββάτῳ λέγομεν καὶ τὰ ἑξῆς νεκρώσιμα εὐλογητάρια. Ἑκάστου δὲ αὐτῶν προτάσσομεν τό:

ΑΚΟΛΟΥΘΙΑ ΤΟΥ ΟΡΘΡΟΥ 23 Εὐλογητὸς εἶ, Κύριε, δίδαξόν με τὰ δικαιώ- ματά σου. Τῶν ἁγίων ὁ χορὸς εὗρε πηγὴν τῆς ζωῆς, καὶ θύραν Παραδείσου· εὕρω κἀγώ, τὴν ὁδὸν διὰ τῆς μετανοίας, τὸ ἀπολωλὸς πρόβατον ἐγώ εἰμι· ἀνα- κάλεσαί με, Σωτήρ, καὶ σῶσόν με. Εἰκών εἰμι τῆς ἀρρήτου δόξης σου, εἰ καὶ στίγ- ματα φέρω πταισμάτων· οἰκτίρησον τὸ σὸν πλά- σμα, Δέσποτα, καὶ καθάρισον σῇ εὐσπλαγχνίᾳ, καὶ τὴν ποθεινὴν πατρίδα παράσχου μοι, παρα- δείσου πάλιν ποιῶν πολίτην με. Ὁ πάλαι μὲν ἐκ μὴ ὄντων πλάσας με, καὶ εἰκό- νι σου θείᾳ τιμήσας, παραβάσει ἐντολῆς δὲ πάλιν με ἐπιστρέψας, εἰς γῆν ἐξ ἧς ἐλήφθην, εἰς τὸ καθ᾽ ὁμοίωσιν ἐπαναγάγε, τὸ ἀρχαῖον κάλλος ἀνα- μορφώσασθαι. Ἀνάπαυσον ὁ Θεὸς τοὺς δούλους σου, καὶ κα- τάταξον αὐτοὺς ἐν παραδείσῳ, ὅπου χοροὶ τῶν ἁγίων Κύριε, καὶ οἱ δίκαιοι ἐκλάμψουσιν ὡς φω- στῆρες· τοὺς κεκοιμημένους δούλους σου ἀνά- παυσον, παρορῶν αὐτῶν πάντα τὰ ἐγκλήματα.

24 ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ Δόξα Πατρί. Τὸ τριλαμπὲς τῆς μιᾶς Θεότητος, εὐσεβῶς ὑμνήσωμεν βοῶντες· ἅγιος εἶ ὁ Πατὴρ ὁ ἄναρ- χος, ὁ συνάναρχος Υἱός, καὶ τὸ θεῖον Πνεῦμα· φώτισον ἡμᾶς πίστει σοι λατρεύοντας, καὶ τοῦ αἰωνίου πυρὸς ἐξάρπασον. Καὶ νῦν. Χαῖρε σεμνή, ἡ Θεὸν σαρκὶ τεκοῦσα εἰς πάν- των σωτηρίαν, δι᾽ ἧς γένος τῶν ἀνθρώπων εὕρα- το τὴν σωτηρίαν· διὰ σοῦ εὕροιμεν παράδεισον, Θεοτόκε ἁγνὴ εὐλογημένη. Ἀλληλούια, ἀλληλούια, ἀλληλούια, δόξα σοι, ὁ Θεός (γ΄). Ἐὰν δὲ εἶναι Κυριακή, ἀντὶ τῶν νεκρωσίμων λέ- γομεν τὰ ἀναστάσιμα εὐλογητάρια. Εἶτα τὸ «Ἐλέ- ησόν με, ὁ Θεός» (σελὶς 63). Εἶτα ψάλλομεν τὴν ᾠδὴν τῆς Θεοτόκου. Μεγαλύνει ἡ ψυχή μου τὸν Κύριον, καὶ ἠγαλ- λίασε τὸ πνεῦμά μου ἐπὶ τῷ Θεῷ τῷ σωτῆρί μου. Τὴν τιμιωτέραν τῶν Χερουβὶμ καὶ ἐνδοξοτέ- ραν ἀσυγκρίτως τῶν Σεραφίμ, τὴν ἀδιαφθόρως

