Народы книгами дружны - сценарии

ГБУК РТ «Республиканская детская библиотека» Научно – методический отдел Народы книгами дружны Сценарии на языках народов Республики Татарстан Выпуск II Казань, 2021

ББК 85.34 Народы книгами дружны: сценарии мероприятий на языках народов Республики Татарстан. Выпуск 2. / Составитель: Гильмутдинова Л.К., гл.библиотекарь научно – методического отдела; ответственный редактор Шарипова С.А. , заведующий научно – методического отдела. – Казань, ГБУК РТ «Республиканская детская литература», 2021. Уважаемые коллеги! Представляем вам второй выпуск сборника сценарных материалов на языках народов Республики Татарстан. В него вошли разработки коллег – библиотекарей из Агрызского и Балтасинского муниципальных районов республики. Выражаем огромную благодарность Ахмадуллиной Гульнар Талгатовне, заместителю директора по детской работе РМУК «Балтасинская межпоселенческая центральная бибиотека»; Акбашевой Лилие Фалиховне, заместителю директора по работе с детьми МБУК «Агрызская централизованная библиотечная система» и лично Якимовой М.А., Заитовой Л.Л., Ишпаевой М. А., заведующих сельскими библиотеками данных районов, за оказанную помощь в составлении сборника. Мы надеемся на дальнейшее плодотворное сотрудничество. Желаем вам успехов в деле приобщения детей к богатому духовному наследию многонационального Татарстана! 2

Содержание: 1. Мусо анай кыл: удмурт кыллы сӥзем ӝыт 1-тӥ но 4-тӥ классъёс пӧлын ортчытон ужрад. / Дасяз: Якимова М.А. «Балтач пуксёскуспо шор лыдӟиськонни ужъюрт» «Карек- Серма гурт лыдӟиськонни\" 10 № филиал. – Балтаси, 2020 .............................................................................................................................5 - 7 стр. Милый матери язык: Сценарий к международному дню родного языка на удмуртском языке для учащихся 1 - 4 классов / составитель: М. А. Якимова, заведующая Карек – Серминской сельской библиотеки РМУК «Балтасинская межпоселенческая центральная библиотека». - Балтаси, 2020 ………….5 - 7 стр. 2. Мусо шаере, тон мынам весь сюлмам: литературая крезьгуро ӝыт 5- тӥ но 7-тӥ классъёс./ Дасяз: Якимова М.А. « Балтач пуксёскуспо шор лыдӟиськонни ужъюрт» «Карек- Серма гурт лыдӟиськонни» 10 № филиал. – Балтаси, 2020 .............................................................................................. 8 - 19 стр. Милый край, ты всегда в сердце моем: сценарий литературно - музыкального вечера для учащихся 5-7 классов / составитель: М.А.Якимова, заведующая Карек – Серминской сельской библиотеки РМУК «Балтасинская межпоселенческая центральная библиотека». - Балтаси, 2020…………8 - 19 стр. 3. Лопшо Педунь отчаське: сценарий литературного часа по удмуртскому детскому фольклору, для дошкольников / составитель Заитова Л.Л., заведующая Сарсак - Омгинской сельской библиотеки МБУК Агрызская ЦБС Сарсак - Омгинская сельская библиотека. – Агрыз, 2019г.…………………………20 - 22 стр. 4. Ила калык чонышто = Живет в душе народа: о жизни и творчестве марийского народного писателя Н. С. Лекайн [электронный ресурс] / составитель: Ишпаева М. А. библиотекарь Кадряковской сельской библиотеки МБУК «Агрызская ЦБС». - Агрыз, 2018 г. 3

«Мусо анай кыл» (удмурт кыллы сӥзем ӝыт 1-тӥ но 4-тӥ классъёс пӧлын ортчытон ужрад) Ведущий Нырысетӥ нуись: Удмурт музъем! Вордскем шаер! Кӧня кылбуръёс но кырӟанъёс кылдытэмын тон сярысь! Кыкетӥ нуись: Дуннеын 2500 мында бадӟымесь но пичиесь кылъёс. Соос сяна, вань на шоро-куспо лыдъем кылъёс, соос пӧлы пыре асьмелэнэз но. Трос-а адямиос верасько со кылын, ӧжыт-а, но котькудӥзлы аслаз вордскем кылыз тужгес но мусо но дуно потэ. Сое гажатэк, уд дышы шаердэ но ӵыжы-выжыдэ яратыны. Та сярысь гожтэ кылбурчи но тодосчи Кузебай Герд «Вордскем кыл» кылбураз. Нырысетӥ нуись: Дуно та удмурт кыл? Малы, малы кулэ сокем Удмурт кылэз юн ӟеч тодэм? Оло, уно мукет кыллэсь Жингрес солэн жингреслыкез? Оло, мусо чеберлыкез? Оло, чебер куаралыкез? Ӧвӧл, ӧвӧл, котькыӵе кыл Ас интыяз чебер, жингрес, Нош туннэзэ зэмзэ ик, зэм, Удмурт кылэз туж ӟеч тодэм Тужгес дуно, тужгес кулэ Та улонэз ӝутны вылэ. Кыкетӥ нуись: Вордскем кылэз гажан. Адямиос пӧлын олокыӵеез но вань дыр, но ӟеч сюлэмоез, визьмоез, ас калыксэ гажасез уз курла анай кылзэ, сое муромытыны но узырмытыны тыршоз. Кин ке кылзэ аналтоз, Уз дунъя ас калыксэ, - Кытысь, ку со валалоз Мукет калыклэсь дунзэ? Тоды тон сизьым кылэз – Визь кутод сизьым полэс. Ведь калыклэн вань визьмыз – Солэн вераськон кылаз. Нырысетӥ нуись: Дауръёс ӵоже калык синмаськыса улӥз шулдыр интыосызлы, ваньбур поттыса, улонзэ чебер, умой карыны тыршиз. Пумен юнмаз 4

