Elektron Jurnal - İYUL

MAY, 2023

“Könüllü Klubları” 1-31 iyul 2023 Könüllü DOSTlarımızın asudə vaxtlarını daha səmərəli keçirmələri, bilik və bacarıqlarını təkmilləşdirmək üçün “Könüllü Klubları” layihəsi çərçivəsində “Fərdi İnkişaf, “Yaradıcılıq”, “Layihələr”, “Film”, “Sağlam Həyat” “Xarici dil” klubları çərçivəsində müxtəlif mövzularda müzakirələr aparılıb. Ümumilikdə 16 klub üzrə 388 nəfər layihədə iştirak edib.

İttifaqa üzv təşkilatlar üçün həyata keçirilən təlimlər Davam edir Üzv könüllü təşkilatlar üçün “Bədən dilinin biznesdə rolu”, “Motivasiya və xarakter tipləri”, “Layihələrin yazılması və idarəedilməsi”, “Layihədə büdcə və yazılan layihələrin təqdimatı”, “Liderlik və brendinq tərzi”, “Auditoriya qarşısında çıxış, nitq sənəti”, “Media və düzgün kommunikasiya” və s mövzularda təlimlər keçirilib.

\"Polietilen torbaları ekoçantalarla əvəz edək\" 3 iyul 2023 Beynəlxalq polietilen paketsiz gününə həsr olunan \"Polietilen torbaları ekoçantalarla əvəz edək\" aksiyası zamanı Ekokönüllülər tərəfindən marketlərdə və digər ictimai yerlərdə vətəndaşlara ekoçanta hədiyyə edilib. Eyni zamanda ekokönüllülər tərəfindən onlara polietilen torbaların ziyanı barədə ətraflı məlumat verilib.

Turizm Könüllülərinin fəaliyəti 3 iyul 2023 “Turizm Könüllüləri” Təşkilatına üzv olan turizm könüllüləri üçün təlim sessiyası baş tutub.Görüş çərçivəsində Azərbaycan Turizm Bürosunun Qastronomiya turizminin idarəedilməsi sektorunun müdiri Səkinə Əsgərova turizm könüllüləri ilə “Azərbaycanın qastronomiya perspektivləri” mövzusu üzrə danışıb, ölkəmizdə qastronomiya sektoru, onun inkişaf perspektivləri və bu sahə üzrə mövcud strategiyalar müzakirə olunub.

Şirvan milli parkının yaranması günü 5 iyul 2023 20 il əvvəl Ulu Öndərin sərəncamı ilə Azərbaycan təbiətinin incilərindən olan Şirvan milli parkı yaradılıb. Ekokönüllülər parkın yubiley tədbirində iştirak ediblər.Şirvan Milli Parkında Ümummilli Liderin 100 illiyinə həsr olunmuş fotosərgi təşkil olunub, parkla həmsərhəd olan Kürsəngi kəndinin xalçaçılıq sənəti nümunələri nümayiş etdirilib, Salyan rayon Uşaq-Gənclər İnkişaf Mərkəzi və “Yaşıl patrul” dəstəsinin üzvlərinin əl işləri sərgilənib.

İncəsənət Festivalı 7 iyul 2023 Ümummilli Lider Heydər Əliyevin 100 illik yubileyinə həsr olunan tədbirlər çərçivəsində iyulun 7-də Göygöl Milli Parkının ərazisində Gəncə-Daşkəsən Regional Mədəniyyət İdarəsinin əhatə etdiyi Gəncə və Naftalan şəhərləri, Daşkəsən, Goranboy, Göygöl və Samux rayonlarından 6 nominasiya üzrə ikinci mərhələyə vəsiqə qazanan 60 nəfər uşaq üçün yay düşərgəsi təşkil edilib.

“Şüşə tullantıları ekoçantaya dəyiş” 9 iyul 2023 Novxanı qəsəbəsində Grandmart marketin qarşısında “Şüşə tullantıları ekoçantaya dəyiş” aksiyası keçirilib. Aksiya zamanı şüşə tullantıları təhvil verən vətəndaşlara ekokönüllülər ekoçanta təqdim olunub. Aksiyada iştirak edən uşaqlara isə kitablar hədiyyə edilib.

“Könüllü DOST”larımızın fəaliyəti 9 iyul 2023 DOST İnkluziv İnkişaf və Yaradıcılıq Mərkəzində 3 aylıq könüllülük fəaliyyətini uğurla başa vuran “Könüllü DOST”larımza sertifikatlar təqdim olunub.

“Könüllü gömrükçülər”in fəaliyyəti 10 iyul 2023 Dövlət Gömrük Komitəsində fəaliyyətini başa vuran növbəti “Könüllü gömrükçülər/Customs volunteers” dəstəsinin üzvlərinə sertifikatlar verilib.

“Dayanıqlı Qayıdış” Gənclərin Yay Düşərgəsi 10 iyul 2023 \"Qayıdış Könüllüləri\" Proqramının \"Ağdam Könüllüləri\" qrupunun üzvləri Vüsal Hüseynov və Ülvira Abdullayeva “Dayanıqlı Qayıdış” Gənclərin Yay Düşərgəsində iştirak ediblər.

“Təmiz ölkəm” aksiyası 10 iyul 2023 Ekokönüllülərin iştirakı ilə “Təmiz ölkəm” aksiyası çərçivəsində Xudat meşə ərazisində iməcilik keçirilib.

Media Könüllülərinin fəaliyəti 11 iyul 2023 Azərbaycan Respublikasının Medianın İnkişafı Agentliyinin dördüncü könüllülük proqramı uğurla yekunlaşıb.

Bakı Zooloji Park könüllüləri 11 iyul 2023 Bakı Zooloji Parkının yeni könüllü komandası fəaliyyətə başlayıb.

“Batareyaları təhvil ver, təbiəti qoru” 12 iyul 2023 “Batareyaları təhvil ver, təbiəti qoru” layihəsi çərçivəsində Azərbaycan Dövlət Su Ehtiyatları Agentliyi “Azərsu” ASC-dən, Kaspi liseyindən, “Araz” marketlər şəbəkəsinin “AGA Biznes Mərkəzi”ndə yerləşən baş ofisindən və Yasamal filialından ümumilikdə 128 kq işlənmiş batareya toplanaraq \"Təhlükəli Tullantılar\" MMC-yə təhvil verilib.

Turizm Könüllülərinin fəaliyyəti 12 iyul 2023 Turizm Könüllüləri Təşkilatı tərəfindən “Gələcəyə Körpü” GİB-in rəhbərliyi ilə Erasmus+ Proqramı üzrə təşkil olunan beynəlxalq təhsil səfəri çərçivəsində Azərbaycan, Türkiyə, Estoniya, Bolqarıstan, Almaniya, İtaliya, İspaniya və dünyanın digər ölkələrindən olan 30 nəfər yerli və beynəlxalq gəncə Bakı şəhərinin müxtəlif tarixi və maraqlı əraziləri və turistik məkanları gəzdirilib.

“ASAN Könüllüləri” Təşkilatının V hesabat seçki qurultayı 12 iyul 2023 Qurultayda “ASAN Könüllüləri” Təşkilatının yeni sədrinin seçilməsi məsələsinə baxılıb. Təşkilatın İdarə heyətinin yekdil qərarı ilə Anar Musaev yeni sədr seçilib.

10-cu “Könüllü gömrükçülər” qrupu 13 iyul 2023 Dövlət Gömrük Komitəsi sistemində formalaşdırılan 10-cu “Könüllü gömrükçülər/Customs volunteers” dəstəsinin üzvləri təhkim olunduqları struktur bölmə rəhbərlərinə təqdim olunublar.

BİR könüllülərin fəaliyyəti 14 iyul 2023 Azərbaycan Könüllüləri (Bir Könüllü) müəllimlərin işə qəbulu müsabiqəsinin ilk Ümumilikdə 350-ə yaxın könüllü namizədlərin qarşılanması, yönləndirilməsi və imtahan müddəti ərzində nəzarətçi qismində fəaliyyət göstərən könüllülər prosesin ilk gününü uğurla tamamlayıblar.

Miqrasiya Könüllülərinin fəaliyyəti 14 iyul 2023 Miqrasiya Könüllüsü İctimai Birliyinin növbəti könüllü qəbulu üzrə müsahibə prosesi başlayıb.

