سدرة المُنتهك #سمير_عبد_الباقى

‫‪ O‬بلدنا هرمت و عجزت‬ ‫و مافيش غرف انعاش‬ ‫أول ما صوتها ينازع‬ ‫يطلب الاومباش‬ ‫رمت الروشته اليسارى و أصبحت حّرة‬ ‫بتشرب المّرة راضية‬ ‫هتيكة للأوباش‬ ‫**‬ ‫و لسه عشمان فى بكرة؟‬ ‫يا هناه مين عاش!‬ ‫‪‬‬ ‫‪151‬‬

‫‪ O‬ضيعت عمرى‬ ‫أ ِسد شروخ سطوح بيتها‬ ‫عشمى عجين طمى نارى‬ ‫يدارى وك ِستها‬ ‫اتارى عتبتها وهم وحيطها رمل قزاز‬ ‫و جهل طوب لابتزاز‬ ‫بيشل خطوتها‬ ‫**‬ ‫مين اللى دّوب‬ ‫سموم عارها فى ثورتها؟‬ ‫‪‬‬ ‫‪152‬‬

‫‪ O‬حّرص لشرفك‬ ‫م اللى طمعان فيك‬ ‫وامشى عدل‬ ‫لو ليك عمود يداريك‬ ‫فرعونها أصلا كان رباية مره‪..‬‬ ‫فى الجد بيجيب ورا‬ ‫يزعق ويعمل ديك‬ ‫**‬ ‫و اقرا التاريخ – إصطبر‬ ‫ال ّدور يحل عليك‬ ‫‪‬‬ ‫‪153‬‬

‫‪ O‬عالم مافيهوش لا (عليّة)‬ ‫ولافيه (عبد الباقى)‬ ‫و بيقرف فيّه و بيحرضنى‬ ‫إنى أحرق أوراقى‬ ‫و انت عمال بتأتتنى تأنبنى على سوء الحال‬ ‫و السوق شغال‬ ‫قوانينه الباردة بتطفى جمرة اشواقى‬ ‫**‬ ‫شبّاكك فين ياللى فوانيسك‬ ‫ذاكرت عليها زمان ألفى و بائى‬ ‫‪‬‬ ‫‪154‬‬

‫‪ O‬لل ّميه ريحة‬ ‫وكانت من طيبتها زمان‬ ‫لاطعم ‪ ,‬لا نكهة‬ ‫لا غبرة و لا ألوان‬ ‫قول لى يا أبو الهم قلبت طعم ريحتك ليه؟‬ ‫من يوم بقيت بيه‬ ‫و عطولك شريط و نيشان‬ ‫**‬ ‫نسيت صابون أمك‬ ‫و قُلـّة خالك الفنان‬ ‫‪‬‬ ‫‪155‬‬

‫‪ O‬صورة أبويا قصادى‬ ‫كأن تنده عليّه‬ ‫و جنبها صورة أمى‬ ‫بنت السواقى (عليّه)‬ ‫دموعى غالبانى أبكى لأنى وحدانى ‪..‬‬ ‫حاصرانى أحزانى‬ ‫بما فعله الزمن بيه!‬ ‫**‬ ‫و انا اللىكان حضنهم‬ ‫حد الوجود ليـّه!‬ ‫‪‬‬ ‫‪156‬‬

‫‪ O‬فوق يا ابن أدم من غماك‬ ‫أستعد‬ ‫مقهور تدور فى الساقية‬ ‫تور و تكد‬ ‫مكتوب عليك عمى عينيك فى دواير‬ ‫مكروب مكابر‬ ‫فى إيدين مستبد‬ ‫**‬ ‫يا عنيد مخالف‬ ‫بتبنى خايف تهد‬ ‫‪‬‬ ‫‪157‬‬

‫‪ O‬طول عمركو تبن‬ ‫و عايم على سطح المية‪!.‬‬ ‫مع انكعوبكم مغروزة‬ ‫فى طين البركة ميّه المية‬ ‫يا عم دى خلقة ربنا و وراثه و الاّ قدرات؟‬ ‫تمضغوا لحم الأموات‬ ‫برشاقة و فن و حرفيـّة‬ ‫**‬ ‫و تخوضوا ف دم الأحياء‬ ‫بأناقة و خفـّة أكاديمية‬ ‫‪‬‬ ‫‪158‬‬

‫‪ O‬حتى الرسول اللىكان‬ ‫جبريل بيوحى إليه‬ ‫عمره ما قال أنه عارف‬ ‫كل شىء حواليه‬ ‫جا ّى انت ياللى جهول العقل و الوجدان‬ ‫تشكمنى بقانون زمان‬ ‫ولّى و راحت عليه‬ ‫**‬ ‫شرع الحياة التقدم‬ ‫و الحق مرجعونا ليه!‬ ‫‪‬‬ ‫‪159‬‬