ایک سو ایک لوکانے منسانے شغلانے اور منظومے

‫‪101‬‬ ‫پوری بےدردی سے لگائے تھے۔‬‫چھوٹی گھروالی کا ہسپتال جا کر پوچھنا تو بہت دور کی بات ہے‬‫اسے گھر میں آ جانے کے بعد آدھی زبان سے پوچھنے تک کی‬ ‫توفیق نہ ہوئی۔ میں نیم مردہ سی حالت میں لیٹا ہوا تھا۔ اچانک‬ ‫اسے کوئی خیال آیا‘ پھر کیا تھا کہ بلاتکان دو گھنٹے انتالیس‬‫منٹ بولتی رہی۔ لب لباب یہ تھا کہ میں نے بیمار ہونے کا محض‬ ‫ڈونگ رچایا ہے۔ بیمار اس کا ابا ہوا تھا اور علاج معالجے کے‬‫باوجود قبر میں جا بسیرا کیا۔ اگر میں بیمار ہوا ہوتا تو لاش گھر‬‫پر آتی۔ اس کی بات میں چوں کہ دم تھا اس لیے دوسری دفع کو‬ ‫بیچ میں لانے کی ایسی کوئی خاص وجہ نظر نہیں آتی۔‬ ‫ہاں البتہ تیسری دفع اوج کمال کو چھوتی نظر آتی ہے اس لیے‬‫اس کا ذکر خصوص میں داخل کرنا اصؤلی سی بات نظر آتی ہے۔‬ ‫ہوا یہ کہ میں بیمار پڑا تو میری ہائے اوے ہائے اوے کے‬ ‫نعروں سے بےزار ہو گئی۔ میں بھی تو بلاوقفہ اور بلاتکان یہ‬ ‫آوازے کسے جا رہا تھا۔ ان آوازوں سے اس کا سر بوجھل ہو‬ ‫گیا۔ کچھ بولی تو نہ‘ البتہ سر پر کپڑا باندھ کر باہر صحن میں‬ ‫بیٹھ گئی اور میری آخری سانس کا انتظار کرنے لگی۔ آخری‬‫سانس بڑی ڈھیٹ تھی‘ کم بخت نہ آئی۔ میں نے اس کی آوازاری‬ ‫محسوس کر لی اور پوری طاقت سمیٹ کر بیٹھک میں آ کر‬ ‫صوفے پر لیٹ گیا۔ پتا نہیں رات کتنی دیر تک صوفے پر لیٹا‬ ‫رہا‘ جب قدرے بہتری ہوئی تو جا کر چارپائی پر لیٹ گیا۔ میرے‬

‫‪102‬‬ ‫پاؤں کی آہٹ سے جاگ گئی لیکن سونے کا ناٹک جاری رکھا۔‬ ‫میں نے بھی ڈسٹرب کرنا مناسب نہ سمجھا اور چپکا رہا۔‬ ‫اللہ کے احسان سے رات گزر گئی۔ ٹھیک سے ٹھیک نہ ہوا‘‬ ‫ہاں البتہ پہلے سے قدرے بہتر ضرور تھا۔ میں نے اس کی‬ ‫جانب یوں ہی بلاوجہ دیکھ لیا۔ چہرے پر بیمار ہونے کی کیفیت‬ ‫طاری کر لی۔ میں نے فورا سے پہلے نگاہ نیچی کر لی۔ آدھ‬‫گھنٹے بعد چارپائی لگ گئی۔ پوچھا کیا ہوا۔ سخت بیمار ہوں۔ میں‬ ‫پوچھنا چاہتا تھا ابے والی بیمار ہو یا میرے والی بیماری ہے۔‬ ‫چپ رہا‘ جانتا تھا آج اور آتا کل بےمزگی میں گزرے گا۔ اس کا‬ ‫کہنا تھا کہ میری شوگر چھے سو ستر پر پہنچ گئی ہے۔ بی پی‬‫بھی ہائی ہو گیا ہے۔ صبح سے مسلسل اور متواتر الٹیاں کر رہی‬ ‫ہوں۔ سر پھٹ رہا ہے۔ ایک دو بیماریاں اور بھی گنوائیں۔ میں‬ ‫نے کہا اللہ آسانی پیدا کرے گا۔ کہنے لگی سب اللہ پر چھوڑے‬‫رکھنا‘ خود سے کچھ نہ کرنا۔ چاہا کہ کہوں سر دبا دیتا ہوں پھر‬ ‫فورا خیال آیا بچو شام تک اسی کام میں رہو گے۔ مجبور قدموں‬ ‫چلتا ہوا بازار گیا نان چنے اور ساتھ میں حفظ ما ماتقدم سلائس‬ ‫اور انڈے بھی لے آیا۔ بےچاری نے اوکھے سوکھے ہو کر‬ ‫دونوں نان چنے اور ایک انڈا ڈکار لیا۔ اصولا بہتری آ جانی‬ ‫چاہیے تھی‘ قدرے آ بھی گئی۔ اللہ کا شکر ادا کیا زبان کی کوترا‬ ‫کتری سے بچ گیا ہوں۔ شام تک حالات درست رہے۔ شام کو‬ ‫فائرنگ شروع ہو گئی۔ وجہ یہ تھی کہ نان چنے اور انڈے‬

‫‪103‬‬‫سلائس تو لے آئے لیکن منہ میں بڑ بڑ کر رہے تھے‘ حالاں کہ‬ ‫ایسا نہیں تھا۔ تاہم دیر تک چل سو‬ ‫چل ہی رہی اور میں بھول گیا کہ بیمار ہوں۔‬

‫‪104‬‬ ‫انگلی‬ ‫مہاجا بڑے سکون اور آرام سے دکان پر بیٹھا‘ دودھ اوبال رہا‬ ‫تھا‘ ساتھ میں ُپڑوسی دکان دار سے باتیں کیے جا رہا تھا اور‬ ‫دودھ میں کڑچھا بھی مارے جا رہا تھا۔ اس کا پالتو بلا اس کی‬ ‫نشت کے نیچے‘ پرسکون بیٹھا ہوا تھا۔ وقت بلا کسی پریشانی‬ ‫کے گزر رہا تھا۔ کوئی نہیں جانتا کہ اگلے لمحے کیسے ہوں‬ ‫گے۔‬ ‫سب جانتے ہیں‘ شیطان انسانی سکون کا دشمن ہے۔ انسان کی‬‫پرسکون زندگی‘ اسے ہمیشہ سے کھٹکتی آئی ہے۔ اس نے ایک‬ ‫انگلی‘ جس پر ایک یا دو بوند ہی دودھ چڑھا ہو گا‘ سامنے‬ ‫دیوار پر لگا دی۔ دودھ پر مکھیاں عاشق ہوتی ہیں‘ جھٹ سے‬ ‫مکھیاں دیوار پر لگے دودھ پر آ گئیں۔ جہاں مکھیاں ہوں‘ وہاں‬ ‫چھپکلی کا آنا غیرفطری نہیں۔ جھٹ سے ایک چھوڑ‘ کئی‬ ‫چھپکلیاں آ گئیں۔ بلا چھپکلیوں کو برداشت نہیں کرتا وہ‬ ‫چھپکلیوں پر جھپٹا‘ اتفاق دیکھیے اسی لمحے‘ ایک نواب‬ ‫صاحب اپنے ٹومی سمیت ادھر سے گزرے۔ ٹومی بلے کو‬ ‫کیسے برداشت کرتا۔ وہ بلے پر بڑی تیزی سے جھپٹا۔ بلا دودھ‬ ‫میں گر گیا۔‬

‫‪105‬‬ ‫ردعمل ہونا فطری سی بات تھی۔ مہاجے نے پوری طاقت سے‬ ‫ٹومی کے سر پر کڑچھا مارا اور وہ وہیں ڈھیر ہو گیا۔ نواب‬ ‫صاحب ٹومی کی بےحرمتی اور اس پر ہونے والا یہ تشدد‬‫کیسے دیکھ سکتے تھے۔ انہوں نے چھے کی چھے مہاجے کے‬ ‫سینے میں اتار دیں۔‬ ‫مہاجا اتنی بڑی فیملی کا واحد کفیل تھا چل بسا۔ پوری فیملی‬ ‫لاغر و اپاہج ہو گئی۔ وہ کیا کر سکتے تھے بس قسمت کو ہی‬ ‫کوس سکتے تھے۔ نواب صاحب کا کیا بگڑنا تھا۔ یہ لوگوں کا‬‫کب سنوارتے ہیں لوگ ان کا گلپ کرنے اور ظلم سہنے کے لیے‬‫جنم لیتے ہیں۔ ان کا گلپ ہی اقتداری طور رہا ہے اور شائد رہے‬ ‫گا۔‬ ‫ان پر یا ان کے کیے پر انگلی اٹھانے والے زہر پیتے رہیں گے‬ ‫سولی چڑھتے رہیں گے۔ اقتدار کا یہ ہی اصولی فیصلہ رہا ہے۔‬‫حال کیا مستقبل قریب میں بھی ان سے مکتی ملتی نظر نہیں آتی۔‬ ‫قصوروار کون تھا صاف ظاہر ہے مہاجا۔۔ نواب کبھی غلطی پر‬ ‫نہیں یا شیطان کوسنوں کی زد میں رہے گا۔ کوئی خود کو‬ ‫سدھارنے کی جسارت نہیں کرے گا۔ جی ہاں‘ یہ ہی سچ اور یہ‬ ‫ہی حقیقت ہے۔‬

‫‪106‬‬ ‫آخری تبدیلی کوئی نہیں‬ ‫‪:‬نوٹ‬ ‫ہم چھوٹے چھوٹے چھوٹے ہوا کرتے تھے مخدومی و مرشدی‬‫بابا جی سید غلام حضور حسنی اس طرح کی کہانیاں سنایا کرتے‬ ‫تھے۔ وہ کہانیاں آج بھی لوح دل پر نقش ہیں۔ دن کبھی ایک‬‫سے نہیں رہتے۔ ہر لمحہ تبدیلی سے گزرتا ہے اور کل من عیھا‬ ‫فان کی طرف بڑھ جاتا ہے۔‬ ‫بھلے وقتوں کی بات ہے۔ دو دوست ہوا کرتے تھے۔ ایک‬ ‫سوداگر جب کہ دوسرا کوئی کام نہیں کرتا تھا۔ ایک دن سوداگر‬ ‫دوست نے کہا فارغ رہنے سے وقت نہیں گزرتا۔ ضرورتیں تو‬‫منہ پھاڑے رہتی ہیں۔ آؤ تمہیں اوبےنگر کی فوج میں بھرتی کرا‬ ‫دیتا ہوں۔ اس کی ریاست اوبے نگر میں وقفیت تھی لہذا جلد ہی‬ ‫اس کا دوست فوج میں بھرتی ہو گیا۔ دونوں کو خوشی ہوئی۔‬ ‫بات بھی خوشی والی تھی کہ روٹی کا سلسلہ چل نکلا۔‬ ‫دو چار سال کے بعد اس کا ادھر سے گزر ہوا۔ اس نے سوچا‬ ‫کیوں نہ دوست ہی سے مل لوں۔ چھاؤنی گیا۔ اس نے پوچھا‬ ‫سپاہی تیغا رام کدھر ہوتا ہے۔ پتا چلا اچھی کارگزاری کی وجہ‬

