Elektron Jurnal - İYUN

MAY, 2023

Uşaqların Beynəlxalq Müdafiəsi Günü 1 iyun 2023 1 iyun - Uşaqların Beynəlxalq Müdafiəsi Günü” münasibətilə Könüllü DOSTlarımız Xüsusi qayğıya ehtiyacı olan uşaqlarla 1 gün keçiriblər. Azərbaycan Autizm Assosiasiyasının təşkilatçılığı ilə Dənizkənarı Bulvarda keçirilən tədbirin təşkilati komandasında “Könüllü DOST” yer alıblar!

Uşaqların Beynəlxalq Müdafiəsi Günü 1 iyun 2023 1 iyun - Uşaqların Beynəlxalq Müdafiəsi Günü münasibətilə 1 və 4 saylı DOST mərkəzlərində daun sindromlu uşaqlar və DOST Agentliyinin əməkdaşlarının uşaqları üçün əyləncəli proqram təşkil edilib. Daha sonra uşaqlar Könüllü DOSTlarımızla birlikdə Mərkəzə yaxınlaşan vətəndaşlara xidmət göstəriblər.

Uşaqların Beynəlxalq Müdafiəsi Günü 1 iyun 2023 Azərbaycan Könüllüləri 1 iyun Uşaqların Beynəlxalq Müdafiəsi Günü münasibəti ilə keçirilən “Uşaqlar bizim gələcəyimizdir” və “Unudulmaqda olan uşaq oyunları” festivalında iştirak ediblər. “RİİB” Könüllülərinin, “Eko Könüllü”lərin “Könüllü Gömrükçü”lərin və “BİR Könüllü” İctimai Birliyinin könüllü gəncləri həm uşaqlarla əyləncəli zaman keçirib, həm də onlarla oyunlar oynayıblar.

Uşaqların Beynəlxalq Müdafiəsi Günü 1 iyun 2023 “Mədəniyyət Könüllüləri” İctimai Birliyinin təşkilatçılığı ilə 1 İyun “Uşaqların Beynəlxalq Müdafiəsi Günü” münasibəti ilə Uşaq və Qadın sığınacağında tədbir keçirilib.

“Zəfər Müjdəsi” 2 iyun 2023 Miqrasiya Könüllüsünün növbəti ekskursiyası baş tutub. Könüllülərin bu dəfəki səyahəti Eldəniz Babayevin “Zəfər Müjdəsi” fərdi sərgisinə olub. Ekskursiya zamanı onlar müxtəlif rəsm əsərləri ilə tanış olmuş, müəyyən fikir mübadilələri aparmışlar.

“BİR Gələcək” 2 iyun 2023 Azərbaycan Respublikası Elm və Təhsil Nazirliyinin dəstəyi və \"Bir Könüllü\" Tələbələrin Əməkdaşlığı ictimai Birliyinin təşkilatçılığı ilə həyata keçirilən \"Bir Gələcək\" təşəbbüsü çərçivəsində məktəb şagirdləri ilə növbəti görüş, 1-ci \"Yüksəliş\" müsabiqəsinin qalibləri olan Samir Kərimov va Fəxri Hüseynov məzunu olduqları 160 nömrəli klassik gimnaziyaya səfərləri ilə baş tutdu.

“Qərbi Azərbaycan həqiqətlərinin dünya ictimaiyyətinə çatdırılması” 3 iyun 2023 Qərbi Azərbaycan İcmasında “Qərbi Azərbaycan həqiqətlərinin dünya ictimaiyyətinə çatdırılması” - mövzusunda İcmanın Gənclər Birliyinin ASAN könüllüləri ilə görüşü keçirilib. Qərbi Azərbaycan İcmasının sədri, millət vəkili Əziz Ələkbərli tədbiri giriş sözü ilə açaraq İcma haqqında, təşkilatın məqsədi, hədəf və vəzifələri barədə məlumat verib.

28-ci Bakı Enerji Forumu 5 iyun 2023 “Regional İnkişaf” İctimai Birliyinin könüllüləri Bakı Enerji Həftəsi çərçivəsində keçirilən 28-ci Bakı Enerji Forumunun təşkilinə aktiv iştirak ediblər.

“Təbiəti qoruyaq, plastik tullantılara yox deyək!” 5 iyun 2023 “Regional İnkişaf” İctimai Birliyinin könüllüləri “AzerGold” Qapalı Səhmdar Cəmiyyəti (QSC) və “Regional İnkişaf” İctimai Birliyinin (RİİB) təşkilatçılığı ilə 5 İyun – Ümumdünya Ətraf Mühitin Mühafizəsi Gününə həsr olunmuş “Təbiəti qoruyaq, plastik tullantılara yox deyək!” devizi altında keçirilən ekoloji aksiya və təlimdə iştirak edib.

Dünya Ətraf Mühitin Mühafizəsi Günü 5 iyun 2023 “Dünya Ətraf Mühitin Mühafizəsi Günü Altıağac Milli Parkında qeyd olunubTəqvim günü ilə əlaqədar Giləzi-Xızı magistral avtomobil yolunun kənarında təmizlik aksiyası keçirilib.Təmizlik aksiyasından sonra isə iştirakçılar Altıağac Milli Parkı ərazisində tədbirə qoşulublar.

İdman həftəsi 5 iyun 2023 İdman həftəsi çərçivəsində Miqrasiya Könüllülərinin aktiv iştirak etdiyi bir sıra oyunlar keçirilib. Ulu Öndər Heydər Əliyevin 100-cü il dönümünə həsr edilmiş idman həftəsi çərçivəsində baş tutan layihədə yoldaşlıq oyunu üzrə komandalar yarışıb.

“Millət naminə. Əbdül Kərim bəy Mehmandarov” 5 iyun 2023 Mədəniyyət Nazirliyinin dəstəyi ilə Nizami Kino Mərkəzində “Azərbaycanfilm” kinostudiyasında istehsal olunmuş “Millət naminə. Əbdül Kərim bəy Mehmandarov” sənədli filminin təqdimatı keçirilib. Təqdimatda Mədəniyyət könüllüləri fəal iştirak ediblər.

“2-ci Milli Kibertəhlükəsizlik Forumu\" 6 iyun 2023 Azərbaycan Kibertəhlükəsizlik Təşkilatları Assosiasiyasının təşkilatçılığı və “A2Z Technologies” şirkətinin baş sponsorluğu ilə təşkil edilən forumda əlaqəli dövlət qurumlarının, özəl şirkət və təşkilatların rəhbər və ekspertləri iştirak edib.

“Qayıdış Könüllüləri” Proqramı 6 iyun 2023 “Qayıdış Könüllüləri” Proqramının Ağdam Könüllüləri qrupu Tərtərin işğaldan azad olunmuş Talış kəndinə və Suqovuşan qəsəbəsinə səfər edib. Səfər zamanı könüllülər Talış kəndinin ərazisini gəzərək buraya köçürülən ailələr üçün yaradılan şəraitlə yaxından tanış olub, görülən və planlaşdırılan bərpa-quruculuq işləri haqqında ətraflı məlumat alıblar. Səfərin sonunda könüllülər işğaldan azad olunmuş, böyük turizm potensialı olan Suqovuşan qəsəbəsinə də baş çəkiblər.

\"Qayıdış Könüllüləri\" Proqramı Davam edir Qayıdış Könüllüləri Proqramı ilə əlaqədar müxtəlif universitetlərdə keçirilən infosessiyalar davam edir. Keçmiş məcburi köçkün tələbə gənclərin iştirakı ilə keçirilən infosessiyalar zamanı gənclərə proqramın məqsədi, könüllü seçimi və hazırlıq mərhələsi, könüllülük fəaliyyətinin istiqamətləri haqqında ətraflı məlumat verilir, onları maraqlandıran suallar cavablandırılır.

“Əsgərə Məktub” 8 iyun 2023 \"ASAN Könüllüləri\" Təşkilatının \"Əsgərə Məktub\" layihəsi çərçivəsində şəhid Akif Abdullayev adına 211 nömrəli tam orta məktəbin şagirdləri “Əsgərə Məktub” layihəsinə qoşulub.Onlar müzəffər ordumuzun cəsur əsgərlərinə öz ürək sözlərini ünvanlayıblar.

“Bir Əsrin İZində” 9 iyun 2023 “Heydər Əliyev İli” çərçivəsində “Bir Əsrin İZində” layihəsinə start verilib. Layihə üzrə ilkin mərhələdə, Bakı Beynəlxalq Dəniz Ticarət Limanına səfər təşkil olunub. Ümumilikdə 40 nəfərdən ibarət könüllünün iştirakı ilə baş tutan səfərdə Bakı Limanı ilə əlaqədar ətraflı məlumat verilərək limanın ərazısı gəzilib. Sonda isə Limanın ərazisində zeytun ağacları əkilib.

\"Qayıdış Könüllüləri\" Proqramı 9 iyun 2023 “Şuşa Könüllüləri” qrupu Şuşada uzunmüddətli könüllü fəaliyyətinə başlayıb. uşada fəaliyyətə başlayan könüllülər şəhər ərazisində müxtəlif könüllü fəaliyyətlərinə, yeni açılmış muzeylərdə bələdçilik xidmətinin göstərilməsinə, o cümlədən mütəmadi olaraq Şuşada keçiriləcək tədbirlərin təşkilində iştiraka, buraya səfər edən yerli və xarici qonaqlarla işə, qayıdışa hazırlıq və məskunlaşmaya dəstəyə cəlb olunublar.

Qlobal Nəqliyyat Sammiti 12 iyun 2023 \"Nəqliyyat Könüllüləri\" Proqramının məzunu Ülviyyə Abasova İspaniya Barselonada 64-cü UITP (Beynəlxalq İctimai Nəqliyyat Assosasiyasının) Qlobal Nəqliyyat Sammiti daxilində keçirilən beynəlxalq hakatonda Azərbaycanı təmsil edərək, startup layihəsi ilə üçüncü yerə layiq görülmüşdür.

Əlaqələndirmə görüşü 13 iyun 2023 Azərbaycan Könüllü Təşkilatları İttifaqına üzv təşkilatların nümayəndələrinin növbəti əlaqələndirmə görüşü baş tutub. Görüş zamanı İttifaqa yeni üzv təşkilatın qəbul edilməsi ilə bağlı iclas keçirilib. İclasda üzv olmaq üçün müraciət etmiş “Mədəniyyət Könüllüləri” İctimai Birliyi keçirilən səsvermə əsasında İttifaqın yeni üzvü olaraq təsdiq edilib.

\"II Türk Dünyası Ədəbiyyat və Kitab Festivalı\" 15 iyun 2023 “Heydər Əliyev İli” çərçivəsində Festival çərçivəsində \"II Türk Dünyası Ədəbiyyat və Kitab Festivalı« baş tutub. Festivalda iştirak edən ASAN Könüllüləri, hava limanında qonaqların qarşılanması, yola salınması, bukletlərin paylanılması və kitab stendlərində vətəndaşların məlumatlandırılması kimi proseslərdə iştirak ediblər.

Lego yarışması 16 iyun 2023 \"Bir\" Tələbə-Könüllülər STEAM təşkilatçılığı ilə keçirilən \"Lego yarışması\"na dəstək göstəriblər! Yarışmada uşaqlara xəyal güclərini ortaya çıxarmaq imkanı verilib, həmçinin elm və texnologiyanı sevdirərək onların komanda şəklində problem həll etmə bacarıqları inkişaf etdirilib.

\"Balaca Ekoloqlar\" 16 iyun 2023 “ASAN Könüllüləri” Təşkilatının “Yaşıl ASAN” proqramı və Saray qəsəbə 2 nömrəli tam orta məktəbin birgə təşkilatçılığı ilə \"Balaca Ekoloqlar\" adlı tədbir həyata keçirilib.Tədbir çərçivəsində ekoloji çirklənmə və tullantılar haqqında videoçarx izlənilib, məktəb şagirdlərinin ekologiya haqqında çıxışları və tullantılardan hazırlanan sərgi baş tutub.

“V Neftçili Yay Futbol Düşərgəsi” 16 iyun 2023 Neftçi PFK Peşəkar Futbol Klubunun, YAŞAT Fondunun və “ASAN Könüllüləri” Təşkilatının birgə təşkilatçılığı, TuranBankın baş sponsorluğu, Azərbaycan Respublikası Dövlət Neft Şirkətinin (SOCAR) tərəfdaşlığı ilə Azərbaycan Respublikasının ərazi bütövlüyü uğrunda şəhid olmuş şəxslərin övladları üçün “V Neftçili Yay Futbol Düşərgəsi” layihəsinə start verilib.Layihə Ümummilli lider Heydər Əliyevin 100 illik yubileyinə həsr olunur.

Riyaziyyatçılar klubu 17 iyun 2023 \"Bir Könüllü\" Tələbə Təşkilatının dəstəyi ilə \"Riyaziyyatçılar\" klubu fəaliyyətə başlayıb! 17 iyun tarixində \"Zuğulba\" tədris idman bazasında keçirilən klubun ilk ümumi görüşündə tələbələr və müəllimlər maraqlı diskussiyalar aparıblar və riyaziyyatın həyatımızdakı rolu, riyaziyyatın mənimsənilməsi yolları mövzusunda çıxışlar ediblər. Sessiyaların sonunda klubun gələcək fəaliyyəti və layihələr barədə müzakirələr aparılıb.

Təmizlik aksiyası 17 iyun 2023 Ekologiya və Təbii Sərvətlər Nazirliyinin, yerli icra orqanlarının rəsmilərinin, “Qırmızı ürəklər” Fondunun əməkdaşlarının, “Ecohub” ekoloji təşəbbüs qrupunun üzvlərinin və ekokönüllülərin iştirakı ilə növbəti təmizlik aksiyası 17 iyun tarixində Şabran meşə ərazisində keçirilib, toplanmış plastik və digər tullantılar aidiyyəti üzrə daşınıb.

Təlimlər 19 iyun 2023 Şəxsi inkişaf və layihələrin idarəedilməsi üzrə təlimçi, ekspert Fəxri Məhəmmədzadənin təqdimatında “Satış psixologiyası” mövzusunda təlim həyata keçirilib. Təlim çərçivəsində daha sürətli və daha asan satış etmək imkanı verəcək ideyalar, üsul- lar və strategiyalar barədə ətraflı məlumatlar verilib, suallar cavablandırılıb.

\"Beynəlxalq Könüllülər Forumu\" 20-21 iyun 2023 Qazaxıstan Respublikasının paytaxtı Astana şəhərində həyata keçirilib. Səfərin məqsədi könüllülük sahəsində beynəlxalq əlaqələrin inkişaf etdirilməsi, Asiyada Qarşılıqlı Fəaliyyət və Etimad Tədbirləri üzrə Müşavirəyə (AQEM) üzv dövlətlərin regionda əhaliyə könüllülər vasitəsilə dəstək mexanizmlərinin müzakirəsi və qarşılıqlı təcrübə mübadiləsi olub. Forumda “ASAN Könüllüləri” Təşkilatının sədri və AKTİ-nin idarə heyətinin üzvü Emiliya Bayramova da iştirak edib. Forumun sonunda AKTİ, Orta Asiya və Türkiyə ilə altıtərəfli əməkdaşlıq memorandumu imzaladı.

“Beynəlxalq Yoga Günü” 21 iyun 2023 “Könüllü Klubları” layihəsi çərçivəsində “Sağlam Həyat” klubuna start verilib. “Sağlam Həyat” klubu üzrə ilk fəaliyyət 21 iyun - “Beynəlxalq Yoga Günü” münasibəti ilə əlaqədar olaraq Gümüşü və Gənc DOSTlarımızın yoqa üzrə masterklassı baş tutub.

“İnsan Resursları Zirvəsi” 22 iyun 2023 Könüllü DOSTlarımız 21-22 iyun tarixlərində “Gülüstan Sarayı”nda Dövlət Məşğulluq Agentliyi tərəfindən keçirilən ölkədə ilk “İnsan Resursları Zirvəsi”nin təşkilati komandasında yer almışdır!

“Autizmli gənclərin cəmiyyətə inteqrasiyası” 22 iyun 2023 “DƏYƏR” Proqramı çərçivəsində “Könüllü DOST” proqramının təşkilatçılığı ilə “Autizmli gənclərin cəmiyyətə inteqrasiyası” layihəsinin bağlanış mərasimi keçirilib. Tədbirin məqsədi autizm sindromlu gənclərin cəmiyyətə inteqrasiyasına, o cümlədən, onların asudə vaxtlarının səmərəli keçirilməsinə dəstək olmaqdır. Tədbirin sonunda Autizm sindromlu şəxslər, Mərkəzin benefsiarları və Azərbaycan Könüllülərinin ifasında konsert proqramı təqdim olunub.

“Bir əsrin iqtisadi nəticələri” 22-23 iyun 2023 “Regional İnkişaf” İctimai Birliyinin könüllüləri Azərbaycan Dövlət İqtisad Universiteti, Heydər Əliyev Mərkəzi və “Regional İnkişaf” İctimai Birliyinin birgə təşkilatçılığı ilə keçirilən “Bir əsrin iqtisadi nəticələri” mövzusunda V İqtisadiyyat və İdarəetmə Sahəsində Tədqiqatçıların Beynəlxalq Elmi Konfransının təşkilinə yaxından dəstək verib.

\"ASAN Məktub\" 23 iyun 2023 Kiçik dostlarımızın xoşbəxtlik dolu baxışlarının səbəbkarı olmaq üçün \"ASAN Könüllüləri\" Təşkilatının \"ASAN Məktub\" sosial proqramı və Bakı Konqres Mərkəzinin tərəfdaşlığı ilə Şəki rayonundan olan 30 uşağın arzuları reallaşdırılıb. Bir sevgi və bir məktub devizi altında çıxdığımız bu yolda \"ASAN Məktub\" sosial proqramına dəstək olan Bakı Konqres Mərkəzinə təşəkkür edirik!

6-cı Beynəlxalq Musiqi Festivalı 24 iyun 2023 \"Mədəniyyət Könüllüləri\" İctimai Birliyi \"Muğam Aləmi\" 6-cı Beynəlxalq Musiqi Festivalında fəal şəkildə iştirak ediblər.

Təmizlik aksiyası 24 iyun 2023 Xəzərin Şüvəlan sahili tullantılardan təmizlənib. “Təmiz ölkəm” aksiyası çərçivəsində Xəzərin Şüvəlan sahil zolağında iməcilik keçirilib. Aksiya zamanı ümumilikdə 3 hektar sahil zolağı 470 kiloqram məişət tullantılarından təmizlənib.

“Nəqliyyat Könüllüləri” Proqramının məzunlarının təltifetməsi 25 iyun 2023 Bakı Nəqliyyat Agentliyinin İctimaiyyətlə və könüllülərlə iş sektorunun müdiri Emil Mürsəlov məzun könüllülərlə görüşdə öz töhfələrini vermiş, gələcək fəaliyyətlərində uğurlar arzulamışdır. Daha sonra 6 aylıq Proqramı müvəffəqiyyətlə başa vuran 27 nəfər könüllümüz dərəcə sertifikatı və müxtəlif hədiyyələrlə təltif edilmişdir.

Könüllülərin asudə vaxtı 25 iyun 2023 Mədəniyyət könüllüləri asudə vaxtlarından səmərəli şəkildə istifadə ediblər. Könüllülər üçün təşkil edilən piknikdə onlarla birlikdə Azərbaycan ordusunun qaziləri Murad Bayramlı, Rəsul Abbasov, Əbdülhüseyn İsmayılov olublar.

Təhsilverənlərin sertifikatlaşdırılması prosesi 25 iyun 2023 150-dən çox Bir tələbə-könüllümüz təhsilverənlərin sertifikatlaşdırılması prosesində bir araya gəliblər! 20-24 iyun 2023-cü il tarixlərində Bakı, Sumqayıt, Mingəçevir, Lənkəran və Gəncə bölgələrində fəaliyyətə cəlb olunan tələbə-könüllülər namizədlərin qarşılanması, yönləndirilməsi və imtahan nəzarətçisi qismində ümumilikdə 5 gün ərzində dəstək göstəriblər.

Qurban sovqatı 28 iyun 2023 “Regional İnkişaf” İctimai Birliyinin könüllülərinin dəstəyi ilə “PAŞA Holding”in sosial dəstək proqramı çərçivəsində 44 günlük Vətən müharibəsində şəhid olan qəhrəmanların 18 yaşadək övladları üçün Qurban bayramı münasibətilə sovqatlar paylanılıb.

“Tullantıları ekoçantaya dəyiş” 29 iyun 2023 Sumqayıt şəhərində Araz marketin qarşısında “Tullantıları ekoçantaya dəyiş” aksiyası keçirilib.Aksiya zamanı ümumi tutumu 650 litr olan plastik, 25 litr tutumu olan şüşə tullantı və 176 ədəd işlənmiş batareya təhvil verilib və əvəzində iştirakçılara ekoçanta təqdim olunub.

“Level Up-2” 30 iyun 2023 “Miqrasiya Könüllüsü” İctimai Birliyin təşkilatçılığı ilə “Level Up-2” layihəsi davam edir! Bu dəfə görüşdə təlimçi Gülnar Əliyeva gənclərlə səmimi söhbət apararaq “Study Abroad” mövzusunda təlim keçmişdir. Gənclər inglis dilində təhsil almaq istədiyi ölkə haqqında qısa məlumat verərək bir-birilərin daha yaxından tanımışdılar.

Formula 1 könüllülərinin \"Novruz Challenge\" yarışı: