HANDLINGBOOKTHE TWELVE APOSTLES CHURCH OF SOUTH AFRICA -FORMAT VERSION 2021

THE TWELVE APOSTLES CHURCH OF SOUTH AFRICA HANDLING BOOK & DOMESTIC RULES

TABLE OF CONTENTS CHAPTER 1: IMISEBENZI YASE BANDLENI 1. UKUBUSISWA KO KWESHUMI 2. UKUPHATHWA KWENKONZO YESITHEBE ESINGCWELE 3. KUDLIWA UMTHENDELEKO 4. INKONZO YOMBHABHADISO OYINGCWELE 5. UKWAMKELA AMALUNGU AMASHA CHAPTER 2: UMSEBENZI YOMSHADO 6. UKUPHATHWA KWENKONZO YOMSHADO OYINGCWELE CHAPTER 3: IMISEBENZI YEMNGCWABO 7. INKAMBISO YOMNGCWABO YEBANDLA 8. INKAMBISO YOMNGCWABO NGOMSHUMAYELI 9. IZINKONZO EZINGAJWAYELEKILE 10. IZIKHATHI ZEZINKONZO (ZEMISEBENZI YENKONZO) 11. UKUHHOCISA INKONZO - “SERVICES CANCELLED” 12. INCEKU EZOPHATHA INKONZO 13. UKUPHATHWA KWAMA-“HANDLINGS” 14. IZIPROFETHO 15. I-EASTER SUNDAY 16. IZINKONZO ZOMNGCWABO 17. IZIPHIWO EZINKONZWENI 18. ABAZOKWAMUKELA ISINAMATHISELO 19. INKONZO YESINAMATHISELO 20. IZIKHATHI ZE-SOCIAL 21. UMTHENDELEKO 22. UKUNGABIKHO ENKONZWENI YOMTHENDELEKO 23. ISINKWA NEWAYINI/ “WINE” ELISELE 24. UMTHENDELEKO WABANTWANA 25. UMTHENDELEKO WABANTWANA ABASANDUKUZALWA 26. WEDNESDAY COMMUNION EVENINGS 27. YOUNG PEOPLE’S EVENINGS 28. MONTHLY CHILDREN’S BIRTHDAY SOCIALS 29. UKUKHULISWA KWABANTWANA “CONFIRMATION” 30. UKUGUBHA ISIHLAHLA SIKAKHISIMUSI (XMAS TREE CELEBRATIONS) 31. IPURAKATHIZI YAMAKHWAYA – “CHOIR PRACTICE” 32. IMISHADO 33. UBHABHATHISO 34. UKWAMKELA AMALUNGU AMASHA THE TWELVE APOSTLES CHURCH OF SOUTH AFRICA | Page 2 of 27

35. INCWADI YOKUVAKASHELA ELINYE IBANDLA 36. IZINCEKU NAMALUNGU NGAMAHOLIDE 37. UKUVAKASHELANA EZINDLINI 38. UKUBEKA IZANDLA KWENCEKU 39. OKWESHUMI 40. UKUBUSISA IBHOKISI LOKWESHUMI 41. UKUNIKWA KWENCEKU IKHEFU – “OFFICER’S FREE EVENINGS” 42. ABOMAMA ABAZETHWELE 43. AMAFA (WILLS & TESTAMENTS) 44. INKONZO YABAGULAYO – “HANDLING OF THE SICK” 45. UMASINCWABANE – “BURIAL BENEFIT SCHEME” 46. I-POLITIKI 47. IMIDLALO 48. UKUBOLEKISANA NGEMALI 49. UKUDINGA OKUNENQINDEZELO 50. UXOLELO LEZONO - “RESERVED SINS” 51. AMA-PIKINIKI - “PICNICS” 52. IZATIFIKHETHI ZOMBHABHATHISO - “BAPTISM CERTIFICATES” 53. UHLELO LOKUBHALISA AMALUNGU AMASHA 54. AMALUNGU ASHINTSHELA KWAMANYE AMABANDLA 55. UKUHOXISWA KWEZITIFIKHETHI - “CANCELLATION OF CERTIFICATES” 56. UKUKHIPHA OKUSE BOKISINI LOKWESHUMI - “CLEARANCE OF OFFERBOX” 57. IZINDLEKO 58. IMALI ESEBANDLENI – “CASH IN HAND” 59. “CASH ACCOUNTS” 60. AMA-AKHAWUNTI ASEBHANGI – “BANK ACCOUNTS” 61. AMATSHEKE WEBHANGI – “BANK CHEQUES” 62. UKUTHUMELA IMALI E-HEAD OFFICE – “REMITTANCE OF MONEY TO H.O” 63. AMA-STAMBU WENKONZO –“CHURCH RUBBER STAMPS 64. IZINCWADI ZENKONZO NAMA-REKHODI AZO – “CHURCH BOOKS AND RECORDS” THE TWELVE APOSTLES CHURCH OF SOUTH AFRICA | Page 3 of 27

CHAPTER 1: IMISEBENZI YASE BANDLENI 1. UKUBUSISWA KO KWESHUMI Inkosi ithi: “Lethani kimi iminikelo yenu yokweshumi, ukuze mina ngiyibusise, kungabikho okweswela endlini kaBaba.” Siyaqonda ukuthi akulona ibhokisi nokuphakathi kwalo okudinga izibusiso, kodwa yibo abathembekile abaletha leminikelo kuwe. Siyacela ukuba babusiswe bonke empilweni nakukho ukwandiselwa, iminyango yasezulwini ivulelwe bona futhi. Ngokwethembeka kwabo badonseke bavukele ekuthembekeni ukuze nabo bafumane izibusiso zakho. Ngokunjalo sibusisa abanjalo egameni likaNkulunkulu uYise, uNkulunkulu iNdodana noNkulunkulu uMoya oyiNgcwele… AMEN. 2. UKUPHATHWA KWENKONZO YESITHEBE ESINGCWELE UKUXOLELWA KWEZONO (Ibandla malisukume) (Izandla zeluliwe) iNceku ithi:- Ekuthunyelweni nguMpostoli ka Kristu nanjengesisebenzi endlini yeNkosi, ngiyanazisa ukuthi zonke izono zenu, enizaziyo neningazaziyo sezixolelwe egameni likaNkulunkulu uYise, uNkulunkulu iNdodana noNkulunkulu uMoya oyiNgcwele…AMEN. UMTHANDAZO (WOKUTHANDAZELA UMTHENDELEKO) Nkosi Nkulunkulu Msindisi wethu, siyakhuleka kuwe ngokuthumela abaPostoli bakho, nesibusiso sakho esichichimayo kuleli tafula esiphinde sahlinzekwa ngalo, njengokuba lamukelwa ngaBapostoli bakho, nathi siphiwe lona, ngoba iNkosi uKristu ngobusuku anikelwa ngabo wathatha isinkwa, sekebongile wasihlephula wathi: “Thathani nidle lokhu kungumzimba wami, ohlephulelwe nina. Yenzani lokhu nikhumbule mina.” Kanjalo-ke sibusisa lesisinkwa egameni likaNkulunkulu uYise, uNkulunkulu iNdodana noNkulunkulu uMoya oyiNgcwele…AMEN. Ngokunjalo wathatha indebe wathi: “Lendebe iyisivumelwano esisha segazi lami. Yenzani lokhu nikhumbule mina.” Ngokunjalo sibusisa lendebe egameni likaNkulunkulu uYise, uNkulunkulu iNdodana noNkulunkulu uMoya oyiNgcwele…AMEN. THE TWELVE APOSTLES CHURCH OF SOUTH AFRICA | Page 4 of 27