ΑΚΟΛΟΥΘΙΑ ΤΟΥ ΟΡΘΡΟΥ 25 Θεὸν Λόγον τεκοῦσαν, τὴν ὄντως Θεοτόκον σὲ μεγαλύνομεν. Ὅτι ἐπέβλεψεν ἐπὶ τὴν ταπείνωσιν τῆς δού- λης αὐτοῦ· ἰδοὺ γὰρ ἀπὸ τοῦ νῦν μακαριοῦσί με πᾶσαι αἱ γενεαί. Τὴν τιμιωτέραν τῶν Χερουβίμ... Ὅτι ἐποίησέ μοι μεγαλεῖα ὁ δυνατός, καὶ ἅγιον τὸ ὄνομα αὐτοῦ· καὶ τὸ ἔλεος αὐτοῦ εἰς γε- νεὰν καὶ γενεὰν τοῖς φοβουμένοις αὐτόν. Τὴν τιμιωτέραν τῶν Χερουβίμ... Ἐποίησε κράτος ἐν βραχίονι αὐτοῦ· διεσκόρ- πισεν ὑπερηφάνους διανοίᾳ καρδίας αὐτῶν. Τὴν τιμιωτέραν τῶν Χερουβίμ... Καθεῖλε δυνάστας ἀπὸ θρόνων, καὶ ὕψωσε ταπεινούς· πεινῶντας ἐνέπλησεν ἀγαθῶν, καὶ πλουτοῦντας ἐξαπέστειλε κενούς. Τὴν τιμιωτέραν τῶν Χερουβίμ... Ἀντελάβετο Ἰσραὴλ παιδὸς αὐτοῦ, μνησθῆναι ἐλέους, καθὼς ἐλάλησε πρὸς τοὺς πατέρας ἡμῶν, τῷ Ἀβραὰμ καὶ τῷ σπέρματι αὐτοῦ ἕως αἰῶνος. Τὴν τιμιωτέραν τῶν Χερουβίμ... Ἄξιόν ἐστιν ὡς ἀληθῶς, μακαρίζειν σε τὴν

26 ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ Θεοτόκον, τὴν ἀειμακάριστον καὶ παναμώμητον καὶ μητέρα τοῦ Θεοῦ ἡμῶν. Τὴν τιμιωτέραν τῶν Χερουβίμ, καὶ ἐνδοξοτέραν ἀσυγκρίτως τῶν Σε- ραφίμ, τήν ἀδιαφθόρως Θεὸν Λόγον τεκοῦσαν, τὴν ὄντως Θεοτόκον σὲ μεγαλύνομεν. Εἶτα τὸ ἐξαποστειλάριον τῆς ἡμέρας: Τῇ Δευτέρᾳ. Ἦχος γ΄. Αὐτόμελον. Ὁ οὐρανὸν τοῖς ἄστροις, κατακοσμήσας ὡς Θεός, καὶ διὰ τῶν σῶν ἀγγέλων, πᾶσαν τὴν γῆν φωταγωγῶν· δημιουργὲ τῶν ἁπάντων, τοὺς ἀνυ- μνοῦντάς σε σῷζε. Θεοτοκίον. Ὅμοιον. Ὁ γλυκασμὸς τῶν ἀγγέλων, τῶν θλιβομένων ἡ χαρά, χριστιανῶν ἡ προστάτις, παρθένε μήτηρ Κυρίου, ἀντιλαβοῦ μου καὶ ῥῦσαι τῶν αἰωνίων βασάνων. Τῇ Τρίτῃ. Ἦχος γ΄. Ὅμοιον. Τὸν πρόδρομον Ἰωάννην, καὶ βαπτιστὴν τοῦ Σωτῆρος, τὸν ἐν προφήταις προφήτην, καὶ τῆς ἐ- ρήμου τὸ θρέμμα, τῆς Ἐλισάβετ τὸν γόνον, ἀνευ- φημήσωμεν πάντες.

ΑΚΟΛΟΥΘΙΑ ΤΟΥ ΟΡΘΡΟΥ 27 Θεοτοκίον. Ὁ γλυκασμὸς τῶν ἀγγέλων... (ὡς ἄνω). Τῇ Τετάρτῃ καὶ Παρασκευῇ. Ἦχος β΄. Σταυρός, ὁ φύλαξ πάσης τῆς οἰκουμένης· Σταυρός, ἡ ὡραιότης τῆς ἐκκλησίας· Σταυρός, βα- σιλέων τὸ κραταίωμα· Σταυρὸς πιστῶν τὸ στή- ριγμα· Σταυρὸς ἀγγέλων ἡ δόξα, καὶ τῶν δαιμό- νων τὸ τραῦμα. Σταυροθεοτοκίον. Ὁ οὐρανὸν τοῖς ἄστροις. Ἐν τῷ σταυρῷ παρεστῶσα, ἡ σὲ ἀσπόρως τε- κοῦσα, καὶ θρηνῳδοῦσα ἐβόα· Οἴμοι! γλυκύτα- τον τέκνον! πῶς ἔδυς ἐξ ὀφθαλμῶν μου; πῶς ἐν νεκροῖς ἐλογίσθης; Τῇ Πέμπτῃ. Ἦχος β΄. Γυναῖκες, ἀκουτίσθητε. Εἰς πᾶσαν τὴν ὑφήλιον, δραμόντες ἐκηρύξα- τε, τὴν τοῦ Χριστοῦ ἐκ παρθένου, ἁγίαν σάρκω- σιν ὄντως, ἐκ πλάνης ἐπιστρέφοντες, τὰ ἔθνη καὶ φωτίζοντες, καὶ πάντας ἐκδιδάσκοντες Τριάδα σέβειν ἁγίαν, ἀπόστολοι τοῦ Σωτῆρος. Ὅμοιον.