но узыргес луиз солэн вераськон кылыз. Улонэз секыт ке но вал, капчи мылкыдзэ ӧз ышты. Кыӵе гинэ лэчытверанъёс, мадиськонъёс, кылбуръёс, кырӟанъёс ӧз кылдытъя со. Пыре Лӧпшо Педунь Лӧпшо Педунь: Ӟечбуресь, мусо пиналъёс – чебересь сяськаос – дуно куноос! Мон пересь адями, калгыса ветлӥсько, мылкыды нош мынам туж егит на. Пыдъёсы монэ шаплы нулло. Киосы но ужатэк уг уло. Яратӥсько мон кырӟаны, серемес учыръёс вераны. Кызьы, пиналъёс, мынам нимы? Мон кылӥ, тӥ лэчытверанъёс сярысь вераськиды вал. Тани мынам песьтэрам но туууж трос соос. Тӥледлы вайи, тодады мед возёды шуыса. Тани кылзэ ай, юн но быгатӥсь таза воргорон сярысь удмурт калык кызьы шуэ: «Кын корт куртчон дырыз». Зол верамын, нош мултэс чеберъяськись адями сярысь шуо: «Пыжтэк Кам вамен потоз», «Кыл йылаз нискылтоз». Калык аслэсьтыз кылзэ туж дунъям. Тани кызьы шуылэм: «Кыл канжаськытозь, пыд мед канжаськоз», «Кыл сизьым шур йылэ вуттоз». Нош умой вераськыны быгатӥсь адями сярысь шуо: «Кылыз – лэчыт пурт», «Кыл йылаз пыӵ уз пуксьы». Кин тодаз ваёз на та выллем лэчытверанъёсты? Котькуд адямилэн аслаз сямыз, сое умой валаны луэ вераськемезъя гинэ но. Кудӥз мултэс ушъяське но ӧжыт лэсьтэ, кудӥз, мылкыдзэ ватыса, кылыныз чеберъяськыны яратэ. Сыӵе муртъёслы но калык шонер дунъет сётэм: «Кыл йылаз – чечы, сюлэмаз - из» «Кыл вылаз вӧй – кыл улаз - йӧ» Та выллем веранъёсын туж яркыт адӟиське калыклэн кыл шоры учкемез но сое дунъяны быгатэмез. Нырысетӥ нуись: Али асьмеос кылӥмы калыклэсь лэчытверанъёссэ. Тани юнме супыльтӥсь адями сярысь калык меӵак вера: «Кылыз лэчыт, киыз - мырк». Нош кӧня мадиськонъёсыз удмурт калыклэн. Оломар сярысь но пӧртмаса вераны быгатэ со.Тани тодэ ай, мар сярысь таосыз. Лӧпшо Педунь: Удмурт кылын мон кырӟасько, Удмурт сямен мон эктӥсько, Удмурт кылын гожъяськисько. Яратӥсько мусо вордскем кылме. Тӥни соин ик но, вылды, Мынам туж зол потэ воже Анай кылзэ вунэтӥсьлы. Нырысетӥ нуись: Бен угось, куддыръя асьмеос вордскем кылмес вунэтыны кутскиськом, унозэ кылъёсты тодамы вайыны ум сюлмаськиське, соин но, вылды, Лашман Петыр сямен суро-пожо вераськиськомы. 5

Тани асьме школаын но куд-ог дышетскисьёслэсь ужъёсысьтызы таӵезэ кылод-адӟод. (Лыдӟо сочинениосысь басьтэм удмурт-ӟуч суро-пожо предложениосты) Кыкетӥ нуись: Ас кылзэс гажасьтэм 150 ар пала талэсь азьло улэм удмуртъёслэсь вераськемзэс гожтэм, дыр, удмурт писатель Кедра Митрей но «Секыт зӥбет» романаз. Романысь сценка (Поп но дьякон нылпиосты лыдӟиськыны дышето). Нырысетӥ нуись: Анай кылмы будэ, юнма, сяськаяське. Асьме писательёс но тодосчиос сое узырмытын сюлмасько. Лӧпшо Педунь: Кызьы сюлмысь уд ушъя лэчыт, котьма сярысь вакчияк но мур вераны быгатӥсь кылмес. Нылпиос, мынам адӟеме потэ вал шулдыръяськемдэс, кылзэме потэ тӥлесьтыд кырӟамдэс. (Кылбуръёс, кырӟанъёс, эктонъёс) Ой, кыӵе тӥ быгатӥськоды усто вераны, кырӟаны-эктыны. Мон тӥледлы кузьымъёс вайи. (самой устоосызлы сётӥсько кузьымъёс) Нош али мыным кошконо мукет нылпиос доры, ӟеч луэ, мусоосы, ӟеч дышетске. Нылпиос шудонъёсын шудо. Уже кутэм литература: список литературы А. Уваровлэн «Лашман Петыр» кылбуресыз Егор Зуев «Лӧпшо Педунь серекъя» Издано: (2009). Герд Кузебай. Кылбуръёс но поэмаос. - Ижевск : Удмуртия, 1963. - 200 с. Краткое содержание: Лопшо Педунь – парень, удмуртский литературный герой. Лопшо – переводится как весельчак. Педунь – Фёдор - популярный герой удмуртского фольклора: коротких юмористических и сатирических миниатюр и анекдотов, бытовых сказок. Персонаж сочетает в себе образ мудреца и простака одновременно. Он рассказывает смешные истории, просит ребят прочитать стихи и спеть песню на родном языке. 6

