NOVENA NO TRÁNSITU SAUN FRANSISKU ASSIS

Prepara husi: Guilherme C. Barros-2018ÍNDISEINTRODUSAUN ................................................................................................................................................1I. NOVENA......................................................................................................................................................2 ORASAUN MAKLOKE NIAN...........................................................................................................................2 ORASAUN PAZ NIAN ....................................................................................................................................3 NOVENA LORON 9 HUSU SAUN FRANSISKU ASSIS NIA TULUN .....................................................................4II. TRÁNSITU ................................................................................................................................................14 SOLENIDADI TRÁNSITU SAUN FRANSISKU ASSIS NIAN ...............................................................................14 Prólogu ..................................................................................................................................................14 Orasaun maloke nian (Husi nai-Lulik) ..................................................................................................16 ITA AMAN SAUN FRANSISKU ASSIS NIA LALAOK MORIS ...........................................................................17 Orasaun Hamutuk: .................................................................................................................................28 HANOIN AMAN FRANSISKU ASSIS NINIA MATE .........................................................................................29 Knananuk Maun Loron Matan (Hananu hamutuk)… ............................................................................30 ii

Prepara husi: Guilherme C. Barros-2018 Evanjellu (Ju 13: 1-5)-(nai-lulik mak lee) ................................................................................................34 Omília… (badak husi nai-lulik)...............................................................................................................35 Reza hamutuk Hino Irmaun Loron Matan...............................................................................................37 AMAN FRANSISKU ASSIS NIA IIS KOTU.......................................................................................................41 Orasaun Final (nai-lulik) .........................................................................................................................45 iii

Prepara husi: Guilherme C. Barros-2018 INTRODUSAUN Livru kiik ne’e oferese ba Saun Fransisku Assis nia belun sira nebé hadomi nia. Itaboot sira nebé iha devosaun ba Saun Fransisku Assis ka hakarak husu nia intersesaun, livrune’e nudar mata-dalan simples atu kria ita nia amizade ho Jezus Kristu nebé Saun FransiskuAssis hadomi tó mate. Livru kiik ne’e, iha parte segundu, lori tema Tránsitu; festa konaba Saun FransiskuAssis nia transformasaun ba mundu seluk. Festa Tránsitu, iha 3-4 Outubru, nudar loronespesial ba Santa Kreda no ba Família Fransiskana tomak selebra no medita Saun FransiskuAssis nia loron ikus iha mundu.Ikus, ***Jesus dehan: Hamrik, no lao ba! Ó nia fiar mak sei salva Ó! Novena nebé ita halonudar devosaun pesoál. Novena nia rezultadu nudar respota husi Maromak ba ita boot nia fiarno ita boot nia sakrifísiu. Se ita boot fiar mak buat hotu sei akontese ba ita. Paza e Bem! 1

Prepara husi: Guilherme C. Barros-2018 I. NOVENA*(Hahu novena ne’e, halo konfisaun pesoál uluk ba nai-lulik nebé besik ita nia parokia)Hodi Aman, hodi Oan, hodi Espíritu Santu Sira Naran. Amen. ORASAUN MALOKE NIAN Saun Fransisku Assis nebé ami hadomi, uluk ita moris aat hanesan bandidu no gozaita nia moris tun-sae. Maibé, ita boot bele konverte, hahu moris foun ho haraik-an, simples nomoris kiak tanba Jezus Kristu. Ita nia domin ba Jezus Krusifikadu nebé klean no lakan makás,halo Jezus ne’e fó Nia Kanek Lima ba ita nudar sinal ita boot nia unifikasaun ho Kristu. Iha sékulu ida hanesan oras ne’e, ema fó valor liu ba moris edonista, egoista,individualista no materialista, ne’e mak halo ami presiza tebe-tebes ita boot nia sigredu nebé 2

Prepara husi: Guilherme C. Barros-2018dada ema feto no mane wain hodi moris tuir ita boot nia izemplu. Tanba ne’e, hanorin amiatu halo tuir ita boot nia domin nebé boot tebe-tebes ba ema kiak sira no harohan mai ami atuami fiel ba Jezus Krusifikadu nebé ita boot tuir tó mate. Amen. ORASAUN PAZ NIAN NAI, halo hau nudar ema maklori dame.Wainhira mosu odiu, halo hau maklori domin.Wainhira mosu tolok no tarata aat, halo hau maklori perdaun.Wainhira mosu hafahe malu, halo hau maklori harmonia.Wainhira mosu sala-dalan, halo hau maklori lia-lós.Wainhira mosu laran-rua, halo hau maklori serteza.Wainhira mosu dezanima, halo hau maklori esperansa.Wainhira mosu hahalok-nakukun, halo hau maklori naroman.Wainhira mosu tristeza, halo hau maklori laran-haksolok. 3