‫‪107‬‬ ‫سے وہ حوالدار ہو گیا ہے۔ اسے خوشی ہوئی کہ اس کا دوست‬ ‫ترقی کر گیا ہے۔ دونوں کی ملاقات ہوئی۔ سوداگر دوست نے‬ ‫‪:‬اپنی خوشی کا اظہار کیا تو جوابا تیغا رام نے کہا‬ ‫یار دن وہ نہیں رہے دن یہ بھی نہیں رہیں گے۔‬ ‫اسے دوست کے جواب پر حیرانی ہوئی۔ کچھ نہ کہا‘ چپ رہا۔‬ ‫وقت اپنی مرضی‘ مزاج اور روٹین کی ڈگر پر چلتا رہا۔ شخص‬‫اوروں سے بےنیاز اپنے اپنے طور سے روٹی ٹکر تلاشنے میں‬ ‫مصروف تھا۔ سوداگر بھی سوداگری میں مصروف تھا۔ اس کا‬ ‫روٹین میں اوبےنگر جانا ہوا۔ اس نے اپنے دوست حوالدار تیغا‬ ‫رام کا چھاؤنی میں جا کر پوچھا۔ وہاں سے پتا چلا تیغا رام‬‫صوبےدار ہوگیا ہے۔ اس خبر نے اسے خوشی سے نہال کر دیا۔‬ ‫ملاقات پر اس نے مبارک باد دی۔ تیغا رام نے بڑی سنجیدگی‬ ‫سے کہا۔‬ ‫یار دن وہ نہیں رہے دن یہ بھی نہیں رہیں گے۔‬ ‫تیغا رام موج اور ٹھاٹھ کی گزار رہا تھا۔ حیرانی تو ہونا ہی تھی‬ ‫لیکن وہ چپ رہا۔ جواب میں کیا کہتا۔ سالوں میں تبدیلی تو آئی‬ ‫تھی۔ تیغا رام غلط نہیں کہہ رہا تھا۔‬‫کچھ سالوں کے بعد سوداگر کا اوبے نگر سے گزر ہوا۔ وہ اپنے‬ ‫دوست تیغا رام سے ملنے چلا گیا۔ وہاں سے معلوم پڑا کہ وہ‬

‫‪108‬‬ ‫بادشاہ کا منظور نظر ہو گیا ہے اور وزیر مقرر کر دیا گیا ہے۔‬‫اس نے سوچا وزیر ہو گیا تو کیا ہوا میرا تو دوست ہے۔ بامشکل‬ ‫ملاقات ہوئی۔ سوداگر نے اپنی خوشی کا اظہار کیا تو جوابا تیغا‬ ‫رام نے وہ ہی پرانا ڈائیلاگ دوہرا۔ اس کا کہنا غلط نہ تھا‘ لہذا‬ ‫اس نے ہاں میں ہاں ملائی اور تھوڑا وقت گزار کر رخصت ہو‬ ‫گیا۔‬ ‫جب قسمت کا ستارہ زحل سے نکل کر مشتری میں آ جائے‬‫انسان کچھ سے کچھ ہو جاتا۔ اوبےنگر کے بادشاہ کی موت کے‬ ‫بعد بادشاہی تیغا رام کے ہاتھ میں آئی۔ اصل بات یہ تھی کہ تیغا‬ ‫رام کی عادات میں تبدیلی نہ آئی۔ وہ اپنے سوداگر دوست سے‬ ‫اسی طرح پیش آیا۔ پہلے کی طرح کھل ڈھل کر گپ شپ لگائی۔‬ ‫اس کا کہنا وہ ہی رہا کہ‬ ‫دن وہ نہیں رہے دن یہ بھی نہیں رہیں گے۔‬ ‫سوداگر حیران تھا کہ تیغا رام ترقی کی آخری سیڑھی کراس کر‬ ‫گیا اب بھی اسی بات پر ہے۔ اس سے آگے تو زندگی میں کچھ‬ ‫بھی نہیں۔ وہ اسے ڈائیلاگ سمجھ کر چپ رہا۔‬ ‫اگلی بار جب سوداگر اوبے نگر آیا تو اسے معلوم پڑا کہ بادشاہ‬ ‫تیغا رام انتقال کر گیا ہے۔ شہر کے باہر کھلے میدان میں‬ ‫چاردیواری کے اندر اس کی یادگار بنائی گئی تھی۔ مختلف طرح‬ ‫کے پودے لگائے گئے تھے۔ اسے خوب صورت بنانے میں‬

‫‪109‬‬ ‫کوئی کسر نہ چھوڑی گئی تھی۔ لوح یادگار پر تحریر کیا گیا تھا‬ ‫عادل بادشاہ مہاراج تیغا رام‬ ‫دن وہ نہیں رہے دن یہ بھی نہیں رہیں گے‬ ‫سوداگر حیران تھا اب آخری تبدیلی بھلا کیا آئے گی۔ موت کے‬ ‫بعد بھلا کیا تبدیلی آ سکتی ہے۔‬ ‫سوداگر کا اوبے نگر میں وہ آخری پھیرا تھا۔ وہ تیغا رام کی‬ ‫آخری یاگار کی طرف بڑھ رہا تھا۔ ماضی کا ہر لمحہ شعور کے‬‫دریچوں سے جھانک رہا تھا۔ اس کی آنکھیں بھیگ بھیگ گئیں۔‬‫اس نے سوچا تیغا رام درست کہتا تھا کہ دن وہ نہیں رہے دن یہ‬ ‫بھی نہیں رہیں گے۔ وہ سوچ رہا تھا اب بھلا اور کیا تبدیلی آئے‬ ‫گی۔ جب وہاں پہنچا تو دیکھا وہاں دریا بہہ رہا تھا۔ اس کے منہ‬ ‫‘سے بےاختیار نکل گیا‬ ‫دن وہ نہیں رہے دن یہ بھی نہیں رہیں گے۔‬

‫‪110‬‬ ‫کھڑ پینچ دی جئے ہو۔‬ ‫ہیلو مسٹر!‬ ‫یو ار سویٹ اینڈ لولی ہوم غور منٹ کمپلینٹ اس دیٹ یو‬ ‫پھڑکائیٹڈ ہر برسرعام لاسٹ ڈے۔‬ ‫وائی۔‬ ‫نو حجور شی از جھوٹ مارنگ۔ آئی اونلی ون ویری سلو مکا‬ ‫ماریڈ‬ ‫او مائی گاڈ‘ یو بےغیرت مین۔ وائی یو مکا ماریڈ ہر ان دی‬ ‫بازار۔ یو نو پیپل ور ویکھنگ اینڈ لافنگ ایٹ یو‬ ‫آئی ایم ناٹ بےغیرت حجور شی از بےغیرت بی کاز شی مارڈ‬ ‫می سو مےنی لیترز ویری ٹھوک ٹھوک کر پیوپل ور لافنگ ایٹ‬ ‫ہر ری ایکشن‬ ‫اٹ از یو ار کیس وچ مے بی ڈسکسڈ لیٹر اون۔ فسٹ ٹل اس‬ ‫وائی یو مکا مارڈ‬ ‫حجور اٹ از آ شیم فل سٹوری اینڈ کن ناٹ ناریٹ ان دی پنچایت‬ ‫ڈونٹ وری یو گلٹی کمی کمین‬ ‫حجور آئی ناٹ کمی کمین۔ مائی کاسٹ از انصاری‬

‫‪111‬‬ ‫او یس یو مین جولایا‪ ،‬آئی نو یو ار جولایا۔ جولایا کاسٹ از ان‬ ‫فیکٹ کمی کمین۔ وائل یو ار ہوم گورمنٹ از قریشی گویا شی از‬ ‫ناٹ کمی کمین‬ ‫یس حجور شی از مراسی۔‬ ‫ڈونٹ بارک‘ ان فیکٹ دس ورڈ از مراثی۔‬ ‫از آئی ایم رائٹ او یو سویٹ ای ٍنڈ جنٹل لیڈی‬ ‫حجور یو ار ابسلوٹلی رائٹ‬ ‫او مین ناؤ سم تھنگ ہریلی پہونکو‬ ‫حجور شی ہیز ناٹ ذرا بھورا شرم‬ ‫وٹ ہپنڈ ٹل اس‬ ‫حجور شی واز ممانائزنگ ان دی بازار‬ ‫او مائی گارڈ واٹس آمیزنگ سیچویشن ول بی گوئنگ دیئر‬ ‫او جنٹل اینڈ سویٹ لیڈی شو اس یو ار فن‬‫شی سٹارٹیڈ ہر فن ود آؤٹ اینی ہیزیٹیشن۔ ایوری ون انجوائڈ اٹ‬ ‫اے لاٹ‬ ‫او مسٹر جولاہے طلاق ہر ایٹ دی سپاٹ اینڈ یو دفع دفان فروم‬ ‫ہیئر۔ شی ہیز اے ونڈرفل کوالٹی۔ ان فیوچر شی ول سٹے ہیئر۔‬

‫‪112‬‬ ‫وین مسٹر جولایا ڈو نٹھنگ ون مین گٹ اپ اینڈ رکھڈ پنج ست‬ ‫لتر ایٹ ہیز بوٹم۔ ہی گیو طلاق دایٹ سویٹ ممانئیزر اینڈ دوڑ‬ ‫لگائیڈ۔‬ ‫اٹ واز اے نائس فیصلہ۔ پیوپل واز ریزنگ سلوگن‬ ‫کھڑ پینچ دی جئے ہو۔‬ ‫ناؤ آ ڈئیز شی از سرونگ ایٹ کھڑ پینچز ڈیرہ اینڈ ارننگ اچھی‬‫خاصی اماؤنٹ ود نائس فیم۔ شی ہیزناٹ کمپلینٹ فروم اینی سائڈ۔‬ ‫پیوپل ار سیٹسفائیڈ اینڈ ہیپی فروم دیئر چودھری ساب۔‬

‫‪113‬‬ ‫سراپے کی دنیا‬ ‫اس کے حسن کی تعریف کرنے بیٹھوں تو شاید‘ بہت ساری‬ ‫تشبیہات کے استعمال کے باوجود‘ بات نہ بن پائے گی۔ اسے‬ ‫زمین پر اللہ کا تخلیق کردہ ماسٹر پیس کہنا‘ کسی طرح غلط نہ‬ ‫ہو گا۔ لباس کے اندر بھی شاید یہ ہی صورت رہی ہو گی۔ ہم‬ ‫لباس کے باہر پر مر مٹتے ہیں‘ جب لباس کے اندر جھانکتے‬‫ہیں تو سخت مایوسی ہوتی ہے۔ اسی طرح جب گوشت پوست اور‬‫ہڈیوں کے پیچھے جھانکنے کا موقع ملتا ہے‘ تو سر پر گھڑوں‬ ‫پانی پڑ جاتا ہے۔ جب تک یہ جاننے کا موقع ملتا ہے‘ اس وقت‬ ‫تک بہت دیر ہو چکی ہوتی ہے۔ گویا‬ ‫نہ جائے ماندن نہ پائے رفتن‬ ‫کی کیفیت طاری ہو جاتی ہے۔ وقت گزرنے کے بعد‘ پھسی کو‬ ‫پھڑکن کیسا‬ ‫ہی باقی رہ جاتا ہے۔‬ ‫اس کے پاس میرا کسی کام کے سلسلے میں جانا ہوا تھا۔ اسے‬‫دیکھ کر‘ مجھے اصل مدعا ہی یاد نہ رہا۔ وہ تو اچھا ہوا کہ میں‬ ‫کچھ دیر بعد‘ اپنے آپے میں آ گیا۔ میں قریب چلا گیا‘ سلام بلایا۔‬ ‫اس نے بلا اوپر دیکھے‘ سلام کا تقریبا سا جواب دیا۔ میں نے‬