3. KUDLIWA UMTHENDELEKO (Kuyakuthi kuhlatshelelwa iculo iBandla linikwe uMthendeleko) ngokuthi:- “Lokhu kungumzimba oyisikhumbuzo seNkosi yethu uKristu. AMEN.” “Lokhu kuyigazi eliyisikhumbuzo seNkosi yethu uKristu. AMEN.” (Ilungu liyakuphinda “uAmen” uma isinkwa nendebe kunikezwa yiNceku. Umzali uyakusho “uAmen” uma umtwana amukela uMthendeleko.) 4. INKONZO YOMBHABHADISO OYINGCWELE Bathandwa, njengamalungu eNkonzo yaBapostoli abayiShumi Nambili, niqinisekile ngomcebo womusa kaNkulunkulu awunikezile kubantwana bakhe, ongowesisekelo sabaPostoli bakhe. Ngalesosizathu, nilethile lomtwana abhabhathiswe ngamanzi okuyisenzo esiyokwenza lomtwana axhunywe esihlahleni sesundu esinguKristu, okulandelwa ubhabhadiso loMlilo noMoya oyiNgcwele. Lokhu kungamandla osindiso uKristu awanikeza umuntu, ekubekweni izandla ngabaPostoli bakhe, ukuze umuntu ahlale phakade eyindlalifa embusweni kaNkulunkulu. Ngokuba ngesenzo sokubekwa izandla esiyiSakramente eliNgcwele uyofumana ukuvikeleka kuleliqhinga elikhulu losindiso, ngoba abanjalo banelungelo kwizethembiso zesivumelwano esiyiNgcwele seNkosi yethu. Ukubekwa izandla kwembula ukuzalwa ngokusha. Embhalweni kaJohn 3 kubhaliwe ukuthi: “Ngiqinisile ngithi kini, ngaphandle kokuba umuntu azalwe ngamanzi nangoMoya oyiNgcwele, angengene embusweni kaNkulunkulu. Okuzelwe yinyama kuyinyama, nokuzelwe ngumoya kungumoya.” KuMarko 10 sifunda ukuthi baletha kuye abantwana ukuba abaphathe, kodwa abafundi bakhe babakhuza ababalethile. Kodwa uJesu uma ebona lokho akajabulanga, wathi kubo: “Vumelani abantwana beze kimi, ningabanqabeli ngokuba umbuso ka Nkulunkulu ungowabanjalo.” Kanjalo-ke bathandwa, kusobala kithina ukuthi kushoni ukuma kwenu lapha, njengabazali nawofakazi balaba bantwana. Njengoba Umbhabhadiso ungcwele, kuyimfanelo yami phambi kuka Nkulunkulu naleliBandla elingawofakazi, ukunibuza lemibuzo, okumele niphendulele lababantwana. 4.1. Umbuzo 1 (Kubazali): intando kaNkulunkulu nokulandela Niyakumfundisa lomtwana ukuthobela ezinyathelweni zeNkosi uKristu-na? Impendulo : Yebo. Ngosizo lukaNkulunkulu siyokwenzenjalo. THE TWELVE APOSTLES CHURCH OF SOUTH AFRICA | Page 5 of 27

4.2. Umbuzo 2 (Kwo fakazi): Uma uNkulunkulu ngomlayezo wakhe nangokwazi kwakhe emelwa ukubiza uyise nonina balengane kulempilo yalenyama, engakakhuli ukuba nengqondo, nizimisele yini ukuthatha impendulelo yokulondoloza umphefumulo walomtwana? Nanjengawofakazi, nizimisele yini ukuzibophela kwizithembiso esezenziwe ngabazali balomtwana? Impendulo: Yebo. Siyathembisa konke lokhu ngosizo lukaNkulunkulu. UMTHANDAZO KUNKULUNKULU WOKUTHANDAZELA UMTWANA. Somandla Nkulunkulu onomusa, Baba siyakuthandaza wena ngalomtwana olethwe kulolubhabhadiso ngamanzi, ukuba umnike umusa wakho lomtwana onikezwe wena. Hlambulula inhliziyo yakhe ngawo lombhabhadiso ongcwele, umenze abe ngowakho, ngaye uKristu iNkosi yethu… AMEN. UKUBUSISA AMANZI Nkulunkulu Somandla, sinikeza kuwe lamanzi ukuba abeyi-Sacramente lombhabhadiso oyiNgcwele, abusiswe egameni likaNkulunkulu uYise, iNdodana noMoya oyiNgcwele… AMEN. (Igama lomtwana), ngiyakubhabhadisa ngamanzi enguqukweni nasaxolelweni lwezono, nase- gameni lika Nkulunkulu uYise, noNkulunkulu iNdodana. Yamkela ebunzini lakho nasesifubeni sakho, uphawu lwesiphambano esiyiNgcwele. Ungabi namahloni ukuvuma igama loMsindisi wakho… AMEN. (Yenza uphawu ebunzini nasesifubeni.) UMTHANDAZO:- Nkulunkulu Somandla, siyakubonga ngoba se umenzile lomtwana abe ngowakho ngaloMbhabhadiso oyiNgcwele wamanzi. Umvikele emandleni amabi kaSathane. Umgcine o Nkosi, ngawo umusa wakho. Umnike ubhabadiso lomlilo neloMoya oyiNgcwele, ngakho ukubekwa izandla nguMpostoli wakho, ukuze afumane uzalo olusha, naye ahlanganyele kwinkazimulo yombuso weNkosi yethu uKristu… AMEN. THE TWELVE APOSTLES CHURCH OF SOUTH AFRICA | Page 6 of 27

ISIBUSISO Unkulunkulu akubusise akulonde. Inkosi yenze ubuso bayo bukhanye kuwe, ibe nomusa kuwe. Unkulunkulu aphakamise ubuso bakhe kuwe, akunike ukuthula. Inkosi ikubusise, ikunike impilo engunaphakade… AMEN. 5. UKWAMKELA AMALUNGU AMASHA Bathandwa eNkosini, senifundisiwe ngemfundiso yabaPostoli, futhi seniwamkele umlayezo wosindiso eninikelwa ngawo ithuba ukuba nibe yizindlalifa ngokuphelele kuKristu embusweni ongunaphakade kaYise. Ngoba ngokuthumela abaPostoli bayo iNkosi ilakhe kabusha ibandla layo njengoba kwakunjalo ekuqaleni. Yaqaphelisisa ukuvuselela isimiselo sayo sasemandulweni kanye namandla neZipho zoMoya. Isikhundla sobuPostoli sakhelwe namuhla ukusiza abantwana bakhe ukwamkela isibusiso sikaMoya oyiNgcwele, ngokubekwa izandla ngabaPostoli bakhe, nokuba babe nesabelo nabo kwizethembiso ezanikezwa nguKristu. Loku kugcotshwa kungcwele, futhi kusifundisa zonke izinto ukuze samukele ngokugcwele ukukhanya kokuhlolisisa zonke izinto, ukuze singabi ngabantwana abadonswa badukiswe yizinkolo ezingaziwayo. Usuku liyasondela bathandwa, lapho nani niyofumana ithuba lokwamukela lesoSipho esiyiNgcwele nesiyigugu enisilangazelelayo. Kodwa kumele ukuba wonke umlandeli othembekileyo azilungiselele lona, ngoba iNkosi yathi kubafundi bayo: “Hlalani eJerusalema ngokuthula nizilungiselele ngokuthandaza nobudlelwana ukwamukeliswa uMoya oyiNgcwele.” Ukuba khona kwenu lapha bathandwa, kubonisa isifiso senu ukungena kwisivumelwano esiyiNgcwele. Ngaphambi kokuba sinamukelise sona simelwe ukunibuza lemibuzo phambi kuka Nkulunkulu nalelibandla njengofakazi:- Umbuzo 1 Ubhabhadisiwe ngamanzi egameni laloyo oyiNgcwele eBathathu emunye, uzimisele ukugcina izifungo zalolobhabhadiso na? Impendulo: Yebo. Umbuzo 2 Bathandwa, nizimisele yini ukulahla imisebenzi ka Adam omdala? Okusho ukuthi ukungahloniphi, ukwazi kangcono nezinkanuko, izinjabulo nezenzo zenyama, ngoba okunjalo yiyo imisebenzi yomubi ekudonsela ekulahlweni? THE TWELVE APOSTLES CHURCH OF SOUTH AFRICA | Page 7 of 27

