Platforma Google qosımshaları menen tolıq birlestirilgen. Microsoft Office faylları menen islew ushın formattı qayta islew shárt emes. Servis100 den artıq fayl túrlerin óz ishine aladı, atap aytqanda, ulıwma PDF, CAD hám basqalardı. Bultlı qosımshalar menen maslıǵı Serverde jaylasqan hújjetlerden paydalanıwshılar qálegen Google qosımshasınan paydalanıwı múmkin. Maǵlıwmatlar prezentaciyalar, hújjetler hám kesteler menen birge isleydi. Materiallarǵa kiriw Google Drive-den ashıladı : basqa platformalarda olar avtomatikalıq túrde kiriwge boladı. Maselelerdi tez sheshiw Qolaylı funkcional múmkinshilikleri engizilgenligi sebepli jumıs mıseleleri tez sheshiledi. Servis arnawlı qatar arqalı izlew joqarı dırejedegi tezlikte ámelge asırıladı. Hár qanday úskeneler menen maslasıwı Google Drive hár qanday platformada isleydi, bul paydalanıwshılarǵa kiriwdi ańsatlashtıradı - siz kompyuter, smartfon yamasa planshette fayllar menen islewińiz múmkin. Qansha orın ajıratılǵan Google pochtasında dizimnen ótkennen keyin, paydalanıwshılar maǵlıwmatlar saqlaǵıshına hám belgilengen 15 GB kólemge iye boladı. Saqlaǵısh kólemin úlkeytiw pullı tarifde ámelge asırıladı - 100 GB, 200 GB, maǵlıwmatlar saqlaǵıshınıń maksimal kólemi 30 TB. Google Drive qalay jaratıladı Server eki formatda isleydi: kompyuterde yamasa smartfonda. Kompyuterde Bultlı saqlaǵıshtı jaratıw ushın Google sistemasında pochta qutısın dizimnen ótkeriń. Joqarı oń múyeshdagi kvadrattı bassanız hám «Диск» tańlasanız, siz Google Drive-ke ótesiz
11.1 -súwret «Диск» tańlap Google Drive-ke ótiw Sonnan keyin, Google disktı kompyuterinizge ornatıwdı usınıs etedi. Júklep almastan da brauzer arqalı server menen islewińiz múmkin. 11.2 -súwret Google disk
Telefonda Telefon yamasa planshette jeke kabinetti jaratıw ushın qosımshanı App Store yamasa Play Marketdan júklep alıń. Júklep alınǵannan keyin, programma avtomatikalıq túrde Google akkauntı menen qosılıwdı usınıs etedi. 11.3 -súwret Google akkauntke kiriw yaki jaratıw Login hám parolińizdi kirgizgennen keyin siz fayllarıńız saqlanatuǵın akkauntıńızǵa kiresiz. Hár bir fayldı redaktorlaw múmkin. Ózgerisler tezlik penen barlıq úskenelerde kórsetiledi. Sinxron jumıstıń tiykarǵı shárti - bul islewshide Internettiń barlıǵı. Google Drive-den qanday paydalanıw kerek Google Drive deskstop versiyasında ashılǵannan keyin, barlıq saqlanǵan fayllar hám qıdırıw paneli payda boladı. 11.4 -súwret Disktegi fayllar izlew paneli
Qıdırıw sizge hújjetlerdi atı boyınsha tez tabıw imkaniyatın beredi. Eger paydalanıwshı úlken kólemdegi maǵlıwmatlardı bir orında saqlasa, bul qolay. Shep tárepte fayllardı júklew ushın «Создать» tuymesi bar. Mobil versiyada reńli \" +\" belgisin basqanıńızda soǵan uqsas menyu payda boladı. Onda tómendegi múmkinshilikler usınıs etiledi. 11.5 -súwret Servis interfeysi jańa úyrenshikler ushın túsinikli hám qolaylı, sebebi kórsetpeler funksionallıqtı tez túsiniwge járdem beredi. Google Drive-de papkanı qalay jaratıwǵa boladı Papka jaratıw ushın «Создать» bólimin saylań hám «Папку» tuymesin basıń. Ashılǵan aynada jańa papkaǵa at tabıń. Sonnan keyin siz oǵan bar fayllardı qosıwıńız yamasa jańaların jaratıwıńız múmkin.
11.6 -súwret «Создать»(Jaratıw) bólimi Fayldı Google Drive-ge qalay júklew kerek Fayllardı saqlaǵıshqa jaylastırıw ushın «Создать» menyusın hám keyin «Загрузить файлы»di tańlań. Kerekli hújjetti saylań hám «Открыть» tuymesin basıń. Sonday etip, fayl jumıs maydanına kiredi hám redaktorlawǵa boladı. Birgelikte kiriwdi sazlaw Joybar ústinde birgelikte jumıstı shólkemlestiriw ushın, kerekli fayldı saylań tıshqanshanıń oń túymesi basıń hám «Открыть доступ» bólimine ótiń. Hújjetlerin redaktorlaw kerek bolǵan paydalanıwshılardıń elektron pochta mánzillerin aynaǵa kiritiń. Keyin siltemenı nusqalap alıń hám kirisiw ushın paydalanıwshılarǵa jiberiń.
11.7 -súwret Birgelikte jumıstı shólkemlestiriw ushın «Открыть доступ» bólimi Analoglar Sol sıyaqlı funktsiyalarǵa iye bolǵan programmalar arasında : • Yandex. Disk ; • OneDrive; • Amazon Drive; • Cloud Mail. ru. Olardı uqsas funktsiyalar birlestiredi - bir orında tóplaw, maǵlıwmatlardı saqlaw hám redaktorlaw.
Soraw hám tapsırmalar 1. Google Drive bul ne? 2. Kontentke ápiwayı hám qawipsiz kiriw? 3. Qosımshalar hám instrumentler menen integraciya? 4. Bultlı qosımshalar menen maslıǵı 5. Maselelerdi tez sheshiw 6. Hár qanday úskeneler menen maslasıwı 7. Qansha orın ajıratılǵan? 8. Kompyuterde Google Drive qalay jaratıladı? 9. Telefonda Google Drive qalay jaratıladı? 12-TEMA GOOGLE FORMALARI JÁRDEMINDE TESTLER JARATIW Google Forms qosımshası járdeminde siz testler hám onlayn sorawlar jaratılıwıńız múmkin. Klassta testlerden paydalanıw ushın qatnasıwshlar óz Google akkauntına ıye bolıwı kerek. Google Chrome sıyaqlı brauzerdi ashıń, forma jaratıw ushın ózińizdiń akkauntıńız atı menen sistemaǵa kiriń, qosımsha dizimin ashıń. 12.1 -súwret Akkaunt arqalı sistemaǵa kiriw hám qosımsha dizimin ashıp «Формы»dı tańlaw
1. Forma jaratıw ushın \" Создать форму \" dı tańlawıńız kerek bolǵan ayna ashıladı, reńli plyus ústine basıń hám jańa forma jaratıw ushın bos jay payda boladı. 12.2 -súwret «Формы» hám «Новая форма» aynaları Joqarı basqarıw paneli sırtqı kórinisti sazlaw imkaniyatın beredi. 12.3 -súwret Joqarı basqarıw paneli sırtqı kórinisti sazlaw instrumentleri \" Palitra \" belgisi test temasın sazlaw múmkinshiligin beredi (sırtqı kórinisi - reń, fon, shrift tańlaw ), \" Kóz\" belgisi tayın formanı qálegen basqıshda, qatnasıwshı ushın ámeldegi bolǵan kórinisti kóriw imkaniyatın beredi. \" Keyinge\" hám \" Aldınga\" strelkaları processdagi aqırǵı ámellerdi bıykarlaw hám artqa qaytırıw imkaniyatın beredi. Temanı sazlaw ushın palitra belgisin saylań, ashılǵan aynada bas bet ushın súwretti saylań (siz test atınan joqarıda súwret alasız ), tema reńi, fon reńi, shrift usılın tańlawıńız múmkin. Ózgerisler avtomatikalıq túrde saqlanadı.
