Elektron jurnal

Azərbaycan könüllüləri Elektron jurnalı Mart 2021

İdmançılarla görüş 05 mart 2021-ci il Azərbaycan könüllülərinin 5 Mart – Beynəlxalq İdman və Bədən Tərbiyəsi günü münasibəti ilə ikiqat paralimpiya və dünya çempionu, Qarabağ müharibəsi qazisi, əməkdar idman ustası İlham Zəkiyev və karate üzrə IV İslam Həmrəyliyi Oyunlarının qalibi Fəridə Abıyeva ilə görüşü baş tutub.

Könüllülər “Zəfər kuboku” turinirində 12 fevral - 15 mart 2021-ci il Azərbaycan könüllüləri arasında 44 günlük Vətən müharibəsində ölkəmizin qazandığı şanlı qələbəyə həsr olunan “Zəfər Kuboku” adlı mini futbol turniri keçirilib.

Könüllülər “Beynəlxalq Qadınlar Günü”ndə 05-08 mart 2021-ci il Azərbaycan könüllüləri 8 Mart – Beynəlxalq Qadınlar Günü münasibətilə müxtəlif aksiyalar keçirərək xanımların bayramını təbrik edib, onlara ən xoş arzularını çatdırıblar.

Könüllülər nəzarətçi qismində 06-19 mart 2021-ci il Azərbaycan könüllüləri Bakı və Sumqayıt şəhərlərində ümumilikdə 13 məntəqədə keçirilən \"Direktorların işə qəbulu\" üzrə müsabiqənin test imtahan mərhələsinin təşkilinə dəstək göstərdilər.

\"Könüllülərin Fərdi İnkişaf Proqramı\" layihəsi Mart 2021-ci il \"Könüllülərin Fərdi İnkişaf Proqramı\" layihəsi çərçivəsində IELTS üzrə peşəkar mütəxəssis Səidə Əliyeva ilə birgə gənclərin dil biliklərinin inkişafına dəstək məqsədilə keçirilən təlimlər davam edir.

“Zərif qəhrəmanlar” adlı onlayn görüş 07 mart 2021-ci il Könüllülərin iştirakı ilə şəhid general-mayor Polad Həşimovun bacısı Kəmalə Həşimova, şəhid polkovnik Vüqar Yusifovun həyat yoldaşı Lalə Əliyeva, şəhid polkovnik-leytenant Anar Əliyevin həyat yoldaşı Vüsalə Əliyeva və Qarabağ qaziləri Gülpəri Sərkərova, \"Veteran Xanımlar\" İctimai Birliyinin sədri Radə Abbas ilə onlayn görüş baş tutdu.

Könüllülər arasında şahmat turniri 12 mart 2021-ci il Azərbaycan könüllüləri arasında keçirilən şahmat dərsləri çərçivəsində təcrübə turniri baş tutub. Turnirin sonunda iştirakçılar və qaliblər təltif olunub.

Könüllülər “Birlik Turniri”ndə 10-11 mart 2021-ci il Azərbaycan könüllüləri Bədən Tərbiyəsi və İdman gününə həsr olunmuş “Birlik Turniri” adlı mini futbol çempionatında iştirak edərək 3-cü yerin sahibi oldular.

“Çövkən oyunu” layihəsi 14 mart 2021-ci il Azərbaycan könüllüləri arasında əsrarəngiz Qarabağ atları üzərində \"Çövkən oyunu\" layihəsinin ilk təlimi baş tutdu.

Könüllülər əsgərlərimizə baş çəkdilər 15 mart 2021-ci il Azərbaycan könüllüləri Novruz bayramının gəlişi münasibəti ilə əsgərlərimizə baş çəkdilər. Onlar “Əsgərə məktub” layihəsi çərçivəsində vətəndaşlarımız tərəfindən ünvanlanmış məktublar və “Əsgərə Kitab” aksiyası çərçivəsində toplanmış kitabları qəhrəman əsgərlərimizə təqdim etdilər.

Könüllülər qanvermə aksiyasında 16 mart 2021-ci il Dövlət Miqrasiya Xidmətinin yaradılmasının 14-cü ildönümü və miqrasiya orqanları işçilərinin peşə bayramı ərəfəsində Bakı Regional Miqrasiya İdarəsində Azərbaycan könüllülərinin iştirakı ilə qanvermə aksiyası keçirilib.

İntellektual turnir 17 mart 2021-ci il Azərbyacan könüllüləri arasında Novruz bayramına həsr olunmuş “Novruz çələngi” adlı onlayn intellektual turnir keçirildi. Turnirdə 11 fərqli könüllü təşkilatını təmsil edən gənclər öz bilik və bacarıqlarını nümayiş etdirdilər.

