هل سأعود اليك يا من كنت حبيبى ؟!

‫بل ان غفت بعد عويل طويل تستيقظ بعد فترة صغيرة صارخه من‬ ‫ملاحقه الكوابيس لها مرة اخرى‬ ‫ياخذها والدها فى حضنه يتلو ايات من القران الى ان تهدأ صغيرته‬ ‫بينما لا تزال تردد ‪ :‬انا عايزة بنتى يا بابا ‪ .‬عماد فين يا بابا ؟‬ ‫حسبى الله ونعم الوكيل فيك يا يحى‬ ‫حاول طبيبها النفسى اخراجها من حالتها بشتى الطرق الا انها لم‬ ‫تستجب ولم تبح بشيئ عما بداخلها لاحد‬ ‫لم يفهم احد ماجرى سوى ان يحى فرق بينها وبين زوجها وابنتها‬ ‫استنبطوا ذلك من الكلمات التى كانت تصرخ بها ليلا عندما تفزعها‬ ‫الكوابيس المتلاحقه التى اعادت اليها الهستيريه التى سببها لها المدعو‬ ‫يحى بعد زواجها بها فى السابق‬ ‫ذلك الذى بعد اسبوع واحد من الزواج بها وهى ابنته ثمانيه عشر ربيعا‬ ‫قام بقذفها باحدى المزهريات مما سبب لها ارتجاجا فى راسها وعلل‬ ‫ذلك لوالديها بأنه مجرد حادث‬ ‫ذلك الزوج الذى كان يعانى من الصرع ومرض نفسى مزمن يدعونه \"‬ ‫الشك \" يجعله دائما ما يظن بانها تخونه كلما ذهبت الى اى مكان ولو‬ ‫كان برفقته‬ ‫ومع ذلك كان يستمتع بجعلها ترتدى المغريات والمكشفات لجسدها‬ ‫ليتفاخر امام الناس بامتلاكه لتلك\" المانيكان \"‬

‫نعم انه بعينه ذلك الرجل الديوث الذى اخبرنا رسول الله صلى الله عليه‬ ‫وسلم بانه ملعون لانه لا يغار على اهل بيته‬ ‫هاهو نفس الحلم من جديد‬ ‫ها هى نفس الوحوش تركض باتجاه سها‬ ‫وهاهى سها لا تزال حائرة امام الباب القديم الذى يتدارى صاحب‬ ‫البستان ورائه مادا يده اليها‬ ‫وها هى الوحوش تقترب قبيل ان تاخذ سها القرار بالذهاب الى صاحب‬ ‫البستان ولكن الوحوش كانت قد اقتربت كثيرا ولم تدع لها الفرصه فى‬ ‫الهروب‬ ‫وقبل ان تمسك بها وجدته يظهر من وراء الباب ليرهب الجميع‬ ‫ويجبرهم على تركها والذهاب ويأخذ هو بيدها الى بستانه وعالمه بعيدا‬ ‫عن كل اولئك الاوغاد الذين كانوا يلاحقونها‬ ‫هذة المرة استيقظت سها من نومها هادئه دون صراخ‬ ‫انها مطمئنه الفؤاد تبتسم‬ ‫لم يصدق والدها الذى لم يخرج من غرفتها بل ظل يراقبها خوفا من ان‬ ‫تصرخ ليلا ولا تجده بجوارها‬ ‫اخذ يفرك عينيه ‪ :‬ترى هل نمت وانا الان ارى ابنتى تبتسم فى الحلم‬ ‫هل استيقظت ابنتى من نومها بهذا الهدوء حقا دون صراخ‬ ‫امسكت سها بيد ابيها مبتسمه ‪ :‬قوم يا بابا نام فى اوضتك ماتخفش عليا‬ ‫انا بقيت كويس‬

