ایک سو ایک لوکانے منسانے شغلانے اور منظومے

‫‪1‬‬ ‫ایک سو ایک‬‫لوکانے منسانے شغلانے اور منظومے‬ ‫مقصود حسنی‬ ‫ابوزر برقی کتب خانہ‬ ‫فروری ‪٢٠١٧‬‬

‫‪2‬‬ ‫فہرست‬ ‫سہ گنیا ‪١-‬‬ ‫اسے معلوم نہ تھا ‪٢-‬‬ ‫ان دنوں ‪٣-‬‬ ‫آنٹی ثمرین ‪٤-‬‬ ‫انصاف کا قتل ‪٥-‬‬ ‫بےکار کی شرم ساری ‪٦-‬‬ ‫میں مولوی بنوں گا ‪٧-‬‬ ‫ایسا کیوں ہے ‪٨-‬‬ ‫یہ اچھا ہی ہوا ‪٩-‬‬ ‫وہی پرانا چالا ‪١٠‬‬ ‫سدھر جاؤ ‪١١-‬‬ ‫اچھا نہیں ہوتا ‪١٢-‬‬ ‫آئندہ کے لیے ‪١٣-‬‬ ‫منہ سے نکلی ‪١٤-‬‬

‫‪3‬‬ ‫یک مشت ‪١٥-‬‬ ‫دیگچہ تہی دامن تھا ‪١٦-‬‬ ‫حکم عدولی ‪١٧-‬‬ ‫لوگ کیا جانیں ‪١٨-‬‬ ‫چپ کا معاہدہ ‪١٩-‬‬ ‫کالی زبان ‪٢٠-‬‬ ‫فیصلہ ‪٢١-‬‬ ‫قاتل ‪٢٢-‬‬ ‫میں کریک ہوں ‪٢٣-‬‬ ‫ان ہونی‘ ان ہونی نہیں ہوتی ‪٢٤-‬‬ ‫جذبے کی سزا ‪٢٥-‬‬ ‫اللہ بھلی کرے ‪٢٦-‬‬ ‫آخری کوشش ‪٢٧-‬‬ ‫تیسری دفع کا ذکر ہے ‪٢٨-‬‬ ‫انگلی ‪٢٩-‬‬

‫‪4‬‬ ‫آخری تبدیلی کوئی نہیں ‪٣٠-‬‬ ‫کھڑ پینچ دی جئے ہو ‪٣١-‬‬ ‫سراپے کی دنیا ‪٣٢-‬‬ ‫میں ہی قاتل ہوں ‪٣٣-‬‬ ‫خیالی پلاؤ ‪٣٤-‬‬ ‫تعلیم اور روٹی ‪٣٥-‬‬ ‫بوسیدہ لاش ‪٣٦-‬‬ ‫وبال دیکھیے ‪٣٧-‬‬ ‫عصری ضرورت ‪٣٨-‬‬ ‫اماں جیناں ‪٣٩-‬‬ ‫اس کا نام ہدایتا ہی رہا ‪٤٠-‬‬ ‫بھاری پتھر ‪٤١-‬‬ ‫ایسے لوگ کہاں ہیں ‪٤٢-‬‬ ‫واہ مولوی صاحب واہ شغلان ‪٤٣-‬‬ ‫ذات کا خول ‪٤٤-‬‬

‫‪5‬‬ ‫ہزار کا نوٹ ‪٤٥-‬‬ ‫پتنائی مہاورہ ‪٤٦-‬‬ ‫کچھ ہی دور ‪٤٧-‬‬ ‫ضروری نہیں ‪٤٨-‬‬ ‫اس حمام میں ‪٤٩-‬‬ ‫صرف اور صرف ‪٥٠-‬‬ ‫نہ جائے ماندن نہ پائے رفتن ‪٥١-‬‬ ‫سنیئر سیٹیزنز ‪٥٢-‬‬ ‫امتیاز ‪٥٣-‬‬ ‫چوتھے کی چوتھی ‪٥٤-‬‬ ‫منظومے ‪٥٥-‬‬ ‫شاعر اور غزل ‪٥٦-‬‬ ‫ٹیکسالی کے شیشہ میں ‪٥٧-‬‬ ‫کالے سویرے ‪٥٨-‬‬ ‫کیچڑ کا کنول ‪٥٩-‬‬

‫‪6‬‬ ‫دو لقمے ‪٦٠-‬‬ ‫آخری خبریں آنے تک ‪٦١-‬‬ ‫یہ ہی فیصلہ ہوا تھا ‪٦٢-‬‬ ‫حیرت تو یہ ہے‪٦٣-‬‬ ‫میں نے دیکھا ‪٦٤-‬‬ ‫کس منہ سے ‪٦٥-‬‬ ‫حیات کے برزخ میں ‪٦٦-‬‬ ‫سورج دوزخی ہو گیا تھا ‪٦٧-‬‬ ‫فیکٹری کا دھواں ‪٦٨-‬‬ ‫مطلع رہیں ‪٦٩-‬‬ ‫امید ہی تو زندگی ہے‪٧٠-‬‬ ‫میٹھی گولی ‪٧١-‬‬ ‫دو بیلوں کی مرضی ہے ‪٧٢-‬‬ ‫ذات کے قیدی ‪٧٣-‬‬ ‫چل' محمد کے در پر چل ‪٧٤-‬‬

‫‪7‬‬ ‫عطائیں اللہ کی کب بخیل ہیں ‪٧٥-‬‬ ‫کرپانی فتوی ‪٧٦-‬‬ ‫مقدر ‪٧٧-‬‬ ‫دو بانٹ ‪٧٨-‬‬ ‫دو حرفی بات ‪٧٩-‬‬ ‫سوچ کے گھروندوں میں ‪٨٠-‬‬ ‫کیا یہ کافی نہیں ‪٨١-‬‬ ‫یادوں کی دودھ ندیا ‪٨٢-‬‬ ‫باؤ بہشتی ‪٨٣-‬‬ ‫کوئی کیا جانے ‪٨٤-‬‬ ‫کل کو آتی دفع کا ذکر ہے ‪٨٥-‬‬ ‫کڑکتا نوٹ ‪٨٦-‬‬ ‫اسلام سب کا ہے ‪٨٧-‬‬ ‫ڈنگ ٹپانی ‪٨٨-‬‬ ‫ایک اور اندھیر دیکھیے‪٨٩-‬‬

‫‪8‬‬ ‫یہ حرف ‪٩٠-‬‬ ‫عہد کا در وا ہوا ‪٩١-‬‬ ‫مشینی دیو کے خواب ‪٩٢-‬‬ ‫اک مفتا سوال ‪٩٣-‬‬ ‫ریت بت کی شناسائی مانگ ‪٩٤-‬‬ ‫آنکھوں دیکھے موسم ‪٩٥-‬‬ ‫سوال کا جواب ‪٩٦-‬‬ ‫یہ ہی دنیا ہے ‪٩٧-‬‬ ‫مالک کی مرضی ہے ‪٩٨-‬‬ ‫سیاست ‪٩٩-‬‬ ‫وہ لفظ کہاں ہے‘ کدھر ہے ‪١٠٠-‬‬ ‫اچھا نہیں ہوتا ‪١٠١-‬‬

‫‪9‬‬ ‫سہ گنیا‬ ‫لوکانہ‬ ‫ایک بادشاہ اور اس کا وزیر گشت پر نکلے ہوئے تھے۔ دیکھا‬ ‫ایک درخت کے نیچے ایک ادمی سویا ہوا ہے۔ وزیر نے بادشاہ‬ ‫سے کہا‪ :‬بادشاہ سلامت درخت کے نیچے سویا ہوا آدمی بڑے‬ ‫کام کا ہے۔ وہ دونوں اس شخص کے پاس چلے گئے۔ اسے‬ ‫جگایا اور پوچھا کہ تم کیا کیا ہنر رکھتے ہو۔ اس شخص نے‬ ‫بتایا کہ میں تین گن رکھتا ہوں‪:‬‬ ‫اول‪ -‬میں اصلی اور نقلی ہیرے کی جانچ کر سکتا ہوں۔‬ ‫دوئم‪ -‬مجھے نسلی اور غیرنسلی گھوڑوں کی پہچان ہے۔‬ ‫سوئم‪ -‬مجھے آدمیوں کی پہچان ہے۔‬ ‫بادشاہ اسے اپنے ساتھ لے آیا اور اس کی پانچ روپے ماہانہ‬ ‫تنخواہ مقرر کر دی اور اسے کہا جاؤ ہمارے قرب وجوار میں‬ ‫موج کرو جب تمہاری ضرورت پڑے گی بلا لیں گے۔‬ ‫ایک مرتبہ دربار میں ہیروں کا سوداگر آیا۔ بادشاہ کو ہیرے‬ ‫دکھائے۔ بادشاہ کو ایک ہیرا بہت پسند آیا۔ اچانک اسے اپنا سہ‬ ‫گنیا ملازم یاد آ گیا۔ اسے بلایا گیا اور پسند کیے گئے ہیرے کے‬ ‫متعلق پوچھا۔ اس نے وہ خوب صورت ہیرا دیکھا۔ جانچنے کے‬