Impendulo: Yebo, konke lokho ngiyakulahla. Umbuzo 3 Niyakholwa kwiZipho zoMusa uNkulunkulu azinikile kubantu njengoba kulotshiwe kwabase Efesu 4: 8: “Ngalokho wathi esenyukele phezulu, wathumba abathunjiweyo wapha abantu iZipho.” Kwizindima 11, 12 no 13: “wapha abanye babe ngabaPostoli, abanye abaProfethi, abanye abaVangeli, abanye abeLusi nabaFundisayo, ukuze kupheleliswe abangcwele emsebenzini wokukhonza, kwakhiwe ngokuphakeme umzimba kaKristu, size sonke sifinyelele ebunyeni bokukholwa nasekwazini iNdodana kaNkulunkulu, sibe ngabantu abapheleleyo, kwisimo esipheleleyo sikaKristu?” Impendulo: Yebo, konke lokhu ngiyakukholwa ngokuphelele. Umbuzo 4 Niyakholwa ukuthi uKristu, ngabaPostoli bakhe abaphilayo anganinikeza leziZipho zoMoya: ubhabhadiso olungcwele ngamanzi enguqukweni nangeSidlo esiyiNgcwele, okondleka ngaso umoya ube namandla okuba nesabelo oxolweni nakwinkazimulo, eMbusweni kaNkulunkulu ongunaphakade? Impendulo: Yebo ngiyakholwa. Umbuzo 5 Uyakholwa ukuthi abakhethiweyo bamelwe ukufumana uphawu lweMvana emabunzini abo, ukuze bangene eMbusweni kaNkulunkulu? Ngaphezu kwalokho bathandwa, niyakholwa ukuthi loluphawu lufumaneka kuphela ngokubekwa izandla nguMpostoli ophilayo ogcotshwe nguKristu, kulesiskhathi noma isikhathi sika Omega? Impendulo: Yebo, ngiyakholwa futhi ngiyavuma yonke lemithetho. Umbuzo 6 Bathandwa, njengoba senilivumile leliqiniso, nizimisele yini ukufundisa nikhulule imiphefumulo esebugqilini benyama nokungazi? Nizimisele ngokuvuma kwesikhathi nesimo sezinto ukududuza, nisize abahluphekile ngolwazi nangokubekezela; nizimisele ukwamukela wonke umphefumulo ngothando lolu uKristu anamukela ngalo nina? Nibadonsele kuye ngemisebenzi nangezenzo zenu? THE TWELVE APOSTLES CHURCH OF SOUTH AFRICA | Page 8 of 27

Impendulo: Yebo, lokhu kuyisifiso sami futhi kuyakwenzeka ngosizo lukaNkulunkulu. Umbuzo 7 Njengoba senizimisele ukuba ngaphansi kwemithetho yeBandla labaPostoli abayiShumi naMbili naBaprofethi, niyavuma ukuthi uMpostoli anganelusa ngezisebenzi ezibekwe nguye ebandleni, kusukela kwesikhulu kuye kwesincane? Niyakholwa ukuthi uNkulunkulu wanikeza amandla kuBapostoli bakhe ukunixolela izono zenu? Njengoba kubhaliwe embhalweni kaJohana 20: 23: “Labo enibathethelela izono, bayothethelelwa. Nalabo eningazisusi kaziyukususuka.” Naku Matewu 18: 18: “Ngiqinisile ngithi kini, eniyakubabopha emhlabeni koboshwa naseZulwini. Nakuphi enikukhululayo emhlabeni, kobanjalo eZulwini.” Impendulo: Yebo, ngiyavuma konke lokhu. Umbuzo 8 Niyakholwa ukuthi uMpostoli ubeke ebandleni izitsha zezibusiso nofefe njengoba kubhaliwe kwabase Korinte besibili 4: 7? Impendulo: Yebo, ngiyavuma futhi ngiyakholwa konke lokhu. Umbuzo 9 Nizimisele ukuphathwa ngololuhlobo? Impendulo: Yebo Igama leNkosi liyakudunyiswa ngalesosethembiso senu. AMALUNGU AMASHA AGUQE PHAMBI KWELATHI (Ibandla lisukume) THE TWELVE APOSTLES CHURCH OF SOUTH AFRICA | Page 9 of 27

UMTHANDAZO:- Nkulunkulu Somandla, Yise weNkosi yethu uKristu, unikile umusa kulababantwana bakho ukuba balazi leliqiniso, wehlisela inguquko ngalo uBhabhadiso oluNgcwele. Siyakuthandaza ukuba wehlisele kubona isifiso seqiniso senhliziyo, ukuba babonakale beyizitsha ezihlanzekile phambi kwakho, ukuze bafumane isithembiso sesinamathiselo soMoya oyiNgcwele, ngayo inkonzo yoMpostoli wakho. O Nkosi, benze babe nesabelo esiphelele sesibusiso sakho, nokuphiwa umusa wakho, nazo zonke izinhlelo zendlu yakho. Bandisele olwazini nasebungcweleni bakho. Wenze okugcotshwa kwabo kwase Zulwini, kube umthombo ophilayo kubo, ukuze babambe iqiniso nenkolo nokuba balwe ngokufanele ngothando nangethemba, ukuzuza umqhele wendlalifa ngenxa kaKristu. Kuyena makube ukubongwa nendumiso, nakuwe nakuMoya oyiNgcwele kuze kube phakade… AMEN. ISIBUSISO Inkosi inibusise, inigcine. Inkosi yenze ubuso bayo bukhanye kini, ibe nomusa kini. Inkosi iniphakamisele ubuso bayo, iniphe ukuthula. Inkosi inibusise, inigcine kuze kube sempilweni ephakade…. AMEN. (Xhawula abemukelweyo uthi:-) “Wamukelwa ngejabulo endlini yeNkosi.” (Inkonzo ibanjelwe endlini yokukhonzela uma kunokwenzeka) 6. UKUPHATHWA KWEKONZO YABAQINISWAYO Bathandwa eNkosini, nihlangene lapha phambi keNkosi nalelibandla njengofakazi ukuba nizithathele impendulelo yemiphefumulo yenu, ngokuba kuze kube manje, abazali benu bebethwele lempendulelo. Akungabazeki ukuthi nizilungiselele ngokuphelele ukuthatha lelinyathelo ngokuboniswa izinceku, kodwa uma kungase kubenokungaqondi kahle, kuyimfanelo yami eNkosini ukuba ngiphinde ngibonise ukuthi lelinyathelo enilithathayo lisho ukuthini. Eqinisweni niqinisa izethembiso ezenziwe ngabazali benu, ukuthe ebuncanini benu anakwazi ukuzenzela zona, kodwa senikhulile ngokwanele manje ukuthi nikwazi ukuzithathela lomsebenzi. Lokhu kusho ukuthi noma isiphi isenzo enisenzayo niyoziphendulela kuso – hayi abazali benu. THE TWELVE APOSTLES CHURCH OF SOUTH AFRICA | Page 10 of 27

Ningafikelwa ukuthi niyakhululwa ekuthobeleni abazali benu, nokuthi ningenza enikwenzayo ngaphandle kweseluleko sabo, kodwa nizame ukubathokozisa kuzo zonke izinto ukudlulisa ngaphambili ukuze ngalokho nani nincedise ukwakha amakhaya abe kuNkulunkulu. Lelinyathelo lihlanganisa nokuthi, njengelungu leBandla, nibe nokuthobeka kwizinceku ezibekwe nguMpostoli ukuba zinikhokhele, zlnibonise, futhi zinifundise ukuze nikhule ngobuThixo, nibe isibani esikhanyayo eMbusweni kaNkulunkulu. Ekuqedeleni ngithanda ukuba niqonde ngokuphelele ukuthi impendulelo eniyithathayo manje, beyithwelwe ngabazali benu kusukela ekuzalweni kwenu, ngakho-ke njengesisebenzi endlini yeNkosi ngiyanibuza:- Niyaqonda ngokuphelele futhi nizimisele ukuqinisa lesisimo na? Uma kunjalo yishoni ngokuzwakalayo nithi: “Yebo.” THE TWELVE APOSTLES CHURCH OF SOUTH AFRICA | Page 11 of 27