‫‪114‬‬ ‫اسے ہی غنیمت سمجھا اور بڑے ملائم اور پریم بھرے لہجے‬‫میں عرض کیا‘ میڈم میں ایک سماجی معاملے پر ریسرچ کر رہا‬ ‫ہوں‘ اس ذیل میں چند ایک سوالات کے جواب درکار ہیں۔ اس‬ ‫نے سر اٹھایا اور بڑی بے رخی سے جواب دیا‪ :‬میں بہت‬ ‫مصروف ہوں جو پوچھنا ہے جلدی سے پوچھ لو۔‬ ‫جی میڈم‘ آپ کا نام‬ ‫تانیہ‬ ‫آپ مقامی ہیں یا باہر سے تشریف لائی ہیں‬ ‫کوئی ڈھنگ کا اور متعلق سوال پوچھو‬ ‫بہتر میڈم‘ پڑھائی سے وابستہ ہیں‬ ‫ایم فل فارمیسی کر رہی ہوں‬ ‫اس کے چہرے کی اکتاہٹ دیکھ کر میں نے آخری سوال کیا‬ ‫ایم فل فارمیسی کرنے کے بعد کیا جذبہ اور ارادہ رکھتی ہیں۔‬ ‫اس کے بعد کیا کرنا ہے‘ ٹیبل پر بیٹھی ون لیگ روزانہ کا‬ ‫کماؤں گی۔‬ ‫میرا خیال تھا کہ کہے گی‘ انسان کی بےلوث خدمت کروں گی۔‬ ‫خوب صورت لباس اور خوب صورت سراپے میں چھپا پیٹو‬ ‫شیطان‘ میرے سوچ کی دھجیاں بکھر رہا تھا۔ میرے سوچ کا‬

‫‪115‬‬ ‫شیش محل کرچی کرچی ہو کر گندگی کی دلدل میں دھنس چکا‬ ‫تھا۔ میں نے سوچا‘ یہ کیسا انسان سا پتلا ہے جو من میں اپنی‬ ‫ذات سے ہٹ کر‘ کچھ نہیں رکھتا۔ آگہی کا حصول محض پیٹ‬ ‫کے لیے ہو گیا ہے۔‬ ‫پھر میں نے سوچا‘ اتنا کما کر آخر کیا کر لے گی۔ کوٹھی بنگلہ‬ ‫اور بینک بیلنس بنا لے گی۔ اس سے کیا فرق پڑے گا۔ قبر میں‬ ‫تو کچھ نہیں جا سکے گا۔ مر جانے کے بعد‘ پیار کرنے والوں‬ ‫کو بھی جلدیاں ہوں گی۔ لاش کے لیے کون بےکار میں وقت‬ ‫ضائع کرتا پھرے۔ اس کوٹھی بنگلے اور بینک بیلنس کی تقسیم‬ ‫پر‘ سگے بہن بھائیوں کے کئی یدھ ہوں گے۔ کورٹ کچری‬‫چڑھیں گے۔ کسی کو کبھی اس کی قبر پر بھولے سے بھی‘ چار‬ ‫پھول چڑھانے کی توفیق نہ ہو گی۔ مرنے والے نے ڈگری لے‬ ‫لی‘ پیسے بھی کما لیے‘ لیکن آگہی اس کا مقدر نہ بن سکی۔‬ ‫حسین گوشت پوست کے پیچھے اتنی پوشیدہ غلاظت۔ توبہ بھی‬ ‫میری روح میں‘ توبہ کرنے لگی۔ جھوٹ نہیں بولوں گا‘ میں تو‬ ‫اس کے سراپے کی دنیا کا اسیر ہو کر‘ اسے جیون ساتھی‬ ‫بنانے کی سوچ بیٹھا تھا۔ اگر اللہ کی عنایت شامل نہ ہوتی‘ میں‬ ‫تو مارا گیا تھا۔‬

‫‪116‬‬ ‫میں ہی قاتل ہوں‬ ‫کاما کبو‘ تیز قدموں سے کھیتر کی طرف بڑھ رہا تھا۔ آج کھیتر‬ ‫پر کام کافی تھا۔ دوسرا چودھری کے موڈ کا بھی کچھ پتا نہیں‬‫چلتا تھا۔ اس کے بگڑنے کے لیے‘ کسی وجہ کا ہونا ضروری نہ‬ ‫تھا۔ چودھرین سے اپنے لچھنوں کی وجہ سے‘ چھتر کھاتا رہتا‬ ‫تھا۔ گھر کا غصہ باہر آ کر کاموں پر نکالتا۔ کام کاج کوئی کرتا‬‫نہیں تھا‘ گھر سے یوں سج سنور کر نکلتا جیسے جنج چڑھنے‬‫جا رہا ہو۔ سارا دن ڈیرہ پر بیٹھا‘ آئے گئے کے ساتھ گپیں ہانکتا‬ ‫یا پنڈ کی سوہنی کڑیوں کے ناز و ادا کے قصے سنتا۔ کوئی‬ ‫ہتھے چڑھ جاتی تو معافی کا دروازہ بند کر دیتا۔ ناکامی کی‬‫صورت رہتی‘ تو سارا غصہ کاموں پر نکالتا۔ سب چپ رہتے‘ ہر‬ ‫کسی کو جان اور چمڑی بڑی عزیز ہوتی ہے۔‬‫کھیتر پر آتے جاتے اس طرح کی سوچیں اسے گھیرے رکھتیں‪،‬‬ ‫غلطی یا ظلم‘ زیادتی چودھری کرتا ڈال گریب کاموں پر دی‬ ‫جاتی۔ وہ سوچ رہا تھا‘ یہ زندگی بھی کیسی ہے گھر جاؤ‘ کوئی‬ ‫ناکوئی مسلہ راہ روکے کھڑا ہوتا۔ باہر آؤ تو کامے پر وہ کچھ‬ ‫بیت جاتا جو اس کے خواب و خیال میں بھی نہ ہوتا۔‬ ‫جب وہ کھیتر پہنچا‘ وہاں عجب کھیل رچا ہوا تھا۔ چودھری کے‬‫ہاتھ میں خون آلودہ چھرا تھا اور سامنے کاما ابی‘ خون میں لت‬

‫‪117‬‬ ‫پت پڑا تھا۔ وہ یہ منظر دیکھ کر گھبرا گیا۔ چودھری سخت‬‫غصے میں تھا۔ اس نے چھرا کامے کبو کی طرف بڑھاتے ہوئے‬ ‫کہا‪ :‬ذرا اسے پکڑنا‘ کبو نے پکڑ لیا اور خود کامے ابی کے‬‫پاس پہنچ گیا اور افسردہ و پریشان ہو کر اس کے پاس بیٹھ گیا۔‬ ‫دریں اثنا پولیس پہنچ گئی اور کبو کو پکڑ لیا۔‬‫چودھری غصے سے اٹھا اور پان سات کبو کو رکھ دیں۔ مجھے‬ ‫پتا نہ تھا کہ تم اتنے ظالم اور کمینے ہو۔ پولیس والوں نے کہا‬ ‫چودھری تم چھوڑو‘ تھانے جا کر ہم اس کی طبیعت صاف کر‬ ‫دیں گے۔ وہاں موقع پر اور بھی دو تین کامے موجود تھے‘‬ ‫کسی کے منہ سے سچ نہ پھوٹا۔ اس اچانک نازلی آفت نے اس‬ ‫کے ہوش ہی گم کر دیے۔‬ ‫تھانے جا کر اس کی خوب لترول کی گئی۔ وہ کہے جا رہا تھا‘‬ ‫میں نے کچھ نہیں کیا۔ اس کی کب کوئی سن رہا تھا۔‬ ‫ایک شپائی بولا‪ :‬تمہیں ہم نے کچھ نہ کرنے سے روکا تھا۔‬ ‫ایک اور نے نعرہ لگاؤ‪ :‬کچھ کر لیتے نا‬ ‫ایک نے کہا‪ :‬اب یہاں سے جا کر کچھ کر لینا‬ ‫پہلے والا بولا‪ :‬یہاں سے جائے تو ہی کچھ کرئے گا‬‫ایک جو ذرا پرے کھڑا تھا کہنے لگا‪ :‬تو پھر یہ قتل کس نے کیا‬ ‫ہے۔ خون سے بھرا چھرا تو تمہارے ہاتھ میں تھا۔‬

‫‪118‬‬ ‫حجور قتل کرنا تو دور کی بات‘ میں تو ایسا قیمتی چھرا خرید‬ ‫ہی نہیں سکتا۔ چھرا تو چودھری نے مجھے پکڑایا تھا۔‬ ‫الزام تراشی کرتے ہو۔ اس کے بعد لاتوں مکوں اور تھپڑوں کی‬ ‫برسات ہو گئی۔‬ ‫تھانہ تو تھانہ‘ کورٹ کچہری بھی اس کی سن نہیں رہی تھی۔‬ ‫لگتا تھا‘ کہ کورٹ کچہری بھی چودھری ہی کی تھی۔ ہر کوئی‬ ‫اسے دشنام کر رہا تھا۔ اس کی تو کوئی سن ہی نہیں رہا تھا۔‬ ‫ماجرے کو آنکھوں سے دیکھنے والے‘ اس کے ہی گریب‬ ‫ساتھی تھے۔ وہ بھی دیکھ اور جان کر‘ کبو ہی کو مجرم ٹھہرا‬ ‫رہے تھے۔ اس کے حق میں‘ ایک بھی نہ تھا۔ ہر کوئی اسے‬ ‫قاتل کہے جا رہا تھا۔ اس نے سوچا‘ جب اتنے لوگ کہہ رہے‬ ‫ہیں کہ میں قاتل ہوں تو یقینا میں ہی قاتل ہوں۔ پھر اس نے کہنا‬ ‫شوع کر دیا‪ :‬ہاں ہاں میں ہی قاتل ہوں۔۔۔۔ابی کو میں نے ہی قتل‬ ‫کیا تھا۔‬

‫‪119‬‬ ‫خیالی پلاؤ‬ ‫اللہ بخشے پہا خادم بڑے ہنس مکھ اور جی دار قسم کے بندے‬ ‫تھے۔ خوش حالی سے تہی دست ہوتے ہوئے بھی‘ انہیں کبھی‬‫کسی نے رنج و ملال کی حالت میں نہ دیکھا۔ منہ میں خوش بول‬‫رکھتے تھے۔ کبھی کسی کو معلوم نہ ہو سکا کہ اندر سے کتنے‬ ‫دکھی ہیں۔ ان کی بیگم فیجاں‘ اتنی ہی سڑیل اور بدمزاج تھی۔‬ ‫کردار کی بھی صاف ستھری نہ تھی۔ مزے کی بات یہ کہ گھر‬ ‫سے کبھی کسی نے دونوں کی اونچی آواز تک نہ سنی تھی۔ یہ‬ ‫تو محض خوش فہمی ہو گی کہ ان کے درمیان تلخی نہ ہوتی ہو‬ ‫گی۔‬‫ایک مرتبہ اپنے بیٹے سے لاڈ پیار کر رہے تھے۔ منہ سے بھی‬ ‫بہت کچھ کہے جا رہے تھے۔ کہہ رہے تھے‘ میں اپنے بیٹے‬‫کو ڈاکٹر بناؤں گا‘ پھر سونے کے سہرے سجا کر‘ ہاتھی پر بٹھا‬ ‫کر‘ پیچھے گاڑیوں کی قطار ہو گی‘ بہو بیانے جاؤں گا۔ اس کی‬ ‫شادی پر بٹیروں کے گوشت کی دیگیں چڑھیں گی۔‬ ‫ساتھ میں بیسیوں بکرے زبح کر ڈالے۔ میٹھے میں بھی بہت‬ ‫ساری چیزیں دستر خوان پر سجا دیں۔‬ ‫میں کچھ دیر تو ان کی آسمان بوس باتیں سنتا رہا۔ پھر مجھ‬ ‫سے چپ نہ رہا گیا‘ میں نے پوچھ ہی لیا‘ پہا جی یہ آپ کیا کہہ‬

‫‪120‬‬ ‫رہے ہیں۔ یہ سب کچھ کیسے ہو سکے گا۔ میری طرف انہوں‬ ‫نے ہنس کر دیکھا اور کہا‘ جب خیالی پلاؤ پکایا جا رہا ہو تو‬ ‫راشن رسد کی کیوں کمی رکھی جائے۔ یہ کہہ کر ان کی آنکھیں‬ ‫لبریز ہو گیئں‘ ہاں منہ سے کچھ نہ بولے۔‬ ‫میں نے سوچا‘ کہہ تو ٹھیک رہے ہیں۔ ہمارے لیڈر صاحبان‬ ‫ووٹ کی حصولی کے لیے بڑے خیالی پلاؤ پکاتے ہیں۔ راشن‬ ‫رسد کی اس میں کمی نہیں چھوڑتے۔ ایسے ایسے نقشے‬ ‫کھنچتے ہیں‘ کہ شداد کی ارم بھی کوسوں کے فاصلے پر چلی‬ ‫جاتی ہے۔ امن و سکون کی وہ فضا‘ خیالوں اور خوابوں کو‬ ‫سکھ چین سے نوازتی ہے۔ عملی طور پر بھوک‘ دکھ‘ درد اور‬‫مصیبت ان کے کھیسے لگی ہے۔ ہاں البتہ یہ رشک ارم دنیا‘ ان‬ ‫لیڈروں کی دنیا میں ضرور بسی چلی آتی ہے۔ گماشتے انہیں‬ ‫سب اچھا کا سندیسہ سناتے آئے ہیں۔‬ ‫اگر عورت چاہے تو صفر کو بھی‘ سو کے مرتبے پر فائز کر‬ ‫سکتی ہے۔ اگر الٹے پاؤں چلنے لگے تو سو کو صفر بھی نہیں‬ ‫رہنے دیتی۔ دوسرا گریب صرف خواب ہی دیکھ سکتا ہے‘ اس‬ ‫سے آگے اس کی اوقات و بسات ہی نہیں ہوتی۔ فیجاں کو تو اہل‬‫اخگر سے‘ موج مستی سے ہی فرصت نہ تھی‘ شوہر اور بچوں‬ ‫پر کیا توجہ دیتی۔ وہ ملکی لیڈر صاحبان کے قدموں پر تھی۔‬

‫‪121‬‬ ‫ایک روز پتا چلا‘ اس نے پہا خادم سے طلاق لے لی ہے اور‬ ‫کسی کے ساتھ چلی گئی ہے۔ پہا خادم اکیلا ہی زندگی کی گاڑی‬ ‫چلاتا رہا۔ ایک روز شراب کے نشہ میں دھت‘ ایک سیٹھ صاحب‬ ‫کی گاڑی کے نیچے آ کر‘ اللہ کو پیارا ہو گیا۔ بچے در بہ در ہو‬‫گئے۔ جس بچے کو وہ ڈاکٹر بنانا چاہتا تھا‘ منڈی میں پلے داری‬ ‫کرنے لگا۔ بعد میں لاری اڈے ہاکری کرنے لگا۔ اس کی ایک‬ ‫مزدور کی بیٹی سے شادی ہو گئی۔ اللہ نے اسے چاند سا بیٹا‬‫عطا کیا۔ بےشک باپ کی طرح بڑا محنتی ہے اور آج کل باپ کے‬ ‫سے خیالی پلاؤ پکاتا ہے۔ اس کی بیوی سگھڑ ہے‘ عابی کی‬ ‫وفادار بھی ہے۔ کچھ کہا نہیں جا سکتا کہ اس کے خیالی پلاؤ‬ ‫کسی حد تک سہی‘ منزل پا ہی لیں۔‬

‫‪122‬‬ ‫تعلیم اور روٹی‬ ‫وہ کم پڑھا لکھا کامیاب ہنرمند تھا۔ گزارے سے بڑھ کر کما لیتا‬ ‫تھا لیکن اپنی ایک الگ سے فکر رکھتا تھا۔ ہنرمندوں کی‬ ‫بدحالی اسے خون کے آنسو رولاتی۔ کیا کر سکتا تھا۔ وہ کیا‘‬ ‫معاملات روٹی ٹکر میں بڑے بڑے کھنی خان مجبور و بےبس‬ ‫ہو گیے تھے۔ دفتر شاہی ہو کہ انتظامیہ‘ اقتداری طبقے کی‬‫گماشتہ چلی آتی تھی۔ اسی طرح اقتداری طبقہ اس کے بغیر زیرو‬ ‫میٹر تھا۔‬ ‫وہ دیر تک سوچتا رہا‘ آخر ہنرمند طبقے کی کس طرح مدد‬ ‫کرے۔ پھر اسے ایک خیال سوجھا۔ خوشی سے اس کا چہرا‬ ‫دمک اٹھا اور اس نے تعلیم ایسے مشکل گزار رستے پر چلنے‬ ‫کا فیصلہ کر لیا۔ کتاب‘ کاپی اور قلم کی خریدداری کے لیے اس‬ ‫کے پاس پیسے تھے۔ تعلیمی معاملات میں مشکل پیش آ جانے‬ ‫کی صورت میں ماسٹر نور دین سے رابطہ ممکن تھا۔‬ ‫صبح اٹھتے ہی‘ وہ سب سے پہلے کتابوں کی دکان پر گیا۔ پانچ‬‫پاس تھا‘ چٹھی کی کتابیں‘ ایک بڑا رجسٹر اور قلم خرید کیا۔ اس‬ ‫نے یہ غور ہی نہ کیا کہ پڑھے لکھے باشعور طبقے‘ روز اول‬ ‫سے‘ شعور سے عاری بااختیار طبقے کی چھتر چھاؤں میں‬ ‫زندگی کرتے آئے ہیں۔ ہنرمندوں کو‘ مکہ بردار اپنے محل اور‬

‫‪123‬‬ ‫خودسر گھروالیوں کے مقبرے بنانے کے لیے استعمال کرتے‬‫آئے ہیں۔ دوسرا تعلیم اور روٹی کا کوئی رشتہ ہی نہیں‘ تعلیم تو‬ ‫آگہی فراہم کرتی ہے۔ یہ دماغ سے سوچنے کا درس دیتی ہے۔‬ ‫پیٹ سے سوچنے کے لیے جہالت کی ضرورت ہوتی ہے۔ دماغ‬ ‫کی سوچ شخص تعمیر کرتی ہے جب کہ پیٹ کی سوچ میں کو‬ ‫ہوا دیتی ہے اور کم زور سروں کی کھوپڑوں سے محل تعمیر‬ ‫کرتی ہے۔‬ ‫وہ دیر تک کتابوں کے اوراق الٹ پلٹ کرتا رہا۔ رجسٹر پر کچھ‬ ‫لکھنے کی کوشش بھی کرتا رہا۔ اس کی ذہنی کیفیت جنونیوں‬‫کی سی تھی۔ چوں کہ سورج روشنی دے رہا تھا‘ اس لیے اسے‬ ‫احساس تک نہ ہوا کہ بجلی کتنی بار گئی ہے۔ رات ہو گئی تھی‘‬ ‫پھر اچانک ایک جھٹکے سے بجلی چلی گئی۔ اس کے منہ سے‬ ‫بےاختیار او تیرے کی نکل گیا۔ دوسرے ہی لمحے اسے خیال‬ ‫آیا‘ کہ وہ میٹرک پاس کرکے واپڈا میں بھرتی ہو کر ہنرمندوں‬‫کی مدد کرنا چاہتا تھا۔ حکومت تو خود ہنرمندوں کی مدد کر رہی‬ ‫تھی۔‬ ‫فیکس ٹائم کے علاوہ بھی چار چھے اچانکیہ جھٹکے‘ انرجی‬ ‫سیور ہی نہیں‘ اور بھی بہت ساری چھوٹی بڑی چیزوں کو لے‬ ‫دے جاتے تھے۔ بڑی بڑی کمپنیوں سے لے کر‘ چھوٹے سے‬ ‫چھوٹے ہنر مند کی دال روٹی کا سامان تو ہو رہا تھا۔ یہ ہی تو‬ ‫وہ کرنا چاہتا تھا جو پہلے سے ہی ہو رہا تھا۔ اسے اپنی گھٹیا‬

‫‪124‬‬ ‫سوچ پر بڑی شرمندگی ہوئی‘ کہ صاحب اختیار طبقے تو پہلے‬ ‫ہی ہنرمندوں کے لیے نرم گوشہ رکھتے ہیں۔ اس نے کاپیاں‬ ‫کتابیں الماری میں رکھ دیں اور سر کے نیچے بازو رکھ کر‬ ‫سکون کی نیند سو گیا۔‬

‫‪125‬‬ ‫بوسیدہ لاش‬‫شباب مرزا ایمرجنسی وارڈ میں پڑا‘ زندگی کی آخری گھڑیاں گن‬ ‫رہا تھا۔ ڈاکٹر اور نرسیں‘ اس کی زندگی بچانے کی کوشش کر‬ ‫رہے تھے۔ اس پر کھل گیا تھا کہ اب کہانی‘ اپنے انجام کو پہنچ‬ ‫چکی ہے۔ دوا دارو دوبارہ سے‘ اسے زندگی کی شاہراہ پر لا‬ ‫کر‘ کھڑا نہیں کرسکتے۔ بچ بھی گیا تو وہ پہلے سی توانائی‘‬ ‫میسر نہ آ سکے گی۔ وہ زندگی بھر کسی کا سہارا نہیں بنا‘ اس‬ ‫کا کوئی کیوں سہارا بنے گا۔ ہر کسی کا قول و فعل‘ محض‬ ‫دکھاوے اور اسے خوش کرکے‘ کچھ حاصل کرنے کے لیے ہو‬ ‫گا۔‬ ‫زندگی کا ہر بیتا لمحہ‘ اس کی آنکھوں کے سامنے گھوم گھوم‬‫گیا۔ ابھی وہ اتنا بڑا نہیں ہوا تھا کہ اسے لذت کا احساس ہو گیا۔‬ ‫ہوا یوں کہ ان کے گھر اس کی خالہ اور اس کی بیٹی ملنے یا‬ ‫کسی کام سے آئیں۔ خالہ نے اسے گلے لگایا اور اس کی بلائیں‬‫لیں۔ اس کی خالہ زاد‘ جو عمر میں کوئی اس سے زیادہ بڑی نہ‬ ‫تھی‘ بھی اسے گلے ملی۔ خالہ کے گلے ملنے میں کوئی مزا نہ‬ ‫تھا لیکن خالہ زاد کے ملنے سے‘ اس کے بدن میں عجب سی‬ ‫لذت دوڑ گئی۔ وہ اسے بار بار ملنا چاہتا تھا۔ اس کے رونگٹے‬ ‫میں ان جانی سی ہلچل مچ گئی۔ کئی بار کھڑا بھی ہوا۔ شاید اس‬

‫‪126‬‬ ‫لڑکی کی استفادہ میں بھی یہ ہی کیفیت رہی ہو گی۔‬ ‫اس کی اماں اور خالہ باتوں میں جھٹ گئیں۔ سسرالی خاندانوں‬ ‫کی خامیاں موضوع گفتگو تھیں۔ وہ تو اپنے مجازی خداؤں کو‬ ‫بھی لتاڑے چلی جا رہی تھیں۔ وہ اور اس کی خالہ زاد‘ اپنی‬ ‫ماؤں کے باہمی مذاکرات سے بےنیاز‘ رومان کی دنیا آباد کیے‬ ‫ہوئے تھے۔ یہ سلسلہ اس وقت تک چلتا رہا‘ جب تک اس کی‬ ‫خالہ نے اپنی بیٹی کو آواز نہ دے دی۔‬ ‫لذت کے اس احساس نے‘ اسے متحرک کر دیا۔ تعلیمی معاملات‬‫طے کرنے کے لیے‘ اس نے ہر جائز ناجائز حربہ اختیار کیا۔ یہ‬‫ہی طور اس نے اچھے روزگار کے لیے اپنایا۔ اچھی رہائش اور‬ ‫اس کے لوازمات کے لیے جائز کو مستقل طور پر‘ زندگی سے‬‫خارج ہی کر دیا۔ دنیا کی کون سی ایسی آسائش ہو گی‘ جو اسے‬ ‫میسر نہ آئی۔ کوٹھی‘ کار‘ بنگلہ‘ بینک بیلس‘ نوکر چاکر گویا‬ ‫سب کچھ اس کے کھیسے لگ چکا تھا۔ ایسے حالات میں‘ بڑے‬ ‫گھر کی بیٹی بھی رونق افروز ہو گئی۔ وہ ہی کیا‘ حسیناؤں کا‬ ‫ایک ہجوم اس کے گرد رہتا۔ اس کا قرب‘ بڑے حسن اور ناز و‬ ‫ادا والیوں کو ہی نصیب ہوتا۔‬ ‫رونگٹا ذرا کم زور پڑتا تو دواؤں کا انبار لگ جاتا۔ اٹھنے‬‫بیٹھنے‘ آنے جانے‘ کھانے پینے‘ سونے جاگنے غرض ہر نوع‬ ‫کی لذت اس کے قدم لیتی رہی۔ آخر کب تک‘ معدہ اپ سٹ رہنے‬

‫‪127‬‬ ‫لگا۔ رونگٹا بھی ڈھیٹ سا ہو گیا۔ باہر تو باہر‘ اس ذیل میں گھر‬ ‫پر بھی ذلت اٹھانا پڑتی اور وہ وہ باتیں سنتا‘ جن کا وہ کبھی‬ ‫سوچ بھی نہیں سکتا تھا۔ ماں کی دیکھا دیکھی‘ بچے بھی اس‬ ‫کی پرواہ چھوڑ گیے۔ اب وہ بااختیار افسر نہیں تھا جو اردگرد‬ ‫چمچے کڑچھے ہوتے۔ باہر نکلتا تو ناانصافی برداشت کرنے‬‫والوں کی غصیلی نظریں کھانے کو دوڑتیں گھر آتا تو نادیہ پاگل‬‫کتیا کی طرح‘ کاٹنے کو آتی۔ لذت نے آزار کا بھیس اختیار کر لیا‬ ‫تھا۔‬ ‫ایک دو دن نہیں‘ پانچ سے زیادہ عرصہ‘ اس نے ذلت و عذاب‬ ‫میں گزارا۔ رونگٹے کی بےوفائی اس حالت تک لے آئی تھی۔‬ ‫ہسپتال بھی اسے شرم کوشرمی لایا گیا تھا دوسرا سارا دن اس‬ ‫عذاب کو کون جھیلتا۔ یہاں سابقہ سرکاری افسر ہونے کی وجہ‬‫سے‘ کسی حد تک سہی‘ خدمت میسر آ رہی تھی۔ وہ آنکھیں بند‬ ‫کیے یہ ہی سوچے جا رہا تھا کہ لذت کے لمحے آخر کیوں ختم‬ ‫ہو جاتے ہیں۔ آخر سب کچھ برقرار کیوں نہیں رہتا۔ پھر اس نے‬ ‫سوچا کہ اگر زندگی کی لذت کو استحقام نہیں تو زندگی کی اذیت‬ ‫کو بھی بقا نہیں ہو سکتی‘ یہ بھی ختم ہو جائے گی۔ سوچوں‬ ‫کے گرداب میں پھنسی اذیت آمیز زندگی نے‘ آخری ہچکی لی‬ ‫اور پھر وہاں ایک بوسیدہ لاش کے سوا کچھ باقی نہ رہا۔‬

‫‪128‬‬ ‫وبال دیکھیے‬ ‫لالے دینو سے‘ اکثر چائے کے کھوکھے پر ملاقات ہوتی رہتی‬ ‫تھی۔ اس کے محنتی اور مشقتی ہونے میں‘ کوئی شک نہیں۔‬ ‫سارا دن ریڑھی پر سبزی بیچتا اور رات کو ریڑھی گھر ڈک کر‘‬ ‫یہاں چار یاری میں آ بیٹھتا۔ ہم سب مل کر گپ شپ کرتے‘ ہنسی‬‫مذاق بھی خوب چلتا‘ دن بھر کی باتیں ہوتیں‘ سیاسی موضوعات‬ ‫بھی گفتگو میں آ جاتے‘ ذاتی معاملات پر مشاورت ہوتی۔‬ ‫شقے کو بیوی کی بدسلوکی کے سوا‘ کچھ نہ آتا تھا۔ غریب تو‬‫سارے ہی تھے‘ لیکن لبھے پر غربت کچھ زیادہ ہی نازل ہو گئی‬‫تھی۔ طافی نے چوں کہ داڑھی رکھی ہوئی تھی‘ اس لیے ہم سب‬‫اسے مولوی کہہ کر پکارتے‘ مسلمان جرنیلوں کے کچھ تاریخی‬ ‫اور کچھ پاس سے گھڑ گھڑ کر قصے سناتا۔ اگر پڑھا لکھا ہوتا‬‫تو دوھائی کا کہانی کار ہوتا۔ لالے دینو کو اپنے بڑوں کی وڈیائی‬ ‫کے سوا کچھ نہ آتا تھا۔ وہ وہ چھوڑتا‘ کہ ہم سب دھنگ رہ‬ ‫جاتے۔ اکبر بادشاہ بھی جاہ و جلال اور مال و منال میں پیچھے‬ ‫رہ جاتا۔‬ ‫صدیقا منہ پھٹ بھی ہماری سلام دعا میں شامل تھا۔ اس کا کام‬ ‫ہی ہر اچھے برے‘ سچ جھوٹ پر تنقید کرنا تھا۔‬‫تنقید‘ مولوی اور لالے دینو کو تو آڑے ہاتھوں لیتا تھا۔ اس کی‬

‫‪129‬‬ ‫کسی حد تک غلط بھی نہ تھی۔ اس کا کہنا تھا‘ ان جرنیلوں نے‬ ‫اسلام نہیں پھیلایا۔ جرنیل مسلمان ہوں یا غیرمسلم‘ قتل و غارت‬‫کا ہی بازار گرم کرتے آئے ہیں‘ ان پر فخر کیسا‘ ہاں داتا صاحب‬ ‫یا ایسے دوسروں نے‘ اپنے عجز و انکسار‘ پیار‘ رواداری‘‬ ‫بھائی چارے‘ انسانی برابری کے درس سے اسلام پھیلایا ہے۔‬ ‫اسی طرح لالے دینو سے کہتا‘ او چھوڑو یار‘ جو تم بتاتے ہو‘‬ ‫وہ ہوں گے‘ دیکھنا تو یہ ہے کہ تم کیا ہو‘ بس ماضی پر‬ ‫اتراتے رہو اور خود صفر رہو۔ یار ہمیں بھی کوئی خاص کرنا‬ ‫چاہیے تا کہ آتی نسل کے کام آ سکے۔‬ ‫اکثر معاملہ بحث اور پھر تو تکرار کی حدوں کو چھونے لگتا۔‬ ‫میرا موقف تھا‘ اس بیٹھک کو شغل میلے تک رہنا چاہیے۔‬ ‫کوشش کے باوجود‘ تو تکرار ہو ہی جاتی۔ اس روز لالا دینو‬ ‫کچھ زیادہ ہی گرم ہو گیا۔ صدیقا بھی تو زبان کو تالہ نہیں لگا‬ ‫رہا تھا۔ صدیقے نے لالے دینو کا گریبان پکڑ لیا۔ لالے دینو نے‬ ‫وٹ کر صدیقے کے سینے میں گھونسہ مارا اور وہ نیچے گر‬‫پڑا۔ لالے دینو کے وہم وگمان میں بھی نہ تھا کہ صدیقہ زمین پر‬ ‫آ رہے گا۔ اب وہ ہی سب سے زیادہ ترلے لینے والوں میں تھا۔‬ ‫افسوس صدیقا لالے دینو کی ایک نہ سہہ سکا اور اللہ کو پیارا ہو گیا۔‬ ‫پلس آئی اور ہم سب کو پکڑ کر لے گئی۔ ہماری تو کچھ جھڑ جھڑا کر‬‫تھانے سے رخصتی ہو گئی ہاں لالے دینو کو پھنٹی کے ساتھ جیل بھی‬ ‫جانا پڑا۔ وبال دیکھیے‘ ہمیں بھی باطور گواہ حاضری پر رکھ لیا گیا۔‬

‫‪130‬‬ ‫عصری ضرورت‬ ‫میں جدید لبرل مسلمان ہوں اور یہ سب جانتے ہیں‘ بتانے کی‬‫ضرورت نہیں۔ ایک شیطان ہی ہے جو نہیں مانتا‘ اس کا کہنا ہے‬ ‫کہ میں اس کا ہم پیشہ و ہم مشرب ہوں۔ پرسوں ہم انٹرنیشنل‬ ‫فائیو سٹار ہوٹل میں بیٹھے ہوئے تھے۔ آتے جاتے جوڑوں کے‬ ‫لباس اور ان کے طور و اطوار کو پرذوق اور پرحسرت نگاہوں‬ ‫سے دیکھ رہے تھے۔ یقین مانیئے ہر آنے والی کا حسن و‬‫جمال اور ادائیں‘ کاش کے تند و تیز چھرے سے‘ میری روح کو‬ ‫زخمی کر رہی تھیں۔ بدبخت پاس ہی بیٹھا‘ ان کے حسن و جمال‬ ‫اور اداؤں سے کم‘ میری بےچینی پر زیادہ خوش ہو رہا تھا۔‬‫بیٹھا بیٹھا اچانک سنجیدہ سا ہو گیا۔ میں نے پوچھا‘ او سالے یہ‬‫اچانک تمہارا بوتھا شریف کیوں لمک گیا ہے۔ کہنے لگا یار دنیا‬ ‫بڑی خودی غرض ہے۔‬ ‫کیوں کیا ہو گیا‬ ‫ہونا کیا تھا‘ پرسوں بھابی اور بٹیا ادھر ہی‘ ملکوں کے ایک‬ ‫شوخے کے ساتھ آئے ہوئے تھے۔ کم بخت بھابی کا آنا پسند‬ ‫نہیں کر رہا تھا۔ پہلے اس نے اپنا مطلب نکال لیا۔ بھابی نے کیا‬ ‫کہنا تھا‘ بےچاری چپ چاپ بیٹھی ناشتے پانی کا انتظار کر رہی‬ ‫تھی۔ کافی دیر بعد کھانے میں کافی کچھ منگوایا گیا۔ خود بھی‬

‫‪131‬‬ ‫کھاتا مرتا رہا۔ پھر واش روم جانے کے بہانے سے اٹھا اور‬ ‫کھسک گیا۔ ان بےچاریوں نے چھوٹے کے ہاتھ پیسے منگائے‬ ‫اور وہاں سے خلاص ہوئیں۔‬‫مجھے بڑا تاؤ آیا۔ ان کی اس بیٹھک کا تو مجھے علم تھا‘ لیکن‬ ‫ملکوں کے شوخے کی اس کمینی حرکت سے آگاہ نہ تھا۔ سب‬ ‫بےمزا اور کرکرا ہو گیا۔ دل چاہتا تھا کہ اس شوخے کے ڈکرے‬ ‫ڈکرے کر دوں۔ میں نے اسے کہا‘ یار بس اب اٹھو‘ چلتے ہیں۔‬ ‫دنیا کی چال بازی پر مجھے دکھ اور افسوس ہوا۔ معاملات میں‬‫آدمی کو اتنا بھی نہیں گرنا چاہیے۔ میں اگر جھوٹ بولتا ہوں‘ تو‬‫لوگ میرے کہے کا یقین کرتے ہیں۔ اگر یقین نہ کریں تو مجھے‬ ‫کیا پڑی ہے‘ جوجھوٹ بولوں۔‬ ‫معاملات میں‘ میں نے کبھی دونمبری نہیں کی۔ وہ پیسے دیتے‬‫ہیں‘ میں گواہی دیتا ہوں۔ ان کا احسان نہ میرا احسان۔ رشوت کی‬ ‫رقم مفت میں تو نہیں لیتا‘ کام کرتا اور کرواتا ہوں۔ کسی‬‫دوسرے دفتر سے کام کرواتا ہوں تو ٹن پرسنٹ میرا اصولی حق‬ ‫بنتا ہے۔ میں دودھ میں پانی ملاتا ہوں تو اس میں غلط کیا ہے‘‬ ‫پیچھے سے کب کھرا آتا ہے۔ میرا پانی ملانا دکھتا ہے تو‬ ‫سپلائی کرنے والا کیوں نظر نہیں آتا۔ دوسرا میں کون سا زور‬ ‫زبردستی فروخت کرتا ہوں‘ نہ خریدیں۔ انہیں حکیم نے کہا ہے‘‬ ‫جو وہ پانی یا کیمیکل ملا دودھ خریدتے ہیں۔ خریددار کے سب‬

