Moob Kaab Leg Kev Cai

MOOB KAAB LEG KEV CAI Naj Nub Siv

Kev Teb Saab 1. Qha Txug Phau Ntawv 7-8 2. Lub Hom Phaj 8-9 3. Sau Txug Dlaab Tsi 9 KEV PLUJ TUAG 1. Cov Hauv Num 10-11 2. Kev Nrhav Hauv Num 11-12 3. Kev Ua Dlej Num? 11-12 4. Kev Thov Hauv Num 12-15 5. Kev Txis Hauv Num 15-19 6. Kev Ua Dlej Num? 20-24 7. Kev Hu Qhua 24 8. Kev Hu Cov Tuaj Tog Ntsuv 24 9. Kev Ua Hauv Qhua 24-26 10. Nyaj Txais Ntsuv/Ntsaag 26 11. Kev Txais Hlua Tsaj 27 12. Kev Tug Hauv Qhua 27 13. Kev Tua Tsaj 27-28 2

14. Kev Cob Tsaj 28-29 15. Kev Sawv Thawv 30 16. Kev Tseg Nqaj Tog Ntsuv 30 17. Kev Tseg Nqaj Tog Ntsaag 31 18. Kev Tseg Nqaj Tsi Sawv Thawv 31-32 19. Tsaj Sawv Thawv 32 20. Tsaj Tshaav Ntuj 32 21. Kev Tseg Nqaj Miv Nteeg 33 22. Kev Ntawg 33-34 23. Kev Ua Tsaug Tshaav Ntuj Huv Tsev 34 24. Kev Ua Tsaug Hauv Qhua Huv Tsev 35 25. Kev Thov Coj Xai 36-37 26. Kev Ua Tsaug Mo 38 27. Kev txhaj txhais 28. Kev Txav Tug Npua Nas Rooj 39 29. Kev Ua Tsaug Dlaag Zug 38-39 30. Kev Ua Noj Haus/Siv Dlej Cawv 39-40 KEV TSO PLIG 1. Cov Hauv Num 41 2. Cov Hauv Num Tsi Siv Lawm 41 3. Kev Dlaab Qhua 41 3

4. Kev Thov Cov Hauv Num 41-44 3. Kev Ntawg 44 4. Kev Tua Tsaj 44 5. Kev Ua Tsaug Tshaav Ntuj Huv Tsev 45 6. Kev Ua Tsaug Hauv Qhua Huv Tsev 45-46 7. Kev Ua Tsaug Tshaav Ntuj Tom Tog Tsev 46 8. Kev Ua Tsaug Hauv Qhua Tom Tog Tsev 47 9. Kev Ua Tsaug Dlaag Zug Tom Tog Tsev 47-48 10. Kev Tseg Nqaj 48 11. Kev Ua Noj Ua Haus 48-49 KEV TSHOOB KEV KUG 1. KEV SIB YUAV 1. Qheb Roog Tuam Ntsaa 50-51 2. Lawv Vauv 51-52 3. Nkauj Thim 52-53 4. Nkauj Nrauj 53 5. Nkauj Sem Cuab 53-54 2. COV NEEG THOV MOOG UA TSHOOB 4

1. Qheb Roog Tuam Ntsaa & Lawv Vauv 54-55 2. Nkauj Thim, Nrauj, Sem Cuab 55 3. COV LUG HAS UA TSAUG SAWV KEV 1. Qheb Roog Tuam Ntsaa 56-59 2. Lawv Vauv 59-62 3. Nkauj Thim, Nrauj, Sem Cuab 62-64 4. KEV HAS TSHOOB 1. Qheb Roog Tuam Ntsaa 64 2. Lawv Vauv 64 3. Cov Rrab Lug 65-66 4. Kev Pib Has Tshoob 67 5. Qheb Roog Tuam Ntsaa 67 6. Lawv Vauv 67 7. Nkauj Thim, Nrauj, Sem Cuab 68 5. KEV NTAUS QHUAS 1. Cov Qhua Txij Qhua Laug 68 2. Qab & Nyaj Ntaus Nco 68-69 6. KEV UA NOJ UA HAUS 1. Qheb Toog Tuam Ntsaa & Lawv Vauv 69 2. Nkauj Thim, Nrauj, Sem Cuab 69 5

7. COV XEEJ CAWV 1. Qheb Roog Tuam Ntsaa & Lawv Vauv 69 2. Nkauj Thim, Nrauj, Sem Cuab 70 8. KEV LAIJ NYUJ 70-71 1. Sawv Kev Moog Ua Tshoob 2. Moog Txeem Tsev Tom U 3. Taw Qhua 4. Xeej Cawv Poob Plaag 5. Xeej Cawv Paam Thaaj 6. Ua Tsaug Nyaj Txag 7. Xob Sawv Kev Rov Lug Tsev 8. Rov Lug Txug Tsev 9. Xeej Cawv Phua Rooj/Nyuj Kub 9. YUAV LAIJ NPAUM LE CAAG 71 10. COV LUG LAIJ NYUJ 1. Sawv Kev Moog Ua Tshoob 71 2. Thaum Moog Txeem Tsev 72 3. Taw Qhua 4. Xeej Cawv Poob Plaag 5. Xeej Cawv Paam Thaaj 6. Ua Tsaug Nyaj Txag 7. Xob Sawv Kev Rov Lug Tsev 8. Rov Lug Txug Tsev 9. Xeej Cawv Phua Rooj/Zoo Sab 6

10. KEV UA TSAUG SAWV KEV 1. Qheb Roog Tuam Ntsaa 2. Lawv Vauv 3. Nkauj Thim 4. Nkauj Nrauj 5. Nkauj Sem Cuab 11. KEV TAM MEJ KOOB 1. Qheb Roog Tuam Ntsaa 2. Lawv Vauv 3. Nkauj Thim 4. Nkauj Nrauj 5. Nkauj Sem Cuab 12. KEV QUA NTXHAIS 1. Ua Tsaug Txhij Tub Yug 2. Ua Tsaug Tso Tub Yug KEV ROV ROOJ 1. Kev npaaj rooj mov 2. Kev has lug 3. Nkauj thim 4. Nkauj nrauj 5. Nkauj sem cuab 6. Kev muab nyaj 7. Ke pe 8. Kev has lug thaum pe 7

9. Kev haus cawv 10. Kev ua tsaug nyaj txag/ khoom phij cuam 11. Kev ua tsaug tog neej tsaa COV LUG XAUS Kev Qha Txug Phau Ntawv Phau ntawv nuav sau txug Moob tej kaab leg kev cai. Moob yog ib haiv neeg muaj kaab leg kev cai zoo kws tau coj hab siv ua ntu zuj zug ib tam dlhau ib tam lug txug rua naj nub nuav, tab sis tsi tau muaj leej twg yuav muab sau rua huv ntaub ntawv vim Moob cov ntawv tau pluj lug tau ntau tam lub sib hawm nyob Teb Chaws Suav lawm. Cov kaab leg kev cai tau muab sau rua huv phau ntawv nuav feem ntau yog cov nyob rua saab Moos Pheeb. Tsoom kwv tij neej tsaa Moob tsi has paab pawg twg los xeem twg kuj coj txawv miv ntsiv, tab sis yeej puav sib thooj le ntau tsuas yog txawv qee qhov. Raws le muab tshawb tuab zoo qhov txawv ntawm tug yuav has le caag los muaj, tab sis qhov tseeb tag nwg muaj ob yaam xis le: 1. Tim qhov tsi muab sau rua huv ntaub ntawv tsuas yog ncu rua lub hlwb raws le tug kws qha. Thaum tsi ncu lu twg los qhov twg lawm tes ca le poob lu ntawm los qhov ntawm lawm. Lub sib hawm kawm tav, tej zag ib leeg ncaim moog nyob ib qho txuj kev moog lug los tsi yooj yim huas xuv toj los tsi muaj tes yog leej twg tsi ncu lu twg los qhov twg lawm tes yeej tshaab (rov nug) tsi tau. Lub sib hawm siv tug kawm ntawm ncu tau le caag yuav tau siv le ntawm. Yog ib paab tuab neeg twg los ib 8

pawg kwv tij twg siv ib qho le ntawm lug tau ntau xyoo los ntau tam tes ca le hu tas yog ib qho kev cai le lawm. 2. Tim txuj kev riv teb raws chaw yog thaum ib paab tuab neeg twg riv ib lub teb chaws moog rua lwm lub los riv ib lub zog moog rua lwm qhov. Muaj tej qhov kev cai kuj tseem ua tau huas muaj tej qhov kuj siv tsi tau le qub lawm. Thaum tseg ib yaam kev cai tsi siv le ntau xyoo lawm tes ca le poob qhov ntawm lawm, txhaj ua rua muaj kev sib txawv txaav thaum ib paab ncaim moog nyob ib qho lawm. Naj nub taam sim nuav txawm yog ib paab kwv tij thooj puj koom yawm thaum u lug los yog sib ncaim ntev lawm tes tej kaab leg kev cai yeej muaj qhov txawv. Lub Hom Phaj Raws le muab saib tuab zoo Moob tej kaab leg kev cai yog ib cov kev cai tseem ceeb kws lug tuav Moob txuj kev coj noj coj ua, kev sib paab, kev koom teg, hab kev nyob ua paab ua pawg. Thaum muaj kev ib sab ob qeg Moob txhaj thov tej kwv tij hab tej neej tsaa tuaj sib paab ua tej dlej num raws le txuj kev neej kev tsaav hab kev kwv kev tij. Txawm yog thov txug leej twg los txhaj tsi pum qaab yig vim txuj kaab leg kev cai yeej coj le ntawm. Tsi taag le ntawd, yaav dlhau lug lawm feem ntau ntawm cov paub kaab leg kev cai yeej yog cov tuab neeg paub taab hab yog cov coj ntawm Moob. Tsi taag le ntawd, Moob cov txuj ci yog cov kaab leg kev cai ntawm. Cov tuab neeg paub taab hab muaj zoo laaj lim tswv yim txhaj mob sab kawm tej kaab leg kev cai. Moob txhaj tau siv/coj ua ntu zuj zug lug txug rua naj nub nua, tab sis zoo 9

le taam sim nuav moog rua yaav tom ntej yuav muaj ntau yaam xis le: kev kawm ntaub kawm ntawv hab kev ua dlej ua num ua rua cov hluas tsi muaj caij lug kawm Moob tej kaab leg kev cai yog tas tsi muab sau rua huv ntaub ntawv tes tsi ntev yuav poob taag lawm. Yog le ntawd, txhaj tau muab sau rua huv ntaub ntawv tseg yog leej twg xaav paub hab xaav siv los ca le nthuav huv ntaub ntawv txhaj yooj yim hab txhaj yuav ceev tau Moob tej txuj ci tseg rua Moob tau siv moog rua lub neej yaav peg suab (tom ntej). 10

Sau Txug Dlaab Tsi Raws le muab saib tuab zoo Moob cov kaab leg kev cai muaj ntau yaam zoo hab tseem ceeb heev kws Moob tseem naj nub siv, tab sis feem ntau ntawm cov siv heev txhaaj yog muaj raws le huv qaab nuav vim cov nuav yog ib co siv tau moog lug rua txhua paab pawg los txhua xeem Moob. ✷Kev pluj tuag ✷Kev tso plig ✷Kev tshoob kug KEV PLUJ TUAG Txuj kev pluj tuag yog ib qho tseem ceeb thaum muaj ib tug tuab neeg taag sim neej lawm, muaj ntau yaam yuav tau ua hab ntau paab pawg los yog ntau xeem yuav tau tuaj sib paab raws le txuj kev thov dlaag thov zug ntawm tsev xyom cuab. Cov Hauv Num 1. 1 tug taw kev kwv tij/qhua 2. 1 tug cuab tsaav yog cov kwv tij hab ua kwv ntawm tug taag sim neej 3. 2 tug thawj thawv 1 tug kwv tij 1 tug neej tsaa 4. 2 tug lwm thawv 1 tug kwv tij 1 tug muam vauv/ntxhais vauv 5. 2 tug xaab thawv 1 tug kwv tij 1 tug muam vauv/qhua 6. 2 tug xim thawv 1 tug kwv tij 1 tug muam vauv/ntxhais vauv 7. 2-4 tug txiv qeej 1 tug kwv tij 1 tug neej tsaa/qhua 11

8. 2 tug ntxug neeg ntaus khau 1 tug kwv tij 1 tug qhua 9. 2 tug faam txaam 1 tug kwv tij 1 tug qhua 10. 1 tug txij laug tug qhua tsi yuav yog tsi muaj rooj 11. 1-2 tug coj xai kwv tij/qhua miv nteeg tsi muaj Kev Rhav Cov Hauv Num Yaav dlhau taag lug lawm, thaum muaj ib tug taag sim neej lawm, cov laug pheej yuav kom cov muam vauv hab cov ntxhais vauv txheeb txheeb ntawm tug tuab neeg taag sim neej los yog huv tsev neeg ntawm lug ua dlej num xib, tab sis pum tas yog muab cov muam vauv hab ntxhais vauv huv tsev hu ua num taag lawm tes yuav tsi muaj tuab neeg paab cov tub xyom cuab lawm. Yog le ntawd, yuav tseg cov muam vauv hab ntxhais vauv huv tsev xob hu ua num lawm txawm tas yuav hu los maam hu cov kem zog xis le tej muam vauv hab ntxhais vauv kwv tij los yog hu cov qhua saab nrau los yeej tau. Kev Ua Dlej Num Raws le txuj kev nrhav cov hauv num yog thaum muaj ib tug huv tsev neeg taag sim neej lawm. Tsev xyom cuab thov tau cov hauv dlej hauv num hab cob dlej num taag rua cov hauv num lawm cov hauv dlej hauv num yog cov lug ua dlej num rua lub nteeg. Tsi taag le ntawd, cov laug kuj muaj ib qho tas yog luas tsev neeg tau thov yug ib zag moog ua dlej num rua tsev neeg ntawm ib lub nteeg ua ntev lawm tes luas txawm thov dlua los yug yuav moog ua tsi tau rua lwm tug huv tsev neeg ntawm lawm, tab sis nyob rua lub neej tam nuav los yog txij nub nua moog rua 12

yaav peg suab yog leej twg txawj yaam twg luas thov txug lawm yuav tsum tau paab ua txawm tas yug ua pis tsawg zag los yeej yuav tau ua yog tas yug txawj yaam dlej num kws luas thov ntawm. 1. Cuab tsaav, kaav xim, tshwj kaab, nam ua mov, faam txaam, ntxug neeg ntaus khau los yog txiv qeej yog luas thov txug lawm yuav tsum paab tsi muaj caiv, tab sis yog tas tug ntawm muaj mob los yog tsi khoom rua lub caij nyoog ntawm lawm tag los yuav tau nrhav dlua lwm tug. 2. Nam txiv dlaab, cuag, xov txiv dlaab los yog npawg mas txawm tsi txawj hab tsi paub los yog luas thov lawm vim yog tsaug kev tsaug cai lawm tsi muaj yig yuav tsum leeg ua yog yug tsi paub los yug maam nrhav lwm tug ntawm cov yug paub moog paab ua kom tav qhov dlej num ntawm. Kev Thov Hauv Num Thaum nrhav tau cov hauv dlej hauv num taag lawm, cov xyom cuab yuav tau thov ob tug thawj thawv ua ntej. Yog thov tau ob tug thawj thawv lawm, ob tug maam thov cov hauv num yau ntxiv moog. Tsi has moog thov huv tsev los yog hu xuv tooj kuj has tuab cov lug, tab sis yog moog thov huv nwg tsev los yog thov huv xyom cuab lub tsev nua tes yuav tau nrhav ib lub rooj, nqug tug tuab neeg yug yuav thov zug ntawm nyob saab peg, laub ib saab khob cawv cev rua nwg maam has 13

cov lug. Cov nrab lug tes has ib yaam tsuas yog cais lub npe qhov dlej num. Tug taw kev - (Tuav npe) has rua koj tas xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg koj nyob pauj dlaab pauj qhua tsi pum qaab yuav zug tas yuav koj lub dlaag lub zug paab ua yawm txiv taw kev tas cuag le yuav muab koj laub rua txuj tsiv kev los yuav thov koj le nawb. Tes pe Ob tug thawj thawv - (Tuav npe) has rua koj tas xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg koj nyob pauj dlaab pauj qhua tsi pum qaab yuav zug tas yuav koj lub dlaag lub zug paab ua thawj thawv tas cuag le yuav muab koj laub rua txuj tsiv kev los yuav thov koj le nawb. Tes pe (ob tug has ib yaam) Ob tug lwm thawv - (Tuav npe) has rua koj tas xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg koj nyob pauj dlaab pauj qhua tsi pum qaab yuav zug tas yuav koj lub dlaag lub zug paab ua lwm thawv tas cuag le yuav muab koj laub rua txuj tsiv kev los yuav thov koj le nawb. Tes pe (ob tug has ib yaam) Ob tug xaab thawv - (Tuav npe) has rua koj tas xaav txuj zoo tsi tau zoo lub ntuj tsi nqug teg ntuj nqug taw (npe tug 14

taag sim neej) tau tso peb suav dlawg tseg tas yog pum qaab yuav zug tes yuav tseg koj nyob pauj dlaab pauj qhua tsi pum qaab yuav zug tas yuav koj lub dlaag lub zug paab ua xaab thawv tas cuag le yuav muab koj laub rua txuj tsiv kev los yuav thov koj le nawb. Tes pe (ob tug has ib yaam) Ob tug xim thawv - (Tuav npe) has rua koj tas xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg koj nyob pauj dlaab pauj qhua tsi pum qaab yuav zug tas yuav koj lub dlaag lub zug paab ua xim thawv tas cuag le yuav muab koj laub rua txuj tsiv kev los yuav thov koj le nawb. Tes pe (ob tug has ib yaam) Txiv qeej - (Tuav npe) has rua koj tas xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg koj nyob pauj dlaab pauj qhua tsi pum qaab yuav zug tas yuav koj lub dlaag lub zug paab ua txiv qeej tas cuag le yuav muab koj laub rua txuj tsiv kev los yuav thov koj le nawb. Tes pe (2-4 tug has ib yaam) Ob tug ntxug neeg ntaus khau - (Tuav npe) has rua koj tas xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg koj nyob pauj dlaab pauj qhua tsi pum qaab yuav zug tas yuav koj lub dlaag lub zug paab ua tug ntxug neeg ntaus khau tas 15

cuag le yuav muab koj laub rua txuj tsiv kev los yuav thov koj le nawb. Tes pe (ob tug has ib yaam) Ob tug faam txaam – (Tuav npe) has rua koj tas xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg koj nyob pauj dlaab pauj qhua tsi pum qaab yuav zug tas yuav koj lub dlaag lub zug paab ua faam txaam tas cuag le yuav muab koj laub rua txuj tsiv kev los yuav thov koj le nawb. Tes pe (ob tug has ib yaam) Txij laug – (Tuav npe) has rua koj tas xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg koj nyob pauj dlaab pauj qhua tsi pum qaab yuav zug tas yuav koj lub dlaag lub zug paab ua txij laug tas cuag le yuav muab koj laub rua txuj tsiv kev los yuav thov koj le nawb. Tes pe. Coj xai – (Tuav npe) has rua koj tas xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg koj nyob pauj dlaab pauj qhua tsi pum qaab yuav zug tas yuav koj lub dlaag lub zug paab ua coj xai tas cuag le yuav muab koj laub rua txuj tsiv kev los yuav thov koj le nawb. Tes pe. Kev Txis Cov Hauv Dlej Hauv Num Thaum thov tau cov hauv dlej hauv num tav taag hab puab tuaj txug huv xyom cuab 16

tsev los yog huv tsev txag lawm, yuav tau muab cov hauv dlej hauv num coj lug sib txis los yog sib qha puab txhaj paub sib paab ua dlej num. Cov nrab lug kuj has ib yaam tsuas yog cais cov qho ntsiv hab qhov dlej num. Txuj kev txis cov hauv num tes xyom cuab txis ob tug thawj thawv tes ob tug thawj thawv txis cov huv num yau ntxiv moog lawm. Txawb ib lub rooj rua ntawm hauv taag los yog tej qhov kws tau kev, nqug ob tug tuab neeg yuav muab txis ua dlej num nyob saab peg laub ib leeg ib saab khob cawv tes has cov lug le huv qaab nuav: Ob tug thawj thawv - Has rua meb ob tug thawj thawv tas peb tsev xyom cuab xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg meb nyob nrug tsev xyom cuab pauj dlaab pauj qhua tsi pum qaab yuav zug yuav meb lub dlaag lub zug paab ua ob tug thawj thawv lug ua rua qhua noj qhua haus tas cuag le yuav muab meb laub rua txuj tsiv kev los thov meb ua sab ntev nua nawb. Tes pe Tug taw kev - Has rua koj yawm txiv taw kev tas tsev xyom cuab xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg koj nyob nrug tsev xyom cuab pauj dlaab pauj qhua tsi pum qaab yuav zug yuav koj lub dlaag lub zug paab ua yawm txiv tawm kev tas tuaj paab taw nwg laug kev kuas moog cuag puj cuag yawm moog dlai puj qaab tseeb yawm qaab rhos tas cuag le yuav muab koj laub rua txuj tsiv kev los thov koj ua sab ntev nua nawb. Tes pe 17

Ob tug lwm thawv - Has rua meb ob tug lwm thawv tas tsev xyom cuab xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg meb nyob nrug tsev xyom cuab pauj dlaab pauj qhua tsi pum qaab yuav zug yuav meb lub dlaag lub zug paab ua ob tug lwm thawv lug ua rua qhua noj qhua haus tas cuag le yuav muab meb laub rua txuj tsiv kev los thov meb ua sab ntev nua nawb. Tes pe Ob tug xaab thawv - Has rua meb ob tug xaab thawv tas tsev xyom cuab xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg meb nyob nrug tsev xyom cuab pauj dlaab pauj qhua tsi pum qaab yuav zug yuav meb lub dlaag lub zug paab ua ob tug xaab thawv lug ua nwg laug vaaj nwg laug tsev tas cuag le yuav muab meb laub rua txuj tsiv kev los thov meb ua sab ntev nua nawb. Tes pe Ob tug xim thawv - Has rua meb ob tug xim thawv tas tsev xyom cuab xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg meb nyob nrug tsev xyom cuab pauj dlaab pauj qhua tsi pum qaab yuav zug yuav meb lub dlaag lub zug paab ua ob tug xim thawv lug ua kub teg kub taws rua qhua noj qhua haus tas cuag le yuav muab meb laub rua txuj tsiv kev los thov meb ua sab ntev nua nawb. Tes pe 18

Ob/plaub tug txiv qeej - Has rua meb ob/mej plaub tug txiv qeej tas tsev xyom cuab xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg meb/mej nyob nrug tsev xyom cuab pauj dlaab pauj qhua tsi pum qaab yuav zug yuav meb/mej lub dlaag lub zug paab ua txiv qeej lug paab ntaa nwg laug ncej dlaab thaws xaab ncej qhua thaws mo tas cuag le yuav muab meb/mej laub rua txuj tsiv kev los thov meb/mej ua sab ntev nua nawb. Tes pe Ob tug ntxug neeg ntaus khau - Has rua meb ob tug ntxug neeg ntaus khau tas tsev xyom cuab xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg tas yog pum qaab yuav zug tes yuav tseg meb nyob nrug tsev xyom cuab pauj dlaab pauj qhua tsi pum qaab yuav zug yuav meb lub dlaag lub zug paab ua ob tug ntxug neeg ntaus khau tas ua nwg nkawm khau maaj khau ntuag rua nwg coj moog ruj lawm toj kaab nruab peg kaab no tas cuag le yuav muab meb laub rua txuj tsiv kev los thov meb ua sab ntev nua nawb. Tes pe Ob tug faam txaam - Has rua meb ob tug faam txaam tas tsev xyom cuab xaav txuj zoo tsi tau zoo lub ntuj tsi nqug teg ntuj nqug tawm (npe tug taag sim neej) tau tso peb suav dlawg tseg tas yog pum qaab yuav zug tes yuav tseg meb nyob nrug tsev xyom cuab pauj dlaab pauj qhua tsi pum qaab yuav zug yuav meb lub dlaag lub zug paab ua ob tug faam txaam lug paab ua rua qhua noj qhua haus tas 19

cuag le yuav muab meb laub rua txuj tsiv kev los thov meb ua sab ntev nua nawb. Tes pe Tug txij laug - Has rua koj yawm txiv yawm txij laug tas tsev xyom cuab xaav txuj zoo tsi tau zoo lub ntuj tsi nqug teg ntuj nqug tawm (npe tug taag sim neej) tau tso peb suav dlawg tseg tas yog pum qaab yuav zug tes yuav tseg koj nyob nrug tsev xyom cuab pauj dlaab pauj qhua tsi pum qaab yuav zug yuav koj lub dlaag lub zug paab ua yawm txiv yawm txij laug tas cuag le yuav muab koj laub rua txuj tsiv kev los thov koj ua sab ntev nua nawb. Tes pe Kev Ua Dlej Num Ntawm Cov Hauv Num Cov hauv dlej hauv num nyag muaj nyag dlej num ua raws le qhov dlej num ntawm tsev xyom cuab thov kom paab ua. Cov tuab neeg tsaug tsev xyom cuab thov paab ua dlej num ntawm yog cov yuav tau paab cov dlej num ntawm lug nteeg kom tav. Thaum tsev xyom cuab muab dlej num cob rua cov hauv num taag lawm, nyag yuav tau mob sab ua nyag qhov dlej num. Yog lub nteeg twg cov hauv num tsi sib paab los yog tsi paub num lub nteg ntawm yuav ua tau tsi zoo. Cov hauv num yuav tsum paub hab ua kom tau cov dlej num ntawm yug qhov dlej num le huv qaab nuav. Yawm Txiv Taw Kev - yog tug has zaaj taw kev rua tug tuab neeg tau taag sim neej ntawm raws le txuj kev txuj cai tas yuav tsum muaj tug ntawm qha tug tau taag sim neej ntawm txhaj moog nrhav tau puj tau yawm hab txhaj ncu ntsoov yuav rov lug thawj thab ua tuab neeg. 20

Ob Tug Thawj Thawv 1. Paab xyom cuab hu cov hauv dlej hauv num 2. Paab xyom cuab tawm tswv yim ua kom lub nteeg moog zoo 3. Txis cov hauv dlej hauv num 4. Tseg nqaj rua cov noj ntsuv, noj ntsaag, cov hauv dlej hauv num, cov txiv qeej hab xyom cuab kom raws txuj cai 5. Txais nyaj tshaav ntuj ntawm cov kwv tij neej tsaa 6. Ua tsaug rua cov paab tshaav ntuj sawv kev xyom cuab 7. Txais ntawv ntawm cov hauv qhua nub qhua txig 8. Tseg cov nqaj tu moo hab nqaj tug noob ncoos 9. Ua tsaug mo 10. Tuav lub teeb/tug tswm cab ua tug txiv qeej ntej nqua hu kom cov kis cob tshaav ntuj lug txais ncej xub qeeg, tab sis thaum hu ntawm, yuav tau has le nuav koj txiv thaab kub tuam pem yob swm awv! Tas txaj ntshaa txug ntxuv qeej mo txug lig ncej xub qeeg txug koj lawm awv! Moog ntaus nyuj qaab vaag rua twg lawm tawm plawg lug txais ncej qeeg awv! 11. Has zaaj cev ncej xub qeeg rua cuab tsaav 12. Has zaaj tswm qeej tswm nruag rua txiv qeej kom tswm qeej nruag 13. Cob cov qhua txij qhua laug sau lub rooj rua coj xai yog muaj ob tug coj xai 14. Ua tsaug dlaag zug 21

15. Yog muaj teeb meem dlaab tsi huv lub nteeg los ob tug yuav tau thov sawv kev xyom cuab tuab si Ob Tug Lwm Thawv 1. Tsuav nqaj 2. Hau nqaj 3. Rau mov 4. Txhaab zaub mov 5. Ua lwm thawv nkuam qhua 6. Cob cov tuab neeg sau lub rooj rua coj xai yog muaj ib tug coj xai xib Ob Tug Xaab Thawv 1. Ua fwm txag 2. Cheb plig tom lub qhov ntxaa Ob Tug Xim Thawv 1. Ua mov 2. Rau mov Txiv Qeej 1. Qeej tu sav 2. Qeej nce neeg 3. Qeej tshais, su, mo, 4. Qeej cob tsaj 5. Cev ncej xub qeeg 6. Qeej hlawv ntawv 7. Qeej tawm nraag 8. Qeej sawv kev Lwm Yaam Qeej 22

