Мотивациялық кітаптар жиынтығы

Мотивациялық кітаптар жиынтығы www.zhanaoi.kz Мотивациялық кітаптар жиынтығы 2012

Мотивациялық кітаптар жиынтығы www.zhanaoi.kz Мазмұны 1. Жоғарғы дәрежелі адамдардың 7 дағдысы ........................................................................... 3 2. Жеңіл өмір сүр! ...................................................................................................................... 15 3. Шахмат өмірдің үлгісі сияқты .............................................................................................. 20 4. Өмірдің 200 сабағы ................................................................................................................ 31 5. Сингапур тарихы ................................................................................................................... 49 6. Ешқашан берілме! .................................................................................................................. 55 7. Әрбір істі өз уақтында орында ............................................................................................. 60 8. Халық алдында сөйлеу өнері ................................................................................................ 63 9. Бай әке, жарлы әке ................................................................................................................. 72

Мотивациялық кітаптар жиынтығы www.zhanaoi.kz Стивен Кови: ЖОҒАРҒЫ ДӘРЕЖЕЛІ АДАМДАРДЫҢ ЖЕТІ ДАҒДЫСЫ Стивен Кови (1932 - 2012) – басқару істері мен өмірді басқару бойынша маман, ұйымдастыру істері бойынша консультант және мұғалім. Тоғыз баланың әкесі, елу екі немеренің атасы болған. «Жеті дағды» - XXI ғасырда пайдалы адамға айналғысы келетіндерге арналған кітап. Стивен Ковидің бұл кітабы жетістікке жетудің әлемдің тәжірибесін сіңіріп, адамдық қарым-қатынастың мәдениетін жандандыруға септігін тигезетін негіз болып табыла алады. Жеті дағдының және ондағы қағидалардың күші өз нәтижесін беретіні күмәнсіз. Егер сіздер өз құндылықтарыңызды еселеп күшейткілеріңіз келсе, онда бұл кітапті міндетті түрде оқуыңыз керек. Прадигма және қағидалар Бұл әлемдегі аты шыққан нәрселердің барлығы салауатты өмір салтынан шығады. Дэвид Старр Джордан Бизнесте және ғылым саласында, сондай-ақ, отбасы мәселесіне қызығатындар ішінде жиырма бес жыл жұмыс істеп, үлкен табыстарға жеткен, бірақ ішкі тепе-теңділікті сақтай алмайтын, өзге адамдармен жақсы қарым-қатынаста бола алмайтын, персоналды тиімділікті арттыруға мұқтаж адамдарды көптеп кездестірдім. Меніңше, бұл мәселелер сіздерді де алаңдатпай қоймайды. Мақсатыма жеттім, мансап қуып, табысқа кенелдім. Ал қазір жарым мен балаларымды танымаймын. Тіпті кейде өз-өзімді де түсінбейтін сияқтымын және өзіме не маңызды деген сұраққа жауап бере алмаймын. Істегенім бос әурешілік болғаны ма? Жаңа ғана диетаға отырдым, міне, осы жылғы бесінші диетам. Не істесем де арықтай алмаймын, қандай диетаға отырсам да үш аптадан артық шыдай алмаймын.

Мотивациялық кітаптар жиынтығы www.zhanaoi.kz Істей аламын деп өзіме уәде беремін... Алайда ештеңе шықпайды. Мен уәдемде тұра алмайтын сияқтымын. Кадрларды дайындау курсынан өттім. Қызметшілеріме жақсы қараймын, олармен дұрыс қарым-қатынас жасауға тырысамын. Неліктен мен бір күн жұмысқа шықпай қалсам, олар менсіз түк бітіре алмайды. Неге оларда мендегі жауапкершілік жоқ? Бәлкім, бойында осындай қасиеті бар адамдарды іздестірсем бе екен? Менің балам тіпті маған бой ұсынбайды. Есірткі қолдануға көшіпті, менің «қой» деп айтқанымды тыңдамайды. Мен не істеймін енді? осы сияқты мәселелер өте жиі кездесетін қазіргі кезде белең алған мәселелер. Бірнеше қажетті зерттеулерді жүргізгенде, мені мына нәрсе қызықтырды: қалай ұғыну қалыптасады, ол біздің көзқарасымызға қалай әсер етеді және біздің көзқарасымыз қалай мінез-құлқымызға әсер етеді. Біз бір нәрсені өзгерткіміз келсе, алдымен өзімізді өзгертуіміз қажет. Ал өзімізді тиімді өзгерткіміз келсе, ең біріншіден өзіміздің қабылдауымызды өзгертіп алуымыз қажет. Жеке тұлға және мінез-құлық этикасы Мінез-құлық этикасы тиімді өмір сүрудің негізгі қағидаттарын айқындайды және адам бұл қағидаттарды мінез-құлқында дарытса, үлкен табысқа кенеледі, өмірі баянды болады. Осылай жеке тұлғаның этикасы деген ұғым пайда болды. Енді табысқа жетудің кілті тұлғаның әлеуметтік бейнесі, тәртібі, жүріс-тұрысы, техникасы, дағдысы, адамның қарым-қатынасын жалғаушы механизмдердің функциялары ретінде қарастырылады. Жеке тұлға этикасының екі бағыты бар: біріншісі – адамдық және қоғамдық байланыстардың техникасы; екіншісі – позитивті ділдік ұстаным. Бұл философия мынандай қанатты сөздерде орын алады: «Сіздің қарым-қатынасыңыз сіздің жай-күйіңізді анықтайды», «Түсінгеніңнің және білгеніңнің барлығына қол жеткізуіңе болады». Алғашқысы және екіншісі Егер мен адамдарға ықпал еткім келіп, оларды қалаған нәрсемді істетуге көндіргім келіп, жақсы жұмыс атқаруға, маған және өзара жақсы қарам-қатынас білдірсін деген ойымды жүзеге асырғым келсе, бірақ өзім соншалықты жақсы, шынайы болмасам, екіжүзділігім болса, табысқа ешқашан қол жеткізе алмайтынымды түсіндім. Менің екіжүзділігім – алаңдатушылық, сенімсіздік оятады, қаншалықты «адемгершілігі мол» адам сыңайын танытсам да, барлығы өтірік болып көрінеді. Ал егер менде сенімділік қасиеті жоқ не аз болса, менің қызуқандылығым және шынайы ниетім мықты жетістікке жетуге көмекші бола алмайды. Тек сіздің ниетіңіз түзу болып, жағымды іс-әрекет істесеңіз, сіз қолданатын техника өмірлі болмақ. Көбінше уақытша қарым-қатынас кезінде “Мінез-құлық этикасы” арқылы әңгімелесушімен сіз жақсы сөйлесе аласыз, оған қоса жарқындылық және зеректілік арқылы жақсы әсер қалдыра аласыз, оның бір нәрсеге әуестілігі сізді де қызықтырды деген сыңай танытып оған бір табан жақындай аласыз. Алайда бұл уақытша қарым-қатынас кезінде ғана жүзеге асады. Ұзақ қарым-қатынас кезінде екінші дәрежедегі факторлар көпке шыдай алмайды. Мінез-құлқыңызда терең жинақтылық және органикалық күш болмаса, өмір сыртқа шынайы мінезіңізді шығарып жіберіп, уақытша жетістігіңіз адамгершілігіңізді жұрдай етпек.

Мотивациялық кітаптар жиынтығы www.zhanaoi.kz Көптеген адамдар табыс әкелетін екінші дәрежедегі қоспаларға мән беріп, ең басты мінез-құлықтағы позитивті ұмытады. Ерте ме, кеш пе бұл білінеді. Адамның шешендігі – мінез-құлқында. Эмерсон айтқандай: «Сіздер менің құлағыма қатты айқайлайтыныңыз соншалық, мен сіздің не айтқаныңызды түсінбеймін». Әрине, адамның мінезі жақсы болып, алайда мүлде сөзге жоқ адамдар болады, бұл да сөзсіз қарым-қатынасқа өз әсерін тигізеді. Бірақ бұл екінші дәрежелі фактор. Әр адам әлемді қандай болса солай емес, өздігінше көреді. Бір нәрсені сипаттау барысында сол затты емес, ақыры өзімізді сипаттаймыз, өзіміздің ұсынысымызды айтамыз. Біреумен ойымыз екіге бөлініп кетсе, өзімізді емес, өзгені кінәлі етеміз. Өзіміздің негізгі ұстанымдарымызды біліп, қаншалықты дәрежеде өмірлік жеке тәжірибеміздің ықпалында екендігімізді түсінгенде, ұстанымдарымызды зерттеп салыстырып, өзгенің ойын тыңдап үйренеміз. Жеке тұлға этикасының тартымдылығы – тез және қарапайым әдістер арқылы жоғарғы дәрежелі өмірге, персоналды тиімділікке және адамдармен терең, тығыз байланыс орнатуға қол жеткізу мүмкіндігіне ие болу. Бұл – символ, мазмұнынан айырылған символ. Бұл – «қалай – тез – байлыққа – қол – жеткізуге - болады» деген нұсқама. Өмірде өсу мен өркендеудің бірінен соң бірі келетін қадамдары бар. Мысалға, нәресте ішпен аунауды үйренеді, кейіннен отыруды, еңбектеуді, жүруді және жүгіруді. Әр қадам маңызды, әрқайсысына уақыт бөлу керек. Ешбір қадамын көзден таса қылуға болмайды. Бұл өмірдің барлық кезеңіне, барлық дамуға қатысты, мейлі ол баланы фортепиано үйреткен кезде болсын, мейлі ересек адамның әріптестерімен қарым- қатынасы болсын. Алайда, біз өзіміздің өсу мен дамуымыздың табиғи барысын тоқтатқанда не нәрсеге тап боламыз? Мысалы, сіз орташа деңгейдегі теннисшісіз, қасыңыздағыларды таң қалдыру мақсатында кәсіби маманмен ойынға түссеңіз, не нәрсеге тап боласыз? Тек жақсы ойда болу кәсіби маманды жеңуге мүмкіндік сыйлайды ма? Жауабы белгілі, дамудың табиғи барысын бұзуға, елемеуге, қысқартуға болмайды. Бұл табиғатқа қарама-қайшылық болып табылады. Тез арада табысқа қол жеткізу жолын табу, арты түңілуге алып келеді. Егер мен он балдық шкаладан «екінші» орында тұрып, беске көтерілгім келсе, алдымен «үшке» шығып алу керекпін. Ойлаудың жаңа деңгейі Альберт Эйнштейн айтқандай: «Бізге тап болған маңызды мәселелерді соларды жасаған кездегі ойлау деңгейімізбен шеше алмаймыз». Біз айналаға, өзімізге қарап, өмірдегі жасалған жеке тұлға этикасы белгісінің астындағы терең проблемаларды аңғарғанда, олар жасалған кездегі ойлау деңгеймен шеше алмайтынымызды түсінеміз. Осы мәселелерді шешу үшін ойлаудың терең, жаңа деңгейі керек, дәл осы жаңа деңгейде ойлауға «Жоғарғы дәрежелі адамдардың жеті дағдысы» кітабы арналған. Жеті дағды – жалпы көрініс Біз өзіміздің күнделікті іс-қимылдарымызда көрініс табамыз. Кемелдену үшін іс-әрекет емес, әдеттену керек. Аристотель

Мотивациялық кітаптар жиынтығы www.zhanaoi.kz Әдет – өміріміздің күшті факторы болып табылады. Бұл тәртібіміздің тұрақты және аңғарылмаған үлгісі. Күнделікті әдеттер біздің мінез-құлқымызды қалыптастырып, тиімді немесе тиімсіз нәтижесін береді. Бізге белгілі Гравитация күші біздің әлемді ұстап тұр, соның арқасында планеталарды өз орбитасында ұстап, бүкіл Әлемді бір реттілікпен қамтамасыз етіп тұр. Біздің өміріміздегі қажетті тиімділікке қол жеткізу үшін мықты қасиетке ие әдеттеріміздің гравитациялық күшін дұрыс қолдана алуымыз керек. «Дағдының» анықтамасы Бұл кітаптың мазмұнына сәйкес, дағды ұғымы – білім, ықылас, ептілікпен қиылысады. Білім – істеу және неліктен деген сұраққа жауап бертін теориялық парадигма. Ептілік – қалай істеуді анықтайды. Ал ықылас бұл мотивация - істегім келеді. Өмірде кез- келген нәрсені дағдыға айналдыру үшін осы үш құрауыш керек. Проактивті болыңыз Осы кітапты оқып жатқаныңызды сыртыңыздан ойша елестете аласыз ба? Енді қазіргі көңіл-күйіңізді сипаттап беріңіз. Оны анықтай аласыз ба? Не сезінудесіз? Дәл қазір ойыңыздың қаншалықты жүйрік екендігіне көз салыңыз. Тез! Мына зияткерлік жаттығулар арасында жарылу қалпында тұрсыз ба? Сіз тек адамдар ғана істей алатын жаттығуды істедіңіз. Хайуандардың бұндай қабілеті жоқ. Біз бұны «өзіндік сана» деп атаймыз. Біз біздің сезімдеріміз емеспіз. Біз өзіміздің көңіл-күй емеспіз. Біз біздің ойымыз емеспіз. Осыларды ойлай алу факті, бізді осы нәрселерден және жануарлардан ажыратады. Өзіндік сана біздің ұстанымдарымызға, тәртібімізге ғана әсер етпей, басқа адамдарды қандай көзбен көретінімізге де әсер етеді. Адамзатты түсінуге арналған карта болып табылады. Адамзатты анықтайтын үш түрлі әлеуметтік карта бар, детерминизмнің үш теориясы: 1. Генетикалық – сіз ата-бабаларыңызға тартқаныңызды алға сүйрейді. Мысалы, сен сол үшін де қызу қандысың. 2. Психикалық – сізде осындай мінез-құлықтың пайда болуына ата-анаңыз ықпал етті. 3. Қоршаған ортаның детерминизмі – бәріне сіздің бастығыңыз, әйеліңіз, қаржылық жағдайыңыз, мемлекеттің саясаты кінәлі деп тұжырымдайды. Проактивтілік терминін сөздіктен табу өте қиын, ол актив деген сөзге қарағанда ауқымды. Оның мағынасы біз адам ретінде өз өмірімізге жауапкершілікпен қарауға тиіспіз. Жоғары тиімділікті адамдар осы жауапкершілікті мойындайды. Олар өздерінің мінез-құлқын жағдайлармен, шарттармен, қиын жағдайларға тап болғандықтарымен түсіндірмейді. Олардың мінез-құлқы олардың жеке таңдауы екенін де жақсы түсінеді. Элеонора Рузвельт айтқандай: «Ешкім сіздердің келісімдеріңізсіз, сіздерге қайғы-қасірет әкеле алмайды». Бастаманы өз қолыңызға алу Әсер ету объектісі емес, әрекет ету – біздің заңдылығымыз. Бұл бір жағынан әр түрлі жағдайларда біздің дайын болу қабілеттілігімізді қалыптастырса, екінші жағынан,

Мотивациялық кітаптар жиынтығы www.zhanaoi.kz жағдайларды өзіміз қалыптастыруға итермелейді. Бастаманы өзіңізге алу беймаза, дөрекі, ашушаң болуды білдірмейді, бұл жағдайлар дұрыс жүзеге асуы үшін жауапкершілікті қолға алуды білдіреді. Көптеген жылдар бойы Стивен Кови жақсы жұмысқа ие болғысы келген адамдарға, бастаманы өздеріне алуға кеңес беретін: өзінің қызығушылықтарын және қабілеттерін тестілеу, сол ұйымға тән саланы, тіпті, олардың ерекше проблемаларын зерттеу, содан кейін бұл компанияға ол адам қалай көмектесе алатындығын көрсететін презентация жасау. Бұл «шешімдердің сатылымы» деп аталып, бизнестің табысты кілті болып табылады. Әрекет ету немесе объект болу Ықпал Бастамашы адам және ынталы емес адамның ерекшелігі жер мен көктей. Егер сіз басқалар тарапынан ықпалды күтсеңіз, біреудің ықпалында қаласыз. 1. Бізбен не болып жатыр? 2. Бізді болашақта не күтпек? Жағдайға қатысты әрекетіміз қалай болмақ? 3. Біз не қабылдаймыз? Қандай бастаманы көрсете аламыз? Жауабы: 1. Біз қиын жағдайға тап болдық. Жағдайды дамудың бағыты бойынша жақсарту тек сәтсіздіктен кейін келеді. 2. Бірақ бізде басқаруды жетілдіру, шығынды азайту, нарықтағы үлесімізді көбейту жөнінде жақсы жоспарымыз бар. 3. Сәйкесінше, шаруа әлдеқайда жақсы. Өз сөзіңізге зейін қойыңыз Шынайы проактивтілік деңгейін біздің сөздеріміз анықтап бере алады. Реактивті адамдар өздерін жауапкершіліктен қорғайтын лексиканы пайдаланады: - Міне, мен осындаймын. Мен детерминделгенмін. Мен мұнымен ештеңе істей алмаймын. - Ол менің қанымды ішті. Мен өз-өзіме жауап бермеймін. Менің эмоциямды бейтаныс бірдеңе басқарады. - Мен мұны ешқашан істей алмаймын. Менің жай ғана уақытым жоқ. Мені сыртқы жағдайлар – уақыт тапшылығы басқарады. - Менің әйелім сабырлырақ болғанда ғой! Біреудің мінез-құлқы менің тиімділігімді шектейді. - Маған осылай істеуге тура келеді. Жағдайлар, өзге адамдар мені бірдеңені істеуге міндеттейді. Мен өз ісімді таңдауға ерікті емеспін.

Мотивациялық кітаптар жиынтығы www.zhanaoi.kz Реактивті сөйлеу Проактивті сөйлеу Менің басқа амалым жоқ. Қандай мүмкіндіктер барын көрейік. Міне, мен осындаймын. Мен басқа амалды таңдай аламын. Ол менің ашуымды келтіреді. Мен өз сезімімді бақылауда ұстай аламын. Олар бұған келіспейді. Мен тиімді презентацияны жасай аламын. Мен істей алмаймын. Мен таңдаймын. Мен мәжбүрмін. Мен қалаймын. Егер ... Мен істеймін. Қамқорлық шеңбері мен ықпал шеңбері Біздің проактивтілігімізді анықтаудың тағы бір жолы – уақытымыз бен қайраттылығымыздың көп бөлігін қалай жұмсайтынымызды көру. Барлығымыздыи біздің денсаулығымыз, балаларымыз, жұмыстағы проблемалар, мемлекетіміздің мәселелері, ядролық соғыс қаупі т.б. сұрақтар мазалайтын шығар. Бізге эмоциялық және психологиялық әсері бар бұл нәрселерді «Қамқорлық шеңберіне» салып қояйық. Ал енді қамқорлық шеңберінде біздің ырқымызға көнбейтін нәрселерді «Ықпал шеңберіне» саламыз. Осы екі шеңбердің қайсысына көбірек уақыт пен қайраттылық жұмсасақ, сол арқылы проактивтілікті анықтаймыз. Проактивті адамдар назарды ықпал шеңберіне салады. Олар өз күшін оларға бағынатын ықпалға жұмсайды. Олардың қайраттылығының табиғаты позитивті, сол үшін ықпал шеңбері ұлғая береді. Ал реактивті адамдар, керісінше, өз күштерін қамқорлық шеңберіне жұмсайды. Олар назарларын басқа адамдардың әлсіз жақтарына, қоршаған ортаның және жағдайдың мәселелеріне, яғни өздері ықпал ете алмайтын нәрселерге жұмсайды. Ықпал шеңберін кеңейту Жағдайларға деген әсерді өзіміз таңдау арқылы жағдайларымызға әсер ете алатындығымыз бізді шабыттандырады. Химиялық формуланың бір бөлігін өзгерту арқылы оның нәтижесінде табиғатын өзгерте аламыз. Мынаны істеңіз Мынау туралы не ойлайсыз? Былай істеңіз Қандай нәрсе жетіспейді? Мына жерге келіңіз Алып қосарыңыз бар ма? Ал енді мынаны... Мен шешемін! Нәтижесі: барлық қызметкерлерді өзіне Нәтижесі: оның ықпал шеңберінің кеңеюі; қарсы қояды; қызметкерлердің өзара адам өсе бастайды; табысқа кенеледі. талқылаулары; соның әсерінен өздеріне жүктелген жұмыстың жауапсыз қалуы.

Мотивациялық кітаптар жиынтығы www.zhanaoi.kz Проактивті адамдар арсыз емес, олар өте ақылды, құндылықтарға басшылық етіп, не істеу керектігін білетін жандар. Салдар мен қателіктер Қателікке тап болғанда, проактивті адам оны тез түсініп, мойындап, түзетіп, одан сабақ алады. Бұндай әрекет сәтсіздіктен табысқа жетелейді. «Жетістік – сәтсіздіктің сырт жағы» деп айтқан болатын IBM корпорациясының құрушысы Т.Дж.Уотсон. Міндеттемені алу және оны орындау Міндеттемені алу және орындау проактивтілік деңгейін көрсетеді. Сонымен қатар біздің дамуымыздың негізі болып табылады. Өміріңізді өз қолыңызға алудың екі жолы бар: уәде беріп – оны орындау; алдыңызға мақсат қойып – оған жету үшін жұмыс жасау. Уәде беріп, оны орындау – негізгі дағдыларды дамытудағы база. Білім, ақыл, қалау сіздің бақылауыңызда. Негізгі мақсатты көз алдыңызға елестетіңіз Персоналды көшбасшының қағидалары Біздің артымызда қалған және алдымызда тұрған нәрселер ішкі жан дүниемізбен салыстырғанда мәнсіз болып қалады. Оливер Уэнделл Холмс Сіз қандай мінез-құлық иесі болғыңыз келеді? Адамдардың ойында қандай іспен, қандай жетістіктермен қалғыңыз келеді? Қоршаған ортадағы адамдарға назар салып көріңіз. Олардың өмірінде қандай із қалдыруды ойлайсыз? «Негізгі мақсатты көз алдыңызға елестетіңіз!» деген сөздер не мағынаны білдіреді? Егер жоғарыдағы сұраққа жауап берсеңіз, ішкі дүниеңіздегі құндылықтарыңызға біршама жақындаған боларсыздар. Джозиф Адисонның сөздеріне назар аударыңыз: «Мен ұлы адамдардың мәйітіне қарағанда, ішімдегі барлық қызғанышым жоқ болады; ару қыздарға эпитафия оқығанда, құмарым сөнеді; баласының мәйітінде қайғырған ата-ананы көргенде, жүрегімді аяныш ұялайды; ата-анамның мәйітін көргенде, олардың да артынан ілесетінімізді түсінем; патшалардың өздерін құлатқан адамдармен бірге жатқанын көргенде, идеялық қарсыластардың көрде іргелес жатқанын көргенде, мен күрсініп те, таңғалып та өмірдегі адамдардың бәсекелестігі, дау-жанжалдары түкке тұрмайтынын түсінемін». Түпкі мақсатты елестете отырып бастау – өз өмірлік тағдырымызды нақты түсіну деген мағына. Не нәрсеге талпынатынымызды түсіну. Ол дәл қазір қай жерде тұрғанымызды, дұрыс бағытқа қадам басуымызды жақсы елестету үшін керек. Әр түрлі мамандық иелері: дәрігерлер, ғалымдар, саясаткерлер, бизнесмендер, спортшылар және су тартқыштар үлкен жетістікке, абырой, белгілі бір кәсіби деңгейлерге жету үшін өз еңбектерін, күштерін сарп етеді. Бірақ ақыр соңында олардың бұл талпыныстары түкке тұрмайтынын, оларға маңызды нәрселерді бұл болмашы мақсаттар қараңғылап, енді оларға жету мүмкін емес болғандығын түсініп өкінеді.

Мотивациялық кітаптар жиынтығы www.zhanaoi.kz Көшбасшылық және басқару – екі туынды Екінші дағды персоналды көшбасшының қағидаларына негізделген. Басқару көшбасшылықтан төмен тұрады: мынаны ең жақсы етіп қалай істесем болады? Көшбасшылық жоғарғы деңгеймен анықталады: «Мен нақты не істегім келеді?» Питер Дракер мен Уоррен Беннистің сөздерімен айтқанда: «Басқару – шаруаларды дұрыс істеу; көшбасшы – дұрыс шаруаларды істеу». Басқаруға табыстың баспалдағына көтеретін өнімділік тәуелді; көшбасшылық бұл баспалдақ қандай қабырғаға жалғанғанын анықтайды. Көшбасшы ағаштың ең биік жеріне шығып, жағдайды бағалап: «Бұл басқа джунгли!» деп айқайлайды. Бұған жұмыс басты басқарушылар мен жоғарғы дәрежелі жұмысшылар қалай жауап береді? Былай: «Аузыңды жапшы! Біз алдыға ойдағыдай жүріп келе жатырмыз!» Бизнесте нарық өте жылдам өзгереді, бірнеше жыл бұрын тұтынушылардың көңілінен шыққан өнімдер мен қызметтер бүгінде өз сұранысын жоғалтады. Мықты проактивті көшбасшылық өзгерістерді жіті бақылап, әсіресе, тұтынушылардың әдеттері мен уәждерін, қорларды керек бағытқа беімдейтін күшке ие бола біледі. Ата-аналар басқарудың парадигманың қармағында қалып, бақылау, өнімділік, ереженің ұстануын сақтайды. Ал жанұяның дамуына, мақсатына және сезімдеріне көңіл бөлмейді. Көшбасшылықтың жетіспеушілгі біздің жеке өмірімізде айқын көрінеді. Біз жеке құндылықтарымызды ұғынбастан, басымызбен басқаруға кірісеміз, мақсат қойып, оған жетеміз. Біз әр күн сайын өзіміздің құндылығымызды есімізде сақтап, істі бастау керекпіз. Ең қиын сәттерде, осы құндылығыма сүйеніп, дұрыс шешім қабылдай аламыз. Мен бір тұтас тұлға ретінде әрекет ете аламын. Мен біреудің эмоциясына және жағдайларға жауап қайтармайтын боламын. Мен шынайы түрде проактивті, құндылыққа орныққан адам боламын, өйткені, олар маған түсінікті. Біздің өміріміздің ортасындағы барлық нәрселер біздің ішкі қауіпсіздігіміздің, ішкі орнықтылығымыздың, біздің даналығымыз бен билігіміздің қайнар көзі болып табылады. Ішкі қауіпсіздік – сіздің даралығыңыз, эмоционалды тұрақтылығыңыз, сіздің жеке күшіңіз немесе әлсіздігіңізбен байланысты сіздің жеке маңыздылығыңыз. Ішкі орнықтылық – ішкі бағытты көрсететін нәрсенің бар болуын білдіреді. Бұл сіздің құбылнамаңыз және картаңызбен тексерілген ішкі көзқарастар жүйесі. Даналық – бұл өмірге деген кең көзқарас, сіздің тепе-теңдік сезіміңіз, жекелеген бөлшектер немесе әр түрлі қағидалар қалай пайда болатынын, бір-бірімен қандай байланыста болатынын түсіну. Бұл – «гештальт», сіздің жеке тұлғаңыздың біртұтастығы. Билік – бұл сый немесе әрекет етуге қабілеттілік, күш және бір нәрсе істеуге деген әлеуетті мүмкіндік. Бұл өзіңізге және өз өміріңізге билік ету. Осы төрт факторлардың барлығы – ішкі қауіпсіздік, орнықтылығымыз, даналық және билік – тығыз байланыста. Қауіпсіздік және нақты орнықтылық шынайы даналыққа апарады, ол өз кезегінде сіздің билігіңізде тұтқындалған қайраттылықты босатып, бағытталатын ұшқынға айналады. Егер барлық аталған төрт факторлар тығыз байланысқа түссе, түзу ниетті тұлғаға, теңдестірілген мінез-құлыққа, үйлесімді адамға тән ұлы күшті тудырады.

Мотивациялық кітаптар жиынтығы www.zhanaoi.kz Алдымен қажет істі бастаңыз Персоналды басқарудың қағидалары Анағұрлым көп нәрсе ешқашан аз нәрсеге бағынбайды. Гете Үшінші дағды бірінші және екінші дағдының жүзеге асуы, табиғи салдары болып табылады. Басқару көшбасшылықтан бейнелі түрде ерекшеленеді. Көшбасшылық – мидың оң жақ бөлік қызметінің қайратты қызметі. Басқару – сараптама, бірізділік әрекетін анықтау, нақты жүзеге асыру. Бұл тиімді персоналды басқару аспектсіне байланған, мидың сол жақ бөлігіне қатысты. Менің жеке персоналды тиімділік ұраным: «Сол жақты да басқар, оң жақты да басқар». Уақытты басқарудың төрт ұрпағы Бұл саланы көптеген жылдар зерттеу кезінде басқару саласындағы ең жақсы ой бір ғана сөйлемшемен беріле алады деп айта аламын: «Басымдылық негізінде ұйымдастыру және басқару». Бүгінгі таңда төртінші ұрпақ пайда болған. Енді «уақытты басқару» термині дұрыс емес екендігін білдік, өйткені мәселе уақытты басқаруда емес, өзімізді басқаруда. Қанағаттанушылық – нәтижеге жету функциясын ғана білдірмейді, оған күту де кіреді. Ал күту біздің ықпал шеңберімізде орналасқан. Төртінші ұрпақ уақыт пен әрекетке назар шоғырландыру емес, біздің қарым-қатынастың сақталуына, жетілуіне және нәтижеге жетуімізге болжал жасау. Басқаша сөзбен айтқанда, болжал Р/РС-теңгерімін қолдауға бағытталады. ІІ шаршы Уақытты басқару матрицасы Асығыс шаруа Асығыссыз шаруа Маңызды I шаршы II шаршы Өте қиын жағдай Профилактикалық іс-әрекеттер, Шұғыл проблемалар РС қолдау Тез арада орындалу керек жобалар Байланыстарды орнату Жаңа мүмкіндіктерді іздеу Жоспарлау Күшті қалпына келтіру

Мотивациялық кітаптар жиынтығы www.zhanaoi.kz Маңызды III шаршы IV шаршы емес Кейбір телефон қоңыраулары, Уақытты алатынсақ-түйектер назарды бұру Корреспонденция Қандай да бір корреспонденция, Қоңыраулар қандай да бір хабарламалар Уақытты бос жұмсау Кейбір мәжілістер Уақытты ерігіп өткізу Келер шұғыл шаруалар Кең таралған қызмет түрлері II шаршы – тиімді персоналды басқарудың жүрегі. Ол асығыс емес, маңызды емес болғанына байланысты. Ол өзіне құрылыс қатынастары, жеке миссияны жазу, ұзақ мерзімді жоспарлау, жаттығу, профилактика, дайындық сияқты қызметтерді қосады – біз қажетті деп санайтын барлық шаруалар, алайда асығыс болмағандықтан оларды жиі қолға аламыз. «Жоқ» деп айту бізге не үшін қажет Егер ішімізде үлкен «иә» жоқ болса, ІІІ шаршының маңызды шаруаларына және IV шаршыға ұнамды түрде қашу шаруаларына «жоқ» деп айту мүмкін емес. Сонда ғана өз ескі бағдарламаңызды бағалау үшін өзіндік сана және қиял, қағидаларға негізделген жаңа, сіз «иә» деп айта алатын бағдарламаны жасау үшін ар-ожданға ие боласыз. Сонда ғана шынайы маңызды емес шаруаларға күлімсіреп, «жоқ» деп айта аласыз. ІІ шаршының құралдары ІІ шаршы парадигмасының мағынасы салмақты қағидалар негізінде, жеке миссияңызды түсіну негізінде өз күшіңізді шұғыл ғана емес, маңызды шаруаларға бағыттап, нәтижелікті жоғарлату және қорларды жетілдіру арасындағы теңгерімді ұстап отыру арқылы өз өміріңізді тиімді басқару. Төртінші ұрпақтың басымдылығы Өнімділік емес, тиімділік позициясымен қатынас орнату керек алғашқы адам – ол сіз (Өнімділікті адамға бағдарлауға болмайды. Тиімділік адамдарға, өнімділік заттарға қатысты болу керек). Ол ІІ шаршыда уақыт жұмсауға итермелейді, өз өміріңізді түсіну және оған оның қағидаларын орталыққа орналастыруға, сізді күнделікті шешім қабылдағанда мақсаттар мен құндылықтарды айқын анықтауға көмектеседі, ол сізге өмірдің теңгерімін иеленуге ықпал етеді. Ол сізге бір күндік жоспар құрудан құтылып, бір аптаға арналған шаруалар жоспарын құруға көмектеседі. Ал егер жоғары құндылықты уақиғалар сіздің жоспарланған шаруаларыңызбен қатар келсе, ол сізге өзіндік сана және ар-ожданды қолдану билігін береді, өз кезегінде сіз маңызды деп тапқан мақсат мен қағидаларға берік боласыз. Жол жүру картасын қолданудың орнына, сіз құбылнаманы қолданасыз. Көңілді ойлаңыздар

Мотивациялық кітаптар жиынтығы www.zhanaoi.kz «Жеңдім/жеңдім» Тұлағалар арасындағы көшбасшылық қағидалары Түбірін өзгертпесеңіз, нәтижені де өзгерте алмайсыз. Мақсат пен тәрбие жөнінде жұмыс істеу – жапырақтарды жұлумен ғана бірдей. Кейде жеке және ұйымдық кемелденуге жету үшін осы нәрсемен айналысамыз, ал ақпарат жүйесі мен марапаттауды жетілдірсек, әріптестік тартымдырақ болушы еді. Сіздің қызметіңіз қандай болмасын президент немесе сыпырушы тәуелсіздіктен өзара тығыз тәуелдіктен көшбасшы рөліне аяқ басасыздар. Сіз өзге адамдарға ықпал ететін адам позициясында боласыз. «Жеңдім/жеңдім» мақсатының бес өлшемі «Жеңдім/жеңдім» рухындағы ойлау – тұлғаның көшбасшылық дағдысы. Ол біздің қарым-қатынасымызда өзге адамдармен барлық ерекше адамдық қасиеттерді қолдануды жобалайды – өзіндік сана, қиялдау, ар-ұят, тәуелсіз жігер. Ол өзара тығыз білім алуды, өзара тығыз ықпал етуді, өзара тығыз олжаны қосады. Өзара тығыз олжаны алу үшін өз мақсатыңа жетуде ержүректілік пен өзге қызығушылыққа сақтық керек. Сол үшін де бұл дағды өзіне тұлға арасындағы көшбасшылықты қосады. Тиімді тұлға аралық көшбасшылық үшін көре алу, белсенді ынтагерлік, сонымен бірге персоналды көшбасшылықтан шығып, қағидалар негізіндегі қорғалу сезімі, өз-өзіне сенімділік, бағдарлау, даналық және күш керек. «Жеңдім/жеңдім» қағидасы біздің барлық өзара тығыз қарым-қатынасымызда табысқа негіз болады және өмірдің бес өзара тығыз қатынастағы өлшемін қосады. Ол мінез-құлықтан басталады, қарым-қатынас бағытына қарай аттанады, одан мәміле шығады. Ол «Жеңдім/Жеңдім» мақсатына негізделген құрылым мен жүйеде орын алады. Өмірдің бес өлшемін жеке-жеке қарастырып көрейік. Мінез-құлық Мінез-құлық «Жеңдім/жеңдім» қағидасының іргетасы болып табылады. Қалған барлығы осының негізінде тұрғызылады. «Жеңдім/жеңдім» парадигмаса мінез-құлықтың үш қасиеті керек. Бүтіндік. Егер біз өзімізге құндылықтарымызды анық елестете алып, бұл құндылықтар негізінде өз әрекеттерімізді белсенді түрде ұйымдастыра алсақ, онда өзіндік сананы және тәуелсіз жігерді жетілдіре аламыз, соған қоса өз уәдемізді беріп, міндеттерімізді орындай аламыз. Жетілу. Жетілу – ержүректілік пен сақтық теңгерімі. Егер адам өз сезім және нанымын ерекше көрсете алса, бір уақытта әңгімелесушісінің сезіміне және нанымына сақтықпен қарай алса, ол адам – жетілген. Жеткіліктілік ділі. Жеткіліктілік ділі өзіндік адамгершілікті және өзіне-өзі сенімділікті сезінуден шығады. Әлемде барлығына барлық нәрсе жетеді деген парадигма.

Мотивациялық кітаптар жиынтығы www.zhanaoi.kz Оның нәтижесі абырой, мойындау, пайда, шешім қабылдаудағы құқықпен бөлісу қабілеті. Шығармашылық үшін жаңа нұсқалар, альтернатива, мүмкіндіктер ашылады. Қарым-қатынас Өзіміздің мінез-құлқымыз негізінде біз «Жеңдім/жеңдім» қағидасын тұрғызып, дамытамыз. Сенім, эмоциялық банк шоты – «Жеңдім/жеңдім» ойлауының мәні. Сенімсіз ең жақсы істейтін ісіміз – ымыраға келу; сенімсіз бір-біріміздің өзара тығыз қарым- қатынасымыз, араласу және шынайы шығармашылық үшін ашыла алмаймыз. Мәміле Қарым-қатынастан мәміле шығып, «Жеңдім/жеңдім» әдісін анықтап, бағыт береді. Кейде оларды атқарудағы мәміле немесе әріптестік жөніндег мәміле деп атайды. Жүйе «Жеңдім/жеңдім» қағидасын жүйелер қолдаған кезде ғана сақтала алады. Сіз ынталандырған нәрсені аласыз. Егер сіз өз мақсатыңызға жетуге талпынсаңыз, егер сіз өз борышыңызда өз құндылықтарыңызды көрсеткіңіз келсе, осы мақсатттар мен құндылықтарға марапаттау жүйесін қосу керек. Егер сіз бұны жүйелі түрде істемесеңіз, онда сіздің ісіңіз сөзіңізбен тарқап кетеді. Үдеріс Принциптік келіссөздердің мәнісі адамдарды проблемадан алшақтап, позицияға емес, қызығушылыққа назар аудару. Өзара пайдалы нұсқаларды жасап шығарып, объективті белгілерді орнату – екі жақ қабылдаған қағидалар. Біріншіден, мәселені басқа адамның көзімен елестетіңіз. Шынымен өзге жақтың ойын түсінуге тырысыңыз, оның қажеттіліктерін солардан жақсы көрсетіп беріңіз. Екіншіден, мәселеге қатысты міндеттерді, басты сұрақтарды табыңыз. Үшіншіден, толығымен тиімді шешімдер үшін қандай нәтиже керектігін анықтаңыз. Төртіншіден, осы нәтижеге жетудің барлық өзге мүмкіндіктерін қарастырыңыз. «Жеңдім/жеңдім» - бұл техника емес. Бұл адамдар арасындағы өзара тығыз қарым- қатынастың барлығын қамтитын парадигма. Ол бүтіндік, жетілген мінез-құлықтың және жеткіліктілік ділінің өнімі. Ол жоғарғы сенімге негізделген қарым-қатынастан өседі және мәміле кезінде орын алады. Бұл парадигма оны қолдайтын жүйелерге сүйенеді.

Мотивациялық кітаптар жиынтығы www.zhanaoi.kz Эндрью Мэтьюз: ЖЕҢІЛ ӨМІР СҮР! Эндрью Мэтьюз – австралиялық психолог және суретші, оның кітаптары ондаған елде бестселлер атағына ие болған. Жеңіл өмір сүр! Өзіңізді және өзіңіздің жұмысыңызды қалай табуға болады? Біз осы әлемге оқу үшін келдік. Ал өмір болса, бізге күн сайын сабақ береді. Ол сабақты меңгермегенше, оған қайта-қайта ораламыз! Бір тапсырманы орындаған соң, келесісіне өтеміз. Бақытсыздықтар не үшін керек? Біздің ұстазымыз – өмір. Біз сол ақпаратты қабылдай алатын кезде ғана өзіміз үшін жаңа бір нәрсені ашамыз. Қажетті сәт келмегенше, көпшілікке белгілі ақиқатты байқай алмаймыз. Көпшілігіміз басымыздан жақсы соққы алғанда бір нәрсені үйренеміз! Неліктен? Өйткені бізге еш нәрсені үйренбей-ақ жүрген ыңғайлы. Қауіпті мәселелермен жолықпағанша, күнделікті өмір сүру салтын ұстанамыз. Мысалы, денсаулықты алайық. Қашан диетаға отырып, спортпен шұғылданамыз? Дәрігер денеңізден ақау байқаған кезде: «Егер тұрмыс салтын өзгертпесеңіз, құрдымға кетесіз!» деп мәлімдегенде. Осы кезде сіздерде стимул пайда болады. Адамдар арасындағы қарым-қатынас та сондай. Жақындарымызға жақсы көретінімізді қай кезде айтамыз? Неке, отбасы ойран болуға аз қалғанда! Мектеп кездері ақылға салып, қашаннан бастап оқитынбыз? Ал бизнесте ше? Қашан жаңа бір нәрсе істеп, маңызды шешім қабылдайтынбыз? Шоттарды төлей алмаған кезімізде. Клиентпен жұмыстың сапасын қашан ойлаймыз? Бірде-бір клиент қалмаған кезде!!! Біз Құдайға жалбарына бастадық па? Демек, біздің өміріміз құлама жарға түсіп бара жатыр деген сөз. «Құдайым, саған йогуртты желдеткішке лақтырған кезден бері,

Мотивациялық кітаптар жиынтығы www.zhanaoi.kz енді ғана жалбарынып тұрғанымды білемін...» Адам лажсыз жағдайға тап болғанда ғана ең маңызды сабақтарды меңгереді. Табыстарымыз үшін қуанамыз, алайда ол бізді еш нәрсеге үйретпейді. Жеңілістер өте ауыр – ондай сабақтарды өмір бойы ұмытпаймыз. Өткенге қарап, дәл сәтсіздіктер, бақытсыздықтарымызды өмірдің шұғыл бұрылысты сәттері деп санаймыз. Белсенді адамдар, қандай да бір мәселелермен соқтығысу үшін әдейі тапсырмалар қоймайды. Ал егер қиын күн туса, олар өздерінен сұрайды: «Өмірімде нені өзгертсе болады? Қалай жақсырақ бола аламын?» Бейбақ адамдар өмір жіберген бар ескертулерді елемейді, ал шатыр бастарына түскенде таң қалады: «Неліктен бұл нәрсе менімен болды?» Біздің барлығымыз – өз әдеттеріміздің құлымыз. Дәстүрлі әрекеттерімізді күшпен ғана өзгеріске ұшыратамыз. Жаныңыздың ерінуіне жол бермеңіз Кейде өмірімізде біз түсіне бермейтін нәрселер болады: бала Даун синдромымен туылады, жас әйелді тонау барысында өлтіреді, Цунами жолындағы ауылдар мен қалаларды жуып өтеді. Біз тек сұраймыз: «Не үшін?» Адам баласына бұл құбылыстарды түсіну мүмкін болмаса да, түсіндірмені іздеп көрейік. Адам өмірінде жағдайлар қайталанып тұратынын байқап па едіңіздер? Луизаны әр жарты жыл сайын жұмыстан шығарады, Франкке қарсы әр жыл сайын сот шағымдары түседі, ал Джим әрдайым тағамдық улануға тап болады. Ал кейбір жағымсыз жағдайлар болмайды ғой! Мысалы, Джимді ешқашан жұмыстан шығармаған. Луиза сотта болмады, Франк ауруханадан жақындарына ашық хат жібермеді. Әр адам өзіне тән сабақтар алады және болып жатқан оқиғаларға үш түрлі әдіспен жауап қайтарады. Мысалы: «Менің өмірім – пайдалы және уақтылы сабақтармен кезектестірілген» (Рухани тыныштық әкелетін ең дұрыс көзқарас) «Өмір – лоторея, не болмасын одан пайда табамын» (бұл әдіс орташа өмірлік қанағаттанушылыққа жеткізеді) «Неліктен бар жамандықтар менің ғана басымнан өтеді?» (Бұл позиция көңіл қалушылыққа, қайғы-қасіретке душар етеді) Бізді жазаламайды. Бізді үйретеді. Кез-келген уақиға бізге жақсырақ болуға көмектеседі! Кез-келген уақиғаның мәнісін тауып көріңіз, сонда өміріңізде мәнді болады. Уайымдап, зар қағу: «Ай, бұл әділетсіздік!» - мүмкін болған жолдардың ең нашары. Біздің тұлғамыз – бізбен болып жатқан себептердің алғашқы себебі. Ойлар, сезімдеріміз сәйкес жағдайларды жасайды. Біз жұмыс, қарыз, қарым-қатынас жайлы сабақтарды меңгермегенше, оған қайта-қайта ораламыз. Жағдай ана немесе мына түрде қайталанатын болады. Өмір солай. Алдымен бізге ұсақ тастар ұшады – бұл ескертпе. Оны елемесек, басымызға кірпіш құлайды. Оны да назарсыз қалдырсақ – алып қойтас бізді өмірден жоқ етеді. Өзімізге өзіміз шынайы болайық, күнделікті өмірде бұндай белгілерден без-без етеміз. Сөйтіп ұятымыз барып сұраймыз: «Неліктен дәл мен?» Біздің ұстазымыз – өмір Тұңғиыққа түскен кезде ғана қазынаға қол жеткізе аламыз. Сіз шалынған жерде сіздің қоймаңыз көмілген. Сіз кіруге қорыққан жерде сіз іздеген нәрсе жасырулы.

Мотивациялық кітаптар жиынтығы www.zhanaoi.kz Өмір – шексіз қайғы-қасірет сызығы, бірақ ауыртпалық – өзіңмен жұмыс істеудің басты себебі. Бізде ауыртпалық жоқ кезде өтірік: «Менде барлығы жақсы» деп айта аламыз. Ал жағымсыз уақиға орын алғанда, мысалы, жалғыздық немесе үрей, біз осал екенімізді көрсетеміз. Сонда бетпердемізді шешеміз. Ауыртпалық бізді шынайы және байсалды етеді. Бізді тағдыр түйістіретін адамдар - біздің ұстаздар. Олар кейде адам төзгісіз болады. Сондай кездесулер арқылы өмір бізді тәрбиелейді. Ашулануды қойыңыз, адамдарға өздерін кәдімгідей ұстауына мүмкіндік беріңіз, сонда мәселе шешіледі! Қадамнан қадамға Өмірді баспалдақпен салыстыруға болады. Келесі сатыға көтерілу үшін қазір тұрған сатыны ұмытпау керекпіз. Бұл жұмыс, ақша, өзге адамдармен қарым-қатынасты да білдіреді. Әр кез орнымыздан жылжи алмағанда: «Мен әлі не нәрсені түземедім?» - деп сұрау керек. Бізді ертең не күтеді? Тағы бір сабақ, айналаңызға көз жүгіртіңіз: ол сіздің дәл касыңызда шығар! Жиі біз қандай мәселелерді шешу керектігін білеміз, алайда жүрегіміздің түбінде ол өз-өзінен ғайып болады деп сенеміз. Әлемнің жақсы көретін, ерекше бөліп қойған адамы жоқ. Бақыт пен табыс әлем жасаған заңдарға ғана байланысты емес, оны қалай қолданатыныңызға да байланысты. Әмбебеп заңдар Бұрындары рухани мұғалімдер өздерінің жазбаларында дәнді егу, суғару, жыл маусымдары, өнім және балық туралы көп айтатын, өйткені сол кездегі көпшілік адамдар ауыл шалуашылығымен және балық аулаумен айналысатын. Алайда белгілі салыстырулардың мағынасы терең. Қазіргі замандағы адамдар, оның ата-бабаларына қарағанда басқаша жағдайларда өмір сүреді. Дегенмен табиғат заңдары барлығына бірдей. Олар малшыға да, бағдарламашыға да қолданылады. Астық заңы Астық заңынан бастайық, ол былай айтылады: \"Өнім сіздің еңбегіңіздің жемісі\". Сіз жерді өңдеп, отырғызған өнімді суғарасыз, біраз уақыт өткен соң жемісін көресіз. Талпыну + сабырлылық = нәтиже Адамдар күтуді жек көреді. Олар: \"Мен бүгін астық ексем, ертең не аламын?\"- дейді, жауабы қапарайым: \"Су тиген астық\". Астық заңы былай: \"Сіз бүгін егесіз, ал өнімді СОСЫН жинайсыз!\" Бұршақты бүгін ексеңіз, өнімін төрт айдан соң жинайсыз. Адамдар өздері үшін астық еккен уақытта, бұл ережені жақсырақ түсінген болар. Алайда біздің ғасыр — тез дайындалатын кеспе уақыты. Майкл айтады: \"Егер менің жақсы жұмысым болғанда, арым үшін еңбек етер едім. Алайда мен жай ғана ыдыс-аяқ жуамын, несіне ынтамен істеймін\". Бұл мүлде

Мотивациялық кітаптар жиынтығы www.zhanaoi.kz дұрыс емес позиция! Егер сіз ең жақсы ыдыс-аяқ жуушы және өте жауапкершілігі мол адам болсаңыз, сізге сөзсіз жақсы орын ұсынады немесе өз күшіңізге деген сенімділігіңіз пайда болып, бір күні армандаған шаруаны қолға аласыз. Алдымен талпыну — сосын өнім. Бұл негізгі заң. Оны өзгертуге болмайды. Мария айтады: \"Мені жалақысы жоғары қызметке тағайындаңыз, сонда мен жұмыс орнында ұйықтамайтын боламын\". Ал Макстың сөздері: \"Маған көбірек төлеңіз, сонда жұмыстан көп сұранбаймын\". Джейн мынаған сенімді: \"Егер мен табысты түрде күйеуге шыққанда, бақытты болар едім\". Бұл кең таралған қателіктер!!! Осылай ойлайтындар, арбаны аттың алдына қойғаны. Барлық нәрсе мүмкін несиелер бізге бәрін және бірден алуға мүмкіндік беретін сияқты. Дегенмен жақын арада барлығымен есеп айырысуға тура келеді. Міне, банкке әрең-әрең еңбек ақымыздың көп бөлігін алып бара жатырмыз. Біз өзімізге өзіміз проблема жасадық, өйткені ережеге қарсы шықтық. Соңында, әрине, жеңіліске ұшырадық. Талпыныссыз және сабырсыз біз ешқашан нәтижеге қол жеткізе алмаймыз. Басқа сабақты біз бақшадан аламыз. Он екі бұршақ дәнін егіп, біз ешқашан он екі бұршақ шыққанын көре алмаймыз. Кейбір дәндер күйіп кетеді. Кейбірін жел ұшырып кетеді, бір бөлігін қоңыздар құртады. Үш-төртеуін құстар шоқып тастайды. Екі кішкентай сабақты көріп ашумен: \"Бұл әділетсіздік!\" деп айқайлаймыз. Өмір солай! Көп таныстардың ішінде санаулысы ғана дос бола алады. Жүздеген адамдардың ішінен бірнешеуі ғана тұрақты сатып алушыларымызға айналады. Қалғанын жел ұшырып кетеді немесе құстар шоқып тастайды. Нәрселердің табиғи қозғалысымен күресе алмаймыз, оларды тек түсініп, қабылдай ғана аламыз. Себеп пен салдар Егер өмір саз-батпаққа айналса, өзіміздің ойымыз бен әрекетімізді сараптамалап көрейік. Біз ешкімнен былай естімейміз: \"Мен таң атпастан тұрып, жаттығу жасаймын, жақсы оқып, адамдармен жақсы қатынаста болуға тырысамын, жұмысты бар ынта-ықыласпен істеймін — бірақ өмірімде ешқандай жақсылық болып жатқан жоқ\". Біздің өмір — қайраттылық жүйесі. Егер айналамыздан ешбір жақсылық көрмесек, бар себепті өзімізден іздеу керек. Ана не мына жағдайды өзіміз жасағанын түсінгенде, өзімізді жағдайдың құрбаны деп санамайтын боламыз. Бәлкім, таныстарынызға қарап, айтатын шығарсыз: \"Себеп пен салдар заңы қалай жүзеге асады?\". Әріптесім қызметінде жоғарылады, несімен оған лайық болды? Көршім жұбайымен бірге қырық жыл бақытты болғандығын тойлауда, ал біздің некеміз құрдымға кетіп барады. Біз өмірден сұрағанымызды аламыз. Брюс әйелдерді қымбат сыйлықтармен қызықтырады, оны ханымдар тастап кеткенде, оларға тек менің ақшам керек деп шағым айтады. Қысқаша айтсақ, шындыққа тік көзбен қарайық. Өз өткен және осы өміріңізді сараптаңыз. Себеп және салдар заңы қалай іске асатынын сезінетін шығарсыз. Ол адамдармен қарым-қатынас, кәсіби табыс және жеңілістер кезінде қалай жұмыс істейтінін бақылаңыз. Жеткен нәрсеңіздің барлығын өздеріңіз жасағандарыңызды түсінесіз. Көршілеріңіздің мазасын алмаңыз! Олардың өмірін ұғыну үшін рухани күштеріңізді жұмсаудың қажеті жоқ. Өз өміріңізді ретке келтірудің пайдасы молырақ! Ірі ұтысқа бас тігу. Қарапайым ойыннан ұтысқа жетсек, тез арада одан ірі... кейін одан бетер ірі ойынға көшеміз. Кіші сыныптан бастап оқимыз, кейін жоғарғы сыныпқа

Мотивациялық кітаптар жиынтығы www.zhanaoi.kz өтеміз. Сосын барып институтқа түсеміз. Бұл өте тиімді жүйе, оның қағидасы мынадай: «Сіз жақсы ойын көрсеткен сайын, ол ойын ірілене береді». Дэн әрең-әрең машинаға әр ай сайынғы төлемін жасайды. Жиырма жыл жұмыс істеп, ол тек сексен жеті цент жинапты. Оның айтуынша: «Менде миллион бакс болса, мен ол ақшаны тиісті жұмсай алар едім!» Дұрыс емес! Оның бүгінгі мақсаты – он долларды сақтау. Одан жүз және мың доллар келеді... арты миллионға дейін алыс емес. Кенди болса барда ән салатын әнші. Жұлдыз болуды армандайды. Ол айтады: «Маған мың адамдық аудиторияны берсе, нағыз шоудың не екенін көрсетер едім. Ал мұнда алты бақытсыз адамдардың алдында ән салғанды қаламаймын!» Алайда Кенди осы алты адам алдында, ұят үшін жұмыс істеп шыға алса, ертең олардын саны он екі, кейін жүз, бір күндері мың адамдық та аудиторияны жинап алады. Өмір үдемелі түрде алға жылжиды. Біздің алдымызда бірдей сұрақ тұрады. «БАР НӘРСЕҢІЗДІҢ ҚАНША ПАЙЫЗЫН ҚОЛДАНАСЫЗ?» «көп емес» деген жауап жақын болашақта еш нәрсе жақсы жаққа өзгермейді дегенді білдіреді. Өмір ешқандай сылтауларды қабылдамайды, ол тек еңбекті ғана марапаттайды. Қорқынышты сөз – бұл тәртіп Азынан бастаңыз – сіздің қалауыңызға қарам-қарсы болмашы нәрсені істеуден бастаңыз. Сонда сіз бар өміріңізді жаныңыз қалаған, маңызды нәрселерге арнай аласыз. Көпшілік адамдар үшін «тәртіп» деген сөз ең ұнамды сөздер тобына кірмейді. Ол дантист, диарея сөздерімен қатар тұрған шығар. Алайда өзін-өзі ұстай білушілік табыстың негізі болып табылады. Майда-шүйделердегі өзін-өзі ұстай білушілік – теледидардың орнына оқу – болашақта аңсаған армандарға жетуге көмектеседі. Сіз жақсы маман иесі болып, табысқа кенелгіңіз келеді ме? Аптасына үш рет фитнес және бассейн – міне, денсаулық пен әдемілікке бағытталған алғашқы қадамдарды аттадыңыздар. Кешкілік сенбілікте бар да қалдырып кететін ақшаның жартысын үнемдеп көріңіз – біраз уақыт өткен соң көлік сатып алу жайлы ойлана аласыз. Өзін-өзі ұстай білушілік құпиясы – асқан күш-жігерлік емес, бұның не үшін қажет екенін түсіну. Егер не үшін қарыздан құтылу керек екенін түсінсеңіз, сізге ақша үнемдеу оңай болады.

Мотивациялық кітаптар жиынтығы www.zhanaoi.kz Гарри Каспаров: ШАХМАТ ӨМІРДІҢ ҮЛГІСІ СИЯҚТЫ Каспаров Гарри Кимович – шахматшы, шахматтан 13-ші Әлем чемпионы, жастар арасындағы дүние жүзінің чемпионы (1980), халықаралық дәрежедегі гроссмейстер (1980), еңбек сіңірген спорт шебері (1985), 1982, 1983, 1985, 1986, 1987, 1988, 1989, 1990, 1991 жылдардағы шахматтан Оскар жүлдесінің иегері, гроссмейстерлер қауымдастығының президенті (1986 жылдан). Бұл кітапта Гарри Каспаров оқырмандарға шахматтық ойындарда ғана емес, күнделікті өмірде де басымдылықтарды тудырудың таңғажайып құпияларын ашады. Шеберлігі және сүйкімділігі, қызықты да, пайдалы тарихты бастан кешіргендігі ғана емес, шахматтық мансабындағы шешуші кездеріне, белгілі саясаткерлер мен бизнесмендердің тәжірибесіне сүйене келе, автор қиын жағдайлардың өзінде қалай жеңіске жету, бақталастарыңызға қалай тойтарыс беру, қатты бәсекелестік жағдайында қалай табысқа жету керектігін түсіндіреді. Сабақ Ең әсерлі білім – сені жеңе алатын бәсекелеспен шахмат ойнау Ричард Бах Әлем чемпионынан алған жеке сабағым. 1984 жылы Гарри Каспаровтың шахмат белесіне көтерілген кезі еді. Осы жылы ол Анатолий Карповпен, яғни сол кездегі әлем

Мотивациялық кітаптар жиынтығы www.zhanaoi.kz чемпионымен чемпион атағына бақталастыққа түседі. Гарри ойынды барлаусыз бастап, қандай да болсын жолмен жетекшілікті алуға тырысады, міне, осы жерде ол үлкен стратегиялық қателік жібереді. Бірінші тоғыз партияның төртеуінен ұтылады, біреуін де жеңбей (қараңыздар: екі жылда үш-ақ жеңіліс, мына жерде қатарынан төртеу). Әлемдік деңгейдегі бәсекелестікті түсінбегеннен шыққан қорытынды. Тарихта қалған ең ұзақ шахматтық партия, яғни бес айға созылды. Қатарынан жиырма екі партия бір-бірін жеңе алмады. 27-ші партияда Каспаров ұтылды, есеп 0:5. 32 және 47, 48-ші партияларды Каспаров жеңіске жетті. 1985 жылы 15 ақпанда Халықаралық Шахмат Федерациясының президенті Флоренсио Кампоманес «нәтижесіз» ойынды тоқтату жөнінде жарлық шығарды, Карпов оған өз келісімін беріп, чемпион атағын ұстап қалды. Осы матчтар барысында Каспаров баға жетпес тәжірибе алды: бес ай барысында, оның жеке тренері әлем чемпионі Карпов болды! Гарри оның стилінің қыр-сырларын ғана зерттеп қоймай, өзінің де стилінің ерекшеліктерін терең түсінетін болды. Қатесін дәл тауып, оны ойын барысында қайтадан жібермеуге, өзінің ой-пікірін басқаруға, шешім қабылдаудың үдерісін бақылауда ұстауды үйренді. Оның ары қарай әлем чемпионы болуына, Карпов үлкен септігін тигізді. Дарынды болу, тынбай еңбектену, түнге дейін жұмыс істеу жеткіліксіз. Шешім қабылдау кезінде қандай әдісті пайдаланатының маңызды. Мектеп Арман болған мақсаттарымды ойлағанда, - дейді Каспаров, - он жасар бала кезімде Ботвинник мектебіне қабылданғанымды еске түсіремін. Ботвинниктің даналығы – ол ешқашан өзінің беделімен бізді көлеңкелемейтін, өзінің стилін бізге зорлап міндеттемейтін, керісінше, бізге өзіміздің қабілетімізді дамытуға барлық жағынан көмектесетін. Ол шахматтарды күнделікті өмірде шешетін мәселелерге теңеген. Шахмат адамдардың қалай ойлайтынын көрсетеді дегенді де айтқан кісі. Барлық шахматшылар ескі партияларды шет тілдерінің сөздерін жаттағандағыдай жаттайды. Бірақ шығармашылық бастаманы бастау үшін бұл сөздік қорды қолданысқа әкелу керек. Ботвинник мектебінде, Каспаров шахматтарды зерттеуді, жаңа идеяларды табуды және олардың жетілуі үшін әр кез еңбектенуді үйренді. Адамдар және шахмат Шахмат – ол менің өмірім. Өзімді көрсете алатын, толыққанды өмірімнің әлемі. Михаиль Таль Шахматшының кейпі мен шахмат бедел-бейнесі арасындағы контрастті табу қиын. Ойын ежелден зияткерлік қызмет болып табылады. Ал ойыншы – ынтамен, тіпті аутизммен шектесетін үндемес. Шахматты тек «ойын» деп айту мазақ емес пе? Алайда, ол өнер, не ғылым емес; екеуінің арасындағы орташа нәрсе. Шахматшылар қиялға ере алатын, сонымен қатар, композиторлар, ақындар, математиктерден табандылығы және дәлдіктің шеберлігі кем түспейтін, ерекше дарынды адамдар. Шахматтық дарын шынымен бар. Оны тек өзімізден табу керекпіз.

Мотивациялық кітаптар жиынтығы www.zhanaoi.kz Спорт, өнер, ғылым Эмануил Ласкер айтқандай: «Бірінші кезекте шахмат – ол күрес». Кез-келген ойынның анықтамасы, қарсыласты жеңу емес пе? Ғылыми аспектісіне келетін болсақ, өткен ғасырдың ортасында шахматтық компьютерлер пайда болғанда, көптеген ғалымдар темір құбыжықтары ет пен терден жасалған шахматшыларды ойсырата жеңеді деп ойлаған. Алайда, жарты ғасыр өтсе де, машина және адамзат арасында шайқастар орын алуда. Шахмат ойыны барысында қате шешім қабылдасаңыз, жағдайыңыз нашарлайды, керісінше, дер кезінде дұрыс қадам жасасаңыз, жеңіске жете аласыз. Қаржы нарығы және күрес алаңы спецификалық ерекшеліктеріне қарамастан анықтамалары ұқсас. Салыстырмалы талдау әдістері бағалайтындай мұнда да табысқа жету сіз қабылдаған сапалы шешімге байланысты. Мықты менеджерді, саясаткерді, мықты шахматшыны не ерекшелейді? Әрине, іс-әрекеттің тиімділігі! Ол үшін өзіңіздің дағдыларыңызды әр кез жетілдіріп, дарыныңызды дамытып, сынақтардан қорықпай, кедергілерді жеңе білу керек. Стратегия Қалай істеу керектігін білетін адамның әр кез жұмысы болады. Ал неліктен осы жұмысты істеу керектігін білетін адам осы жұмыстың бастығы болады. Ральф Уолдо Эмерсон Мақсатсыз ойынның мәні жоқ Ойлап көріңіз, сіз шахматты бірнеше беттен тұратын оқулықтан үйрендіңіз. Нәтижесінде сіз фигураларды алғашқы позицияға қоюды, жүріс жасауды, бәсекелестің фигураларын алып қоюды үйреніп, бірақ қалай аяқтауды немесе корольге қалай мат қоюды білмейсіз. Егер сіздің түпкі мақсатыңыз жоқ болса, флангтік епті тәсілдерді, нұсқалық есептеуді білгеніңізден не пайда? Ескі шахматтық мәтелде: «Жоқ болғанша, жаман жоспардың болғаны жақсы» делінеді. Бұл әділеттілік емес, тапқырлық. Әрине жоспар керек, алайда ондағы әр шешім, әр қадам тиянақты болуы шарт. Қиын позициядағы майда-шүйделерді ескермеуден, сіз табысқа жете алмайсыз. Отыз жылдық мансабымда шахматта үлкен өзгерістер туындады. Бұрындары бәсекелесімнің стратегиясын зерттеу үшін кітаптар мен журналдарды парақтап, күн сайын отыру керек болатын, ал қазір олардың ойнаған партияларын бірнеше секундта-ақ компьютерден таба аламын. Егер бұрындары ойналған шахмат партиялары бір айдан соң журналдан көрсек, қазір онлайн режимінде, тікелей көре аламыз. Мықты гроссмейстердің көпшілігі, уақытқа қарамастан өздерінің болжамдарын стратегиялық жоспарларына негіздейді. Негізгі стратегия бар кезде позицияның сараптамасы тез әрі тиімді болады. Ал егер сіз жоспарсыз ойнасаңыз, онда шешімдеріңіз спонтанды болмақ. Бір позициядан екіншісіне ауысу арқылы, сіз тек уақытты кетіресіз, түпкі мақсатқа жету жайына қалады. Өзіңіздің стратегияңызға көшу үшін, алдымен оны құрастыру керек. Осы шақта қабылданған, болашақтаң шешімі

Мотивациялық кітаптар жиынтығы www.zhanaoi.kz Гроссмейстер анықталған мақсатқа мыңдаған нұсқаларды емес, он-он бес қадам жасау арқылы жеткісі келеді. Ол өзінің мүмкіндіктерін бағалап, мақсат қойып, қадам- қадаммен осы мақсатқа ұмтылады. Аралық мақсаттар өте маңызды – ол біздің стратегиямыздың жүзеге асуына алдын-ала жағдай жасайды. Онсыз біз үйді шатырынан бастап салып жатқанымыздай болып көрінеді. Біздің стратегимыз үшін қандай жағдайлар жақсы? Біз қандай амалды орындауымыз керек? Позицияда нені және қалай өзгерту керек? Менің интуициям және позицияға жалпы бағам арқылы мен табысқа жету үшін аралық мақсатты іздеймін. Мысалы, дұшпан королін алып қою үшін оның қорғанысының негізгі фигураларын әлсірету керекпін. Алдымен мен негізгі мақсатқа қандай қадамдар жасау керектігін түсініп, сосын шабуылды күшейтетін нақты іс-әрекеттерді жоспарлаймын. Онсыз менің жоспарым бірбеткей болып, табысқа жету мүмкіндігім азаяр еді. Бәсекелестің өрескел қатесіне сүйеніп, жеңіске ұмтылуға болмайды: бұл тек шахматта ғана емес, өмірде де жеңіліске кепілдік беретін стратегия. Жүйелілік икемділікті шығарып тастамайды Негізгі және аралық мақсаттарды орнықтыру – табысқа жетудегі алғашқы қадам. Сосын бағытты белгілеп, негізгі мақсатты көзден таса етпей, осы беталысты ұстап отыру шарт. Сіздің бәсекелесіңіз жағдайды ушықтырғанда, әдепсіз шабуылы үшін шақыруын қабылдағыңыз келеді. Бірақ ол дәл осыны күтеді, сондықтан олай етуге болмайды! Егер сіз нақты стратегияңызды таңдап алсаңыз, одан бас тартып не істейсіз? Әрине, бұл жерде салқынқандылық пен шыдам керек. Алайда осы салқынқандылық пен шыдамдылық стратегиялық ойлаудың икемділігін шығарып тастамайды. Сіз жеңіске жеткен кезде, таңдалған жоспарды ұстану оп-оңай сияқты көрінеді. Ал шын мәнінде, бұл оңай шаруа емес. Масаттануға түсіп, өзін-өзі бақылауының жоғалғаны оңай шығар. Егер сіздің эмоцияңыз стратегиялық жоспарға әсер етсе, онда ұзақ уақыттық жеңіс мүмкін емес болып табылады. Өзгенің алаңында күресе біліңіздер Қажет кезде ойынның стилін өзгерту қабілеттілігі жоқ болса онда әлем чемпионы болу мүмкін емес. Күрестен жалтарып, бөтен жерде шайқасуға тура келеді. Жаңа жерге тез бейімделу, табысқа жету үшін өте маңызды. Қарсыласты әбігерге салу мақсатында, өзіңіздің стиліңізді өзгертуіңізге болады, бірақ ол кезде «аңшының» өз қақпанына түсіп қалу қаупі тұрады. Стратегияның жиі ауысу, оның жоқтығымен пара-пар Қандай да бір өзгерістерді қабылдау үшін олардың мақсаттылығын анықтау жөн. Жеңіліс – сізді қажет емес нәрселерді өзгертуге алып келуі мүмкін, ал жеңіс – сіз, тіпті, қиын жағдайда тұрсаңыз да, бәрі жақсы екеніндігіне нандырады. Жеңіс кезінде жағдайды жеңіліске қарағанда егжей-тегжей қарастырмайды. Оны сәттілікке емес, жеке бастың артықшылығына балайды. Бірақ шектен тыс өзін-өзіне сенушілік қателіктер тудырады. Егер сіз стратегияңызды қате немесе құртатын санап, әрбір жеңіліс сайын ауыстырсаңыз, онда сіздің стратегияңыздың жоқ болғаны. Өзгерістерді жағдайдың үшығуы кезінде енгізуге болады. Кез-келген жоспар жүйелі және икемді болуы шарт. Стратег өзінің

Мотивациялық кітаптар жиынтығы www.zhanaoi.kz стратегиясына толық сеніп, онымен бірге бет алуы керек. Қажет кезде ғана өзгертуді енгізуіне болады. Бұндай өзгерістерді жете ойлап, берік түрде жүзеге асыру қажет. Стратегия және тактика Тактика - бір нәрсе істеуге мүмкіндік болғанда, не істеу керектігін білу. Стратегия – бір нәрсе істеуге мүмкіндік жоқ болғанда, не істеу керектігін білу. Савелий Тартаковер Қозғалыста болу Дұрыс қадам басу үшін не нәрсеге талпынатынымызды білу қажет. Шахматтағы мақсат өте анық: дұшпан короліне мат қою. Осыған талпыну барысында ойынның стратегия мен тактикасын анықтап, жоспар құрамыз. Стратегиялық жоспар құру кезінде тактикалық мүмкіндіктерді қолданамыз. Бірақ стратегия мен тактика сөздері синоним емес. Егер стратегия абстрактілі және қашық мақсаттарда негізделсе, тактика анық және мезеттік, тиімді шешімдерді іздеуге негізделеді. Тактика – қауіп-қатердің бағасына және олардан қорғануға байланысты. Тактикалық мүмкіндік сізді кез-келген уақытта құтқара алады. Сіздің бәсекелесіңіз мүлт кеткен кезде, аяқ-астынан ұтатын тактика пайда болып, ол мақсаттың жетуіне қызмет етеді. Футболда да солай: айла-тұзақ, түрлі амалдар құра алатын, тәжірибелі ойыншы қарсылас қақпашысының сырғып кеткенін көріп, бос қақпаға соққы жасайды. Бұл нағыз тактикалық шешім. Стратегия тактиканы бағыттау керек. Біз тәжірибемізге және сараптамамызға сүйене келе, шешім қабылдаймыз. Сондықтан осы үдерісті нақтылап, оны жетілдіру керек. Дегенмен, кездейсоқ тактикалық операциялар стратегиялық мақсатты шет жаққа шығарып тастамауын қадағалау жөн. Сонымен, стратегия мақсатқа жетуге арналса, онда тактика... осы стратегияны жүзеге асыруға бағытталады. Нақты және аралық мақсаттар бар болғанда, олардың шешімі үшін тактикалық әдістерді қолдануға болады. Оны жиі істеген сайын қолымыздан жақсы келеді: біздің стратегиялық мақсаттарымыз тактикалық ойлауға қосылып кетеді, әсерлер жылдамырақ болып, сонымен бірге нақтылана түседі. Ал табысқа жету үшін жылдамдық маңызды нәрсе. Цейтноттың өте қиын шеңбері Стратегтің қас жауы – сағат тілі. Уақыттың жетіспеушілігі – шахматта бұл цейтнот деп аталады – бізді таза рефлексте тұрғызылған тактикалық ойынға лақтырады. Позицияның нақты есебіне және бағалауына уақыт жетіспеген кезде біздің стратегиялық елесіміз эмоция және түйсікпен тұманданады. Бұл жерде жетілген интуиция да көмектесе алмай қалуы мүмкін. Пабло Пикассоның қатты айтқан сөздері бар еді: «компьютерлер пайдасыз нәрсе, өйткені олар тек жауап қайтарады». Негізгі мағынаға ие болу үшін мағыналы сұрақтар қою керек! Дұрыс сұрақтарды іздеу және тұжырымдау – сіздің стратегияңыздың орындалуына кепілдік болатын табыс. Ақпараттың тасқыны сіздің стратегиялық елесіңізді сандармен, майда-шүйделермен, есеппен, сараптамамен жуып салады. Нағыз тактикашы болуды

Мотивациялық кітаптар жиынтығы www.zhanaoi.kz қаласаңыз өзіңіздің арсеналыңызда, бір жағынан, стратегиялық көру, екінші жағынан – аналитикалық ойлау болу керек. Болжам және интуиция Мен тек бір қадам алға жүруді көремін, бірақ бұл әр кез дұрыс қадам. Хосе Рауль Капабланка Бізге мақсаттарды алыстан көретін қабілет керек, ол интуиция деп аталады. Анри Пуанкаре Ауа райын болжау сияқты сіз қаншалықты алдыға болжағыңыз келсе, сіздің болжамыңыз соншалықты нақты емес болады. Болуы мүмкін нәрселердің саны өсе берген сайын есептеу үшін күш те, уақыт та көп кетеді. Үдеріске кездейсоқтылық факторлары және белгісіздіктер араласып, нәтижесі сенімсіз болады. Сараптама сіздің тәжірибеңізге және интуиция сезіміңізге тәуелсіз маңызды мағынаға ие. Сен де тексер!!! Өйткені сіздің интуицияңызға қайшы келетін сценарийлер табылып қалуы мүмкін. Түйсік сезім мен интуиция көптеген шешімдерді қабылдаудың негізінде жатыр, әсіресе, біздің өмірімізді толтыратын мезетті шешімдерді қабылдауда. Біз жұмысқа бара жатқанда ана жаққа, мына жаққа басымызды неліктен бұратынымызды түсінбейміз, бұл жай ғана әдет. Ал шахматшы үш жүріс жасап-ақ қарапайым матты лезде байқай алады, тіпті бұндай позицияда ешқашан болып көрмесе де. Бұл кезде ол өзінің кәсіби дағдысын пайдаланады. Біз жиі шартты сызылған сызбаға немесе біздің дем алу үдерісімізді басқаратын ағзаның автономды жүйке жүйесіне сүйенеміз. Ал мұнда шартты және шартсыз рефлекстер жұмыс істейді. Бірақ рефлекс, әдеттер, дағдылар — бұл әлі интуиция емес. Жүріп-тұрудың шартты сызбалары уақыт үнемдеп, стандартты жағдайларда кемшіліктері болады. Қиын мәселелерді шешу барысында осы сызбаларға сүйенген кезде мәселе сонда ғана туындай бастайды. Бұл шығармашылық қабілетті тұншықтырып, “әмбебап” амалдарды қолдануға апарады, яғни кез-келген проблеманы бірдей сызбамен және рәсіммен шешуге тырысу. Өмірде ережелер шахматтағыдай оңай емес. Біздің шешіміміз салдары қандай болатынын біле бермейміз. Кейде жағдай анық, кейде тек интуицияға сену қалады. Шешіміміз бұрыс болса, жағдайды түзете аламыз ба деп өзіңізден әр кез сұрау керексіз. Іс насырға шапса, бізде таңдау қалады ма? Басқа жолдары бар ма? Бұндай тәсіл бізден байсалдылықты талап етеді. Көптеген сәтсіз шешімдер, оларға артылған жауапкершіліктен тезірек құтылу нәтижесінде пайда болған. Асығыстың салдары болып табылады. Егер дәл қазір қабылданған шешімдеріңіз пайда әкелмесе, оны шетке ығыстырудан ұтылмайсыз. Уақытты сапаның жақсаруына, жаңа ақпаратты жинауға және басқа нұсқаларды ойлауға жұмсаңыз. Маргарет Тетчер айтқандай: “Саясатта мен бір нәрсені ұқтым: сіздер оны істеуге мәжбүр болмағанша, шешім қабылдамайсыздар”. Дарын Нақты ой біткен шекарада шахмат данышпаны басталады.

Мотивациялық кітаптар жиынтығы www.zhanaoi.kz Борис Демчинский Қабілеттілік Өмірде әрбір адамға сәттілік серік болмайды. Бірақ адам уақытында болашақ мамандығын, әуестігін танып білсе, көп нәрсеге жете алады. Жылдар өткен сайын өз қабілетімізді сынан өткізгенді жақтырмаймыз, ал жаңа дарынды табу үшін ол міндетті түрде керек. Тәжирибе жүргізу және өз мүмкіндіктеріңізді кеңейтуден қорықпаңыз. Тәжірибе адам өміріндегі маңызды іс, өйткені кез-келген қызмет түрі табиғи қасиеттердің бірқатар жиынтығы бар болуын болжайды. Менеджмент болсын, әскери іс болсын, ғылым немесе саясат – әр кез қажетті қасиеттер және дағдылар жүйе жиынтығын анықтауға болады. Табиғи қасиеттің ең маңыздылары – есте сақтау және қиялдау. Есте сақтау және дарын Ми уақыт бойынша жаңа ғана болған және бұрын болған естеліктерді әр түрлі «ұяшықтарда» сақтайды. Шахматшы жақсы есте сақтау қабілетінің иесі болуы керек. Алайда не нәрсені есінде жақсы сақтаған жөн, оны білу қиын. Ойынның суретін бе? Нұсқаларды ма? Тақтайшадағы позициялардың ойша бейнесін бе? Дұрыс жауап – «жоғарыда аталғандардың барлығы» бір уақытта. Чемпиондардың жетістігі өз ісін сын көзбен қадағалай алуында. Егер сіз офиста жұмыс істесеңіз, өзін-өзі сараптамадан өткізудің басымдығы аз. Тіпті, жетекшілік ететін қызметтермен айналысатын адамдар тағы бір өткен күнді қанағат етеді. Олардың көпшілігі, жұмыс аяқталғаннан соң дем алып, босаңсу керек, өз-өзіңді тексерудің қажеті жоқ дейді. Алайда, олар ертеңгі күн үшін қандай ғибрат алуды ойласа, олардың өмірі әлдеқайда толыққанды болушы еді. Қиял әдет сияқты Қиял – шам емес, батырманы басу арқылы өшіріп, не қоса алмаймыз. Қиял әдетке айналлу үшін оны мараптаттап отыру қажет. Өз шабытына үндеуді әр кім, әр қалай жүзеге асырады. Шыны керек, кейде мен де әдеттерімнің құлымын. Олардан құтылу үшін талай күшімді сарп етемін. Қиялға қосымша қуат беретін шешімдер, бәсекелесті есеңгіретіп, оны қателік істеуге итермелейді. «Ал егер...?» ерекше ойлау Шығармашылық ойлай алмау қабілеті өмірдегі, жұмыстағы өзін-өзі шектеумен байланысты. «Ал, егер...?» сұрағы «неліктен олай етпеске» деген сұраққа әкеп соғады. Осы сәтте күш-қайрат жинап, неліктен олай етпеске дегенді анықтау керек. Шешім қабылдайтын кезде сіз өз қиялыңызға ырық беріңіз. Сіз мәселе шешімінің жаңа әдістерін табасыз, егер оларды іздемесеңіз, оны қолданып көруге батылдығыңыз жетпейді. Мәселені шешудің жаңа, тиімді әдістерін іздеуге тырысыңыз. Дайындық Ойынға дайындалған сияқты шахматшының турнирге дайындалуы ұлы өнер.

Мотивациялық кітаптар жиынтығы www.zhanaoi.kz Рудольф Шпильман Өз дарынына тынбай еңбекті қосатын адамдар жоғары жетістіктерге жетеді. Баскетболшы Майкл Джордан секіру кезінде өзінің нақты лақтыруымен және атлетизмімін атақты болған, бірақ ол жаттығуға бәрінен бірінші келіп, соңғы кететінін біреу білсе, біреу білмейді. Джорданның еңбекқорлығы және қатал тәртібі оның дарынының ажырамас бөлігіне жатпайды. Күннен-күнге өз мүмкіндіктеріңізді мүмкінкіндігінше жоғары деңгейге жеткізу қабілеті физикалық қабілетке қарағанда байқала бермейді, бірақ Джордан бұл қабілетпен туған және оны өз бойында әр кез тәрбиелеумен болды. Сізге қандай мотивтер мотивация сыйлайды және әдеттегіден тыс тағы бір қадам жасауға не нәрсе күш беретінін түсінген маңызды. Мен үшін ол – режимді ұстану. Мен өз бағдарламамнан ерекшелік жасамаймын, мен жұмыс күйімді жоғалтпаймын. Тонуста болу үшін маған жаңа тапсырмалар мен жаңа сынаулар керек. Бір нәрсе қайталанып немесе қарапайымдала бастаса, мен өз қайраттылығыма жаңа қосымша бағдарлама табуға тырысамын. Дайындық өз орнын толтырады Томас Эдисонның зияткерлік күшін бәрі бағалайды, бірақ оның дарындылығы тәжірибеге деген ынтазарлығында еді, әрине, әр кез табысты болмаса да. Эдисон кез- келген шығармашылық түрінің мәселесін былай айтқан: «Біз мүмкіндікті мына себеп үшін жібереміз: ол жұмыс киімін киіп алған, жұмыс – киім сияқты». Біз бәрін жақсы білеміз, бірақ өз кемшіліктерімізді жеңе алатын күшіміз жоқ. Біз бақандай бір сағатымызды телефонмен әңгімелесу үшін жұмсағанша, қыдыруға бармағанымыз үшін өзімізді ұрсамыз. Бірақ бұның бәрі бос сөз, жұмыс іске асырылмай қала береді. Материал, уақыт, сапа Балаға қарағанда, үлкен кісіге шет тілін үйрену қиынға соғады. Жаңа тіл ортасына түссекте, бала кезімізде ана тілімізді жаттағандай, жаттай алмаймыз. Шешім қабылдау үдерісінің кемелденуі біздің ана тілімізбен тумалас. Бұрындары ойланбай жүзеге асқан, маңызды әрекеттердің себептерін түсіну керекпіз. Аяқ басуды енді үйренген сәттен бастап-ақ, біз таңдау жасап, шешім қабылдауымыз қажет. Жылдар өте келе бізде стандартты реакцялар мен әдістер жиынтығы қалыптасып, оларды ойланбастан қабылдаймыз. Материал — басты элемент Біздің арамызда кейбіріміз халықаралық корпорация немесе жалпы ұлттық институттарды басқаратын шығар. Соған қоса, тіпті күнделікті, қарапайым шешімдердің сапасын арттыру керек. Мен үшін шахмат — бұл тіл, ана тілім болмаса да, бала кезден тұңғиыққа бату әдісін меңгерген тіл. Шахматтық позицияны бағалау жақсы жүріспен есептелмейді. Бұл екеуі екі бөлек нәрсе. Жасалған жүріс — алдымен құру және түсінуді талап ететін, теңдеуді шешу нәтижесі. Біз әрекеттегі факторларды белгілейміз, олардың әр қайсысының салымағын бағалаймыз, олардың арасындағы теңгерімсіздікті анықтаймыз, содан кейін ғана позицияның жалпы бағасын береміз. Позицияны бағалаудағы негізгі

Мотивациялық кітаптар жиынтығы www.zhanaoi.kz элемент материал болып табылады. Тақтайшаға қарап, біз бірінші кезекте фигураларды санаймыз: пешкалар қаншау, ат, піл, ладья нешеу? Кімде материал көп — менде ме, әлде қарсыласымда ма? Әр фигураның құндылығы бар, бұл кімнің көшбасшылық еткенін анықтап береді. Құндылық эквивалентіне сәйкес, ат пен піл үш пешкаға татиды, ладья — бес, ферзь — тоғыз, ал корольдың құны баға жетпес! Өмір материалды құндылықтармен өлшенбейтінін түсіну үшін үлкен тәжірибенің қажеті жоқ. Шахматта бұл баға жетпес сабақты материалды басымдыққа қарамастан мат алғанда түсінесіздер. Корольдің абсолютті құндылығы барлық фигураның жалпы салмағынан басым түсіп, сіздер бір шынайылықты түсінесіздер: материал — бұл барлығы емес! Достарымыз, әріптестеріміз, отбасы мүшелері жаман әдеттерімізді бізге қарағанда, жақсы біледі. Кейде бұл психикалық бұлтарыстарды білу — таңғаларлық жағдай. Сіздердің шешім қабылдау барысындағы жалған сенім және жеке қалауларыңыз, сіздер оларды түсініп, құтылуға әрекет еткеннен соң, тигізетін зардабы азаяды. Зардапсыз әдеттерді жалған сенімнен ажырата білу ғана болып жатқан жағдайдарды бағалау кезінде объективтілікті сақтауға көмектеседі. Уақыт — ақша Сағат бойынша төленетін жұмыста істейтін адамдар уақыт бағаға ие екендігін түсінеді. Материал, яғни ақша сағат және минутпен есептелетін еңбекке айырбасталады. Бұл сағат бойынша өлшенетін қарапайым уақыт, бұдан бөлек шахмат \"тақтасындағы уақыт\" бар, ол жүріс санымен өлшенеді. Шахматшылар сағат тықылдауымен шектелген уақыт ішінде белгілі жүріс санымен ойнайды. Шахмат ойыны шынайы уақытта емес, қадамдық режимде жүзеге асырылады. Қолбасшы уақыт жайлы шахматшы сияқты ойлайды, алайда шынайы өмірде жағдай серпіндірек. Сіздің және қарсыласыңыздың жүріс сандары шексіз. Уақытқа байланысты басымдылық шапшаң бұлтарыс немесе қысқа жолды таңдаумен іске асырылмайды. Уақытты материалды нәрселерге айырбастауға немесе сатып алуға болады. Бағалау позиция элементін, яғни материал мен \"тақтадағы уақытты\" дұрыс пайдалану және түсіну үшін тағы бір қосымша элемент енгізу керек, ол — сапа. Шахматта біз \"жаман\" ат немесе мықты пешка деп айтамыз — бұл шын мәнісінде дұрыс, өйткені фигураның нақты құндылығы оның сапасын анықтайды. Ержүректік құтқарады Жаңашыл болып, алдыңғы шекте қалу үшін айналамыздағы өзгерістер мен ашылымдарды бақылап отыру керек. Көбіне бұл бақылаулар өзге саладағы ашылымдарға алып келеді. Жаңашыл идеялар топ болып пайда болады, бұл сәйкестік емес. Біз тенденциядан пайда тауып, дамудың жеке бағытын таңдағымыз келсе, оларды бақылауға міндеттіміз. Догмалық ойлаудан құтылуды іске асыруға қарағанда жариялаған оңай. Психосарапшы Эрик Фроммның сөздері бойынша «ескертуден құтылу үшін шығармашылық ержүректілікті талап етеді». Біз білімімізді аялап, оған арқа сүйеп, оны мақтан тұтамыз. Ерекше ойлау мен мәселелерді ерекше шешу таныс нәрседен бас тарту емес, мүмкін нәрсенің шегін кеңейтуді талап етеді, ол заттарды басқа үмітпен қарау үшін керек. Жаңа нәрсені іздеуде шабыттанып, өткеннің мұқият бағасының маңызын ұмытпаған жөн. Таныс құбылысты толығымен меңгергеннен соң, батыл түрде алдыға қадам жасап, жалпы көрініске көз жүгіртсе болады. Осы жақтан жаңа жолдарды көріп,

Мотивациялық кітаптар жиынтығы www.zhanaoi.kz жаңа үйлестікті жасай аламыз. Сонда бұрындары беймәлім болған мүмкіншілік ашылады, бұрынғы білім жаңарған мағынаға ие болады, жаңашылдық ерекшелік емес, нормаға айналады. Шахмат тарихының өз дәуірі мен мектептері бар. Әдетте олар көрнекті бір немесе бірнеше шахматшылардың атымен байланысты. Мысалы, ХІХ аяғында Стейниц позициялық ойынның мектебін құрып, жаңа дәуірді ашты, ал алдыңғы жылдың 20-шы жылдары «гипержаңашылдық» атты шахматтық ойлар – дәуірлік рөлді ойнады. Гипержаңашылдық тірегінің бірі ұлы теорияшыл және беделділерді құлатушы Арон Нимцович болды. Ол Стейнцтің қағидалар әрекетін кеңейтіп, анықтады, толығымен жаңашыл идеялар тізбегінің базасын шығарды, ал бастысы – партияның басында пешкалар тақтайшаның орталығын алып, ұстап тұру керек деген өзекті Стейництік қағидаға күмән келтірді. Арон Нимцович пешкалық сапты жылжытпай-ақ, орталық алаңды алыстан шабуылдауға болатынын дәлелдеді. «Орталықты иемденуді орталыққа фигуралық қысым келтіру алмастыра алады!» - Нимцовичтің бұл тезисі гипержаңашылдықтың ең маңызды тасына айналды. Өзінің тәлімін Стейництің ізбасары Тарраштың кейбір догмаларын өткір сынау түрінде баяндады. «Бүлікші» мен «догматиктің» арасындағы ауызша, идеялық және шахматтық күрес он жылдарға созылды. Тарраш Нимцовичтің дебюттік жүрісін «сұрықсыз» деді, ал Нимцович жауап ретінде «шахматтық жүрістің әдемілігі оның түрінде емес, оның арғы жағында тұрған ойында» дейтін. Оның «Менің жүйем» және «Менің тәжірибедегі жүйем» атты оқулықтары баяғыдан классикаға айналды, қазір де ұдайы шығып тұрады. Оның көптеген ойлап табуларының ішіндегі ең ғаламаттары – Нимцовичтің қорғанысы және жаңаүнділік қорғаныс – атақты дебюттар қатарында қала бермек. Гипержаңашылдықтың жақтасы және дәріптеушісі, осы терминді өзі ойлап тапқан, Савелий Тартаковер гроссмейсер болды. Ол «Ультрақазіргі заманғы шахматтық партия» еңбегінің және көптеген шахматтық афоризмдердің авторы (үмітсіз позияция кезінде жауынгер рухын берік етуге көмектесетін оның өшпес фразасын қараңыздар «Әлі ешкім партияны өткізіп беріп, жеңіске жетпеген»). Оның өмірі қызық өтті, көп саяхаттап, көп жазды. Оның ойлап табуының қатарына нью-йорктік зоопаркті аралағаннан кейін «орангутанг дебюті» деп атаған дәстүрлі емес қанаттық бастауы. Тартаковер Парижде тұрды, алайда поляк азаматтығын иеленді және 30-шы жылдардағы олимпиадаларда Польшаның мықты командасын басқарды, бірақ поляк тілінде сөйлей алмайтын. Екінші дүние жүзілік соғыс кезінде француз қарсыластарының алдыңғы шебінде шайқасты, ал кейін екінші Отаны – Франция атынан шығатын болды. Тартаковер шахматтық тақтайшада келешегі жоқ жүйелерді қолдану арқылы тәжірибе жүргізетін: дәстүрлі құндылықтарға күмәндану гипержаңашылдардың бойындағы ерекше сипат болатын. Осыған ұқсас ағымдар өнерде де байқалады: көркем сурет өнерінде алдыңғы шетке Пабло Пикассо және Марсель Дюшан сияқты суреткер-тәжірибешілер бекерден бекер шықпады. Үшінші «Революциялық жаңа мектептің көсемі», атақты чех гроссмейстері Рихард Рети. Ол ерекше әдіс арқылы 20-шы жылдардың басында жоғарғы деңгейдегі тиімді жеңістермен барлығын таңғалдырды – бұл қанаттық бастау теорияға «Рети дебюті» аттымен кірді. 1924 жылы Рети сегіз жыл жеңіліске ұшырап көрмеген Капабланканы жеңді, бұл батырлықты өзінің басты дебютімен іске асырды! Ол гипержаңашылдықтың идеяларын жеке үлгісінің ажырамас бөлігі ретінде жасады және оларды өзінің атақты «Шахматтағы жаңа идеялар» кітабында көрсетті. Рети шахматтық тапсырмалар мен

Мотивациялық кітаптар жиынтығы www.zhanaoi.kz этюдты құраушы болатын, олардың көбісі ойын тарихында ең үздік болып табылады. Ерекше дарынды шахматшының мезгілсіз қазасы ғана жүрек қынжылтады. Ұлы тұлға болып туылу керек пе, әлде ондай болуға болады ма? Юдит Полгардың әлемдік шахмат элитасына кіруі – ғажап тарихтың бір ғана көрінісі. Оның екі әпкесі Жужа мен София да шахматты керемет ойнайды. Ең үлкені Жужа «әйел» әлем чемпионы ғана емес, үнемі мықты «ерлер» жарысында ойнап, гроссмейстердің «ерлер» атағын алған алғашқы әйел. Ортаншы әпкесі де София «ерлер» жарысында жақсы ойнайтын. 14 жасында 9-дан 8,5 ұпай жинап, Римдегі жарыс кезінде тарихтағы ең ғажап нәтижеге жетіп, ең атақты гроссмейсерлерді күйретті. Шахматшылардың әкесі Ласло Полгар «дарындыларды жасауға болады» деген теорияны дәлелдеу үшін қыздарына үйде білім берді. Тәжірибе шахмат саласында қойылды, оның нәтижесімен келіспеуге болмайды. Айбындылық табиғатына қатысты сұрақ – ол болмыстан ба, жүре болған ба – әр кез қызықты пікірталас тақырыбы болатын. Өмір бойы шахматқа қабілеттілік көрсеткен әйелдерді табиғаттың күлкісіне балады. Алайда дәстүрлі әйелдер шахматы бар болған кеңестік Грузия шахматшы қыздардың саңлақтарын берді. 70-80-ші жылдардағы ерлер халықаралық жарыстарына жол салған әлем чемпиондары Нона Гаприндашвила және Майя Чибурданидзе болды. Шынымды айтсам, журналистер менен мықты шахматшылар арасында неге әйелдер аз деп сұрағанда әдіптілік танытпайтынмын. Әрине, маған кейбір жауаптарымды биязы етіп құрастыру керек еді, дегенмен, бұл сұраққа қатысты менің ойым әлі де өзгермеген. Физиология, психология, білім беру болсын, шындық әйелдердің кейбірінде ғана жоғарғы деңгейдегі шахматшыға қажет қажымас мақсаттылық пен ержүрек рух бар. Бұл қасиеттер басынан-ақ шахматқа қызығушылық тануту үшін керек. Басқа жағынан әйелдер өз қайраттылығын қолданудың тиімді әдісін табатынына ешкім күмән келтірмейді! Барлық тақтайшаны көру керек Шахмат тақтайшасының үзіндісіне қарап, ойынның жағдайын жалпы түрде бағалауға тырысып көріңіз. Табысқа жету үшін – тіпті, жай ғана мақсаттарды анықтау үшін – сіз барлық тақтайшаны көре алу керексіз. Біз біртұтас стратегиялық көріну туралы айтқанда, біз көріністі толығымен жаулап алу, дәл қазір біз үшін проблемалық аймақта орын алған жағдайды көре алу қабілеті, жалпы көріністі көре алуды меңзейміз.

Мотивациялық кітаптар жиынтығы www.zhanaoi.kz Робин Шарма: ӨМІРДІҢ 200 САБАҒЫ Робин Шарма – канадалық жазушы, Солтүстік Америкадағы мотивация, көшбасшылық, жеке бастың дамуы жөніндегі ең әйгілі маман. 1. Аз ұйықтаңыз. Бұл өміріңізді одан бетер толық және өнімді етеді. Көпшілік адамдарға 6 сағаттық ұйқы жетеді. 21 күн ішінде бір сағатқа ерте тұруға тырысыңыз, ақыры бұл әдетке айналады. Есіңізде болсын: ұйқының сағаты емес, сапасы маңызды. 2. Таңертең бір сағатыңызды жеке бас дамуына бөліңіз. Бүгінгі күніңізді көзге елестетіңіз, шабыттандыратын мәтіндерді, мотивациялық жазбаларды немесе ұлы кітаптарды оқыңыз. Әрбір тыныш уақытты барынша тиімді пайдаланып, бүгінгі қарбалас кезеңге дайындалыңыз. Аптасына бір рет күннің шығуын немесе батуын бақылаңыз, таза ауада серуендеңіз. 3. Майда-шүйде емес, маңызды нәрселерге көңіл бөліңіз. Өзіңізден мынаны сұраңыз:«Мен өз уақытымды және қайраттылығымды барынша тиімді пайдаланып жүрмін бе?»Уақытты басқару – өмірді басқару, сондықтан өзіңіздің уақытыңыздың тиімсіз жұмсалуына немқұрайлы қарамаңыз.

Мотивациялық кітаптар жиынтығы www.zhanaoi.kz 4. Ойыңызды өмірдің тек жақсы элементтерін жию үшін резеңке бауы атты әдісті қолданыңыз. Білегіңізге резеңке бауын тағып алыңыз. Басыңызға жаман ойлар келгенде, қолыңыздағы резеңкенң тартып қалыңыз. Сіздің миыңыз жаман ойды ауыртпалық ретінде қабылдап, жақын арада ойдың жақсы қоймасы қалыптасады. 5. Әрқашан телефон қоңырауына ерекше ынтамен жауап беріп, сол арқылы қоңырау шалушыға құрмет көрсете аласыз. Телефонда жақсы жауап беру өте маңызды. 6. Күні бойы біздің ойымызды жақсы идеялар мен шабыттар аралайды. Өзіңіздің ойларыңызды жазып қою үшін, әмияныңызға карточкалар және қалам салып қоюды ұмытпаңыз. Үйге келгенде, осы карточкаларды көрінетін жерге қойып, қарап шығыңыз. Оливер Уэнделл Холмс айтқандай: «жаңа идеялар кезінде үлкейген адамның ақылы ешқашан бұрынғы көлеміне оралмайды». 7. Жексенбілік кешті өзіңізге арнаңыз және бұл әдетті қатаң ұстаныңыз. Осы уақытты келер аптаны жоспарлау, күтілетін кездесулерді елестету, осы кездесулерде не мақсатқа жеткіңіз келетінін ойлану, жаңа мәліметтер мен кітаптарды оқу, баяу музыканы тыңдап, тынығу үшін арнаңыз. Бұл уақыт келесі аптада жинақы, мотивацияланған және тиімді болуыңызға көмегін тигізеді. 8. Мына қағиданы есте сақтаңыз: өміріңіздің сапасы – бұл қарым-қатынасыңыздың сапасы. Ол деген достарыңызбен, ең бастысы өзіңізбен қарым-қатынас. Егер сіз пайдалы нәрселер іздесеңіз, онда оған жетесіз. Бұл табиғаттың заңдылығы. 9. Нәтижеге емес, мақсатқа назар аударыңыз. Кез-келген істі ұнағаны, біреуге көмек беретіні үшін істеңіз. Ақша, бедел үшін емес. Олар өздері-ақ келеді. 10. Күнде айнаның алдында 5 минут күліңіз. Осылай Стив Мартин істейтін. Күлкі мүшеңіздегі көптеген пайдалы элементтерді іске қосады. Сонымен қатар күлкі ағзаға теңгерімділік қалпын қайтарады. Күлкітерапия көптеген дерттерді емдеп, өмірлік проблемалардан құтқарады. Төрт жастағы бала күніне шамамен 400 рет күлсе, ересек адам 15 рет қана күледі екен. 11. Кешкісін кітап оқығанда, шырақ жағып қойыңыз. Бұл денені босаңсытып, керемет атмосфера қалыптастырады. Үйіңізді әлемнен ажыраған оазиске айналдырыңыз. Оны жақсы достармен, кітаптармен, музыкамен толтырыңыз. 12. Концентрацияңызды жақсарту үшін қадамдарыңызды санаңыз. Бұл өте тиімді әдіс. Кіре берісте 6 қадам жасап, келесі алтауына дейін дем алмаңыз. Келесі алты қадамда дем алыңыз. Осы жаттығудан кейін өзіңізді жақсы, жинақы сезінесіз. 13. Тиімді медитациялауды үйреніңіз. Ақыл табиғатынан бір тақырыптан екіншісіне ауыса беретін дулы машина. Бір нәрсеге жеткіңіз келсе, өз ақылыңызды тәртіпке салу керек. Таңертең және кешке 20 минуттан медитация жүргізіңіз, нәтижесі таңғажайып болмақ.

Мотивациялық кітаптар жиынтығы www.zhanaoi.kz 14. Байсалды болыңыз. Адам, орташа есеппен, айына 30 минуттан кем тыныштықта болады екен. Күніне 10 минут тыныш отырып, одан ләззат алуды бастаңыз. Жай ғана сізге өміріңізде не нәрсе маңызды екенін ойлап отырыңыз. Үнсіздік алтынмен тең. 15. Өзін-өзі билеушілік қасиетін дамытыңыз. Сіздің ақылыңыз бұлшық ет сияқты, мықтырақ болу үшін алдымен оны жаттықтырып, кейін алдыға итересіз. Қарныңыз ашып тұрса, тамақтануға дейін тағы бір сағат шыдаңыз. Егер есеппен басыңыз қатып, ақылыңыз жаңа бір журналды оқығысы келсе, оны ауыздықтаңыз. Кейіннен сіз сағаттап берілген шаруаға назар сала аласыз. Аз сөйлеп, көп тыңдау арқылы да өз-өзіңізді билейтін қасиетке ие бола аласыз. Өсек айтуды қойып, өмірге тек қуанышпен қараңыз. 16. Күні бойы көтеріңкі көңіл-күйді сақтаңыз. Бұл пайдалы ғана емес, керемет атмосфераны қалыптастырады. 17. Уақытыңызды басқарып үйреніңіз. Бір аптада 168 сағат бар. Алға қойылған асқақ мақсаттарыңызға жету үшін жеткілікті. Өз уақытыңызды жүйелі үлестіріңіз. Күнді жоспарлау үшін таңертең бірнеше минут жеткілікті. Маңызды істерді бірінші кезекке қою шарт. 18. Сіздің қайраттылығыңызды жаман көңіл-күймен, наразылық айтумен жұқартатын адамдардан сақтаныңыз, керісінше, бірдеңе үйрене алатын жинақы, жақсы адамдармен қарым-қатынаста болыңыз. Өмірде әр кез жетіліп, жақсы нәтижеге ұмтылатындармен сөйлесу арқылы алдыңызға қойған мақсаттарға жету барысында көптеген жолсерік таба аласыз. 19. Cіздер осы әлемде уақытша ғана өмір сүресіз. Онда өміріңізді жақсы тәжірибе қалдыру үшін жұмыс істеуге арнаған дұрыс қой? Неге өзіңізді әлемге жақсы мирас қалдыру үшін арнамасқа? Отырып, сізде бар нәрселер тізімін жасаңыздар. Отбасыңыздың денсаулығынан бастаңыз. Қай елде тұрып, қандай тамақ жейтініңізді жазыңыз. 50 пункт жазбағанша тоқтамаңыз. Аптасына бір рет бұл тізімге қараңыз, өзіңіздің қаншалықты бай екеніңізді көресіз. 20. Өмірде борышыңыз болу керек. Бұл қандай жолмен жүріп, өмірдің соңында қай жақта болғыңыз келетінін анықтайтын қағидалар жиынтығы. Өміріңізді басқаратын және ойыңызды жинақтайтын, айына бір рет 5-10 қағида жазу үшін бірнеше сағатыңызды бөліңіз. 21. Сіздің рұқсатыңызсыз сізді ешкім ренжітіп балағаттай алмайды. Табысқа жетуде алтын кілттерінің бірі – алдыңызда көлденең жататын жағдайды түсіндіре білуіңіз болып табылады. Табысқа жеткен адамдар келеңсіз жағдайларды жақсының бастамасы деп түсіне алады. Сәтсіздіктер болмайды, олардан алатын өмірлік сабақтар ғана болады. 22. Тез оқуды үйреніңіз. Оқу – көп жылдық тәжірибені бірнеше сағатта жинауға көмектесетін мықты құрал. Мысалы, көпшілік биографиялар атақты тұлғалар мен ұлы көшбасшылардың философиясын және стратегиясын көрсетеді.

Мотивациялық кітаптар жиынтығы www.zhanaoi.kz 23. Адамдардың аттарын есте сақтаңыз. Ынтагерлікпен бірге бұл әдет табыс кілті болып табылады. Бұл әлемде барлығы: «Мен өзімді маңызы бар және бағаланған адам ретінде сезінгім келеді» дейді. 24. Мәселе жақсылыққа келгенде гүл сияқты нәзік болыңыз. Ал жамандық кезінде, найзағай сияқты өткір болыңыз. 25. Сіздің отбасыңызға қатысы жоқ адамдармен денсаулық, қаржылық жағдай және басқа да мәселелерді талқыламаңыз. 26. Шынайы, жігерлі, қарапайым, жомарт болыңыз. 27. Күннің аяғында жылы ваннаны қабылдаңыз. Өзіңізді болмашы нәрселер үшін де марапаттаңыз. Ақыл, дене, рухтың қайтадан қалпына келуіне уақыт бөліңіз. Бұл маңызды мақсаттарды жүзеге асыруға және белсенділіктің жаңа деңгейіне көшуге қол ұшын береді. 28. Тыныс алуды басқаруды үйреніңіз – ол сіздің қайраттылығыңыздың бұлағымен тікелей байланысты. Ақыл тыныс алумен тығыз байланыста. Мысалы, ақылыңыз қозу үстінде болса, тыныс алуыңыз шапшаңдайды. Ал босаңсыған күйде болсаңыз, сіз терең, әрі тыныш дем аласыз. Дұрыс дем алу – дұрыс өмір сұру. 29. Өзін-өзі иландыруды мойындап таратыңыз. Бұл белсенді қызметтің таптырмайтын құралы. Мысалы, егер сіз ынтагерлігіңізді дамытқыңыз келсе, онда: «Менің бүгін құлшынысым көбірек, мен бұл қасиетті күннен-күнге жақсартудамын», - деп айтыңыз. Айтылған сөз ойыңызға үлкен әсер етеді. 30. Ойыңызды баяндау және қалай ілгері басатыныңызды анықтау үшін күнделік бастаңыз. Жетістіктерді ғана емес, мәселелеріңізді де жазу керек. 31. Стресс – бұл сіздің болып жатқан жағдайларға деген жауабыңыз. Бірдей жағдайлар адамдар арасында әр түрлі реакция шақырады. Мысалы, сахнаға шығу, кейбір адамдарды әбігерге салады, ал мықты ораторлар, бұны жақсы мүмкіндік ретінде пайдаланады. Қорыққан нәрселерді тиімді басқара алу жақсы нәтижеге алып келеді. 32. Стивен Ковидің «Жоғары дәрежелі адамдардың жеті дағдысы» деген кітапті оқыңыз. Одан ақылдың қайнар көзін және мінезіңізді жетілдіруге арналған кеңестер, адамдармен қарым-қатынасты жақсартуды табасыз. 33. Әрқашан аудиокассеталармен жұмыс істеңіз. Өзін-өзі жетілдіру тақырыбында көптеген бағдарламалар мен кітаптар таба аласыз. Ыдыс жуып жатып, жұмысқа барып келе жатып, банкте кезекте тұрғанда осы материалдарды тыңдаңыз. Кез-келген уақытты өнімді пайдалануға болады. 34. Екі аптада бір рет ауыз бекітіңіз. Осындай күндері жеміс шырындарын ішіп, жеміс- жидектерді ғана жеңіз. Сіз өзіңізді жеңіл сезініп, қайраттылықтың тасқынын сезесіз. Ауыз бекіту сіздің күш-жігеріңізді күшейтеді.

Мотивациялық кітаптар жиынтығы www.zhanaoi.kz 35. Күнде офиста плеер қойып, баяу өлеңдерді тыңдаңыз. Офисқа хош иістендіргіш заттары бар бөтелке қойып, суреттерді жапсырыңыз. Егер бір жаққа ұшатын болсаңыз, аэропорттағы кітапханаға кіруді ұмытпаңыз, онда өзін-өзі жетілдіруге арналған кітаптар өте көп болады. 36. «Адам қалай ойлайды» атты Джеймс Алленнің кітабін оқыңыздар. Бір рет емес, әр кез. Бұл кітап бақытты өмір сүруге арналған дана сөздерге толы. 37. Есіңізде болсын! Кешіре білу қабілеті –аз ғана адамдарға берілетін адамгершілік, ақыл тыныштығын сақтау үшін өте маңызды. Марк Твен айтқандай: «Кешірім – оны мыжып кеткен өкшеге хош иіс беретін шегіргүл». 38. Тостағанды босатыңыз. Толы тостағанға ештеңе сыймайды. Сол сияқты оқудың керегі жоқ деп ойлаған адам, тез қарайып, алдыға жылжи алмайды. Шынайы тұлғаның сипаты – болып жатқан нәрселерге үйрену мүмкіндігі ретінде қарау. Ұстаздың да ұстазы бар. 39. «Екі минуттық ақыл» шоғырлануды шығарудағы жақсы жаттығу. Жай ғана сағаттың екінші тіліне қараңыз, ештеңе ойламаңыз. 21 күннен соң ойыңыз бөлінбейтін болады. Табысқа жету үшін адам баласы өз ойының шоғырлануына көп уақыт бөліп, өмір бойы дамыту керек. 40. Сөз сөйлер алдында бір тостаған жылы су ішіңіз. Рональд Рейган дауысының тембрі жұмсақ болу үшін осы әдісті пайдаланған. Халық алдында сөз сөйлеу – игі мақсат. Өзіңізді осы мақсатқа арнаңыз. 41. Біреуді қарсы алған уақытта түзу және тік тұрыңыз. Әлсіз ақылдың анық нышаны – жыбыршу, ары-бері жүгірген көздер, үстірт демалу. 42. Мықты әрекет етіңіз – мықты адам боласыз. Ержүрек болып, өзгелерді өзіңіздің әрекетіңізбен шабыттандырыңыз. Бірақ әр кез ұқыпты болыңыз. 43. Әлем маған не істей алады деп емес, мен әлемге не істей аламын деп сұраңыз. Біреуге қызмет көрсетуді мақсат етіңіз. Бұл уақытты жұмсаудың ең игі ісі. Есте сақтаңыз! Бәрі айтылып, бәрі істелгенде, сіздің өміріңіздің сапасы басқа адамдарға көмек көрсеткендігіңізбен есептеледі. Сізді қоршағандарға бай мирас қалдырыңыз. 44. Аптасына бір рет таңсәріде тұрыңыз. Бұл күннің сиқырлы уақыты. Серуендеуге шығыңыз немесе Элла Фитцджеверальдтің ескі жазбаларын тыңдаңыз. Ұзақ уақыт ыстық душ қабылдаңыз, 100 рет жаттығу жасаңыз. Классикалық кітапты оқыңыз. Өзіңізді күш- қуатқа толы сезінесіз. 45. Ұстамды болыңыз. Өзіңіз туралы бәрін білуге мұрша бермеңіз. Құпиялықты жайып салмаңыз.

Мотивациялық кітаптар жиынтығы www.zhanaoi.kz 46. Сахнаға шығып сөз сөйлеу өнеріне машықтаныңыз. Тума спикерлер өте аз. Бір заңгер қатты кекештенетін, бірақ өзінің ержүректігі мен наным күші арқылы мықты ораторға айналды. 47. Мінез-құлықты тәрбиелеудегі мәселелермен және ұзақ мерзімді табыспен айналысатын мотивациялық спикерлерді іздеңіз. Әр ай сайын мотивациялық лекцияларға баруды өзіңіз әдетке айналдырыңыз, өйткені жеке бастың дамуы өте маңызды. 2 сағаттық семинарда адамдар жылдап жинайтын өнерді үйрене аласыз. Сіз уақыт жоқ деген сезімде болмау керексіз, ол өзіңіз үшін қажет. 48. Деннис Вулидің «Бақытты ашу» деген керемет кітабын оқыңыз. Бұл кітап сіздің өміріңізге бақыт пен денсаулыққа байланысты жаңа көзқарастарды алып келеді. 49. Зейін салуыңызды күшейту үшін кез-келген кітаптың абзацын оқыңыз. Сосын оны сөзбе-сөз жеткізіңіз. Осылай әр күн 5 минуттан айтып жаттығыңыз, нәтижесі таңқаларлық болады. 50. Көпшілікпен алдымен 5 км, кейін 10 км жүгіруге тырысып көріңіз. Неше жүздеген дені сау адамдармен қатар жүгіру мүмкіндігі желіктіреді. Әр кез өзіңіздің қабілетіңізді кеңейтіңіз – сонда өзіңіздің әлеуетіңізді айқара ашасыз. 51. Иіс – адамды релаксация кейпіне түсіретін қару болып табылады. Апельсин, қалампыр эссенция-майын сатып алыңыз. Оны ыдысқа құйып, бөлмеге қойып қойыңыз. 52. Кешкі астан кейін жарты сағат серуендеуді әдетке айналдырыңыз. Жүру – табиғат берген асыл сый. Жай ғана табиғаттың байлығына көз жүгіртіңіз. 53. Спортзалдағы ауыр заттарды көтере бастаңыз. Мықты адамдардың жаны да мықты. 19 немесе 93 жаста болсаңыз да, өз қалпыңызда қалып, өмірге құлшыныспен қараңыз. 54. Ешқашан жоғарыдағы адамдармен айтыспаңыз. Әйтпесе, аргументтен де көп нәрсе жоғалтасыз. 55. Егер мәселе іскер киімге келетін болса, күңгірт киімдер (қара, қара-көк) күшті, билікті көрсетеді. Сіздер президентті немесе премьер-министрді ашық түсті костюмде көрдіңіздер ме? 56. Байланысты нығайту үшін қолыңыздан жазылған хабарламаларды клиенттеріңізге және іскер әріптестеріңізге жіберіп отырыңыз. Ең құрығанда 4 айда бір рет оларға, қандай да бір бағалы нәрсе жіберуді ұмыттырмайтын жүйе ойлап табыңыз. 57. Бақытты өмірдің екі жолы – тепе-теңдік пен сабырлық. 58. Жасмин шайын ішіңіз. Ол әрі денсаулыққа пайдалы, әрі босаңсытады. Сонымен қатар ыстық қайнаған суға зімбірдің кесектерін салып, ішсеңіз де болады. Ол қайраттылық сыйлап, күніңізді қуатқа толы етеді.

Мотивациялық кітаптар жиынтығы www.zhanaoi.kz 59. Уақытты тиімді пайдалану, сізді икемді ететінін ұмытпағайсыз. Ол сіз не істеуге керек емес, не істегіңіз келетінін істеуге мүмкіндік береді. 60. Жеке тұлғаны дамытатын кітаптарды илану ретінде қабылдамаңыз. Оларды оқып, керек мағлұматты алыңыз. Кейбір адамдар кітаптағының барлығын істеу керек деп, қиындыққа тап болады. Әр кітаптан сізге қажетті ғана әдістерді қолданыңыздар. 61. Уақиға іздейтін адамға айналыңыз. Қайтадан жас бала болыңыз. Екі-үш айда бір рет қызық уақиғаларды жоспарлаңыз. Бұл сізге қүш-қуат береді, бірге барған адаммен жақсы қарым-қатынас орнатады, болашаққа көзқарасты қалыптастырады. 62. Уақытты табиғатта өткізіңіз. Табиғат сіздің сезімдеріңізге әсер етеді, жаңартулар алып келеді, сабырлылық қасиетін оятады. 63. Ақылмен тығыз байланыста болатын денеңізді де ұмытпаңыз. Оны жаттықтыру, қамқорлық көрсету арқылы ең бағалы ресурсты сыйлаңыз. 64. Ақылыңыздың тыныштығын бұзбау үшін мықты болыңыз. Бір атақты боксшы өте бақытсыз болатын. Одан неліктен олай деп сұрағанда, мен жаман ойларға рұқсат беріп қойдым деген екен. Қалауларыңызды шектеп, мақсатты адамға айналыңыз. 65. Ұйықтар алдындағы үш сағатта тамақтанбаңыз. Бұл асқазанның жақсы қортылуына және тыныш ұйқыға себеп болады. Күн сайын спортпен айналысуға және ұйықтар алдында босаңсуды ұмытпаңыз. Сізді мазалайтын нәрселерді ойламаңыз. 66. Абырой-беделіңізді қамқорлыққа алыңыз. Егер ол жақсы болса, биікке көтеріле аласыз. Егер оған дақ түссе, кетіру қиын. Сондықтан әр бір істі ойланып шешіңіз. 67. Өзіңізді дұрыс жолға салатын тәлімгерді табыңыз. Әлемдегі барлық қателіктер, біреу жасап қойған қателік болып саналады. Біреудің тәжірибесін неге қолданып көрмеске? Сіздің тәлімгеріңіз өте дана және сізден үлкен болу керек. 68. Әлсіз жақтарыңызды тізімге толтырыңыз. Шынымен өз-өзіне сенімді адам өзінің әлсіздіктерін жақсы біліп, оларды түзетуге тырысады. Басқа жағынан, жақсы қасиеттеріңізді танып, оны жайып салыңыз. 69. Ешқашан шағым айтпаңыз. Сізді ұнамды, мықты, қайратты, ынтагер адам ретінде білсін. Наразылығын айтып қоймайтын адам, арсыз болып келеді. Ондай адам басқаларын үркітіп, сирек табысқа жетеді. Психологиялық көзқарас бойынша барлық нәрсе алдымен ойда, сосын істе жүзеге асырылады. 70. Достарыңыздың әлсіздіктерін кешіріңіз. Егер сіз кемшіліктер іздесеңіз, міндетті түрде табасыз. Есейген адам болыңыз, ұсақ-түйек кемшілікті есепке алмай, адам бойынан жақсы қасиеттерді іздеңіз, ол барлығында болады. Кез-келген адамнан бірдеңе үйренуге болады.

Мотивациялық кітаптар жиынтығы www.zhanaoi.kz 71. Мейірімді, қамқор, сыпайы болыңыз. Білгір болыңыз және қай кезде ержүрек, қатал болу керектігін біліңіз. Ұсақ өсекті болдыртпаңыз, артыңызда қандай нәрсе болып жатқандығын көзден таса қылмаңыз, бұл көшбасшыға тән қасиет. 72. Өзіңіздің бедел-бейнеңізді құзырлы, мықты, тәртіпті, сабырлы тұлға етіп қалыптастырыңыз. Құпиялы болыңыз, шынайы ақылды адам барлық картаны жайып салмайды. Ешкімге өзіңіз, стратегияңыз, мақсатыңыз жайлы айтпаңыз. Аузыңыздан шыққан сөзге ие бола алмайсыз. Барлық шаруада жеңілдікті көрсете біліңіз, адамдар сізді тумасынан дарынды деп есептейтін болады. Өзіңіздің мінез-құлқыңызды жетілдіру үшін жұмыс істеп, өмірдегі биік қағидаларды мақсат етіңіз. 73.Жақын адамдардан басқаларынан өзіңізді алыс ұстаңыз. Егер адам көшбасшыны көріп, ол туралы барлығын білсе, онда ол аурасын жоғалтып, құпиялығынан, беделінен айырылады. 74. Өз уақытыңызды ұйымдастыра біліңіз. Дұрыс ұйымдастыру маңызды мақсаттарға жеткізеді. 75. Қазіргі өтіп жатқан жағдайларды, жаңалықтарды, жаңа кітаптарды, белгілі бағыттарды оқып, сол жайлы ақпарат алып отырыңыз. Көптеген мықты атқарушылар күніне 5-6 газет оқиды. Бәрін оқу міндет емес, тек керегін оқу. Білім – күш. Сіз кім болсаңыз да, өзіңіздің, қоршаған ортадағы адамдардың өмірін бір ғана идея арқылы өзгерте аласыз. Оны Гейтстен, Биллдан, Эдисоннан өмірінен білуге болады. 76. Өмірлік серікті таңдау арқылы өміріңіздегі ең басты шешімді жасайсыз. Неке сізге бақыттың, жетістіктің, қолдаудың 90% береді. Сондықтан бұл таңдауға ақылмен қараңыз. 77. Ешқашан ешкіммен жеке тұлғаңыздың дамуына қатысты мәселені талқыламаңыз. Сіздің ақылыңыздың және рухыңыздың даму стратегиясы сізге ғана тән. 78. Апталық кестеңізге босаңсу уақытын енгізіп, оны қатал түрде қадағалаңыз. Ой сараптау, босаңсу, қуаттану үшін бұл уақыт міндетті түрде бөліну керек. 79. 83% сезімді көз арқылы қабылдаймыз. Бір нәрсеге зейін салу үшін көзді жұмса, алаңдататын нәрселер ғайып болады. 80. Өз қалауларыңыздың қожайыны және ар-намысыңыздың қызметшісі болыңыз. 81. Күн сайын шомылатын жақсы әдетті қалыптастырыңыз. Бұл сіздің денсаулығыңызды жақсартып, босаңсытып, күні бойы жақсы кейіпте жүруіңізді қамтамасыз етеді. Сау денеде, сау рух болатынын ұмытпаңыз. 82. Бүгіні жақсы адамдар, ертеңгі бақытымен өздерін қамтамасыз етеді.

Мотивациялық кітаптар жиынтығы www.zhanaoi.kz 83. Өз уақытыңызды табысты басқарудың құпиясы – жоспарланған нәрсені жоспарланған уақытта істеу. Сонда ғана қалаған нәрсеңізге жетесіз, сонда ғана маңызды істерге деген уақыт артылады. 84. Елестетудің жақсы техникасы: алаңдатқан нәрсені көз алдыңызға елестетіп, бір парақ қағазға салыңыз. Сосын ол қағазды жағып жіберіп, қалай жанатынын бақылаңыз. Сізді алаңдататын нәрсе, отта жанып кетеді. Атақты Брюс Ли, осы әдісті қолданатын. 85. Мәселелеріңізді сегментке бөліңіз. Мәселелерді шешу үшін уақыт бөліп, тиімді жоспарды ойластырыңыз. Осны істеп, бұл мәселеге қайтадан оралмаңыз. Адамның ақылы – қызық болмыс, ұмытқымыз келген нәрсені, ұмыта алмаймыз, есте сақтағымыз келгенді сақтай алмаймыз. Алайда, ақыл бұлшықетке ұқсас, жаттықтырған сайын, берік бола түседі. Ақылыңызды өз қызметшіңізге айналдырыңыз. Оған тек жақсы тамақ пен ақпаратты беріңіз. Сонда ақыл сізге жақсы қызмет етеді. 86. Ең жоғарғы деңгейдегі атқарушылар босаңсу кейпінде болса да, олардың ақылы әр кез жұмыс істейді. 87. Ақылдың жоғарғы деңгейіне жету үшін сіздің денеңіз босаңсу күйінде болу керек. Дене мен рух арасында байланыс болатынын ешкім жоққа шығара алмайды. Денеңізді босаңсытыңыз, сонда ақылыңыз да босаңсиды. 88. Қаржылық жоспарды бірнеше жыл алға жасап, оны іске асырыңыз. Егер қажеттілік болса, маманнан кеңес алыңыз. Дұрыс қаржылық стратегия өте оңай: тапқан қаражатыңыздың 10% жинаңыз. Егер сіз 200 доллардан 15% үстемемен 30 жыл жинайтын болсаңыз, онда сізде 1,4 миллиард доллар болады. Берік қаржылық жағдай жеке бастың еркіндігін сыйлайды. 89. Оқырмандар әр кез көшбасшылар. Билл Клинтон Оксфорд университетінде болған аз уақытта 300 кітап оқып үлгерген. Кейбір адамдар күніне бір кітап оқиды. Ақпаратты іздеңіз. Көп білген сайын, үрей де азаяды. 90. Таңертең оянғанда, кешке ұйықтарда шабыттандыратын, жақсы кітап оқуды әдетке айналдырыңыз. Жақын арада оның пайдасын көретін боласыз, өйткені бұл ойлар сізді күні бойы қолдап жүреді. 91. Өз алдыңызға харизмалық, динамикалық тұлғаға айналамын деген мақсат қойыңыз. Бұны істеу әрқайсысымыздың қолымыздан келеді, бірақ өте сирек істейміз. Джон Кеннеди жас кезінде көп ауырған, бірақ барлық кедергілермен күресе білудің арқасында ол АҚШ- тың ең харизмалық және тартымды көшбасшысына айналды. Майда-шүйдеден бастаңыз. Дейл Карнегидің курстарын тыңдаңыз. Кітапханаға барып, сөйлесу өнеріне, жеке бастың дамуына байланысты кітаптарды оқыңыздар. Сіз одан ләззат алып, достар мен әріптестеріңіздің берік ортасын қалайсыз.

Мотивациялық кітаптар жиынтығы www.zhanaoi.kz 92. Қытайдың мынадай мақалы бар: «Ақылды адаммен бір рет әңгімелесу, бір кітапты бір ай зерттегенмен бірдей». Даналарды іздеп, олардан үйреніңіз. Олар білгенін үйрету үшін біздің назарды күтеді. 93. Лао Цзы ұлы тұлғаның үш қасиетін ерекшелеген: «бірінші – сыпайылық; екінші – ұқыптылық; үшінші – өзін өзгенің алдына қойдырмайтын қарапайымдылық. Сыпайы болыңыз – сонда сіз ержүрек боласыз; ұқыпты болыңыз – сонда сіз либералды бола аласыз; өзіңізді басқалардың алдына қоюдан қашыңыз – сонда сіз нағыз көшбасшы боласыз». 94. «Сіз екі бірдей бағалы бағыттың қайсысын таңдарын білмесеңіз, қауіптірегін таңдаңыз», - деп У. Дж. Смит айтқан болатын. Қауіп-қатерді ешкім өзгерте алмайды, бірақ орыннан қозғалмағанша, онымен бетпе-бет күрескен жақсы. Ақылға сай тәуекел етіңіз, сонда армандамаған табысқа жетеміз. 95. Жолдасыңыздың басты тірегіне айналыңыз. Оның арманын және сенімін қолдаңыз. Екі солдаттан құралған әскер сияқты өмірді бірге кешіңіз. 96. Сізге шабыт, мотивация сыйлайтын, сіздің мақсаттарыңызға қолдау және талпыныс бере алатын үш адамды еске түсіріңіз. Олардың әр қайсысымен кездесу ұйымдастырыңыз. Оларды мұқият тыңдап, олармен бірге ойлаңыз. 97. Әр күніңізді өнер туындысына айналдырыңыз. 98. Сіздің баға жетпес қайраттылығыңыз бір тиынға қажеті жоқ қызметтерге жұмсалуы мүмкін. Сіздің ақылыңыздың өз иелігінде 1000 ватт бар деп ойлаңыз. Әркез жұмыс істеп жатқан жобадан тыс нәрселерге назарыңызды бұрғанда, яғни алаңдататын мәселелеріңіз жайлы ойлағанда 100 ватт жоғалтасыз. Жақын арада сізде қайраттылық көзі бітеді. Ақылдың табиғаты сондай. Оны бақылаңыз, сонда ұлы істердің қалай істелетінін көресіз. Өзіңізді мықты күш иесі сезініп, қиын мәселелер оңай шешімін табады. 99. «Әрекетті ексеңіз, әдетті орасыз. Сіз әдетті ексеңіз, мінез-құлықты орасыз. Ал сіз мінез-құлықты ексеңіз, тағдырды орасыз». Адамның мәні оның мінез-құлқында, сондықтан сіздің мінезіңіз бірегей, дақ түспеген, мықты болу керек. Өзіңізге сенімсіз болсаңыз, уәде бермеңіз. Тек шындықты айтып, сөзді желге ұшырмаңыз. Қарапайым, тік мінезді, сабырлы болыңыз. 100. Табиғаттың басты заңдылығын ұмытпаңыз: жақсылық жамандықты жеңеді. 101. Талапты ақыл – бұл мереке. Барға қанағат етіңіз. 102. Әр күн сайын жаңа дос немесе таныс табыңыз. Бай қарым-қатынас – толық, бай өмірдің ДНҚ-сы. 103. Ескі үнділік мақалды ұмытпаңыз: «Егер сіз өз ақылыңыздың иесі болсаңыз, онда бүкіл Әлемнің де иесі боласыз».

Мотивациялық кітаптар жиынтығы www.zhanaoi.kz 104. Материалды құндылықтарға емес, бақыттың күйіне зор мән беріңіз. 105. Көпшіліктің ойы бойынша есеңгіреу жаман емес нәрсе. Ол бізге өз қабілетімізге сай әрекет жасауға, біздің ағзамыздағы химиялық элементтердің ағынын босатуға көмектеседі. Есеңгіреуден шыға алмау ғана зиян әкеледі. Есеңгіреу кезеңін босаңсу және дем алыс кезеңімен байланыстыру қажет. Осының барлығын дұрыс ойлаумен және ақылдың тынығуымен үйлестіру керек – сонда нағыз бақытқа және ұзақ өмірге қол жеткізе аламыз. 106. Күн сайын ақыл дем алысына кетуді үйреніңіз. Оның марапаты өте үлкен. 107. Дем алыс сияқты өзгерістер де өте пайдалы. Маңызды болсын, кішігірім өзгерістер болсын. 108. Бақыт жайлы 10 нәрсені үйреніңіз: 1. Өнімді, қызықты, белсенді өмір сүріңіз 2. Әр минут сайын мазмұнды қызметпен айналысыңыз 3. Аласапыранға орын жоқ болатындай, ұйымдастырылған, жоспарланған тұрмыс салтын ұстаныңыз 4. Өз алдыңызға нақты мақсат қоя біліңіз 5. Дұрыс. Жақсы ойлаңыз – бұрыс ойларға жол беруге болмайды 6. Қажетсіз майда-шүйде нәрсеге бола алаңдамаңыз 7. Ойын-сауыққа уақыт бөліңіз 8. Өзіңізді жылы, қарым-қатынасты сүйетін тұлғаға айналдырыңыз 9. Алу емес, беруді үйреніңіз 10. Осы шақпен өмір сүріңіз. Өткен шақ қайтадан келмейді 109. Қарапайымдылыққа ұмтылып, қарапайым өмір сүріңіз. 110. Чарльз Ван Дореннің «Білімнің тарихы» атты еңбегін оқыңыз. Бұл кітапта бүкіл әлемдік идеялар көрсетілген, байлықтың бүкіл білімі бар. 111. Уильям А. Коэнның «Көшбасшы өнері» атты кітабын оқыңыздар. Ол шабыт сыйлайды және тәжірибелік кеңес береді. 112. Біз харизма деп атайтын, ұстатпайтын қасиетті тудырыңыз. Харизмалық көшбасшының қасиеттері мынандай:  өз ісіңізге адал болыңыз  жеңімпаз сияқты көрініңіз, жеңімпаз ретінде әрекет етіңіз  асқақ арман иесі болыңыз, жұлдыздарға талпыныңыз  өз мақсаттарыңызға жетуде табандылық көрсетіңіз  кез-келген тапсырманы орындауға дайын болыңыз және оны жүзеге асыруда табандылық танытыңыз  өзіңізді құпиялықпен ораңыз

Мотивациялық кітаптар жиынтығы www.zhanaoi.kz  басқа адамдарға зейін салыңыз және жақсы ниет танытыңыз  мысқыл сезім иесі болыңыз  өз мінез-құлқыңыздың күшімен белгілі болыңыз  қауырт кезеңдерде өзіңізді әдемі ұстаңыз (Джон Кеннеди айтқан еді, «орта менеджер мен нағыз көшбасшыны алшақтатып, ұстатпайтын жарты қадам – бұл ауыр кезеңде өзін әдемі ұстауы») 113. Жұмыста, махаббатта және өмірде мықты және әділетті болыңыз. 114. Тыңдаған сәтте сөйлемеңіз. Сөйлеп жатқан кісінің сөзін бөлу – тәрбиесіздік. Зейін салып тыңдаңыз. Өте көп нәрсеге жетесіз, өте көп адам сізден кеңес алуды мақсат етеді. 115. Аристотель айтқан: «Кез-келген адам ашулана алады – бұл өте оңай; бірақ дұрыс адамға, дұрыс дәрежеде, дұрыс уақытта, дұрыс мақсатпен, дұрыс әдіспен ренжу оңай емес және ол әркімнің бойындағы қасиет те емес». 116. Білім – күш. Өмірде табысқа жеткен адамдарды білімге ұмтылушылық пен көксеу алшақтатады. Адам көп білген сайын, көп нәрсеге жетеді. 117. Барлық сұраққа жауапты кітаптан алуға болады. Ең жоғарғы әлеуетке жету үшін әр күн сайын оқыңыз. Өз мақсатыңызды анықтап, қажет ақпаратты ғана оқыңыз. Барлығын оқуға тырыспаңыз. Таңды газет оқудан бастаңыз. Сіз оқыған дүние әр түрлі болуын қадағалаңыз. Кітаптар – сіздерді шабыттандырсын. 118. Таңғы аспен бірге кездесу ұйымдастыруды әдетке айналдырыңыз. Досыңызбен, әріптесіңізбен бірге ас ішу – күнді бастаудың оңтайлы әдісі. 119. Үйіңіз жарық болуды және онда бассейн болуды қадағалаңыз. Сіздің қолыңыз босамаса да, сіз бассейн арқылы шыныға аласыз. 120. Аристотель айтқан: «Кемелдену – бұл әдеттерді жасап шығару мен жаттықтыру арқылы жететін өнер. Кемелдену – әрекет емес, әдет». 121. «Бүгін – ертеңгі оқушы», – деген Бенджамин Франклин. 122. Егер сіздердің алдыңызда жол таңдау керек болса, өрескелін таңдаңыз. Әбден ойланған тәуекел таңғажайып нәтиже әкеледі. 123. Әр күн өз-өзіңізді сараптаңыз, терең оқуға үңіліңіз және жай ғана босаңсыңыз. 124. Жерде адам жеткен жетістікке, сіз де дұрыс икемдену, табандылық және ықылас көмегімен жете аласыз. 125. Жақсы өлеңдерді жаттап алу әдетін тудырыңыз. Бұл сіздің зияткерлік қызметіңізді көтереді, есте сақтау қабілетін жақсартады.

Мотивациялық кітаптар жиынтығы www.zhanaoi.kz 126. Сіздің сөздеріңіз жұмсақ, ал дәлеліңіз қатал болу керек. 127. Майда-шүйделерге бола алаңдауды доғарыңыз. Кішкентай сәтсіздіктер үшін күле біліңіз. Бұл тәжірибелік әдіс сізді негативті әдеттерден сақтайды. 128. Басқалардан көп жұмыс істейтін адам ретінде белгілі болыңыз. Өзіне көп шаруа алып, табысты орындайтын адам ретінде көрініңіз. Елді аузына қарататын жарық жұлдыз болыңыз. 129. Ұжымда жұмыс істей біліңіз. Жаңа достарды табыңыз. Сіздің жолыңызда кездескен әрбір адамға ең маңызды адам ретінде қараңыз. Сізді үлкен табыстар күтуде. 130. Сіз бір нәрсе іздесеңіз, міндетті түрде оны табасыз. Егер сіз тек табысты күтсеңіз, онда оған жетесіз. Шыңға шыққан атқарушылар табысты тартады. Өз қалауларыңызға қайта-қайта оралыңыз, ол міндетті түрде жүзеге асады. 131. Өзіңізде таңдану сезімін жетілдіріңіз. Зерттеуші болыңыз. Басқалары жай қарай салатын нәрсе үшін таңғала біліңіз. Азғантай демалыс алып, өз жаныңыздың, тәніңізді, ақылыңызды қадағалаңыз. Бұл сіздің өміріңіздің сапасын жақсартады. 132. Өз жақындарыңызды ұмытпау үшін оларды қамқорлық ретінде туған күндеріне ашық зат жіберіп тұрыңыз. Біздің бәріміз жұмыс бастымыз, алайда 5 минутты сол сияқты нәрселерге арнасаңыз, ол сізге қайтады. 133. Адамдардың аттарын жаттап, оларға атымен шақырыңыз. Өз атын есту – ең ұнамды музыка. 134. Жарты сағатқа далаға шығып, көк аспанға қараңыз. Табиғатпен байланысқа түсіңіз. 135. Бірнеше аптада бір рет үйде сағатыңызды қалдырып кетіңіз. Сағат біздің іс- әрекетімізді басқара бастайды. Бұл күні өзіңіз қалаған нәрсені істеңіз. 136. Жұмыста күле біліңіз, көп нәрсеге жеткен жағымды адам ретінде көрініңіз. 137. Идея діл бейнесін тудырады. Ол өз кезегінде діл әдетін жасап шығарады, соңы діл мінез-құлық сипатын жетілдіреді. Өз өміріңіздің қожайынына айналыңыз – сонда тағдырыңыздың қожайынына айналасыз. 138. Жағымсыздыққа қарсы ойлау күшіне ие болыңыз. Бұл қарапайым әдіс жағымсыз ойды ұнамды ойға айналдырады. 139. Өз-өзіңізді сараптау үшін ұйықтар алдында 10 минут бөліңіз. Бүгін істеген жақсы, жаман нәрселер туралы ойланыңыз, жетілу үшін не істеу керектігін, не өзгерту керек, соның барлығын сараптаңыз. 140. Ең тиімді оятар сіздің ойыңызда. Егер сенбесеңіз:

Мотивациялық кітаптар жиынтығы www.zhanaoi.kz  ұйықтар алдында ыңғайлы креслода 10 минут отырыңыз  көзіңізді жұмып және қолыңызды тізеңізге қойыңыз  бірнеше минут терең дем алыңыз (5 дегенде ауаны ішке жұтыңыз, 10 дегенде дем шығарыңыз)  мынаны 20 рет қайталаңыз: «Мен қалаған уақытымда оянамын, сергек боламын және көңіл-күйім жақсы болады». Енді мұны көз алдыңызға елестетіңіз. Бірнеше жаттығудан кейін керек нәтижеге жетесіз 141. Джордж Бернард Шоу айтқан: «Кейбір адамдар нәрсені тура солай көріп, «Неліктен?» деп сұрақ қояды». Ал мен «Неліктен олай болмасқа?» деп сұрақ қоямын. 142. Медитация сапасын жақсарту үшін:  медитациямен әр күн сайын айналысыңыз, бір уақытта, бір жерде  медитацияға арналған ең жақсы уақыт – таңғы уақыт  бастамас бұрын ақылыңызға сабырлы болуын айтыңыз, мен сияқты «Мен қазір өте сабырлы боламын және назарымды шоғырландыра аламын»  басында 10 минут медитация өткізіңіз, кейін уақыт қоса бересіз 143. Жаңа достық байланыс орнатыңыз. Бұл қарым-қатынастар табысты және сау өмір сүру үшін қажет. 144. Майл Дэвистің «Kind Of Blue» дискін сатып алыңыз. Бұл өлең рухани қажеттілікті толтырады. 145. Күніне 10 стакан су ішіңіз. Су – бүкіл ағзаны тазартады, тірілтеді. Сорпаны көптеп ішіңіздер, сонымен қатар күріш, картоп және паста жеңіздер. 146. Өз бойыңызда нақтылықты тәрбиелеңіз. Табысқа жетудегі ең керек құрал. 147. Телефон сіздің ыңғайыңыз үшін керек, егер қолыңыз тимесе, жауап қатпай, қажет кезде қайта қоңырау шалыңыз. Бастысы – бағалы уақытты ұқыпты ұстау. 148. Күніңізді жақсы бастаңыз. Төсектен тұрар алдында дұға тілеңіз, келе жатқан күнге разылық білдіріңіз. Өмір табыстылығының кілті – бұл соңғы күн сияқты өмір кешу. 149. Әріптесіңізге сеніңіз. Маңызды мәселені жақыныңызбен бөліскен дұрыс. 150. Өзіңізді ілгері жылжуға мәжбүрлеп, әр күн жаңа мақсаттарға жетіңіз. Өз әлсіздіктеріңізбен күресе біліңіз. 151. Жоғары нәтижеге жеткен адамдардың барлығы таптырмас ақыл әдеті – оптимизм иелері болған. Оптимизмсыз өмір нәрі кетеді, адам қиыншылққа тап болады. Бұл маңызды әдет.

Мотивациялық кітаптар жиынтығы www.zhanaoi.kz 152. Бүгін сіз сүйсінетін адамдардың ең жақсы жеті қасиетін жазыңыз. Әр таң сайын осы жеті қасиеттің біреуін жүзеге асырыңыз. Бір аптадан кейін өзгергеніңізді байқайсыз. Екі айдан кейін бұл қасиеттер сіздің ажырамас бөлігіңізге айналады. 153. Сіздің таныстарыңыз қанша болса, абыройыңыз да сонша болады. Сізді өзіңіздің мінез-құлқыңыз уайымдату керек. Сіздің мінез-құлқыңыз мықты, берік болғаннан кейін, басқа жағымды нәрселер өз-өзінен келеді. 154. Өзіңізді апельсин деп санаңыз. Сыртқа іштегі ғана нәрсе шыға алады. Егер сіз тыныштық, әлемге деген дұрыс көзқарас, ерлік, біреуге аянышпен қарай алсаңыз, сізді ешқандай жағдай сындыра алмайды. 155. Біздің өмір – мәңгіліктегі қас қағым сәт. Бұл өмірден кеткен кезде, өзімізбен бірге еш нәрсе алып кете алмаймыз. Осыны ұмытпаңыз. Егер сіз өзіңізді емес, өзгені де ойлап, оларға көмектесе алсаңыз, ол үшін марапатталасыз. 156. Жұмыста жаналық табушы ретінде белгілі болыңыз. Келесі аптада бастығыңызға, жұмыс тиімділігін жақсартатын 10 ұсынысты көрсетіңіз. Кез-келген мәселені шешуге дайын идеяға толы адам ретінде белгілі болыңыз. 157. Өз-өзіңізге күле біліңіз. 158. Ақылыңыздың терезесін ашық ұстаңыз. 159. Бір күнді \"мен\" деп айтпай өткізіп көріңіз. Назарды басқаларға салыңыз. Өзгелерді таңдаңыз - таңғаларлық көп нәрселер естисіз, көп достарға кенелесіз. 160. Бір күнде бір сағатты тыныштықта өткізіңіз, тек тікелей сұрақтарға жауап беріңіз. Біз нәрселерді бірнеше рет қайталап, талқыға саламыз. Бұл әдіс тиімді қатынас үшін тілдің анықтығын, дәлдігін жетілдіреді. 161. Әр күн сайын, сіз ұнатпайтын шаруаларды істеңіз. Кішігірім шаруа болса да, істеңіз! Сол арқылы сіздің жігеріңіз қатаяды, ал онымен бірге өнімділігіңіз де жоғарылайды. 162. Шынайы бақыттың бір ғана қайнар көзі бар: жеке болсын, кәсіби болсын, алға қойған мақсаттарға жету. Үлкен марапаты жоқ, тек босаңсу сыйлайтын қызметке кеткен уақыт, мәңгіге ғайып болған уақыт. Босаңсу керек, алайда жаңартудың тиімді әдістерін таңдап, уақытты өнімді қызметке арнаңыз. Бақыт ұйықтаудан емес, әрекеттен келеді. 163. Наполеон кездескен адамдардың атын жаттап қалу қабілетімен ерекшеленген. Оның құпиясы, ол танысқанда: \"Кешіріңіз, есіміңізді ұмытып қалдым\", - деп айтуында. Сөйтіп, ішінен бірнеше рет қайталап, есте сақтап қалатын. Егер ол адамның есімі қиын болса, жазылуын сұрайтын. 164. Қытай даналары негізгі өмірлік қағиданы ұстанатын: сыпайылық және тұтастық арқылы өзіңізде іркілмес ақылды тәрбиелеңіз. Бұл қасиеттерді шығару үшін бар күшіңізді аямаңыз.

Мотивациялық кітаптар жиынтығы www.zhanaoi.kz 165. Санаңызды жаман ойлар қармағанда, алдымен оны түсініп және одан біржола құтылуды қалау керексіз. Жаман ойлар келгенде, өзіңізді шымшып былай айтыңыз: \"Мен мықтымын және жаман ойлар кетіп қалды\". 166. Жеке бас өсуі үшін жанұялық және жұмыс кестесінен алынған уақыт, ешқашан зая кетпейді. Қарапайым өмірдің қуаныштарына уақыт бөлмеу және сол арқылы өзіңіздің күніңізге тепе-теңдік әкелесіз. Сіз қалған уақытыңызды өнімді және тиімді етесіз. 167. Көп оқып, көп біліңіз. Көп күліп, көбірек жақсы көріңіз. 168. Алты ай ішінде қарым-қатынасты жақсартқыңыз келетін 5 адамның тізімін жасаңыз. Олардың атын және қасына не үшін жақсартуды қалайсыз, қалай оны жоспарлаудасыз, қандай уақытта жүзеге асыратыныңызды жазыңыз. 169. Дұғаның қандай күшке ие екендігін ұмытпаңыз. 170. Сіздің жеке бас өсуіңізге арналған тамаша инвестиция – Норман Винсент Пильдің \"Дұрыс ойлаудың күші\" атты аудиокассеталары. Ондағы әдістер өнімді, бақытты, табысты өмірді қамтамасыз етеді. 171. Қалта күнделік сатып алыңыз, ол кездесулер мен шаруаларды есіңізге түсіреді. 172. Комиссиялық кітап дүкендеріне барып тұрыңыз. Ол жерден мінез-құлықты жөнге салу жайлы кітаптар іздеңіз. Көптеген бағалы кітаптарды арзан ала аласыздар. 173. Клод Бристольдың \"Сенім сыйқыры\" атты кітабын оқыңыз. Ол сіздің ақылыңыздағы серпінді күштерді босатуға мүмкіндік береді. 174. Барлық адамдар сізді салқын қанды, жылы жүректі және тамаша мінезді адам ретінде білсін. 175. Біреуге көмек көрсету – діннің жоғарғы түрі. Әр аптада 168 сағат бар, соның бірнешеуін басқаларға қызмет ету үшін бөліңіз. 176. Үйіңізді қанық түсті гүлге толтырыңыз. Әдемі әуендер, шаттық күлкі, қуаныш – сіздің үйіңіздің оазисін толтырсын. 177. Көршілеріңізбен тату болыңыз. Олар сіздің өміріңізді жақсартады, сізге әр кез көмекке келетін жандар. 178. Мантра және ұнамды сөздерді қайталау күшін түсініңіз. 179. Деміңіз мықты және біркелкі болса, ақылыңыз да біркелкі және тыныш болады.

Мотивациялық кітаптар жиынтығы www.zhanaoi.kz 180. Тыныш жерге отырып, жер бетінде жалғызбын деп санаңыз. Кімге қоңырау шаласыз? Не айтасыз, не істейсіз? Бұл сұрақтар не істеу керектігін анықтап береді. 181. Мықты мінездің келесі сипатын зерттеңіз:  ой мен сөздің анықтығы, дәлдігі  мәнердің көркемдігі және нәзіктігі  өзіндік сараптама әдеті мен күші  жеке бас өсуі  өз мақсаттары мен армандарына жете алу қабілеті 182. Л. Ф. Фелан айтты: \"Жастық шақ – өмірдің кезеңі емес, ақылдың жай-күйі. Жылдар теріні құртады, ал құлшыныстан бас тарту жан-дүниені құртады... Сіздің үрей, күмән, жабығуларыңыз қаншалықты көп болса, соншалықты кәрісіз. Сіз жас болып қалғыңыз келсе, сіздің сеніміңіз, өзіңізге деген сенімділігіңіз, үмітіңіз жас болу керек\". 183. Жақсы денсаулық иесі болу үшін шығыс медицинасын және әдістемелерін үйреніңіз. 184. Сіздің өміріңіздің басты басымдығына уақыт ұйымдастырып үйреніңіз. 185. Өміріңіздің шапшаңдығын баяулатыңыз. Не нәрсе, шынымен, маңызды деген сұраққа жауап іздеңіз. Табиғи тыныштықты сыйлайтын шараларды ұйымдастырыңыз. 186. Бір күн ішінде тек жеміс-жидек жеп, сүт ішіңіз. Аш болу – Шығыстың мықты және табысты стратегиясы, она қазіргі таңда миллиондаған адамдар қолданады. 187. Жарыңыздын күлкісін бағалаңыз, оның суретін жұмыс үстеліне қойыңыз. Ол күн ішінде сізге шабыт сыйлайды және ұнамды ойларға себепші болады. 188. Егер сіз үйленген болсаңыз, өзіңіз және жарыңыздың аты-жөнін сақинаға ойып жазыңыз. Бұл жоғалтып алған жағдайда да, ұрпақтан ұрпаққа беру үшін де пайдалы. 189. Ақыл бақша сияқты не ексең, соны орасың. Оған бар жақсыны сыйлау керек, сонда ғана жемісін жейсіздер. 190. Күніне 100 рет отырып-тұрыңыз, бұл әдетті бұзбаңыз. 191. Ең шынайы, өтірік айтпайтын адам болыңыз. Басқалардың сеніміне лайықты болу керек. 192. Өз қалауларыңызды басыңыз – өз жігеріңізді күшейтесіз. 193. Егер бүгін сіз күлмесеңіз, онда бүгін өмір сүрмедіңіз. Көп және қатты күліңіз. Уильям Джеймс айтқандай: \"Біз бақытты болғанымыз үшін күлмейміз, күлгеніміз үшін бақыттымыз\".

Мотивациялық кітаптар жиынтығы www.zhanaoi.kz 194. Роберт Ричардсон және Катарина Тайердің \"Харизма факторы. Табиғи көшбасшылық қасиеттерін қалай жетілдіруге болады\" атты кітабын оқыңыз. 195. Жиі саяхаттаңыз. Біз қажетті деп санайтын нәрсені бағалауға жақсы мүмкіндік береді. 196. Спортпен шұғылдануға байланысты әр ай сайын мақсат қойыңыз. Мысалы, шілде айында жүзіп үйрену немесе қаңтарда шаңғы теуіп үйрену. 197. Барлығы екі рет жасалады: алдымен ойда, сосын шынайы өмірде. Сондықтан жоспарды алдымен ойда жасап алу керек. 198. Жұмысқа жаяу барыңыз, табиғаттың әсемдігін тамашалаңыз. 199. Аз ұйықтап, көп істеңіз. Ұзақ өмір сүріп, ұлы адам болыңыз. 200. Бұл кітапты қайта-қайта оқып, басқалармен бөлісіңіз!

Мотивациялық кітаптар жиынтығы www.zhanaoi.kz Ли Куан Ю: СИНГАПУР ТАРИХЫ Ли Куан Ю – Сингапурлық саясаткер. Сингапур Республикасының ең алғашқы премьер- министрі. Бұл адамның есімімен қала-мемлекет – Сингапурдың тарихи қалыптасуы, құрылуы, дамуы тікелей байланысты. Сингапур Республикасы 40 жылдың ішінде халықаралық саясат, экономикасының қарқынды дамуымен бүкіл әлем мойындаған Оңтүстік-Шығыс Азиядағы алып шаһарға айналды. Бұл кітап саяси қызметкердің ғұмырнамасы ғана емес. Жетістікке қалай жету? Бүкіл халықты қалай мойындату? деген сияқты көкейкесті ойларға толық жауап беретін ақыл-кеңеске толы даналықты насихаттайтын кітап. Үй салуды, кітап жазуды үйрететін кітаптар бар екенін білемін, дейді автор, бірақ маған әр түрлі, әр елден келген халықтың, соның ішінде Қытай, Британдық Үндіден, Нидерландық ост-Үндіден келген иммигранттардан бір ұлт жасау немесе сауда жөнінде бүкіл экономикалық рөлден айырылған кездегі қала халқының тіршілік етуін қамтамасыз етуді үйрететін оқулық көрмеппін. Біз 1963 жылы қыркүйекте Малайзия Федерациясына қосылғанбыз. Сингапур мен Федерация арасында басында-ақ саяси келіспеушіліктер болған, сөйтіп бұл жағдайлар 1965 жылы 9 тамызда федералды үкімет Федерация құрамынан шығуымызды талап етуіне әкелді. Бұл бізді тәуелсіз мемлекет етіп, таныс емес жолмен жүруді мәжбүр қылды. Көптеген ауыр қиыншылықтарды бастан кешіріп, адам төзгісіз жағдайда өмір сүрдік. Сингапур жасанды құрылыс үлгісі еді. Ағылшындықтардың сауда негізінде салған,

Мотивациялық кітаптар жиынтығы www.zhanaoi.kz біртіндеп бүкіләлемдік теңіз саудасына шығатын пункті болатын. Ол құлағаннан кейін, біз материксіз аралды, денесіз жүректі мирасқа алдық. Тәуелсіздікті алған күні-ақ баспасөз қызметкерлері бір ауыздан бізді тірі өлікке балады. Менің қынжылған көңілімді, одан бетер түсірумен болды. Бір автор бізді Рим империясының құлауымен де теңестірді. Олардың қауіп-қатерін түсінумен болдым, алайда менің қызметім, дейді автор, халқыма тірек болып, жүректеріне сенім ұялату еді. Менің бірнеше тығыз шаруаларым болатын: Біріншіден, Сингапурдың тәуелсіздігін, БҰҰ-на мүше екендігін бүкіл әлемге мойындату. Ол үшін сыртқы істер министрі ретінде, өте қабілетті, ақылды Синатамби Раджаратаманы қойдым. Екіншіден, мемлекеттің қорғанысын ұйымдастыру. Бізде мүлдем әскер жоқ еді. Екі батальонымыз малайлық бригадалық генерал қармағында еді. Аз уақыт аралығында қандай болмасын қарулы күштерді қалай ұйымдастыруға болады? Куала-Лумпурдағы малайлық экстремистердің кез-келген бүлігін тойтара алатын жағдайда болу керек едік. Сингапурдағы малайлықтарды бізге айдап салу арқылы бізді және біздің тәуелсіздігімізді жоқ қылып жіберетін қауіп төніп тұрды. Малайзия Сингапурды қол астынан мүлде шығарғысы келмеді. Осы мәселені шешу барысында тағы бір тығыз шаруа тұрды – ол қоғамдық тәртіпті сақтау. Егер біздегі малайлық тұрғындар бүлік шығарса, онда малайлықтардан тұратын полицияның ниеттері басқа арнаға бұрылып кетпесіне ешкім кепіл бола алмайды, сонымен қатар, екі батальонымыз да малайлықтардан құралған еді. Үшінші, ең ауыр мәселелердің бірі экономика: халықты қалай, немен асыраймыз? Индонезия бізге қатысты «конфронтация» жағдайында еді, ол деген сауданың тоқырауына апарды. Малайзия болса, тек өзінің борты арқылы тікелей сауда жасауға кірісті. Бір кездері Ұлыбританияның басқаруы арқылы келген тәуелсіз Сингапур енді қалай өмір сүрмек? Онсыз да 14% көрсетіп тұрған жұмыссыздық деңгейін көбейтіп алмау, британдық басқарудың шарттарынсыз, қалай өзге жолмен еңбек ету. Шектелген мүмкіндіктерімізді пайдаланып, мықты, әр түрлі жағдайға бейімделгіш адамдар болу үшін, сапалы және арзан тауарлар шығарып, барлық көршілерімізді басып озу үшін, көп еңбек пен күш жұмсау керек едік. Басқалардан ерекшелену міндеті тұрды. 1968 жылы біз Израиль модернизациядан кейін жеңілдікпен сатқан жеңіл француз AMX-13 танктерін сатып алуды шештік. 1969 жылы маусым айында Сингапурге 30, сосын тағы қыркүйекте 42 танк жеткізілді. Үндістанның премьер-министрі Лал Бахадүр Шастри мен Египеттің президенті Насерге бес батальон құруға көмектесетін кеңесші керектігі туралы жазылған хат жібердім. Екеуі де, тек Сингапурдың тәуелсіздігін мойындап хат жазып жіберді, әскери көмек туралы еш жауап болмады. Ең қатты жүрегіме тигені – Насыр, менің досымның маған тіл қатпағаны. Тез арада әскер жинау үшін адамдардың рухын, көңіл-күйін көтеру керек болды. Ата-аналар балаларының әскер немесе полициялық қызметке қабілеттері бар-жоғын білу үшін, ұлттық және полицейлік кадет корпусын ұйымдастырдық. Адамдар, әскерлерге өздерін қорғайтын қорғаншылар ретінде көріп, сыйлайтын дәрежеге жеткізгіміз келген. Сөйтіп, Кен Сви израильдықтар көмегімен, топ құрып, қарулы күштерді ұйымдастыруға кірісті. Ол полиция қызметкерлерін, байланыс құралдырын, басқаларын да пайдаланды. Сингапур тәуелсіздігінің бірінші жылын, яғни 1966 жылы 9 тамызда, халықтың рухын көтеру мақсатында, құрылған қарулы күштермен мерекелік марш ұйымдастырдық. 1971 жылы біздің қарулы күштер қатарында 17 кадрлық батальондар(16000 әскери қызметкер) және 14 резервшілер батальоны (11әскери қызметкер) болды. 1959 жылы біз билікке келгеннен бастап, жұмыссыздық мәселесімен соқтығысу жағдайында болдық.