PB09_NTAWV ZAJ TSHOOB

ZAJ TSHOOB TXHEEJ TXHEEM Thiab COV ZAJ



ZAJ TSHOOB TUS SAU ZOOV YIAS THOJ TUS TEEB DHOS TXAWJ NKIAG THOJ Copyright©2022, Zoov Yias THOJ-All right Reserve



Lus cib fim los ntawm tus sau Zoo siab tsoom phooj ywg txhua tus Kuv Zoovyias THOJ VWJ TUAM HWM yug xyoo 1958 nyob rau lub xeev luam phaj npas (Luangprabang) teb chaws los tsuas (Lao) Ua ntej yuav sau phau ntawv txheej txheem Tshoob thiab cov Zaj rau hauv phau ntawv no vim Zajtshoob yog peb hmoob ib yam Txuj uas peb tej niam tej txiv thiab pog yawg ib txwm coj thiab siv tau ntau txhiab xyoo los tshwj xeeb yog siv rau lub caij nyog thaum peb muaj tub yuav nyab, muaj ntxhais qua peb siv los txis txij txis nkawm thiab Tsa cuab tsa yim rau khub txij nkawm sib yuav ntawd lub rooj tshoob kom lom zem thiab tsim nyog rau khub txij nkawm ua ntej khub txij nkawm ntawd yuav dhau mus ua ib tug niam tsev thiab txiv tsev, Zajtshoob thiaj yog ib yam txuj tseem ceeb heev rau lub caij nyoog peb hmoob ua tshoob ua kos yog tsis muab sau ua ntaub ua ntawv zwm tseg tsam tom ntej peb tej me nyuam hmoob ho tsis paub tej niam tej txiv tej txuj tshoob no lawm yog li hnub no kuv Zoovyias THoj thiaj muab lub caij nyoog no los zaum tsaws sau ib npe zuj zus kom tau cov Zaj raws li tus txheej txheem los ua ib phau ntawv zwm tseg cia rau tej xeeb leej xeeb ntxwv tau saib lawm yav tom ntej. Thov txim ntau ib tsoom phooj ywg, nyob hauv phau ntawv no kuv tsuas sau los ua puav pheej tseg rau tej xeeb leej xeeb ntxwv tau saib thiab kuv tsuas sau raws li qhov kuv paub thiab tau kawm los xwb kuv ntseeg tias tseem tshuav ntau zaj thiab ntau lub txheej txheem uas kuv paub tsis txog thiab sau tsis

txhua rau hauv no thov nej zam txim pub thiab mog, tsis tas li ntawd yog thaum nej kawm tau coj mus siv lawm nej yeej meem hais raws lis nej lub suab thiab nej lub siab nyiam txawm yuav hais txhab ntxiv lo puav los yog txhem lo puav tawm los tsis ua cas vim peb nyias muaj nyias suab thiab nyias yuav hais raws li nyias lub siab nyiam. Kawg no zoo siab thiab ua tsaug rau nej txhua tus uas tau pab saib thiab pab nyeem phau ntawv txheej txheem thiab cov Zaj hauv phau no thiab Ua tsaug rau tus pab kho thiab teeb dhos cov ntawv kom meej thiab ua tsaug rau tus tswv luam phau ntawv vim muaj nws phau ntawv txheej txheem thiab cov Zaj no thiaj tshwm sim tau rau sawv daws saib. Pib sau hnub tim 02 / 02 / 2021 - 30 / 03 / 2022 Luam tawm hnub tim 30 / 03 / 2020 Zoov Yias THOJ

Phiaj Qhia Zaj Zaj Nplooj 1. Chiv tshoob - Cob kaus rau ob tug mej koob .................. 1 2. Taij nyiaj los yog qhib nkuaj tso nyuj ............................. 4 3. Cheem niam txiv nyob tos tub nyab................................ 6 4. Laig dab su thaum mus txog ib tog kev........................... 9 5. Txhiaj qhov rooj........................................................... 11 6. Tsim qhov rooj............................................................. 12 7. Kaw qhov rooj ............................................................. 15 8. Qhib qhov rooj ............................................................. 17 9. Tshem rooj tog ............................................................. 19 10. Tsab yeeb tsab tshuaj.................................................... 20 11. Ua tsaug yeeb tsaug tshuaj............................................ 21 12. Fi moo thiab rhais kaus ................................................ 23 13. Txis mej koob thiab cob tshoob kos.............................. 27 14. Txhib mej koob phwb kab tshoob kev kos.................... 29 15. Txis phooj txis ywg...................................................... 30 16. Txum mej txhiaj - plhov mej txhais .............................. 32 17. Niam txiv tsis qhib lus.................................................. 35 18. Txhiaj tshoob ntuj tsim teb raug ................................... 37 19. Txhais tshoob - taug ntawv txiaj tshoob qab pag........... 38 20. Txhiaj – txhais taug liaj lwg rhwv mim caj ces ............. 43

21. Txhiaj rooj nrag rooj nraum ......................................... 47 22. Tsim rooj ..................................................................... 48 23. Tsa rooj ....................................................................... 53 24. Txhiaj Choo thiab tais diav .......................................... 55 25. Tsim Choo thiab tais diav ............................................ 55 26. Cob qaib npws poj ....................................................... 56 27. Cob ntsiaj txhuv thiab dej cawv ................................... 58 28. Cob npua luam xim nqaij ............................................. 60 29. Cob npua luam xim ciaj ............................................... 63 30. Cob qaib dab ciaj ......................................................... 65 31. Cob npua dab ciaj ........................................................ 67 32. Taij ntaub pua rooj thiab tsim ntaub pua rooj ............... 70 33. Tsim nyiaj los yog tso nyiaj ......................................... 73 34. Ua tsaug nyiaj .............................................................. 75 35. Tsim thiab tso qaib qhia tsiaj........................................ 77 36. Nrhiav puaj txwm - saib puaj txwm ............................. 79 37. Noj qaib qhia tsiaj........................................................ 83 38. Mej koob cob puaj txwm rau Thej com – Tshwj fam.... 84 39. Thej com - Tshwj fam nrhiav thiab saib puaj txwm...... 86 40. Ntsaig rooj mov qaib qhia tsiaj..................................... 89 41. Thej com tsa thiab cob txheej caw rau mej koob .......... 91 42. Mej koob cob txheej caw rau qhua tshoob qhua kos ..... 95

43. Rub niam txiv rooj mov qab vag................................... 98 44. Pua lev los yog pua lav............................................... 100 45. Cob nyuj thiab laij nyuj .............................................. 103 46. Yaws lev los yog yaws lav ......................................... 106 47. Ntsaig niam txiv rooj mov qab vag............................. 107 48. Ntsaig niam txiv rooj mov tsa tsheej caw.................... 108 49. Cob txheej cawv nkaw lus thiab sawv ke.................... 110 50. Cob niam txiv nyiaj phij tsab tsoos phij cuam............. 111 51. Ua tsaug txais nyiaj phij tsab tsoos phij cuam............. 114 52. Ntuas nkauj muam mus ua neej .................................. 119 53. Cob nkauj nyab .......................................................... 130 54. Ua tsaug txais nkauj nyab........................................... 131 55. Tsim kaus thiab muab kaus ........................................ 134 56. Muab kaus - Cob kaus rau plhov mej.......................... 140 57. Cog tshoob tom niam tais yawm txiv tsev................... 141 58. Nqee nkauj nyab thiab tu niam txiv moo .................... 144 59. Tu niam txiv vaj tsev.................................................. 147 60. Sia mej zeeg siv ......................................................... 148 61. Sib faib kab ................................................................ 150 62. Laig dab rooj – Txiav caj dab npua............................. 152 63. Laig dab su thaum rov los txog ib tog kev .................. 155 64. Taij 2 tug mej koob txhaub sub .................................. 157