Мусо шаере, тон мынам весь сюлмам литературая крезьгуро ӝыт 5-тӥ но 7-тӥ классъёс. Милый край, ты всегда в сердце моем: сценарий литературно - музыкального вечера для учащихся 5-7 классов. Литературая крезьгуро ӝытлы сценарий Дасямын «Вордӥськем шаере, тон мынам улонэ, пыраклы яратӥ мон тонэ» адӟытон. Солэн таӵе ёзэтъёсыз: 1. Удмурт шаерлэн чалмылӥсьтэм гырлыез (К. Герд сярысь) 2. Ӟеч ужъёсыз асьмелы кылизы... (А. Оки сярысь) Выставкалэн цитатаез: цитата «Вордскем шаер, мынам тон шудбуре, Тонэ гажай, луи мон кылбурчи, Шукыяськись мусур кадь кылбурен Пӧсь мылкыды сюлэмысьтым уртчиз!» (И. Зорин. Тонэ гажай ) Ужрадлэн мугез: - ас шаереныд но калыкеныд данъяськон мылкыд пыӵатон; - удмурт кылбурчиослэн: К. Гердлэн, А. Окилэн, Ф. Васильевлэн, А. Кузнецовалэн, 3. Рябининалэн улэменызы но гожъяськеменызы мургес тодматскон. Чузъяське удмурт крезьгур. Пото кык нуисьёс. 1-тӥ нуись: Ӟечбуресь, гажано эшъёс! (Здравствуйте дорогие друзья!) 2-тӥ нуись: Ӟечбуресь, дуно куноосмы! (Здравствуйте, гости дорогие!) 1-тӥ нуись: Ми туж шумпотӥськом туннэ тӥледын пумиськеммылы. Туж бадӟым тау лыктыны быгатэмды понна. Мы очень рады встретиться с вами. Большое спасибо, что нашли время прийти на мероприятие. 2-тӥ нуись: Туннэ асьмеос люкаським тодматскыны удмурт кылбурчиослэн улэменызы но гожъяськеменызы. Вераськон мыноз Кузебай Герд, Ашальчи Оки, Флор Васильев, Алла Кузнецова но Зинаида Рябинина сярысь. 1-тӥ нуись: Нош литературая крезьгуро ӝытмы нимаське «Мусо шаере, тон мынам весь сюлмам». 2-тӥ нуись: Та пумысен туж чебер кылъёс гожтӥз Флор Васильев: «Бен, Волга но Каматэк уз лу чебер, Волгатэк нош Кама но ӧвӧл. 7

Россиятэк ӧвӧл Удмурт шаер, Нош мон понна Удмуртитэк Россия но ӧвӧл» («Шудмы огъя») 1-тӥ нуись: Тросэз дунне вылын улӥсь калыкъёс тодо: тужгес но умоез, чеберез, мусоез со инты, кытын тон вордскид, улӥськод но ужаськод. Одӥг кылын вераса - со Родина. 2-тӥ нуись: Вань бадӟым страна дунне вылын, кудзэ ми Родина шуиськомы - со Россия. 1-тӥ нуись: Но вань Россиын инты, кудӥз сярысь ми туж яратыса вераськом «Мынам Родинае - со дуно Удмурт шаер». 2-тӥ нуись: Трос книгаос, кылбуръёс, кырӟанъёс гожтэмын та музъем сярысь, солэн тэльёсыз но шуръёсыз, гуртъёсыз но городъёсыз, вуэм ю-нянез но лыз етӥнэз, ужась калыкез сярысь. 1-тӥ нуись: Туннэ асьмеос тодматском кылбурчиосын, кудъёсызлы инмар малпанзэс кылбурен вераны быгатонлык сётэм. 2-тӥ нуись: «Вордскем шаер, мынам тон шудбуре, Тонэ гажай, луи мон кылбурчи, Шукыяськись мусур кадь кылбурен Пӧсь мылкыды сюлэмысьтым уртчиз!» (И. Зорин. Тонэ гажай) 1-тӥ нуись: Таӵе шор кылъёсыз (цитатаез) «Вордскем шаере, тон мынам улонэ, пыраклы мон тонэн» книгаосын адӟытонмылэн. Татысь тӥ кылбурчиосмы сярысь трос тунсыко материалъёсты шедьтоды. Учкелэ, лыдӟе, выставка лэсьтэмын тӥ понна. 2-тӥ нуись: Куке лыдӟиськод кылбурчиослэсь гожъям чуръессэс, син азе пуксе соослэн сюлэм пуштроссы, паймытэ котыр улонэз быгатыса верамзы. 1-тӥ нуись: Со кылбуръес котыразы кыско кадь, выльысь но выльысь ас чеберенызы но шунытэнызы сюлэмез вырӟыто. Кылбуръёсын верамын котьмар сярысь, но огазея соосты вордскем музъемдэ но калыктэ яратон. Чузъяське С. Широбоковлэн «Куке мынӥсько мон вордскем шаертӥм» кырӟанэз. Кырӟало нылкышноос. Куке мынӥсько мон вордскем шаертӥм, Сюлмы нош тырме кырӟанэн. Ӧвӧл кадь пумыз, Ӧвӧл кадь йылыз Тӧдьы кызьпуо сюреслэн. Кыӵе паськытэсь вож лысо нюлэсъёс. Кыӵе вӧлмытэсь лудъёсмы. 8

