Biblia latină Vulgata

["Isaias et facta sunt morticina eorum quasi stercus in medio platearum. In his omnibus non est adversus furor ejus, sed adhuc manus ejus extenta. 26 Et elevabit signum in nationibus procul, et sibilabit ad eum de \ufb01nibus terr\u00e6 : et ecce festinus velociter veniet. 27 Non est de\ufb01ciens neque laborans in eo ; non dormitabit, neque dormiet ; neque solvetur cingulum renum ejus, nec rumpetur corrigia calceamenti ejus. 28 Sagitt\u00e6 ejus acut\u00e6, et omnes arcus ejus extenti. Ungul\u00e6 equorum ejus ut silex, et rot\u00e6 ejus quasi impetus tempestatis. 29 Rugitus ejus ut leonis ; rugiet ut catuli leonum : et frendet, et tenebit pr\u00e6dam, et amplexabitur, et non erit qui eruat. 30 Et sonabit super eum in die illa sicut sonitus maris : aspiciemus in terram, et ecce tenebr\u00e6 tribulationis, et lux obtenebrata est in caligine ejus. 6 In anno quo mortuus est rex Ozias, vidi Dominum sedentem super soli- um excelsum et elevatum ; et ea qu\u00e6 sub ipso erant replebant templum. 2 Seraphim stabant super illud : sex al\u00e6 uni, et sex al\u00e6 alteri ; duabus velabant faciem ejus, et duabus velabant pedes ejus, et duabus volabant. 3 Et clamabant alter ad alterum, et dicebant : Sanctus, sanctus, sanctus Dominus, Deus exercituum ; plena est omnis terra gloria ejus. 4 Et commota sunt superliminaria cardinum a voce clamantis, et domus repleta est fumo. 5 Et dixi : V\u00e6 mihi, quia tacui, quia vir pollutus labiis ego sum, et in medio populi polluta labia habentis ego habito, et regem Dominum exercituum vidi oculis meis. 6 Et volavit ad me unus de seraphim, et in manu ejus calculus, quem forcipe tulerat de altari, 7 et tetigit os meum, et dixit : Ecce tetigit hoc labia tua, et auferetur iniquitas tua, et peccatum tuum mundabitur. 8 Et audivi vocem Domini dicentis : Quem mittam ? et quis ibit nobis ? Et dixi : Ecce ego, mitte me. 837","Isaias 9 Et dixit : Vade, et dices populo huic : Audite audientes, et nolite intelligere ; et videte visionem, et nolite cognoscere. 10 Exc\u00e6ca cor populi hujus, et aures ejus aggrava, et oculos ejus claude : ne forte videat oculis suis, et auribus suis audiat, et corde suo intelligat, et convertatur, et sanem eum. 11 Et dixi : Usquequo, Domine ? Et dixit : Donec desolentur civitates absque habitatore, et domus sine homine, et terra relinquetur deserta. 12 Et longe faciet Dominus homines, et multiplicabitur qu\u00e6 derelicta fuerat in medio terr\u00e6. 13 Et adhuc in ea decimatio, et convertetur, et erit in ostensionem sicut terebinthus, et sicut quercus qu\u00e6 expandit ramos suos ; semen sanctum erit id quod steterit in ea. 7 Et factum est in diebus Achaz, \ufb01lii Joathan, \ufb01lii Ozi\u00e6, regis Juda, ascendit Rasin, rex Syri\u00e6, et Phacee, \ufb01lius Romeli\u00e6, rex Israe\u00a8l, in Jerusalem, ad pr\u00e6liandum contra eam : et non potuerunt 2 debellare eam. Et nuntiaverunt domui David, dicentes : Requievit Syria super Ephraim. Et commotum est cor ejus, et cor populi ejus, sicut moventur ligna silvarum a facie venti. 3 Et dixit Dominus ad Isaiam : Egredere in occursum Achaz, tu et qui derelictus est Jasub, \ufb01lius tuus, ad extremum aqu\u00e6ductus piscin\u00e6 superioris in via agri Fullonis ; 4 et dices ad eum : Vide ut sileas ; noli timere, et cor tuum ne formidet a duabus caudis titionum fumigantium istorum, in ira furoris Rasin, regis Syri\u00e6, et \ufb01lii Romeli\u00e6 ; 5 eo quod consilium inierit contra te Syria in malum, Ephraim, et \ufb01lius Romeli\u00e6, dicentes : 6 Ascendamus ad Judam, et suscitemus eum, et avellamus eum ad nos, et ponamus regem in medio ejus \ufb01lium Tabeel. 7 H\u00e6c dicit Dominus Deus : Non stabit, et non erit istud ; 8 sed caput Syri\u00e6 Damascus, et caput Damasci Rasin ; et adhuc sexaginta et quinque anni, 838","Isaias et desinet Ephraim esse populus ; 9 et caput Ephraim Samaria, et caput Samari\u00e6 \ufb01lius Romeli\u00e6. Si non credideritis, non permanebitis. 10 Et adjecit Dominus loqui ad Achaz, dicens : 11 Pete tibi signum a Domino Deo tuo, in profundum inferni, sive in excelsum supra. 12 Et dixit Achaz : Non petam, et non tentabo Dominum. 13 Et dixit : Audite ergo, domus David. Numquid parum vobis est molestos esse hominibus, quia molesti estis et Deo meo ? 14 Propter hoc dabit Dominus ipse vobis signum : ecce virgo concipiet, et pariet \ufb01lium, et vocabitur nomen ejus Emmanuel. 15 Butyrum et mel comedet, ut sciat reprobare malum, et eligere bonum. 16 Quia antequam sciat puer reprobare malum et eligere bonum, derelinquetur terra quam tu detestaris a facie duorum regum suorum. 17 Adducet Dominus super te, et super populum tuum, et super domum patris tui, dies qui non venerunt a diebus separationis Ephraim a Juda, cum rege Assyriorum. 18 Et erit in die illa : sibilabit Dominus musc\u00e6 qu\u00e6 est in extremo \ufb02uminum \u00c6gypti, et api qu\u00e6 est in terra Assur ; 19 et venient, et requiescent omnes in torrentibus vallium, et in cavernis petrarum, et in omnibus frutetis, et in universis foraminibus. 20 In die illa radet Dominus in novacula conducta in his qui trans \ufb02umen sunt, in rege Assyriorum, caput et pilos pedum, et barbam universam. 21 Et erit in die illa : nutriet homo vaccam boum, et duas oves, 22 et pr\u00e6 ubertate lactis comedet butyrum ; butyrum enim et mel manducabit omnis qui relictus fuerit in medio terr\u00e6. 23 Et erit in die illa : omnis locus ubi fuerint mille vites, mille argenteis, in spinas et in vepres erunt. 24 Cum sagittis et arcu ingredientur illuc : vepres enim et spin\u00e6 erunt in universa terra. 25 Et omnes montes qui in sarculo sarrientur, non veniet illuc terror spinarum et veprium : et erit in pascua bovis, et in conculcationem pecoris. 839","Isaias 8 Et dixit Dominus ad me : Sume tibi librum grandem, et scribe in eo stylo hominis : Velociter spolia detrahe, cito pr\u00e6dare. 2 Et adhibui mihi testes \ufb01deles, Uriam sacerdotem, et Zachariam, \ufb01lium Barachi\u00e6 : 3 et accessi ad prophetissam, et concepit, et peperit \ufb01lium. Et dixit Dominus ad me : Voca nomen ejus : Accelera spolia detrahere ; Festina pr\u00e6dari : 4 quia antequam sciat puer vocare patrem suum et matrem suam, auferetur fortitudo Damasci, et spolia Samari\u00e6, coram rege Assyriorum. 5 Et adjecit Dominus loqui ad me adhuc, dicens : 6 Pro eo quod abjecit populus iste aquas Siloe\u00a8, qu\u00e6 vadunt cum silentio, et assumpsit magis Rasin, et \ufb01lium Romeli\u00e6 : 7 propter hoc ecce Dominus adducet super eos aquas \ufb02uminis fortes et multas, regem Assyriorum, et omnem gloriam ejus, et ascendet super omnes rivos ejus, et \ufb02uet super universas ripas ejus ; 8 et ibit per Judam, inundans, et transiens : usque ad collum veniet. Et erit extensio alarum ejus implens latitudinem terr\u00e6 tu\u00e6, o Emmanuel ! 9 Congregamini, populi, et vincimini ; et audite, univers\u00e6 procul terr\u00e6 : confortamini, et vincimini ; accingite vos, et vincimini. 10 Inite consilium, et dissipabitur ; loquimini verbum, et non \ufb01et : quia nobiscum Deus. 11 H\u00e6c enim ait Dominus ad me : Sicut in manu forti erudivit me, ne irem in via populi hujus, dicens : 12 Non dicatis : Conjuratio ; omnia enim qu\u00e6 loquitur populus iste, conjuratio est : et timorem ejus ne timeatis, neque paveatis. 13 Dominum exercituum ipsum sancti\ufb01cate ; ipse pavor vester, et ipse terror vester : 14 et erit vobis in sancti\ufb01cationem ; in lapidem autem offensionis, et in petram scandali, duabus domibus Israe\u00a8l ; in laqueum et in ruinam habitantibus Jerusalem. 15 Et offendent ex eis plurimi, et cadent, et conterentur, et irretientur, et capientur. 16 Liga testimonium, signa legem in discipulis meis. 17 Et exspectabo Dominum qui abscondit faciem suam a domo Jacob, et pr\u00e6stolabor eum. 18 Ecce ego et pueri mei quos dedit mihi Dominus in signum, et in portentum Israe\u00a8l a Domino exercituum, 840","Isaias qui habitat in monte Sion : 19 et cum dixerint ad vos : Qu\u00e6rite a pythonibus et a divinis qui strident in incantationibus suis : numquid non populus a Deo suo requiret, pro vivis a mortuis ? 20 ad legem magis et ad testimonium. Quod si non dixerint juxta verbum hoc, non erit eis matutina lux. 21 Et transibit per eam, corruet, et esuriet ; et cum esurierit, irascetur. Et maledicet regi suo, et Deo suo, et suscipiet sursum, 22 et ad terram intuebitur ; et ecce tribulatio et tenebr\u00e6, dissolutio et angustia, et caligo persequens, et non poterit avolare de angustia sua. 9 Primo tempore alleviata est terra Zabulon et terra Nephthali : et novissimo aggravata est via maris trans Jordanem Galil\u00e6\u00e6 gentium. 2 Populus qui ambulabat in tenebris, vidit lucem magnam ; habitantibus in regione umbr\u00e6 mortis, lux orta est eis. 3 Multiplicasti gentem, et non magni\ufb01casti l\u00e6titiam. L\u00e6tabuntur coram te, sicut qui l\u00e6tantur in messe ; sicut exsultant victores capta pr\u00e6da, quando dividunt spolia. 4 Jugum enim oneris ejus, et virgam humeri ejus, et sceptrum exactoris ejus superasti, sicut in die Madian. 5 Quia omnis violentia pr\u00e6datio cum tumultu, et vestimentum mistum sanguine, erit in combustionem, et cibus ignis. 6 Parvulus enim natus est nobis, et \ufb01lius datus est nobis, et factus est principatus super humerum ejus : et vocabitur nomen ejus, Admirabilis, Consiliarius, Deus, Fortis, Pater futuri s\u00e6culi, Princeps pacis. 7 Multiplicabitur ejus imperium, et pacis non erit \ufb01nis ; super solium David, et super regnum ejus sedebit, ut con\ufb01rmet illud et corroboret in judicio et justitia, 841","Isaias amodo et usque in sempiternum : zelus Domini exercituum faciet hoc. 8 Verbum misit Dominus in Jacob, et cecidit in Israe\u00a8l. 9 Et sciet omnis populus Ephraim, et habitantes Samariam, in superbia et magnitudine cordis dicentes : 10 Lateres ceciderunt, sed quadris lapidibus \u00e6di\ufb01cabimus ; sycomoros succiderunt, sed cedros immutabimus. 11 Et elevabit Dominus hostes Rasin super eum, et inimicos ejus in tumultum vertet. 12 Syriam ab oriente, et Philisthiim ab occidente ; et devorabunt Israe\u00a8l toto ore. In omnibus his non est aversus furor ejus, sed adhuc manus ejus extenta. 13 Et populus non est reversus ad percutientem se, et Dominum exercituum non inquisierunt. 14 Et disperdet Dominus ab Israe\u00a8l caput et caudam, incurvantem et refrenantem, die una. 15 Long\u00e6vus et honorabilis, ipse est caput ; et propheta docens mendacium, ipse est cauda. 16 Et erunt qui beati\ufb01cant populum istum, seducentes ; et qui beati\ufb01cantur, pr\u00e6cipitati. 17 Propter hoc super adolescentulis ejus non l\u00e6tabitur Dominus, et pupillorum ejus et viduarum non miserebitur : quia omnis hypocrita est et nequam, et universum os locutum est stultitiam ; in omnibus his non est aversus furor ejus, sed adhuc manus ejus extenta. 18 Succensa est enim quasi ignis impietas : veprem et spinam vorabit, et succendetur in densitate saltus, et convolvetur superbia fumi. 19 In ira Domini exercituum conturbata est terra, et erit populus quasi esca ignis ; vir fratri suo non parcet. 20 Et declinabit ad dexteram, et esuriet ; et comedet ad sinistram, et non saturabitur ; unusquisque carnem brachii sui vorabit : Manasses Ephraim, et Ephraim Manassen ; simul ipsi contra Judam. 21 In omnibus his non est aversus furor ejus, sed adhuc manus ejus extenta. 10 V\u00e6 qui condunt leges iniquas, et scribentes injustitiam scripserunt, 2 ut opprimerent in judicio pauperes, et vim facerent caus\u00e6 humilium populi mei ; ut essent vidu\u00e6 pr\u00e6da eorum, 842","Isaias et pupillos diriperent. 3 Quid facietis in die visitationis, et calamitatis de longe venientis ? ad cujus confugietis auxilium ? et ubi derelinquetis gloriam vestram, 4 ne incurvemini sub vinculo, et cum interfectis cadatis ? Super omnibus his non est aversus furor ejus, sed adhuc manus ejus extenta. 