CHAPTER 2: UMSEBENZI YOMSHADO 7. UKUPHATHWA KWENKONZO YOMSHADO OYINGCWELE (Inkonzo iqhutshwa ngokujwayelekile. Kuthi emuva kwentshumayelo inceku ephethe lomsebenzi isondele phambili, ikhulume nabashadi, bemi phambi kwayo ithi:) Bathandwa eNkosini, nilapha naleliBandla njengofakazi phambi kweNkosi, ukuba nithole isibusiso sikaNkulunkulu kulesisivumelwano senu somshado. Kodwa, ngaphambi kokuthi siqhubekele phambili nalelihlelo eliyiNgcwele, masicabange ukuthi lubaluleke kangakanani, okukanye lungcwele kangakanani nokuthi kuyisibopho nesibusiso esikhulu kangakanani enimelwe yiso kulesisenzo senu nobabili. Ilizwi eliNgcwele likaNkulunkulu liyasinika umqondiso odingekayo. Impilo yomshado eningena kuyo manje ingcwele, ngoba uNkulunkulu uSomandla oNgcwele ukwenzile lokhu uqobo lwakhe uma ethi: “Akulunganga ukuba indoda ibeyodwa, ngiyakumnika umlingani.” Khona-ke uNkulunkulu wathatha ubambo lwendoda wenza owesifazane u-Eva. Indoda yasho ngaye ukuthi: “Lo, useyithambo lethabo lami nenyama yenyama yami.” Unkulunkulu wababusisa wathi: “Zalanani nande nigcwalise umhlaba, niwubuse.” Manje ngiyabuza kuwe (Biza indoda ngegama) njengendoda, phambi kukaNkulunkulu naleliBandla njengofakazi: Uyakuhlala emshadweni nalenkosokazi yakho oyishadayo njengokwesimiselo sikaNkulunkulu? Uyakuyihlonipha, uyithande, uyiluleke, uyivikele, uyincede ekunotheni nasebumpofini, ekuhloniphekeni nasehlazweni, ungathathi omunye esaphila lo, ugcine izifungo zomshado ngokuthembeka, ungehlukani naye nize nihlukaniswe ukufa? Lokhu kuyisinqumo sakho esiphelele na? owazi konke, naphambi Uyasiqinisa lapha manje phambi kukaNkulunkulu kwaleliBandla njengofakazi? Uma kunjalo vuma kuzwakale uthi: “Yebo.” Kanjalo ngiyabuza nakuwe (Igama lenkosikazi) njengekosikazi phambi kukaNkulunkulu, ukuthi uyakuhlala nendoda yakho ekuhlanganyeleni lomshado ngohlelo likaNkulunkulu? Uyakuyihlonipha, uyithande, uyilalele kuzozonke izinto ezijabulisa uNkulunkulu? Uyakulangazelela ukucetshiswa nguye, ube luncedo ungamshiyi ekunotheni nasebumpofini, THE TWELVE APOSTLES CHURCH OF SOUTH AFRICA | Page 12 of 27

ekuhloniphekeni nasehlazweni, ungathathi enye indoda kodwa ugcine izifungo zomshado ukuba ungehlukani naye nize nihlukaniswe ukufa? Lokhu kuyisinqumo sakho esiphelele na? Uyasiqinisa lapha manje phambi kukaNkulunkulu owazi konke, naphambi kwaleliBandla elingofakazi? Uma kunjalo vuma kuzwakale uthi: “Yebo.” (Baguqe abashadi) (Indoda ifake indandatho emunweni wesine wesandla sesinxele sikankosikazi. Oshadisayo alandelwe indoda uma ethi: ) “Ngalendandatho ngiyakushada, ngomzimba wami ngiyakuhlonipha, nangakho konke okwami enginakho, egameni likaNkulunkulu uBaba, Indodana noMoya oyiNgcwele… AMEN. (Bobabili banikezane izandla zokudla. Oshadisayo asho isifungo somshado ethi:) “Labo abahlanganiswe nguNkulunkulu mabangahlukaniswa umuntu. Unkulunkulu uSomandla ungufakazi wenu.” “Njengesisebenzi ekuthunyelweni nguMpostoli kaKristu, ngiyanazisa ukuthi senihlanganisiwe ngokomthetho, ngalokho ngiyasiqinisa isivumelwano senu, egameni likaNkulunkulu uBaba, Indodana noMoya oyiNgcwele.. AMEN.” UMTHANDAZO (Izandla ziphakeme) Nkulunkulu Somandla, Yise wezibusiso zonke, egameni leNkosi yethu uKristu, siyakucela okokuba ubabheke ngomusa labantwana bakho, abazihlanganise phambi kobuso bakho, ngalesisivumelwano somshado. O Nkosi, busisa lesisivumelwano sabo, wethululele kubona ubuningi bothando nokuthula kwakho. Bagcine ezindleleni zakho, wenze izinhliziyo zabo zibezihle, bakhule ndawonye njalo othandweni nasenkholweni. Ubahlomise ngomoya othobekileyo nomnene. Busisa impilo yabo kulomshado ngayoyonke injabulo, oyithembisile emshadweni ongcwele. Bagcwalise Nkosi ngokwesaba uNkulunkulu, ubagcine okholweni lweqiniso lweBandla lakho kuze kubesekupheleni. Benze bakuthande ngaphezu kwazo zonke izinto, wenze ukuhlanganiswa kwabo kubenezithelo, njengoba THE TWELVE APOSTLES CHURCH OF SOUTH AFRICA | Page 13 of 27

bemzimba munye mababe moya munye. Bakhokhele Nkosi, ubusise umsebenzi wabo nakhokonke kwabo, bangasweli ukudla komoya nokwenyama. Bakhokhele ngolwazi nothando lwakho. Banike impilo, futhi ubalonde kuyona, wenze inzalo yabo ingasweli. Okokugcina , benze ukuthi, emuva kwalempilo, bangene eMbusweni wakho, kuso isikhathi esizayo seNdodana yakho ethandekayo uKristu. Kuye makube ubukhosi nendumiso ekuhlanganyeleni nawe, noMoya oyiNgcwele kuze kubephakade… AMEN. ISIBUSISO Unkulunkulu anibusise, anigcine. Inkosi ikhanyise ubuso bayo kini, ibe nomusa kini. Inkosi iphakamisele ubuso bayo phezu kwenu, ininike ukuthula. Inkosi inibusise inigcine, iniphe ukuphila ukuphakade… AMEN. THE TWELVE APOSTLES CHURCH OF SOUTH AFRICA | Page 14 of 27

CHAPTER 3: IMISEBENZI YEMNGCWABO 8. INKAMBISO YOMNGCWABO YEBANDLA 8.1. EMATHUNENI Iculo 8.2. UMTHANDAZO Egameni lika Nkulunkullu uYise, noNkulunkulu iNdodana nelikaNkulunkulu uMoya oyiNgcwele…. AMEN. Ngiya kuthandaza Melusi onomusa, ngenxa yoMzalwane (yoDade) wethu, lapho ubonile wena ukuthi aphume kulendlu eyinyama yakhe, owathi yena uma ezwa ilizwi lakho linqonqotha emnyango wendlu yakhe, walivulela ukuze lingene limkhanyisele. O! Nkosi, sengathi ingagcwaliseka imizamo yakhe, ilizwi oweluswa ngalo inyama nomphefumulo zisahlangene libe ludondolo lakhe. uMholi weqiniso uMoya oyiNgcwele umhambele phambili ukuya kuleyondlu esemazulwini yomoya ayakhile yena asesenyameni. Wayakha leyondlu ngamatshe anqabile – iQiniso, uThando kunye neNkolo, njengendoda ehlakaniphile ethi uma yakha indlu yayo, iyakhele phezu kwetshe lesisekelo elamiswa kuqala uKristu…AMEN. 8.3. LINGAKEHLI IBHOKISI (INCEKU IPHAKAMISE IZANDLA) ITHI:- Hamba ngokuthula kulomhlaba wosizi nenhlupheko, usuke kulelizwe lezilingo nentshushiso. Ngena enjabulweni yeBandla leNkosi elibusisiwe, nakuzo iziNceku zakhe ezithembekile, neziNgilosi zakhe ezingcwalisiwe, phakathi kwesixuku saBapostoli naBaprofethi bakhe abayiNgcwele, kuBavumi belizwi, nakubo bonke abafela ilizwi lakhe. Yamkela esandleni soMkhululi wakho umqhele wokunqoba, uthakase ekuphumuleni kweNkosi yakho ngemisebenzi yakho. Mayidunyiswe imikhosi yabayiNgcwele esemazulwini. Igama likaNkulunkulu ophezu kwakho konke lidunyiswe…. AMEN. THE TWELVE APOSTLES CHURCH OF SOUTH AFRICA | Page 15 of 27