1. Qeej tsaa 2. Qeej tw luav/qeej foom 3. Nam xub nam pluag 4. Miv xub miv pluag 5. Xyuas xau Ob Tug Ntxug Neeg Ntaus Khau 1. Ua tug neeg 2. Ua nkawm khau 3. Nqaa tug neeg ntoo lug lub sib hawm nce neeg Ob Tug Faam Txaam 1. Paab cov tshwj kaab ua zaub 2. Ntxuav taig dlav 3. Npaaj lub rooj noj mov 4. Paab ntsaig tej taig dlav 5. Saib lub cawv huv xim 6. Laub cawv rua mo has xim Tug Txij Laug 1. Muab tsev neeg, tug quas puj, tug quas yawg los yog cov miv nyuas ntawm tug tau taag sim neej cob kom muaj tug tsom kwm 2. Dlaws tej plaub ntug ntawm tug tau taag sim neej kom taag rua mo has xim yog nwg tshuav plaub tshuav ntug los yog lwm yaam 3. Yog tas tug tau taag sim neej ntawm tshuav nuj nqe yuav tau muab has kom muaj chaw txawb chaw rau 4. Tuam hab tsaa lub rooj yog tas nwg txawj 23

Tug Coj Xai 1. Coj lub rooj has xim 2. Txheeb saib cov qhua sau lub rooj muaj dlaab tsi 3. Has cov zaaj taag rooj 4. Has cov zaaj taug txuj kev mob 5. Has cov zaaj qhuab kom 6. Has cov zaaj foom kom 7. Tuam hab tsaa lub rooj yog tug txij laug tsi nyob Kev Hu Ua Hauv Qhua Tuaj Saib Cov nrab lug kuj has ib yaam tsuas yog cais qhov txheeb ze saib yog muam vauv, txiv hluas, ntxhais vauv los yog ntxhais vauv kwv. Yog nyob ze hab muaj caij los moog hu huv nwg tsev los tau huas yog nyob dleb hab tsi muaj caij tes hu xuv tooj los tau, tab sis raws le txuj cai kev hu cov muam vauv, txiv hluas, ntxhais vauv, ntxhais vauv kwv hab tej ntsuab ze tuaj ua hauv qhua tsuas yog hu raws le txuj cai. Tug ntawm tuaj raws le yug hu los zoo huas tsi tuaj los tsi ua le caag ✷ Lug mas has le nuav rua koj (qhov txheeb ze) tas xaav txuj zoo tsi tau zoo lub ntuj tsi nqug teg ntuj nqug taw (npe tug taag sim neej) tau tso peb suav dlawg tseg lawm es has rua meb (qhov txheeb ze) tas yog meb tsi hlub tsi tshua los tseg hlub tshua los ho tuaj paab saib nwg laug nce hauv toj nuav nawb. Kev Hu Cov Tuaj Tog Ntsuv Has rua koj (npe tug tuab neeg yug hu) xaav txuj zoo tsi tau zoo lub ntuj tsi nqug teg ntuj nqug taw (npe tug taag 24

sim neej) tau tso peb suav dlawg tseg lawm tas yuav vaam koj tuaj ua/moog ua (nam txiv dlaab, cuag, xov txiv dlaab, npawg) moog qaij nwg laug lub kaus dlub rua nwg laug coj moog roog nub tuaj/moog qaij nwg laug lub kaus ci rua nwg laug coj moog tsoog hli rua lawm yeeb tim teb nua es thov koj nawb. Kev Ua Hauv Qhua Nyob rua txuj kev cai ua hauv qhua mas yuav tau npaaj raws le txuj cai yog tas luas hu txug lawm, tab sis yog tug neeg ntawm npaaj tsi tau es nwg muab nyaj ntaus xib los yeej tau tsuav yog muab cais kom meej huas yog nwg npaaj tau tes yuav tau npaaj le nuav: 1. 1 ntxhuas ntawv hab 1 pob xyaab 2. 2 fwj cawv 1 fwj ua cawv ntxheej ntawg 1 fwj ua cawv mo 3. 1 qho mov miv ntsiv nrug fwj cawv txheej ntawg 4. Cuab tsaav 1 tug npua zuv mo tsi muaj los tau 5. Nam txiv dlab 1 tug npua zuv mo tsi muaj los tau 6. Xov txiv dlaab 1 tug npua zuv mo tsi muaj los tau 7. Muam vauv yog tsi tau xaa noob ncoos muab 1 lub noob ncoos nrug 8. Qhua txiv hluas yog tsi tau xaa noob ncoos muaj 1 lub noob ncoos nrug 9. Ntxhais vauv yog tsi tau xaa noob ncoos muaj 1 lub noob ncoos nrug 10. Ntxhais vauv kwv yog tsi tau xaa noob ncoos muaj 1 lub noob ncoos nrug 25

11. Ib qhov nyaj nrug hauv qhua pis tsawg los tau 12. Ib qhov nyaj paab sau zej zog pis tsawg los tau Nyaj Txais Ntsuv/Ntsaag Raws le thau cov laug coj tau ntau tam dlhau lug lawm cov tuab neeg tsaug hu tuaj tog ntsuv peg hab cov thawv tsaug tuaj tog ntsaag yuav tau muab nyaj le 10% ntawm tug nqe tsaj lug txais qhov nqaj tsi has tug tuaj tog peg los ob tug tuaj tog ntsaag. Yog tug tuaj tog peg tuaj npaum le caag tes ob tug tuaj tog ntsaag yuav tau lug sib koom ua ke kom tau npaum le ntawm coj lug txais tog ntsaag. Raws le muab saib tuab zoo tug tsaug tuaj tog peg los yeej yog tsaug kev tsaug cai lawm nwg txhaj tuaj huas ob tug thawv tuaj tog ntsaag los yeej tuaj ua num khwv kawg nkaus. Yog le ntawd, tsi tsim nyog yuav kom puab tshwm nyaj lug them qhov nqaj ntawm lawm txhaj tau muab sau tseg le nuav: 1. Tsi pub muab nyaj txais ntsuv 2. Tsi pub muab nyaj txais ntsaag 3. Cov nyaj yuav muab ca muab ua nyaj paab tshaav ntuj es paab tau le caag los yuav le ntawm Kev Txais Hluas Tsaj Cov tsaj paab tshaav ntuj tsi has cov neej tsaa ntsuab ze, tej ntxahis tej vauv los tej kwv tij yog puab paab tuaj lawm tsi has muab nyaj tsem los yog coj tug tsaj tuaj tsuas yog muaj txuj cai txais hlua tsaj le huv qaab nuav: 1. Npua tsi muaj txais hluas tsaj 2. Nyuj/twm $500 rov sau txais hlua tsaj le $50 26

3. Nyuj/twm $1000 rov sau txais hlua tsaj le $100 Kev Tug Cov Hauv Qhua Raws le txuj cai yog tas ib tug tuab neeg ua ib hauv qhua tuaj tsi has cov hu taag lawm los yog tsi tau hu tsuav yog nwg ua hauv qhua tuaj lawm. Yuav tau npaaj tug, tab sis yog tug tuab neeg ntawm muaj ib lub noob ncoos nrug hauv qhua yuav tau muab 2 tug nqaj hab ib qhov nyaj tug noob ncoos huas yog tsi muaj noob ncoos tes muab ib tug nqaj txawm yog muab nyaj tsem los yog nwg yeej cais meej tas muab ntaus ua ib hauv qhua hab muab nyaj tsem ua noob ncoos tuab si tes yeej yuav tau muab nyaj hab nqaj tug noob ncoos tuab yaam xis le: 1. 1 tug nqaj tu moo 2. 1 tug nqaj tug noob ncoos 3. Nyaj tug noob ncoos 1. Noob ncoos rha $15.00 2. Noob ncoos lab $10.00 Cov nrab lug Lug mas has le nuav rua koj tas yog (npe tug ua hauv qhua hab qhov txeeb ze) tuaj tau lub hauv xyoo tes nyaj yuav yeej cuam nwg tuaj nyob ib nub tuaj haus ib peb caw hab khaws ib tug ntxuag, tab sis nwg tuaj tau rua lub qaab xyoo tes ib peb caw tug ntxuag yuav tsi muaj le es tsuas yog muab (ib/ob tug) nyuas nqaj nuav ua tug nyuas nqaj tu moo/tug noob ncoos xib es peb caw tug ntxuag yuav tsi muaj le lawm es xob xaav le caag nawb. 27

Kev Tua Tsaj Txuj kev tua tsaj tsuas yog tua raws txuj kev cai hab npaaj txawm peem yuav tsi pub yuam, tab sis nyob rua huv txuj cai cuab tsaav hab nam txiv dlaab yuav tsum tau npaaj kom muaj huas nyob le cov tub nyaab los yeej yuav tsum muaj, tab sis yog nkawm tub nyaab twg txom nyem heev tsi muaj le tag los tsi pub yuam. Raws le txuj cai yog txhib vaag qaug tes yuav tsum muaj tsaj rua nam txiv dlaab huas yog ncej vaag luv tes tsi muaj tsaj rua nam txiv dlaab, tab sis yeej muaj nam txiv dlaab tuaj nas lub rooj tsuas yog tsi muaj tug tsaj. 1. Thawj nyug (cuab tsaav) 2. Lwm nyuj (nam txiv dlaab, xov txiv laab hlub) 3. Xaab nyuj (ntxhais nqe) tsi tua los tau 4. Cov tub nyaab 5. Cov ntxhais vauv 6. Tsaj tshaav ntuj Kev Cob Tsaj Teeb ib rooj nqug cov hauv dlej hauv num lug nyob saab peg, kom tug cuab tsaav nyob ua ntej tom hauv paug rooj tes cov hauv dlej hauv num lug nyob raws le tug hlub moog rua tug yau tes kom txiv qeej nyob tom qaab, tab sis tsi xob nqug tug nam txiv dlaab, cuag, xov txiv dlaab, npawg, txij laug, coj xai, faam txaam hab 28