12.4-súwret Temanı sazlaw ushın palitra belgisinen paydalanıw Forma atın kirgiziw ushın “ Новая форма ” tuymesin basıń hám forma atın jazıń, mısalı, «Тест», bayanlamada temanı túsindiriwińiz yamasa basqa test yaki sorawlar haqqında maǵlıwmat beriwińiz , siz arnawlı bir testtiń qásiyetlerin kórsetiwińiz, máslahát hám túsindiriwler beriwińiz múmkin. Ózgerislerdi saqlaw shárt emes, sebebi barlıq ózgerisler avtomat túrde saqlanadı. 12.5-súwret Formanıń atı «Тест» 4.Forma atın bergenińizden keyin, siz sorawlardı qáliplestiriwge, juwaplar dizimin usınıwǵa ótiwińiz múmkin. Test dúzilgen táǵdirde tuwrı yamasa tuwrı emes juwaplar kórsetiledi. Soraw hám juwaplardı aldınan tayarlanıwı kerek. Nátiyjelerdi bahalaw múmkinshiligine ıye bolıw ushın test jaratıwdı tańlaw, bunı \" Настройки \" jarlıǵında amelge asırıwǵa boladı - \" Настройки \" jarlıǵına ótiń hám \" Тест \" parametrin qosıń, bul sizge test jaratıw processinde tuwrı juwaplardı kórsetiwińiz hám keyin olardı tekseriwińiz múmkinshiligin beredi.
12.6-súwret «Настройка» jarlıǵına ótip «Тест» parametrin qosıw Sonıń menen birge, bul jarlıqta siz test qatnasıwshıları tárepinen berilgen nadurıs hám tuwrı juwaplar hám tóplanǵan ballar sanın kórsetiwdi sazlawıńız múmkin. Eger siz test sorawlarına juwap beretuǵın qatnasıwshılardıń elektron pochta mánzillerin toplamaqshı bolsańız, ol halda \" Настройки \" jarlıǵında Публикация оценок/После ручной проверки parametrlerin biykarlawıńız kerek. Test atınan keyin «Электронная почта» maydanı payda boladı, bunda qatnasıwshı óz elektron pochta adresin jazıwı kerek. 12.7-súwret Qatnasıwshılar óz elektron pochta adresin kirgiziw ushın «Электронная почта» maydanı Test jaratıw ústinde islewdi dawam ettiriw ushın , \" Вопросы \" jarlıǵına qaytamız. 5. Test tapsırmaların jaratıwda hár túrlı túrdegi sorawlardan paydalanıw múmkin, mısalı, bir tuwrı juwaplı (единичный выбор), bir neshe tuwrı juwaplı sorawlar (множественный выбор) jaratıw múmkin.
Basqa variantlardan paydalanıw múmkin - qısqa tekstli juwap, tolıq tekstli juwap, usınıs etilgen variantlardan tańlaw (из списка), siz juwap retinde málim bir fayldı júklewge ruxsat beriwińiz múmkin, onı shkala boyınsha bahalawıńız (шкала ), siz qatardan bir varianttı tańlawıńız múmkin (сетка ), qatardan bir yamasa bir neshe varianttı tańlawıńız múmkin (сетка флажков), sáne, waqıt yamasa dawam etiw waqtın tańlawıńız múmkin. 12.8-súwret Sorawlar túrlerin tańlaw Tómendegi túrdegi sorawlar usınıs etiledi: 12.9-súwret Usınıs etiletuǵun sorawlar túrleri 6. \" Один из списка \" túrindegi tapsırmanı jaratamız, yaǵnıy sorawǵa juwap retinde bir tuwrı juwaptı tańlaw kerek boladı. \" Вопрос без заголовка \" maydanında sorawdıń dúzilisin beremiz keyinshelik juwaplar variantların toltıramız, radiotúymeshelerine qarama qarsı qarata jaylastırıp.Juwaplar
variantların kóbeytiw ushın «Добавить вариант» basiw jetkilikli.Ádette soraw ushın 3-5 variant beriledi, olar deskriptorlar dep ataladı. 12.10-súwret \" Вопрос без заголовка \" maydanında sorawdıń dúzilisi beriledi Eger «Тест» parametri qosılǵan bolsa, ol jaǵdayda siz tuwrı juwaplardı belgilewińiz múmkin, eger bul parametr qosılmaǵan bolsa, onda tek sorawnama boladı. 12.11-súwret «Ответы» hám «Обязательный вопрос» parametri Tuwrı juwaptı kórsetiw ushın «Ответы» tuymesin basıw kerek, bunda tuwrı juwaplardı kórsetiw múmkinshiligi payda boladı, tuwrı juwaptı belgilew kerek. Sonıń menen birge, bul jerde sorawǵa tuwrı juwap ushın alıwıńız múmkin bolǵan ball muǵdarın kórsetiwińiz múmkin. «Обязательный вопрос» parametri qosılsa soraw zárúrli bolıp tabıladı. Islengen háreketlerdi tastıyıqlaw ushın «Готово» tuymesin basıwıńız kerek.
12.12-súwret Sorawǵa tuwrı juwap hám ol ushın alıwıńız múmkin bolǵan ball muǵdarın kórsetiw Soraw jaratılıwı tastıyıqlanǵannan keyin, tuwrı juwap qarsısında \" belgi\" payda boladı. 12.13-súwret Tuwrı juwap qarsısındaǵı \" belgi\" 7. Náwbettegi tapsırmanı jaratıw ushın oń táreptegi paneldegi buyrıǵın basıw kerek, jańa tayarlanǵan soraw aynada qaladı hám keyingi tapsırmanı jaratıw ushın tayarlıq payda boladı.
12.14-súwret Keyingi tapsırmanı jaratıw ushın tayarlıq «Раскрывающийся список» túrindegi tapsırmanı saylap, soraw tekstin hám 3 juwaptıń 3 variantın kiritemiz. 12.15-súwret Soraw tekstin hám 3 juwaptıń 3 variantın kiritiw Tuwrı juwaptı belgilew ushın shep tómengi bólektegi «Ответы» maydanına ótiń, juwap ushın balllardı anıqlań, soraw waqtında soraw mudami kórsetiliwi ushın «Обязательный вопрос» parametrin qosıń. Islengen háreketlerdi tastıyıqlaw ushın «Готово» tuymesin basıwıńız kerek. 12.16-súwret Tuwrı juwaptı belgilew, «Ответы» maydanına balldı kiritiw hám «Обязательный вопрос» parametrin qosıw
8. «Шкала» soraw shablonınan paydalanıp taǵı bir tapsırma jaratamız. Biz oń tárep degi paneldegi basamız, keyingi tapsırmanı jaratıw ushın tayarlıq payda boladı, tapsırma túrin saylań «Шкала» túrin saylań, «Обязательный вопрос» parametrin qosıń, tapsırma tekstin kiritiń, shkaladaǵı baslanıwı hám juwmaqlanıw mánisin anıqlań. Siz 0 yamasa 1 menen baslawıńız múmkin, 2 den 10 ǵa shekem bolǵan nomer menen juwmaqlastırıwıńız múmkin, 1 den 5 ke shekem tańlawıńız múmkin. Keyin tuwrı juwaptıń ma`nisin kiritiń, biziń jaǵdaya bul \" 3\" hám tapsırmanı jaratıwdı juwmaqlaw ushın «Готово»\" tuymesin basıń. 12.17-súwret Tapsırmanı jaratıwdı juwmaqlaw ushın «Готово»\" tuymesi «Шкала» juwap túrinen paydalanǵan halda tapsırma jaratqannan keyin, ol tómendegishe kórinside boladı: 12.18-súwret Tapsırma tekstinen keyin jaylasqan juldızsha Tapsırma tekstinen keyin jaylasqan juldızshalarǵa itibar beriń, olar ol sorawdıń aqırında jaylasqan, «Обязательный вопрос» statusına iye.Eger soraw zárúr bolmasa bunday bolmasa onda bunday juldızsha bolmaydı.