8.4. KWEHLISIWE IBHOKISI (INCEKU IPHAKAMISE IZANDLA, ithele umhlabathi) ithi:- Siphindisela inyama emhlabathini eyathathwa kuwona, kanjalo sithumela umphefumulo kuleyondlu yomoya esemazulwini engenziwanga ngezandla ephakade. Mazikholwe izizwe zonke ezisemhlabeni egameni loMsindisi uKristu …. AMEN. 8.5. ISIBUSISO UNkulunkulu akubusise akugcine; INkosi ibhekise ubuso baYo kuwe, ikwenzele umusa; INkosi iphakamisele ubuso baYo phezu kwakho, ikuphe ukuthula; INkosi ikubusise ikugcine, ikuphe ukuphila okunaphakade…. AMEN. 8.6. UKUVALA Umusa weNkosi yethu uKristu, noThando lukaNkulunkulu, nokuhlangana kukaMoya oyiNgcwele, makuhlale phakathi kwethu sonke ngamunye, usigcine kuze kube phakade…. AMEN. 9. INKAMBISO YOMNGCWABO NGOMSHUMAYELI 9.1. EMATHUNENI Iculo 9.2. UMTHANDAZO Egameni likaNkulunkulu uBaba, uNkulunkulu iNdodana noNkulunkulu uMoya oyiNgcwele…AMEN. Siyakuthandaza Nkulunkulu onomusa, ngenxa yalomphefumulo oshiye lomhlaba owawumlethe kuwona, ngenxa yemithandazo yabazali bakhe. Namhlanje, usefikile emaphethelweni wesikhathi sokuphila kwakhe emhlabeni. O Nkosi yamazulu, ngimcelela umhawu wakho, ukuze amukeleke kumndeni wakubo, ngokuthula. Sizile lapha ukuzobeka umzimba wakhe wenyama endaweni yawo, ukwenzela ukuthi umphefumulo uqhubekekle phambili empilweni yomoya nabakubo abamzele, obaba umkhulu. THE TWELVE APOSTLES CHURCH OF SOUTH AFRICA | Page 16 of 27

Nayo-ke indodana (noma indodakazi) yenu nina bazali kunye nabomndeni. Mamkeleni ngokuthula, nimeluse, nimeluleke eziphambukweni zakhe, esalindele njalo lelolanga lokwahlulelwa – lapho abanye bayo vuselwa ekukhanyeni nasekuphileni okuphakade, uma abanye bayo vukela ohlazweni nokunengwa okuphakade, njengokusho kombhalo kuDaniyeli 12 verses 2 no 3. InKosi uKristu yaphinda yathi masizikhalele thina esisasele kunye nabantwana bethu, ukuthi lingafiki ilanga elinjena singakazi indlela yasemazulwini. Hlala ngokuthula nabakini, owazakhela ubudlelwani obuhle nabo usaphila kulomhlaba ohlukana nawo manje. Igama leNkosi uKristu lidunyiswe ngabo bonke abantu ngokungapheliyo …. AMEN. 9.3. KWEHLISWA IBHOKISI Iculo (Phonsa umhlabathi ethuneni) uthi:- Sibuyisela lomzimba emhlabathini ngokuba ungumhlaba, kanjalo nomphefumulo ekhaya kwabakubo lapho uvela khona. Baze bakunike uxolo nokuphumula ngokwemvelo yabo ekulindeni kwakho, kuze kufike lapho iNkosi ikulinganisele khona….AMEN. 9.4. KUTHELWA UMHLABATHI Iculo Umndeni nabanye abafaneleyo bathela umhlabathi ethuneni. 9.5. UKUBONGA KOMNDENI Omele umndeni abonge isizwe esikhona. 9.6. UKUVALA Umusa weNkosi yethu uKristu; Nothando lukaNkulunkulu uBaba; Nokuhlangana kukaMoya oyiNgcwele; Makuhambe nathi, kusigcine omunye nomunye; Kuze kube ngunaphakade….AMEN. THE TWELVE APOSTLES CHURCH OF SOUTH AFRICA | Page 17 of 27

CHAPTER 4: IMITHETHO EBANDLENI – “COMMUNITY DOMESTIC RULES” 10. IZINKONZO EZINGAJWAYELEKILE kuqeda kuvulwa Apostle Day: August/September. Ukukhumbula abashiye inyama: September. Ukukhulisa abantwana: Easter Sunday. Inkonzo yaBantwana ngesikhathi sama-Examination: October. Inkonzo yaBantwana ngesikhathi seSinamathiselo: uma iSinamathiselo. Uzalo loMtwana (Picnic): December 11. IZIKHATHI ZEZINKONZO (ZEMISEBENZI YENKONZO) Izinkonzo ezijwayelekile zibanjwa ngalendlela:- Sunday ekuseni: 09h30. Sunday ntambama: 19h00 (7pm). Monday ntambama ukuyofika ngolweSine: 19h00. NgolweSithathu nangolweSine ekuseni (abomama): 10h00. NgoMgqibelo ama-practice: 14h00 Senior Confirmation; 16h00 Male Voice. 12. UKUHHOCISA INKONZO - “SERVICES CANCELLED” Izinkonzo zonke zimele ukubanjwa ngokujwayelekile, ngamalanga nezikhathi ezibekiwe. Akuna nkonzo efanele ukungabanjwa, ngaphandle kokutholakala kwemvume yoMpostoli, noma uma kubekhona umngcwabo welungu leNkonzo kulelobandla ngalelolanga lenkonzo. iNkonzo yakusihlwa nayo ayizukuba khona ngalelolanga lomngcwabo. 13. INCEKU EZOPHATHA INKONZO Inceku ezophatha inkonzo imelwe ukubakhona endaweni yokukhonzela 15 imizuzu (15 minutes) noma ngaphezu kwe 15 minutes, ngaphambi kwesikhathi sokungena enkonzweni. 14. UKUPHATHWA KWAMA-“HANDLINGS” Ama-“handling” (njengo kubhabhathiza, ukwamkela amalungu amasha, nokunye) aphathwa uMpristi noma olandela yena ngokwesikhundla ukuya phezulu. THE TWELVE APOSTLES CHURCH OF SOUTH AFRICA | Page 18 of 27

