3 1st Year Hmong Book 1

P a g e | 101Kev Xyaum Hais Lus 2: Siv “pom zoo/pom zoo nrog”– tham nrog ib tug khub txog cov teeb meem nramno. Saib cov duab nram no, qhia seb vim li cas koj thiaj li pom zoo los pom zoo nrog rau cov teeb meemnram no.1. Yim muaj phooj ywg coob, ces yim 2. Nyob ib leeg ntsiag to, nws pab zoo xwb. tau yus txiav txim siab zoo.3. Kev sib tham, pab tau yus 4. Kev ya dav hlau, nws tsis muaj muaj tswv yim zoo. kev phom sij npaum tsav tsheb.5. Kev sib ceg, pab tau yus ntse. 6. Phooj ywg poj niam nyob ua ke, lawv muaj kev lom zem tshaj phooj ywg txiv neej.

P a g e | 102Kev Hais Lus 1: Siv “tsis pom zoo/tsis pom zoo nrog” thiab “pom zoo/pom zoo nrog.”1. Poj niam thiab txiv neej cov hauj lwm. A: Koj yog ib tug neeg uas tsis nyiam lwm tus hais lus saib tsis taus poj niam. Koj muaj ib tug phooj ywg, nws yog ib tug neeg xav tias poj niam txoj hauj lwm yog zov me nyuam, tu me nyuam, thiab tu vaj tu tsev xwb. Hos txiv neej txoj hauj lwm yog mus ua hauj lwm sab nraud thiab mus khwv nyiaj. Tab sis koj ntseeg tias poj niam thiab txiv neej los yeej ua tau txhua yam hauj lwm tib yam, yog tias lawv xav ua. Neb sib tham tsis sib nkag siab, vim nws tsis pom zoo nrog koj.B: Koj ntseeg tias poj niam txoj hauj lwm yog zov me nyuam, tu me nyuam, thiab tu vaj tu tsevxwb. Hos txiv neej txoj hauj lwm yog mus ua hauj lwm sab nraud thiab mus khwv nyiaj. Tab siskoj tus phooj ywg, nws tsis ntseeg li koj. Nws ntseeg tau tias poj niam thiab txiv neej los yeej uatau txhua yam hauj lwm tib yam, yog tias lawv xav ua. Neb sib tham tsis sib nkag siab, vim kojtsis pom zoo nrog nws.

P a g e | 103 Unit 6 – Tshooj 6: Expressions(Qhia Txog Kev Pom Zoo thiab Tsis Pom Zoo)6E: Qhia txog kev nyuab siab/ntxhov siab (Expressing Stress/Anxiety)Level: 1st Year Hmong LanguageObjectives: Students will be able to: 1. How to tell someone you are going crazy/losing your mind by using “xiam hlwb tag / ruam tag” 2. How to tell someone you are angry/mad using “chim dhau/chim heev” 3. How to tell someone you can’t take it anymore by using “yuav tsis taus, thev tsis taus, ua tsis tau ntxiv”Dialogue practice 1: Thaum koj ua hauj lwm ntau heev thiab ua ntau yam ua ke (When you areoverworked and doing too much).A: Hnub no kuv mas xiam hlwb tag li lawm os.B: Ua li cas rau koj lawm nas?A: Hauj lwm los ntau hos ntaub ntawv los ntau, kuv ua tsis taus ntxiv li lawm os.B: Ua tsis taus lawm ces kuj mus so tso mas.A: Kuv mas chim dhau heev lawm.B: Ua li cas ho chim lawm thiab nas?A: Hnub no, kuv twb sau kuv daim ntawv tag lawm tab sis tseem muab ua puas tag lawm thiab.B: Ua li cas ho puas tag lawm thiab?A: Kuv tsis nco qab muab ceev tseg tso, kuv cia li muab hlwb hlau tua ces xiam tag li lawm.B: Haub yau! Koj ua dab tsi es ua li cas tsis xyuam xim li nas.A: Ntau yam dhau heev lawm ces ruam tag lawm xwb mos.B: Yog lawm, tsim nyog chim heev npaum koj lawm nawb.A: Kav liam os, kuv thev tsis taus lawm yuav mus so. Kav liam!B: Ua siab ntev os nawb, mus so tag kis mam tuaj ua dua mas.A: Kawg li koj hais lawm xwb laud.B: Ua li mas, kuv mus lawm. Sib ntsib dua nawb.A: Aws, ua li os. Sib ntsib dua os.

Kev Npaj Kawm 1: Lus Tshiab P a g e | 104 Hmoob English xiam hlwb tag going crazy ruam tag losing mind/thoughts chim angry chim heev very angry chim dhau extremely angry yuav tsis taus cannot handle/take it anymore thev tsis taus cannot endure anymore ua tsis taus cannot do it anymore ntaub ntawv homework/paperwork ntau a lot tag lawm finished puas tag ruined it tsis nco qab forgot ceev tseg save it hlwb hlau (ntawm tes/txawb) computer xyuam xim be careful tsis xyuam xim not careful ntau yam dhau too much things at the same time ua siab ntev be patient mam tuaj will come/to come back ua dua do again kawg li the only optionKev Xyaum Hais Lus 1: Siv “xiam hlwb tag / ruam tag” thiab “chim dhau/chim heev” – nrog ib tugkhub tham, qhia nws seb cov teeb meem nram no puas tau muaj rau koj. Koj ua li cas xwb?1. Koj tus phooj ywg ua rau koj ruam 2. Koj muaj ntaub ntawv ntau ua heev, tag, vim nws cam ncauj heev. ua rau koj xiam hlwb tag li lawm.

