أسئلتكم المكررة

‫أسئلتكم المكررة‬ ‫هل في اوقات معينة للوجبات؟‬ ‫الجواب لا‪ .‬لك الحرية المطلقة بتوزيع وجباتك بأي وقت مناسب لك‪ .‬ممكن تفطري الظهر وتتعشي متأخر‬ ‫عادي‪ .‬اعملي الشي المناسب ليومك‪ .‬باستثناء اللي ماخدين نظام صيام متقطع يلتزموا بساعات الصيام‪.‬‬ ‫وساعات الإفطار لكم الحرية المطلقة بتزويع وجباتكم وسناكاتكم‬ ‫كيف أوزع وجباتي إذا بدي أصوم؟‬ ‫ممكن تدمجي الفطور مع العشا ويصيروا وجبة (سحور) أو تدمجي الغدا مع العشا ويصيروا وجبة الإفطار‬ ‫الرئيسية‪ .‬وعند الأذان تاخدي التمر من السناكات وبعدين تفطري عادي و تكملي باقي احتياجك بالشكل اللي‬ ‫بر يحك‪.‬‬ ‫عندك خربطة في فهم السناكات؟‬ ‫الك ‪ 3‬سناكات باليوم (بالغالب) يجب أن اختيار واحد من كل مجموعة (واحد من مجموعة النشويات) (واحد من‬ ‫مجموعة الدهون) (واحد من مجموعة البروتين)‪ .‬باستثناء اللي بحددلهم أكتر من خيار بكل سناك‬ ‫عادي آكل الخضار خارج أوقات الوجبات؟ ما بحب آكلها مع الوجبه‬ ‫عااااادي‬ ‫كيف أستفيد من جدول السعرات؟‬ ‫ممكن تغيير أي نوع نشويات أو دهون من أي قائمة مفضلة بجدول السعرات بشرط ما نزيد عن السعرات‬ ‫الحرارية للحصة‪ .‬مثلا بوجبة الفطور ممكن الاستغناء عن الخبز وأخذ الفواكه عوضا عنه بشرط تكون نفس‬ ‫السعرات الحرارية‪ .‬أو الاستغناء عن نص كمية الخبز وإضافة رز لوجبة الغدا بشررررررط تكون نفس السعرات‬ ‫الحرارية‪ .‬ممنووع منعا باتا تبديل اي شي فيه بروتين‪ .‬فقط النشويات والدهون‪ .‬ممكن فقط تبديل خيارات‬ ‫البروتين بشرط ان تحتوي على نفس السعرات الحرارية ونفس قيمة البروتين بالحصة‪ .‬بفضل ما تبدلوا شي‬ ‫الحياة الصحية متعة فقط ‪ ،‬إذا كانت بعيدة عن الخرافات والحرمان‬ ‫‪Noor.ahmad.92.86‬‬

‫وتلتزموا بجداولكم بالخيارات المتاحه الكم إذا حسيتوا حالكم تايهين ومو عارفين تبدلوا‪ .‬مع الوقت والممارسة‬ ‫رح تتعودوا وتصيروا سفوحين بالتبديل‬ ‫شو آكل قبل التمرين وشو آكل بعد التمرين؟‬ ‫المهم تسكير احتياجك من المغذيات بشكل كامل خلال اليوم‪ .‬ولكن ممكن ناخد شي يعطينا طاقة قبل التمرين‬ ‫مثل تمر أو موز مع قهوه وبعد التمرين تكون وجبة الغدا أو العشا أو سناك بروتين مع نشويات يعني تكون‬ ‫بعد التمرين وجبة متكاملة العناصر ليحصل الاستشفاء العضلي بشكل جيد‬ ‫عادي آكل بعد التمرين مباشرة؟‬ ‫عاااااادي‪ .‬برجع بكرر الأهم نسكر احتياجنا من المغذيات بشكل صحيح خلال اليوم‪ .‬اعتمدي على احساسك‬ ‫بالجوع‪ .‬ببساطة في احساس بالجوع بناكل مافي احساس بالجوع ما ناكل‬ ‫كم استنى وقت لأتمرن بعد الأكل؟‬ ‫إذا تمرينك بعد سناك خفيف الانتظار من نص ساعه لساعة‪ .‬إذا بعد وجبة كبيرة الانتظار من ساعتين ل ‪3‬‬ ‫ساعات‪ .‬أو لم تحس معدتك ارتاحت وهضمت الطعام بشكل جيد‪.‬‬ ‫بحس بدوخه وأنا بتمرن شو أعمل؟‬ ‫كون متأكد من تسكير احتياجك من المغذيات خلال اليوم‪ .‬نتأكد مافي نقص فيتامينات‪ .‬ضروري ناخد شي عالي‬ ‫الصوديوم اذا بنحس بالدوخه أثناء التمرين لإنه احتمال يكون الضغط نازل‪ .‬ممكن حبة لحبتين مخلل‪.‬‬ ‫الأكل كتير وما بقدر أخلص كل احتياجي شو أعمل؟‬ ‫بناكل حد الشبع والأهم نسكر احتياجنا من البروتين والخضار بالوجبة وباقي الوجبة بنتركها وبنكملها لاحقا وقت‬ ‫الجوع‪ .‬ممكن نستغني عن سناك النشويات أو الدهون في حال الشبع‪ .‬ومع الوقت رح يرتفع الحرق ورح نصير‬ ‫نخلص احتياجنا وزيااااادة‬ ‫الحياة الصحية متعة فقط ‪ ،‬إذا كانت بعيدة عن الخرافات والحرمان‬ ‫‪Noor.ahmad.92.86‬‬

‫بسكر احتياجي وبجوع شو أعمل؟‬ ‫عندكم بالملاحظات والنصائح بجداولكم شو تاكلوا وقت الجوع‪.‬‬ ‫ما عندي بروتين شيك شو اعمل؟‬ ‫هو مكمل مش الزامي‪ .‬ممكن الاستغناء عنه واستبداله بأي خيار موجود بالجدول‪.‬‬ ‫عادي آكل لبنة عادية بدل اللايت؟‬ ‫عادي ونفس كمية اللبنة اللايت بحصصكم ولكن بالمقابل رح نخصم نصف سناك النشويات (كل شي اله‬ ‫ضر يبه)‬ ‫عادي آكل جبنة كاملة الدسم بدل اللايت؟‬ ‫إذا مش مذكورة بالخيارات بالفطور عندك فالجواب نعم عادي ونفس كمية الجبنة اللايت بحصصكم ولكن‬ ‫بالمقابل رح نخصم نص سناك الدهون (برضو كل شي اله ضريبة)‬ ‫ما عندي خبز بروتين أو خبز ريف شو اعمل؟‬ ‫نستخدم أي نوع خبز متوفر المهم يكون نفس الوزن المذكور بالجدول‪ .‬نركز يكون غني بالأياف عشان يشبعنا‬ ‫فترة اطول ويساعد بخسارة الدهون‬ ‫ما عندي وقت أسكر خطواتي شو أعمل؟‬ ‫رقص أو نط حبلو أو سباحة أو اي كارديو خفيف من اليوتيوب نص ساعه ل ‪ 54‬دقيقة باليوم‪ .‬الحركة اشي‬ ‫اساسي جدا لرفع الحرق وتحسين الصحة‬ ‫‪ 01‬الاف خطوة كتير بتعب شو اعمل؟‬ ‫نبدأ ب ‪ 5‬الاف خطوة باليوم ونزيد بالتدريج المريح ممكن كل يومين نزيد الف خطوة أو حسب القدرة‬ ‫الحياة الصحية متعة فقط ‪ ،‬إذا كانت بعيدة عن الخرافات والحرمان‬ ‫‪Noor.ahmad.92.86‬‬

‫شو أبدل التيركي مثلا بوجبة الفطور ما بحبه؟‬ ‫بكل بساطة اختاري اي خيار آخر من الوجبات الأخرى بوجبة الفطور‬ ‫عادي اخد سنيوره أو مرتديلا بدل التيركي او الروست بيف؟‬ ‫لااااااا‪ .‬فقط تيركي أو روست بيف‪.‬‬ ‫عادي آكل خضار أكتر من الكمية اللي مذكورة؟‬ ‫طالما خضار غير نشوي طبعا عادي خدوا الكمية اللي بترضيكم‬ ‫وجبة الغدا كيف اعرف انها دسمة او لا ومتى الغي حصة الدهون‬ ‫بوجبة الغدا؟‬ ‫بكل بساطة إذا كانت اكلة شعبية فيها زيت كتير رح نستغني عن حصة الدهون ونكتفي بالبروتين والكارب‬ ‫والخضار بالوجبة‪ .‬في حال الطبخة لكل العيلة معمولة بطريقة صحية مثلا كوب او كوبين رز مسلوقين مع‬ ‫معلقة او معلقتين بس زيت فقط هون ما بنخصم حصة الدهون ويعتبر الرز صحي‪ .‬نفس الشي بالنسبة‬ ‫للدجاج أو اللحم‪.‬‬ ‫كيف آكل الزنجر الجاهز وكيف احسبه من ضمن احتياجي بوجبة‬ ‫الغدا؟‬ ‫ما بفضله أبدا ولكن ان كان ولا بد‪ .‬رح نشويه بالفرن ببخة زيت وناخد منه نفس حصتنا من البروتين بوجبة‬ ‫الغدا ‪ +‬حصة النشويات والخضار ونستغني عن حصة الدهون بالوجبة‪.‬‬ ‫الحياة الصحية متعة فقط ‪ ،‬إذا كانت بعيدة عن الخرافات والحرمان‬ ‫‪Noor.ahmad.92.86‬‬