15. IZIPROFETHO Inceku ephethe inkonzo yiyona ezolawula iziprofetho, futhi akubekwanga ukuthi zibe ngaki ngesikhathi senkonzo. Ophethe makathi “Amen” emuva kwesprofetho esinye nesinye. Imibono yasenkonzweni mayibhalwe encwadini yeMibono (Vision Book, in duplicate). Iphepha laleyo mibono linikezwe Inceku ephethe leyonkonzo emuva kwenkonzo. Elinye iphepha laleyo mibono lisala encwadini yeMibono yalelo bandla. 16. I-EASTER SUNDAY Inkonzo ibakhona ekuseni kuphela. Ayikho ntambama, ne-social ayikho, ngaphandle kokuba yiSonto lokuqala lenyanga entsha. Lapho-ke inkonzo ye-social ibanjwa ngokujwayelekile. 17. IZINKONZO ZOMNGCWABO Iziprofetho zivumelekile enkonzweni yomngcwabo, kodwa azivunyelwa emagqekeni amangcwaba. Imibono yase-graveyard mayinikezwe iNceku ngasese uma sekuqedwe umsebenzi. 18. IZIPHIWO EZINKONZWENI Izipho nokunye okuphiwayo kuvunyelwe kuphela ukuphiwa uMpostoli noma uMpostoli-Mengameli. Akukho Nceku enye evumelekile ukwamkela izipho ezivela ebandleni ezinkonzweni. 19. ABAZOKWAMUKELA ISINAMATHISELO Onke amalungu enkonzo bafanele ukuba nezinyanga eziyisithupha noma ngaphezulu esamkelwe engaka ngeni esinamathiselweni. Umuntu angangeniswa esinamathiselweni angaka qedi izinyanga eziyisithupha, kuphela ngenxa yesimo esithile esikhethekile nakhona emuva kokutholakala kwemvume yoMpostoli. 20. INKONZO YESINAMATHISELO Ngenkathi uMpostoli eqhuba umsebenzi wokunamathisela ibandla malihlale phansi, ngaphandle kwalabo abazobekwa izandla nguMpostoli nabancedisi bakhe. Wonke umuntu athule, kungabikho okhulumayo. 21. IZIKHATHI ZE-SOCIAL Ama-social abanjwa emini emuva kwedina (kwe-dinner) ngesonto lokuqala enyangeni. Isikhathi sama-social masibe ihora nesigamu (1.5 hours). Ukweqa lapho makungadluli amahora amabili (2 hours). THE TWELVE APOSTLES CHURCH OF SOUTH AFRICA | Page 19 of 27

22. UMTHENDELEKO Uma kudliwa umthendeleko, kuqala kudle izinceku namakhosikazi azo ngokuya ngokwezikhundla zabo. Kulandele ibandla lapho – aBazalwane kuqala, kulandele aBodade bese kugcine abantwana. Umphathi obuya kwelinye ibandla laleNkonzo makabambisane nezinceku zalelobandla emthendelekweni. 23. UKUNGABIKHO ENKONZWENI YOMTHENDELEKO Uma ilungu lebandla lingabikho ngenkonzo yomthendeleko ngesizathu esizwakalayo, malinikezwe umthendeleko ngesonto elilandelayo, kunye nezinceku namkhosikazi azo. 24. ISINKWA NEWAYINI/ “WINE” ELISELE Isinkwa esisele ngomthendeleko masinikwe abantwana badle emuva kwenkonzo. Iwayini elisele lona malichitwe edreyinini lamanzi. Yizinceku ezigcotshiwe kuphela ezivunyelwe ukuthela iwayini endebeni (enkomishini) nokugcwalisa indishi ngesinkwa. 25. UMTHENDELEKO WABANTWANA Abantwana badla umthendeleko bebodwa emuva kokuthi bonke abadala sebewudlile. Bayaphuma ezihlalweni bazo kuma ngemigca (amalayini), bencediswa aBashuyeli ukubamisa kahle nokwamukela umthendeleko encekwini. 26. UMTHENDELEKO WABANTWANA ABASANDUKUZALWA Abantwana abasandukuzalwa bangawudla umthendeleko nabomama babo nanoma bengakabhabhathizwa. Kubalulekile ukuthi ingane ibhabhathizwe masinyane ngeSonto lokuqala lenyanga emuva kokuzalwa kwayo. Ngesinye isikhathi ingane ingabhabhathizwa noma ngaliphi ilanga, noma kusekhaya layo. 27. WEDNESDAY COMMUNION EVENINGS 28. YOUNG PEOPLE’S EVENINGS 29. MONTHLY CHILDREN’S BIRTHDAY SOCIALS THE TWELVE APOSTLES CHURCH OF SOUTH AFRICA | Page 20 of 27

30. UKUKHULISWA KWABANTWANA “CONFIRMATION” Iminyaka yokukhulisa abantwana iwu 16, kodwa lapho abazali befisa ukuthi umntwana akhuliswe ngaphambi noma emuva kwe- 16 yeminyaka, lokho kungenzeka kuphela uma kuqale kwatholakala imvume yoMveleli. Ukukhuliswa kwabantwana kwenziwa nge- Easter Sunday enkonzweni yasekuseni. Inceku mayinikeze imfundo emfishane enkonzweni mayelana nonyathelo abalithathayo nempendulelo asebangena kuyo. Bese inceku ibafundela lokho okubhaliwe kwi- Handling Book. 31. UKUGUBHA ISIHLAHLA SIKAKHISIMUSI (XMAS TREE CELEBRATIONS) 32. IPURAKATHIZI YAMAKHWAYA – “CHOIR PRACTICE” Ukuzilolonga kwamakhwaya amakhulu (Eldership, Apostle Choir, Apostle Band) kubakhona ngoLwesibili. Lomsebenzi woku purakathiza uvulwa ngomthandazo yiNceku bese ivalwa kanjalo. 33. IMISHADO a) Uma uMzalwane noDade bebuya ukuyo shadiswa e-Home affairs noma kuyiphi indawo, bamelwe wukuba umshado wabo ubusiswe uMpristi waleNkonzo ngalo lelolanga abashadiswe ngalo ngomthetho wezwe. b) Inkosikazi yoMzalwane noma indoda kaDade abangakabi amalungu lapha eNkonzweni, bangamukelwa baphinde bamukeliswe isinamathiselo noma kunini. Asikho isidingo sokulinda izinyanga ezintathu zokwamukelwa, noma izinyanga eziyisithupha zokwamuleliswa isinamathiselo kulabo. c) R ……………………………and R………………………………. 34. UBHABHATHISO Le Nkonzo yamukela ubhabhathiso lwamanzi kuphela. Kubaluleke kakhulu ukuthi lokhu kuzwisiseke futhi kugcinwe nokulandelwa ngokugcwele, ngoba kukhona amanye amasonto angabhabhathizi ngamanzi: a) Phambi kokubhabhathiza, kufanele ukuba inceku ibe imbonile lona ozokubhabhathizwa nabazali bakhe, yabeka amazwi obufakazi nokwakha kuye okwenzela ukuthi izobhabhathisela amazwi kaNkulunkulu kuye. b) Abammeli bomntwana abaphoxelekanga ukuba khona ngokwenyama ngalelo langa nxa umntwana ebhabhathizwa, kodwa kumele banikeze imvume yabo yokuba ngabammeli bomntwana. Lapho abazali bomtwana bafuna abammeli bomntwana abangasiwona amalungu aleNkonzo, kufanele ukuba kube namalungu aleNkonzo azoma kanye nabammeli abamiswe ngabazali, ukwenzela ukuthi iNkonzo isale isase nethuba lokuvikela umphefumulo womntwana uma abazali balomntwana bangasekho. THE TWELVE APOSTLES CHURCH OF SOUTH AFRICA | Page 21 of 27