P a g e | 1053. Muaj neeg hu xov tooj tuaj nrog koj 4. Koj ib tug nus muag nrog koj sib ceg, tham, nws hais lus chim dhau, koj xav koj chim heev, koj xav ntaus neeg muab lub xov tooj tsoo lawm xwb. lawm xwb.Kev Xyaum Hais Lus 2: Siv “yuav tsis taus, thev tsis taus, thiab ua tsis tau ntxiv” – nrog ib tug khubtham seb cov hauj lwm nram no, yam twg yog yam koj ua tau, yam twg yog yam koj ua tsis tau. Teb covsob lus nram no kom ntxaws. * Saib cov duab nram no pab koj xav. 1. Tej yam tib neeg ua rau koj yuav tsis taus yog dab tsi? 2. Tej yam tib neeg ua rau koj thev tsis taus yog dab tsi? 3. Puas tau muaj tej yam dab tsi uas koj ua los lawm es koj ua tsis tau ntxiv lawm. Yog dab tsi?

P a g e | 106Kev Xyaum Hais Lus 1: Siv “xiam hlwb tag/ruam tag” thiab “chim dhau/chim heev.” 1. Kev nkag siab yuam kev. A: Koj mus saib ntawv tom khw haus kasfes Starbucks. Koj tseem mus yuav kasfes lawm, koj muab koj lub hlwb hlau txawb rau saum rooj haus kasfes. Tus neeg muag kasfes tab tom muab koj khob kasfes rau koj. Koj tseem tab tom yuav them xwb, koj hnov ib lub suab nrov “nkooj” hauv plag tsev. Koj tig mus ntsia, ib tug me nyuam ua koj lub hlwb hlau poob. Koj tig loo mus khaws thiab muab tus me nyuam tshem kiag. Nws (niam/txiv) los hais thov txim tab sis koj lub hlwb hlau twb tawg tas lawm. Koj chim heev thiab kom nws niam them koj lub hlwb hlau vim yog nws tus me nyuam los muab rub poob. B: Koj coj tus (tub/ntxhais) muaj 3 xyoos, neb mus yuav kasfes tom khw muag kasfes Starbucks. Koj sawv mus yuav kasfes lawm, koj cia koj tus me nyuam nyob ntawm rooj zaum tos koj. Koj tab tom yuav mus nrog tus neeg muag kasfes tham, koj hnov ib lub suab nrov “nkooj”. Koj tig mus ntsia ua cas koj tus me nyuam twb mus ua lawv lub hlwb hlau poob hauv plag tsev lawm. Koj pom tus tswv tig loo los khaws nkaus nws lub hlwb hlau thiab muab koj tus me nyuam tshem kiag. Koj ceev ceev rub kiag koj tus me nyuam thiab hais thov txim, tab sis tus tswv lub hlwb hlau twb tawg tag lawm. Nws chim heev thiab kom koj them nws lub hlwb hlau vim yog koj tus me nyuam los muab rub poob.Kev Hais Lus 1: Siv “yuav tsis taus, thev tsis taus, thiab ua tsis tau ntxiv.” 1. Nrog ib tug phooj ywg nyiam ua si heev nyob koom xauj tsev ua ke. A: Koj nyuam qhuav tuaj kawm ntawv xyoo ib hauv tsev kawm ntawv qib siab xwb. Koj tsis tau paub neeg. Koj mus xauj tsev tau nrog ib tug khub xauj tsev. Nws nyiam mus ua si sab nraud heev thiab nyiam coj phooj ywg los ua si hauv tsev heev. Koj yog ib tug neeg nyiam nyob ntsiag to thiab nyiam hwm lwm tus txoj cai tab sis tus khub no nws ua rau koj nyob tsis taus lawm. Koj nrog nws tham txog qhov teeb meem ntawm no thiab qhia rau nws tias koj yuav nrhiav tsev tawm. B: Koj yog ib tug tub ntxhais kawm ntawv hauv tsev kawm ntawv qib siab. Koj twb tuaj kawm ntawv tau 3 xyoos lawm. Xyoo no yog koj xyoo plaub lawm. Muaj ib tug tub ntxhais kawm ntawv xyoo ib, tuaj tshiab. Nws los xauj tsev nrog koj. Koj yog ib tug neeg nyiam ua si sab nraud thiab nyiam coj phooj ywg los ua si hauv tsev. Nws yog ib tug neeg tsis nyiam hais lus thiab nyiam nyob ntsiag to xwb. Nws nrog koj nyob tsis taus lawm. Nws los nrog koj tham thiab qhia rau koj paub tias nws yuav nrhiav tsev tawm.