28 ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ Τὸν μέγαν ἀρχιποίμενα, καὶ ἱεράρχην ἅπαν- τες, τὸν πρόεδρον τῶν Μυρέων, Νικόλαον εὐφη- μοῦμεν· πολλοὺς γὰρ ἄνδρας ἔσωσεν, ἀδίκως θνῄσκειν μέλλοντας· καὶ βασιλεῖ ὀπτάνεται, σὺν Ἀβλαβίῳ κατ᾽ ὄναρ, λύων τὴν ἄδικον ψῆφον. Θεοτοκίον. Ὅμοιον. Μαρία καθαρώτατον, χρυσοῦν θυμιατήριον, τῆς ἀχωρήτου Τριάδος, δοχεῖον γεγενημένη· ἐν ᾧ Πατὴρ ηὐδόκησεν, ὁ δὲ Υἱὸς ἐσκήνωσε, καὶ Πνεῦμα τὸ πανάγιον, ἐπισκιάσαν σοι κόρη, ἀνέ- δειξε Θεοτόκον. Τῷ Σαββάτῳ. Ὁ οὐρανὸν τοῖς ἄστροις. Ὁ καὶ νεκρῶν καὶ ζώντων, ἐξουσιάζων ὡς Θε- ός, καὶ διὰ τῶν σῶν ἁγίων, πᾶσαν τὴν γῆν φωτα- γωγῶν· δημιουργὲ τῶν ἁπάντων, τοὺς ἀνυμνοῦν- τάς σε σῷζε. Θεοτοκίον. Τῶν μαθητῶν ὁρώντων σε. Ἡμεῖς ἐν σοὶ καυχώμεθα, Θεοτόκε, καὶ πρὸς Θεόν σε ἔχομεν προστασίαν· ἔκτεινόν σου τὴν χεῖρα τὴν ἄμαχον, καὶ θραῦσον τοὺς ἐχθροὺς

ΑΚΟΛΟΥΘΙΑ ΤΟΥ ΟΡΘΡΟΥ 29 ἡμῶν· σοῖς ἐξαπόστειλον δούλοις βοήθειαν ἐξ ἁγίου. Εἶτα τὴν μικρὰν δοξολογίαν (σελ. 67) καὶ τὰ παρόντα ἀπόστιχα κατανυκτικὰ τροπάρια. Ἦχος πλ. δ΄. Ὅταν λάβω κατὰ νοῦν, τὰ πλήθη τῶν πε- πραγμένων μοι δεινῶν, καὶ εἰς ἔννοιαν ἔλθω τῆς φοβερᾶς ἐκείνης ἐτάσεως, τρόμῳ συνεχόμενος, πρὸς σὲ καταφεύγω τὸν φιλάνθρωπον Θεόν. Διὸ μή με παρίδῃς ἱκετεύω σε, μόνε ἀναμάρτητε· δώ- ρησαι κατάνυξιν τῇ ταπεινῇ μου ψυχῇ πρὸ τε- λευτῆς, καὶ σῶσόν με. ∆άκρυά μοι δὸς ὁ Θεός, ὡς ποτὲ τῇ γυναικὶ τῇ ἁμαρτωλῷ, καὶ ἀξίωσόν με βρέχειν τοὺς πό- δας σου, τοὺς ἐμὲ ἐκ τῆς ὁδοῦ τῆς πλάνης ἐλευ- θερώσαντας, καὶ μύρον εὐωδίας σοι προσφέ- ρειν, βίον καθαρὸν ἐν μετανοίᾳ μοι κτισθέντα, ἵνα ἀκούσω κἀγὼ τῆς εὐκταίας σου φωνῆς· Ἡ πί- στις σου σέσωκέ σε, πορεύου εἰς εἰρήνην.

30 ΠΡΟΣΕΥΧΗΤΑΡΙΟΝ ΟΡΘΟΔΟΞΟΥ ΧΡΙΣΤΙΑΝΟΥ Μαρτυρικόν. Τί ὑμᾶς καλέσωμεν ἅγιοι; Χερουβίμ, ὅτι ὑμῖν ἐπανεπαύσατο Χριστός· Σεραφίμ, ὅτι ἀπαύστως ἐδοξάσατε αὐτόν· Ἀγγέλους, τὸ γὰρ σῶμα ἀπε- στράφητε· Δυνάμεις, ἐνεργεῖτε ἐν τοῖς θαύμασι· πολλὰ ὑμῶν τὰ ὀνόματα καὶ μείζονα τὰ χαρί- σματα. Πρεσβεύσατε, τοῦ σωθῆναι τὰς ψυχὰς ἡμῶν. Δόξα, Καὶ νῦν. Θεοτοκίον. Τὰ οὐράνια ὑμνεῖ σε, κεχαριτωμένη μῆτερ ἀνύμφευτε, καὶ ἡμεῖς δοξολογοῦμεν, τὴν ἀνεξι- χνίαστόν σου κύησιν· Θεοτόκε πρέσβευε σωθῆ- ναι τὰς ψυχὰς ἡμῶν. Εἶτα τὸ Τρισάγιον. Δόξα, Καὶ νῦν. Παναγία Τριάς. Δόξα, καὶ νῦν. Πάτερ ἡμῶν. Ὅτι σοῦ ἐστιν. Τὸ τροπάριον τοῦ ἁγίου ἤ τὸ τῆς ἡμέρας, καὶ ἀπόλυσις.