merged

‫كان ياماكان ياسعد يا إكرام مايحلى الكلام إلا بذكر النبي عليه‬ ‫الصلاة والسلام كان في بنت جميلة اسمها زيزي كانت هادية‬ ‫ومؤدبة وعندها صندوق في أوضتها في لعب كتير‬ ‫‪1‬‬

‫كانت لما ترجع من مدرستها وتخلص الواجب بتاعها تطلعهم‬ ‫وتلعب بيهم لعب هادي وتحافظ عليهم ومتكسرش ولا لعبة منهم‬ ‫‪21‬‬

‫وكانت أقرب لعبة ليها لعبة جميلة اسمها وودي كانت أكتر لعبة‬ ‫بتحب تلعب بيها تقعد على مكتبا وتقعدها معاها وتشاركها الأكل‬ ‫واللعب‬ ‫‪3‬‬

‫وكان عندها لعبتين دمهم خفيف هما أستاذ بطاطس ومدام‬ ‫بطاطساية كان لما تلعب بيهم تضيع عين او ودان واحد منهم‬ ‫‪41‬‬

‫وكان في باز يطير ولعبة الأميرة بتحب تلعب بيهم مع وودي‬ ‫تعمل بيهم فريق بحث وتلعب بيهم طول اللليل‬ ‫‪5‬‬

‫مكنتش تعرف أنها لما بتنام اللعب بتصحي وتنزل من الصندوق‬ ‫وتتحرك جوا أوضتها طول الليل ولما يطلع النهار يرجعوا تاني‬ ‫الصندوق من غير ماتحس‬ ‫‪61‬‬

‫وكان أذكى لعبة فيهم هى وودى كان القائد للعب وفي يوم بعد‬ ‫مانامت زيزى وخرجت اللعب من الصندوق زيى كل يوم جت‬ ‫للوودى فكرة خطيرة‬ ‫‪7‬‬

‫وراح لباز يطير يقوله الفكرة وكانت فكرة جديدة عليهم وهى‬ ‫انهم يخرجوا النهاردة من بيت زيزى ويشوفوا العالم برة البيت‬ ‫ويرجعوا قبل النهار‬ ‫‪81‬‬

‫ووافق باز يطير وطار بأجنحته وخد معاه كل اللعب ونزلوا من‬ ‫شباك أوضة زيزي للشارع اللى أول مرة يخرجوا ليه لوحدهم‬ ‫وكانوا مرعوبين من التجربة‬ ‫‪9‬‬

‫بس فرحتهم بالمغامرة نستهم خوفهم وخلتهم يجروا في الشارع‬ ‫زيى المجانين فى كل مكان وفي كل اتجاه لحد مابعدوا عن البيت‬ ‫جدا‬ ‫‪110‬‬

‫وقالهم وودي بكل فخر إيه رأيكوا في أفكاري واد ايه المغامرة‬ ‫ديه ممتعة جدا وان كان لازم نعملها من زمان واننا لازم نشوف‬ ‫العالم ونعرف حاجات كتير‬ ‫‪11‬‬

‫وهما ماشيين فجاة وودى حس نفسه في مكان غريب مقفول‬ ‫والاميرة بتقوله شكلنا دخلنا بيت حد تاني وممكن الحد ده لو‬ ‫شافنا ياخدنا ومنعرفش نرجع لزيزى مرة تانية‬ ‫‪112‬‬

‫وفعلا سمعوا صوت جاى من بعيد وقفوا فى مكان ضلمة محدش‬ ‫يشوفهم فيه واستنوا يشوفوا ايه الصوت ده وكانت المفجأة‪.....‬‬ ‫‪13‬‬

‫طلعوا جوه بيت أندى صاحب زيزى في المدرسة وحس أندى‬ ‫بحركة غريبة جنب صندوق الكتب بتاعه ولما فتش لقى اللعب‬ ‫موجودة ورا الصندوق مبتتحركش فرح بالعب وافتكر ان زيزى‬ ‫بعتتله لعبها يلعب بيها شوية‬ ‫‪114‬‬

‫ويبقى يرجعهلها تانى بعد مايخلص لعب بيها وحس انها بتحبه‬ ‫انها تبعتله اغلى لعب عندها فضل يلعب بيهم طول الليل وقبل‬ ‫الصبح رجعهملها فى أوضتها من غير ماتحس وكتبلها رسالة‬ ‫يشكرها فيه‬ ‫‪15‬‬

‫اللعب فرحت برجوعها بيت زيزى وقرروا مايخرجوش برة تاني‬ ‫وانهم يلعبوا في البيت بعد كدة وتوتة توتة خلصت الحدوتة حلوة‬ ‫‪ ....‬ولا ملتوتة‪.......‬‬ ‫‪116‬‬