ایک سو ایک لوکانے منسانے شغلانے اور منظومے

‫‪151‬‬ ‫مری آغوش میں شرمندگی رکھ دی‬ ‫درماندگی رکھ دی‬ ‫اپنی اور مانگے کی چیز میں‬ ‫کتنا فرق ہوتا ہے‬ ‫وہ لائق صد افتخار تھی‬ ‫پروقار تھی‬ ‫میں تنکے سے بھی حقیر تھا‬ ‫اس کا سر تنا ہوا تھا‬ ‫مرا سر جھکا ہوا تھا‬ ‫کہ غزل کے چہرے پر‬ ‫بھیک کا پیوند لگا ہوا تھا‬ ‫غزل کا بدن زیر عتاب تھا‬ ‫میں بھی تو ہار گیا تھا‬ ‫مری شاعری کی کائنات پر رعشہ تھا‬ ‫وہ مسکرا رہی تھی‬ ‫غزل سٹپٹا رہی تھی‬

‫‪152‬‬ ‫اجتہاد کا در وا ہوا‬ ‫روایت کا دیا بجھ گیا‬ ‫حقیقیت سےپردہ اٹھ گیا‬ ‫شاعر نہیں‘ میں تو بھکاری تھا‬ ‫خورشید ضعیف ہو گیا‬ ‫مہتاب زرد پڑ گیا‬ ‫گلاب مرجھا گیا‬ ‫طبلے کا پول کھل گیا‬ ‫جھنکار تھم گئی‬ ‫سمندر ندامت پی گئی‬ ‫کاسہ دو لخت ہوا‬ ‫جو جس کا تھا لے گیا‬ ‫ابلیس کرچیاں چننے لگا‬ ‫بھکاری مر گیا‬ ‫قبروں کو اپنا دیا مل گیا‬ ‫پھر شاعر جاگا‬

‫‪153‬‬ ‫ذات میں کھو گیا‬ ‫خامشی چھا گئی‬ ‫ذات میں انقلاب آ گیا‬ ‫اندر کا لاوا ابلنے لگا‬ ‫حد سے گزرنے لگا‬ ‫ابلیس کے قہقہوں کا سلسلہ رک گیا‬ ‫اب ذات تھی‬ ‫شاعر تھا‬ ‫آنکھوں میں لہو کی بوندیں‬ ‫ہاتھ میں قلم‬ ‫کاغذ پر جگر تھا‬

‫‪154‬‬ ‫ٹیکسالی کے شیشہ میں‬ ‫معصوم گڑیا سی‬ ‫سراپا جس کا‬ ‫کلیوں گلابوں نے بنا تھا‬ ‫شاید سراپے کا شیش محل‬ ‫چاند کی کرنوں سے تعمیر ہوا تھا‬ ‫زیست کے نشیب و فراز سے بے خبر‬ ‫کہکشانی رستوں کی تلاش میں‬ ‫مشک و عنبر کی جہاں باس ہو‬ ‫ہوا جس کی مگر اسے راس ہو‬ ‫پریوں کے شہزادے کا میسر ساتھ ہو‬ ‫گھر سے بھاگ نکلی‬ ‫آنکھوں میں اس کے روشی تھی‬ ‫ہر دل سے درد اٹھا‬ ‫مونس و غم گسار بن گیا‬

‫‪155‬‬ ‫وہ کیا جانے‬ ‫اس نگر میں بھنورے بھی رہتے ہیں‬ ‫بھیڑیے تاک میں ہیں‬ ‫اک روز پھر اخبار میں خبر چھپی‬ ‫مطلع ہوں‬ ‫اک لڑکی کے اعضاء بکھر گیے تھے‬ ‫گندے گٹر میں پڑے تھے‬ ‫ہر ٹکڑا زخموں سے چور تھا‬ ‫اور خون بھی بہہ رہا تھا‬ ‫گندے پانی کی ٹھوکریں سہہ رہا تھا‬ ‫کہہ رہا تھا‬ ‫شاید میرا کوئی بچ رہا ہو‬ ‫یہ بکھرے اعضاء بڑی حفاظت سے‬ ‫کڑی ریاضت سے‬ ‫جوڑ کر‘ سی کر‬ ‫دارالان بھیج دیے ہیں‬

‫‪156‬‬ ‫دارالامان سے رابطہ کریں‬ ‫خوبی قسمت دیکھیے‬ ‫ٹیکسالی کے باسی قدر شناس نکلے‬ ‫آج بھی وہ اعضاء‬ ‫ٹیکسالی کے شیشہ میں سجے ہیں‬ ‫کہ ان کا کوئی مستقبل نہیں‬ ‫ماضی کہیں کھو گیا ہے‬ ‫حال متعین نہیں ہوا‬ ‫کہ اب ان پر سب کا حق ہے‬

‫‪157‬‬ ‫کالے سویرے‬ ‫مجھے ڈر لگتا ہے‬ ‫علم و فن کے کالے سویروں سے‬ ‫جن کے بطن سے‬ ‫ہوس کے ناگ جنم لیتے ہیں‬ ‫منصف کے من کی آواز کو‬ ‫جو ڈس لیتے ہیں‬ ‫سہاگن کے سہاگ کی پیاسی آتما سے‬ ‫ہوس کی آگ بجھاتے ہیں‬ ‫سچ کے موسموں کے چراغوں کی روشنی‬ ‫دھندلا دھندلا دیتے ہیں‬ ‫حقیقتوں کا ہم زاد‬ ‫گھبرا کر‬ ‫ویران اور اداس لفظوں کا‬ ‫آس سے‬