Prepara husi: Guilherme C. Barros-2018Oh Nai Maromak,Hanorin hau atu gosta liu fó ksolok duke hein simu ksolok;hanorin hau atu kompriende ema seluk, duke hein atu ema kompriende hau;hanorin hau atu hadomi ema seluk, duke hau husu atu ema hadomi hau;tanba wainhira ita fó mak ita sei simu;wainhira ita fó perdua, mak ema sei perdua ita.Wainhira mate santu, mak ita sei tama ba moris rohan laek. Amen.NOVENA LORON 9 HUSU SAUN FRANSISKU ASSIS NIA TULUN*Jezus nia Inan Virjen Santa Maria Hh.: Harohan mai ami.*Saun Fransisku Assis Hh.: Harohan mai ami.*Santa Klara Assis Hh.: Harohan mai mai. *(Repete durante novena) 4

Prepara husi: Guilherme C. Barros-2018LORON 1o: Oh Nai Maromak, mai tulun hau ata.Harohan: Aman Lalehan, Ita Boot hatene buat hotu-hotu no la iha buat ida mak bele subar husiIta Boot. Iha Ita Boot nia laran-luak no Ita nia diak tomak, liu husi Saun Fransisku Assis niaintersesaun, Nai hau husu: Mai tulun hau iha susar no terus agora ne’e no simu hau niapedidu nebé hau ható ba ne’e ho laran haraik-an no fiar metin *(hatete sai ita boot niapedidu…). Amen.Ami Aman..Ave Maria..Peniténsia nebé ita boot tenki halo iha loron ne’e: Hatudu ita nia laran haraik-an hodi halobuat diak ida ba ema seluk iha loron ida ne’e. 5

Prepara husi: Guilherme C. Barros-2018LORON 2o: Rona hau ata ba, oh Nai Maromak, no hatudu Ita laran-sadia ba hau ata.Harohan: Aman Lalehan, Ita Boot nia domin mai ami la pára no la iha rohan maski ami monuba sala no lao sala dalan. Oh Nai Maromak, Santíssima Trindadi, nebé Saun Fransisku Assishahi no adora, hatudu Ita laran-luak mai hau ata, iha hau nia terus no susar agora ne’e*(hatete sai ita boot nia pedidu…). Ho Saun Fransisku Assis nia tulun tanba Jezus Kristu,ami Maksoin, sadia hau ata ema maksalak ne’e. Amen.Ami Aman…Ave Maria…Peniténsia nebé ita boot tenki halo iha loron ne’e: Buka hatene Jezus Nia sofrimentu iha emaida nebé besik ita. 6

Prepara husi: Guilherme C. Barros-2018LORON 3o: Oh Nai Maromak, keta hadook-an husi hau ata.Harohan: Aman Maromak domin rohan laek, Ita Boot la dook husi ami ida-ida. Tanba Ita Bootmak ami nia moris, fatin ami bok-an no ami nia hela fatin. Nai, haboot hau ata nia konsiénsiahodi hatene no senti Ita Boot nia prezensa no liu husi Saun Fransisku Assis nia intersesaunhamatan ba hau ata nia nesesidadi nebé urjenti ne’e *(hatete sai ita boot nia pedidu…).Amen.Ami Aman…Ave Maria…Peniténsia nebé ita boot tenki halo iha loron ne’e: Fó ita nia atensaun tomak ba Maromak. 7

Prepara husi: Guilherme C. Barros-2018LORON 4o: Hatudu Ita Boot Nia dalan no hakarak sira ba hau ata, Oh Nai Maromak.Harohan: Aman Maromak Kbiit Nain, Ita Boot nia dalan no hakarak sira dala barak subar husiami. Haraik Ita Boot nia naroman mai hau ata no liu husi Saun Fransisku Assis niaintersesaun, hau husu ba Ita Boot iha hau nia susar laran ida ne’e, no ho Ita Boot nia kbiit, fólisensa atu hau ata hatene Ita Boot nia hakarak nebé tutan ho hau ata nia nesesidadi espesialne’e *(hatete sai ita boot nia pedidu…). Amen.Ami Aman…Ave Maria…Peniténsia nebé ita boot tenki halo iha loron ne’e: Hanoin diadiak iha loron ne’e oin sa itabele halo tuir Maromak nia hakarak. 8

Prepara husi: Guilherme C. Barros-2018LORON 5o: Oh Nai Maromak, haraik salvasaun ba sira nebé presiza tebe-tebes.Harohan: Iha Ita Boot, oh Aman Lalehan, ho laran metin hau tau hau nia fiar tomak. Iha ItaBoot nia liman kbiit wain nebé hamahan hau, hau husik dúvidas hotu no fiar nebé la metin.Hau hein husi Ita Boot no husi Saun Fransisku Assis nia intersesaun hakmaan hau husi haunia terus sira agora ne’e *(hatete sai ita boot nia pedidu…). Amen.Ami Aman…Ave Maria…Peniténsia nebé ita boot tenki halo iha loron ne’e: Tanba deit Maromak, ita fó ajuda ba emaida nebé karik ita la gosta. 9

