ایک سو ایک لوکانے منسانے شغلانے اور منظومے

‫‪301‬‬ ‫میں ابھی تک قسمت کو کوس رہا تھا‬ ‫ایک صاحب نے بلاتکلف کہا‬ ‫پاگل اصل کاغذ دیتے نہیں‬ ‫کبھی بابو کو کبھی قسمت کو کوستے ہو‬ ‫کس کاغذ کی آپ بات کرتے ہیں‬ ‫میں نے پوچھ ہی لیا‬ ‫بڑا نوٹ جس پر بانی کی تصویر چھپی ہو‬ ‫فائل میں لگاؤ پھر بےچنت ہو جاؤ‬ ‫کام ہو جائے گا‬ ‫سوچ میں پڑ گیا‬ ‫یہ بگلا بھگت کتنے روپ دھارتا ہے‬ ‫لو دور کیا جانا ہے‬ ‫ہماری گلی کے موڑ پر ہی وہ رہتا ہے‬ ‫کچہری میں منصف کے روبرو‬ ‫کلام پر ہاتھ رکھ کر کہتا ہے‬ ‫جو کہوں گا سچ کہوں گا‬

‫‪302‬‬ ‫سچ کے سوا کچھ نہ کہوں گا‬ ‫ان دیکھے سچ کی کھاتا ہے‬ ‫کیا کروں‬ ‫اس کے کس روپ پر یقین کروں‬ ‫مرا ہم جنس بن کر دغا کرتا ہے‬ ‫ایک اور اندھیر دیکھیے‬ ‫انگلی مری اوروں کی جانب تو اٹھ رہی ہے‬ ‫جیسے ہل پر نہایا ہوا ہوں‬ ‫کرتوت یہ ہے کہ‬ ‫زوج کے حضور جب جاتا ہوں‬ ‫میں اس سا وہ مجھ سا ہو جاتا ہے‬ ‫سچ مر جاتا ہے‬ ‫یا پھر سات سمندر پار کر جاتا ہے‬

‫‪303‬‬ ‫یہ حرف‬ ‫کل طلوع سے پہلے‬ ‫کان جزو جسد شرق تھے‬ ‫ودوا کا نالہ سنتے نہ تھے‬ ‫ہاتھ آہنی ضرور تھے‬ ‫ریکھاؤں میں مگر‬ ‫مغرب کے مانجے کا گوبر بھرا تھا‬ ‫خورشید اہل شرق کا سہی‬ ‫شرق کی صبح شام‬ ‫شرق کی نہیں‬ ‫منہ اپنا زبان اپنی‬ ‫بیان اپنا نہیں‬ ‫چٹے مندر کے دروازے پر‬ ‫یک ٹانگ کھڑا‬ ‫صبح شام‬

‫‪304‬‬ ‫ہر آتے دم کے ساتھ‬ ‫شری جھاڑی مہاراج کی جئے ہو‬ ‫شری جھاڑی مہاراج کی جئے ہو‬ ‫بکے جاتا ہے‬ ‫فاختہ کے گلو میں‬ ‫نامہء منتی باندھ دیا‬ ‫کبوتر جھاڑی مہاراج کی قید میں ہے‬ ‫بازگزشت کٹی آواز‬ ‫تاریخ کا حرف کب بنتی ہے‬ ‫بےدر گھرانے‬ ‫کہرے کی زد میں رہتے ہیں‬ ‫‘جو ہیں‬ ‫نفرتوں کے بارود میں بھی‬ ‫جشن آزادی مناتے ہیں‬ ‫جو نہیں ہیں‬ ‫جھاڑی مہاراج کی خصیہ سہلائی کا‬

‫‪305‬‬ ‫شغل باکمال رکھتے ہیں‬ ‫یہ حرف‬ ‫مورکھ کی کوئی لکھت نہیں ہیں‬ ‫پھر بھی کل کو‬ ‫شہید وفا ہوں گے‬ ‫شاہد جفا ہوں گے‬ ‫۔۔۔۔۔۔۔۔۔۔۔۔۔‬ ‫منتی‘ منت سے‬ ‫مورکھ سے مراد مورخ‬

‫‪306‬‬ ‫عہد کا در وا ہوا‬ ‫عہد کا در وا ہوا‬ ‫دور افق میں‬ ‫کم زور کی مقدر ریکھا‬ ‫لہو بن کر پھیل گئی تھی‬ ‫آس کا سورج ڈوب گیا تھا‬ ‫یاس کا سورج‬ ‫سوا نیزے پر آ چکا تھا‬ ‫شانتی کے شبد کھا چکا تھا‬ ‫پھر بھی‬ ‫ماتھے پر چٹا گھر کا ٹکا سجائے‬ ‫شانتی کی ڈگڈگی بجائے جا رہا تھا‬ ‫لومڑ گیڈر جشن سیری منا رہے تھے‬ ‫لگڑبگڑ اپنا حصہ کھا رہے تھے‬ ‫گریب ہڈیوں کا گودا‬

‫‪307‬‬ ‫رینگتوں کے کام آ رہا تھا‬ ‫بٹنوں کی دوکان سج گئی تھی‬ ‫گوریوں کی چڈی ہو کہ پستانوں کے کھوپے‬ ‫ان ہی سے تو بندھے ہوئے تھے‬ ‫آگہی کا در وا ہوا تو‬ ‫گریب گلیوں میں‬ ‫بھوک کی دھند پھیل گئی‬ ‫محل جگمگا اٹھے‬ ‫ہواؤں میں‬ ‫کومل ہونٹوں پر‬ ‫شراب کی بو مچل گئی‬ ‫شاہ اور اہل شاہ‬ ‫پریوں کی کمر میں ہاتھ سجائے‬ ‫تھرک رہے تھے‬ ‫جھوم رہے تھے‬ ‫اپریل ‪١٠- ١٩٧٨‬‬

‫‪308‬‬ ‫مشینی دیو کے خواب‬ ‫وہ‬ ‫اس کا باپ‬ ‫دادا پردادا بھی‬ ‫اسی پیشہ سے وابستہ تھے‬ ‫شکار کی ٹانگوں پر‬ ‫نام کے ساجی‬ ‫دم پر چمچے‬ ‫گردن پر کڑچھے‬ ‫لگڑبگڑ کے تیور لے کر‬ ‫پل پڑتے تھے‬ ‫اب کہ نخچیر‬ ‫کئی چیتوں بگھیاّڑوں کے‬ ‫دم خم دیکھ چکا تھا‬ ‫تب ہی تو‬

‫‪309‬‬ ‫گرفت میں آ کر بھی‬ ‫گردن کے جھٹکے جاری تھے‬ ‫کرتب ان کا شیوا‬ ‫جھٹکے اس کا حق‬ ‫جگ کے دانے سوچ رہے تھے‬ ‫بھوکے پیاسے صید کا ماس‬ ‫صیاد کے پیٹ کی آنتیں‬ ‫جسم کا پانی‬ ‫کھا پی کر‬ ‫مشینی دیو کے خواب‬ ‫چکنا چور نہ کر دے‬

‫‪310‬‬ ‫اک مفتا سوال‬ ‫ہزاروں لاکھوں کی حیثیت اپنی جگہ‬ ‫دس روپیے کی حیثیت اپنی جگہ‬ ‫رسک میں ایک روپیے کا ضیاع‬ ‫بھری تجوری کا زوال ہے‬ ‫جیت گیے تو چڑھی قسمت‬ ‫ہار گیے تو!‬ ‫تجوری کا یہ سوال ہے‬ ‫جیتنے والا سکون کی نیند لوٹے گا‬ ‫ہار عمر بھر کا ملال ہے‬ ‫کچھ دے کر پایا تو کیا پایا‬ ‫اس جہاں میں کہاں ملتا ایسا دلال ہے‬ ‫سوچ کے دائرہ وسعت لیتے گئے کہ‬ ‫پھر کان میں گونجی یہ آواز‬ ‫میاں صاحب دس روپیے کا سوال ہے‬

‫‪311‬‬ ‫پھر ہوش آیا‬ ‫یہاں تو فقط لینا ہے دینے کا کب ذکر ہے‬ ‫میاں صاحب کی باچھیں کھل گیئں‬ ‫خوش ہو کر بولے‬ ‫پوچھ لو‘ ہو سکتا ہے بتا ہی دوں‬ ‫یہ بعید از قیاس نہیں‬ ‫فقیر کا سوچ حیرت کی نذر ہوا‬ ‫کچھ بھی نہ سمجھ سکا‬ ‫یہ تو خود اک مفتا سوال تھا‬ ‫بڑبڑاتا ہوا واں سے چل دیا‬ ‫میاں صاحب دکھ کے سمندر میں غرق ہوئے‬ ‫کم بخت دس کا چونا لگا گیا‬

‫‪312‬‬ ‫سوال کا جواب‬ ‫بےشک یہ ان ہونی تھی‬ ‫حیرت ہے کہ ہو گئی‬ ‫کمیوں کی بہو بیٹیاں‬ ‫لمبٹروں کے گلپ کرتی ہیں‬ ‫حاجت بھی بر لاتی‬ ‫اترن میں جیتی اترن میں مرتی ہیں‬ ‫کس سے کہیں کیا کہیں‬ ‫سر تاج ان کے‬ ‫ڈیرے کی چلم بھرتے ہیں‬ ‫اک مراسی اور لمبڑ کا کیا جوڑ‬ ‫پھر بھی سلام دعا لڑ گئی‬ ‫تعلق کی گڈی چڑھ گئی‬ ‫زمین پر لوگ آسمان پر فرشتے‬ ‫دیکھتے رہ گئے‬

‫‪313‬‬ ‫اٹھنا اکٹھا بیٹھنا اکٹھا‬ ‫کھانا اکٹھا پینا اکٹھا‬ ‫آنا اکٹھا جانا اکٹھا‬ ‫صلاح اکٹھی مشورہ اکٹھا‬ ‫اک روز مراسی کے ذہن میں آیا‬ ‫اتنی محبت اتنا پیار ہے‬ ‫کیوں نہ یہ نسلوں تک چلے‬ ‫آتے وقتوں میں‬ ‫چھوٹے بڑے کا فرق مٹ جائے‬ ‫موقع پاتے ہی مراسی نے لمبڑ سے کہا‬ ‫چودھری زندگی کیا خوب گزر رہی ہے‬ ‫محبت شاید ہی ایسی رہی ہو گی‬ ‫کیوں نہ ہم اس کو دوام بحشیں‬ ‫چودھری مسکرایا اور کہا‬ ‫کہو پھر ایسا کیا کریں‬ ‫لوہا گرم دیکھ کر مراسی نے چوٹ لگائی‬

‫‪314‬‬ ‫بہن تمہاری جوان ہے‬ ‫اب اس کی شادی ہو جانی چاہیے‬ ‫چودھری خوش ہوا کہ یار ہے‬ ‫شاید کسی چودھری کا پیغام لایا ہے‬ ‫میں خوب صورت خوب سیرت ہوں‬ ‫بڑی بات یہ کہ تمہارا چھوٹا ویر ہوں‬ ‫اسے سکھی رکھوں گا‬ ‫جب تک زندہ ہوں‬ ‫پیر تمہارے دھو کر پیوں گا‬ ‫چودھری ہکا بکا رہ گیا‬ ‫پھر ہتھے سے اکھڑ گیا‬ ‫ذات کا مراسی اور یہ جرآت‬ ‫گردن سے پکڑا اور خوب وجایا‬ ‫نیچے گرا مراسی پاؤں پر کھڑا ہوا‬ ‫یار مار تو تم نے خواب لیا‬ ‫مرے سوال کا جواب اپنی جگہ رہا‬

‫‪315‬‬ ‫چودھری نے چار گولے بلائے اور کہا‬ ‫اس حرامی کی طبعیت صاف کرو‬ ‫ذات کی کوڑ کرلی چھتیروں سے جپھے‬ ‫سلام دعا کیا ہوئی کہ اوقات ہی بھول گیا‬ ‫خوب پٹا بےہوش ہو گیا‬ ‫جب ہوش میں آیا تو بولا‬ ‫چودھری یار پیار میں اتنی مار‬ ‫کوئی بات نہیں‘ چلتا ہے‬ ‫دوستی میں تمہیں اتنا تو حق ہے‬ ‫کسی کی بھڑاس مجھ پر نکالو‬ ‫ہاں تو مرے سوال کا جواب تم نے دیا نہیں‬ ‫سب نے پوچھا‬ ‫چودھری یہ شوھدا ڈوم کیا کہتا ہے‬ ‫کیا جواب دیتا‬ ‫ہاتھوں کی دی گھانٹیں‬ ‫دانتوں سے کھول رہا تھا‬

‫‪316‬‬ ‫تنا سر جھکا کر گھر کو چل دیا‬ ‫چودھری کب کسی کے ہوئے ہیں‬ ‫سب انسان ایک سے ہیں‘ یہ اسلام کہتا ہے‬ ‫اسلام ابھی حلق سے اترا نہیں‬ ‫حلق سے جب اترے گا‬ ‫سیاہ حبشی غلام‘ صاحب جاہ کا آقا ہو گا‬ ‫بامی متکبر کٹیرے میں کھڑا ہو گا‬

‫‪317‬‬ ‫یہ ہی دنیا ہے‬ ‫کاروبار کے لیے فجے سے‬ ‫خیرے نے قرض لیا‬ ‫کاروبار تو ہو نہ سکا‬ ‫ہاں سب کچھ معشوقہ کی بلی چڑھ گیا‬ ‫کنگلا پھانگ ہوا تو‬ ‫کسی اور کی ڈولی وہ چڑھ گئی‬ ‫یہ کوئی نئی بات نہ تھی‬ ‫ایسا ہوتا آیا ہے‬ ‫قرض کی واپسی کے وعدے کا دن تو آنا ہی تھا‬ ‫آ گیا اور آ کر گزر گیا‬ ‫پھر کئی دن آئے اور گزر گئے‬ ‫وعدوں کی بھرمار ہوئی‬ ‫وعدوں کی بھی اک حد ہوتی ہے‬ ‫انتظار کی گھڑیاں مشکل سہی گزر جاتی ہیں‬

‫‪318‬‬ ‫فجا کب تک انتظار کرتا‬ ‫کچے وعدوں پر اعتبار کرتا‬ ‫فجا خیرے کے تائے کو درمیان میں لایا‬ ‫خیرا اپنی بدحالی کا رونا لے کر بیٹھ گیا‬ ‫اس نے کچھ قرضہ معاف کروا دیا‬ ‫باقی کے لیے وعدہ لے لیا‬ ‫وعدے کا وہ دن بھی آیا اور گزر گیا‬ ‫رقم آئی نہ خیرا آیا‬ ‫نیا وعدہ ہی آ جاتا کہ فجے کو تسلی ہوتی‬ ‫خیرے کو قرضہ یاد ہے‬ ‫ٹال مٹول کا پھر سے سلسلہ شروع ہوا‬ ‫ناچار فجا اک اور معزز کو‬ ‫اس کے دروازے پر لے آیا‬ ‫خیرے نے پہلے سے بڑھ کر‬ ‫اپنی غربت کا ڈرامہ رچایا‬ ‫اس نے بھی رقم میں کچھ چھوٹ دلوا دی‬