Дыртӥсь шуръёсьн, Садо возьёсын Шулдыр тон, милям шаермы! Чагыр зарезь выл кадь етӥн сяськая Мусо шаерлэн луд вылаз... Нюлэс шаугетэ, Монэ со матэ Ӧте вож лысо салкымаз. Эшшо шулдыргес но эшшо чебергес Улон асьмелы ӝужалоз Завод гудокъёс, Кырӟась моторъёс Милем со сярысь верало. Потэ нырысетӥ верась: Я Кузебай-а, шуомы, я Герд – Чебер кырӟан кадь жингыртоз данэд. Со дуннеысь ни ми доры уд берт Но кысытэк югдоз лул ӝуанэд. Ас шаердэ ӟырдыт яратонэд Ӧтиз тонэ бадӟым сюрес вылэ. Сокем ай трос ӧй вал шумпотонэд – Шудбур угось уг лыкты каньылэн. Ӟеч малпанэн учкид улон шоры, Сюлэмысьтыд ӧд ышты оскондэ. Шудбуроен асьме пал шаерын Потэ вал адӟемед ас калыктэ. Вань тыршемед ӧз луы юнмелы, Нимдэ уз вунэты удмурт калык, Дыраз туж ик ӧз тод ке но тонэ. Вань улэмед тодмо ини туннэ. Зол куаразэ уз ышты кылбуред, Улоз со данъяса удмурт кылмес. (А. Белоногов. Малпаськон Герд) Тазьы гожтэ Александр Белоногов Кузебай Гердэз буре вайыса. (Так написал в Александр Белоногов в воспоминаниях о Кузебай Герде.) 2021-тӥ арын Кузебай Герд вордскем дырысен тырме 123 ар. Кузебай Герд (Кузьма Павлович Чайников) вордскиз 1898-тӥ арын, 2-тӥ январе Вавож районысь Покчивуко (Большая Докъя) гуртын. Кылбурчи, прозаик, драматург, тодосчи, педагог, крезьгурчи, югдытӥсь - та удмурт пиосмурт туж трос лэсьтӥз удмуртлыкез ӝутон понна. 9

Вавожысь школаез йылпумъяса, дышетӥсьёсты дасянъя Кукаркаысь семинариын дышетскиз. Сое быдтыса, Бадӟым Учаысь кык классъем школаен кивалтӥз. Озьы ик кивалтӥз Малмыж УОНО-ысь удмурт ёзэтэн. Трос кужымзэ понӥз выль Мултанысь педтехникумез усьтон, книга поттон, нылпи юрт усьтон борды. 1922-1925-тӥ аръёсы Кузебай Герд чеберлыко литературая В. Я. Брюсов нимо институтын дышетскиз, отӥяз Шундыӝужанпал калыкъёслэн культуразыя научно-исследовательской институтлэн аспирантэз вал. 1923-тӥ арын со удмурт шаерез эскерись «Бӧляк» огазеяськон кылдытэ, 1926-тӥ арын - удмурт писательёслэсь огазеяськонзэс. 1929-тӥ арын со СССР-ысь Наукаосъя Академие докторантурае пыриз, но 1930-тӥ арын Ижысь совпартшколае ужаны выжиз. 1932-тӥ арын Кузебай Гердэз арестовать каризы, шедьтӥзы тушмонъёс сое пытсэт сьӧры пуктыны амалъёс. Нош 1937-тӥ арын, сӥзьыл пал, Соловец шормуӵе келяса, ыбизы. Со сярысь тодмо луиз 1989-тӥ арын гинэ. Кузебай Гердлы дунне вылын кема улыны ӧз кылды, куамын укмыс аресозь гинэ - шедизы тушмонъёс, вожъяськисьёс, йыркурзэс вормытэк сьӧдмасьёс но саптасьёс. Вунэтӥзы огдыре вань умой лэсьтэм ужъёссэ. Ог витьтон ар улыса, 1989-тӥ арын, Кузебай Герд быдэсак реабилитировать каремын вал. Озьы солэн данэз выльысь берытскиз калыкез доры. Нош со вакчи улытозяз но Кузебай Герд вуиз ог 500 мында кылбуръёс, куать пьеса, кык повесть, роман, ог 150 мында статьяос гожтыны. Кылбур гожъяны Кузебай Герд кутскиз дас кык аресысен, Вавожысь двухклассной школаын дышетскыкуз. Революция бере кылбуръёсыз «Крезьчи» (1922), «Сяськаяськись музъем» (1927), «Лёгетъёс» (1931) сборникъёсын потӥзы. Та куинь сборникъёс печатласькизы кылбурчи улэп дыръя на. «Крезьчи» книгаяз Герд возьматӥз удмурт калыклэсь туж секыт улэмзэ. Лыдӟись: «Э, куанер калыке, э, шудтэм калыке...» Э, куанер калыке, э, шудтэм калыке, Тынэсьтыд шудтэмез вань меда кытын ке? Изьытэк, дӥськуттэк, гольык пыд ветлӥськод, Ас кӧттэ тырытэк, ляльчиын улӥськод. Ю-нянед но ӧвӧл туж паськыт бусыяд – Начаресь ӟегъёсыд куасьмиллям му вылад, Ӝынызэ анадэ жаг турын басьтылэм, Интыен-интыен вож пушнер потылэм. Тынэсьтыд ваньбурдэ, нуназе утчаса, Чаг тылын эскерса но уд шедьты: Гӧртэм коркад толалтэ пырыса, Гур пушкад но пырса чик уд шуна… 10