ntxug neeg ntaus khau lug nyob lub rooj cob tsaj ntawm. Laub ib leeg ib lub cawv, ib tug tub xyom cuab ua tug coj haus cawv, haus ib lwm cawv taag rov qaab teev dlua rua. Cov nrab lug Lug mas has le nuav rua mej coj hauv dlej hauv num hab cov txiv qeej txiv nruag tas vaam mej suav dlawg lub dlaag lub zug tuaj paab leg dlej leg num tas yog tsev xyom cuab txawj ua neej es paam taug nwg laug lub cheej cheeb tes nyaj yuav npaaj kom txhua kaab txhua kev mej ib leeg ib tug kom cev nkoov laam rov tuaj nraag taj, rua mej suav dlawg moog sib tw dlaj. Yuav npaaj mej ib leeg ib tug kom cev nkoov laam rov tuaj nraag tug, rua mej suav dlawg moog sib tw nqug, tab sis tsev xyoom cuab los cuag le tub tsi txawj ua neej npaaj tsi txhua kaab txhua kev los thov mej xob xaav le caag tas tsuas yog npaaj tau le (pis tsawg tug) txawm tsi txhua mej los thov mej zaam lub txim pub rua tsev xyom cuab cov tsaj tes: 1. Tug thawj nyug cuab tsaav tuaj ntsuv ob tug thawv tuaj ntsaag 2. Lwm nyuj nam txiv dlaab or xov txiv dlaab hlub tuaj ntsuv ob tug lwm thawv tuaj ntsaag 3. Tug xaab nyuj cuag/xov txiv dlaab tuaj ntsuv ob tug xaab thawv tuaj ntsaag 4. Tug xim nyuj xov txiv dlaab/npawg tuaj ntsuv ob tug xim thawv tuaj ntsaag. Yog tseem muaj ntxiv los qha tuab yaam le ntawm 5. Txiv qeej tes tuaj sau tsu 29

Txawm tas tsi txhua kaab txhua ke los thov mej suav dlawg xob xaav le caag nawb tes pe puab ib pes. Tes tsaws cawv rua ob tug kaav xim tes has tas meb has rua cov hauv dlej num yij meem muab xuam rua qhua noj qhua haus puab leej tib txaus lawm los hab yam zoo tsi txaus los meb has rov qaab rua peb cov tub xyom cuab maam tsheb seeb lug ntxiv nua nawb. Kev Sawv Thawv Raws le txuj cai sawv thawv, tug thawj nyug (cuab tsaav), nam txiv dlaab hab cov tub nyaab yuav tsum sawv thawv, tab sis nyob le ntawm cov tub nyaab yog tug tswv tsi pum zoo hab nrhav tsi tau tug xov txiv dlaab tsi sawv los tau huas nyob le cov ntxhais vauv hab cov tsaj tshaav ntuj tes tsi sawv thawv zoo dlua, tab sis yog leej twg yuav muab sawv thawv los tsuav nwg nrhav tau tug xov txiv dlaab tes kuj sawv tau. 1. 1 tug tsaj tsi muaj sawv thawv 2. 2 tug tsaj rov sau muaj sawv thawv los tau Kev Tseg Nqaj Rua Cov Tuaj Tog Ntsuv Raws le txuj cai kev tseg zaub/nqaj rua cov hauv num yog ua nam nteeg cuab tsaav, nam txiv dlaab, cuag, npawg, xov txiv dlaab yog cov tuaj tog ntsuv yuav tau tseg le nuav. 1. Laws dlaim tawv taag lawm 2. Hlais tug tsu rua txiv qeej 3. Rhu ob ceg teg tawm 30

4. Txav lub caaj dlaab ti nkaus peg pob ntseg 5. Suav cov taav ntsaag lub plaab tuaj le 7 tug taav tes txav 6. Muab hlo ntu ntawm (lub ntsuv) cob rua tug tuaj ntsuv 7. Muab 1 ntoos taav muaj 3 tug taav ua ke nrug lub ntsuv Kev Tseg Nqaj Rua Cov Thawv Tuaj Tog Ntsaag Raws le txuj cai tseg nqaj rua cov thawv xis le: kaav xim,tshwj kaab, nam ua mov hab lwm tug thawv tuaj tog ntsaag. 1. Laws dlaim tawv taag lawm 2. Hlais tug tsu rua txiv qeej 3. Txav ntu ncaaj qaab huv nruab nraab kom tu nrho 4. Tseg ib tug taav nrug lub ntsaag 5. Muab phua ob saab kom sib npaug zog rua ob tug thawv Kev Tseg Nqaj Rua Cov Hauv Num Tsi Sawv Thawv Raws le txuj cai cov hauv num tsi muaj sawv thawv yuav tau phim rha rua muaj le huv qaab nuav: 1. Txiv qeej 1. 1 tug tsaj ob tug tsu 2. 1 tug tsaj 2 ntoos taav 1 ntoos yog 3 tug taav ua ke 2. Lub nruag 1 ntoos taav txhua tug tsaj hab ib qhov nqaj kwv yees le 5 lb/5 kg rov huv 3. Taw kev ib qho nqaj kwv yees le 5 lb/5 kg rov sau 31

4. Faam txaam ib qho nqaj kwv yees le 5 lb/5 kg rov sau 5. Ntxug neeg ntaus khau ib qho nqaj kwv yees le 3 lb/3 kg 6. Txij laug ib qho nqaj kwv yees le 10 lb/10 kg rov sau 7. Coj xai ib qho nqaj kwv yees le 10 lb/10 kg rov sau 8. Nqaj tug noob ncoos hab tu moo 2 lb/ 2 kg rov sau Kev Tseg Nqaj Cov Tsaj Sawv Thawv 1. 1 tug tsaj rhu ob tug tsu rua txiv qeej 2. 4 ntoos taav 1 ntoos yog 3 tug taav ua ke 1. 2 ntoos rua txiv qeej 2. 1 ntoos rua lub nruag 3. 1 ntoos nrug tog ntsuv rua tug kis cob tshaav ntuj 3. Rhu 1 ceg teg rua xyom cuab/tug tswv tua tug tsaj 4. Tshuav cov muab rua kaav xim ua zaub noj Tsaj Tshaav Ntuj Raws le txuj cai cov tsaj tshaav ntuj tsi muaj rhu tsu vim tas yuav tau tseg ib ceg qaab rov rua tug tswv tua tug tsaj tsi has nyuj, twm los npua yuav tau tseg tuab si. Yog tas tseem muab rhu tsu tes yuav tau hlais ib qho nqaj ntawm ceg qaab nrug tug tsu lawm tes tsi zoo muab ceg qaab rov rua tug tswv lawm txhaj tsi pub rhu, tab sis yuav tau tseg le nuav. 1. 4 ntoos taav 1 ntoos 3 tug taav ua ke tsi has nyuj, twm los npua 1. Muab 3 ntoos rua txiv qeej 32

2. 1 ntoos rua lub nruag 2. 1 ceg qaab rov rua tug tswv tua tug tsaj 3. Tshuav cov muab rua kaav xim ua zaub noj Kev Tseg Nqaj Rua Cov Hauv Num Ua Miv Nteeg 1. Tug laig dlaab 1 ceg teg 2. Taw kev 5 lb/5 kg rov sau 3. Kaav xim 15 lb/15 kg rov sau 4. Tshwj kaab, txiv txag, nam ua mov 10 lb/10 kg rov huv 5. Txiv qeej 1 tug tsaj 3 ntoos taav hab ib qhov nqaj le 5 lb/ 5 kg rov sau 6. Faam txaam hab ntxug neeg ntaus khau 3 lb/3 kg rov huv 7. Lub nruag 1 ntoos taav txhua tug tsaj hab ib qho nqaj le 5 lb/5 kg nrug cov taav Kev Ntawg Thaum ntawg tsi has ntawg tshais, su, mo, ntawv, cob tsaj los yog lwm yam. Yeej ua 3 txoj cawv ua ntej txhua zag thaum has cov lug taag es muab txhim kuam xyoob tuab dlov rua ntawm dlaim ntoo yog 2 saab ntxeev tuab si los tsi yuav, 2 saab khwb tuab si los tsi yuav huas yog 1 saab khwb 1 saab ntxeev tes le has cov lug le huv qaab nuav: 1. Ntawg cawv: Noj tsi taag ua tag aub haus tsi taag ua tag ris es yuav coj moog noj ib txhab kaav ib txhis tas. 33

2. Ntawg mov: Noj tsi taag ua tag aub haus tsi taag ua ris es yuav coj moog noj ib txhab kaav ib txhis tas 3. Ntawg tsaj: Tsaj txhu koj txais taag tes koj yuav foom kom (npe tug tua tsaj) khwv tau noj tau haus noj tsi taag haus tsi kawg rov tom qaab tas. 4. Ntawg ntawv: Xyaab ntawv koj txais taag tes koj yuav foom kom (npe tug tua tsaj) khwv tau noj tau haus noj tsi taag haus tsi kawg rov tom qaab tas. 5. Ntawg noob ncoos: Noob ncoos koj txais taag tes koj yuav foom kom (npe tug tua tsaj) khwv tau noj tau haus noj tsi taag haus tsi kawg rov tom qaab tas. Kev Ua Tsaug Tshaav Ntuj Huv Tsev Raws le txuj kev ua tsaug tshaav ntuj huv tsev yog ib qho tseem ceeb vim lub sij ntawm yog ib lub caij tsoom kwv tij neej tsaa tuaj ntawm coj nyaj txag tuaj paab tsev xyom cuab raws le txuj kev neej kev tsaav, kev ntsuab kev ze hab txuj kev phooj kev ywg txhaj yuav tau ua puab tsaug txhua tug hab txhua lub caij puab paab nyaj txag los yog lwm yaam khoom coj tuaj paab lub nteeg ntawm. Cov nyaj tshaav ntuj raws le txuj cai luas tug paab nyaj tshaav ntuj yuav tsum muab cob rua ob tug thawj thawv ob tug ua tsaug taag ob tug maam muab cob rua xyom cuab hab ob tug thawj thawv yuav nqua hu kom cov xyom cuab coj tug tuab neeg paab tshaav ntuj lug ua tsaug. 34