‫‪132‬‬ ‫علم میں ہے تو یہ دو نمبری کس حساب سے ہوئی۔‬ ‫میں لبرل ماڈرن مسلمان ہوں‘ دو نمبری کو غلط اور قابل تعزیر‬ ‫سمجھتا ہوں۔ عہد قدیم کے مسلمانوں کا دائرہ محدود تھا‘ اس‬ ‫لیے اصول بھی اسی دور کے مطابق تھے۔ میرا واسطہ گلوبل‬ ‫ہے۔ امریکہ اور جاپان اب دو قدم کے ملک رہ گئے ہیں‘ لہذا‬ ‫مجھے عصری اصولوں کو فالو کرنا ہوتا ہے۔ حضرت بلال‬ ‫حضور کریم کے قریب تھے‘ لہذا وہ ویسے تھے۔ حضور کریم‬ ‫میرے قریب نہیں ہیں‘ کیا یہ میری برخورداری نہیں کہ میں‬‫حضور کریم سے بڑی محبت کرتا ہوں‘ ہاں ان کے کہے پر نہیں‬ ‫چلتا‘ بل کہ آج کی ضرورت کے مطابق زندگی کر رہا ہوں۔‬ ‫لبرل ماڈرن مسلمان ہونے کے ناتے‘ گیو ٹیک کو اپنائے ہوئے‬ ‫ہوں۔ میں نے ہر اس عورت کو اپنی ماں بہن سمجھا ہے جو‬ ‫میرے ساتھ پھنستی نہیں۔ بڑی سالی تکبر میں رہی‘ میں نے‬ ‫بھی اسے جوتے کی نوک پر رکھا۔ ہمیشہ باجی باجی کہہ کر‬ ‫مخاطب کیا ہے۔ ہاں چھوٹی لبرل ماڈرن مسلمان تھی‘ اس سے‬ ‫سلام دعا ہو گئی۔ اس کی شادی ہو گئی‘ اب جب کبھی آتی ہے‘‬‫تو ہمارا گیو ٹیک ہو جاتا ہے۔ ہاں البتہ ساس مجھ پر مہربان ہے‬ ‫تو میں بھی اس کے معاملہ میں بخیل نہیں۔‬ ‫مجھے ملکوں کے شوخے پر تاؤ آتا ہے‘ بےغیرت دونمبری‬ ‫کرتا ہے۔ کچھ لیا ہے تو کچھ دو بھی۔ ایسے ہی دو نمبر لوگ‬

‫‪133‬‬ ‫قابل تعزیر ہوتے ہیں۔ اگر ملک کی باگ ڈور میرے ہاتھ میں آ‬ ‫جائے تو اس طور کے ہر دونمبری کو‘ چوراہے میں الٹا لٹکا‬ ‫دوں تا کہ کسی کو دونمبری کرنے کی جرآت ہی نہ ہو۔ وہ لبرل‬ ‫ماڈرن مسلمان نہیں ہیں‘ مولوی کو‘ ایسے دو نمبریوں پر کفر‬ ‫کا فتوی لگا دینا چاہیئے۔ مولوی عصری ضرورت سے ہٹ کر‘‬ ‫فتوی سازی میں مصروف ہیں۔ انہیں آج کی ضرورت اور حقائق‬ ‫کے مطابق چلنا ہو گا‘ ورنہ انہیں لبرل ماڈرن مسلمان نہیں کہا‬ ‫جا سکتا۔‬

‫‪134‬‬ ‫اماں جیناں‬ ‫اماں جیناں محلہ کیا‘ اردگرد کے محلوں میں بھی پسند نہیں کی‬ ‫جاتی تھی۔ اسے بیوہ ہوئے آٹھ سال ہو گئے تھے۔ اس کا خاوند‬ ‫مشقتی تھا‘ لیکن تھا بھلا آدمی۔ صبح کام پر چلا جاتا اور رات‬ ‫دیر تک مشقت کرتا۔ اس نے اپنی محنت سے‘ چھوٹا اور کچا‬ ‫پکا ذاتی مکان بھی بنا لیا تھا۔ ضرورت کی ہر شے اس میں لا‬ ‫کر رکھ دی تھی۔ جتنا ایک مشقتی سے ممکن ہوتا ہے کیا۔ اپنی‬ ‫بولار بیوی کو ہر طرح کا سکھ‘ فراہم کرنے کا جتن کیا۔‬ ‫اماں جیناں نے اپنے خاوند سحاکے کے ہر رشتہ دار‘ یہاں تک‬ ‫کہ اس ماں کی بھی دڑکی لگا دی۔ وہ بڑی برداشت کا مالک تھا۔‬ ‫اس زیادتی کو کوڑا گھونٹ سمجھ کر پی گیا اور حسب معمول‬‫محنت مشقت پر جھٹا رہا۔ ماں اور بہن بھائیوں کو وقت نکال کر‬ ‫مل لیتا۔ ہاں البتہ پانچ دس منٹ کے لیے سہی‘ ماں کو ہر روز‬ ‫بھرجائی کے کوسنے سن کر بھی‘ ملنے چلا جاتا۔ معلوم پڑ‬ ‫جانے کے بعد جیناں بھی وقت کووقت اور اپنے خاوند کی حالت‬ ‫دیکھے بغیر‘ منہ میں زبان رکھنا بھول جاتی۔‬ ‫اس کی زبان نے بابے سحاکے کے اپنے تو اپنے‘ ملنے والے‬ ‫بھی بہت دور کر دیے تھے۔ ہر کوئی اس سے بات کرتے ڈرتا‘‬

‫‪135‬‬ ‫مبادا کوئی گلاواں ہی گلے آ پڑے گا۔ الٹی کھوپڑی کی مالک‬ ‫تھی‘ سیدھی بات کو غلط معنوں میں لے لیتی تھی۔ مثلا کوئی‬ ‫بھولے سے بھی پوچھ بیٹھتا‪ :‬مائی جیناں کیا حال ہے۔ جواب‬ ‫میں اسے یہ ہی سننا پڑتا‘ اندھے ہو نظر نہیں آتا‘ چنگی بھلی‬ ‫ہوں۔ جب ایسی صورت ہو تو کوئی اس کے منہ کیوں لگتا۔‬ ‫منہ متھے لگتی تھی‘ علاقے میں انھی ڈال سکتی تھی۔ ہمیشہ‬ ‫سے بوڑھی نہ تھی۔ مجال ہے کوئی اس کے بارے غلط بھی‬ ‫سوچتا۔ کھگو نے جوانی کے دور میں‘ ٹرائی ماری تھی۔ اس‬ ‫کے ساتھ کیا ہوا جگ جانتا ہے۔ جب بھی وہ نظر آ جاتا‘ شروع‬‫ہو جاتی۔ اس نے معافی بھی مانگی لیکن جیناں نے معاف نہ کیا۔‬ ‫اس کا موقف تھا کہ کھگو کو ایسی جرآت ہی کیوں ہوئی۔ اس‬ ‫نے ایسا سوچ بھی کس طرح لیا۔ چوں کہ قریب کی گلی کے‬ ‫تھے‘ وہ گلی دیکھ کر گزرتا۔ اگر جیناں نظر آ جاتی تو بل باش‬ ‫ہو جاتا۔ اس کے برعکس اگر جیناں کی اس پر نظر پڑ جاتی‘ تو‬ ‫رانی توپ کا منہ کھل جاتا۔ جب تک زندہ رہا‘ نزع کی حالت میں‬ ‫ہی رہا۔‬ ‫اماں جیناں کی کوئی اولاد نہ تھی۔ خاوند کے مرنے کے بعد‬ ‫بےسہارا سی ہو گئی۔ پورے محلہ میں کوئی اسے پوچھنے والا‬ ‫نہ تھا۔ جب تک گھر پر جمع پونجی باقی رہی‘ گزارا کرتی رہی۔‬ ‫فاقوں پر آ گئی‘ اس نے کسی پر ظاہر تک نہ کیا۔ سب کچھ ذات‬ ‫اور آنسوؤں میں ضبط کرتی رہی۔ میری گھروالی کو جانے‬

‫‪136‬‬ ‫کیسے معلوم ہو گیا۔ اس نے بات میرے سامنے رکھی۔ مجھے‬ ‫عزت عزیز تھی۔ میں اس کی مدد کرنا چاہتا تھا‘ لیکن ڈرتا تھا‬ ‫کہ کہیں معاملہ گلے ہی نہ آ پڑے۔‬‫ایک دن گلی سے گزر رہا تھا‘ اماں جیناں اپنے گھر کی دہلیز پر‬ ‫اداس اور افسردہ بیٹھی ہوئی نظر آئی۔ میں دور سے‘ جو اسے‬ ‫سنائی دے رہا جعلی بڑبڑاتا ہوا اس کے قریب سے گزرا۔ اس‬ ‫نے مجھے کبھی اس انداز میں نہ دیکھا تھا۔ قریب آیا تو اس‬ ‫‪:‬نے پوچھ ہی لیا‬ ‫پتر کیا ہوا‬ ‫ماں جی ہونا کیا ہے‘ کیسا دور آ گیا ہے‘ پیسے پورے لے کر‬‫بھی چیز درست نہیں دیتے۔ میرے بیگ میں کیلے تھے میں نے‬ ‫کیلے انہیں پکڑائے اور خود دوبارہ سے بڑبراتا ہوا آگے بڑھ‬‫گیا۔ اس نے بڑی حیرت سے میری طرف دیکھا اور کیلے لے کر‬ ‫اندر چلی گئی۔‬ ‫مجھے شہہ مل گئی اور پھر میں‘ آنے بہانے اماں جیناں کو‬ ‫کچھ ناکچھ دے کر کام پر چلا جاتا۔ ایک مرتبہ میں نے کچھ‬ ‫پیسے بھی چیز کے ساتھ رکھ دیے۔ اگلے روز گھر واپس آتے‬ ‫اس نے مجھے روک لیا اور کہا غلطی سے پیسے بھی آ گیے‬ ‫تھے۔ میں نے کہا نہیں ماں جی‘ آپ کے حصہ ہی کے تھے اور‬‫میں جلدی سے وہاں سے رخصت ہو گیا‘ کہ کوئی تماشا کھڑا نہ‬

‫‪137‬‬‫کر دے۔ جب اگلے دن وہاں سے گذرا تو دیکھا‘ اماں کی آنکھوں‬ ‫میں تشکر لبریز آنسو تھے۔ سچی بات ہے میری بھی آنکھیں‬‫چھلک پڑیں۔ اس کے بعد میں بلاڈرے اس کی خدمت کرنے لگا۔۔‬ ‫دن گزر گئے‘ اور آج اماں کو حق ہوئے بھی کئی سال ہو چلے‬ ‫ہیں۔ کوئی نہیں جانتا تھا‘ وڈ ٹک سے پہلے اماں بڑے کھاتے‬ ‫پیتے خاندان کی تھی۔ سحاکا ہی اسے زخمی حالت میں‘ اس کی‬ ‫جان بچا کر لے آیا تھا ورنہ اللہ جانے اس کے ساتھ کیا گزرتی۔‬‫اماں نے سحاکے کے ساتھ نکاح کر لیا۔ سحاکا ازدواجی معاملات‬ ‫میں پیدل تھا‘ اماں نے پھر بھی پاک صاف رہ کر زندگی گزار‬ ‫دی۔‬ ‫مائی صوباں کا یہ انکشاف‘ حیرت سے خالی نہ تھا۔ سب خلائی‬ ‫سا معلوم ہو رہا تھا۔ سچ میں‘ اللہ کی اس زمین پر یہ وقوع میں‬ ‫آ چکا تھا۔‬

‫‪138‬‬ ‫اس کا نام ہدایتا ہی رہا‬‫تجربہ زندگی کو سنوارتا‘ نکھارتا اور بعض اوقات شخصیت میں‬ ‫انقلاب برپا کر دیتا ہے۔ ہداتے اور اس کی رن ماجدہ کا‘ ہر‬‫دوسرے تیسرے رن کچھ سا رن لگتا۔ وہ جند جان میں اس سے‬ ‫کہیں بھاری تھی۔ اڑبڑ کرتا‘ تو سیدھا چمٹا چلاتی‘ جو اس کے‬ ‫کہیں ناکہیں آ لگتا۔ آشاں کا نشانہ بڑے کمال کا تھا۔ اس کے وڈ‬ ‫وڈیروں میں یقینا کوئی بہت بڑا شکاری رہا ہو گا۔ ایک بار تو‬ ‫سیدھا وہاں سے‘ تھوڑا ہی فاصلے پر آ لگا۔ کئی دن ٹانگیں‬ ‫چوڑی کرکے چلتا رہا۔ اگر خدا نخواستہ وہاں لگ جاتا‘ تو آج‬‫صحن میں اٹھکیلیاں کرتی منی سے ہاتھ دھو بیٹھتے۔ اس چوٹ‬ ‫نے آشاں پر تو کوئی اثر نہ ڈالا‘ ہاں البتہ اس تجربے نے اس‬ ‫کے معمول میں انقلابی تبدیلی ضرور کر دی۔ اب جب بھی رن‘‬ ‫رن میں اترنے کا موڑ بناتی‘ یہ فورا سے پہلے گھر کی دہلیز‬ ‫کے اس پار ہوتا۔‬ ‫وہ اندر فائرنگ کرتی یہ باہر کھڑا کبھی گولے اور کبھی تھری‬ ‫نٹ تھری کی گولیاں چلاتا۔ ہاں البتہ‘ ہر دو تین گولیاں یا گولے‬ ‫چلانے کے بعد‘ اتنا ضرور کہتا‘ اللہ تمہیں ہدایت دے۔ اس کے‬ ‫بعد اللہ تمہیں ہدایت دے اس کا تکیہءکلام ہی بن گیا۔ اس کا اصل‬ ‫نام نور محمد تھا لیکن اس تکیہءکلام کی وجہ سے‘ اس کا نام‬

‫‪139‬‬‫بھی ہدایتا پڑ گیا۔ پھر ہر دو تین کلمے منہ سے نکالنے کے بعد‘‬ ‫اللہ تمہیں ہدایت دے ضرور کہتا۔ لوگ چوں کہ اس کے اس‬ ‫تکیہءکلام سے آگاہ ہو چکے تھے‘ اس لیے غصہ نہ کرتے۔‬ ‫ایک بار سردار صاحب کے بیٹے کی جنج چڑھنا تھا۔ اچھے‬‫کپڑے سلوا لیے‘ اسی طرح اوکھے سوکھے ہو کر نیا جوتا بھی‬‫خرید لیا۔ اگلے دن جنج چڑھنا تھا‘ رن سرکار سے خوب حجامت‬‫کروانے کے بعد‘ شہر حجامت اور شیو بنوانے چلا گیا۔ حجام کی‬ ‫دکان پر تھوڑا رش تھا۔ وہ ادھر ہی بیٹھ گیا اور موجود لوگوں‬ ‫کی باتیں سننے لگا اور ساتھ میں ہوں ہاں بھی کرنے لگا۔ خدا‬ ‫خدا کرکے‘ اس کی بھی باری آ ہی گئی۔‬ ‫حجام باتونی تھا۔ حجامت بھی بنائے جا رہا تھا اور ساتھ میں‬ ‫باتیں بھی کیے چلے جا رہا تھا۔ ہدایتا اس کی ہاں میں ہاں ملا‬‫رہا تھا۔ ساری باتیں وہ ہی کیے جاتا تھا۔ خدا خدا کرکے ایک دو‬ ‫باتیں اسے بھی کرنے کا موقع مل گیا۔ حسب عادت دو تین باتیں‬‫کرنے کے بعد‘ اللہ تمیں ہدایت دے کہہ بیٹھا۔ حجام کام چھوڑ کر‘‬ ‫لال لال آنکھیں نکال کر کہنے لگا‘ اوئے پینڈو کیا میں بےہدایتا‬ ‫ہوں اور ہدایت تو سکھائے گا۔ چپ رہتا یا معذرت کر لیتا تو بات‬ ‫نہ بگڑتی۔‬‫لفظ پینڈو اسے چبھ سا گیا اور گھر سمجھ کر بکنے لگا۔ پھر کیا‬ ‫تھا‘ وہاں موجود لوگوں نے اسے پکڑ کر خوب وجایا۔ اور تو‬

‫‪140‬‬ ‫اور چہرے پر بھی اچھے خاصے آلو ڈال دیے۔ ابھی آدھے ہی‬ ‫بال کٹے تھے کہ بقیہ جان بچا کر واپس آ گیا۔ آشاں زخموں پر‬ ‫مرہم رکھنے یا اس حجام کا گھر پر ہی زبانی کلامی گھر پورا‬ ‫کرنے کی بجائے‘ اس کے چہرے کے آلو دیکھ کر خوب ہنسی۔‬ ‫اس واقعے کے بعد وہ جنج چڑھنے سے محروم ہو گیا اور‬‫گاؤں بھر کے مردوں‘ عورتوں اور بچوں کے لیے مذاق بن گیا۔‬ ‫ہاں البتہ اس کا تکیہءکلام ضرور بدل گیا۔ اللہ تمہیں ہدایت دے‬ ‫کی بجائے‘ اللہ مجھے ہدایت دے بولنے لگا۔ یہ بات قطعی الگ‬ ‫سے ہے کہ زبان پر مجھے اور دل میں تجھے ہی ہوتا۔ اس نے‬‫اپنے لیے کبھی ہدایت کی ضرورت ہی محسوس نہیں کی‘ جیسے‬ ‫پیدایشی ہدایت یافتہ ہو۔ اس حادثے کے بعد‘ نام بھی تبدیل ہو‬ ‫جانا چاہیے تھا‘ لیکن اس کا نام ہدایتا ہی رہا۔‬

‫‪141‬‬ ‫بھاری پتھر‬‫مغرب میں اماں بابوں کا گلاواں‘ اولاد گلے میں نہیں ڈالتی۔ وہاں‬ ‫ان پرانے وقتوں کے لوگوں کو‘ بڈھا ہاؤسز میں چھوڑ دیا جاتا‬ ‫ہے‘ جہاں وہ اپنے وقتوں کی کہانیاں‘ ایک دوسرے کو سنا کر‘‬ ‫ہنسی خوشی زندگی گزار لیتے ہیں۔ ہر نئے دور کے تقاضے‬ ‫اپنے ہوتے ہیں۔ نئے دور کے لوگ‘ اپنے ان تقاضوں کے ساتھ‬‫کھل ڈھل کر زندگی گزارتے ہیں۔ ان کی کرنی میں‘ کوئی میم میخ‬‫نکالنے والا نہیں ہوتا۔ ناہی انہیں ایک دوسرے کی کرنی پر کوئی‬ ‫اعتراض ہوتا ہے۔ جہاں جانا ہو دوڑ کر جا سکتے ہیں۔ ان کی‬ ‫موجودگی میں‘ انہیں بھی کندھا پکڑا کر ساتھ لے جانا پڑتا ہے۔‬ ‫واپس آ کر ان کی تقریریں سننا پڑتی ہیں۔‬ ‫دور کیا جانا ہے‘ کل ہی کی بات کو لے لیں۔ بابے مہنگے کو‬ ‫بھی شادی حال میں لے گئے۔ خیال تھا کہ نیا ماحول دیکھ کر‘‬ ‫تازہ دم ہو جائے گا اور آج کل کا پیٹ بھر کر کھا کر‘ خوش ہو‬ ‫گا۔ مگر کہاں جی‘ جتنی دیر وہاں بیٹھا‘ بڑ بڑ کرتا رہا۔ بہو اور‬ ‫بیٹیوں کو گھور گھور کر اور کھا جانے والی نظروں سے‬ ‫دیکھتا رہا۔ گھر آ کر‘ اماں پر برس پڑا کہ کتنا بےحیا دور آ گیا‬ ‫ہے۔ کسی کو اپنی عزت آبرو کا احساس تک نہیں رہا۔ یہ لباس‬ ‫تھا‘ باریک‘ آدھا اور وہ بھی ٹائٹ۔ ٹانگوں کی اگلی پچھلی اور‬

‫‪142‬‬ ‫سینے کی لکیریں‘ نمایاں ہو رہی تھیں۔ کسی کے سر پر دوپٹہ‬‫نہ تھا۔ یوں نچ ٹپ رہی تھیں‘ جیسے چوتڑوں میں کیڑا گھس گیا‬‫ہو۔ بھائی اور خاوند ساتھ تھے‘ کسی کو غیرت نہیں آ رہی تھی۔‬ ‫اب پتا چلا کہ ہم مسلمان ہو کر بھی‘ دنیا جہان کے چھتروں کی‬ ‫زد میں کیوں ہیں۔‬ ‫بابے نے اتنے اعلی کھانے میں بھی‘ ہزار طرح کے کیڑے‬ ‫نکالے۔ اماں جس نے بابے کو ساری عمر نپ کر رکھا تھا‘ آج‬‫اسے قابو نہ کر پا رہی تھی۔ اپنی کہے جا رہی تھی لیکن پورا نہ‬ ‫اتر رہی تھی۔ بابا مکمل طور پر چھایا ہوا تھا اور پٹری سے اتر‬ ‫چکا تھا۔‬ ‫ملک کے سربراہوں کے بھی بابے ہوں گے‘ معلوم نہیں وہ ان‬ ‫پر کس طرح قابو پاتے ہوں گے یا پھر ان کے بابے بھی لکیر‬ ‫پسند ہوں گے۔ سربراہ بابا ہو تو بھی بابا نہیں ہوتا۔ حکیم ڈاکٹر‬ ‫ان کے مطیع ہوتے ہیں۔ دوسرا وہ سب کے ہوتے ہیں اس لیے‬‫ان کا لبرل اور لکیر نواز ہونا ضروری ہوتا ہے۔ رہ گئی بات دنیا‬ ‫جہاں کے چھتر کھانے کی‘ وہ تو ہم صدیوں سے کھا رہے ہیں۔‬ ‫اگر کوئی ان موقعوں پر ہماری بیویوں‘ بیٹیوں اور بہنوں کی‬ ‫لکیروں سے‘ نظری یا محض معمولی معمولی ٹچ سے لطف‬ ‫اندوز ہو رہا ہوتا ہے‘ تو ہم بھی کب پیچھے ہوتے ہیں۔ ہماری‬ ‫آنکھیں کھلی اور ہاتھ متحرک ہوتے ہیں۔ اگر ہماری عورتیں ان‬ ‫کے لیے لطف کا سامان ہوتی ہیں‘ تو ان کی عورتیں بھی ہمیں‬

‫‪143‬‬ ‫حظ مہیا کر رہی ہوتی ہیں۔‬ ‫بابر سے لبرل بادشاہ نے کہا تھا ‪:‬‬ ‫بابر باعیش کوش کہ دنیا دوبارہ نیست‬‫یہ بابے کیا جانیں۔ خشک جیئے اور ہمیں بھی‘ اسی رہ پر رکھنا‬ ‫چاہتے ہیں۔ حاکم اپنی موج میں ہیں۔ ہمیں بھی جدید طرز کی‬ ‫زندگی گزارنا ہے لیکن ان بابوں کے ہوتے‘ مکمل طور پر یہ‬‫ممکن نہیں۔ بااختیار اداروں کا فرض بنتا ہے کہ ان بابوں کا کچھ‬‫کریں ورنہ ان کے لیکچر ہمیں جدید زندگی سے درر رکھیں گے۔‬ ‫ہم آزادی حاصل کرکے بھی آزادی سے دور رہیں گے۔ جو بھی‬ ‫سہی‘ یہ طے ہے کہ امرا کے ناسہی‘ ہمارے بابے عصری‬ ‫آزادی کی راہ کا بھاری پتھر ہیں اور ہم سے لبرل‘ ماڈرن‘ آزاد‘‬ ‫ترقی پسند اور مغرب کے پیروں کو غیرت کا لیکچر پلا پلا کر‬ ‫غیرت پسند بنا دینا چاہتے ہیں۔‬

‫‪144‬‬ ‫ایسے لوگ کہاں ہیں‬‫یہ دنیا سرائے کی مانند ہے‘ کوئی آ رہا ہے تو کوئی جا رہا ہے۔‬ ‫سرائے میں مستقل کوئی اقمت نہیں رکھتا۔ ہاں ہر آنے والا اپنا‬ ‫ایک تاثر ضرور چھوڑ جاتا ہے۔ کوئی اچھا تو کوئی برا۔ اس‬ ‫تاثر کے حوالہ سے ہی‘ اس مسافر کو یاد میں رکھا جاتا ہے۔‬ ‫بابا صاحب بھلے آدمی تھے۔ طبعا مہربان‘ شفیق اور اپنے‬ ‫پرائے کے غم گسار تھے۔ کسی کو دکھ میں دیکھتے‘ تو تڑپ‬ ‫تڑپ جاتے۔ جب تک اس کی تکلیف دور کرنے کا پربند نہ کر‬ ‫لیتے‘ سکھ کا سانس نہ لیتے تھے۔ اچھائی اور خیر کے معاملہ‬ ‫میں‘ دھرم اور مسلک ان کے نزدیک‘ کوئی معنویت نہ رکھتا‬ ‫تھا۔ ان کا موقف تھا‘ جس طرح اللہ سب کا نگہبان ہے‘ اسی‬ ‫طرح انسان بھی سب کا نگہبان ہے۔ اس کی پیدا کی ہوئی کوئی‬ ‫بھی مخلوق‘ دکھ میں ہے تو انسان کو‘ اس کا ہر حال میں دکھ‬ ‫دور کرنا چاہیے۔ کوئی برا کرتا ہے تو یہ اس کا کام ہے‘ برائی‬ ‫کے بدلے برائی کرنا‘ تمہارا کام نہیں۔ تم جو بھی کرو‘ اچھا اور‬ ‫اچھے کے لیے کرو۔‬ ‫ان کے پاس‘ ہر دھرم سے متعلق لوگ آتے۔ کوئی خیر و برکت‬ ‫کی دعا کے لیے آتا‘ تو کوئی علم وادب اور مذہب سے متعلق‬‫گفتگو یا مشاورت کے لیے آتا۔ سب کے ساتھ یکساں سلوک روا‬

‫‪145‬‬ ‫رکھتے۔ تحمل سے اس کی سنتے اور پھر اپنا موقف پیش‬ ‫کرتے۔ جب تک وہ مطمن نہ ہو جاتا‘ رخصت نہ کرتے۔‬ ‫بائیبل مقدس‘ رومائن‘ بھگوت گیتا‘ گرنتھ صاحب کا ورق ورق‬‫انہوں نے پڑھ رکھا تھا۔ بدھ مت کے متعلق بھی اچھا خاصا نالج‬ ‫رکھتے تھے۔ پہلے تو متعلقہ کی کتاب اور پھر قرآن مجید کے‬ ‫حوالہ سے بات کرتے۔ یار کمال کے شخص تھے۔ کوئی نذر نیاز‬ ‫لے آتا تو رکھ لیتے‘ جب جانے لگتا تو اس تاکید کے ساتھ‬ ‫واپس کر دیتے‘ کہ چیزیں صرف اپنے بیوی بچوں میں تقسیم‬‫کرنا۔ اصرار کے باوجود کچھ نہ رکھتے۔ فرماتے بیٹا‘ تم چنتا نہ‬‫کرو‘ اللہ مجھ اور میری بھوک پیاس سے خوب خوب واقف ہے۔‬ ‫ایک بار ایک اجنبی آیا۔ کچھ کہے سنے بغیر ہی‘ دروازے پر‬ ‫کھڑے ہو کر‘ بابا صاحب کو برا بھلا کہنے لگا۔ جب حد سے‬ ‫گزرنے لگا‘ تو بیٹھے لوگوں میں سے ایک اٹھ کر اس کی‬ ‫ٹھکائی کرنے لگا۔ بابا صاحب نے اسے منع کر دیا۔ بہت کچھ‬ ‫کہہ لینے کے بعد وہ چلا گیا۔‬ ‫ایک بولا بیڑا غرق ہو اس خانہ خراب کا‘ کتنی بکواس کر رہا‬ ‫تھا۔ اگر بابا صاحب نہ روکتے‘ تو آج میں اسے اس بدتمیزی کا‬ ‫ایسا مزا چکھاتا کہ نسلوں کو بھی منع کر جاتا۔ بابا صاحب اس‬ ‫کے اس طرز تکلم سے سخت پریشان ہوئے۔ پھر فرمانے لگے‘‬ ‫بیٹا کبھی اور بھی کسی بھی صورت میں‘ گفتگو میں شائستگی‬

‫‪146‬‬ ‫کو ہاتھ سے نہ جانے دو۔ یاد رکھو‘ ایک طرف نیکیوں کا انبار‬‫لگا ہو تو دوسری طرف ایک بددعا‘ بددعا اس پر بھاری ہے۔ کیا‬ ‫تمہیں حضرت یونس علیہ السلام کی بددعا کا انجام یاد نہیں۔‬ ‫انہیں مچھلی کے پیٹ میں جانا پڑا۔ پھر فرمایا بددعا کی بجائے‬ ‫تم دعا بھی دے سکتے ہو کہ اللہ اسے ہدایت دے۔ بعید نہیں وہ‬ ‫وقت قبولیت کا وقت ہو۔‬ ‫تھوڑی دیر کے بعد وہ شخص دوبارہ سے آ گیا اور دروازے پر‬ ‫کھڑا ہو کر‘ اندر آنے کی اجازت طلب کرنے لگا۔ اب کہ وہ اور‬ ‫اس کا انداز بڑا مہذب اور شائستہ تھا۔ سب اس کے اس دوہرے‬ ‫روپ سے حیران رہ گئے۔ بابا صاحب نے اسے اندر آنے کی‬ ‫اجازت دے دی۔ اندر آ کر وہ بابا صاحب کے پاؤں پڑنے لگا تو‬ ‫بابا صاحب نے اسے سختی سے منع کر دیا اور پھر اس کی‬ ‫طرف دیکھ کر مسکرائے۔ وہ مسکراہٹ کیا تھی‘ جنت کی ہوا کا‬ ‫ایک جھونکا تھا‘ جو سب کو نہال کر گیا۔‬‫وہ شخص کہنے لگا‪ :‬سرکار میں تو آپ کے ظرف کا امتحان لے‬ ‫رہا تھا۔ جیسا اور جو سنا ویسا ہی پایا۔ آپ سچے ولی ہیں۔‬ ‫نہیں بیٹا‘ یہ تم محبت میں کہہ رہے ہو۔ میں بےچارہ کہاں اور‬‫ولایت کہاں۔ ہاں یہ اللہ کا احسان اور لطف وکرم ہے‘ جو اس نے‬ ‫توفیق دی اور میں اس امتحان میں کامیاب ہوا۔‬ ‫سوچتا ہوں‘ اب ایسے لوگ کہاں ہیں۔ اگر کوئی ہے‘ تو چلا‬

‫‪147‬‬ ‫کیوں جاتا ہے۔ کیا کریں‘ یہاں کوئی ٹھہرنے کے لیے نہیں آتا۔‬ ‫اچھا ہو کہ برا‘ گریب ہو کہ امیر‘ شاہ ہو کہ فقیر‘ اسے ایک‬‫روز جانا ہی تو ہے۔ لالچ‘ ہوس اور حرص نے انسان کو‘ انسان‬ ‫نہیں رہنے دیا۔ کاش ہمیں یقین ہو جائے‘ کہ ہمیں ہر صورت‬ ‫میں جانا ہی ہے اور کوئی یہاں ہمیشہ رہنے کے لیے نہیں آیا۔‬ ‫جمع پونجی ساتھ نہ جا سکے گی۔ جاتے وقت ہاتھ خالی ہوں‬ ‫گے اور اپنے قدموں پر نہیں جا سکیں گے۔‬

‫‪148‬‬ ‫شاعر اور غزل‬ ‫چاند کی کرنوں سے غزل کی بھیک مانگی‬ ‫اس نے کاسے میں دو بوندیں نچوڑ دیں‬ ‫کہ غزل آنکھوں کی ٹھنڈک ہو جائے‬ ‫سیپ نے مروارید دیئے‬ ‫کہ دل اس کا پرسکون ہو جائے‬ ‫قوس قزح نے سرخی بخشی‬ ‫کہ رخ مثل یاقوت ہو جائے‬ ‫طبلے کی تھاپ نے‬ ‫گھنگھرو کی جھنکار نے‬ ‫مایوس نہیں کیا‬ ‫نسیم سحر سے بھی دست سوال دراز کیا‬ ‫قبروں کے کتبوں سے بھی‬ ‫غزل کی بھیک مانگ کے لایا‬ ‫سورج سے تھوڑی حدت مانگ لی‬

‫‪149‬‬ ‫سیماب سے بےقراری لے لی‬ ‫لہر نے بغاوت دے دی‬ ‫گلاب کے پاس بھی گیا‬ ‫اس نے کاسے کو بوسہ دیا‬ ‫اور اپنی اک پنکھڑی رکھ دی‬ ‫خوش تھا کہ‬ ‫آج محنت رنگ لائے گی‬ ‫وہ مری ہو جائے گی‬ ‫دامن مرا خوشیوں سے بھر جائے گا‬ ‫غزل کے چہرے پر‬ ‫حسین سا عنوان لکھ دے گی‬ ‫خلوص کی طشتری میں رکھ کر‬ ‫جب غزل میں نے پیش کی‬ ‫جسارت پہ مری وہ بپھر گئی‬ ‫ضبط کی پٹڑی سے اتر گئی‬ ‫کاسے میں تھوک دیا‬

‫‪150‬‬ ‫بولی‬ ‫بھکاری! اپنا خون جگر نچوڑ کے لاؤ‬ ‫غزل سے زندگی کی خوش بو آئے‬ ‫راحتوں کے لیے‬ ‫لہو کی اک بوند کافی ہے‬ ‫پھر اس نے‬ ‫چھاتی سے جدا کرکے‬ ‫اپنی بچی مری گود میں رکھ دی‬ ‫ممتا کی باہوں میں غزل تھی‬ ‫ممتا کی نگاہوں میں غزل تھی‬ ‫بچی کے لبوں پر‬ ‫بچی کی انگلیوں میں‬ ‫بچی کی سانسوں میں‬ ‫مگر بچی تو سراپا غزل تھی‬ ‫میں مشاہدے میں ہی تھا کہ‬ ‫اس نے بچی مجھ سے لے لی‬