Ку меда, кужымдэ люкаса, тон султод? Ку меда жильыдэ тӥяса сэрпалтод? Кырӟаса бусыдэ гырыны потылод, Шумпотса кидыстэ пазялод, кизьылод?... Кузебай Гердлэн туж адӟемез потэ вал ас калыксэ дӥсьтӥсен, эрикоен. Ас кылбураз «Мед куло, эсьмаса» со шуэ: Ӵок! Мед куло, эсьмаса, Удмуртъёслэсь иземзэс адӟытозь! Мои жади ини, весь соосыз сайкатыса, Мон куасьми, удмуртъёс иземысь султытозь. Султозы, дыр, шуса, весь возьмай, весь возьмай. Возьмаса кесяськи, сайкатӥ - Одӥгез но ӧз кыл мынэсьтым куараме. Кулэм кадь изё на удмуртъёс тэльёстӥ! Нош асьме юлтошъёс: бигеръёс, чувашъёс — Кемалась ӝутскыса ужало. Поттыло газетъёс, школа усьтыло, Туж визьмо книгаос гожъяло. Удмуртъёс! Весь изьыса, кумышка пӧзьтыса, Тэльёсы кулыса быроды-а? Огинэ луыса, иземысь султыса, Туж кужмо ужаны кутскоды-а? («Мед куло, эсьмаса») «Сяськаяськись музъем» но «Лёгетъёс» сборникъёсаз Кузебай Герд возьматэ ини воштӥськонъёсты, выль улонэз. Куке быдэс удмурт музъем вылын кылдӥз Совето власть, Кузебай Гердлэн кылбуръёссэ ӝутскем мылкыдын гожъяз. Со гожъяз заводъёс сярысь, возьматӥз адямиослэсь мылкыдзэс. «Мон удмурт» кылбураз со шумпотыса вера: Мон - удмурт. Мон - туж шудо! Эрказ луи, бурдъяськи! Сюлмам горд тылъёс будо, Сьӧд дуннеысь мозмытски! Октябрь нуналэ, туннэ Ульчае калык потоз: Кудӥз потоз кырӟанэн, Кудӥз горд флагез ӝутоз. Нокинлэсь возьдаськытэк, Удмурт дӥсьме дӥсяса, Мон но потто кышкатэк, 11

Горд кырӟанъёс кырӟаса. Тани - мон но тӥ пӧлын, Уно пӧртэм калыкъёс, Мынам мылкыд - туж вылын, Котырам - выль сюресъёс. Та Октябрь ӧй ке луысал, Пеймыт гуын мон улсал, «Гожмо шыр» нимы лусал, Аслэсьтым возьдаськысал. Горд Октябрь монэ ӝутӥз – Калыкъёс радэ пыртӥз... Мон тани: татын сылко, Удмурт кылын кырӟасько!... («Мон удмурт») Кузебай Герд малпаськиз калыкез дышетон сярысь, нырысь ик вордскем кылызлы, со дунне вылысь медаз быр. Озьы кылдӥз «Удмурт кыл» кылбурез: «...Малы дуно Та удмурт кыл? Малы, малы Кулэ сокем Удмурт кылэз Юн ӟеч тодэм?... Оло мукет уно кыллэсь Жингрес солэн жингреслыкез? Оло мусо чеберлыкез? Оло чебер куаралыкез? Ӧвӧл, ӧвӧл, Котькыӵе кыл Ас интыяз Чебер, жингрес. Дырыз дыръя Котькыӵе кыл Луэ узыр но сэзь, жингрес. Нош туннэзэ, Зэмзэ ик, зэм Удмурт кылэз Туж ӟеч тодэм Тужгес дуно, тужгес кулэ Та улонэз ӝутын вылэ!..» («Удмурт кыл») 12

Котькуд кылбурчилэн сямен ик, Кузебай Гердлэн трос кылбуръёсыз яратонлы сӥземын. Тани соос пӧлысь кӧняез ке: Ӧс но пытсамтэ... Шулдыр юмшасьёс Уйбыт мон ӧй изь: Уйбыт кырӟазы, Ӵуж ӟег бусыысь Жингрес арганъёс. Вити лыктэмдэ. Уйбыт жингразы. Мон ӧй изь. Ӝокыт. Югыт луытозь Малпаськи. Кылли. Серекъяд, шудӥд. Куарадэ кылӥ, Шунды ӝужатозь, Шулдыр кырӟакуд. Монэ бӧрдытӥд! Ӧс но пытсамтэ... Уйбыт мои ӧй изь: Ӵуж ӟег бусыысь Вити лыктэмдэ! («Кеносын») Воштӥськем улон, ас шаердэ но калыктэ яратон, соосын данъяськон Кузебай Гердлэсь сюлэмзэ шумпотонэн пачылмытэ. Трос кылбуръёс пото солэн сюлмысьтыз, соос пӧлын «Удмурт улосмы» кылбур но: Тон, Удмурт улосмы, Эрико шаермы, Туж мусо потӥськод, Туж шулдыр адскиськод! Паськытэсь лудъёсад Колхозъёс ужало, Колхозъёс ужало, Тракторъёс гурлало. Вуж гуртын вал кенер. Выль гуртын дэмен луд. Кин ляльчи вал, куанер, Со лудын дуре шуд. Чагтылъёс кысӥзы, Карасин но быре. Гуртъёсыз кутскизы Пукыны электрен... Городъёс ӝутскыло Сьӧд нюлэс шоръёсад. 13