‫‪158‬‬ ‫جو خود فریبی کے جھولے میں پڑی‬ ‫فرار کے رستے سوچ رہی ہے‬ ‫رستہ پوچھتا ہے‬ ‫ان زہریلے ناگوں کی آنکھوں کی مقناطیسیت‬ ‫اپنے حصار میں‬ ‫اسے بھی لے لیتی ہے‬ ‫یہ ناگ‬ ‫انا اور اساس کو بھی ڈستے ہیں‬ ‫یہ خونی منظر دیکھ کر کانپ جاتا ہوں‬ ‫کہ یہ اب ضمیر کو بھی ڈس لیں گے‬ ‫کالے سویروں کی زرد روشنی کے سائے‬ ‫جوں جوں دراز ہوتے ہیں‬ ‫زندگی کو اک اور کربلا سے گزرنا پڑتا ہے‬ ‫ان ناگوں کی زبانیں‬ ‫چمکتی‘ زہر میں بجھی‬ ‫تیز دھار تلواریں ہیں‬

‫‪159‬‬ ‫گھاؤ کرنے میں‬ ‫یہ اپنا جواب نہیں رکھتیں‬ ‫زندگی خوف کے سائے میں‬ ‫کیوں کر پروان چڑھ سکتی ہے‬ ‫جہاں کوئی روٹی دینے والا نہیں‬ ‫پانی کی اک بوند نایاب ہے‬ ‫جہاں خودکشی حرام جینا جرم ہے‬ ‫جہاں نیلے آسمان کی‬ ‫چاند ستاروں سے لبریز چھت‬ ‫اپنی نہیں‬ ‫ہوا کا بھی گزر نہیں ہوتا‬ ‫بدلتے موسوں کا تصور‬ ‫شیخ چلی کا خواب ہے‬ ‫بوسیدگی اور غلاظت‬ ‫شخص کا مقدر ہے‬ ‫یا پھر‬

‫‪160‬‬ ‫زہر بجھی یہ چمکتی تلواریں ہیں‬ ‫یقین مانو‘ یہ ہی کچھ ہے‬ ‫پھر میں‬ ‫یاس کی تاریکیوں کی تمنا کرتا ہوں‬ ‫جانت ہوں کہ یہ ناگ‬ ‫تاریکیوں سے نہیں گھبرائیں گے‬ ‫پھر بھی کاٹیں گے‬ ‫گدھ نوچیں گے‬ ‫کتے ہڈیوں پر ٹوٹیں گے‬ ‫ہر ہڈی پر‬ ‫گھمسان کا رن ہو گا‬ ‫اپنا حصہ لگڑ بگڑ بھی مانگیں گے‬ ‫فاسفورس کی بانٹ ًپر بھی‬ ‫تنازعے اٹھیں گے‬ ‫درد پھر بھی ہو گا‬ ‫کرب پھر بھی ہو گا‬

‫‪161‬‬ ‫زہر پھر بھی پھیلے گا‬ ‫کانچ بدن پھر بھی نیلا ہو گا‬ ‫مایوسی کی سیاہ ذلفوں کے سائے میں‬ ‫بصارت کو بصیرت کو‬ ‫شائد پناہ مل جائے گی‬ ‫میں ناگوں کے پہرے نہ دیکھ سکوں گا‬ ‫لہو رستے پر نظر نہ جائے گی‬ ‫مگر کیا کروں‬ ‫سچ کی حسین تمنا مجھے مرنے نہیں‬ ‫مرنے نہیں دے گی‬ ‫اور میں اس سراب جیون میں‬ ‫نہ مروں گا نہ جی سکوں گا‬

‫‪162‬‬ ‫کیچڑ کا کنول‬ ‫میلا سا چیتھڑا ‘آلودہ‬ ‫شاید حاجت سے بچا ہوگا‬ ‫‘آدم زادے کا پراہین‬ ‫!عییب نہیں۔۔۔۔۔۔۔۔؟‬ ‫گلاب سے چہرے پر‬ ‫بلور ایسی‘ دیکھتی آنکھیں‬ ‫حیرت خوف غم غصہ اورافسوس‬ ‫جانے کیا کچھ تھا ان میں‬ ‫سماج کی بےحسی پہ‬ ‫ان ٹھہری مگر دیکھتی آنکھوں میں‬ ‫دو بوند‘ لہو سی‬ ‫صدیوں کے ظلم کی داستان‬ ‫لیے ہوئے تھیں‬ ‫اتنی حدت اتنی اتنی تپش کہ‬

‫‪163‬‬ ‫پتھر بھی پگھل کر پانی ہو‬ ‫ترسی ترسی باہیں‬ ‫میرے بوبی کی باہیں ایسی ہی تھیں کہ‬ ‫جب وہ بچہ تھا‬ ‫تب محبتوں کا حصار تھا‬ ‫اور اب۔۔۔۔۔۔۔۔۔۔۔۔۔۔۔۔‬ ‫خفت ندامت کا حصار‬ ‫مرے گرد ہے‬ ‫لمحہ بہ لمحہ۔۔۔۔۔۔۔۔۔‬ ‫دائرہ تنگ ہو رہا ہے‬ ‫مجھے فنکار سے نسبت ہے‬ ‫فنکار‘ سب کا درد‬ ‫سینے کی وسعتوں میں سمو لیتا ہے‬ ‫‘اور میں۔۔۔۔۔۔۔۔۔‬ ‫ساکت وجامد‬ ‫مٹی کے بت کی طرح‬

‫‪164‬‬ ‫خاموش تماشائی تھا‬ ‫اس نے پکارا آواز دی‬ ‫احتجاج بھی کیا‬ ‫کچھ نہ میں کر سکا‬ ‫‘جیسے وہ آدم زادہ نہ ہو‬ ‫ہمالہ سے گرا‬ ‫کوئ پتھر ہو‬ ‫‪:‬اس نے کہا‬ ‫!فنکار۔۔۔۔۔۔۔“‬ ‫مجھے اپنی باہوں میں سما لو‬ ‫\"ازل سے پیاسا ہوں‬ ‫گھبرا کر تھوڑا سا‬ ‫)پستیوں کی جانب)‬ ‫پیچھے سرکا‬ ‫کوئی مصیبت کوئی وبال‬ ‫تہمت یا بدنامی سر نہ آئے‬

‫‪165‬‬ ‫چیخا “فنکار کا سینہ‬ ‫!کب سے تنگ ہوا ہے؟‬ ‫میری باہیں غیر جنس کی باہیں ہیں؟‬ ‫ان کا تم پر کوئی حق نہیں؟؟؟‬ ‫وہ کہتا رہا۔۔۔۔۔۔۔۔۔۔میں سنتا رہا‬ ‫کیا جواب تھا میرے پاس‬ ‫!کاش‬ ‫میرے شعور کی آنکھیں بند ہو جاتیں‬ ‫یوں جیسے ممتا کی سماج کی‬ ‫آنکھیں بند تھیں‬ ‫سوچتا ہوں‘ مجرم کون ہے‬ ‫‘گناہ کس نے کیا۔۔۔۔۔۔۔۔‬ ‫ماں یا سماج نے‬ ‫وہ تو اپنے گھروں میں‬ ‫آسودہ سانسوں کے ساتھ‬ ‫گرم کافی پی رہے ہوں گے‬

‫‪166‬‬ ‫یا میں نے جو‬ ‫شب کی بھیانک تنہائ میں‬ ‫ندامت سے‬ ‫سگریٹ کے دھوئیں میں‬ ‫تحلیل ہو رہا ہوں‬ ‫گٹرکے قریب پڑا‘ وہ کنول‬ ‫مجھ سے میرے ضمیر سے‬ ‫انصاف طلب کر رہا ہے‬ ‫کہ تم‘ خدائے عزوجل کی تخلق کا‬ ‫یہ حشر کرتے ہو‬ ‫مجھے حرامی کہتے ہو۔۔۔۔۔۔۔۔۔۔؟‬ ‫بتاؤ‘ حامی کون ہے؟‬ ‫ضمیر کس کا مردہ ہے؟‬ ‫مجرم کون ہے؟‬ ‫میں یا تم؟؟؟‬ ‫!میری بستی کے باسیو‬

‫‪167‬‬ ‫کہ تمہیں عظیم مخلوق ہونے کا دعوی ہے‬ ‫کیا جواب دوں اسے؟‬ ‫اس کا ننھا سا معصوم چہرا‬ ‫احتجاج سے لبریزآنکھیں‬ ‫پنکھڑی سے ہونٹوں پر‬ ‫تھرکتی بےصدا سسکیاں‬ ‫مجھے پاگل کر دیں گی‬ ‫پاگل‬ ‫ہاں پاگل‬

‫‪168‬‬ ‫دو لقمے‬ ‫تعفن میں اٹی‬ ‫‘اندھیاروں میں لیپٹی وہ بستی‬ ‫جہاں چھیتڑوں میں ملفوف زندہ لاشوں کے دل کی دھڑکنیں‬ ‫دیوار پر آویزاں کلاک کی ٹک ٹک کی آوازیں تھیں۔‬ ‫‘بھوک کی اہیں‬ ‫بےبسی کی سسکیوں میں مدغم ہو رہی تھیں۔‬ ‫آس کا سایہ آس پاس نہ تھا۔ تھا کچھ تو قاتل خاموشی تھی۔‬ ‫بھوک کا ناگ پھن پھیلائے بیٹھا تھا۔‬ ‫مایوسیوں کی اس بستی سے رحم کا دیوتا شاید خفا تھا یا پھر‬ ‫وہ بھی تہی دست تہی دامن ہو گیا تھا۔‬ ‫اک مسکراہٹ کے طلبگار یہ لاشے بے حس نہیں‘ بے بس‬ ‫تھے۔‬ ‫پھر اک لاشہ بھوک ناگ جس کے قریب تر تھا۔۔۔۔۔۔ تڑپا اور‬‫رینگ کر روشنی کی شہراہ پر آ گیا۔ اس حرکت میں اس نے اپنی‬ ‫ساری توانائی صرف کر دی۔ ہر سو اجالے تھے لیکن وہ بھوک‬

‫‪169‬‬‫کے سیاہ کفن میں ملبوس تھا۔۔۔۔۔۔۔۔پھر بھی۔۔۔۔۔۔۔ ہاں پھر‘ بھی وہ‬ ‫زندہ تھا اور اجالوں کی شہراہ پر پڑا ہانپ رہا تھا۔ سانسیں‬ ‫بےترتیب تھیں۔ خوش پوش راہی شاید اسے دیکھ نہیں رہے‬‫تھے۔ جو دیکھ رہے تھے ناک پر رومال رکھ کر گزر رہے تھے۔‬ ‫وہ سب اس کے ہم جنس تھے۔ کتنی آس لے کر وہ یہاں تک آیا‬ ‫تھا۔ ان دیکھتے کرب لمحوں کو کون جان پاتا۔‬ ‫وہ اس بستی کا نہ تھا۔‬‫بھوک ناگ بولا‪ :‬کہاں تک بھاگو گے‘ تمہیں میرا لقمہ بننا ہی ہو‬ ‫گا کہ خود میں بھوکا ہوں۔‬ ‫پھر وہ تھوڑا آگے بڑھا۔‬ ‫لاشہ چلایا‪ :‬نہیں۔۔۔۔۔۔نہیں۔۔۔۔۔۔ رکو۔۔۔۔۔ٹھہرو۔۔۔۔۔۔ روٹی ضرور آئے‬ ‫گی۔‬ ‫سب بےکار۔۔۔۔۔روٹی کوئی نہیں دے گا۔۔۔۔۔۔ یہ پیٹ بھر کر بھی‬ ‫آنکھوں میں بھوک لیے پھرتے ہیں۔ ان میں سے کون دے گا‬ ‫روٹی۔ ان کے ہشاش بشاش چہروں پر نہ جاؤ۔ ان کے من کی‬ ‫بھوک کو دیکھو اور میرے صبر کا امتحان نہ لو۔‬ ‫‪:‬لاشہ سٹپٹایا اور چلایا‬ ‫!اجالوں کے باسیو‬ ‫!علم و فن کے دعوےدارو‬

‫‪170‬‬ ‫!سیاست میں شرافت کے مدعیو‬ ‫!جمہوریت کے علم بردارو‬ ‫!اسلحہ خرید کرنے والو‬ ‫!فلاحی اداروں کے نمبردارو‬ ‫‘عالمی وڈیرو‬ ‫‘کہاں ہو تم سب‬ ‫تمہارے وعدے اور دعوے کیا ہوئے؟‬ ‫اپنی بھوک سے دو لقمے میرے لیے بچا لو۔ بھوک ناگ میرے‬ ‫قریب آ گیا ہے۔‬ ‫دیکھو غور کرو‘ میں تمہارا ہم جنس ہوں‬ ‫‘۔ دو لقمے۔۔۔۔۔۔۔۔۔۔ ہاں فقط دو لقمے‬ ‫میری زندگی کے ضامن ہیں۔‬ ‫ایف سولہ ہائیڈروجن بم مجھے نہیں چاہیے۔‬ ‫میری ضرورت روٹی کے دو لقمے ہیں۔‬ ‫اس دور کی یہ تمہاری بہت بڑی جیت ہو گی جو تاریخ میں‬ ‫تمہیں امر کر دے گی۔‬

‫‪171‬‬ ‫آخری خبریں آنے تک‬ ‫کون‬ ‫انصاف‬ ‫تمہارا یہاں کیا کام‬ ‫جہاں میری ضرورت ہوتی ہے بن بلائے چلا آتا ہوں‬ ‫بن بلائے کی اوقات سمجھتے ہو‬ ‫جی ہاں‬ ‫اوقات عمل سے بنتی ہے‬ ‫تمہاری ماننے والے بھوکے مرے‬ ‫بھوک نے انہیں ہمیشہ سرخرو کیا ہے‬ ‫لوگ ہمیں سلام کرتے ہیں‬ ‫تمہیں نہیں‘ تمہاری شر کو سلام کہتے ہیں‬ ‫تاریخ میں دھنوان امر رہا ہے‬ ‫تاریخ پیٹ کے بندوں کا روزنامچہ ہے‬ ‫پیٹ ہی تو سب کچھ ہے‬

‫‪172‬‬ ‫تب ہی تو بالا سطع پر رہتے ہو‬ ‫تہہ کے متعلق تم کیا جانو‬ ‫بڑے ڈھیٹ ہو‬ ‫بننا پڑتا ہے‬ ‫تمہیں تمہاری اوقات میں لانا پڑے گا‬ ‫کیا کر لو گے؟؟؟‬ ‫تمہاری ہڈی پسلی ایک کر دوں گا‬ ‫یہ سب تو پہلے بھی میرے ساتھ ہو چکا ہے‬ ‫کوئی نئی ترکیب سوچو‬ ‫تمہیں جلا کر راکھ کر دوں گا‬ ‫عبرت کے لیے‬ ‫تمہاری راکھ گلیوں میں بکھیر دوں گا‬ ‫یہ تو اور بھی اچھا ہو گا‬ ‫وہ کیسے؟‬ ‫میری راکھ کا ہر ذرا انقلاب بن ابھرے گا‬ ‫اہ مائی گاڈ‘ تو پھر میں کیا کروں؟‬

‫‪173‬‬ ‫مجھے اپنے سینے سے لگا لو‬ ‫یہ مجھ سے نہیں ہو گا‬ ‫تو طے یہ ہوا‬ ‫تمہاری اور میری جنگ کا کوئی انت نہیں‬ ‫دیکھتا ہوں کہاں تک اذیت برداشت کرتے ہو‬ ‫چلو میں بھی دیکھتا ہوں‬ ‫اذیت میں کس حد تک جاتے ہو‬ ‫اس کے بعد‬ ‫گھمسان کی جنگ چھڑ گئی‬ ‫اور آخری خبریں آنے تک‬ ‫جنگ جاری تھی‬

‫‪174‬‬ ‫یہ ہی فیصلہ ہوا تھا‬ ‫عہد شہاب میں بےحجاب بےکسی بھی عجب قیامت تھی۔ صبح‬‫اٹھتے مشقت اٹھاتےعوضوانے کو ہاتھ بڑھاتے بے نقط سنتے۔‬‫سانسیں اکھڑ جاتیں مہر بہ لب جیتے کہ سانسیں باقی تھیں۔ جینا‬ ‫تو تھا ہی لہو تو پینا تھا ہی۔‬ ‫ادھر ایونوں میں آزادی کی صدائیں گونج رہی تھیں ادھر گلیوں‬ ‫میں خوف کا پہرا تھا کہ شاہ بہرا تھا۔ شاہ والے گلیوں میں‬ ‫بےچنت کرپانیں لیے پھرتے تھے۔ نقاہت ہاتھ باندھے شکم میں‬‫بھوک آنکھوں میں پیاس لیے کھڑی تھی ہاں مگر شاہ کی دیا کا‬ ‫بول بالا تھا۔‬ ‫پنڈت کے ہونٹوں پر شانتی بغل میں درانتی ملاں بھی من میں‬ ‫تفریق کا بارود بھرے امن امن امن کیے جا رہا تھا۔‬ ‫اب جب کہ پیری پہ شنی کا پہرا ہے بھوک کا گھاؤ گہرا ہے۔‬ ‫جیب میں دمڑی نہیں امبڑی نہیں کہ وید حکیموں کے دام‬‫چکائے بڑے شفاخانے کے در پر لائے مایوسی کی کالک مٹائے‬ ‫آہیں سنے تشفی کی لوری سنائے۔ ہونٹوں پہ گلاب سجائے دل‬ ‫میں کرب اٹھائے اب کون ہے جو مرے مرنے سے مر جائے۔‬

‫‪175‬‬ ‫بیٹے کو اپنی پتنی سے فرصت نہیں بیٹی کی ساس کپتی ہے‬ ‫بھائی کے گھر تیل نہ بتی ہے مری بہن کی کون سنتا ہے سیٹھ‬ ‫کے برتن دھو سیٹھنی کے کوسنے سن کر پیٹ بھرتی ہے۔‬ ‫بیگم روتی ہے نہ ہنسی ہے سوچتی ہے کفن دفن کے لیے‬ ‫پیسے کہاں سے آئیں گے کہیں اس کے بھائیوں کی چمڑے نہ‬ ‫ادھڑ جائے وہ تو بہنوئی کی کھاتے تھے جب بھی آتے تھے‬ ‫کچھ ناکچھ لے جاتے تھے۔‬ ‫جیتا ہوں تو مصیبت مرتا ہوں تو مصیبت۔ میں وہ ہی ہوں‬ ‫جواندھیروں میں رہ کر ایونوں کے دیپ جلاتا رہا دوا دور رہی‬ ‫مری گرہ میں تو اس اجڑے گلستان کا کرایہ نہیں۔‬ ‫گھر میں روشنی نہیں ناسہی شاید کوئی فرشتہ مری لحد میں‬ ‫بوند بھر روشنی لے کر آ جائے عمر بھر خود کو نہ دیکھ سکا‬‫سوچ سکا واں سکوں ہو گا خود کو دیکھ سکوں گا سوچ سکوں‬ ‫گا خود کو دیکھنے سوچنے کی حسرت بر آئے گی۔‬ ‫خود کو دیکھ کر سوچ کر ارضی خدائی سے مکتی قلبی خدا کی‬ ‫بےکراں عظمتوں کا اسرار کھل جائے گا وہ میرا تھا میرا ہے‬‫مجھے مل جائے گا۔ سردست کفن و دفن کے سامان کی فکر ہے۔‬ ‫کفن ملے ناملے اس سے کیا فرق پڑتا ہے۔ عمر بھر اس نے‬ ‫مری پردہ پوشی کی ہے اب بھی کرئے گا۔‬

‫‪176‬‬ ‫ایونوں میں بستے سفیدی میں لپٹے شیطانوں کا نگر مرا نہیں‬ ‫مرا نہیں گورنگر مرا ہو گا مرا خدا کچھ لیتا نہیں دیتا ہے۔ لینا‬ ‫مری عادت دینا اس کی فطرت روٹی کی فکر کیسی کرائے کی‬ ‫چنتا میں کیوں کروں مری جان میں آ رہا ہوں تو مختصر سہی‬ ‫مرے لیے مری حسرتوں کے لیے سات زمینوں سے بڑھ کر‬‫وسعت رکھتی ہے میں بھول میں رہا کہ یہاں کچھ بھی مرا نہ تھا‬ ‫زیست کے کچھ لمحوں کی دیری تھی تو ہی تو مری تھی‬ ‫یہ ہی فیصلہ ہوا تھا‬ ‫یہ ہی فیصلہ ہوا تھا‬ ‫یہ ہی فیصلہ ہوا تھا۔‬

‫‪177‬‬ ‫حیرت تو یہ ہے‬ ‫موسم گل ابھی محو کلام تھا کہ‬ ‫مہتاب بادلوں میں جا چھپا‬ ‫اندھیرا چھا گیا‬ ‫پریت پرندہ‬ ‫ہوس کے جنگلوں میں کھو گیا‬ ‫اس کی بینائی کا دیا بجھ گیا‬ ‫کوئی ذات سے‘ کوئی حالات سے الجھ گیا‬ ‫کیا اپنا ہے‘ کیا بیگانہ‘ یاد میں نہ رہا‬ ‫بادل چھٹنے کو تھے کہ‬ ‫افق لہو اگلنے لگا‬ ‫دو بم ادھر دو ادھر گرے‬ ‫پھر تو‬ ‫ہر سو دھواں ہی دھواں تھا‬ ‫چہرے جب دھول میں اٹے تو‬

‫‪178‬‬ ‫ظلم کا اندھیر مچ گیا‬ ‫پھر اک درویش مینار آگہی پر چڑھا‬ ‫کہنے لگا سنو سنو‬ ‫دامن سب سمو لیتا ہے‬ ‫اپنے دامن سے چہرے صاف کرو‬ ‫شاید کہ تم میں سے کوئی‬ ‫ابھی یتیم نہ ہوا ہو‬ ‫یتیمی کا ذوق لٹیا ڈبو دیتا ہے‬ ‫من کے موسم دبوچ لیتا ہے‬ ‫کون سنتا پھٹی پرانی آواز کو‬ ‫حیرت تو یہ ہے‬ ‫موسم گل کا سب کو انتظار ہے‬ ‫گرد سے اپنا دامن بھی بچاتا ہے‬ ‫اوروں سے کہے جاتا ہے‬ ‫چہرہ اپنا صاف کرو‘ چہرہ اپنا صاف کرو‬

‫‪179‬‬ ‫میں نے دیکھا‬ ‫پانیوں پر‬ ‫میں اشک لکھنے چلا تھا‬ ‫دیدہءخوں دیکھ کر‬ ‫ہر بوند‬ ‫ہوا کے سفر بر نکل گئی‬ ‫منصف کے پاس گیا‬ ‫شاہ کی مجبوریوں میں‬ ‫وہ جکڑا ہوا تھا‬ ‫سوچا‬ ‫پانیوں کی بےمروتی کا‬ ‫فتوی ہی لے لیتا ہوں‬ ‫ملاں شاہ کے دستر خوان پر‬ ‫مدہوش پڑا ہوا تھا‬ ‫دیکھا‘ شیخ کا در کھلا ہوا ہے‬

‫‪180‬‬ ‫سوچا‬ ‫شاید یہاں داد رسی کا‬ ‫کوئی سامان ہو جائے گا‬ ‫وہ بچارہ تو‬ ‫پریوں کے غول میں گھرا ہوا تھا‬ ‫کیا کرتا کدھر کو جاتا‬ ‫دل دروازہ کھلا‬ ‫خدا جو میرے قریب تھا‬ ‫بولا‬ ‫کتنے عجیب ہو تم بھی‬ ‫کیا میں کافی نہیں‬ ‫جو ہوس کے اسیروں کے پاس جاتے ہو‬ ‫میرے پاس آؤ‬ ‫ادھر ادھر نہ جاؤ‬ ‫میری آغوش میں‬ ‫تمہارے اشکوں کو پناہ ملے گی‬

‫‪181‬‬ ‫ہر بوند‬ ‫رشک لعل فردوس بریں ہو گی‬ ‫اک قظرہ مری آنکھ سے ٹپکا‬ ‫میں نے دیکھا‬ ‫شاہ اور شاہ والوں کی گردن میں‬ ‫بے نصیبی کی زنجیر پڑی ہوئی تھی‬

‫‪182‬‬ ‫کس منہ سے‬ ‫چلم بھرتے ہات‘ اٹھ نہیں سکتے‬ ‫ہونٹوں پر فقیہ عصر نے‬ ‫چپ رکھ دی ہے‬ ‫کتنا عظیم تھا وہ شخص‬ ‫گلیوں میں‬ ‫رسولوں کے لفظ بانٹتا رہا‬ ‫ان بولتے لفظوں کو‘ ہم سن نہ سکے‬ ‫آنکھوں سے‘ چن نہ سکے‬ ‫ہمارے کانوں میں‘ جبر کی پوریں رہیں‬ ‫آنکھوں میں خوف نے پتھر رکھ دیے‬ ‫ہم جانتے ہیں‘ وہ سچا تھا‬ ‫قول کا پکا تھا‬ ‫مرنا تو ہے‘ ہمیں یاد نہ رہا‬ ‫ہم جانتے ہیں اس نے جو کیا‬

‫‪183‬‬ ‫ہمارے لیے کیا‬ ‫جیا تو ہمارے لیے جیا‬ ‫کتنا عجیب تھا‬ ‫زندہ لاشوں کا دم بھرتا رہا‬ ‫مصلوب ہوا ہم دیکھتے رہے‬ ‫نیزے چڑھا ہم دیکھتے رہے‬ ‫مرا جلا راکھ اڑی ہم دیکھتے رہے‬ ‫اس کے کہے پر دو گام تو چلا ہوتا‬ ‫کس منہ سے اب‬ ‫اس کی راہ دیکھتے ہیں‬ ‫ہم خاموش تماشائی‬ ‫مظلومیت کا فقط ڈھونگ رچاتے ہیں‬ ‫بے جان جیون کے دامن میں‬ ‫غیرت کہاں جو رن میں اترے‬ ‫یا پھر‬ ‫پس لب اس کی مدح ہی کر سکے‬

‫‪184‬‬ ‫چلو دنیا چاری ہی سہی‬ ‫آؤ‬ ‫اندرون لب دعا کریں‬ ‫ان مول سی مدح کہیں‬

‫‪185‬‬ ‫حیات کے برزخ میں‬ ‫تلاش معنویت کے سب لمحے‬ ‫صدیاں ڈکار گئیں‬ ‫چیتھڑوں میں ملبوس معنویت کا سفر‬ ‫اس کنارے کو چھو نہ سکا‬ ‫تاسف کے دو آنسو‬ ‫کاسہءمحرومی کا مقدر نہ بن سکے‬ ‫کیا ہو پاتا کہ شب کشف‬ ‫دو رانوں کی مشقت میں کٹ گئی‬ ‫صبح دھیان‬ ‫نان نارسا کی نذر ہوئی‬ ‫شاعر کا کہا‬ ‫بےحواسی کا ہم نوا ہوا‬ ‫دفتر رفتہ شاہ کے گیت گاتا رہا‬ ‫وسیبی حکائتیں بےوقار ہوئیں‬

‫‪186‬‬ ‫قرطاس فکر پہ نہ چڑھ سکیں‬ ‫گویا روایت کا جنازہ اٹھ گیا‬ ‫ضمیر بھی چاندی میں تل گیا‬ ‫مجذوب کے خواب میں گرہ پڑی‬ ‫مکیش کے نغموں سے طبلہ پھسل گیا‬ ‫درویش کے حواس بیدار نقطے‬ ‫ترقی کا ڈرم نگل گیا‬ ‫نہ مشرق رہا نہ مغرب اپنا بنا‬ ‫آخر کب تک یتیم جیون‬ ‫حیات کے برزخ میں‬ ‫شناخت کے لیے بھٹکتا رہے‬

‫‪187‬‬ ‫سورج دوزخی ہو گیا تھا‬ ‫گدھ‬ ‫خلیج کے بیماروں کی سانسیں گن رہے ہیں‬ ‫لاشوں کو کفن دفن‬ ‫غسل کی ضرورت نہیں ہو گی‬ ‫اگست ‪ ١٩٤٥‬کو ‪١٦‬‬ ‫سورج دوزخی ہو گیا تھا‬ ‫گنگا سے اٹھتے بخارات‬ ‫دعا کا اٹھتے ہات‬ ‫گلاب کی مہک‬ ‫مٹی سے رشتے‬ ‫کب پوتر رہے ہیں‬ ‫درگاوتی کی عصمت مرنے کے بعد‬ ‫اپنوں کے ہات لٹ گئی تھی‬ ‫‘ہم تو‬

‫‪188‬‬ ‫حنوط شدہ ممیاں ہیں‬ ‫رگوں میں لہو نہیں‬ ‫کیمیکل دوڑتا ہے کہ‬ ‫آکسیجن جلتی نہیں‬ ‫جلنے میں معاون ہے‬ ‫ڈوبتی سانسوں کو‬ ‫مسیحا کی ضرورت نہیں‬ ‫گوشت گدھ کھائیں گے‬ ‫‘ہڈیاں‬ ‫فاسفورس کی کانیں ہیں‬ ‫یہودی لابی کے گلے کھلے ہیں‬ ‫بٹنوں کی سخت ضرورت ہے‬

‫‪189‬‬ ‫فیکٹری کا دھواں‬ ‫اس نے کہا‬ ‫یہ سب کس کے لیے لکھتے ہو‬ ‫میں نے کہا‬ ‫تمہارے لیے‬ ‫بولا‬ ‫مگر مجھے تم سے گھن آتی ہے‬ ‫میلے میلے لفظوں میلے میلے جذبوں سے‬ ‫روشنیوں کی بات کرو‬ ‫حسن کی کہو‬ ‫حسین آنکھوں سے‬ ‫ٹپکتی شاب کی بات کرو‬ ‫کانچ سے بدنوں سے‬ ‫ٹپکتے رومان کی بات کرو‬ ‫بہاروں میں مچلتے شباب کی بات کرو‬

‫‪190‬‬ ‫روٹی ملے گی‘ شہرت ملے گی‬ ‫بھوک اور افلاس‬ ‫کیا رکھا ہے چیٹھڑوں کی دنیا میں‬ ‫سوچتا ہوں‬ ‫شہرت لے لوں‬ ‫روٹی لے لوں‬ ‫کئی روز کی بھوک ہے‬ ‫لباس بھی الجھا الجھا ہے‬ ‫سسکتے بلکتے جذبوں کو‬ ‫بےلباسی کی دنیا میں رہنے دوں‬ ‫پھر سوچ کے افق سے‬ ‫اک شہاب ثاقب ٹوٹا‬ ‫زہریلی سوچ کا چہرا‬ ‫فیکٹری کی چمنی سے‬ ‫اٹھتے دھویں میں مدغم ہو گیا‬

‫‪191‬‬ ‫مطلع رہیں‬ ‫مسز ریحانہ کوثر‬ ‫بلا دکھ تحریر کیا جاتا ہے‬ ‫آپ کی خدمات کی اب یہاں‬ ‫ضرورت نہیں رہی‬ ‫آپ کی بریزئر کا سائز بڑھ گیا ہے‬ ‫آنکھوں کے گرد حلقے بھی ہیں‬ ‫بالوں میں چاندی آ گئی ہے‬ ‫رخسار پچک گئے ہیں‬ ‫روزن نشاط کی فراخی سے‬ ‫پرفومنس گھٹ گئی ہے‬ ‫سابقہ کارگزاری کے پیش نظر‬ ‫کمیٹی نے فیصلہ کیا ہے‬ ‫آپ کی بیٹی ظل ہما کو‬ ‫آپ کی سیٹ پر‬

‫‪192‬‬ ‫آپ کے ہی پے سکیل پر‬ ‫مع مروجہ الاؤنسز‬ ‫اکتیس مئی کلوزنگ ٹائم تک‬ ‫تعینات کیا جا سکتا ہے‬ ‫آپ کو ہدایت کی جاتی ہے‬ ‫تاریخ مقررہ کے اندر‬ ‫زیر دستخطی کو مطلع کریں‬ ‫اپنے واجبات کی وصولی کے لیے‬ ‫زیر دستخطی کے‬ ‫حاضر ہونے کی ضرورت نہیں‬ ‫یہ خدمت اب‬ ‫آفس سپرٹنڈنٹ انجام دیتا ہے‬ ‫فائلوں کی سیاہی سپیدی کا‬ ‫وہ ہی تو مالک ہے‬ ‫مطلع رہیں‬ ‫ضروری نوت‬

‫‪193‬‬ ‫آپ اپنی کنگی اور نیل پالش‬ ‫ہمارے میز پر کل کی امید میں‬ ‫بھول گئی ہیں‬ ‫یہ چیزیں‬ ‫جن کی آپ کو اشد ضرورت ہو گی‬ ‫مس ظل ہما کو‬ ‫آفس ٹائم کے بعد بھیج کر‬ ‫منگوا سکتی ہیں‬ ‫کہ ان کی اب یاں ضرورت نہیں رہی‬ ‫مطلع رہیں‬

‫‪194‬‬ ‫امید ہی تو زندگی ہے‬ ‫زکرا بولے جا رہی تھی‬ ‫بولے جا رہی تھی‬ ‫شاید آتی صدیوں کے غم مٹا رہی تھی‬ ‫خوب گرجی خوب برسی‬ ‫اس کے گرجنے میں دھواں‬ ‫برسنے میں مسلا دھار تھی‬ ‫رانی توپ کے گرجنے سے‬ ‫حمل گر جاتے تھے‬ ‫برسنے سے‬ ‫بستیاں زمین بوس ہوتی تھیں‬ ‫اس کے برسنے سے‬ ‫سکون کے شہر آگ پکڑتے تھے‬ ‫گرجنے سے حواس‬ ‫بدحواس ہوتے تھے‬

