Biblia latină Vulgata

["Petri II injuria, ac luxuriosa conversatione eripuit : 8 aspectu enim, et auditu justus erat : habitans apud eos, qui de die in diem animam justam iniquis operibus cruciabant. 9 Novit Dominus pios de tentatione eripere : iniquos vero in diem judicii reservare cruciandos. 10 Magis autem eos, qui post carnem in concupiscentia immunditi\u00e6 ambu- lant, dominationemque contemnunt, audaces, sibi placentes, sectas non metu- unt introducere blasphemantes : 11 ubi angeli fortitudine, et virtute cum sint majores, non portant adversum se execrabile judicium. 12 Hi vero velut ir- rationabilia pecora, naturaliter in captionem, et in perniciem in his qu\u00e6 ig- norant blasphemantes in corruptione sua peribunt, 13 percipientes mercedem injustiti\u00e6, voluptatem existimantes diei delicias : coinquinationes, et macul\u00e6 deliciis af\ufb02uentes, in conviviis suis luxuriantes vobiscum, 14 oculos habentes plenos adulterii, et incessabilis delicti. Pellicientes animas instabiles, cor ex- ercitatum avaritia habentes, maledictionis \ufb01lii : 15 derelinquentes rectam viam erraverunt, secuti viam Balaam ex Bosor, qui mercedem iniquitatis amavit : 16 correptionem vero habuit su\u00e6 vesani\u00e6 : subjugale mutum animal, hominis voce loquens, prohibuit prophet\u00e6 insipientiam. 17 Hi sunt fontes sine aqua, et nebul\u00e6 turbinibus exagitat\u00e6, quibus caligo tenebrarum reservatur. 18 Superba enim vanitatis loquentes, pelliciunt in desideriis carnis luxuri\u00e6 eos, qui paulu- lum effugiunt, qui in errore conversantur : 19 libertatem illis promittentes, cum ipsi servi sint corruptionem : a quo enim quis superatus est, hujus et servus est. 20 Si enim refugientes coinquinationes mundi in cognitione Domini nos- tri, et Salvatoris Jesu Christi, his rursus implicati superantur : facta sunt eis posteriora deteriora prioribus. 21 Melius enim erat illis non cognoscere viam justiti\u00e6, quam post agnitionem, retrorsum converti ab eo, quod illis traditum est, sancto mandato. 22 Contigit enim eis illud veri proverbii : Canis reversus ad suum vomitum : et, Sus lota in volutabro luti. 3 Hanc ecce vobis, carissimi, secundam scribo epistolam, in quibus vestram excito in commonitione sinceram mentem : 2 ut memores sitis eorum, qu\u00e6 pr\u00e6dixi, verborum, a sanctis prophetis et apostolorum vestrorum, pr\u00e6- ceptorum Domini et Salvatoris. 3 Hoc primum scientes, quod venient in no- vissimis diebus in deceptione illusores, juxta proprias concupiscentias ambu- lantes, 4 dicentes : Ubi est promissio, aut adventus ejus ? ex quo enim patres dormierunt, omnia sic perseverant ab initio creatur\u00e6. 5 Latet enim eos hoc volentes, quod c\u00e6li erant prius, et terra de aqua, et per aquam consistens Dei verbo : 6 per qu\u00e6, ille tunc mundus aqua inundatus, periit. 7 C\u00e6li autem, qui nunc sunt, et terra eodem verbo repositi sunt, igni reservati in diem judicii, et perditionis impiorum hominum. 8 Unum vero hoc non lateat vos, carissimi, quia unus dies apud Dominum sicut mille anni, et mille anni sicut dies un- us. 9 Non tardat Dominus promissionem suam, sicut quidam existimant : sed patienter agit propter vos, nolens aliquos perire, sed omnes ad p\u0153nitentiam reverti. 10 Adveniet autem dies Domini ut fur : in quo c\u00e6li magno impetu tran- sient, elementa vero calore solventur, terra autem et qu\u00e6 in ipsa sunt opera, exurentur. 11 Cum igitur h\u00e6c omnia dissolvenda sunt, quales oportet vos esse in sanc- tis conversationibus, et pietatibus, 12 exspectantes, et properantes in adven- tum diei Domini, per quem c\u00e6li ardentes solventur, et elementa ignis ardore tabescent ? 13 Novos vero c\u00e6los, et novam terram secundum promissa ip- sius exspectamus, in quibus justitia habitat. 14 Propter quod, carissimi, h\u00e6c 1487","Petri II exspectantes, satagite immaculati, et inviolati ei inveniri in pace : 15 et Domini nostri longanimitatem, salutem arbitremini : sicut et carissimus frater nos- ter Paulus secundum datam sibi sapientiam scripsit vobis, 16 sicut et omnibus epistolis, loquens in eis de his in quibus sunt qu\u00e6dam dif\ufb01cilia intellectu, qu\u00e6 indocti et instabiles depravant, sicut et ceteras Scripturas, ad suam ipsorum perditionem. 17 Vos igitur fratres, pr\u00e6scientes custodite, ne insipientium errore traducti excidatis a propria \ufb01rmitate : 18 crescite vero in gratia, et in cognitione Domini nostri, et Salvatoris Jesu Christi. Ipsi gloria et nunc, et in diem \u00e6ternitatis. Amen. 1488","Epistola B. Joannis Apostoli Prima 1 Quod fuit ab initio, quod audivimus, quod vidimus oculis nostris, quod perspeximus, et manus nostr\u00e6 contrectaverunt de verbo vit\u00e6 : 2 et vita manifestata est, et vidimus, et testamur, et annuntiamus vobis vitam \u00e6ternam, qu\u00e6 erat apud Patrem, et apparuit nobis : 3 quod vidimus et audivimus, annuntiamus vobis, ut et vos societatem habeatis nobiscum, et societas nostra sit cum Patre, et cum Filio ejus Jesu Christo. 4 Et h\u00e6c scribimus vobis ut gaudeatis, et gaudium vestrum sit plenum. 5 Et h\u00e6c est annuntiatio, quam audivimus ab eo, et annuntiamus vobis : quoniam Deus lux est, et tenebr\u00e6 in eo non sunt ull\u00e6. 6 Si dixerimus quo- niam societatem habemus cum eo, et in tenebris ambulamus, mentimur, et veritatem non facimus. 7 Si autem in luce ambulamus sicut et ipse est in luce, societatem habemus ad invicem, et sanguis Jesu Christi, Filii ejus, emundat nos ab omni peccato. 8 Si dixerimus quoniam peccatum non habemus, ipsi nos seducimus, et veritas in nobis non est. 9 Si con\ufb01teamur peccata nostra : \ufb01delis est, et justus, ut remittat nobis peccata nostra, et emundet nos ab omni iniquitate. 10 Si dixerimus quoniam non peccavimus, mendacem facimus eum, et verbum ejus non est in nobis. 2 Filioli mei, h\u00e6c scribo vobis, ut non peccetis. Sed et si quis peccaverit, advocatum habemus apud Patrem, Jesum Christum justum : 2 et ipse est propitiatio pro peccatis nostris : non pro nostris autem tantum, sed etiam pro totius mundi. 3 Et in hoc scimus quoniam cognovimus eum, si mandata ejus observe- mus. 4 Qui dicit se nosse eum, et mandata ejus non custodit, mendax est, et in hoc veritas non est. 5 Qui autem servat verbum ejus, vere in hoc caritas Dei perfecta est : et in hoc scimus quoniam in ipso sumus. 6 Qui dicit se in ipso manere, debet, sicut ille ambulavit, et ipse ambulare. 7 Carissimi, non mandatum novum scribo vobis, sed mandatum vetus, quod habuistis ab ini- tio. Mandatum vetus est verbum, quod audistis. 8 Iterum mandatum novum scribo vobis, quod verum est et in ipso, et in vobis : quia tenebr\u00e6 transierunt, et verum lumen jam lucet. 9 Qui dicit se in luce esse, et fratrem suum odit, in tenebris est usque adhuc. 10 Qui diligit fratrem suum, in lumine manet, et scandalum in eo non est. 11 Qui autem odit fratrem suum, in tenebris est, et in tenebris ambulat, et nescit quo eat : quia tenebr\u00e6 obc\u00e6caverunt oculos ejus. 12 Scribo vobis, \ufb01lioli, quoniam remittuntur vobis peccata propter nomen ejus. 13 Scribo vobis, patres, quoniam cognovistis eum, qui ab initio est. Scri- bo vobis, adolescentes, quoniam vicistis malignum. 14 Scribo vobis, infantes, quoniam cognovistis patrem. Scribo vobis juvenes, quoniam fortes estis, et verbum Dei manet in vobis, et vicistis malignum. 15 Nolite diligere mundum, neque ea qu\u00e6 in mundo sunt. Si quis diligit mundum, non est caritas Patris in eo : 16 quoniam omne quod est in mundo, concupiscentia carnis est, et con- cupiscentia oculorum, et superbia vit\u00e6 : qu\u00e6 non est ex Patre, sed ex mundo est. 17 Et mundus transit, et concupiscentia ejus : qui autem facit voluntatem Dei manet in \u00e6ternum. 18 Filioli, novissima hora est : et sicut audistis quia antichristus venit, et nunc antichristi multi facti sunt ; unde scimus, quia novissima hora est. 19 Ex nobis prodierunt, sed non erant ex nobis, nam, si fuissent ex nobis, perman- sissent utique nobiscum : sed ut manifesti sint quoniam non sunt omnes ex","Joannis I nobis. 20 Sed vos unctionem habetis a Sancto, et nostis omnia. 21 Non scrip- si vobis quasi ignorantibus veritatem, sed quasi scientibus eam : et quoniam omne mendacium ex veritate non est. 22 Quis est mendax, nisi is qui negat quoniam Jesus est Christus ? Hic est antichristus, qui negat Patrem, et Fili- um. 23 Omnis qui negat Filium, nec Patrem habet : qui con\ufb01tetur Filium, et Patrem habet. 24 Vos quod audistis ab initio, in vobis permaneat : si in vobis permanserit quod audistis ab initio, et vos in Filio et Patre manebitis. 25 Et h\u00e6c est repromissio, quam ipse pollicitus est nobis, vitam \u00e6ternam. 26 H\u00e6c scripsi vobis de his, qui seducant vos. 27 Et vos unctionem, quam accepistis ab eo, maneat in vobis. Et non necesse habetis ut aliquis doceat vos : sed sicut unctio ejus docet vos de omnibus, et verum est, et non est mendacium. Et sicut docuit vos : manete in eo. 28 Et nunc, \ufb01lioli, manete in eo : ut cum apparuerit, habeamus \ufb01duciam, et non confundamur ab eo in adventu ejus. 29 Si scitis quoniam justus est, scitote quoniam et omnis, qui facit justitiam, ex ipso natus est. 3 Videte qualem caritatem dedit nobis Pater, ut \ufb01lii Dei nominemur et simus. Propter hoc mundus non novit nos : quia non novit eum. 2 Carissimi, nunc \ufb01lii Dei sumus : et nondum apparuit quid erimus. Scimus quoniam cum apparuerit, similes ei erimus : quoniam videbimus eum sicuti est. 3 Et omnis qui habet hanc spem in eo, sancti\ufb01cat se, sicut et ille sanctus est. 4 Omnis qui facit peccatum, et iniquitatem facit : et peccatum est iniquitas. 5 Et scitis quia ille apparuit ut peccata nostra tolleret : et peccatum in eo non est. 6 Omnis qui in eo manet, non peccat : et omnis qui peccat, non vidit eum, nec cognovit eum. 7 Filioli, nemo vos seducat. Qui facit justitiam, justus est, sicut et ille justus est. 8 Qui facit peccatum, ex diabolo est : quoniam ab initio diabolus peccat. In hoc apparuit Filius Dei, ut dissolvat opera diaboli. 9 Omnis qui natus est ex Deo, peccatum non facit : quoniam semen ipsius in eo manet, et non potest peccare, quoniam ex Deo natus est. 10 In hoc manifesti sunt \ufb01lii Dei, et \ufb01lii diaboli. Omnis qui non est justus, non est ex Deo, et qui non diligit fratrem suum : 11 quoniam h\u00e6c est annunti- atio, quam audistis ab initio, ut diligatis alterutrum. 12 Non sicut Cain, qui ex maligno erat, et occidit fratrem suum. Et propter quid occidit eum ? Quoniam opera ejus maligna erant : fratris autem ejus, justa. 13 Nolite mirari, fratres, si odit vos mundus. 14 Nos scimus quoniam translati sumus de morte ad vitam, quoniam diligimus fratres. Qui non diligit, manet in morte : 15 omnis qui odit fratrem suum, homicida est. Et scitis quoniam omnis homicida non habet vi- tam \u00e6ternam in semetipso manentem. 16 In hoc cognovimus caritatem Dei, quoniam ille animam suam pro nobis posuit : et nos debemus pro fratribus animas ponere. 17 Qui habuerit substantiam hujus mundi, et viderit fratrem suum necessitatem habere, et clauserit viscera sua ab eo : quomodo caritas Dei manet in eo ? 18 Filioli mei, non diligamus verbo neque lingua, sed opere et veritate : 19 in hoc cognoscimus quoniam ex veritate sumus : et in conspectu ejus suadebimus corda nostra. 20 Quoniam si reprehenderit nos cor nostrum : major est Deus corde nostro, et novit omnia. 21 Carissimi, si cor nostrum non reprehenderit nos, \ufb01duciam habemus ad Deum : 22 et quidquid petierimus, accipiemus ab eo : quoniam mandata ejus custodimus, et ea, qu\u00e6 sunt placita coram eo, facimus. 23 Et hoc est mandatum ejus : ut credamus in nomine Filii ejus Jesu Christi : et diligamus alterutrum, sicut dedit mandatum nobis. 24 Et 1490","Joannis I qui servat mandata ejus, in illo manet, et ipse in eo : et in hoc scimus quoniam manet in nobis, de Spiritu quem dedit nobis. 4 Carissimi, nolite omni spiritui credere, sed probate spiritus si ex Deo sint : quoniam multi pseudoprophet\u00e6 exierunt in mundum. 2 In hoc cognosc- itur Spiritus Dei : omnis spiritus qui con\ufb01tetur Jesum Christum in carne venisse, ex Deo est : 3 et omnis spiritus qui solvit Jesum, ex Deo non est, et hic est antichristus, de quo audistis quoniam venit, et nunc jam in mundo est. 4 Vos ex Deo estis \ufb01lioli, et vicistis eum, quoniam major est qui in vobis est, quam qui in mundo. 5 Ipsi de mundo sunt : ideo de mundo loquuntur, et mundus eos audit. 6 Nos ex Deo sumus. Qui novit Deum, audit nos ; qui non est ex Deo, non audit nos : in hoc cognoscimus Spiritum veritatis, et spiritum erroris. 7 Carissimi, diligamus nos invicem : quia caritas ex Deo est. Et omnis qui diligit, ex Deo natus est, et cognoscit Deum. 8 Qui non diligit, non novit Deum : quoniam Deus caritas est. 9 In hoc apparuit caritas Dei in nobis, quoniam Filium suum unigenitum misit Deus in mundum, ut vivamus per eum. 10 In hoc est caritas : non quasi nos dilexerimus Deum, sed quoniam ipse prior dilexit nos, et misit Filium suum propitiationem pro peccatis nostris. 11 Carissimi, si sic Deus dilexit nos : et nos debemus alterutrum diligere. 12 Deum nemo vidit umquam. Si diligamus invicem, Deus in nobis manet, et caritas ejus in nobis perfecta est. 13 In hoc cognoscimus quoniam in eo manemus, et ipse in nobis : quoniam de Spiritu suo dedit nobis. 14 Et nos vidimus, et testi\ufb01camur quoniam Pater misit Filium suum Salvatorem mundi. 15 Quisquis confessus fuerit quoniam Jesus est Filius Dei, Deus in eo manet, et ipse in Deo. 16 Et nos cognovimus, et credidimus caritati, quam habet Deus in nobis. Deus caritas est : et qui manet in caritate, in Deo manet, et Deus in eo. 17 In hoc perfecta est caritas Dei nobiscum, ut \ufb01duciam habeamus in die judicii : quia sicut ille est, et nos sumus in hoc mundo. 18 Timor non est in caritate : sed perfecta caritas foras mittit timorem, quoniam timor p\u0153nam habet : qui autem timet, non est perfectus in caritate. 19 Nos ergo diligamus Deum, quoniam Deus prior dilexit nos. 20 Si quis dixerit : Quoniam diligo Deum, et fratrem suum oderit, mendax est. Qui enim non diligit fratrem suum quem vidit, Deum, quem non vidit, quomodo potest diligere ? 21 Et hoc mandatum habemus a Deo : ut qui diligit Deum, diligat et fratrem suum. 5 Omnis qui credit quoniam Jesus est Christus, ex Deo natus est. Et omnis qui diligit eum qui genuit, diligit et eum qui natus est ex eo. 2 In hoc cognoscimus quoniam diligamus natos Dei, cum Deum diligamus, et mandata ejus faciamus. 3 H\u00e6c est enim caritas Dei, ut mandata ejus custodiamus : et mandata ejus gravia non sunt. 4 Quoniam omne quod natum est ex Deo, vincit mundum : et h\u00e6c est victoria, qu\u00e6 vincit mundum, \ufb01des nostra. 5 Quis est, qui vincit mundum, nisi qui credit quoniam Jesus est Filius Dei ? 6 Hic est, qui venit per aquam et sanguinem, Jesus Christus : non in aqua solum, sed in aqua et sanguine. Et Spiritus est, qui testi\ufb01catur quoniam Chris- tus est veritas. 7 Quoniam tres sunt, qui testimonium dant in c\u00e6lo : Pater, Verbum, et Spiritus Sanctus : et hi tres unum sunt. 8 Et tres sunt, qui testi- monium dant in terra : spiritus, et aqua, et sanguis : et hi tres unum sunt. 9 Si testimonium hominum accipimus, testimonium Dei majus est : quoniam hoc est testimonium Dei, quod majus est, quoniam testi\ufb01catus est de Filio suo. 10 Qui credit in Filium Dei, habet testimonium Dei in se. Qui non credit Filio, 1491","Joannis I mendacem facit eum : quia non credit in testimonium quod testi\ufb01catus est Deus de Filio suo. 11 Et hoc est testimonium, quoniam vitam \u00e6ternam dedit nobis Deus : et h\u00e6c vita in Filio ejus est. 12 Qui habet Filium, habet vitam : qui non habet Filium, vitam non habet. 13 H\u00e6c scribo vobis ut sciatis quoniam vitam habetis \u00e6ternam, qui creditis in nomine Filii Dei. 14 Et h\u00e6c est \ufb01ducia, quam habemus ad eum : quia quod- cumque petierimus, secundum voluntatem ejus, audit nos. 15 Et scimus quia audit nos quidquid petierimus : scimus quoniam habemus petitiones quas postulamus ab eo. 16 Qui scit fratrem suum peccare peccatum non ad mortem, petat, et dabitur ei vita peccanti non ad mortem. Est peccatum ad mortem : non pro illo dico ut roget quis. 17 Omnis iniquitas, peccatum est : et est pecca- tum ad mortem. 18 Scimus quia omnis qui natus est ex Deo, non peccat : sed generatio Dei conservat eum, et malignus non tangit eum. 19 Scimus quoniam ex Deo sumus : et mundus totus in maligno positus est. 20 Et scimus quoniam Filius Dei venit, et dedit nobis sensum ut cognoscamus verum Deum, et simus in vero Filio ejus. Hic est verus Deus, et vita \u00e6terna. 21 Filioli, custodite vos a simulacris. Amen. 1492","Epistola B. Joannis Apostoli Secunda Senior Elect\u00e6 domin\u00e6, et natis ejus, quos ego diligo in veritate, et non ego solus, sed et omnes qui cognoverunt veritatem, 2 propter veritatem, qu\u00e6 permanet in nobis, et nobiscum erit in \u00e6ternum. 3 Sit vobiscum gratia, misericordia, pax a Deo Patre, et a Christo Jesu Filio Patris in veritate, et caritate. 4 Gavisus sum valde, quoniam inveni de \ufb01liis tuis ambulantes in veritate, sicut mandatum accepimus a Patre. 5 Et nunc rogo te domina, non tamquam mandatum novum scribens tibi, sed quod habuimus ab initio, ut diligamus alterutrum. 6 Et h\u00e6c est caritas, ut ambulemus secundum mandata ejus. Hoc est enim mandatum, ut quemadmodum audistis ab initio, in eo ambuletis. 7 Quoniam multi seductores exierunt in mundum, qui non con\ufb01tentur Je- sum Christum venisse in carnem : hic est seductor, et antichristus. 8 Videte vosmetipsos, ne perdatis qu\u00e6 operati estis : sed ut mercedem plenam accip- iatis. 9 Omnis qui recedit, et non permanet in doctrina Christi, Deum non habet : qui permanet in doctrina, hic et Patrem et Filium habet. 10 Si quis venit ad vos, et hanc doctrinam non affert, nolite recipere eum in domum, nec Ave ei dixeritis. 11 Qui enim dicit illi Ave, communicat operibus ejus malignis. 12 Plura habens vobis scribere, nolui per cartam et atramentum : spero enim me futurum apud vos, et os ad os loqui : ut gaudium vestrum plenum sit. 13 Salutant te \ufb01lii sororis tu\u00e6 Elect\u00e6.","Epistola B. Joannis Apostoli Tertia Senior Gajo carissimo, quem ego diligo in veritate. 2 Carissime, de omnibus orationem facio prospere te ingredi, et valere sicut prospere agit anima tua. 3 Gavisus sum valde venientibus fratribus, et testimonium perhibentibus veritati tu\u00e6, sicut tu in veritate ambulas. 4 Majorem horum non habeo gra- tiam, quam ut audiam \ufb01lios meos in veritate ambulare. 5 Carissime, \ufb01deliter facis quidquid operaris in fratres, et hoc in peregrinos, 6 qui testimonium red- diderunt caritati tu\u00e6 in conspectu ecclesi\u00e6 : quos, benefaciens, deduces digne Deo. 7 Pro nomine enim ejus profecti sunt, nihil accipientes a gentibus. 8 Nos ergo debemus suscipere hujusmodi, ut cooperatores simus veritatis. 9 Scripsissem forsitan ecclesi\u00e6 : sed is qui amat primatum gerere in eis, Diotrephes, non recipit nos : 10 propter hoc si venero, commonebo ejus opera, qu\u00e6 facit, verbis malignis garriens in nos : et quasi non ei ista suf\ufb01ciant, neque ipse suscipit fratres : et eos qui suscipiunt, prohibet, et de ecclesia ejicit. 11 Carissime, noli imitari malum, sed quod bonum est. Qui benefacit, ex Deo est : qui malefacit, non vidit Deum. 12 Demetrio testimonium redditur ab omnibus, et ab ipsa veritate, sed et nos testimonium perhibemus : et nosti quoniam testimonium nostrum verum est. 13 Multa habui tibi scribere : sed nolui per atramentum et calamum scribere tibi. 14 Spero autem protinus te videre, et os ad os loquemur. Pax tibi. Salutant te amici. Saluta amicos nominatim.","Epistola Catholica B. Jud\u00e6 Apostoli Judas Jesu Christi servus, frater autem Jacobi, his qui sunt in Deo Patre dilec- tis, et Christo Jesu conservatis, et vocatis. 2 Misericordia vobis, et pax, et caritas adimpleatur. 3 Carissimi, omnem sollicitudinem faciens scribendi vobis de communi vestra salute, necesse habui scribere vobis : deprecans supercertari semel tra- dit\u00e6 sanctis \ufb01dei. 4 Subintroierunt enim quidam homines (qui olim pr\u00e6scripti sunt in hoc judicium) impii, Dei nostri gratiam transferentes in luxuriam, et solum Dominatorem, et Dominum nostrum Jesum Christum negantes. 5 Commonere autem vos volo, scientes semel omnia, quoniam Jesus pop- ulum de terra \u00c6gypti salvans, secundo eos, qui non crediderunt, perdidit : 6 angelos vero, qui non servaverunt suum principatum, sed dereliquerunt su- um domicilium, in judicium magni diei, vinculis \u00e6ternis sub caligine reser- vavit. 7 Sicut Sodoma, et Gomorrha, et \ufb01nitim\u00e6 civitates simili modo exfor- nicat\u00e6, et abeuntes post carnem alteram, fact\u00e6 sunt exemplum, ignis \u00e6terni p\u0153nam sustinentes. 8 Similiter et hi carnem quidem maculant, dominationem autem spernunt, majestatem autem blasphemant. 9 Cum Michae\u00a8l Archangelus cum diabolo disputans altercaretur de Moysi corpore, non est ausus judi- cium inferre blasphemi\u00e6 : sed dixit : Imperet tibi Dominus. 10 Hi autem qu\u00e6cumque quidem ignorant, blasphemant : qu\u00e6cumque autem naturaliter, tamquam muta animalia, norunt, in his corrumpuntur. 11 V\u00e6 illis, quia in via Cain abierunt, et errore Balaam mercede effusi sunt, et in contradictione Core perierunt ! 12 Hi sunt in epulis suis macul\u00e6, convivantes sine timore, semetipsos pas- centes, nubes sine aqua, qu\u00e6 a ventis circumferentur, arbores autumnales, infructuos\u00e6, bis mortu\u00e6, eradicat\u00e6, 13 \ufb02uctus feri maris, despumantes suas confusiones, sidera errantia : quibus procella tenebrarum servata est in \u00e6ter- num. 14 Prophetavit autem et de his septimus ab Adam Enoch, dicens : Ecce venit Dominus in sanctis millibus suis 15 facere judicium contra omnes, et arguere omnes impios de omnibus operibus impietatis eorum, quibus impie egerunt, et de omnibus duris, qu\u00e6 locuti sunt contra Deum peccatores impii. 16 Hi sunt murmuratores querulosi, secundum desideria sua ambulantes, et os eorum loquitur superba, mirantes personas qu\u00e6stus causa. 17 Vos autem carissimi, memores estote verborum, qu\u00e6 pr\u00e6dicta sunt ab apostolis Domi- ni nostri Jesu Christi, 18 qui dicebant vobis, quoniam in novissimo tempore venient illusores, secundum desideria sua ambulantes in impietatibus. 19 Hi sunt, qui segregant semetipsos, animales, Spiritum non habentes. 20 Vos autem carissimi super\u00e6di\ufb01cantes vosmetipsos sanctissim\u00e6 vestr\u00e6 \ufb01dei, in Spiritu Sancto orantes, 21 vosmetipsos in dilectione Dei servate, exspectantes misericordiam Domini nostri Jesu Christi in vitam \u00e6ternam. 22 Et hos quidem arguite judicatos : 23 illos vero salvate, de igne rapientes. Aliis autem miseremini in timore : odientes et eam, qu\u00e6 carnalis est, maculatam tunicam. 24 Ei autem qui potens est vos conservare sine peccato et constituere ante conspectum glori\u00e6 su\u00e6 immaculatos in exsultatione in adventu Domini nostri Jesu Christi, 25 soli Deo Salvatori nostro, per Jesum Christum Dominum nostrum, gloria et magni\ufb01centia, imperium et potestas ante omne s\u00e6culum, et nunc, et in omnia s\u00e6cula s\u00e6culorum. Amen.","Apocalypsis B. Joannis Apostoli 1 Apocalypsis Jesu Christi, quam dedit illi Deus palam facere servis suis, qu\u00e6 oportet \ufb01eri cito : et signi\ufb01cavit, mittens per angelum suum servo suo Joanni, 2 qui testimonium perhibuit verbo Dei, et testimonium Jesu Christi, qu\u00e6cumque vidit. 3 Beatus qui legit, et audit verba propheti\u00e6 hujus, et servat ea, qu\u00e6 in ea scripta sunt : tempus enim prope est. 4 Joannes septem ecclesiis, qu\u00e6 sunt in Asia. Gratia vobis, et pax ab eo, qui est, et qui erat, et qui venturus est : et a septem spiritibus qui in conspectu throni ejus sunt : 5 et a Jesu Christo, qui est testis \ufb01delis, primogenitus mor- tuorum, et princeps regum terr\u00e6, qui dilexit nos, et lavit nos a peccatis nostris in sanguine suo, 6 et fecit nos regnum, et sacerdotes Deo et Patri suo : ipsi gloria et imperium in s\u00e6cula s\u00e6culorum. Amen. 7 Ecce venit cum nubibus, et videbit eum omnis oculus, et qui eum pupugerunt. Et plangent se super eum omnes tribus terr\u00e6. Etiam : amen. 8 Ego sum alpha et omega, principium et \ufb01nis, dicit Dominus Deus : qui est, et qui erat, et qui venturus est, omnipotens. 9 Ego Joannes frater vester, et particeps in tribulatione, et regno, et pati- entia in Christo Jesu : fui in insula, qu\u00e6 appellatur Patmos, propter verbum Dei, et testimonium Jesu : 10 fui in spiritu in dominica die, et audivi post me vocem magnam tamquam tub\u00e6, 11 dicentis : Quod vides, scribe in libro : et mitte septem ecclesiis, qu\u00e6 sunt in Asia, Epheso, et Smyrn\u00e6, et Pergamo, et Thyatir\u00e6, et Sardis, et Philadelphi\u00e6, et Laodici\u00e6. 12 Et conversus sum ut viderem vocem, qu\u00e6 loquebatur mecum : et conversus vidi septem cande- labra aurea : 13 et in medio septem candelabrorum aureorum, similem Filio hominis vestitum podere, et pr\u00e6cinctum ad mamillas zona aurea : 14 caput autem ejus, et capilli erant candidi tamquam lana alba, et tamquam nix, et oculi ejus tamquam \ufb02amma ignis : 15 et pedes ejus similes auricalco, sicut in camino ardenti, et vox illius tamquam vox aquarum multarum : 16 et habebat in dextera sua stellas septem : et de ore ejus gladius utraque parte acutus exi- bat : et facies ejus sicut sol lucet in virtute sua. 17 Et cum vidissem eum, cecidi ad pedes ejus tamquam mortuus. Et posuit dexteram suam super me, dicens : Noli timere : ego sum primus, et novissimus, 18 et vivus, et fui mortuus, et ecce sum vivens in s\u00e6cula s\u00e6culorum : et habeo claves mortis, et inferni. 19 Scribe ergo qu\u00e6 vidisti, et qu\u00e6 sunt, et qu\u00e6 oportet \ufb01eri post h\u00e6c. 20 Sacramentum septem stellarum, quas vidisti in dextera mea, et septem candelabra aurea : septem stell\u00e6, angeli sunt septem ecclesiarum : et candelabra septem, septem ecclesi\u00e6 sunt. 2 Angelo Ephesi ecclesi\u00e6 scribe : H\u00e6c dicit, qui tenet septem stellas in dex- tera sua, qui ambulat in medio septem candelabrorum aureorum : 2 Scio opera tua, et laborem, et patientiam tuam, et quia non potes sustinere mal- os : et tentasti eos, qui se dicunt apostolos esse, et non sunt : et invenisti eos mendaces : 3 et patientiam habes, et sustinuisti propter nomen meum, et non defecisti. 4 Sed habeo adversum te, quod caritatem tuam primam reliquisti. 5 Memor esto itaque unde excideris : et age p\u0153nitentiam, et prima opera fac : sin autem, venio tibi, et movebo candelabrum tuum de loco suo, nisi p\u0153niten- tiam egeris. 6 Sed hoc habes, quia odisti facta Nicolaitarum, qu\u00e6 et ego odi. 7 Qui habet aurem, audiat quid Spiritus dicat ecclesiis : Vincenti dabo edere de ligno vit\u00e6, quod est in paradiso Dei mei.","Apocalypsis 8 Et angelo Smyrn\u00e6 ecclesi\u00e6 scribe : H\u00e6c dicit primus, et novissimus, qui fuit mortuus, et vivit : 9 Scio tribulationem tuam, et paupertatem tuam, sed dives es : et blasphemaris ab his, qui se dicunt Jud\u00e6os esse, et non sunt, sed sunt synagoga Satan\u00e6. 10 Nihil horum timeas qu\u00e6 passurus es. Ecce missurus est diabolus aliquos ex vobis in carcerem ut tentemini : et habebitis tribula- tionem diebus decem. Esto \ufb01delis usque ad mortem, et dabo tibi coronam vit\u00e6. 11 Qui habet aurem, audiat quid Spiritus dicat ecclesiis : Qui vicerit, non l\u00e6detur a morte secunda. 12 Et angelo Pergami ecclesi\u00e6 scribe : H\u00e6c dicit qui habet rhomph\u00e6am utraque parte acutam : 13 Scio ubi habitas, ubi sedes est Satan\u00e6 : et tenes nomen meum, et non negasti \ufb01dem meam. Et in diebus illis Antipas testis meus \ufb01delis, qui occisus est apud vos ubi Satanas habitat. 14 Sed habeo adver- sus te pauca : quia habes illic tenentes doctrinam Balaam, qui docebat Balac mittere scandalum coram \ufb01liis Israe\u00a8l, edere, et fornicari : 15 ita habes et tu tenentes doctrinam Nicolaitarum. 16 Similiter p\u0153nitentiam age : si quominus veniam tibi cito, et pugnabo cum illis in gladio oris mei. 17 Qui habet aurem, audiat quid Spiritus dicat ecclesiis : Vincenti dabo manna absconditum, et dabo illi calculum candidum : et in calculo nomen novum scriptum, quod nemo scit, nisi qui accipit. 18 Et angelo Thyatir\u00e6 ecclesi\u00e6 scribe : H\u00e6c dicit Filius Dei, qui habet ocu- los tamquam \ufb02ammam ignis, et pedes ejus similes auricalco : 19 Novi opera tua, et \ufb01dem, et caritatem tuam, et ministerium, et patientiam tuam, et opera tua novissima plura prioribus. 20 Sed habeo adversus te pauca : quia permittis mulierem Jezabel, qu\u00e6 se dicit propheten, docere, et seducere servos meos, fornicari, et manducare de idolothytis. 21 Et dedi illi tempus ut p\u0153nitenti- am ageret : et non vult p\u0153nitere a fornicatione sua. 22 Ecce mittam eam in lectum : et qui m\u0153chantur cum ea, in tribulatione maxima erunt, nisi p\u0153ni- tentiam ab operibus suis egerint. 23 Et \ufb01lios ejus inter\ufb01ciam in morte, et scient omnes ecclesi\u00e6, quia ego sum scrutans renes, et corda : et dabo unicuique vestrum secundum opera sua. Vobis autem dico, 24 et ceteris qui Thyatir\u00e6 estis : quicumque non habent doctrinam hanc, et qui non cognoverunt alti- tudines Satan\u00e6, quemadmodum dicunt, non mittam super vos aliud pondus : 25 tamen id quod habetis, tenete donec veniam. 26 Et qui vicerit, et custodierit usque in \ufb01nem opera mea, dabo illi potestatem super gentes, 27 et reget eas in virga ferrea, et tamquam vas \ufb01guli confringentur, 28 sicut et ego accepi a Patre meo : et dabo illi stellam matutinam. 29 Qui habet aurem, audiat quid Spiritus dicat ecclesiis. 3 Et angelo ecclesi\u00e6 Sardis scribe : H\u00e6c dicit qui habet septem spiritus Dei, et septem stellas : Scio opera tua, quia nomen habes quod vivas, et mortuus es. 2 Esto vigilans, et con\ufb01rma cetera, qu\u00e6 moritura erant. Non enim invenio opera tua plena coram Deo meo. 3 In mente ergo habe qualiter acceperis, et audieris, et serva, et p\u0153nitentiam age. Si ergo non vigilaveris, veniam ad te tamquam fur et nescies qua hora veniam ad te. 4 Sed habes pauca nomina in Sardis qui non inquinaverunt vestimenta sua : et ambulabunt mecum in albis, quia digni sunt. 5 Qui vicerit, sic vestietur vestimentis albis, et non delebo nomen ejus de libro vit\u00e6, et con\ufb01tebor nomen ejus coram Patre meo, et coram angelis ejus. 6 Qui habet aurem, audiat quid Spiritus dicat ecclesiis. 7 Et angelo Philadelphi\u00e6 ecclesi\u00e6 scribe : H\u00e6c dicit Sanctus et Verus, qui 1497","Apocalypsis habet clavem David : qui aperit, et nemo claudit : claudit, et nemo aperit : 8 Scio opera tua. Ecce dedi coram te ostium apertum, quod nemo potest claudere : quia modicam habes virtutem, et servasti verbum meum, et non negasti nomen meum. 9 Ecce dabo de synagoga Satan\u00e6, qui dicunt se Jud\u00e6os esse, et non sunt, sed mentiuntur : ecce faciam illos ut veniant, et adorent ante pedes tuos : et scient quia ego dilexi te, 10 quoniam servasti verbum patienti\u00e6 me\u00e6, et ego servabo te ab hora tentationis, qu\u00e6 ventura est in orbem universum tentare habitantes in terra. 11 Ecce venio cito : tene quod habes, ut nemo accipiat coronam tuam. 12 Qui vicerit, faciam illum columnam in templo Dei mei, et foras non egredietur amplius : et scribam super eum nomen Dei mei, et nomen civitatis Dei mei nov\u00e6 Jerusalem, qu\u00e6 descendit de c\u00e6lo a Deo meo, et nomen meum novum. 13 Qui habet aurem, audiat quid Spiritus dicat ecclesiis. 14 Et angelo Laodici\u00e6 ecclesi\u00e6 scribe : H\u00e6c dicit : Amen, testis \ufb01delis et verus, qui est principium creatur\u00e6 Dei. 15 Scio opera tua : quia neque frigidus es, neque calidus : utinam frigidus esses, aut calidus : 16 sed quia tepidus es, et nec frigidus, nec calidus, incipiam te evomere ex ore meo : 17 quia dicis : Quod dives sum, et locupletatus, et nullius egeo : et nescis quia tu es miser, et miserabilis, et pauper, et c\u00e6cus, et nudus. 18 Suadeo tibi emere a me aurum ignitum probatum, ut locuples \ufb01as, et vestimentis albis induaris, et non appareat confusio nuditatis tu\u00e6, et collyrio inunge oculos tuos ut videas. 19 Ego quos amo, arguo, et castigo. \u00c6mulare ergo, et p\u0153nitentiam age. 20 Ecce sto ad ostium, et pulso : si quis audierit vocem meam, et aperuerit mihi januam, intrabo ad illum, et c\u0153nabo cum illo, et ipse mecum. 21 Qui vicerit, dabo ei sedere mecum in throno meo : sicut et ego vici, et sedi cum Patre meo in throno ejus. 22 Qui habet aurem, audiat quid Spiritus dicat ecclesiis. 4 Post h\u00e6c vidi : et ecce ostium apertum in c\u00e6lo, et vox prima, quam audivi tamquam tub\u00e6 loquentis mecum, dicens : Ascende huc, et ostendam tibi qu\u00e6 oportet \ufb01eri post h\u00e6c. 2 Et statim fui in spiritu : et ecce sedes posita erat in c\u00e6lo, et supra sedem sedens. 3 Et qui sedebat similis erat aspectui lapidis jaspidis, et sardinis : et iris erat in circuitu sedis similis visioni smaragdin\u00e6. 4 Et in circuitu sedis sedilia viginti quatuor : et super thronos viginti quatuor seniores sedentes, circumamicti vestimentis albis, et in capitibus eorum coro- n\u00e6 aure\u00e6. 5 Et de throno procedebant fulgura, et voces, et tonitrua : et septem lampades ardentes ante thronum, qui sunt septem spiritus Dei. 6 Et in con- spectu sedis tamquam mare vitreum simile crystallo : et in medio sedis, et in circuitu sedis quatuor animalia plena oculis ante et retro. 7 Et animal primum simile leoni, et secundum animal simile vitulo, et tertium animal habens fa- ciem quasi hominis, et quartum animal simile aquil\u00e6 volanti. 8 Et quatuor animalia, singula eorum habebant alas senas : et in circuitu, et intus plena sunt oculis : et requiem non habebant die ac nocte, dicentia : Sanctus, Sanctus, Sanctus Dominus Deus omnipotens, qui erat, et qui est, et qui venturus est. 9 Et cum darent illa animalia gloriam, et honorem, et benedictionem sedenti super thronum, viventi in s\u00e6cula s\u00e6culorum, 10 procidebant viginti quatuor seniores ante sedentem in throno, et adorabant viventem in s\u00e6cula s\u00e6culo- rum, et mittebant coronas suas ante thronum, dicentes : 11 Dignus es Domine Deus noster accipere gloriam, et honorem, et virtutem : quia tu creasti omnia, et propter voluntatem tuam erant, et creata sunt. 1498","Apocalypsis 5 Et vidi in dextera sedentis supra thronum, librum scriptum intus et foris, signatum sigillis septem. 2 Et vidi angelum fortem, pr\u00e6dicantem voce magna : Quis est dignus aperire librum, et solvere signacula ejus ? 3 Et nemo poterat neque in c\u00e6lo, neque in terra, neque subtus terram aperire librum, neque respicere illum. 4 Et ego \ufb02ebam multum, quoniam nemo dignus inven- tus est aperire librum, nec videre eum. 5 Et unus de senioribus dixit mihi : Ne \ufb02everis : ecce vicit leo de tribu Juda, radix David, aperire librum, et sol- vere septem signacula ejus. 6 Et vidi : et ecce in medio throni et quatuor animalium, et in medio seniorum, Agnum stantem tamquam occisum, haben- tem cornua septem, et oculos septem : qui sunt septem spiritus Dei, missi in omnem terram. 7 Et venit : et accepit de dextera sedentis in throno librum. 8 Et cum aperuisset librum, quatuor animalia, et viginti quatuor seniores ce- ciderunt coram Agno, habentes singuli citharas, et phialas aureas plenas odor- amentorum, qu\u00e6 sunt orationes sanctorum : 9 et cantabant canticum novum, dicentes : Dignus es, Domine, accipere librum, et aperire signacula ejus : quo- niam occisus es, et redemisti nos Deo in sanguine tuo ex omni tribu, et lingua, et populo, et natione : 10 et fecisti nos Deo nostro regnum, et sacerdotes : et regnabimus super terram. 11 Et vidi, et audivi vocem angelorum multorum in circuitu throni, et animalium, et seniorum : et erat numerus eorum mil- lia millium, 12 dicentium voce magna : Dignus est Agnus, qui occisus est, accipere virtutem, et divinitatem, et sapientiam, et fortitudinem, et honorem, et gloriam, et benedictionem. 13 Et omnem creaturam, qu\u00e6 in c\u00e6lo est, et super terram, et sub terra, et qu\u00e6 sunt in mari, et qu\u00e6 in eo : omnes audivi dicentes : Sedenti in throno, et Agno, benedictio et honor, et gloria, et potes- tas in s\u00e6cula s\u00e6culorum. 14 Et quatuor animalia dicebant : Amen. Et viginti quatuor seniores ceciderunt in facies suas : et adoraverunt viventem in s\u00e6cula s\u00e6culorum. 6 Et vidi quod aperuisset Agnus unum de septem sigillis, et audivi unum de quatuor animalibus, dicens tamquam vocem tonitrui : Veni, et vide. 2 Et vidi : et ecce equus albus, et qui sedebat super illum, habebat arcum, et data est ei corona, et exivit vincens ut vinceret. 3 Et cum aperuisset sigillum secundum, audivi secundum animal, dicens : Veni, et vide. 4 Et exivit alius equus rufus : et qui sedebat super illum, datum est ei ut sumeret pacem de terra, et ut invicem se inter\ufb01ciant, et datus est ei gladius magnus. 5 Et cum aperuisset sigillum tertium, audivi tertium animal, dicens : Veni, et vide. Et ecce equus niger : et qui sedebat super illum, habebat stateram in manu sua. 6 Et audivi tamquam vocem in medio quatuor animalium dicentium : Bilibris tritici denario et tres bilibres hordei denario, et vinum, et oleum ne l\u00e6seris. 7 Et cum aperuisset sigillum quartum, audivi vocem quarti animalis dicentis : Veni, et vide. 8 Et ecce equus pallidus : et qui sedebat super eum, nomen illi Mors, et infernus sequebatur eum, et data est illi potestas super quatuor partes terr\u00e6, inter\ufb01cere gladio, fame, et morte, et bestiis terr\u00e6. 9 Et cum aperuisset sigillum quintum, vidi subtus altare animas interfectorum propter verbum Dei, et propter testimonium, quod habebant : 10 et clamabant voce magna, dicentes : Usquequo Domine (sanctus et verus), non judicas, et non vindicas sanguinem nostrum de iis qui habitant in terra ? 11 Et dat\u00e6 sunt illis singul\u00e6 stol\u00e6 alb\u00e6 : et dictum est illis ut requiescerent adhuc tempus modicum donec compleantur conservi eorum, et fratres eorum, qui inter\ufb01ciendi sunt sicut et illi. 12 Et vidi cum aperuisset sigillum sextum : et ecce terr\u00e6motus magnus 1499","Apocalypsis factus est, et sol factus est niger tamquam saccus cilicinus : et luna tota facta est sicut sanguis : 13 et stell\u00e6 de c\u00e6lo ceciderunt super terram, sicut \ufb01cus emittit grossos suos cum a vento magno movetur : 14 et c\u00e6lum recessit sicut liber involutus : et omnis mons, et insul\u00e6 de locis suis mot\u00e6 sunt : 15 et reges terr\u00e6, et principes, et tribuni, et divites, et fortes, et omnis servus, et liber absconderunt se in speluncis, et in petris montium : 16 et dicunt montibus, et petris : Cadite super nos, et abscondite nos a facie sedentis super thronum, et ab ira Agni : 17 quoniam venit dies magnus ir\u00e6 ipsorum : et quis poterit stare ? 7 Post h\u00e6c vidi quatuor angelos stantes super quatuor angulos terr\u00e6, tenentes quatuor ventos terr\u00e6, ne \ufb02arent super terram, neque super mare, neque in ullam arborem. 2 Et vidi alterum angelum ascendentem ab ortu solis, habentem signum Dei vivi : et clamavit voce magna quatuor angelis, quibus datum est nocere terr\u00e6 et mari, 3 dicens : Nolite nocere terr\u00e6, et mari, neque arboribus, quoadusque signemus servos Dei nostri in frontibus eorum. 4 Et audivi numerum signatorum, centum quadraginta quatuor millia sig- nati, ex omni tribu \ufb01liorum Israe\u00a8l. 5 Ex tribu Juda duodecim millia signati : ex tribu Ruben duodecim millia signati : ex tribu Gad duodecim millia signati : 6 ex tribu Aser duodecim millia signati : ex tribu Nephthali duodecim millia signati : ex tribu Manasse duodecim millia signati : 7 ex tribu Simeon duodec- im millia signati : ex tribu Levi duodecim millia signati : ex tribu Issachar duodecim millia signati : 8 ex tribu Zabulon duodecim millia signati : ex tribu Joseph duodecim millia signati : ex tribu Benjamin duodecim millia signati. 9 Post h\u00e6c vidi turbam magnam, quam dinumerare nemo poterat, ex om- nibus gentibus, et tribubus, et populis, et linguis : stantes ante thronum, et in conspectu Agni, amicti stolis albis, et palm\u00e6 in manibus eorum : 10 et clam- abant voce magna, dicentes : Salus Deo nostro, qui sedet super thronum, et Agno. 11 Et omnes angeli stabant in circuitu throni, et seniorum, et quatuor animalium : et ceciderunt in conspectu throni in facies suas, et adoraverunt Deum, 12 dicentes : Amen. Benedictio, et claritas, et sapientia, et gratiarum actio, honor, et virtus, et fortitudo Deo nostro in s\u00e6cula s\u00e6culorum. Amen. 13 Et respondit unus de senioribus et dixit mihi : Hi, qui amicti sunt stolis albis, qui sunt ? et unde venerunt ? 14 Et dixi illi : Domine mi, tu scis. Et dixit mihi : Hi sunt, qui venerunt de tribulatione magna, et laverunt stolas suas, et dealbaverunt eas in sanguine Agni. 15 Ideo sunt ante thronum Dei, et serviunt ei die ac nocte in templo ejus : et qui sedet in throno, habitabit super illos : 16 non esurient, neque sitient amplius, nec cadet super illos sol, neque ullus \u00e6stus : 17 quoniam Agnus, qui in medio throni est, reget illos et deducet eos ad vit\u00e6 fontes aquarum, et absterget Deus omnem lacrimam ab oculis eorum. 8 Et cum aperuisset sigillum septimum, factum est silentium in c\u00e6lo, quasi media hora. 2 Et vidi septem angelos stantes in conspectu Dei : et dat\u00e6 sunt illis septem tub\u00e6. 3 Et alius angelus venit, et stetit ante altare habens thuribulum aureum : et data sunt illi incensa multa, ut daret de orationibus sanctorum omnium super altare aureum, quod est ante thronum Dei. 4 Et ascendit fumus incensorum de orationibus sanctorum de manu angeli coram Deo. 5 Et accepit angelus thuribulum, et implevit illud de igne altaris, et misit in terram : et facta sunt tonitrua, et voces, et fulgura, et terr\u00e6motus magnus. 6 Et septem angeli, qui habebant septem tubas, pr\u00e6paraverunt se ut tuba canerent. 7 Et primus angelus tuba cecinit, et facta est grando, et ignis, 1500","Apocalypsis mista in sanguine, et missum est in terram, et tertia pars terr\u00e6 combusta est, et tertia pars arborum concremata est, et omne f\u0153num viride combustum est. 8 Et secundus angelus tuba cecinit : et tamquam mons magnus igne ardens missus est in mare, et facta est tertia pars maris sanguis, 9 et mortua est tertia pars creatur\u00e6 eorum, qu\u00e6 habebant animas in mari, et tertia pars navium interiit. 10 Et tertius angelus tuba cecinit : et cecidit de c\u00e6lo stella magna, ardens tamquam facula, et cecidit in tertiam partem \ufb02uminum, et in fontes aquarum : 11 et nomen stell\u00e6 dicitur Absinthium, et facta est tertia pars aquarum in absinthium ; et multi hominum mortui sunt de aquis, quia amar\u00e6 fact\u00e6 sunt. 12 Et quartus angelus tuba cecinit : et percussa est tertia pars solis, et tertia pars lun\u00e6, et tertia pars stellarum, ita ut obscuraretur tertia pars eorum, et diei non luceret pars tertia, et noctis similiter. 13 Et vidi, et audivi vocem unius aquil\u00e6 volantis per medium c\u00e6li dicentis voce magna : V\u00e6, v\u00e6, v\u00e6 habitantibus in terra de ceteris vocibus trium angelorum, qui erant tuba canituri. 9 Et quintus angelus tuba cecinit : et vidi stellam de c\u00e6lo cecidisse in terram, et data est ei clavis putei abyssi. 2 Et aperuit puteum abyssi : et ascendit fu- mus putei, sicut fumus fornacis magn\u00e6 : et obscuratus est sol, et ae\u00a8r de fumo putei : 3 et de fumo putei exierunt locust\u00e6 in terram, et data est illis potestas, sicut habent potestatem scorpiones terr\u00e6 : 4 et pr\u00e6ceptum est illis ne l\u00e6der- ent f\u0153num terr\u00e6, neque omne viride, neque omnem arborem : nisi tantum homines, qui non habent signum Dei in frontibus suis : 5 et datum est illis ne occiderent eos : sed ut cruciarent mensibus quinque : et cruciatus eorum, ut cruciatus scorpii cum percutit hominem. 6 Et in diebus illis qu\u00e6rent homines mortem, et non invenient eam : et desiderabunt mori, et fugiet mors ab eis. 7 Et similitudines locustarum, similes equis paratis in pr\u00e6lium : et super capi- ta earum tamquam coron\u00e6 similes auro : et facies earum tamquam facies hominum. 8 Et habebant capillos sicut capillos mulierum. Et dentes earum, sicut dentes leonum erant : 9 et habebant loricas sicut loricas ferreas, et vox alarum earum sicut vox curruum equorum multorum currentium in bellum : 10 et habebant caudas similes scorpionum, et aculei erant in caudis earum : et potestas earum nocere hominibus mensibus quinque : 11 et habebant super se regem angelum abyssi cui nomen hebraice Abaddon, gr\u00e6ce autem Apollyon, latine habens nomen Exterminans. 12 V\u00e6 unum abiit, et ecce veniunt adhuc duo v\u00e6 post h\u00e6c. 13 Et sextus angelus tuba cecinit : et audivi vocem unam ex quatuor cornibus altaris aurei, quod est ante oculos Dei, 14 dicentem sexto angelo, qui habebat tubam : Solve quatuor angelos, qui alligati sunt in \ufb02umine magno Euphrate. 15 Et soluti sunt quatuor angeli, qui parati erant in horam, et diem, et mensem, et annum, ut occiderent tertiam partem hominum. 16 Et numerus equestris exercitus vicies millies dena millia. Et audivi numerum eorum. 17 Et ita vidi equos in visione : et qui sedebant super eos, habebant loricas igneas, et hyacinthinas, et sulphureas, et capita equorum erant tamquam capita leon- um : et de ore eorum procedit ignis, et fumus, et sulphur. 18 Et ab his tribus plagis occisa est tertia pars hominum de igne, et de fumo, et sulphure, qu\u00e6 procedebant de ore ipsorum. 19 Potestas enim equorum in ore eorum est, et in caudis eorum, nam caud\u00e6 eorum similes serpentibus, habentes capita : et in his nocent. 20 Et ceteri homines, qui non sunt occisi in his plagis, neque p\u0153nitentiam egerunt de operibus manuum suarum, ut non adorarent d\u00e6mo- 1501","Apocalypsis nia, et simulacra aurea, et argentea, et \u00e6rea, et lapidea, et lignea, qu\u00e6 neque videre possunt, neque audire, neque ambulare, 21 et non egerunt p\u0153nitentiam ab homicidiis suis, neque a vene\ufb01ciis suis, neque a fornicatione sua, neque a furtis suis. 10 Et vidi alium angelum fortem descendentem de c\u00e6lo amictum nube, et iris in capite ejus, et facies ejus erat ut sol, et pedes ejus tamquam column\u00e6 ignis : 2 et habebat in manu sua libellum apertum : et posuit pedem suum dextrum super mare, sinistrum autem super terram : 3 et clamavit voce magna, quemadmodum cum leo rugit. Et cum clamasset, locuta sunt septem tonitrua voces suas. 4 Et cum locuta fuissent septem tonitrua voces suas, ego scripturus eram : et audivi vocem de c\u00e6lo dicentem mihi : Signa qu\u00e6 locuta sunt septem tonitrua : et noli ea scribere. 5 Et angelus, quem vidi stantem super mare et super terram, levavit manum suam ad c\u00e6lum : 6 et juravit per viventem in s\u00e6cula s\u00e6culorum, qui creavit c\u00e6lum, et ea qu\u00e6 in eo sunt : et terram, et ea qu\u00e6 in ea sunt : et mare, et ea qu\u00e6 in eo sunt : Quia tempus non erit amplius : 7 sed in diebus vocis septimi angeli, cum c\u0153perit tuba canere, consummabitur mysterium Dei sicut evangelizavit per servos suos prophetas. 8 Et audivi vocem de c\u00e6lo iterum loquentem mecum, et dicentem : Vade, et accipe librum apertum de manu angeli stantis super mare, et super terram. 9 Et abii ad angelum, dicens ei, ut daret mihi librum. Et dixit mihi : Accipe librum, et devora illum : et faciet amaricari ventrem tuum, sed in ore tuo erit dulce tamquam mel. 10 Et accepi librum de manu angeli, et devoravi illum : et erat in ore meo tamquam mel dulce, et cum devorassem eum, amaricatus est venter meus : 11 et dixit mihi : Oportet te iterum prophetare gentibus, et populis, et linguis, et regibus multis. 11 Et datus est mihi calamus similis virg\u00e6, et dictum est mihi : Surge, et metire templum Dei, et altare, et adorantes in eo : 2 atrium autem, quod est foris templum, ejice foras, et ne metiaris illud : quoniam datum est gentibus, et civitatem sanctam calcabunt mensibus quadraginta duobus : 3 et dabo duobus testibus meis, et prophetabunt diebus mille ducentis sexaginta, amicti saccis. 4 Hi sunt du\u00e6 oliv\u00e6 et duo candelabra in conspectu Domini terr\u00e6 stantes. 5 Et si quis voluerit eos nocere, ignis exiet de ore eorum, et de- vorabit inimicos eorum : et si quis voluerit eos l\u00e6dere, sic oportet eum occidi. 6 Hi habent potestatem claudendi c\u00e6lum, ne pluat diebus propheti\u00e6 ipsorum : et potestatem habent super aquas convertendi eas in sanguinem, et percutere terram omni plaga quotiescumque voluerint. 7 Et cum \ufb01nierint testimonium suum, bestia, qu\u00e6 ascendit de abysso, faciet adversum eos bellum, et vincet illos, et occidet eos. 8 Et corpora eorum jacebunt in plateis civitatis magn\u00e6, qu\u00e6 vocatur spiritualiter Sodoma, et \u00c6gyptus, ubi et Dominus eorum cruci- \ufb01xus est. 9 Et videbunt de tribubus, et populis, et linguis, et gentibus corpora eorum per tres dies et dimidium : et corpora eorum non sinent poni in mon- umentis : 10 et inhabitantes terram gaudebunt super illos, et jucundabuntur : et munera mittent invicem, quoniam hi duo prophet\u00e6 cruciaverunt eos, qui habitabant super terram. 11 Et post dies tres et dimidium, spiritus vit\u00e6 a Deo intravit in eos. Et steterunt super pedes suos, et timor magnus cecidit super eos qui viderunt eos. 12 Et audierunt vocem magnam de c\u00e6lo, dicentem eis : Ascendite huc. Et ascenderunt in c\u00e6lum in nube : et viderunt illos inimici eorum. 13 Et in illa hora factus est terr\u00e6motus magnus, et decima pars civi- tatis cecidit : et occisa sunt in terr\u00e6motu nomina hominum septem millia : et 1502","Apocalypsis reliqui in timorem sunt missi, et dederunt gloriam Deo c\u00e6li. 14 V\u00e6 secundum abiit : et ecce v\u00e6 tertium veniet cito. 15 Et septimus angelus tuba cecinit : et fact\u00e6 sunt voces magn\u00e6 in c\u00e6lo dicentes : Factum est regnum hujus mundi, Domini nostri et Christi ejus, et regnabit in s\u00e6cula s\u00e6culorum. Amen. 16 Et viginti quatuor seniores, qui in conspectu Dei sedent in sedibus suis, ceciderunt in facies suas, et adoraverunt Deum, dicentes : 17 Gratias agimus tibi, Domine Deus omnipotens, qui es, et qui eras, et qui venturus es : quia accepisti virtutem tuam magnam, et regnasti. 18 Et irat\u00e6 sunt gentes, et advenit ira tua et tempus mortuorum judicari, et reddere mercedem servis tuis prophetis, et sanctis, et timentibus nomen tuum pusillis et magnis, et exterminandi eos qui corruperunt terram. 19 Et apertum est templum Dei in c\u00e6lo : et visa est arca testamenti ejus in templo ejus, et facta sunt fulgura, et voces, et terr\u00e6motus, et grando magna. 12 Et signum magnum apparuit in c\u00e6lo : mulier amicta sole, et luna sub pedibus ejus, et in capite ejus corona stellarum duodecim : 2 et in utero habens, clamabat parturiens, et cruciabatur ut pariat. 3 Et visum est aliud signum in c\u00e6lo : et ecce draco magnus rufus habens capita septem, et cornua decem : et in capitibus ejus diademata septem, 4 et cauda ejus trahebat tertiam partem stellarum c\u00e6li, et misit eas in terram : et draco stetit ante mulierem, qu\u00e6 erat paritura, ut cum peperisset, \ufb01lium ejus devoraret. 5 Et peperit \ufb01lium masculum, qui recturus erat omnes gentes in virga ferrea : et raptus est \ufb01lius ejus ad Deum, et ad thronum ejus, 6 et mulier fugit in solitudinem ubi habebat locum paratum a Deo, ut ibi pascant eam diebus mille ducentis sexaginta. 7 Et factum est pr\u00e6lium magnum in c\u00e6lo : Michae\u00a8l et angeli ejus pr\u00e6li- abantur cum dracone, et draco pugnabat, et angeli ejus : 8 et non valuerunt, neque locus inventus est eorum amplius in c\u00e6lo. 9 Et projectus est draco ille magnus, serpens antiquus, qui vocatur diabolus, et Satanas, qui seducit universum orbem : et projectus est in terram, et angeli ejus cum illo missi sunt. 10 Et audivi vocem magnam in c\u00e6lo dicentem : Nunc facta est salus, et virtus, et regnum Dei nostri, et potestas Christi ejus : quia projectus est ac- cusator fratrum nostrorum, qui accusabat illos ante conspectum Dei nostri die ac nocte. 11 Et ipsi vicerunt eum propter sanguinem Agni, et propter verbum testimonii sui, et non dilexerunt animas suas usque ad mortem. 12 Propterea l\u00e6tamini c\u00e6li, et qui habitatis in eis. V\u00e6 terr\u00e6, et mari, quia descendit diabolus ad vos habens iram magnam, sciens quod modicum tempus habet. 13 Et postquam vidit draco quod projectus esset in terram, persecutus est mulierem, qu\u00e6 peperit masculum : 14 et dat\u00e6 sunt mulieri al\u00e6 du\u00e6 aquil\u00e6 magn\u00e6 ut volaret in desertum in locum suum, ubi alitur per tempus et tem- pora, et dimidium temporis a facie serpentis. 15 Et misit serpens ex ore suo post mulierem, aquam tamquam \ufb02umen, ut eam faceret trahi a \ufb02umine. 16 Et adjuvit terra mulierem, et aperuit terra os suum, et absorbuit \ufb02umen, quod misit draco de ore suo. 17 Et iratus est draco in mulierem : et abiit facere pr\u00e6lium cum reliquis de semine ejus, qui custodiunt mandata Dei, et habent testimonium Jesu Christi. 18 Et stetit supra arenam maris. 13 Et vidi de mari bestiam ascendentem habentem capita septem, et cor- nua decem, et super cornua ejus decem diademata, et super capita ejus nomina blasphemi\u00e6. 2 Et bestia, quam vidi, similis erat pardo, et pedes ejus sicut pedes ursi, et os ejus sicut os leonis. Et dedit illi draco virtutem suam, et potestatem magnam. 3 Et vidi unum de capitibus suis quasi occisum in 1503","Apocalypsis mortem : et plaga mortis ejus curata est. Et admirata est universa terra post bestiam. 4 Et adoraverunt draconem, qui dedit potestatem besti\u00e6 : et ado- raverunt bestiam, dicentes : Quis similis besti\u00e6 ? et quis poterit pugnare cum ea ? 5 Et datum est ei os loquens magna et blasphemias : et data est ei potes- tas facere menses quadraginta duos. 6 Et aperuit os suum in blasphemias ad Deum, blasphemare nomen ejus, et tabernaculum ejus, et eos qui in c\u00e6lo habi- tant. 7 Et est datum illi bellum facere cum sanctis, et vincere eos. Et data est illi potestas in omnem tribum, et populum, et linguam, et gentem, 8 et ado- raverunt eam omnes, qui inhabitant terram : quorum non sunt scripta nomina in libro vit\u00e6 Agni, qui occisus est ab origine mundi. 9 Si quis habet aurem, audiat. 10 Qui in captivitatem duxerit, in captivitatem vadet : qui in gladio occiderit, oportet eum gladio occidi. Hic est patientia, et \ufb01des sanctorum. 11 Et vidi aliam bestiam ascendentem de terra, et habebat cornua duo si- milia Agni, et loquebatur sicut draco. 12 Et potestatem prioris besti\u00e6 omnem faciebat in conspectu ejus : et fecit terram, et habitantes in ea, adorare besti- am primam, cujus curata est plaga mortis. 13 Et fecit signa magna, ut etiam ignem faceret de c\u00e6lo descendere in terram in conspectu hominum. 14 Et se- duxit habitantes in terra propter signa, qu\u00e6 data sunt illi facere in conspectu besti\u00e6, dicens habitantibus in terra, ut faciant imaginem besti\u00e6, qu\u00e6 habet plagam gladii, et vixit. 15 Et datum est illi ut daret spiritum imagini besti\u00e6, et ut loquatur imago besti\u00e6 : et faciat ut quicumque non adoraverint imag- inem besti\u00e6, occidantur. 16 Et faciet omnes pusillos, et magnos, et divites, et pauperes, et liberos, et servos habere caracterem in dextera manu sua, aut in frontibus suis : 17 et nequis possit emere, aut vendere, nisi qui habet carac- terem, aut nomen besti\u00e6, aut numerum nominis ejus. 18 Hic sapientia est. Qui habet intellectum, computet numerum besti\u00e6. Numerus enim hominis est : et numerus ejus sexcenti sexaginta sex. 14 Et vidi : et ecce Agnus stabat supra montem Sion, et cum eo cen- tum quadraginta quatuor millia, habentes nomen ejus, et nomen Pa- tris ejus scriptum in frontibus suis. 2 Et audivi vocem de c\u00e6lo, tamquam vocem aquarum multarum, et tamquam vocem tonitrui magni : et vocem, quam audivi, sicut cithar\u0153dorum citharizantium in citharis suis. 3 Et canta- bant quasi canticum novum ante sedem, et ante quatuor animalia, et seniores : et nemo poterat dicere canticum, nisi illa centum quadraginta quatuor millia, qui empti sunt de terra. 4 Hi sunt, qui cum mulieribus non sunt coinquinati : virgines enim sunt. Hi sequuntur Agnum quocumque ierit. Hi empti sunt ex hominibus primiti\u00e6 Deo, et Agno : 5 et in ore eorum non est inventum mendacium : sine macula enim sunt ante thronum Dei. 6 Et vidi alterum angelum volantem per medium c\u00e6li, habentem Evan- gelium \u00e6ternum, ut evangelizaret sedentibus super terram, et super omnem gentem, et tribum, et linguam, et populum : 7 dicens magna voce : Timete Dominum, et date illi honorem, quia venit hora judicii ejus : et adorate eum, qui fecit c\u00e6lum, et terram, mare, et fontes aquarum. 8 Et alius angelus secutus est dicens : Cecidit, cecidit Babylon illa magna : qu\u00e6 a vino ir\u00e6 fornicationis su\u00e6 potavit omnes gentes. 9 Et tertius angelus secutus est illos, dicens voce magna : Si quis adoraverit bestiam, et imaginem ejus, et acceperit caracterem in fronte sua, aut in manu sua : 10 et hic bibet de vino ir\u00e6 Dei, quod mis- tum est mero in calice ir\u00e6 ipsius, et cruciabitur igne, et sulphure in conspectu angelorum sanctorum, et ante conspectum Agni : 11 et fumus tormentorum 1504","Apocalypsis eorum ascendet in s\u00e6cula s\u00e6culorum : nec habent requiem die ac nocte, qui adoraverunt bestiam, et imaginem ejus, et si quis acceperit caracterem nomi- nis ejus. 12 Hic patientia sanctorum est, qui custodiunt mandata Dei, et \ufb01dem Jesu. 13 Et audivi vocem de c\u00e6lo, dicentem mihi : Scribe : Beati mortui qui in Domino moriuntur. Amodo jam dicit Spiritus, ut requiescant a laboribus suis : opera enim illorum sequuntur illos. 14 Et vidi : et ecce nubem candidam, et super nubem sedentem similem Fil- io hominis, habentem in capite suo coronam auream, et in manu sua falcem acutam. 15 Et alius angelus exivit de templo, clamans voce magna ad seden- tem super nubem : Mitte falcem tuam, et mete, quia venit hora ut metatur, quoniam aruit messis terr\u00e6. 16 Et misit qui sedebat super nubem, falcem suam in terram, et demessa est terra. 17 Et alius angelus exivit de templo, quod est in c\u00e6lo, habens et ipse falcem acutam. 18 Et alius angelus exivit de altari, qui habebat potestatem supra ignem : et clamavit voce magna ad eum qui habebat falcem acutam, dicens : Mitte falcem tuam acutam, et vindemia botros vine\u00e6 terr\u00e6 : quoniam matur\u00e6 sunt uv\u00e6 ejus. 19 Et misit angelus fal- cem suam acutam in terram, et vindemiavit vineam terr\u00e6, et misit in lacum ir\u00e6 Dei magnum : 20 et calcatus est lacus extra civitatem, et exivit sanguis de lacu usque ad frenos equorum per stadia mille sexcenta. 15 Et vidi aliud signum in c\u00e6lo magnum et mirabile, angelos septem, habentes plagas septem novissimas : quoniam in illis consummata est ira Dei. 2 Et vidi tamquam mare vitreum mistum igne, et eos, qui vicerunt bestiam, et imaginem ejus, et numerum nominis ejus, stantes super mare vit- reum, habentes citharas Dei : 3 et cantantes canticum Moysi servi Dei, et canticum Agni, dicentes : Magna et mirabilia sunt opera tua, Domine Deus omnipotens : just\u00e6 et ver\u00e6 sunt vi\u00e6 tu\u00e6, Rex s\u00e6culorum. 4 Quis non timebit te, Domine, et magni\ufb01cabit nomen tuum ? quia solus pius es : quoniam omnes gentes venient, et adorabunt in conspectu tuo, quoniam judicia tua manifesta sunt. 5 Et post h\u00e6c vidi : et ecce apertum est templum tabernaculi testimonii in c\u00e6lo, 6 et exierunt septem angeli habentes septem plagas de templo, vestiti lino mundo et candido, et pr\u00e6cincti circa pectora zonis aureis. 7 Et unum de quatuor animalibus dedit septem angelis septem phialas aureas, plenas iracundi\u00e6 Dei viventis in s\u00e6cula s\u00e6culorum. 8 Et impletum est templum fumo a majestate Dei, et de virtute ejus : et nemo poterat introire in templum, donec consummarentur septem plag\u00e6 septem angelorum. 16 Et audivi vocem magnam de templo, dicentem septem angelis : Ite, et effundite septem phialas ir\u00e6 Dei in terram. 2 Et abiit primus, et ef- fudit phialam suam in terram, et factum est vulnus s\u00e6vum et pessimum in homines, qui habebant caracterem besti\u00e6, et in eos qui adoraverunt imaginem ejus. 3 Et secundus angelus effudit phialam suam in mare, et factus est san- guis tamquam mortui : et omnis anima vivens mortua est in mari. 4 Et tertius effudit phialam suam super \ufb02umina, et super fontes aquarum, et factus est sanguis. 5 Et audivi angelum aquarum dicentem : Justus es, Domine, qui es, et qui eras sanctus, qui h\u00e6c judicasti : 6 quia sanguinem sanctorum et prophetarum effuderunt, et sanguinem eis dedisti bibere : digni enim sunt. 7 Et audivi alterum ab altari dicentem : Etiam Domine Deus omnipotens, vera et justa judicia tua. 8 Et quartus angelus effudit phialam suam in solem, et datum est illi \u00e6stu af\ufb02igere homines, et igni : 9 et \u00e6stuaverunt homines \u00e6stu 1505","Apocalypsis magno, et blasphemaverunt nomen Dei habentis potestatem super has pla- gas, neque egerunt p\u0153nitentiam ut darent illi gloriam. 10 Et quintus angelus effudit phialam suam super sedem besti\u00e6 : et factum est regnum ejus tenebro- sum, et commanducaverunt linguas suas pr\u00e6 dolore : 11 et blasphemaverunt Deum c\u00e6li pr\u00e6 doloribus, et vulneribus suis, et non egerunt p\u0153nitentiam ex operibus suis. 12 Et sextus angelus effudit phialam suam in \ufb02umen illud magnum Euphraten : et siccavit aquam ejus, ut pr\u00e6pararetur via regibus ab ortu solis. 13 Et vidi de ore draconis, et de ore besti\u00e6, et de ore pseudo- prophet\u00e6 spiritus tres immundos in modum ranarum. 14 Sunt enim spiritus d\u00e6moniorum facientes signa, et procedunt ad reges totius terr\u00e6 congregare illos in pr\u00e6lium ad diem magnum omnipotentis Dei. 15 Ecce venio sicut fur. Beatus qui vigilat, et custodit vestimenta sua, ne nudus ambulet, et videant turpitudinem ejus. 16 Et congregabit illos in locum qui vocatur hebraice Ar- magedon. 17 Et septimus angelus effudit phialam suam in ae\u00a8rem, et exivit vox magna de templo a throno, dicens : Factum est. 18 Et facta sunt fulgu- ra, et voces, et tonitrua, et terr\u00e6motus factus est magnus, qualis numquam fuit ex quo homines fuerunt super terram : talis terr\u00e6motus, sic magnus. 19 Et facta est civitas magna in tres partes : et civitates gentium ceciderunt. Et Babylon magna venit in memoriam ante Deum, dare illi calicem vini in- dignationis ir\u00e6 ejus. 20 Et omnis insula fugit, et montes non sunt inventi. 21 Et grando magna sicut talentum descendit de c\u00e6lo in homines : et blasphe- maverunt Deum homines propter plagam grandinis : quoniam magna facta est vehementer. 17 Et venit unus de septem angelis, qui habebant septem phialas, et locutus est mecum, dicens : Veni, ostendam tibi damnationem meretricis mag- n\u00e6, qu\u00e6 sedet super aquas multas, 2 cum qua fornicati sunt reges terr\u00e6, et inebriati sunt qui inhabitant terram de vino prostitutionis ejus. 3 Et abstulit me in spiritu in desertum. Et vidi mulierem sedentem super bestiam coccineam, plenam nominibus blasphemi\u00e6, habentem capita septem, et cornua decem. 4 Et mulier erat circumdata purpura, et coccino, et inaurata auro, et lapide pretioso, et margaritis, habens poculum aureum in manu sua, plenum abomi- natione, et immunditia fornicationis ejus. 5 Et in fronte ejus nomen scriptum : Mysterium : Babylon magna, mater fornicationum, et abominationum terr\u00e6. 6 Et vidi mulierem ebriam de sanguine sanctorum, et de sanguine martyrum Jesu. Et miratus sum cum vidissem illam admiratione magna. 7 Et dixit mihi angelus : Quare miraris ? ego dicam tibi sacramentum mulieris, et besti\u00e6, qu\u00e6 portat eam, qu\u00e6 habet capita septem, et cornua decem. 8 Bestia, quam vidisti, fuit, et non est, et ascensura est de abysso, et in interitum ibit : et mirabuntur inhabitantes terram (quorum non sunt scripta nomina in libro vit\u00e6 a constitutione mundi) videntes bestiam, qu\u00e6 erat, et non est. 9 Et hic est sensus, qui habet sapientiam. Septem capita, septem montes sunt, super quos mulier sedet, et reges septem sunt. 10 Quinque ceciderunt, unus est, et alius nondum venit : et cum venerit, oportet illum breve tempus manere. 11 Et bestia, qu\u00e6 erat, et non est : et ipsa octava est : et de septem est, et in inter- itum vadit. 12 Et decem cornua, qu\u00e6 vidisti, decem reges sunt : qui regnum nondum acceperunt, sed potestatem tamquam reges una hora accipient post bestiam. 13 Hi unum consilium habent, et virtutem, et potestatem suam besti\u00e6 tradent. 14 Hi cum Agno pugnabunt, et Agnus vincet illos : quoniam Dominus dominorum est, et Rex regum, et qui cum illo sunt, vocati, electi, et \ufb01deles. 1506","Apocalypsis 15 Et dixit mihi : Aqu\u00e6, quas vidisti ubi meretrix sedet, populi sunt, et gentes, et lingu\u00e6. 16 Et decem cornua, qu\u00e6 vidisti in bestia : hi odient fornicariam, et desolatam facient illam, et nudam, et carnes ejus manducabunt, et ipsam igni concremabunt. 17 Deus enim dedit in corda eorum ut faciant quod placitum est illi : ut dent regnum suum besti\u00e6 donec consummentur verba Dei. 18 Et mulier, quam vidisti, est civitas magna, qu\u00e6 habet regnum super reges terr\u00e6. 18 Et post h\u00e6c vidi alium angelum descendentem de c\u00e6lo, habentem potestatem magnam : et terra illuminata est a gloria ejus. 2 Et exclamav- it in fortitudine, dicens : Cecidit, cecidit Babylon magna : et facta est habitatio d\u00e6moniorum, et custodia omnis spiritus immundi, et custodia omnis volucris immund\u00e6, et odibilis : 3 quia de vino ir\u00e6 fornicationis ejus biberunt omnes gentes : et reges terr\u00e6 cum illa fornicati sunt : et mercatores terr\u00e6 de virtute deliciarum ejus divites facti sunt. 4 Et audivi aliam vocem de c\u00e6lo, dicen- tem : Exite de illa populus meus : ut ne participes sitis delictorum ejus, et de plagis ejus non accipiatis. 5 Quoniam pervenerunt peccata ejus usque ad c\u00e6lum, et recordatus est Dominus iniquitatum ejus. 6 Reddite illi sicut et ipsa reddidit vobis : et duplicate duplicia secundum opera ejus : in poculo, quo miscuit, miscete illi duplum. 7 Quantum glori\ufb01cavit se, et in deliciis fuit, tan- tum date illi tormentum et luctum : quia in corde suo dicit : Sedeo regina : et vidua non sum, et luctum non videbo. 8 Ideo in una die venient plag\u00e6 ejus, mors, et luctus, et fames, et igne comburetur : quia fortis est Deus, qui judicabit illam. 9 Et \ufb02ebunt, et plangent se super illam reges terr\u00e6, qui cum illa fornicati sunt, et in deliciis vixerunt, cum viderint fumum incendii ejus : 10 longe stantes propter timorem tormentorum ejus, dicentes : V\u00e6, v\u00e6 civitas illa magna Babylon, civitas illa fortis : quoniam una hora venit judicium tu- um. 11 Et negotiatores terr\u00e6 \ufb02ebunt, et lugebunt super illam : quoniam merces eorum nemo emet amplius : 12 merces auri, et argenti, et lapidis pretiosi, et margarit\u00e6, et byssi, et purpur\u00e6, et serici, et cocci (et omne lignum thyinum, et omnia vasa eboris, et omnia vasa de lapide pretioso, et \u00e6ramento, et ferro, et marmore, 13 et cinnamomum) et odoramentorum, et unguenti, et thuris, et vini, et olei, et simil\u00e6, et tritici, et jumentorum, et ovium, et equorum, et rhedarum, et mancipiorum, et animarum hominum. 14 Et poma desiderii an- im\u00e6 tu\u00e6 discesserunt a te, et omnia pinguia et pr\u00e6clara perierunt a te, et amplius illa jam non invenient. 15 Mercatores horum, qui divites facti sunt, ab ea longe stabunt propter timorem tormentorum ejus, \ufb02entes, ac lugentes, 16 et dicentes : V\u00e6, v\u00e6 civitas illa magna, qu\u00e6 amicta erat bysso, et purpura, et cocco, et deaurata erat auro, et lapide pretioso, et margaritis : 17 quoniam una hora destitut\u00e6 sunt tant\u00e6 diviti\u00e6, et omnis gubernator, et omnis qui in lacum navigat, et naut\u00e6, et qui in mari operantur, longe steterunt, 18 et cla- maverunt videntes locum incendii ejus, dicentes : Qu\u00e6 similis civitati huic magn\u00e6 ? 19 et miserunt pulverem super capita sua, et clamaverunt \ufb02entes, et lugentes, dicentes : V\u00e6, v\u00e6 civitas illa magna, in qua divites facti sunt omnes, qui habebant naves in mari de pretiis ejus : quoniam una hora desolata est. 20 Exsulta super eam c\u00e6lum, et sancti apostoli, et prophet\u00e6 : quoniam judi- cavit Deus judicium vestrum de illa. 21 Et sustulit unus angelus fortis lapidem quasi molarem magnum, et misit in mare, dicens : Hoc impetu mittetur Baby- lon civitas illa magna, et ultra jam non invenietur. 22 Et vox cithar\u0153dorum, et musicorum, et tibia canentium, et tuba non audietur in te amplius : et omnis artifex omnis artis non invenietur in te amplius : et vox mol\u00e6 non audietur in 1507","Apocalypsis te amplius : 23 et lux lucern\u00e6 non lucebit in te amplius : et vox sponsi et spon- s\u00e6 non audietur adhuc in te : quia mercatores tui erant principes terr\u00e6, quia in vene\ufb01ciis tuis erraverunt omnes gentes. 24 Et in ea sanguis prophetarum et sanctorum inventus est : et omnium qui interfecti sunt in terra. 19 Post h\u00e6c audivi quasi vocem turbarum multarum in c\u00e6lo dicentium : Alleluja : salus, et gloria, et virtus Deo nostro est : 2 quia vera et jus- ta judicia sunt ejus, qui judicavit de meretrice magna, qu\u00e6 corrupit terram in prostitutione sua, et vindicavit sanguinem servorum suorum de manibus ejus. 3 Et iterum dixerunt : Alleluja. Et fumus ejus ascendit in s\u00e6cula s\u00e6culorum. 4 Et ceciderunt seniores viginti quatuor, et quatuor animalia, et adoraverunt Deum sedentem super thronum, dicentes : Amen : alleluja. 5 Et vox de throno exivit, dicens : Laudem dicite Deo nostro omnes servi ejus : et qui timetis eum pusilli et magni. 6 Et audivi quasi vocem turb\u00e6 magn\u00e6, et sicut vocem aquarum multarum, et sicut vocem tonitruorum magnorum, dicentium : Al- leluja : quoniam regnavit Dominus Deus noster omnipotens. 7 Gaudeamus, et exsultemus : et demus gloriam ei : quia venerunt nupti\u00e6 Agni, et uxor ejus pr\u00e6paravit se. 8 Et datum est illi ut cooperiat se byssino splendenti et candido. Byssinum enim justi\ufb01cationes sunt sanctorum. 9 Et dixit mihi : Scribe : Beati qui ad c\u0153nam nuptiarum Agni vocati sunt ; et dixit mihi : H\u00e6c verba Dei vera sunt. 10 Et cecidi ante pedes ejus, ut adorarem eum. Et dicit mihi : Vide ne feceris : conservus tuus sum, et fratrum tuorum habentium testimonium Jesu. Deum adora. Testimonium enim Jesu est spiritus propheti\u00e6. 