65. Txhaub sub ntawm qhov rooj tag ................................158 66. Taij mej koob foom tshoob ntawm qhov rooj tag ........160 67. Foom tshoob ntawm qhov rooj tag ..............................162 68. Cog tshoob tom niam pog txiv yawg tsev....................164 69. Cob nkauj nyab rau txiv coj lus - nian txiv ..................167 70. Niam txiv ua tsaug txais nkauj nyab............................169 71. Niam txiv tub coj tshoob tsaws kos ua mej koob tsaug 171 72. Daws vauv npe laus ....................................................175

Zaj Tshoob 1. Chiv tshoob - Cob kaus rau ob tug mej koob Zaj no hais lub sij hawm thaum yuav sawv kev hauv niam pog txiv yawg tsev mus ua tshoob yog ob tub coj tshoob nres kos los yog txiv thej com hauv tsev hais cob lus thiab lub kaus rau ob tug mej koob kom nkawv ua siab ntev mus pab ntos tshoob ntos kos rau niam txiv 1. Hais! Zoo li kus zoo li txhia niaj mus txhia xyoo kuv niam kuv txiv tub nraug laj cev hlob tsis tiav txuj ces tub nraug laj tsis ntim txuj qas zias mus ncig ntuj mus nrhiav puj, xyoo no kuv niam kuv txiv tub nraug laj cev hlob mus tiav txuj ces tub nraug laj tsuas yuav ntim txuj qas zias mus ncig ntuj yuav tshwm rooj mus nrhiav puj yuas. - Zoo li txhia niaj mus txhia xyoo kuv niam kuv txiv tub nraug laj cev hlob tsis tiav hluas tub nraug laj tsis ntim txuj qas zias mus ua qhua yuav nrhiav puas, xyoo no kuv niam kuv txiv tub nraug laj cev hlob mus tiav hluas ces tub nraug laj yuav ntim txuj qas zias mus ua qhua yuav tshwm rooj mus nrhiav puas. 2. Zoo li xyoo no kuv niam kuv txiv tub nraug laj ces yuav mus muab qab ntuj los ncig tas hauv ntuj los muab ncig thoob li mus suab tau hmoob yaj ncuab ntxhais nkauj lag tus cev soob. - Zoo li xyoo no kuv niam kuv txiv tub nraug laj ces yuav mus muab qab ntuj los ncig tas hauv ntuj los muab ncig txog li mus suab tau hmoob yaj ncuab ntxhais nkauj lag tus cev mos. 3. Zoo li kuv niam kuv txiv tub nraug laj yuav mus suab tau hmoob yaj ncuab ntxhais nkaug lag ncig lis yeev los txog tim toj tshais roj lis nruam los txog kuv niam kuv txiv tej tom vaj Zoov Yias Thoj 1

Zaj Tshoob kuv niam kuv txiv yuav nrug rooj lis das saib nrug ntsa lis das xyuas yuav pom tau kuv niam kuv txiv nkauj nyab nraug tub tus caj tshoob ntsis kos ntaug lis leev los puv tas kuv niam kuv txiv ib tog plaj. - Zoo li kuv niam kuv txiv tub nraug laj yuav mus suab hmoob yaj ncuab ntxhais nkauj lag ncig lis yeev los txog tim toj tshais roj lis nruam los txog kuv niam kuv txiv tej tog tsev kuv niam kuv txiv yuav nrug rooj lis das saib nrug tsa lis das xyuas yuav pom tau kuv niam kuv txiv nkauj nyab nraug tub tus caj tshoob ntsis kos ntaug lis leev los puv tas kuv niam kuv txiv ib tog lev no ces kuv niam kuv txiv tus caj tshoob tawm li plaws qhov no tuaj tus ntsis kos tawm lis plaws qhov no los no yuas. 4. Zoo li neb txiv tuam mej koob lwm mej koob neb nyob neb cuaj ntxug kev sis zas kuv niam niam kuv txiv tub tsheej luj yim tsuas yuav nrig cwj lis ntawv tuaj thov lawm neb lub zog tas. - Zoo li neb txiv tuam mej koob lwm mej koob neb nyob neb cuaj ntxug kev sis zus kuv niam kuv txiv tub tsheej luj yim tsuas yuav nrig cwj lis ntawv tuaj thov neb lub zog txug. 5. Zoo li neb xav tias neb tsis tuaj los kuv niam kuv txiv tub tsheej luj yim khuj thawj mus thov tim muaj. - Zoo li neb xav tias nej tsis khiav los kuv niam kuv txiv tub tsheej luj yim khuj thawj mus thov tim cia. 2 Zoov Yias Thoj

Zaj Tshoob 6. Zoo li neb ntauj lis ntsaws nqes tuaj txog kuv niam kuv txiv tej mus qab cub kuv niam muaj zoo ib lub siab ces kuv niam yuav sawv lis tsees tuaj nrog qhub. - Zoo li neb ntauj lis ntsaws nqes tuaj txog kuv niam kuv txiv tej mus qab cais kuv txiv muaj zoo ib lub plawv ces kuv txiv yuav sawv lis tsees tuaj nrog hais. 7. Zoo li kuv niam ces yuav sab laj tuaj tom taj sab laj ua qas tsis sab laj lis zus ua nqaij ua hno rau neb noj kuv txiv ces yuav sab laj lis zus tso lis pluav nws nkauj nyab nraug tub liaj lwg rhwv mim txoj kab tshoob kev kos rau neb coj. - Zoo li kuv niam ces yuav sab laj tuaj tom taj sab laj ua qas tsi sab laj lis zus txo dej txo cawv rau neb haus kuv txiv ces yauv sab laj lis zus tso lis pluav nws nkauj nyab nraug tub liaj lwg rhwv mim txoj kab tshoob kev kos rau neb taug no. 8. Zoo li kuv niam kuv txiv tsuas yuav muab tau niam nkauj kaus coj los cob lis nkaus rau neb txiv tuam mej koob lwm mej koob tej quav npab ces yuav tshov lim txog neb txiv tuam mej koob lwm mej koob ua zoo mus txoj tas kuv niam kuv txiv nkauj nyab nraug tub liaj lwg rhwv mim txoj mus kev nyab. - Zoo li kuv niam kuv txiv tsuas yuav muab tau niam nkauj kaus coj los cob nkaus rau neb txiv tuam mej koob lwm mej koob tej mus quav tes ces yuav tshov lim txog neb txiv tuam mej koob lwm mej koob ua zoo mus txoj tas kuv niam kuv txiv nkauj nyab nraug tub liaj lwg rhwv mim txoj mus kev sev no yuas. Zoov Yias Thoj 3

Zaj Tshoob 9. Zoo li neb ua siab lis ntev mus muab kuv niam kuv txiv nkauj nyab nraug tub liaj lwg rhwv mim tus caj tshoob ntos mus kom kawg siab, ntsig kos ntos mus kom kawg ntsis nyaj neb tus txiaj ntsha los kuv niam kuv txiv yuav nco mus ib txhiab neb tus txiaj ntsig los kuv niam kuv txiv yuav nco mus ib txhis no. - Zoo li neb ua siab lis ntev mus muab kuv niam kuv txiv nkauj nyab nraug tub liaj lwg rhwv mim tus caj tshoob ntos mus kom kawg ntsis tus ntsig kos ntos mus kom kawg siab nyaj neb tus txiaj ntsha los kuv niam kuv txiv yuav nco mus ib txhis neb tus txiaj ntsig los kuv niam kuv txiv yuav nco mus ib txhiab no yuav neb nkawm txiv tuam mej koob lwm mej koob. 2. Taij nyiaj los yog qhib nkuaj tso nyuj Zaj no ob tug mej koob hais taij niam txiv nyiaj coj mus them tub nyab nqe tshoob nqe kos hais lub sij hawm yuav sawv kev mus ua tshoob. 1. Hais! Zoo li kus yuas zoo li txhia niaj mus txhia xyoo kuv niam kuv txiv tsis ua ncauj nrog luag phwb tshoob ces nws tsis qhib nws lub nkuaj zeb nws tus txiv pwj nyug tsis nqov quj qaws lawm luag teb - Txhia niaj kus txhia xyoo kuv niam kuv txiv tsis ua ncauj nrog luag phwb kos nws tsis qhib nws lub nkuaj ntoo nws tus txiv pwj nyug tsis nqov quj qaws lawm luag nroog. 2. Zoo li xyoo no kuv niam kuv txiv ua ncauj lis nrus yuav phwb tshoob ces nws yuav qhib nws lub nkuaj zeb nws tus txiv pwj nyug yuav nqov quj qaws luam luag teb. 4 Zoov Yias Thoj

Zaj Tshoob 13. Txis mej koob thiab cob tshoob kos Zaj txiv thej com los yog nus tij hais thaum muab plaub tug mej koob sib txis ua txij nkawm ntos niam txiv tshoob kos. 1. Hais! Zoo li kus yuas zoo li kus zoo li thawj chiv thiaj tseg tau txiv tuam mej koob lwm chiv tsum tseg tau txiv lwm mej mus hwb xyw zoo li nej plaub tug txiv tuam mej koob lwm mej koob nej ib leeg nyob ib tog zej ib leeg nyob ib tog zos kuv niam kuv txiv tom ub tom no luag yuav phwb tshoob ces luag yuav nrig cwj lis tawv tuaj thov nej lub zog txog. - Zoo li nej ib leeg nyob ib tog zej ib leeg nyob ib tog zug kuv niam kuv txiv tom ub tom no luag yuav phwb tshoob ces luag yuav nrig cwj lis tawv tuaj thov nej lub zog txug. 2. Zoo li nej plaub tug txiv tuam mej koob lwm mej koob nej tuaj txog lis ntua nej tsuas zoo tam tau tus ntoo maj ntoo tov txawm tuaj ruab roob kuv niam kuv txiv tom ub tom no yuav zoo tam tau tus noog liaj noog luv yuav ya tuaj mus ua qhov chaw poob. - Zoo li nej plaub tug txiv tuam mej koob lwm mej koob nej tuaj txog lis ntua nej yuav zoo tam tau tus ntoo maj ntoo tov txawm tuaj ruab dawg kuv niam kuv txiv tom ub tom no yuav zoo tam tau tus noog liaj noog luv yuav ya tuaj mus ua qhov chaw tsaws. 3. Zoo li wb txiv thej com txiv kav xwm muab kuv niam kuv txiv tom ub tom no tus cwj tshoob rau nej tuav ces tuav kom ncaj muaj tus cwj kos rau nej nkaug ces nkaug kom ncee tsam nej tuav cwj tshoob tuav tsis ncaj nkaug cwj kos nkaug tsis Zoov Yias Thoj 27

Zaj Tshoob ncee nej los tsis txhob muab kuv niam kuv txiv tus cwj tshoob cwj kos nkaug lis nkuav mus rau ruab mab, ntshe wb txiv thej com txiv kav xwm yuav ntxuav tes ntxuav taw pluj plias mus nce tsag nej tsis txhob los thab txog wb txiv thej com txiv kav xwm tus phij tshawm los xeeb kab wb yuav tsis paub nrog nej pheej phiaj pheej phom nyob rov hais tag. - Zoo li wb txiv thej com txiv kav xwm muab kuv niam kuv txiv tom ub tom no tus cwj tshoob rau nej tuav ces tuav kom ncaj muaj cwj kos rau nej nkaug ces nkaug kom ncee tsam nej tuav cwj tshoob tuav tsis ncaj nkaug cwj kos nkaug tsis ncee los nej tsis txhob muab kuv niam kuv txiv tus cwj tshoob cwj kos nkaug lis nkuav mus rau ruab sua, ntshe wb txiv thej com txiv kav xwm yuav ntxuav tes ntxuav taw pluj plias mus nce tsua nej tsis txhob los thab txog wb txiv thej com txiv kav xwm tus phij tshawm los xeeb qhua wb yuav tsis paub nrog nej pheej phiaj pheej phom nyob rov hais dua. 4. Zoo li nej tuav kuv niam kuv txiv tom ub tom no tus cwj tshoob ces tuav kom ruaj tsis txhob muab cwj tshoob cwj kos tso lis pluav mus xyaw luaj kuv niam kuv txiv tom ub tom no rooj tshoob rooj kos thiaj tsis raug luag luag kom nkauj nyab nraug vauv thiaj li ua lub neej niaj txhiab ib txhis tsis to txoj niag kev quaj. - Zoo li nej tuav kuv niam kuv txiv tom ub tom no tus cwj kos ces tuav kom zoo tsis txhob muab cwj tshoob cwj kos tso lis pluav mus xyaw av kuv niam kuv txiv tom ub tom no rooj tshoob rooj kos thiaj tsis raug luag xyav kom nkauj nyab nraug vauv thiaj li ua lub neej niaj txhiab ib txhis tsis to txoj niag kev fav no yuas nej plaub tug txiv tuam mej koob lwm mej koob. 28 Zoov Yias Thoj

Zaj Tshoob 14. Txhib mej koob phwb kab tshoob kev kos Zaj txhib plaub tug mej koob phwb kab tshoob kev kos no hais lub sij hawm thaum thej com muab plaub tug mej koob txis ua txij nkawm tas ces nus tij los yog thej com leej twg hais los tau hais cob rau plaub tug mej koob kom lawv taug caj tshoob ntsis kos qab. 1. Hais! Zoo li kus yuas zoo li kus zoo li thawj chiv thiaj tseg tau txiv tuam mej koob lwm chiv tsum tseg tau txiv lwm mej mus hwb chw zoo li nej plaub tug txiv tuam mej koob lwm mej koob nej ib leeg nyob ib tog zej ib leeg nyob ib tog zos kuv niam kuv txiv tom ub tom no luag yuav phwb tshoob ces luag tsuas nrig cwj lis tawv tuaj thov nej lub zog txog. - Zoo li nej ib leeg nyob ib tog zej ib leeg nyob ib tog zug kuv niam kuv txiv tom ub tom no luag yuav phwb tshoob ces luag yuav nrig cwj lis tawv tuaj thov nej lub zog txug. 2. Zoo li nej ntoj ntsaws tuaj txog nram tiaj tsis pom qas tsi yuav pom tau nplooj xyoob nplooj ntoo dauv lis niab kuv niam kuv txiv tias nej tuaj coj tshoob ces coj kom raws tshoob qab coj kos ces coj kom taug kos lw, coj tshoob taug nraim tub liaj lwg qab coj kos taug nraim tub rhwv mim lw thiaj li zoo kuv niam kuv txiv tom ub tom no siab. - Zoo li nej ntoj ntsaws tuaj txog nram tiaj tsis pom qas tsi yuav pom tau nplooj xyoob nplooj ntoo dauv lis zawv kuv niam kuv txiv tias nej tuaj coj tshoob ces coj kom raws tshoob qab coj kos ces coj kom raws kos lw, coj tshoob taug nraim tub liaj lwg qab coj kos taug nraim tub rhwv mim lw thiaj li zoo kuv niam kuv txiv tom ub tom no plawv. Zoov Yias Thoj 29

Zaj Tshoob 3. Zoo li kuv niam kuv txiv tom ub tom no tub tsheej loj lim muaj lus ua tsaug thov txog nej plaub tug txiv tuam mej koob lwm mej koob tias nej tuaj coj tshoob coj kos ces nej ua zoo los muab liaj lwg rhwv mim tus caj tshoob ntsis kos taug kom mus kawg keeb kuv niam kuv txiv kev neej kev tsav qhua tshoob qhua kos puj moog txiv huab txoog nkauj pliab nraug vauv lis yuav zoo siab qhuas nej lis ntsheeb. -Zoo li kuv niam kuv txiv tom ub tom no tub tsheej loj lim muaj lus ua tsaug thov txog nej plaub tug txiv tuam mej koob lwm mej koob tias nej tuaj coj tshoob coj kos ces nej ua zoo los muab liaj lwg rhwv mim tus caj tshoob ntsis kos taug kom mus kawg ko kuv niam kuv txiv kev neej kev tsav qhua tshoob qhua kos puj moog txiv huab txoog nkauj pliab nraug vauv li yuav zoo siab qhuas nej lis hlo no yuas nej plaub tug txiv tuam mej koob lwm mej koob. 15. Txis phooj txis ywg Zaj no yog ob tus plhov mej leej twg hais los tau 1. Hais! Zoo li kus yuas zoo li kus Zoo li neb nkawm txiv tuam mej koob lwm mej koob wb tuaj ces wb yuav rub rooj lis zog los rau neb nyob yuav tsab tau kab paj txiag luam yeeb ntsuab los rau neb xob ces yuav tshov lim txog neb los nrog wb muab kuv niam kuv txiv txoj kab tshoob kev kos nrog wb coj. - Zoo li wb tuaj ces wb yuav rub rooj lis zog los rau neb zaum yuav tsab tau kab paj txiag luam yeeb ntsuab los rau neb haus ces yuav tshov lim txog neb los nrog wb muab kuv niam kuv txiv txoj kab tshoob kev kos nrog wb taug. 30 Zoov Yias Thoj

Zaj Tshoob 2. Zoo li kuv niam kuv txiv tus caj tshoob raug los poob ntsis kos raug los txog laj tub lag lis yau wb tuaj ces wb yuav ncuav dej ncuav cawv laub lis lug tuaj nruab khob yuav los txis neb los nrog wb ua phooj ua ywg nyob. - Zoo li kuv niam kuv txiv tus caj tshoob raug poob ntsis kos raug los txog laj tub lag lis yau wb tuaj ces wb yuav ncuav dej ncuav cawv laub lis lug tuaj nruab khob nrog lis to luaj lub lwg yuav los txis neb los nrog wb ua phooj mus ua ywg. 3. Zoo li neb ua lis ntev los nrog wb ua phooj ua ywg muab kuv niam kuv txiv tus caj tshoob ntos mus kom txhij ntsis kos ntos mus kom txhua kom kuv niam kuv txiv txoj kab tshoob kev kos thiaj li to lis thuav kom tshav laj tub lag lis yau wb ntuj lis khuav. - Zoo li neb ua siab lis ntev los nrog wb ua phooj ua ywg muab kuv niam kuv txiv tus caj tshoob ntos kom kawg keeb kev kos ntos kom kawg ko kom kuv niam kuv txiv txoj kab tshoob kev kos thiaj to lis tog kom tshav laj tub lag lis yau wb ntuj lis hlo. 4. Zoo li neb ua siab lis ntev los nrog wb ua phooj ua ywg los muab kuv niam kuv txiv tom ub tom no txoj kab tshoob ntos mus kom nto nto kev kos ntos mus kom nto ntsis maj mam neb tus txiaj ntsha wb los yuav nco neb tus txiaj ntsig los wb yuav ris. - Zoo li neb ua siab lis ntev los nrog wb ua phooj ua ywg los muab kuv niam kuv txiv tom ub tom no txoj kab tshoob ntos mus kom nto ntsis kev kos ntos mus kom nto nto maj mam neb tus txiaj ntsha los wb yuav ris neb tus txiaj ntsig los wb yuav nco no yuas neb nkawm txiv tuam mej koob lwm mej koob. Zoov Yias Thoj 31

Zaj Tshoob 16. Txum mej txhiaj - plhov mej txhais Txum mej txhiaj theem 1 txoj kab tshoob Sawv tshaj neb ob tug kwv luag…… 1. Hais! Zoo li kus yuas hais zoo li kus zoo li peb plaub tug txiv tuam mej koob lwm mej koob ib leeg nyob ib tog zej ib leeg nyob ib tog zos kuv niam kuv txiv tom ub tom no yuav phwb tshoob ces tub tsheej loj lim nrig cwj lis tawv tuaj thov peb lub txog. - Peb ib leeg nyob ib tog zej ib leeg nyob ib tog zug kuv niam kuv txiv tom ub tom no yuav phwb kos ces tub tsheej loj lim yuav nrig cwj lis tawv tuaj thov peb lub zog txug. 2. Zoo li peb ntoj ntsaws nqes tuaj txog lis ntua kuv niam kuv txiv tom no tej qab mus plaj tsev peb tsa zaj muag los saib tsis pom qas tsi yuav pom tau kuv niam kuv txiv tom ub tom no tus caj tshoob ntsis kos sawv nyias lis ntsais ntuj hnub kus tav no yuav tav tau peb plaub tug kwv luag lub caij lub nyoog los hais kuv niam kuv txiv tom ub tom no cov me lus txhiaj txhais. - Zoo li peb ntoj ntsaws tuaj txog lis ntua kuv niam kuv txiv tom no tej qab mus plaj tsev peb tsa zaj muag los saib tsis pom qas tsi yuav pom tau kuv niam kuv txiv tom ub tom no tus caj tshoob ntsis kos sawv nyias lis tseem ntuj hnub kus tav no yuav tav tau peb plaub tug kwv luag lub caij lub nyoog los hais kuv niam kuv txiv cov me lus txhiaj teeb meem no yuas phooj ywg kwv luag. 32 Zoov Yias Thoj