Tekst túrindegijuwap beriw variantlarınan (deskriptorlar) tısqarı mısalı, grafikalıq, video fayllardan paydalansańız boladı. Soraw yamasa juwaptı ózgertiw ushın ústine onıń ústine basıw jetkilikli. 9. Endigi másele-formanı sazlaw. Formanı qayta isletiwdi qadaǵan etiw (yaǵnıy, tek bir ret juwap beriwge ruxsat beriledi), tapsırma orınlaw processinde juwaplardı redaktorlawǵa ruxsat beriw yamasa qadaǵan etiw, oqıwshılarǵa juwaplar dizimin kóriwge múmkinshilik beriwdi sazlaw múmkin. Qayta paydalanıwdı qadaǵan etiw (yaǵnıy, juwap tek bir ret beriwi múmkin): «Настройки» jarlıǵına ótiń, «Отправлять форму не более одного раза» buyrıǵın saylań, giltti qosıń. 12.19-súwret «Настройки» jarlıǵındaǵı, «Отправлять форму не более одного раза» buyrıǵı Jiberiwden aldın juwaplardı ózgertiwge ruxsat : «Настройки»jarlıǵına ótiń, «Разрешить редактирование вопросов» buyrıǵın saylań (tiykarınan \" sorawlar\" sózi ornına \" juwaplar\" sózi bolıwı kerek, bul qáte barlıq versiyalarda ushıramaydı) giltti qosıń.
12.20-súwret Test tapsırıwshılar tárepinen berilgen juwaplardı kóriw ushın ruxsat Test tapsırıwshılar tárepinen berilgen juwaplardı kóriw ushın ruxsat : «Настройки»jarlıǵına ótiń, «Презентация» buyrıǵın saylań, keyin «Посмотреть ответы» opsiyasın saylań hám giltti ornatıń. Sonıń menen birge, sazlamalar bólimide «Перемешать вопросы» opsiyasınan paydalanıwıńız múmkin, sonda barlıq oqıwshılar ushın bir test sorawlar izbe-izligi menen parıqlanadı. Sonıń menen birge, oqıwshılar tapsırmanı orınlap, juwabın jibergeninen keyin olardıń alatuǵın tekstin «Настройки» jarlıǵında ózgertiwge boladı. Indemesek «Ответ записан» ornatıladı, bul sózlerdi ózgertiwge boladı. Buniń ushın «Изменить» buyrıǵın bassa aynasha payda boladı, onıń ishine kerekli bolǵan tekstti kiritip hám saqlaw zárúr. 12.21-súwret «Изменить» buyrıǵın basıw arqalı payda bolǵan aynasha
10. Juwmaqlawshı basqısh -testti oqıwshılarǵa orınlaw ushın tapsırıw. Bunı ámelge asırıw ushın siz sınaqtan ótiwshi shaxsqa test adresin tapsırıwıńız jáne onı orınlaw huqıqın beriwińiz kerek. Biz oqıwshılardıń jeke akkauntlarınan paydalanamız hám siltemege iye bolǵan hár bir oqıwshıǵa testke kiriw ruxsatın beremiz. Sınaqtı jaratqannan keyin, bizge silteme kerek, bul siltemenı elektron pochta arqalı jiberiw, Google klasına tapsırma qoyıw, Internet degi betke qoyıw, mısalı, social tarmaqqa qoyıw múmkin. Bul háreketlerdiń barlıǵı bir «Отправка формы»túsinigi menen belgilenedi. 11. Formanı ashamız (jaratqannan keyin, forma avtomatikalıq túrde Google Drive- de jaylasadı ) hám joqarı oń múyeshdegi «Отправить» tuymesin basamız. 12.22-súwret Joqarı oń múyeshdegi «Отправить» tuymesin Bir qatar sazlawlardı ámelge asırıwıńız kerek bolǵan ayna ashıladı. Birinshiden, jıberiw usılı saylanadı - ush usıl usınıs etiledi: elektron pochta arqalı, siltemenı usınıw hám qálegen saytqa jaylastırıw arqalı. • Eger siz elektron pochta arqalını tańlasanız, tómende test jiberiletuǵın elektron pochta mánzillerin kórsetiwińiz kerek. Elektron pochta mánzilleri útir menen ajıratılǵan. • Siltemenı jaratıw ushın tiyisli belgini basıwıńız hám siltemenı nusqalap alıwıńız kerek. • Saytqa siltemenı jaylastırıw ushın «Встроить» buyrıǵın saylań hám koddan nusqa alın.
12.23-súwret Elektron pochta arqalı oqıwshılarǵa tapsırmanı jiberiw Eger siz elektron pochta arqalı jiberiwdi tańlasanız, mánzillerdi dizimge kirgizgenińizden keyin, «Отправить» tuymesin basıwıńız kerek, adresi kórsetilgen oqıwshılar tapsırmanı pochta arqalı aladı, orınlanǵannan keyin juwaplar oqıtıwshınıń Google diskında payda boladı. Eger biz mánziller dizimin kórsetiwdi qálemesek, ol halda siltemenı jiberiwdi tańlawımız múmkin, onıń ushın siz siltemenı basıwıńız kerek, «Копировать» buyrıǵın basıw arqalı siltemenı nusqalap alıwıńız kerek bolǵan ayna ashıladı. 12.24-súwret Saytta testke siltemenı jaylastırıw ushın «Встроить» buyrıǵı Saytta testke siltemenı jaylastırıw ushın «Встроить» buyrıǵınan paydalanamız, ayna ashıladı :
12.25-súwret HTML kodtı («Копировать» buyrıǵı ) nusqa alıp keyin Internetdegi betke jaylastırıw Bunda HTML kod jaylasqanın óz ishine aladı, onı («Копировать» buyrıǵı ), nusqa alıp keyin Internetdegi betke jaylastırıladı. Oqıwshılar testti orınlaǵannan keyin, test nátiyjelerin «Ответы» jarlıǵında kóriw múmkin. Siz nátiyjeni tańlawıńız hám diagramma túrinde kóriwińiz múmkin, siz «Отдельный пользователь» di tańlawıńız hám hár bir oqıwshı ushın kóriwińiz múmkin. Kóriwdiń eń qolaylı hám eń operativ usılı bul Google таблицы-den paydalanıw bolıp tabıladı. Kesteni birinshi ret jaratıw ushın siz belgisine basıwıńız hám «Сохранять ответы» buyrıǵın tańlawıńız kerek. 12.26-súwret Google таблицы-den paydalanıp juwaptı kóriw
Google Drive-de hár bir oqıwshı ushın test nátiyjelerin óz ishine alǵan keste dúziledi. Kesteni bir ret jaratıw jetkilikli, keyin oǵan «Ответы» jarlıǵına tiyisli belgisin basıw arqalı kiriwińiz múmkin. Mısalı, oqıwshılardıń juwapları kestesi tómendegishe kórinedi, bul jerde hár bir qatar juwaptıń versiyası bolıp tabıladı: 12.27-súwret Oqıwshılardıń juwaplar kestesi Kestede studenttiń qanday juwap bergeni anıq kórsetilgen. Student tapsırmanı orınlawdan aldın kórsetken elektron pochta adresi arqalı anıqlanadı. Eger siz juwaptı tuwrılawdı qadaǵan etken bolsańız, onda hár sapar tek bir versiya boladı. Biz test jaratıwdıń eń ápiwayı usılın kórip shıqtıq. Soraw hám tapsırmalar Google Forms bul ne? Klassta testlerden paydalanıw ushın qatnasıwshlar nege ıye bolıwı kerek? « Palitra» belgisi qanday múmkinshiliklerdi beredi? « Kóz» belgisi qanday múmkinshiliklerdi beredi? Forma atın kirgiziw ushın qaysı tuymeden paydalanamız? Google Drive-de hár bir oqıwshı ushın test nátiyjelerin qalay aladı? 13-TEMA HTTPS://WWW.QUIZALIZE.COM/ DE INTERAKTIV VIKTORINALAR JARATIW USHIN MOBIL SERVISLER. Quizalize - bul sorawlar hám viktorinalar jaratıw servisi. Servistiń mazmunı: Oqıwshılar Quizalize saytına ótip ózleriniń noutbukları, planshetleri yaki smartfonları arqalı test sorawlarına juwap beredi.