Prepara husi: Guilherme C. Barros-2018LORON 6o: Oh Nai Maromak, keta hirus no fó kastigu ba hau ata.Harohan: Aman Maromak Sadia Nain, Ita Boot hatene hau nia frakeza no infidelidadi. Maskinune’e, Ita Boot prontu atu perdua nafatin, no laran sadia ba hau iha hau nia problema sirane’e. Iha Jezus Kristu nia naran no liu husi Saun Fransisku Assis nia intersesaun, hit-An mailalais tulun hau ata *(hatete sai ita boot nia pedidu…). Amen.Ami Aman…Ave Maria…Peniténsia nebé ita boot tenki halo iha loron ne’e: Iha loron ida ne’e soe tiha husi ita niahanoin no nanal: hanoin sira no liafuan sira nebé la diak. 10

Prepara husi: Guilherme C. Barros-2018LORON 7o: Nai Maromak mak hau nia abrigu fatin wainhira hau iha susar laran.Harohan: Nai, Aman iha lalehan, Ita nunka rejeita sira nebé buka Ita Boot nia tulun no prontunafatin haksolok sira nebé triste, laran susar. Liu husi Saun Fransisku Assis nia intersesaun noiha Jezus Kristu nia naran, hau husu Ita Boot nia mizerikórdia ba hau nia nesesidadi hotu*(hatete sai ita boot nia pedidu…). Nai hasai hau husi susar sira ne’e. Amen.Ami Aman…Ave Maria…Peniténsia nebé ita boot tenki halo iha loron ne’e: Tuir Jezus no Fransisku Assis nia izemplu,halo buat diak ruma ba sira nebé karik la gosta ita. 11

Prepara husi: Guilherme C. Barros-2018LORON 8o: Nai Maromak besik ba ema nebé dezanima.Harohan: Tanba Ita Boot hadomi ami, oh Aman Lalehan, Ita rona lalais ami nia halerik sira. Ihahau nia susar laran ida ne’e, hau husu ba Ita Boot atu rona no hatan hau nia pedidu sira ne’e*(hatete sai ita boot nia pedidu…). Iha Ita Boot deit, oh Nai Maromak, mak hau fiar metin.Hau hasae no husu buat sira ne’e hotu iha Nai Jezus Kristu nia naran no liu husi SaunFransisku Assis nia intersesaun. Amen.Ami Aman…Ave Maria…Peniténsia nebé ita boot tenki halo iha loron ne’e: Tulun ema ida nebé karik ita hatene niapresiza hela ita nia apoiu no atensaun nudar kolega ka família. 12

Prepara husi: Guilherme C. Barros-2018LORON 9o: Nai Maromak sei liberta Ó no salva Ó tanba Nia hadomi Ó.Harohan: Nai, Aman Laran-Diak, hau hakarak agradese ba Ita Boot loro-loron tanba diak tomaknebé Ita Boot halo ba hau. Ho Ita Boot nia tulun hau sei hahí nafatin Ita Boot nia diak tomakiha hau nia susar laran. Agora tulun hau ba, tanba hau fiar iha Kristu Jezus, hau nia Salvador,no hau husu tulun ba hau nia belun Saun Fransisku Assis nia intersesaun atu simu hau niaharohan ida ne’e *(hatete sai ita boot nia pedidu…). Amen.Ami Aman…Ave Maria…Peniténsia nebé ita boot tenki halo iha loron ne’e: Nudar ita nia agradesimentu, hatudu itania hahalok diak ba ema seluk iha loron ida ne’e no mos Reza Misa ida ba matebian sira. 13

Prepara husi: Guilherme C. Barros-2018 II. TRÁNSITU SOLENIDADI TRÁNSITU SAUN FRANSISKU ASSIS NIAN Protókolu…. Prólogu Ema matenek sira hatete katak moris ne’e nudar peregrinasaun ida. Ema moris nudarema nebé lao namanas tuir ain fatin nebé Nai Maromak marka nanis ona. Tó nia loron, hoserteza ita ema sei sai husi Rai ne’e lao ba “Rai Prometidu”, mak Lalehan. Iha nebá ita emasei simu moris rohan laek hamutuk ho Maromak. Wainhira sei lao namanas iha dalan morisiha mundu ne’e, lalatak ‘Rai Prometidu’ sei mosu, mak iha momentu nebá “Rai Eziliu” lakon 14

Prepara husi: Guilherme C. Barros-2018kedas no ita sei tau ain kedas iha paraízu. Momentu ida ne’e sei sai nudar momentu nebénakonu-naksulin ho ksolok. Momentu sira hanesan ne’e mak Fransisku Assis hasoru wainhira nia mate no niamoris hadau malu. Lós duni, ba Fransisku, “Irman Mate” nebé prontu mai hasoru nia laosirman nebé hatauk nia. Maibé nia senti katak tó ona nia loron, nia sei mai duni atu hasoru nia.Tan ne’e la hakfodak oituan mos hodi hananu Knananuk ‘Irman Mate’. Hahi hanai ba hauNai Maromak, tan ‘Irman Mate’ isin nian nebé ema moris ida mos la hases-an husi nia.Fransisku senti lolós katak liu husi ‘Irman Mate’ deit mak nia bele ba hasoru hamutuk hoKristu. Tan ne’e mate laos buat hotu-hotu nia rohan, maibé prinsípiu, tutun husi ksolok bamoris rohan laek nebé Nai Maromak promete hela ona. Ida ne’e mak ita hanaranTRÁNSITU: tama ba moris foun. Katak ita sai husi moris temporáriu iha mundu ne’e tamaba moris foun nebé marka ona ho Kristu Jesus nia moris nebé rohan laek. ***** 15

Prepara husi: Guilherme C. Barros-2018 Hananu Entrada nian… Orasaun makloke nian (Husi nai-Lulik) Aman Maromak, ita boot hadomi tebes ema sala nain sira. Atu sai hanesan Ita Boot,Aman Fransisku simu ona tulun konversaun nian husi Ita Boot. Ami harohan, atu tulun nebéita haraik ona ba nia, haraik mos mai nia oan ami sira. Nune’e ami bele hamoris ami niavokasaun iha mundu ne’e nudar Ema Evanjellu nia Oan, hanesan Aman Fransisku halao tihaona. A.H.N.J.C…. 16

Prepara husi: Guilherme C. Barros-2018 ITA AMAN SAUN FRANSISKU ASSIS NIA LALAOK MORIS1o. Narrador Durante tempu estasaun sira, rai hun Umbria la kolen atu hatudu Maromak kriadorninia furak. Loron matan la para oituan mos hodi haroman rai hun matan nebé nakonu hodame; nia haroman fali panorama Eden nebé kleur ona la teke matan. Assis sidade kiik-oan,husi nia moris oan mane kmook ida nebé iha istória hafila kriatura barak ba Maromak. Emaoan ne’e mak Fransisku. Iha sidadi ne’e, Fransisku hahu moris hodi hakat tuir Jezus ho abutmetin. Nia espíritu konversaun la mate teni. Maibé fó naroman nafatin ba nia oan sira nebémak hakarak hetan “moris nakonu”. Ohin, rai Assis hein nia fila, no fó nia-an hanesan fatinikus ba Fransisku atu hatoba nia “Irmaun Buru” nebé lahuk tanba moras oioin. 17

Prepara husi: Guilherme C. Barros-2018 Wainhira tó ona nia loron ikus, ho haraik-an tomak, Irmaun Fransisksu hakarak hahufali buat hotu-hotu. Tan tenki tuir médiku nia haruka, nia hamenus nia mortifikasaun. Maskinune’e nia dehan:….Fransisku: Irmaun mai ita hahu fali serví Maromak tan tó oras ida ne’e ita seidauk halo buat idaba Nia.2o. Narrador: Fransisku hanoin tebes hodi kuidadu ema leprozu sira hanesan wainhira nia hahu niamoris foun. Nia hakarak liu hakmatek. Ne’e duni nia hadok-an tiha ba fatin dook nohakmatek. Nune’e, iha deit paredi isin nian: entre Maromak ho nia deit. Maibé nia morastodan liu, nia kbiit menus ba dau-daun ona. Tan ne’e nia la iha kbiit atu bele bokan oituan 18

Prepara husi: Guilherme C. Barros-2018mos. Tan kondisaun ne’e, nia husu ba Irmaun Elías atu lori nia fila ba Assis, fatin nebé niahadomi liu.1o. Narrador: Irmaun Elías hahu diriji kedas irmaun lubun boot ida atu lori Fransisku. Wainhira sirató iha fatin ida nebé ás oituan atu nia bele haré sidadi Assis tomak, Fransisku dehan ba siranebé lori nia.Fransiskus: Hatun hau iha rai. Karik bele fila hau isin hateke ba sidade. 19

Prepara husi: Guilherme C. Barros-20182o. Narrador: Hafoin hatun tiha nia iha rai hodi hateke ba Assis, nia fó benze ba sidadi hodidehan:…Fransisku: Nai Maromak sei fó benze ba Ó sidadi santa. Tanba klamar barak mak sei hetansalvasaun husi Ó. Maromak nia atan barak mak sei hela hakmatek iha Ó laran. Husi ÓMaromak sei hili ema barak hodi halao servisu moris rohan laek nian.1o. Narrador: Se karik nia hakarak fila ba Assis ne’e nudar Nai Maromak nia hakaran. Iha sidadi idane’e mak nia hetan tulun espirituál nebé ba da’uluk hetan mandatu husi Nai Maromak ihaKruz Saun Damiaun hodi hadia Nai nia Igreja nebé atu naksobu dau-daun ona. Hahu husi 20

Prepara husi: Guilherme C. Barros-2018ne’e, nia salva tiha duni Igreja nebé atu monu dau-daun ne’e. No mos iha sidadi ida ne’e, ihaIgreja Portiunkula, nia hamutuk ho nia irmaun sira hahu moris konversaun nian nebé atraiema barak iha mundu, feto no mane. Hafoin grupu boot husi Frades Minores sira tó iha IgrejaPortiunkula, Fransisku dehan:Fransisku: Fatin ne’e konsagra ona ba Maromak. Sai ona nudar Nia hela fatin. Uluk ita hahu ihane’e ho ema oituan deit. Maibé Maromak haroman nia nebé kiak ho Nia roman matenek nian.Iha ne’e, Nia haroman ona ema kiak sira ho roman matenek nian. Iha ne’e mos, Nia halakanona ita nia hakarak ho Nia ahik domin nian. 21

Prepara husi: Guilherme C. Barros-20182o. Narrador: Wainhira nia moras liu tan, nia bolu nia irmaun sira nebé Maromak fó ona ba nia. Niaharaik bensa ba sira hanesan Jakob nebé wainhira katuas ona fó bensa ba nia oan mane sira.Hanesan Moizes nebé sae ba foho atu Maromak foti no hariku Israel oan sira ho Nia tulun.La kleur deit Irmaun Elías hamrik iha Fransisku nia sorin karuk. Irmaun sira seluk haleu ihania sorin-sorin. Fransisku kruza nia liman lós iha liman karuk nia leten hodi tulan ba IrmaunElías nia ulun. Embora ho matan nebé la hare ho diak, nia dehan:Fransisku: Hau nia liman iha se nia ulun?1o. Narrador: Sira hatan. 22

Prepara husi: Guilherme C. Barros-20182o. Narrador: Iha Elías nia ulun.1o. Narrador: Fransisku hatan kedas.Fransisku: Ida ne’e mak hau hakarak hau oan. Hau fó ba Ó liu sira hotu. Hanesan ida Leten ÁsBa haraik bensa ona ba irmaun sira ho liman, nune’e mos hau fó bensa ba sira liu husi Ó.Nune’e mak ho soi duni atu grasa ida ne’e haraik ba Ó leten. 23

Prepara husi: Guilherme C. Barros-2018Hananu….1o. Narrador: Fransisku nia mate besik dau-daun ona. Deripenti nia hanoin fali nia esperiénsia furaksira nebé wainhira nia ho nia irmaun sira halibur hamutuk iha Igreja tuan nebé besik naksobu:sira nia ksolok - hamnasa hamutuk iha dalan kiik sira iha sidadi Assis hodi husu aihan husipopulasaun sira. Tan ne’e, nia husu irmaun sira hakbesik ba nia sorin. Nia haré sira nia larantriste makás. Ne’e duni, nia hakas-an konsola, fó espíritu ba sira. Maibé deripenti, irmaun idanebé Fransisku hadomi tebe-tebes dehan: 24

Prepara husi: Guilherme C. Barros-20182o. Narrador: Apá, ita presiza hatene katak, hahu ohin ita nia oan sira sei lao la ho aman ida. Se tanmak bele sai izemplu moris nebé ami bele tuir. Apá, karik ita iha ona lalehan, hanoin aminebé sei lao hela iha mundu ne’e. Perdua tiha ba sala hotu nebé ami halo ona hasoru ita.1o. Narrador: Aman santu ne’e hatan ba nia.Fransisku: Hau oan hanoin ba katak, Maromak mak bolu hau. Hau perdua hotu hau nia irmaunsira nia sala, sira nebé iha ne’e no sira nebé la iha ne’e. No wainhira hau bele karik hau seihusik sira hotu husi sala; ható ba sira hotu no fó bensa ba irmaun sira hotu hodi hau nia naran. 25

Prepara husi: Guilherme C. Barros-20181o. Narrador: Ho sentimentu nakonu nudar aman, Fransisku hahu koalia ba nia irmaun sira konabaoin sa halao moris ne’e ho pasiénsia no kiak hanesan hakerek ona iha Regra.Fransisku: Karik diak irmaun sira serví Maromak iha moris kiak no iha haraik-an hanesan emalao rai iha mundu ne’e. Tan Nai rasik sai kiak iha mundu ne’e. Ida ne’e mak moris kiak niakbiit. Hau nia irmaun sira mak hau hadomi, buat ida ne’e mos mak hau halo ba imi nudareransa ba Reinu Lalehan nian. Ita kiak sasan mundu nian, maibé riku buat lalehan nian. Idane’e mak tenki sai imi nia iis nebé sei lori imi ba sidadi ema santu sira nian. Irmaun sira makhau hadomi. Imi presiza abut metin iha moris kiak. Ida ne’e mak imi tenki halo ho larantomak no la hakarak tan buat ida iha kalohan okos ne’e. Kristu deit mak tenki sai imi nia iis. 26

Prepara husi: Guilherme C. Barros-20182o. Narrador: Wainhira Fransisku isin fraku, nia la bele halo buat ida tan, hein deit Irman Mate atutó mai. Maski nune’e nia sei bele halo predisaun konaba irmaun sira nia moris iha loron aban-bainrua nian. Nia haré katak irmaun sira sei hasoru susar oioin iha moris konversaun niannebé nia hahu tiha ona. Irmaun barak mak sei hahu la fiel ba Regra Moris nian. Tanba ne’e,antes nia hasoru Aman Maromak, nia hakerek Testamentu ida hodi fó hanoin fali ba FradesMinores sira konaba juramentu nebé sira halo tiha ona ho Maromak nia Oan Mane nebé kiak.Ne’e duni nia haruka Irmaun ângelo hakerek liafuan sira nebé sai husi Fransisku nia ibun.Fransisku: Irmaun Ângelo, hakerek fodik ba sa mak hau sei hatete ba Ó…”Nai fó tiha ona maihau, Irmaun Fransisku hodi halo konversaun. Tan wainhira hau sei iha sala laran, moruk oinsa haré ema leprozu sira. Maibé Nai fó mai hau fiar nebé boot tebes nune’e mak iha Igrejasira laran hau hamulak ho simples ho liafuan sira ne’e: “Ami adora Ita, Nai Jezus Kristu, ihane’e no iha Ita nia Igreja hotu iha mundu tomak no ami hahi Ita ho Ita Nia Kruz Santa.” Nai 27