Zaj Tshoob liaj lwg rhwv mim txoj kab tshoob kev kos thiaj li to lis tog no yuas tshaj meej koob nkawm kwv luag. 19. Txhais tshoob - taug ntawv txiaj tshoob qab pag Zoj no ob tug plhov mej leej twg hais los tau 1. Hais! Zoo li kus zoo li phooj ywh kwv luag wb paub txheej tshoj thaum ub ces ntuj raug qab cej zeb teb raug qab cej cav neej dab raug ua ib zeg dab neej raug ua ib lav yog lawm puj saub muaj txuj cia zoo txuj puj saub muab vab tshaus tooj los tshau lis tshuav neej dab thiaj plam li plhuav. - Zoo li wb paub ces yog saub yawm muaj ci cia zoo ci saub yawm muab vab tshaus hlau los tshau tuaj lis tshaws dab neej thiaj plam lis plaws thiaj li cais tau neej mus rau neej teb cais tau dab mus rau dab chaw neej li nyob muaj txig dab li nyob muaj kawm no yuas phooj ywg kwv luag 2. Zoo li wb paub ces txheej tshoj thaum ub ntuj raug ces yog nkauj ntsuab xub los raug teb raug ces raug tau nraug nab xub los nyob luag tsuas cav nkauj ntsuab zoo nkauj tuaj sis xiab suav faj tim huab tais yuav yuav nkauj ntsuab thiaj li zoo suav faj tim huab tais siab. - Luag tsuas cav tau nraug nab zoo nraug tuaj sis awv suav faj tim huab tais yuav yuav nraug nab thiaj lis zoo suav faj tim huab tais plawv. 3. Suav faj tim huab tais muab nkauj ntsuab raws tau niaj mus peb hnub nkauj ntsuab tau ntshai nkauj ntsuab nraim lis ntshis qab cej zeb nkauj ntsuab mus niaj txhiab me txhis nkauj ntsuab tsis rais feb. 38 Zoov Yias Thoj

Zaj Tshoob - Suav faj tim huab tais muab nraug nab raws tau niaj mus peb hmos nraug nab tau ntshai nraug nab nraim lis ntshis qab cej tsua nraug nab mus niaj txhiab me txhis nraug nas tsis rov los xyuas. 4. Nkauj ntsuab mus tau peb txhiab peb vam nyeej nkauj ntsuab rov los poob nkauj ntsuab tsa zaj muag los saib ces suav faj tim huab tais muab nkauj ntsuab liaj iav teb chaws nyob noj tsuag tas. - Nraug nab mus tau peb txhiab peb vam xyoo nraug nas rov los txog nraug nab tsa zaj muag los xyuas ces suav faj tim huab tais muab nraug nab liaj iav teb chaws noj tsuag txhua. 5. Zoo li nkauj ntsuab thiaj li tso lis plhuav dav duj sawv mus ntsuam ntuj tso dav duag sawv mus ntsuam teb dav duj ces ya lis plho mus ntsuam ntuj nraug nias pom ces nraug nias nkaus hlo rab ntaj txeeg ua daj lis ris yuav raws ntxus nraug nuj pom ces nraug nuj ua daj lis ris nyob cheem mus. - Zoo li nraug nab thiaj li tso lis plhuav dav duj sawv mus ntsuam ntuj dav duag sawv mus ntsuam teb dav duag ces ya lis plho mus ntsuam teb nraug nias pom ces nraug nias nkaus hlo rab ntaj txeeg ua daj lis ris yuav raws tua nraug nuj pom ces nraug nuj ua daj lis ris nyob mus cheem txhua. 6. Zoo li dav duj mus ntsuam ntuj rov los poob dav duag mus ntsuam teb rov los txog dav duj qhub li zog tias lub ntuj ces dav ntuj lis nqhawv xws lawm tshoj theeb lub teb dab teb lis nqho xws thwv lawm chaw lub ntuj ces yuav tshoj theeb lub teb yuav tshoj tim nraug nuj lub siab ncaj ces cia nraug nuj mus zoj lub nruas daj. Zoov Yias Thoj 39

Zaj Tshoob - Zoo li dav duag mus ntsuam teb rov los txog dav duag yuav qhub lis zog tias lub ntuj ces dav ntuj lis nqhawv xws lawm tshoj theeb lub teb dav teb lis nqho xws lawm thwv chaw lub ntuj ces yuav tshoj theeb lub teb ces yauv tshoj tim nraug nias siab nkhaus ces cia nraug nias mus zoj lub nruas hlau. 7. Zoo li nraug nuj zoj tau lub nruas daj nraug nias zoj tau lub nruas hlau nkuaj ntsuab nraug nab yuav pheej lub ntuj tu lub teb ces yuav tso sib nywj tho dej txia tso sib muas txhaws qhov dej cia - Zoo li nraug nuj zoj tau lub nruas daj nraug nias zoj tau lub nruas hlau nkauj ntsuab nraug nab yuav pheej lub ntuj tu lub teb ces yuav tso sib nywj tho dej tawm tso sib muas txhaws qhov dej lawm. 8. Zoo li dej oo ua npaus phauj iav oo ua npuas to nruas daj ces ntab lis yees tshuav tau nkauj mim thiab nraug nuj ob tib leeg nruas hlau tog lis zus los lawm qab zaj pag nyab zog tau hmoob poj daim ntawv txiaj tshoob ntawv ntsis kos los lawm tag. - Zoo li dej oo ua npuas npauj iav oo ua npuas to nruas daj ces ntab lis yees tshuav tau nkauj mim thiab nraug nuj ob tib leeg nruas hlau tog lis zus los lawm qab zaj thu nyab zog tau hmoob poj daim ntawv txiaj tshoob ntawv ntsis kos los lawm du. 9. Zoo li cav tau qas tsi cia zoo zog loj leej twg cia zoo zog nchav? Cav tau puj xob cia zoo zog loj xob yawm cia zoo zog nchav puj xob nthe lis nqho av luaj tawg lis plho dej oo nqig lis zog nruas daj ntab lis yees nkauj mim thiab nraug nuj rov los txog. 40 Zoov Yias Thoj