Vaqif Poeziya Günləri 14-15 iyul 2023 Heydər Əliyev Fondu, Azərbaycan Respublikası Mədəniyyət Nazirliyi və Azərbaycan Yazıçılar Birliyinin təşkilatçılığı ilə Şuşa şəhərində keçirilən Vaqif Poeziya Günlərində Mədəniyyət Könüllüləri tədbirlərin təşkilində fəal iştirak etdilər.

“Ana dilində hekayəni danış” 14 iyul 2023 “Ana dilində hekayəni danış” natiqlik çempionatının ll turu yekunlaşdı. \"Diksiya Akademiyası\"nın təşəbbüsü, “ASAN Könüllüləri\" Təşkilatının və “Nar”ın dəstəyi ilə III natiqlik çempionatının II turu həyata keçirlib.

“VolunTraining by Voluntourism” 15 iyul 2023 Azərbaycan Könüllülərinin (Turizm Könüllüləri Təşkilatı / Tourism Volunteers Organization) iştirakı ilə “VolunTraining by Voluntourism” layihəsi həyata keçirilib

BİR könüllülərin fəaliyyəti 17 iyul 2023 \"Bir Könüllü\" Tələbə Təşkilatı və Azərbaycan Gənc Rəssamlar Birliyinin birgə əməkdaşlığı ilə bu dəfə gənc istedadlı Azərbaycan Könüllüləri üçün təbiətin bənzərsiz gözəlliyinə etüd tur təşkil edilib.

\"Ağdam Könüllüləri”nin fəaliyyəti 17 iyul 2023 “Qayıdış Könüllüləri” Proqramının \"Ağdam Könüllüləri\" qrupu tərəfindən “Heydər Əliyev İli” çərçivəsində Tərtərin işğaldan azad olunan Talış kəndində uşaq, yeniyetmə və gənclər üçün “Kod Qarabağ” məntiqi- intellektual komanda oyunu keçirilib.

Gənc Könüllülərin fəaliyyəti 17 iyul 2023 “Gənc Könüllülər” İctimai Birliyinin könüllü qəbulu üzrə müsahibə prosesi davam edir. Könüllülər növbəli şəkildə müsahibələrə dəvət olunur və iştirak edirlər

3-cü “YAŞAT” düşərgəsi 19 iyul 2023 “YAŞAT” Fondunun və “ASAN Könüllüləri” Təşkilatının birgə təşkilatçılığı, “PMD Hospitality’nin tərəfdaşlığı ilə 3-cü “YAŞAT” düşərgəsi baş tutub.

\"Qafqazı kəşf et - 10 il sonra” 21 iyul 2023 \"Gələcəyə Körpü\" İctimai Birliyinin təşkilatçılığı ilə həyata keçirilən \"Qafqazı kəşf et - 10 il sonra: Qafqazda gənclər sektorunu araşdıran təhsil səfəri\" layihəsinin iştirakçıları “ASAN xidmət”də.Layihənin əsas məqsədi gənclər mərkəzli yanaşmaya fokuslanan, transmilli tərəfdaşlıqları və beynəlxalq əməkdaşlığı təşviq etməkdir.

“Təmiz ölkəm” 22 iyul 2023 Xəzərin Bilgəh sahilləri tullantılardan təmizlənib15 iyul tarixində “Təmiz ölkəm” aksiyası çərçivəsində Xəzərin Bilgəh sahil zolağında iməcilik keçirilib. Aksiya zamanı ümumilikdə 2,5 hektar sahil zolağı 220 kq bərk məişət tullantılarından təmizlənib.

BİR könüllülərin fəaliyyəti 23 iyul 2023 \"Bir Könüllü\" Tələbə Təşkilatı və Azərbaycan Stolüstü Tennis Federasiyasının birgə təşkilatçılığı ilə keçirilən könüllülər arasında həvəskar stolüstü tennis çempionatının final günü uğurla başa çatıb.

“Tullantıları ekoçantaya dəyiş” 23 iyul 2023 Tullantıları ekoçantaya dəyiş” aksiyası Masallıda \"Rahat” marketin qarşısında keçirilib. Aksiya zamanı vətəndaşlar plastik və şüşə tullantıları, işlənmiş batareyaları təhvil verərək əvəzində ekoçanta əldə ediblər.