Könüllülərdən şəhid və qazi ailələrinə dəstək 18 mart 2021-ci il Azərbaycan könüllüləri Şəhid və qazi ailələrinə dəstək ilə əlaqədar Amerikada yaşayan həmvətənlərimizin təsis etdiyi FOR AZERBAİJAN təşkilatının tərəfdaşlığı ilə yeni uzunmüddətli layihəyə başladı.

Türk dövlətləri könüllülərinin Novruz görüşü 19 mart 2021-ci il Türkdilli ölkələrin könüllüləri arasında dostluq münasibətlərinin möhkəmləndirilməsi və könüllülük sahəsində əməkdaşlığın inkişafı məqsədilə Azərbaycan, Qazaxıstan, Qırğızıstan, Özbəkistan və Türkiyə könüllüləri arasında onlayn görüş baş tutdu.

“Kənd Sovqatı” layihəsi 20-22 mart 2021-ci il Azərbaycan könüllüləri Novruz bayramı münasibətilə \"Kənd Sovqatı\" layihəsi çərçivəsində müxtəlif bölgələrdə tənha yaşayan yaşlıları ziyarət edib, onlara “Novruz Səbəti”nin çatdırılmasında iştirak ediblər.

Könüllülər ağacəkmə aksiyasında 21 mart 2021-ci il Azərbaycan könüllüləri yaz mövsümünün başlaması ilə əlaqədar keçirilən ağacəkmə aksiyasında iştirak ediblər. Onlar \"1 Ağac - 1 Həyat\", \"Piyada gəz, sağlam ol\", \"İctimai nəqliyyatdan istifadə et, ətraf mühiti qoru\" şüarları ilə insanları təbiətimizi qorumağa səsləyiblər.

Könüllülərin Novruz təbriki 19-29 mart 2021-ci il Azərbaycan könüllüləri bayram günlərində Vətən Müharibəsində şəhid olmuş şəxslərin ailələrinə, tənha, ahıl şəxslərə, aztəminatlı ailələrə baş çəkib, müxtəlif təbrik aksiyalarında iştirak ediblər.

Könüllülər “Şahdağ” Turizm mərkəzində Mart 2021-ci il Azərbaycan könüllüləri “Şahdağ” Turizm Mərkəzi və “Tufandağ\" Qış-Yay Turizm İstirahət Kompleksinin ərazisində hərəkətin idarə edilməsi, eləcə də qonaqların karantin qaydalarına riayət etməsinə nəzarət etdilər.

Könüllülər ekskursiyada 3 mart, 29 mart 2021-ci il Azərbaycan könüllüləri Milli Azərbaycan Tarix Muzeyinə və Azərbaycan Rəssamlar İttifaqında Azərbaycanla Çexiyanın dostluğuna həsr olunmuş “Bakı - Praqa: 40 il sonra” sərgisinə ekskursiya edərək səmərəli vaxt keçiriblər.

Könüllülər maarifləndirmə işlərində iştirak ediblər 29 mart 2021-ci il Azərbaycan könüllüləri Nəsimi rayonunda icrasına başlanılan bərk məişət tullantılarının yığılması, daşınması və çeşidlənməsi layihəsi çərçivəsində aparılan maarifləndirmə işlərində yaxından iştirak ediblər.

Könüllü qəhrəmanların mart görüşü 30 mart 2021-ci il AKTİ katibliyinin, üzv təşkilatların nümayəndələrinin və könüllülərin iştirakı ilə “Könüllü qəhrəmanların mart görüşü” adlı onlayn konfrans keçirilib. Qonaq qismində dəvət olunmuş Azərbaycan tarixçisi, tarix elmləri doktoru, professor Musa Qasımlı çıxış edərək 31 Mart – Azərbaycanlıların soyqırımı günü və xalqımızın başına gətirilən bu dəhşətli faciə ilə əlaqədar tarixi faktları könüllülərlə bölüşüb. Daha sonra mart ayında könüllülər tərəfindən həyata keçirilən tədbirlər haqqında məlumat verilib, könüllülərin təklifləri dinlənilib və növbəti aylarda görüləcək işlər müzakirə edilib.

Könüllülər Mart Soyqırımı qurbanlarının xatirəsini yad ediblər 31 mart 2021-ci il Azərbaycan könüllüləri 31 Mart – Azərbaycanlıların Soyqırımı Günü ilə əlaqədar olaraq faciə qurbanlarının xatirəsini yad etmək məqsədilə Quba Soyqırımı Memorial Kompleksini ziyarət ediblər.

Videoçarxlar Mart 2021-ci il Türk dövlətləri könüllülərinin Azərbaycan könüllülərinin bayram “Novruz Xonçası” #31MarchGenocide təbrik videoçarxı münasibətilə hazırladıqları challenge videoçarx: “Mənim könüllülük hekayəm” rubrikası

Cəfər Cabbarlı küçəsi 609 Bakı, Azərbaycan AZ1065 [email protected] www.konullu.az @konullu.aze @konullu_aze