11 Et vidi c\u00e6lum apertum, et ecce equus albus, et qui sedebat super eum, vocabatur Fidelis, et Verax, et cum justitia judicat et pugnat. 12 Oculi autem ejus sicut \ufb02amma ignis, et in capite ejus diademata multa, habens nomen scriptum, quod nemo novit nisi ipse. 13 Et vestitus erat veste aspersa san- guine : et vocatur nomen ejus : Verbum Dei. 14 Et exercitus qui sunt in c\u00e6lo, sequebantur eum in equis albis, vestiti byssino albo et mundo. 15 Et de ore ejus procedit gladius ex utraque parte acutus, ut in ipso percutiat gentes. Et ipse reget eas in virga ferrea : et ipse calcat torcular vini furoris ir\u00e6 Dei om- nipotentis. 16 Et habet in vestimento et in femore suo scriptum : Rex regum et Dominus dominantium. 17 Et vidi unum angelum stantem in sole, et clamavit voce magna, dicens omnibus avibus, qu\u00e6 volabant per medium c\u00e6li : Venite, et congregamini ad c\u0153nam magnam Dei : 18 ut manducetis carnes regum, et carnes tribunorum, et carnes fortium, et carnes equorum, et sedentium in ipsis, et carnes omni- um liberorum, et servorum, et pusillorum et magnorum. 19 Et vidi bestiam, et reges terr\u00e6, et exercitus eorum congregatos ad faciendum pr\u00e6lium cum illo, qui sedebat in equo, et cum exercitu ejus. 20 Et apprehensa est bestia, et cum ea pseudopropheta : qui fecit signa coram ipso, quibus seduxit eos, qui acceperunt caracterem besti\u00e6, et qui adoraverunt imaginem ejus. Vivi missi sunt hi duo in stagnum ignis ardentis sulphure : 21 et ceteri occisi sunt in glad- io sedentis super equum, qui procedit de ore ipsius : et omnes aves saturat\u00e6 sunt carnibus eorum. 20 Et vidi angelum descendentem de c\u00e6lo, habentem clavem abyssi, et catenam magnam in manu sua. 2 Et apprehendit draconem, serpentem antiquum, qui est diabolus, et Satanas, et ligavit eum per annos mille : 3 et misit eum in abyssum, et clausit, et signavit super illum ut non seducat am- 1508","Apocalypsis plius gentes, donec consummentur mille anni : et post h\u00e6c oportet illum solvi modico tempore. 4 Et vidi sedes, et sederunt super eas, et judicium datum est illis : et animas decollatorum propter testimonium Jesu, et propter verbum Dei, et qui non adoraverunt bestiam, neque imaginem ejus, nec acceperunt caracterem ejus in frontibus, aut in manibus suis, et vixerunt, et regnaverunt cum Christo mille annis. 5 Ceteri mortuorum non vixerunt, donec consummentur mille anni. H\u00e6c est resurrectio prima. 6 Beatus, et sanctus, qui habet partem in resurrectione prima : in his secunda mors non habet potestatem : sed erunt sacerdotes Dei et Christi, et regnabunt cum illo mille annis. 7 Et cum consummati fuerint mille anni, solvetur Satanas de carcere suo, et exibit, et seducet gentes, qu\u00e6 sunt super quatuor angulos terr\u00e6, Gog, et Ma- gog, et congregabit eos in pr\u00e6lium, quorum numerus est sicut arena maris. 8 Et ascenderunt super latitudinem terr\u00e6, et circuierunt castra sanctorum, et civitatem dilectam. 9 Et descendit ignis a Deo de c\u00e6lo, et devoravit eos : et diabolus, qui seducebat eos, missus est in stagnum ignis, et sulphuris, ubi et bestia 10 et pseudopropheta cruciabuntur die ac nocte in s\u00e6cula s\u00e6culorum. 11 Et vidi thronum magnum candidum, et sedentem super eum, a cujus con- spectu fugit terra, et c\u00e6lum, et locus non est inventus eis. 12 Et vidi mortuos, magnos et pusillos, stantes in conspectu throni, et libri aperti sunt : et alius liber apertus est, qui est vit\u00e6 : et judicati sunt mortui ex his, qu\u00e6 scripta erant in libris, secundum opera ipsorum : 13 et dedit mare mortuos, qui in eo erant : et mors et infernus dederunt mortuos suos, qui in ipsis erant : et judicatum est de singulis secundum opera ipsorum. 14 Et infernus et mors missi sunt in stagnum ignis. H\u00e6c est mors secunda. 15 Et qui non inventus est in libro vit\u00e6 scriptus, missus est in stagnum ignis. 21 Et vidi c\u00e6lum novum et terram novam. Primum enim c\u00e6lum, et prima terra abiit, et mare jam non est. 2 Et ego Joannes vidi sanctam civi- tatem Jerusalem novam descendentem de c\u00e6lo a Deo, paratam sicut sponsam ornatam viro suo. 3 Et audivi vocem magnam de throno dicentem : Ecce taber- naculum Dei cum hominibus, et habitabit cum eis. Et ipsi populus ejus erunt, et ipse Deus cum eis erit eorum Deus : 4 et absterget Deus omnem lacrimam ab oculis eorum : et mors ultra non erit, neque luctus, neque clamor, neque dolor erit ultra, quia prima abierunt. 5 Et dixit qui sedebat in throno : Ecce nova fa- cio omnia. Et dixit mihi : Scribe, quia h\u00e6c verba \ufb01delissima sunt, et vera. 6 Et dixit mihi : Factum est : ego sum alpha et omega, initium et \ufb01nis. Ego sitienti dabo de fonte aqu\u00e6 vit\u00e6, gratis. 7 Qui vicerit, possidebit h\u00e6c : et ero illi Deus, et ille erit mihi \ufb01lius. 8 Timidis autem, et incredulis, et execratis, et homicidis, et fornicatoribus, et vene\ufb01cis, et idolatris, et omnibus mendacibus, pars illo- rum erit in stagno ardenti igne et sulphure : quod est mors secunda. 9 Et venit unus de septem angelis habentibus phialas plenas septem plagis novissimis, et locutus est mecum, dicens : Veni, et ostendam tibi sponsam, uxorem Agni. 10 Et sustulit me in spiritu in montem magnum et altum, et ostendit mihi civi- tatem sanctam Jerusalem descendentem de c\u00e6lo a Deo, 11 habentem claritatem Dei : et lumen ejus simile lapidi pretioso tamquam lapidi jaspidis, sicut crys- tallum. 12 Et habebat murum magnum, et altum, habentem portas duodecim : et in portis angelos duodecim, et nomina inscripta, qu\u00e6 sunt nomina duodec- im tribuum \ufb01liorum Israe\u00a8l : 13 ab oriente port\u00e6 tres, et ab aquilone port\u00e6 tres, et ab austro port\u00e6 tres, et ab occasu port\u00e6 tres. 14 Et murus civitatis habens 1509","Apocalypsis fundamenta duodecim, et in ipsis duodecim nomina duodecim apostolorum Agni. 15 Et qui loquebatur mecum, habebat mensuram arundineam auream, ut metiretur civitatem, et portas ejus, et murum. 16 Et civitas in quadro posita est, et longitudo ejus tanta est quanta et latitudo : et mensus est civitatem de arundine aurea per stadia duodecim millia : et longitudo, et altitudo, et latitudo ejus \u00e6qualia sunt. 17 Et mensus est murum ejus centum quadragin- ta quatuor cubitorum, mensura hominis, qu\u00e6 est angeli. 18 Et erat structura muri ejus ex lapide jaspide : ipsa vero civitas aurum mundum simile vitro mundo. 19 Et fundamenta muri civitatis omni lapide pretioso ornata. Fun- damentum primum, jaspis : secundum, sapphirus : tertium, calcedonius : quartum, smaragdus : 20 quintum, sardonyx : sextum, sardius : septimum, chrysolithus : octavum, beryllus : nonum, topazius : decimum, chrysoprasus : undecimum, hyacinthus : duodecimum, amethystus. 21 Et duodecim port\u00e6, duodecim margarit\u00e6 sunt, per singulas : et singul\u00e6 port\u00e6 erant ex singulis margaritis : et platea civitatis aurum mundum, tamquam vitrum perlucidum. 22 Et templum non vidi in ea : Dominus enim Deus omnipotens templum illius est, et Agnus. 23 Et civitas non eget sole neque luna ut luceant in ea, nam claritas Dei illuminavit eam, et lucerna ejus est Agnus. 24 Et ambulabunt gentes in lumine ejus : et reges terr\u00e6 afferent gloriam suam et honorem in illam. 25 Et port\u00e6 ejus non claudentur per diem : nox enim non erit illic. 26 Et afferent gloriam et honorem gentium in illam. 27 Non intrabit in eam aliquod coinquinatum, aut abominationem faciens et mendacium, nisi qui scripti sunt in libro vit\u00e6 Agni. 22 Et ostendit mihi \ufb02uvium aqu\u00e6 vit\u00e6, splendidum tamquam crystallum, procedentem de sede Dei et Agni. 2 In medio plate\u00e6 ejus, et ex utraque parte \ufb02uminis, lignum vit\u00e6, afferens fructus duodecim per menses singulos, reddens fructum suum et folia ligni ad sanitatem gentium. 3 Et omne male- dictum non erit amplius : sed sedes Dei et Agni in illa erunt, et servi ejus servient illi. 4 Et videbunt faciem ejus : et nomen ejus in frontibus eorum. 5 Et nox ultra non erit : et non egebunt lumine lucern\u00e6, neque lumine solis, quoniam Dominus Deus illuminabit illos, et regnabunt in s\u00e6cula s\u00e6culorum. 6 Et dixit mihi : H\u00e6c verba \ufb01delissima sunt, et vera. Et Dominus Deus spir- ituum prophetarum misit angelum suum ostendere servis suis qu\u00e6 oportet \ufb01eri cito. 7 Et ecce venio velociter. Beatus, qui custodit verba propheti\u00e6 libri hujus. 8 Et ego Joannes, qui audivi, et vidi h\u00e6c. Et postquam audissem, et vidissem, cecidi ut adorarem ante pedes angeli, qui mihi h\u00e6c ostendebat : 9 et dixit mihi : Vide ne feceris : conservus enim tuus sum, et fratrum tuorum prophetarum, et eorum qui servant verba propheti\u00e6 libri hujus : Deum ado- ra. 10 Et dicit mihi : Ne signaveris verba propheti\u00e6 libri hujus : tempus enim prope est. 11 Qui nocet, noceat adhuc : et qui in sordibus est, sordescat adhuc : et qui justus est, justi\ufb01cetur adhuc : et sanctus, sancti\ufb01cetur adhuc. 12 Ecce ve- nio cito, et merces mea mecum est, reddere unicuique secundum opera sua. 13 Ego sum alpha et omega, primus et novissimus, principium et \ufb01nis. 14 Beati, qui lavant stolas suas in sanguine Agni : ut sit potestas eorum in ligno vit\u00e6, et per portas intrent in civitatem. 15 Foris canes, et vene\ufb01ci, et impudici, et homicid\u00e6, et idolis servientes, et omnis qui amat et facit mendacium. 16 Ego Jesus misi angelum meum testi\ufb01cari vobis h\u00e6c in ecclesiis. Ego sum radix, et genus David, stella splendida et matutina. 17 Et spiritus, et sponsa dicunt : Veni. Et qui audit, dicat : Veni. Et qui sitit, veniat : et qui vult, accipiat aquam 1510","Apocalypsis vit\u00e6, gratis. 18 Contestor enim omni audienti verba propheti\u00e6 libri hujus : si quis apposuerit ad h\u00e6c, apponet Deus super illum plagas scriptas in libro isto. 19 Et si quis diminuerit de verbis libri propheti\u00e6 hujus, auferet Deus partem ejus de libro vit\u00e6, et de civitate sancta, et de his qu\u00e6 scripta sunt in libro isto : 20 dicit qui testimonium perhibet istorum. Etiam venio cito : amen. Veni, Domine Jesu. 21 Gratia Domini nostri Jesu Christi cum omnibus vobis. Amen. 1511","","",""]