Elektron Jurnal -Oktyabr

1 Azərbaycan Könüllüləri Qara Qarayevin ev muzeyinə ekskursiya AKTİ 1 oktyabr 2022-ci il Ekskursiya çərçivəsində Azərbaycan Könüllüləri Qara Qarayevin həyat və yaradıcılıq yolunu əks etdirən nadir materiallar – sənədlər, əlyazmalar, fotoşəkillər, tamaşa və konsert afişaları, bəstəkarın şəxsi əşyaları, məişət əşyaları ilə tanış olublar. Daha sonra isə istedadlı Azərbaycan Könüllüsü Murad Abdullayev Azərbaycan musiqilərini pianinoda ifa edib.

“Qayıdış Könüllüləri” Proqramı 2 1 oktyabr 2022-ci il AKTI Azərbaycan Respublikası Prezidentinin Qarabağ İqtisadi rayonu üzrə xüsusi nümayəndəliyinin və Azərbaycan Gənclər Fondunun dəstəyi ilə Azərbaycan Könüllü Təşkilatları İttifaqının təşkilatçılığı ilə “Qayıdış Könüllüləri” Proqramı çərçivəsində müsahibədən uğurla keçmiş “Ağdam Könüllüləri” qrupunun təlim proqramı başa çatıb.

3 “Könüldən Zəfərə” adlı Payız Məktəbi AKTI 1-6 oktyabr 2022-ci il 1 oktyabr tarixində “ASAN Könüllüləri\" Təşkilatının təşkilatçılığı, Azərbaycan Respublikasının Gənclər və İdman Nazirliyi, Göygöl Rayon İcra Hakimiyyəti, Azərbaycan Gənclər Fondu və Azərbaycan Könüllü Təşkilatları İttifaqının dəstəyi ilə “Könüldən Zəfərə” adlı ASAN Könüllülərinin Şanlı Zəfərə həsr olunmuş Payız Məktəbinə start verilib.

“Qayıdış Könüllüləri” Proqramı 4 5 oktyabr 2022-ci il AKTİ Gənc nəslin, xüsusilə də kökləri bu torpaqlara bağlı olan gənclərin daha geniş cəlb olunması çağırışına uyğun olaraq həyata keçirilən “Qayıdış Könüllüləri” proqramının əsas məqsədi, işğaldan azad olunmuş ərazilərdə könüllülük fəaliyyətini dəstəkləmək, əslən həmin bölgələrdən olan gənclərin öz doğma torpaqlarında yenidənqurma və bərpa işlərində və eləcə də bölgənin tarixi, mədəniyyəti və xalqımızın irsinin təbliğində iştirakını təşviq etmək və gənclərin azad olunmuş ərazilərə qayıdışına töhfə verməkdir.

5 Ağdam Könüllüləri AKTİ 8 oktyabr 2022-ci il Azərbaycan Respublikası Prezidentinin Qarabağ İqtisadi rayonu üzrə xüsusi nümayəndəliyinin, Azərbaycan Gənclər Fondunun dəstəyi və Azərbaycan Könüllü Təşkilatları İttifaqının təşkilatçılığı ilə “Qayıdış Könüllüləri” Proqramının “Ağdam Könüllüləri” qrupunun ilk fəaliyyətlərindən sonra görüş baş tutub. Görüş çərçivəsində ilk fəaliyyət göstərdikləri tədbirin müzakirəsi olunub və könüllülərin sualları cavablandırılıb. Görüşün effektivliyini nəzərə alaraq, davamlı olacağı planlaşdırılır.

6“Autizmli uşaqlarla Kanelbulle bişirmə günü\" 10 oktyabr 2022-ci il AKTİ İsveç İnstitutunun dəstəyi, Azərbaycan İsveç Tələbələr və Məzunlar Şəbəkəsinin və \"Könüllü DOST\" proqramının təşkilatçılığı ilə \"Korporativ DOST\" altproqramı çərçivəsində Birgə və Sağlam İctimai Birliyinin \"Autizm Mərkəzi\"ndə \"Autizmli uşaqlarla Kanelbulle bişirmə günü\" adlı sosial məsuliyyət tədbiri həyata keçirilib.

7 “Səbail PFK” - “Sumqayıt FK” AKTİ 11 oktyabr 2022-ci il Azərbaycan Könüllüləri Bayıl Arenada Misli Premyer Liqasının 9-cu turu çərçivəsində keçirilən “Səbail PFK” - “Sumqayıt FK” komandalarının qarşılaşmasının təşkilində iştirak ediblər.

Nəqliyyat Könüllüləri 8 12 oktyabr 2022-ci il AKTİ Könüllülərin iştirak etdikləri fəaliyyətlərin qısa təqdimatı edilib və 4-cü \"Nəqliyyat Könüllüləri\" proqramını müvəffəqiyyətlə başa vuran 36 nəfər könüllü sertifikat və hədiyyələrlə təltif edilib.