‫‪319‬‬ ‫جواب میں وعدہ لے لیا‬ ‫وہ صاحب بھی خیرے کو تاکید کرتے‬ ‫رخصت ہوئے‬ ‫امید بندھی اب کہ وصولی ہو گی‬ ‫‘مگر کہاں‬ ‫پھر سے آج کل پر بات پڑنے لگی‬ ‫فجا اس ٹال مٹول سے اکتا گیا‬ ‫جو نہیں چاہتا تھا کرنا پڑ گیا‬ ‫خیرے کو اس نے لمبڑ کے ڈیرے پر بلا لیا‬ ‫وہاں آ کر وہ لمبڑ کے پاؤں لگ گیا‬ ‫یوں گڑگڑایا جیسے عرصہ سے فاقہ میں ہو‬ ‫لمبڑ کو بھی ترس آ گیا‬ ‫کچھ رعایت اس نے بھی کروا دی‬ ‫لمبڑ نے تاکیدا کہا وعدہ پر رقم دے دینا‬ ‫ہاتھ جوڑ کر کہنے لگا‬ ‫حضور قسطوں پر سہی‬

‫‪320‬‬ ‫رقم واپس ہو رہی ہے‬ ‫بات غلط نہ تھی‬ ‫ایک تہائی رقم دم توڑ چکی تھی‬ ‫اس کی اس بات پر سب ہنس پڑے‬ ‫اس پر وہ کہنے لگا‬ ‫ہاسے کیوں نہ آئیں رقمیں جو تر رہی ہیں‬ ‫بات اس کی سن کر سب کھل کھلا پڑے‬ ‫اپنے اپنے گھر کو چل دیے‬ ‫فجے کا منہ لٹک گیا‬ ‫صبر شکر کے سوا اب کوئی چارہ نہ تھا‬ ‫نیکاں خاوند کے بستر پر بےچنت سوتی ہے‬ ‫خیرا بھی کوئی تھا‘ اسے یاد نہیں‬ ‫خیرا نیکاں کی بےوفائی پر دن رات روتا ہے‬ ‫فجے کو دی رقم کی جدائی کھا گئی ہے‬ ‫یہ ہی دنیا ہے‬ ‫کہیں ہریالی تو کہیں ویرانی ہے‬

‫‪321‬‬ ‫مالک کی مرضی ہے‬ ‫شاید ہی کوئی‬ ‫عیدے کے دست بد سے بچا ہو گا‬ ‫ہر گھر میں اس کی کہانی تھی‬ ‫ہر ڈیرے کا موضع کلام تھا‬ ‫کئی بار جیل گیا‬ ‫وہاں سے اور نکھر کے آیا‬ ‫باپ اس کا شریف اور مشقتی تھا‬ ‫ماں بھی اچھی تھی پنج وقتن تھی‬ ‫چودھری کا بھی ناک میں دم تھا‬ ‫کچھ دوست کھوکھے پر بیٹھے‬ ‫اسی کا ذکر بد کر رہے تھے‬ ‫اچانک انو اک خبر لایا‬ ‫عیدا اللہ کو پیارا ہو گیا‬ ‫خبر ہی ایسی تھی کہ سب حیران ہو گئے‬

‫‪322‬‬ ‫پھر سب نے کلمہءشکر ادا کیا‬ ‫چنگا بھلا تو تھا‬ ‫ایک دم سے کیا ہوا کہ حق ہو گیا‬ ‫او یار تم غلط سمجھے ہو‬ ‫انو نے زور کا قہقہ لگایا‬ ‫مرا نہیں زندہ ہے‬ ‫پتا نہیں اسے کیا ہوا‬ ‫مکے مدینے ٹر گیا‬ ‫واہ واہ کی صدائیں فلک بوس ہوئیں‬ ‫مالک کی مرضی ہے‬ ‫مٹی کو سونا سونے کو مٹی کر دے‬ ‫کارج کی بات میں دم تھا‬ ‫سب نے اس کی ہاں میں ہاں ملائی‬ ‫سینے میں کہیں خیر کی کرن باقی ہو‬ ‫تو ہی بگڑی سنورتی ہے‬ ‫ورنہ پنج وقتے پٹری سے اتر جاتے ہیں‬

‫‪323‬‬ ‫دینے کی بات بھی غلط نہ تھی‬ ‫جو بھی سہی‬ ‫چائے کی پیالی میں آج‬ ‫خوشیوں کا اک جہاں آباد تھا‬ ‫ہر دل کھلا گلاب تھا‬ ‫خدا نے جانے کس کی سن لی‬ ‫ٹل گیا‬ ‫علاقے میں اترا جو عذاب تھا‬

‫‪324‬‬ ‫سیاست‬ ‫کسی چودھری کے سامنے کوئی چوں کرے‬ ‫کب کسی میں اتنا دم رہا ہے‬ ‫کون منصور بنے‬ ‫کون حسین کے قدموں پر چلے‬ ‫پکی پکائی کے سب گاہک ہیں‬ ‫جیدا چودھری کے خلاف سرعام بک رہا تھا‬ ‫یہ خبر اٹم بم سے کچھ کم نہ تھی‬ ‫چودھری بھی سکتے میں آ گیا‬ ‫چپ رہا منہ سے کچھ نہ بولا‬ ‫بچارے دینو کی مفت میں لترول ہو گئی‬ ‫اس نے تو محض خبر سنائی تھی‬ ‫محفل کو پھر چپ لگ گئی‬ ‫یہ اس کا قصور نہیں‬ ‫جوانی کی بھول مرے آگے آئی ہے‬

‫‪325‬‬ ‫بڑا خون ہی بولتا ہے‬ ‫ورنہ کوئی کمی اس قابل کہاں ہوتا ہے‬ ‫چودھری نے یہ کر‬ ‫محفل کی چپ کا روزہ توڑا‬ ‫پھر کیا تھا‬ ‫چودھری کا کہا‬ ‫اس ًموڑ سے اس موڑ تک گیا‬ ‫جیدے نے جب یہ بات سنی‬ ‫غصے سے آگ بگولا ہو گیا‬ ‫سیدھا گھر آیا‬ ‫ماں کا سر تن سے جدا کیا‬ ‫خود رسی سے لٹک مرا‬ ‫چودھری کو کچھ بھی نہ کرنا پڑا‬ ‫سیاست سے رستہ صاف ہو گیا‬

326

327

‫‪328‬‬ ‫واہ مولوی صاحب واہ‬ ‫شغلانہ‬ ‫وہ سیدھا سادا مزدور آدمی تھا۔ بامشکل گھر کا خرچہ چلا‬ ‫پا رہا تھا۔ غربت و عسرت کے سبب گھر میں ہر وقت کل‬‫کل چلتی رہتی۔ وہ اپنی حد تک تو مشقت اٹھا رہا تھا۔ یہ ہی‬ ‫اس کے بس میں تھا۔ وافر کہاں سے لاتا۔ باپ بھی مشقتی‬ ‫تھا۔ اس نے بھی اسی طرح محنت مشقت سے انہیں پالا‬ ‫پوسا تھا۔ بھوک اور ہمہ وقت کی تو تکرار نے اس کے‬ ‫ذہن کو تقریبا معطل سا کر دیا تھا۔ اس کی ہر سوچ کی تان‬ ‫روٹی پانی پر ہی ٹوٹتی تھی۔‬ ‫یہ اس نے کوئی پہلی بار مسجد میں قدم نہ رکھا تھا۔ اس‬ ‫سے پہلے بھی وہ کئی بار مسجد میں عید نماز پڑھنے آ‬ ‫چکا تھا۔ ہر بار اسے نصیحتوں سے پالا پڑا تھا۔ مولوی‬ ‫صاحب نے کبھی بھوک سے نجات کا کبھی کوئی طریقہ یا‬ ‫رستہ بیان نہ کیا تھا۔ مولوی صاحب کو کھلا اچھا اور ون‬‫سوونا کھانے کو مل جاتا تھا۔ نئی پرانی علاقے کی حوریں‬ ‫‘دم اور تعویز دھاگے کے لیے آتی تھیں۔ پرہیزی سہی‬

‫‪329‬‬ ‫ٹھرک جھاڑنے کا موقع مل جاتا۔ عادت سے مجبور اپنے‬ ‫اور دوسرے گھروں کے اندر کے بھید سنا جاتیں اس لیے‬ ‫اسے کسی قسم کی بھوک پیاس ہی نہ تھی۔ بھوک یا‬ ‫کاروباری قسم کی باتیں اس کے مطلب کی نہ تھیں۔‬ ‫یہ پہلی بار تھی جو مولوی صاحب کو کوئی کاروباری بات‬‫کرنے کی توفیق ہوئی۔ مولوی صاحب نے جنت کی حوروں‬ ‫کا بڑے ہی رومانی اور دلکش انداز میں تذکرہ کیا۔ مولوی‬ ‫صاحب نے کہا کہ وہ انڈے کی طرح سفید ہوں گی اور ہر‬ ‫جنتی کو تعداد میں ستر ملیں گی۔ مولوی صاحب نے تو ان‬ ‫کی رنگت بیان کی لیکن اس کی سمجھ میں یہ آیا کہ‬ ‫حوریں انڈے دیں گی۔ مولوی صاحب جانے اور کیا کچھ‬ ‫کہتے رہے لیکن بھوک نے اس کے سوچ کو انڈوں کے‬ ‫گرداب سے باہر نہ آنے دیا۔‬‫اس نے سوچا سب لوگ تو جنت میں نہیں جائیں گے۔ اچھا‬ ‫کرنے والے ہی جنت میں جا سکیں گے۔ وہ ستر انڈے ابال‬ ‫کر بےحوری علاقہ میں ہر روز بیچا کرے گا۔ ایک انڈا اگر‬‫دس روپے میں فروخت ہوا تو سات سو روپیے سیدھے ہو‬ ‫جائیں گے۔ سات سو روپیے منہ سے ہی کہنا ہے ہاتھ آنا‬ ‫اتنا آسان نہیں ہوتا۔ سوچ ذرا پھیلی تو مایوسی کا دوبارہ‬

‫‪330‬‬ ‫سے دروازہ کھل گیا۔ سات سو میں ستر وہ اور ایک یہ‬‫گویا اکہتر کا ناشتہ پانی ہی نہیں ہو سکے گا۔ باقی کا خرچہ‬‫کہاں سے آئے گا۔ یہاں ایک کے لیے سارا دن مشقت اٹھاتا‬‫ہے پھر بھی پوری نہیں پڑتی اور رات گئے تک ہاجاں کے‬ ‫کوسنے سنتا ہے۔ وہاں ستر کے طعنے مینے کیسے سن‬ ‫سکے گا۔‬ ‫اسے مولوی صاحب کے اس ڈنڈی مار رویے پر سخت‬ ‫افسوس ہوا۔ خود پیٹ بھر کھاتا ہے اور اوروں کے لیے‬ ‫پیٹ بھر کھانے کا رستہ تنگ اور مشکل بنا رہا ہے۔ پھر‬ ‫اس کے منہ سے نکل گیا واہ مولوی صاحب واہ کیا کہنے‬ ‫آپ کے خود پیٹ بھر کھاتے ہو اور گریبوں کے لیے جنت‬ ‫میں بھی مشقت اور وہ ہی زمینی فاقہ۔‬

‫‪331‬‬ ‫جواب‪ :‬واہ مولوی صاحب واہ‬ ‫بروز‪ :‬مئی ‪ 12:25:19 ,2017 ,18‬شام‬ ‫ُمحترم جناب ڈاکٹر مقصود حسنی صاحب۔ السلام علیکم۔ اپ‬‫سے شاید پہلی دفعہ ُمخاطب ہو رہا ہوں۔ اور دیکھا یہی ہے‬ ‫کہ جناب اپنے مضامین پر تبصروں کا کم کم ہی جواب‬ ‫دیتے ہیں۔ لیکن اج مجھے لکھنا پڑا۔ جناب نے میرے دل‬ ‫کی بات کی۔ مولوی صاحبان جس طرح حوروں کے قصے‬ ‫سناتے ہیں تعجب ہوتا ہے کہ جنت کی ساری نعمتوں کو‬ ‫چھوڑ کر اس ’نعمت‘ ہی کی تفصیل کیوں اتنی محنت سے‬‫کرتے ہیں۔ ہمارے جاوید احمد غامدی صاحب کے مطابق تو‬ ‫یہ سب بس قصے کہانیاں ہیں۔ حوریں تو دنیا ہی کی‬‫خواتین کو کہا گیا ہے۔ خیر‪ ،‬جو بھی ہے‪ ،‬مجھ جیسا انسان‬ ‫تو جنت میں جا کر شاید اس طرف توجہ ہی نہ کر سکے۔‬ ‫شاید کسی ابشار کے برابر چٹان پر بیٹھ کر غور و فکر‬‫میں محو رہے۔ غور و فکر نہ بھی کرے تو ُچپ چاپ خالی‬ ‫دماغ کے ساتھ دور افق کو گھورتا رہے۔ یہ بھی کسی‬‫نعمت سے کم نہیں۔ ابشار کا شور ہو‪ ،‬فرصت ہو‪ ،‬اور دماغ‬ ‫میں کوئی خیال نہ رہے۔ مارک گنگر کے مطابق‪ ،‬جو‬

‫‪332‬‬ ‫شادیوں کے نباہ کے طریقوں پر درس دیتے ہیں‪ ،‬یہ نعمت‬ ‫(کہ دماغ میں کچھ سوچنے کی سرگرمی نہ چل رہی ہو)‬ ‫خواتین کو میسر نہیں۔ اور نہ ہی مرد ایسی کیفیت کے‬ ‫دوران خواتین کی مداخلت برداشت کرتے ہیں۔ اپنی بیویوں‬ ‫کی بھی نہیں‪ُ ،‬کجا ستر ستر حوریں؟‬ ‫یا شاید میرے جیسا ادمی جنت میں جا کر ان تمام سوالوں‬ ‫کے جوابات مانگے جو ہمارے لیے معمہ ہی بنے رہے‬ ‫ہیں۔ مثلاً کائنات کی ابتدا کیسے ہوئی؟ انسان کی تخلیق‬ ‫کیسے ہوئی؟ انسان کا ابتدائی دور کیسا رہا؟ کائینات کی‬ ‫وسعتیں کتنی ہیں؟ ہمارے مرنے کے بعد دُنیا میں کیا کیا‬ ‫ہوا؟ قران میں ہر خواہش پوری کرنے کا وعدہ ہے امید‬‫ہے یہ جوابات بھی ملیں گے۔ اور اگر رسائی پیغمبروں کے‬ ‫حصے تک ہو سکی تو ان سے ان کے قصے سن سن کر‬ ‫کتنا مزہ ائے گا؟ اس سب کے لیے وقت ہی کہاں ملے گا؟‬ ‫میری سمجھ میں نہیں اتا کہ قُران نے تین چار مقامات پر‬ ‫اور نعمتوں کا ذکر کرتے ہوئے حوروں کا بھی چلتے‬ ‫چلتے ذکر کر دیا لیکن مسلمانوں کی تمام دلچسپیوں کا‬ ‫مرکز یہ حوریں ہی کیوں ہیں؟ یہ دیکھیے اس وڈیو میں‬‫ایک مولوی صاحب کیسے للچائے ہوئے انداز میں حوروں‬

‫‪333‬‬ ‫کا ذکر فرما رہے ہیں‪ ،‬اور حوروں کے شوق میں ایسے‬ ‫بہکے کہ دنیاوی خواتین کو میلی ُکچیلی‪ ،‬سڑی گلی اور‬ ‫‪:‬نجانے کیا کیا کہ رہے ہیں‬ ‫‪https://www.youtube.com/watch?v=WyeLaf1BCH0‬‬ ‫اور کس انداز میں جنتیوں کے حوروں کے ساتھ تعلقات کا‬ ‫ذکر فرما رہے ہیں۔ مجھے یقین ہے کہ ہمارے نبی ﷺ‬‫نے ایسا کچھ نہیں کہا ہوگا۔ اور اگر کوئی حدیثوں کا حوالہ‬‫دے گا تو میں بغیر تحقیق راویوں کو تو جھوٹا مان لوں گا‬ ‫لیکن یہ بازاری باتیں اپنے نبی سے منسوب نہیں کرنے‬ ‫دوں گا۔ پتہ نہیں یہ وڈیو مجھے یہاں دکھانی چاہیے بھی‬ ‫تھی کہ نہیں‪ ،‬شرم محسوس ہوتی ہے۔‬ ‫یہاں انے کا ایک مقصد یہ بھی تھا کہ چند اصطلاحات جو‬ ‫اپ نے استعمال کی ہیں ان پر مجھے ذرا شک ہے۔ اور‬ ‫میں تمام احباب سے جو یہ پڑھ رہے ہوں رائے دینے کی‬ ‫درخواست کروں گا۔‬

‫‪334‬‬ ‫‪١‬۔ ’سیدھا سادا‘۔ میرے خیال میں (اور جو میں نے پڑھا‬ ‫ہے) یہ لفظ ’سیدھا سادھا‘ ہونا چاہیے۔ سادھا مہمل ہے‬ ‫سیدھا کا۔ کچھ لوگ سیدھا سادہ بھی لکھتے ہیں‪ ،‬لیکن‬ ‫سادہ تو فارسی کا لفظ ہے اور اس کا مونث اور جمع بھی‬ ‫سادہ ہی ہونا چاہیے(سادہ روٹی‪ ،‬سادہ کپڑے)۔ اس طرح‬ ‫سیدھا سادہ سے سیدھی سادی اور سیدھے سادے غلط‬ ‫ہوگا۔‬‫‪٢‬۔ ’ت ُو تکرار‘ نہیں ُسنا‪ ،‬ہاں یہاں پنجاب میں ’تُو تکار‘ عام‬‫ہے۔ لیکن شاید اردو میں ’تو تڑاق‘ کی ترکیب مستعمل ہے۔‬‫‪٣‬۔ کیا ’ٹھرک‘ اردو کا لفظ ہے؟ کوئی یوپی کے بزرگ ہوں‬ ‫تو بتا دیں۔‬ ‫اخر میں پھر ڈاکٹر صاحب کا اپنی تحریر سے نوازنے کا‬ ‫شکریہ۔ ہمیں بھی دل کے پھپھولے پھوڑنے کا موقع مل‬ ‫گیا۔‬ ‫اسد اللہ‬‫‪http://www.bazm.urduanjuman.com/index.php?topic=10617.0‬‬

‫‪335‬‬ ‫ذات کا خول‬ ‫منسانہ‬ ‫اہل فقر کا عصری شاہ یا اس کے چمچوں کڑچوں سے‬ ‫کبھی کوئی ذاتی مسلہ نہیں رہا۔ سقراط‘ پادری ویلنٹائن‘‬ ‫حسین ع‘ منصور ہوں کہ سرمد‘ نے کسی ذاتی مسلہ کی‬ ‫وجہ سے طاقت کے خلاف آواز نہیں اٹھائی اور ناہی کسی‬ ‫حصولی کی پاداش میں موت کو گلے لگایا۔ حصولی کے‬ ‫گاہک موت کے خریددار نہیں ہوتے۔ وہ لوگوں کے ساتھ‬‫ہونے والے ان جسٹ کے خلاف میدان میں اترتے آئے ہیں۔‬ ‫ظلم اور ناانصافی کے خلاف آواز اٹھاتے رہے ہیں۔ موت‬ ‫‪:‬کے منہ میں لوگوں کی خاطر گیے۔ لوگ‬ ‫مرے تھے جن کی خاطر وہ رہے وضو کرتے‬‫ایک ہی چیز کا ایک ہی فروخت کنندہ لوگوں سے الگ الگ‬ ‫بھاؤ کرتا ہے۔ حالاں کہ اصولا ایک ہی بھاؤ ہونا چاہیے۔‬ ‫کئی طرح کے بھاؤ معاشی ناہمواری کا سبب بنتے ہیں۔‬ ‫اس روز مجھ میں بھی فقیری نے سر اٹھایا اور میں نے‬ ‫سوچا کہ یہ کئی بھاؤ کا رواج ختم ہونا چاہیے۔ میں نے‬

‫‪336‬‬ ‫ایک دوکان دار سے اس طرح سے آخری بھاؤ کے لیے‬‫اچھی خاصی بحث کی جیسے میں پرچون کا نہیں‘ تھوک کا‬ ‫گاہک ہوں۔ میں نے اسے صاف صاف لفظوں میں کہا کہ‬‫وہ بھاؤ بتاؤ جو لینا ہے۔ اس نے آخری بھاؤ بتا دیا جو اس‬ ‫کے منہ سے نکلنے والے بھاؤ سے کہیں کم تھا۔ مجھے‬ ‫بڑا برا لگا کہ یہ کیسے لوگ ہیں۔ اتنا منافع کماتے ہیں۔‬ ‫میں نے اسے اس طرح سے آرڈر جاری کیا‘ جیسے میں‬ ‫مارکیٹ کا بڑا منشی ہوں حالاں کہ بڑے منشی کو کم یا‬ ‫زیادہ بھاؤ سے کوئی غرض نہیں ہوتی۔ وہ تو معاملے کو‬ ‫اپنی حصولی تک محدود رکھتا ہے۔‬ ‫دوکان دار کو جب معلوم ہوا کہ میں نے کچھ لینا دینا نہیں‬ ‫بل کہ ایک ریٹ مقرر کرنے کے لیے بحث کر رہا ہوں‘‬ ‫پہلے تو اس نے مجھے کھا جانے والی نظروں سے‬ ‫دیکھا‘ پھر پان سات نہایت آلودہ گالیاں نکالیں۔ وہ اسی پر‬ ‫ہی نہ رہا بل کہ پھرتی سے اٹھا اور میرے بوتھے پر‬ ‫کرارے کرارے کئی تھپڑ بھی جڑ دیے۔ میں اس ناگہانی‬ ‫حملے کی توقع نہ کرتا تھا لہذا اللہ کی زمین پر آ رہا۔‬ ‫اچھے خاصے لوگ جمع ہو گیے۔ میں نے تو لوگوں کی‬ ‫بھلائی اور آسانی کے لیے یہ سب کیا تھا۔ لوگ میری‬

‫‪337‬‬‫سننے کے لیے تیار ہی نہ تھے۔ دوکان دار جو فروخت کے‬ ‫معاملہ میں کئی زبانیں رکھتا تھا‘ کی اونچی اونچی یاوہ‬ ‫گوئی پر توجہ کر رہے تھے۔ کسی کو یہ کہنے کی توفیق‬‫نہ ہوئی کہ یار وہ تو ٹھیک‘ حق اور معاشی توازن کی بات‬ ‫کر رہا ہے۔ ہر کوئی مجھ پر ہنس رہا تھا میرا ہی مذاق اڑا‬ ‫رہا تھا۔‬ ‫اس واقعے کے بعد مجھ پر کھل گیا کہ حق سچ کے لیے‬ ‫لڑنا میرے بس کا روگ نہیں یہ منصور سے لوگوں کا ہی‬ ‫کام ہے۔ وہ دن جائے اور آج کا آئے میں نے بھی اوروں‬ ‫کی طرح معاملات کو اپنی ذات تک محدود کر لیا ہے۔ لوگ‬‫آج بھی مجھے دیکھ کر ہنس پڑتے ہیں۔ ان کا ہنسنا مجھے‬ ‫اب ذات کے خول سے باہر نہیں ہی دیتا۔‬

‫‪338‬‬ ‫ہزار کا نوٹ‬ ‫منسانہ‬ ‫جیب خالی ہونے کے سبب اور تو اور‘ میرے اپنے بچے‬ ‫اور ان کی ماں‘ جن کے لیے میں دن رات جیا اور زندگی‬ ‫کی مشقت اٹھاتا رہا۔ ان کی خوش حالی اور بہبود کے لیے‬ ‫میری سوچیں‘ خون پسینے میں نہاتی رہیں‘ پیار تو بہت‬ ‫دور کی بات‘ ٹوٹ ٹوٹ پڑتے تھے۔ وہ مجھے لایعنی اور‬‫بےکار کا بوجھ سجھتے تھے۔ دنیا چاری کے تحت دو وقت‬ ‫کی بچی کچی چار و ناچار مہیا کر رہے تھے۔ گھر کے ہر‬‫چھوٹے بڑے کے منہ یہ ہی رہتا‘ تم نے ہمارے لیے کیا ہی‬ ‫کیا ہے۔ حالاں کہ میں نے زندگی کا ہر لمحہ ان کے لیے‬ ‫گزرا تھا۔ بچے اسی عمل سے گزر رہے تھے‘ لیکن انہیں‬ ‫کبھی بھی یاد نہ آیا کہ ابا بھی ان مراحل سے گزرا ہو گا۔‬ ‫مجھے دو روپیے دیتے ہوئے‘ ان پر غشی کی سی کیفیت‬ ‫طاری ہو جاتی۔‬ ‫میرا لنگوٹیا کرم الہی کمائی کے لیے ولایت گیا ہوا تھا۔‬ ‫ایک عرصہ بعد واپس لوٹا۔ ایک روز مجھے ملنے آ گیا۔‬

‫‪339‬‬ ‫میرے گھر والوں نے اس کی بڑی عزت کی۔ اس کے‬ ‫باوجود اس نے نوٹ کیا کہ جیب کے بےوفائی نے مجھے‬ ‫گلی کے کتے سے بھی بدتر کر دیا ہے۔ میں نے اس سے‬‫ان لوگوں کی کوئی شکایت نہ کی تھی۔ ان کے میرے ساتھ‬‫رویے اور لباس کی عسرت نے اس پر سب کچھ کھول دیا۔‬ ‫اس نے چلتے ہوئے ہزار کا نوٹ ۔۔۔۔۔ یقین مانیں ہزار کا‬ ‫نوٹ‘ میری مٹھی میں بند کر دیا اور آنکھوں آنکھوں میں‬ ‫کہہ دیا‪ :‬احتیاط سے خود پر خرچ کرتے رہو‘ دیر تک‬ ‫چلے گا۔ میری آنکھیں تشکر سے لبریز ہو گیئں۔ یہ کوئی‬ ‫معمولی بات نہیں۔ اس سے میرا کوئی خون رشتہ نہ تھا۔‬ ‫بیس پچیس سال پہلے کی سلام دعا تھی۔ بےشک یہ بہت‬ ‫بڑے جگرے کی بات تھی۔‬ ‫میری جیب کی ہریالی جانے گھر والوں پر کس طرح کھل‬ ‫گئی کہ وہ ہی گھر والے مجھے ہاتھوں پر اٹھائے پھرتے‬ ‫تھے۔ بڑے لڑکے نے اپنا تقریبا نیا جوڑا مجھے دے دیا۔‬ ‫گھر والی میری چائے پانی کا خیال کرنے لگی۔ میمو‬ ‫ٹھگنی کی طرح شہد سے بڑھ کر میٹھی ہو گئی۔ میں ان‬ ‫کی ان اداؤں کو سمجھ رہا تھا۔ میں نے انہیں اپنا پلو نہ‬ ‫پکڑایا اور گانٹھ کا پکا رہا۔‬

‫‪340‬‬ ‫گاؤں میں ہزار کا کھلا مل جانا ممکن نہ تھا۔ سوچا کرم‬ ‫الہی ہی سے کہتا ہوں کہ اس کا کھلا کروا دو۔ پھر سوچ‬ ‫گزرا کہیں اتنا بڑا نوٹ اس کی نیت ہی خراب نہ کر دے۔‬‫میں نے چار کوس کا سفر طے کرنا مناسب جانا۔ بازار آ کر‬ ‫کھلا کروایا اور کھلے پر گرفت کرکے اکیلے میں اسے گنا‬ ‫تو اس میں سے بیس کم تھے۔ مجھے بڑا افسوس ہوا کہ‬‫شحص کے اندر بددیانتی کس طرح گھر کیے ہوئے ہے۔ اب‬ ‫وہ ہزار کا نوٹ نہیں نو سو اسی تھے۔ پھر مجھے خود‬ ‫اپنے اندر کی بددیانتی کا احساس ہوا کہ یار بلا مانگے‬ ‫دینے والا واپس کیوں لے گا‪ ،‬کیسے ہیں ہم لوگ جو‬‫اوروں پر تو انگلی رکھتے ہیں لیکن اپنے گریبان میں نہیں‬‫جھانکتے۔ شاید مفلسی و ناداری شخص کے سوچ کو گھٹیا‬ ‫بنا دیتی ہے۔‬ ‫میں ان میں سے تھوڑے تھوڑے کرکے استعمال میں لاتا‬ ‫رہا۔ ایک دن گنتی کی تو معلوم ہوا کہ وہ سات سو اسی‬ ‫روپیے تھے۔ میں دیر تک غور کرتا رہا کہ ہزار کے نوٹ‬ ‫کی یہ اوقات ہے کہ اپنی حالت برقرار نہیں رکھ سکا۔ اس‬ ‫ہزار کے لیے سب میری عزت کر رہے تھے اور اس کے‬‫نہ ہونے کے سبب مجھے کتے سے بھی برتر سمجھ رہے‬

‫‪341‬‬ ‫تھے۔ میں نے بقیہ رقم رشتے سے بڑھ کر نوٹ کی عزت‬‫کرنے والوں میں تقسیم کر دی اور خود مسجد میں ظہر کی‬ ‫نماز ادا کرنے چلا گیا۔‬ ‫میں نے سوچا جو اللہ ماں کے پیٹ میں رزق فراہم کرتا‬ ‫مجھے کرتا ہی رہے گا۔ اللہ کو بھول کر نوٹ کے پجاریوں‬ ‫کی گرہ پر کیوں اعتماد کروں۔ اس بات کو دو سال ہو گئے‬‫ہیں یقین مانیں کبھی فاقہ سے نہیں سویا۔ کہیں ناکہیں سے‬ ‫میسر آ ہی رہا ہے۔‬

‫‪342‬‬ ‫پتنائی مہاورہ‬ ‫منسانہ‬ ‫کچھ بھی جو مہارت میں آ جائے اس کا روایت بن جانا‬ ‫فطری سی بات ہوتی ہے۔ روایت ایک شخص تک محدود‬ ‫نہیں رہتی۔ ایک سے دوسرا دوسرے سے تیسرا اور پھر‬ ‫اس کا سماج گیر ہو جانا اور اگلی نسلوں کو منتقل ہونا‬ ‫فطری عمل ہے۔ یہ الگ بات ہے کہ مختلف امرجہ میں اس‬ ‫کی ہیتی اور معنوی صورت بدل جاتی ہے۔ آتے وقتوں میں‬ ‫بھی وہ رواج میں رہتا ہے۔ یہ الگ بات ہے کہ وہ ویسا‬ ‫نہیں رہ پاتا جیسا ابتدا میں تھا۔‬ ‫تکیہ ء کلام بھی اگر رواج میں آ جائے تو اسے محاورے‪-‬‬ ‫مہاورے کا درجہ حاصل ہو جاتا ہے۔‬ ‫اسی طرح الگ سے کہی ہوئی بات بھی مہاورہ بن جاتی‬ ‫ہے یا بن سکتی ہے‘ جیسے‬ ‫کون جیتا ہے تیری زلف کے سر ہونے تک‬

‫‪343‬‬ ‫زلف کا سر ہونا‪ :‬مہاورہ نہیں غالب کی اختراع ہے لیکن‬ ‫اسے مہاورے کا درجہ حاصل ہو چکا ہے۔‬‫یہ ہی صورت ایجادات و تخلیقات کی ہے۔ مارکونی کا ریڈیو‬ ‫کہاں سے کہاں تک جا پہنچا۔ آج اس کے بانی کا کوئی نام‬ ‫تک نہیں جانتا یا مار کونی کسی کو یاد تک نہیں۔‬ ‫داستانی ادب میں دیکھیے کس طرح سے تبدیلی آئی۔ ناول‬ ‫افسانہ منی افسانہ نظمانہ منظومہ منسانہ شغلانہ وغیرہ‬ ‫اسی کی ترقی یافتہ صورتیں ہیں۔‬ ‫ہائے میں مر جاں‘ ماں صدقے جائے‘ کتی دیا پترا وغیرہ‬‫صدیوں سے چلے آتے‘ زنانہ مہاورے ہیں۔ کتی دیا پترا کو‬ ‫گلی میں مختلف اشکال ملی ہیں۔ ہاں البتہ باقی دو محض‬‫شخصی اور تقریبا ہر ماں خاتون کے تکیہءکلام تک محدود‬ ‫رہے ہیں۔‬ ‫بھاگ پری بچوں کے حوالہ سے اس قسم کی بولیاں بولتی‬ ‫چلی آتی ہے۔ ایک دن مجھے خیال گزرا گلی میں خاتونی‬ ‫تکیہ کلام کو گھر میں بھی رواج دیا جائے۔ میں تاڑ میں‬ ‫رہا کہ کب لڑکا یا لڑکی کوئی شرارت کرتی ہے تو اسے‬ ‫کتی دیا پترا یا کتی دیئے دھیے کہتا ہوں۔ ایک بار بلا‬

‫‪344‬‬ ‫ردعمل معاملہ ہو گیا تو اسے تکیہءکلام بنانا چنداں مشکل‬ ‫نہ ہو گا۔‬‫میری خواہش تھی کہ لڑکا ہی ٹارگٹ میں آئے کیوں کہ میں‬‫نے اپنی بچیوں کو کبھی کچھ نہیں کہا۔ پتا نہیں کیسا نصیبا‬ ‫ہو۔ ماں باپ کے گھر میں ہی سکھ سکون ملتا آیا ہے۔‬ ‫میری خواہش پوری ہوئی منجھلا ہی گرفت میں آیا اور‬ ‫خاتونی مہاورے کے گھر میں رواج پانے کی خواہش کا‬‫تلخ تجربہ ہوا۔ وہ شرارتیں کرتا ہوا اچھل کود رہا تھا کہ گر‬ ‫گیا۔ بری چوٹ آئی۔ میں پھرتی سے اٹھا۔ خیال گزرا موقع‬ ‫ہے مہاورہ آزمایا اور اس کا ردعمل دیکھا جائے۔ میں نے‬ ‫اٹھتے ہی اسے کتی دیا پترا دیکھتے نہیں ہو چوٹ آ گئی‬ ‫ہے‘ کہا۔ یقین مانیے میں نے چور آنکھ سے بھی بھاگ‬ ‫پری کی طرف نہ دیکھا۔‬ ‫جب کوئی بچہ گر جاتا اس کا بھی ردعمل یہ ہی ہوتا تھا۔‬‫میں نے کوئی الگ سے نہ کیا تھا۔ بچہ برابر روئے جا رہا‬ ‫تھا۔ اس کو پوچھنے اور دیکھنے کی بجائے مجھ پر برس‬ ‫پڑی کہ اب میں کتی ہو گئی ہوں۔ میں ہی زیادہ بولتی ہوں۔‬ ‫تمہارا ماں کم بولتی ہے۔ تمہاری بہن کی تو گز پھر زبان‬ ‫ہے۔ انہیں تو تم نے کبھی کتی نہیں کہا۔ دیر تک بلاتھکان‬

‫‪345‬‬‫بولتی رہی اور میں بھ بھیڑ بنا بیٹھا رہا۔ کچھ میں بھی کہتا‬ ‫تو سارا دن بنے تھا۔‬ ‫پھر اس نے برقعہ اوڑھا اور میکے جانے کے لیے اٹھ‬ ‫کھڑی ہوئی۔ میں نے بڑی منت سماجت کی لیکن وہ نہ‬ ‫مانی۔ آخر وہ جا کر رہی۔ آج اس کو گئے بیس دن ہو گئے‬ ‫ہیں۔ دو بار لینے گیا ہوں لیکن وہ نہ آئی۔‬ ‫اب صبح سویرے اٹھتا ہوں بچوں کو اسکول کے لیے تیار‬ ‫کرتا ہوں۔ انہیں رخصت کرکے دوکان پر بیٹھ جاتا ہوں۔‬‫بچے اسکول سے سیدھے دوکان پر آ جاتے ہیں۔ انہیں لے‬ ‫کر گھر آ جاتا ہوں۔ ان کے ناشتے پانی کا بندوبست کرتا‬ ‫ہوں۔ گویا بھاگ پری کی ذمہ داری بھی اچھی بری مجھے‬ ‫ہی نبھانا پڑ رہی ہے۔‬ ‫ایک بار اس نے کہا تھا میں چلی گئی تو ہی تمہیں میری‬ ‫قدر پڑے گی۔ اس کے جانے سے میری جیب اور کان‬ ‫سکھی ہیں لیکن لیبر کے اضافے نے تھوڑا نہیں کافی‬‫پریشان کر رکھا ہے۔ اس تجربے کی بنا پر میں یہ کہتا ہوں‬‫کہ پتنائی مہاورے کو گھر میں رواج دینے کی بجائے ان کا‬ ‫پتنی تک محدود رہنا ہی گھریلو لیبریائی حیات سے بچا‬ ‫سکتا ہے۔‬

‫‪346‬‬ ‫سوچا تھا اگر برداشت کر گئی تو اس کے بولنے پر یا دن‬‫بھر کی تھکن ان مہاوروں کے استعمال سے کچھ ناکچھ تو‬ ‫کم کرنے میں آسانی ہو جائے گی۔ یہ بھی ایک طرح سے‬‫میری تھکن اور غصے کا کتھارس‪-‬انشراع ہوتا۔ مگر ایسی‬‫قسمت کہاں کہ میری خواہش کو بھی تکمیل کا مزا مل جاتا۔‬ ‫اب مجھے کیا پتا تھا کہ میں دانستہ اپنے کلہاڑی مار رہا‬ ‫ہوں۔ اس کا عمل کتنا دوہرا تھا کہ اپنے ہی عمومی کہے‬ ‫گئے کے دہرانے کو گل سے لل ‪ ١‬بنانے پر اتر آئی تھی۔‬ ‫۔۔۔۔۔۔۔۔۔‬ ‫گل بات ‪١-‬‬ ‫لل لیلا سے‘ داستان کہانی‪ -‬پھیلاؤ‬

‫‪347‬‬ ‫کچھ ہی دور‬ ‫لوکانہ‬ ‫کرداری اعتبار سے بلاشبہ وہ بےمثال تھی۔ اب تو وہ ادھ‬ ‫کھڑ تھی لیکن جوانی میں بھی کبھی کسی نے اس کے‬‫متعلق کوئی غلط بات نہ سنی تھی۔ جوان تھی خوب صورت‬ ‫تھی ہر لباس اس پر جچ جاتا تھا۔ ناز نخرا ادائیں سب کچھ‬ ‫تھا لیکن کسی کو اس کی جانب نظر اٹھانے کی جرآت نہ‬ ‫ہوتی تھی۔ برے کا اس کی قبر تک پیچھا کرتی تھی۔ غصہ‬ ‫کی اس وقت بھی سور‪ ١‬تھی۔ اب تو خیر تجربہ کار تھی۔‬ ‫منٹ سکنٹ میں لال پیلی ہو جاتی۔ میاں اور اس کے رشتہ‬ ‫دار ایک طرف ہم سایہ کی عورتیں بھی اس کے سامنے‬ ‫کسکتی نہ تھی۔ میدان کی بڑی بڑی یودھا اس کے سامنے‬ ‫ڈھیر ہو جاتی تھیں۔‬ ‫کوئی مان نہیں سکتا تھا کہ وہ بھی مر جائے گی۔ اس کا‬ ‫سامنا کرتے موت کا فرشتہ بھی کانپ کانپ جائے گا۔ بڑی‬ ‫حیرت کی بات تھی کہ موت کا فرشتہ اس کی جان لے ہی‬ ‫گیا۔ اچھی بھلی تھی۔ باتیں کر رہی تھی۔ صبح ہی اس نے‬

‫‪348‬‬ ‫خاتون میدان خالہ کرامتے کی بس بس کرا دی تھی۔ سارا‬‫دن یہ ہی موضوع زیر گفت گو رہا۔ سب حیران تھے کہ اس‬ ‫نے خالہ کرامتے کو بھی میدان میں چت کر دیا۔ زہے‬ ‫افسوس موت کا فرشتہ میدان مر گیا۔ یہ ایک کرشمہ تھا‬ ‫جو ہو گیا۔‬ ‫اس کا سفر آخرت شروع ہوا۔ جنازہ میں توقع سے زیادہ‬ ‫لوگ شامل تھے۔ ہر کسی کے منہ سے اس کے لیے اچھا‬ ‫ہی کلمہ نکل رہا۔ اس کے کردار کی ہر کسی کے منہ میں‬ ‫ستائش تھی۔ جنازے کی روانگی میں حسب روایت بڑی‬ ‫سرعت تھی۔ اچانک ارتھی کھمبے سے تکرائی۔ کندھا‬ ‫دینے والوں نے نیچے تو نہ گرنے دی لیکن ایک اچھا‬ ‫خاصا جھٹکا ضرور لگا کہ میت کا انجر پنجر ہل گیا۔ میت‬ ‫اٹھ کر بیٹھ گئی۔ سب حیرت میں ڈوب گئے کہ موت کی‬‫تصدیق تو ڈاکٹر نے بھی کر دی تھی۔ عالم برزخ تک جاتے‬ ‫دھائی کے یدھ ہوئے ہوں گے۔ وہ سب کو پچھاڑ کر واپس‬‫لوٹ آئی تھی۔ بڑے بڑے وجیتا رہے ہوں گے لیکن اس سا‬ ‫وجئی شاید ہی کوئی رہا ہو گا۔‬ ‫اب وہ پہلے سی نہ تھی۔ کوئی کچھ کہتا تو زیادہ تر‬‫خاموش رہتی۔ پہلے کی طرح مرنے مارنے پر نہ اترتی۔ یہ‬

‫‪349‬‬ ‫بہت بڑی تبدیلی تھی۔ اس کی اس تبدیلی پر سب حیران‬ ‫تھے۔ اس سے جب کوئی اس عارضی موت کے متعلق‬ ‫پوچھتا تو وہ منہ کھولنے سے زیادہ کچھ نہ کر پاتی۔‬ ‫خدائی راز ہوں گے جو کہے نہ جا سکتے ہوں گے۔‬ ‫اس حادثے کے بعد وہ چار سال زندہ رہی۔ نماز روزہ کی‬ ‫پابند ہو گئی۔ اچھے منہ بولتی ہاں البتہ کام کاج سے موڑ‬‫گئی۔ سارا دن بیٹھی رہتی گویا پکی پکائی کی طالب ہو گئی۔‬ ‫پہلے اس کی زبان سے گھر اور باہر کے چالو تھے۔ اب‬‫باہر کسی خاتون کو اس سے کوئی شکایت نہ تھی ہاں گھر‬ ‫کے لوگ اس کے نکمےپن سے اکتا اور تھک سے گئے‬ ‫تھے۔ وہ ان کے لیے لایعنی سی ہو گئی تھی۔‬ ‫پھر ایک دن اللہ کو پیاری ہو گئی۔ محلہ کے لوگ ان کے‬ ‫ہاں بڑھے چلے آئے۔ گھر کے لوگ پہلی مرتبہ کی طرح‬ ‫جعلی رونا دھونا کر رہے تھے۔ آخر آخری آرام گاہ کی‬ ‫طرف سفر شروع ہو گیا۔ ہر کوئی جانتا تھا کہ اب وہ موت‬ ‫کے فرشتے سے جنگ نہیں کرے گی۔ اب اس کی واپسی‬ ‫نہیں ہو سکے گی۔ کھبے سے کچھ ہی دور سے اس کے‬ ‫‪:‬خاوند نے چلانا شروع کر دیا‬

‫‪350‬‬ ‫پہا جی کھمبا بچا کے ۔۔۔۔ پہا جی کھمبا بچا کے۔۔۔۔۔ پہا جی‬ ‫کھمبا بچا کے‬ ‫کھمبا خیر خیریت سے گزرا تو اس کی زبان منہ میں پڑی۔‬ ‫یہ بات سب کے لیے حیرت کی تھی کی اب وہ یدھا نہ رہی‬ ‫تھی۔ وہ پہلے کی سی تھی ہی نہیں پھر اس کا خاوند کیوں‬ ‫مسلسل چلائے جا رہا تھا پہا جی کمبا بچا کے۔ شاید اسے‬‫اب بھی شک تھا کہ مرنے والی کا اس موقع پر پرانا جوش‬ ‫و جذبہ بیدار نہ ہو جائے۔‬ ‫اسے آسودہءخاک ہوئے آج ایک عرصہ ہو گیا ہے لیکن‬‫لوگ اس واقعہ کو اب تک نہیں بھلا سکے۔ کبھی کبھار اس‬ ‫واقعہ کا ذکر کہیں ناکہیں ہو ہی جاتا ہے۔‬ ‫۔۔۔۔۔۔۔۔۔۔۔‬ ‫زبردست‘ بہادر ‪١-‬‬