ایک سو ایک لوکانے منسانے شغلانے اور منظومے

‫‪351‬‬ ‫ضروری نہیں‬ ‫بادشاہ لوگ برے نہیں ہوتے۔ تاریخ اٹھا کر دیکھ لیجیے‬ ‫شاید ہی کوئی بادشاہ برا رہا ہوگا۔ چمچے‘ کڑچھے‘‬ ‫گماشتے‘ خوشامدی وغیرہ تو الگ رہے‘ مورکھ بھی ان‬ ‫کے گن گاتا چلا آ رہا ہے۔ وہ وہ کارنامے ان کے نام کر‬‫دیے گیے ہیں‘ جو ان کے فرشتوں تک کو علم نہیں رہا ہو‬ ‫گا۔ ان کی دیا و کرپا ایک طرف‘ زنجیر عدل کے ڈھنڈورے‬ ‫پیٹنے میں کبھی کوئی کسر نہیں چھوڑی گئی۔ حالاں کہ‬ ‫عدل و انصاف کا ان سے کبھی کوئی تعلق اور واسطہ ہی‬ ‫نہیں رہا تھا۔ چوری خور مورکھ کے لفظوں نے آتے وقت‬ ‫کے لوگوں کو گم راہ کیا ہے۔ ان کی کرتوتوں سے نفرت‬ ‫کی بجائے‘ آتی نسل کی جذباتی وابستگی محبت اور‬ ‫عقیدتوں کو چھوتی نظر آتی ہے۔‬ ‫ان کے تعمیر کیے گیے محلوں‘ عشرت کدوں اور ایسی‬ ‫بہت سی لغویات کو تحسین کی نظروں سے دیکھا گیا ہے۔‬ ‫کبھی کسی نے ان پر انگلی نہیں رکھی کہ یہ سب کن کی‬ ‫کمائی سے بنایا گیا۔ انگلی رکھنے والے کی جذبات میں آ‬

‫‪352‬‬‫کر انگلی کاٹی جاتی رہی ہے‘ جیسے کسی نبی یا بزرگ کی‬ ‫شان میں گستاخی کر دی گئی ہو۔‬‫کیا شاہ نے گلیوں میں گول گپے بیچ کر سب بنایا تھا یا وہ‬ ‫کسی سیٹھ کے ہاں مزدوری کرتا رہا تھا۔ عوام کی مشقت‬ ‫کی کمائی جو ان کی بہبود کے نام پر حاصل کی گئی‘ اپنی‬ ‫عیش کوشی پر صرف کی۔ ان پہلووں پر کبھی کسی نے‬ ‫سوچنے کی زحمت ہی گوارہ نہیں کی۔‬‫اس روز بوبا اور اس کی بیوی اچھے اور رومانی موڈ میں‬ ‫بیٹھے ہوئے تھے۔ اس کی بیوی نے بڑے نخرے اور لاڈ‬ ‫میں آ کر کہا‪ :‬شاہ جہاں نے اپنی بیوی کے لیے تاج محل‬ ‫بنایا تھا اور آج وہ دنیا جہاں کے لیے محبت کی خوب‬ ‫صورت نشانی ہے۔ دور دور سے لوگ اسے دیکھنے آتے‬ ‫ہیں۔ کیا تم بھی میرے مرنے کے بعد میرے لیے تاج محل‬ ‫بناؤ گے۔‬ ‫بوبے نے یہ کہنے کی بجائے کہ وہ بادشاہ نہیں ایک‬ ‫مزدور ہے۔ دوسرا اس کی کمائی لوٹ کی نہیں۔ یہ بھی کہ‬ ‫تم ملکہ نہیں ہو جو ملکہ ماں کا نام دے کر لوگوں سے‬ ‫چندہ اکٹھا کر لے گا۔‬

‫‪353‬‬ ‫بوبے نے بھی پررومان انداز میں کہا‪ :‬میں نے پلاٹ خرید‬ ‫لیا ہے بس اب دیر تمہاری طرف سے ہے۔‬ ‫اس کی کہنی اندر کی نہ تھی۔ اس نے ڈیڑھ مرلے کا پلاٹ‬ ‫نیچے دکان اور اوپر اپنی محبوبہ چھما کے ساتھ رہائش‬ ‫کے لیے خرید کیا تھا۔‬‫ضروری نہیں کہنی اندر کی پر استوار ہو۔ بیوی بھی خوش‬ ‫اور اندر کی کا اظہار بھی ہو گیا۔‬ ‫ہونی کا اندر کی پر استوار ہونا ضروری نہیں۔ ہونی اپنی‬ ‫مرضی کی مالک ہوتی ہے۔ بوبا بازار سے آ رہا تھا کہ‬ ‫کھتوتی ریڑھی سے ٹکرا کر سر کے بل گرا اور گرتے ہی‬ ‫تھاں پر ٹکی ہو گیا۔ اس کی موت پر شنو نے رونے‬‫دھونے کا خوب ڈراما رچایا کہ زمانہ اس کی محبت پرعش‬ ‫عش کر اٹھا۔ یہ الگ بات ہے کہ ادھر عدت پوری ہوئی‬ ‫ادھر اس نے اپنے بچپن کے سنگی سے نکاح کر لیا۔‬ ‫ان دنوں اس ڈیڑھ مرلہ پر بوبے کے سالے کا دھکے‬ ‫شاہی قبضہ ہے۔ شنو کا سنگی ہاتھ ملتا پھرتا ہے کہ جس‬‫زمین کے لیے اس نے شنو فٹ فٹی سے شادی کی تھی وہ‬