Durıs juwaplar ushın olar ochko aladı. Uliwma esap hár bir oqıwshıǵa shaxsıy test aqırında kórsetiledi. Servis múmkinshilikleri - Serviste topar jumısın shólkemlestiriw múmkinshiligi: Oqıtıwshı klassta viktorina menen birgelikte jumıstı shólkemlestiriwi múmkin: úlken ekran yamasa interaktiv doskadan paydalanıp. - Tálim iskerligi ushın servis múmkinshilikleri: Servis járdeminde siz mektep oqıw programmasınıń túrli temaları boyınsha test hám viktorinalar jaratıwıńız, intellektuallıq oyınlar shólkemlestiriwińiz hám klassta oqıwshılar ortasında ekspress sorawnamalar ótkeriwińiz, olarǵa úy tapsırması retinde viktorina tapsırıwdı usınıwıńız múmkin. -Servis materialları menen qay jerde bólisiwińiz múmkin: Jaratılǵan viktorina (test) social tarmaqlarda (Facebook, Twitter, Pinterest) hám elektron pochta arqalı bolisiwińiz múmkin. Quizalize basqa paydalanıwshılar tárepinen jaratılǵan viktorinalardı da usınadı. Olardan geyparaları biypul, basqaları bolsa bir yamasa eki dollarǵa satıladı. Óz viktorinalarıńızdı jaratıw hám oynaw ulıwma biypul. Quizalize, basqa platformalar menen salıstırǵanda, úlken abzallıqlarǵa iye. Kóplegen basqa platformalarda oqıwshılar bir waqtıniń ózinde oynawı tiyis. Quizalize-de oqıwshılar bir waqıtta qatnasıwı shárt emes. Olar tapsırmalardı ózlerine qolay waqıtta orınlawı múmkin. Oqıtıwshı kompyuterge baylanbaǵan. Ózine qolay waqıtta programmaǵa kiredi hám oqıwshılar tárepinen islengen test nátiyjelerin kóredi. Quizalize servisinde bir waqtıniń ózinde úlken ekran yamasa interaktiv doska járdeminde sabaqta qatnasıw múmkin. Quizalize mobil servisinde interaktiv viktorinalar jaratıw Mobil telefonda https://www.quizalize.com/ ǵa Brawzer arqalı kiremiz. Bul jerde siz Teacher Loginnan kirip interaktiv viktorina jaratıwıńız múmkin. Students enter codetan kirip oqıwshılar kirip tapsırmalardı orınlawı múmkin.
13.1-súwret Quizalizeǵa kiriw beti Interaktiv viktorina jaratıw ushın Teacher Login kirip, siziń Google da akkauntıńız bolsa siz Log with Googledan kirseńız boladı. Explore bólimi Resources (resurslar), Library(biblioteka), Creat(jaratıw, yaǵnıy interaktiv viktorinalardı jaratıw). My classes bóliminde jaratılǵan klasslar yaki +Add a new class járdeminde taza klass jaratıw múmkin. 13.2-súwret Oqıtıwshınıń jumıs beti Create ge kirsek bizde tómendegi ayna ashıladı. Bunda siz Creat assessments(Bahalardı jaratıw) hám Creat learning resources( Oqıtıw resursların jaratıw) bólimlerin kórseńiz boladı. Biz interaktiv viktorinalardı jaratıw ushın Creat assessments bólimindegi Creat new quiz (Jańa test jaratıw) túymesin basıp kiremiz.
3-súwret Creat aynası 13.3-súwret Quiz Editor aynası Bizde Quiz Editor aynası ashıladı. Bul jerde Quize title(viktorina yaki test atı), Align quiz to standart or topic(standart yaki tema boyınsha testti tegislew) bul inglis tilin úyretiwde júda qolaylı bıraq biz bunı paydalanbaymız , Duration(dawamıylıǵı) 30 sekund bul viktorinaǵa berilgen waqıt, Read aloud(dawıstı shıǵarıp oqıw) bul inglis tilin úyretiwde júda qolaylı bıraq biz bunı paydalanbaymız, Question type (soraw túri) bul bólimde soraw túrin saylaymız biz Type an answer (Juwaptı kiritiń) túrin saylaymız, Question(soraw) bul bólimge sorawımızdı kirgizemiz, Correct answer(durıs juwap) bul bólimge durıs juwaptı kirgizemiz +Add an answer(Juwap qosıw) túymesi járdeminde qosımsha durıs juwaplar bolsa solardı jazamız, Answer explation( Juwaptı túsindiriw) bul bólimde juwapqa túsindirme beriw, Subtopic(podtema) bul bólimde soraw qaysı temadan
alınǵanlıǵı, +Add a new question(Jańa soraw qosıw) túymesi járdeminde jańadan sorawlar qosıladı. 13.4-súwret Quiz Editor aynasınıń toltırılıwı hám viktorinamızdıń saqlanıwı Barlıq sorawlarımızdi kirgizip bolıp Save to my library (Meniń bibliotekama saqlaw) túymesi járdeminde viktorinanı ózimizdiń bibliotekamızǵa saqlap alamız, al Save and give to class(saqlań hám klassqa beriń) túymesi járdeminde saqlaysız hám bermekshi bolǵan klassıńızdı saylap beresiz. Klasstı jaratıw My classes bóliminde +Add a new class járdeminde taza klass jaratıw múmkin. Nátiyje: Oqıwshılardıń joybar iskerligi: joq Testti komanda da orınlaw múmkinshiligi: joq Oqıwshılar óz úskenelerinen paydalanıp tapsırmalar menen tanısıwı múmkin: awa Oqıwshılarde mobil úskenelerńnńl barlıǵı: awa Úy wazıypası rejimi: awa Orıs tilindegi versiyanıń barlıǵı: joq
Bir neshe variantlardan bir tuwrı juwaptı tańlaw : awa Bir neshe tuwrı tańlaw : Joq Qısqa jazba juwaptı kirgiziw: joq Operativ rejimi: Joq Sorawǵa qosımsha maǵlıwmat : joq Túsindirmeler bar ekenligi: awa Soraw hám tapsırmalar 1. Quizalize – bul? 2. Oqıwshılar Quizalize saytınan qanday úskeneler menen paydalanıwı múmkin? 3. Servis múmkinshiliklerin atap ótiń. 4. Serviste topar jumısın shólkemlestiriw múmkinshiligi. 5. Tálim iskerligi ushın servis múmkinshilikleri. 6. Servis materialları menen qay jerde bólisiwińiz múmkin? 7. Interaktiv viktorina jaratıw ushın qaysi loginnen paydalanıwı kerek? 8. Klasstı jaratıw qalay ámelge asırıladı? 14-TEMA TRENAJER OQIW PROGRAMMALARI Trenajer –real obektlerdi basqarıw ushın tán bolǵan, úyretiwshi háreketlerdi kóp orınlaw arqalı materiallıq obektlerdi basqarıw ushın zárúr bolǵan uqıp hám kónlikpelerin qáliplestiriw hám jetilistiriw ushın mólsherlengen ,oqıwshınıń kásiplik tayarlanıwınıń texnikalıq quralı bolıp tabıladı. Trenajer úsh zárúr bolǵan bólekke ıye bolıwı kerek: konstruktiv (operatordıń jumıs jayınıń anıq nusqası ); programmalıq támiynat (úskeneler hám processlerdiń uyqas modeli); didaktikalıq (operatordıń háreketlerin bahalaw hám monıtorıń qılıw programması, basqa birdey dárejede zárúrli servis programmaları menen instruktordıń jumis ornı).