✷ (Npe tug paab nyaj/khoom) ua koj tsaug tas yeeb vim (npe tug tau taag sim neej) tau tso peb suav dlawg tseg koj tsi ca le koj rua xaav neej xaav tsaav xaav nruab xaav ze (txawv xeem) xaav txiv xaav tub (koom xeem) toom txheej toom li (nyaj txag/dlej cawv/nrab no) tuaj paab tsev xyom cuab ntaa dlaab ntaa qhua muaj nub tsev xyom cuab txawj ua neej tes yuav ncu koj tshaav ntuj, tsev xyom cuab tsi txawj ua neej tes cuag le yuav muab koj tshaav ntuj khaws siv khaws yoom xib es ua koj tsaug nawb. Tes pe Kev Ua Tsaug Hauv Qhua Huv Tsev Cov tub xyom cuab ua cov hauv qhua tsaug nub puab ua qhua tuaj saib nwg laug nce hauv toj rua nub qhua txig. Lub sij hawm thaum ib pwg qhua ua hauv qhua tuaj taag lawm tsi has cuab tsaav, nam txiv dlaab, cuag, cov xov txiv dlaab, npawg, muam vauv, txiv hluas, ntxhais vauv, ntxhais vauv kwv hab cov thawv. Thaum puab ua hauv qhua tuaj taag, tus kis muab tej khoom puab coj tuaj cob taag rua ob tug thawj thawv, ob tug thawj thawv muab cob rua cov tub xyom cuab hab nqua hu kom cov xyom cuab moog coj puab lug ua tsaug. Cov tub xyom cuab yuav tau moog coj txhua tug lug ua tsaug raws le puab tau ua qhua tuaj lub sib hawm ntawd. Cov lug ua tsaug has le nuav. ✷ (Npe tug ua hauv qhua) ua koj tsaug tas yeeb vim (npe tug tau taag sim neej) tau tso peb suav dlawg tseg tas tsi hu los txuj kaab txuj ke yuav hu, hu koj/meb tsi ca le koj/meb rua xaav neej xaav tsaav xaav nruab xaav ze toom txheej toom li nyaj txag quas nrab dlej caw qoob loo 35

zaaj zug, cawv pwg qeej, nrhuav ntawv xyom txheej, tug npua zuv mo, taw ob nrab, txag ob nyaj tuaj paab tsev xyom cuab ntaa dlaab ntaa qhua muaj nub tsev xyom cuab txawj ua neej tes yuav ncu koj/meb tshaav ntuj, tsev xyom cuab tsi txawj ua neej tes cuag le yuav muab koj/meb tshaav ntuj khaws siv khaws yoom xib es ua koj/meb tsaug nawb. Tes pe Kev Thov Coj Xai Thaum Tuaj Txug Npaaj ib tsawg ntxuag nqaj qab, nyuj, npuas yaam twg los tau coj moog tom xyom cuab lub tsev nyob los yog huv tsev txag los tau. Teeb ib lub rooj nqug tug coj xai/ob tug coj xai moog nyob saab peg, tab sis yog tas muaj ib tug coj xai xib tes yuav tau kom ib tug thawj thawv nyob phim. Laub ib leeg ib saab khob cawv tsaws cawv hab chob ntxuag taag rua tes has nuav: ✷ Has rua koj yawm txiv coj xai los yog meb ob tug coj xai tas yog tsev xyom cuab txawj ua neej tes yuav npaaj kom muaj zoo peb caw tug ntxuag tso sau rooj kom raws txuj kev txuj cai muaj lug dlaab tsi maam has rua koj, tab sis cuag le tsev xyom cuab los tsi txawj ua neej tes tub ua tsi raws txuj kaab leg kev cai cuag le yuav muab lu lug qhuav lug has koj/meb los thov koj/meb xob xaav le caag. ✷ Taag ntawd, mas has le nuav rua koj/meb tas vaam koj/meb lub dlaag lub zug tuaj paab ua coj xai tas yog tsev xyom cuab txawj ua neej tes yuav muab kom raws txuj kaab leg kev cai, tab sis cuag le tsev xyom cuab los 36

tsi txawj ua neej hab tes tub muab tsi raws le txuj kaag leg kev cai los thov koj/meb xob xaav le caag rua tsev xyom cuab tas ntawm nuav yog (pis tsawg) nyob huv nuav es txawm tsi yog le lub qeb lub dluas los thov koj/meb zaam txim pub rua tsev xyom cuab nawb. ✷ Dlhau ntawm lawm, tas xyom cuab vaam khom koj/meb tuaj txoj nwg laug qaab taug nwg lw saib puas tau nwg laug ib lu lug kub rov lug rua nwg laug tej tub, puas tau nwg laug ib lu lug nyaj rov lug rua nwg laug tej ntxhais, saib nwg laug moog peem tsheej ua tsaav tsaj dlaab tsi tsaav txhuv le caag lawm los koj/meb ho rov qaab lug has rua tsev txoog npoj xyom cuab, tsev xyom cuab lub kua ncauj kua muag txhaj tu li nrho tej npoo ncoo, es txhaj nrug kev neej kev tsaav noj qaab moog nyob zoo. Tas xyom cuab vaam khom koj/meb tuaj txoj nwg laug qaab taug nwg lw saib puas tau nwg laug ib lu lug nyaj rov lug rua nwg laug tej ntxhais, puas tau nwg laug ib lu lug kub rov lug rua nwg laug tej tub, saib nwg laug moog peem tsheej ua tsaav tsaj dlaab tsi tsaav txhuv le caag lawm los koj/meb ho rov qaab lug has rua tsev xyom cuab, tsev xyom cuab lub kua ncauj kua muag txhaj tu li nrho tej npoo txaaj, es txhaj nrug kev neej kev tsaav noj qaab moog nyob kaaj nua lauj. ✷ Sawv moog tuaj saab rooj nraag tes has le nuav tas tsev xyom cuab xaav txuj zoo los tsi tau zoo lub ntuj tsi nqug teg ntuj nqug taw ( npe tug taag sim neej) tau tso peb suav dlawg tseg tas yog pum qaab yuav zug tes yuav 37

tseg koj/meb nyob nrug tsev xyom cuab pauj dlaab pauj qhua tsi pum qaab yuav zug yuav koj/meb lub dlaag lub zug tuaj ua coj xai tas cuag le yuav muab koj/meb laub txuj tsiv kev los thov koj/meb ua sab ntev nua nawb. Kev Ua Tsaug Mo Ua tsaug mo yog kev ua tsaug cov hauv qhua puab tau ua hauv qhua tuaj saib nwg laug nce hauv toj rua nub qhua txig ntawm. Txuj kev ua tsaug mo yog ob tug thawj thawv ntlag tug ob tug yog ob tug ua. Cov tub xyom cuab tsuas yog cov pe xib, tab sis yauv tau cais cov lug nyob le tug cuab tsaav, nam txiv dlaab, cuag, cov xov txiv dlaab, npawg, hab cov muam vauv, txiv hluas, ntxhais vauv hab ntxhais vauv kwv tes puab txawm tsi muaj tug npua zuv mo tuaj los yuav tau has tug npua zuv mo, tab sis nyob le cov thawv, txij laug, coj xai, txiv qeej los yog lwm tug tes yuav tau tseg lu tas tug npua zuv mo xob has vim nyob rua huv txuj kaab leg kev cai puab yeej tsi muaj tug npua zuv mo ntawm. ✷ Ke v ua tsaug cov hauv qhua mas thau cov laug yeej ua txhua zog cov ua hauv qhua tuaj ib leeg ib zag, tab sis yuav kom sai tes yuav tau ua le nuav xib. 1. Cuab tsaav 2. Nam txiv dlaab 3. Txij laug 4. Cuag ntxhais 5. Qoov hlo taag nrho cov xov txiv dlaab 38

6. Qoov hlo taag nrho cov muam vauv 7 Qoov hlo taag nrho cov txiv hluas 8. Qoov hlo taag nrho cov ntxhais vauv 9. Qoov hlo taag nrho cov ntxhais vauv kwv 10. Cov thawv tes nyag ua nyag 11. Txiv qeej ✷ Thaum yuav pe tes cov lug yeej has ib yaam tsuas yog cais lu puav raws le qhov txheeb ze los yog qhov dlej num, tab sis thaum xaus cov lug lawm yuav tau pe. Kev pe tsuas pub pe 3 pes xib xis le: 1. Qoov hlo taag nrho cov ua hauv qhua tuaj 1 pes 2. Qoov hlo rua ib tsoom kwv tij neej tsaa 1 pes 3. Xyaab los tuaj mej suav dlawg taag nrho 1 pes Cov nrab lug ua tsaug has le nuav - (npe tug ua hauv qhua) ua koj/meb tsaug tas yeeb vim (npe tug tau taag sim neej) tau tso peb suav dlawg tseg tas tsev xyom cuab tsi hu los yog txuj kaab txuj ke yuav hu, hu koj koj/meb tsi ca le koj/meb rua xaav neej xaav tsaav xaav nruab xaav ze toom txheej toom li nyaj txag quas nrab, dlej caw, qoob loo, zaaj zug, cawv pwg qeej, nrhuav ntawv xyom txheej, tug npua zuv mo, taw ob nrab, txag ob nyaj tuaj paab tsev xyom cuab ntaa dlaab ntaa qhua muaj nub tsev xyom cuab txawj ua neej tes yuav ncu koj/meb tshaav ntuj, tsev xyom cuab tsi txawj ua neej tes cuag le yuav muab koj/meb tshaav ntuj nrum zoov nrum tsuag ua naag rhauv naag thee yaaj xib es ua koj/meb tsaug nawb. Kev Txhaj Txhais 39

