هل سأعود اليك يا من كنت حبيبى ؟!

‫لاحظ هشام التوتر الذى ساد الجمع لدى دخول علا فقام‬ ‫بتعريفها للجميع‪:‬مدام علا والدة سها يا جماعة‬ ‫مدت علا يدها للسلام على الجميع فسلمت عليها فوقية‬ ‫اولا ثم مدت يدها لماجد الجالس بجوار فوقية فالتقطتها‬ ‫فوقية ثانية‬ ‫نظرت عندها علا لهم بغرور واردفت بسخرية‪:‬هو‬ ‫الباشمهندس متوضى ولا اية؟‬ ‫هم ماجد بالرد لكن عماد سبقة ببرود‪:‬ايوة يا فندم‬ ‫معلش اصل صلينا العشا وجينا علطول‬ ‫بهتت علا لرد عماد ونظرت لسها لتجدها تنظر لعماد‬ ‫بذهول‬ ‫تدارك هشام الموقف سريعا‪:‬ربنا يبارك فيك يا بنى‬ ‫ثم اضاف كمن تذكر شيئا‪:‬يااااة شوفتوا بقى الكلام خدنا‬ ‫ونسيت اسألكو تشربو اية‪.....‬ها يا جماعة تشربوا اية؟‬ ‫فوقية‪:‬ملوش لزوم يا استاذ هشام‬

‫هشام‪:‬لا ازاى يا مدام فوقية انتوا ضيوفنا وان شاء الله‬ ‫نبقى اهل لازم تشربوا حاجة‬ ‫فوقية وهى تنظر لسها بابتسامة‪:‬يبقى نستنى اما سها‬ ‫تجيبلنا الشربات ولا اية رايك يا سها؟‬ ‫لم تعتقد سها ان الخجل قد ينال منها الى هذة الدرجة‬ ‫‪.‬هى تعلم جيدا انها ليست بكرا وانها ليست المرة‬ ‫الاولى التى تتزوج بها‪ .‬لكنها كانت المرة الاولى التى‬ ‫تمر بما تمر به باقى قريناتها من تقدم الاهل وانتظار‬ ‫رايها وذلك الخجل الذى زين وجنتاها بحمرتة‬ ‫المعهودة‪.‬‬ ‫نظرت ارضا لا تدرى ما تقول فربتت فوقية على كتفها‬ ‫بحنان ثم وجهت حديثها الى هشام ‪:‬اعتقد يبقى شربات‬ ‫يا استاذ هشام‬ ‫هشام بسعادة‪:‬طبعا يبقى شربات يا مدام فوقية‬

‫التفت الجميع الى عماد الذى فاجأ الجميع بكلامة‪:‬استنوا‬ ‫يا جماعة‪ .......‬بعد اذنك يا هشام بية انا عايز اتكلم مع‬ ‫مدام سها كلمتين الاول‬ ‫لم تعلم سها لم جرحتها لفظة مدام مع انها اعتادت‬ ‫سماعها من الاخرين‪ .‬االمها ان تنادى بمدام سها فى‬ ‫يوم ظنت فية لوهلة انها قد تكون عروسا حقيقة يتم‬ ‫طلبها يدها‬ ‫عادت الى ارض الواقع وقد وجدت نفسها تسير الى‬ ‫جانب عماد حول المسبح الذى تطل علية غرفة‬ ‫الصالون حيث يجلس الاخرون‬ ‫تعمد عماد ان تكون وفاء معهما ورفض اعطاؤها‬ ‫لفوقية او ماجد بحجة انها قد تبكى ان ظنته ذاهبا‬ ‫وسيتركها‬ ‫كان كلاهما يسير صامتا ينظر امامه وكأن كلاهما‬ ‫يبحث عن العبارات المناسبة ليلقيها على مسامع الاخر‬ ‫او بالاحرى ليلقى شروطة على مسامع الاخر‬ ‫اجفل عماد على يد سها تمتد امامه مطالبة بحمل وفاء‬

‫سها بابتسامه‪ :‬ممكن تديهالى اشيلها شوية‬ ‫عماد بجفاء‪:‬مش هترضى‪.‬متعودتش تروح لحد غريب‬ ‫سها بهدوء‪:‬بس هيا جاتلى قبل كدة‬ ‫هزت يدها فى الحاح واردفت‪:‬جرب مش هتخسر‬ ‫حاجة‬ ‫نقل عماد نظرة بين ابنتة ويد سها الممدودة‪ .‬اعطاها‬ ‫اياها منتظرا بكاءها كما اعتادت مع الغرباء لكنها لم‬ ‫تبكى بل ظلت تنظر لسها باندهاش فقط فبادرتها سها‬ ‫بالكلام بابتسامتها الحنون وهى تتصنع الاندهاش‪:‬مين‬ ‫دى يا ترى؟انا مش شوفت الوش الغريب دة قبل كدة‬ ‫اخذت الصغيرة كالمرة السابقة تداعب وجه سها بيدها‬ ‫الصغيرة بينما ضحكت سها‪:‬هههههه كدة تبقى‬ ‫افتكرتينى صح؟‬ ‫قبلت سها يدها الصغيرة الممتدة على فمها وداعبتها‬ ‫قليلا فاستكانت فى احضان سها دون اى مقاومة‬

‫عندها نظرت الى عماد واردفت بهدوء‪:‬الاطفال لما‬ ‫بيلاقو وجة جديد لازم يطمنوا من ناحيتة عشان‬ ‫بيكونوا خايفين‪ .‬زى ماتقول كدة بيبقوا مستنين حد‬ ‫يعرفهم علية‪.‬لما بنسكت بيخافوا اكتر فبيبدأوا يبكوا‬ ‫عماد بجفائة الذى لازمة ‪ :‬وانتى اتعلمتى الكلام دة‬ ‫منين؟‬ ‫سها محتفظة بهدوئها وهى تنظر لنقطه فى‬ ‫الفراغ‪:‬الحاجات اللى متعلقة ببراءة الاطفال‬ ‫مبنتعلمهاش يا بشمهندس‪ ............‬بنحسها‬ ‫عماد‪:‬عموما مش موضوعنا انا كنت عايز اوصلك‬ ‫كلمتين قبل اى حاجة وخدى قرارك على اساسهم‬ ‫سها‪:‬اتفضل‪...........‬سمعاك‬ ‫عماد‪:‬انا لما فكرت اتجوز كان عشان بنتى بس‬ ‫‪......‬لازم تبقى عارفة انى راجل كنت ولازلت بحب‬ ‫مراتى الله يرحمها‪ ...........‬يعنى متستنيش منى حاجة‬ ‫‪........‬انا طبعا عارف حقوقك عليا اللى منها معاملتك‬

‫بالمعروف بما يرضى الله‪ ........‬اكتر من المعاملة‬ ‫بالمعروف والود متنتظريش منى‪ .....‬ولازم تبقى‬ ‫عارفة ان وفاء عندى قبل كل حاجة‪..............‬فهمانى‬ ‫‪..‬وفاء قبل كل حاجة واى حاجة‬ ‫عندها توقفت سها وقد تذكرت سها حلمها‪ ..........‬باب‬ ‫البستان!‬ ‫حدثت نفسها ‪:‬نعم عرفت الان لم كان الباب قديما‪ .‬انه‬ ‫قلب عماد الذى بلى فى حب زوجتة‬ ‫عادت لتفكر فى الوحوش التى كانت تطارها عندما‬ ‫نظرت خلفها لتجد والدتها تدق الارض بكعب حذائها‬ ‫بعصبيية‬ ‫عندها عادت لتحدث نفسها وهى تتابع السير خلف‬ ‫عماد الذى التفت ينظر لها بسخرية‪:‬لا‪....‬لن اقف مكانى‬ ‫حتى يغلق الباب الوحيد الذى قد ينقذنى مما انا فية‬ ‫وصلت الى عماد وقد استعادت رباطة جأشها‬ ‫سها ببرود‪:‬خلصت اللى عايز تقوله؟اقدر اتكلم بقى‬

‫عماد ببرود مشابه مرددا كلماتها‪:‬اتفضلى ‪....‬سامعك‬ ‫سها‪:‬اولا بالرغم من ان حضرتك اتبعت الطريق الغلط‬ ‫فى الكلام اللى عايز توصلهولى الا انى بحترم‬ ‫صراحتك ووفائك لزوجتك‬ ‫ثانيا وقبل ما انت تقول‪ ..........‬وفاء مش قبل كل حاجة‬ ‫‪.....‬لا‪ ...‬وفاء اصلا كل حاجة‬ ‫ما ان نطقت جملتها الاخيرة حتى التفت بوجهه الي‬ ‫وجهها ليجدة يكاد ينفجر من الحمرة وعيناها‬ ‫الرماديتان معبئتان بالدموع التى ابت النزول امامه‬ ‫ابعد عيناه سريعا عنها ووضع يداة فى جيب بنطاله‬ ‫وهو يتابع السير‪:‬يبقى اتفقنا‪ ...........‬تحبى تشترى‬ ‫شبكتك امتى؟ قدامنا شهر عالفرح ‪.......‬اختارى اليوم‬ ‫اللى يعجبك‬ ‫توقفت سها مكانها تفكر قليلا ثم قالت فجأة‪:‬بكرة‬ ‫التفت اليها مستغربا فاردفت‪:‬عايزة اشترى الشبكة‬ ‫بكرة‪.......‬انت مش قولت اليوم اللى يعجبك؟‬

‫عماد بلا مبالاه‪:‬براحتك‪ .......‬انا جاهز‬ ‫سها‪:‬طيب يلا نروحلهم بقى‬ ‫عماد مادا يدة اليها ‪:‬هاتى البنت اشيلها تقيلة عليكى‬ ‫سها بابتسامة‪:‬دة على اساس انها كم كيلو يعنى؟‪ .‬ثم‬ ‫خلاص سيبها هى نامت لما تيجى تمشى ابقى خدها‬ ‫تفاجأ عماد بقولها الاخير فقد لفت صغيرته يديها بالفعل‬ ‫حول رقبة سها واستسلمت للنوم‬ ‫ابتسمت سها بانتصار فور رؤيتها علامات الدهشة‬ ‫على وجهه فاستدرك عماد نفسة سريعا وهو يسير‬ ‫عائدا الى الطاولة التى التف حولها الجميع فى‬ ‫التراس‪:‬عادى‪ ...‬دة معاد نومها اصلا‬ ‫سارت خلفة سها وهى تحتضن وفاء بحنان اليها وتبتسم‬ ‫بسخرية على ذلك الاحمق الذى يرفض ان يعترف‬ ‫بهزيمته امام تعلق الطفلة بها‬ ‫عادا الى الطاولة ليجدوا علامات التساؤل مرسومة‬ ‫على وجه الجميع‬

‫فتقدمت سها بالاجابة عن الاسئلة التى تطرحهاعيون‬ ‫الجميع وهى تنظر لوالدتها بجانب عينيها ‪:‬هنشترى‬ ‫الشبكة بكرة‬ ‫عندها قامت فوقية من مكانها واحتضنتها بحنان وهى‬ ‫تباركها وكذلك فعل والدها بينما انسحبت علا بعصبية‬ ‫واضحة‬ ‫كذلك احتضن ماجد صديقة مباركا رغم علمة بما‬ ‫يشعر بة صديقة الان من الاسى والحزن‬ ‫هشام‪ :‬الف مبروك يا حبيبتى‪ .‬مبروك يا بشمهندس‬ ‫ماجد بمرح‪:‬لا بشمهندس مين بقى؟ دة بقى عمدة ابقو‬ ‫نسب خلاص‬ ‫هشام‪:‬ههههه طبعا طبعا مبروك يا عمدة‬ ‫عماد‪ :‬الله يبارك فى حضرتك‪.‬انا تحت امرك‬ ‫نظر له هشام بعدم فهم فتدخلت فوقية‪:‬عماد يقصد يسال‬ ‫حضرتك عن الشبكه والمهر‪ ...‬المقدم والمؤخر‪ ...‬مش‬ ‫كدة يا عماد؟‬

‫عماد‪:‬ايوة يا امى مظبوط‬ ‫هشام بحكمة‪:‬انا بشترى راجل يا بنى‪ ......‬انا لو كان‬ ‫حد قالى عنك حاجة وحشة والله لو كنت دفعتلى كنوز‬ ‫الدنيا كلها مكنت هطول شعرة منها‬ ‫ثم اردف وهو يضم راس سها الى صدرة‪:‬انت هتاخد‬ ‫اللؤلؤة بتاعتى ‪.....‬اغلى لؤلؤة فى الدنيا كلها‬ ‫عندى‪......‬تفتكر اى حاجة تدفعها ممكن تساوى اللى‬ ‫هديهولك؟‬ ‫شبكتك دى هديتك لعروستك‪ ...........‬والمقدم هيا اللى‬ ‫فى ايدها تحددة ابقى اسئلها‪ .....‬اما المؤخر بقى فيوم ما‬ ‫تفكر تستغنى عن بنتى فالله الغنى عن اى حاجة منك‬ ‫‪...........‬انا سعادة بنتى وراحتها متتقدرش بمال‬ ‫‪...............................................‬‬ ‫اوصل ماجد عماد وابنتة الى بيته ثم قاد سيارتة الى‬ ‫سكنه اخيرا‬ ‫فى السيارة‬

‫فوقية‪:‬مبسوطة لعماد اوى بجد ربنا يباركلة‪ ........‬سها‬ ‫انسانه محترمه جدا وتستاهله‬ ‫ماجد‪:‬ايوة يا امى باباها كمان راجل محترم اوى‬ ‫وعجبنى كلامه جدا‪.‬بجد الراجل دة بقى لية معزة عندى‬ ‫من اول مقابلة‬ ‫فوقية‪:‬بس هما الاتنين خسارة فى مامتها علا دى يا‬ ‫ساتر يا رب‬ ‫ماجد‪:‬هههههه هنبدأ شغل الحماوات الفاتنات اهو‬ ‫فوقية‪:‬لا بجد والله ست فظيعة انا متوقعتش ابدا انها‬ ‫تبقى ماماتها ‪.‬شتان الفرق‬ ‫ماجد‪:‬ملناش دعوة بيها يا ستى المهم بنتها تعرف‬ ‫تتصرف مع الواد دة والله انا خايف عليها منه‬ ‫فوقية‪ :‬ربنا يهديك يا عماد يابنى ويريح قلبك‬ ‫ماجد فجأة ‪:‬ماما انا عايز اخطب منار‬

‫‪.......................................‬‬ ‫كاد مهند ينتفض واقفا اثر ما اخبرته مى الا ان يدا مى‬ ‫المطبقة على يدة بقوة اوقفتة برجاء‬ ‫مهند بذهول ودهشة‪:‬يعنى ابية ماجد رجع‬ ‫‪........................................‬‬ ‫نهاية الفصل الخامس عشر‬ ‫الفصل السادس عشر‬ ‫كانت تحت ايدى الجراحين لساعات طويلة ربما خمس‬ ‫ساعات او اكتر لكنها فى هذة الساعات تراجعت‬ ‫ماضيها بالكامل‬ ‫ترائى هذا الماضى امام عيناها كما لو انها تعيش فيه‬ ‫مجددا ‪........‬تفرح لفرحة ‪.......‬تتالم لتألمه‪......‬يهتف‬ ‫قلبها لابتسامته ‪.......‬واخيرا تبكى لفراقة‬ ‫تمنت لو استطاعت ان تعدو خلفة لتترجاه البقاء‬

‫تمنت لو صرخت باعلى صوتها لتقول لا ‪..........‬‬ ‫لاتفعل ‪.......‬لا تتركنى ‪ .‬انااتراجع عن طلبى‬ ‫حتى انها تمنت لو كانت بكماء كى لا تتفوة بذلك الطلب‬ ‫تمنت لو كانا شخصين اخرين لا علاقة لهم بماضى‬ ‫احد ‪.......‬لا احد يفرض ماضية على حبهما‬ ‫لكم تمنت وتمنت لكن دون جدوى ‪.......‬فليست كل‬ ‫الامانى تحقق‬ ‫لعنت نفسها لما اقدمت علية منذ ثلاث سنوات ‪........‬‬ ‫لكن‬ ‫وقفت امام تللك الكلمه طويلا‬ ‫لكن ‪ ........‬لكن‪.‬ماذا كان علي ان افعل؟‬ ‫لم اكن مخيرة بالمرة‪ .....‬اما هو او عائلتى كاملة‬ ‫ماذا كان بيدى ان افعل؟‬ ‫اكان على ان اكون ابنه عاق لاعيش طوال حياتى بهذا‬ ‫الذنب ثم يعاقبني ربى اشد العقاب فى الاخرة؟‬

‫ام كان على ان اتحمل ذنوب الماضى للاخرين؟‬ ‫كاد الندم والشعور بالعجز يفتك بها‬ ‫قد يكون كل ما حدث بالماضى يدمى قلبها ويعتصر‬ ‫روحها لكن لا شيئ من كل هذا يساوى مقدار من الالم‬ ‫الذى يشعر بة قلبها الان‬ ‫فها هو حبيبها فى عالم اخر ‪......‬مصاب وقد كادت‬ ‫روحة تزهق لاجلها‪.‬‬ ‫اة يا قلبى ماذا حل بك ؟‬ ‫اكان كل هذا الالم مقدر لك مذ ولد الحب بك؟‬ ‫اكان الحب مجرد قناع للالم والحسرة كى يدخلانك؟‬ ‫ماذا افعل الان بك ايها القلب ؟‬ ‫هل مازلت تنبض الى الان بعد كل هذة الجراح التى‬ ‫المت بك؟‬ ‫لم تجد روحها طريقا للهروب من الواقع سوى طريق‬ ‫اللجوء الى ربها‪.‬‬

‫هى تؤمن انه لن يتركها‬ ‫توقن ان الله لن يخذلها وانه سيردة اليها سالما‬ ‫لم تعلم من اين اتتها هذة الثقة‪ ....‬لكن هذا هو الامل‬ ‫الوحيد الذى عاشت علية فى السنوات الثلاث الماضية‬ ‫‪........................................................‬‬ ‫كان الجاهز الطبى القائم على عمليتها فى تعجب شديد‬ ‫مما يرونة من تغير فى نبضها ودقات قلبها فاحيانا‬ ‫ترتفع بشدة واحيانا تنخفض ايضا مما اثار عجبهم‬ ‫وتساؤلهم عما قد خاضتة تحت تأثير المخدر‬ ‫لكن اكثر ما لفت انتباههم وخصوصا عبد الرحمن هى‬ ‫تلك الدموع التى هبطت بالنهاية على جانبى وجهها‬ ‫الملائكى الصغير‬ ‫‪...............................................‬‬ ‫واخيرا انتهت عملية تركيب الشريحة فى زراعها التى‬ ‫دامت ربما لخمس ساعات متتاليه‬

‫خرج الفريق الطبى وطلب من عبد الرحمن الرد على‬ ‫اسئلة ذوى المريضة‬ ‫خرج اليهم لتقع عيناة اولا على مى التى كانت تحتويها‬ ‫زراع مهند وقد لفها بمعطفة لبرودة الجو‬ ‫وها هى واضعة راسها على صدرة وقد ذهبت فى‬ ‫ثبات عميق بعد شعورها بالدفئ فى احضان اخيها‬ ‫الحنونه‬ ‫وقف بعيدا لبرهه قبل ان يلاحظة عصام‪ .‬لم يعلم لم‬ ‫تأججت النار بداخلة لدى رؤيتها على هذا الوضع‬ ‫تدافع سؤال واحد الى راسة‪:‬من يكون هذا الشاب لتنام‬ ‫فى احضانه بهذا الشكل دون ان تبالى بنظرات‬ ‫المارة؟ايكون زوج‪.......‬‬ ‫لم يعلم لما لم يستطع اكمال تساؤلة حتى ؟ايعقل انه‬ ‫حتى لا يستطيع ان يتخيل انها قد تكون مرتبطة من‬ ‫الاصل؟‬

‫نهر نفسة بشدة لتفكيرة العميق فيها واتجة بخطواط‬ ‫ثابته الى حيث يجلس عصام الذى انتفض الية فور‬ ‫رؤيته فتبعته نفين وقد استشفت انه الطبيب المسؤل‬ ‫عصام بلهفة‪:‬طمنى يا بنى‪ ..........‬كل دة فى العمليه‬ ‫؟دة انتو بقالكو ولا خمس ساعات‬ ‫عبد الرحمن بهدوء الطبيب ‪:‬خير ان شاء الله‪ .....‬مش‬ ‫داعى للقلق يا جماعه ‪..........‬هيه عمليات العظام‬ ‫بتاخد وقت‬ ‫بدات نفين فى القاء التساؤلات بينما اتجهت عيناه رغما‬ ‫عنه اليها ثانيه فوجدها تتململ فى احضان مهند الذى‬ ‫بدورة حاول ايقاظها بهدوء ليتثنى له القيام الى حيث‬ ‫الطبيب ليطمأن على اخته الاخرى منار‪.‬‬ ‫مهند بحنان وهو يمسح على زراع مى الساكنه تحت‬ ‫زراعه‪ :‬قومى يا مى‪ ........‬منار خرجت‬ ‫فتحت مى عياناها واعتدلت بسرعة وهى تتلفت حولها‬ ‫بلهفة‪:‬هى فين ؟‬

‫مهند‪:‬هههههه فين اية يا هبلة انتى‪ .....‬الدكتور واقف‬ ‫هناك اهو اقومى نشوف اوضتها فين‬ ‫قال مهند جملته الاخيرة وهو يومئ برسة الى حيث‬ ‫يقف عبد الرحمن الذى ادار وجهه فورا ما ان حولت‬ ‫مى انظارها الية‬ ‫قامت مى ومهند الى حيث تجمع والديهما حول الطبيب‬ ‫مستفسرين عما حال منار‬ ‫مى باندفاع‪:‬طمنى الله يخليك ‪ .......‬منار عامله اية‬ ‫دلوقتى؟‬ ‫لم يعلم لم كانت طريقة كلامها مألوفه لة؟ بل كان كل ما‬ ‫بها مألوفا يذكرة بصغيرته الجميله‬ ‫نظر لها مليا ثم رفع نظارته الطبيه واجاب‪:‬انا فهمت‬ ‫الاستاذ عصام عالوضع‪ ........‬بعد اذنكو‬ ‫انصرف عبد الرحمن تاركا مى تشعر بالغضب منه‬ ‫مهند بقلق واضح‪ :‬خير يا بابا‬ ‫نفين ببكاء‪ :‬الحمد لله‪ ......‬الحمد والشكر ليك يا رب‬

‫مى ‪:‬طب بتعيطى ليه بس دلوقتى؟‬ ‫ثم اتجهت الى والدتها تحتضنها‪:‬عشان خاطرى يا ماما‬ ‫كفايه‪ ........‬الحمد لله انها جات على قد كدة‬ ‫اسندت مى والدتها الى المقعد القريب بينما ذهب مهند‬ ‫وعصام للاستفسار عن غرفة منار فقد نسى عصام ان‬ ‫يسأل الطبيب لانشغاله بمعرفة حال ابنته‬ ‫بالفعل اخبرتهم موظفة الاستقبال عن رقم غرفتها‬ ‫فاسرع عصام الخطى لاصطحاب اسرته اليها بينما‬ ‫ادعى مهند فى البدايه اللحاق بة وما لبث ان سار بضعه‬ ‫امتار ببطئ شديد حتى اطمئن على ذهاب والدة دون‬ ‫الالتفات الية وعاد مرة اخرى الى موظفة الاستقبال‬ ‫مهند‪:‬لو سمحتى عايز اسأل عن الاستاذ ماجد نصر‬ ‫الدين غرفة رقم كام؟‬ ‫الموظفة باهتمام واضح‪:‬حضرتك تقربه؟‬ ‫مهند بتردد‪:‬هاا‪....‬ايوة اقربة ‪.......‬ممكن اشوفة‬

‫الموظفة بأسى‪ :‬لا يا فندم مش ممكن خالص دلوقتى‬ ‫‪.....‬الاستاذ ماجد فى العنايه المركزة فى غيبوبه‬ ‫وحياته فعلا على المحك‪............‬الخطورة كبيرة اوى‬ ‫دة فضل فى العمليات ولا خمس ساعات‬ ‫شعر مهند بالارض تميد به‪ ...........‬ها هو الاخ‬ ‫العطوف الذى لطالما كان له صديقا وفيا واخا حنونا له‬ ‫رغم انعدام صلة القرابة وفارق العمر بين الحياة‬ ‫والموت‪.‬‬ ‫بينما تابعت الممرضة باهتمام‪:‬لو سمحت يا فندم تعدى‬ ‫عالحسابات‪ .....‬الموبايل بتاع الاستاذ اتكسر فى‬ ‫الحادثة ومعرفناش نوصل لحد من قرايبة‬ ‫هو معاة فيزا كارد فى متعلقاته بس طبعا مش عارفين‬ ‫نستخدمها‬ ‫مهند وهو يزفر بقوة ‪ :‬تمام‪ ......‬متقلقيش حضرتك‬ ‫مبلغ الحسابات هيوصل بس لو سمحتى قوليلى مين‬ ‫الدكتور المسؤل عن حالته‬

‫الموظفة‪:‬الدكتور سعيد جادالله‪ ..........‬بس هو دلوقتى‬ ‫مش موجود يا فندم‪ ........‬ممكن حضرتك تشوف حد‬ ‫من قسم العظام تسألة‬ ‫مهند‪:‬متشكر‬ ‫سار مهند قليلا والافكار تتخبط فى راسة والاسى على‬ ‫حال ماجد ينهش قلبه‬ ‫مالبث ان تذكر شيئا هاما فعاد ادراكه بسرعة الى‬ ‫الموظفة التى انشغلت بمراجعه بعض الملفات فسألها‬ ‫دون مقدمات‪:‬هى الحادثة حصلت ازاى؟؟‬ ‫‪.............................................‬‬ ‫مشى فى الممر الطويل الذى يحتوى غرفة اخته‬ ‫يتهاوى قلبة بين ا ضلعه حزنا على ما حل باخته‬ ‫وماجد تلكه الغضب الشديد من نفسة اولا ثم من والدة‬ ‫لام نفسه كثيرا على اتخاذ موقف المشاهد فيما حدث‬ ‫منذ ثلاث سنوات‪.‬اخذ يؤنب نفسه مرارا وتكرارا‬ ‫كيف وصلا الى هنا؟‬

‫كيف سكت جميعنا لنترك هذان العاشقان يفترقان بهذة‬ ‫الطريق؟‬ ‫كيف لم اساند اخى وقد كان دائما يقف معى مساندا فى‬ ‫كل شئونى؟‬ ‫لم ينسى مهند كيف ساعدة ماجد ذات مرة فى التخلص‬ ‫من بعض المدمين الذين لاحقوة وكاد حقا يتعاطى‬ ‫معهم‪.‬‬ ‫لم ينسى تلك الصفعة التى صفعها اياه يوما بعد ان راه‬ ‫معهم وقد هم بتدخين ما اعطوة‬ ‫لم ينسى اعتراضة عليه ورفضة تتدخلة فى ذلك الوقت‬ ‫معللا‪:‬وانت مالك انت ؟‬ ‫لم ينسى اصرارة على جرة الى البيت ولو عنوة وسط‬ ‫الجميع‬ ‫وبالطبع لم ينسى الضرب الذى تحمله ماجد من اولئك‬ ‫الشبان الخمسة فى ذلك الوقت حتى اتت الشرطة وبقى‬ ‫ماجد بجانبه فى المخفر حتى تم اطلاق سراحة بضمانه‬ ‫ماجد‬

‫والكثير الكثير من المواقف الرجولية التى لم يتوانى‬ ‫ماجد فى ادائها معه دون التفكير فى العواقب‬ ‫دخل غرفة منار ليجدها بالفعل قد نقلت اليها وقد اخذت‬ ‫تهمهم باسمه باكيه وهى لازلت تحت تأثير القليل من‬ ‫المخدر وقد كانت والدته تجلس على السرير بجانبها‬ ‫وتبكى بصمت ظنا منها ان منار فقط تسترجع ذكرياتها‬ ‫القديمه وسط ذهاب عقلها المؤقت فنفين الى الان لم‬ ‫تعرف بوجود ماجد‬ ‫اما عصام فقد جاهد فى السيطرة على اعصابة قابضا‬ ‫على يدة حتى ظهرت العروق جلية تبض بها‬ ‫نظر الى مى باعين دامعه فوجدها هى الاخرى تضع‬ ‫يدها على فمها محاولة عدم اصدار صوت بكاؤها‬ ‫نظرت مى الى اعين اخيها الدامعه ليطلب منها ان‬ ‫تلحقة الى الخارج بايماءة منه‬

‫تبعته مى الى الخارج وما ان وصلت حتى جذبها‬ ‫مسافة بعيدة نسبيا عن الغرفة حتى لا يسمع احد ما‬ ‫يدور بينهما‬ ‫مى‪:‬عملت اية؟سألت؟‬ ‫مهند بحسرة‪ :‬ايوة‪ .......‬ويارتنى ماسألت‬ ‫مى بقلق‪ :‬فى اية يا مهند ‪.....‬انطق‬ ‫ثم ارتجف صوتها وهى تسأل‪ :‬ما‪...........‬‬ ‫مهند بسرعه‪:‬لالالا مامتش‪ ....‬الحمد لله عايش‬ ‫مى‪:‬طب كلمته؟‬ ‫مهند باسى وعيون محمله بالدموع‪:‬ابيه ماجد فى‬ ‫غيبوبه يا مى وحالته خطر‪.......‬اكيد منار عارفة‬ ‫عشان كدة هى فى الحاله دى‬ ‫مى ببكاء‪:‬لا حول ولا قوة الا بالله‪............‬اللهم اجرنا‬ ‫فى مصيبتنا‬

‫مهند بغضب‪:‬ابوكى اللى وصل حاله منار للعمليه لما‬ ‫عرف ‪..........‬مش كدة؟‬ ‫مى بتردد‪:‬اية اللى انت بتقوله؟‪..............‬لا طبعا انت‬ ‫بتقول ايه؟‬ ‫امسكها مهند من رسغها بقوة‪:‬متكدبيش يا مى‪ .......‬انا‬ ‫وانت عارفين ابوكى بيبقى فى موضوع ماجد عامل‬ ‫ازاى‪ ......‬انا مش غبى ‪.......‬يعنى اية اتجبست وبعدين‬ ‫حصلت مضاعفات‪ ......‬لوحدها كدة يعنى؟‬ ‫مى وسط دموعها‪:‬ايوة بابا اللى ضربها لحد ما‬ ‫ضاعفلها الكسر‪ .......‬ارتحت؟‬ ‫افلت مهند زراعها بقوة كما امسكه واخذ يدور يمنا‬ ‫ويسارا وهو يمسك راسه ثم يمسح على شعرة بقوة عله‬ ‫يهدأ ذلك الغضب العارم الذى يتخبط بداخله‬ ‫اشفقت مى على حال اخيها فاقتربت منه بحنان‪:‬اهدى يا‬ ‫مهند‪ .......‬الحمد لله عدت على خير‬

‫نحمد ربنا انها طلعت من الحادثة كدة‪.......‬بابا مكنش‬ ‫فى وعية لما عرف انها كانت معاه فى العربيه‬ ‫التفت اليها مهند بقوة‪ :‬عربيته‪!...‬مين اللى قال الكلام‬ ‫الفارغ دة؟‬ ‫مى‪ :‬اللى اتصل ببابا قالوة الانسه منار جات فى حادثة‬ ‫عربية مع واحد اسمه ماجد نصر الدين‬ ‫ثم اضافت بشك‪:‬هو فى حد قالك حاجة تانيه؟‬ ‫مهندوقد بدأ يضحك بهستريه‪ :‬ههههه والله! حد يقولى‬ ‫حادثة عربيه فبدون ادنى شك افترض انها كانت معاة‬ ‫فى عربيته‪ ...........‬ههههه لا واكيد ابوكى بقى قعد‬ ‫يتخيل اللى ممكن تكون بتعمله فى عربيته وهما‬ ‫لوحدهم‪ ......‬هههههههههههه لابجد حسن الظن عند‬ ‫ابوكى بقا عالى اوى‬ ‫مى بغضب وصوت جاهدت فى اخفاضة حتى لا تلفت‬ ‫الانتباة ‪:‬احترم نفسك يا مهند انت بتتكلم عن‬

‫بابا‪.......‬وبعدين اية ابوكى ابوكى اللى انت عماله‬ ‫تقولها دى؟‪ ........‬احترم نفسك بقى‬ ‫مهند بغضب اكبر وهو يجذبها الية ثانية لكن بقوة‬ ‫مضاعفة ‪:‬الراجل دة بين الحيه والموت بدل اختك يا‬ ‫مى‪.‬لو كانت كمنار مكانه كانت راحت فيها‬ ‫‪..........‬افهمى يا غبيه‬ ‫مى وهى تتاوة من قبضته وتحاول تخليص يدها‪:‬انا‬ ‫مش فاهمه حاجة من اللى بتقوله دة‪ ......‬اوعى ايدى يا‬ ‫مهند هتكسرها‬ ‫فجأه ترك مهند يدها واخذ يتنفس عميقا حتى يهدأ‬ ‫بعد ثوان معدودة جلس على اقرب مقعد واشار لها‬ ‫حتى تجلس بجانبه‬ ‫كعادتها مى تناست اى معامله فظة وجلست بجوارة‬ ‫تربت على كتفه بحنان بينما هو متكأ للامام على احدى‬ ‫يديه‬ ‫مى‪:‬قولى طيب ايه اللى حصل‬

‫بدأ مهند يقص على مى ما سمعه من الشاهد الذى دلته‬ ‫عليه موظفة الاستقبال‬ ‫فما كان من مى الا ان وضعت يدها على فمها تمنع‬ ‫شهقه قوية كادت تفلت منها ليلتفت لها بعض المارة‬ ‫بتوتر‬ ‫مى ببكاء شديد ‪:‬يا حبيبتى يا منار‪........‬ليه كدة؟‬ ‫لية كل دة بيحصل معاهم؟‬ ‫ياااااااااااااااااه بعد كل السنين دى لسة ماجد بيحبها اوى‬ ‫كدة؟‬ ‫مهند بهدوء وهذة المرة هو من احاط مى بذراعه التى‬ ‫كانت ترتجف بدورها مما سمعته‪:‬خلاص يا مى‬ ‫‪...........‬اهدى بقى مش كدة‪............‬انا غلطان انى‬ ‫حكتيلك بعنى؟‬ ‫مى وهى لا تزال تبكى‪ :‬طب هنعمل اية دلوقتى؟‬ ‫لازم حد يبقى جنب ماجد‪ .......‬على الاقل مصاريف‬ ‫المستشفى المبلغ اللى طالبينه فى الحسابات دة كبير‬

‫علية انا وانت ولو سحبنا من الفيزا بابا هيعرف وهتبقى‬ ‫مصيبه‬ ‫حاول مهند ان يتماسك فور ذكر والدة فقد اعتلاة‬ ‫الغضب مرة اخرى حين تذكر افعال والدة الللا عقلانيه‬ ‫فى هذا الموضوع‬ ‫صمت قليلا ثم هب واقفا‪ :‬انا هروح مشوار ضرورى‬ ‫‪..........‬غطى على غيابى باى حجة وهبقى اكلمك‬ ‫وقفت مى ايضا ‪:‬انت رايح فين؟‬ ‫مهند‪:‬مش هعقد هنا حاطط ايدى على خدى واخويا‬ ‫بيروح يا مى‪.............‬انا هتصرف بس زى ما قولتلك‬ ‫غطى غيابى عند ابوكى ومتخليهوش يحس انى عرفت‬ ‫حاجة‪........‬سلام‬ ‫خطى مهند الى خارج المشفى بخطواط واسعه اشبة‬ ‫للركض بينما لم يترك لمى فرصة للاستفسار عما‬ ‫سيفعله فتمتمت‪:‬استر يا رب‬ ‫‪.....................................................‬‬

‫فى احدى الشقق الفخمه فى حى من احياء مدينه نصر‬ ‫يجلس فى غرفة المعيشه متابعا لتلفاز باهتمام شديد‬ ‫بينما جلست زوجته مع ابنته الوحيدة على الطاوله التى‬ ‫تطل على الغرفة الجالس بها تساعدها فى حل فروضها‬ ‫المدرسيه وفجأه‪.....‬‬ ‫يصرخ بقوة كبيرة وهو يقفز من‬ ‫مكانه‪:‬جووووووووووووووون‬ ‫تنتفض الزوجة وابنتها على صراخه ثم توجه اليه‬ ‫عبارات اللوم الشديد‬ ‫الزوجه‪:‬حرام عليك يا عماد فزعتنى انا والبنت‬ ‫عماد ملتفتا‪ :‬اسف يا حبيبتى بس الماتش شدنى شويه‬ ‫الزوجه وهى تضع يدها فى خصرها بمرح‪:‬يا‬ ‫سلااااااااام ودى نصرفها منين دى؟‬ ‫الصغيرة مقلدة امها بوضع يدها فى خصرها‪:‬ايوة منين‬ ‫دى؟‬

‫عماد رافعا احدى حاجبيه‪:‬افندم‪...........‬عايزين ايه‬ ‫سيادتكو يعنى ؟‬ ‫الصغيرة بسرعه‪ :‬بابايا عايزة اروح الملاهى‬ ‫الزوجه‪ :‬وانا عايز اروح فرح واحدة صاحبتى‬ ‫عماد‪:‬دة انتو تشكيل عصابى بقى‪.‬‬ ‫ثم امسك جهاز التحكم واغلق التلفاز ونظر لهم بتحدى‬ ‫‪:‬وادى التفيزيون اتقفل‪ ..........‬كملوا اللى وراكوا بقى‬ ‫ثم جلس باستهزاء على الكنبه فاردا زراعيه اعلى‬ ‫اركانها‬ ‫الزوجه وقد عقدت يديها‪:‬بقى كدة؟‬ ‫عماد وهو يحرك راسه بر مباله متصنعه‪:‬وابو وام كدة‬ ‫تبادلت الزوجه والابنه نظرات مفهومه لكلاهما‬ ‫ثمانطلقتا اليه بسرعه كبيره وبدأ الهجوم الثنائى‬ ‫للدغدغه عماد الذى كان بالكاد يلتقط انفاسه من شدة‬ ‫الضحك وما هى الا دقيقتان حتى اعلن استسلامه‬

‫عماد‪:‬هههههههههه خلاص خلاص‪ ...‬ههههه موافق‬ ‫ههههههه بس بقى هههههه خلاص يا فوفو هوديكى‬ ‫الملاهى يوم الجمعه‬ ‫توقف المزاح اخيرا وبدأ الجميع فى التقاط انفاسه‬ ‫باصوات مسموعه يخالطها بعض الضحكات‬ ‫وفاء بانفاس متقطعه‪:‬هتودينى يا بابايا خلاص وعد؟‬ ‫عماد بانفاس متقطعه ايضا وهو يمسك معدته من شدة‬ ‫الضحك ‪:‬ايوة يا حبيبه باباكى هوديكى‪ ..........‬وعد‬ ‫قامت وفاء فرحه بسرعه الى غرفتها‪ :‬هيييييييييييه‬ ‫‪.....‬انا هروح احضر شنطه العابى بقى عشان افسحهم‬ ‫معايا يا ماماتى‬ ‫ضحكن الزوجه بشدة على تصرف ابنتها بينما كانت قد‬ ‫جلست بجانب عماد الذى ضمها اليه بحب واخذ‬ ‫يستنشق عبير شعرها ويدغدغ اذنها بانفه‬ ‫الزوجه بخجل‪:‬الله‪! ..........‬ايه؟‬ ‫عماد بهيام‪:‬ايه اية بس يا شيخه ؟‪.......‬حد يعمل كدة؟‬