Trenajer oqıwshılardıń bilim, kónlikpe hám ilmiy tájriybelerin bahalaw hám olardıń tapsırmalardı qayta-qayta orınlaw arqalı maqsetli tayarlawdıń ayrıqsha usılı bolıp tabıladı. Trenajer oqıwshılarǵa tómendegi múmkinshiliklerdi beredi: 1. óz betinshe qadaǵalaw jumıslarına tayarlanıw ; 2. óz betinshe tayarlıq dárejesin anıqlaw hóm onıń nátiyjelerin qadaǵalaw jumıslarına tayarlanıw processinde úzliksiz túrde bahalaw ; 3. strukturası mámleket tálim standartlarına sáykes keletuǵın test variantlarınan nátiyjeli paydalanıw ; 4. trenajer menen islew processinde hár bir tapsırma boyınsha kerekli teoriyalıq maǵlıwmatlar, ámeliy mısallar hám túsindiriwlerdi alıw ; 5.pánni úyreniw barısındaǵı kemshiliklerdi saplastırıw hám alınǵan bilimlerdi bekkemlew. https://h5p.org servis járdeminde qaraqalpaq tilin úyretiwshi trenajer jaratıw Flashcards túri - bul kartanıń bir tárepinde suwret hám basqa tárepinde sáykes keletuǵın tekstti óz ishine alǵan kartalar kompleksi. Oqıwshıdan kartanı awdarıp, durıs juwaptı kórsetiwden aldın suwretke sáykes keletuǵın sóz yamasa sóz dizbegin kirgiziw soraladı. Kartalardı oqıwshılarǵa sózlerdi, sóz dizbeklerin yamasa gáplerdi eslep qalıwǵa járdem beretuǵın shınıǵıw sıpatında isletiliwi múmkin. Ápiwayı kartalarda kartanıń bir tárepinde járdemshi sózler hám basqa tárepinde juwabı boladı . H5 P kartalarında súwretlerden járdemshi sózler sıpatında paydalanadı. Eger siz tekstli járdemshi sózlerge iye kartalardı izleseńiz, Dialog cards(dialog kartalar) túrine itibar beriń. Kóbinese til úyreniwde sóz hám sóz dizbekilerin eslep qalıw ushın kartalardan paydalanıladı. Kartochkalar matematikalıq máselerdi kórsetiw yamasa oqıwshılarǵa tariyxıy sánelerdi, formulalar yamasa atlar sıyaqlı faktlardı eslep qalıwlarına járdem beriw ushın da isletiliwi múmkin.
1-qádem: Tema Kóbinese til úyreniwde kartalardan paydalanıladı. Bul sabaqta Qaraqalpaq tilinde sózlerdi durıs jazıwdı úyretiw. Bul sabaǵımızda temamız «Haywan hám quslardıń atların tabıń.Qaraqalpaq tilinde durıs jazıń». Biz hár qıylı qus hám haywanlardıń súwretlerinen ibarat kartalar kompleksin jaratamız. Oqıwshıdan qaraqalpaq tilinde haywan hám quslardıń atın durıs kiritiw soraladı. Biz túlki, arıslan, bayıwlı, búrkit súwretleri kiritemiz. Oqıwshılardan qaraqalpaq tilinde túlki, arıslan, bayıwlı, búrkit atların durıs kiritiw soraladı. 2-qádem: Kartalardı jaratıw « New content» (Jańa kontent) parametrin saylań hám kontent túrleri diziminen « Flashcards» (Flesh-kartalar) dı saylań : 14.1-súwret Kontent túrleri dizimi 3-qádem: Kartalar redaktorı Endi Flashcards sorawlar redaktorı payda bolıwı kerek. Redaktordıń tiykarǵı bólegi tómendegishe:
14.2-súwret Flashcards sorawlar redaktorınıń tiykarǵı bólegi Bul sabaqta biz Flashcards jaratılıwına itibar qaratamız. Sonday etip, biz «Common fields» (Ulıwma maydanlar) bas beti ústindegi redaktor bólimlerine itibar qaratamız. Flashcards túri «Task description» ( tapsırma tıriypi) hám «Cards» (kartalar ) kópliginen ibarat. 4-qádem: Máseleniń táriypi Bul jerde biz oqıwshılardıń bul tema menen tanıstıramız. « Task description » ( tapsırma tıriypi) - bul pútkil kartalar jıynaǵı kartalar ústinde kórsetiletuǵın statistikalıq tekst. Tómendegi tekstti kiritiń: «Haywan hám quslardıń atların tabıń.Qaraqalpaq tilinde durıs jazıń». 5-qádem: Kartalar Bul birinshi kartada biz oqıwshıǵa túlkiniń suwretin usınıs etemiz hám oqıwshıdan túlkiniń qaraqalpaqsha atın kirgiziwdi so'raymiz. «Question (soraw ) tekstin hár bir karta ushın individual sazlanıw múmkin. «Question (soraw ) maydanın oqıwshıǵa máseleni sheshiw boyınsha kórsetpeler beremiz. «Question (soraw ) maydanın toltırıw shárt emes. Tómendegi tekstti kiritiń:
Hiyleker jabayı haywan bul ne? «Answer» (juwap) maydanına tuwrı juwaptı kiritiń. «Answer» (juwap) maydanına «túlki» sózin kiritiń. Image astında biz túlkiniń suwretin qosamız. Biz oqıwshıǵa paydalanıw qolaylı bolıwı ushın birdey ólshemdegi súwretlerden paydalanıń. Birinshi karta ushın biz bul suwretden paydalanamız : 14.3-súwret Júklep alınǵan jpeg formattaǵı túlkiniń súwreti Siz júklegen súwretti tabıw ushın «+Add»tuymesin basıń. Suwretti tańlaǵaningizdan keyin, ol juklenedi hám súwrettiń eskizi kórsetiledi. Biz «Edit copyright»( Avtorlıq huqıqın redaktorlaw) tuymesinen paydalanamız súwret ushın tiyisli litsenziya maǵlıwmatların qosıw ushın : 14.4-súwret Avtorlıq huqıqın redaktorlaw aynası
Sonday etip, biz Flashcards kompleksinen birinshi kartanı jaratıwdı juwmaqladıq. Bunı alıwıńız kerek: 14.5-súwret Flashcards kompleksinen birinshi kartanı jaratıw processi 6 -qádem: Qosımsha kartalardı qosıw Tap sonday, biz taǵı ush kartanı qosamız hám barlıq kartalar ushın birdey «Task description» tekstinen paydalanamız. Siz qálegenshe kóp kartalardı qosıwıńız múmkin. Jańa karta qosıw ushın «Add card » ( Karta qosıw) tuymesin basıń. 14.6-súwret birinshi kartanı óshiriw ushın «x» tuymesi Siz «Card »kartanıń joqarı oń múyeshindegi «x» tuymesin basıw arqalı kartanı óshiresiz. «Card » redaktorınıń shep tárepindegi 1-súwrette kórsetilgen túymelerdi basıp kartalar dizimin ózgertiwińiz múmkin.Tómendegi kartanı joqarıǵa yaki joqardaǵı kartanı tómenge ózgertiwińiz múmkin.
14.7-súwret Tómendegi kartanı joqarıǵa yaki joqardaǵı kartanı tómenge ózgertiw ushın túymesheler Súwretler tiyisli derekten júklep alınıwı hám keyin redaktorǵa júkleniwi kerek. 7-qádem: Juwmaqlanıwı Házir sizde tómendegi súwretke iye bolıwıńız kerek : 14.8-súwret Juwmaqlanıw, kerekli bolǵan barlıq kartalardı kiritilip bolǵannan keyingi kórinis Trenajer tayın bolǵannan keyin yaǵniy juwmaqlawshı kartalar jıynaǵı tayar bolǵannan keyin «Save»( Saqlaw) túymesi járdeminde saqlaymız.