35. UKWAMKELA AMALUNGU AMASHA Indoda eshadile ingamukelwa ngaphandle kwenkosikazi noma umndeni wayo, kodwa unkosikazi osemshadweni akkwazi ukwamukelwa ngaphandle komyeni wakhe, njengokuba eyinhloko yomndeni. 36. INCWADI YOKUVAKASHELA ELINYE IBANDLA Uma ilungu leBandla livakashela elinye iBandla, kumele lifumane incwadi yezibusiso kumkhokheli walo kuqala. Leyo ncwadi ifanele ukuba nesigqhiviso se-rubber stamp salelo Bandla lakhe. 37. IZINCEKU NAMALUNGU NGAMAHOLIDE Amalungu ase maholideyini afanele ukuhamba iNkonzo eBandleni eliseduze nalapho avakashele khona. Uma use maholidiyeni awukhululekanga kumsebenzi wokukhonza, ngoba sihlala siding izibusiso zeNkosi ngaso sonke isikhathi, ngaphandle kokuba lapho avakashele khona kukude naseBandleni. 38. UKUVAKASHELANA EZINDLINI Inceku noma uMzalwane abavumelekanga ukuvakashela ikhaya noma yiliphi uma umyeni noma ubaba walelo khaya angekho, ngaphandle kokuthi uhamba nonkosikazi wakhe. 39. UKUBEKA IZANDLA KWENCEKU Izinceku zingabe zisabeka amalungu izandla uma zenza i-“handling”, njengo kubhabhathisa, ukwamukela, imishado, nokunye, kodwa uDistrict ufanele ukubeka izandla uma enza i-“handling” yokuphilisa nokugcoba ngamafutha. 40. OKWESHUMI Akuna muntu ongafanele ukungakhiphi okweshumi, nanoma ngesizathusini. Okweshumi kuvele kwisamba semali oyihholayo ingakadonswa imali edonswayo. 41. UKUBUSISA IBHOKISI LOKWESHUMI Esikhathini esizayo iNceku ephethe inkonzo ngeSonto lokuqala enyangeni ifanele ukubusisa i-Offerbox ngalendlela:- Ibandla lizomisa ukucula uma kubusiswa i- Offerbox, lapho iNceku izophimisela ukubusisa kwe-Offerbox kuzwakale ebandleni ukuthi akulona ibhokisi noma okuphakathi kwalo okubusiswayo, kodwa ukuthi isibusiso siqondiswe kulabo abathembekile eNkosini ngokweshumi kwabo ukuba iNkosi ibavikele, nokuba babalelwe nabo kwigazi leMvana , bakhululeke kwizinto ezingabusisekanga, ezinje ngokugula, ukweswela umsebenzi, nobunye-nje ubungozi ubukhona. THE TWELVE APOSTLES CHURCH OF SOUTH AFRICA | Page 22 of 27

42. UKUNIKWA KWENCEKU IKHEFU – “OFFICER’S FREE EVENINGS” Lapho ibandla elina baPristi abaningi, uMdala webandla (Oudste) angahlela ukuthi abaPristi bashintshane ukuphatha izinkonzo zantambama, ukwezela ukuba babe nelanga lokuphumula kanye ngesonto (weekly). loyoMpristi ophumulile makasebenzise lesosikhathi ukuba nomndeni wakhe. Awakhele eNkosini ukhule ngokomoya. uMdala webandla makazise ebandleni ukuthi uMpristi noMpristi uzoba nelanga lokuphumulanini. Kanjalo ibandla lizokwazi ukuthi ngelanga elithize lizoqondana namuphu uMpristi uma linezidingo. 43. ABOMAMA ABAZETHWELE Umpristi ufanele ukuyo busisa (ayo “handler”) umama ozithwele masinyane uma ethola isaziso ngalokho, angalindi kuze kudlule izinyanga ezinne noma sekuzwakala ukuphila komuntu esiswini sikanina. Lokho kubusiswa kumele kwenzeke ekhaya. Uzophinda uMpristi ayobusisa ngenyanga yesinne neyesikhombisa. Uma anezinyanga eziyi sishiyagalolunye ezelwe umntwana, kumele abhabhathiswelwe ekhaya. 44. AMAFA (WILLS & TESTAMENTS) Amalungu eNkonzo amelwe ukugqugquzelelwa ukwenza amalungiselelo okuba amafa abo azokwabiwa kanjani, ngokubhala ama-“Will” nama-“Testamente” agcinwe endaweni ephephile. Lokhu kwenzelwa ukuthi kungabi nengxabano uma omunye womndeni ashone. 45. INKONZO YABAGULAYO – “HANDLING OF THE SICK” Zonke izikhalo ezindala nokunye, eziyikugula okwemvelo noma ezomoya zimelwe ukuphathwa (i-Handling) wuMdala weBandla (u-“Oudste”/ “Community Elder”) ngeSonto lokuqala lenyanga. Lomsebenzi (“handling”) wokuphilisa kufanele ukhunjulwe emthandazweni weziNceku kuyo yonke indawo lapho babambe khona inkonzo ngalelo langa. Ukugula okuphuthumayo okuvelanje, kumele kuphuthunywe noma nini ekhaya lalelo lungu eliphathekile, ngokuya ngesidingo. 46. UMASINCWABANE – “BURIAL BENEFIT SCHEME” Onke amalungu wenkonzo nezinceku kunye namindeni yabo bafanele wukuba amalungu weBurial Benefit Scheme ukuze bathole usizo ngokushona kwelungu lomndeni wabo. Imali ye-burial ekhokhwa inyanga nenyanga ifanele wukuba “up-to-date”. Izinceku zebandla zifanele ukuhlola izincwadi isikhathi nesikhathi, ukubona ukuba abantu bayayikhokhela yini i-burial. Uma kunesimo sesidingo, kumele kutholakakle imvume yoMveleli ukuthi kusizwe loyo onesidingo ukukhokhela ama-premiums akhe wenyanga nenyanga ngemali evela kwi- Offerbox. Inkonzo ayikwazi ukuphotlelelwa ukubhadala izindleko zemncwabo uma kungafanele. THE TWELVE APOSTLES CHURCH OF SOUTH AFRICA | Page 23 of 27

47. I-POLITIKI Amalungu mawagweme ukuhlanganisa ezenkolo ne-politiki, noma ukubonisana noma ukuphikisana, noma ukugqugquzelela okuhambelana nezo politki eNkonzweni. “Lokho okuzelwe yinyama kuyinyama, nalokho okuzelwenguMoyo kungumoya” (John 3: 6). 48. IMIDLALO Imidlalo noma yimiphi enjenge bhola elezinyawo, i-tennis, nokunye kungadlalwa kuphela namanye amalungu wenkonzo. Asizodlala imidlalo nabelizwe. Nomakunjalo, lena yindaba yalapha ekhaya, isinqumo sizoya ngokubona koMpostoli ophethe. Izindleko zalemidlalo zisemahlombe alabo abazibandakanya naleyo midlalo. Akuna mali yenkonzo emele wukusetshenziselwa leyomidlalo. 49. UKUBOLEKISANA NGEMALI iziNcku naMalungu abavunyelwa ukubolekisana ngemali, noma ukumela omunye njengesiqiniseko mayelana nezikweletu zemali, ngoba lokho kungayisa kwisimo sokuxabana kuze kulimale imiphefumulo. Kanjalo, nokuhlanganyela ihwebo nomanye amalungu makungagqugquzelelwa. Yonke imizamo yohwebo mayibe ngokomthetho wombuso. Inkonzo, noma iziNceku mazingabandakanyiswa kulelo hwebo, noma ukusolwa uma izinto zingahambanga kahle. 50. UKUDINGA OKUNENQINDEZELO Usizo oluhlolisisiwe oluphiwa aMalungu adingayo lulinganiselwa kulamanani alandelayo:- uMpristi anganikela ngemvume yosizo elufika ku 3Pounds; uDistrict anganikela ngemvume yosizo elungadluli ku 5Pounds; Isimo esidinga usizo elungaphezu kwalokhu ngokufanelekile, simele wukuthunyelwa kuMpostoli kube nguyena oqondisayo lesisimo noma onikela ngemvume. 51. UXOLELO LEZONO - “RESERVED SINS” Lokhu akusenziwa, ngoba ukuvuma izono sekwayekwa. Ukuxolelwa kwalezo zono kuse nguqukweni yeqiniso yomuntu nomuntu. Ngakho-ke, zonke izono zasenyameni ziyaxolelwa lapho kune inguquko yeqiniso, noma umuntu angazange azisho izono zakhe. THE TWELVE APOSTLES CHURCH OF SOUTH AFRICA | Page 24 of 27