‫‪10‬‬ ‫بعد کہنے لگا یہ ہیرا نقلی ہے اور اس میں ریت بھری ہوئی ہے‬ ‫اور سوداگر سے کہا تم خاک ہیروں کے سوداگر ہو جو اصلی‬ ‫اور نقلی ہیرے کی پہچان نہیں رکھتے۔‬ ‫سوداگر کے تو ہاتھوں کے طوطے اڑ گئے اور وہ بہت پریشان‬ ‫ہوا۔ حیران تو بادشا بھی ہوا۔ بادشاہ نے سوداگر سے کہا اگر‬ ‫اس شخص کی بات صحیح نکلی تو میں تمہارا سر اڑا دوں گا‬ ‫اگر یہ ہیرا اصلی نکلا تو خرید لوں گا۔ پھر اس شخص سے کہا‬ ‫اگر ہیرا درست نکلا تو تم جان سے جاؤ گے۔‬ ‫ہیرا توڑا گیا تو ہیرے میں سے ریت برآمد ہوئی۔ بادشاہ اس‬ ‫شخص سے راضی ہوا اور اس کی پانچ روپے تنخواہ برقرار‬ ‫رکھی۔‬ ‫کچھ ہی وقت گزا ہو گا کہ ایک گھوڑوں کا سوداگر آیا۔ اس کے‬ ‫پاس ون سونی نسل کے گھوڑے تھے۔ ان میں سے بادشاہ کو‬ ‫ایک گھوڑا بہت پسند ایا۔ پہچان کے لیے اس شخص کو دوبارہ‬ ‫سے طلب کیا گیا گیا اور اپنی پسند کے گھوڑے کے متعلق‬ ‫دریافت کیا۔‬ ‫اس شخص نے گھوڑے کو دیکھنے کے بعد کہا‪ :‬گھوڑے کے‬ ‫نسلی ہونے میں کوئی شک نہیں لیکن اس کی کمر میں رسولی‬ ‫ہے۔ گھوڑوں کے سوداگر سے کہا تم کیسے گھوڑوں کے‬ ‫سوداگر ہو کہ جانور میں موجود اعضائی نقص سے بےخبر‬

‫‪11‬‬ ‫رہتے ہو۔‬ ‫گھوڑوں کے سوداگر کو سخت پریشانی ہوئی۔ اس گھوڑے کے‬ ‫حوالہ سے اسے انعام واکرام ملنے کی امید تھی۔‬ ‫جانوروں کے امراض کے ماہر کو بلایا گیا۔ اس نے گھوڑے کا‬ ‫طبی معائینہ کیا اور کمر میں رسولی ہونے کی تصدیق کر دی۔‬ ‫بادشاہ گھوڑوں کے سوداگر سے سخت خفا ہوا اور اسے دربار‬ ‫سے دھکے دے کر نکال دیا۔ بادشاہ اپنے اس ملازم کی پرکھ‬ ‫پہچان پر بہت راضی ہوا اور اس کی تنخواہ پانچ روپے برقرار‬ ‫رکھی۔‬ ‫ایک دن بادشاہ نے سوچا کیوں نہ تیسری خوبی بھی آزمائی‬ ‫جائے۔ اسے بلایا گیا۔ بادشاہ نے اس سے پوچھا کہ تم میرے‬ ‫بارے میں کیا کہتے ہو کہ میں کون ہوں۔ بادشاہ کو اپنے اعلی‬ ‫نسل ہونے کا یقین تھا اور اس پر فخر و غرور بھی تھا۔ اس‬ ‫شخص نے کافی پس و پیش سے کام لیا لیکن بادشاہ کا اصرار‬ ‫بڑھتا گیا۔ اس شخص نے جان بخشی کی درخواست کی۔ بادشاہ‬‫نے جان بخشی کا وعدہ کیا تو اس شخص نے بتایا کہ تم چوڑے‬ ‫کی اولاد ہو۔‬‫بادشاہ نے تلوار نیام سے نکالی اور کہا کہ یہ تم کیسے اور کس‬ ‫بنیاد پر کہتے ہو۔ بادشاہ کے ہاتھ میں وعدہ خلافی کے حوالہ‬ ‫سے تلوار دیکھی تو زوردار قہقہ لگا کر کہنے لگا‪ :‬اے بادشاہ‬

‫‪12‬‬ ‫میں نے ہیرے کی پرکھ بتائی تم خوش ہوئے لیکن میری تنخواہ‬ ‫پانچ ہی رہنے دی۔ گھوڑے کے متعلق درست بتایا تم خوش‬ ‫ہوئے لیکن میری پانچ روپے ہی رہنے دی۔ اب وعدہ خلافی‬ ‫کرکے تلوار نیام سے نکال رہے ہو۔ جب میں نے بتانے سے‬ ‫انکار کیا تو تمہیں علیدگی میں پوچھنا چاہیے تھا۔ تمہارے کام‬ ‫ہی چوڑوں جیسے ہیں‘ میں نے اسی بنیاد پر تمہیں چوڑے کی‬ ‫اولاد کہا ہے۔ مجھے قتل کرنے سے پہلے اپنی ماں سے جا کر‬ ‫پوچھ کہ تم کس کی اولاد ہو۔‬ ‫بادشاہ غصہ سے ہاتھ میں ننگی تلوار لے کر ماں کی طرف‬‫بھاگا۔ اس کی ماں آرام کر رہی تھی۔ اس نے جا کر ماں کو اٹھایا‬ ‫اور کہا سچ بتا کہ میں کس کی اولاد ہوں۔ ماں اس کا یہ رویہ‬‫اور تیور دیکھ کر حیران رہ گئی۔ اس نے کہا اپنے باپ کی اولاد‬ ‫ہو اور کس کی ہو۔ پھر بادشاہ نے تلوار لہرائی اور کہا سچ سچ‬‫بتاؤ کہ میں کس کی اولاد ہوں۔ پھر اس کی ماں نے بتایا کہ میرا‬‫خاوند جنگ میں تھا اور اسے گھر آئے کافی دن ہو گئے میرا دل‬ ‫بڑا چاہا تو میں نے گھر میں جھاڑو بھاری کرنے والے کو‬ ‫استعمال کر لیا اور پھر وہ ہی میرے کام آنے لگا۔ تمہارا وزیر‬‫وہی چوڑا ہی تو ہے۔ محلوں میں یہ الگ سے اور انوکھا واقعہ‬ ‫نہیں ہے۔‬ ‫یہ سننا تھا کہ بادشاہ چکرا گیا اور وہیں سر پکڑ کر زمین پر‬ ‫بیٹھ گیا۔‬

‫‪13‬‬ ‫اسے معلوم نہ تھا‬ ‫لوکانہ‬ ‫ایک شخص درخت کے نیچے منہ کھولے گہری نیند سو رہا تھا‬‫کہ ایک سپولیہ اس کی جانب بڑھا۔ دریں اثنا ایک گھڑسوار وہاں‬ ‫آ پہنچا۔ وہ پھرتی سے گھوڑے سے نیچے اترا۔ اس کے نیچے‬ ‫اترتے اترتے سپولیہ سوئے ہوئے شخص کے منہ میں گھس‬ ‫گیا۔ وہ بڑا پریشان ہوا۔ اچانک اسے کچھ سوجھا اور اس نے‬ ‫سوئے ہوئے شخص کو زور زور سے چھانٹے مارنا شروع کر‬ ‫دیے۔ سویا ہوا شخص گھبرا کر جاگ اٹھا اور اس نے گھڑسوار‬‫اس نے کہا وجہ چھوڑو ‘سے چھانٹے مارنے کی وجہ پوچھی‬ ‫اور تیز رفتاری سے بھاگو ورنہ اور زور سے ماروں گا۔‬ ‫اس شخص نے بھاگنا شروع کر دیا۔ جب رکنے لگتا تو وہ‬ ‫چھانٹے مارنا شروع کر دیتا۔ رستے میں ایک ندی آ گئی۔‬ ‫گھڑسوار نے کہا پانی پیو۔ اس نے پیا۔ اس نے چھانٹا مارتے‬ ‫ہوئے کہا اور پیو۔ اس نے اور پیا اور کہا اب مزید نہیں پی‬ ‫سکتا۔ اچھا نہیں پی سکتے تو بھاگو۔‬ ‫وہ بھاگتا جا رہا تھا اور ساتھ میں وجہ بھی پوچھے جاتا۔‬ ‫گھڑسوار وجہ نہیں بتا رہا تھا ہاں البتہ بھاگنے کے لیے کہے‬ ‫جاتا تھا۔‬

‫‪14‬‬ ‫تھوڑا آگے گیے تو ایک سیبوں کا باغ آ گیا۔ گھڑ سوار نے کہا‬ ‫نیچے گرے ہوئے سیب کھاؤ۔ اس نے کھائے اور کہا مزید نہیں‬ ‫کھا سکتا۔ گھڑسوار نے زوردار چھانٹا مارتے ہوئے کہا‘ میں‬ ‫کہتا ہوں اور کھاؤ۔ اس نے کھانا شروع کر دیا۔ پھر کہنے لگا‬ ‫اور نہیں کھا سکتا مجھے قے آ رہی ہے۔ ہاں ہاں کھاتے جاؤ‬ ‫جب تک قے نہیں آ جاتی تمہیں سیب کھاتے رہنا ہو گا۔‬ ‫وہ سیب کھاتا رہا کہ اسے زوردار قے آ گئی۔ قے کے ساتھ ہی‬ ‫سپولیہ بھی باہر آ گیا۔ تب اس پر اصل ماجرا کھلا۔ وہ گھڑسوار‬ ‫کا شکرگزار ہوا اور اس نے معافی مانگی کہ وہ بھاگتے پانی‬ ‫پیتے اور سیب کھاتے ہوئے جی ہی جی میں اسے گالیاں اور‬ ‫بددعائیں دے رہا تھا اور اس مصبیت سے چھٹکارے کے لیے‬ ‫دعائیں کر رہا تھا۔‬ ‫تمہاری بددعائیں مٹی ہوئیں ہاں البتہ دعائیں کارگر ثابت ہوئیں۔۔‬ ‫اسے قطعا معلوم نہ تھا کہ اس ظاہری برائی میں خیر چھپی‬ ‫ہوئی ہے۔ گھڑسوار مسکرایا اور اپنی منزل کو چل دیا‬

‫‪15‬‬ ‫ان دنوں‬ ‫لوکانہ‬ ‫اس بچی کا اصل نام ارشاد تھا لیکن سیاہ رنگت کے سبب کالی‬ ‫ماتا نام عرف عام میں آ گیا تھا۔ خصوصا بچے اسے چھیڑنے‬ ‫کے لیے شاداں کالی ماتا کہہ کر پکارتے۔ وہ اس نام پر پٹ پٹ‬‫جاتی۔ اکثر نوبت لڑائی جھگڑے تک پہنچ جاتی۔ وہ تو چڑتی تھی‬‫ہی لیکن اس کی ماں اس سے زیادہ تاؤ میں آ جاتی اور چھیڑنے‬ ‫والے کو اگلے گھر تک پہنچا کر آتی۔‬ ‫اس روز ہم سائے کا لڑکا جو عمر میں شاداں کے برابر کا تھا۔‬ ‫شاداں کو کالی ماتا کہہ کر اپنے گھر بھاگ گیا۔ شاداں نے اپنی‬‫ماں کو آ کر شکایت لگائی۔ شاداں کی ماں نے نہ آؤ دیکھا نہ تاؤ‬ ‫ان کے گھر جا کر اس لڑکے کو دو تین زوردار جڑ آئی۔ پھر کیا‬ ‫تھا میدان لگ گیا۔ اس لڑکے کی ماں نے اونچی اونچی بولنا‬ ‫شروع کر دیا۔ شاداں کی ماں بھی نیچے چونکی رکھ کر دیوار‬ ‫کے ساتھ کھڑی ہو گئی۔ پہلے سادا گرم کاری ہوئی اس کے بعد‬ ‫آلودہ لفظوں کے دھارے کھل گئے۔ دونوں بیبیاں تھکنے کا نام‬ ‫ہی نہیں لے رہی تھیں۔ انہوں نے ایک دوسرے کے نئے پرانے‬ ‫راز اگل کر رکھ دیے۔ بہت سی پس پردہ باتیں اور حقائق کھل‬‫گئے اور دونوں کی کردای شرافت پر برسوں کا پڑا پردہ اٹھ گیا۔‬

‫‪16‬‬‫ابھی زور دار بم باری کا سلسلہ جاری تھا کہ شاداں کا دادا گھر آ‬ ‫گیا۔ بہو کو گرجتے برستے دیکھ کر ماجرہ پوچھا۔ شاداں کی‬ ‫ماں نے بہت سی پاس سے لگا کر سسر کو کہانیاں سنائیں۔ یہ‬ ‫بھی بتایا کہ کافٹین کا بیٹا میری شاداں کو کالی ماتا کہہ کر‬ ‫چھیڑتا ہے۔‬ ‫بندہ سیانا تھا۔ اس نے بہو سے پوچھا شاداں کدھر ہے۔ شاداں‬ ‫کی ماں نے گھر میں ادھر ادھر اسے تلاشا وہ گھر پر نہ تھی۔‬‫شاداں کا دادا کہنے لگا اسے نہ تلاشو وہ گھر میں نہیں ہے باہر‬ ‫بچوں کے ساتھ کھیل رہی ہے۔ اس کی پارٹی میں ہم سائی کا‬ ‫لڑکا ہے۔ پھر اس نے اونچی آواز میں ہم سائی سے کہا بیٹا‬ ‫بچوں کی وجہ سے نہ لڑو‘ تم ادھر لڑ رہی ہو باہر یہ ہی بچے‬‫آپس میں مل کر کھیل رہے ہیں۔ بچوں کے لیے لڑنا کھلی حماقت‬ ‫ہے۔‬‫بلڑے کی باتیں سن کر دونوں بیبیاں بڑی شرمندہ ہوئیں اور شرم‬ ‫سے اندر گھس گئیں۔ بچوں نے تو ان کے پلے کچھ نہ چھوڑا‬ ‫تھا۔‬ ‫کئی دنوں تک بول بلارے کے نتیجہ میں ان کی باہمی رنجش‬ ‫چلتی رہی اور پھر ماضی گئی گزری کی قبر میں دفن ہو گیا۔‬ ‫وقت پر لگا کر محو سفر رہا۔ بچے جوان ہو گئے۔ شیداں اور‬ ‫کافٹین کا لڑکا جیرا آپس میں سٹ ہو گئے۔ ان کی یہ باہمی ہیلو‬

‫‪17‬‬ ‫ہائے دو سال تک چلی۔ عزت بچانے کی خاطر دونوں کے مائی‬ ‫باپ کو راضی ہونا پڑا اور ان کی شادی طے کر دی گئی۔‬‫ان دنوں جیرا اور شیداں ایک چھت تلے رہ رہے ہیں اور جیرے‬ ‫کے لیے شیداں حسینہ عالم ہے۔ وہ اس کی بات ٹالنے کو بھی‬ ‫پاپ سمجھتا ہے۔‬

‫‪18‬‬ ‫آنٹی ثمرین‬ ‫منسانہ‬ ‫ماں کی محبت کے بارے میں کچھ کہنا سورج کو چاند دکھانے‬ ‫والی بات ہے۔ یہ کسی دلیل یا ثبوت کی محتاج نہیں ہوتی۔ ماں‬ ‫بچوں کے لیے جو مشقت اٹھاتی ہے کوئی اٹھا ہی نہیں سکتا۔‬‫اس کی سانسیں اپنے بچے کے ساتھ اول تا آخر جڑی رہتی ہیں۔‬ ‫وہ اپنے بچے کے لیے کسی بھی سطع تک جا سکتی ہے۔ اس‬ ‫کا ہر کیا بلا کا حیرت انگیز ہوتا ہے۔ ماں بچے کے لیے اپنی‬ ‫جان سے بھی گزر جاتی ہے۔ یہ محبت اور شفقت اس کی ممتا‬ ‫کی گرہ میں بندھا ہوا ہوتا ہے اس لیے حیران ہونے کی‬ ‫ضرورت نہیں۔ محبت اس کی ممتا کا خاصا اور لازمہ ہے۔‬ ‫عورت اپنے پچھلوں کے معاملہ میں اولاد سے بھی زیادہ‬ ‫حساس ہوتی ہے۔ اس ذیل میں اس کا قول زریں ہے کہ نہ ماں‬ ‫باپ نے دوبارہ آنا ہے اور نہ بہن اور بھائی پیدا ہو سکتے ہیں۔‬ ‫اس کا دو نمبر بھائی بھی قطب نما اور باپ کو نبی قریب‬‫سمجھتی ہے۔ ان کی کوئی کمی خامی یا خرابی اس کو نظر نہیں‬ ‫آتی یا ان سے کمی کوتاہی سرزد ہوتی ہی نہیں۔ جب کہ خاوند‬ ‫کی ماں عموما ففے کٹن اور باپ لوبھی اور لالچی ہوتا ہے۔ بہن‬‫بھائی تو خیر دو نمبری کی آخری سطع کو چھو رہے ہوتے ہیں۔‬

‫‪19‬‬ ‫کرم بی بی بھی اول تا آخر عورت تھی اور وہ بھی یہ ہی‬ ‫اصولی اطوار رکھتی تھی۔ وہ اپنے بیٹے کے لیے بہن کی بیٹی‬ ‫لانا چاہتی تھی جب کہ اس کا خاوند ادھر رشتہ نہیں کرنا چاہتا‬ ‫تھا۔ لڑکی میں کوئی کجی یا خامی نہ تھی۔ بس وہ ادھر رشتہ‬ ‫نہیں کرنا چاہتا تھا۔ ان کے گھر میں کئی ماہ سے یہ ہی رگڑا‬ ‫جھگڑا چل رہا تھا۔ جوں ہی گھر میں وہ قدم رکھتا کل کلیان‬ ‫شروع ہو جاتی اور یہ اگلے دن اس کے کام پر جانے تک‬ ‫تھوڑے تھوڑے وقفے کے ساتھ چلتی رہتی۔‬ ‫ایک دن اس نے اپنے ایک قریبی دوست سے معاملہ شیئر کیا‪،‬‬ ‫وہ ہنس پڑا‬ ‫او یار اس میں پریشانی والی کیا بات ہے۔ بھابی کو اپنی ڈال دو‬ ‫سب ٹھیک ہو جائے گا۔‬ ‫اپنی کیا ڈالوں۔‬ ‫یہ ہی کہ تم درسری شادی کرنے والے ہو۔ عورت تم نے پسند‬ ‫کر لی ہے۔ اس نے کہا‬ ‫یار میں پاگل ہوں جو ایک بار شدگی کے بعد کوئی عورت پسند‬ ‫کروں گا۔‬ ‫تمہیں کس نے کہا ہے کہ یہ حماقت کرو‘ جعلی کردار تخلیق‬ ‫کرو۔‬

‫‪20‬‬ ‫اسے اپنے دوست کا آئیڈیا پسند آیا۔ طے یہ پایا کہ وہ ٹیلی فون‬ ‫پر مس کال کرے گا۔ اس کے بعد وہ جعلی عورت سے دیر تک‬ ‫رومان پرور باتیں کرتا رہے گا۔ پہلے ہفتے زبانی کلامی اگلے‬ ‫ہفتے سے ٹیلی فونک سلسلہ چلے گا۔‬ ‫اس دن جب رشتے کی بات شروع ہوئی تو اس نے اپنی محبت‬‫کی کہانی چھیڑ دی۔ پہلے تو اس کی بیوی کو یقین نہ آیا۔ اس کا‬ ‫خیال تھا کہ اسے کون پسند کرے گی۔ اس نے بتایا کہ وہ بڑے‬‫بلند مرتبہ شخص کی سالی ہے۔ اسے طلاق ہو گئی ہے۔ بڑی ہی‬ ‫خوب صورت ہے۔ اس کی چھوٹی چھوٹی دو بیٹیاں ہیں۔‬ ‫کرم بی بی کچھ دن اسے لاف زنی خیال کرتی رہی ۔ اگلے ہفتے‬ ‫ٹیلی فون آنا شروع ہو گئے۔ وہ دیر تک جعلی عورت سے جعلی‬ ‫رومان پرور باتیں کرتا۔ کئی بار باتوں کے درمیان کہیں سے‬ ‫ٹیلی فون بھی آیا۔ کرم بی بی اتنی پیدل ہو گئی کہ اس نے غور‬‫ہی نہ کیا کہ ٹیلی فون کرنے کے دوران ٹیلی فون کیسے آ سکتا‬ ‫ہے۔‬ ‫کرم بی بی بھانجی کا رشتہ لانے کا مسلہ بھول سی گئی اسے‬ ‫اپنی پڑ گئی۔ اسے گھر میں اپنے وجود کا خطرہ لاحق ہو گیا۔‬ ‫گھر میں اکیلی دھندناتی تھی سوت کے آ جانے کے دکھ نے‬ ‫اسے ادھ موا کر دیا۔ ان ہی دنوں لڑکے کا رشتہ آ گیا جیسے‬‫سوت کے آنے سے پہلے کر لیا گیا مبادہ سوت کے آنے کے بعد‬

‫‪21‬‬ ‫کیا حالات ہوں۔ کرم بی بی کے ذہن میں یہ بات نقش ہو گئی کہ‬ ‫سوت کے آنے کے بعد حالات برعکس ہو جائیں گے۔‬ ‫لڑکے کی شادی کو ابھی دس دن ہی گزرے ہوں گے کہ ولی‬ ‫محمد اپنے کمرے میں اداس بیٹھا ہوا تھا۔ بات بات پر برہم ہوتا‬ ‫اور کبھی رونے لگتا۔ کوئی کچھ سمجھ نہیں پا رہا تھا کہ اسے‬ ‫اچانک کیا ہو گیا ہے۔ اتنا اداس اور رنجیدہ کیوں ہے۔ سب بار‬ ‫بار پوچھتے کہ آپ اتنے پریشان اور اداس کیوں ہیں۔ ہر کسی‬ ‫سے یہ ہی کہتا کب پریشان ہوں۔ میں کیوں اور کس سے اداس‬ ‫ہونے لگا۔‬ ‫آخر کرم بی بی ہی دور کی کوڑی لائی۔ کہنے لگی تمہاری‬ ‫ثمرین تو دغا نہیں دے گئی ۔ ولی محمد نے حیرت سے پوچھا‬ ‫تمہیں کیسے پتا چلا۔ کوئی ٹیلی فون تو نہیں ایا۔‬ ‫کرم بی بی کی باچھیں کھل گئیں۔ کہنے لگی کہتی تھی نا کہ تم‬‫سے عین غین بندے سے کون نبھا کر سکتا ہے وہ میں ہی ہوں‬ ‫جو تمہارے ساتھ نبھا کر رہی ہوں ۔ کرم بی بی بلا تھکان بولتی‬ ‫رہی وہ موٹے موٹے آنسوبہاتا گیا۔ اس کی یہ کئی ماہ اور‬ ‫خصوصا اس روز کی اداکاری دلیپ کمار بھی دیکھ لیتا تو عش‬ ‫عش کر اٹھتا۔‬‫اس گیم میں اسے تین نوعیت کے دکھوں سے پالا پڑا۔ سالی کی‬‫بیٹی کا بیٹے کے لیے رشتہ نہ لینے کی وجہ سے عارضی سہی‬

‫‪22‬‬ ‫قیامت سے گزرنا پڑا۔ جعلی ثمرین کی جعلی محبت کا ڈرامہ‬ ‫زبردست بےسکونی کا سبب بنا لیکن اصل مسلہ حل ہو گیا۔‬ ‫جعلی ثمرین آج بھی کنبہ میں اپنے حقیقی وجود کے ساتھ‬ ‫موجود ہے۔‬ ‫آج جب وہ بوڑھا ہو چکا ہے۔ چلنے پھرنے سے بھی قاصر‬ ‫وعاجز ہے اسے ثمرین سے دیوانگی کے ساتھ محبت کا طعنہ‬ ‫ملتا ہے۔ یہ طعنہ اسے اتنا ذلیل نہیں کرتا جتنا کہ اس کے‬ ‫چھوڑ جانے کا طعنہ ذلیل کرتا ہے۔ کرم بی بی کہتی آ رہی ہے‬ ‫اگر تم ساؤ پتر ہوتے تو وہ تمہیں چھوڑ کر کیوں جاتی۔ یہ میں‬ ‫ہی ہوں جو تم ایسے بندے کے ساتھ گزرا کرتی چلی آ رہی ہوں‬ ‫کوئی اور ہوتی تو کب کی چھوڑ کرچلی جاتی۔ خاندانی ہوں اور‬ ‫میں اپنے مائی باپ کی لاج نبھا رہی ہوں۔‬

‫‪23‬‬ ‫انصاف کا قتل‬ ‫لوکانہ‬ ‫ایک بار ایک بادشاہ جوانوں کے لنگر خانے گیا۔ صفائی‬ ‫درست تھی۔ پھر اس نے پوچھا کہ جوانوں ‘ستھرائی چیک کی‬ ‫کے لیے کیا پکایا ہے۔ جواب ملا بتاؤں یعنی بیگن۔ بادشاہ سخت‬ ‫ناراض ہوا کہ جوانوں کے لیے اتنا گھٹیا کھانا کیوں پکایا گیا‬‫ہے۔ اس کے مشیر نے بیگن کی بدتعریفی میں زمین آسمان ایک‬ ‫کر دیے۔ بہر کیف لنگر کمانڈڑ نے معذرت کی اور آئندہ سے‬ ‫بیگن نہ پکانے اور اچھا کھانا پکانے کا وعدہ کیا تو بادشاہ‬ ‫لنگرخانے سے رخصت ہو گیا۔‬ ‫کچھ وقت گزرنے کے بعد بادشاہ کو دوبارہ سے جوانوں کے‬ ‫لنگرخانے جانے کا اتفاق ہوا۔ سوئے اتفاق اس روز بھی بیگن‬ ‫پکائے گئے تھے۔ بادشاہ نے بیگن کی تعریف کی۔ وہ ہی مشیر‬ ‫ساتھ تھا اس نے بیگن کی تعریف میں ممکنہ سے بھی آگے‬‫بیگن کے فوائد بیان کر دیے۔ گویا بیگن کے توڑ کی کوئی سبزی‬ ‫اور پکوان باقی نہ رہے۔ لنگر کمانڈر خوش ہوا اور آگے سے‬ ‫بیگن کے برابر اور متوار پکائے جانے کا وعدہ کیا۔‬

‫‪24‬‬‫بادشاہ اس مشیر کی جانب مڑا اور کہنے لگا کہ اس دن میں نے‬ ‫بیگن کی بدتعریفی کی تو تم نے بیگن کی بدتعریفی میں کوئی‬ ‫کسر نہ چھوڑی۔ آج جب کہ میں نے تعریف کی ہے تو تم نے‬ ‫کیوں۔ ‘بیگن کی تعریف میں کوئی کسر اٹھا نہیں رکھی‬ ‫اس نے جوابا کہا حضور میں آپ کا غلام ہوں بیگن کا نہیں۔‬ ‫یہ سن کر بادشاہ نے کہا تم سے جی حضوریے حق اور سچ کو‬ ‫سامنے نہیں آنے دیتے جس کے سبب صاحب اقتدار متکبر ہو‬ ‫جاتے ہیں اور اس کے نتیجہ میں ان سے انصاف نہیں ہو پاتا۔‬ ‫انصاف کا قتل ہی قوموں کے زوال کا سبب بنتا ہے۔‬ ‫پہلے تو وہ جی حضوریہ چپ رہا پھر کہنے لگا حضور جان کی‬ ‫امان پاؤں تو ایک عرض کروں۔‬ ‫بادشاہ نے کہا‪ :‬کہو کیا کہنا چاہتے ہو۔‬ ‫حضور سچ اور حق کی کہنے والے ہمیشہ جان سے گئے ہیں۔‬ ‫بادشاہ نے کہا‪ :‬یاد رکھو سچ اور حق جان سے بڑھ کر قیمتی‬ ‫ہیں۔ مرنا تو ایک روز ہے ہی سچ کہتے مرو گے تو باقی رہو‬ ‫گے۔ ہاں جھوٹ کہنے یا اس پر درست کی مہر ثبت کرنے کی‬‫صورت میں بھی زندہ رہو گے لیکن لعنت اور پھٹکار اس زندگی‬ ‫کا مقدر بنی رہے گی۔‬

‫‪25‬‬ ‫بےکار کی شرم ساری‬ ‫منسانہ‬‫یہ ہی کوئی پچیس تیس سال پہلے کی بات ہے۔ یہاں اللہ بخشے‬‫مولوی دین محمد ہوا کرتے تھے۔ بڑے ہنس مکھ اور خوش طبع‬ ‫تھے۔ کھانے پینے کے معاملہ میں بڑے سادہ اور فراخ مزاج‬ ‫واقع ہوئے تھے۔ پہلے کتنا بھی کھا چکے ہوتے اس کے بعد‬ ‫بھی جو ملتا بسم اللہ کرکے ہڑپ جاتے۔ اس ذیل میں انکار نام‬‫کی چیز سے بھی ناآشنا تھے۔ اولاد بھی اللہ نے انہیں کافی سے‬ ‫زیادہ دے رکھی تھی۔‬‫ان کی رن حد درجہ کی کپتی تھی۔ عزت افزائی کرتے آیا گیا بھی‬‫نہ دیکھتی تھی۔ گویا وہ مولوی صاحب کی لہہ پہا کے لیے موقع‬ ‫تلاشتی رہتی تھی۔ بعض اوقات بلاموقع بھی بہت کچھ منہ سے‬‫نکال جاتی تھی۔ انسان تھے چھوٹی موٹی غلطی ہو ہی جاتی بس‬ ‫پھر وہ شروع ہو جاتی۔ سب جانتے تھے کہ حد درجہ کی بولار‬ ‫ہے۔ ہاں اس کے بولارے سے مولوی صاحب کے بہت سے‬ ‫پوشیدہ راز ضرور کھل جاتے۔ مولوی صاحب نے کبھی اسے‬ ‫ذلیل کرنے کے لیے موقع کی تلاش نہ کی تھی۔ ہاں البتہ خود‬ ‫بچاؤ کی حالت میں ضرور رہتے تھے۔‬ ‫انسان تھے آخر کب تک برداشت کرتے‘ انہوں نے بھی اسے‬

‫‪26‬‬ ‫ذلیل کرنے کی ٹھان لی۔ ایک مرتبہ ان کے گھر میں بہت سے‬ ‫مہمان آئے ہوئے تھے۔ کھرے میں دھونے والے کافی برتن‬‫پڑے ہوئے تھے‘ انہیں دھونے بیٹھ گئے اور ساتھ میں مولویانہ‬ ‫انداز میں آواز لگائی کہ کوئی اور برتن موجود ہو تو دے جاؤ۔‬ ‫ان کی بیوی نے نوٹس لیا اور گرج دار آواز میں کہنے لگی‬‫کیوں ذلیل کرنے پر اتر آئے ہو پہلے تم دھوتے ہو۔ پھر اس نے‬ ‫زبردستی انہیں وہاں سے اٹھا دیا۔ مولوی نے اس کے ہارے‬ ‫ہارے سے طور کو خوب انجوائے کیا۔‬ ‫کچھ ہی دنوں بعد ایک اور ایسا واقعہ پیش آیا۔ اندر پان سات‬ ‫عورتیں بیٹھی ہوئی تھیں یہ کپڑے دھونے کے انداز میں بیٹھ‬ ‫گئے اور آواز لگائی کوئی اور دھونے والا کپڑا پڑا ہو تو دے‬ ‫جاؤ مجھے کہیں جانا ہے۔ کوئی رہ گیا تو مجھے نہ کہنا۔‬ ‫مولویانی پر پہلے کی کیفیت طاری ہو گئی اور اس نے انہیں‬ ‫کھرے سے اٹھا دیا کہ کیوں ذلیل کرتے ہو۔‬ ‫مولوی صاحب کا خیال تھا کہ ان کی رن عورتوں میں ذلیل ہو‬ ‫جائے گی اور سب اسے توئے توئے کریں گے لیکن معاملہ الٹ‬ ‫ہو گیا۔ عورتوں میں مشہور ہو گیا کہ مولوی صاحب کے پہلے‬ ‫کچھ نہیں رہا تب ہی تو اتنا تھلے لگ گیا ہے۔ پاگل تھیں کہ اگر‬ ‫مولوی صاحب کے پلے کچھ نہ ہوتا تو اتنے بچے کیسے ہو‬ ‫گئے۔ رشتہ داروں میں جاتے یا گلی سے گزرتے تو عورتیں‬ ‫انہیں دیکھ کر ہنستیں۔ وہ کیسے ان سب کو یقین دلاتے کہ وہ‬

‫‪27‬‬‫ٹھیک ہیں انہوں نے تو یہ سب ان کے ساتھ ہونی کا بدلا اتارنے‬ ‫کے لیے کیا تھا۔‬ ‫اتنے خوش طبع مولوی صاحب سنجیدہ سے ہو گئے۔ اسی طرح‬‫لوگوں کے ہاں سے کھانے پینے کے مواقع بھی بےکار کی شرم‬ ‫ساری کی لحد میں اتر گیے۔ اس واقعے کے بعد انہوں نے کہنا‬ ‫شروع کر دیا کہ کوئی کیا کرتا ہے اس کو مت دیکھو تم ہمیشہ‬ ‫اچھا کیا کرو کیوں کہ اچھا کرنے میں ہی خیر اور اچھائی ہے۔‬ ‫‪.....................................‬‬

‫‪28‬‬ ‫میں مولوی بنوں گا‬ ‫منسانہ‬ ‫میں نے تنویر کے مستقبل کے بڑے سنہرے خواب دیکھ رکھے‬‫تھے۔ ًمیں اسے بہت بڑا آدمی بنانا چاہتا تھا۔ اس نے میٹرک میں‬ ‫اچھے نمبر حاصل کرکے دل خوش کر دیا۔ اسے کھیل کود سے‬ ‫کم کتاب سے زیادہ دلچسپی تھی۔ جب کبھی اسکول گیا استاد‬ ‫اس کی تعلیمی حالت کی تعریف کرتے۔ ان کے منہ سے اپنے‬ ‫بیٹے کی تعریف سن کر دل خوشی سے باغ باغ ہو جاتا۔ منہ‬ ‫سے اس کے اچھے مستقبل کے لیے بےاختیار ڈھیر ساری‬ ‫دعائیں نکل جاتیں۔‬ ‫ایف اے میں بھی تعلیمی معاملہ میں اچھا رہا۔ تھرڈ ایئر میں آیا‬ ‫تو اس نے چھوٹی چھوٹی داڑھی رکھ لی۔ نماز روزے کا بھی‬ ‫پابند ہو گیا۔ یہ دیکھ کر اور بھی خوشی ہوئی کہ چلو تعلیم میں‬ ‫بہتر کارگزاری کے ساتھ ساتھ نیک راہ پر بھی چل نکلا ہے‬‫ورنہ آج کے ماحول میں بےراہروی ہی لڑکی لڑکوں کا وتیرہ بن‬ ‫گیا ہے۔ یہ بےراہروی انہیں بدتمیز بھی بنا رہی ہے۔ بڑے‬ ‫چھوٹے کا کوئی پاس لحاظ ہی نہیں رہا۔ تھرڈ ایئر تو خیر سے‬‫گزر گئی اور اس نے اچھے نمبر بھی حاصل کیے۔ فورتھ ائیر ہم‬‫سب کے لیے قیامت ثابت ہوئی۔ اس نے داڑھی بڑھا دی اور ایک‬

‫‪29‬‬ ‫دن کالج کی پڑھائی چھوڑنے کا اعلان کر دیا۔ اس کا یہ اعلان‬‫میرے دل و دماغ پر اٹیم بم بن کر گرا۔ مجھے پریشانی کے ساتھ‬ ‫ساتھ حیرانی بھی ہوئی کہ آخر اسے اچانک یہ کیا ہو گیا ہے۔‬ ‫اس نے یہ فیصلہ کیوں کیا ہے کہ میں دینی مدرسے میں داخل‬ ‫ہو کر مستند مولوی بنوں گا۔ کہاں کالج کی پڑھائی کہاں مولوی‬ ‫بننے کا اعلان‘ عجب مخمصے میں پڑ گیا۔‬ ‫میں دو تین دن اس کے پیچھے پڑا رہا کہ آخر اس نے مولوی‬ ‫بننے کا کیوں ارادہ کیا ہے۔ کچھ بتاتا ہی نہ تھا۔ چوتھے دن اس‬ ‫نے بڑے غصے اور اکتائے ہوئے لہجے میں کہا کہ میں کفر‬ ‫کے فتوے جاری کرنے کے لیے مستند مولوی بننا چاہتا ہوں۔‬ ‫کفر کے فتوے۔۔۔ کس پر۔۔۔۔ مگر کیوں۔‬ ‫میں پہلا کفر کا فتوی آپ کے خلاف جاری کروں گا۔‬ ‫یہ سن کر میرے طور پہوں گئے۔ میرے خلاف یعنی باپ کے‬ ‫خلاف۔ میں اس کا کھلا اعلان سن کر دم بہ خود رہ گیا۔‬ ‫پھر میں نے پوچھا‪ :‬میاں آخر تم نے مجھ میں کون سی ایسی‬ ‫کفریہ بات دیکھ لی ہے۔‬ ‫کہنے لگا‪ :‬میری ماں آپ کی خالہ زاد ہے آپ انہیں خوب خوب‬‫جانتے تھے کہ بڑی بولار ہے تو شادی کیوں کی۔ کیا اور لڑکیاں‬ ‫مر گئی تھیں۔ آپ دونوں نے لڑ لڑ کر ہم سب کا جینا حرام کر‬‫دیا ہے۔ غلطی آپ کی ہے کہ آپ اسے بولنے کا موقع دیتے ہیں۔‬

‫‪30‬‬ ‫اییسی بات کیوں کرتے ہیں کہ وہ سارا سارا دن اور پھر رات‬ ‫گئے تک بولتی رہے۔‬ ‫اس کی اس بات نے مجھے پریشان کر دیا۔ میں نے فیضاں کو‬ ‫بلوایا اور کہا بیٹے کے ارادے سنے ہیں نا۔‬ ‫ہاں میں نے سب کچھ سن لیا ہے۔ ٹھیک ہی تو کہہ رہا ہے۔‬ ‫ایسی بات کیوں کرتے ہیں جس سے مجھے غصہ آئے اور میں‬ ‫بولنے لگوں۔‬ ‫چلو میں کسی دوسری جگہ تبادلہ کروا لیتا ہوں لہذا تم کالج کی‬ ‫پڑھائی جاری رکھو۔‬ ‫ہاں ہاں اچھا فیصلہ ہے کہ پھر ہمارے ساتھ ڈٹ کر بول بولارا‬ ‫کرتی رہے۔ وہ تلخ اور طنز آمیز لہجے میں بولا‬ ‫ماں آپ فکر نہ کرو آپ بھی میرے فتوے کی زد میں آؤ گی۔‬ ‫خاوند کی اتنی بےعزتی اسلام میں جائز نہیں۔‬‫بیٹے کی یہ بات سن کر وہ ہکا بکا رہ گئی۔ اسے امید نہ تھی کہ‬‫تنویر ایسی بات کرے۔ پھر ہم دونوں میاں بیوی کی نظریں ملیں۔‬ ‫ہم دونوں کی آنکھوں میں دکھ اور پریشانی کے بادل تیر رہے‬ ‫تھے۔ ہم اسے بہت بڑا آدمی بنانے کے خواب دیکھ رہے تھے‬ ‫کہ بیٹا کچھ کا کچھ سوچ رہا تھا۔ پھر ہم دونوں کے منہ سے‬ ‫بےاختیار نکل گیا۔ بیٹا تم کالج کی پڑھائی نہ چھوڑو ہم آگے‬

‫‪31‬‬ ‫سے نہیں لڑیں گے بل کہ معاملات بات چیت سے طے کر لیا‬ ‫کریں گے۔‬ ‫تنویر مان ہی نہیں رہا تھا۔ اس کا اصرار تھا کہ وہ مولوی ہی‬ ‫بنے گا۔ وہ کہے جا رہا تھا کہ آپ وعدہ پر پورا نہیں اترو گے۔‬ ‫کافی دیر تکرار و اصرار کا سلسلہ جاری رہا۔ تنویر کو آخر‬ ‫ہمارے تکرار اصرار کے سامنے ہتھیار ڈالنا ہی پڑے اور وہ‬ ‫کالج کی کتاب لے کر بیٹھ گیا اور ہم چپ چاپ اس کے کمرے‬ ‫سے اٹھ کر اپنے کمرے میں چلے گیے۔‬