Prepara husi: Guilherme C. Barros-2018fó tiha ona, sei fó tan ba hau fiar boot tebes ba nai-lulik sira nebé moris tuir lei Igreja RomanaSanta tan sira nia ordenasaun. Ne’e duni, karik sira haduni nafatin hau, hau sei husu nafatinmahon ba sira. Tan iha mundu ne’e. Maromak Leten Ás Ba, hau sei la haré ho matan isinnian. Nai Nia Futar Isin no Ran nebé sira simu no sira deit mak bele prepara ba ema seluk.” Orasaun Hamutuk: Aman Maromak kbiit nain, Fransisku nia dalan moris ikus hanesan ema iha mundune’e, fó hanoin mai ami, katak ami kriatura lahuk no lai iha kbiit. Tuban nafatin ami atu amila monu wainhira ami halao ami nia moris loro-loron nian iha mundu ne’e. Hatun Ita NiaEspíritu Santu mai ami, atu ami firme nafatin hodi simu susar oioin nebé sei hanehan ami. IhaIta deit mak ami hasae ami nia moris tomak. Tan Jezus Kristu Ami Nain. Amen. 28

Prepara husi: Guilherme C. Barros-2018 HANOIN AMAN FRANSISKU ASSIS NINIA MATE1o. Narrador: Ho devosaun no respeitu makás, irmaun sira rona sira nia Nai nia hahalok kmanek ihasira nia leet. Hanesan sinal fraternidadi nebé kmook, sira hakarak hadomi malu. Nakonu hofiar ba “Nain Feto Kiak Nain”, sira hakruuk ba nai ulun Igreja Romana no serví sira.Fransisku: Hau nia maun alin sira mak hau hadomi, hau nia tempu besik ona. Tan ne’e hauhakarak rona fali Knananuk Maun Loron Matan. Imi hananu fodik hela nia mai hau. 29

Prepara husi: Guilherme C. Barros-2018 Knananuk Maun Loron Matan (Hananu hamutuk)…1o. Narrador: Liu tiha, Fransisku bolu nia belun ida hodi dehan ba nia:Fransisku: Irmaun doben, Maromak hatudu tiha ona mai hau katak, la kleur tan, hau sei husikhela moris ne’e. Eh…Ó koñese Señora Jakoba iha Settisoli, be sa? Nia feto santa ida nebéhadomi tebe-tebes ita nia Ordem ne’e. Karik nia rona hau mate no nia la marka nia prezensaiha ne’e, nia sei triste tebe-tebes. Tanba ne’e, agora kedas haruka fodik lalais lia menon rumakonaba hau nia kondisaun agora ne’e. Ható ba nia: “Karik nia hakarak haré hau wainhira hausei moris, nia tenki mai lalais.” 30

Prepara husi: Guilherme C. Barros-20181o. Narrador: Irmaun ne’e hatan…2o. Narrador: Lós duni hau Aman. Tan nia iha devosaun boot ba ita, la soi tebes karik nia la markania prezensa iha ita nia loron mate ne’e.Fransisku: Foti kaneta hakerek fodik saida mak hau hateten ba Ó. Hafoin lori ba nia. 31

Prepara husi: Guilherme C. Barros-20181o. Narrador: Irmaun ne’e lori tiha kaneta mai, Fransisku hahu dehan:…Fransisku: Bodik ba Señora Jakoba, Maromak Nia atan, Irmaun Fransisku, ema kiak no kiik husiKristu no hamutuk ho Espíritu Santu iha ita Nai Jezus Kristu. Señora doben, hau hakarak atuSeñora hatene katak hau nia moris ikus nian besik lós ona . Ne’e duni, Karik Señora hakarakhasoru ho matan haré wainhira hau sei moris, mai kedas ona depois simu karta ne’e. Mai ihaIgreja Maria Degli Angeli. Karik Señora la mai iha loron ikus ida ne’e, Señora sei la haré hauiha kondisaun moris. Lori hena karon hodi falun hau nia isin mate no lilin hodi hakoi hau.Hau husu fó ne’e mai hau…Mak ne’e deit irmaun, tanba Señora Jakoba mai ona iha dalan. 32