52. AMA-PIKINIKI - “PICNICS” Phambi kokuthi ibandla lingabamba i-picnic, kumelwe ukuthi iNceku ephethe lapho ithole imvume kuMveleli noma uMpostoli. Lokho kuyadingeka ukwenzel’ukuthi kwaziswe iziNceku ezihambela amabandla, zinga vakasheli lelo bandla ngalelo Sonto. 53. IZATIFIKHETHI ZOMBHABHATHISO - “BAPTISM CERTIFICATES” Izathifikhethi zombhabhathiso kumelwe zibhalwe khona ngalelolanga lombhbhathiso. Elinye iphepha lesathifikhethi lisala encwadini, elinye linikwa abazali emuva kombhabhathiso, kanti elinye lithunyelwa eHead Office inyanga nenyanga kunye namanye amaphepha athunyelwayo eHead Office.izathifikhethi ezithunyelwa eHead Office azifanelanga ukudlulisa amalanga awu- 30 zingaka thunyelwa khona. Uma emuva kwesikhathi abazali befuna ‘ikhopi’ yesathifikhethi sombhabhathiso, kumele bay i- aplayele eHead Office, banikeze yonke iminingwane yomtwana. Akuna bandla elivunyelwe ukunikeza i-‘khopi’ yesathifikhethi sombhabhathiso, futhi isathifikhethi sombhabhathiso asibhadelelwa mali. 54. UHLELO LOKUBHALISA AMALUNGU AMASHA Onke amalungu amasha amukelwayo eNkonzweni afanele ukubhalwa ezincwadini zalelo Bandla amukelwa kulo. Abantwana nabo mababhaliswe encwadini yalelo Bandla uma beqeda kubhabhadiswa ngaleso sikhathi. Iminingwane epheleleyo yamalungu imelwe ukubhalwa kwizitifikhethi zamalungu onke, zizegcinwa kwincwadi yeRegister yaleloBandla kuze kube yisikhathi sesinamathiselo. Emuva kokuba lawomalungu amukeliswe isinamathiselo, makubhalwe ilanga, inyanga nonyaka (date) wwokwamukeliswa kwabo isinamathiselo kwizatifikhethi zabo, bese kuthunyelwa ikhopi enye eHead Office ngokushesha. Izatifikhethi zalabo abamukelwa kodwa bangabibikho kwisinamathiselo, mazithunyelwe nazo eHead Office, kodwa zibe zibhaliwe ngepensele (pencil) ukuthi labo bantu abangenanga kwisinamathiselo. Uma labo bantu bangaphinda bavele kwisinamathiselo esikhathini esizayo, makwaziswe iHead Office nge-date abamukeliswa isinamathiselo ngayo, iHead Office inikwe ama-certificate numbers ukuze igcwalise leyo-date kwizatifikhethi zabo zase Head Office. 55. AMALUNGU ASHINTSHELA KWAMANYE AMABANDLA Uma ilungu lishintshela ukuyokhonza kwelinye iBandla, iNceku ephethe eBandleni lalo malikhipe incwadi ejwayelekile ithunyelwe kwiNceku yeBandla lalapho lelo lungu eliyakhona. Kuleyoncwadi makubhalwe ukuthi lelolungu lamukelwe nini nakhona lisakeliswe nini isinathiselo. Makubhalwe futhi nasencwadini yeBandla ukuthi lelolungu selishintshele kwelinye iBandla ne-“date” yakhona. THE TWELVE APOSTLES CHURCH OF SOUTH AFRICA | Page 25 of 27

56. UKUHOXISWA KWEZITIFIKHETHI - “CANCELLATION OF CERTIFICATES” Uma isitifikhethi sinephutha, masingadatshulwa, kodwa masibhalwe ukuthi “CANCELLED”, bese sithunyelwa eHead Office, ukwenzela ukuthi inombolo yaso ingalahleki, ingaziwa ukuthi kwenzekeni ngayo. 57. UKUKHIPHA OKUSE BOKISINI LOKWESHUMI - “CLEARANCE OF OFFERBOX” Okusebhokisini lokweShumi makukhishwe emuva kweNkonzo enye nenye phambi kofakazi ababili noma ngaphezulu. Inani elitholakele malibhalwe kwi-Offerbox Book futhi lisayindelwe ngu-Treasurer nofakazi ababili ezindaweni ezibekelwe lokho. 58. IZINDLEKO Yonke imali yeNkonzo okubhadelwe ngayo imelwe ukubhalwa ngendlela efanele encwadini ye-Miscell Receipt Book, futhi kugcinwe namaresiti (Receipts) yezindleko zonke. Yonke into edinga ukubhadalelwa ngaphezu kwe R………………….. kumelwe kwaziswe uMveleli ukuthi kutholakale imvume yoMpostoli. 59. IMALI ESEBANDLENI – “CASH IN HAND” Makuhlalwa nemali eningi eBandleni. Imali ekhona eBandleni mayingadluli ku R…………………. Yonke imali mayimukiswe eBhangi ngokushesha (kungadluli amalanga amahlanu) emuva kokutholakala. Uma iCash Account yeBandla ilungiswa ekupheleni kwenyanga nenyanga, imali enkulu esalayo kufanele ibhadalwe kwi-Trust Account yabo. Amabandla ane-Bank Account awafanelanga ukugcina imali edlula kuR………………… ibalance esandleni ekupheleni kwenyanga enye nenye. Amabandla angenayo iBank Account awafanelanga ukugcina imali edlula R………………. ekupheleni kwenyanga nenyanga. 60. “CASH ACCOUNTS” iBandla malivale iCash Account yenyanga ngezi 28 zenyanga nenyanga. I-Balance Sheet nemali eya eHead Office imelwe ukuthunyelwa eHead Office masinyane, ize ifike khona kungakabi umhla ka-15 wenyanga elandelayo. 61. AMA-AKHAWUNTI ASEBHANGI – “BANK ACCOUNTS” Onke ama-akhawunti webhangi (Banking Accounts) weNkonzo aphantsi kwelawulo leHead Office. Ama-akhawunti onke avulwayo noma uma kushintsha abasayindayo, kumele kwenziwe ngosizo lwe-Head Office. IBandla kumele lithumele yonke imininingwane namasiginetsha (signatures) kunye namaphepha esicelo kubhangi (bank application forms) adingekayo ebhangi, eHead Office. THE TWELVE APOSTLES CHURCH OF SOUTH AFRICA | Page 26 of 27

62. AMATSHEKE WEBHANGI – “BANK CHEQUES” Amatsheke webhangi (bank cheques) akumelanga abenamaphutha noma umbhalo oshintshiwe kuwo. UChairman noTreasurer mabasayinde bobabili lapho kukhona ushintsho lombhalo kwitsheke, uma kungenjalo ibhangi alisoze lalimukela lelotsheke. Onke amatsheke, i-Money Order noma i-Postal Order athunyelwayo eHead Office kumele abhalwe ngegama leNkonzo, ukuthi abhadala iNkonzo, hhayi igama lomuntu. 63. UKUTHUMELA IMALI E-HEAD OFFICE – “REMITTANCE OF MONEY TO H.O” Yonke imali ethunyelwa eHead Office (example okweshumi/ tenths, etc.) kumele icaciswe ukuthi yeyani kwi-Remittance Voucher, kubhalwe ne-address ngokuphelele, neBandla laloyo muntu othumele leyomali, ukwenzela ukuthi imali mayinga fakelwa eBandleni elingasi yilo. 64. AMA-STAMBU WENKONZO –“CHURCH RUBBER STAMPS Kumele ukuthi iStambu seBandla sigxivizwe kahle sibonakale kuwo onke amatsheke nokunye ukwenzela ukuthi ibhangi noma iHead Office bangafaki noma ukuthatha imali eBandleni okungasi yilo. 65. IZINCWADI ZENKONZO NAMA-REKHODI AZO – “CHURCH BOOKS AND RECORDS” AmaBandla mawagcine izincwadi zeNkonzo namarekhodi ayo zibe esimeni esifanelekile nangokwendlela esemthethweni, futhi zibesendaweni ephephile. Zonke izncwadi, amarekhodi namasithifikhethi (certificates) ayimpahla yeNkonzo, futhi akakho umuntu okumele azigcine kuye njengempahl yakhe noma eyomndeni wakhe. THE TWELVE APOSTLES CHURCH OF SOUTH AFRICA | Page 27 of 27