Тон шимес вал азьло, Нош табре - шулдыр сад. Колхозэ пырыку, Колхозъёс ӵыдонтэм. Колхоз луд учкыку, Бертэмед потонтэм. Со понна ик дуно Тон, Удмурт улосмы! Со понна ик дано, Эрико шаермы! («Удмурт улосмы») Кузебай Гердлэн гожъяськон вакытэз туж вакчи вал, чылкак 13-14 ар гинэ. Нош солэн улонэз яркыт кизилилэн лобемез выллем луиз. Со вордэм калыкезлэсь шумпотонзэ но куректонзэ усьтӥсь но суредась луиз. Со кылдытӥз сюлме пыӵамонэсь произведениос. Соос, удмурт культураез сяна, быдэс страналэсь культуразэ но узырмытӥзы, дунне вылысь огъя культурае но ӟеч люкетсэс ватсазы. Кузебай Гердлэн ужъёсыз котькулы кылизы асьме улонамы но сюлэмамы: «Я Кузебай-а шуомы, я Герд – Нимдэ уз вунэты удмурт калык. Зол куарадэ уз ышты кылбуред – Чебер кырӟан - луэ со кемалы. Ӧз кылды пумъяны малпанъёстэ Возьмаз ини тонэ шимес адӟон. Мар «Соловки» со - тодӥсез тодэ... Калыкедлы кылиз тодаз возён. Мед валалоз вылэм удмурт калык – Малпаськон Герд кельтӥд тон пыраклы (А. Белоногов. Малпаськон Герд) Чузъяське кырӟан «Укно но шоръёсад» К. Гердлэн кылъёсызъя: Укно но шоръёсад Вож-вож садъёсыд, Эн кушты но, мемие, Ву киська. Азбар но шоръёсад Тӧдьы ӟазегед, Эн кушты но, кенаке, Сюдылы. Бакча но шоръёсад Улмопу садэд, 14

Эн кушты но, дядие, Ву киська. Корка но шоръёсад Векчи пиналъёс, Эн кушты но, мемие, Утялты. Коргид но шоръёсад Тӧри ужпиед, Эн кушты но, быратэ, Сюдылы. 2-тӥ верась: Котькуд калыклэн вань сюлэмаз яратоно нимъёсыз. Удмурт калыклэн таӵе нимъёсыз пӧлы пыре нырысетӥ удмурт нылкышно кычбурчилэн Ашальчи Окилэн нимыз. Ашальчи Оки – таӵе псевдоним аслыз басьтӥз Лина Григорьевна Векшина. Ашальчи - Кам шур котырысь ческыт зыно турын, зубровник. Ашальчи Оки вордскиз 1898-тӥ арын 4-тӥ апреле Грак ёросысь Кузебай гуртын удмурт крестьян семьяын. Атаезлэн туж потэ вылэм нылзэ дышетэмез. Лина йылпумъяз школаез. Дас куать аресысен дышетыны кутскиз. Соку ик кутскиз кылбуръёс гожъяны. Пичи дыръяз Лина гуртысьтызы одӥг пересь кышномурт доры ветлылыны яратэ вылэм. Та пересез, адямиосты турынъёсын эмъямез понна, «ведӥн» шуыло вылэм. Пичи Линалэн сюлмаз малпан кылдэм - со но луоз «ведӥн», калыкез эмъялоз. Но врач луон понна трос дышетскыны, трос тодыны кулэ. Соин ик нылаш пыре Казаньысь университетэ, дышетске рабфакын но эмъян факультетын. Потэ отысь врач-окулист луыса. Одӥг пол Линалэн кияз «Гудыри» газетысь удмурт кылбур шеде, гожтэм чуръёс солы тодмо но аслаз кадь пото, сюлмаз пыро. Лина кутэ бумага, ручка... Кылбуръёсыз кисьтӥсько сюлмысь. Лыдӟись: «Тон юад мынэсьтым» = «Я вас спрашиваю» Тон юад мынэсьтым: - Марлы бен кылбуръёс гожъяськод, Чик юнме кужымдэ быдтӥськод? Бен юад-а, юад-а, эше, Бусыын ӵуж кисьмам сезьылэсь, Марлы со уй-нунал ӵаштыртэ, Уй-нунал ас понназ вераське? Шур вулэсь нош юад-а, эше, Марлы со дугдылтэк жильыртэ, Дугдылтэк ас понназ куаретэ? Уӵыед но тулыс садъёсын Марлы бен ӝыт-ӵукен весь чирдэ - 15

Тон юад-а сое? Ас вордӥськем музъемзэ яратэмзэ Ашальчи Оки тазьы вера: «Вордӥськем музъеме, Вордӥськем шаере, Туж мусо потӥськод, Туж шулдыр адскиськод. Калыке потыку, Дорылэсь мӧзмисько. Вордӥськем шаерме Туж буре ваисько» («Вордӥськем музъеме» = «Родная земля») Калык вераськонысь, кырӟанысь бырйылӥз Ашальчи Оки ас сюлэм висёнзэ но шумпотонзэ вераны тужгес но тупась кылъёс. Озьы со быгатӥз аслэсьтыз гинэ ӧвӧл, трос удмурт нылкышноослэсь пыдлось малпанъёссэс шараяны. Соин ик солэн кылбуръёсыз ас кожазы кадь, ӵуж сезьы музэн, ӝужазы, шур ву кадь жильыртӥзы, уӵы кадь чирдӥзы. Трос кылбур ӧз гожты Ашальчи Оки, куамын сизьым гинэ... Но со кылбуръёсаз возьматӥз вордӥськем шаерезлэсь чеберзэ, азьпал улонлы осконзэ, вань уродзэ улонысь порыса куштон, чылкыт, сайкыт яратон сярысь малпанъёссэ. Со кылбуръёс удмурт нылъёсты ӧтизы ас малпанъёссэс шара вераны, нылмурт данзэс вылэ ӝутыны. Ашальчи Окилэн кызь одӥг кылбурез сӥземын вал яратонлы, соос пӧлын - «Мон тодам ваисько», «Кык гожтэт» но мукетъёсыз. Лыдӟись: Марлы тонэ яратӥсько, Марлы тынэсьтыд мӧзьмисько? Марлы туж жаль потӥськод, Марлы монэ куасьтӥськод? Яратэмед монэ быдтӥз, Пинал сюлэмме чигиз – Вань эшъёсыным но люкиз, Вунэтонтэм кайгу ваиз. Тонэ котьку малпасько, Уйлы быдэ вӧтасько. Тонэ адӟытэк мӧзмисько, Мусо нимдэ верасько. Тонэн тодматски – Кайгу шедьти. Тонэ яратӥ - Шудтэм луи! («Марлы тонэ яратӥсько... » = «Что ты любишь… ») 16