‫هشام ‪ :‬لا يا حبيبتى مش هسيبك لوحدك انا جنبك ماتخافيش‬ ‫سها باطمئنان ‪ :‬ماتخفش يا باب ربنا معايا مش هيسيبنى‬ ‫نظر هشام لابنته مليا يرى الاطمئنان يبعث فى وجهها النور فابتسم‬ ‫متمتما بالحمد ثم قبل جبينها وذهب الى غرفته لياخذ قسطا من الراحه‬ ‫بعد ايام كانت اصعب ما يمكن ان تمر على والد يرى صغيرته وهى‬ ‫على تلك الحاله‬ ‫اذن لصلاة الفجر وتهادى صوت الاذان الى اسماع سها فابتسمت قبل‬ ‫ان تفتح عينيها ليقع ناظريها على حلم جديد‬ ‫انه صاحب البستان يجلس بجانب سريرها ممسكا بيدها ينتظرها ان‬ ‫تفتح عينيها بشوق وحب جارفين‬ ‫ابتسمت له ابتسامه ملؤها الراحه والطمانينه ‪ :‬خلاص يا صاحب‬ ‫البستان الحلم خلص سيبنى اصحى بقى عشان اصلى الفجر‬ ‫ورغما عنه ابتسم عماد لبرائتها رغم تلك الدموع التى ملئت عينيه عن‬ ‫اخرهما ‪ :‬صاحب البستان هيموت لو سابك تروحى من بين ايديه تانى‬ ‫يا ملاكى‬ ‫اعادت سها اغلاق عينيها بقوة ثم فتحتهما عن اخرهما لتدرك ان هذا‬ ‫خرج عن حدود الحلم واصبح حقيقه حيه امام عينيها‬ ‫ترقرقت الدموع فى عينيها بينما لا تزال مستلقاه على سريرها وكان كل‬ ‫قواها قد خارت دون التحرك او حتى جذب يدها من بين يديه‬

‫لم تستطع سوى البكاء بكل ما اوتيت وما تحمله من الم وجراح تراكمت‬ ‫على مر سبع سنوات مذ دخلت تلك الدوامه المتمثله فى\" يحى\"‬ ‫ظلت تبكى وتبكى وظل عماد يذرف دموع الندم بصمت وهو يشاهد‬ ‫قطرات اللؤلؤ تنحدر من مقلتيها لتروى وسادتها واغطيتها البيضاء‬ ‫اخيرا بعد فترة ليست بالقليله ابدا بدأ وابل الندم والمعاناه متمثلا فى‬ ‫كلمات كثيرة تخرج من فم عماد كوابل من الامطار المصاحبه لشلالات‬ ‫دمعهما واهاتهما معا‬ ‫عماد ‪ :‬سامحينى يا سها ‪ .‬سامحينى يا ملاكى‬ ‫ارجعيلى يا اقرب مخلوقه ليا‬ ‫انا كنت بموت من غيرك يا سها صدقينى ‪.‬‬ ‫كرهت نفسى وكرهت الدنيا كلها لما فكرت اكرهك‬ ‫انا عرفت كل حاجه يا سها سامحينى‬ ‫ليه مقلتليش من الاول‪ .‬؟‬ ‫اقسم بربى كنت دفنته مكانه قبل ما ينطق كلمه واحده عنك‬ ‫والله يا سها بحبك وحبى ليكى اللى خلانى اعمل كده واصدق اللى‬ ‫سمعته‬ ‫عارف انك مجروحه منى بس اقسملك انى كنت بموت من جراحى لما‬ ‫كنت بعيده عنى‬ ‫بدأ يخرج صوت سها ضعيفا وسط دمعها وهى تناديه ‪ :‬عماد‬