14.9-súwret Trenajerda durısjuwaptı juwaplar aynasına jazılıwı Bul trenajerdan paydalanıp oqıwshılar qaraqalpaq durıs jazıwdı úyrenedi. Bul trenajer tildi úyreniw ushın jaqsı imkaniyat jaratıp beredi. Oqıwshılar trenajer járdeminde muǵallimniń qadaǵalawısız tildi jaqsı úyreniw hám óz bilimin bahalaw múmkinshıliklerine iye boladı. Soraw hám tapsırmalar 1. Trenajer oqıw programmaları bul? 2. Trenajer úsh zárúr bolǵan bólekke ıye bolıwı kerek? 3. Trenajer oqıwshılarǵa qanday múmkinshiliklerdi beredi? 4. https://h5p.org servis bul? 5. Flashcards túri – bul? 6. https://h5p.org servisten paydalanıp trenajer dástúr jaratıń
15-TEMA ANIMOTO.COM SAYTINDA WEB-BET (PEDAGOG PORTFOLIOSIN) JARATIW VIDEO ROLIGIN TAYARLAW. Animoto - video jaratıw servisı bolıp, ol rejissyorlik hám redaktorlaw funksiyaların, sonıń menen birge, videonı avtomatikalıq túrde jaratıw ushın muzıka hám fotosúwretlerdi analiz qılıw múmkinshiligin usınıs etedi. Sistema internette isleydi hám qosımsha plaginlerdi názerde tutadı, iPad hám iOS hám Android tiykarındaǵı smartfonlar ushın versiyalardı usınıs etedi. Facebook, Twitter hám Pinterest penen integraciya sebepli tayın materiallardı social tarmaqlarda jaryalawǵa hám kóriwge boladı. Platforma social tarmaqlar ushın kontent tayarlaw, SMM-qánigeleri(SMM (social media marketing) - bul marketing bolıp, onıń maqseti klientlerdi tartıw, ustap turıw jáne social tarmaqlarda satıw bolıp tabıladı.) reklama rolikleri hám slayd -shoulardı jaratıw, sonıń menen birge, marketologlarǵa reklama roliklerin hám slayd -shoulardı jaratıwda járdem beredi. Bayramlar hám belgili waqıyalar, qutlıqlawlar menen shańaraqqa tiyisli filmlerdi redaktorlaw ushın puqaralar paydalanıwı múmkin. Platforma multimedialı fotoreportajlar, prezentaciyalar hám statistikalıq maǵlıwmatlar, programma daǵazaları hám reklama videoların jaratıw ushın isletiledi. Dizimnen ótiw ushın siz Facebookdegi akkauntıńız arqalı yamasa pochta adresin kirgiziw arqalı kiriwińiz múmkin; elektron pochta arqali tastıyıqlaw talap etilmeydi. Soft sizge shaxsıy úskeneńizden muzika hám fonlardı júklew yaki bibliotekadaǵı shablonlardan paydalanıw imkaniyatın beredi. Siz Flickr, Facebook, Photobucket, Picassa hám Instagram social tarmaqlarınan fotosuratlarni úwretlerdi júklewińiz múmkin. Eger sizde ózińizdiń túsirgen materialıńız bolmasa, siz Animoto maǵlıwmatlar bazasınsaǵı video roliklerden paydalansańız boladı, bunda barlıq fayllar tematikası boyınsha klassifikaciyalanǵan. Mısalı: Web-bet (pedagog portfoliosın) jaratıwdı úyretiwshi video rolik. Bizge Animoto.com bos tayar shablonlar dizimin usınadı(1-súwret)
15.1-súwret Animoto.com tárepinen usınılǵan shablonlar dizimi Tayar shablonlar ishinen Step-based Tutorial shablonın tańlap alıp 15.2-súwret Step-bdased Tutorial shablonı kiremiz bul Choose Template túymesi arqalı ámelge asırıladı. Upload photos and videos to start customizing this template aynashası payda boladı. Biz bunda
ózimizge tiyisli bolǵan materiallarımızdı kirgiziwimiz tiyis, Bunıń ushın Click or drag & drop to upload media túymesi járdeminde ámelge asırıladı.( 73-súwret) 15.3-súwret Upload photos and videos to start customizing this template aynashası Proekt ushın zárúr bolǵan júklep alǵan materiallarıńız Project aynasında jaylasadı. 15.4-súwret Kerekli materiallardı júklep, bloklar ústinde islewdi baslaw
Joqarıda jaylasqan instrumentler panelinde jaylasqan Animoto videonıń ornına ózińizdiń video rologińizdiń atın kiritiń. Designǵa kirip dizaynlar diziminen Healthy life tańladıq. Audioǵa kirip Fun ǵa kirip You are sunshine vokalın tańladıq.Ratioǵa kirip Square 1:1 ,bunnan bloklarımızdıń formasın tańladıq. Record járdeminde biz ekrandaǵı bolıp atırǵan processti jazıp alıp roligimizge material sıpatında qossaq boladı. Commentte bolsa kommentariya beriwdi sheklew yaki oǵan ruxat beriw ámelge asırıladı.Media Librarydan rolik ushın materiallar alsańız boladı. 4-súwrette 8 bloktan paydalanıp atırǵanımızdı kórseńiz boladı. Sheńber ishinde + belgisi bar instrument arqalı videoǵa blok qosıladı. Oń tárepte joqarıda jaylasqan Export videonı kerekli formatta júklep alıwıńız(bul tek pullı versiyasında ámelge asadı) yaki jaqarıda aytıǵan social tarmaqlarǵa qoyıwıńızǵa boladı. 15.5-súwret Tayar bolǵan Web-bet (pedagog portfoliosın) jaratıwdı úyretiwshi video roligin aldınnan kóriw processi Sistema videonı jumısshı formatqa ózgertedi, sonnan keyin atı menen táriypleniwi qosıladı, kórinisi tańlanadı. Instrumentler paneli ob'ektlerdi aylandırıw, nusqalaw, óshiriw hám olarǵa arnawlı effektler qosıw imkaniyatın beredi. Ilhamlandırıw ushın servis saytında hár túrli tayın proekler usınıs etiledi.
Soraw hám tapsırmalar 1. Animoto bul qanday servis? 2. Animoto.com tárepinen usınılǵan shablonlar dizimi 3. SMM-qánigeleri bular 4. Platforma qanday maqsetlerde isletiledi 5. Soft sizge qanday imkaniyatlardı beredi
PAYDALANÍLǴAN ÁDEBIYATLAR Tiykarǵı ádebiyatlar 1. Axborot texnologiyalari sohasida ta’lim tizimini yanada takomillashtirish, ilmiy tadqiqotlarni rivojlantirish va ularni IT-industriya bilan integratsiya qilish chora-tadbirlari to’g’risida O’zbekiston Respublikasi prezidentining qarori, 06.10.2020 yildagi PQ-4851-son 2. Э.К.Самерханова, Е.П.Круподерова, И.В.Панова «Цифровые ресурсы для организации образовательного процесса и оценки достижений обучающихся в дистанционном форматеиашвили» Н.Новгород: Мининский университет, 2020. 50 с. ISBN 978-5-85219-694-1 3. М.В.Макарова Использование цифровых лабораторий в школьном и вузовском образовании // Вестник педагогических инноваций. 2014. - №3(35). –С. 82-85. 4. Сергеева И.В. Цифровой педагог а онлайн образовании // Научные труды Института непрерывного профессионального образования. 2016. - №6(6). – С. 117-122. 5. Ярославцева Е.И. Человек в цифровом пространстве – допуск к образованию или просвещению? // Высшее образование для XXI века. Доклады и материалы. Симпозиум «Высшее образование и развитие человека». 2015. - С. 27-36. 6. http://www.eelmaa.net/dld/web20.pdf - Веб 2.0-сервисы Интернета - новые формы коллективного педагогического взаимодействия. Использование Интернет-технологий в современном образовательном процессе. Часть II. Новые возможности в обучении. - СПб, РЦОКОиИТ, 2012. 7. Шаронин Ю.В. Цифровые технологии в высшем и профессиональном образовании: от личностно ориентированной smart- дидактики к блокчейну в целевой подготовке специалистов // Современные проблемы науки и образования. - 2019. - № 1.; URL: http://science- education.ru/ru/article/view?id=28507 (дата обращения: 24.11.2019).
Qosımsha ádebiyatlar: 1. Ózbekiston Respublikasi Prezidentining Farmoni. Ózbekiston Respublikasi oliy ta’lim tizimini 2030 yilgacha rivojlantirish kontsepsniasini tasdiqlash to‘g‘risida. №PF-5847 2019 yil 8 oktabr. 2. Ózbekiston Respublikasi Prezidentining Farmoni. Ózbekiston respublikasini yanada rivojlantirish bóyicha harakatlar strategiyasi tóǵrisida. (Ózbekiston Respublikasi qonun hujjatlari to‘plami, 2017 y., 6-son, 70- modda) 3. Mirziyoyev Shavkat Miromonovich. Erkin va farovon, demokratik Ózbekiston davlatini birgalikda barpo etamiz. Ózbekiston Respublikasi Prezidenti lavozimiga kirishish tantanali marosimiga baǵishlangan Oliy Majlis palatalarining qo‘shma majlisidagi nutq / Sh.M. Mirziyoyev. - Toshkent: Ózbekiston, 2016. - 56 b. 4. O‘zbekiston Respublikasi Prezidentining 2015-yil 6-martdagi PQ- 2313 son “2015-2019 yillarda yól-transport infratuzilmasini va muxandislik kommunikatsiyalarini modemizatsiya qilish va rivojlantirish dasturi to‘g‘risida” dagi Qarori. 5. Oliy ta‘lim tizimini yanada rivojlantirish chora-tadbirlari to‘g‘risida. Ózbekiston Respublikasi Prezidentining qarori. 20.04.2017. 6.Ta’limda raqamli texnologiyalar. Darslik. T.E.Delov, G.T.Raxmonberdiyeva -Toshkent: 2021-246 b. 7. От электронных форму учебников к инновационной цифровой образовательной платформе (LECTA) - https://voutu.be/lLraawH8Elk. 8. Кречетников К. Г. Социальные сетевые сервисы в образовании / К. Г. Кречетников, И. В. Кречетникова / Тихоокеанский военно-морской институт имени С.О. Макарова, -http://ido.tsu.ru/other res/pdf/3(39) 45.pdf 9. Облачные сервисы в образовании / 3. С. Сейдаметова, С. Н. Сейтвелиева С.Н. / Крымский инженерно-педагогический университет. - http://ite.ksu.ks.ua/ru/webfm send/211. 10. Портал Интернет-обучения E-education.ru -http://www.e- education.ru
11. Учим и учимся с Веб 2.0. Быстрый старт. Руководство к действию. БыховскийЯ.С., Коровко А.В., Е.Д.Патаракин. - М: Интуит.ру, 2010. Internet derekleri 1. https://sites.google.com/site/tsor2k/home - цифровые образовательные ресурсы. 2. http://www.rtcomm vug.ru/dc/cloud cod vmware.html 3. https://b6f60d9d-a- 7057298assites.googlegroups.com/a/vicomp1us.kz/vicom- plus/zagruzki/StandartTIA-942 Telekommunikatsionnavainfrastruktura 4. https://shalaginov.eom/2014/l 1/30/ / 5. www.uztelekom.uz 6. www.nist.gov 7. https://ieeexplore.ieee.org 8. www.iopscience.iop.org 9. https://whatis.techtarget.com 10. https://cvberleninka.ru 11. www.esds.co.i 12. www.ievbras.ru 13. https://en.wikipedia.org
TEST SORAWLARI 1. Prezi programmasınıń qaysı versiyası biypul? a) Free b) Pro+ c) Premium d) hesh biri biypul emes 2. Prezi programmasında berilgen formanı toltırǵanda First name arqalı …. jazamız a) atın b) familiyasın c) prezentaciya atın d) parolin 3. « New prezi» siltemesiniń xızmeti a) Taza prezentaciya jaratıw b) Shablonnan tańlap jaratıw c) Burın jaratılǵan prezentaciyaǵa ózgeris kirgiziw d) Xesh qanday xızmet atqarmaydı 4. Prezi programmasında Title arqalı …. jazamız a) atın b) familiyasın c) prezentaciya atın d) parolin 5. Prezi programmasında Description arqalı …. beriledi a) prezentaciyanıń tariypleniwi b) familiyasın c) prezentaciya atın d) parolin 6. Prezi programmasında Show bul a) prezentaciyanıń kórgezbesi b) familiyası c) prezentaciya atı d) paroli 7. Prezi programmasında Add bul a) prezentaciyanıń kórgezbesi b) familiyası c) prezentaciya atı d) jańa maydan qosıw 8. Prezi programmasında Themes bul a) prezentaciyanıń kórgezbesi
b) Prezentaciya shablonın tańlaw c) prezentaciya atı d) jańa maydan qosıw 9. Prezi programmasında Images bul a) prezentaciyanıń kórgezbesi b) prezentaciya shablonın tańlaw c) prezentaciyaǵa suwretlerdi jaylastırıw d) jańa maydan qosıw 10. Prezi programmasında Shapes bul a) prezentaciyanıń kórgezbesi b) prezentaciya shablonın tańlaw c) prezentaciyaǵa suwretlerdi jaylastırıw d) tayın elementlerdi jaylastırıw 11. Prezi programmasında Media bul a) prezentaciyanıń kórgezbesi b) prezentaciya shablonın tańlaw c) prezentaciyaǵa suwretlerdi jaylastırıw d) prezentaciyaǵa videonı qosıw 12. Prezi programmasında Symbols bul a) prezentaciyanıń kórgezbesi b) prezentaciya shablonın tańlaw c) prezentaciyaǵa suwretlerdi jaylastırıw d) belgiler 13. Prezi programmasında Layouts bul a) prezentaciyanıń kórgezbesi b) prezentaciya shablonın tańlaw c) prezentaciyaǵa suwretlerdi jaylastırıw d) slaydlar boylap háreketleniw ushın tayar sxemalardı qosıw 14. ......-bul proektor menen baylanısqan hám kompyuter tárepinen basqarılatuǵın sensorlı ekran. a) interaktiv doska b) proektor c) kompyuter d) printer 15.Interaktiv doskadan paydalaniw waqtı 1-4 klaslarda a) 5 minutadan aspawı kerek b) 15 minutadan aspawı kerek c) 45 minutadan aspawı kerek d) 25 minutadan aspawı kerek
16. Interaktiv doskadan paydalaniw waqtı 5-11 klaslarda a) 10 minutadan aspawı kerek b) 15 minutadan aspawı kerek c) 45 minutadan aspawı kerek d) 25 minutadan aspawı kerek 17. Doska kursorın qosıw ushın barmaqtı ekranǵa basıńw hám keyin basqa funksiyalar qanday islewin tekseriw bul ... a) Qol menen basqarıw b) Formatlaw panelinen paydalanıw c) Jumıstı saqlaw d) Lastikten paydalanıw 18. – bul ekrannıń joqarı bóleginde yamasa Smartboard Notebook programmasınan tabılıwı múmkin. Bul jerde túymesheler bolıp olar arnawlı instrumentke juwap beredi yaki «Сохранить», «Ножницы», «Отменить» h.t.b. funkciyalarǵa juwap beredi a) Qol menen basqarıw b) Formatlaw panelinen paydalanıw c) Jumıstı saqlaw d) Lastikten paydalanıw 19. Hámme zattı kompyuterińizda qaldırıw ushın «Сохранить файл»dı saylaw. Skrinshot alıw ushın kamera belgisin basıw menen … a) Qol menen basqarıw b) Formatlaw panelinen paydalanıw c) Jumıstı saqlaw d) Lastikten paydalanıw 20. Tap sol latokta jazılǵan tekstti óshiriw ushın ... paydalanıladı.Islew principi ápiwayi óshirgishten parqlanbaydı. a) Qol menen basqarıw b) Formatlaw panelinen paydalanıw c) Jumıstı saqlaw d) Lastikten paydalanıw 21. Bul audionı kesiw, nusqalaw, jaylastırıw, aralastırıw, tańlaw, sazlaw hám redaktorlaw imkaniyatın beretuǵın ápiwayı instrument bolıp tabıladı. a) Hya-Wave b) Prezi c) Power Point d) Camtasio Studio 22. Hya-Wave da taza versiyasında islew ushın a) Go to the new version