‫الزوجه‪:‬انا؟‪ .......‬عملت ايه؟‬ ‫عماد ‪:‬مش عارفة عملتى ايه؟ ينفع اطلطع انا كدة‬ ‫ساعتين قدام الماتش من غير تصبيرة؟‬ ‫الزوجه‪:‬هههههههه تصبيرة ايه يا عم‪ .....‬انت هتكلنى‬ ‫ولا اية؟‬ ‫عماد وقد قام وحملها بين زراعيه‪:‬ايوة بالظبط كدة‬ ‫هكلك لحد ما اشبع واحلى بيكى كمان‪ ........‬دة فستان‬ ‫تلبسية والبنت قاعدة ؟ واحرق انا فى دم امى بقى‬ ‫حاولت الزوجه الافلات من بين ضحكاتها الخجله بينما‬ ‫خطا عماد حاملا اياها خطا واسعه وهو يردد‬ ‫بمرح‪:‬انتى اللى جبتيه لنفسك بقى‪ ..........‬والله لطلع‬ ‫عليك القديم والجديد‬ ‫ضحكت الزوجه بدلال فاردف عماد‬ ‫‪:‬يالهوووووووووووى‪ .‬اسكتى يا ست انتى هتجننينى‬ ‫ما ان اقترب عماد من بابا غرفته حتى توقف لدى‬ ‫سماعه دق جرس الباب‬

‫الزوجه باستغراب‪ :‬مين جايلنا دلوقتى؟ انت مدى ميعاد‬ ‫لحد؟‬ ‫ماجد ملمحا بمرح‪:‬دلوقتى !!دة انا لا عشت ولا كنت‬ ‫الزوجه بلوم‪:‬بعد الشر عليك يا حبيبى ‪.......‬اوعى تقول‬ ‫كدة تانى‬ ‫عماد وقد رقص قلبه فرحه ‪ :‬قولى تانى حبيبى كدة‬ ‫الزوجه بدلال‪:‬انت مبتزهقش منها‬ ‫هم عماد بالرد لكن سبقة جرس الباب باصرار‬ ‫اضطر عماد عندها لانزال زوجته ناظرا الى الباب‬ ‫بغضب‪ :‬ورحمه امى لوريك يا اللى عالباب‬ ‫ثم اعاد النظر الى زوجته‪:‬هى الساعه كام يا ملاك؟‬ ‫ملاك‪:‬الساعه داخله على‪11‬‬ ‫عماد بجديه‪:‬طب ادخلى انتى جوة يا ملاك‬ ‫ومتخرجيش ‪..........‬وانا هشوف مين‬ ‫ملاك مطيعه لزوجها‪ :‬حاضر‬

‫دلفت ملاك الى الداخل بينما ذهب عماد لفتح الباب‬ ‫ليجد شابا طويل القامه ذو لحيه خفيفه وملامح رجوليه‬ ‫قد تعطيه اكبر من سنه‬ ‫ظل ينظر للزائر مليا وعلامات التساؤل عن شخصيته‬ ‫باديه على وجهه‬ ‫الى ان ابتسم الشاب بسمه جانبيه محييا‪:‬ازيك يا ابيه؟‬ ‫عماد بصوت عالى وقد اتسعت عيناه اندهاشا‪:‬مهند‬ ‫‪.................................................................‬‬ ‫‪..‬‬ ‫نهايه الفصل السادس عشر‬ ‫الفصل السابع عشر‬ ‫لم يكد مهند ينهى جملته(( ايوة انا مهند )) حتة جذبه‬ ‫عماد من قميصه معانقا اياه وهو ينطق بعبارات‬ ‫الاشتياق والترحيب‬ ‫عماد ‪:‬يااااااااة يا بن الايه ايه الطول دة يا واد؟دة انا‬ ‫معرفتكش‬

‫لاحظ عماد ان مهند لم يكن على طبيعته المحببه ولم‬ ‫يبادله قوة الترحيب بل شعر انه يكاد يبكى فنزعه بشدة‬ ‫ناظرا الى وجهه بشك‬ ‫عماد بجديه وقلق‪ :‬فى ايه يالا مالك؟وشك عامل كدة‬ ‫ليه؟‬ ‫ثم استدرك سريعا متذكرا التوقيت‪ :‬هو فيه اللى جابك‬ ‫الساعه دى و بعد كل السنين دى؟‪............‬انتو‬ ‫كويسين يا بنى ؟اختك كويسه؟‬ ‫ثم صاح قلقا‪:‬مترد عليا يا بنى ادم‬ ‫مهند مطرقا براسه ارضا بصوت باكى‪:‬ابيه ‪....‬ماجد‬ ‫‪..................................................‬‬ ‫كانت يدا عماد ترتعشان بهستيريه بينما يكمل ارتداء‬ ‫ملابسه بسرعه وتوتر شديدين مما جعل زوجته تحاول‬ ‫تهدئته قدر الامكان‬ ‫ملاك ‪:‬اهدى يا عماد شويه عشان خاطرى‬

‫عماد‪:‬اهدى ازاى يا ملاك واخويا مرمى فى المستشفى‬ ‫بين الحيا والموت؟‬ ‫ملاك‪:‬ان شاء الله يقوم بالسلامه‪ .‬تحب اجى معاك؟‬ ‫نظر لها عماد نظرة ناريه فهو ليس فى حال تسمح له‬ ‫بالمناقشه الان فسكتت قليلا ثم تابعت‪:‬انا اسفه خلاص‬ ‫متزعلش ‪........... ...‬طيب خد بالك من نفسك طيب‬ ‫كان عماد قد انتهى من ارتداء ملابسه حين اتجه الى‬ ‫الباب مودعا‪ :‬طيب ماشى‪ .‬خدوا بالكو من نفسكو‬ ‫وتربسى ورايا كويس الوقت اتاخر‬ ‫هم بفتح الباب لكن اوقفته زراع زوجته الحنونه وهى‬ ‫تقبص على قميصه وتضع يدها الاخرى على راسه‬ ‫بحنان‪:‬استودعك الله الذى لا تضيع ودائعه‬ ‫نظر لها عماد مليا والحزن يملا قلبه حتى صارت‬ ‫الدموع جليه فى عينيه فظهر صوته الاجش‪ :‬ادعيله يا‬ ‫ملاك يقوم منها بالسلامه‬

‫ملاك بحنان‪ :‬حاضر‪ .‬بس بالله عليك سوق على مهلك‬ ‫الدنيا ليل‬ ‫عماد وقد اخذ يدها القابعه فوق راسه مقبلا اياها ومعلنا‬ ‫للذهاب‪:‬حاضر‬ ‫‪.................................................‬‬ ‫قاد عماد سيارته برفقه مهند الى المشفى الذى وصلاة‬ ‫بعد منتصف الليل‬ ‫اتجه عماد من فورة الى الاستعلامات ليطالب بزيارة‬ ‫صديقه الا ان اتاه الرفض القاطع‪:‬ممنوع يا فندم الاستاذ‬ ‫ماجد فى العنايه وممنوع الزيارة منعا باتا بامر من‬ ‫الطبيب المختص‬ ‫عماد بترجى مستميت‪ :‬ارجوك ابص عليه بس من بعيد‬ ‫‪............‬انا اخوة ومعرفش بالحادثه غير دلوقتى‬ ‫‪........‬ارجوك سبنى اطمن عليه بس‬ ‫الموظف ببرود‪ :‬اتفضل حضرتك كدة بهدوء لو‬ ‫سمحت دى اصلا مش مواعيد زيارة‬