Prepara husi: Guilherme C. Barros-20182o. Narrador: La kleur deit, rona tarutu makás ida iha odamatan oin. Fransisku haruka lokeodamatan. Wainhira loke odamatan, Señora Jakoba, hamrik hela iha odamatan ho nia kudaarmada no ho nia oan mane rua nebé nudar senador. Fransisku haksolok tebe-tebes tanbaSeñora Jakoba tó ona mai. Señora Jakoba konta katak, wainhira nia reza hela, rona lian idahusi lalehan: “Señora Jakoba, Karik Ó hakarak hasoru Fransisku sei moris, ba kedas Assis.Labele hein tan. Lori sasan sira nebé bai-bain Ó fó ba nia wainhira nia moras no buat saidadeit mak presiza iha funeral.” Ida ne’e mak hau halo duni, Apá Fransisku.1o. Narrador: Han hotu tiha, Fransisku iha fali forsa oituan, Señora Jakoba hahu hakneak no hakuaknia ain santu nebé iha Jezus nia kanek sira. Ho devosaun, nia beiju no habokon ain ne’e honia matan ben. Irmaun sira nebé hamrik hela, haré akontesimentu ne’e, hanesan haré MariaMadalena iha Jezus Kristu nia ain. Sira mos senti la soi atu hadook tiha nia. Hafoin 33

Prepara husi: Guilherme C. Barros-2018Fransisku husu foti Bíblia no lee fodik ba nia Evanjellu Saun Juaun husi versíkulu anteskonaba festa Páskua. Evanjellu (Ju 13: 1-5)-(nai-lulik mak lee) Iha momentu ne’e, antes loron Páskua hahu, Jezus hateten katak Nia loron besik onahodi sai husi mundu ne’e fila ba Aman. Nudar Nia hadomi Nia disípulu sira, nune’e ohin Niahadomi sira tó rohan. Sira sei han hamutuk hela, diabu hahu babeur Júdas Iskariot, Simaunnia oan, hodi faan Jezus. Jezus hatene katak Nia Aman intrega tiha ona buat hotu iha Nialiman. Nune’e mos Nia mai husi Aman no fila fali ba Aman. Hafoin Jezus hamrik kolu Niaunuk. Nia foti fali hena mutin ida no kesi ba Nia kanotak. Tuir mai Nia fui we ba basia, hahufasi Nia disípulu sira nia ain, hafoin hamaran ho hena nebé kesi hela iha Nia kanotak… 34

Prepara husi: Guilherme C. Barros-2018 Omília… (badak husi nai-lulik)1o.Narrador: Ho molik, hau sai husi hau nia inan nia knotak no ho molik mos mak hau sei fila bania. Nai mak fó , Nai mak foti. Kmanek tebes Nai nia naran. Nune’e mak Job dehan. Job nialiafuan sira ne’e sai tuir lós kedas iha Fransisku. Nia latan molik, la iha karon rohan ida mos.Nia hateke sae ba leten, neon metin ba lalehan. Nia taka nia liman lós ho nia liman karukhafoin dehan ba irmaun sira.Fransisku: Hau halo saida mak hau tenki halo. Hau harohan atu Kristu hanorin ba Ó saida mak Ótenki halo mos. 35

Prepara husi: Guilherme C. Barros-20181o. Narrador: Haré Fransisku nia hahalok ne’e, Guardiaun nebé tur besik nia senti laran dodok tebe-tebes. Tan ne’e nia hamrik, foti unuk nebé tau hela iha Fransisku nia sorin. Guardiaun dehanba Fransisku:2o. Narrador: Ita hanoin ba, unuk ne’e hau impresta ba ita. Hau foti knaar hotu husi ita atu fó ba sese deit…1o. Narrador: Fransisku haksolok tebes tan nia haré katak nia bele hakiak nia juramentu kiak (votuspobreza) ne’e tó ikus. Tan ne’e, nia haruka foti paun ba nia hodi hanoin hikas fali “Han Ikus”nian husi Ita Nain Jezus Kristu. 36

Prepara husi: Guilherme C. Barros-2018Protókolu(Mai ita halakan lilin)1o. Narrador: Wainhira atu mate, Fransisku la iha ona forsa. Iha nia hamulak, nia husu atu irmaunsira hahi Nai hamutuk ho nia. Ho iis nebé sei iha, nia reza nafatin Salmu sira embora ho liankotu-kotu. Reza hamutuk Hino Irmaun Loron Matan (Is 38, 10-14.17-20)Hau dehan: Iha hau nia moris rohan +Hau lao ba odamatan mate nian* 37

Prepara husi: Guilherme C. Barros-2018 Ba nebá mak Nia bolu hau atu bá.Hau dehan: Hau sei la haré tan Nai+Iha ema moris nia mundu;* Hau sei la hasoru tan ema hanesan iha mundu ne’e.Hau nia baraka sei sobu tiha,* Sei fokit tiha hanesan bibi atan ida nia baraka.Nudar ema soru tais, nune’e mos Ita lulun hau nia moris* Kua tiha hau nia kábas moris nian husi hau nia ai sóru.Loron-kalan Ó besik hela hau+ Hau halerik tó daer* Hanesan leaun Ó harahun hau nia ruin sira. 38

Prepara husi: Guilherme C. Barros-2018Hanesan manu lin hakfuik ho laran susar,* Naboron hanesan manu pombu.Hau matan nakukun tanba hateke ba leten,* Hau terus susar, oh Nai, tulun hau.Maibé hau klamar ita hases tiha husi rai kuak* Hau nia sala sira hotu Ó soe dook.Mundu mate nian la hahi Ita boot+Ema mate la fó gloria ba Ita* Sira nebé tun ba rai kuak La laran metin ba Ita Nia fidelidadi.Ida nebé moris mak hahi Ita, hanesan hau oras ne’e,* 39