9 Tbilisi şəhərində görüş. AKTİ 10-12 oktyabr 2022-ci il Görüşdə Azərbaycan Könüllü Təşkilatları İttifaqını (AKTİ) sədr müavini Nahid Quliyev təmsil edərək COVİD-19 ilə mübarizədə Azərbaycan könüllülərinin həyata keçirdiyi fəaliyyətlər barədə təqdimat ilə çıxış edib. Pandemiya zamanı vahid mərkəzdən idarəetmə, könüllü təşkilatları arasında sıx əməkdaşlığın qurulması, könüllülərin müxtəlif preventiv fəaliyyətlərə cəlb edilməsi və icmalarla işin operativ təşkili iştirakçıların marağına səbəb olub.

Qarabağ-Olimpiakos oyunu 10 15 oktyabr 2022-ci il AKTİ Formula 1 könüllüləri də UEFA Avropa liqası çərçivəsində Qarabağ-Olimpiakos oyununun təşkilində dəstək oldular.

11 “Kəpəz FK” - “Neftçi PFK” AKTİ 17 oktyabr 2022-ci il Azərbaycan Könüllüləri Gəncə Şəhər Stadionunda Misli Premyer Liqasının 10-cu turu çərçivəsində keçirilən tarixi “Kəpəz FK” - “Neftçi PFK” komandalarının qarşılaşmasının təşkilində iştirak ediblər.

\"ASAN Akademiya - Qarabağ\" layihəsi imtahan 12 17 oktyabr 2022-ci il AKTİ “ASAN Könüllüləri” Təşkilatının və Azərbaycan İnsan Resursları Assosiasiyasının birgə təşkilatçılığı, Azərbaycan Respublikası Gənclər və İdman Nazirliyinin dəstəyi ilə keçirilən \"ASAN Akademiya - Qarabağ\" layihəsinin yekunlaşması ilə bağlı iştirakçılar üçün imtahan mərhələsi təşkil olunub.

13 Azərbaycan Könüllüləri ağacəkmə aksiyasında AKTİ 18 oktyabr 2022-ci il “Regional İnkişaf” İctimai Birliyinin (RİİB) könüllülərinin də fəal iştirakı ilə oktyabrın 18-də paytaxtın “Nizami”, “Atatürk” və “Sahil” parklarında xüsusi rəng çalarları ilə seçilən Lənkəran akasiyası və Hind yasəməni əkilmişdir. Ağacəkmə aksiyası Bakı Şəhər İcra Hakimiyyətinin Yaşıllaşdırma Təsərrüfatı Birliyi tərəfindən son vaxtlar şəhərin iqlim şəraitinə uyğunlaşmış aborigen ağac növlərinin azalmasının qarışısını almaq məqsədilə həyata keçirilib.

Aqrar İnnovasiya Festivalı 14 18 oktyabr 2022-ci il AKTİ Aqrar innovasiyaların kənd təsərrüfatı məhsul istehsalçılarına əlçatanlığının təmin edilməsi, təbliği və təşviqi məqsədilə İmişli rayonunda Aqrar İnnovasiya Festivalı keçirilib.Yeni formatda təşkil olunan bu festival sərgi və nümayiş, aqrobiznes görüşləri, panel müzakirələri, startap zonalar, təlim və məlumat sessiyaları olmaqla bir neçə bölmədən ibarət olub.

15 “Qayıdış Könüllüləri” Proqramı AKTİ 18 oktyabr 2022-ci il “Qayıdış Könüllüləri” Proqramının “Ağdam Könüllüləri” qrupu könüllüləri birgə bovlinq oynayaraq əyləncəli gün keçiriblər.

Nəqliyyat Könüllüləri 16 19 oktyabr 2022-ci il AKTİ Azərbaycan Könüllüləri proqram çərçivəsində mərkəzi aparatda təcrübə keçəcək, müxtəlif təlim, təqdimat və səfərlər vasitəsilə öz bilik və bacarıqlarını inkişaf etdirəcəklər. Eyni zamanda, seçilən könüllülər ilə müqavilələr imzalanıb.

17 \"Könüllülük yarmarkası” AKTİ 19 oktyabr 2022-ci il Azərbaycan Gənclər Fondu və Azərbaycan Könüllü Təşkilatları İttifaqının birgə təşkilatçılığı ilə həyata keçirilən \"Könüllülük yarmarkası\" layihəsi çərçivəsində Azərbaycan Dövlət Mədəniyyət və İncəsənət Universitetində təhsil alan tələbələrlə görüş keçirilib.