3-cü “YAŞAT” düşərgəsi 25 iyul 2023 “YAŞAT Fondu”nun və “ASAN Könüllüləri” Təşkilatının birgə təşkilatçılığı, “PMD Hospitality”nin tərəfdaşlığı ilə həyata keçirilən 3-cü “YAŞAT” düşərgəsinin 2-ci həftəsinə start verilib. Düşərgənin ikinci həftəsinin ilk günündə hoteldaxili əyləncə saatının ardından uşaqlar üçün stolüstü idman oyunları və ferma gəzintisi təşkil olunub.

\"Yaşıl ASAN\" 25 iyul 2023 “ASAN Könüllüləri” Təşkilatının \"Yaşıl ASAN\" proqramı çərçivəsində #ASANKönüllüləri təmizlik aksiyasında iştirak edib.Təmizlik aksiyası Yeni Yasamal, Hövsan qəsəbəsi və çimərlik ərazisində baş tutub.

“StudentFest 2023” 25-31 iyul 2023 \"Bir Könüllü\" Tələbələrin Əməkdaşlığı ictimai birliyinin birgə təşkil etdikləri “StudentFest2023” tələbə düşərgəsi baş tutub.

“Yay Məktəbi” 26 iyul 2023 Nərmin Aslanova 2-13 iyul aralığında Polşanın Krakov şəhərində keçirilmiş “Visegard Yay Məktəbində”, Fərid Kərimov və Fəridə Vəlizadə isə Miqrasiya Siyasətinin İnkişafı üzrə Beynəlxalq Mərkəzinin Azərbaycandakı Nümayəndəliyinin təşkilatçılığı ilə keçirilmiş 1 həftəlik “Yay Məktəbi”-də uğurla iştirak etmişdilər.

Zəngilan rayonunun Ağalı kəndinə səfər 27 iyul 2023 “Qayıdış Könüllüləri” Proqramının \"Zəngilan Könüllüləri\" qrupu Zəngilan rayonunun Ağalı kəndinə səfər edib. Səfər zamanı Zəngilan könüllülərinin təqdimatı keçirilib. Daha sonra könüllülər Ağalı kəndinin ərazisini gəzərək buraya köçürülən ailələr üçün yaradılan şəraitlə yaxından tanış olub, görülən və planlaşdırılan bərpa- quruculuq işləri haqqında ətraflı məlumat alıblar.

“Bizimlə inkişafa” 30 iyul 2023 Layihənin ilk təlimi “Motivasiya və Xarakter tipləri” mövzusunda təlimçi Leyla Rəhimova tərəfindən keçirildi. Təlim zamanı gənclərin bir-birini tanıması üçün müxtəlif oyunlar keçirilib, daha sonra isə “Motivasiya nədir?”, “Xarakter necə formalaşır?”, “Motivasiyanın təsirləri” və s. kimi mövzularda müzakirələr aparılıb. Sonda isə qrup işlərinin təqdimat ilə layihənin ilk günü yekunlaşıb.

“Ekoturizm’də MƏN” 31 iyul 2023 Lənkəran şəhərində Azərbaycan Respublikasının Qeyri - Hökumət Təşkilatlarına Dövlət Dəstəyi Agentliyinin maliyyə yardımı və “Turizm Könüllüləri” ictimai birliyinin təşkilatçılığı ilə “Ekoturizm’də MƏN” layihəsi keçirilib. 2 gün davam edən layihənin təşkil olunmasında əsas məqsəd Lənkəran şəhərində yaşayan turizm könüllülərinə ekoturizm anlayışının hərtərəfli və düzgün şəkildə aşılanması və təbliğ edilməsi, həmçinin müvafiq sektorun məqsədyönlü inkişafının təmin edilməsinə dəstək olmaqdır.

\"Sən də Natiq ol 2\" 31 iyul 2023 Təlimdə \"Əsl Natiq necə olunur?”, “Auditoriyanın əsasları hansılardır?”, “Danışıq zamanı edilən səhvlər hansılardır?” və s kimi suallar cavablandırılıb. Praktiki yönümlü olan bu təlimdə iştirakçıların nitqinə de yer verilmişdir. Bundan əlavə olaraq iştirakçılara düzgün kommunikasiya bacarıqları mənimsədilmişdir.

Formula 1 könüllülərinin \"Novruz Challenge\" yarışı: