Ang Kaloob ng Espiritu Santo

ANG KALOOB NG ESPIRITU SANTO Tinagalog ni NELSON P. MARANAN



CONTENTS 1 1 ANG KALOOB NG ESPIRITU SANTO 3 4 Ang mga Katotohanan 6 Ang Pribilehiyo Ang Patunay 9 Ang Pangako Pahayag ng Pananampalataya



ANG KALOOB NG ESPIRITU SANTO M ilyun-milyon ang nakatanggap ng karanasang ito; naranasan mo na ba? Ang kaloob ng Espiritu Santo ay naging paksa ng maraming talakayan sa ating panahon. Ang mga kalalakihan at kababaihan mula sa lahat ng mga pananam- palataya at mula sa lahat ng antas ng pamumuhay ay naging interesado na maghanap ng higit na pag-unawa sa kamangha-manghang espirituwal na karanasang ito. Nasa ulo ng balita, nangingibabaw sa nilalaman ng maraming reli- hiyosong peryodiko, at sa pangkalahatan ay lumilikha ng kaguluhan, ang canon ng apostolikong pananampalatayang ito ay nararapat sa isang taos-pusong pagsusuri. Ang mga Katotohanan Ang Espiritu Santo ay Diyos.

2 “Ang Diyos ay Espiritu.” — JUAN 4:24 “May… iisang Espiritu.” — EFESO 4:4 Upang makapasok sa kaharian ng Diyos, sinabi ni Jesus na ang isang tao ay kailangang “ipanganak na muli,” o “ipan- ganak sa tubig at sa Espiritu” (Juan 3:3-5). Ang kapanganakan sa Espiritu at ang bautismo sa Espiritu ay magkasing-kahulu- gan. Naunawaan ni Apostol Pedro ang katotohanang ito nang magsalita siya sa karamihan sa Jerusalem noong Araw ng Pentecostes: “Pagsisihan ninyo't talikuran ang inyong mga kasalanan at magpabautismo kayo sa pangalan ni Jesu-Cristo upang kayo'y patawarin; at tatanggapin ninyo ang kaloob ng Espiritu Santo.” — MGA GAWA 2:38 Ang karanasang ito ay natanggap ng mga Judio noong Pentecostes (Mga Gawa 2:1-4), ng mga Samaritano (Mga Gawa 8:15-17), at ng mga Hentil (Mga Gawa 10:44-48),

Ang Kaloob ng Espiritu Santo 3 na malinaw na nagpapahiwatig na ito ay para sa lahat ng tao, anuman ang lahi, paniniwala, kulay, o katayuan sa buhay. Ang bagong kapanganakan, na binubuo ng tubig at Espiritu, ay hindi kailanman itinakda bilang opsyonal o hindi mahalaga. “Kayong lahat ay kailangang ipanganak na muli” ang mga salita ni Jesus sa Juan 3:7. Hanggang ang isang tao ay isinilang ng Espiritu, hindi siya matatawag na “anak” ng Diyos (Roma 8:15-16). \"Sapagkat hindi espiritu ng pagkaalipin ang inyong tinanggap upang kayo'y mamuhay sa takot. Sa halip, ang inyong tinanggap ay ang Espiritu ng pagkupkop upang kayo'y gawing mga anak ng Diyos, kaya tayo'y tumatawag sa kanya ng, “Ama, Ama ko!” Ang Espiritu ang nagpapatotoo, kasama ng ating espiritu, na tayo'y mga anak ng Diyos.\" Ang Pribilehiyo Ngunit bakit tumutok lamang sa ganap na utos? Ito ay isang pinagpalang pribilehiyo na maranasan ang pagpapalaya ng espiritu, na matagpuan ang kalayaan ng kaluluwa at pagpa- pahayag sa bautismo sa Espiritu Santo. Walang ibang karanasang katulad nito. \"Walang kapantay\" ay ang tanging sapat na paglalarawan sa pagpuspuspos ng Espiritu. Ang pagbabago ay tungo sa isang ganap na bagong larangan at paraan ng pamumuhay. Isang lubos na pagbabago ang naga- ganap. Ang kaluluwa ay may isang hungkag na lugar na

4 walang iba pang makapupuno o magiging kasiya-siya. Ang bautismo sa Espiritu ay ganap na nagbibigay-kasiyahan sa bawat nananabik ng kaluluwa. Ang karanasang ito ay katuparan. Ang Patunay Mayroong dalawang pangunahing patunay ng bautismo sa Espiritu Santo. 1. Ang una, panlabas na katibayan ay pagsasalita ng mga wika, na nangangahulugan ng mahimalang pagsasalita sa mga wikang hindi alam ng nagsasalita. Ang pagsasalita sa ibang mga wika ay nauugnay sa bautismo sa Espiritu mula pa noong simula ng panahon ng iglesiya. Sa kaarawan ng iglesiya sa Bagong Tipan, ang Araw ng Pentecostes pagkatapos ng pag-akyat ni Kristo sa langit, humigit-kumulang 120 disipulo ni Kristo ang napuspos ng Espiritu ng Diyos at “at silang lahat ay napuspos ng Espiritu Santo at nagsimulang magsalita ng iba't ibang wika, ayon sa ipinagkaloob sa kanila ng Espiritu” (Mga Gawa 2:1, 4). Ang sambahayan ng isang senturyon na Italyano ay nakatanggap ng parehong espirituwal na karanasan, na agad na natukoy ng mga Hudyong Kristiyanong nagmamasid, “sapagkat narinig nilang nagsasalita sila ng mga wika” (Mga Gawa 10:44- 48). Sa Mga Gawa 19:1-6, narinig ng isang grupo ng mga disipulo ni Juan Bautista ang tungkol sa Espiritu Santo mula kay apostol Pablo; sila rin ay napuspos ng Espiritu, “at sila ay nagsalita ng mga wika.” Hindi natin sapat na maipahayag sa ating sariling mga salita ang lubos na kaligayahan na naranasan sa bautismo ng

Ang Kaloob ng Espiritu Santo 5 Espiritu. Tanging sa pamamagitan lamang ng pagsasalita sa ibang mga wika masasabi natin kung ano ang ipahahayag ng ating kaluluwa. Marahil ay may ilang iba pang mga dahilan kung bakit pinili ng Diyos ang pagsasalita ng mga wika bilang unang katibayan ng bautismo sa Espiritu na ito. Ito ay isang panlabas na katibayan na ang mga tumatanggap at mga nanonood ay parehong matukoy nang may katiyakan (Mga Gawa 10:46). Ito ay isang pare-parehong katibayan—lahat ng mga alagad noong Pentecostes, lahat ng sambahayan ni Cornelio, at lahat ng mga mananampalataya sa Efeso ay nagsalita ng mga wika. \"Gayundin ang bawat isa na ipinan- ganak ng Espiritu\" ang mga salita ni Jesus sa Kanyang paglalarawan sa espirituwal na bagong kapanganakan (Juan 3:8). Ang pagsasalita ng mga wika ay nagpapahiwatig din ng ganap na pagsupil ng Espiritu sa ating mga kalooban. Ang dila ang pinaka masuwayin na bahagi ng katawan (Santiago 3:8), at ang pagpapaamo nito ng Diyos ay katibayan ng Kanyang ganap na pagsupil. 2. Ang karagdagang katibayan ng nananatiling presensya ng Espiritu sa ating buhay ay ang bunga ng Espiritu, na binanggit ni Pablo sa Galacia 5:22-23: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabai- tan, kabutihan, katapatan, kahinahunan, at pagpipigil sa sarili. Walang batas laban sa mga ganito.”

6 Ang Pangako Ang bautismo ba ng Espiritu Santo ay para lamang sa mga apostol o sa mga unang alagad? Ito ba ay nakalaan lamang ngayon sa mga iilang pinila na higit sa karaniwan? Ang malinaw na sagot sa mga tanong na ito ay HINDI. Nilinaw ni apostol Pedro sa kanyang mensahe noong Araw ng Pentecostes na ang kaloob ng Espiritu Santo ay para sa lahat: “Sapagka't ang pangako ay sa inyo, at sa inyong mga anak, at sa lahat ng nasa malayo, gaya ng marami, gaya ng tatawagin ng Panginoon nating Diyos.” — MGA GAWA 2:39 \"Kayo ngang masasama ay marunong magbigay ng mabubuting kaloob sa inyong mga anak. Lalo na ang inyong Ama na nasa langit, na magbibigay ng Espiritu Santo sa mga humi- hingi sa kanya!” — LUCAS 11:13 Ang ating pananampalataya, pagsunod, at pagpapasakop sa Panginoong Jesus at sa Kanyang ebanghelyo ay pinagiging karapat-dapat tayo para sa pinakamasayang karanasang ito. \"Saksi kami sa mga bagay na ito, kami at ang

Ang Kaloob ng Espiritu Santo 7 Espiritu Santo na ipinagkaloob ng Diyos sa mga sumusunod sa kanya.” — MGA GAWA 5:32 “Nagsisimula pa lamang akong magsalita ay bumaba na sa kanila ang Espiritu Santo gaya ng nangyari sa atin noong una. At naalala ko ang sinabi ng Panginoon, ‘Si Juan ay nagbabautismo sa tubig, ngunit babautismuhan kayo sa Espiritu Santo.’ Kung binigyan sila ng Diyos ng kaloob na tulad ng ibinigay niya sa atin noong tayo'y manalig sa Panginoong Jesu-Cristo, sino ako para hadlangan ang Diyos?” — MGA GAWA 11:15–17 Sinabi ni Jesus, “Lumapit sa akin ang sinumang nauuhaw at uminom. Ang sumasampalataya sa akin, tulad ng sinabi ng kasulatan, ‘Mula sa kanyang puso ay dadaloy ang ilog ng tubig ng buhay.’ ” Sinabi niya ito tungkol sa Espir- itu, na tatanggapin ng mga sumasampalataya sa kanya. — JUAN 7:37-39

8 Gaya ng sinabi sa Isaias 12:3, “Malugod kayong sasalok ng tubig sa balon ng kaligtasan.\" Hanapin Siya ngayon, dahil “Siya ang nagbibigay ng gantimpala sa mga humahanap sa kanya.” — HEBREO 11:6 “Narito ang tubig, kayong mga nauuhaw.” — ISAIAS 55:1 Ibig sabihin ikaw!

PAHAYAG NG PANANAMPALATAYA NG APOSTOLIC JESUS NAME CHURCH Layunin ng AJNC na ipalaganap ang mga aral ng Panginoong Hesukristo. Ang aming mga pangunahing doktrina ay ang mga sumusunod: Naniniwala kami na mayroong isang hindi mahahati na Diyos, ang isang tunay na buhay na Diyos na nahayag sa laman sa katauhan ni Jesu- Kristo. Naniniwala kami na ang Bibliya ay kinasihan ng Diyos, ang hindi nagkakamali na Salita ng Diyos. Naniniwala kami na ang Bibliya ang tanging bigay ng Diyos na kapangyarihan na taglay ng tao; samakatuwid, ang lahat ng doktrina, pananampalataya, pag-asa, at lahat ng pagtuturo para sa iglesiya ay dapat na nakabatay at naayon sa Bibliya. Naniniwala kami sa bigay ng Diyos na plano ng kaligtasan para sa sangkatauhan sa dispensasyon ng biyaya sa pamamagitan ng pagsisisi,

pagpapabautismo sa pangalan ni Jesus, at pagtanggap ng kaloob na Espiritu Santo na pinatutunayan sa pagsasalita ng iba pang mga wika ayon sa ipinagkaloob ng Espiritu Santo na bigkasin. Naniniwala kami na ang planong ito ng kaligtasan ay magagamit, sa ating panahon, kapwa sa mga Hudyo at sa mga Hentil na tinatawag na “sa mga nasa malayo” Mga Gawa 2:39, “na inilapit sa pamamagitan ng dugo ni Kristo” (Efeso 2:13). At ang pangakong ito ay para sa lahat ng tinatawag ng Diyos sa Kanyang sarili. Naniniwala kami na ang buhay ng kabanalan dapat ipagpatuloy dahil kung wala ito'y sinoman ay di makakakita sa Panginoon. Ang aming mga pangunahing pagpapahalaga ay binubuo ng pagsamba, pangangalaga ng pastor at pagiging alagad, pangangalaga sa mga bagong mananampalataya, pakikisama, pag-eebanghelyo, at edukasyong Kristiyano. Para sa mga katanungan o iba pang alalahanin, mangyaring magpadala sa amin ng inyong mensahe. 2336 Agua Marina St. San Andres Bukid Manila, Philippines Website: https://ajncphilippines.com/ 0917 840 6460 [email protected] [email protected]