b) Use the old one c) Go to the other d) Go to the one 23. Hya-Wave da eski versiyasında islew ushın a) Go to the new version b) Use the old one c) Go to the other d) Go to the one 24. Hya-Wave da Rewind to start xızmeti a) Baslaw ushın keyinge aylantırıw b) Oynaw c) Toqtatıw d) Jazıwdı baslaw 25. Hya-Wave da Play xızmeti a) Baslaw ushın keyinge aylantırıw b) Oynaw c) Toqtatıw d) Jazıwdı baslaw 26. Hya-Wave da Stop xızmeti a) Baslaw ushın keyinge aylantırıw b) Oynaw c) Toqtatıw d) Jazıwdı baslaw 27. Hya-Wave da Pause xızmeti a) Baslaw ushın keyinge aylantırıw b) Oynaw c) Pawza d) Jazıwdı baslaw 28. Hya-Wave da Toogle loop xızmeti a) Baslaw ushın keyinge aylantırıw b) Oynaw c) Tákrarlaw d) Jazıwdı baslaw 29. Hya-Wave da Start recording xızmeti a) Baslaw ushın keyinge aylantırıw b) Oynaw c) Tákrarlaw d) Jazıwdı baslaw
30.Hya-Wave da Split item at cursor xızmeti a) Baslaw ushın keyinge aylantırıw b) Oynaw c) Tákrarlaw d) Kursor astındaǵı elementti ajratıw 31.Hya-Wave da Duplicate item xızmeti a) Baslaw ushın keyinge aylantırıw b) Tákirarlanıwshı element c) Tákrarlaw d) Kursor astındaǵı elementti ajratıw 32.Hya-Wave da Delete item xızmeti a) Baslaw ushın keyinge aylantırıw b) Tákirarlanıwshı element c) Punktı óshiriw d) Kursor astındaǵı elementti ajratıw 33. Hya-Wave da jaratılǵan fayl formatı a) Wav b) doc c) ppt d) mp4 34.Video kameralardıń tiykarǵı ayırmashlıǵı bul video signallardı qayta islew hám translyaciyalaw metodı.Usı belgiler boyınsha olar neshege bólinedi. a) 3 b) 2 c) 4 d) 5 35. Qanday kameralarda obektivge túsken kórinis, obektivge túsip CCD- matrica(arnawlı anologlı integral mikrosxema)sına uzatıladı a) analoglı b) cifrlı c) reńli d) reńsiz 36. Qaysı video kameranıń quramına operativ hám turaqlı yad, WI FI-modul hám tarmaqlı interfeys Ethernet kiredi a) analoglı b) cifrlı c) reńli d) reńsiz
37. Qaysı úskenelerinde analoglı hám cifrlı túrde kameralardıń jetiskenlikleri jaqsı birlestirilgen. a) AHD b) WI FI c) Saqlaw apparatlı avtonom d) Mikrokameralar 38. Akkumlyator yaki batareykalar menen táminlenedi. Jazıw waqtın uzaytiw ushın zaryadlaw úskenelerinen paydalanıwǵa boladı, bular aqralı olardıń tiykarǵı kemshiliginen qutıladı-yaǵnıy avtonom jumıs islew waqtınıń qısqalıǵınan (1- 4saat). a) AHD b) WI FI c) Saqlaw apparatlı avtonom d) Mikrokameralar 39. WI FI sımsız kanalı járdeminde video signallar uzatńladı, olar arqalı súwret kompyuterge, router hám zamanagoy mobil úskenelerge shıǵadı. a) AHD b) WI FI c) Saqlaw apparatlı avtonom d) Mikrokameralar 40. Qaysı túrdegi video kameralar eń kishkene kólemli, sonıń ushın islep shıǵarıwshılar olardı korpussız variantta islep shıǵaradı. Kóleminiń kishkene bolǵanlıǵı sebepli bul úskene xana ishindegi interer elementlerine ornatıwǵa boladı (rozetka, lyustra h.t.b.). a) AHD b) WI FI c) Saqlaw apparatlı avtonom d) Mikrokameralar 41. … biypul veb-qosımshası bolǵanlıǵı sebepli, ol Microsoft PowerPoint hám Keynote sıyaqlı jumıs stolı qosımshaları sıyaqlı tolıq kóp funkciyalı emes. a) Google Slides b) GoogleDoc c) GoogleSites d) GoogleDrive 42. Tablet PC - ekran menen birlestirilgen, planshet apparatı menen úskenelestirilgen qol jazıwı menen kiritiletuǵun, noutbuklar klassı. a) Tablet PC b) Monitor
c) Jeke kompyuter d) Proektor 43. Tarmaq kabeli ... a) uzınlıǵı klass ólshemine hám ondaǵı kompyuterler sanına baylanıslı b) kompyuterler sanın 2 ge kóbeytip hám 10 danasın qosıń c) portlar sanı klasstaǵı kompyuterler sanına baylanıslı d) uzınlıǵı áhmiyetke iye emes 44. Konnektorlar ... a) uzınlıǵı klass ólshemine hám ondaǵı kompyuterler sanına baylanıslı b) kompyuterler sanın 2 ge kóbeytip hám 10 danasın qosıń* c) portlar sanı klasstaǵı kompyuterler sanına baylanıslı d) uzınlıǵı áhmiyetke iye emes 45. hub ... a) uzınlıǵı klass ólshemine hám ondaǵı kompyuterler sanına baylanıslı b) kompyuterler sanın 2 ge kóbeytip hám 10 danasın qosıń c) portlar sanı klasstaǵı kompyuterler sanına baylanıslı d) uzınlıǵı áhmiyetke iye emes 46. … ushın optimal video ólshemleri -16 :9. Bul tárepler qatnası barlıq oyınshılar tárepinen qollap -quwatlanadı. a) YouTube b) Facebook c) Instagram d) Twitter 47. Eger siziń YouTube videońız … minuttan kóp bolmasa bul ideal video esaplanadı. a) 10 -12 b) 30-35 c) 50-52 d) 40-42 48. … - bul oqıtıwshılar hám studentlerdi bir platformada birlestiretuǵın óz-ara tásir etiw ushın qosımshası. Bul oqıtıwdı qızıqlı etetuǵın tálim qosımshası. a) Nearpod b) Kahoot c) Buncee d) AdmitHub 49. ... –belgili oqıtıwshı platforma bolıp viktorinalar ótkeriw ushın, testlerdi hám oqıtıwshı oyınlardı jaratıw ushın arnalǵan. Platforma veb-versiyasına iye, biraq mobil qosımshadan paydalanıw qolaylıraq. a) Nearpod
b) Kahoot c) Buncee d) AdmitHub 50. … - bul oqıtıwshılar hám oqıwshılarǵa onlayn prezentaciyalar, onlayn sabaqlıqlar, cifrlı gúrrińler jaratıw imkaniyatın beretuǵın bekkem kóp funktsiyalı qural bolıp tabıladı. a) Nearpod b) Kahoot c) Buncee d) AdmitHub 51. … Djordjiya shtatı universitetiniń jańa studentlerine kolledjge tabıslı ótiwge járdem beriw ushın tekstke tiykarlanǵan chatbottı iske túsirdi. a) Nearpod b) Kahoot c) Buncee d) AdmitHub 52. Google Sites biypul xostingde biypul sayt jaratıw múmkinshiligin beredi. Sayttıń kólemi qansha bollıp shegaralanǵan. a) 100 MB b) 200 MB c) 300 MB d) 400 MB 53. Google Sitesta ne veb-sayt ushın original tayın dizayn sheshimi bolıp tabıladı. a) shablon b) xosting c) akkaunt d) kod 54. … - bul maǵlıwmatlardı saqlaw, redaktorlaw hám basqa fayllar menen sinxronlaw servisı. Servis payda bolıwınan aldın Google Docs maǵlıwmatlardı saqlaw ushın tiykarǵı qosımsha edi. a) Google Slides b) GoogleDoc c) GoogleSites d) GoogleDrive 55. Google pochtasında dizimnen ótkennen keyin, GoogleDriveta paydalanıwshılar maǵlıwmatlar saqlaǵıshına hám belgilengen qansha kólemge iye boladı. a) 15 GB b) 25 GB c) 35 GB
d) 45 GB 56. ... qosımshası járdeminde siz testler hám onlayn sorawlar jaratılıwıńız múmkin. Klassta testlerden paydalanıw ushın qatnasıwshlar óz Google akkauntına ıye bolıwı kerek. a) Google Forms b) GoogleDoc c) GoogleSites d) GoogleDrive 57. Quizalizeda qanday bóliminde +Add a new class járdeminde taza klass jaratıw múmkin. a) My classes b) Your classes c) Our classes d) No classes 58. h5p.org servis qanday túri - bul kartanıń bir tárepinde suwret hám basqa tárepinde sáykes keletuǵın tekstti óz ishine alǵan kartalar kompleksi. a) Accordion b) Advent Calendar (beta) c) Agamotto d) Flashcards 59. ... - video jaratıw servisı bolıp, ol rejissyorlik hám redaktorlaw funksiyaların, sonıń menen birge, videonı avtomatikalıq túrde jaratıw ushın muzıka hám fotosúwretlerdi analiz qılıw múmkinshiligin usınıs etedi. a) Nearpod b) Kahoot c) Buncee d) Animoto 60. Animoto .com da Step-based Tutorial bul ... a) shablon b) biblioteka c) platforma d) kommentariya
Search