Лыдӟись: Мон тонэ яратӥ - Собере кузьмаськи: Пужъятэм ӵушконъёс, Чебересь янчикъёс Мон кузьмай туж уно, Гажанэ, котьку но. Берпумаз мон кузьмай Туж бадӟым кузьымме, Туж бадӟым кузьымме – Пӧсь, ӟырдась сюлэмме. Пужъятэм ӵушконме, Чебересь янчикме Тон басьтӥд ваньзэ но, Яратӥд котьку но, Берпумзэ но басьтӥд Мынэсьтым кузьымме, Мынэсьтым кузьымме - Пӧсь, ӟырдась сюлэмме. Марлы бен басьтыса Пыд улад тон лёгад? Туж бадӟым кузьымме - Пӧсь ӟырдась сюлэмме? («Туж бадӟым кузьымме...» = «Великий дар») 1925-тӥ арын Ашальчилэн потӥз «Сюрес дурын» = «У дороги» сборникез, 1928-тӥ арын - «О чем поет вотячка». Собере Лина Векшина кылбуръёс ӧз гожъя ни. Ӧтьымтэ куноен пыриз война ужась калыклэн улоназ. Быдэс странаысь калык сямен ик, Удмуртиысь калык мыноно луиз тыложе. Семьязэ кельтыса, войналэн нырысетӥ нуналъёсаз ик Лина Григорьевна Векшина кошкиз фронтэ, ужаз полевой госпитальын. Котыраз снарядъёс пуштылыку, со операциос лэсьтылӥз. Озьы, война бырытозь, со фронтлэн азьпал радаз секыт но дано ужез быдэсъяз. Сое данъязы «За боевые заслуги» медален. Война бере Ашальчи Оки выльысь Алнаше берытскиз. Трос дырзэ но кужымзэ быдтӥз трахомаез быдтон понна. 1958-тӥ арын Акулина Григорьевна Векшина пусъемын вал «Знак Почета» орденэн, собере – «Удмурт АССР-ысь дано врач» нимын. 1968-тӥ арын Векшиналэн гожъямъёсыз потӥзы «Мон тодам ваисько» бичетын, нош 1978-тӥ арын «Тон юад мынэсьтын» сборникын. 1920-тӥ аръёслэн пумысенызы но 1950-тӥ аръёслэн шор вадесозязы Ашальчи Оки ӧз гожъя, уго соку туж секытэсь дыръёс вал. Нош литературамылэсь будэмзэ со ялан сак эскериз. Выльысь гожъяны кутскиз 17

кылбурчи 1956-тӥ арысен, гожъяз веросъёс, очеркъёс, кудъёсаз возьматӥз пинал дырысен кутскыса вань улонзэ. Ашальчи Оки трос гожъяны малпа на вал. «Кыӵе паймоно кадь дыръёс вуизы!» - мылкыдыз пачыласа ик вазиське со одӥг гожтэтаз. Но тазалыкез лябомиз, 1973-тӥ арын Ашальчи Оки улонысь кошкиз. Кулон азяз гурт калыкез «Мон тодам ваисько» но «Песня о тревожной молодости» кырӟанъёсты шай вылаз кырӟаны косӥз. Калыклэн сюлмаз но визьмаз со кылиз дышетӥсь, врач но кылбурчи луыса. Нош удмурт литературалэн историез понна со - нырысетӥ удмурт нылкышно- кылбурчи. Чузъяське кырӟан «Мон тодам ваисько» А. Окилэн кылъёсызъя. Нюлэскы ветлыкум Сьӧд сутэр бичакум, Сьӧд сутэр синъёстэ, Мон тодам ваисько. Возьёсыз турнакум, Льӧль сяська адӟыкум, Льӧль сяська бамъёстэ Мон тодам ваисько. Бусыын гырыкум, Тюрагай кылыкум, Тюрагай куарадэ Мон тодам ваисько. 1-тӥ нуись: Тани вуиз пумаз удмурт кылбурчиослы сӥзем ӝытмы. 2-тӥ нуись: Соосты ваньзэсты огазея, ас вордскем музъеменыд, шаереныд, ас калыкеныд но соослэн уженызы данъяськон. 1-тӥ нуись: Бадӟым тау тӥледлы ваньдылы. Табере ваньдэсты ӧтиськом самовар котыре пӧсь чай юыны. Собере кӧня ке кырӟаломе на удмурт кырӟанъёсмес, ваньмы ӵош, арган шудэмъя. Уже кутэм литература: список литературы 1. Ашальчи Оки. Тон юад мынэсьтым: кылбуръёс, веросъёс, гожтэтъёс. - Ижевск: Удмуртия, 1978. - 140 с. 2. Герд Кузебай. Гажан эше: кылбуръёс но поэмаос, тодэ ваёнъёс/ Предисл. А. Шиляевлэн. - Ижевск: Удмуртия, 1978. - 251 с. 3. Герд Кузебай. Кылбуръёс но поэмаос. - Ижевск: Удмуртия, 1963. - 200 с. 4. Герд Кузебай. Та кырӟанъёсы-тюрагайёсы: люкет кылбуръёс, поэмаос / Дасяз Ф. Н. Ермаков. - Ижевск: Удмуртия, 1994. - 302 с. 18

