TUALSUNG DANBU

BETHLEHEM BAPTIST CHURCH Evangelical Baptist Convention New Lamka (G) TUALSUNG DANBUBETHLEHEM SAPTUAM | TUALSUNG DANBU (Revised & Updated 2016) Published by Tualsung Baptist Upa Committee Bethlehem Baptist Church, EBC, New Lamka (G) First Edition: April 2009 Second Edition: Revised & Updated April 2016 © 2016 BBC New Lamka (G)

A SUNGA OMTEArticle 1 : PULAKNAArticle 2 : THUBUL (PREAMBLE)Article 3 : DAN TUAMTUAMTEArticle 4 : SAPTUAM’ VAN KHELHTHEIHArticle 5 : SIVUINAArticle 6 : KITENNAArticle 7 : COMMITTEE LEH ASUNGA PANMUNArticle 8 : LOCAL PASTOR’ DINMUNArticle 9 : CHURCH WORKERArticle 10 : THUNEIHNAArticle 11 : KITEELNA : SUM SAIDAN (FINANCE CODE)BETHLEHEM SAPTUAM | TUALSUNG DANBU (Revised & Updated 2016)

PULAKNABethlehem Baptist Church, Evangelical Baptist Covention, NewLamka (G), October 02, 2004 ni a kiphutkhia ahi. Phuhkhiak toh kiton inSaptuam sunga hun leh ni kikhengtou zel a thiltung leh naseptuamtuamte ah EBC Danbu a kigelhkha chiahlou, paidan kichiantakneilou a lah mulmal loupi a om khak theihna ding hong om khasek hi.Huaiziakin, Tualsung Danbu – 2009 in kibawl khia hi. Ahitheitan in tualaibu leh EBC Danbu zang leh zui in akipaitou hi. Huchiin, hun kikhengtoutou toh kituaka bawllem ngai thil tampi a kituak hi.Tuabanga hun tuamtuam a thupuukna la a kibawllem zelte hong tamhiaihiai ahihman in puahthak hunta ahi chiin Upa Committee inpuahphatna ding enkai ding in Office Bearerte mohpuakna pe sawnuhi. Huai apan hongpiang draft Upa Committee (TBSUC) in veelkhawmna nei a, khektuak, paihtuak, behlaptuak leh bawllem tuaktebawllem in April 17, 2016 a zatpat ding in hiai “Tualsung Danbu(Revised & Updated 2016)” Article 2:2.15 pansan in pomna nei hi.Hiai Danbu Upa Committee in puahphattuak om asak hunhun in byresolution in leng a khek in a puahpha thei ding hi.Toupa’n Saptuam’ vanzat gahsuah leh phatuam hi dinginvualjawl hen.New Lamka (G) Tualsung Baptist Saptuam Upa CommitteeApril 17, 2016 Bethlehem Saptuam BETHLEHEM SAPTUAM | TUALSUNG DANBU (Revised & Updated 2016)

TUALSUNG DANBU (Revised & Updated 2016) ARTICLE 1: THUBUL (PREAMBLE)Pa PATHIAN’ hon itna, A Tapa JESU KHRIST’ hon hehpihna lehA KHA SIANGTHOU’ makaihna zuikawm in, Jesu Khrist sinsak thugintesinsaka semsuah dingin, Khristian mimal leh apawlpi a Toupa deihnabanga Khalam leh Salam khanna dingin, Tangtawn Toupa a ibulphuhleh Tangthupha Gahsuah Saptuam hiding in, Bethlehem Baptist Church,Evangelical Baptist Convention, New Lamka (G) chi-in, October 02, 2004in, PA, TAPA leh KHASIANGTHOU min in ka kiphutkhia uhi. --------------------- BETHLEHEM SAPTUAM | TUALSUNG DANBU (Revised & Updated 2016)

ARTICLE 2: DAN TUAMTUAMTE2: Danbu Min: 2.1 Hiai Danbu “Bethlehem Baptist Church, Evangelical Baptist Convention, New Lamka (G), Tualsung Danbu (Revised & Updated 2016)” chi-a minvuah ahi. Hiai Danbu sung a “Bethlehem Saptuam” a kichih chiang in “Bethlehem Baptist Church, EBC, New Lamka (G)” genna ahi a, “Upa Committee” akichih chia’n TBSUC genna ahi.2.2 Dan Kizatna: Hiai Dante Bethlehem Saptuam a memberte tunga zat ahi ding.2.3 Dan Kizatpat Ni: Hiai Tualsung Danbu (Revised & Updated 2016) Upa Committee Thupuukna banga April 17, 2016 a zat pat ahi.2.4 Dan Kiphiatte: Hiai Dan kizatpat ni apan ama-a hihsa leh sepsate sepsa a ngaih ahi. Himahleh, hiai Dan puahphat ahihnung in zat ahihni apan Danbu sunga gelhlut nawnlouh teng phiatsa ahi pah hi.2.5 Dan Kisendente: Dan masate puahphatna dinga Dan masate apat kilasawn a hiai Dan thak sunga kigelhlutte Dan kisendente ahi.2.6 Postal Address: Bethlehem Baptist Church Evangelical Baptist Convention Bethlehem Street, New Lamka (G) - 795 006 Churachandpur, Manipur, IndiaBETHLEHEM SAPTUAM | TUALSUNG DANBU (Revised & Updated 2016)

2.7 Department/Committee Tuamtuamte: 2.7.1 Tualsung Baptist Saptuam Upa Committee (TBSUC) 2.7.2 Tualsung Baptist Missions Committee (TBMC) 2.7.3 Tualsung Baptist Dorcas Fellowship Committee (TBDFC) 2.7.4 Tualsung Baptist Youth Fellowship Committee (TBYFC) 2.7.5 Tualsung Baptist Children Department Committee (TBCDC).2.8 Sub-Committee: TBSUC in poimoh asak leh sub-committee aguanbeh thei dia, aomsa leng aphiat thei ding. Tulel a Sub- Committee kiguang anuaiate ahi uh: 2.8.1 Danial Prayer Team (DPT) 2.8.2 Tualsung Baptist Building Committee (TBBC).2.9 Tualsung Saptuam Member Suahtheihna: 2.9.1 EBC Saptuam mi hisa leh hisa lou, EBC’ Thugin leh Sinsakte pomthei a, Bethlehem Saptuam a member hih ut a kingen peuhmahte laakluut theih ahi ding uh. Tuabang mite’n pemlai/kingetna lai kichiantak hontawi ding uhi. 2.9.2 Tualsung member suahtheihna dinga atunga ki genkha loute peuhmah EBC Dante 2015 a kigen bangbang set leh zat ahi. Tualoute ah TBSUC phasak bangbang zat leh zuih ahi ding.2.10 Budget/Year Plan/Year Calendar: Bethlehem Saptuam, Annual Budget leh Year Plan nei in apai dinga, Department te’n Proposal bawlin Upa Committee ah a pelut ding uh. Tuakhit in Annual Budget Meeting sam in Approval abawlkhawmpih zel ding hi. Saptuam program kiphubuai kha omlouhna dingin Year Calendar leng bawl zel ahi ding. BETHLEHEM SAPTUAM | TUALSUNG DANBU (Revised & Updated 2016)

2.11 Finance Code: Sumsaina feltaka sai leh pai ahihtheihna ding in Finance Code a nei ding.2.12 Church Worker: Bethlehem Saptuam’ nna hunbit a sem ding kulsak zah Church Worker a nei ding.2.13 Vaisaina Leh Thunasepna: Vaisaina peuhmah Local Committee makaiha sai leh sep ahi dinga, Thunasepna lam (Ministry) peuhmah Pastor/Ministerial Committee makaih a sep ahi deuh ding hi. Hiai Tualsung Danbu in agen khak louh peuhmah ah EBC Dante a kigen bang set leh zat ahi.2.14 Gam Leh Vanneihte: Bethlehem Saptuam a ahi vek dinga, akepna leh azatna dante Department teng in hoihtakin anei ding uh.2.15 Dan bawl theihna leh Dan Omsate Phiattheihna: Dan bawlthak theihna leh Dan omsate phiat theihna TBSUC khut a om ahi.2.16 Thuneih Louhna: Bethlehem Saptuam akigolhna ding leh thuneihna dinga akilawm louhna mun peuhmah ah akigolh kei dia, thuneihna leng avanei kei ding hi.2.17 Saptuam’ Vanneih toh Kisai Dante: 2.17.1 Bethlehem Saptuam in mun leh mual aneihte, Biakinn, Sunday Skul Hall leh vanneih dangte tungah TBSUC thuneihna ahi ding. Tualsung member mi hitaleh, pawlam apan zangnuam mi a om leh Dan kibawlte zui in zat/khelhsak theih ahi ding. Dan a kigenkhalou peuhmah TBSUC phasakna bangbang zat ahi ding hi. BETHLEHEM SAPTUAM | TUALSUNG DANBU (Revised & Updated 2016)

ARTICLE 3: SAPTUAM’ VAN KHELHTHEIHNA3.1 Bethlehem Saptuam vanneih khenkhat Biakinn pawlama zat dinga mi khelhsak theih ding a om hi. Van khelhman bikhiahzah a kheltu/zangtun ape zel ding. A puaknading akheltute mohpuak ahi.3.2 Biakinn kemtu in tualsung receipt cut in kheltute apan khelhman ana la dinga, Finance Secretary (G) khut ah a pelut zel ding.3.3 Saptuam member sihna a Saptuam’ bawl sivuina program zat sung sound system a thawn a zatsak ahi dinga, atuahvel man (transportation charge) pen akizatna te’n a pe ding uh.3.4 Saptuam vante a ki khelh hunsunga siatna/melhemna a omleh a kheltu in a vankhelh a thakin a din dinga, a van kisia pen a tang ding.3.5 Ahun toh kituakin Van khelhman bikhiah zel ahi ding. Tu-le-tu a khelhman kibikhiah anuaia bang ahi: VAN KHELHMAN (APRIL 01, 2016 A KIZANG RATE)SLN VANMIN KHELHMAN 01 Thuk Ni khat khelhman khat ah Rs10/-. 02 Sunday school tutna Ni khat khelhman khat ah Rs 2/-. 03 Nou Ni khat khelhman khat ah Re 1/-. 04 Beelpi Ni khat khelhman khat ah Rs 20/-.BETHLEHEM SAPTUAM | TUALSUNG DANBU (Revised & Updated 2016)

05 Kuangpi Ni khat khelhman khat ah Rs 5/-.06 Keupi (Allumi & Steel) Ni khat khelhman khat ah Rs 5/-.07 Danbel Ni khat khelhman khat ah Rs 20/-.08 Ketli (alian&aneu ) Ni khat khelhman khat ah Rs 10/-.09 Kuangpikuum (Allumi) Ni khat khelhman khat ah Rs 10/-.10 Kuangpikuum (Steel) Ni khat khelhman khat ah Rs 10/-. Ni khat khelhman khat ah Rs. 10/-11 Baltin (Annekkhawmna hun kia a zat ding, nnasepna dia zat/khelh phallouh ahi.)12 Appron Ni khat khelhman khat ah Rs 10/-.13 Projector Ni khat khelhman khat ah Rs 1500/-.14 Tea Urne Nikhat khelhman in khat ah Rs 50/-.15 Annnekkuang Ni khat khelhman khat ah 50p. Saptuam mi laitak a kitengte a thawn.16 Moupuan (Asawpman leh nawtman bel piak ngai ding.)(Khelhtheih van dang hong kibehlap a om leh akisaipihte bikhiah dandan ahi ding.)BETHLEHEM SAPTUAM | TUALSUNG DANBU (Revised & Updated 2016)

ARTICLE 4: SIVUINA4.1: Sivuina toh Kisai: 4.1.1 Tualsungmi Bethlehem Saptuam minkhumna bu (record) a min kigelhlutte leh mundanga vakhualtam sihna tuak innmun a vui dia hong kipuak leh, Saptuam innteekna a vui ahi ding a, Saptuam min a gaalna piak ahi ding. 4.1.2 Mikhual EBC Pawlpi mi hi in hitakei le zong Bethlehem Saptuam a member hihna nei khat in mohpuakna la ngam a ngetna a bawla, Upa Committee in a phalsak leh Saptuam inteekna a vui theih ahi ding. EBC pawlpi mi ahihkeileh bel Saptuam’ min a gaalna pen piak ahi kei ding. 4.1.3 Naungek ni 120 (za sawmnih) sunga si a omleh lamzuih a si a ngaih ahi a, mipi khawm selou in inteekte’n a vui thei ding uh. 4.1.4 Vengsung a siluang omsung biakna program neih ahi kei ding. EBC mi sihna ah siluang om nonlouh hunin BYF kikhopna leh Bial kikhopna te chihlouh Biakinn program dangte angeina banga zat ahi ding. Biakinn toh kinailua te a si inn lenkhop hunte in Biakinn kikhop nate neih ahikei ding. 4.1.5 Saptuam inntekna a vuiding siluang hongtun ding hun toh biakna program a kituah khak hun in biakna program pen neihlouh ahi ding. 4.1.6 Saptuam inteekna a kivuite Saptuam in siatvilna program a bawl ding. Biakna program toh siatvilna hun akituahkhak leh biakna zawh chianga siatvilna pat/neih ahi ding. 4.1.7 Saptuam inteekna a sivuina leh siatvilna program te ah Saptuam mi a tam theipen in uap ahi ding. BETHLEHEM SAPTUAM | TUALSUNG DANBU (Revised & Updated 2016)

4.1.8 Gouchinkhup Veng sunga Saptuam dangte intekna a EBC mi kivui ding omleh Bethlehem EBC in hun khat la in galna Sum Rs. 1,000.00 piak ahi ding. 4.1.9 A tunga sivuina dante in a gen khaklouhte ah Upa Committee thupukna thutawp ahi zel ding.4.2: Siluang khakkhiat dingte toh kisai: 4.2.1 Bethlehem EBC mikhat intekna a EBC mi hilou siluang khakkhiak ding om leh Bethlehem EBC in galna sum Rs.1,000.00 piakkawm a hun zat ahi ding. 4.2.2 EBC mi siluang mun danga puakkhiak ding Gouchinkhup Veng sung a om EBC mi hi-in hikei taleh tuate inn a hong kinga theikhak louh leh lap man louh ahih kei aleh tuabangte tungah Bethlehem EBC in hun khat la in galna Sum Rs 1,000.00 piak ahi ding (Hiai in Gouchinkhup Veng sunga om hingal a veng dang EBC Sapptuam a omte ahuam kha kei ding). BETHLEHEM SAPTUAM | TUALSUNG DANBU (Revised & Updated 2016)

ARTICLE 5: KITENNA5.1: Kitenna toh Kisai: 5.1.1 EBC Dante a Khristian Kitenna dan omsate set ahi. 5.1.2 Saptuam inteekna a Khristian dan a Kitenna ah Saptuam in Biakinn program tan a bawl ding. Huan, kiten thakna mun dingin Biakinn mah zat ahi ding. 5.1.3 Kitenna hun thu ah kiteng dingte deihna leh Upa Committee lemsakpihna in zing, sun hiam nitak inleng hun khatpeuh ahi thei ding. Kiteng dingte deihteelna ahithei tan a Saptuam in zahtaksak ahoih. Himahleh Biakna kikhop ni leh hun omsekte bel sukbuai louh tup chiat ding ahi. 5.1.4 Bethlehem Saptuam in Kitenna toh kisai a a deih pen laitak a Khristian Kitenna dan ahi. Kitenna puan silh leh silhlouh thu ah thukhun bangmah a nei kei. Laitak a Khristian kitenna dan zui a kiteng peuhmah kipahpihna piak ahi ding. Department tuamtuam in amau’ kibawl paidan zuiin kipahpihna abawl thei ding. 5.1.5 Bethlehem Saptuam’ neih moupuan laitaak a kitengte’n khelhman omlou, asawpman leh nawtman lel pia a zat phalsak ahi ding. 5.1.6 Mounei ten kitenna banner a taknop uleh phal ahi dinga, Biakinn chei leh bawl lamdang pen phal ahi kei. BETHLEHEM SAPTUAM | TUALSUNG DANBU (Revised & Updated 2016)

ARTICLE 6: COMMITTEE LEH ASUNGA PANMUN6.1 Department chih a Committee Sunga Panmunte (Office Bearers): 6.1.1 Department chih a Committee sunga panmun (Office) tuamtuam lentu – Chairman, President, Superintendent, Vice Chairman, Vice President, Assistant Superintendent, Secretary, Asst. Secretary, Finance Secretary (HQ & Gen.), Treasurer leh FCO te avek un Office Bearer ahi ding uh. 6.1.2 Ministerial Committee EBC Dante a omsa bangbang set ahi. Ministerial Committee atut khawm chia’n Local Pastor in Chair ala dia, TBSUC a Asst. Secretary in Secretary nna a sem ding. Upa Committee a OBte member a hi ding uh. 6.1.3 Department chih a OB te’n a dinmun ngeimah uh akizom in term nih kaan alen thei kei ding uhi. (Genchetna: Kum khat Term khat a paite’n kum nih kaan, kum thum Term khat apaite’n kum 6 kaan akizom in a lenzom thei kei ding uh.) 6.1.4 OBte akichih chiangin Committee-te tunga sangzaw dana genna ahi kei. BETHLEHEM SAPTUAM | TUALSUNG DANBU (Revised & Updated 2016)