‫‪...........‬متضطرنيش اطلبلك الامن وبردة مش‬ ‫هتشوفه‬ ‫عندها امسكه عماد من ياقه قميصه بعصبيه شديده‬ ‫‪:‬طب جرب كدة وانا اعرفك هشوفه ولا لا‬ ‫حاول مهند جاهدا ان يفض النزاع بينهما الا ان‬ ‫الموظف كان قد بدا بالفعل بمناداه افراد الامن مما‬ ‫احدث ضجه كبيرة بالمشفى لكن الجميع هدأ لدى سماع‬ ‫الصوت الصارم القوى‪ :‬ايه الهرجله دى ؟ايه اللى‬ ‫بيحصل هنا بالظبط؟‬ ‫التفت الجميع الى صاحب الصوت ليجدة مهند نفس‬ ‫الطبيب الذى كان يقف مع والدة‬ ‫الموظف ‪:‬يا فندم الاستاذ دة عايز يقتحم العنايه عنوة‬ ‫ودة لا وقت زيارة ولا مصرح بزيارة مريضه دلوقتى‬ ‫اصلا‬ ‫نقل عبد الرحمن نظرة الىهما ليتذكر وجه مهند على‬ ‫الفور‬

‫عبد الرحمن ‪ :‬ايه يا جماعه الكلام دة؟ فى حد يجى‬ ‫زيارة بعد نص الليل‬ ‫عندها تدخل مهند‪ :‬احنا اسفين يا دكتور والله بس‬ ‫الاستاذ عايز يطمن على اخوة ميعرفش بحادثته غير‬ ‫دلوقتى‬ ‫ابدى عبد الرحمن تفاجأ عبد الرحمن من ذكر لفظ (‬ ‫اخوة)فقد ظن انهما اتيا لزيارة منار‬ ‫عبد الرحمن بتساؤل‪:‬اخوة مين يا فندم‬ ‫عماد بلهفه ‪:‬ماجد نصر الدين يا فندم‬ ‫عبد الرحمن منتبها الى الاسم‪ :‬اااااااااااااه ايوة ايوة‬ ‫لاحظ القلق والتوتر الشديد الذى يبدو جليا على ملامح‬ ‫عماد فحاول طمأنته‪ :‬اطمن‪ .......‬ان شاء الله يعدى‬ ‫منها على خير‬ ‫عماد‪ :‬طب هو ليه فى العنايه المركزة؟ واى حكايه‬ ‫الغيبوبه دى؟‬

‫عبد الرحمن‪ :‬بص حضرتك هو مش انا المسؤل عن‬ ‫الحاله بس اللى سمعته ان الجمجمه عندة مش متضررة‬ ‫‪..........‬متقلقش فى الحاله دى بتبقى حاجه بسيطه ان‬ ‫شاء الله‬ ‫عماد‪ :‬بس انا عايز اشوفه ارجوك‬ ‫كاد عبد الرحمن يستيجيب لطلبه عندما انتبه الى مى‬ ‫التى كانت تقطع الممر بسرعه كبيرة متجهه الى مهند‬ ‫والذى التفت بدورة الى حيث اتجهت انظار الطبيب‬ ‫فبادرهو بالذهاب اليها اخذا بيدها بعيدا عن جمع‬ ‫الرجال نسبيا‬ ‫مى بلهفه‪:‬اخص عليك يا مهند مش قولتلى هكلمك‬ ‫مهند‪:‬معلش والله يا مى مكنش فيه وقت‪ ..........‬ها‬ ‫عملتى ايه مع بابا؟‬ ‫مى بحنق ‪:‬اضطريت اكذب طبعا وقولتله انى بعتك‬ ‫تيجيب حاجات من البيت لينا‬

‫مهند باستفهام‪ :‬لينا مين ؟هى مش ماما اللى المفروض‬ ‫بايته مع منار؟‬ ‫مى بتردد‪ :‬لا‪ ..........‬ما هو اصل‬ ‫مهند ‪ :‬ما هو اصل ايه؟‬ ‫مى‪ :‬بصراحه ماما سكرها على فاقسمت عليها تروح‬ ‫مع بابا وبعدين منار كمان فاقت واطمنوا عليها الحمد‬ ‫لله فانتهزت الفرصه بقى وقلت لبابا انى انا اللى هبات‬ ‫مهند باستغراب ‪:‬وبابا سمحلكوا تباتوا لوحدكو انتو‬ ‫الاتنين ان شاء الله؟‬ ‫مى‪ :‬ايه الذكاء اللى انت فيه دة امال انت هنا لازمتك‬ ‫ايه؟مهو لما بابا اعترض قولتله انى بعتك تجيب‬ ‫حاجات وهترجعلى تبات معانا فبابا حجز الاوضه اللى‬ ‫جنب منار كمان‬ ‫مهند متنفسا الصعداء‪ :‬يااااااااااه كنتى فين من الصبح‬ ‫يا مى‪...........‬طب روحى بقى لمنار دلوقتى هخلص‬ ‫حاجات واجيلكم‬

‫مشى الى حيث الطبيب وعماد خطوتين ثم عاد اليها‬ ‫بلوم‪ :‬افرضى بقى مكنتش جيت الليله دى كنتى هتبيتى‬ ‫انتى واختك لوحدكو؟‬ ‫همت مى بالرد لكنه اعطاها ظهرة متجها الى عماد من‬ ‫جديد وهو يلوح لها بيدة‪ :‬مش وقته ‪.........‬حسابك‬ ‫معايا بعدين‬ ‫ابتسمت مى لتصرفات مهند الرجوليه وهى تنظر له‬ ‫بحنان ولسان حالها يقول‪:‬كبرت يا مهند وبقيت راجل‬ ‫بيحافظ على اهل بيته‬ ‫عاد مهند اليهما ليجد عبد الرحمن يشدد فى تعليماته‬ ‫لعماد ‪ :‬دقيقتين بس‪ ....‬بالعدد ‪..........‬صدقنى لو‬ ‫اتاخرت عن كدة هتتسببلى فى مشكله كبيرة‬ ‫عماد ‪ :‬انا بجد مش عارف اشكرك ازاى ؟‬ ‫عبد الرحمن‪ :‬الشكر لله دة واجبى‬ ‫ثم وجه كلامه الى الموظف‪ :‬رشاد‪ ......‬الاستاذ هيدخل‬ ‫لمريضه دقيقتين بالظبط ابعت معاه ممرضه نبطشيه‬

‫الموظف باعتراض‪ :‬بس يا دكتور عبد الرحمن‬ ‫الدكتور سعيد مانع عنه الزيارة‬ ‫عبد الرحمن بغضب مكتوم‪ :‬وانا اللى بقولك دخله‬ ‫دقيقتين ينفع يا رشاد بيه بعد اذنك؟‬ ‫الموظف باضطراب واضح ‪ :‬ايه اللى حضرتك بتقوله‬ ‫دة يا دكتور‪........‬طبعا ينفع ثوانى ابعت لحد من‬ ‫الممرضات‬ ‫استأذن عبد الرحمن بعدها بالذهاب‪ :‬بعد اذنكو يا‬ ‫جماعه‪ ..........‬لو احتاجتوا حاجه انا اسمى عبد‬ ‫الرحمن سليم اوضه مكتبى فى نفس دور عمليات‬ ‫العظام‬ ‫ذهب عبد الرحمن تاركا مهند وعماد ينتظران قدوم‬ ‫اللمرضه التى ستوصلهما الى حيث يرقد ماجد‬ ‫عماد ‪:‬محترم اوى الدكتور دة‬ ‫مهند‪:‬اه فعلا واضح‪ .‬تقريبا هو اللى عمل العمليه بتاعه‬ ‫منار‬

‫تغير وجه عماد فور ذكر منار فسأل حانقا‪:‬بقيت كويسه‬ ‫دلوقتى؟‬ ‫مهند‪ :‬الحمد لله مى لسه مطمنانى انها فاقت وتقريبا‬ ‫دلوقتى مريحه شويه‪ ..............‬اه صحيح‬ ‫افتكرت‪........‬فى اوضه محجوزة زيادة لو تحب يا ابيه‬ ‫تريح فيها معايا للصبح عقبال ما الدكتور سعيد دة يجى‬ ‫ونطمن منه‬ ‫عماد‪ :‬فكرة بردة‪ ...........‬طب خلاص نطمن على‬ ‫ماجد الاول بس وبعدين نشوف هنعمل ايه‬ ‫‪.........................‬‬ ‫سار عماد ومهند برفقه الممرضه فى الردهه الطويله‬ ‫للوصول الى الغرفه التى يقبع بها ماجد والتى بدورها‬ ‫ابت الا ان يدخل فرد واحد كما تلقت اوامرها فكان‬ ‫نصيب الدخول بالطبع لعماد اما مهند فقد انتظرة‬ ‫بالخارج يجوب الممر ذهابا وايابا فى قلق‬ ‫اما فى غرفه منار فلم يكن حالها ابدا كما اخبر مهند‬ ‫عماد‪ .‬لم يذق جفناها طعما للنوم والراحه منذ ان افاقت‬

‫من تاثير المخدر بل كانت تنتظر ذهاب والدها بفارغ‬ ‫الصبر للاطمئنان على حال ماجد‬ ‫كانت تنتظر مى بلهفه فى غرفتها وهى تدعو الله فى‬ ‫قلبها ان يكون بخير‪ .‬اخذت تردد الاستغفار مرارا‬ ‫وتكرار((استغفر الله واتوب اليه ))فهى تعلم جيدا انه‬ ‫من لزم الاستغفار جعل الله له من كل ضيق فرجا ومن‬ ‫كل هم مخرجا ورزقه من حيث لا يحتسب كما اخبرنا‬ ‫بذلك الرسول صلى الله عليه وسلم‬ ‫اتتها مى اخيرا بالانباء المطمئنه نوعا ما بقدوم عماد‬ ‫ومحاولتهم زيارته الان‬ ‫مى‪:‬ان شاء الله مهند هيجى يطمنا دلوقتى متقلقيش‬ ‫منار بصوت مبحوح‪ :‬يا رب‪ .......‬يارب يا مى‬ ‫ثم بدأت فى بكاء مرير‪:‬يقوم بس بالسلامه ان مش‬ ‫عايزة اكتر من كدة‪ ...........‬والله مش طمعانه فى اكتر‬ ‫من كدة‪ .............‬اشوفه بس واقف على رجليه من‬ ‫تانى وكويس‪ ..............‬مش مهم يبقى معايا بس‬

‫يعيش‪ .......‬مش هستحمل فراقه بقيت عمرى يا مى‬ ‫مش هستحمل‬ ‫زمت مى شفتيها لا تجد ما تقوله الان فعبارات التهدئه‬ ‫والمواساه الان لا تجدى نفعا امام هذا الالم والمعاناه‬ ‫اللذان يجتاحان قلب اختها الان‬ ‫‪.................................................‬‬ ‫خطى عماد الى داخل الغرفه بخطوات مترددة‬ ‫ونظرات زائغه لا يدرى لم اصر على الدخول على‬ ‫الرغم من يقنيه بعدم قدرته على رؤيه اقرب صديق‬ ‫واخ له بتلك الحال‬ ‫كان ماجد ممدا كالموتى لا يمكن للمشاهد معرفه ما ان‬ ‫كان حيا الا من خلال جهاز ضربات القلب المجاور له‬ ‫‪.‬كانت الجبائر متفرقه فى جسمه بشتى الاماكن وكان‬ ‫وجهه متورما بالكدمات لدرجه ان من يشاهده قد لا‬ ‫يتعرف عليه منذ الوهله الاولى‬ ‫خراطيم غريبه معلقه بانفه وفمه والاسلاك تتشابك‬ ‫وهى موصله بصدرة ويده‬

‫لم يستطع عماد كبح دموعه اكثر من ذلك فانهارت من‬ ‫عينيه كالفيضانات تجرى وهو يحرك يدة فى الهواء‬ ‫بالقرب منه وكأنه يخاف ان يلمس زجاجا ملئ‬ ‫بالتشققات فتؤدى لمسته الى انهيارة بالكامل وكأنها‬ ‫القشه التى قسمت ظهر البعير‬ ‫كانت شهقاته مسموعه حتى امتلئت اعين الممرضه‬ ‫بالدموع وهى تنظر لكلاهما باشفاق شديد وتدعو الله‬ ‫فى سرها ان يرزق ذلك الشاب الصبر‬ ‫بعد مدة ليست قصيرة استطاع عماد اخيرا ان يمد يدة‬ ‫المرتجفه بشدة لتمسك بيد ماجد الممده دون حراك لكنه‬ ‫جاهد فى اخراج الكلمات من بين شهقاته‬ ‫عماد برجاء يائس‪:‬قوم يا صحبى‪ ........‬قوم يلا روح‬ ‫معايا‪ ..........‬كلمنى يا راجل رد عليا‪.............‬قوم يا‬ ‫شقيقى قوم بقى‬ ‫كان عماد ينخرط بمرارة فى البكاء والشهقات بين‬ ‫كلماته مما لم يمكن الممرضه من السكوت اكثر‬

‫الممرضه وهى تضع يدها على كتف عماد الذى‬ ‫انتفض اثر لمستها‪ :‬قوم يا بنى بقى كفايه كدة حرام‬ ‫عليك نفسك‬ ‫عماد من بين دموعه‪ :‬مش قادر اسيبه‪ ....‬مش قادر‬ ‫الممرضه ‪ :‬وبعدين معاك يا بنى انت مسمحولك‬ ‫بدقيقتين مش اكتر وانا سيبتك اكتر من عشر دقايق‬ ‫ثم جذبته من زراعه حاثه اياه على القيام‪ :‬قوم يا بنى‬ ‫ربنا يهديك ويعافيه‪ ............‬دة انكتبلوة عمر جديد‬ ‫والله‬ ‫ثم اردفت لرفع روحه المعنويه‪:‬ايه رايك بقى ان اخوك‬ ‫دة اجدع منك‪ ..........‬دة اول ما جيه كانوا الدكاترة‬ ‫فاكرين انهم مش هيلحقوة بس هو بقى كان جدع‬ ‫وعداها على خير‬ ‫نظر لها عماد فاردفت‪ :‬صدقنى كل الكسور والكدمات‬ ‫اللى انت شيفها دى كم شهر وهتخف ان شاء الله‬ ‫ويقوملكم بالسلامه انت بس قول يا رب‬

‫عماد وهومتجها الى الخرج محاولا ان يمسح دموعه‬ ‫بكفيه‪ :‬يا رب‪ ........‬يا رب‬ ‫استقبله مهند بالاستفهام عن حال ماجد بينما انصرفت‬ ‫الممرضه الى عملها‬ ‫مهند‪ :‬طمنى‪ ....‬ابيه ماجد كويس؟‬ ‫كان عماد يعرف جيدا انه ان بدا الكلام عما راه فسيعود‬ ‫للبكاء لكنه ابى ذلك الان فاومأ براسه كنايه عن‬ ‫الايجاب بينما صمت مهند غير مقتنعا باجابه عماد وقد‬ ‫استشف من مظهرة ان الوضع لا يبنبئ بالخير‬ ‫جلس الاثنان فى قليل من الصمت الذى قطعه مهند‬ ‫وهو يمسك بزراع عماد‪ :‬يلا يا ابيه قوم ريح شويه قبل‬ ‫صلاه الفجر‬ ‫لم يجد مهند من عماد ادنى مقاومه بل سار بجانبه‬ ‫كالمنوم مغناطيسيا الى الغرفه التى اوصله اياها ثم‬ ‫استئذنه الانصراف الى غرفه اختيه للاطمئنان عليهما‬