ایک سو ایک لوکانے منسانے شغلانے اور منظومے

‫‪51‬‬ ‫آئندہ کے لیے‬ ‫بہت اعلی درجے کی چیزیں میسر ہوں‘ لیکن آدمی کا بسا اوقات‬ ‫ان سے کم تر درجے کی چیز کھانے کو جی چاہنے لگتا ہے۔‬‫ایک مرتبہ‘ اس کے ساتھ بھی کچھ ایسی ہی صورت گزری۔ سب‬‫کچھ میسر تھا‘ لیکن مولی کھانے کے لیے‘ اس کی طبیعت مچل‬ ‫مچل گئی۔ پھر وہ سبزی منڈی کی طرف بڑھ گیا۔‬ ‫منڈی کے دروازے سے ایک بابا جی‘ جنہوں نے اپنے کندھے‬ ‫پر‘ مولیوں کا گٹھا اٹھا رکھا تھا‘ نکلے۔ اس میں سے ایک‬ ‫مولی نکلی اور نیچے گر گئی۔ اس نے نیچے سے مولی اتھائی‬ ‫اور بابا جی کو دینے کی غرض سے آگے بڑھا۔ جب اس نے‬ ‫آواز دی تو بابا جی نے مڑ کر دیکھا۔ جب بابا جی نے مڑ کر‬‫دیکھا‘ تو اس نے مولی ان کی جانب بڑھاتے ہوئے کہا‪ :‬بابا جی‬ ‫یہ مولی گر گئی تھی‘ لے لیں۔ وہ مسکرائے اور کہا‪ :‬تم لے لو۔‬ ‫یہ کہہ کر وہ آگے بڑھ گیے۔‬ ‫پہلے تو اس نے غور نہ کیا‘ اس کے بعد اس نے غور کیا کہ‬ ‫مولیوں کا گٹھا‘ اس انداز سے بندھا تھا کہ مزید مولیاں گرنے‬‫کا قوی امکان تھا۔ پھر وہ چھوٹے قدموں ان کے پیچھے پیچھے‬ ‫چلنے لگا۔ کافی دور تک گیا‘ لیکن مزید کوئی مولی نہ گری۔‬‫اچانک بابا جی نے دوبارہ سے پیچھے مڑ کر دیکھا‘ تو اس نے‬

‫‪52‬‬‫کہا‪ :‬بابا جی میں یہ مولی آپ کو دینے کے لیے‘ آپ کے پیچھے‬ ‫آ رہ تھا۔ یہ سن کر‘ بابا جی نے بڑے غصے سے اس کی جانب‬ ‫دیکھا۔ مولی تو نہ لی‘ لیکن بڑی سنجیدگی سے کہا‪ :‬یاد رکھو‬‫اللہ تمہیں اور تمہاری حاجات کو‘ تم سے زیادہ جانتا ہے اور اس‬ ‫کے مطابق عطا کر دیتا ہے۔ جب بھی‘ موجود میں مزید کا طمع‬ ‫کرو گے‘ پہلے سے بھی ہاتھ دھو بیٹھو گے۔ موجود پر اللہ کا‬ ‫شکر ادا کرو‘ تا کہ وہ تمہیں تمہاری ضرورت کے مطابق عطا‬ ‫فرماتا رہے۔‬ ‫اسے اپنی حرکت پر سخت شرمندگی ہوئی‘ لیکن آئندہ کے لیے‬ ‫کان ہو گئے۔‬ ‫محترم ڈاکٹر مقصود حسنی صاحب السلام علیکم‬ ‫مختصر‪ ،‬پُرمغز‪ ،‬سبق آموز‪ ،‬فکر کا مواد لئے یہ افسانہ بہت‬‫اچھا لگا۔ خاص کر یہ ہماری دو ِر حاضر کی \" اشرافیہ\" کے منہ‬ ‫پر طمانچہ نہیں بلکہ تپنچہ ہے لیکن اگر اشرافیہ ڈھیٹ ہو ‪ ،‬جو‬ ‫ہے ‪ ،‬بڑے بڑے توپ بھی بےکار ہیں۔‬

‫‪53‬‬ ‫ڈاکٹر صاحب‬ ‫معاشرہ کو آئینہ دکھانا آپ کا کام ہے اسی احسن طریقہ سے‬ ‫نباہتے رہئے۔‬ ‫سدا سلامت رہیں اور قلم کا پاس کرتے رہیں۔‬ ‫والسلام‬ ‫طال ِب دعا‬ ‫کفیل آحمد‬ ‫‪http://www.bazm.urduanjuman.com/index.php?topic=10463.0‬‬

‫‪54‬‬ ‫منہ سے نکلی‬ ‫جب بھی کوئی بچہ گر جاتا یا اسے کسی اور وجہ سے چوٹ آ‬ ‫جاتی‘ فتو کے منہ سے بےساختہ نکل جاتا‪ :‬ہائے تیری ماں‬ ‫مرے۔‬ ‫یہ فتو کے نہیں‘ ممتا کے منہ نکلی آواز ہوتی اور اس میں درد‬ ‫بھی ہوتا۔ ماں بےشک ماں ہوتی ہے اور دنیا میں اس کا کوئی‬ ‫متبادل رشتہ موجود نہیں۔ اس قسم کی مادرانہ شفقت‘ میں اپنی‬ ‫ماں کے ہاں بھی دیکھتا اور سنتا آرہا ہوں۔ تب ہی تو تکلیف‬ ‫میں بےساختہ منہ سے ہائے ماں نکل‬ ‫جاتا ہے۔‬ ‫ایک بار میں بیمار پڑا۔ فتو میرا سر دبا رہی تھی۔ تکلیف میں‬ ‫شدت ہوئی تو میرے منہ سے ہائے ماں نکل گیا۔ فتو نے وہیں‬ ‫ہاتھ روک لیے اور غصہ سے اپنی چارپائی پر جا کر لیٹ گئی۔‬‫میں نے اس کی طرف دیکھا اور کہا‪ :‬کیا ہوا‘ کیوں روٹھ کر چلی‬ ‫گئی ہو۔ دیکھ تو رہی ہو کہ میں تکلیف میں ہوں۔‬ ‫بڑی غصیلی آواز میں کہنے لگی‪ :‬دبا میں رہی ہوں‘ یاد ماں کو‬ ‫کرتے ہو۔ جاؤ اسی سے دبوا لو۔‬

‫‪55‬‬‫اس کی بات میں دم تھا اور میں شرمندہ سا ہو گیا۔ کافی دیر تک‬ ‫من من کرتا رہا لیکن اس پر کوئی اثر نہ ہوا۔ منہ سے نکلی‬ ‫کیسے منہ میں جا سکتی تھی۔ آئندہ سے اس کا نام لینے کا‬ ‫وعدہ بھی کیا حالاں کہ یہ بس سے باہر کی چیز تھی۔‬ ‫اس روز چھوٹی کاکی گر پڑی مجھے دکھ ہوا۔ میں تیزی سے‬ ‫اس کی جانب بڑا۔ میری پدرتا پورے پہار کے ساتھ جاگی۔ سابقہ‬ ‫تجربے کے تابع‘ میں نے منہ سے ہائے تیری ماں مرے نکالا۔‬ ‫اپنی اصل میں یہ مادرتا کی قدر کرنے کے مترادف تھا۔‬ ‫وہ کاکی کا دکھ تو بول گئی اور دونوں پاؤں سمیت مجھ پر چڑھ‬ ‫دوڑی۔ ہاں ہاں تم تو چاہتے کہ میں مر جاؤں‪ ،‬میں بڑے دنوں‬ ‫سے تمہارے بدلے بدلے تیور دیکھ رہی ہوں۔ تم تو ہو ہی‬ ‫ناشکرے۔ جتنا کرو یہاں اس کیے کی کوئی وٹک نہیں۔‬ ‫یہ کہہ کر بھائی کے گھر روٹھ کر جانے کے لیے تیار ہونے‬ ‫لگی۔ میں نے قسم کھا کر اس پر اصل حقیقت واضح کرنے کی‬ ‫کوشش کی‪ ،‬مگر کہاں جی خلاصی نہیں کر رہی تھی۔‬ ‫مانتا ہوں میرے کہے میں سو فی صد دانستگی تھی۔ دس بیس‬ ‫پرسنٹ خواہش بھی تھی لیکن خواہش سو فی صد نہ تھی۔‬ ‫دوسرا میرے کہے پر وہ مر تھوڑا جاتی۔ اگر ایسا ہوتا تو دنیا‬ ‫میں کوئی عورت باقی نہ رہتی۔ اس کے منہ سے سیکڑوں بار‬ ‫ہائے تیری ماں مرے نکلا لیکن وہ ایک بار بھی نہ مری تھی۔‬

‫‪56‬‬‫کچھ باتیں کہنے کی ہوتی ہیں لیکن ہونے کا اس سے کوئی تعلق‬ ‫واسطہ نہیں ہوتا۔‬ ‫خیر چھوڑیے مجھے اپنی اس دانستگی کی بڑی کڑی سزا ملی۔‬ ‫منتیں ترلے تو کیے ہی‘ کانوں کو ہاتھ لگانا پڑے‘ ساتھ میں پلا‬ ‫بھی جھاڑنا پڑا۔‬

‫‪57‬‬ ‫عزیز مکرم حسنی صاحب‪ :‬سلام مسنون‬ ‫آپ کے یہ مختصر لیکن معنی آفریں انشائیے دلچسپ اور سبق‬ ‫آموز ہوتے ہیں باہر لوگ ان کو بہت شوق سے پڑھتے ہیں۔‬ ‫افسوس کہ ہر شخص (بشمول راقم الحروف) ہر انشائیے پر‬ ‫اظہار خیال نہیں کرتا ہے اور شاید کر بھی نہیں سکتا۔ میری‬ ‫ناچیز داد حاضر ہے۔ اللہ آپ کو نوازے‬ ‫آپ کی موجودگی ہمارے لئے باعث مسرت وافتخار ہے۔ اور‬ ‫اردو انجمن اس عنایت کے لئے آپ کی ممنون احسان ہے۔ یقین‬ ‫ہے کہ اپ اسی طرح ہماری ہمت افزائی کرتے رہیں گے۔‬ ‫ایک گزارش ہے۔ آپ لکھتے رہتے ہیں لیکن دوسروں کی‬ ‫تخلیقات پر کبھی اظہار خیال نہیں کرتےہیں۔ آپ کی اعانت اور‬ ‫رہنمائی اور گاہےگاہے داد کی ہم سب کو ضرورت ہے۔ خدا را‬ ‫دوسروں پر بھی لکھئے اورصرف رسمی ستائش نہیں بلکہ‬ ‫ناقدانہ نگاہ ڈالئے۔ بڑی عنایت ہوگی۔ شکریہ‬ ‫سرور راز‬ ‫‪http://www.bazm.urduanjuman.com/index.php?topic=10464.0‬‬

‫‪58‬‬ ‫یک مشت‬ ‫شہاب دین سارا دن دفتر میں صاحب کی چاکری کرتا۔ وہاں سے‬ ‫ایک مل مالک کے گھر جاتا۔ ان کا سودا سلف لاتا یا کوئی اور‬‫کام ہوتا تو وہ انجام دیتا۔ کبھی آٹھ بجے تو کبھی دس بجے وہاں‬‫سے خلاصی پاتا تو گھر آتا۔ اس وقت اس کا جسم ٹوٹ پھوٹ سا‬‫گیا ہوتا اور اسے آرام کی اشد ضرورت ہوتی۔ مگر کہاں‘ گھر آتا‬ ‫تو کوئی ناکوئی گھریلو رپھڑ اس کا انتظار کر رہا ہوتا۔ اسے‬‫نپٹانے میں اچھا خاصا وقت اٹھ جاتا۔ گھر والی اس سے بےنیاز‬ ‫تھی کہ وہ سارا دن کتنی مشقت اٹھاتا ہے۔ گھر کی دال روٹی‬ ‫چلانے کے لیے اسے کتنے پاپڑ بیلنا پڑتے ہیں۔‬ ‫اس روز بھی کچھ ایسا ہی ہوا۔ اس نے گھر کی دہلیز پر قدم‬‫رکھا ہی تھا کہ زکو اپنے دانت درد کا سیاپا لے کر بیٹھ گئی۔ اس‬ ‫نے بڑے تحمل سے کہا۔ کاکے کو ساتھ لے کر ڈاکٹر سے دوا‬ ‫لے آنا تھی۔ ابھی ایک پیراسیٹامول کی گولی لے لو اور ساتھ‬‫میں اچھی طرح حکیم صاحب والا منجن کر لو۔ مجھے کھانے کو‬ ‫کچھ دو سخت بھوک لگی ہوئی ہے۔ تمہیں کھانے کی پڑی ہے‬ ‫ادھر میں درد سے مر رہی ہوں۔ وہ بڑ بڑ کرتا ہوا صبر شکر‬ ‫کرکے بھوکا ہی چارپائی پر لیٹ گیا۔ تھکا ہوا تھا سخت بھوک‬ ‫کے باوجود نیند نے اس کو اپنی گرفت میں لے لیا۔ چوں کہ‬

‫‪59‬‬ ‫پیشاب کرکے نہیں سویا تھا اس لیے اسے آدھی رات کو اٹھنا‬‫پڑا۔ زکو گہری نیند سو رہی تھی لہذا اس نے اسے جگانا مناسب‬ ‫نہ سمجھا اور دوبارہ آ کر لیٹ گیا۔‬ ‫صبح ٹھیک ٹھاک اٹھی بچوں کو کھلا پلا کر سکول بھیج دیا۔‬ ‫پھر خود بھی پیٹ بھر کر کھایا۔ وہ بھی اتنی دیر میں کام پر‬ ‫جانے کے لیے تیار ہو گیا۔ ناشتہ پانی دینے کی بجائے دانت کا‬ ‫درد لے کر بیٹھ گئی۔ کہنے لگی ساری رات درد سے سو نہیں‬ ‫حالاں کہ وہ خراٹے بھری نیند سوئی تھی۔ وہ خود ہی ‘سکی‬ ‫رسوئی میں گھس گیا۔ بھوک نے اسے نڈل کر دیا‘ جو ہاتھ لگا‬‫کھا لیا۔ وہ متواتر بولے جا رہی تھی۔ اس نے کام پر جاتے ہوئے‬ ‫کہا‪ :‬ڈاکٹر کے پاس جا کر دوائی لے آنا۔ دانت کا درد سخت‬ ‫تکلیف دیتا ہے۔ پیسے تمہارے پاس ہیں ہی۔ اس کے بعد کوئی‬ ‫جواب سنے بغیر کام پر چلا گیا۔ اسے زکو کی اس حرکت پر‬‫کوئی غصہ نہ آیا‘ کیوں کہ یہ کوئی نئی بات نہ تھی روز کا رونا‬ ‫تھا۔‬ ‫رات کو جب گھر لوٹا تو اس نے پوچھا‪ :‬دوا لائی ہو۔‬ ‫دانت میں سخت درد ہو رہا ہے۔ ‘اس نے جوابا کہا‪ :‬نہیں لائی‬ ‫لانا تھی۔ خواہ مخواہ درد برداشت کر رہی ہو۔ ‘کیوں نہیں لائی‬ ‫لگتا ہے دانت نکلوانا پڑے گا۔‬

‫‪60‬‬‫کیوں نکلواتی ہو‘ دانت دوبارہ تو نہیں اگے گا۔ کھانے پینے میں‬ ‫دشواری ہو گی۔‬ ‫باطنی طور پر وہ چاہتا تھا کہ نکلوا ہی لے چلو چار دن تو اس‬ ‫کے منہ کو چپ لگے گی۔ پھر وہ اس سے جعلی ہم دردانہ بحث‬ ‫کرتا رہا۔ اسے معلوم تھا کہ جس کام سے وہ منع کرئے گا زکو‬‫وہ کام کرکے ہی رہے گی۔ کافی دیر بحث کرنے کے بعد اس نے‬ ‫کہا چلو جس طرح مناسب سمجھتی ہو‘ کر لو۔‬ ‫اچھا تو کل میں گاؤں جاتی ہوں وہاں سے دانت نکلواتی ہوں۔‬ ‫ہمارے گاؤں کا ڈاکٹر بڑا سیانا ہے۔‬‫دلی طور پر وہ چاہتا تھا کہ چلی ہی جائے چار دن تو سکون کے‬ ‫کٹیں گے۔ دانت نکلوا کر آئے گی تو بھی دو ایک دن اس کے‬ ‫منہ کو سکون رہے گا۔‬ ‫اس نے کہا‪ :‬شہر چھوڑ کر گاؤں جاتی ہو۔۔۔۔ نہیں نہیں یہاں ہی‬ ‫سے نکلوا لو یا ڈاکٹر کو دیکھا لو جو مشورہ دے گا کر لینا۔‬ ‫اسے دوبارہ سے ناٹک کرنا پڑا۔ وہ گاؤں جانے پر اڑی رہی۔‬ ‫پھر اس نے کہا اچھا جیسے تمہاری مرضی کر لو۔‬ ‫وہ اپنی جیت پر خوش تھی۔ حالاں کہ جیت اسی کی ہوا کرتی‬ ‫تھی۔ اگلے دن صبح صبح ہی وہ گاؤں جانے کے لیے بچوں‬‫سمیت تیار ہو گئی۔ کام پر جاتے ہوئے اس نے کہا گھر کی چابی‬

‫‪61‬‬ ‫خالہ رحمتے کو دے دینا۔‬ ‫زکو گاؤں میں پورا ہفتہ گزار کر آئی۔ اس نے گھر آتے ہی اس‬‫سے دانت کے متعلق پوچھا۔ تمہیں اس سے کیا۔ تم کون سا میرا‬ ‫پوچھنے گاؤں آ گئے تھے۔ اس نے ہفتہ عیش اور مرضی کا‬‫گزرا تھا۔ دانت اس نے نکلوایا یا نہیں نکلوایا وہ یہ نہ جان سکا‬‫ہاں البتہ اس نے اس کی کوتاہی کی پاداش میں ہفتہ بھر کی یک‬ ‫مشت کسر نکال دی اور اسے چوں تک کرنے کا موقع فراہم نہ‬ ‫کیا۔‬ ‫‪………………..‬‬

‫‪62‬‬ ‫دیگچہ تہی دامن تھا‬ ‫بہت پہلے کی ناسہی لیکن اتنا ضرور طے ہے کہ یہ بات پہلے‬ ‫کی ہے۔ اب کہ دو نمبری کے لیے اتنی مشقت نہیں اٹھانا پڑتی۔‬ ‫دو نمبری کا سامان سامی خود اپنے ہاتھ سے فراہم کرتی ہے۔‬ ‫ہاں یہ بات حتمی طور پر نہیں کہی جا سکتی کہ دو نمبری کے‬ ‫لیے دو نمبر کا سامان فراہم کیا جاتا ہے۔ یہ بھی کہ چھین لینے‬ ‫کا رواج عام ہو گیا ہے۔ ہتھیار آکڑ خان کے لیے اٹھانا پڑتا ہے‬‫ورنہ قدرے شریف کو آنکھیں دیکھا کر اس کی گرہ صاف کر لی‬ ‫جاتی ہے۔ اسی طرح قدرے شریف‘ شریف سے اونچی یا گلا‬ ‫پھاڑ آواز سے کام لے کر اس کی گرہ خالی کرنے کا ڈھنگ‬ ‫خوب خوب جانتا ہے۔‬ ‫اس روز ان چاروں کو کافی مشقت سے کام لینا پڑا تب جا کر‬ ‫ڈوموں کی مرغی ہاتھ لگی۔ مرغی پلی پلائی نفیس اور بڑی‬ ‫نخرے والی تھی۔ جھانسہ دینے میں بھی بڑی طاق تھی۔ ادھر‬‫سے ادھر اور ادھر سے ادھر آنے جانے میں اسے ملکہ حاصل‬ ‫تھا۔ وہ بھی ہٹ کے پکے تھے۔ ان کا روز کا کام تھا کیسے بچ‬ ‫کر نکل جاتی۔ ساتھ کے گاؤں کے مولوی صاحب سے تکبیر‬ ‫پڑھائی اور اسے ڈکرے ڈکرے کرکے دیگچے کے حوالے کر‬ ‫دیا۔ پکنے کے بعد حسب معاہدہ چوتھائی مولوی صاحب کی‬

‫‪63‬‬ ‫خدمت میں نذرانہ پیش کر دیا۔ یہ ان کا یقینا بہت بڑا احسان تھا‬ ‫وہ حرام کو حلال میں تبدیل کرنے میں کلیدی کردار ادا کرتے آ‬ ‫رہے تھے تاہم حلال کو حرام قرار دینا بھی ان کے لیے قطعا‬ ‫دشوار نہ تھا۔‬‫کھانے لگے تو انہیں ایک انوکھا طور سوجھا۔ ان میں سے ایک‬ ‫کہنے لگا۔ اس پکوان کو کل صبح وہ کھائے جو سب سے اچھا‬ ‫اور بڑھیا خواب دیکھے۔ یہ تجویز سب کو بھائی۔ پھر وہ آرام‬ ‫اور سکون کی نیند سو گئے۔‬ ‫اگلی صبح اٹھے اور اپنا اپنا خواب سنانے لگے۔‬ ‫ایک نے اپنا خواب سنایا کہ وہ ساری رات پیرس کے بازاروں‬ ‫میں پھرا اور خوب خریداری کی۔ پیرس کی نخریلی چھوریوں‬ ‫کے ساتھ آنکھ مٹکا کرتا رہا۔ ایک دو تو اس کی باہوں میں بھی‬ ‫رہیں۔‬‫سب نے واہ واہ کی اور اس کے خواب کی اچھی خاصی داد دی۔‬ ‫دوسرے نے خواب سنایا کہ اسے خواب میں امریکی صدر کی‬ ‫جانب سے امریکہ آنے کی دعوت ملی۔ وہ خوشی خوشی ہوائی‬ ‫جہاز پر بیٹھ کر امریکہ گیا۔ امریکی صدر اور اس کے اعلی‬ ‫عہدےدار ہوائی اڈے پر اس کا استقبال کرنے آئے۔ اس کے بعد‬ ‫وہ امریکی صدر کے ساتھ بھاری پہرے میں امریکہ کی سیر‬ ‫کرتا رہا۔ ایک دو جگہ پر اسے خطاب کرنے کا موقع بھی ملا۔‬

‫‪64‬‬‫خواب کے اچھا نہیں‘ بہت اچھا ہونے میں رائی بھر شک نہ تھا۔‬ ‫زمینی خدا کے ساتھ ہونا اور پھر اتنی عزت ملنا کوئی عام بات‬ ‫نہ تھی۔‬ ‫اب تیسرے کی باری تھی۔ اس نے کہا خواب میں آسمانی گھوڑا‬‫اسے اسمانوں کی سیر کرانے کے لیے آ گیا۔ اس نے دل بھر کر‬‫چاند ستاروں کی سیر کی۔ حوریں اور فرشتے قطار در قطار اس‬ ‫کے ساتھ رہے۔ پھر اس نے جنت کی سیر کی۔ بڑے بڑے‬ ‫بزرگوں سے بھی ملاقات ہوئی۔‬ ‫یہ خواب پہلے دونوں کو کٹ کر رہا تھا۔ پکوان پر اسی کا حق‬ ‫ٹھہرتا تھا۔‬ ‫چوتھے نے کہا یار رات کو میرے ساتھ بڑا دھرو ہو گیا۔ سب‬ ‫پریشان ہو گئے اور یک زبان ہو کر بولے کیوں کیا ہوا۔ بولا یار‬ ‫ہونا کیا تھا میں گہری نیند سو رہا تھا کہ ایک حبشی جس کے‬ ‫ہاتھ میں تیز دھار تلوار تھی۔ اس نے مجھے زور سے‬ ‫جھنجھوڑا۔ میں ڈر کر اٹھ بیٹھا۔ اس نے تلوار دیکھاتے ہوئے‬‫کہا‪ :‬یہ تمہارے دوست ہیں تمہیں یہاں اکیلا چھوڑ کر موج مستی‬ ‫کر رہے ہیں۔ چل اٹھ اور تو مرغی کھا کر دیگچہ خالی کر۔ میں‬ ‫نے جب پس وپیش کی تو اس نے مجھے تلوار دیکھاتے ہوئے‬ ‫کہا اگر نہیں کھائے گا تو تمہارا سر اڑا دوں گا۔ زور دبردستی‬ ‫کے سامنے کب کسی کی چلی ہے‘ مجبورا مجھے سارا دیگچہ‬

‫‪65‬‬ ‫خالی کرنا پڑا۔ یقین مانیں پریشانی اور بدہضمی کے سبب اس‬ ‫کے بعد مجھے نیند نہ آ سکی۔‬‫تینوں جلدی سے دیگچے کی جانب بڑے‘ دیکھا دیگچہ اپنی تہی‬ ‫دامنی پر خون کے آنسو بہا رہا تھا۔‬

‫‪66‬‬ ‫حکم عدولی‬‫زندگی جو جیسی تھی‘ چل رہی تھی۔ ہر کوئی اپنے کام میں مگن‬ ‫تھا۔۔ گریب‘ گربت عسرت بےبسی بےچارگی اور تنگی ترسی‘‬ ‫چودھری بلامشقت عیش وعشرت اور مولوی صاحب مذہبی‬ ‫مسلے مسائل سنا کر چوپڑی کھانے میں مصروف تھے۔ کوئی‬ ‫معاملہ الجھ جاتا تو چودھری کے ڈیرے پر چلا جاتا اور وہاں‬ ‫سے اپنے بندے انصاف لے کر خوشی خوشی اور جیت کے‬ ‫نشے میں گھر لوٹتے۔ کوئی الجھاؤ کی گھمیر صورت نہ تھی۔‬ ‫ہر کسی کا شخصی اسٹیٹس طے تھا۔ صدیوں سے چودھری‬ ‫زمین کا مالک تھا‘ باقی اس کے کامے یا پھر کچھ کمی تھے۔‬‫مراسی باطور ڈاکیا اور ایلچی اپنے فرائض انجام دیتا تھا۔ مولوی‬ ‫صاحب مذہبی امور اپنی مرضی اور اپنے سلیقے سے طے‬ ‫کرتے تھے۔ مائی صاحبہ بچوں کو چار دیواری میں تعلیم دیتی‬ ‫تھیں۔ گویا زندگی سالوں سے ایک ہی ڈگر پر چلی آ رہی تھی۔‬‫چھوٹی موٹی زمینی و سماوی آفاتیں ٹوٹتی رہتی تھیں لوگ اپنی‬ ‫مدد آپ کے تحت ان سے نپٹتے رہتے تھے اور اپنی بسات میں‬ ‫رہتے ہوئے ایک دوسرے کی مدد کرتے۔ کچھ مجبوروں کی‬ ‫مجبوری سے فائدہ بھی اٹھاتے۔ چودھری اپنوں اور جوان‬‫بیٹیوں اور بہنوں والوں کی مدد کرتا۔ باقی لوگوں کو تسلی تشفی‬

‫‪67‬‬‫دیتا۔ اپنے حریفوں یا بدتمیزوں کی مالی اور زبانی خوب لہہ پہہ‬ ‫کرتا۔ مولوی صاحب دعا وغیرہ کرنے کے ساتھ ساتھ لوگوں کو‬ ‫ان کے گناہوں کی یاد دلاتے۔ اکثر فرماتے یہ سب شامت اعمال‬ ‫ہے۔ تمہارے کیے کے جرم میں یہ عذاب اترا ہے۔ توبہ کرو‬ ‫صدقہ خیرات کرو اور اللہ کے گھر کی خوب خدمت کرو تا کہ تم‬ ‫پر آسمان سے آسانیاں نازل ہوں۔‬‫وہ مصیبت یا عذاب سے زیادہ قیامت تھی۔ اس ہڑ کے سبب لوگ‬ ‫پریشانی اور افراتفری میں گھر گئے۔ کچھ سمجھ میں نہیں آ رہا‬ ‫تھا کہ کیا کریں اور کیا نہ کریں۔ لوگوں کو اشیا سے زیادہ جان‬ ‫کی فکر تھی۔ جان بچ گئی تو یہ چیزیں دوبارہ سے بن جائیں‬ ‫گی۔ جان ہی نہ رہی تو چیزوں کو سر میں مارنا ہے۔‬ ‫چودھری کو اپنی پڑی تھی وہ کسی اپنے بندے کی کیا مدد کرتا۔‬ ‫آخر سب جڑ کر مولوی صاحب کے پاس گئے کہ دعا کریں کہ‬ ‫آسمان سے آسانیاں نازل ہوں۔ مولوی صاحب کے اپنے ہاتھوں‬‫کے توتے اڑے ہوئے تھے۔ اس کے باوجود انہوں نے کہا کہ تم‬ ‫سب اللہ کو ماننے والے ہو بسم اللہ شریف پڑھو اور پانی میں‬ ‫قدم رکھو اور اس کی برکت سے دوسرے کنارے پر پہنچ جاؤ۔‬ ‫چودھری سمیت سب نے مولوی صاحب کے کہے پر عمل کیا‬ ‫اور اللہ کے فضل وکرم اور احسان سے‘ سلامتی کے ساتھ دریا‬ ‫کے دوسرے کنارے پر پہنچ گئے۔ انہیں کچھ بھی نہ ہوا‘ حالاں‬

‫‪68‬‬‫کہ دریا سب کچھ مٹا دینے پر تلا ہوا تھا۔ اللہ کے کلام اور اللہ پر‬ ‫کامل یقین ہونے کے سبب وہ ان کا کچھ بھی نہ بگاڑ سکا۔‬ ‫مولوی صاحب ان میں نہ تھے۔ لوگ پریشان ہوئے کہ اتنا نیک‬ ‫اور اللہ کا بندہ ان کے ساتھ نہیں ہے۔ انہوں نے دیکھا مولوی‬ ‫صاحب اپنے بیوی بچوں سمیت چودھری کی رہائش گاہ کی‬ ‫تیسری منزل پر کھڑا تھا۔ انہوں نے مولوی صاحب کو آوازیں‬ ‫دی کہ آپ بھی اللہ کو یاد کرکے بسم اللہ شریف پڑھ کر آ جائیں۔‬ ‫مولوی صاحب ٹس سے مس نہ ہوئے۔ پھر ایک قیامت خیز لہر‬ ‫ابھری اور گاؤں کا نام و نشان تک باقی نہ رہا۔ ہاں البتہ مولوی‬ ‫صاحب کا بڑا بیٹا باپ کی حکم عدولی کرکے گاؤں والوں کے‬ ‫ساتھ آ گیا تھا۔‬

‫‪69‬‬ ‫لوگ کیا جانیں‬ ‫شمو کی شادی کو چھے سال ہو گئے تھے۔ یہ اس کے پیار کی‬ ‫تیسری شادی تھی۔ اس کی گود ابھی تک خالی تھی۔ پہلے پیار‬‫سے حمل ہوا تھا جو اس نے دوسرے پیار میں اندھی ہو کر گرا‬‫دیا تھا۔ دوسرا تین سال چلا لیکن امید سے نہ ہوئی۔ تیسرے پیار‬ ‫سے ابھی تک کوئی پیار کی نشانی سامنے نہ آ سکی تھی۔ پھر‬ ‫وہ اچانک ایک مقامی بابا صاحب کے مزار پر حاضری دینے‬ ‫لگی۔ بگو نے سمجھا بےچاری کی گود خالی ہے اسی لیے بابا‬‫صاحب کے دربار پر حاضری دینے لگی ہے۔ بگو کا دل بھی گھر‬‫کی رونق کے لیے مچل مچل رہا تھا لیکن یہ اس کے اختیار میں‬ ‫نہ تھا۔ یہ تو اللہ کریم کی مہربانی ہوتی ہے کہ وہ گھر کو‬ ‫رونقیں بخش دے یا وہ ویرانہ رہے۔ اگر یہ شخص کے بس کا‬ ‫روگ ہوتا تو دھن دولت ہی نہیں اولاد کا میوا بھی اہل ثروت‬ ‫اپنے تک محدود رکھتے۔‬ ‫ایک دن اس نے سوچا کیوں نہ دیکھا جائے کہ شمو بابا صاحب‬ ‫کے دربار پر کس طرح سے اور کیا دعا مانگتی ہے۔ وہ دربار‬‫کے عقب میں چھپ گیا۔ شمو کی دعا سن کر حیرت میں گم ہو گیا‬ ‫اور کچھ نہ سمجھ پایا۔ وہ بڑی آہستگی سے بڑے قدموں اس‬‫سے پہلے گھر آ گیا اور سوچنے لگا کہ وہ اس قسم کی دعا کیوں‬

‫‪70‬‬ ‫مانگ رہی ہے۔ اس کا سوچ سوچ کر دماغ پھٹنے لگا۔ اس نے‬ ‫اگلے روز دوبارہ سے دربار پر جانے کا فیصلہ کر لیا۔ اتنی دیر‬ ‫میں شمو گھر لوٹ آئی۔ وہ چپ رہا اور شمو کو کچھ نہ جتایا۔‬ ‫اگلے دن وہ شمو سے تھوڑا پہلے دربار پر پہنچ گیا۔ شمو بھی‬ ‫تھوڑی دیر کے بعد دربار کے اندر داخل ہوئی۔ اس نے دوبارہ‬ ‫سے دعا مانگنا شروع کر دی۔‬ ‫پیرا بگو کو اندھا کر دے میں میٹھے چاولوں کی دیگ چڑھوا‬ ‫چڑھاؤں گی۔‬ ‫بگو نے آواز بدل کر کہا‪ :‬ٹھیک ہے بچہ ہم تیری دعا قبول کرتے‬ ‫ہیں۔ پر ایک شرط ہے۔‬ ‫حکم کر سوہنیا پیرا‬ ‫جا بچہ تیس دن اپنے شوہر کو دیسی گھی میں دیسی مرغا بھون‬ ‫کر کھلا۔ اس کی آنکھوں میں چربی چڑھ آئے گی اور وہ کچھ‬ ‫بھی نہ دیکھ سکے گا۔‬ ‫ٹھیک اے پیرا میں آج سے ہی یہ کام شروع کر دیتی ہوں۔‬ ‫اس نے گھر آ کر دیسی مرغا ذبح کروایا اور اسے دیسی گھی‬ ‫میں بھونا۔ بگو کو بڑی پلیٹ میں ڈال کر دے دیا۔ بگو جعلی‬ ‫حیرانی سے کہنے لگا۔ بھئی بڑی خدمت کر رہی ہو خیر تو ہے۔‬ ‫شمو نے بھرپور اداکاری دیکھاتے ہوئے کہا‪ :‬میں نے سوچا کام‬

‫‪71‬‬ ‫بہت کرتے ہو تمہیں اچھی اور زبردست خوراک کی ضروت ہے۔‬ ‫کچھ دن دیسی گھی میں بھنا مرغا کھاؤ گے تو تمہاری جان بن‬ ‫جائے گی۔‬ ‫واہ بھئی واہ۔ کیا بات ہے۔‬ ‫پھر وہ کچھ دیر تک جعلی پیار محبت کی باتیں کرتے رہے۔‬ ‫دیسی گھی میں بھنا مرغا کھا کھا کر بگو کی واقعی جان بن گئی۔‬ ‫مرغا کھاتے وہ بائیسواں دن تھا۔ بگو کہنے لگا۔ شمو یار یہ‬ ‫مجھے کیا ہو رہا ہے۔ جی گھبرا رہا ہے اور آنکھوں میں تارے‬ ‫سے ناچنے لگے ہیں۔ شمو جی میں خوش ہوئی کہ پیر کی‬ ‫کرامت سامنے آ رہی ہے۔‬ ‫وہ یہ نہیں جانتی تھی کہ سچے پیر کسی کا کسی بھی صورت‬ ‫میں برا نہیں کرتے۔‬ ‫اس نے قیامتی مسکراہٹ کے ساتھ کہا کچھ نہیں ہوا بس تمہیں‬ ‫وہم ہو رہا ہے۔‬‫اس دن کے بعد اس نے نظر کے کم اور پھر تقریبا ختم ہونے کی‬ ‫خبر سنائی۔ آخر تیسویں دن کچھ بھی نظر نہ آنے کی خوش‬ ‫خبری سنا ہی دی۔ وہ دن شمو کی خوشیوں کا دن تھا۔ اس کا‬ ‫زمین پر پیر ہی نہیں آ رہا تھا۔‬ ‫بگو نے کہا‪ :‬اب میں کسی کام کا نہیں رہا ڈیوڑی میں میرا منجا‬

‫‪72‬‬ ‫بچھا دو اور میرا کھونڈا دے دو کتے بلے اندر نہ آنے دوں گا۔ آ‬ ‫کر چیزوں کا ستیاناس مار دیتے ہیں۔‬ ‫شمو نے کہا‪ :‬ٹھیک ہے۔‬ ‫اس نے ڈیوڑی میں اسے منجا بچھا دیا۔ وہ جانتا تھا کہ شمو‬ ‫جاگ رہی ہے۔ تھوڑی ہی دیر بعد وہ جعلی خراٹے بھرنے لگا۔‬ ‫شمو گھر سے چپکے سے باہر نکل گئی اور کچھ دیر کے بعد‬ ‫واپس آ گئی۔ اس نے اچھی طرح دیکھا۔ بگو گہری نیند سو رہا‬ ‫تھا۔‬ ‫کچھ ہی دیر ہوئی ہو گی کہ ایک مشٹنڈا چپکے چپکے گھر میں‬‫داخل ہونے لگا۔ وہ ذہنی طور پر تیار تھا۔ بگو نے اس کے سر پر‬ ‫ایسا کھونڈا مارا کہ وہ چوں بھی نہ کر سکا اور پاؤں پر ٹکی ہو‬ ‫گیا۔‬‫گھنٹہ ہی گزرا ہو گا ایک اور مشٹنڈا گھر میں داخل ہونے لگا اس‬ ‫کے ساتھ بھی وہی کچھ ہوا۔ غرض سرگی ویلے تک گیارہ ڈھیر‬ ‫ہو گئے۔ اندر شمو چارپائی پر کرواٹیں لے رہی تھی۔ اسے اپنے‬ ‫ان پیاروں کے پیار پر سخت غصہ آ رہا تھا۔ پھر وہ تھک ہار کر‬ ‫سو رہی۔‬ ‫بگو چارپائی سے اٹھا اور اس نے ڈبو چرسی کو جا اٹھایا۔ اس‬ ‫کے مال پانی کا اس نے پہلے ہی بندوبست کر رکھا تھا۔ جب وہ‬‫آسمانون کی سیریں کرنے لگا تو اس نے اسے نوٹ وکھائے اور‬

‫‪73‬‬ ‫کہا یار یہ لاش دریا میں پھنک آؤ اور آ کر سارے نوٹ لے لو۔‬ ‫ڈبو چرسی دریا میں لاش پھینکنے چلا گیا تو اس نے دیوار کے‬ ‫ساتھ دوسری لاش کھڑی کر دی۔‬ ‫واپس آ کر کہنے لگا لاؤ نوٹ تو بگو نے کہا لاش تو پھینک کر‬ ‫آؤ دوبارہ سے آ گئی ہے۔ ڈبو چرسی رات بھر اسی کام میں‬ ‫مصروف رہا۔ جب آتا لاش وہاں کھڑی ہوتی۔ گیارویں لاش‬ ‫ٹھکانے لگاتے تقریبا دن چڑھ گیا تھا اور ایک بندہ دریا نہا کر‬ ‫گھر واپس جا رہا تھا۔ ڈبو چرسی کو بڑا قہر آیا کہ یہ اب پھر‬ ‫دوبارہ سے واپس جا رہا ہے۔ اس نے اسے گردن سے پکڑا اور‬ ‫گالیاں بکتا ہوا دریا کے اندر لے گیا۔ اسے خوب ڈبکیاں دیں جب‬ ‫مر گیا تو واپس بگو کے پاس آ گیا اور کہنے لگا سالا دریا سے‬ ‫نکل کر واپس آ رہا تھا‘ اب نہیں آئے گا‘ میں اسے مار کر ہی‬ ‫واپس آیا ہوں۔‬ ‫بگو ہنسا اور کہنے لگا گیارہ شمو کے ایک تمہارا۔ ڈبو چرسی‬ ‫کچھ نہ سمجھا اور مطلب پوچھنے لگا۔ خیر چھوڑو تم یہ کش‬ ‫لگاؤ اور نوٹ جیب میں پا کر غائب ہو جاؤ۔ صبح علاقے میں‬ ‫کہرام مچ گیا لوگ کیا جانیں کہ گیارہ جنسی پیار کی بھینٹ چڑھ‬‫گئے جب کہ باہرواں ان حدویں جنسی پیار کی غرقابی کی راہ میں‬ ‫آنے کے سبب دریا برد ہو گیا‬

‫‪74‬‬ ‫چپ کا معاہدہ‬‫ہماری ساتھ کی گلی میں ایک صاحب رہا کرتے تھے جو آنٹا جی‬ ‫کے نام سے معروف تھے۔ کیا کام کرتے تھے۔ کوئی نہیں جان‬ ‫پایا ناہی کسی کے پاس اتنا وقت تھا کہ ان کی کھوج کو نکلتا‘‬ ‫ان کی بیگم اتنی ملنسار نہ تھی کہ اس کے پاس عورتیں آ کر‬ ‫بیٹھ جاتیں۔ وہ کسی سے کوئی بات ہی نہ کرتی تھی۔ اگر کوئی‬ ‫عورت اس کے پاس جاتی تو مسکرا کر ملتی۔ آنے والی کی‬ ‫باتیں سن لیتی لیکن خود ہوں ہاں سے زیادہ بات نہ کرتی۔ محلہ‬ ‫میں کسی عورت سے ملنے یا اس کے دکھ سکھ میں نہ جاتی۔‬ ‫ہاں آنٹا جی کوئی مر جاتا تو اس کا جنازہ ہر صورت میں اٹنڈ‬ ‫کرتے اور بس وہیں سے گھر لوٹ جاتے۔‬ ‫شام کو گھر آتے اور پھر تھوڑی ہی دیر بعد بیٹھک میں آ بیٹھ‬‫جاتے اور دیر تک اکیلے ہی بیٹھے رہتے۔ ہاں محلہ کے چھوٹے‬‫چھوٹے بچے ان کی بیٹھک میں جمع رہتے اور وہ ان کے ساتھ‬ ‫بچوں کی طرح کھیلتے ان کے ساتھ خوب موج مستی کرتے۔‬ ‫جیب میں کھلا رکھتے بلا تفریق بچوں کو پیسے دیتے۔ چھٹی‬ ‫والا دن ان بچوں کے ساتھ بیٹھک میں گزارتے۔ کسی بچے کو‬ ‫کوئی مارتا تو لڑ پڑتے چاہے اس بچے کا باپ ہی کیوں نہ ہوتا۔‬

‫‪75‬‬‫میں نے غور کیا ایک بچے کے ساتھ وہ خصوصی برتاؤ کرتے۔‬‫وہ بچہ بھی ان کے ساتھ بڑا مانوس تھا۔ ایک بار میں نے دیکھا‬ ‫کہ اس بچے کا ناک بہہ رہا تھا اور وہ اس کا ناک بڑے پیار‬ ‫سے اپنے رومال کے ساتھ صآف کر رہے تھے۔ میں ان کی‬ ‫بیٹھک میں داخل ہو گیا۔ انہوں نے بڑی اپناہت سے بیٹھنے کو‬‫کہا اور دوبارہ سے اس بچے کا ناک صاف کرنے لگے۔ میں نے‬ ‫پوچھ ہی لیا کہ یہ آپ کا بچہ ہے۔ انہوں نے میری طرف‬ ‫دیکھنے کی بجائے اس بچے سے پوچھنے لگے تمہاری ماں‬ ‫کو میں نے دیکھا ہوا ہے۔ بچے نے نفی میں سر ہلایا۔ جب میں‬ ‫نے اس کی ماں کو دیکھا ہی نہیں تو اس کی کیسے دیکھ لی۔‬ ‫پھر میری طرف دیکھا اور کہا نہیں جی یہ میرا بچہ نہیں ہے۔‬ ‫مجھے ان کی اس حرکت پر حیرت ہوئی اور میں چپ چاپ اٹھ‬ ‫کر وہاں سے چلا گیا۔ مجھے ان کی یہ حرکت بڑی عجیب لگی۔‬ ‫یہ حرکت تھی بھی عجیب نوعیت کی تھی۔‬ ‫ایک دن معلوم ہوا آنٹا جی فوت ہو گئے ہیں اور بیٹھک میں ہی‬ ‫ان کی موت ہوئی۔ کیا وہ اندر نہیں سوتے تھے۔ اس روز وہ‬ ‫آنٹی دھاڑیں مار مار کر روئی اور انہیں اکلاپے کا احساس ہوا۔‬‫وہ ان کی تھی تو بیوی لیکن بیوی کے اطوار نہ رکھتی تھی۔ وہ‬ ‫اس کا ہر قسم کا خرچہ پانی‬ ‫اٹھائے ہوئے تھے۔‬

‫‪76‬‬ ‫دس بیس سال پہلے منہ میں ڈھائی گز زبان رکھتی تھی۔ اس کا‬‫آگا پچھا کوئی بھی نہ تھا۔ بانجھ بھی تھی۔ اس کے باوجود انہوں‬ ‫نے اسے برداشت کیا ہوا تھا۔ تین بار طلاق طلاق طلاق کہنے‬ ‫سے ہمیشہ کے لیے خلاصی ہو سکتی تھی۔ وہ ان کی خالہ کی‬ ‫لے پالک بیٹی تھی۔ ماں نے مرتے وقت بیٹے سے اپنے سر پر‬ ‫ہاتھ رکھ کر قسم لی تھی کہ کبھی اور کسی صورت میں اس کا‬ ‫ساتھ نہیں چھوڑے گا۔ بس آنٹا جی کے منہ کو تالا لگ گیا اور‬ ‫وہ بیٹھک اور محلہ کے بچوں کے ہو رہے۔ آنٹی اور آنٹا جی‬ ‫کے درمیان چپ کا معاہدہ ہو گیا تھا۔‬ ‫اب وہ دروازے کی دہلیز پر بیٹھی رہتی تھی۔ جب بھی کوئی آنٹا‬ ‫جی کا ذکر کرتا تو زار و قطار رونے لگتی لیکن منہ سے کچھ‬ ‫نہ کہتی۔ بڑی بات ہے کہ اتنا بڑا سانحہ گزر گیا آنٹا جی ہمیشہ‬ ‫کے لیے چلے گئے پھر بھی اس نے چپ کا معاہدہ نہ توڑا۔‬

‫‪77‬‬ ‫کالی زبان‬‫جیجاں اور سائیں کی دو سال سے سلام دعا چل رہی تھی۔ انہوں‬ ‫نے ایک ساتھ مرنے جینے قسمیں کھا رکھیں تھیں۔ معاشقہ‬‫اپنی جگہ دونوں برے نہ تھے اور ناہی ان کی محبت رواجی اور‬ ‫وقتی تھی۔ انہوں نے ایک ساتھ رہ کر اور موقع ملنے کے‬ ‫باوجود کوئی ناشائستہ حرکت نہ کی تھی۔ اس رشتے کے بارے‬ ‫ہر روز دونوں گھروں میں گرما گرم بحث اور تکرار چلتی۔‬ ‫معاملہ سنورنے کی بجائے دن بہ دن الجھتا ہی جا رہا تھا۔‬ ‫سائیں کی ماں جب کہ جیجاں کا باپ اس رشتے کے زبردست‬‫حامی تھے۔ اطراف میں کڑی منڈا اپنی جگہ میاں بیوی کا جھگڑا‬ ‫چلتا۔ باطور ہم سایہ تعلقات بھی برے نہ تھے۔ وہ لوگ ایک‬ ‫دوسرے کی عزت اور پاس لحاظ کرتے تھے۔ لین دین بھی تھا۔‬ ‫اوکھے سوکھے وقت میں ایک دوسرے کے کام بھی آتے تھے‬ ‫لیکن رشتہ داری بننے کی راہ میں ظالم سماج بنے ہوئے تھے۔‬ ‫کہا جاتا تھا کہ سائیں کی زبان کالی ہے۔ اس روز باپ بیٹے میں‬ ‫بڑی تکرار ہوئی۔ وہ ایک دوسرے کو مارنے پر تلے ہوئے‬‫تھے۔ سائیں تھک ہار کر سر پکڑ کر وہیں زمین پر بیٹھ گیا۔ اس‬ ‫کی ماں آ گئی اور بیٹے کو دلاسا دینے لگی۔ سائیں کا باپ بولا‬ ‫جتنے مرضی دلاسے دے لو میں یہ رشتہ نہیں کرنے والا۔‬

‫‪78‬‬ ‫سائیں کے منہ سے بےساختہ نکل گیا یا اللہ میرا باپ مر ہی‬ ‫جائے۔ سائیں کا باپ اندر سے کانپ گیا لیکن اکڑ قائم رکھتے‬ ‫ہوئے کہنے لگا‪ :‬جتنی مرضی بددعائیں مانگ لو میرا کچھ نہیں‬ ‫بگڑے گا۔‬ ‫سائیں کا باپ ساری رات نہ سو سکا۔ اس کے اندر قیامت مچی‬‫رہی۔ صبح وہ صحیح سلامت اٹھا۔ ہاں البتہ جیجاں کا باپ مر گیا۔‬ ‫وہ سائیں کی ماں کو شریف عورت سمجھ رہا تھا لیکن وہ تو‬ ‫چھپی رستم نکلی۔ یہ بات ضرور خوش آئند تھی کہ وہ بچ گیا‬ ‫اور یہ بھی پردہ میں رہ گیا کہ جیجاں مرحوم کی نہیں لبھو کی‬ ‫بیٹی ہے۔ سائیں کی کالی زبان نے ایک کا پردہ جب کہ دوسرے‬ ‫کا پردہ چاک کر دیا۔‬

‫‪79‬‬ ‫فیصلہ‬ ‫ندی پر بڑی سی لکڑی رکھ کر لوگوں کی سہولت کے لیے‬‫چودھری نے پل بنوایا تھا۔ ندی پار آبادی نہ تھی محض جھاڑیاں‬ ‫تھیں۔ عورتیں مل کر رات کو جھاڑے کے لیے ندی پار جاتی‬ ‫تھیں۔ جھاڑے کے ساتھ ساتھ معاملات کی مشاورت جاری رہتی۔‬ ‫زیادہ تر ساس سسر یا پھر نند کی زیادتیاں یا پھر جنسی‬ ‫کرتوتوں کے قصے بھی زیر بحث آتے۔ دو ایک خاوند بھی‬ ‫گفتگو کی گرفت میں آ جاتے۔ رات کو ہونے والے مذاکرات اگلی‬ ‫صبح گھر کے کام کاج سے فراغت اور خاندوں کو کام پر روانہ‬ ‫کرنے کے بعد دو دو گھنٹے بعض اوقات اس سے بھی زیادہ‬ ‫وقت دیوار پر کھڑے ہو کر رواں اور بلاتھکان تبصرے ہوتے۔‬ ‫اس دن چودھری کے ڈیرے پر بیٹھے ہوئے تھے۔ شیدو نے‬ ‫بتایا کہ اس کی عورت نے بتایا ہے کہ ندی پار رات کو کبوتر‬ ‫آتے ہیں۔ ڈیرے سے سنی بات کھبو نے گھر آ کر اپنی زنانی کو‬ ‫بتائی۔ اس کی زنانی نے پتا نہیں رات بھر یہ بات کس طرح ہضم‬ ‫کی پھر صبح اٹھتے ہی ہم سائی کے کان میں ڈالی۔ پھر یہ بات‬ ‫ایک سے دوسری پھر تیسری غرض شام تک وہ محلہ کیا آس‬ ‫پاس کے محلوں میں اپڑ گئی۔ اگلے وقتوں میں ریڈیو ٹی وی یا‬ ‫موبائل فون نہیں ہوا کرتے تھے‘ بس اسی طرح سے دور دراز‬

‫‪80‬‬ ‫کے علاقوں کی خبریں دنیا بھر میں پھیل جاتیں تھیں۔ کوئی‬ ‫دوسری ولائت سے آتا کوئی نئی خبر لاتا تو یہ پورے علاقے‬ ‫میں پھیل کر مختلف نوعیت کے تبصروں کی زد میں آ جاتی۔‬ ‫یہ خبر کہ رام نگر کی جھاڑیوں میں کبوتروں کی ڈاریں کی‬ ‫ڈاریں رات کو اترتی ہیں‘ جئےپور پہنچنے میں کوئی زیادہ دیر‬‫نہ لگی۔ وہاں کے معروف شکاری رات کو ان جھاریوں میں پہنچ‬ ‫گیے۔ صبح تک کبوتروں کا انتظار کرتے رہے لیکن صبح تک‬ ‫ایک کبوتر بھی نہ آیا۔ انہوں نے صبح اٹھ کر دیکھا۔ ایک کبوتر‬‫کے کچھ پر بکھرے پڑے تھے۔ انہیں سخت مایوسی ہوئی۔ انہوں‬ ‫نے طے کیا آئندہ زنانیوں کی باتوں میں آ کر عملی قدم نہیں‬ ‫اٹھائیں گے۔‬ ‫افسوس یہ فیصلہ محض زبانی کلامی کا تھا۔ عمل زنانیوں کے‬ ‫کہے پر ہی ہوتا رہا اور ہوتا آ رہا ہے۔ اگلے وقتوں میں کھمب‬ ‫سے ڈار بنتے تھوڑا وقت لگتا تھا لیکن آج بھلا ہو موبائل فون‬ ‫کا ایسا ہونے کے لیے منٹ سکنٹ خرچ ہوتے ہیں۔ مڈیا بھی‬ ‫کمپنی کی مشہوری کے لیے کچھ کا کچھ بنا دیتا ہے۔‬

‫‪81‬‬ ‫قاتل‬‫بہت سے اوروں کے کارنامے شاہوں اور شاہ والوں کے کھاتے‬ ‫چڑھتے آئے ہیں اور آتے وقتوں میں ان کارناموں کے حوالہ‬ ‫سے شاہ اور شاہ والے جانے اور پہچانے گئے ہیں۔ اسی طرح‬ ‫ناکردہ یا شاہوں کے کردہ پاپ اور جرم کم زوروں کا مقدر‬ ‫ٹھہرے ہیں۔ ہٹلر انسانیت کا بدترین دشمن کہا جاتا ہے لیکن‬‫‪ ١٨٥٧‬میں خون میں رنگ دینے والا چٹا ساب ہل پر نہایا تاریخ‬ ‫کے اوراق پر نظر آتا ہے۔ دھرتی اور دھرتی والوں سے غداری‬ ‫کرنے والے شورےفا میں داخل ہوئے۔ اندھیر یہ کہ آج بھی‬ ‫انہیں قوم کے ہیرو سمجھا اور جانا جاتا ہے۔‬‫شکورے کے ساتھ بھی کچھ ایسا ہی ہوا حالاں کہ وہ وچارہ شاہ‬ ‫یا کسی شاہ والے کا غدار نہ تھا۔ مشقتی تھا صبح جاتا رات کو‬ ‫آتا۔ جو محنتانہ میسر آتا بیوی بچوں پر خرچ کر دیتا۔ اپنے لیے‬‫ایک پائی بھی بچا کر نہ رکھتا۔ اس کا مؤقف تھا اگر یہ پل سمبھ‬ ‫گئے تو وہ سفل ہو جائے گا۔ اس کا خلوص اور پیار اس کی‬‫کپتی بیوی کے نزدیک صفر کی حیثیت نہ رکھتا تھا۔ اس کا خیال‬‫تھا کہ شکورے نے باہر باہر بہت کچھ جمع کر رکھا ہے اور اس‬ ‫جمع پونجی پر سانپ بن کر بیٹھا ہوا ہے۔ لاکھ قسمیں کھانے‬ ‫اور یقین دلانے کے باوجود وہ اپنی ہٹ پر ڈٹی ہوئی تھی۔ وہ‬

‫‪82‬‬ ‫چاہتی تھی کہ ساری جمع پونجی اور مکان جو شکورے کو‬‫واراثت ملا تھا۔ اس کے نام کرکے مرنے کی کرے۔ اس کے پاس‬‫تھا ہی لیا جو بیوی کے نام کر دیتا۔ رہ گیا مکان وہ کون سا اس‬ ‫نے قبر میں لے جانا تھا۔ بچوں کا ہی تو تھا۔‬ ‫اس کی بیوی کا اصل مسلہ یہ تھا کہ وہ سب کچھ حاصل کرکے‬ ‫اپنے یار ڈرائیور کے ساتھ جنت بسانا چاہتی تھی۔ خود تو سارا‬ ‫دن کھاتی پیتی اور جی بھر کر سوتی جب شکورا گھر آتا تو‬ ‫کوئی ناکوئی بہانہ تراش کر رات گئے تک اس کی ماں بہن ایک‬ ‫کر دیتی۔ وہ وہ باتیں اس سے منسوب کر دیتی جن کا اس کے‬ ‫فرشتوں کو بھی علم نہ ہوتا۔ وہ جان چھڑانے کی لاکھ کوشش‬ ‫کرتا مگر کہاں۔ رات گئے تک مختلف قسم کے میزائل اور بم‬ ‫برساتی۔ بڑی مشکل سے خلاصی ہوتی تو بن کھائے پئے صبر‬ ‫شکر کے گھونٹ پی کر سو رہتا۔ وہ یہ سب اس لیے برداشت‬ ‫کرتا کہ اس کے بچے بڑے ہو کر یہ نہ کہیں کہ باپ نے انہیں‬ ‫راہ میں ہی چھوڑ دیا۔‬ ‫اس دن تو کمال ہی ہو گیا۔ شانو نے ایسا الزام اس پر دھر دیا‬ ‫جو کبھی اس سے متعلق رہا ہی نہ تھا۔ لڑائی میں کہنے لگی تم‬‫نے اپنی پہلی بیوی اور بچے کو اپنی معشوقہ رجو کے لیے زہر‬ ‫دے کر مار دیا۔ اس بیوی کو مارا جو اس کی جان تھی جب کہ‬ ‫بچہ بڑی منتوں مرادوں سے ہوا تھا۔ شکورے نے پوچھا یہ‬ ‫تمہیں کس نے بتایا‘ کہنے لگی تمہاری بھرجائی نے جو بڑی‬

‫‪83‬‬ ‫کھری عورت تھی۔ وہ کھری عورت جو پچاس خصم بدل کر آئی‬ ‫تھی۔ سچ اور حق کی سخت دشمن تھی۔ وہ یہ سب سن کر بڑا‬ ‫حیران ہوا اس نے اپنے بچے اور بیوی کو اس رجو کے لیے‬‫مارا جسے اس نے کبھی دیکھا سنا ہی نہ تھا۔ جان پہچان یا پیار‬ ‫محبت تو بڑی دور کی بات۔‬‫آدھی رات کو باآواز بلند کہی گئی اس بات کو آج چالیس برس ہو‬ ‫چلے ہیں۔ وہ بہ مشکل چلتا پھرتا ہے لوگ اسے آج بھی بیوی‬‫اور بچے کا قاتل سمجھتے ہیں۔ وہ مسجد میں سر پر کلام مقدس‬ ‫رکھ کر قسمیں کھا چکا ہے لیکن لوگ کہتے ہیں چور یار اور‬ ‫ٹھگ کی قسم کا اعتبار نہیں کیا جا سکتا۔ اس کی شرافت اور‬‫علاقہ کے لوگوں سے بھلائی کسی کو یاد تک نہیں۔ قیامت یہ کہ‬ ‫اسے اس کے بچے بھی بڑی امی اور اپنے بڑے بھائی کا قاتل‬ ‫سمجھتے ہیں۔ حیرت کی بات یہ کہ شکورے کی بیوی نہ شاہ‬ ‫تھی اور نہ شاہ والی تھی اس کے باوجود اس کا کہا شاہ یا شاہ‬ ‫والی کا سا ثابت ہوا۔‬

‫‪84‬‬ ‫میں کریک ہوں‬ ‫ببو ہمارے محلے کا اکلوتا دکان دار ہے۔ برا نہیں تو اچھا بھی‬ ‫نہیں۔ بےایمان نہیں تو اسے ایمان دار بھی نہیں کہا جا سکتا۔‬ ‫میری اس سے کوئی گہری سلام دعا نہیں‘ بس راہ چلتے ہیلو‬ ‫ہائے ہو جاتی ہے۔‬‫اس نے دکان بدلی تو میں نے پوچھا‪ :‬دکان کیوں بدلی ہے۔ کہنے‬‫لگا‪ :‬ایک تو تنگ تھی سودا پورا نہیں آتا تھا دوسرا ٹپکنے لگی‬ ‫تھی۔‬‫میں نے کہا چلو تم نے ٹھیک کیا۔ یہ کہہ کر کام پر روانہ ہو گیا۔‬‫رستہ وہ ہی تھا واپسی پر سلام دعا کے بعد میں نے دکان بدلنے‬ ‫کی وجہ دریافت کی۔ اس نے بلا تردد و ترمیم وہ ہی وجہ بتائی۔‬‫اگلے دن جمعہ تھا‘ چھٹی ہونے کے سبب میں نے سارا دن گھر‬ ‫پر ہی گزرا۔‬‫ہفتے کو کام پر جاتے ہوئے اس کے پاس رکا۔ دعا سلام اور حال‬ ‫احوال پوچھنے کے بعد دکان بدلنے کی وجہ پوچھی۔ اس نے‬ ‫میری طرف بڑے غور سے دیکھا اور وہ ہی وجہ بتائی۔ وہ‬ ‫مجھے بھلکڑ سمجھ رہا تھا۔‬ ‫اس کے ساتھ زیادہ تعلقات ہی نہ تھے اور بات کیا کرتا۔ یہ ہی‬

‫‪85‬‬ ‫ایک بات تھی جو اس سے آتا جاتا کرتا۔ واپسی پر حسب معمول‬ ‫رکا۔ سلام بلایا حال احوال پوچھا اور دکان بدلنے کی وجہ‬ ‫پوچھی۔ وہ اونچی اونچی بولنے لگا اور مجھ سے لڑ پڑا۔‬ ‫لگتا تھا کہ ہاتھا پائی پر اتر آئے گا۔ میں بھی ذہنی طور پر‬ ‫بھاگنے کے لیے تیار تھا۔ مجھے معلوم تھا دوڑ میں وہ میرا‬ ‫مقابلہ نہیں کر سکے گا۔ وہ تو خیر ہوئی لوگ جمع ہو گئے اور‬ ‫لڑنے کی وجہ پوچھی۔ وہ چوں کہ زور زور سے بول رہا تھا‬‫اس لیے میں نے بڑے تحمل سے وجہ بتا دی۔ ساتھ میں یہ بھی‬ ‫کہا میرا ببو سے کوئی خاص تعلق واسطہ نہیں اس لیے سلام‬ ‫دعا کی برقراری کے لیے پوچھ لیتا ہوں۔ یہ غصہ کر گیا ہے۔‬ ‫اس میں غصہ کرنے والی ایسی کون سی بات ہے۔‬ ‫سب ہنسنے لگے اور مجھے کہا باؤ جی آپ جائیں۔ اسی طرح‬‫کچھ ببو کو ٹھنڈا کرنے لگے۔ ایک بندے نے ببو کی طرف دیکھ‬ ‫کر سر پر انگلی رکھی۔ جس کا مطلب یہ تھا کہ میں کریک ہوں۔‬ ‫میں جعلی سنجیدگی سے ہولے قدمدں سے اپنے گھر کی جانب‬ ‫بڑھ گیا۔‬

‫‪86‬‬ ‫ان ہونی‘ ان ہونی نہیں ہوتی‬ ‫تھیلا مردود ہیرا پھیری اور دو نمبری میں بےمثل اور بےمثال‬‫رہا جب کہ تھیلا شکی زندگی کے ہر معاملے کو شک و شبہ کی‬‫نظروں سے دیکھنے میں ضرب المثل چلا آتا تھا۔ اس کا کہنا کہ‬‫کچھ بھی خالص نہیں رہا۔ جعلی بھی اصلی کے موافق دکھتا ہے‘‬ ‫کو سو فی ناسہی کسی ناکسی فی صد تو درست ماننا ہی پڑے‬ ‫گا۔‬ ‫تھیلا مردود بات اس انداز سے کرتا کہ اس کا کہا اصلی سے‬ ‫بھی دو چار قدم آگے نکل جاتا۔ جسے ہاتھ لگے ہوئے ہوتے وہ‬ ‫بھی دھوکہ کھا جاتا۔ بات کہے تک ہی محدود نہ تھی‘ اس کا کیا‬ ‫بھی عین اصلی کی چغلی کھا رہا ہوتا۔ اسی وقت نہیں‘ بہت بعد‬‫میں کھلتا کہ وہ تو سراسر فراڈ تھا لیکن اس وقت جھانسے میں‬‫آنے والے کا کھیسہ خالی ہو چکا ہوتا۔ لٹے کی باریابی کے لیے‬ ‫وہ مزید بل کہ برابر اور بار بار لٹتا چلا جاتا۔‬ ‫ہم سب تھیلے شکی کے کہے کو بکواس کا نام دیتے رہے‘ بل‬‫کہ اس کا مذاق اڑاتے رہے۔ اس کا کہنا تھا کہ پیرو نے اس کے‬ ‫باپ اور بہن کو تعویز ڈال ڈال کر مارا۔ میری ماں نے پیرو سے‬ ‫نکاح تو کر لیا لیکن اپنے خاوند اور بیٹی کا قتل اسے مرتے دم‬ ‫تک معاف نہ کیا۔ اس کا یہ کہا میں نے بمشکل ہنسی پر قابو پا‬

‫‪87‬‬‫کر سنا۔ وہاں تو اس کی ہاں میں ملائی لیکن گھر آ کر خوب ہنسا‬ ‫اور انجوائے کیا۔ ایسی بات پیٹ میں کب رہتی ہے۔ دوستوں کو‬ ‫بھی لطف اندوز کیا۔ دشمنی کا یہ انداز‘ یقین مانیں بالکل انوکھا‬ ‫اور الگ سے لگا۔ نکاح بھی خاوند اور بیٹی کے قاتل سے کیا‬ ‫اور معاف بھی نہ کیا۔ عجیب اور سمجھ سے بالا لوجک تھی۔‬ ‫دوسرا اگر تعویزوں سے لوگ مرنے لگتے تو آج دنیا میں ایک‬ ‫بھی زندہ نہ پھرتا۔‬‫یہ بات عجیب بھی ہے اور فوق الفطرت بھی۔ یہ تو ایسی ہی بات‬ ‫ہے کہ کوئی آپ سے کہے کہ کل میں نے مگرمچھ کو جاگتے‬‫میں اڑتے دیکھا۔ ایسی بات کہنے والا پاگل ہی ہو سکتا ہے یا وہ‬ ‫آپ سے شغلا لگا رہا ہے۔ ہو سکتا ہے‘ بےوقوف بنا رہا ہو۔‬ ‫بکری صدیوں سے ہاتھی چٹ کرتے آئی ہے لیکن مگرمچھ‬ ‫اڑتے نہیں دیکھا گیا۔ علامتا مگرمچھ ہی اڑتے آئے ہیں۔ مزے‬ ‫کی بات دیکھیے اس کی عملی صورت دیکھنے میں آ گئی۔ اس‬ ‫کا مطلب یہ ٹھہرے گا‘ ان ہونی‘ ان ہونی نہیں رہی۔ گویا‬ ‫مگرمچھ کا اڑنا‘ غلط نہیں رہا۔ کہنے والے نے مگرمچھ کو‬ ‫ضرور اڑتے دیکھا ہو گا۔ یعنی مگرمچھ کی اڑان امکان میں‬ ‫داخل ہے۔‬ ‫سدی پڑھا لکھا احمق اور یبل ہے۔ لکھائی پڑھائی کی بات کرو‘‬‫فٹافٹ وہ کچھ بتلا دے گا جو کسی کے خواب وخیال میں نہیں ہو‬ ‫گا۔ زبانی کلامی سماجیات میں بھی بڑا کمال کا ہے۔ عملی طور‬

‫‪88‬‬‫پر منفی صفر سے بھی گیا گزرا ہے۔ اللہ نے اسے دو بیٹے عطا‬ ‫فرمائے۔ بڑا لڑکا کچھ سال اور چھوٹا لڑکا کچھ دن کا تھا کہ‬ ‫بیوی انتقال کر گئی۔ بآمر مجبوری اسے شادی کرنا پڑی‘ جس‬ ‫عورت سے شادی کی زبان طراز تو تھی ہی‘ بانجھ بھی تھی۔‬ ‫تھیلا مردود جو اس کا بہنوئی تھا نے سدی یبل کی بہن کو‬ ‫ہاتھوں میں کیا اور اس کا سب کچھ چٹ کر جانے کے طمع میں‬ ‫سدی کی شادی انتہائی گھٹیا اور چول عورت سے کروا دی۔‬ ‫لوٹنے کے ساتھ ساتھ اپنی ہوس کی آگ بھی بجھانے لگا۔‬‫تھوڑی ہی مدت کے بعد اس عورت کی تھیلے مردود سے ان بن‬ ‫ہو گئی اور وہ سدی یبل کو لے کر وہاں سے نکل آئی۔‬ ‫اللہ نے سدی یبل کو ایک بیٹے سے نوازا۔ سدی یبل کی خوشی‬‫کی انتہا نہ رہی ہاں البتہ اس عورت نے سدی کا سانس لینا بھی‬ ‫حرام کر دیا۔ پہلے ہی چھوٹا مر گیا تھا اب وہ اس بیٹے کی‬ ‫خاطر اس جہنم زادی کے ساتھ نبھا کر رہا تھا۔ وہ تھیلے شکی‬ ‫کی ماں کے گزارے کا مذاق اڑایا کرتا تھا لیکن اب اس کی‬‫سمجھ میں آیا تھیلے شکی کا کہا غلط نہیں تھا۔ بعض حالات کے‬ ‫تحت ناخوش گواری اور ناپسند کو بھی سینے سے لگانا پڑتا‬ ‫ہے۔ گویا مگرمچھ کا ہوا میں پرواز کرنا غلط نہیں۔‬

‫‪89‬‬ ‫جذبے کی سزا‬ ‫اس میں بگڑنے والی ایسی کوئی بات ہی نہ تھی۔ بنے میاں کا‬ ‫بیٹا اپنے چھوٹے بھائی کو مار رہا تھا۔ میں نے اسے دو تین‬ ‫بار منع کیا لیکن وہ مارنے سے باز نہ آیا تو میں نے اس کی‬‫کھتی میں ایک رکھ دی۔ وہ روتا ہوا گھر چلا گیا۔ بنے میاں بڑے‬ ‫غصہ سے باہر آئے۔ کچھ پوچھے بغیر ناصرف مجھ پر برس‬ ‫پڑے بل کہ زناٹے کی دو تین دھر بھی دیں۔ میں ان کے اس‬ ‫رویے پر سخت حیران ہوا۔ یوں لگا جیسے انہوں نے مجھ سے‬ ‫کوئی پرانا بدلا چکایا ہو۔ میں بھی جوابا ان کی ٹھیک ٹھاک‬ ‫خاطر تواضح کر سکتا تھا لیکن کیجو کا منہ مار گیا۔ میں نے‬ ‫بامشکل درگزر سے کام لیا۔‬ ‫اس نے ہاتھ چلا لیے اور میں چپ رہا‘ وہ سمجھا کہ ڈر گیا‬ ‫ہوں اسی لیے زبان بھی دیر تک چلاتا رہا۔ اردگرد کے لوگوں‬ ‫نے ٹھنڈا کیا کہ جسے بک رہے ہو وہ تو چپ ہے۔ میں بچوں‬ ‫کے معاملہ میں کبھی نہیں پڑا۔ شاید یہاں بھی نہ پڑتا‬ ‫جذبہءپدری نے مجھے بدحواس کر دیا اور میرا ہاتھ اٹھ گیا۔‬‫کیجو کا چھوٹا لڑکا میرے اچھے وقتوں کی یاد تھا۔ خیر اب بھی‬‫جب پہاگاں گھر پر نہ ہوتی تو کیجو مزے کرا جاتی۔ اس کا سنور‬ ‫جاتا اور میرا بھی ذائقہ تبدل ہو جاتا۔ بنے میاں کو محض شک‬

‫‪90‬‬ ‫تھا مگر شک یقین میں نہ بدلا تھا۔‬ ‫اس روز اگر میں بھی جوابا کچھ کرتا تو لمبا چوڑا کھڑاک ہو‬‫جاتا۔ کیجو دنیاداری میں کمال کی مہارت رکھتی تھی۔ اگرچہ سب‬‫جعلی کرتی لیکن اس کا یہ فرضی بھی اول درجے کا اصلی ہوتا۔‬ ‫پہاگاں گھر پر تھی اور وہ کیجو کی بھی نانی تھی۔ بول بولارے‬ ‫کا ایسا میدان لگتا کہ شیطان بھی توبہ توبہ کر جاتا۔ ماضی اور‬‫حال کے وہ وہ قصے دہرائے جاتے جو کسی کے خواب و خیال‬ ‫میں نہیں رہے۔ بکوبکی سے میری بڑی جان جاتی ہے۔‬ ‫جذبے کی سزا بڑی ازیت خیز ہوتی ہے۔ مجھے بہت معمولی‬ ‫سزا ملی تھی‘ میری چپ نے متوقع رن کا رستہ بند کر دیا تھا۔‬ ‫سچی بات تو یہ ہے کہ میری چپ نے کیجو سے تعلق خراب‬ ‫ہونے کا دروازہ بھی بند کر دیا تھا۔‬

‫‪91‬‬ ‫اللہ بھلی کرے‬ ‫وہ اچھا خاصا بیٹھا باتیں کر رہا تھا‘ قہقے لگا رہا تھا۔ پتا نہیں‬ ‫اچانک کیا ہو گیا‘ او خو کہتا ہوا اٹھ بیٹھا اور بڑی تیزی سے‬ ‫گھر کی طرف بڑھ گیا۔ پیچھے سے ککو نے آواز دی‘ اوے کیا‬ ‫ہوا جو بلا بتلائے بھاگ اٹھے ہو۔ ایمرجنسی۔۔۔آ کر بتاتا ہوں۔‬ ‫وہ تو چلا گیا لیکن ایک موضوع چھیڑ گیا۔‬ ‫اکی کا خیال تھا کہ اس کی بیوی کا آج کیس ہونا تھا۔ اللہ خیر‬ ‫کرے اور اللہ جو بھی دے نیک اور زندگی والا دے۔‬ ‫دوکڑ نے قہقہ لگایا او نئیں یار وہ کوئی دائی ہے جو کیس اس‬ ‫نے کرنا ہے۔‬ ‫آج اس کی کمیٹی نکلنی تھی‘ ادھر ہی گیا ہو گا۔ بگڑ نے اپنی‬ ‫چھوڑی۔‬ ‫ہاں ہاں یہ ہی بات ہے۔ نکے نے گرہ لگائی‬ ‫چھوڑو یار اس کا کیا ہے کہو کچھ کرتا کچھ ہے۔ گھر سے کچھ‬ ‫لینے آیا ہو گا‘ ادھر بیٹھ کر گپیں ہانکنے لگا۔ اب دو گھنٹے بعد‬ ‫یاد آیا ہو گا‘ تب ہی تو دوڑکی لگا کر گیا ہے۔ بیگم شری سے‬ ‫چھتر کھا رہا ہوگا۔‬

‫‪92‬‬ ‫اس کی اس بات پر سب ہنس پڑے‬ ‫کالیے کی بات میں دم تھا لیکن مہاجے نے اپنی ہی کہہ دی۔‬ ‫کسی مار پر گیا ہے ورنہ اس طرح سے نہ بھاگ نکلتا۔ تم کیا‬ ‫جانو‘ جانو بڑا سیانا ہے۔‬ ‫اسے ملنے گیا ہوگا۔ شبے نے ایک اور ہی شگوفہ چھوڑا۔‬ ‫اسے کیسے نیکو نے حیرت سے پوچھا‬ ‫تمہیں نہیں پتا‬ ‫نہیں تو‬ ‫ادھر کان کرو‘ بیبو‬ ‫بیبو کون‬ ‫واہ گاؤں میں خاک رہتے ہو جگو کی بیٹی‬ ‫ہائیں‘ میں یہ کیا سن رہا ہوں‬ ‫جی ہاں‬ ‫بڑا چھپا رستم نکلا‬ ‫پس دیوار کی کے سیکڑوں معنی نکالے جاتے ہیں‪ ،‬قیافوں‬ ‫اندازوں کا انبار لگ جاتا ہے۔ سب قریب قریب کی کہتے چلے‬ ‫جاتے ہیں۔ کھوج یا اسرار کھلنے کے وقت کا کوئی انتظار نہیں‬

‫‪93‬‬ ‫کرتا۔‬‫منچلے اپنی اپنی تشریح و وضاحت میں مصروف تھے کہ جانو آ‬ ‫ہی گیا اور سر سٹ کر بیٹھ گیا۔ سب اس کے منہ کی طرف‬ ‫دیکھنے لگے۔‬ ‫یار کچھ بکو گے یا یوں ہی منہ لمکائے بیٹھے رہو گے۔ بگی‬ ‫نے پوچھا‬ ‫کام نہیں ہوا۔ جانو نے تقریبا روتے ہوئے کہا‬ ‫بڑا دکھ ہوا جانو یار لیکن کون سا کام۔ بگی نے افسوسیہ انداز‬ ‫اختیار کرتے ہو۔‬ ‫یار تم لوگ جانتے ہو معدے کا مریض ہوں۔ آج تین دن ہوئے‬ ‫پوٹی نہیں آئی۔ لگا تھا پوٹی آئی ہے۔ لیٹرین میں بیٹھ بیٹھ کر‬ ‫تھک گیا۔ صرف ہوا سری ہے۔ ہار کر اٹھ آیا ہوں۔‬ ‫سب اس کا جواب سن کر ہنسنے لگے۔ واہ جی واہ‘ کھودا پہاڑ‬ ‫نکلا چوہا جگو نے ہاتھ پر ہاتھ مارتے ہوئے کہا۔‬ ‫او جگو یار تم جاہل ہو نا۔ جانو نے جوابا کہا‬‫ہاں جی میں جاہل ہوں تم تو دلی سے ایم آ پاس کرکے آ گئے ہو‬ ‫نا۔‬ ‫پاگل قبض تمام بیماروں کی ماں ہے۔ میرے اندر جو قیامت بپا‬

‫‪94‬‬ ‫ہے وہ میں ہی جانتا ہوں۔ جانو نے روتے ہوئے کہا‬ ‫ماحول ناخوشگوار ہو گیا۔ چند لمحوں کے لیے سب کو چپ سی‬‫لگ گئی۔ جگو ہی نے سوگواری سی توڑتے ہوئے کیا۔ یار کیوں‬ ‫پریشان ہوتے ہو‘ اللہ بھلی کرے۔‬

‫‪95‬‬ ‫آخری کوشش‬ ‫درندے کے قدموں کی آہٹ اور بھی قریب ہو گئی تھی۔ اس نے‬ ‫سوچا اگر اس کے دوڑنے کی رفتار یہی رہی تو جلد ہی درندے‬ ‫کے پنجوں میں ہو گا۔ اس نے دوڑنے کی رفتار اور تیز کر دی۔‬ ‫پھر اس نے سوچا کیا وہ اور اس جیسے کمزور طاقتور کے‬ ‫آگے دوڑنے کے لیے پیدا ہوئے ہیں؟ جب اور جہاں کمزور کی‬ ‫رفتار کم پڑ جاتی ہے طاقتور دبوچ لیتا ہے۔ اس کے بعد زندگی‬ ‫کا ہر لمحہ طاقتور کے رحم و کرم پر ہوتا ہے۔ چند لمحوں کے‬‫ذہنی سکون کے بعد طاقتور چیر پھاڑ کر اپنی مرضی کے حصے‬ ‫کھا پی کر جان بناتا ہے۔ لمحہ بھر کے لیے بھی وہ یہ سوچنے‬‫کی ذحمت گوارا نہیں کرتا کہ کمزور کے دودھ پیتے بچوں کا کیا‬ ‫ہو گا۔ اس کے جانے کے بعد اس سے کم طاقتور بقیہ پر بڑی‬‫بے دردی سے ٹوٹ پڑتے ہیں اور وہ بوٹی بوٹی نوچ لیتے ہیں۔‬ ‫یہاں تک کہ ہڈیوں پر بھی رحم کھایا نہیں جاتا۔ کھایا بھی کیوں‬ ‫جائے ہڈیاں فاسفورس کی کانیں ہیں۔ بٹنوں کے لیے ان کی‬ ‫ضرورت رہتی ہے۔‬ ‫اس کے بھاگنے کی رفتار میں مزید اضافہ ہو چکا تھا۔ سوچ‬ ‫خوف اور بچ نکلنے کی خواہش نے اس کے جسم میں ہونے‬ ‫والی ٹوٹ پھوٹ کا احساس تک نہ ہونے دیا۔ وہ ہر حالت میں‬

‫‪96‬‬ ‫دشمن کی گرفت سے باہر نکل جانا جاہتا تھا لیکن دشمن بھی‬ ‫اسے بخش دینے کے موڈ میں نہ تھا کیونکہ اس کی رفتار میں‬ ‫بھی ہر اضافہ ہو گیا تھا۔‬ ‫موت کا گھیرا تنگ ہو گیا تھا۔ اس کے سامنے کھلا میدان دائیں‬ ‫دریا بائیں گہری کھائی اور پیچھے خونخوار درندہ تھا۔ رستے‬ ‫کے انتخاب کے حوالہ سے یہ بڑی سخت گھڑی تھی۔ پھر وہ‬ ‫بائیں مڑ گیا۔ اس نے جسم کی ساری طاقت جمع کرکے کھائی‬ ‫تک پہنچنے کی کوشش کی۔ درندہ فقط ایک قدم کے فاصلے پر‬ ‫رہ گیا تھا۔ اس سے پہلے درندے کا پنجہ اس کی گردن پر پڑتا‬ ‫اس نے کھائی میں چھلانگ لگا دی۔ درندے کے اپنے قدم اس‬ ‫کی گرفت میں نہ رہے۔ کوشش کے باوجود رک نہ سکا اور وہ‬ ‫بھی گہری کھائی کی نذر ہو گیا۔‬ ‫کمزور کے جسم کی ہڈیاں ٹوٹ گئی تھیں اور دم اکھڑ رہا تھا۔‬‫اس نے سراٹھا کر دیکھا کچھ ہی دور درندہ پڑا کراہ رہا تھا۔ اس‬‫کی ٹانگیں ٹوٹ گئی تھیں۔ بھوک درد کے زنداں میں مقید ہو گئی‬ ‫تھی۔ کمزور کے چہرے پر آخری مسکراہٹ صبح کازب کے‬ ‫ستارے کی طرح ابھری۔ اس کی آخری کوشش رنگ لا چکی‬ ‫تھی۔ اسے اپنی موت کا رائی بھر دکھ نہ تھا۔ اس نے خود یہ‬ ‫رستہ منتخب کیا تھا۔ اب یہ درندہ کبھی کسی کمزور کا وحشیانہ‬‫تعاقب نہ کر سکے گا اور اس کی ٹانگوں سے ہمیشہ اف اف اف‬ ‫کے بزدل نعرے بلند ہوتے رہیں گے۔‬

‫‪97‬‬ ‫مکرم بندہ جناب حسنی صاحب‪ :‬تسلیمات‬‫فی زمانہ نثر نگاری کا فن زنگ آلود ہو چلاہے۔ کوئی رسالہ بھی‬‫اٹھا کر دیکھئے توسوائے چند اوسط درجہ کے افسانوں اور چند‬ ‫منظومات (غزل اور آزاد نظمیں) کے علاوہ کچھ اور نظر نہیں‬ ‫آتا۔ ماضی میں رسالوں میں ادبی‪ ،‬علمی اور تحقیقی مضامین‬ ‫کثرت سے ہوا کرتے تھے۔ تنقید و تبصرہ فن کی حیثیت سے‬‫سیکھے اور سکھائے جاتے تھے اورافسانہ نگاری بھی اونچے‬ ‫معیار کی حامل تھی۔ اب ادب پر ایک عمومی زوال تو طاری ہے‬ ‫ہی نثر نگاری خصوصا اضمحلال کا شکار ہے۔ غزل کہنا لوگ‬ ‫آسان سمجھتے ہیں (حالانکہ ایسا نہیں ہے)۔ غزل میں وقت کم‬ ‫لگتا ہے اور نظم میں اور نثر میں زیادہ ۔ نثر مطالعہ اور تحقیق‬ ‫بھی چاہتی ہے جس سے ہماری نئی نسل بیگانہ ہو کر رہ گئی‬‫ہے۔ یہ ظاہر ہے کہ کوئی زبان بھی صرف ایک صنف سخن کے‬ ‫بل بوتے پر پھل پھول نہیں سکتی لیکن اردو والے اس معمولی‬ ‫سی حقیقت سے یا تو واقف ہی نہیں ہیں یا دانستہ اس سے‬ ‫صرف نظر کر رہے ہیں۔ انٹرنیٹ کی اردو محفلیں بھی اسی‬ ‫مرض کا شکار ہیں اور وہاں بھی سوائے معمولی غزلوں کے‬ ‫(جن میں سے بیشتر تک بندی ہوتی ہیں) کچھ اور نظر نہیں آتا۔‬ ‫آپ کی نثرنویسی میں مختلف کوششیں اس حوالے سےنہایت‬ ‫خوش آئند ہیں۔ آپ مطالعہ کرتے ہیں ‪،‬سوچتے ہیں اور انشائیے‬ ‫لکھتےہیں۔ اس جدوجہد کو قائم رکھنے کی ضرورت ہے۔ میں‬

‫‪98‬‬ ‫اپنی مثال کسی خودستائی کی شہ پر نہیں دیتا بلکہ دوستوں کو‬ ‫یہ بتانا چاہتا ہوں کہ شوق‪،‬محنت اور لگن ہو تو بہت کچھ ہو‬ ‫سکتا ہے۔ میں نے انجینیرنگ پر نصابی کتابیں لکھی ہیں۔ ان‬ ‫کے علاوہ غزل‪ ،‬نظم‪ ،‬افسانے‪ ،‬ادبی مضامین‪ ،‬تحقیقی مضامین‪،‬‬ ‫ادبی تنقید وغیرہ سب ہی لکھا ہے۔ یقینا سب کچھ اعلی معیار کا‬ ‫نہیں ہے لیکن بیشتر اچھے معیار کا ہے اور ہندو پاک کے‬ ‫معتبر اور موقر رسالوں میں شائع ہوتا ہے۔ میں آپ کی انشائیہ‬ ‫نگاری کا مداح ہوں اور درخواست کرتا ہوں کہ برابر لکھتے‬ ‫رہہئے۔‬‫زیر نظر انشائیہ اچھا ہے لیکن یہ مزید بہتر ہو سکتا تھا سو اپ‬ ‫وقت کے ساتھ خود ہی کر لیں گے۔ خاکسار کی داد حاضر ہے ۔‬ ‫باقی راوی سب چین بولتا ہے۔‬ ‫سرور عالم راز‬

‫‪99‬‬ ‫ُمحترم جناب ڈاکٹر مقصود حسنی صاحب! سلام‬ ‫اس تحریر پر ہم ُکچھ نہ لکھیں گے۔ فقط یہی کہ اسے پڑھ کر‬ ‫رونگٹے کھڑے ہو جاتے ہیں۔ اور تحریر کے اختتام کے قریب‬ ‫سانسیں ُرک جاتی ہیں۔ اور پھر منہ ک ُھلا کا ک ُھلا رہ جاتا ہے۔‬ ‫اس کے اندر جو کرب ہے اور جو ُکچھ یہ انگلیاں لکھنے کو‬ ‫دوڑ رہی ہیں‪ ،‬اُسے بصد مشکل روکتے ہوئے‪ ،‬ایک بار پھر‬ ‫سے بھرپور داد ۔۔۔‬ ‫دُعا گو‬ ‫وی بی جی‬ ‫‪http://www.bazm.urduanjuman.com/index.php?topic=7975.0‬‬

‫‪100‬‬ ‫تیسری دفع کا ذکر ہے‬‫پہلی دفعہ کا ذکر اس لیے اتنا اہم نہیں کہ یہ دو ٹوک تھا اور اس‬ ‫کے ساتھ کوئی واقعہ‪ ،‬معاملہ یا مسلہ وابستہ نہیں۔ میں بیمار‬ ‫پڑا۔ طبعیت ضرورت سے زیادہ بوجھل تھی۔ طبعیت خراب ہو تو‬ ‫ہائے وائے کی آوازیں ناچاہتے ہوئے بھی بےساختہ بل کہ از‬‫خود منہ سے نکل جاتی ہیں۔ اگر توجہ اور خدمت کی تمنا ہو تو‬ ‫آدمی اس ذیل میں منہ کا سپیکر قدرے بلند کر دیتا ہے۔ یقین‬ ‫مانیے میں سچ مچ میں بیمار تھا اس لیے خصوصی توجہ کا‬ ‫طالب بھی تھی۔ خیال تھا کہ میرے پورے گھر والی پریشان ہو‬‫کر توجہ دے گی۔ میرا یہ خیال خاک کا شکار ہو گیا جب اس نے‬ ‫کہا نیچے چلے جاؤ کہیں میرے متھے لگتے ہو۔ میں کپڑے‬ ‫جھاڑتا ہوا نیچے آ گیا۔ ایک بیمار تھا اوپر اس بے رخی کا‬ ‫صدمہ بھی ہوا۔ چوں کہ پہلی دفعہ کا ذکر دو لمحوں کا تھا اس‬ ‫لیے اسے دفع کو ماریے۔‬ ‫دوسری دفعہ چوں کہ بے ہوشی کی حالت ناسہی نیم بےہوشی‬ ‫کی کیفیت ضرور تھی۔ ہسپتال سے چوتڑوں اور بازوں پر کئی‬ ‫ایک ٹیکے لگوا کر گھر لایا گیا۔ چوتڑوں کے ٹیکے اس لیے‬ ‫محسوس نہ ہوئے کہ پیاری سی نرس نے دلی ہم دردی سے‬ ‫لگائے تھے‘ ہاں البتہ بازو ضرور دکھے کہ وارڈ بوائے نے‬