“Rəqəmsal Marketinq və SMM” mövzusunda təlim 18 20 oktyabr 2022-ci il AKTİ Azərbaycan Könüllü Təşkilatları İttifaqı və “IT Brains Academy”nin birgə əməkdaşlığı çərçivəsində Azərbaycan Könüllülərinin müxtəlif istiqamətlərdə inkişafına dəstək olmaq məqsədilə “Rəqəmsal Marketinq və SMM” mövzusunda təlim baş tutub. Təlim çərçivəsində sosial mediadan düzgün istifadə, rəqəmsal marketinq strategiyalarından bəhs olunub.

19 Üzv Təşkilatlarla əlaqələndirmə görüşü AKTİ 22 oktyabr 2022-ci il Azərbaycan Könüllü Təşkilatları İttifaqına üzv təşkilatların nümayəndələrinin və AKTİ katibliyinin iştirakı ilə növbəti əlaqələndirmə görüşü baş tutub.Görüş zamanı Azərbaycan Könüllü Təşkilatları İttifaqına yeni üzv təşkilatın qəbul edilməsi ilə bağlı iclas keçirilib.Yekunda idarə heyəti və üzv təşkilatlar tərəfindən keçirilən səsvermə əsasında Azərbaycan Könüllü Təşkilatları İttifaqının yeni üzvü olaraq təsdiq edilib.

“Könüllülük Yarmarkası” Mədəniyyət TV-də 20 24 oktyabr 2022-ci il AKTİ İttifaqın sədri Yusif Vəliyev Azərbaycan Könüllü Təşkilatları İttifaqının həyata keçirdiyi layihələr, fəaliyyət istiqamətləri və Azərbaycan Könüllüləri haqqında ətraflı məlumat verib.

21 Könüllü təşkilatların İnkişaf Platforması layihəsi AKTİ 25 oktyabr 2022-ci il Layihə üzv təşkilatların əməkdaşlarının inkişafı kursu, könüllü hazırlıq mərkəzi, könüllülərin resurs mərkəzi sahələrini əhatə edəcək. Layihə çərçivəsində bir sıra təşkilatlara könüllülərin seçimində, təlimatlandırılmasında, davranış kodeksinin aşılanması istiqamətində və digər sahələr üzrə dəstək olmaq məqsədilə təlim və seminarlar həyata keçiriləcək.

\"Karyera quruculuğu\" seminarı 22 25 oktyabr 2022-ci il AKTİ Seminar çərçivəsində karyera quruculuğu, karyera inkişafına mane olan psixoloji aspektlərin aşkar olunması mövzularında ətraflı məlumat verilib və bu mövzularda Azərbaycan Könüllüləri ilə birgə müzakirələr aparılıb.

23 “Zəfər Liqası” futbol turnirinin püşkatma mərasimi AKTİ 25 oktyabr 2022-ci il AKTİ-nin ofisində keçirilən püşkatma mərasimində Azərbaycan Könüllü Təşkilatları İttifaqının sədri Yusif Vəliyev, turnirdə mübarizə aparacaq müxtəlif dövlət qurumlarını təmsil edən könüllü təşkilatlarının nümayəndələri və komanda kapitanları iştirak edib. Üzv təşkilatların könüllülərindən ibarət 10 komanda arasında qrup bölgüsü püşkatma yolu ilə təyin edilib.

24Xaricdə təhsil barədə məlumatlandırma sessiyası 25 oktyabr 2022-ci il AKTİ “Bir Könüllü” Təşkilatının və Azərbaycan Respublikası Elm və Təhsil Nazirliyinin Beynəlxalq Əməkdaşlıq şöbəsinin birgə təşkilatçılığı ilə 24 oktyabr tarixində Bakı Slavyan Universitetində xaricdə təhsil ilə maraqlanan III, IV kurs və magistr tələbələri üçün “Xaricdə təhsil barədə məlumatlandırma sessiyası” keçirilib.

25 \"ASAN Akademiya - Qarabağ\" layihəsinin iştirakçıları ilə səhər yeməyi AKTİ 25 oktyabr 2022-ci il Görüşdə, Dövlət Agentliyinin İnsan resurslarının idarəedilməsi şöbəsinin müdir müavini Fərid Sadıxlı, Azərbaycan İnsan Resursları Assosiasiyası İctimai Birliyinin sədri və həmtəsisçisi Mahir Qarayev və “ASAN Könüllüləri” Təşkilatının sədri Emiliya Bayramova iştirak edib. Daha sonra isə iştirakçılar arasında səmimi söhbətlər aparılıb və onların layihə təşəbbüsləri haqqında müzakirələr baş tutub.

Azərbaycan Könüllüləri milli finalın təşkilində 26 27 oktyabr 2022-ci il AKTİ Azərbaycan Könüllüləri Red Bull Car Drift dünya çempionatının Azərbaycan üzrə milli finalının təşkilində dəstək olublar.

