Moob Kaab Leg Kev Cai

sau lub rooj koj tuav, tsuas yog muab lug rooj qhuav lug lwv koj xib es ua koj tsaug nua nawb. 8. Lwm txum mej koob - Ua tsaug (tuav npe) tas (npe nam txiv yug ntxhais) ob tug tso nam thaab moog nrawj thoob muv moog nrawj tsua tas vaam khom koj tuaj ua lwm txum mej koob tuaj paab txis tshoob txis kug, tas tsuas yog tau koj lub dlaag zug taab kaum koj lub luag dlej luag num tas cuag le ib peb zoo cawv los tub npaaj tsi muaj tso sau lub rooj rua koj tsaws ib tug zoo ntxuag los tub npaaj tsi muaj tso sau lub rooj rua koj khaws, tas cuag le ib peb zoo cawv los tub npaaj tsi muaj tso sau lub rooj rua koj yuav ib tug zoo ntxuag los tub npaaj tsi muaj tso sau lub rooj koj tuav, tsuas yog muab lug rooj qhuav lug lwv koj xib es ua koj tsaug nua nawb. 7. Ob tug tub tim pheej/ laub cawv - Ua tsaug (tuav npe) tas (npe nam txiv yug ntxhais) ob tug tso nam thaab moog nrawj thoob muv moog nrawj tsuas tas vaam khom koj/meb tuaj ua tub laub cawv, tas tsua yog tau koj lub dlaag zug taab kaum koj lub luag dlej luag num tas cuag le ib peb zoo cawv los tub npaaj tsi muaj tso sau lub rooj rua koj tsaws ib tug zoo ntxuag los tub npaaj tsi muaj tso sau lub rooj rua koj khaws, tas cuag le ib peb zoo cawv los tub npaaj tsi muaj tso sau lub rooj rua koj yuav ib tug zoo ntxuag los tub npaaj tsi muaj tso sau lub rooj koj tuav, tsuas yog muab lug rooj qhuav lug lwv koj xib es ua koj tsaug nua nawb. 8. Qoov hlo taag nrho txhua tug ua ib zag - Ua tsaug (tuav npe txhua tug) tas (npe nam txiv yug ntxhais) 101

ob tug tso nam thaab moog nrawj thoob muv moog nrawj tsua tas vaam khom mej suav dlawg, tas tug tuaj ua (has taag nrho puab cov dlej num), tas tsuas yog tau koj lub dlaag zug taab kaum mej suav dlawg lub luag dlej luag num tas cuag le ib peb zoo cawv los tub npaaj tsi muaj tso sau lub rooj rua mej tsaws ib tug zoo ntxuag los tub npaaj tsi muaj tso sau lub rooj rua mej suav dlawg khaws, tas cuag le ib peb zoo cawv los tub npaaj tsi muaj tso sau lub rooj rua mej suav dlawg yuav ib tug zoo ntxuag los tub npaaj tsi muaj tso sau lub rooj mej suav dlawg tuav, tsuas yog muab lug rooj qhuav lug lwv mej suav dlawg, tas muaj nub mej muaj tub muab nyaab muaj ntxhais tsaws qua ntshai yog mej yeej cuam tsi txug (npe tug nam txiv ua tshoob) cov kwv tij txi tub los tseg, yeej cuam txug yog txawj ua lub neej tes yuav tuaj nrug mej xab ib tug ceg rooj, tsi txawj ua neej los maam le tuaj nrug mej suav dlawg theej thauv nua es ua mej suav dlawg tsaug nua nawb. Tes pe ib pes. Rov qaab has tas xyaab lo, tes pe dlua ib pes. 8. Cov xeej cawv rooj tso tub yug 1. Ua tsaug 2. Tso tub yug 3. Lawv rooj 4. Phua rooj tso dlej num rov rua nam txiv hloov khob los tau txhaj zoo has lug 9. Dlej cawv haus yaam twg los tau tsuav yog muaj hab haus tau, tab sis tsi pub yuam. 102

KEV ROV ROOJ Raws le Moob txuj cai ntawm kev rov rooj yog ib qho tseem ceeb rua Moob txuj kev neej kev tsaav. Vim tas txuj kev sib yuav yog ib qho kev tis neej tis tsaav yog muaj ib tug tub los yog ib ntxhais sib sau ua neej tes cov nam txiv, cov neej nug, hab cov viv ncaug nrug rua ob xeem Moob ntawm saib yuav sib hu le caag txij le nub tau muaj tub ntxhais sib yuav ntawm moog. Txuj kev rov rooj nuav yog muaj rua tug nkauj sem cuab, nkauj nrauj, los yog nkauj thim, tab sis yog tug nkauj nrauj los yog nkauj thim es nam txiv neej tsaa tau moog npu huv nom tswv lug lawm. Tug ntawd, txawm tas leej twg yuav los nam txiv neej tsaa muaj cai qua lawm tes tsi muaj kev rov rooj lawm. Qhov yuav tau rov rooj yog qhov tas tug nkauj sem cuab los yog nkauj thim ntawm yog cov tswv tsaab los yog nom tswv qua nua tes txhaj yuav tau moog rov rooj rua nam txiv los yog cov neej tsaa txheeb. Kev moog rov rooj tsi muaj yuav npaaj ib pluag noj sawv kev los yog ua tsaug thaum rov lug. Yog tas yug npaaj tau los thaum yuav moog hab thaum rov lug txug rau mov noj los tau, tab sis tsi hu tuab neeg tuaj koom los yeej tsi ua caag. Qhov tseem ceeb yog yuav tau ntshav ib tug tuab neeg ua 103

tug cev lug coj yug moog rov rooj tug neeg ntawm xeem Moob dlaab tsi los tau. Kev Npaaj Rooj Mov Raws le txuj cai tug yuav/tug vauv yog tug npaaj. Txawm npaaj tau luj hab yau los yeej tsi ua le caag. 1 Yuav nqaj, tua npua, nyuj, twm los nyob ntawm npaaj tau. 2. Rau tau rooj mov tav lawm 1. Caw nam txiv/tug nug nyob ua ntej 2. Caw tsoom neej tsaa hab kev zej kev zog lug nyob 3. Teev ib leej ib saab khob cawv 4. Tsaws cawv rua nam txiv/neej nug 5. Coj suav dlawg haus ib lwm cawv 6. Teev dlua cawv rua puab cov khob Kev has lug - Lug mas has le nuav rua meb ua nam ua txiv/ua neej ua nug hab ib tsoom kev neej kev tsaav nrug rua ib tsoom kev txij kev laug nyob sau lub rooj nuav tas raws le lub sab xaav mas kuj xaav tas yuav npaaj kom muaj ib peb zoo cawv hab ib tug zoo ntxuag tso sau lub rooj muaj lug dlaab tsi los maam has rua mej, tab sis cuag le xaav tau los ua tsi tau es tub npaaj tsi raws le txuj kaab leg kev cai cuag le yuav muab lu lug qhua lug has rua mej los thov mej suav dlawg xob xaav le caag. Nkauj thim - Lug mas has le nuav rua meb ua nam ua txiv/ua neej ua nug tas nyob le ntawm meb tug ntxhais/tug muam (lub npe) yaav taag lug lawm meb tau muab qua moog ua neej rua huv tsev xeem (moob), tab sis cuag le 104

lub neej kuj tsi raws le lub sab xaav tau muab thim rov lug. Yog le ntawd, (npe tug yuav) txhaj nyam tsum ntshaw tsaug tau moog qaws lug ua txij ua nkawm mas nub nua txhaj tau tuaj zeem meb ua nam ua txiv/ua neej ua nug tas yaam twg tsi txawj los yuav vaam meb qhuab qhov twg tsi paub los yuav thov meb qha kom txheej cuab ntseg yim nuv nawb. ✷ Has rua mej ib tsoom kev neej kev tsaav hab kev txij laug nyob sau lub rooj nuav tas nyob le ntawm mej tug ntxhais/tug muam (lub npe) yaav taag lug lawm mej tau muab qua moog ua neej rua huv tsev xeem (moob), tab sis cuag le lub neej kuj tsi raws le lub sab xaav tau muab thim rov lug. Yog le ntawd, (npe tug yuav) txhaj nyam tsum ntshaw tsaug tau moog qaws lug ua txij ua nkawm mas nub nua txhaj tau tuaj zeem mej ua neej ua tsaav ua ntsuab ua ze tas yaam twg tsi txawj los yuav vaam meb qhuab qhov twg tsi paub los yuav thov meb qha kom txheej cuab ntseg yim nuv nawb. Nkauj Nrauj - Lug mas has le nuav rua meb ua nam ua txiv/ua neej ua nug tas nyob le ntawm meb tug ntxhais/tug muam (lub npe) yaav taag lug lawm meb tau muab qua moog ua neej rua huv tsev xeem (moob), tab sis cuag le lub neej kuj tsi raws le lub sab xaav tau muab nrauj rov lug. Yog le ntawd, (npe tug yuav) txhaj nyam tsum ntshaw tsaug tau moog qaws lug ua txij ua nkawm mas nub nua txhaj tau tuaj zeem meb ua nam ua txiv/ua neej ua nug tas yaam twg tsi txawj los yuav vaam meb qhuab qhov twg tsi paub los yuav thov meb qha kom txheej cuab ntseg yim nuv nawb. 105

✷ Has rua mej ib tsoom kev neej tsaav hab kev txij laug nyob sau lub rooj nuav tas nyob le ntawm meb tug ntxhais/tug muam (lub npe) yaav taag lug lawm mej tau muab qua moog ua neej rua huv tsev xeem (moob), tab sis cuag le lub neej kuj tsi raws le lub sab xaav tau muab nrauj rov lug. Yog le ntawd, (npe tug yuav) txhaj nyam tsum ntshaw tsaug tau moog qaws lug ua txij ua nkawm mas nub nua txhaj tau tuaj zeem mej ua neej ua tsaav ua ntsuab ua ze tas yaam twg tsi txawj los yuav vaam meb qhuab qhov twg tsi paub los yuav thov meb qha kom txheej cuab ntseg yim nuv nawb. Nkauj Sem Cuab - Lug mas has le nuav rua meb ua nam ua txiv/ua neej ua nug tas nyob le ntawm meb tug ntxhais/tug muam (lub npe) yaav taag lug lawm meb tau muab qua moog ua neej rua huv tsev xeem (moob), tab sis cuag le lub neej kuj tsi kawg qub kawg ntsis nwg tug quas yawg tau taag sim lawm. Yog le ntawd, (npe tug yuav) txhaj nyam tsum ntshaw tsaug tau moog qaws lug ua txij ua nkawm mas nub nua txhaj tau tuaj zeem meb ua nam ua txiv/ua neej ua nug tas yaam twg tsi txawj los yuav vaam meb qhuab qhov twg tsi paub los yuav thov meb qha kom txheej cuab ntseg yim nuv nawb. ✷ Has rua mej ib tsoom kev neej tsaav hab kev txij laug nyob sau lub rooj nuav tas nyob le ntawm meb tug ntxhais/tug muam (lub npe) yaav taag lug lawm mej tau muab qua moog ua neej rua huv tsev xeem (moob), tab sis cuag le lub neej kuj tsi kawg qub kawg ntsis nwg tug quas yawg tau taag sim neej lawm. Yog le ntawd, (npe tug 106

yuav) txhaj nyam tsum ntshaw tsaug tau moog qaws lug ua txij ua nkawm mas nub nua txhaj tau tuaj zeem mej ua neej ua tsaav ua ntsuab ua ze tas yaam twg tsi txawj los yuav vaam meb qhuab qhov twg tsi paub los yuav thov meb qha kom txheej cuab ntseg yim nuv nawb. Kev Muab Nyaj –Yog tas npaaj muab ib qhov nyaj los yog ib lub qai rua nuav tes has ntxiv le nuav. ✷ Lug mas has ntxiv le nuav rua meb ua nam ua txiv/ua neej ua nug tas nub nua (npe tug yuav) ob tug tuaj zeem neej zeem tsaav cuag le tub npaaj tsi tau raws le lub sab xaav tsuas yog muab le (pis tsawg) ua ib lub nyuas qai rua meb ua nam ua txiv/ua neej ua nug xib es thov meb xob xaav le caag nawb. Cev qhov nyaj rua. Kev Pe 1. Nam txiv/neej nug 2. Ib tsoom puj koob yawb koob 3. Ib tsoom puj laug yawm laug 4. Ib tsoom nam ntxawv txiv ntxawm 5. Ib tsoom nug tij nug kwv 6. Nam txiv ncej dlaab ncej qhua 7. Tswv teb tswv chaw Cov Lug Has Thaum Pe ✷ (Npe tug yuav pe) tas (npe) ob tug tuaj zeem neej zeem tsaav tuaj tis nruab tis ze nub nua yuav tuaj nto tuaj thuv meb (npe tug yuav pe). Txhua tug puav leej has ib yaam. 107

✷ Nam txiv huv tsev nuav xim kaab los yej ntuj dlaab ntuj caag dlaab rawg dlaab tse (npe tug yuav) ob tug tauj zeem neej zeem tsaav tuaj tis nruab tis ze tas nub yuav vaam mej nrug tuav pov fwm ob tug ob nam txiv kom ua dlaab kom le lub sab xaav awv! ✷ Saab vaaj tim tswv tswv teb tswv chaw (npe lub nroog) (npe tug yuav) ob tug tauj zeem neej zeem tsaav tuaj tis nruab tis ze tas nub yuav vaam mej nrug tuav pov fwm ob tug ob nam txiv kom moog laaj faab maab tsi dlawm teg moog toob faab hlua tsi dlawm taw awv! Kev Haus Cawv Dlej cawv haus yaam twg los tau huas tug haus tsi tau los tsi pub yuav leej twg haus tau yaam twg los haus yaam ntawm huas haus tsi tau los tsi ua le caag. 1. Tug cawv tuaj rov rooj/zeem neej tsaa 2. Tug cawv sib zeem/zoo sab Kev Ua Tsaug Nyaj Txag/Khoom Phij Cuam Yog nam txiv neej tsaa muab nyaj txag hab khoom phij cuam rua ob tug tes yuav tau coj tug yuav moog ua tsaug. Kev ua tsaug, ua ntej tshaav plawg ua tsaug rua nkawm nam txiv yug moog rov rooj huv nwg lub tsev, cov sau rooj ib leeg ib pes, tsi taag le ntawm ib phaaj ib pes kom thoob plawg. Cov nrab lug has ib yaam tsuas yog tuav lub npe hab cais saib yog phaaj twg xib. ✷ (Npe tug neeg muab nyaj) tas ua meb tsaug nawb meb tsi ca le meb tseem muab nyaj txag phij cuam rua 108

(npe tug yuav) ob coj moog ua neej es txawm ca le sau hlo le lawm es ua meb tsaug nyaj tsaug txaj awv! Kev Ua Tsaug Tog Neej Tsaa Thaum tug cev lug raws cawv hab has cov lug taag rua cov nam txiv neej tsaav lawm, ua ntej yuav haus cawv yuav tau ua puab tsaug. Kev ua tsaug txawm ua tuab zag qoov hlo rua tug cev lug, tug yuav, hab nam txiv tuab zag los tau huas ua peb zag has los tau. Cov lug has le nuav: Ua ntej yuav haus lub cawv luas cev lug - ua tsaug (tuav npe) tas tsi ca le tseem coj dlej coj cawv coj nqaj coj no tua peb nyob tsawg noj nyob tsawg haus es dlej cawv los yuav haus huas nqaj no los yuav noj le lawm es ua tsaug nawb. Ua ntej yuav haus xeej cawv rov rooj - ua tsaug (tuav npe) tas tsi ca le tseem ris nqaj ris no ris dlej ris cawv tuaj peb nyob tsawg noj nyob tsawg haus nqaj no los yuav noj huas dlej cawv los yuav haus le lawm es ua tsaug nawb. 109

KEV TXHAIS TEJ LU LUG Lu lug Lu txhais Cuab tsaav = Laig dlaab Faam txaam = Laub cawv mo has xim hab txhaab zaub mo Has xim = Has lub rooj pluj rooj tuag Hum xim = Lub cawv txheeb qhua Ib saab khob cawv = Ib khub cawv Ib sab ob qeg = Pluj tuag Kawm moo = Sib zeem Khaub rho = Nyaj pub rua nam txiv Laij nyuj = pe laug noj nco Lawv vauv = Moog ntsag tu Lwm nyuj = Tug nyuj 2 Lwm thawv = Tshwj kaab Mej koob = Tug txis tshoob tog tub Nam txais nruab = Tug ua luag Nam txiv dlaab = Neej nug tog neej ntsaa Ncej vaag luv = Quas yawg taag simneej ncoos Nkauj nrauj = Ntxhais nrauj quasyawg Nkauj sem cuab = Puj nruag Nkauj thim = Ntxhais yuav quas yawg thim 110