Raws le txuj kev txhaj txhais nyob rua mo has rooj ntawm, qhov tseem ceeb tag qhov has tas yuav tau muab tug tuab neeg taag sim neej ntawm has kom muaj chaw txawb chaw rau xis le: Tug quas puj, tug quas yawg, tej miv nyuas, tej nuj nqes yog muaj, tej tsaj txhu hab tsoog rho tej tub nyaab muab hab cov hauv dlej hauv num txuj kev ab kev khwv. Yawm txiv cuab tsaav -Kuv tsi has los koj yawm txiv coj xai (meb nkawm tub coj xai) lij tib tib yuav kom kuv has, has tu kev neej kev tsaav sab nyob txij koj yawm txiv coj xai (meb nkawm tub coj xai) nawb. -Tas nub nua nwg laug tes txug nwg caij nwg yuav moog txug nwg nyoog nwg yuav rov tau kaab ntoj tes yuav ntoj tau kev taug tes nwg yuav taug nwg xyaab nqav sau cwj pw ko sau laag ib txhais taw tsaa tsi ntseg ib txhais teg npuaj tsi nrov Nam txiv dlaab - Kuv tsi has los koj yawm txiv coj xai (meb nkawm tub coj xai) lij tib tib yuav kom kuv has, has tu kev neej kev tsaav sab nyob txij koj yawm txiv coj xai (meb nkawm tub coj xai) nawb. Txij laug - Kuv tsi has los koj yawm txiv coj xai (meb nkawm tub coj xai) lij tib tib yuav kom kuv has, has tu kev neej kev tsaav sab nyob txij koj yawm txiv coj xai (meb nkawm tub coj xai) nawb. Cuag - Kuv tsi has los koj yawm txiv coj xai (meb nkawm tub coj xai) lij tib tib yuav kom kuv has, has tu kev neej 40

kev tsaav sab nyob txij koj yawm txiv coj xai (meb nkawm tub coj xai) nawb. Xov txiv dlaab - Kuv tsi has los koj yawm txiv coj xai (meb nkawm tub coj xai) lij tib tib yuav kom kuv has, has tu kev neej kev tsaav sab nyob txij koj yawm txiv coj xai (meb nkawm tub coj xai) nawb. Npawg - Kuv tsi has los koj yawm txiv coj xai (meb nkawm tub coj xai) lij tib tib yuav kom kuv has, has tu kev neej kev tsaav sab nyob txij koj yawm txiv coj xai (meb nkawm tub coj xai) nawb. Thawj thawv - Kuv tsi has los koj yawm txiv coj xai (meb nkawm tub coj xai) lij tib tib yuav kom kuv has, has tu kev neej kev tsaav sab nyob txij koj yawm txiv coj xai (meb nkawm tub coj xai) nawb. Lwm thawv - Kuv tsi has los koj yawm txiv coj xai (meb nkawm tub coj xai) lij tib tib yuav kom kuv has, has tu kev neej kev tsaav sab nyob txij koj yawm txiv coj xai (meb nkawm tub coj xai) nawb. Xaab thawv - Kuv tsi has los koj yawm txiv coj xai (meb nkawm tub coj xai) lij tib tib yuav kom kuv has, has tu kev neej kev tsaav sab nyob txij koj yawm txiv coj xai (meb nkawm tub coj xai) nawb. Xim thawv - Kuv tsi has los koj yawm txiv coj xai (meb nkawm tub coj xai) lij tib tib yuav kom kuv has, has tu 41

kev neej kev tsaav sab nyob txij koj yawm txiv coj xai (meb nkawm tub coj xai) nawb. Txiv qeej - Kuv tsi has los koj yawm txiv coj xai (meb nkawm tub coj xai) lij tib tib yuav kom kuv has, has tu kev neej kev tsaav sab nyob txij koj yawm txiv coj xai (meb nkawm tub coj xai) nawb. Kev Txav Tug Npua Nas Rooj ✷ Yog muaj ob tug coj xai tes muab tug npua txav suav peg taub hau tuaj le 3 tug taav tes muab txav kom tu, muab phua hlo nruab nraab thoob plawg rua peg taub hau faib rua ob tug coj xai tes muab ob ceg qab rua cuab tsaav hab nam txiv dlaab huas muab yaav nruab nraab faib txhua zog rua cov nyob sau lub rooj mo ntawm. ✷ Yog muaj ib tug coj xai tes muab tug npua txav suav peg taub hau tuaj le 3 tug taav tes muab txav kom tu, muab ib ceg nrug taub hau rua coj xai, muab ceg teg rua cuag, muab ob ceg qaab rua cuab tsaav hab nam txiv dlaab huas muab yaav nruab nraab faib txhua zog rua cov nyob sau lub rooj mo ntawm. Kev Ua Tsaug Dlaag Zug Txuj kev ua tsaug dlaag zug yog ntlag tug ntawm ob tug thawj thawv yog ob tug ua. Txuj kev cai mas yuav tau nqug taag nrho cov hauv dlej hauv num lug nyob saab rooj peg, tab sis yog tas cov hauv dlej hauv num tsi nyob taag lawm los yuav tsum nrhav kom tau tug taw kev hab tug cuab tsaav lug nyob 42

sawv kev cov hauv dlej hauv num tuab si, tab sis thaum ua tsaug mas yuav tau ua txhua tug. Pib ntawm tug taw kev moog kom thoob plawg rua txiv qeej, tab sis qhov yuav pe tes tsuas pub pe 2 pes thaum has cov lug xaus xis le. 1. Qoov hlo taag hauv num 1 pes 2. Xyaab los 1 pes ✷ Cov nrab lug has ib yaam, tab sis tsuas yog cais qhov dlej num kom meej tas raws le lub luag hauj lwm kws ua ntawm - Khwv koj/meb/mej (npe tug ua hauv qhua) tas yeeb vim (npe tug tau taag sim neej) tau tso peb suav dlawg tseg tas yog tsev xyom cuab pum qaab yuav zug tes yuav tseg koj/meb/mej nrug tsev xyom cuab nyob pauj dlaab pauj qhua, tsev xyom cuab tsi pum qaab yuav zug yuav koj/meb/mej lub dlaag lub zug tuaj ua (qhov dlej num) koj tuaj siv koj/meb/mej lub puj zug huv tsev rua nrau toj tsi tau tsev xyom cuab ib dla moog zoo noj, koj/meb/mej tuaj siv koj/meb/mej lub puj zug huv tsev rua nrau nraus tsi tau tsev xyom cuab ib dla moog zoo haus, koj/meb/mej tuaj nyaj rhaib rov yoo nqhes nyaj lis rov sawm toom tas muaj nub tsev xyom cuab txawj ua neej tes yuav muaj paa dlej tug ntxuag rua koj/meb/mej tuav tso dlaaj luag xuam pwm xyoob, tsev xyom cuab tsi txawj ua neej tes tsuas yog tau koj/meb/mej lub zug qhoob coj zug zaus xib es khwv koj/meb/mej nawb. Kev Txav Tug Npua Nas Rooj ✷ Yog muaj ob tug coj xai tes muab tug npua txav suav peg taub hau tuaj le 3 tug taav tes muab txav kom tu, muab phua 43

hlo nruab nraab thoob plawg rua peg taub hau faib rua ob tug coj xai tes muab ob ceg qab rua cuab tsaav hab nam txiv dlaab huas muab yaav nruab nraab faib txhua zog rua cov nyob sau lub rooj mo ntawm. ✷ Yog muaj ib tug coj xai tes muab tug npua txav suav peg taub hau tuaj le 3 tug taav tes muab txav kom tu, muab ib ceg nrug taub hau rua coj xai, muab ceg teg rua cuag, muab ob ceg qaab rua cuab tsaav hab nam txiv dlaab huas muab yaav nruab nraab faib txhua zog rua cov nyob sau lub rooj mo ntawm. Kev Ua Noj Haus Hab Siv Dlej Cawv Nyob rua yaav taag lug lawm tej laug coj thaum muaj ib tug taag sim neej lawm. Pheej muaj txuj kev caiv tej yaam zaub noj los yog ua tsi tau. Raws le muab tshawb saib tuab zoo qhov tseeb tag yog ua raws le tsev neeg nyam hab tug coj tej kaab leg kev cai lub sib hawm ntawm pum zoo. Ua tau ntau tam hab ntev lug lawm tes ca le ua ib txuj cai le lawm. Yog le ntawm nyob le naj nub nuav txuj kev noj kev haus yuav ua le caag los ua tau taag nrho hab puav leej zoo taag huv tuab si yuav tsi muaj caiv ib yaam dlaab tsi le lawm. Yog tas tsev xyom cuab npaaj tsi muaj hab tsi nyam los tsi ua caag tsuav yog tsev xyom cuab npaaj muaj hab nyam lawm tes yuav tau ua raws le tsev xyom cuab lub sab xaav. 1. Kev ua noj nyob ntawm tsev xyom cuab npaaj tau 2. Cov hauv num yuav tau ua raws le xyom nyam 3. Cov hauv num yuav tsum ua tej yaam kom zoo noj 4. Ua tau txhua yaam zaub mov noj tsi muaj caiv 44

5. Dlej cawv yuav tsum haus kom tsawg 6. Siv cov khob kom yau lug ua kev cai 7. Tsi pub cov hauv num hab xyom cuab qaug cawv 8. Siv tau txhua yaam dlej cawv lug ua kev cai 9. Tsi pub yuam cawv rua leej twg haus KEV TSO PLIG Kev tso plig yog ib qho tseem ceeb ntawm Moob txuj kaab leg kev cai los yog txuj kev ntseeg tas thaum ib tug tuab neeg taag sim neej lawm yuav tau muab nwg tso plig sub nwg tug plig txhaj moog thawj taug thab mas nwg txhaj tsi rov lug ua mob rua cov neeg tseem ua neej nyob tom qaab. Cov Hauv Num 1. Cuab tsaav siv tug qub 2. Thawj thawv siv ob tug qub 3. Lwm thawv siv ob tug qub 4. Xaab thawv hu rua paub, tab sis tsi siv lawm 5. Xim thawv siv ob tug qub 6. Txiv qeej siv cov qub 7. 1 tug nqaa vaab (cov yawm yij) 8. 2 tug tuav txaaj (cov qhua tshoob) Cov Qub Hauv Num Tsi Siv Lawm 1. Cov thawv tom qaab tug xim thawv 2. Ob tug xaab thawv 3. Ob tug faam txaam 4. Ob tug ntxug neeg ntaus khau 5. Tug txij laug 6. Tug coj xai 7. Tug taw kev 45

Kev Thov Cov Hauv Num Feem ntau ntawm cov hauv num puav leej yog cov qub tsuas yog muaj le peb tug txhaj yog cov tshab. Yog tas cov tuab neeg nuav nyob ze hab yog muaj caij los moog hu huv tsev huas yog tsi muaj caij los hu xuv tooj los yeej tau hab cov lug yeej has ib yaam le ntau tsuas yog pauv los yog cais qee lu. 1. Cuab tsaav, kaav xim, tshwj kaab, nam ua mov hab txiv qeej has ib yaam - has rua koj tas peb yuav tog (npe tug yuav tso plig) rov lug dlaws nwg lub kauj vaab kauj le tas tom ntej los yuav vaam tom qaab los yuav vaam yuav vaam koj rov tuaj saum kaum cov qub dlej qub num tas nyaj yuav rov taab kaum koj los yuav thov koj le nawb. 2. Nqaa vaab hab tuav txaaj - has rua koj tas peb yuav tog (npe tug yuav tso plig) rov lug dlaws nwg lub kauj vaab kauj le tas yog pum qaab yuav zug tes yuav tseg koj nyob nrug tsev yeej ncuab pauj dlaab pauj qhua tsi pum qaab yuav zug yuav vaam koj lub dlaag lug zug lug paab ua tug nqaa vaab/tuav rua ntawm (npe tug tso plig) tas cuag le yuav muab koj laub rua txuj tsiv kev los yuav thov koj le nawb. Kev Txis Cov Hauv Num Cov tuab neeg huv tsev yeej ncuab txis ob tug kaav xim taag tes ob tug kaav xim maam le txis cov hauv num ntxuav ntxiv moog. Teeb ib lub rooj tes nqug tug ua dlej num ntawm moog nyob saab peg, laub ib leeg ib saab 46

khob cawv muab raws cev rua tes has cov lug, cov lug yeej has ib yaam tsuas yog cais hab has qhov num kom nwg ua. Ob Tug Kaav Xim Lug mas has le nuav rua meb tas peb tsev yeej ncuab tog nam nkauj quas plig txiv nraug teej quas plig rov lug dlaws lub kauj vaab kauj le ntawm maab ntawm suav ntawm ntaaj ntawm dluav lug dlaws naag xib teg noog xib taws kuas naag moog cuag taug npoj noog moog cuag taug luag tas tom ntej los yuav vaam tom qaab los yuav vaam, vaam koj/meb rov tuaj saum kaum cov qub dlej qub num los cuag le yuav muab koj/meb rov laub rua txuj tsiv kev los thov koj/meb ua sab ntev nawb Cuab Tsaav, Tshwj Kaab, Nam Ua Mov, Txiv Qeej Lug mas has le nuav rua meb tas tsev yeej ncuab tog nam nkauj quas plig txiv nraug teej quas plig rov lug dlaws lub kauj vaab kauj le ntawm maab ntawm suav ntawm ntaaj ntawm dluav lug dlaws naag xib teg noog xib taws kuas naag moog cuag taug npoj noog moog cuag taug luag tas tom ntej los yuav vaam tom qaab los yuav vaam, vaam koj/meb rov tuaj saum kaum cov qub dlej qub num los cuag le yuav muab koj/meb rov laub rua txuj tsiv kev los thov koj/meb ua sab ntev nawb Nqaa Vaab Hab Tuav Txaaj Lug mas has le nuav rua koj/meb tas tsev yeej ncuab tog nam nkauj quas plig txiv nraug teej quas plig rov lug dlaws lub kauj vaab kauj le ntawm maab ntawm suav ntawm ntaaj ntawm dluav lug dlaws naag xib teg noog xib 47

taws kuas naag moog cuag taug npoj noog moog cuag taug luag tas yog pum qaab yuav zug tes yuav tseg koj/meb nyob nrug tsev yeej ncuab pauj dlaab pauj qhua tsi pum qaab yuav zug yuav koj/meb lug ua (nwg qhov nwm) cuag le yuav muab koj/meb laub rua txuj tsiv kev los thov koj/meb ua sab ntev nua nawb Txuj Kev Dlaab Kev Qhua Raws le Moob ib txim coj lug moog lawm ib paab pawg tuab neeg twg nyag yeej coj nyag txuj kev cai dlaab qhuas yog le ntawm nyob le ntawm txuj kev fiv plig, kev tso cov kauj vaab, hab ua txim los yog lwm yaam kws cuam tshuam rua txuj kev cai dlaab qhuas tso rua luas tug coj dlaab qhuas nwg yuav ua raws le luas txuj kev cai dlaab qhuas. Kev Ntawg Thaum ntawg tsi has ntawg tshais, su, mo, ntawv, cob tsaj, ua txim los yog lwm yam. Yeej ua 3 txoj cawv ua ntej txhua zag thaum has cov lug taag es muab txhim kuam xyoob tuab dlov rua ntawm dlaim ntoo los lub vaab yog 2 saab ntxeev tuab si los tsi yuav, 2 saab khwb tuab si los tsi yuav huas yog 1 saab khwb 1 saab ntxeev tes le has cov lug le huv qaab nuav: 1. Ntawg cawv: Noj thum mob thum nraaj thum xaiv thum lug tuab si moog tas 2. Ntawg mov: Noj thum mob thum nraaj thum xaiv thum lug tuab si moog tas 48

3. Ntawg tsaj: Tsaj txhu muab koj txais taag tes koj yuav foom kom (npe tug tua tsaj) khwv tau noj tau haus noj tsi taag haus tsi kawg rov tom qaab tas. 4. Ntawg ntawv: Xyaab ntawv koj txais taag tes koj yuav foom kom (npe tug tua tsaj) khwv tau noj tau haus noj tsi taag haus tsi kawg rov tom qaab tas. 5. Ntawg noob ncoos: Noob ncoos koj txais taag tes koj yuav foom kom (npe tug tua tsaj) khwv tau noj tau haus noj tsi taag haus tsi kawg rov tom qaab tas. Kev Tua Tsaj 1. Qab/npua ua txim nyob ntawm npaaj tau 2. Nyuj/twm tua ua kev cai los yog ua zaub noj 3. Cov tsaj tua ua zaub noj tsi muaj cai rhu tsu 4. Cov tsaj sawv thawv txhaj muaj cai rhu tsu Kev Ua Tsaug Tshaav Ntuj Huv Tsev Raws le txuj kev ua tsaug tshaav ntuj huv tsev yog ib qho tseem ceeb vim lub sij ntawm yog ib lub caij tsoom kwv tij neej tsaa tuaj ntawd coj nyaj txag tuaj paab tsev yeej ncuab raws le txuj kev neej kev tsaav, kev ntsuab kev ze hab txuj kev phooj kev ywg txhaj yuav tau ua puab tsaug txhua tug hab txhua lub caij puab paab nyaj txag los yog lwm yaam khoom coj tuaj paab lub nteeg plig ntawm. Cov nyaj tshaav ntuj raws le txuj cai luas tug paab nyaj tshaav ntuj yuav tsum muab cob rua ob tug thawj thawv ob tug ua tsaug taag ob tug maam muab cob rua tsev yeej ncuab hab ob tug thawj thawv yuav nqua hu kom tsev yeej ncuab coj tug tuab neeg paab tshaav ntuj lug ua tsaug. 49

✷ Kaav xim ua los yog cov tub ki huv tsev yeej ncuab ua (tuav npe tug paab nyaj/khoom) ua koj tsaug tas tsev yeej ncuab tog (quas puj) nam nkauj quas plig (txiv neej) txiv nraug teej quas plig (quas puj hab txiv neej ua ke) rov lug dlaws lub kauj vaab kauj le ntawm maab ntawm suav ntaaj ntawm dluav koj tsi ca le koj rua (koom xeem) xaav txiv xaav tub (txawv xeem) xaav neej xaav tsaav xaav nruab xaav ze toom txheej toom lis (yaam nwg paab) tuaj paab tsev yeej ncuab ntaa dlaab ntaa qhua tas tsev yeej ncuab txawj ua neej tes yuav ncu koj tshaav ntuj, tsev yeej ncuab tsi txawj ua neej tes cuag le yuav muab koj tshaav ntuj khaws siv khaws yoom xib es ua koj tsaug nawb. Tes pe. Kev Ua Tsaug Hauv Qhua Huv Tsev Cov tuab neeg tsev yeej ncuab hu ua hauv qhua tuaj saib nam nkauj quas plig txiv nraug teej quas plig rua nub qhua txig. Lub sij hawm thaum ib pwg qhua ua hauv qhua tuaj taag lawm tsi has cuab tsaav, nam txiv dlaab, cuag, cov xov txiv dlaab, npawg, muam vauv, txiv hluas, ntxhais vauv, ntxhais vauv kwv hab cov thawv. Thaum puab ua hauv qhua tuaj taag, tus kis muab tej khoom puab coj tuaj cob taag rua ob tug thawj thawv, ob tug thawj thawv muab cob rua cov tub tsev yeej ncuab hab nqua hu kom tsev yeej ncuab moog coj puab lug ua tsaug. Cov tub huv tsev yeej ncuab yuav tau moog coj txhua tug lug ua tsaug raws le puab tau ua hauv qhua tuaj lub sib hawm ntawd. Cov lug ua tsaug has le nuav. 50