‫‪195‬‬ ‫کس سے گلہ کرتا‬ ‫جھورا مردود مر چکا تھا‬ ‫تھیلا مردود آج بھی‬ ‫رشوت ڈکارتا ہے‬ ‫وہ چپ تھا‬ ‫مسلسل چپ تھا‬ ‫منہ میں زبان رکھتا تھا‬ ‫پھر بھی چپ تھا‬ ‫چپ میں شاید اسے سکھ تھا‬ ‫جو بھی سہی‬ ‫یہ سوال نوشتہءدیوار بنا تھا‬ ‫وہ چپ تھا تو کیوں چپ تھا‬ ‫ہر زبان پر یہ ہی سوال تھا‬ ‫وہ بزدل تھا‬ ‫یا صبر میں باکمال تھا‬ ‫کچھ اسے زن مرید کہتے تھے‬

‫‪196‬‬ ‫کسی کے خیال میں‬ ‫مرد کی انا کا وہ کھلا زوال تھا‬ ‫وہ تو خیر زیر عتاب تھا ہی‬ ‫اس کے پچھلے بھی‬ ‫کوسنوں کے دفتر چڑھ رہے تھے‬ ‫اس سے کوئی کیوں پوچھتا‬ ‫ہر دوسرے‬ ‫امریش پوری سے ڈائیلاگ‬ ‫سننے کو ملتے تھے‬ ‫نمرود وقت بھی‬ ‫کانوں پر پہرے نہیں رکھ سکتا‬ ‫پہلے ریڈیو ہی تو تھا‬ ‫ٹی وی تو کل کی دین ہے‬ ‫کان سنتے تھے‬ ‫تصور امیج بناتا تھا‬ ‫آخر چپ تھا تو کیوں چپ تھا‬

‫‪197‬‬ ‫اک روز میں نے پوچھ ہی لیا‬ ‫میرا کہا‬ ‫اس کے قہقہوں میں اڑنے لگا‬ ‫میں نے سوچا‬ ‫کہنا کچھ تھا‬ ‫شاید کہہ کچھ اور گیا ہوں‬ ‫بھول میں‬ ‫کسی سردار کا لطیفہ کہہ گیا ہوں‬ ‫بھلکڑ ہوں‬ ‫یہ قول زریں مری زوجہ کا ہے‬ ‫زوجہ کے کہے کو غلط کہوں‬ ‫کہوں تو کس بل پر‬ ‫اگلے سے ناسہی اس جہان سے جاؤں گا‬ ‫مہر بہ لب رہا کہ‬ ‫دیواروں کو بھی کان ہوتے ہیں‬ ‫مجھے کیا پڑی غیروں کی اپنے سر لوں‬

‫‪198‬‬ ‫میں نے بھی چپ میں عافیت جانی‬ ‫ہم کیؤں پرائی آگ میں کودیں‬ ‫مرے لیے خالہ کی لگائی ہی کافی ہے‬ ‫خود چل بسی‬ ‫میں بھی چل بسوں سامان کر گئی ہے‬ ‫پھر وہ دفعتا چپ ہو گیا‬ ‫مری طرف‬ ‫بےبس بے کس نظروں سے دیکھنے لگا‬ ‫چند لمحے خامشی رہی‬ ‫جاہل جانتے ہو‬ ‫بولنے میں کتنے اعضا خرچ ہوتے ہیں‬ ‫حیرت ہوئی‘ بھلا یہ کیا جواب ہوا‬ ‫غصہ میں بولنے سے‬ ‫چودہ اعضا کشٹ اٹھاتے ہیں‬ ‫مرا کیا ہے‬ ‫ادھر سے سنتا ہوں ادھر سے نکال دیتا ہوں‬

‫‪199‬‬ ‫چہرے کے بدلتے رنگوں کا اپنا ہی سواد ہوتا ہے‬ ‫ہاں سٹپٹانے میں‬ ‫کھونے کے آثار ہوتے ہیں‬ ‫گھورنے بسورنے میں‬ ‫کہکشانی اطوار ہوتے ہیں‬ ‫شخص پڑھو کہ حیات کے‬ ‫تم پر پوشیدہ اطوار کھلیں‬ ‫ہاں غصہ میں‬ ‫دماغ کی کوئی نس پھٹ سکتی ہے‬ ‫خیر یہ وقت خیر نہیں آئے گا‬ ‫دماغ ہوتا تو صبر کا جہاں آباد کرتی‬ ‫دل کا دورہ بھی بعید از قیاس نہیں‬ ‫اس امید پر ہی تو جی رہا ہوں‬ ‫کبھی تو غصہ کے افق سے‬ ‫خوشی کا چاند مسکرائے گا‬ ‫پھر مستی میں آ کر گنگنائے گا‬

‫‪200‬‬ ‫آ گئی بہار گلوں کا رنگ اور بھی نکھر گیا‬ ‫پیاسی آتمائیں آ رہی ہیں روپ بدل بدل کے‬ ‫میں پڑھا لکھا سہی‬ ‫اپنی اوقات میں ہوں تو مزدور‬ ‫زوجہ گزیدہ ہوں‬ ‫بھاشا فلسفے کی میں کیا جانوں‬ ‫بولا‪ :‬جاؤ امید پر زندہ رہو‬ ‫امید پر میں زندہ ہوں‬ ‫امید ہی تو زندگی ہے‬