‫‪354‬‬ ‫ہاتھ نہ آئی اور پلے میں یہ سیکنڈ ہینڈ شنو فٹ فٹی ہی رہ‬ ‫گئی ہے۔‬ ‫اس حمام میں‬ ‫منسانہ‬ ‫محلہ کے اکلوتے عطائی ڈاکٹر کے پاس‘ میرے اکیلے کا‬ ‫ہی نہیں‘ سب کا آنا جانا رہتا ہے۔ کافی تجربہ کار ہو گیا‬ ‫ہے۔ دوسری سب سے بڑی بات یہ کہ کچھ ناکچھ مدد مل‬ ‫جاتی ہے اور چمڑی برقرار رہتی ہے۔ تسلی کی بات یہ کہ‬‫بڑے ڈاکٹروں کی طرح مکمل چیک اپ کرتا ہے لیکن چیک‬ ‫اپ کروائی نہیں لیتا اور ناہی ٹستوں کے چکروں میں ڈالتا‬ ‫ہے۔ بڑے ڈاکٹر چیک اپ کم ٹسٹ زیادہ لکھتے ہیں۔ اس‬ ‫روز سے سمجھو اجاڑہ شروع ہو جاتا ہے۔ ان کے اپنے‬ ‫ٹسٹ کدے موجود ہوتے ہیں۔ اگر باہر سے کروائیں تو‬ ‫وہاں ان کا بھی فی صد مقرر ہوتا ہے۔ ایک کا رزلٹ‬ ‫دوسرے سے قطعی الگ تر ہوتا ہے۔‬ ‫کبھی ایک اور کبھی کبھی ایک ساتھ تین چار بیماریاں‬‫گھیر لیتی ہیں۔ مجال ہے جو اس کے ماتھے پر کبھی کوئی‬

‫‪355‬‬ ‫تریلی آئی ہو۔ بڑی تسلی سے دوائی دینے کے ساتھ ساتھ‬ ‫ہم دردی کا اظہار بھی کرتا ہے۔ آدھی بیماری تو اس کے‬ ‫حسن سلوک ہی سے کٹ جاتی ہے۔‬ ‫اس کی دواگاہ پر جاتے ہوئے کئی سال بیت گیے ہیں۔ ایک‬ ‫ساتھ دو دو چار چار بیماریاں لاحق ہوئی ہیں۔ اللہ نے شفا‬ ‫بھی دی۔ شاید اس کی وجہ یہ ہے کہ وہ نیت کا کھوتا‪١‬‬‫نہیں۔ اسے ضرورت بھر اللہ رزق دیے جا رہا ہے اسی لیے‬ ‫مریض کی شفا کی خواہش کرتا ہے۔ مریض کی دیر تک‬ ‫آنیاں جانیاں اسے خوش نہیں آتیں۔ اگر کوئی تین چار بار‬ ‫ایک ہی بیماری کے لیے آتا ہے تو پریشان ہو جاتا ہے‘‬ ‫ہاں کسی دوسری بیماری کے لیے آتا ہے تو سو بسم اللہ‬ ‫ہزار بار آئے کوئی بات نہیں۔ یہ تو خوش گوار چیز ہوتی‬ ‫ہے۔ اسی بہانے ملاقات ہو جاتی ہے‘ دوا دارو کا کام بھی‬ ‫چلتا رہتا ہے۔‬ ‫کھرک کو میں نے ہمیشہ خوش گوار اور پرلطف بیماری‬ ‫سمجھا ہے لیکن یہ اس بار ایسی جگہ لاحق ہوئی جہاں‬ ‫سماجی سطع پر متواتر کھرکے جانا معیوب سمجھا جاتا‬ ‫ہے۔ گھر میں بہو بیٹیاں ہیں۔ بڑی ہی حیا آتی تھی۔ مجبورا‬ ‫مجھے دوا کے لیے جانا پڑا۔ میں نے ڈاکٹر سے براہ‬

‫‪356‬‬‫راست حقیقت کہہ دی۔ دریں اثنا ایک اور صاحب آ گئے اور‬‫انہوں نے کھرک کو الرجی کا نام دیتے ہوئے دوا طلب کی۔‬ ‫اب میں کچھ ٹھیک سے نہیں کہہ سکتا کہ انہیں کہاں‬ ‫کھرک پڑی ہوئی تھی۔ میرے منہ سے بےساختہ نکل گیا‪:‬‬ ‫یا اللہ تیرا لاکھ لاکھ شکر ہے۔‬‫میں نے بقیہ جملہ کہ میں اس حمام میں اکیلا ہی نہیں ہوں‘‬ ‫کو پس زبان ہی رکھا۔‬ ‫انہوں نے کھا جانے کے انداز کی گھرکی سے میری جانب‬ ‫دیکھا۔ ڈاکٹر نے بھی بڑی سنجیدگی سے میری طرف‬‫دیکھا۔ میں نے خطرہ محسوس کر لیا کہ کچھ بھی ہو سکتا‬‫ہے‘ تاہم میرے لیے یہ کوئی غیرمتوقع ردعمل نہ تھا۔ میں‬ ‫جانتا تھا کہ کیا ردعمل ہو سکتا ہے۔ اس سے پہلے کہ وہ‬ ‫مجھے ایک دو جڑ دیتے‘ میں نے ان کی جانب دیکھتے‬ ‫ہوئے کہا‪ :‬محتاجی بری بلا ہے۔ اللہ اپنے پاؤں پر ہی‬ ‫رکھے۔ آج کل تو سگی اولاد تک نہیں پوچھتی۔ غیر کو کیا‬ ‫پڑی جو دکھ میں ساتھ دیتا پھرے۔ اللہ کا شکر ہے جو‬ ‫اپنے پاؤں پر چل رہے ہیں۔‬‫میں نے احتیاطا ان کی ہاں بھی ملوائی تا کہ تلخی کے ختم‬ ‫ہونے کا یقین ہو جائے۔ انہوں نے میری ہاں میں ہاں‬

‫‪357‬‬ ‫ملائی‘ اس کے باوجود کسی ناگواری کی صورت سے‬‫بچنے کے لیے‘ ڈاکٹر نے انہیں پہلے فارغ کر دیا حالاں کہ‬ ‫پہلے میں آیا تھا۔‬ ‫۔۔۔۔۔۔۔۔۔۔۔۔۔۔‬ ‫یہ کتابت کی غلطی ہے ٹ کی بجائے ت درج ہو گیا ہے۔‬

‫‪358‬‬ ‫صرف اور صرف‬ ‫لوکانہ‬ ‫ایک خوشامدی نے بادشاہ سے کہا‪ :‬حضور آپ کی کیا بات‬‫ہے۔ آپ سا نہ کوئی ہوا ہے اور نہ کبھی کوئی ہوگا۔ آپ کی‬ ‫بڑی لمبی عمر ہے اور آپ تا دیر سلامت رہیں گے۔ جب‬ ‫کوئی نہیں ہو گا تب بھی آپ کی بادشاہت قائم ہو گی۔ دریا‬ ‫کی منہ زور لہریں بھی آپ کے حکم کی تابع ہیں اور تابع‬ ‫رہیں گی۔ وہ بھی آپ کے حکم کے بغیر حرکت میں نہیں‬ ‫آتیں۔‬ ‫خوش آمدی کے کہے نے بادشاہ کی روح کو سکون دیا‬ ‫اور دل تر وتازہ کر دیا۔ اس نے بہت سی اشرفیاں اس کی‬ ‫آغوش میں ڈال دیں۔‬ ‫بادشاہ نے پاس کھڑے گماشتے سے کہا۔ رملی کو بلواؤ۔‬ ‫اس نے فورا سے پہلے ایلچی کو حکم دیا کہ رملی کو‬ ‫شاہی دربار میں حاضر کیا جائے۔‬

‫‪359‬‬ ‫وہ تیر کی طرح اڑتا ہوا رملی کو بلانے چلا گیا۔ دریں اثنا‬ ‫بادشاہ نے جی حضوریے سے کہا کہ ہمارا تخت فوری‬ ‫طور پر دریا کے کنارے لگوایا جائے۔ جی حضوریہ بادشاہ‬ ‫کے حکم کی تعمیل میں جٹ گیا۔‬ ‫رملی آ گیا۔ بادشاہ نے کہا کہ ہمارے اس کارندے نے کہا‬ ‫ہے کہ ہم تادیر جیئں گے۔ جب کچھ بھی نہیں ہو گا اس‬ ‫وقت بھی ہماری بادشاہت قائم ہو گی۔ بتاؤ اس کا کہنا کہاں‬ ‫تک درست ہے۔‬ ‫رملی تھوڑی دیر تک حساب کتاب لگاتا رہا۔ وہ جانتا تھا‬ ‫کہ بادشاہ سچ اور حق کی سننے کے عادی نہیں ہوتے۔‬‫حق سچ کی کہنے والے ہمیشہ جان سے گیے ہیں۔ اگر اس‬ ‫نے بھی آج حق سچ کی کہی تو جان سے جائے گا۔‬ ‫خوشامدی انعام و اکرام لے کر گیا ہے اور وہ اپنے قدموں‬ ‫واپس گھر نہ جا سکے گا۔ پھر اس نے جعلی خوش خبری‬ ‫لبریز خوشی کے ساتھ اس خبر کی تصدیق کر دی۔ یہ ہی‬ ‫نہیں اس نے پان سات جملے اپنے پاس سے بھی جڑ‬ ‫دیئے۔‬

‫‪360‬‬ ‫رملی کی باتوں نے بادشاہ کو خوش کر دیا ہاں البتہ خوش‬ ‫آمدی پر ناراض ہوا کہ اس نے ساری باتیں کیوں نہیں‬ ‫بتائیں۔‬ ‫اسی دوران حکم شاہی کی تعمیل میں بادشاہ کا تخت دریا‬‫کنارے آراستہ کر دیا گیا۔ بادشاہ چیلوں‘ چمٹوں‘ گماشتوں‘‬ ‫خوش آمدیوں وغیرہ کے ساتھ دریا کنارے لگے تخت پر آ‬ ‫بیٹھا۔ سرد اور رومان خیز ہوا نے اسے بہت لطف دیا۔‬ ‫بادشاہ نے ماحول اور فضا کی تعریف کی اور آئندہ سے‬ ‫دریا کنارے تخت آراستہ کرنے کا حکم دیا۔ کسی کو اصل‬ ‫حقیقت کہنے کی جرآت نہ ہوئی۔‬ ‫بادشاہ خوش آمدیوں کی خوش آمد سننے میں مگن تھا کہ‬ ‫دریا کی ایک منہ زور لہر آئی سب کچھ بہا کر لے گئی۔‬‫بادشاہ کی ٹانگیں اوپر اور سر نیچے ہو گیا۔ بادشاہ کا تخت‬‫بہتا ہوا جانے کہاں چلا گیا اور وہ خود بہتا ہوا اپنی سلطنت‬ ‫کی حدوں بہت دور نکل گیا۔ دیکھا وہاں ویرانیوں کے سوا‬ ‫کچھ بھی نہ تھا۔ کسے حکم جاری کرتا کہ اسے اس کے‬ ‫قدموں پر کرے۔ ہاں اللہ کے حکم کی تعمیل میں موت کا‬‫فرشتہ اس کے سامنے کھڑا مسکرا رہا تھا اور چند لمحوں‬ ‫کی مہلت دینے کے لیے بھی تیار نہ تھا۔‬

‫‪361‬‬ ‫رملی سیانا تھا تب ہی تو خبر کی تصدیق اور اپنے جھوٹ‬ ‫کا انعام لے کر چپکے سے دربار سے کھسک گیا تھا۔‬ ‫دریا کی ایک لہر نے ثابت کر دیا کچھ باقی رہنے کے لیے‬‫نہیں ہے۔ بقا صرف اور صرف اللہ ہی کی ذات کے لیے ہے۔‬

‫‪362‬‬ ‫نہ جائے ماندن نہ پائے رفتن‬ ‫منسانہ‬ ‫کسی کے معاملے میں یوں ہی ٹانگ اڑانا بلا طلب مشورہ‬ ‫دینا یا ذاتی معاملات میں دخل اندازی مجھے اچھی نہیں‬‫لگتی۔ ہاں کسی برائی سے روکنا مجھے کبھی برا نہیں لگا۔‬ ‫کوئی غصہ کرتا ہے تو کرتا رہے‘ میں نےکبھی اس کی‬ ‫پرواہ نہیں کی۔ اچھائی کے زمرے میں‘ میں کسی‬ ‫کمپرومائز کا قائل نہیں۔ برائی کو ہر حال میں برائی ہی کہا‬ ‫جانا چاہیے۔ برائی کی تائید یا خاموشی بہت بڑے سماجی‬ ‫نقصان کا موجب ہو سکتی ہے۔‬ ‫میں کسی کے کیا اپنی اولاد کے ذاتی گھریلو معاملات میں‬ ‫دخل اندازی کا قائل نہیں۔ ہاں البتہ مشورہ طلب کرنے کی‬ ‫صورت میں بڑی دیانت داری سے دو ٹوک اور بلا لگی‬ ‫لپٹی اپنی رائے کا اظہار کر دیتا ہوں۔ یہ پہلا موقع تھا کہ‬ ‫میں نے ڈرتے ڈرتے اور جھجکتے ہوئے اس سے پوچھ‬ ‫ہی لیا کہ وہ گھر میں صرف دو لوگ رہتے ہیں تو پھر اتنا‬ ‫گوشت کیوں لے کر جاتے ہو۔ مہمان بھی کوئی خاص آتے‬

‫‪363‬‬‫جاتے نہیں دیکھے۔ میری سن کر وہ کھل کھلا کر ہنس پڑا‬ ‫اور کہنے لگا۔ میری بیگم صرف گوشت کھانا پسند کرتی‬‫ہے۔ گوشت کی مختلف نوعیت کی ڈیشیں بنانے میں مہارت‬ ‫رکھتی ہے۔ وہ سبزی سے چڑتی ہے لیکن میں گوشت‬ ‫پسند نہیں کرتا۔ لیگ پیس تو اس کی من بھاتی کھا جا ہے۔‬ ‫رات کو آخر سونا بھی ہوتا ہے۔‬ ‫ابے لیگ پیس اور رات کو سونا بھی ہوتا ہے کوئی میل‬ ‫کھاتی بات نہیں۔ بالکل بےسری سی کہہ گئے ہو‬ ‫جناب بےسری نہیں حقیقت اور میل کھاتی ہوئی بات کی‬ ‫ہے۔‬ ‫وہ کیسے‘ میں سجھا نہیں‬‫جناب مرغ کی ٹانگیں نہیں لا کر دوں گا تو ہو سکتا ہے کہ‬‫رات کو اس کا موڈ بن جائے اور اٹھ کر میری ایک یا زیادہ‬ ‫ضرورت کی صورت میں دونوں ہڑپ جائے اور مجھے‬‫صبح اٹھ کر پتا چلے۔ ایک ٹانگوں سے جاؤں اوپر سے یہ‬ ‫معنا سنوں‘ تم جیب کے بڑے پکے ہو‘ یہ الگ بات ہے کہ‬ ‫میری کوئی جیب ہی نہیں جیب تو اسی کی ہے۔‬

‫‪364‬‬ ‫میں اس کی بات پر ہنسا بھی اور مجھے اس کی کمال کی‬ ‫مبالغہ آرائی نے لطف بھی دیا‪،‬‬ ‫اس نے بتایا کہ اس کی زوجہ سرکار نے فقط چار شوق‬ ‫پالے ہیں۔ کھانا‘ لڑنا‘ سونا اور چوتھا ڈیش ڈیش ڈیش۔ ان‬ ‫چاروں میں سے کسی ایک پر کمپرومائز نہیں ہو سکتا۔‬ ‫لڑائی میں چاردیواری میں مقفل آواز کی قائل نہیں۔‬ ‫اس کی آواز صور اسرافیل سے مماثل ہوتی ہے۔ گھر کے‬ ‫در و دیوار پر لرزہ طاری ہوجاتا ہے۔ لفظوں کے پھوٹتے‬ ‫انگارے میرے وجود اور روح کو چھلنی کر رہے ہوتے‬ ‫ہیں جب کہ محلہ لفظوں کی ادائیگی اسلوب اور نشت و‬ ‫برخواست سے لظف اندوز ہو رہا ہوتا ہے۔ وہ ان لمحات‬ ‫میں غلط اور صحیح کو ایک آنکھ سے دیکھ رہی ہوتی‬ ‫ہے۔ اس کے منہ سے نکلتے زہر آلود لفظ‘ لفظ کم حاویہ‬ ‫کے دہکتے انگارے زیادہ ہوتے ہیں جو انا اور ہونے کی‬‫حسوں کو تنور کی راکھ میں بدل رہے ہوتے ہیں۔ ان خوف‬ ‫ناک لمحوں میں کانوں میں شائیں شائیں ہوتی ہے اور‬ ‫آنکھوں میں اندھیرا چھا رہا ہوتا ہے۔ اپنی خیر مناتے‬ ‫کوئی بچ بچا کے لیے راہ میں نہیں آتا۔‬

‫‪365‬‬ ‫دسمبر کی قلفی بنا دینے والی سردی میں پنکھا فل اسپیڈ‬ ‫پر چلا کر استراحت فرماتی ہے۔ سوچتا ہوں جہنم میں گئی‬ ‫تو جہنم کی آگ کا اس پر کیا اثر انداز ہو سکے گی ہاں‬ ‫البتہ اس میں تیزی ضرور آ جائے گی۔ بےچارے جہنمیوں‬ ‫پر مزید قیامت توڑے گی۔‬ ‫ایک مرتبہ غلطی سے میں سگریٹ ایش ٹرے کی بجائے‬ ‫نیچے پھینک بیٹھا۔ یہ ننگے پاؤں تھی اس کا پاؤں‬ ‫سگریٹ پر آ گیا۔ یوں پٹ پٹ پئی جیسے تنور میں گر گئی‬ ‫ہو۔ میرے ساتھ جو ہوا اس کو چھوڑیے مجھ پر یہ‬ ‫انکشاف ضرور ہوا کہ آگ‘ آگ کو بھی جلاتی ہے اور کم‬ ‫زور آگ ازیت کا شکار ہوتی ہے۔‬ ‫پھر خیال گزرا اگر خدا نخواستہ جنت میں داخل ہو گئی تو‬ ‫وہاں کا ماحول حبسی ہو جائے گا۔ اس بات کو چھوڑیے‬ ‫میرا کیا بنے گا۔ ہر وقت میری بہتر حوروں کو اسٹینڈ ٹو‬ ‫رکھے گی۔ میری ہر چھوٹی موٹی غلطی پر یلغار کا کاشن‬ ‫جاری کرتی رہے گی۔‬‫میں اٹھنا چاہتا تھا کہ یہ حضرت چل سو چل ہو گئے تھے۔‬ ‫ان کی رام کہانی ختم ہونے کا نام نہیں لے رہی تھی۔ میری‬‫کیفیت نہ جائے ماندن نہ پائے رفتن کی سی تھی۔ اٹھتا ہوں‬

‫‪366‬‬ ‫تو بد اخلاقی بیٹھا رہتا ہوں تو دماغ میں سوراخ ہو رہے‬ ‫تھے۔ پہلے تو میں مداخلت کو غیراخلاقی کام سمجھتا تھا‬ ‫لیکن اب معلوم ہوا کہ مداخلت وقت اور دماغ کے زیاں‬ ‫سے زیادہ چیز نہیں۔ میں نے دل ہی دل میں توبہ کی کہ‬ ‫اس کے بعد ایسی غلطی نہیں کروں گا۔ دو حرفی بات کو‬ ‫انہوں نے شیطان کی آنت بنا دیا۔‬

‫‪367‬‬ ‫امتیاز‬ ‫لوکانہ‬ ‫تھانے دار جو گھوڑے پر سوار تھا‘ گاؤں میں کسی‬‫ضروری تفتیش کے لیے آیا۔ صاف ظاہر ہے اس نے سیدھا‬ ‫لمبڑ کے گھر جانا تھا۔ لمبڑ کے گھر کا اسے اتا پتا نہ تھا۔‬ ‫اس نے گاؤں میں داخل ہوتے ہی سامنے آتی ایک خاتون‬ ‫سے لمبڑ کے گھر کا پوچھا۔ اس بی بی نے بتایا کہ جو‬‫مکان سب سے اونچا پکا اور خوب صورت ہے وہ ہی لمبڑ‬ ‫کا ہے۔ تھانے دار نے ادھر ادھر نظر دوڑائی اسے سب‬ ‫سے اونچا پکا اور خوب صورت مکان نظر آ گیا۔‬ ‫بی بی گھر آ گئی۔ بہو نے کچھ پوچھا تو اس بی بی نے‬ ‫ناک چڑھا کر منہ دوسری طرف پھیر لیا۔ اس نے یہ ہی‬ ‫طور بیٹے اور بیٹی سے اختیار کیا۔ شام کو جب تھکا ہارا‬ ‫خاوند گھر آیا تو اس نے اس کے ساتھ بھی یہ ہی انداز‬ ‫اختیار کیا۔ اسے بڑی حیرت ہوئی۔ اس نے بہو سے ماجرہ‬ ‫پوچھا۔ بہو نے جوابا کہا‪ :‬پتا نہیں کہ بےبے کو کیا ہو گیا‬ ‫ہے صبح ہی سے ایسا کر رہی ہے۔‬

‫‪368‬‬ ‫اس نے پہلے پیار سے پوچھا تو وہ اور مچھر گئی۔ اس‬ ‫نے اس کے بعد دو چار چوندی چوندی گالیاں ٹکائیں‬ ‫اورمعاملہ پوچھا۔ گالیاں سن کر وہ ٹھٹھکی اور بولی‪:‬‬ ‫تھانےدار سے تو نہیں مل کر آئے ہو۔‬ ‫اس کا جواب سن کر لامحالہ اسے حیرت ہونا ہی تھی۔ اس‬ ‫نے پوچھی گئی بات کو نظر انداز کرتے ہوئے کہا‪ :‬تم‬ ‫مجھے چھوڑو اپنے اس انداز کی وجہ بتاؤ۔‬‫بی بی نے جواب دیا‪ :‬اس منہ سے میں نے تھانےدار سے‬ ‫بات کی تھی اور اب اسی منہ سے کتوں بلوں کے ساتھ‬ ‫بھی بات کروں۔‬ ‫وہ شخص افسردہ ہو گیا اور چارپائی پر چپ چاپ لیٹ گیا۔‬ ‫تھوڑی دیر بعد اٹھا اور اس نے فخریہ قسم کا قہقہ داغا۔‬ ‫سب اس کے اس طور پر حیران رہ گئے۔ اب کہ تھانےدار‬ ‫کی سابقہ ہم کلام نے تکبر کی گرہ توڑتے ہوئے کہا‪ :‬بھلیا‬‫کیا ہوا‘ پہلے افسردہ ہو گئے تھے اور اب قہقہے لگا رہے‬ ‫ہو۔‬ ‫پاگل اگر میں تھانےدار سے ہم کلام ہوا ہوتا تو تمہیں‬ ‫دھکے مار کر گھر سے نہ نکال دیتا۔ ہاں اتنا ٍفخر ضرور‬

‫‪369‬‬ ‫ہے کہ میں ایسی عورت کا خاوند ہوں جسے تھانےدار‬ ‫سے ہم کلام ہونے کا شرف حاصل ہوا۔ تمہارے مائی باپ‬ ‫بلاشبہ بڑے عظیم ہیں جو انہؤں نے تم ایسی عزت مآب‬ ‫بیٹی کو جنم دیا۔ اٹھو اور تیاری کرو کہ ان عظیم ہستیوں‬ ‫کے چرن چھونے چلیں۔ پھر وہ بہو بیٹی اور بیٹے کو نظر‬ ‫انداز کرتے ہوئے گھر سے باہر نکل گئے۔‬ ‫اس واقعے کے بعد بہو کا نظرانداز ہو جانا فطری سی بات‬ ‫تھی۔ کہاں وہ تھوڑ پونجوں کی اولاد کہاں یہ تھانےدار‬ ‫سے ہم کلام ہونے والی ماں کی اولاد‘ دونوں خان دانوں‬ ‫میں حالات نے زمین آسمان کا فرق ڈال دیا تھا۔ بےشک یہ‬ ‫اونچ نیچ کا امتیاز نسلوں کو ورثہ میں منتقل ہو جانا تھا۔‬ ‫کھوتے کہوڑے کا امتیاز اگر مٹ جائے تو عام اور خاص‬ ‫کی اصطلاحیں بےمعنی اور لایعنی سی ہو کر رہ جائیں۔‬

‫‪370‬‬ ‫چوتھے کی چوتھی‬ ‫ہمارے گھر سے خالہ کا گھر کوئی بیس پچیس منٹ پیدل‬ ‫فاصلے کا رستہ تھا۔ دونوں گھروں کے مراسم بھی خوش‬ ‫گوار تھے۔ ہم ایک دوسرے کے ہاں بلا کسی ٹوک آتے‬ ‫جاتے رہتے تھے۔‬‫دونوں گھروں کا ماحول عادات رویے طور و اطوار معاشی‬ ‫حالات ایک جیسے تھے۔ مثلا میری خالہ‘ خالو کی عزت‬ ‫نہیں کرتی تھی ہماری اماں بھی ابا کی دن میں دو چار بار‬ ‫بےعزتی ضرور کرتی تھی۔ ان کی معاشی حالت درمیانی‬ ‫تھی ہمارا گھرانہ بھی کھاتا پیتا نہ تھا۔ وہ تین بہنیں اور‬‫تین بھائی تھے جب کہ تعدادی اعتبار سے ہم بھی اتنے ہی‬ ‫تھے۔ جیا کا گھر میں چوتھا نمبر تھا میرا بھی چوتھا نمبر‬‫تھا۔ جیا کے ابا پرلے درجے کے جھوٹے تھے جب کہ سچ‬ ‫میرے ابا کے بھی قریب سے نہ گزرا تھا۔‬ ‫خالہ دیوار کے اس پار کی ہمسائی سے دو دو گھنٹے‬ ‫کھڑی ہو کر باتیں کرتی تھی۔ میری ماں بھی یہ ہی طور‬ ‫رکھتی تھی۔ گھر میں آئی ہمسائی کے ساتھ گھنٹوں باتیں‬

‫‪371‬‬ ‫کر لینے کے بعد بھی اماں دروازے پر آ کر اس سے دیر‬ ‫تک مکالمہ کرتی خالہ بھی اس عادت سے دور نہ تھی۔‬ ‫کہیں جا رہے ہوتے رستہ میں اگر کوئی مل جاتی اماں‬ ‫اسے گلے ملتی جیسے صدیوں بعد ملاقات ہوئی ہو اور‬ ‫پھر وہاں کھڑے ہو کر دیر تک ان کی بیت بازی ہوتی اور‬ ‫ہم سب ان کی باتوں کے اختتام کا انتظار کرتے۔ خالہ بھی‬ ‫اس ملنساری کے طور سے بہرہ ور تھی۔‬ ‫بجلی کے جانے آنے کے اوقات ایک سے تھے۔ بجلی‬ ‫خراب ہو جاتی تو بلاوصولی نہ ادھر نہ ادھر بجلی والے‬ ‫آتے تھے۔‬ ‫سردیوں میں دونوں طرف گیس کا کرفیو لگ جاتا۔ عمومی‬ ‫اطوار ایک طرف میرے اور جیا کے شخصی اطوار بھی‬ ‫ایک سے تھے مثلا بھوک وہ برداشت نہ کرتی تھی بھوک‬‫کے معاملہ میں میں بھی بڑا کم زور واقع ہوا تھا۔ لگ پیس‬ ‫اسے خوش آتے تھے لگ پیس میری بھی کم زوری تھی۔‬ ‫کسی کی جیب سے کھانا ہمیں اچھا لگتا تھا۔ جیا سیر‬ ‫سپاٹے کی بڑی شوقین تھی پھرنا ٹرنا مجھے بھی اچھا‬ ‫لگتا تھا۔ جیا بڑی کام چور تھی اس معاملے میں میں اس‬ ‫سے پیچھے نہ تھا۔‬

‫‪372‬‬ ‫عادات اطوار ایک سے ہونے کی وجہ سے میرا خیال تھا‬‫کہ ہماری جوڑی خوب جمے گی۔ خالہ منتیں ترلے کروانے‬‫کی عادی تھی اسی لیے اڑی ہوئی تھی۔ میری ماں بھی اس‬ ‫کی بری بہن تھی۔ ہر دوسرے ان کے ہاں چلی جاتی۔ خوب‬ ‫بول بلارا کرکے آتی اور ہر بار دوبارہ سے نہ آنے کا کہہ‬‫کر چلی آتی۔ آخر خالہ کو ہتھیار ڈالنا پڑے اور ہماری شادی‬ ‫ہو ہی گئی۔‬ ‫اتنا قریب ہو کر بھی میں جیا کے باطن کو نہ پڑھ سکا‘‬ ‫شادی کے بعد جیا‘ جیا وہ نہ رہی۔ حد درجہ کی ہٹ دھرم‬ ‫تھی۔ میری ماں کا بول بلارے میں چار سو ڈنکا بجتا تھا‬ ‫لیکن جیا کے سامنے بھیڑ ہو گئی۔ کسکتی بھی نہ تھی۔‬‫ہمہ وقت کی قربت کے بعد معلوم پڑا کہ ہمارا ظاہر ایک سا‬ ‫کنورپن میں ضرور تھا لیکن شادی کے بعد باطن تو باطن‘‬ ‫ظاہر میں بھی زمین آسمان کا فرق تھا۔‬ ‫وہ کھانے‘ سونے اور لڑنے میں اپنی مثال آپ تھی۔ ہر‬ ‫اچھی چیز ماں کے گھر بھجوا دیتی اور پھر ہے نا کی‬ ‫گردان پڑھنا شروع کر دیتی۔ ہم میں سے کسی میں اتنی‬ ‫ہمت نہ تھی کہ پہلی کا تذکرہ بھی کر پاتا۔ وہ ہی چیز‬ ‫دوبارہ سے لانا پڑتی۔‬

‫‪373‬‬ ‫جنسی معاملات میں بھی کچھ کم نہ تھی۔ اسے تو لوہے کا‬ ‫مرد چاہیے تھا۔ ہمارا ظاہر باطن تو ایک ثابت نہ ہوا ہاں‬ ‫البتہ بچوں کے حوالہ سے ہم اپنی ماؤں پر ضرور گئے۔‬ ‫ہمارے بھی گنتی میں چھے بچے ہوئے۔ مماثلت میں ایک‬ ‫ان ہونی ضرور ہوئی۔ ہمارا چوتھا اپنی خالہ کی بیٹی کا‬ ‫دیوانہ ہو گیا۔ میرے سمجھانے پر بھی نہ سمجھا۔ وہ‬ ‫مجھے کھپتا خیال کرتا تھا۔ اس کی ماں نے میری ماں کا‬ ‫سا کردار ادا کرنا شروع کر دیا۔ آخر ان کی شادی ہو گئی۔‬ ‫ہاں البتہ جیا اور چوتھے کی چوتھی میں یہ فرق باقی رہا‬ ‫کہ وہ دس دن بعد ہی ہم سے الگ ہو گئے۔ جیا اپنی خالہ‬‫کی بےعزتی کرنے کے ساتھ ساتھ اس کا خیال بھی رکھتی‬ ‫تھی۔ زندگی بھر ساس سسر کے ہاں ہی رہی۔ یہ تو آدھا‬ ‫مہینہ بھی ہمارے ساتھ نہ رہے۔‬

‫‪374‬‬ ‫وہ لفظ کہاں ہے‘ کدھر ہے‬ ‫سرخ ہو کہ سپید‬ ‫سیاہ ہو کہ کاسنی‬ ‫جدید ہو کہ قدیم‬ ‫دوست ہو کہ دشمن‬ ‫کیسا بھی رہا ہو‬ ‫مجھے اس سے کوئی غرض نہیں‬ ‫ہاں مگر‬ ‫سخت ہو مونگے کی طرح‬ ‫نرم ہو ریشم کی طرح‬ ‫بلند ہو ہمالہ ایسا‬ ‫روشن ہو آفتاب ایسا‬ ‫حسین ہو مہتاب ایسا‬ ‫عاشق ہو بلال ایسا‬

‫‪375‬‬ ‫عمیق ہو بحر الکاہل ایسا‬ ‫پرواز میں جبریل ایسا‬ ‫سماّعت میں صور اسرافیل ایسا‬ ‫بےکراں‘ چرخ نیل فام ایسا‬ ‫ذات کا کھوجی لہر ایسا‬ ‫گوہر شناس ہو ہنس ایسا‬ ‫بےقرار‘ سیماب ایسا‬ ‫شجاع‘ حیدر کرار ایسا‬ ‫یہ ہی نہیں‬ ‫اپنی ذات میں‘ باکمال ہو لازوال ہو‬ ‫وہ لفظ کہاں ہے‘ کدھر ہے‬ ‫صدیوں سے میں اس کی تلاش میں ہوں‬ ‫کہ‬ ‫نوع بشر کو‬ ‫اس کی عظمتوں کا راز کہہ دوں‬

‫‪376‬‬ ‫عظمت آدم کا آج پھر چرچا ہو‬ ‫مخلوق فلکی پھر سے‬ ‫تجدید عظمت آدم کرے‬ ‫خدا لم یزل کہہ دے‬ ‫کہتا نہ تھا‬ ‫جو جانتا ہوں میں کب جانتے ہو تم‬ ‫کوئی تو کھوجے‘ کوئی تو تلاشے‬ ‫کہ‬ ‫وہ لفظ کہاں ہے‘ کدھر ہے‬ ‫‪...........‬‬ ‫قاضی جرار حسنی‬ ‫فروری ‪١٩٧٧‬‬

‫‪377‬‬ ‫اچھا نہیں ہوتا‬ ‫منظومہ‬ ‫ہاں میں موت‬ ‫ناں میں بہن کا گھر اجڑتا تھا‬ ‫برسوں کا بنا کھیل بگڑتا تھا‬ ‫چپ میں کب سکھ تھا‬ ‫چار سو بچھا دکھ تھا‬ ‫زندگی کیا تھی اک وبال تھا‬ ‫بھاگ نکلنے کو نہ کوئی رستہ بچا تھا‬ ‫پہیہ زندگی کا پٹڑی سے اتر رہا تھا‬ ‫زیست کا پاؤں بےبصر دلدل میں گر رہا تھا‬ ‫بےچارگی کا نیا دانت نکل رہا تھا‬ ‫بہنوئی کی آنکھوں میں سکوں کی ہریالی تھی‬

‫‪378‬‬ ‫آتی ہر گھڑی اس کے لیے کرماوالی تھی‬ ‫بہن کی آنکھ سے چپ کے آنسو گرتے‬ ‫ماں کی آنکھوں کے حسیں سپنے‬ ‫بےکسی کے قدموں میں بکھرتے‬ ‫کیا کرتا کدھر کو جاتا‬ ‫خود کو بچاتا‬ ‫کہ ماں کے آنسوؤں کے صدقے واری جاتا‬ ‫زہر کا پیالہ مرے رو بہ رو تھا‬ ‫تذبذب کی صلیب پہ لٹکا کے‬ ‫شنی اپنے کارے میں سفل ہوا‬ ‫پیتا تو یہ خود کشی ہوتی‬ ‫ٹھکراتا تو خود پرستی ہوتی‬ ‫پیچھے ہٹوں کہ آگے بڑھوں‬ ‫ہاں نہ کے پل پر‬ ‫بےکسی کی میت اٹھائے کھڑا تھا‬

‫‪379‬‬ ‫آگے پیچھے اندھیرا منہ پھاڑے‬ ‫فیصلے کی راہ دیکھ رہا تھا‬ ‫پھر میں آگے بڑھا اور زہر کا پیالہ اٹھا لیا‬ ‫خودکشی حرام سہی‬ ‫کیا کرتا‬ ‫بہن کی بےکسی‬ ‫ماں کے آنسو بےوقار کیوں کرتا‬ ‫ابلیس قہقے لگا رہا تھا‬ ‫نہ پیتا تب بھی اسی کی جیت تھی‬ ‫پھر بھی وہ قہقے لگاتا‬ ‫دوزخی بلا نے مرے گھر قدم رکھا‬ ‫گھر کا ہر ذرہ لرز لرز گیا‬ ‫میں بھی موت کے گھاٹ اتر گیا‬ ‫جسے تم دیکھ رہے ہو‬ ‫ہنستی بستی زندگی کا بےکفن لاشہ ہے‬

‫‪380‬‬ ‫پہلے دو ٹھکانے لگا آئی تھی‬ ‫لاشے کو کیوں ٹھکانے لگاتی‬ ‫لاشے کا ماس کھا چکی ہے‬ ‫ہڈیاں مگر باقی ہیں‬ ‫بہن لاشے کو دیکھ کر روتی ہے‬ ‫ہڈیاں مگر کیا تیاگ کریں‬ ‫آنسوؤں کے قدموں میں کیا دھریں‬ ‫کوئی اس کو جا کر بتائے‬ ‫لالسہ سرحدوں کی کب چیز ہے‬ ‫جہاں تم کھڑی ہو وہ تو فقط اس کی دہلیز ہے‬ ‫کوئی حادثہ ہی‬ ‫تمہیں خاوند کی لالسہ کے جہنم سے باہر لائے گا‬ ‫پھر تمہارا ہر آنسو پچھتاوے کی اگنی میں جلے گا‬ ‫تب تک‬ ‫ہڈیاں بھی یہ دوزخ کی رانی کھا چکی ہوگی‬

‫‪381‬‬ ‫راکھ ہو گی نہ کوئی رفتہ کی چنگاری‬ ‫ہو گی تو لالسہ کی آری‬ ‫دکھ کا دریا بہہ رہا ہو گا‬ ‫ہر لمحہ تمہیں کہہ رہا ہو گا‬ ‫حق کی بھی کبھی سوچ لیا کرو‬ ‫لقموں کا دم بھرنا اچھا نہیں ہوتا‬ ‫اچھا نہیں ہوتا‬ ‫ابوزر برقی کتب خانہ‬ ‫مئی ‪٢٠١٧‬‬

382