Prepara husi: Guilherme C. Barros-2018 Harohan atu Ita nia fidelidadi sei haklaken husi jerasaun ba jerasaun.Oh Nai, salva tiha hau ba+Nune’e ami sei hu’u Ita nia flauta,* Iha Nai nia uma, durante ami nia moirs tomak.Gloria ba Aman* No Oan no Espíritu Santu.Hanesan horik ukuk tó oras ne’e+ Tinan ba tinan nafaitn. Amen. 40

Prepara husi: Guilherme C. Barros-20182o. Narrador: Iha fatin nebé Fransisku hein Irman Mate, oras hanesan lao ho neineik lós. Irmaun sirahotu nia matan baku ba isin nebé toba hela ho hakmatek. La iha ema ida mak koalia. Sirahotu prontu husik sira nia Aman ba hasoru moris rohan laek hamutuk ho Kristu nebé nia tuiriha nia moris tomak. Tó ikus, nia loron hodi transforma nia moris mos tó ona. Kristu Niamistériu tomak hakonu Fransiskus nia-an. Nia klamar semo sae ba hasoru Maromak nebé niahadomi wainhira nia sei moris. AMAN FRANSISKU ASSIS NIA IIS KOTU (Hotu-hotu nonok hodi hanoin Fransisku nia mate-akompañia ho muzika ida…) Fransisku mate, mane fuik sira semo liu husi uma leten. Sira hakfuik, ho ksolok hodihananu ho ksolok tebes tan nia. Lós katak, ema triste tan Fransisku la iha ona. Maibé ksolokne’e tenki haklaken ba mundu tomak. 41

Prepara husi: Guilherme C. Barros-20182o. Narrador: Fransisku tama ona ba moris rohan laek hamutuk ho Kristu ho Aman no EspírituSantu. Fransiskus nia isin hanesan lós Maromak Nia Bibi Oan nebé foin hatun husi kruz. Nialiman no nia ain pregu lalehan haborus; no nia sorin nakles kuak tan dima lalehan. Fransiskumak “Repetitor Christi” nebé mai fali iha mundu ne’e, ho nonok-matan ben nakonu sirahakbesik ba aman nebé sira hadomi hodi beiju nia isin mate.Protókolu Mai ita hasae ita nia lilin, hafoin beiju Aman Fransisku nia relíkia. (Hatur lilin sira iha fatin nebé prepara ona). 42

Prepara husi: Guilherme C. Barros-20181o. Narrador: Kalan ema barak mak mai hader Fransisku nia isin. Sira haksolok tebe-tebes. Ahi oanlakan naroman iha sidadi tomak. Dader san, ema iha sidadi Assis tomak lori Fransisku niaisin ba hatoba iha fatin ikus nian ho ksolok no hananu.2o. Narrador: Antes halot nia, sira sei lori Fransisku nia isin mate liu husi Igreja Saun Damiaun atuKlara, Fransisku nia jardin kiik ne’e, no ho nia irman sira bele haré lai sira nia Aman ba dalaikus. Sira haré no beiju nia kanek santa sira nebé Nai haraik ba nia. Ba irman Klarista sira,Fransisku husik hela Testamentu ne’e. 43

Prepara husi: Guilherme C. Barros-2018Fransiskus: Hau, Irmaun Fransisku, nebé kiak no kiik, hakarak tuir ita Nain Jezus Kristu ho NiaInan Santa Virjen Maria nia moris no Nia Kiak tó rohan. Hau husu atu imi hotu, liurai fetosira, atu imi moris iha moris kiak santa ida ne’e. Guarda didiak nia, atu imi la lao sala oituanmos husi nia, tan ema seluk nia dutrina ka sira nia konseillu.1o. Narrador: Hafoin ne’e, sira lori Fransisku nia isin ba hakoi iha fatin benzidu nebé sira preparaona. Tan ne’e fatin ne’e sei nakonu ho bensaun. Iha fatin ne’e, Maromak hatudu Nia glória banafatin liu husi milagre oioin, tó oras ne’e. 44

Prepara husi: Guilherme C. Barros-2018 Orasaun Final (nai-lulik) Aman Maromak laran luak, iha selebrasaun ne’e, ami hanoin fali ami Aman Fransiskunia loron moris tama ba lalehan. Ami harohan, tulun ami sala nain sira ne’e bele kuru wegrasa foun nebé Ita husik naksulin husi Aman Fransisku. Ami fiar katak, grasa wain nebé Itahasulin ona husi nia sei la maran leet deit. Maibé sei sai nafatin we inan hodi habokon-hamatak bei-beik ami nia fuan no ami nia hanoin. Nune’e ami nia fidelidadi ba ita boot NiaEvanjellu bele naksarek-nakfuan nafatin iha ami nia moris, hanesan ami Aman Fransiskuhatudu hela ona mai ami iha nia moris tomak. A.H. N.J.K… (Guilherme da Costa Barros) 45