Gabay Kristo - Filipino

Gabay sa Tamang Pagpili ng mga Ihahalal na Kandidato TAPATDAPAT #BeHONEST BROTHERHOOD OF CHRISTIAN BUSINESSMEN & PROFESSIONALS

1 / 15 May malinis siyang pangalan sa pampublikong tala (public record); hindi nasangkot sa anumang krimen, anomalya o katiwalian.

2 / 15 Wala siyang mga bisyo sa droga, alak, babae-lalake, sugal, at iba pa. Wala siyang kaugnayan sa mga taong may masamang kalakaran.

3 / 15 May maganda siyang halimbawa, malinis at tapat na pamumuhay.

4 / 15 Hindi siya sangkot sa pandaraya sa eleksyon o anumang pag-labag sa mga batas ng eleksyon.

5 / 15 Hindi siya sangkot sa pagnanakaw at pangungurakot sa kaban ng bayan; wala siyang di- maipaliwanag na yaman o ‘unexplained wealth’.

6 / 15 Mayroon siyang sapat na kaalaman at edukasyon bilang paghahanda sa posisyong hinahangad (knowledge & education). Mayroon siyang sapat na karanasan para sa posisyon o may maipakikitang talaan ng mga naisakatuparang mga programa mula sa mga nakaraang tungkulin (experience or track record).

7 / 15 Mayroon siyang matibay na kalooban na magpatupad ng batas (political will).

8 / 15 Makatarungan siya, walang kinikilingan o pinapanigan; may tapang na ipag-laban ang tama at labanan ang mali.

9 / 15 May malinaw at konkreto siyang Programa at Plataporma ng pamumuno; nagsusulong ng mga programa o batas tulad ng solusyon sa kahirapan ng nakararaming mamamayan, paglaban sa droga at smuggling.

10 / 15 Napapangalagaan niya ang kaban ng bayan at hindi ito gina-gamit sa pansariling kapakanan, tulad ng labag na paggamit ng DAP at Pork Barrel.

11 / 15 Napangangalagaan, napananatili at napalalago niya ang likas na yaman ng bansa.

12 / 15 Hindi siya nagpapalaganap ng pamumuno bilang isang pamilya o political dynasty. Naniniwala siya na ang pamumuno ay hindi dapat kontrolado ng iilang pulitikal na pamilya o political dynasty.

13 / 15 Hindi siya lumalabag sa mga utos ng Diyos; sinisikap ipamuhay ang kalooban ng Diyos.

14 / 15 Mayroon siyang pagpapahalaga sa buhay, magulang at pamilya, Simbahan at lipunan; may respeto sa dignidad at karapatang pantao bilang nilikha sa wangis ng Diyos.

15 / 15 May puso siya at malasakit sa mga mahihirap at nangangailangan.

Bumoto ng TAPAT. Iboto ang TAPAT.

Para sa Diyos. Para sa bayan.