ARTICLE 7: LOCAL PASTOR DINMUN7.1: Local Pastor Dinmun: 7.1.1 Local Pastor kichi EBC Headquarters in Tualsung Saptuam keem leh vaak dinga honpiak Pastor ahi. Assistant honpiak ua leh zong tua tawh genkhawm ahi pah hi. Huai dungzuiin amah’ thuneihna, dinmun leh mohpuakna EBC Dan a omsate set ahi a, huai baan Bethlehem Saptuam ah anuaia bang ahi ding. 7.1.2 Bethlehem Saptuam a Thunasepna (ministries) lam peuhmah ah Local Pastor makai a pang in Ministerial Committee min in nna a sem deuh ding. Vaisaina lam peuhmah Local Chairman makaihna a TBSUC min a sep ahi deuh ding. Vaisaina leh Thunasepna lama mavan zawkna ding leh hatsem a sep ahihtheihna dingin, kituaktak in apangkhawm ding uhi. 7.1.3 Pulpit thugenna leh Counselling Pastor tantuan ahi. Local Pastor in Saptuam’ Office kai ding awlmawh pen a neih sangin Bial Upate toh pangkhawm in leh amah mimal in leng Bial/inn vehna atam theipen neih ahi ding. 7.1.4 Local Pastor leh Ministerial Committee in khateng Biakna Program ding geel in, Nipini Skul Piiching lam leh Naupang lam banah, Department Committee teng leng angngat in a enkai dinga, Department teng kidolhtuahna hoih bawl in Saptuam chidam a omsak ding. BETHLEHEM SAPTUAM | TUALSUNG DANBU (Revised & Updated 2016)

ARTICLE 8: CHURCH WORKER8.1: Hilhchetna: Upa Committee in Church worker dinga a 8.1.1 Church Worker: guan mi genna. April 01 apan kum nawn March 31 tan 8.1.2 Kumkhat: genna. Kum nih; Upa Committee in lem asak 8.1.3 Term: leh abehlap thei ding.8.2: Qualifications: 8.2.1 Bethlehem Saptuam/EBC a Full Communicant Member, 1/10 ginomtak a pemi.8.2.2 Piangthak diktak, ginom, thanuam, thumang leh sepding a kipiate a hunhun a zou thei mi.8.2.3 Biakna limsak, khamtheih leh thilchiin hoihloute a kibuallou mi.8.2.4 Sound, light, projector, generator etc operate thei mi.8.2.5 Laisiamna lam Pawl 10 leh atunglam, Computer DTP chiang beek siam; tulai leh tunung vai toh kituak dia Excel hiam Tally 9 hihthei deihhuai deuh ding hi.8.2.6 Biakinn vante mahni a banga inteektaka keem ngap mi.8.2.7 Taksa kum a kum 18 apan atunglam, himahleh kum 45 sanga upa zawlou.8.2.8 Hiai atung a kigente ah Church Worker dang (Chowkidar neih tuam zoh ahih chiang in chitna dingte leh mohpuaknate tuamgen ahi ding hi).BETHLEHEM SAPTUAM | TUALSUNG DANBU (Revised & Updated 2016)

8.3: Mohpuakna & Sepdingte: 8.3.1 Saptuam’ inteekna a kikhopna leh program kizang dingte leh dakkhet kulna om himhimte ah dak a khen ding. Biakinn sung leh pua, Compound sung, Saptuam’ vanneihte hahsiang, kepbit, puahphatngaite puahpha in inteektakin nna aseem ding. Van kisia ama’ bawltheih tan a bawl dia, ama’ hihtheihlouh tan ah azat hun lap dia bawlzohna di’n pan ala zel ding. 8.3.2 Saptuam toh kisai office nna - laigelh, laihawm leh adangdang hunlap in a semsuah zel ding. 8.3.3 Office kai ni leh hun dinga seh leh kaina dia sehtuam hunlou ahleng apoimoh huna zattheih dingin a om ding ahi. 8.3.4 Hiai a kigenkhalou leng Upa Committee in a hunbang zela sep ding apiakte thanuamtakin a seemkhe zel ding.8.4: Terms & Conditions: 8.4.1 Church worker nasep theih hunsung kum nih dinga bikhiah ahi. Himahleh, damlouhna ziak hiam, chitlouhna chituamtuam ziak hiam leh tuabangte’ ziak lou in leng Upa Committee in kizenlouhna nei a atheih leh atawpsak thei ding. A term bei nunga sepzom a utleh Upa Committee ah ngetna a pelut dinga Upa Committee in athu a genkhawm dia, pha asak leh asepna hun a extend thei ding. Tuabang ahihkei leh interview ah atel dinga, achin leh a seemzom thei ding. 8.4.2 Church worker in amaha kitawp utna a neih leh, Upa Committee ah kha khat advance in theihsakna a pe ding. BETHLEHEM SAPTUAM | TUALSUNG DANBU (Revised & Updated 2016)

8.5: Leave: 8.5.1 Church worker in damlouhna ziak hiam, khualzin khiakna ziak hiam ahihkei leh thildang ziaka hihtheihlouhna a neiha, nipikaal khat sanga sawtzaw lou ahih leh Pastor theihpih in a nasep teng seemthei ding mi a tangin a sawl thei ding. Himahleh, nipikal khat sanga sawtzaw ding ahihleh Local Chairman/Secretary address in kingetna lai nipikal khat advance in a pe ding. Theihsakna pelou a omlouhna a neih a, a omlouh sunga thiltung khatpeuh a oma siatna a tunleh a mawh apaw ding.8.6: Appointment & Interview: 8.6.1 Church worker lak ahih ding chiangin a ut mite’ theihman dingin nipikal nih sung beek a zonnalai (advertisement) suah masak ahi ding. Azonnalai ah a chinna dingte, septheih di hun, khasum leh adangdang kichiantaka taaklat ahi ding. Kingente/kingetnate Upa Committee in etchetna leh interview a neih nungin laak a om mi kiang ah appointment orders a pe ding.8.7: Khasum (Pay & Allowances): 8.7.1 Church Worker’ khasum (pay and allowances) ding Upa Committee in ahun bang zela a bikhiah zah piak ahi ding. BETHLEHEM SAPTUAM | TUALSUNG DANBU (Revised & Updated 2016)

ARTICLE 9: THUNEIHNA9.1: Thuneihna toh Kisai: 9.1.1 Bethlehem Saptuam ah Upa Committee thunei sangpen ahi ding. 9.1.2 Bethlehem Saptuam sunga Department/Committee tuamtuamte’n Year Plan a omlou, budget aleng omlou nna hiam, thunasep hiam, tup leh ngim (policy & project) neih asawm ding ualeh amau thu a panpah/seemsuah mailou in Upa Committee lemsakpihna ala masa ding uh. 9.1.3 Bethlehem Saptuam sunga Committee tuamtuam a makai hi in mimal hitaleh Saptuam mipite lam diklou a pi, sinsakna diklou sinsak leh siatna tunthei nasem leh thugen aom leh Upa Committee in a tungtang (uh) a ngaihtuah dinga pha asak bangbang in a vaihawmkhum thei ding. 9.1.4 Hiai dante’n a huapkhaklouh Saptuam toh kisai vaisai ding omteng EBC DANTE 2015 zat ahi dinga, poimohna dang a om leh Upa Committee’ thupukna thutawp ahi jel ding. Huchi bang ahihtheih kei leh tunglama heutute kianga tut ahi ding. BETHLEHEM SAPTUAM | TUALSUNG DANBU (Revised & Updated 2016)

ARTICLE 10: KITELNA10.1 Secret Ballot a Kitelna: Kitelna peuhmah ah secret ballot system zanga kitel ahi zel ding.10.2 Kitelna Saitu: Upa Committee in Kitelna saitu ding a guangfel masa ding. Huchi ahihkeileh amau mahin a saizui ding uh. Kuulsakna aom leh, asaitu dinga seha omte’n vote simpihtu/ panpihtu ding mi a guang thei ding uh.10.3 Vote Neithei Dingte: Kitelna peuhmah ah Saptuam sungmi, dansunga om leh taksa kuma kum 18 tunglam mite’n vote a neithei ding uh. Tuailaite midangte’n amaute mimal a ahihna uh theihpih khollou ahih man in, amau kikhopna hun mah a kiteelna sai hoih akisa hi. Huaiziakin, amau laka mite, atunga kigen vote neithei dingte mah in ateel ding uh.10.4 Candidate Guandan: Bethlehem Saptuam sunga Committee tuamtuama candidate ding guanna ah anuaia conditionte et ahi ding: 10.4.1 Saptuam member dansunga om mi ahi ding. 10.4.2 Saptuam member kum 18 apan kum 70tan mi ahi ding. 10.4.3 Saptuam member sawm-a-khat diktaka pe mi ahi ding. 10.4.4 Saptuam member mipi vantang theiha mihoih lehpomtheih mi ahi ding. 10.4.5 Saptuam member khamtheih leh thilchiin hoihloute a kibuallou mi ahi ding. BETHLEHEM SAPTUAM | TUALSUNG DANBU (Revised & Updated 2016)

10.5 Committee Term: Bethlehem Saptuam sunga Department khatpeuh in lemtangzaw ding a gintakna a omleh Upa Committee lemsakpihna la in EBC term zuilou in local adjustment bawl theih ahi ding.10.6 Office Bearer Teelna: Bethlehem Saptuam sunga Department tuamtuama member ding telkhit ahih chiangin tua Department tuamtuama telchinga omte apan office bearer ding telna neih ahi ding. Huan, office bearerte term leh memberte term akibang ding.10.7 BCD: Naupang kepna Nipi Skul a Sinsaktu ding Ministerial Committee in anuaia bang chitna nei apoimawh dingzah a guang ding: 10.7.1 Saptuam member dansung a om piangthak hih kitheihchetna neia theih mi ahi ding. 10.7.2 Sawm-a-khat pe mi ahi ding. 10.7.3 Mipi vantang theiha mihoih a pomtheih mi ahi ding. 10.7.4 Khamtheih leh thilchiin hoihloute a kibuallou mi ahi ding. 10.7.5 BCD a sinsaktu phazah ding bikhiah a omkeia, Upat kum bikhiah leng a omkei ding. 10.7.6 Ministerial Committee in sinsaktu dinga a guanteng lak apan office bearer ding a kitel ding uh. Huan, sinsaktu leh office bearerte term kum khat ahi tuak ding. BETHLEHEM SAPTUAM | TUALSUNG DANBU (Revised & Updated 2016)

10.8 Member Mun Awng Tungtang: Kuapeuh Department khatpeuh a Committee member hihna neite’n amau term beima a aziak khatpeuh hita lezong semzom theilou ding a om leh a Department head tungtawn in kingetna/ki-awngsutna lai ape ding. A Department in ngaihtuahna a neih nung un thupukna a nabawl ding ua, member mun awng hukngai a omleh ngetna lai Upa Committee ah a peding uh.10.9 Thuneihna: Hiai Kitelna Dan in a huap khaklouh sai ding a om leh Upa Committee in asai dinga, ahih bangbang thutawp ahi ding. BETHLEHEM SAPTUAM | TUALSUNG DANBU (Revised & Updated 2016)

ARTICLE 11: SUM SAIDAN (FINANCE CODE)11:1 Sumsai Dan: 11.1.1 Hilhchetna: Hiai Dan sunga Finance Controlling Officer kichi Finance lam toh kisai a Committee chihte sum saidan enkaitu dinga Upa Committee in a seh hiam ateel genna ahi. 11.1.2 Hiai Dan sunga Finance Secretary chih akizat chiangin Committee chiha Finance Secretary te genna ahi. 11.1.3 Hiai Dan sunga Treasurer akichih chiangin Committee chiha sumkemtu genna ahi. 11.1.4 Hiai Dan in Drawing and Disbursing Officer (DDO) achih Local Upa Committee Chairman, TBDF President, TBMC Chairman, TBYF Chairman, BCD Superintendent, DPT Chairman leh TBBC Chairman te a genna ahi. 11.1.5 Hiai Danbu sunga saptuam sumkum kichi sumsaina toh kisaia akipatni leh kumkhat a chin ni huaituh 1st April apan a kumnawn 31st March tan genna ahi. BETHLEHEM SAPTUAM | TUALSUNG DANBU (Revised & Updated 2016)

11.2: Saptuam Sumsaidan leh Asaitu: 11.2.1 Bethlehem Saptuam in Finance Controlling Officer khat a nei ding. Tua in khateng in Saptuam sum etdikna (Physical Cash Verification), Bank Balance toh neiin Cash Book te ah suai akai zel ding. 11.2.2 Department khatpeuh in bank account poimoh a sak uleh (join account) a hongthei ding ua, bank operators dingin Chairman, Secretary leh Finance Secretary ahi ding ua, cheque ah hiai mi thum laka nih in a suai a kai ding uh. 11.2.3 Sum leh thilpiak peuhmah a lutna ding Committee a Finance Secretary in ala dinga, Collection Register ah a gelhlut masa ding. Tuakhit in Receipt a pedia; khukpi a lutdingte HQ Receipt a pe dia; tualsunga lutdingte Tualsung Receipt ape ding. Tuakhit in Cash Book leh Ledger ah a gelhlut ding. Sumhul hilou a van a lutte a kisaipih Committee in sum suahin a tunga kigen bangin a gelhlut in Receipt a peding hi. (EBC Finance Code dungzuiin, HQ a lut ding 1/10 avan a kipia om leh apetu min a HQ Receipt cut a avan min gelh ding ahi. Zuaka sumsuah ahih chiangin aleitu min a HQ Receipt piak nawn ding ahi.) 11.2.4 Sum kimute peuhmah Finance Secretary in Cash Book leh ledgerte a a gelhlut khit chiangin Treasurer khut ah Transit Register zangin a pelut ding. Bank account nei peuhmah in khuta sum sawtpi kemlou in Bank ah a deposit pahpah ding uhi. 11.2.5 Khukpi a sumlut dingte department chiha Finance Secretary te’n khukpi bawl Remmitance Form zangin ni 5 (nga) sunga submit zel ding ahi. BETHLEHEM SAPTUAM | TUALSUNG DANBU (Revised & Updated 2016)

11.3 Sum Zatna: 11.3.1 Sum zatna peuhmah Bethlehem Saptuam’ kumteng Budget sung pan zat ahiding. Committee peuhmahin Budget Head a sum omdan en in sanction a bawlding ahi. 11.3.2 Sumzatna peuhmah Voucher/Cash Memo laakvek ding ahi. Tuate Voucher file neiha aban ban a kepbit vek ding ahi. Audit bawl nung in Saptuam Office a kepbit ahi ding. 11.3.3 Budget sunga Head khat akipan Head danga suankualna ah a kisaipih Committee in thuneihna a nei dia, tuabanga suan kual aomleh Upa Committee a theihsak ding ahi.11.4 Receipt Bu Zatna Leh Kepbitna: 11.4.1 Local Secretary in Receipt bu toh kisai moh a pua ding. Ama’n Khukpi/Division Office ah indent bawlin Receipt bu a lakhe dinga Stock Register ah a gelhlut ding. Local Secretary mah in Receipt Book te a pek phazah simin certify a bawlvek ding. Tua Receipt bute Committee tuamtuam te’n deihna a neihchiang un Local Secretary/Church worker in a ngentu Department/Committee a Finance Secretary kiangah ‘Receipt Book No._____ apan _____tan tuni (tarik)_________ in ka sang hi’ chih Stock Register a suaikai sak in a pekhia ding. Tualsung bawl Receipt Bu leng tuabanga sai ding ahi. 11.4.2 Receipt bu peuhmah zatkhit ahiha audit bawlzoh ahih chiang in khukpi a piak dingte piakkik pah ding ahi. Tualsunga Receipt bute Saptuam Office a kepbit ahi ding. BETHLEHEM SAPTUAM | TUALSUNG DANBU (Revised & Updated 2016)

11.5 Sum Sanction Theihna: 11.5.1 Saptuam sum peuhmah zatkhiak ahihma in sanction bawl masak ngei ngei ding ahi. 11.5.2 Committee chih in Budget sung apan in akul bangbang in sum sanction a bawl thei ding. 11.5.3 TBSUC a DDO in khatvei thu in Rs 5,000/- (Sang nga) chiang a sanction thei ding. 11.5.4 Department danga DDO in khatvei thu in Rs 3,000/- (Sang thum) chiang a sanction thei ding. 11.5.5 Tua sanga tamzaw a poimoh leh a committee’ sanction dia nget ding ahi.11.6 Sumsaina a Dan Tuamtuam: 11.6.1 Bethlehem Saptuam sunga Committee tuamtuam tawna sumlutte khukpi a lutdingte chihlouh peuhmah Bethlehem Saptuam’ sum ahi. 11.6.2 Headquarters & Division apan a Budget tawna Project tuam hongpai chihlouh pawlam apan thildang adia sumkhon poimohna a omleh, Upa Committee phalna nget ding ahi. 11.6.3 Bethlehem Saptuam sungah kum khat in 2 (nih) vei beek audit (sum etdikna) neih ahi ding. Upa Committee in Auditor ding mi a sep zel ding. 11.6.4 Saptuam account te Audit Notes, Observations & Suggestions kibawlte sepsuahna ding in Upa Committee hiam aseh mite’n a seemsuah zel ding uh. Sepsuah theih BETHLEHEM SAPTUAM | TUALSUNG DANBU (Revised & Updated 2016)

louh om leh Upa Committee’ thutanna bawl dandan ahi ding.11.6.5 Audited Statements apan diklouhna muhkhiak om leh, tua audited statement TBSUC in a pom (approve) ngeingei ding chih ahi kei a, re-audit bawl ding midang a sep thei ding.11.6.6 Saptuam’ sum mimal khat hiam khat sanga tamzaw hiam tunga kibaang a om leh Upa Committee in limtakpi a veelna aneihkhit chiangin EBC Finance Code Section 4.6.4 toh kituak in asai ding. Local fund ahihleh a thu zil a ngaihdam ding hiam, gelhmang (Write-off) ding hiam, ditsak ding hiam a thuneihna Upa Committee in azang thei ding. Himahleh, khukpi a sum lut dingte tuabang a om khak leh Headquarter/ Division a piaksawn ahi ding.11.6.7 Hiai Finance Code in a huapkhaklouh tengah Upa Committee thutanna thutawp ahi dinga, a poimoh leh a puahpha thei ding. BETHLEHEM SAPTUAM | TUALSUNG DANBU (Revised & Updated 2016)