Nkauj xib = Ntxhais tsi tau yuav quas Nkuam qhua = Txais ntawv nub qhua txig Nqaj tu moo = Nqaj phim rov rua hauv qhua Nqaj tug noob ncoos = Nqaj phim rua tug muaj noob Ntaa dlaab ntaa qhua = Tam kwv tij neej tsaa Ntaus dlaab tshoob = Laig dlaab tshoob Ntaus khau = Ua nkawm khau Ntaus nco = Qhua txij qhua laug Ntawg = Laig ntxhais tsev Ntxug neeg = Ua tug neeg Nyaj hauv qhua = Qhov nyaj nrug pwg qhua Nyaj tshaav ntuj = Nyaj paab sau zej zog Nyaj tug noob ncoos = Nyaj nqee plig ntaub xuv Nyaj txais hlua tsaj = Nyaj nqee plig tsaj Nyaj txais ku tau = Nyaj txais hlua tsaj Nyaj txais ntsaag = Qhov nyaj them lub ntsaag Nyaj txais ntsuv = Qhov nyaj them lub ntsuv Peg suab = Yaav tom ntej Phij laaj = Tug nrug vauv pe Phim tsha = Ib qhov nqaj nrug plaab nyuv Qaij kaus = Tua nyuj Qaws = Yuav Qheb tsoog tuam ntsaa = Moog huv tsev Ris tsaa = Tug aub lub kawm rov lug Rov rooj = Zeem neej tsaa Sawv thawv = Tsaj ua kev cai Suav yaig = Saib qab puas zoo Taw kev = Qhuab ke Thawj nyug = Tug nyuj 1 Thawj thawv = Kaav xim Theej thauv = Haus cawv 111

Thoob xu = Fi xuv, moog qha luas paub Tsaj ntag mo = Tsaj tsi sawv thawv Tsaj ntag nub = Tsaj zab tshaa/tsaj sawv thawv Tsaj plaub mog = Npua Tsaj plaub ntxhib = Nyuj/twm Tshaab = Nug dlua Tsuam khob = Ntxiv khob Tub tim pheej = Tug laub cawv Tug kis = Tug cob tshaav ntuj Tug taw kev = Tug qhuab ke Tug xyuas xau = Tug txiv qeej coj hauv qhua Txeem tsev = Moog txug nam txiv tog Txheej txheem cawv = Kev cai cawv Txhib vaag qaug = Quas puj taag sim neej Txij laug = Tug txheeb nuj nqe Txiv qeej = Tug tshuv qeej Txiv xaiv = Coj xai, sawv qaab nteeg Txum mej = Tug txis tshoob tog ntxhais Ua tsaug dlaag zug = Ua tsaug cov hauv num Ua tsaug mo = Ua tsaug cov hauv qhua Ua tsaug tshaav ntuj = Ua tsaug nyaj txag Xaab nyuj = Tug nyuj 3 Xaab thawv = Txiv txag Xab ceg rooj = Paab taug Xim nyuj = Tug nyuj 4 Xim thawv = Nam ua mov Xob sawv kev = Ua tsaug sawv kev Xov txiv dlaab = Tug nyaab tog neej tsaa Yawm txoos = Tug txiv ntxawm/yawm laug 112

Lug xaus Nyob rua huv phau ntawv kaab leg kev cai nuav tsi has kev pluj tuag, kev tso plig, kev tshoob kug, cov txheej txheem, kev teeb, cov nrab lug hab kev sau yuav muaj qhov yuam kev. Txawm le caag los xij peem, yog leej twg pum yuam kev qhov twg los thov sau ntawv los yog hu xov tooj rua kuv. Kuv zoo sab yuav khu, nrhu tawm los yog ntxiv rua kom raws le txuj kev cai ntawm peb Moob, tab sis suav dlawg yeej paub lawm tas peb Moob cov kaab leg kev cai yeej muaj qhov sib txawv vim peb tsi muab sau rua huv ntaub ntawv tseg tes nyag tsuas siv raws le nyag ncu. Yog leej twg los yog paab twg tseem tshuav cov paub los mej yuav tau siv raws le mej tug coj tej kaab leg kev cai ntawm huas yog leej twg los yog paab twg tsi muaj ib tug twg paub tej kaab leg kev cai Moob 113

lawm nua los mej siv raws le tau sau tseg rua huv phau ntawv nuav los yeej zoo. Vim tas cov kuv tau muab sau rua huv phau ntawv yeej yog cov nrab lug peb Moob naj nub siv lawm. Qhov tseem ceeb kws kuv tau muab sau hab muab teeb le nuav vim kuv pum tas yog tsi muab sau tseg le nuav tsi ntev tom ntej nuav peb Moob tej txuj ci hab tej kaab leg kev cai yuav poob taag tsi has nyob lub teb chaws twg vim suav dlawg tsi muaj lub caij nyoog lug kawm hab muaj tej qhov yuav tsi siv le lawm. Cov txheej txheem hab cov nrab lug kuv tau muab sau hab teeb nuav kuv tsuas yog xaiv cov kws Moob naj nub siv hab ua kom yooj yim rua txuj kev siv moog rua yaav peg suab yog le ntawm mej yuav pum tas nwg muaj tsi txhij hab sau tsi taag raws le Moob tej kaab leg kev cai ib txim siv dlhau taag lug lawm. Qhov tseem ceeb tag, kuv xaav tas txawm muab sau kom taag hab teeb kom txhij rua huv los yog tsi siv tes yeej tsi zoo dlaab tsi kuv txhaj tsi muab sau hab teeb rua huv. Ntxiv ntawm moog, thov ua tsaug rua cov twm hab siv phau ntawv txawm tas tshuav qhov twg kuv sau los yog teeb tsi tau rua huv los thov zaam lub txim pub. Yog tas mej leej twg muaj caij muab phau ntawv nuav twm taag lawm, mej yeej muaj cuab kaav ua tau tej dlej num kws peb Moob naj nub siv xis le tes kev pluj tuag, kev tso plig hab kev tshoob kug raws tau teeb rua huv nuav lawm. Phau ntawv nuav tau sau tav rua lub12/24/2007 nyob rua huv lub nroog Merced, Xeev California, Teb Chaws America. Yog leej twg xaav tau, thov hu xuv tooj los yog sau ntawv rua cov tuab neeg huv qaab nuav: 114

1. Tswv Vaam Xyooj 2670 N. Drake Ave Merced, CA 95348 (209) 726-1416 2. Tsaav Ntxawg Xyooj 2222 Stretch Street Merced, CA 95340 (209) 383-3739 3. Vaam Meej Xyooj th 3333 W. 24 Street Sacramento, CA 95824 (916) 666-9999 4. Nom Nplooj Xyooj 4444 N. “D” Street Sacramento, CA 95824 (916) 444-8888 Cov tuab neeg tau muab Moob cov kaab leg kev cai nuav lug tso ua ke hab sau rua phau ntawv yog cov muaj npe raws le huv qaab nuav: 1. Npuag Laaj Xyooj 2. Tsaav Ntxawg Xyooj 3. Ntxheb Leej Xyooj 4. Ntshab Neeb Thoj 115

Cov tuab neeg sau phau ntawv, muab teeb kom raws le tug txheej txheem siv, tshawb saib kom sau tsaug, hab tso dluab yog cov muaj npe le huv qaab nuav: 1. Tswv Vaam Xyooj 2. Tsaav Ntxawg Xyooj 3. Vaam Meej Xyooj 4. Nom Nplooj Xyooj CIM XIM Phau ntawv nuav yuav tsi pub luam ntxiv yog leej twg xaav muab luam ntxiv, yuav tau txais kev tso cai lug ntawm cov tau sau phau ntawv. Yog leej twg laam muab luam ntxiv tsi tau txais kev tso cai, tug ntawm yuav tsaug nplua raws le txuj cai ntawm lub teb chaws kws koj nyob. 116