27 “Səbail PFK” - “Şamaxı FK” AKTİ 27 oktyabr 2022-ci il Azərbaycan Könüllüləri 23 oktyabr tarixində Bayıl Arenada Misli Premyer Liqasının 11-ci turu çərçivəsində keçirilən “Səbail PFK” - “Şamaxı FK” komandalarının qarşılaşmasının təşkilində iştirak ediblər.

\"Könüllülük yarmarkası” 28 27,29 oktyabr 2022-ci il AKTİ Azərbaycan Gənclər Fondu və Azərbaycan Könüllü Təşkilatları İttifaqının birgə təşkilatçılığı ilə həyata keçirilən \"Könüllülük yarmarkası\" layihəsi çərçivəsində Azərbaycan Respublikasının Prezidenti yanında Dövlət İdarəçilik Akademiyası və Azərbaycan Dövlət Pedaqoji Universitetində təhsil alan tələbələrlə görüş keçirilib.

29 “Dəmir Yumruq” intellektual yarışı keçirilib AKTİ 29 oktyabr 2022-ci il Azərbaycan Gənclər Fondunun dəstəyi və Azərbaycan Könüllü Təşkilatları İttifaqının təşkilatçılığı ilə 44 günlük Vətən müharibəsinin ikinci ildönümünə həsr olunmuş “Dəmir Yumruq” intellektual yarışı “Nə? Harada? Nə zaman?” formatında həyata keçirilib.

\"Zəfər Liqası\" futbol turniri 30 29 oktyabr 2022-ci il AKTİ Azərbaycan könüllüləri arasında 44 günlük Vətən müharibəsinin ikinci ildönümünə həsr olunmuş \"Zəfər Liqası\" futbol turniri başlayıb.

31 “Yanğından yaşıllığa” kampaniyası AKTİ 31 oktyabr 2022-ci il Kampaniya çərçivəsində ilk əkin tədbiri Şabranda baş tutub və Azərbaycan Könüllüləri 2 hektar sahədə minlərlə palıd, fıstıq, vələs, ağcaqayın, qarağac, çinar, cökə, göyrüş və akasiya ağacları və toxumları əkiblər.

“Qayıdış Könüllüləri Proqramı” 32 30 oktyabr 2022-ci il AKTİ “Qayıdış Könüllüləri” Proqramı çərçivəsində “Ağdam Könüllüləri” qrupunun təlim proqramı davam edir. Təlimçi Fəxri Məhəmmədzadənin təqdimatında şəxsi bacarıqların üzə çıxarılması məqsədilə Workshop həyata keçirilib.

33 \"Könüllülük yarmarkası” AKTİ 31 oktyabr 2022-ci il Azərbaycan Gənclər Fondu və Azərbaycan Könüllü Təşkilatları İttifaqının birgə təşkilatçılığı ilə həyata keçirilən \"Könüllülük yarmarkası\" layihəsi çərçivəsində Azərbaycan Dövlət Neft və Sənaye Universitetində təhsil alan tələbələrlə görüş keçirilib.

\"Qələbə qaçışı” 34 31 oktyabr 2022-ci il AKTİ Formula 1 Könüllüləri 6 noyabr tarixində təşkil ediləcək \"Qələbə qaçışı\" tədbirinin qeydiyyat prosesinə dəstək olurlar

35 “Zəfər” turniri AKTİ 31 oktyabr 2022-ci il 44 günlük Vətən müharibəsində Azərbaycan əsgərinin qazandığı qələbəyə həsr olunan “Zəfər” turnirinin birinci turu yekunlaşdı. Ümumilikdə 32 komandanın iştirak etdiyi turnirin növbəti seçmə mərhələsində müxtəlif ali təhsil müəssisələrinin tələbələrindən ibarət 16 komanda mübarizəyə qoşuldu, gərgin mübarizə nəticəsində 8 komanda növbəti mərhələdə iştirak haqqı qazandı.

36“Yüksəliş” qaliblərinin tələbələrlə növbəti görüşü 31 oktyabr 2022-ci il AKTİ Təlimçi qismində “Yüksəliş” müsabiqəsinin 2022-ci il üzrə qalibi Bakı Ali Neft Məktəbi, Davamlı təhsil fakültəsinin dekan müavini Mehriban Nəzərova iştirak edərək “Qərarlarımızı necə veririk? “mövzusunda sual-cavab formatında tələbələrlə maraqlı müzakirələr aparıblar.

“Ağdam Könüllüləri” qrupunun təlim proqramının icmal videoçarxı. https://fb.watch/gj-5h_UzfK/ “Ağdam Könüllüləri” qrupu Milli Şəhərsalma Forumunda https://fb.watch/gj-czKO_Ex/

Formula 1 könüllülərinin \"Novruz Challenge\" yarışı: