هل سأعود اليك يا من كنت حبيبى ؟!

‫نفين بصوت مهتز من اثر البكاء‪:‬انا‪.....‬انا مامتها‬ ‫انا‪..........‬هفضل مع حضرتك‬ ‫فوقية‪:‬انتى مش شايفة نفسك يا نفين! هتستحملى؟‬ ‫نفين ببكاء‪:‬طب اعمل اية؟‬ ‫اتاهم صوتها من الخلف وكانما جاهدت لقرارها‪:‬انا‬ ‫هفضل معاها‬ ‫نظر لها ماجد شرزا‪ :‬تفضلى معاها فين؟‬ ‫منار‪:‬هنا‪ ......‬هفضل جنبها مش هسيبها‬ ‫ماجد ناهيا النقاش بنظرة واحدة الى الطبيب باستنكار‬ ‫وكانه يقول لها‪ :‬وحدك معة!!!ثم قال‪ :‬مينفعش انتى‬ ‫همت بالرد لكنة الجمها بكلمة واحد غاضبة‪:‬خلصنا‬ ‫حلت فوقية ذلك الاحتداد بينهما بهدوء موجهه كلامها‬ ‫الى منار‪:‬خدى مامتك يا منار دى مش قادرة تصلب‬ ‫طولها وانا هفضل مع فؤاد‬

‫ثم نظرت الى ماجد نظرة لم يفهم محتواها سوى ماجد‬ ‫الذى توتر كثيرا جراء هذة النظرة‬ ‫فحاول اخفاء توترة بالحديث الى مهند‪:‬يلا يا مهند‬ ‫عشان الدكتور يشوف شغلة‬ ‫جذب مهند وخرج مسرعا وكانما يهرب من نظرات‬ ‫والدتة‪:‬ياالهى هل عرفت شيئا؟هل كشفت ما يعتمر‬ ‫بدخلى؟لا‪ ........‬كيف ساواجهها؟ لم اعتد ان اخفى شيئا‬ ‫عنها ولكن الوقت غير ملائم الان ابدا على ان انتظر‬ ‫والا ابوح بسرى الان فلن احتمل ان تجرى سيرتها‬ ‫على لسان احد بشكل غير رسمى حتى لو كانت امى‪.‬‬ ‫خرج ينتظر فى غرفة الصالون ومعه مهند بينما بقيت‬ ‫منار مع والدتها على باب الغرفة تتنتظران خروج‬ ‫الطبيب‬ ‫مر الوقت بطيئا على الجميع حتى خرج فؤاد من‬ ‫الغرفة بصحبة فوقية التى تهلهلت اساريرها‬ ‫فوقية‪:‬تعالى يا نفين مى فاقت الحمد لله‬

‫ركضت نفين ومنار نحو الغرفة بسرعة للاطمئنان‬ ‫على مى يبنما توجة ماجد الى فؤاد ليشكرة‬ ‫فؤاد‪ :‬ماجد انتو لازم تبلغو البوليس واضح انها كشفت‬ ‫حرامى انا عالجتها فى البيت بدون محضر بس عشان‬ ‫خاطرك بس لو عايز الصح لازم تبلغو البوليس‬ ‫ماجد بشرود‪:‬طيب يا فؤاد انا هبقى اشوف الموضوع‬ ‫دة‬ ‫فؤاد باصرار‪ :‬موضوع اية اللى تبقى تشوفة هو انا‬ ‫جايبلك عروسة بقولك لازم تعمل محضر‬ ‫ماجد بعصبية‪:‬يعنى ادخل اخدها على الاسم براسها‬ ‫المبطوح كدة ولا اجبلهم البوليس البيت عشان افرج‬ ‫عليهم الجيران وش الفجر؟انت بتفهم ولا الراس دى‬ ‫فيها بطيخة ؟‬ ‫قال جماتة الاخيرة وهو يشير بسبابتة الى راس فؤاد‬ ‫فؤاد متراجعا‪:‬خلاص يا عم انت حر اعمل اللى يريحك‬

‫اراد فؤاد ان يخفف التوتر الذى علا ماجد وعصبيتة‬ ‫فقال بمرح‪:‬طيب انا هروح بقى عايز حاجة؟تؤمر‬ ‫بخدمة تانية ؟انا اصلى خلاص همشى‪ ...........‬انا‬ ‫ماشى‪.......‬انا خلاص مشيت‬ ‫نظر لة ماجد بدهشة‪:‬طيب يا عم متروح حد ماسكك‬ ‫فؤاد‪:‬فين الفيزا بتاعتى يا ياض ولا انت وصاحبك‬ ‫اشترتونى انا مش منقول من هنا من غير الالف جنية‬ ‫بتاعتى‬ ‫ماجد وهو ينظر لة من اعلى راسة الى اخمص قدمية ‪:‬‬ ‫فزيتا ‪!.......‬الف جنية‪!......‬‬ ‫رفح قدمة لاعلى كناية عن( دا ان هديك الف شبشب‬ ‫على دماغك)‬ ‫فر فؤاد الى الخارج‪:‬خلاص يا عم يخربيت اللى‬ ‫يعرفكو‬

‫اما ماجد فقد نجحت صبيانية فؤاد فعلا فى رسم‬ ‫الابتسامة على شفتية بينما مهند كاد يلقى ارضا من‬ ‫فرط الضحك على ماحدث بين الصديقان‬ ‫ارتفع اذان الفجر فى المسجد القريب من البناية السكنية‬ ‫التى يعيشون بها فوجة ماجد حديثة الى مهند‪:‬يلا يا عم‬ ‫قدامى على المسجد نصلى الفجر‬ ‫مهند بفرحة‪:‬بجد هتروح وتاخدنى معاك‬ ‫ماجد مستغربا‪:‬اة يا بنى عادى ‪...........‬صحيح انا مش‬ ‫بشوفك فى صلاة الفجر لية مع انى بشوفك اوقات تانية‬ ‫مهند‪:‬ببقى عايز اروح والله يا ابية بس ماما بتخاف عليا‬ ‫ماجد‪:‬فرجت يا عم كل يوم ننزل نصلية سوا اهو نونس‬ ‫بعض والمسجد مش بعيد على الناصية‬ ‫مهند‪ :‬ثوانى اقول لماما‬ ‫دلف مهند الى الداخل ليطمئن على مى ويستاذن والدتة‬ ‫فى الذهاب للصلاة التى لم تعترض ابدا مادام سيذهب‬ ‫برفقة ماجد‬

‫انتهت الليلة الطويلة اخيرا بذهاب فوقية وماجد الذى لم‬ ‫يذهب حتى امن المنزل جيدا وبالذات نافذة ذلك المطبخ‬ ‫الذى استطاع اللص ان يدخل منها ثم الى غرفة المكتب‬ ‫الذى خمن انها لابد ان تحتوى على خزنة مليئة بالنقود‬ ‫فذلك النوع من البنايات التى يسكنونها لابد ان يكون‬ ‫محل انظار اللصوص خاصة انهم( من غير راجل)‬ ‫وما لبث ان دخل حتى احست مى بحركتة الغريبة بينما‬ ‫كانت تشرب كوب ماء بالمطبخ فدلفت بسرعة الى‬ ‫غرفة المكتب ليقابلها اللص بخبطة على راسها بشيئ‬ ‫معدنى ويهرب دون ان تتاح لة الفرصة لسرقة شيئ‬ ‫هذا مجمل ما روتة لهم مى بعد ان افاقت‬ ‫فى اليوم التالى بعد الظهر ذهب اليهم ماجد ليخبر نفين‬ ‫انه قام بابلاغ الشرطة صباحا وانهم سيبعثون بشرطى‬ ‫ليعاين المكان حتى يغلق المحضر وانة سيكون موجودا‬ ‫وقتها فلا داعى للقلق لتشكرة تفين بقوة مؤكده ان ما‬ ‫فعلة معهم دين فى رقبتها‬

‫ماجد ‪:‬والله يا طنط ازعل منك دة واجب عليا واقل‬ ‫حاجة اقدر اقدمها‬ ‫ثم اضاف بمرح وهو يضع يدة فى جيبة‪:‬امال لو كنت‬ ‫قفشت الحرامى بقى‪.......‬يااااااااااة دا كنت بقيت سوبر‬ ‫ماجد العمارة‬ ‫ضحكت نفين على تراهتة بينما استئذنها ماجد بالذهاب‬ ‫فى اليوم التالى ذهبت نفين للتبضع برفقة فوقية بينما‬ ‫كان مهند بالمدرسة التى رفضت منار الذهاب اليها‬ ‫بشدة فى اليومين الاخيرين حيث انها لن تترك مى‬ ‫وحيدة حتى تشفى تماما‪.‬خرجت منار الى الشرفة‬ ‫لتجلب الملابس المعلقة على المنشر فلمحت ماجد‬ ‫يركن سيارتة ثم نزل منها متجها الى باب البناية‬ ‫تذكرت منار كيف رمقها بنظرة غاضبة امام الطبيب‬ ‫ولم يعطيها اى فرصة للكلام ثم تلك الكلمة التى وجهها‬ ‫اليها اخيرا‪:‬خلصنا‬ ‫يا الهى من يظن نفسة‪.‬همت بقذفة بذلك المشبك التى‬ ‫تمسكة بيدها متمتة‪:‬يعنى اخرملك عينك دلوقتى بقى‬

‫اترتعشت يدها حينما فوجئت به يرفع عيناة اليها من‬ ‫خلف نظارتة الشمسية فاستدارت بسرعة جعلتها‬ ‫تصطدم بعلبة المشابك ليكون مصيرها مستقرا فوق‬ ‫راس ماجد الذى سمعت تاوهه من مكانها‬ ‫ظلت متسمرة مكانها لا تجرؤ على الالتفاف ثانية‬ ‫لمواجهتة فدلفت الى الداخل بسرعة وكانما لم تفعل‬ ‫شيئا‪ .‬اسرعت الخطى الى مى كالاطفال تحكى لها عما‬ ‫حدث فى كلمات غير مفهومة‪:‬الحقى يا مى‬ ‫المشابك‪........‬كلها كلها فوق دماغة‪.......‬اصلا كنت‬ ‫بنشن علية بالمشبك اللى فى ايدى بس والله والله كمان‬ ‫مرة مش كنت هحدفة ‪........‬عمرى‬ ‫كانت مى تنظر لها ببلاهه لا تفهم شيئا مما تقول حتى‬ ‫قطع كلام منار صوت الجرس فاضطربت‬ ‫اكثر‪:‬لالالالالالا الحقينى يا مى هو اكيد اعمل اية‬ ‫دلوقتى؟؟؟؟؟‬ ‫ظلت مى كما هي تنظر لها ببلاهه بينما ذهبت منار الى‬ ‫الباب بسرعة تاركة مى فارغة فاها مما يحدث‬

‫نظرت من العين السحرية‪.....‬انة هو بالفعل اضطربت‬ ‫كثيرا ماذا افعل‪ .‬اعاد الكرة برن الجرس مرة اخرى‬ ‫دون جواب نظرت من العين مرة اخرى لتراة ينظر‬ ‫تجاهها نظرة توعد وكانها ماثلة امامة فارتعدت اكثر‬ ‫واسندت ظهرها الى الباب لا تدرى هل تجيب ام لا‬ ‫اتاها صوتة من وراء الباب‪ :‬افتحى يا منار انا عارف‬ ‫انك واقفة ورا الباب ومش عايزة تفتحى‬ ‫كتمت انفاسها لا تدرى ما تقول واخيرا خرج صوتها‬ ‫متحشرجا‪:‬انا اسفة والله مش كنت ناوية اضربك‬ ‫‪.‬ابتلعت ريقها بصعوبة ثم اكملت‪ :‬علبة المشابك وقعت‬ ‫لوحدها والله مش انا‬ ‫لم تتلق ردا بل ضحكه ساحرة هزت كيانها‬ ‫ماجد بعد انتهى من الضحك‪:‬طب خلاص متزعليش‬ ‫فداكى انا هسيبلك علبة المشابك جنب الباب اطلعى‬ ‫خديها لما ادخل‬ ‫لم ينتظر ردا وانما عاد الى شقتة تتبعة عينا منار من‬ ‫الفتحة السرية‬

‫دخل واغلق الباب خلفة او هذا ما ظنتة منار فاطلقت‬ ‫تنهيدة ارتياح طويلة ثم فتحت الباب وما لبثت ان‬ ‫التقطت علبة المشابك التى تركها ماجد حتى وقعت‬ ‫ثانية اثر فتحة الباب فجأة‪:‬قفشتك‬ ‫‪.................................................................‬‬ ‫‪.............‬‬ ‫نهاية الفصل العاشر‬ ‫الفصل الحادى عشر‬ ‫شهقت منار فزعا وارتعشت يدها فاسقطت علبة‬ ‫المشابك مرة اخرى اثر خروج ماجد‪:‬قفشتك‬ ‫منار بكلمات متناثرة مدافعة عن نفسها‪:‬مش انا‪.......‬هو‬ ‫مشبك واحد والله‪......‬انت اصلا اتعصبت عليا‬ ‫‪.......‬بس صدقنى مكنتش ناوية اضربك‬ ‫سكتت تلتقط انفاسها وهى تنظر الى الارض خجلة‬ ‫بينما كاد ماجد يقطع انفاسة من شدة الضحك‬

‫استفزها كثيرا كونها فى هذا الموقف وهذا الكم من‬ ‫الاحراج بينما هو يضحك فركلت بعض المشابك‬ ‫المتناثرة بغضب طفولى ودلفت الى الدخل بسرعة‬ ‫بينما ظلت الابتسامة لا تفارق ماجد طوال اليوم وهو‬ ‫يتذكرها‪ .‬كم كانت بريئة وطفولية‪ .‬يال هذا القلب الذى‬ ‫غط كثيرا فى النوم ولم يستطع ايقاظة غير هذة الطفلة‬ ‫التى تركل الاشياء عندما تغضب‬ ‫اما عصام فقد قررت العائلة اخفاء الامر عنة حتى لا‬ ‫يصاب بالقلق ويقرر العودة تاركا عملة فهم يدركون‬ ‫جيدا مدى حب عصام لاسرتة وقلقة الدائم عليهم‬ ‫مرت الايام وتحسنت حال مى وعاودت الذهاب الى‬ ‫جامعتها وكذلك منار عادت الى مدرستها بعد ان فاتها‬ ‫الكثير حاولت جاهدة ان تعوض ما فاتها الا انها لم‬ ‫تستطع ذلك مع اللغة‪.‬فقد كان مراجعة ما فاتها فى غاية‬ ‫الصعوبة فهى فى الاصل كانت تعانى قصورا فى اللغة‬ ‫كانت مى تدون محاضراتها عندما دلفت اليها منار‬ ‫وهى تمسك مراجع اللغة الخاصة بها وتزفر بقوة‬

‫مى‪:‬اية يا بنتى داخلة عليا بزرابينك لية كدة؟‬ ‫منار‪:‬مش فاهمة حاجة ‪...‬ومش عارفة احل ولا‬ ‫ترجمة ‪........‬لما خلاص دماغى هتفرقع‪.‬‬ ‫مى‪:‬طب بالراحة ‪...........‬انتى معاكى قواميس يفسرو‬ ‫الاحلام يا بنتى مش حبة تراجم هبلة‬ ‫منار بسخرية‪:‬مهى الترجمة الحرفية دى متنفعش المهم‬ ‫الجرامر وتركيب الجمل يا نبيهه‬ ‫ثم تحولت نظراتها المتهكمه الى مى فجأة الى نظرات‬ ‫هيام وهى تملس على شعرها( بمحلسة)‬ ‫مى وهى تبعد راسها عن مرمى يد منار وهى تقول‬ ‫بشك‪:‬اية يا بت انتى عايزة اية؟‬ ‫منار( بسهوكة‪):‬عايزاكى تشرحيلى الجرامر اللى فاتنى‬ ‫يا ميمى يا روح قلبى‬ ‫مى بارتباك وهى تتذكر كيف كانت تعانى من هذة‬ ‫المشكلة فى مثل عمر منار‪:‬لا ماانا مش فاضية دلوقتى‬

‫‪...‬روحى لماما ممكن تكون لسة فاكرة الكلام دة من‬ ‫ايام المدرسة‬ ‫منار‪ :‬يا سلام بقى ماما هتبقى فاكرة الجرامر من ايام‬ ‫المدرسة لحد دلوقتى‬ ‫مى هاربة من المناقشة‪:‬طب ماتخدى درس يا مينو‬ ‫منار بتحسر‪ :‬منين مهو لو اعرف مدرسة كنت قلت‬ ‫لماما تجيبها بس كلهم مدرسين مينفعش يجو البيت‬ ‫طبعا‬ ‫مى وقد تذكرت شيئ قد فاتها‪:‬صحيح يا منار وحدة‬ ‫صاحبتى كانت بتحكى عن بنت خالها انها خريجة‬ ‫اداب انجليزى هكلمهالك‬ ‫منار بامل‪:‬ياريت يا مى لحسن حاسة انى تايهه والمادة‬ ‫دى كدة هتضيعنى‬ ‫فى اليوم التالى فى جامعة مى اخبرت زميلتها بالامر‬ ‫فانتهى الحوار انها ستعرض الامر على سها(بنت‬

‫خالها)وهى ستقرر الموافقة ام لا حيث انها لم تقم‬ ‫بالامر من قبل على الرغم من احترافها‬ ‫‪..............................‬‬ ‫فى احد الفلل الراقية بمنطقة المعادى تجلس امراة فى‬ ‫حديقتها الواسعة مع ابنتها الوحيدة‪ .‬يكفى ان تلقى اليهما‬ ‫نظرة واحدة من بعيد لتجزم ان هذة المراة لا يمكن ان‬ ‫تكون والدة هذة الشابة ابدا‪.‬فالفتاة تبدو هادئة رقيقة فى‬ ‫حجابها البسيط الذى تزين بة ملابسها التى ترقى الى‬ ‫مستوى (المحتشمة )اذا ما قورنت بتلك الاتى يرتدينها‬ ‫امثال عمرها ووضعها الاجتماعى ‪.‬بل اذا ما قورنت‬ ‫بملابس والدتها الغير محجبة ‪.‬اما اذا اردت الاقتراب‬ ‫اكثر فسترى الان مشادة كلامية حادة تدور بين الام‬ ‫وابنتها‬ ‫الام‪:‬انتى شكلك اتجننتى رسمى‪ .‬اللى بتقولى دة مش‬ ‫هيحصل غيرعلى جثتى يا سها‬

‫سها‪:‬يا ماما عشان خاطرى توافقى‪ .‬انتى مش يهمك‬ ‫سعادتى انا هبقى مبسوطة كدة‪.‬يعنى عاجبك حبستى‬ ‫دى‬ ‫الام‪:‬قلتلك ميت مرة تعالى معايا النادى والحفلات بتاعة‬ ‫قرايبنا وصحباتى انتى اللى مش بترضى وعقدالى مع‬ ‫حتة البت بنت عمتك اللى عيزاكى تشتغلى فى بيوت‬ ‫الناس عشان يشمتو فينا‬ ‫سها‪:‬يا ماما دعاء ملهاش دعوة هيا وصلتلى العرض‬ ‫وانا عايزة اشتغل‪.‬ثم بيوت الناس اية يا ماما اللى‬ ‫هشتغل فيها انا رايحة ادرس مجالى اللى بحبة فيها ايه‬ ‫دى بس؟‬ ‫الام بغضب‪:‬مكنش المفروض توصلك حاجة اصلا‬ ‫كان المفروض ترفض علطول انما هي واحدة غبية‬ ‫سها‪:‬يا ماما من فضلك خليكى فيا انا ومتتكلميش عن‬ ‫حد غايب بالطريقة دى حرام‬ ‫الام‪:‬انتى تسكتى خالص ‪........‬من ساعة ملبستى البتاع‬ ‫اللى على دماغك دة وانتى خلاص اتجننتى‬

‫اتاهم صوت الاب قادما باتجاههم وقد وصلة صوت‬ ‫مشادتهم‬ ‫الاب‪:‬اية يا علا فيه اية ؟مزعلة سها لية؟‬ ‫علا‪:‬انت لو سمعت اللى بتقولة هتعذرنى يا هشام‬ ‫هشام بحنان وهو يربت على راس ابنتة‪:‬مالك يا سها‬ ‫؟عايزة اية يا حبيبتى؟‬ ‫سها وقد شعرت بالاطمئنان لحديث والدها الذى تقرب‬ ‫منها حديثا واصبح يراعى شعورها وارادتها‪ :‬ابدا يا‬ ‫بابا‪.‬كنت بستاذن ماما عشان فى ناس محتاجينى ادى‬ ‫درس لغة لبنتهم فزعلت زى ما انت شوفت كدة‬ ‫توقعت علا ان ينتفض هشام مثلها عندما يسمع الفكرة‬ ‫وان يبدأ بتانيب سها على ما تفكر بة لكنها ذهلت لردة‬ ‫هشام‪:‬طيب يا سها مش يمكن عندها اخوات شباب‬ ‫عشان كدة ماما قلقانة عليكى‬ ‫سها‪:‬لا يا بابا دول بنتين وولد صغير عايشين مع‬ ‫مامتهم وباباهم مسافر برة‬

‫علا محتجة‪:‬انت بتسال على اية يا هشام؟ دا بدل ما‬ ‫تقولها الموضوع دة منتهى ومتفتحوش تانى‬ ‫سها وقد فاض بها الكيل فتركت لدموعها العنان‪:‬حرام‬ ‫عيكى يا ماما بقى سيبنى مرة فى حياتى اخد قرار‬ ‫بنفسى ‪.......‬دى حاجة تخصنى انا سبينى بقى ولو مرة‬ ‫اعمل حاجة بحبها‬ ‫هشام‪:‬روحى يا سها اوضتك دلوقتى وكلمى الناس‬ ‫خدى معاد عشان تبداى فى اقرب وقت‬ ‫همت علا بالاعتراض لكن هشام اوقفها بنظرة غاضبة‬ ‫منه‬ ‫مسحت سها دموعها بسرعة‪:‬بتتكلم بجد يا بابا‬ ‫هشام وهو يضع يدة على صدرة‪:‬عيييب ‪......‬دا اتش‬ ‫اللى بيوعدك‬ ‫سها مقبلة والدها وهى تهم بالانصراف‪:‬ربنا يخليك ليا‬ ‫يا بابا وميحرمنيش منك‬

‫ذهبت سها فبدا وابل من غضب علا ينفث فى وجه‬ ‫هشام الذى انهى الموضوع بكلمات صارمة لعلا‪:‬انا‬ ‫راجل البيت وانا اللى اقرر اوافق ولا لا وانا مش‬ ‫شايف فى اللى سها عايزاه حاجة غلط سيبى البنت بقى‬ ‫تشوف طريقها‬ ‫علا ‪ :‬يعنى اية مليش كلمة عليها ؟مش بنتى زى ماهى‬ ‫بنتك؟‬ ‫هشام منهيا للحوار وقد هم بتركا‪:‬لا بنتك يا هانم بس‬ ‫افتكرى ان اخر مرة وقفنالها وغصبناة على حاجة‬ ‫مش عايزاة كانت النتيجة ماساة بمعنى الكلمة‬ ‫‪................................‬‬ ‫بالفعل تحدثت سها مع ابنه عمتها دعاء وابلغتها‬ ‫بالموافقة وانها جاهزة للذهاب فى اى موعد‬ ‫كانت فى غاية السعادة عندما تلقت مكالمة من دعاء‬ ‫تخبرها فيها بالعنوان وموعد ذهابها الذى انتظرتة‬ ‫بفارغ الصبر وكانها فراشة حبست فى يرنقتها كثيرا‬

‫وقد حان اخيرا اوان خروجها الى الضوء لتفرد جناحها‬ ‫وتبدا بالطيران‬ ‫‪..........................‬‬ ‫فى منزل منار يرن جرس الباب لتدرك انها( مس سها)‬ ‫منار من حجرتها‪:‬افتح الباب يا مهند انا بحضر الكتب‬ ‫فتح مهند الباب ليقابل بامراة جميلة تتميز بعينين‬ ‫رماديتين تبدو فى منتصف عقدها الثانى ترتدى‬ ‫بنطلون جينز واسع يعلوة قميصا قطنيا وردى وتلف‬ ‫حجابا بسيطا يجمع اللونين‬ ‫سها‪ :‬السلام عليكم دة منزل الا ستاذ عصام بركات‬ ‫هز مهند راسة بالايجاب يبنما كان فاغرا فاة كانه يرى‬ ‫فتاة من كوكب اخر‬ ‫سها مبتسمة‪:‬طيب انا مس سها مدرسة الانجلش ممكن‬ ‫ادخل‬ ‫مهند وهو لا يزال(متنح‪):‬ها‪......‬اه طبعا اتفضلى‬

‫ادخلها مهند الى غرفة الصالون بينما كانت سها تكتم‬ ‫ضحكاتها على تصرفاتة‬ ‫خرجت اليها منار بسرعة وكذلك جالستها نفين التى‬ ‫احبت سها كثيرا وارتاحت لها‪ .‬اما منار فقد رددت فى‬ ‫سرها ‪:‬اللللللللعب‪............‬ايوة بقى ‪.....‬هما دول‬ ‫مدرسين اللغة ولا بلاش‪.‬‬ ‫انتهت سها من التعرف الى منار والدتها والتعرف الى‬ ‫طبيعة المنهج ثم حددت مع منار الاوقات المناسبة‬ ‫للتدريس حيث اضطرت الى جعلها اربعة ايام اسبوعيا‬ ‫نظرا لاقتراب موعد الامتحانات النهائية‬ ‫استاذنت سها بالانصراف فهمت نفين بايصالها لكن‬ ‫سها رفضت بادب‪:‬خليكى مستريحة يا طنط انا حفظت‬ ‫السكة‬ ‫خرجت سها من شقة منار لتفاجئ بطلفة صغيرة تحبو‬ ‫نحو السلم وقد اقتربت من الوقوع فرمت حقيبتها‬ ‫بسرعة ورفعت الصغيرة بين يديها قبل ان تسقط‪.‬‬

‫زفرت بارتياح وهى تضم الصغيرة الى حضنها‬ ‫وجلست على السلم‪:‬الحمد لله لحقتك‬ ‫ثم نظرت اليها فاذا بها تنظر لها باستغراب شديد‬ ‫وكانها تقول لها‪ :‬وجهك غريب‪....‬من انتى؟‬ ‫ابتسمت للصغيرة بحنان وداعبت انفها وهى تقول لها‬ ‫بهمس‪:‬كنتى هتوقعى وتتعولى اف‪........‬والواوا كانت‬ ‫هتوجعك اى‬ ‫بدا للصغيرة انها تداعبها فاخذت بالابتسام لها وهى‬ ‫تلتمس وجو سها بيدها الصغيرة فما كان من سهى‬ ‫سوى ان تهز راسها بهيام للطفلة وتكمل همسا‪:‬انتى تبع‬ ‫مين يا كوكو‪ .‬ها‪........‬مين الوحشين اللى سبوكى كدة‬ ‫اجفلت للصوت الرجولى الذى اتى من خلفها‬ ‫مازحا‪:‬تبعى‪.......‬انا الوحش اللى سبتها‬ ‫قامت من مكانها بسرعة وهى توجة له كلمات اللوم‬ ‫الممزوجة بالغضب‪:‬حضرتك بتهزر‪....‬البنت لحقتها‬

‫فى اخر لحظة كانت هتقع من السلم‪...‬اية الاستهتار‬ ‫اللى انت فية دة‪.......‬خلى فيه شوية مسؤلية‬ ‫ناولتة الطفلة وهى تقول جملتها الاخيرة ثم نزلت السلم‬ ‫مسرعة دون انتظار المصعد او حتى ردة على ما قالتة‬ ‫او بالاحرى على توبيخة‬ ‫وقف مكانة متسمرا للحظات حتى اجفل على يد ماجد‬ ‫تربت على كتفة‪ :‬اية ياض انت اللى موقفك كدة؟ ساعة‬ ‫بتجيب البنت‪........‬امال لو كنت بتغيرلها كنت قعدت اد‬ ‫اية؟‬ ‫لم يبد الشاب اى ردا بل استدار الى ماجد‪ :‬طب اية‬ ‫رايك بقى انت اللى هتغيرلها بقيت اليوم عقابا ليك‬ ‫ماجد‪:‬وانا مالى يا عم وانا اللى كنت قاعد ارغى‬ ‫ونسيت بنتى والباب مفتوح‬ ‫ثم ربت على كتفة متصنع الجدية‪:‬فكك يا عمدة انت‬ ‫اللى هتلبس فى الببى بردة‬

‫قال جملتة وفر هاربا الى الداخل بينما ركض عماد‬ ‫خلفة يلحقة وما ان قوبل بفوقية حتى اعاها الطفلة‬ ‫وركض خلف ماجد‪ .‬ظل الصديقان يلاحقان بعضهما‬ ‫قافزين فوق الكراسى بخفة بينما ظلت الصغيرة تصرخ‬ ‫وتصفق بقوة كانما تشاهد‪.................‬توم اند جيرى‬ ‫‪.................................................................‬‬ ‫‪..........‬‬ ‫نهاية الفصل الحدى عشر‬ ‫اظن انا كدة عدانى العيب‬ ‫الفصل الثانى عشر‬

‫احيانا ما تكون النظرة سهما من سهام الشيطان ليوقع‬ ‫الناس فى مصيدتة ‪..........‬مصيدة يكتب على بابها‬ ‫الحب فيهرع الناس اليها غير عابئين بمايهلكون بة‬ ‫انفسهم ‪.....‬يظنون ان الحياة قد فتحت لهم ابوابها فجأة‬ ‫ليجدو المتعة والسعادة فى هذا الحب ‪..........‬لكنهم‬ ‫يصدمون حين يقعون فى المصيدة ليجدو انفسهم وقد‬ ‫تجردو من ثوب الحياء فصارو يستشعرون الضياع‬ ‫والتيهة‬ ‫انه هذا الطاعون الذى صار يغزو عالمنا ذلك الطاعون‬ ‫الذى بات يصيب اكثر فئات المجتمع نضوجا وحيوية‬ ‫فيثنيهم عن الطاعة ويقودهم نحو حافة الشهوات‬ ‫والمعاصى‬ ‫‪.............................‬‬ ‫عن الحب من النظرة الاولى اتحدث‬ ‫‪.................................‬‬ ‫لكن ما يدعو الى الدهشة ان البعض يستغل نفس النظرة‬ ‫فى رضا الله ‪.......‬اعلم جيدا ان نظرة الفجأة لا يحاسب‬

‫عليها وان القلوب بيد الرحمن يقلبها كيف يشاء فاذا ما‬ ‫اثرت بك تلك النظرة فاتبع الطريق الحلال فى(( الحب‬ ‫من النظرة الاولى))ذلك الطريق الذى لا يملك سوى‬ ‫نهاية واحدة ترضى الله عز وجل بل ويثاب‬ ‫عليها(الزواج)‬ ‫لنعد الان الى قصتنا حيث اصيب احد افرادها بهذا‬ ‫السحر‬ ‫فى البداية ظن عماد انة يستطيع ان يتسلى قليلا فقد‬ ‫شعر باضطراب فى مشاعرة فور وقوع عينية على‬ ‫تلك الفتاة التى اصطدمت بة لتوها‪......‬حاول جاهدا ان‬ ‫يصل اليها ليوقع بها فى مصيدتة‬ ‫لكن الفتاة ما كانت تستجيب ابدا فقد ابتعدت عن ذلك‬ ‫الطاعون الذى اصيب بة غيرها بالرغم من نفس‬ ‫الاضطراب الذى كان يلاحق مشاعرها اذا ماذا ظهر‬ ‫ذلك الاخرق عماد‬ ‫كان يكبرها بعامين فى نفس الكلية حاول معها مرارا‬ ‫وتكرارا لكنها لم تستجب‪.‬‬

‫الى ان نصحة بعض الرفقة الفاسدة( ‪:‬تقل العيار حبتين‬ ‫)‬ ‫حينها لم يجد ردا منها سوى صفعة مدوية على وجهه‬ ‫‪.‬تجمع على اثرها بعض الزملاء الذين كان منهم‬ ‫ماجد‪.‬فى ذلك الوقت كان ماجد زميلا للفتاة فى نفس‬ ‫الفرقة كان الجميع يشهد بادبها واخلاقها ‪.‬حينها احتد‬ ‫الحوار بينة وبين عماد‪ .‬ذلك الحوار الذى كانت نهايتة‬ ‫صداقة وتيدة بينهما رغم فارق العمر وكذلك اصلاح‬ ‫حال عماد الذى كان فقط يحتاج الى صحبة صالحة‬ ‫ليصبح (‪.......‬عماد المحترم)‬ ‫كان عماد وقت ذاك بالسنة الاخيرة وقد اخذ عهدا على‬ ‫نفسة بعدم مضايقة الفتاة مرة اخرى حتى يتخرج‬ ‫ويتقدم للزواج بها‪.‬‬ ‫اتق الله فى نفسة وفيها فرزقة الله حبها والن لة قلبها‬ ‫احبها عماد كثيرا فقد كان يرى فيها سببا فى تغيرة‬ ‫للافضل وقربة من ربة‬ ‫لطالما اعانتة على الطاعة‬

‫لطالما كانت الزوجة الصالحة التى توفر لزوجها‬ ‫السكن والراحة‬ ‫لطالما كان حنانها وحبها يعوضناة فقدان ابوية لطاما‬ ‫وجد فى حضنها الامان والطمئنينة‬ ‫لن اقول لكن‪ ......‬فهى عادة للاعتراض والمؤمن لا‬ ‫يعترض على حكم الله فية ابدا بل يصبر ويحتسب‬ ‫ويزداد ايمانا كما فعل عماد‬ ‫نعم‪ ........‬فقد توفيت وفاء فى عام زواجهما الاول‬ ‫قدر لها ان تموت اثناء الولادة عندما اتت للحياة تلك‬ ‫الطفلة الجميلة التى سماها عماد ايضا( وفاء)‬ ‫كان يصبر نفسة بالنظر اليها دائما يسبح الله كلما تذكر‬ ‫موت امها وخروجها للحياه يتذكر دائما قول الله‬ ‫تعالى(يخرج الحى من الميت ويخرج الميت من الحى)‬ ‫‪.................................................‬‬

‫كانت فوقية تزور نفين كعاتها حين اتت سها لتدريس‬ ‫منار‪.‬سلمت بأدب ثم اتجهت الى غرفة المكتب حيث‬ ‫كانت منار تتلقى الدروس فيها‬ ‫فوقية‪:‬مين دى يا نفين؟‬ ‫نفين‪:‬دى مدرسة منار بتاعة اللغة‪.‬تبارك الله فى جمالها‬ ‫واخلاقها‬ ‫فوقية‪:‬فعلا‪ ..‬ماشاء الله امورة اوى‬ ‫نفين بحزن‪:‬خسارة الحلو ميكملش والله صعبانة عليا‬ ‫اوى يا حبيبتى مكملتش خمسة وعشرين سنة ومطلقة‬ ‫فوقية بتاثر‪:‬دى مطلقة؟ليةكدة؟والله افتكرتها انسة‬ ‫نفين‪:‬انا بردو افتكرت زيك كدة فى الاول بس مى‬ ‫قالتلى ان صاحبتها كانت قالتلها انها مطلقة‬ ‫فوقية‪ :‬لا حول ولا قوة الا بالله‪.‬‬ ‫‪..................................‬‬ ‫فى جامعة مى تقابل مى صديقتها دعاء‬

‫دعاء‪:‬ازيك يا بت يا مى؟عاملة اية؟‬ ‫مى مهاجمة‪:‬عملك اسود ومهبب على دماغك كانت‬ ‫شورة منيلة‬ ‫دعاء بدهشة‪:‬اية يا بت انتى حد جية جنبك؟‬ ‫مى‪:‬اية البت بنت خالك دى ؟بدبسينى يا دعاء؟سنتك‬ ‫سودة مخططة اسمر ومنقطة زفت‬ ‫دعاء بجدية‪:‬على فكرة سها انسانة محترمة ورقيقة‬ ‫جدا قبل ماتقولى اى حاجة‬ ‫مى مدعية الحزن الشديد‪:‬مهى دى المصيبة‪.‬انتى يا بت‬ ‫انتى بعتالنا بنت خالك الصاروخ دى عشان توقف حالنا‬ ‫انا والغلبانة اختى ‪.‬دا الواد مهند اللى مجبش خمناشر‬ ‫سنة بيبصبصلها‬ ‫دعاء‪:‬هههههههههههههههههههه يخربيتك يا مى وقعتى‬ ‫قلبى يا شيخة انا افتكرتك بتتكلمى جد هههههههههههه‬ ‫دة انتى طلعتى مسخرة‬

‫مى ضاحكة‪:‬هههههه شربتيها يا هبلة !امال بس‬ ‫عملالى فيها مقطعة السمكة وديلها وانتى طلعتى‬ ‫شفشق اس اتنين‬ ‫دعاء‪:‬ومين شفشق اس واحد يا خفة‬ ‫مى‪:‬اختشى العزيزة بلا فخر‬ ‫ثم اعتدلت مى فى مكانها وتحدثت بجدية‪:‬صحيح يا‬ ‫دعاء سها مطلقة زى ما قولتيلى؟‬ ‫دعاء بحزن‪:‬ايوة‪ ......‬منه لله الى كان السبب‬ ‫مى‪:‬بس هى واضح فعلا انها انسانة محترمة جدا هى‬ ‫اينعم لبسها مش زينا بس بردة محترم مش زى بقيت‬ ‫البنات اللى محجبين ومش محجبين دول عارفاهم؟‬ ‫قالت جملتها وهى تشير براسها الى بعض الفتيات‬ ‫المارات‬ ‫دعاء‪:‬يا بنتى سها ماكنتش كدة خالص‪.‬انتى لو شوفتيها‬ ‫من سنة واحدة مكنتيش تعرفيها‪.‬مكنش فى فستان فيكى‬ ‫يا مصر‪ .....‬لا مصر اية‪ ......‬فيكى يا اوروبا عريان‬

‫وقصير مش عندها والخروجات والسهرات مقولكيش‬ ‫‪........‬يمكن سها طول عمرها فعلا حلوة وبطبعها‬ ‫رقيقة وحساسة وعمرها ما كانت متكبرة عشان كدة‬ ‫طول عمرى بحبها بس فعلا الحجاب غيرها كتير‬ ‫وخصوصا العمرة اللى راحتها بعد الازمة اللى مرت‬ ‫بيها‬ ‫مى مستفهمة‪:‬ازمة اية؟‬ ‫دعاء وقد شعرت انها تفوهت باكثر من الازم عن سها‬ ‫‪:‬ها‪ .......‬لا ماتخديش فى بالك‬ ‫فهمت مى ما يدور فى عقل صديقتها فاثرت الصمت‬ ‫عن هذا الموضوع وتغييرة‪:‬طب يلا قومى بقى ورانا‬ ‫محاضرة‬ ‫‪............................................‬‬ ‫فى منزل ماجد‬ ‫ماجد‪:‬اية بس يا ماما مجرجرانى من قفايا زى‬ ‫المخبرين كدة لية؟‬

‫فوقية بجدية وهى تمسكة من يدة ليجلس‪:‬اقعد بلاش‬ ‫غلبة‪ .‬عايزاك فى موضوع مهم مش عايزة هزار‬ ‫ماجد باهتمام‪:‬موضوع اية يا ماما؟بخصوص‬ ‫اية؟قلقتينى‬ ‫فوقية‪:‬بخصوص عماد؟احنا هنسيب الواد كدة يا حبيبى‬ ‫لوحدة هو وبنتة؟‬ ‫ماجد‪:‬يا ماما قلقتينى انا قلت الموضوع كبير‪.‬وبعدين‬ ‫ماله عماد يا ماما؟ مهو كويس وانا والله مريحة فى‬ ‫الشغل خالص ومقدر الظروف‬ ‫فوقية وهى تضربة بخفة على راسة‪:‬ظروف اية يا واد‬ ‫انت؟وانا جبت سيرة الشغل اصلا دا لو اشتكى انك‬ ‫مدايقة اصلا مش هيحصلك طيب‬ ‫ماجد‪:‬ايوة صح مش بعيد تمدينى على رجلى‬ ‫فوقية‪:‬نتكلم جد بقى‬ ‫هز ماجد راسة موافقا‪:‬نتكلم جد‬

‫فوقية‪:‬عماد لازم يتجوز ‪.........‬حتى لو شايف دلوقتى‬ ‫انه واخد بالة من بنتو لوحدة بعد كدة مش هيعرف‬ ‫البنت كل ما بتكبر بتعوز مراعاه اكتر البنت محتاجة ام‬ ‫يا بنى‬ ‫ماجد زافرا بتفكير‪:‬والله يا ماما عندك حق البنت اصلا‬ ‫من دلوقتى متبهدلة معاة من هنا لاهل مراتة الله‬ ‫يرحمها لعندة للدادة اللى مش عارف يجبها عشان‬ ‫عايش لوحدة ‪.‬بس صدقينى انا اصلا مقدرش افاتحة فى‬ ‫الموضوع دة انت عارفة كان بحب مراتة قد اية‪.‬مش‬ ‫هينفع يا ماما‬ ‫فوقية‪:‬هاتهولى بس انا هكلمة بس لازم تبقى معايا‬ ‫عشان نعرف نقنعة‬ ‫ماجد‪:‬يا ماما المشكلة مش بس انو يرضى‪ .‬لازم يكون‬ ‫فى واحدة تنفع تبقى ام لوفاء مش هيتجوز اى واحدة‬ ‫والسلام يعنى تمرمطلو البنت اكتر‬

‫فوقية وهى تشير برأسها ناحية بابا الشقة الذى يقابلة‬ ‫باب شقة منار‪:‬من الناحية دى اطمن بنت الحلال‬ ‫موجودة فى الشقة اللى قدامنا‬ ‫هب ماجد واقفا‪ :‬مين دى اللى موجودة وبنت حلال؟‬ ‫انتى بتتكلمى عن مين بالظبط؟‬ ‫ضحكت فوقية لردة فعل ماجد‪ .‬ذلك الابلة كيف يعتقد‬ ‫اننى سازوج عماد فتاة فى الثانوية لقد جن جنونة حقا‪.‬‬ ‫فوقية بنظرة ماكرة‪:‬هكون بتكلم عن مين يعنى؟خمن‬ ‫انت كدة؟‬ ‫ماجد مرتبكا‪ :‬اخمن اية بس يا ماما؟احنا هنلعب‬ ‫ثم‪..........‬ثم منار لسة صغيرة انتى بتتكلمى فى اية؟‬ ‫فوقية وهى تكاد تمسك نفسها من الفرحة‪ :‬انا جبت‬ ‫سيرة منار ؟ثم فى مى ولا انت مفيش فى بالك غير‬ ‫منار‬

‫ظهر الارتياح جليا على وجة ماجدالذى لم يدم طويلا‬ ‫حتى ادرك ما ترمى الية والدتة بقولها‪(:‬ولا انت مفيش‬ ‫فى بالك غير منار؟)‬ ‫ماجد بارتباك اكثر من السابق‪:‬طب‪ ....‬طب مهى مى‬ ‫بردة متنفعوش‪.......‬دى لسة فى الكلية‪ .......‬وبعدين‬ ‫نسيتى وفاء؟ مش هيوافقو طبعا‬ ‫فوقية وهى تكتم ضحكاتة على ارتباكة وهى تشعر‬ ‫بالفرحة فكلما زاد ارتباكة تاكدت ظنونها‪:‬ولا مى‬ ‫كمان يا سيدى انا قولت بنت الحلال فى الشقة دى لا‬ ‫قولت منار ولا مى‬ ‫ماجد باستغباء متعمد‪:‬طنط نفين؟كبيرة علية اوى‬ ‫؟وبعدين الشرع حلل للست واحد بس على زمتها‬ ‫نفين وهى تبحث حولها عما قد تضربة بة‬ ‫محذرة‪:‬هضربك يا ماجد ‪..........‬مش عايزة استغباء‬ ‫ماجد‪:‬هههههههههه طب خلاص خلاص ما انا بردة‬ ‫مش فاهم عماله تقولى طلاسم من الصبح يا ماما‬ ‫راسينى عالحوار طيب‬

‫نفين‪:‬ارسيك عالحوار!ما علينا‪ ...‬بص يا سيدى‪ ..‬فى‬ ‫مدرسة بتيجى لمنار ما شاء الله عليها ادب واخلاق‬ ‫وبنت ناس محترمين جدا وكمان حلوة وصغيرة بتاعة‬ ‫‪25‬سنة كدة‬ ‫ماجد باستنكار‪:‬ودى ان شاء الله هترضى بعماد بمناسبة‬ ‫اية؟‬ ‫فوقية‪:‬ماهى يا حبيبتى مطلقة‪ .‬يعنى ممكن ترضى‬ ‫ماجد‪:‬ياماماواحدة بالمواصفات دى كون انها مطلقة دى‬ ‫حاجة متيعيبهاش ممكن اوى مترضاش‬ ‫فوقية‪:‬طب ما انا لازم املى ايدى من عماد عشان‬ ‫افاتحها واعرف رايها‬ ‫ماجد‪:‬خلاص يا ماما احنا معزومين عند الواد فؤاد انا‬ ‫وهو بكرة عشان العيادة الجديدة هفاتحة فى الموضوع‬ ‫وهو يبقى فؤاد معايا ‪.‬اهو نحاول معاة وربنا يقدم اللى‬ ‫فى الخير‬ ‫فوقية‪:‬يا رب اهديه يا رب ووفقة لبنت الحلال‬

‫ماجد بصبيانية‪:‬وانا يا ماما‪ ......‬وانا يا ماما مليش‬ ‫دعوتين من دول‬ ‫فوقية بغمزة‪:‬لا انت خلاص ربنا وفقك‬ ‫ماجد محرجا من تلميحات والدتة‪:‬طب يا ماما اقوم انا‬ ‫بقى اروح الشركة لحسن اتاخرت‬ ‫خرج ماجد بينما انفجرت فوقية من الضحك على‬ ‫تصرفاتة وارتباكة‬ ‫‪............................................‬‬ ‫فى النادى حيث كان عزومة فؤاد لصديقية عماد وماجد‬ ‫بمناسبة العيادة الجديدة(( اللى دبسة فيها عماد ))جلس‬ ‫الاصدقاء الثلاثة يتبادلون الاحاديث والضحكات‬ ‫عماد‪:‬هههههه وربنا لادفعك دم قلبك يا بخيل يا جلدة‬ ‫فؤاد‪:‬اطفح وانت ساكت احسنلك بدل ما اخليك تغسل‬ ‫الصحون تمن الاكل‬

‫ماجد‪:‬ياض يا جلدة انت على قلبك قد كدة دا انت جراح‬ ‫بتاخد فى العملية اربع خمستلاف على الاقل‬ ‫فؤاد وهو(يخمس فى وشة‪):‬قروكو عليا دة اللى هجيبلى‬ ‫الكافية‪ .....‬وبعدين ما انا عازمكو اهو يا ندل منك لة‬ ‫‪....‬مطلعتش منكو يا اصحاب الشركات والاملاك‬ ‫عماد‪:‬يالا هتنق على حتة الشركة اللى دفعنا فيها اللى‬ ‫ورانا وقدامنا؟‪ ........‬كل كل سديت نفسى الله يقرفك‬ ‫نقل فؤاد نظرة بين طبق عماد الفارغ تماما والذى كان‬ ‫مليئا منذ دقائق عن اخرة وبين وجة عماد‬ ‫فؤاد‪:‬وحياة خالتك‪ ......‬امال لو كت فتحت نفسك كت‬ ‫عملت اية؟‪...........‬هارسود لتروح تحلى بالبت‬ ‫الغلبانة بنتك‬ ‫عماد وهو يكاد يقفز فرحة‪:‬اسكت يا فؤاد صحيح مش‬ ‫قالتيلى امبارح يا بابا‬

‫ماجد‪:‬كداب فى اصل وشك‪ .......‬هى بتشوف خلقتك‬ ‫كام ساعة اصلا عشان توقلك يا بابا‪...........‬انت اخرك‬ ‫بابا غنوج‬ ‫عماد مؤكدا‪:‬طب والله رحت اخدها من عند جدتها اول‬ ‫ما شافتنى قعدت تقول بب بب‬ ‫فؤاد‪:‬تلاقى البت ياحبة عين امها كانت بتقول بعبع‬ ‫الحقونى‬ ‫عماد‪:‬احسن من ابنك اللى بيقولك مار اول ما‬ ‫يشوفك‪..............‬الا قولى صحيح ‪......‬بتعملو حمار‬ ‫كم مرة فى الاسبوع؟‬ ‫فؤاد‪:‬اسكت بقى الله يكسفك‬ ‫لم يستطع ماجد ان يتوقف عن الضحك اثناء حديثهما‬ ‫ومعايرتهما لبعضهما البعض بما يفعلة بهم الابناء‬ ‫فالتفت اليه الاثنان بغضب‬ ‫عماد‪:‬بتضحك على اية يا فاشل‬ ‫ماجد‪ :‬بضحك عليكو طبعا دة انتو عملين مسابقة ردح‬

‫فؤاد بخبث‪:‬زى اللى عملتاها للبنية الغلبانة‪.‬‬ ‫وحاول تقليدة لكن بميوعة وهو يقول‪:‬مينفعش‬ ‫انتى‪.......‬خلصنا‬ ‫عماد‪:‬ودة اسمة اية دة بقى ان شاء الله‬ ‫ارتبك ماجد ولم يجد ما يقولة فصاح فؤاد وهو يقلد‬ ‫المذيعين ويمد يدة كميكريفون الى ماجد ‪:‬ومعانا‬ ‫متسابق جديد من العاصمة الصومالية مدغشقر بنحية‬ ‫ونقولة‪ ........‬الو‬ ‫عماد‪:‬اللللعب ‪ .....‬والواد الاهبل دة يعرف قبلى؟‬ ‫‪........‬ارمى بياضك يا شبة‪ .‬انطق ياض بسرعة قبل‬ ‫خلى فؤاد يكمل الاذاعة اللى افتتحها‬ ‫ماجد صائحا بغضب‪:‬اخرص ياض منك له‪ .‬ومش‬ ‫عايز الموضوع دة يتفتح تانى‪ .‬بجد لو اتفتح تانى‬ ‫هنزعل من بعض‬ ‫ثم قام مغادرا المكان بل النادى كلة تاركا صديقاة‬ ‫يتبادلان نظرات الاستغراب‬

‫فؤاد‪:‬مالة دة؟انا قولت حاجة غلط؟‬ ‫عماد وهو ينظر بالاتجاة الذى ذهب منة ماجد‪:‬مش‬ ‫عارف‪.‬بس اللى متاكد منه ان ماجد واقع فعلا‬ ‫ثم اللتفت الى فؤاد‪ :‬خد هنا يالا ‪.......‬مدغشقر اية اللى‬ ‫بتتكلم عنها؟على اساس ان عمر اهلك روحت‬ ‫الصومال اصلا؟‬ ‫فؤاد‪:‬على اساس ان مدغشقر دى عاصمة الصومال‬ ‫اصلا‬ ‫ثم وضع يدة تحت ذقنة مدعيا التفكير‪:‬كانت عاصمتها‬ ‫مقديشيو باين؟‬ ‫عماد‪:‬انتى هتقلبهالى حصة جغرافيا؟قوم روح خنقتنى‬ ‫وزبنت الواد كتك القرف‬ ‫فؤاد‪:‬تصدق غلطتى مالاول انى بقعد مع اشكالكو‬ ‫هم عماد بلكمة والرد علية لكن اوقفة رنين هاتفة‬ ‫عماد‪:‬التليفون انقذك يا جزمة‬

‫نظر فى شاشة هاتفة فوجدة ماجد‪ :‬استنى يالا دة ماجد‬ ‫رد عماد‪:‬ايوة يا بنى انت روحت فين‬ ‫ماجد‪:‬انا فى طريقى خلاص داخل على بيتنا ‪...........‬‬ ‫حصلنى عايزك‬ ‫عماد‪:‬فى حاجة حصلت ؟‬ ‫ماجد‪:‬مفيش حاجة يا عم‪ .......‬تعلالى عايزك وماما‬ ‫كمان عايزة تشوفك‬ ‫عماد‪:‬ماشى يا ماجد ‪.‬مسافة السكة‬ ‫اقفل هاتفة وهم بالمغادرة‪:‬ابقى خف شوية يا‬ ‫فؤاد‪......‬الموضوع شكلة جد‬ ‫‪...............................‬‬ ‫ذهب عماد الى ماجد معتقدا ان الموضوع يخص ماجد‬ ‫لم يعلم ان فوقية تحضر لة مفاجأة من النوع الثقيل‬ ‫هب عماد واقفا‪:‬بتقولى اية يا ماما؟جواز اية وبتاع‬ ‫اية؟اللى بتقولية دة مستحيل‬

‫فوقية مهدأة‪:‬اقعد بس يا حبيبى متخدش الموضوع قفش‬ ‫كدة‬ ‫عماد موجها نظرة لماجد‪:‬لو قالى مكنتش جيت اصلا‬ ‫ماجد‪:‬يا بنى ادم افهم‪ .‬واحنا بنقولك روح امشى فى‬ ‫الحرام بنقولك اتجوز عشان خاطر بنتك ولا متهمكش‬ ‫راحتها‬ ‫عماد‪:‬بنتى مرتاحة كدة وانا مقصرتش معاها فى حاجة‬ ‫ماجد‪:‬انت بتضحك على مين يا ابنى انت؟علينا ولا‬ ‫على نفسك؟بنتك مكملتش سنة يا عماد وانت لايص‬ ‫بيها فاكر اخر مرة لما تعبت عشان هدومها اتبلت وانت‬ ‫حتى معرفتش تغيرلها ‪.......‬فاكر‬ ‫طب فاكر لما جدتها تعبت اخر مرة ومعرفتش توديها‬ ‫لحد واخدت اجازة لولا كدة مكناش عرفنا‬ ‫فوق يا عماد بنتك محتاجة ام‪.‬بطل انانية بقى‬ ‫نظر عماد ارضا ولم يستطع الاجابة فما يقولة ماجد‬ ‫صحيح تماما لكن ماذا يفعل؟هو لا يستطيع حتى ان‬

‫يتصور انه قد تكون لة زرجة غير وفاء ؟قد توقظة من‬ ‫النوم امراة غير وفاء؟قد يدلل امراة غير وفاء؟‬ ‫يا الهى لكم هو مؤلم فراقك يا وفاء‬ ‫فوقية وهى تربت على كتفة بحنان‪:‬عارفة يا عماد اللى‬ ‫بتفكر فية ‪....‬عمر ماحد يقدر يطالبك انك‬ ‫تنساها‪.....‬وفاء محفورة فى قلبك وكيانك وعمرها‬ ‫ماهتخرج بس تفتكر هى مبسوطة وبنتها متلطمة كدة؟‬ ‫نظر لها عماد بألم بينما اردفت‪:‬بتبصلى كدة لية؟ايوة‬ ‫بنتك متلطمة‪......‬مهو اللى ابوة بيموت بيبقى يتيم بس‬ ‫اللى امه بتموت بيبقى اسمة لطيم‬ ‫اثرت تلك الكلمات بماجد كما اثرت بعماد فماجد‬ ‫بالنهاية يتيم الاب ايضا‬ ‫عماد بالم‪:‬سيبنى افكر يا امى فى الموضوع دة‬ ‫فوقية بابتسامة فهى قد حققت نجاحا باهرا بمجرد‬ ‫موافقتة للتفكير‪:‬ربنا ييسرلك الخير يابنى‬

‫خرج عماد الى الشارع ليجد قطرات المطر تسبقة فى‬ ‫النزول‪ .‬كم كان محتاجا لها لتخفى دموعة التى غلبت‬ ‫قواة وقف تحت المطر الذى اشتد بغزارة وبلل كافة‬ ‫ملابسة وقف يبكى بصمت تنساب دموعة مع قطرات‬ ‫المطر التى تبلل وجهه بينما كانت هناك عينان‬ ‫رماديتان تتابعة بصمت‪.‬‬ ‫‪..............................................................‬‬ ‫نهاية الفصل الثانى عشر‬ ‫الفصل الثالث عشر‬

‫عاد ماجد الى بيتة منهكا بعد يوم طويل فى التقصى‬ ‫والبحث مع فؤاد‪.‬قابلتة فوقية بوجة قلق‬ ‫فوقية‪:‬لسة مفيش اخبار يا ماجد؟‬ ‫ماجد وهو يتهاوى على اول مقعد قابلة‪:‬لا يا ماما مفيش‬ ‫اى اخبار‪........‬ودى وفاء عن جدتها من ساعة ممشى‬ ‫من هنا ومحدش يعرف راح فين‬ ‫فوقية وقد زاد قلقها‪:‬يا قلبى يا بنى‪ .........‬انا حتجنن يا‬ ‫ماجد راح فين بس‬ ‫ماجد‪:‬اهدى بس يا ماما خير ان شاء الله‬ ‫فوقية بصوت اقرب للبكاء‪:‬خير ازاى‪ .......‬دة يا‬ ‫حبيبى بقالو يومين منعرفش عنة حاجة‪ ......‬انا قلبى‬ ‫وكلنى ‪........‬ليكون عمل فى نفسة حاجة‬ ‫ثم انهمرت فى البكاء‪:‬يا رتنى مكلمته ولا جبتلة سيرة‬ ‫الموضوع دة على لسانى‬

‫ماجد ‪ :‬ملوش لازمة الكلام دة دلوقتى يا ماما ‪ .‬لو‬ ‫مظهرش انهاردة هروح انا وفؤاد بكرة الصبح نبلغ‬ ‫البوليس‬ ‫فوقية وقد سلمت امرها لله‪:‬يا رب طمنا علية يا رب‬ ‫‪.‬انت اعلم بحالة مننا وحال بنتة اللى ملهاش غيرة بعدك‬ ‫يا رب‬ ‫‪.....................................................‬‬ ‫استيقظ ماجد هلعا فى منتصف الليل على صوت‬ ‫الجرس يقرع باستمرار وكان احدهم وضع يدة على‬ ‫زر الجرس ونسى ان يرفعها‬ ‫هرع الى الباب لفتحة تتبعة فوقية‪ .‬صدم كلاهما من‬ ‫منظرة الذى جاء علية‬ ‫ثيابة التى ارتداها اخر مرة ولكن فى صورة غير‬ ‫مهندمة‪.‬‬ ‫شعرة الاشعث وذقنة الطويلة‬

‫واخيرا عيناة الحمراوتان والهالات السوداء حولها‬ ‫وكانه لم يذق طعما للنوم منذ تركهما‬ ‫لم يكد ايا منهما يفق من صدمه رؤيته بهذة الصورة‬ ‫حتى وجدوة يستدير ذاهبا بعد ان القى على مسامعهما‬ ‫جملة واحدة‪ :‬انا موافق‪.‬دورو لوفاء على واحدة تنفع‬ ‫تبقى ام‬ ‫فوقية‪:‬الحق يا ماجد الواد المجنون دة رايح فين‬ ‫اسرع ماجد بجلب حذائة وركض خلفة مسرعا‬ ‫التحق بة فى الشارع ليجذبة من زراعة مرغما اياة‬ ‫على الاستدارة‪.‬‬ ‫اشفق كثيرا على صديقة الذى لم يلتئم جرحة للتو حتى‬ ‫فتح مجددا ليعود الية ذلك الحزن وتلك النظرة البائسة‬ ‫فى عينية‬ ‫اراد ان يلكمة لكمة قوية ليعاقبة على القلق والرعب‬ ‫الذى سببة اختفائة لكن مشاعر الحنين والاشفاق على‬ ‫حال صديقة غلبت هذة الارادة فجذبة من قميصة‬ ‫واحتضنة بقوة واخذ يربت على ظهرة‬

‫اما عماد فانهار فى البكاء وتشبث بماجد وكانه طفل‬ ‫صغير قد فقد امة للتو‪ .‬بكى كثيرا ‪....‬وظل ماجد يربت‬ ‫على ظهرة الى ان بدا يهدا‪.‬‬ ‫ماجد وهو يبعدة‪ :‬خلاص بقى يا خويا ‪......‬فضحتشنى‬ ‫فى المنطشقة وخليت سمعتشى فى الطشين‬ ‫شقت الابتسابة طريقها الى فم عماد رغما عنة على‬ ‫دعابة صديقة فمسح دموعة بكف يدة وجاراة‬ ‫الدعابة‪:‬انتى اصلا واطية من يومك وسمعتك مشوهة‬ ‫خلقة‪ ..............‬وبعدين حد عاقل يبص فى الخلقة‬ ‫العكرة دى‬ ‫ماجد واضعا يدة على خصرة مقلدا ميوعة الفتيات‪:‬لية‬ ‫يا خويا ان شاء الله‪ .‬دا انا حلوة ومدبلكة والف مين‬ ‫يهوانى ‪ .......‬يكش بس البعيد اعور مبشوفش‬ ‫قال جملتة الاخيرة وهو ينكز عماد‬ ‫نظر عماد الى حيث نكزة ماجد مدعيا الجدية‪:‬اسغفر الله‬ ‫العظيم ‪......‬انا كنت متوضى يا سفلة‬

‫لم يستطع ماجد ان يجارى الدعابة اكثر من ذلك فقهقه‬ ‫بشدة‪ :‬ههههههه يخربتك يا عماد ‪..........‬حتى وانت‬ ‫متنيل على عينك كدة هتموتنى من الضحك!‬ ‫عماد وقد اكتسى وجهه ببعض الحزن‪:‬لازم اعمل كدة‬ ‫عشان اعرف اعيش‪ .‬عشان مموتش مالنار اللى جوايا‬ ‫وضع ماجد يدة على كتف صديقة يحثة على التقدم نحو‬ ‫البيت‪:‬يلا يا عماد اطلع بس خدلك دوش وكلك لؤمة‬ ‫وبعدين نتكلم‬ ‫عماد زافرا بقوة‪:‬عارف انى مش هنفد منك ‪............‬‬ ‫بس انا هطلع اناااااااااااااااااااام ‪.‬انا جعان نوم وان شاء‬ ‫الله لما اصحى نبقى نتكلم‬ ‫ماجد‪:‬هتنام على سريرى بدقنك دى ؟‬ ‫عماد‪:‬يعنى هنام فى حضنك‪ !.‬قدامى يا جزمة‬ ‫‪......‬وربنا لانيمك فى الصالون‬