‫‪32‬‬ ‫ایسا کیوں ہے‬ ‫لوکانہ‬‫میں عقیدت‘ پیار‘ محبت اور کچھ موسمی سوغات کی پنڈ اٹھائے‬ ‫پیر صاحب کے در دولت پر حاضر ہوا۔ دروازے پر دستک دی۔‬ ‫اندر سے ان کی بےغم صاحب دروازے پر آئیں۔ میں نے انہیں‬ ‫اپنا تعارف کراتے ہوئے بتایا کہ میں ان کا ماننے والا خادم ہوں‬ ‫اور یہ سوغات باطور نذرانہ لے کر حاضر ہوا ہوں۔ بےغم‬‫صاحب نے سوغات کی پنڈ لے لی اور کہا‪ :‬تمہارا جعلی پیر ادھر‬ ‫ادھر ہی کہیں دھکے کھاتا پھرتا ہو گا۔ جاؤ جا کر تلاش لو۔‬ ‫اس کے انداز اور رویے پر مجھے حیرت اور پریشانی ہوئی۔‬‫اس کے خاوند کو ایک زمانہ مانتا تھا لیکن یہ ان کے لیے رائی‬ ‫بھر دل میں عزت نہ رکھتی تھی۔ اس کا لہجہ انتہائی ذلت آمیز‬‫طنز میں ملفوف تھا۔ بڑا ہی حیران کن تجربہ تھا۔ سوغات حاصل‬‫کرنے میں ایک منٹ کی دیر نہ کی۔ پانی دھانی ایک طرف اس کا‬ ‫اپنے خاوند کے بارے انداز قطعی افسوس ناک تھا۔ کیا کہتا‘ وہ‬ ‫میری عزت کی جا تھی۔ میں چپ چاپ وہاں سے افسوسیہ سوچ‬ ‫لے کر چل دیا۔‬ ‫سوچوں میں غلطاں میں یوں ہی ایک طرف کو چل دیا۔ ابھی‬ ‫تھوڑی ہی دور گیا ہوں گا کہ حضرت پیر صاحب آتے دکھائی‬

‫‪33‬‬‫دیے۔ وہ ببر شیر پر سوار تھے۔ شیر کو لگام ڈالی ہوئی تھی ببر‬ ‫شیر بڑی تابعداری سے ان کے حکم کی تعمیل میں قدم اٹھا رہا‬ ‫تھا۔ انہوں نے میری طرف دیکھا اور مسکرائے۔ فرمانے لگے‪:‬‬ ‫بیٹا شیر کو لگام ڈالنا آسان کام ہے مگر گھروالی کو تابع رکھنا‬ ‫ممکن نہیں۔ دیکھو سیدنا نوح علیہ السلام کتنے بڑے انسان‬ ‫تھے لیکن بیگم انہیں نہیں پہچانتی تھی تب ہی تو نافرمان تھی۔‬ ‫سقراط کو لے لو منفرد اور نایاب شخص تھا۔ ساری دنیا عزت‬ ‫کرتی تھی لیکن گھروالی اسے نہیں پہچانتی تھی‘ تب ہی تو‬ ‫گستاخ تھی۔‬ ‫یہ بھی یاد رکھو! پیٹ نواز حفظ مراتب جان لیں تو زندگی نکھر‬ ‫نہ جائے۔ بیٹا دل میں ملال نہ لاؤ۔ جو تم نے دیکھا وہ اس کی‬ ‫کرنی ہے برداشت اللہ کے احسان سے میرا فعل ہے۔‬‫میں درحقیقت اپنی گھر والی کی شکایت لے کر گیا تھا اور چاہتا‬ ‫تھا کہ وہ دعا فرمائیں تا کہ اس کا منہ بند ہو جائے۔ واپسی پر‬ ‫سوچتا سوچتا آ رہا تھا کہ ہم تو معمولی لوگ ہیں‘ پیر صاحب‬‫سے بڑے لوگ ان بیبیوں کے سامنے بےبس ہیں۔ میں سوچ رہا‬ ‫تھا کہ ایسا کیوں ہے۔ پھر خیال گزرا کہ ان بیبیوں کے سامنے‬ ‫رات تنہائی میں فعل مخصوص انجام دینے کے دوران کمل‬ ‫مارنے والا شخص ہوتا ہے اور وہ اسی تناظر میں صبح انجام‬‫پانے والے امور کو دیکھتی ہیں اور وہ سب انہیں خودساختہ سا‬

‫‪34‬‬ ‫محسوس ہوتا ہے حالاں کہ وہ ہر اچھا اللہ کی رضا کے لیے‬ ‫انجام دے رہے ہوتے ہیں۔‬ ‫ممکن ہے یہ سوچ غلط اور بےبنیاد ہو لیکن کہیں ناکہیں اور‬ ‫کسی سطح پر اس امر کا عمل دخل ضرور ہوتا ہے۔‬

‫‪35‬‬ ‫یہ اچھا ہی ہوا‬ ‫لوکانہ‬ ‫علاقے کے مولوی صاحب دھنیے دکان دار سے ادھار سودا لیا‬ ‫کرتے تھے۔ چوں کہ مولوی صاحب تھے اس لیے وہ بڑی‬ ‫برداشت اور لحاظ مروت سے ادھار سودا دیتا رہا۔ ادھار کی رقم‬‫کافی ہو گئی اور معاملہ دھنیے کی بسات و برداشت سے باہر ہو‬ ‫گیا تو اس نے ادھار سودا دینے سے صاف انکار کر دیا۔‬ ‫مولوی صاحب نے کہا‪ :‬اگر تم نے سودا نہ دیا تو یہ تمہارے‬ ‫لیے اچھا نہ ہو گا۔‬ ‫دھنیے نے کہا‪ :‬ٹھیک ہے جو ہو گا دیکھا جائے گا۔‬ ‫مولوی صاحب نے اس کی جانب طنز آمیز غصے سے دیکھا۔‬‫دھنیے کے چہرے پر کسی قسم کی فکرمندی یا ملال نہ تھا۔ گویا‬ ‫یہ ہی تاثر تھا کہ جو ہو گا دیکھا جائے گا۔ مولوی صاحب کو‬ ‫تین قول پورے کرنا چاہیے تھے لیکن انہوں نے دوسری بار‬ ‫کچھ کہنے یا وارننگ کو مذید زوردار اور سخت بنانے کی‬ ‫زحمت ہی نہ اٹھائی اور پیر پٹکتے ہوئے وہاں سے روانہ ہو‬ ‫گئے۔ جاتے ہیں تو جائیں دھینا بڑبڑایا اور اس نے ان کی جانب‬ ‫سرسری نظر سے بھی نہ دیکھا۔‬

‫‪36‬‬ ‫مولوی صاحب نے مسجد میں آ کر سپیکر کھولا اور دکھ بھری‬ ‫آواز میں اعلان کیا۔‬ ‫حضرات ایک ضروری اعلان سنیے۔ بڑے دکھ اور افسوس کی‬ ‫بات ہے کہ دھنیا دکان دار وہابی ہو گیا ہے لہذا اس سے کسی‬‫قسم کی سودا نہ خریدا جائے اور نہ کسی قسم کا لین دین یا بول‬‫چال رکھا جائے جو اس سے سودا خریدے گا یا کسی قسم کا لین‬ ‫دین کرے گا یا بول چال رکھے گا سیدھا جہنم کی بھڑکتی آگ‬ ‫میں جائے گا۔‬ ‫لوگوں نے دھنیے سے ہر قسم کی خریداری بول چال اور لین‬ ‫دین بند کر دیا۔ اس کے بعد دھنیا سارا دن ہاتھ پہ ہاتھ دھرے‬ ‫بیٹھا بدنصیبی کی مکھیاں مارتا رہتا۔ کوئی اس کی دکان کے‬ ‫نزدیک سے بھی نہ گزرتا۔‬ ‫کچھ دن تو اس نے برداشت سے کام لیا جب بائیکاٹ میں کسی‬‫قسم کی لچک پیدا نہ ہوئی تو وہ مولوی صاحب کے در دولت پر‬ ‫حاضر ہوا اور ہتھیار ڈالتے ہوئے کہنے لگا‪ :‬مولوی صاحب آپ‬ ‫جتنا جی چاہے سودا لے لیں لیکن یہ کٹھور پابندی اٹھا لیں۔‬ ‫مولوی صاحب اس کی دکان پر گئے اور اچھا خاصا سودا لیا۔‬ ‫سودا گھر پر چھوڑ کر مسجد میں جا کر اعلان کیا۔ حضرات آپ‬‫کے لیے خوشی کی یہ ہے بات کہ دھنیا دکان دار تائب ہو گیا ہے‬ ‫اب اسی سے سودا خرید کیا کریں کہیں اور سے سودا نہ‬

‫‪37‬‬ ‫خریدیں ۔ اپنا قریبی دکان دار چھوڑ کر کسی اور سے سودا‬ ‫خریدنے سے پاپ لگتا ہے۔ دھنیے نے ایشور کا شکریہ ادا کیا‬‫اور چھری پہلے سے تیز کر دی۔ اپنی اصل میں بالوسطہ دھنیے‬ ‫کے لیے یہ اچھا ہی ہوا کہ اس کے منافع کی شرح میں ہرچند‬ ‫اضافہ ہی ہوا۔‬

‫‪38‬‬ ‫وہی پرانا چالا‬ ‫منسانہ‬ ‫بیٹی کو رخصتی کے وقت یہ سختی سے ہداہت کی جانی چاہیے‬ ‫کہ وہ میکہ کی کوئی منفی بات سسرال میں یا سسرال کی کوئی‬ ‫منفی بات میکہ میں شیئر نہ کرے۔ اس علت بد کے سبب غلط‬ ‫فہمیاں جنم لیتی ہیں جو بعد میں تلخیوں کا سبب بن جاتی ہیں۔‬ ‫ہنستی مسکراتی زندگی پریشانیوں میں بدل جاتی ہے۔ بدقسمتی‬ ‫سے گھر کے گھر اس بیماری کے باعث تباہ ہو جاتے ہیں۔ یہ‬ ‫ہی لوتیاں بعد میں کورٹ کچہری والوں کی کھٹی کا ذریعہ بن‬ ‫جاتی ہیں۔ ڈاکٹر ہوں کہ یہ کورٹ کچہری والے‘ ہنستے‬ ‫مسکراتے چلتے پھرتے لوگ انہیں بھلے نہں لگتے۔‬ ‫حنیف گربت کی چکی میں پس رہا تھا۔ سارا دن مشقت میں کٹ‬ ‫جاتا۔ رات میاں بیوی کی لایعنی چخ چخ میں گزر جاتی۔ دونوں‬ ‫میاں بیوی کو پچھلوں میں چھوٹی چھوٹی بات شیئر کرنے کی‬ ‫عادت بد لاحق تھی۔ پچھلے کوئی مالی مدد تو نہ کرتے ہاں‬ ‫دونوں میاں بیوی میں غلط فہمیاں پیدا کرنے والے سبق ضرور‬ ‫پڑھاتے رہتے تھے۔ یہ تھے کہ اس عادت سے باز ہی نہیں آ‬ ‫رہے تھے۔ پچھلوں کے پڑھائے گئے اسباق کی وجہ سے ان‬ ‫کے درمیان نفرتوں میں ہرچند اضافہ ہی ہوتا چلا جا رہا تھا۔‬

‫‪39‬‬ ‫انہوں نے کبھی سر جوڑ کر حالات سے لڑنے کی مشاورت کی‬‫ضرورت ہی محسوس نہ کی تھی حالاں کہ ایسے حالات میں سر‬ ‫جوڑ کر مشاورت بہت ضروری ہوتی ہے۔‬ ‫خدا معلوم حنیف کی کس طرح درک لگ گئی کہ اس کی بیرون‬ ‫ملک میں سرکاری نوکری لگ گئی۔ پھر کیا تھا‘ نوٹ آنا شروع‬ ‫ہو گئے۔ جہاں بھوک بھنگڑے ڈالتی تھی وہاں رج کے نقارے‬ ‫بجنا شروع ہو گئے۔ جو بیوی کو رقم بھجتا اس کی خبریں‬‫پچھلوں کو بھجوا دیتا۔ ادھر اس کی بیوی میکہ اور ارد گرد میں‬ ‫یہ مشہور کرنے بیٹھ گئی جو کماتا ہے اپنے پچھلوں کو بھجوا‬ ‫دیتا ہے اور ہم اسی طرح گربت کی زندگی گزارتے ہیں۔ جب کہ‬ ‫حقیقت یہ تھی کہ جو حنیف بھجواتا اس سے اس کے میکہ کی‬ ‫بھوک نکلنے لگی تھی۔ اس غلطی کے سبب دونوں خاندانوں‬‫میں اٹ کتے کا بیر چل نکلا۔ وہ ایک دوسرے کی شکل دیکھنے‬ ‫کے بھی روادار نہ رہے۔‬‫حنیف چھٹی پر آیا تو اطراف سے خوب لون مرچ محالحہ لگا کر‬‫اسے خبریں دی گئیں۔ بجائے چھٹی کے دن ہنس کھیڈ کر گزارے‬ ‫جاتے جنگ جدل کی عملی کیفیتں طاری رہیں۔ ان کی اس باہمی‬ ‫بکواس کے سبب بچے بڑے ڈسٹرب ہوتے۔ جب چھٹی کاٹ کر‬ ‫جانے لگا تو اس نے عنائتاں کو گھر سے نکال دیا۔‬

‫‪40‬‬ ‫چند دن تو اس نے بھائیوں کے ہاں گزارے۔ باہر سے آئی رقم‬ ‫سے اس نے پائی بھی جمع نہ کی تھی۔ کھانے والے کب کھلا‬ ‫سکتے ہیں۔ وہاں اس کی زندگی عذاب ہو گئی۔ بچے کھانے‬ ‫پینے کی چیزوں تک کو ترسنے لگے۔ حنیف نے رقم بھجوانا‬ ‫بند کر دی۔ حنیف کے بڑے بھائی نے بچوں کی یہ حالت دیکھی‬‫تو بڑا افسردہ ہوا۔ اس نے بچوں کو کچھ کھانے پینے کی چیزیں‬ ‫بھجوانا شروع کر دیں۔‬ ‫اپنے ہی لوگوں کو یہ برداشت نہ ہوا۔ اس امر کی بڑھا چڑھا کر‬ ‫حنیف کو خبریں بیجھنا شروع کر دیں۔‬ ‫حنیف کو بھائی کی اس حرکت پر سخت غصہ آیا۔ اس نے ٹیلی‬ ‫فون پر اپنے بڑے بھائی کی بڑی بےعزتی کی۔ اس نے کسی‬ ‫الزام سے بچنے کے لیے عنائتاں اور بچوں کو کچھ بیجھنا بند‬ ‫کر دیا۔ پھر ہونا کیا تھا‘ باپ کی بھری جیب ہوتے بچے بھوکوں‬ ‫مرنے لگے۔ اللہ تو نافرمان سے نافرمان کا رزق بند نہیں کرتا‬ ‫بل کہ اسے سدھرنے کے مواقع مسیر کرتا ہے اگر نہ سمجھے‬ ‫تو وہ اپنی ہی کسی کرنی میں پھنس جاتا ہے۔‬ ‫حنیف کے دماغ میں اوقات سے باہر میسر کا فتور آ گیا تھا اور‬ ‫وہ یہ سوچنے سے عاری ہو گیا تھا کہ رزق تو اللہ کا دیا ہوا‬ ‫ہے اور اس کی جیب میں پڑا بھی اللہ ہی کا ہے۔ وہ تو اپنے‬ ‫سانس کا بھی مالک و وارث نہیں۔‬

‫‪41‬‬ ‫پتا نہیں اس سے کیا ہو گیا اور وہ نوکری سے نکال باہر کر دیا‬ ‫گیا۔ جوتے چٹخاتا ہوا واپس لوٹ آیا۔ اس نے عنائتاں سے‬ ‫چھٹکارے کے لیے عدالت میں مقدمہ دائر کر دیا۔ جو ساتھ لایا‬ ‫تھا کورٹ کچہری کی نذر ہو گیا۔ دوبارہ سے مشقت کی جانب‬ ‫راغب ہوا۔ اس سے پہلے کی طرح کام نہیں ہو پا رہا تھا۔ بڑے‬ ‫بھائی نے کافی بھاگ دوڑ کی اور دونوں میاں بیوی کی صلاح‬ ‫کروا دی۔ ان دنوں دونوں میاں بیوی ایک چھت کے نیچے رہ‬ ‫رہے تھے لیکن اتنا بڑا جھٹکا لگنے کے باوجود انہیں عقل‬ ‫نہیں آئی تھی اور اب بھی ان کا چالا وہ ہی پرانا تھا۔‬

‫‪42‬‬ ‫سدھر جاؤ‬ ‫منسانہ‬ ‫خوش حال زندگی کون گزارنا نہیں چاہتا۔ خوش حال زندگی کے‬ ‫لیے ہر کوئی کوشش اور محنت کرتا ہے۔ اٹھتے بیٹھتے چلتے‬ ‫پھرتے سوتے جاتے سوچتا اور سو طرح کے منصوبے بناتا‬‫ہے۔ یہ الگ بات ہے کہ اس کی کوشش اور سوچ کا ثمرہ محدود‬ ‫رہتا ہے اور ان حد دولت اس کے پاس آ نہیں پاتی۔ آنکھ کی‬ ‫سیری نہ ہونے کے باعث پریشانی بےسکونی اور گھر میں‬ ‫باہمی غلط فہمیوں کے سائے ختم ہونے کا نام ہی نہیں لیتے۔‬ ‫سب کچھ میسر ہونے کے باوجود مایوسی کی فضا طاری رہتی‬ ‫ہے۔ قناعت کا آئینہ اندھا ہو جاتا ہے اور شخص اپنی حقیقی‬ ‫صورت دیکھنے سے بھی معذور ہو جاتا ہے۔‬ ‫لالے کرم دین کے شریف اور بھلامانس ہونے میں قطعی شبہ‬ ‫نہیں کیا جا سکتا۔ زبردست مشقتی تھا۔ وہ میسر پر گزارا کرنے‬ ‫والا شخص تھا لیکن اس کے بیوی بچے اس قماش کے نہ‬ ‫تھے۔ وہ دنیا کی ساری دولت گرہ کر لینے کی ہوس رکھتے‬‫تھے۔ اس کا محنتانہ ان کی ہوس کے پاسنگ نہ تھا ۔ ان کی اس‬ ‫ہوس کے باعث گھر میں ہر وقت بےچینی اور بےسکونی کی‬ ‫کیفیت طاری رہتی۔‬

‫‪43‬‬ ‫وہ اکثر سوچتا آخر اس کا جرم کیا ہے جو اس کے اپنے گھر‬ ‫والے اسے سزا دے رہے ہیں۔ فارغ تو نہیں رہتا۔۔۔۔ جوا نہیں‬‫کھلتا۔۔۔۔ شراب نہیں پیتا۔۔۔۔ عورتوں کے پیچھے نہیں جاتا۔۔۔۔ سارا‬ ‫دن مشقت کرتا ہے اور جو میسر آتا ہے ان لوگوں پر خرچ کر‬ ‫دیتا ہے۔ یہ ہیں کہ خوش ہی نہیں ہوتے۔ خدمت تو دور رہی‘ ان‬ ‫کے پاس تو اس کے لیے ایک مسکراہٹ تک نہیں۔ جب دیکھو‬‫گلے شکوے‘ بول بولارا۔ آخر اس کا جرم کیا ہے۔ اس نے کیا کیا‬ ‫ہے جس کی یہ لوگ اسے سزا دے رہے ہیں۔‬ ‫اس روز اس نے طے کر لیا کہ شیداں سے ضرور پوچھے گا‬ ‫کہ اس کا جرم کیا ہے اور وہ کیا کرے کہ اس کی زبان بند ہو‬ ‫جائے۔‬‫قدرتی بات تھی کہ اس روز جانے کیوں شیداں کا موڈ خوشگوار‬ ‫تھا۔ اس نے موقع کو غنیمت جانا اور شیداں سے پوچھ ہی لیا‬ ‫کہ اس میں کیا پرائی اور خرابی ہے کہ وہ ہر وقت ٹکوا لے کر‬ ‫اس کے پیچھے پڑی رہتی ہے اور وہ کیا کرے جس سے گھر‬ ‫میں سکھ اورشانتی کی فضا قائم ہو۔‬ ‫شیداں نے جوابا کہا کہ وہ سدھر جائے اپنی ان حرکتوں سے‬ ‫باز آ جائے۔‬ ‫اس نے کہا یہ ہی تو میں جاننا چاہتا ہوں کہ کن حرکتوں سے‬ ‫باز آ جاؤں۔‬

‫‪44‬‬‫اپنی کمائی غیروں پر خرچ کرنا بند کر دو۔ اپنے بچوں کا حق نہ‬ ‫مارو۔‬‫تم کن غیروں کی بات کر رہی ہو جن پر میں اپنی کمائی ضائع کر‬ ‫رہا ہوں۔‬‫کہنے لگی بڑے بھولے بنتے ہو۔ سب کچھ ماں ففےکٹن اور اپنی‬ ‫کمینی بہن کو کھلا رہے ہو۔ ہمیں دیتے ہی کیا ہو۔‬ ‫وہ جانتا تھا کہ شیداں کو کیا پیڑ ہے اور وہ کیوں رولا ڈالتی‬ ‫ہے۔ وہ ماں کو دیتا ہی کیا تھا۔ ہفتے عشرے بعد چند ٹکے اور‬ ‫بیوہ بہن اور اس کے بچوں کو عید شبرات پر سستے قسم کے‬ ‫کپُڑے بنا دیتا تھا اور بس۔ یہ ہی اسے کھٹکتے تھے۔ ماں اور‬ ‫بہن کا اس پر حق تھا۔‬ ‫شیداں جب بھی بولتی اس کی ماں کو ففےکٹن کہتی جب کہ اپنی‬ ‫ماں کو ہمیشہ امی جان کہتی۔ جب اس کی ماں آتی تو بوتھا‬ ‫ٹیڑھا کر لیتی پانی تک نہ پوچھتی۔ جب اس کی ماں آتی تو امی‬ ‫جان امی جان کرتی اس کے آگے پیچھے ہوتی۔ خوب خدمت‬ ‫تواضح کرتی۔ یہ ہی نہیں اچھا پکا تک ان کے گھر بھجوا کر‬ ‫سانس لیتی۔ بچت کرکے اس کی چوری چھپے مٹھی بھی گرم‬ ‫کرتی رہتی تھی۔ بھائی کے بیٹے کا اسکول کا خرچا اٹھایا ہوا‬ ‫تھا۔ بھائی تھا کہ سیدھے منہ سے حضرت کا سلام بلانا پسند‬ ‫نہیں کرتا تھا۔‬

‫‪45‬‬ ‫اگر کبھی کبھار ماں کو پنج دس روپے دے دیتا ہے تو اس سے‬ ‫کیا فرق پڑتا ہے۔ کون سا روز روز دیتا ہے۔ رہ گئی بہن اس کو‬ ‫کیا دیتا ہے۔ عید شبرات پر تیسرے درجے کے کپڑے اور بس۔‬ ‫وہ کہتی تو پھر اتنی کمائی کہاں جاتی ہے۔ اتنی پر اسے بڑا تاؤ‬ ‫آتا جیسے اس کے باپ نے دو مربعے زمین اس کے نام کر دی‬ ‫ہو یا جہیز میں ملیں لائی تھی۔‬ ‫کمائی کیا تھی وہ ہی دن بھر کا محنتانہ جو وہ ان پر خرچ کر‬ ‫دیتا تھا۔‬ ‫وہ سوچتا رہا کہ دنیا کوئی آرام دہ مقام نہیں ہے۔ باہر دنیا اور‬‫گھر میں اپنے لوگ زمین پر پاؤں نہیں آنے دیتے۔ کتنا بھی کچھ‬ ‫کر لو‘ خوش نہیں ہوتے۔ ایک اللہ ہی ہے جو معمولی سی‬ ‫اچھائی پر خوش ہو جاتا ہے۔ اس روز وہ بڑا ہی ڈس ہارٹ ہوا‬ ‫تھا۔ کچھ بھی کر لے‘ کتنی قسمیں کھا لے‘ گھر میں کوئی یقین‬‫کرنے والا نہیں تھا۔ اس کے سوچ کے حلقے گہرے ہوتے چلے‬ ‫گئے۔‬ ‫اسے یاد آیا شیداں نے کہا تھا کہ سدھر جاؤ۔ اس نے سوچا یہ‬ ‫سدھرنا کیا ہے۔ اللہ کی طرف پھرنا ہی تو اپنی حقیقت میں‬ ‫سدھرنا ہے۔ اس نے پہلی بار اللہ کو دل سے یاد کیا اور درود‬ ‫پاک پڑھنے لگا۔ ابھی آدھا بھی نہیں پڑھ پایا ہو گا کہ گہری اور‬ ‫پرسکون نیند نے اسے اپنی آغوش میں لے لیا۔‬

‫‪46‬‬ ‫بےشک اللہ اور اس کے رسول کے ہاں ہی سکھ اور چین کی‬ ‫دنیا آباد ہے۔ اگر موت جو لمبی نیند ہے‘ میسر نہ ہوتی تو دنیا‬ ‫میں پاگلوں اور وحشیوں کے سوا کے سوا کچھ نہ ہوتا۔‬

‫‪47‬‬ ‫اچھا نہیں ہوتا‬ ‫ہاں میں موت‬ ‫ناں میں بہن کا گھر اجڑتا تھا‬ ‫برسوں کا بنا کھیل بگڑتا تھا‬ ‫چپ میں کب سکھ تھا‬ ‫چار سو بچھا دکھ تھا‬ ‫زندگی کیا تھی اک وبال تھا‬ ‫بھاگ نکلنے کو نہ کوئی رستہ بچا تھا‬ ‫پہیہ زندگی کا پٹڑی سے اتر رہا تھا‬ ‫زیست کا پاؤں بےبصر دلدل میں گر رہا تھا‬ ‫بےچارگی کا نیا دانت نکل رہا تھا‬ ‫بہنوئی کی آنکھوں میں سکوں کی ہریالی تھی‬ ‫آتی ہر گھڑی اس کے لیے کرماوالی تھی‬ ‫بہن کی آنکھ سے چپ کے آنسو گرتے‬ ‫ماں کی آنکھوں کے حسیں سپنے‬ ‫بےکسی کے قدموں میں بکھرتے‬

‫‪48‬‬ ‫کیا کرتا کدھر کو جاتا‬ ‫خود کو بچاتا‬ ‫کہ ماں کے آنسوؤں کے صدقے واری جاتا‬ ‫زہر کا پیالہ مرے رو بہ رو تھا‬ ‫تذبذب کی صلیب پہ لٹکا کے‬ ‫شنی اپنے کارے میں سفل ہوا‬ ‫پیتا تو یہ خود کشی ہوتی‬ ‫ٹھکراتا تو خود پرستی ہوتی‬ ‫پیچھے ہٹوں کہ آگے بڑھوں‬ ‫ہاں نہ کے پل پر‬ ‫بےکسی کی میت اٹھائے کھڑا تھا‬ ‫آگے پیچھے اندھیرا منہ پھاڑے‬ ‫فیصلے کی راہ دیکھ رہا تھا‬ ‫پھر میں آگے بڑھا اور زہر کا پیالہ اٹھا لیا‬ ‫خودکشی حرام سہی‬ ‫کیا کرتا‬

‫‪49‬‬ ‫بہن کی بےکسی‬ ‫ماں کے آنسو بےوقار کیوں کرتا‬ ‫ابلیس قہقے لگا رہا تھا‬ ‫نہ پیتا تب بھی اسی کی جیت تھی‬ ‫پھر بھی وہ قہقے لگاتا‬ ‫دوزخی بلا نے مرے گھر قدم رکھا‬ ‫گھر کا ہر ذرہ لرز لرز گیا‬ ‫میں بھی موت کے گھاٹ اتر گیا‬ ‫جسے تم دیکھ رہے ہو‬ ‫ہنستی بستی زندگی کا بےکفن لاشہ ہے‬ ‫پہلے دو ٹھکانے لگا آئی تھی‬ ‫لاشے کو کیوں ٹھکانے لگاتی‬ ‫لاشے کا ماس کھا چکی ہے‬ ‫ہڈیاں مگر باقی ہیں‬ ‫بہن لاشے کو دیکھ کر روتی ہے‬ ‫ہڈیاں مگر کیا تیاگ کریں‬

‫‪50‬‬ ‫آنسوؤں کے قدموں میں کیا دھریں‬ ‫کوئی اس کو جا کر بتائے‬ ‫لالسہ سرحدوں کی کب چیز ہے‬ ‫جہاں تم کھڑی ہو وہ تو فقط اس کی دہلیز ہے‬ ‫کوئی حادثہ ہی‬ ‫تمہیں خاوند کی لالسہ کے جہنم سے باہر لائے گا‬ ‫پھر تمہارا ہر آنسو پچھتاوے کی اگنی میں جلے گا‬ ‫تب تک‬ ‫ہڈیاں بھی یہ دوزخ کی رانی کھا چکی ہوگی‬ ‫راکھ ہو گی نہ کوئی رفتہ کی چنگاری‬ ‫ہو گی تو لالسہ کی آری‬ ‫دکھ کا دریا بہہ رہا ہو گا‬ ‫ہر لمحہ تمہیں کہہ رہا ہو گا‬ ‫حق کی بھی کبھی سوچ لیا کرو‬ ‫لقموں کا دم بھرنا اچھا نہیں ہوتا‬ ‫اچھا نہیں ہوتا‬