Zaj Tshoob - Cav tau qas tsi cia zoo zog loj leej twg cia zoo zog nchav? Cav tau puj xob cia zoo zog loj xob yawm cia zoo zog nchav puj xob nthe lis nqhawv av luaj tawg lis plhawv iav oo nqig lis zug nruas hlau ntab lis yees nkauj mim thiab nraug nuj rov los txug. 10. Zoo li nkauj mim tsa zaj muag los saib noob neej tsis muaj tag noob tsav tsis muaj lawm nkauj mim thiaj li muab noob qaib qaim lis qho nruab qhov tsos nkauj mim tias noob qaib tawm lis plaws qhov no los. - Zoo li nraug nuj tsa zaj muag los xyuas noob neej tsis muaj tag noob tsav tsis muaj lawm nraug nuj thiaj li muab noob npua qaim lis qho ruab qhov tsug nraug nuj tias noob npua tawm lis plaws qhov no lug. 11. Zoo li noob ces neej tsis muaj tag noob tsav ces tsis muaj lawm nkauj mim thiaj ntim su zuj zias mus ncig qab ntuj los khauv zeeg tshuav tau nkauj mim thiab nraug nuj ob tib leeg. - Zoo li noob neej ces tsis muaj tag noob tsav ces tsis muaj lawm nraug nuj thiaj ntim su zuj zias mus ncig hauv ntuj los khauv zug tshuav tau nkauj mim thiab nraug nuj ob tib tug. 12. Zoo li nkauj mim ces mus pov koob los koob sib chob nkauj mim thiab nraug nuj thiaj li los ua neej vij zeej nyob. - Zoo li nrag nuj ces mus dov zeb los zeb los sib puab nraug nuj thiab nkauj mim thiaj li los ua neej vij zeej cuab. 13. Zoo li nkauj mim thiab nraug nuj ces mus tu tau tub tij ces hu ua tub liaj lwg tub kwv ces hu ua tub rhwv mim, tub liaj lwg hlob tiav mus txuj ces liaj lwg yog tub kiab mus tub khais Zoov Yias Thoj 41

Zaj Tshoob niaj hnub taug nraim hmoob poj txoj kab tshoob tub rhwv mim hlob tiav ci ces rhwv mim yog tub qoob mus tub loo niaj hnub sawv nraim rau hmoob yawm lub luaj qoob. - Zoo li tub liaj lwg hlob mus tiav txuj ces liaj lwg yog tub kiab mus tub khais niaj hnub taug nraim hmoob poj txoj kev kos tub rhwv mim hlob tiav ci ces rhwv mim yog tub qoob mus tub loo niaj hnub sawv lis nraim rau hmoob yawm lub luaj nrog. 14. Liaj lwg yuav mus pom tau niam nas nyob muaj txij rhwv mim yuav mus pom tau me noog nyob muaj nkawm liaj lwg rhwv mim rov zoj los txog lis ntua ces liaj lwg rhwv mim thiaj li tsa ncauj nug nkauj mim thiab nraug nuj hais tias cas niam nas nyob muaj txij me noog nyob muaj nkawm cas liaj lwg thiab rhwv mim ho tsis muaj txij tsis muaj nkawm es ntawv txiaj tshoob pos raug muaj ntawv ntsis kos pos raug tau? nkauj mim thiab nraug nuj tias hnub txheej tshoj thaum ub dej oo ua npuas npauj iav oo ua npuas to dej oo nyab lis zog los lawm qab zaj pag kuav lis laws tau hmoob poj ntawv txiaj tshoob ntawv ntsis kos los lawm tag ntawv txiaj tshoob ces raug tsis muaj. - Zoo li liaj lwg thiab rhwv mim rov zoj los txog lis ntua ces liaj lwg thiab rhwv mim thiaj li tsa ncauj los nug nkauj mim thiab nraug nuj hais tias cas niam nas nyob muaj txij me noog nyob muaj nkawm cas liaj lwg thiab rhwv mim ho tsis muaj txij tsis muaj nkawm es ntawv txiaj tshoob pos raug muaj ntawv ntsis kos pos raug tau? Nkauj mim thiab nraug nuj tias hnub txheej tshoj thaum ub dej oo ua npuas npauj iav oo ua npuas to dej oo nyab lis zog los lawm qab zaj thu kuav lis laws 42 Zoov Yias Thoj

Zaj Tshoob tau hmoob yawm ntawv txiaj tshoob ntawv ntsis kos los lawm du ntawv ntsis kos ces raug tsis tau. 15. Zoo li hmoob poj thiab hmoob yawm thiaj li tso zaj txaij zaj nraum sawv tho toj tso zaj laug ntxhais nkauj ntxawm khiav lis khuav mus tos lis ntua hav pas dej ntua thiaj li mus tos tau hmoob poj thiab hmoob yawm ntawv txiaj tshoob ntawv ntsis kos rov los txhua. - Zoo li hmoob poj thiab hmoob yawm thiaj li tso zaj txaij zaj nraum sawv tho toj tso zaj laug ntxhais nkauj ntxawm khiav lis khuav mus tos lis ntua hav pas dej ntos thiaj li mus tos tau hmoob poj thiab hmoob yawm ntawv txiaj tshoob ntawv ntsis kos rov los txog. 16. Zoo li txiv luj sis hmov sis kaws txoob tuam txhiaj meej ncuab lwm txhiaj meej ncuab sis hmov sis pub tshoob, suav txawj txeeg txiv sis kws luag txawj ntaub txawj ntawv ces luag muab cwj mem los nrog rheeb Liaj lwg rhwv mim tsis txawj ntaub txawj ntawv ces yuav saib cib kuam phim cib keeb. - Txiv luj sis hmov sis kaws ntsaig tuam txhiaj meej ncuab lwm txhiaj meej ncuab sis hmov sis pub ntxhais, suav txawj txeeg txiv sis kws luag txawj ntaub txawj ntawv ces luag muab cwj mem los rheeb xyuas liaj lwg rhwv mim tsis txawj ntaub txawj ntawv ces yuav saib cib keeb phim cib kuam no yuas phooj ywg kwv yaig kwv luag. 20. Txhiaj – txhais taug liaj lwg rhwv mim caj ces Txum mej txhiaj theem 1 Hais! Txhiaj chiv tseg neb yuas phooj ywg kwv luag neb paub txheej tshoj thaum ub liaj lwg niam npe hu li cas? Zoov Yias Thoj 43

Zaj Tshoob - Zoo li kuv niam kuv txiv lub rooj nrag yuav yuav niam qas tsi cev los txua rooj nraum yuav yuav niam qas tsi cev los txws rooj nrag ces yuav yuav ntoo cej ciab cev los txua rooj nraum ces yuav yuav ntoo cej thuv cev los txws ntoo cej ciab ces raug tsis muaj ntoo cej thuv raug tsis tau neb tes lauj pos tuav nyog npab lauj nas pos tuav nyog pwg neb pos mus tsoj nyog ntoo cej ciab qab taug nyog ntoo cej thuv lw yog neb mus tsoj nyog ntoo cej thuv lw rov los txog neb thiaj li tau ntoo cej thuv los txws ua kuv niam kuv txiv lub rooj nrag rooj nraum mus phwb kos no yuas phooj ywg kwv luag. 22. Tsim rooj Zaj tsim rooj no yog ob tug plhov mej hais 1. Hais! Phooj ywg kwv luag zoo li kuv niam kuv txiv tom no cuaj hnub yuav phwb tshoob kuv niam kuv txiv lub rooj nrag rooj nraum raug tsis poob - Kuv niam kuv txiv tom no yim hmo yuav phwb kos kuv niam kuv txiv lub rooj nrag rooj nraum uag tsis los. 2. Kuv niam kuv txiv lub rooj nrag yuav niam qas tsi cev los txua kuv niam kuv txiv lub rooj nrag ces yuav yuav ntoo cej ciab cev los txua ntoo cej ciab raug tsis muaj hnub txheej tshoj thaum ub yog lawm zaj laug sawv nphau toj nyoog laug sawv phau pes muab ntoo cej ciab phau lis npog mus xyaw luaj dej oo kuav laws tau noob ntoo cej ciab los lawm dua. - Zoo li kuv niam kuv txiv lub rooj nraum yuav niam qas tsi cev los txws kuv niam kuv txiv lub rooj nraum yuav yuav ntoo cej thuv cev los txws ntoo cej thuv raug tsis tau hnub txheej tshoj thaum ub yog lawm zaj laug sawv nphau toj nyoog laug 48 Zoov Yias Thoj

Zaj Tshoob sawv nphau pes muab ntoo cej thuv nphau lis npog mus xyaw av iav oo kuav laws tau noob ntoo cej thuv los lawm tag. 3. Zoo li dej oo kuav tau noob ntoo cej ciab ntws nuag mus rau zaj laug teb noob ntoo cej ciab mus nian txhiab me txhis tsis rais feb. - Dej oo kuav tau noob ntoo cej thuv ntws nuag mus rau zaj laug qhov noob ntoo cej thuv mus niam txhiab me txhis tsis rais rov. 4. Cav tau qas tsi muaj zoo siav cav tau ntshuab txaij muaj zoo siav kuv niam txiv tso ntshuab txaij nkag nuag mus rau zaj laug teb ntshuab txaij thiaj li mus muab tau noob ntoo cej ciab nrog rais feb. - Cav tau qas tsi muaj zoo pa cav tau ntshuab nraug muaj zoo pa kuv niam kuv txiv tso ntshuab nraug nkag nuag mus rau zaj laug qhov ntshuab nraug thiaj li mus muab tau noob ntoo cej thuv nrog rais rov. 5. Ntshuab txaij mus muab tau noob ntoo cej ciab rov los poob ntshuab nraug mus muab noob ntoo cej thuv rov los txog kuv niam kuv txiv tsuas yuav muab noob cej ciab w lis hawv tuaj nram tiaj ntuj qhuav ntuj lis qhawv tau xya niaj noob ntoo cej ciab nrhau tsis tau tus kaus cia. - Ntshuab txaij mus muab tau noob ntoo cej ciab rov los poob ntshuab nraug mus muab tau noob ntoo cej thuv rov los txog kuv niam kuv txiv tsuas yuav muab noob ntoo cej thuv w lis hawv tuaj nram npoo teb qhuav teb lis qho tau xya xyoo noob ntoo cej thuv nrhau tsis tau tus kaus zoo. Zoov Yias Thoj 49

Zaj Tshoob 6. Cav tau puj xob cia zoo zog loj puj xob nthe li nqho dej nag ntshua lis ho noob ntoo cej ciab thiaj li nrhau tus kaus nto. - Cav tau xob yawm cia zoo zog nchav xob yawm nthe lis nqhawv dej nag ntshua lis hawv noob ntoo cej thuv thiaj li nrhau tus kaus ntsawv. 7. Ntoo cej ciab hlob mus tiav txuj tus caj ceg yiag qub qaim xws ntoo maj nplooj dauv tej sis zaj xws nplooj xyoob kuv niam kuv txiv yuav mus muab ntoo cej ciab txws lis zus los ua kuv niam kuv txiv tus ntoo txws rooj tshoob. - Ntoo cej thuv hlob mus tiav ci tus caj ceg yiag quj qaim xws tus ntoo tov nplooj hlav dauv lis laws xws nplooj mos kuv niam kuv txiv yuav mus muab ntoo cej thuv txws lis zus los ua kuv niam kuv txiv tus ntoo txws rooj kos. 8. Zoo li ntoo cej ciab los raug muaj ntoo cej thuv los raug tau tshuav nkauj piab raug tsis muaj nraug taus raug tsis tau kuv niam kuv txiv yuav ntim txuj mus coog siab yuav luj txiag qas zias mus ntiav tau suav txawj txeeg txiv sis kws txws niam nkauj piab. - Zoo li kuv niam kuv txiv yuav ntim txuj mus coog rau yuav luj txiag qas zias mus ntiav tau suav txawj txeeg txiv sis kws txws txiv nraug taus. 9. Suav txwj txeeg txiv sis kws tias kauj piab yuav yuav niam qas tsi cev los nrog rheeb nkauj piab ces yuav yuav caj tooj cev los nrog rheeb, zoo li nkauj foob xab los raug tsis muaj suav txawj txeeg txiv sis kws yuav muab txooj ntoo khoob 50 Zoov Yias Thoj

Zaj Tshoob txiav lis npawv ob tog txhij thoob lis thuav tuaj nraub nrab muab txws lis zus los ua niam nkauj foob xab. - Suav txawj txeeg txiv sis kws tias nraug taus yuav yuav nian qas tsi cev los nrog ntaus zoo li nraug ntaus ces yuav yuav caj hlau cev los nrog ntaus, zoo li nraug moj pob los raug tsis tau suav txawj txeeg txiv sis kws yuav muab txooj ntoo khoob txiav lis npawv ob tog txhij thoob lis thuav tuaj nruab nrog muab txws lis zus los ua txiv nraug moj pob. 10. Zoo li niam nkauj foob xab los nraug muaj txiv nraug moj pob los nraug tau cas nkauj foob xab tsis muaj pa suav txawj txeeg txiv sis kws yuav muab txiv lau qaib cev plaub xub dab ntsaws lis ntso tuaj nruab nrab nkauj foob xab cev li yuav muaj pa. - Zoo li niam nkauj foob xab los nraug muaj txiv nraug moj pob los nraug tau cas txiv nraug moj pob tsis zog suav txawj txeeg txiv sis kws yuav muab txiv lau qaib cev plaub xub ntsos ntsaws li ntso tuaj nruab nrog txiv nraug moj pob cev li yuav muaj zog. 11. Suav txawj txeeg txiv sis kws muab nkauj foob xab rau lis tua lwj tooj tshuab lis tshua caj tooj yaj lis sua cuaj hnub ntaus sis nrawv yim hmo ntaus sis nru ntaus nrawv nru tau nkauj piab hniav nyias lis ntsais xws nplooj xyoob kuv niam kuv li luj txiaj qas zias mus saws tau niam nkauj piab cev nqes los poob. - Suav txawj txeeg txiv sis kws muab nraug moj pob rau lis ntaws lwj tooj tshuab lis tshaws caj hlau yaj lis zaws cuaj hnub ntaus sis rawv yim hmo ntaus sis nru ntaus nrawv nru tau nraug Zoov Yias Thoj 51

Zaj Tshoob taus hniav nyias lis ntsais sws nplooj pos kuv niam kuv txiv li luj txiaj qas zias mus saws tau txiv nraug taus nqes los txog. 12. Zoo li kuv niam kuv txiv niam nkauj piab hniav tsis ntse kuv niam kuv txiv yuav muab niam nkauj piab thoov lis thuav saum caj zeb nkauj piab hniav li nrog ntse - Zoo li kuv niam kuv txiv txiv nraug taus hniav tsis zuag kuv niam kuv txiv yuav muab txiv nraug taus thoov lis thuav saum caj tsua nraug taus hniav li nrog zuag. 13. Kuv niam kuv txiv muab nkuaj piab thoov lis khuav nkauj piab tho kev mus lis thuav. - Kuv niam kuv muab nraug taus thoov lis zog nraug taus tho kev mus lis tog. 14. Zoo li ntoo cej ciab txawm tuaj nruab roob kuv niam kuv txiv thiaj li luaj kev lis thuav nqes mus poob yuav mus pom tau ntoo cej ciab txum tsis caj kuv niam kuv txiv thiaj li mus tuam ntua tus lwm yaj. - Ntoo cej thuv txawm tuaj nruab dawg kuv niam kuv txiv thiaj li luaj kev lis thuav nqes mus tsaws yuav mus pom tau ntoo cej thuv txum tsis ntseg kuv niam kuv txiv thiaj li mus tuam ntua tus lwm yaj rov txhais peg. 15. Cuaj hnub ntov sis nrawv yim hmo ntov sis nru ntov nrawv nru ntoo cej ciab tiv tsis taus ntoo cej ciab cev lis nrog vau kuv niam kuv txiv ua daj lis zus mus ntsuas txiav ua dos lis zus mus ntsuas txhij yuav txiav cuaj hnub ces tu cuaj thooj phua yim hmo poob yim dej muaj plaub dej ntaug lis leev mus rau cuaj 52 Zoov Yias Thoj

Zaj Tshoob caum cuaj txoj kab muaj ib dej yuav ntaug lis leev los rau kuv niam kuv txiv tom no qab mus plaj xab. - Cuaj hnub ntov sis nrawv yim hmo ntov sis nru ntov nrawv nru ntoo cej thuv tiv tsis nyog ntoo cej thuv cev nrog ntog kuv niam kuv txiv ua daj lis zus mus ntsuas txiav ua dos lis zus mus ntsuas txhij yuav txiav cuaj hnub tu cuaj thooj phua yim hmo poob yim dej muaj plaub dej ntaug lis leev mus cuaj caum cuaj txoj kev muab ib dej yuav ntaug lis leev los rau kuv niam kuv txiv tom no qab mus plaj tsev, kuv niam kuv txiv lub rooj nrag tawm lis plaws qhov no tuaj rooj nraum tawm lis qhov no los no yuas phooj ywg kwv laug. Thaum hais zaj no tas lawm ces kom ob tub txum mej hais lwg zaj tsa rooj hauv qab no yog txum mej tsis kam lwg txum mej ho kom ob tug plhov mej lwg xwb no los ob tug plhov mej leej twg hais los tau. 23. Tsa rooj 1. Hais! Zoo li kuv niam kuv txiv tom no cuaj hnub yuav phwb tshoob yim hmo yuav phwb kos rooj nrag los raug muaj rooj nraum los raug tau tshuav rooj nrag tsis muaj ceg rooj nrag sawv tsis tseg kuv niam kuv txiv yuav mus thov tau tub txawj txeeg tub sis kws txawj los muab kuv niam kuv txiv lub rooj nrag txws lis zus qab rooj muaj zoo plaub tug tab rooj nrag yuav sawv ntseg lis ntsees rau kuv niam kuv txiv tom no qab mus plaj xab qab rooj qaum rooj ces yuav yog peb plaub tug kwv luag lub chaw mus dauv npab. - Zoo li kuv niam kuv txiv lub rooj nraum los raug muaj tshuav rooj nraum tsis muaj caug rooj nraum sawv tsis taus kuv niam kuv txiv tsuas yuav mus thov tau tub txawg txeeg tub sis kws Zoov Yias Thoj 53

Zaj Tshoob txawj los muab kuv niam kuv txiv lub rooj nraum txws lis zus qab rooj muaj zoo plaub tug ceg rooj nraum yuav sawv ntseg lis ntsees rau kuv niam kuv txiv tom no qab mus plaj tsev qab rooj qaum rooj ces yuav yog peb phaub tug kwv luag lub chaw mus dauv tes. 2. Kuv niam kuv txiv lub rooj nrag rooj naum qab rooj nraug ua txiaj qaum rooj nraug ua txub rooj nrag rooj nraum yuav tig ntiaj lees mus xib av tig qaum lis ntsoov los ris tau kuv niam kuv txiv tom ub tom no plaub caug yim las kub. - Kuv niam kuv txiv lub rooj nrag rooj nraum qab rooj nraug ua txub qaum rooj nraug ua txiaj rooj nrag rooj nraum yuav tig ntiaj lees mus xib av tig qaum lis ntsoov los ris tau kuv niam kuv txiv tom ub tom no plaub caug yim las nyiaj. 3. Zoo li qab rooj qaum rooj ces ua peb plaub tug kwv luag lub chaw sawv chaw zaum lwj lis thaub saum rooj ces yuav txawb tau plaub khob mus cawv qaub. - Qab rooj qaum rooj ces ua peb plaub tug kwv luag lub chaw sawv chaw zaum lwj lis txaws saum rooj ces yuav muaj zoo plaub khob mus cawv daw. 4. Zoo li peb plaub tug kwv luag yuav zaum lis ntua tuaj txhais peg yuav tseg tau tsoom zeej mus kev zeg - Peb plaub tug kwv luag yuav zaum lis ntua tuaj txhais taug yuav tseg tau tsoom zeej mus kev laus no yuas phooj ywg kwv luag Thaum tsa tau rooj lawm ces txum mej ho hais zaj txhiaj choo thiab tais diav li zaj hauv qab no. 54 Zoov Yias Thoj

Leej twg xav tau phau ntawv hu rau tusxov tooj hauv qab no tau txhua lub sij hawm: + 856 20 5959 1958 + 856 20 2209 2998

Txheej txheem tshoob yog Hmoob poj thiab Hmoob yawm ib txog kev cai uas tau tsim nyob puag tuam tshoj teb. Txheej txheem raug pauv ua ntu zus raws Hmoob lub neej tsiv teb tsaws chaw. Vim li no Hmoob nyob Tuam tshoj, teb chaws Los Tsuas, Thaib Teb thiab nyab laj teb thiaj li ua tshoob ua kos tsis sib xws lawm. Tej laus niaj txhis piv txoj lus hais tias: \"Nyob luag ntuj ces yoog luag txuj.\" Yog li no peb yuav tau muab siab rau kawm thiab txhim kho peb hmoob tej txheej txheem kab tshoob kev kos no kom zoo mus lawm yav tom ntej Xov Tooj: +856 20 5959 1958

Txheej txheem tshoob yog Hmoob poj thiab Hmoob yawm ib txog kev cai uas tau tsim nyob puag tuam tshoj teb. Txheej txheem raug pauv ua ntu zus raws Hmoob lub neej tsiv teb tsaws chaw. Vim li no Hmoob nyob Tuam tshoj, teb chaws Los Tsuas, Thaib Teb thiab nyab laj teb thiaj li ua tshoob ua kos tsis sib xws lawm. Tej laus niaj txhis piv txoj lus hais tias: \"Nyob luag ntuj ces yoog luag txuj.\" Yog li no peb yuav tau muab siab rau kawm thiab txhim kho peb hmoob tej txheej txheem kab tshoob kev kos no kom zoo mus lawm yav tom ntej Xov Tooj: +856 20 5959 1958