Лопшо Педунь отчаське литературный час по удмуртскому детскому фольклору для дошкольников /Билиотекаын Лопшо Педунь пумита нылписадэ ветлись нылпиосты/ Лопшо Педунь: Зеч буресь, нылпиос! Нылпиос: Умоесь! Л.П.: Кема возьмай ни мон тиледыз, ойдо пырэлэ, пукселэ. Жадиды а лыктытозяды, сюресты кузб вал-а? Нылпиос: Ом жаде, милям садикмы кидёкын овол. Л.П.: Ти нош тодиськоды-а кытчы лыктиды? Татын уло портэм книгаос: бадзымесь но пичиесь, суредъёсын кильтырамъёсыз но огшорыосыз но, нылпиослы но бадзым адямиослы но, портэм кылъёсын но. Нош ти книга лыдзиськоды а? Нылпиос: Ум быгатиське на лыдзиськыны. Л.П.: Ну, школае мынидыке, дышетозы. Нош туннэ мон тиледыз оти татчы куное, туж яратисько мон нылпиосыз. Вералэ ай мыным ти исаськыны яратиськоды а? Нылпиос: Ум. Л.П.: Ма, мар алдаськиськоы, мон тодисько нылпиос туж быгато исаськыны. Ачим но мон олокыче но исаськонъёсты тодисько, вералома? Нылпиос: Вералэ. Л.П.: Ти полын Степан нимо пиосты вань а? Нылпиос: Вань, тани со. Л.П.: Степан вождэ эн потты ява, мон ожытак исасько. Исьтапан-барабан – Гырлы шуккись таракан. Илляез мон тазьы исасько: Илля-пелля, чепылля, Гурезь йылти нискыла. Нош кин куатаське мон соосты тазьы шуисько: Куата, куата, куатали, Куатие огназ кылиз, Куатали кема бордиз Чуказе кема шудиз. /Лопшо Педунь вера на портэм исаськонъёсты/ Нош шудыны кутскыкуды кызьы чётаськиськоды? /Нылпиос верало/ Л.П.: О-о. Трос тодиськоды вылэм. Мон но дышето ай аслэсьтым самой яратонооссэ: Гурезь улти улмо питра, Кин ке кутэ – со потэ. /Л.П. чета ныпиосыз, кин вылэ кыле сое каре «сукыр така», ваньзы чошен шудо/ 19

Л.П. Нош чумаса пегаса шудиськоды а? Нылпиос: Шудиськом. Л.П. Мон но туж яратисько шудыны. Со понна ик таче четаськон малпай, ти но шудыкуды тазьы ик чётаське. Чима, чима, чимали, Чимыостэ кынь али, Чимыостэ усьты ни, Пегземъёсты утча ни. Шундылы, зорлы кызьы бон вазиськиськоды? /Нылпиос верало/- ( перевод: Дети говорят) Эк-ке-ке. Вазиськонъёс уд тоське вылэм, тани дышето ачим. Зор, зор, зорые Тон весь усьы улие. Мон тыныд шумпотисько, Усьыны мон дэмласько. Пот, пот шундые, Сяська дэрем дисяло, Од ке пот, шундые, Сяська дэремме басьто. Нош эшшо но тросгес тодэмды потэ ке вазиськонъёс, исаськонъёс, чётаськонъёс басьтэ библиотекаысь таче книгаосты (возьматэ): Юри-пери толпери… но Кыз йылын пуке зичы. Анай атайёсты тиледлы мед лыдзозы нош ти собере тододы трос четаськонъёс, исаськонъёс. Нош али мон тиледлы мадиськонъёс верало портэм пойшуръёс сярысь. Кин тодиз ответсэ – солы мынэсьтым пичияк кузьым. Пичи Петька вень вуза. (Чушъял) Азбар шорын чуж бугоръёс питрало. (Чипы) Валлэсь кужмо, адямилэсь курда. (Гондыр) /Л.П. вера портэм мадиськонъёс / Мон туж трос выжыкылъёс тодисько, тани книга таче потиз ни (возьматэ), мынам выжыкылъёсы татын гожтэмын – «Лопшо Педунь серекъя». Одиг выжыкыл мон тиледы али верало ай. 20

/Л.П. вера «Коттырмостэм купец» вывжыкыл/ Вакыт но трос ортчем ни ук нылпиос, тиляд сиськон вакытты вуэни. Татын монэ кылдиськыса сиськытэк но кыледы ай. Анай атайесыныды лыктэ библиотекае книга басьтыны, книга лыдзись муртъёс туж визьмоесь луо, тани мон но весь татчы ветлисько но портэм книгаос лыдзисько. Зеч луэ нылпиос. /Нылпиос тау карыса кошко/ Уже кутэм литература 1. Ингур: Удмурт фольклоръя лыдзет: Шор ёзо школаослы/Люказ, радъяз но валэктонъёссэ гожтиз Т.Г.Владыкина. - Ижевск:Удмуртия, 2004. 2. Кыз йылын пуке зичы: Пышкылонъёс, вазиськонъёс, выжыятонъёс, жогверанъёс / Дасяз В.Н.Ившин. - Ижевск: удмуртия, 2012. 3. Лопшо педунь серекъя: Удмурт калык выжыкылъёс/ Дасяз Д.Яшин. – Ижевск: Удмуртия, 2009. 4. Юри-пери, толпери… Вазиськонъёс, лыдъяськонъёс, исаськонъёс, жогверанъёс, лэчыт веранъёс, выжыятонъёс/ Люказ но радъяз Л.Н.Долганова. - Ижевск: Удмуртия, 2013. 21