5 V\u00e6 Assur ! virga furoris mei et baculus ipse est ; in manu eorum indignatio mea. 6 Ad gentem fallacem mittam eum, et contra populum furoris mei mandabo illi, ut auferat spolia, et diripiat pr\u00e6dam, et ponat illum in conculcationem quasi lutum platearum. 7 Ipse autem non sic arbitrabitur, et cor ejus non ita existimabit ; sed ad conterendum erit cor ejus, et ad internecionem gentium non paucarum. 8 Dicet enim : 9 Numquid non principes mei simul reges sunt ? numquid non ut Charcamis, sic Calano ? et ut Arphad, sic Emath ? numquid non ut Damascus, sic Samaria ? 10 Quomodo invenit manus mea regna idoli, sic et simulacra eorum de Jerusalem et de Samaria. 11 Numquid non sicut feci Samari\u00e6 et idolis ejus, sic faciam Jerusalem et simulacris ejus ? 12 Et erit, cum impleverit Dominus cuncta opera sua in monte Sion et in Jerusalem, visitabo super fructum magni\ufb01ci cordis regis Assur, et super gloriam altitudinis oculorum ejus. 13 Dixit enim : In fortitudine manus me\u00e6 feci, et in sapientia mea intellexi ; et abstuli terminos populorum, et principes eorum depr\u00e6datus sum, et detraxi quasi potens in sublimi residentes. 14 Et invenit quasi nidum manus mea fortitudinem populorum ; et sicut colliguntur ova qu\u00e6 derelicta sunt, sic universam terram ego congregavi ; et non fuit qui moveret pennam, et aperiret os, et ganniret. 15 Numquid gloriabitur securis contra eum qui secat in ea ? aut exaltabitur serra contra eum a quo trahitur ? Quomodo si elevetur virga contra elevantem se, et exaltetur baculus, qui utique lignum est. 16 Propter hoc mittet Dominator, Dominus exercituum, in pinguibus ejus tenuitatem ; 843","Isaias et subtus gloriam ejus succensa ardebit quasi combustio ignis. 17 Et erit lumen Israe\u00a8l in igne, et Sanctus ejus in \ufb02amma ; et succendetur, et devorabitur spina ejus et vepres in die una. 18 Et gloria saltus ejus, et carmeli ejus, ab anima usque ad carnem consumetur ; et erit terrore profugus. 19 Et reliqui\u00e6 ligni saltus ejus pr\u00e6 paucitate numerabuntur, et puer scribet eos. 20 Et erit in die illa : non adjiciet residuum Israe\u00a8l, et hi qui fugerint de domo Jacob, inniti super eo qui percutit eos ; sed innitetur super Dominum, Sanctum Israe\u00a8l, in veritate. 21 Reliqui\u00e6 convertentur ; reliqui\u00e6, inquam, Jacob ad Deum fortem. 22 Si enim fuerit populus tuus, Israe\u00a8l, quasi arena maris, reliqui\u00e6 convertentur ex eo ; consummatio abbreviata inundabit justitiam. 23 Consummationem enim et abbreviationem Dominus Deus exercituum faciet in medio omnis terr\u00e6. 24 Propter hoc, h\u00e6c dicit Dominus Deus exercituum : Noli timere, populus meus, habitator Sion, ab Assur : in virga percutiet te, et baculum suum levabit super te, in via \u00c6gypti. 25 Adhuc enim paululum modicumque, et consummabitur indignatio et furor meus super scelus eorum. 26 Et suscitabit super eum Dominus exercituum \ufb02agellum, juxta plagam Madian in petra Oreb : et virgam suam super mare, et levabit eam in via \u00c6gypti. 27 Et erit in die illa : auferetur onus ejus de humero tuo et jugum ejus de collo tuo, et computrescet jugum a facie olei. 28 Veniet in Ajath, transibit in Magron, apud Machmas commendabit vasa sua. 29 Transierunt cursim, Gaba sedes nostra ; obstupuit Rama, Gabaath Saulis fugit. 844","Isaias 30 Hinni voce tua, \ufb01lia Gallim, attende Laisa, paupercula Anathoth. 31 Migravit Medemena ; habitatores Gabim, confortamini. 32 Adhuc dies est ut in Nobe stetur ; agitabit manum suam super montem \ufb01li\u00e6 Sion, collem Jerusalem. 33 Ecce Dominator, Dominus exercituum, confringet lagunculam in terrore ; et excelsi statura succidentur, et sublimes humiliabuntur. 34 Et subvertentur condensa saltus ferro ; et Libanus cum excelsis cadet. 11 Et egredietur virga de radice Jesse, et \ufb02os de radice ejus ascendet. 2 Et requiescet super eum spiritus Domini : spiritus sapienti\u00e6 et intellectus, spiritus consilii et fortitudinis, spiritus scienti\u00e6 et pietatis ; 3 et replebit eum spiritus timoris Domini. Non secundum visionem oculorum judicabit, neque secundum auditum aurium arguet ; 4 sed judicabit in justitia pauperes, et arguet in \u00e6quitate pro mansuetis terr\u00e6 ; et percutiet terram virga oris sui, et spiritu labiorum suorum inter\ufb01ciet impium. 5 Et erit justitia cingulum lumborum ejus, et \ufb01des cinctorium renum ejus. 6 Habitabit lupus cum agno, et pardus cum h\u00e6do accubabit ; vitulus, et leo, et ovis, simul morabuntur, et puer parvulus minabit eos. 7 Vitulus et ursus pascentur, simul requiescent catuli eorum ; et leo quasi bos comedet paleas. 8 Et delectabitur infans ab ubere super foramine aspidis ; et in caverna reguli qui ablactatus fuerit manum suam mittet. 9 Non nocebunt, et non occident in universo monte sancto meo, quia repleta est terra scientia Domini, sicut aqu\u00e6 maris operientes. 10 In die illa radix Jesse, qui stat in signum populorum, ipsum gentes deprecabuntur, et erit sepulchrum ejus gloriosum. 11 Et erit in die illa : adjiciet Dominus secundo manum suam ad possidendum residuum populi sui, 845","Isaias quod relinquetur ab Assyriis, et ab \u00c6gypto, et a Phetros, et ab \u00c6thiopia, et ab \u00c6lam, et a Sennaar, et ab Emath, et ab insulis maris. 12 Et levabit signum in nationes, et congregabit profugos Israe\u00a8l, et dispersos Juda colliget a quatuor plagis terr\u00e6. 13 Et auferetur zelus Ephraim, et hostes Juda peribunt ; Ephraim non \u00e6mulabitur Judam, et Judas non pugnabit contra Ephraim. 14 Et volabunt in humeros Philisthiim per mare, simul pr\u00e6dabuntur \ufb01lios orientis ; Idum\u00e6a et Moab pr\u00e6ceptum manus eorum, et \ufb01lii Ammon obedientes erunt. 15 Et desolabit Dominus linguam maris \u00c6gypti, et levabit manum suam super \ufb02umen in fortitudine spiritus sui ; et percutiet eum in septem rivis, ita ut transeant per eum calceati. 16 Et erit via residuo populo meo qui relinquetur ab Assyriis, sicut fuit Israe\u00a8li in die illa qua ascendit de terra \u00c6gypti. 12 Et dices in die illa : Con\ufb01tebor tibi, Domine, quoniam iratus es mihi ; conversus est furor tuus, et consolatus es me. 2 Ecce Deus salvator meus ; \ufb01ducialiter agam, et non timebo : quia fortitudo mea et laus mea Dominus, et factus est mihi in salutem. 3 Haurietis aquas in gaudio de fontibus salvatoris. 4 Et dicetis in die illa : Con\ufb01temini Domino et invocate nomen ejus ; notas facite in populis adinventiones ejus ; mementote quoniam excelsum est nomen ejus. 5 Cantate Domino, quoniam magni\ufb01ce fecit ; annuntiate hoc in universa terra. 6 Exsulta et lauda, habitatio Sion, quia magnus in medio tui Sanctus Israe\u00a8l. 13 Onus Babylonis, quod vidit Isaias, \ufb01lius Amos. 2 Super montem caliginosum levate signum : exaltate vocem, levate manum, et ingrediantur portas duces. 3 Ego mandavi sancti\ufb01catis meis, et vocavi fortes meos in ira mea, 846","Isaias exsultantes in gloria mea. 4 Vox multitudinis in montibus, quasi populorum frequentium ; vox sonitus regum, gentium congregatarum. Dominus exercituum pr\u00e6cepit militi\u00e6 belli, 5 venientibus de terra procul, a summitate c\u00e6li ; Dominus, et vasa furoris ejus, ut disperdat omnem terram. 6 Ululate, quia prope est dies Domini ; quasi vastitas a Domino veniet. 7 Propter hoc omnes manus dissolventur, et omne cor hominis contabescet, 8 et conteretur. Torsiones et dolores tenebunt ; quasi parturiens dolebunt : unusquisque ad proximum suum stupebit, facies combust\u00e6 vultus eorum. 9 Ecce dies Domini veniet, crudelis, et indignationis plenus, et ir\u00e6, furorisque, ad ponendam terram in solitudinem, et peccatores ejus conterendos de ea. 10 Quoniam stell\u00e6 c\u00e6li, et splendor earum, non expandent lumen suum ; obtenebratus est sol in ortu suo, et luna non splendebit in lumine suo. 11 Et visitabo super orbis mala, et contra impios iniquitatem eorum ; et quiescere faciam superbiam in\ufb01delium, et arrogantiam fortium humiliabo. 12 Pretiosior erit vir auro, et homo mundo obrizo. 13 Super hoc c\u00e6lum turbabo ; et movebitur terra de loco suo, propter indignationem Domini exercituum, et propter diem ir\u00e6 furoris ejus. 14 Et erit quasi damula fugiens, et quasi ovis, et non erit qui congreget. Unusquisque ad populum suum convertetur, et singuli ad terram suam fugient. 15 Omnis qui inventus fuerit occidetur, et omnis qui supervenerit cadet in gladio ; 16 infantes eorum allidentur in oculis eorum, diripientur domus eorum, et uxores eorum violabuntur. 17 Ecce ego suscitabo super eos Medos, qui argentum non qu\u00e6rant, nec aurum velint ; 18 sed sagittis parvulos inter\ufb01cient, 847","Isaias et lactantibus uteris non miserebuntur, et super \ufb01lios non parcet oculus eorum. 19 Et erit Babylon illa gloriosa in regnis, inclyta superbia Chald\u00e6orum, sicut subvertit Dominus Sodomam et Gomorrham. 20 Non habitabitur usque in \ufb01nem, et non fundabitur usque ad generationem et generationem ; nec ponet ibi tentoria Arabs, nec pastores requiescent ibi. 21 Sed requiescent ibi besti\u00e6, et replebuntur domus eorum draconibus, et habitabunt ibi struthiones, et pilosi saltabunt ibi ; 22 et respondebunt ibi ulul\u00e6 in \u00e6dibus ejus, et sirenes in delubris voluptatis. 14 Prope est ut veniat tempus ejus, et dies ejus non elongabuntur. Miserebitur enim Dominus Jacob, et eliget adhuc de Israe\u00a8l, et requiescere eos faciet super humum suam ; adjungetur advena ad eos, et adh\u00e6rebit domui Jacob. 2 Et tenebunt eos populi, et adducent eos in locum suum ; et possidebit eos domus Israe\u00a8l super terram Domini in servos et ancillas : et erunt capientes eos qui se ceperant, et subjicient exactores suos. 3 Et erit in die illa : cum requiem dederit tibi Deus a labore tuo, et a concussione tua, et a servitute dura qua ante servisti, 4 sumes parabolam istam contra regem Babylonis, et dices : Quomodo cessavit exactor ; quievit tributum ? 5 Contrivit Dominus baculum impiorum, virgam dominantium, 6 c\u00e6dentem populos in indignatione plaga insanabili, subjicientem in furore gentes, persequentem crudeliter. 7 Conquievit et siluit omnis terra, gavisa est et exsultavit ; 8 abietes quoque l\u00e6tat\u00e6 sunt super te, et cedri Libani : ex quo dormisti, non ascendet qui succidat nos. 848","Isaias 9 Infernus subter conturbatus est in occursum adventus tui ; suscitavit tibi gigantes. Omnes principes terr\u00e6 surrexerunt de soliis suis, omnes principes nationum. 10 Universi respondebunt, et dicent tibi : Et tu vulneratus es sicut et nos ; nostri similis effectus es. 11 Detracta est ad inferos superbia tua, concidit cadaver tuum ; subter te sternetur tinea, et operimentum tuum erunt vermes. 12 Quomodo cecidisti de c\u00e6lo, Lucifer, qui mane oriebaris ? corruisti in terram, qui vulnerabas gentes ? 13 Qui dicebas in corde tuo : In c\u00e6lum conscendam, super astra Dei exaltabo solium meum ; sedebo in monte testamenti, in lateribus aquilonis ; 14 ascendam super altitudinem nubium, similis ero Altissimo ? 15 Verumtamen ad infernum detraheris, in profundum laci. 16 Qui te viderint, ad te inclinabuntur, teque prospicient : Numquid iste est vir qui conturbavit terram, qui concussit regna, 17 qui posuit orbem desertum, et urbes ejus destruxit, vinctis ejus non aperuit carcerem ? 18 Omnes reges gentium universi dormierunt in gloria, vir in domo sua ; 19 tu autem projectus es de sepulchro tuo, quasi stirps inutilis pollutus, et obvolutus cum his qui interfecti sunt gladio, et descenderunt ad fundamenta laci, quasi cadaver putridum. 20 Non habebis consortium, neque cum eis in sepultura ; tu enim terram tuam disperdidisti, tu populum tuum occidisti : non vocabitur in \u00e6ternum semen pessimorum. 21 Pr\u00e6parate \ufb01lios ejus occisioni, in iniquitate patrum suorum : non consurgent, nec h\u00e6reditabunt terram, 849","Isaias neque implebunt faciem orbis civitatum. 22 Et consurgam super eos, dicit Dominus exercituum ; et perdam Babylonis nomen, et reliquias, et germen, et progeniem, dicit Dominus ; 23 et ponam eam in possessionem ericii, et in paludes aquarum, et scopabo eam in scopa terens, dicit Dominus exercituum. 24 Juravit Dominus exercituum, dicens : Si non, ut putavi, ita erit ; et quomodo mente tractavi, 25 sic eveniet : ut conteram Assyrium in terra mea, et in montibus meis conculcem eum ; et auferetur ab eis jugum ejus, et onus illius ab humero eorum tolletur. 26 Hoc consilium quod cogitavi super omnem terram ; et h\u00e6c est manus extenta super universas gentes. 27 Dominus enim exercituum decrevit ; et quis poterit in\ufb01rmare ? et manus ejus extenta ; et quis avertet eam ? 28 In anno quo mortuus est rex Achaz, factum est onus istud : 29 Ne l\u00e6taris, Philisth\u00e6a omnis tu, quoniam comminuta est virga percussoris tui ; de radice enim colubri egredietur regulus, et semen ejus absorbens volucrem. 30 Et pascentur primogeniti pauperum, et pauperes \ufb01ducialiter requiescent ; et interire faciam in fame radicem tuam, et reliquias tuas inter\ufb01ciam. 31 Ulula, porta ; clama civitas ; prostrata est Philisth\u00e6a omnis ; ab aquilone enim fumus veniet, et non est qui effugiet agmen ejus. 32 Et quid respondebitur nuntiis gentis ? Quia Dominus fundavit Sion, et in ipso sperabunt pauperes populi ejus. 15 Onus Moab. Quia nocte vastata est Ar Moab, conticuit ; quia nocte vastatus est murus Moab, conticuit. 2 Ascendit domus, et Dibon ad excelsa, in planctum super Nabo ; 850","Isaias et super Medaba, Moab ululavit ; in cunctis capitibus ejus calvitium, et omnis barba radetur. 3 In triviis ejus accincti sunt sacco ; super tecta ejus et in plateis ejus omnis ululatus descendit in \ufb02etum. 4 Clamabit Hesebon et Eleale, usque Jasa audita est vox eorum ; super hoc expediti Moab ululabunt, anima ejus ululabit sibi. 5 Cor meum ad Moab clamabit ; vectes ejus usque ad Segor, vitulam conternantem ; per ascensum enim Luith \ufb02ens ascendet, et in via Oronaim clamorem contritionis levabunt. 6 Aqu\u00e6 enim Nemrim desert\u00e6 erunt, quia aruit herba, defecit germen, viror omnis interiit. 7 Secundum magnitudinem operis, et visitatio eorum : ad torrentem Salicum ducent eos. 8 Quoniam circuivit clamor terminum Moab ; usque ad Gallim ululatus ejus, et usque ad puteum Elim clamor ejus. 9 Quia aqu\u00e6 Dibon replet\u00e6 sunt sanguine ; ponam enim super Dibon additamenta ; his qui fugerint de Moab leonem, et reliquiis terr\u00e6. 16 Emitte agnum, Domine, dominatorem terr\u00e6, de petra deserti ad montem \ufb01li\u00e6 Sion. 2 Et erit : sicut avis fugiens, et pulli de nido avolantes, sic erunt \ufb01li\u00e6 Moab in transcensu Arnon. 3 Ini consilium, coge concilium ; pone quasi noctem umbram tuam in meridie ; absconde fugientes, et vagos ne prodas. 4 Habitabunt apud te profugi mei ; Moab, esto latibulum eorum a facie vastatoris : \ufb01nitus est enim pulvis, consummatus est miser, defecit qui conculcabat terram. 5 Et pr\u00e6parabitur in misericordia solium, et sedebit super illud in veritate in tabernaculo David, judicans et qu\u00e6rens judicium, 851","Isaias et velociter reddens quod justum est. 6 Audivimus superbiam Moab : superbus est valde ; superbia ejus, et arrogantia ejus, et indignatio ejus plus quam fortitudo ejus. 7 Idcirco ululabit Moab ad Moab ; universus ululabit : his qui l\u00e6tantur super muros cocti lateris, loquimini plagas suas. 8 Quoniam suburbana Hesebon deserta sunt, et vineam Sabama domini gentium exciderunt : \ufb02agella ejus usque ad Jazer pervenerunt, erraverunt in deserto ; propagines ejus relict\u00e6 sunt, transierunt mare. 9 Super hoc plorabo in \ufb02etu Jazer vineam Sabama ; inebriabo de lacrima mea, Hesebon et Eleale, quoniam super vindemiam tuam et super messem tuam vox calcantium irruit. 10 Et auferetur l\u00e6titia et exsultatio de Carmelo, et in vineis non exsultabit neque jubilabit. Vinum in torculari non calcabit qui calcare consueverat ; vocem calcantium abstuli. 11 Super hoc venter meus ad Moab quasi cithara sonabit, et viscera mea ad murum cocti lateris. 12 Et erit : cum apparuerit quod laboravit Moab super excelsis suis, ingredietur ad sancta sua ut obsecret, et non valebit. 13 Hoc verbum quod locutus est Dominus ad Moab ex tunc. 14 Et nunc locutus est Dominus, dicens : In tribus annis, quasi anni mercenarii, aufere- tur gloria Moab super omni populo multo, et relinquetur parvus et modicus, nequaquam multus. 17 Onus Damasci. Ecce Damascus desinet esse civitas, et erit sicut acervus lapidum in ruina. 2 Derelict\u00e6 civitates Aroe\u00a8r gregibus erunt, et requiescent ibi, et non erit qui exterreat. 3 Et cessabit adjutorium ab Ephraim, et regnum a Damasco ; et reliqui\u00e6 Syri\u00e6 sicut gloria \ufb01liorum Israe\u00a8l erunt, dicit Dominus exercituum. 852","Isaias 4 Et erit in die illa : attenuabitur gloria Jacob, et pinguedo carnis ejus marcescet. 5 Et erit sicut congregans in messe quod restiterit, et brachium ejus spicas leget ; et erit sicut qu\u00e6rens spicas in valle Raphaim. 6 Et relinquetur in eo sicut racemus et sicut excussio ole\u00e6 duarum vel trium olivarum in summitate rami, sive quatuor aut quinque in cacuminibus ejus fructus ejus, dicit Dominus Deus Israe\u00a8l. 7 In die illa inclinabitur homo ad factorem suum, et oculi ejus ad Sanctum Israe\u00a8l respicient ; 8 et non inclinabitur ad altaria qu\u00e6 fecerunt manus ejus ; et qu\u00e6 operati sunt digiti ejus non respiciet lucos et delubra. 9 In die illa erunt civitates fortitudinis ejus derelict\u00e6 sicut aratra, et segetes qu\u00e6 derelict\u00e6 sunt a facie \ufb01liorum Israe\u00a8l ; et eris deserta. 10 Quia oblitus es Dei salvatoris tui, et fortis adjutoris tui non es recordata : propterea plantabis plantationem \ufb01delem, et germen alienum seminabis ; 11 in die plantationis tu\u00e6 labrusca, et mane semen tuum \ufb02orebit ; ablata est messis in die h\u00e6reditatis, et dolebit graviter. 12 V\u00e6 multitudini populorum multorum, ut multitudo maris sonantis ; et tumultus turbarum, sicut sonitus aquarum multarum. 13 Sonabunt populi sicut sonitus aquarum inundantium, et increpabit eum, et fugiet procul ; et rapietur sicut pulvis montium a facie venti, et sicut turbo coram tempestate. 14 In tempore vespere, et ecce turbatio ; in matutino, et non subsistet. H\u00e6c est pars eorum qui vastaverunt nos, et sors diripientium nos. 18 V\u00e6 terr\u00e6 cymbalo alarum, qu\u00e6 est trans \ufb02umina \u00c6thiopi\u00e6, 2 qui mittit in mare legatos, et in vasis papyri super aquas. Ite, angeli veloces, ad gentem convulsam et dilaceratam ; ad populum terribilem, post quem non est alius ; ad gentem exspectantem et conculcatam, 853","Isaias cujus diripuerunt \ufb02umina terram ejus. 3 Omnes habitatores orbis, qui moramini in terra, cum elevatum fuerit signum in montibus, videbitis, et clangorem tub\u00e6 audietis. 4 Quia h\u00e6c dicit Dominus ad me : Quiescam et considerabo in loco meo, sicut meridiana lux clara est, et sicut nubes roris in die messis. 5 Ante messem enim totus ef\ufb02oruit, et immatura perfectio germinabit ; et pr\u00e6cidentur ramusculi ejus falcibus, et qu\u00e6 derelicta fuerint abscindentur et excutientur. 6 Et relinquentur simul avibus montium et bestiis terr\u00e6 ; et \u00e6state perpetua erunt super eum volucres, et omnes besti\u00e6 terr\u00e6 super illum hiemabunt. 7 In tempore illo deferetur munus Domino exercituum a populo divulso et dilacerato, a populo terribili, post quem non fuit alius ; a gente exspectante, exspectante et conculcata, cujus diripuerunt \ufb02umina terram ejus ; ad locum nominis Domini exercituum, montem Sion. 19 Onus \u00c6gypti. Ecce Dominus ascendet super nubem levem, et ingredietur \u00c6gyptum, et commovebuntur simulacra \u00c6gypti a facie ejus, et cor \u00c6gypti tabescet in medio ejus, 2 et concurrere faciam \u00c6gyptios adversus \u00c6gyptios ; et pugnabit vir contra fratrem suum, et vir contra amicum suum, civitas adversus civitatem, regnum adversus regnum. 3 Et dirumpetur spiritus \u00c6gypti in visceribus ejus, et consilium ejus pr\u00e6cipitabo ; et interrogabunt simulacra sua, et divinos suos, et pythones, et ariolos. 4 Et tradam \u00c6gyptum in manu dominorum crudelium, et rex fortis dominabitur eorum, ait Dominus Deus exercituum. 5 Et arescet aqua de mari, et \ufb02uvius desolabitur atque siccabitur. 6 Et de\ufb01cient \ufb02umina, attenuabuntur et siccabuntur rivi aggerum, calamus et juncus marcescet. 7 Nudabitur alveus rivi a fonte suo, et omnis sementis irrigua siccabitur, arescet, et non erit. 8 Et m\u0153rebunt piscatores, et lugebunt omnes mittentes in \ufb02umen hamum ; et expandentes rete super faciem aquarum emarcescent. 854","Isaias 9 Confundentur qui operabantur linum, pectentes et texentes subtilia. 10 Et erunt irrigua ejus \ufb02accentia : omnes qui faciebant lacunas ad capiendos pisces. 11 Stulti principes Taneos, sapientes consiliarii Pharaonis dederunt consilium insipiens. Quomodo dicetis Pharaoni : Filius sapientium ego, \ufb01lius regum antiquorum ? 12 Ubi nunc sunt sapientes tui ? annuntient tibi, et indicent quid cogitaverit Dominus exercituum super \u00c6gyptum. 13 Stulti facti sunt principes Taneos, emarcuerunt principes Mempheos ; deceperunt \u00c6gyptum, angulum populorum ejus. 14 Dominus miscuit in medio ejus spiritum vertiginis ; et errare fecerunt \u00c6gyptum in omni opere suo, sicut errat ebrius et vomens. 15 Et non erit \u00c6gypto opus quod faciat caput et caudam, incurvantem et refrenantem. 16 In die illa erit \u00c6gyptus quasi mulieres ; et stupebunt, et timebunt a facie commotionis manus Domini exercituum, quam ipse movebit super eam. 17 Et erit terra Juda \u00c6gypto in pavorem ; omnis qui illius fuerit recordatus pavebit a facie consilii Domini exercituum, quod ipse cogitavit super eam. 18 In die illa erunt quinque civitates in terra \u00c6gypti loquentes lingua Chanaan, et jurantes per Dominum exercituum : Civitas solis vocabitur una. 19 In die illa erit altare Domini in medio terr\u00e6 \u00c6gypti, et titulus Domini juxta terminum ejus. 20 Erit in signum et in testimonium Domino exercituum in terra \u00c6gypti ; clamabunt enim ad Dominum a facie tribulationis, et mittet eis salvatorem et propugnatorem qui liberet eos. 21 Et cognoscetur Dominus ab \u00c6gypto, et cognoscent \u00c6gyptii Dominum in die illa ; et colent eum in hostiis et in muneribus ; et vota vovebunt Domino, et solvent. 22 Et percutiet Dominus \u00c6gyptum plaga, 855","Isaias et sanabit eam ; et revertentur ad Dominum, et placabitur eis, et sanabit eos. 23 In die illa erit via de \u00c6gypto in Assyrios ; et intrabit Assyrius \u00c6gyptum, et \u00c6gyptius in Assyrios, et servient \u00c6gyptii Assur. 24 In die illa erit Israe\u00a8l tertius \u00c6gyptio et Assyrio ; benedictio in medio terr\u00e6 25 cui benedixit Dominus exercituum, dicens : Benedictus populus meus \u00c6gypti, et opus manuum mearum Assyrio ; h\u00e6reditas autem mea Israe\u00a8l. 20 In anno quo ingressus est Thathan in Azotum, cum misisset eum Sar- gon, rex Assyriorum, et pugnasset contra Azotum, et cepisset eam : 2 in tempore illo locutus est Dominus in manu Isai\u00e6, \ufb01lii Amos, dicens : Vade, et solve saccum de lumbis tuis, et calceamenta tua tolle de pedibus tuis. Et fecit sic, vadens nudus et discalceatus. 3 Et dixit Dominus : Sicut ambulavit servus meus Isaias nudus et discalceatus, trium annorum signum et portentum erit super \u00c6gyptum et super \u00c6thiopiam ; 4 sic minabit rex Assyriorum captivitatem \u00c6gypti, et transmigrationem \u00c6thiopi\u00e6, juvenum et senum, nudam et discalceatam, discoopertis natibus, ad ignominiam \u00c6gypti. 5 Et timebunt, et confundentur ab \u00c6thiopia spe sua, et ab \u00c6gypto gloria sua. 6 Et dicet habitator insul\u00e6 hujus in die illa : Ecce h\u00e6c erat spes nostra, ad quos confugimus in auxilium, ut liberarent nos a facie regis Assyriorum : et quomodo effugere poterimus nos ? 21 Onus deserti maris. Sicut turbines ab africo veniunt, de deserto venit, de terra horribili. 2 Visio dura nuntiata est mihi : qui incredulus est in\ufb01deliter agit ; et qui depopulator est vastat. Ascende, \u00c6lam ; obside, Mede ; omnem gemitum ejus cessare feci. 3 Propterea repleti sunt lumbi mei dolore ; angustia possedit me 856","Isaias sicut angustia parturientis ; corrui cum audirem, conturbatus sum cum viderem. 4 Emarcuit cor meum ; tenebr\u00e6 stupefecerunt me : Babylon dilecta mea posita est mihi in miraculum. 5 Pone mensam, contemplare in specula comedentes et bibentes : surgite, principes, arripite clypeum. 6 H\u00e6c enim dixit mihi Dominus : Vade, et pone speculatorem, et quodcumque viderit annuntiet. 7 Et vidit currum duorum equitum, ascensorem asini, et ascensorem cameli ; et contemplatus est diligenter multo intuitu. 8 Et clamavit leo : Super speculam Domini ego sum, stans jugiter per diem ; et super custodiam meam ego sum, stans totis noctibus. 9 Ecce iste venit ascensor vir big\u00e6 equitum ; et respondit, et dixit : Cecidit, cecidit Babylon, et omnia sculptilia deorum ejus contrita sunt in terram. 10 Tritura mea et \ufb01lii are\u00e6 me\u00e6, qu\u00e6 audivi a Domino exercituum, Deo Israe\u00a8l, annuntiavi vobis. 11 Onus Duma. Ad me clamat ex Seir : Custos, quid de nocte ? custos, quid de nocte ? 12 Dixit custos : Venit mane et nox ; si qu\u00e6ritis, qu\u00e6rite ; convertimini, venite. 13 Onus in Arabia. In saltu ad vesperam dormietis, in semitis Dedanim. 14 Occurrentes sitienti ferte aquam, qui habitatis terram austri ; cum panibus occurrite fugienti. 15 A facie enim gladiorum fugerunt, 857","Isaias a facie gladii imminentis, a facie arcus extenti, a facie gravis pr\u00e6lii. 16 Quoniam h\u00e6c dicit Dominus ad me : Adhuc in uno anno, quasi in anno mercenarii, et auferetur omnis gloria Cedar. 17 Et reliqui\u00e6 numeri sagittariorum fortium de \ufb01liis Cedar imminuentur ; Dominus enim Deus Israe\u00a8l locutus est. 22 Onus vallis Visionis. Quidnam quoque tibi est, quia ascendisti et tu omnis in tecta ? 2 Clamoris plena, urbs frequens, civitas exsultans ; interfecti tui, non interfecti gladio, nec mortui in bello. 3 Cuncti principes tui fugerunt simul dureque ligati sunt ; omnes qui inventi sunt vincti sunt pariter ; procul fugerunt. 4 Propterea dixi : Recedite a me : amare \ufb02ebo ; nolite incumbere ut consolemini me super vastitate \ufb01li\u00e6 populi mei ; 5 dies enim interfectionis, et conculcationis, et \ufb02etuum, Domino Deo exercituum, in valle Visionis, scrutans murum, et magni\ufb01cus super montem. 6 Et \u00c6lam sumpsit pharetram, currum hominis equitis, et parietem nudavit clypeus. 7 Et erunt elect\u00e6 valles tu\u00e6 plen\u00e6 quadrigarum, et equites ponent sedes suas in porta. 8 Et revelabitur operimentum Jud\u00e6, et videbis in die illa armamentarium domus saltus. 9 Et scissuras civitatis David videbitis, quia multiplicat\u00e6 sunt ; et congregastis aquas piscin\u00e6 inferioris, 10 et domos Jerusalem numerastis, et destruxistis domos ad muniendum murum. 11 Et lacum fecistis inter duos muros ad aquam piscin\u00e6 veteris ; et non suspexistis ad eum qui fecerat eam, et operatorem ejus de longe non vidistis. 12 Et vocabit Dominus Deus exercituum 858","Isaias in die illa ad \ufb02etum, et ad planctum, ad calvitium, et ad cingulum sacci ; 13 et ecce gaudium et l\u00e6titia, occidere vitulos et jugulare arietes, comedere carnes, et bibere vinum : comedamus et bibamus, cras enim moriemur. 14 Et revelata est in auribus meis vox Domini exercituum : Si dimittetur iniquitas h\u00e6c vobis donec moriamini, dicit Dominus Deus exercituum. 15 H\u00e6c dicit Dominus Deus exercituum : Vade, ingredere ad eum qui habitat in tabernaculo, ad Sobnam, pr\u00e6positum templi, et dices ad eum : 16 Quid tu hic, aut quasi quis hic ? quia excidisti tibi hic sepulchrum, excidisti in excelso memoriale diligenter, in petra tabernaculum tibi. 17 Ecce Dominus asportari te faciet, sicut asportatur gallus gallinaceus ; et quasi amictum, sic sublevabit te. 18 Coronas coronabit te tribulatione ; quasi pilam mittet te in terram latam et spatiosam ; ibi morieris, et ibi erit currus glori\u00e6 tu\u00e6, ignominia domus domini tui. 19 Et expellam te de statione tua, et de ministerio tuo deponam te. 20 Et erit in die illa : vocabo servum meum Eliacim, \ufb01lium Helci\u00e6, 21 et induam illum tunica tua, et cingulo tuo confortabo eum, et potestatem tuam dabo in manu ejus ; et erit quasi pater habitantibus Jerusalem et domui Juda. 22 Et dabo clavem domus David super humerum ejus ; et aperiet, et non erit qui claudat ; et claudet, et non erit qui aperiat. 23 Et \ufb01gam illum paxillum in loco \ufb01deli, et erit in solium glori\u00e6 domui patris ejus. 24 Et suspendent super eum omnem gloriam domus patris ejus ; vasorum diversa genera, omne vas parvulum, a vasis craterarum usque ad omne vas musicorum. 25 In die illa, dicit Dominus exercituum, auferetur paxillus qui \ufb01xus fuerat in loco \ufb01deli, et frangetur, et cadet, et peribit quod pependerat in eo, quia Dominus locutus est. 859","Isaias 23 Onus Tyri. Ululate, naves maris, quia vastata est domus unde venire consueverant : de terra Cethim revelatum est eis. 2 Tacete, qui habitatis in insula ; negotiatores Sidonis, transfretantes mare, repleverunt te. 3 In aquis multis semen Nili ; messis \ufb02uminis fruges ejus : et facta est negotiatio gentium. 4 Erubesce, Sidon ; ait enim mare, fortitudo maris, dicens : Non parturivi, et non peperi, et non enutrivi juvenes, nec ad incrementum perduxi virgines. 5 Cum auditum fuerit in \u00c6gypto, dolebunt cum audierint de Tiro. 6 Transite maria, ululate, qui habitatis in insula ! 7 Numquid non vestra h\u00e6c est, qu\u00e6 gloriabatur a diebus pristinis in antiquitate sua ? Ducent eam pedes sui longe ad peregrinandum. 8 Quis cogitavit hoc super Tyrum quondam coronatam, cujus negotiatores principes, institores ejus inclyti terr\u00e6 ? 9 Dominus exercituum cogitavit hoc, ut detraheret superbiam omnis glori\u00e6, et ad ignominiam deduceret universos inclytos terr\u00e6. 10 Transi terram tuam quasi \ufb02umen, \ufb01lia maris ! non est cingulum ultra tibi. 11 Manum suam extendit super mare ; conturbavit regna. Dominus mandavit adversus Chanaan, ut contereret fortes ejus ; 12 et dixit : Non adjicies ultra ut glorieris, calumniam sustinens virgo \ufb01lia Sidonis : in Cethim consurgens transfreta : ibi quoque non erit requies tibi. 13 Ecce terra Chald\u00e6orum, talis populus non fuit : Assur fundavit eam ; in captivitatem traduxerunt robustos ejus, suffoderunt domos ejus, posuerunt eam in ruinam. 14 Ululate, naves maris, quia devastata est fortitudo vestra. 860","Isaias 15 Et erit in die illa : in oblivione eris, o Tyre ! septuaginta annis, si- cut dies regis unius ; post septuaginta autem annos erit Tyro quasi canticum meretricis : 16 Sume citharam, circui civitatem, meretrix oblivioni tradita : bene cane, frequenta canticum, ut memoria tui sit. 17 Et erit post septuaginta annos : visitabit Dominus Tyrum, et reducet eam ad mercedes suas, et rursum fornicabitur cum universis regnis terr\u00e6 super faciem terr\u00e6 ; 18 et erunt negotiationes ejus et mercedes ejus sancti\ufb01cat\u00e6 Domino : non condentur neque reponentur, quia his qui habitaverint coram Domino erit negotiatio ejus, ut manducent in saturitatem, et vestiantur usque ad vetustatem. 24 Ecce Dominus dissipabit terram : et nudabit eam, et af\ufb02iget faciem ejus, et disperget habitatores ejus. 2 Et erit sicut populus, sic sacerdos ; et sicut servus, sic dominus ejus ; sicut ancilla, sic domina ejus ; sicut emens, sic ille qui vendit ; sicut f\u0153nerator, sic is qui mutuum accipit ; sicut qui repetit, sic qui debet. 3 Dissipatione dissipabitur terra, et direptione pr\u00e6dabitur ; Dominus enim locutus est verbum hoc. 4 Luxit, et de\ufb02uxit terra, et in\ufb01rmata est ; de\ufb02uxit orbis, in\ufb01rmata est altitudo populi terr\u00e6. 5 Et terra infecta est ab habitatoribus suis, quia transgressi sunt leges, mutaverunt jus, dissipaverunt f\u0153dus sempiternum. 6 Propter hoc maledictio vorabit terram, et peccabunt habitatores ejus ; ideoque insanient cultores ejus, et relinquentur homines pauci. 7 Luxit vindemia, in\ufb01rmata est vitis, ingemuerunt omnes qui l\u00e6tabantur corde ; 8 cessavit gaudium tympanorum, quievit sonitus l\u00e6tantium, conticuit dulcedo cithar\u00e6. 9 Cum cantico non bibent vinum ; amara erit potio bibentibus illam. 10 Attrita est civitas vanitatis, clausa est omnis domus, nullo introe\u00a8unte. 861","Isaias 11 Clamor erit super vino in plateis, deserta est omnia l\u00e6titia, translatum est gaudium terr\u00e6. 12 Relicta est in urbe solitudo, et calamitas opprimet portas. 13 Quia h\u00e6c erunt in medio terr\u00e6 in medio populorum, quomodo si pauc\u00e6 oliv\u00e6 qu\u00e6 remanserunt excutiantur ex olea et racemi, cum fuerit \ufb01nita vindemia. 14 Hi levabunt vocem suam, atque laudabunt : cum glori\ufb01catus fuerit Dominus, hinnient de mari. 15 Propter hoc in doctrinis glori\ufb01cate Dominum ; in insulis maris nomen Domini Dei Israe\u00a8l. 16 A \ufb01nibus terr\u00e6 laudes audivimus, gloriam Justi. Et dixi : Secretum meum mihi, secretum meum mihi. V\u00e6 mihi ! pr\u00e6varicantes pr\u00e6varicati sunt, et pr\u00e6varicatione transgressorum pr\u00e6varicati sunt. 17 Formido, et fovea, et laqueus super te, qui habitator es terr\u00e6. 18 Et erit : qui fugerit a voce formidinis cadet in foveam ; et qui se explicaverit de fovea tenebitur laqueo ; quia cataract\u00e6 de excelsis apert\u00e6 sunt et concutientur fundamenta terr\u00e6. 19 Confractione confringetur terra, contritione conteretur terra, commotione commovebitur terra ; 20 agitatione agitabitur terra sicut ebrius, et auferetur quasi tabernaculum unius noctis ; et gravabit eam iniquitas sua, et corruet, et non adjiciet ut resurgat. 21 Et erit : in die illa visitabit Dominus super militiam c\u00e6li in excelso, et super reges terr\u00e6 qui sunt super terram ; 22 et congregabuntur in congregatione unius fascis in lacum, et claudentur ibi in carcere, et post multos dies visitabuntur. 23 Et erubescet luna, et confundetur sol, cum regnaverit Dominus exercituum in monte Sion et in Jerusalem et in conspectu senum suorum fuerit glori\ufb01catus. 25 Domine, Deus meus es tu ; exaltabo te, et con\ufb01tebor nomini tuo : quoniam fecisti mirabilia, 862","Isaias cogitationes antiquas \ufb01deles. Amen. 2 Quia posuisti civitatem in tumulum, urbem fortem in ruinam, domum alienorum : ut non sit civitas, et in sempiternum non \u00e6di\ufb01cetur. 3 Super hoc laudabit te populus fortis ; civitas gentium robustarum timebit te : 4 quia factus es fortitudo pauperi, fortitudo egeno in tribulatione sua, spes a turbine, umbraculum ab \u00e6stu ; spiritus enim robustorum quasi turbo impellens parietem. 5 Sicut \u00e6stus in siti, tumultum alienorum humiliabis ; et quasi calore sub nube torrente, propaginem fortium marcescere facies. 6 Et faciet Dominus exercituum omnibus populis in monte hoc convivium pinguium, convivium vindemi\u00e6, pinguium medullatorum, vindemi\u00e6 def\u00e6cat\u00e6. 7 Et pr\u00e6cipitabit in monte isto faciem vinculi colligati super omnes populos, et telam quam orditus est super omnes nationes. 8 Pr\u00e6cipitabit mortem in sempiternum ; et auferet Dominus Deus lacrimam ab omni facie, et opprobrium populi sui auferet de universa terra : quia Dominus locutus est. 9 Et dicet in die illa : Ecce Deus noster iste ; exspectavimus eum, et salvabit nos ; iste Dominus, sustinuimus eum : exsultabimus, et l\u00e6tabimur in salutari ejus. 10 Quia requiescet manus Domini in monte isto ; et triturabitur Moab sub eo, sicuti teruntur pale\u00e6 in plaustro. 11 Et extendet manus suas sub eo sicut extendit natans ad natandum ; et humiliabit gloriam ejus cum allisione manuum ejus. 12 Et munimenta sublimium murorum tuorum concident, et humiliabuntur, et detrahentur in terram usque ad pulverem. 863","Isaias 26 In die illa cantabitur canticum istud in terra Juda : Urbs fortitudinis nostr\u00e6 Sion ; salvator ponetur in ea murus et antemurale. 2 Aperite portas, et ingrediatur gens justa, custodiens veritatem. 3 Vetus error abiit : servabis pacem ; pacem, quia in te speravimus. 4 Sperastis in Domino in s\u00e6culis \u00e6ternis ; in Domino Deo forti in perpetuum. 5 Quia incurvabit habitantes in excelso ; civitatem sublimem humiliabit : humiliabit eam usque ad terram, detrahet eam usque ad pulverem. 6 Conculcabit eam pes, pedes pauperis, gressus egenorum. 7 Semita justi recta est, rectus callis justi ad ambulandum. 8 Et in semita judiciorum tuorum, Domine, sustinuimus te : nomen tuum et memoriale tuum in desiderio anim\u00e6. 9 Anima mea desideravit te in nocte, sed et spiritu meo in pr\u00e6cordiis meis de mane vigilabo ad te. Cum feceris judicia tua in terra, justitiam discent habitatores orbis. 10 Misereamur impio, et non discet justitiam ; in terra sanctorum iniqua gessit, et non videbit gloriam Domini. 11 Domine, exaltetur manus tua, et non videant ; videant, et confundantur zelantes populi ; et ignis hostes tuos devoret. 12 Domine, dabis pacem nobis : omnia enim opera nostra operatus es nobis. 13 Domine Deus noster, possederunt nos domini absque te ; tantum in te recordemur nominis tui. 14 Morientes non vivant, gigantes non resurgant : propterea visitasti et contrivisti eos, et perdidisti omnem memoriam eorum. 15 Indulsisti genti, Domine, indulsisti genti, numquid glori\ufb01catus es ? elongasti omnes terminos terr\u00e6. 16 Domine, in angustia requisierunt te, in tribulatione murmuris doctrina tua eis. 17 Sicut qu\u00e6 concipit, cum appropinquaverit ad partum, dolens clamat in doloribus suis, sic facti sumus a facie tua, Domine. 18 Concepimus, et quasi parturivimus, et peperimus spiritum. Salutes non fecimus in terra ; 864","Isaias ideo non ceciderunt habitatores terr\u00e6. 19 Vivent mortui tui, interfecti mei resurgent. Expergiscimini, et laudate, qui habitatis in pulvere, quia ros lucis ros tuus, et terram gigantum detrahes in ruinam. 20 Vade, populus meus, intra in cubicula tua ; claude ostia tua super te, abscondere modicum ad momentum, donec pertranseat indignatio. 21 Ecce enim Dominus egredietur de loco suo, ut visitet iniquitatem habitatoris terr\u00e6 contra eum ; et revelabit terra sanguinem suum, et non operiet ultra interfectos suos. 27 In die illa visitabit Dominus in gladio suo duro, et grandi, et forti, super Leviathan, serpentem vectem, et super Leviathan, serpentem tortuosum, et occidet cetum qui in mari est. 2 In die illa vinea meri cantabit ei. 3 Ego Dominus qui servo eam ; repente propinabo ei. Ne forte visitetur contra eam, nocte et die servo eam. 4 Indignatio non est mihi. Quis dabit me spinam et veprem in pr\u00e6lio ? gradiar super eam, succendam eam pariter. 5 An potius tenebit fortitudinem meam ? faciet pacem mihi, pacem faciet mihi. 6 Qui ingrediuntur impetu ad Jacob, \ufb02orebit et germinabit Israe\u00a8l, et implebunt faciem orbis semine. 7 Numquid juxta plagam percutientis se percussit eum ? aut sicut occidit interfectos ejus, sic occisus est ? 8 In mensura contra mensuram, cum abjecta fuerit, judicabis eam ; meditatus est in spiritu suo duro per diem \u00e6stus. 9 Idcirco super hoc dimittetur iniquitas domui Jacob ; et iste omnis fructus : ut auferatur peccatum ejus, cum posuerit omnes lapides altaris sicut lapides cineris allisos : non stabunt luci et delubra. 10 Civitas enim munita desolata erit ; speciosa relinquetur, et dimittetur quasi desertum ; ibi pascetur vitulus, 865","Isaias et ibi accubabit, et consumet summitates ejus. 11 In siccitate messes illius conterentur. Mulieres venientes, et docentes eam ; non est enim populus sapiens : propterea non miserebitur ejus qui fecit eum, et qui formavit eum non parcet ei. 12 Et erit : in die illa percutiet Dominus ab alveo \ufb02uminis usque ad torrentem \u00c6gypti ; et vos congregabimini unus et unus, \ufb01lii Israe\u00a8l. 13 Et erit : in die illa clangetur in tuba magna ; et venient qui perditi fuerant de terra Assyriorum, et qui ejecti erant in terra \u00c6gypti, et adorabunt Dominum in monte sancto in Jerusalem. 28 V\u00e6 coron\u00e6 superbi\u00e6, ebriis Ephraim, et \ufb02ori decidenti, glori\u00e6 exsultationis ejus, qui erant in vertice vallis pinguissim\u00e6, errantes a vino. 2 Ecce validus et fortis Dominus sicut impetus grandinis ; turbo confringens, sicut impetus aquarum multarum inundantium et emissarum super terram spatiosam. 3 Pedibus conculcabitur corona superbi\u00e6 ebriorum Ephraim. 4 Et erit \ufb02os decidens glori\u00e6 exsultationis ejus, qui est super verticem vallis pinguium, quasi temporaneum ante maturitatem autumni, quod, cum aspexerit videns, statim ut manu tenuerit, devorabit illud. 5 In die illa erit Dominus exercituum corona glori\u00e6, et sertum exsultationis residuo populi sui ; 6 et spiritus judicii sedenti super judicium, et fortitudo revertentibus de bello ad portam. 7 Verum hi quoque pr\u00e6 vino nescierunt, et pr\u00e6 ebrietate erraverunt ; sacerdos et propheta nescierunt pr\u00e6 ebrietate ; absorpti sunt a vino, erraverunt in ebrietate, nescierunt videntem, ignoraverunt judicium. 8 Omnes enim mens\u00e6 replet\u00e6 sunt vomitu sordiumque, ita ut non esset ultra locus. 9 Quem docebit scientiam ? et quem intelligere faciet auditum ? Ablactatos a lacte, avulsos ab uberibus. 10 Quia manda, remanda ; manda, remanda ; exspecta, reexspecta ; exspecta, reexspecta ; modicum ibi, modicum ibi. 866","Isaias 11 In loquela enim labii, et lingua altera loquetur ad populum istum. 12 Cui dixit : H\u00e6c est requies mea, re\ufb01cite lassum ; et hoc est meum refrigerium : et noluerunt audire. 13 Et erit eis verbum Domini : Manda, remanda ; manda, remanda ; exspecta, reexspecta ; exspecta, reexspecta ; modicum ibi, modicum ibi ; ut vadant, et cadant retrorsum, et conterantur, et illaqueentur, et capiantur. 14 Propter hoc audite verbum Domini, viri illusores, qui dominamini super populum meum, qui est in Jerusalem. 15 Dixistis enim : Percussimus f\u0153dus cum morte, et cum inferno fecimus pactum : \ufb02agellum inundans cum transierit, non veniet super nos quia posuimus mendacium spem nostram, et mendacio protecti sumus. 16 Idcirco h\u00e6c dicit Dominus Deus : Ecce ego mittam in fundamentis Sion lapidem, lapidem probatum, angularem, pretiosum, in fundamento fundatum ; qui crediderit, non festinet. 17 Et ponam in pondere judicium, et justitiam in mensura ; et subvertet grando spem mendacii, et protectionem aqu\u00e6 inundabunt. 18 Et delebitur f\u0153dus vestrum cum morte, et pactum vestrum cum inferno non stabit : \ufb02agellum inundans cum transierit, eritis ei in conculcationem. 19 Quandocumque pertransierit, tollet vos, quoniam in mane diluculo pertransibit in die et in nocte ; et tantummodo sola vexatio intellectum dabit auditui. 20 Coangustatum est enim stratum, ita ut alter decidat ; et pallium breve utrumque operire non potest. 21 Sicut enim in monte divisionum stabit Dominus ; sicut in valle qu\u00e6 est in Gabaon irascetur, ut faciat opus suum, alienum opus ejus : ut operetur opus suum, peregrinum est opus ejus ab eo. 22 Et nunc nolite illudere, ne forte constringantur vincula vestra ; consummationem enim et abbreviationem audivi a Domino Deo exercituum, super universam terram. 23 Auribus percipite, et audite vocem meam : attendite, et audite eloquium meum. 24 Numquid tota die arabit arans ut serat ? proscindet et sarriet humum suam ? 867","Isaias 25 Nonne cum ad\u00e6quaverit faciem ejus, seret gith et cyminum sparget ? et ponet triticum per ordinem, et hordeum, et milium, et viciam in \ufb01nibus suis ? 26 Et erudiet illum in judicio ; Deus suus docebit illum. 27 Non enim in serris triturabitur gith, nec rota plaustri super cyminum circuibit ; sed in virga excutietur gith, et cyminum in baculo. 28 Panis autem comminuetur ; verum non in perpetuum triturans triturabit illum, neque vexabit eum rota plaustri, neque ungulis suis comminuet eum. 29 Et hoc a Domino Deo exercituum exivit, ut mirabile faceret consilium, et magni\ufb01caret justitiam. 29 V\u00e6 Ariel, Ariel civitas, quam expugnavit David ! additus est annus ad annum : solemnitates evolut\u00e6 sunt. 2 Et circumvallabo Ariel, et erit tristis et m\u0153rens, et erit mihi quasi Ariel. 3 Et circumdabo quasi sph\u00e6ram in circuitu tuo, et jaciam contra te aggerem, et munimenta ponam in obsidionem tuam. 4 Humiliaberis, de terra loqueris, et de humo audietur eloquium tuum ; et erit quasi pythonis de terra vox tua, et de humo eloquium tuum mussitabit. 5 Et erit sicut pulvis tenuis multitudo ventilantium te, et sicut favilla pertransiens multitudo eorum qui contra te pr\u00e6valuerunt ; 6 eritque repente confestim. A Domino exercituum visitabitur in tonitruo, et commotione terr\u00e6, et voce magna turbinis et tempestatis, et \ufb02amm\u00e6 ignis devorantis. 7 Et erit sicut somnium visionis nocturn\u00e6 multitudo omnium gentium qu\u00e6 dimicaverunt contra Ariel, et omnes qui militaverunt, et obsederunt, et pr\u00e6valuerunt adversus eam. 8 Et sicut somniat esuriens, et comedit, cum autem fuerit expergefactus, vacua est anima ejus ; et sicut somniat sitiens et bibit, et postquam fuerit expergefactus, lassus adhuc sitit, et anima ejus vacua est : sic erit multitudo omnium gentium qu\u00e6 dimicaverunt contra montem Sion. 9 Obstupescite et admiramini ; 868","Isaias \ufb02uctuate et vacillate ; inebriamini, et non a vino ; movemini, et non ab ebrietate. 10 Quoniam miscuit vobis Dominus spiritum soporis ; claudet oculos vestros : prophetas et principes vestros, qui vident visiones, operiet. 11 Et erit vobis visio omnium sicut verba libri signati, quem cum dederint scienti litteras, dicent : Lege istum : et respondebit : Non possum, signatus est enim. 12 Et dabitur liber nescienti litteras, diceturque ei : Lege ; et respondebit : Nescio litteras. 13 Et dixit Dominus : Eo quod appropinquat populus iste ore suo, et labiis suis glori\ufb01cat me, cor autem ejus longe est a me, et timuerunt me mandato hominum et doctrinis, 14 ideo ecce ego addam ut admirationem faciam populo huic miraculo grandi et stupendo ; peribit enim sapientia a sapientibus ejus, et intellectus prudentium ejus abscondetur. 15 V\u00e6 qui profundi estis corde, ut a Domino abscondatis consilium ; quorum sunt in tenebris opera, et dicunt : Quis videt nos ? et quis novit nos ? 16 Perversa est h\u00e6c vestra cogitatio ; quasi si lutum contra \ufb01gulum cogitet, et dicat opus factori suo : Non fecisti me ; et \ufb01gmentum dicat \ufb01ctori suo : Non intelligis. 17 Nonne adhuc in modico et in brevi convertetur Libanus in carmel, et carmel in saltum reputabitur ? 18 Et audient in die illa surdi verba libri, et de tenebris et caligine oculi c\u00e6corum videbunt. 19 Et addent mites in Domino l\u00e6titiam, et pauperes homines in Sancto Israe\u00a8l exsultabunt ; 20 quoniam defecit qui pr\u00e6valebat, consummatus est illusor, et succisi sunt omnes qui vigilabant super iniquitatem, 21 qui peccare faciebant homines in verbo, et arguentem in porta supplantabant, et declinaverunt frustra a justo. 22 Propter hoc, h\u00e6c dicit Dominus ad domum Jacob, qui redemit Abraham : Non modo confundetur Jacob, nec modo vultus ejus erubescet ; 23 sed cum viderit \ufb01lios suos, opera manuum mearum in medio sui sancti\ufb01cantes nomen meum, 869","Isaias et sancti\ufb01cabunt Sanctum Jacob, et Deum Israe\u00a8l pr\u00e6dicabunt ; 24 et scient errantes spiritu intellectum, et mussitatores discent legem. 30 V\u00e6 \ufb01lii desertores, dicit Dominus, ut faceretis consilium, et non ex me, et ordiremini telam, et non per spiritum meum, ut adderetis peccatum super peccatum ; 2 qui ambulatis ut descendatis in \u00c6gyptum, et os meum non interrogastis, sperantes auxilium in fortitudine Pharaonis, et habentes \ufb01duciam in umbra \u00c6gypti ! 3 Et erit vobis fortitudo Pharaonis in confusionem, et \ufb01ducia umbr\u00e6 \u00c6gypti in ignominiam. 4 Erant enim in Tani principes tui, et nuntii tui usque ad Hanes pervenerunt. 5 Omnes confusi sunt super populo qui eis prodesse non potuit : non fuerunt in auxilium et in aliquam utilitatem, sed in confusionem et in opprobrium. 6 Onus jumentorum austri. In terra tribulationis et angusti\u00e6 le\u00e6na, et leo ex eis, vipera et regulus volans ; portantes super humeros jumentorum divitias suas, et super gibbum camelorum thesauros suos, ad populum qui eis prodesse non poterit. 7 \u00c6gyptus enim frustra et vane auxiliabitur. Ideo clamavi super hoc : Superbia tantum est, quiesce. 8 Nunc ergo ingressus, scribe ei super buxum, et in libro diligenter exara illud, et erit in die novissimo in testimonium usque in \u00e6ternum. 9 Populus enim ad iracundiam provocans est : et \ufb01lii mendaces, \ufb01lii nolentes audire legem Dei ; 10 qui dicunt videntibus : Nolite videre, et aspicientibus : Nolite aspicere nobis ea qu\u00e6 recta sunt ; loquimini nobis placentia : videte nobis errores. 11 Auferte a me viam ; declinate a me semitam ; cesset a facie nostra Sanctus Israe\u00a8l. 12 Propterea h\u00e6c dicit Sanctus Israe\u00a8l : Pro eo quod reprobastis verbum hoc, et sperastis in calumnia et in tumultu, 870","Isaias et innixi estis super eo ; 13 propterea erit vobis iniquitas h\u00e6c sicut interruptio cadens, et requisita in muro excelso, quoniam subito, dum non speratur, veniet contritio ejus. 14 Et comminuetur sicut conteritur lagena \ufb01guli contritione pervalida, et non invenietur de fragmentis ejus testa in qua portetur igniculus de incendio, aut hauriatur parum aqu\u00e6 de fovea. 15 Quia h\u00e6c dicit Dominus Deus, Sanctus Israe\u00a8l : Si revertamini et quiescatis, salvi eritis ; in silentio et in spe erit fortitudo vestra. Et noluistis, 16 et dixistis : Nequaquam, sed ad equos fugiemus : ideo fugietis ; et : Super veloces ascendemus : ideo velociores erunt qui persequentur vos. 17 Mille homines a facie terroris unius ; et a facie terroris quinque fugietis, donec relinquamini quasi malus navis in vertice montis, et quasi signum super collem. 18 Propterea exspectat Dominus ut misereatur vestri ; et ideo exaltabitur parcens vobis, quia Deus judicii Dominus : beati omnes qui exspectant eum ! 19 Populus enim Sion habitabit in Jerusalem : plorans nequaquam plorabis : miserans miserebitur tui, ad vocem clamoris tui : statim ut audierit, respondebit tibi. 20 Et dabit vobis Dominus panem arctum, et aquam brevem ; et non faciet avolare a te ultra doctorem tuum ; et erunt oculi tui videntes pr\u00e6ceptorem tuum. 21 Et aures tu\u00e6 audient verbum post tergum monentis : H\u00e6c est via ; ambulate in ea, et non declinetis neque ad dexteram, neque ad sinistram. 22 Et contaminabis laminas sculptilium argenti tui, et vestimentum con\ufb02atilis auri tui, et disperges ea sicut immunditiam menstruat\u00e6. Egredere, dices ei. 23 Et dabitur pluvia semini tuo, ubicumque seminaveris in terra, et panis frugum terr\u00e6 erit uberrimus et pinguis ; pascetur in possessione tua in die illo agnus spatiose, 24 et tauri tui, et pulli asinorum, qui operantur terram, 871","Isaias commistum migma comedent sicut in area ventilatum est. 25 Et erunt super omnem montem excelsum, et super omnem collem elevatum, rivi currentium aquarum, in die interfectionis multorum, cum ceciderint turres : 26 et erit lux lun\u00e6 sicut lux solis, et lux solis erit septempliciter sicut lux septem dierum, in die qua alligaverit Dominus vulnus populi sui, et percussuram plag\u00e6 ejus sanaverit. 27 Ecce nomen Domini venit de longinquo, ardens furor ejus, et gravis ad portandum ; labia ejus repleta sunt indignatione, et lingua ejus quasi ignis devorans. 28 Spiritus ejus velut torrens inundans usque ad medium colli, ad perdendas gentes in nihilum, et frenum erroris quod erat in maxillis populorum. 29 Canticum erit vobis sicut nox sancti\ufb01cat\u00e6 solemnitatis, et l\u00e6titia cordis sicut qui pergit cum tibia, ut intret in montem Domini ad Fortem Israe\u00a8l. 30 Et auditam faciet Dominus gloriam vocis su\u00e6, et terrorem brachii sui ostendet in comminatione furoris, et \ufb02amma ignis devorantis : allidet in turbine, et in lapide grandinis. 31 A voce enim Domini pavebit Assur virga percussus. 32 Et erit transitus virg\u00e6 fundatus, quam requiescere faciet Dominus super eum in tympanis et citharis ; et in bellis pr\u00e6cipuis expugnabit eos. 33 Pr\u00e6parata est enim ab heri Topheth, a rege pr\u00e6parata, profunda, et dilatata. Nutrimenta ejus, ignis et ligna multa ; \ufb02atus Domini sicut torrens sulphuris succendens eam. 31 V\u00e6 qui descendunt in \u00c6gyptum ad auxilium, in equis sperantes, et habentes \ufb01duciam super quadrigis, quia mult\u00e6 sunt ; et super equitibus, quia pr\u00e6validi nimis ; et non sunt con\ufb01si super Sanctum Israe\u00a8l, et Dominum non requisierunt ! 2 Ipse autem sapiens adduxit malum, et verba sua non abstulit ; 872","Isaias et consurget contra domum pessimorum, et contra auxilium operantium iniquitatem. 3 \u00c6gyptus homo, et non deus ; et equi eorum caro, et non spiritus ; et Dominus inclinabit manum suam, et corruet auxiliator, et cadet cui pr\u00e6statur auxilium, simulque omnes consumentur. 4 Quia h\u00e6c dicit Dominus ad me : Quomodo si rugiat leo et catulus leonis super pr\u00e6dam suam ; et cum occurrerit ei multitudo pastorum, a voce eorum non formidabit, et a multitudine eorum non pavebit : sic descendet Dominus exercituum ut pr\u00e6lietur super montem Sion et super collem ejus. 5 Sicut aves volantes, sic proteget Dominus exercituum Jerusalem, protegens et liberans, transiens et salvans. 6 Convertimini, sicut in profundum recesseratis, \ufb01lii Israe\u00a8l. 7 In die enim illa abjiciet vir idola argenti sui, et idola auri sui, qu\u00e6 fecerunt vobis manus vestr\u00e6 in peccatum. 8 Et cadet Assur in gladio non viri, et gladius non hominis vorabit eum : et fugiet non a facie gladii, et juvenes ejus vectigales erunt. 9 Et fortitudo ejus a terrore transibit, et pavebunt fugientes principes ejus, dixit Dominus : cujus ignis est in Sion et caminus ejus in Jerusalem. 32 Ecce in justitia regnabit rex, et principes in judicio pr\u00e6erunt. 2 Et erit vir sicut qui absconditur a vento, et celat se a tempestate ; sicut rivi aquarum in siti, et umbra petr\u00e6 prominentis in terra deserta. 3 Non caligabunt oculi videntium, et aures audientium diligenter auscultabunt. 4 Et cor stultorum intelliget scientiam, et lingua balborum velociter loquetur et plane. 5 Non vocabitur ultra is qui insipiens est, princeps, neque fraudulentus appellabitur major ; 6 stultus enim fatua loquetur, et cor ejus faciet iniquitatem, ut per\ufb01ciat simulationem, et loquatur ad Dominum fraudulenter, et vacuam faciat animam esurientis, et potum sitienti auferat. 873","Isaias 7 Fraudulenti vasa pessima sunt ; ipse enim cogitationes concinnavit ad perdendos mites in sermone mendacii, cum loqueretur pauper judicium. 8 Princeps vero ea qu\u00e6 digna sunt principe cogitabit, et ipse super duces stabit. 9 Mulieres opulent\u00e6, surgite, et audite vocem meam ; \ufb01li\u00e6 con\ufb01dentes, percipite auribus eloquium meum. 10 Post dies enim et annum, vos conturbabimini con\ufb01dentes ; consummata est enim vindemia, collectio ultra non veniet. 11 Obstupescite, opulent\u00e6 ; conturbamini, con\ufb01dentes : exuite vos et confundimini ; accingite lumbos vestros. 12 Super ubera plangite, super regione desiderabili, super vinea fertili. 13 Super humum populi mei spin\u00e6 et vepres ascendent : quanto magis super omnes domos gaudii civitatis exultantis ! 14 Domus enim dimissa est, multitudo urbis relicta est, tenebr\u00e6 et palpatio fact\u00e6 sunt super speluncas usque in \u00e6ternum ; gaudium onagrorum, pascua gregum. 15 Donec effundatur super nos spiritus de excelso, et erit desertum in carmel, et carmel in saltum reputabitur. 16 Et habitabit in solitudine judicium, et justitia in carmel sedebit. 17 Et erit opus justiti\u00e6 pax, et cultus justiti\u00e6 silentium, et securitas usque in sempiternum. 18 Et sedebit populus meus in pulchritudine pacis, et in tabernaculis \ufb01duci\u00e6, et in requie opulenta. 19 Grando autem in descensione saltus, et humilitate humiliabitur civitas. 20 Beati qui seminatis super omnes aquas, immittentes pedem bovis et asini. 874","Isaias 33 V\u00e6 qui pr\u00e6daris ! nonne et ipse pr\u00e6daberis ? et qui spernis, nonne et ipse sperneris ? Cum consummaveris depr\u00e6dationem, depr\u00e6daberis ; cum fatigatus desieris contemnere, contemneris. 2 Domine, miserere nostri, te enim exspectavimus ; esto brachium nostrum in mane, et salus nostra in tempore tribulationis. 3 A voce angeli fugerunt populi, et ab exaltatione tua dispers\u00e6 sunt gentes. 4 Et congregabuntur spolia vestra sicut colligitur bruchus, velut cum foss\u00e6 plen\u00e6 fuerint de eo. 5 Magni\ufb01catus est Dominus, quoniam habitavit in excelso ; implevit Sion judicio et justitia. 6 Et erit \ufb01des in temporibus tuis : diviti\u00e6 salutis sapientia et scientia ; timor Domini ipse est thesaurus ejus. 7 Ecce videntes clamabunt foris ; angeli pacis amare \ufb02ebunt. 8 Dissipat\u00e6 sunt vi\u00e6, cessavit transiens per semitam : irritum factum est pactum, projecit civitates, non reputavit homines. 9 Luxit et elanguit terra ; confusus est Libanus, et obsorduit : et factus est Saron sicut desertum, et concussa est Basan, et Carmelus. 10 Nunc consurgam, dicit Dominus ; nunc exaltabor, nunc sublevabor. 11 Concipietis ardorem, parietis stipulam ; spiritus vester ut ignis vorabit vos. 12 Et erunt populi quasi de incendio cinis ; spin\u00e6 congregat\u00e6 igni comburentur. 13 Audite, qui longe estis, qu\u00e6 fecerim ; et cognoscite, vicini, fortitudinem meam. 14 Conterriti sunt in Sion peccatores ; possedit tremor hypocritas. Quis poterit habitare de vobis cum igne devorante ? quis habitabit ex vobis cum ardoribus sempiternis ? 15 Qui ambulat in justitiis et loquitur veritatem, qui projicit avaritiam ex calumnia, et excutit manus suas ab omni munere, qui obturat aures suas ne audiat sanguinem, et claudit oculos suos ne videat malum. 16 Iste in excelsis habitabit ; munimenta saxorum sublimitas ejus : panis ei datus est, aqu\u00e6 ejus \ufb01deles sunt. 17 Regem in decore suo videbunt oculi ejus, cernent terram de longe. 18 Cor tuum meditabitur timorem : 875","Isaias ubi est litteratus ? ubi legis verba ponderans ? ubi doctor parvulorum ? 19 Populum impudentem non videbis, populum alti sermonis, ita ut non possis intelligere disertitudinem lingu\u00e6 ejus, in quo nulla est sapientia. 20 Respice, Sion, civitatem solemnitatis nostr\u00e6 : oculi tui videbunt Jerusalem, habitationem opulentam, tabernaculum quod nequaquam transferri poterit ; nec auferentur clavi ejus in sempiternum, et omnes funiculi ejus non rumpentur : 21 quia solummodo ibi magni\ufb01cus est Dominus noster : locus \ufb02uviorum rivi latissimi et patentes : non transibit per eum navis remigum, neque trieris magna transgredietur eum. 22 Dominus enim judex noster, Dominus legifer noster, Dominus rex noster, ipse salvabit nos. 23 Laxati sunt funiculi tui, et non pr\u00e6valebunt ; sic erit malus tuus ut dilatare signum non queas. Tunc dividentur spolia pr\u00e6darum multarum ; claudi diripient rapinam. 24 Nec dicet vicinus : Elangui ; populus qui habitat in ea, auferetur ab eo iniquitas. 34 Accedite, gentes, et audite ; et populi, attendite : audiat terra, et plenitudo ejus ; orbis, et omne germen ejus. 2 Quia indignatio Domini super omnes gentes, et furor super universam militiam eorum : interfecit eos, et dedit eos in occisionem. 3 Interfecti eorum projicientur, et de cadaveribus eorum ascendet f\u0153tor ; tabescent montes a sanguine eorum. 4 Et tabescet omnis militia c\u00e6lorum, et complicabuntur sicut liber c\u00e6li : et omnis militia eorum de\ufb02uet, sicut de\ufb02uit folium de vinea et de \ufb01cu. 5 Quoniam inebriatus est in c\u00e6lo gladius meus ; ecce super Idum\u00e6am descendet, et super populum interfectionis me\u00e6, ad judicium. 6 Gladius Domini repletus est sanguine, incrassatus est adipe, de sanguine agnorum et hircorum, de sanguine medullatorum arietum : victima enim Domini in Bosra, 876","Isaias et interfectio magna in terra Edom. 7 Et descendent unicornes cum eis, et tauri cum potentibus ; inebriabitur terra eorum sanguine, et humus eorum adipe pinguium. 8 Quia dies ultionis Domini, annus retributionum judicii Sion. 9 Et convertentur torrentes ejus in picem, et humus ejus in sulphur ; et erit terra ejus in picem ardentem. 10 Nocte et die non extinguetur, in sempiternum ascendet fumus ejus, a generatione in generationem desolabitur, in s\u00e6cula s\u00e6culorum non erit transiens per eam. 11 Et possidebunt illam onocrotalus et ericius ; ibis et corvus habitabunt in ea : et extendetur super eam mensura, ut redigatur ad nihilum, et perpendiculum in desolationem. 12 Nobiles ejus non erunt ibi ; regem potius invocabunt, et omnes principes ejus erunt in nihilum. 13 Et orientur in domibus ejus spin\u00e6 et urtic\u00e6, et paliurus in munitionibus ejus ; et erit cubile draconum, et pascua struthionum. 14 Et occurrent d\u00e6monia onocentauris, et pilosus clamabit alter ad alterum ; ibi cubavit lamia, et invenit sibi requiem. 15 Ibi habuit foveam ericius, et enutrivit catulos, et circumfodit, et fovit in umbra ejus ; illuc congregati sunt milvi, alter ad alterum. 16 Requirite diligenter in libro Domini, et legite : Unum ex eis non defuit, alter alterum non qu\u00e6sivit ; quia quod ex ore meo procedit, ille mandavit, et spiritus ejus ipse congregavit ea. 17 Et ipse misit eis sortem, et manus ejus divisit eam illis in mensuram : usque in \u00e6ternum possidebunt eam ; in generationem et generationem habitabunt in ea. 35 L\u00e6tabitur deserta et invia, et exsultabit solitudo, et \ufb02orebit quasi lilium. 2 Germinans germinabit, et exsultabit l\u00e6tabunda et laudans : gloria Libani data est ei, decor Carmeli et Saron ; ipsi videbunt gloriam Domini, et decorem Dei nostri. 877","Isaias 3 Confortate manus dissolutas, et genua debilia roborate. 4 Dicite pusillanimis : Confortamini, et nolite timere : ecce Deus vester ultionem adducet retributionis ; Deus ipse veniet, et salvabit vos. 5 Tunc aperientur oculi c\u00e6corum, et aures surdorum patebunt ; 6 tunc saliet sicut cervus claudus, et aperta erit lingua mutorum : quia sciss\u00e6 sunt in deserto aqu\u00e6, et torrentes in solitudine ; 7 et qu\u00e6 erat arida, erit in stagnum, et sitiens in fontes aquarum. In cubilibus, in quibus prius dracones habitabant, orietur viror calami et junci. 8 Et erit ibi semita et via, et via sancta vocabitur : non transibit per eam pollutus, et h\u00e6c erit vobis directa via, ita ut stulti non errent per eam. 9 Non erit ibi leo, et mala bestia non ascendet per eam, nec invenietur ibi ; et ambulabunt qui liberati fuerint. 10 Et redempti a Domino convertentur, et venient in Sion cum laude, et l\u00e6titia sempiterna super caput eorum : gaudium et l\u00e6titiam obtinebunt, et fugiet dolor et gemitus. 36 Et factum est in quartodecimo anno regis Ezechi\u00e6, ascendit Sen- nacherib, rex Assyriorum, super omnes civitates Juda munitas, et cepit eas. 2 Et misit rex Assyriorum Rabsacen de Lachis in Jerusalem, ad regem Ezechiam in manu gravi : et stetit in aqu\u00e6ductu piscin\u00e6 superioris in via Agri fullonis. 3 Et egressus est ad eum Eliacim, \ufb01lius Helci\u00e6, qui erat super domum, et Sobna scriba, et Joahe \ufb01lius Asaph, a commentariis. 4 Et dixit ad eos Rabsaces : Dicite Ezechi\u00e6 : H\u00e6c dicit rex magnus, rex Assyriorum : Qu\u00e6 est ista \ufb01ducia qua con\ufb01dis ? 5 aut quo consilio vel fortitudine rebellare dispo- nis ? super quem habes \ufb01duciam, quia recessisti a me ? 6 Ecce con\ufb01dis super baculum arundineum confractum istum, super \u00c6gyptum ; cui si innixus fuer- it homo, intrabit in manum ejus, et perforabit eam : sic Pharao, rex \u00c6gypti, omnibus qui con\ufb01dunt in eo. 7 Quod si responderis mihi : In Domino Deo nostro con\ufb01dimus ; nonne ipse est cujus abstulit Ezechias excelsa et altaria, et dixit Jud\u00e6 et Jerusalem : Coram altari isto adorabitis ? 8 Et nunc trade te domino meo, regi Assyriorum, et dabo tibi duo millia equorum, nec po- teris ex te pr\u00e6bere ascensores eorum : 9 et quomodo sustinebis faciem judicis unius loci ex servis domini mei minoribus ? Quod si con\ufb01dis in \u00c6gypto, in quadrigis et in equitibus, 10 et nunc numquid sine Domino ascendi ad terram 878","Isaias istam, ut disperderem eam ? Dominus dixit ad me : Ascende super terram istam, et disperde eam. 11 Et dixit Eliacim, et Sobna, et Joahe, ad Rabsacen : Loquere ad servos tuos syra lingua ; intelligimus enim ; ne loquaris ad nos judaice in auribus populi qui est super murum. 12 Et dixit ad eos Rabsaces : Numquid ad dominum tuum et ad te misit me dominus meus, ut loquerer omnia verba ista ? et non potius ad viros qui sedent in muro, ut comedant stercora sua, et bibant uri- nam pedum suorum vobiscum ? 13 Et stetit Rabsaces, et clamavit voce magna judaice, et dixit : Audite verba regis magni, regis Assyriorum ! 14 H\u00e6c dicit rex : Non seducat vos Ezechias, quia non poterit eruere vos. 15 Et non vobis tribuat \ufb01duciam Ezechias super Domino, dicens : Eruens liberabit nos Domi- nus : non dabitur civitas ista in manu regis Assyriorum. 16 Nolite audire Ezechiam ; h\u00e6c enim dicit rex Assyriorum : Facite mecum benedictionem, et egredimini ad me, et comedite unusquisque vineam suam, et unusquisque \ufb01cum suam, et bibite unusquisque aquam cistern\u00e6 su\u00e6, 17 donec veniam, et tollam vos ad terram qu\u00e6 est ut terra vestra, terram frumenti et vini, terram panum et vinearum. 18 Nec conturbet vos Ezechias, dicens : Dominus lib- erabit nos. Numquid liberaverunt dii gentium unusquisque terram suam de manu regis Assyriorum ? 19 Ubi est deus Emath et Arphad ? ubi est deus Sepharvaim ? numquid liberaverunt Samariam de manu mea ? 20 Quis est ex omnibus diis terrarum istarum qui eruerit terram suam de manu mea, ut eruat Dominus Jerusalem de manu mea ? 21 Et siluerunt, et non responderunt ei verbum. Mandaverat enim rex, dicens : Ne respondeatis ei. 22 Et ingressus est Eliacim, \ufb01lius Helci\u00e6, qui erat super domum, et Sobna scriba, et Joahe \ufb01lius Asaph, a commentariis, ad Ezechiam, scissis vestibus, et nuntiaverunt ei verba Rabsacis. 37 Et factum est, cum audisset rex Ezechias, scidit vestimenta sua, et ob- volutus est sacco, et intravit in domum Domini. 2 Et misit Eliacim, qui erat super domum, et Sobnam scribam, et seniores de sacerdotibus, opertos saccis, ad Isaiam, \ufb01lium Amos, prophetam, 3 et dixerunt ad eum : H\u00e6c dicit Ezechias : Dies tribulationis, et correptionis, et blasphemi\u00e6, dies h\u00e6c ; quia venerunt \ufb01lii usque ad partum, et virtus non est pariendi. 4 Si quomodo audi- at Dominus Deus tuus verba Rabsacis, quem misit rex Assyriorum dominus suus ad blasphemandum Deum viventem et exprobrandum sermonibus quos audivit Dominus Deus tuus : leva ergo orationem pro reliquiis qu\u00e6 repert\u00e6 sunt. 5 Et venerunt servi regis Ezechi\u00e6 ad Isaiam. 6 Et dixit ad eos Isaias : H\u00e6c dicetis domino vestro : H\u00e6c dicit Dominus : Ne timeas a facie verborum qu\u00e6 audisti, quibus blasphemaverunt pueri regis Assyriorum me. 7 Ecce ego dabo ei spiritum, et audiet nuntium, et revertetur ad terram suam, et corruere eum faciam gladio in terra sua. 8 Reversus est autem Rabsaces, et invenit regem Assyriorum pr\u00e6liantem adversus Lobnam : audierat enim quia profectus esset de Lachis. 9 Et audivit de Tharaca rege \u00c6thiopi\u00e6, dicentes : Egressus est ut pugnet contra te. Quod cum audisset, misit nuntios ad Ezechiam, dicens : 10 H\u00e6c dicetis Ezechi\u00e6 regi Jud\u00e6, loquentes : Non te decipiat Deus tuus in quo tu con\ufb01dis, dicens : Non dabitur Jerusalem in manu regis Assyriorum. 11 Ecce tu audisti omnia qu\u00e6 fecerunt reges Assyriorum omnibus terris, quas subverterunt : et tu poteris liberari ? 12 Numquid eruerunt eos dii gentium quos subverterunt patres mei, 879","Isaias Gozam, et Haram, et Reseph, et \ufb01lios Eden qui erant in Thalassar ? 13 Ubi est rex Emath, et rex Arphad, et rex urbis Sepharvaim, Ana, et Ava ? 14 Et tulit Ezechias libros de manu nuntiorum, et legit eos, et ascendit in do- mum Domini, et expandit eos Ezechias coram Domino : 15 et oravit Ezechias ad Dominum, dicens : 16 Domine exercituum, Deus Israe\u00a8l, qui sedes super cherubim, tu es Deus solus omnium regnorum terr\u00e6 : tu fecisti c\u00e6lum et ter- ram. 17 Inclina, Domine, aurem tuam, et audi ; aperi, Domine, oculos tuos, et vide : et audi omnia verba Sennacherib, qu\u00e6 misit ad blasphemandum Deum viventem. 18 Vere enim, Domine, desertas fecerunt reges Assyriorum terras, et regiones earum, 19 et dederunt deos earum igni : non enim erant dii, sed opera manuum hominum, lignum et lapis, et comminuerunt eos. 20 Et nunc, Domine Deus noster, salva nos de manu ejus, et cognoscant omnia regna terr\u00e6 quia tu es Dominus solus. 21 Et misit Isaias, \ufb01lius Amos, ad Ezechiam, dicens : H\u00e6c dicit Dominus Deus Israe\u00a8l : Pro quibus rogasti me de Sennacherib, rege Assyriorum, 22 hoc est verbum quod locutus est Dominus super eum : Despexit te et subsannavit te, virgo \ufb01lia Sion ; post te caput movit, \ufb01lia Jerusalem. 23 Cui exprobrasti ? et quem blasphemasti ? et super quem exaltasti vocem, et levasti altitudinem oculorum tuorum ? ad Sanctum Israe\u00a8l. 24 In manu servorum tuorum exprobrasti Domino, et dixisti : In multitudine quadrigarum mearum ego ascendi altitudinem montium juga Libani ; et succidam excelsa cedrorum ejus, et electas abietes illius, et introibo altitudinem summitatis ejus, saltum Carmeli ejus. 25 Ego fodi, et bibi aquam, et exsiccavi vestigio pedis mei omnes rivos aggerum. 26 Numquid non audisti qu\u00e6 olim fecerim ei ? Ex diebus antiquis ego plasmavi illud ; et nunc adduxi, et factum est in eradicationem collium compugnantium, et civitatum munitarum. 27 Habitatores earum breviata manu contremuerunt, et confusi sunt. Facti sunt sicut f\u0153num agri, et gramen pascu\u00e6, et herba tectorum, qu\u00e6 exaruit antequam maturesceret. 28 Habitationem tuam, et egressum tuum, et introitum tuum cognovi, et insaniam tuam contra me. 29 Cum fureres adversum me, superbia tua ascendit in aures meas. 880","Isaias Ponam ergo circulum in naribus tuis, et frenum in labiis tuis, et reducam te in viam per quem venisti. 30 Tibi autem hoc erit signum : comede hoc anno qu\u00e6 sponte nascuntur, et in anno secundo pomis vescere ; in anno autem tertio seminate et metite, et plantate vineas, et comedite fructum earum. 31 Et mittet id quod salvatum fuerit de domo Juda, et quod reliquum est, radicem deorsum, et faciet fructum sursum : 32 quia de Jerusalem exibunt reliqui\u00e6, et salvatio de monte Sion : zelus Domini exercituum faciet istud. 33 Propterea h\u00e6c dicit Dominus de rege Assyriorum : Non intrabit civitatem hanc, et non jaciet ibi sagittam, et non occupabit eam clypeus, et non mittet in circuitu ejus aggerem. 34 In via qua venit, per eam revertetur, et civitatem hanc non ingredietur, dicit Dominus. 35 Et protegam civitatem istam, ut salvem eam propter me, et propter David, servum meum. 36 Egressus est autem angelus Domini, et percussit in castris Assyriorum centum octoginta quinque millia. Et surrexerunt mane, et ecce omnes cadav- era mortuorum. 37 Et egressus est, et abiit, et reversus est Sennacherib, rex Assyriorum, et habitavit in Ninive. 38 Et factum est, cum adoraret in temp- lo Nesroch deum suum, Adramelech et Sarasar, \ufb01lii ejus, percusserunt eum gladio, fugeruntque in terram Ararat ; et regnavit Asarhaddon, \ufb01lius ejus, pro eo. 38 In diebus illis \u00e6grotavit Ezechias usque ad mortem ; et introivit ad eum Isaias, \ufb01lius Amos, propheta, et dixit ei : H\u00e6c dicit Dominus : Dispone domui tu\u00e6, quia morieris tu, et non vives. 2 Et convertit Ezechias faciem suam ad parietem, et oravit ad Dominum, 3 et dixit : Obsecro, Domine, memento, qu\u00e6so, quomodo ambulaverim coram te in veritate et in corde perfecto, et quod bonum est in oculis tuis fecerim. Et \ufb02evit Ezechias \ufb02etu magno. 4 Et factum est verbum Domini ad Isaiam, dicens : 5 Vade, et dic Ezechi\u00e6 : H\u00e6c dicit Dominus Deus David patris tui : Audivi orationem tuam, et vidi lacrimas tuas ; ecce ego adjiciam super dies tuos quindecim annos, 6 et de manu regis Assyriorum eruam te, et civitatem istam, et protegam eam. 7 Hoc autem tibi erit signum a Domino, quia faciet Dominus verbum hoc quod locutus est : 8 ecce ego reverti faciam umbram linearum per quas descenderat in horologio Achaz in sole, retrorsum decem lineis. Et reversus est sol decem lineis per gradus quos descenderat. 9 Scriptura Ezechi\u00e6, regis Juda, cum \u00e6grotasset et convaluisset de in\ufb01rmitate sua. 10 Ego dixi in dimidio dierum meorum : Vadam ad portas inferi ; qu\u00e6sivi residuum annorum meorum. 11 Dixi : Non videbo Dominum Deum in terra viventium ; 881","Isaias non aspiciam hominem ultra, et habitatorem quietis. 12 Generatio mea ablata est, et convoluta est a me, quasi tabernaculum pastorum. Pr\u00e6cisa est velut a texente vita mea ; dum adhuc ordirer, succidit me : de mane usque ad vesperam \ufb01nies me. 13 Sperabam usque ad mane ; quasi leo, sic contrivit omnia ossa mea : de mane usque ad vesperam \ufb01nies me. 14 Sicut pullus hirundinis, sic clamabo ; meditabor ut columba. Attenuati sunt oculi mei, suspicientes in excelsum. Domine, vim patior : responde pro me. 15 Quid dicam, aut quid respondebit mihi, cum ipse fecerit ? Recogitabo tibi omnes annos meos in amaritudine anim\u00e6 me\u00e6. 16 Domine, si sic vivitur, et in talibus vita spiritus mei, corripies me, et vivi\ufb01cabis me. 17 Ecce in pace amaritudo mea amarissima. Tu autem eruisti animam meam ut non periret ; projecisti post tergum tuum omnia peccata mea. 18 Quia non infernus con\ufb01tebitur tibi, neque mors laudabit te : non exspectabunt qui descendunt in lacum veritatem tuam. 19 Vivens, vivens ipse con\ufb01tebitur tibi, sicut et ego hodie ; pater \ufb01liis notam faciet veritatem tuam. 20 Domine, salvum me fac ! et psalmos nostros cantabimus cunctis diebus vit\u00e6 nostr\u00e6 in domo Domini. 21 Et jussit Isaias ut tollerent massam de \ufb01cis, et cataplasmarent super vul- nus, et sanaretur. 22 Et dixit Ezechias : Quod erit signum quia ascendam in domum Domini ? 39 In tempore illo misit Merodach Baladan, \ufb01lius Baladan, rex Babylo- nis, libros et munera ad Ezechiam : audierat enim quod \u00e6grotasset et convaluisset. 2 L\u00e6tatus est autem super eis Ezechias, et ostendit eis cel- lam aromatum, et argenti, et auri, et odoramentorum, et unguenti optimi, et omnes apothecas supellectilis su\u00e6, et universa qu\u00e6 inventa sunt in thesauris ejus. Non fuit verbum quod non ostenderet eis Ezechias in domo sua, et in omni potestate sua. 3 Introivit autem Isaias propheta ad Ezechiam regem, et dixit ei : Quid dixerunt viri isti, et unde venerunt ad te ? Et dixit Ezechias : 882","Isaias De terra longinqua venerunt ad me, de Babylone. 4 Et dixit : Quid viderunt in domo tua ? Et dixit Ezechias : Omnia qu\u00e6 in domo mea sunt viderunt ; non fuit res quam non ostenderim eis in thesauris meis. 5 Et dixit Isaias ad Ezechiam : Audi verbum Domini exercituum. 6 Ecce dies venient, et auferen- tur omnia qu\u00e6 in domo tua sunt, et qu\u00e6 thesaurizaverunt patres tui usque ad diem hanc, in Babylonem ; non relinquetur quidquam, dicit Dominus. 7 Et de \ufb01liis tuis, qui exibunt de te, quos genueris, tollent, et erunt eunuchi in palatio regis Babylonis. 8 Et dixit Ezechias ad Isaiam : Bonum verbum Domini, quod locutus est. Et dixit : Fiat tantum pax et veritas in diebus meis ! 40 Consolamini, consolamini, popule meus, dicit Deus vester. 2 Loquimini ad cor Jerusalem, et advocate eam, quoniam completa est malitia ejus, dimissa est iniquitas illius : suscepit de manu Domini duplicia pro omnibus peccatis suis. 3 Vox clamantis in deserto : Parate viam Domini, rectas facite in solitudine semitas Dei nostri. 4 Omnis vallis exaltabitur, et omnis mons et collis humiliabitur, et erunt prava in directa, et aspera in vias planas : 5 et revelabitur gloria Domini, et videbit omnis caro pariter quod os Domini locutum est. 6 Vox dicentis : Clama. Et dixi : Quid clamabo ? Omnis caro f\u0153num, et omnis gloria ejus quasi \ufb02os agri. 7 Exsiccatum est f\u0153num, et cecidit \ufb02os, quia spiritus Domini suf\ufb02avit in eo. Vere f\u0153num est populus : 8 exsiccatum est f\u0153num, et cecidit \ufb02os ; verbum autem Domini nostri manet in \u00e6ternum. 9 Super montem excelsum ascende, tu qui evangelizas Sion ; exalta in fortitudine vocem tuam, qui evangelizas Jerusalem : exalta, noli timere. Dic civitatibus Juda : Ecce Deus vester : 10 ecce Dominus Deus in fortitudine veniet, et brachium ejus dominabitur : ecce merces ejus cum eo, et opus illius coram illo. 11 Sicut pastor gregem suum pascet, in brachio suo congregabit agnos, 883","Isaias et in sinu suo levabit ; f\u0153tas ipse portabit. 12 Quis mensus est pugillo aquas, et c\u00e6los palmo ponderavit ? quis appendit tribus digitis molem terr\u00e6, et liberavit in pondere montes, et colles in statera ? 13 Quis adjuvit spiritum Domini ? aut quis consiliarius ejus fuit, et ostendit illi ? 14 cum quo iniit consilium, et instruxit eum, et docuit eum semitam justiti\u00e6, et erudivit eum scientiam, et viam prudenti\u00e6 ostendit illi ? 15 Ecce gentes quasi stilla situl\u00e6, et quasi momentum stater\u00e6 reputat\u00e6 sunt ; ecce insul\u00e6 quasi pulvis exiguus. 16 Et Libanus non suf\ufb01ciet ad succendendum, et animalia ejus non suf\ufb01cient ad holocaustum. 17 Omnes gentes quasi non sint, sic sunt coram eo, et quasi nihilum et inane reputat\u00e6 sunt ei. 18 Cui ergo similem fecisti Deum ? aut quam imaginem ponetis ei ? 19 Numquid sculptile con\ufb02avit faber ? aut aurifex auro \ufb01guravit illud, et laminis argenteis argentarius ? 20 Forte lignum et imputribile elegit ; artifex sapiens qu\u00e6rit quomodo statuat simulacrum, quod non moveatur. 21 Numquid non scitis ? numquid non audistis ? numquid non annuntiatum est vobis ab initio ? numquid non intellexistis fundamenta terr\u00e6 ? 22 Qui sedet super gyrum terr\u00e6, et habitatores ejus sunt quasi locust\u00e6 ; qui extendit velut nihilum c\u00e6los, et expandit eos sicut tabernaculum ad inhabitandum ; 23 qui dat secretorum scrutatores quasi non sint, judices terr\u00e6 velut inane fecit. 24 Et quidem neque plantatus, neque satus, neque radicatus in terra truncus eorum ; repente \ufb02avit in eos, et aruerunt, et turbo quasi stipulam auferet eos. 25 Et cui assimilastis me, et ad\u00e6quastis ? dicit Sanctus. 26 Levate in excelsum oculos vestros, et videte quis creavit h\u00e6c : qui educit in numero militiam eorum, et omnes ex nomine vocat ; pr\u00e6 multitudine fortitudinis et roboris, virtutisque ejus, neque unum reliquum fuit. 884","Isaias 27 Quare dicis, Jacob, et loqueris, Israe\u00a8l : Abscondita est via mea a Domino, et a Deo meo judicium meum transivit ? 28 Numquid nescis, aut non audisti ? Deus sempiternus Dominus, qui creavit terminos terr\u00e6 : non de\ufb01ciet, neque laborabit, nec est investigatio sapienti\u00e6 ejus. 29 Qui dat lasso virtutem, et his qui non sunt, fortitudinem et robur multiplicat. 30 De\ufb01cient pueri, et laborabunt, et juvenes in in\ufb01rmitate cadent ; 31 qui autem sperant in Domino mutabunt fortitudinem, assument pennas sicut aquil\u00e6 : current et non laborabunt, ambulabunt et non de\ufb01cient. 41 Taceant ad me insul\u00e6, et gentes mutent fortitudinem : accedant, et tunc loquantur ; simul ad judicium propinquemus. 2 Quis suscitavit ab oriente Justum, vocavit eum ut sequeretur se ? Dabit in conspectu ejus gentes, et reges obtinebit : dabit quasi pulverem gladio ejus, sicut stipulam vento raptam arcui ejus. 3 Persequetur eos, transibit in pace : semita in pedibus ejus non apparebit. 4 Quis h\u00e6c operatus est, et fecit, vocans generationes ab exordio ? Ego Dominus : primus et novissimus ego sum. 5 Viderunt insul\u00e6, et timuerunt ; extrema terr\u00e6 obstupuerunt : appropinquaverunt, et accesserunt. 6 Unusquisque proximo suo auxiliabitur, et fratri suo dicet : Confortare. 7 Confortavit faber \u00e6rarius percutiens malleo eum, qui cudebat tunc temporis, dicens : Glutino bonum est ; et confortavit eum clavis, ut non moveretur. 8 Et tu, Israe\u00a8l, serve meus, Jacob quem elegi, semen Abraham amici mei : 9 in quo apprehendi te ab extremis terr\u00e6, et a longinquis ejus vocavi te, 885","Isaias et dixi tibi : Servus meus es tu : elegi te, et non abjeci te. 10 Ne timeas, quia ego tecum sum ; ne declines, quia ego Deus tuus : confortavi te, et auxiliatus sum tibi, et suscepit te dextera Justi mei. 11 Ecce confundentur et erubescent omnes qui pugnant adversum te ; erunt quasi non sint, et peribunt viri qui contradicunt tibi. 12 Qu\u00e6res eos, et non invenies, viros rebelles tuos ; erunt quasi non sint, et veluti consumptio homines bellantes adversum te. 13 Quia ego Dominus Deus tuus, apprehendens manum tuam, dicensque tibi : Ne timeas : ego adjuvi te. 14 Noli timere, vermis Jacob, qui mortui estis ex Israe\u00a8l : ego auxiliatus sum tibi, dicit Dominus, et redemptor tuus Sanctus Israe\u00a8l. 15 Ego posui te quasi plaustrum triturans novum, habens rostra serrantia ; triturabis montes, et comminues, et colles quasi pulverem pones. 16 Ventilabis eos, et ventus tollet, et turbo disperget eos ; et tu exsultabis in Domino, in Sancto Israe\u00a8l l\u00e6taberis. 17 Egeni et pauperes qu\u00e6runt aquas, et non sunt ; lingua eorum siti aruit. Ego Dominus exaudiam eos, Deus Israe\u00a8l, non derelinquam eos. 18 Aperiam in supinis collibus \ufb02umina, et in medio camporum fontes : ponam desertum in stagna aquarum, et terram inviam in rivos aquarum. 19 Dabo in solitudinem cedrum, et spinam, et myrtum, et lignum oliv\u00e6 ; ponam in deserto abietem, ulmum, et buxum simul : 20 ut videant, et sciant, et recogitent, et intelligant pariter, quia manus Domini fecit hoc, et Sanctus Israe\u00a8l creavit illud. 21 Prope facite judicium vestrum, dicit Dominus ; Afferte, si quid forte habetis, 886"]