Modul Kruna Wilangan

MODUL BASA BALI KELAS XII MATERI KRUNA WILANGAN SMKS Pariwisata Werdi Sila Kumara PPG DALJAB 2020 Universitas Pendidikan Ganesha Kakawi Olih: Putu Adi Putra, S.Pd

PANDUAN BELAJAR Modul puniki kawangun pinaka bakalan/bahan pacang nglaksanyang peplajahan utawi swakarya/ kerja mandiri, mangda prasida nincapang parikrama lan pikolih mlajah, dwaning asapunika ring pahan puniki kadagingin panuntun mlajah majeng ring sisya. Mangda mapikolih sane becik sajeroning malajahin modul puniki, pacang kaicen panujuh sane prasida katuut sekadi ring sor: 1. Wacen modul puniki kantos puput 2. Karya catetan sane madaging bakalan/materi pokok 4. Resepang daging soang-soang materi/bakalan sane wenten ring catetan 5. Bligbagang sareng sameton lan guru Piteket Karakter Wangsa “Katambetan wantah meseh sane pinih mautama” Jemetang malajahang anggen merangin katambetan utawi kabelogan!. Anake sane wikan jagi mrasidayang molihang kasukerta.

Kruna Wilangan Kruan wilangan ingguh punika, kruna sane nyihnayang akeh utawi akidik pepupulan barang-barang, sahananing maurip wiadin laksana pakaryan. Kruna-kruna dasa, aakit, asibak, acakep ngranjing ring kruna wilangan. Kruna wilangan punika kabinayang dados nemnem, inggih punika : 1. Kruna wilangan ketekan. 2. Kruna wilangan gebogan. 3. Kruna wilangan pahan. 4. Kruna wilangan tan janten. 5. Kruna wilangan panta wilangan. 6. Kruna wilangan pepasten wilangan. Ring sor puniki wantah tetuwek lan conto-conto ring soang-soang pahan kruna wilangan : 1. Kruna wilangan ketekan contone : sa, dua, telu, papat, lima, enem, pitu, kutus, sia, dasa, miwah selanturipun. 2. Kruna wilangan gebogan Kruna wilangan gebogan, kruna wilangan sane madue aran niri-niri utawi carane nyambatang maseosan tur sampun ketah pisan kaanggen. Kruna wilangan puniki ketah ipun kaucapang utawi kasambatang ngangge lengkara, nenten wilangan ipun. Sane ngeranjing ring kruna wilangan gebogan luire : o 35 wastanipun pesasur o 45 wastanipun setiman o 50 wastanipun seket o 75 wastanipun telung benang o 100 wastanipun satus o 150 wastanipun karobelah o 175 wastanipun lebak o miwah sane siosan 3. Kruna wilangan pahan Kruna wilangan pahan puniki boya kasurat antuk angka, sakewanten kasurat ngangge aksara. Sane ngranjing ring kruna wilangan pahan luire : o Apahempatan (seperempat) o Atenga (setengah) o Atugel (sepenggal)

o Apahteluan (sepertiga) o miwah sane lianan 4. Kruna wilangan tan janten Kruna wilangan tan janten puniki akeh nyane nenten janten utawi nenten keni antuk ngawilangin akehnyane. Ketah ipun kasurat ngangge kruna utawi aksara. Sane ngranjing ring kruna wilangan tan janten punki luir ipun : o Abedik; Nasine di payuke enu tuah abedik. o Begeh; Saudagar baase begeh maan meli baas di peken Badung. o Liu; Anake ento mancing ngaku liu maan be. o Aketek; Uyahe enu di calunge tuah aketek. o Ombeh; Ombeh mabiayagan lengise uli di paon. o Agetul; Agetul tusing enu lengise di botole. o Adesa; Ajaka adesa anake demonstrasi di lapangan puputan. o Akikit; Akikit tusing dadi idih gelahne. o Abanjar; Ajaka abamjar anake nulungin ia mamula padi di carik. o Apaso; Lawar apaso isinina kuah. 5. Kruna wilangan panta wilangan Sane ngranjing ring kruna wilangan panta wilangan, inggih punika : o Ekan (satuan) o Dasan (puluhan) o Tus (ratusan) o Peon (ribuan) o Laksan (puluh ribuan) o Keten/keti (ratus ribuan) o Yuta (jutaan) o Bara (puluh jutaan) o Ingel (ratus jutaan) Bengong (milyaran) 6. Kruna wilangan pepasten wilangan Kruna wilangan puniki akeh ipun sampun pasti. Ketah ipun kruna wilangan puniki karahinin antuk kruna-kruna sane wenten pakilitan ipun ring kruna wilangan soang-soang. Sane ngranjing ring kruna wilangan pepasten wilangan, luire : o Sampi aakit o Bebebk aukud

o Tikeh abidang o Sandal apasang o Taluh abungkul o Busung amuncuk o Wayang akropak o Lontar acakep o Baas ajumput o Tiiang akatih o miwah sane lianan 7. Wewehan materi marupa video. Linknyane : https://www.youtube.com/watch?v=-2Kkd_297Rk