‫عماد بلهفه ‪ :‬يا قلب عماد ‪ .‬يا روح عماد وحياته كلها‬ ‫سها بشهقات وبكاء مرير ‪ :‬عارف يا عماد يا عماد كان بيعمل فيا ايه ؟‬ ‫هز عماد راسه نافيا وكأنه يرجوها الاتتحدث عن ذلك الذى علمه مسبقا‬ ‫سها وهى تقبض على يده ‪ :‬كان بيضربنى بكرباك يا عماد‬ ‫كان بيغتصبنى وهو سكران ومتخدر باقصى وحشيه ممكن تتصورها‬ ‫لدرجه انى كنت بنزف‬ ‫انا اخدت غرز فى كل حته فى راسى يا عماد‬ ‫كان بيخبط راسى فى عمود السرير بعد ما يخلص قذارته معايا‬ ‫انا كنت بخاف اشكى لبابا يا عماد من تهديده‬ ‫كنت بخجل اقول ان جوزى بياخدنى غصب عنى‬ ‫اخر مرة كنت هموت فى ايده يا عماد‬ ‫ازدات شهقاتها بينما اكملت ‪ :‬كهربنى يا عماد ‪.‬وصل فى رجلى سلك‬ ‫كهربه وهو فى حاله هستريه وعمال يقولى خنتينى مع مين‬ ‫لولا الخدامه ودتنى المستشفى كنت يا اما مت وانا قذرة كده يا فضلت‬ ‫بقيت حياتى معاه كده وكنت برده هموت فى يوم على ايده‬ ‫لما روحت المستشفى بابا جه والبوليس وكل حاجه بانت واتكشفت وبابا‬ ‫قدم فيه دعوى وسجنه‬ ‫انا اتجوزته سنه واحده وقعدت ‪ 3‬سنين بتعالج فى مصحه نفسيه‬

‫حتى لما خرجت منها كنت بقوم من النوم مفزوعه وبصرخ من مجرد‬ ‫انى اشوف وشه فى كوابيسى‬ ‫انا كنت بخاف انام يا عماد والناس فضلت تقول عنى مجنونه سنين‬ ‫سمعنى دكاترة كتير بس محدش ريحنى غير ربنا لما لجئتله‬ ‫عمرتى هى اللى رجعتنى للحياه من تانى بعد ما دعيته فيها واتوسلتله‬ ‫يحمينى من نفسى ومن كل الناس‬ ‫انت كنت طوق النجاه اللى ربنا بعتلهولى عشان احتمى فيه يا عماد‬ ‫متسبنيش‪ ...........‬انا تعبت ومعدتش قادرة اتحمل اكتر‬ ‫الله يخليك يا عماد ما تسبنيش انا قلبى تعب وروحى خلاص مش قادرة‬ ‫تتحمل عذاب اكتر‬ ‫لم يستطع عماد ان يستمع اكثر فارتمى فى حضنها باكيا بمراره ‪:‬‬ ‫اسكتى يا سها ابوس ايدك اسكتى‪.‬‬ ‫اقسم باللى خلقنى وخلقك ماحد فى الكون هيقدر يهوب ناحيتك تانى‬ ‫اقسم بالله لدفعه التمن غالى‪ ......‬غالى اوى اواى‬ ‫سها بسرعه وهى تحتضن راسه رافعه اياها بين يديها ‪ :‬لا لا ارجوك‬ ‫لا‪ .......‬اوعدنى يا عماد ملكش دعوه بيه‬ ‫نتقى شرة ابوس ايدك ‪.‬انا عايزاك يا عماد هموت لو خسرتك‬ ‫بكت بمراراة وهى تحتضنه بقوة وكانه تخاف ان يفلت منها ‪ :‬انا هموت‬ ‫لو جرالك حاجه يا عماد‬

‫الله يخليك اوعدنى تبعد عن طريقه‬ ‫انا مش عايزة حاجه من الدنيا غيرك انت ووفاء‬ ‫ظلا كلاهما يحتضن الاخر بقوة الا ان انتبه كلاهما لصوت الامام فى‬ ‫الخارج يقيم للصلاة فابتسم كلاهما متذكرا ليلتهم الاولى ثم توضأا‬ ‫وصلا الفجر معا فى غرفتها لتشرق شمسا جديده على حياتهما وقد‬ ‫اشهدا الله على حبهما وتمسكهما به مدى الحياه‬ ‫نامت سها بعد صلاة الفجر فى احضان زوجها الدافئه بامان والبسمه‬ ‫تعلو وجهيهما‬ ‫ارتدت فجاه للوراء لتنظر الى وجهه باستغراب ‪ :‬بس انت جيت ازاى‬ ‫وعرفت منين ؟‬ ‫عماد مبتسما ‪ :‬حذرى فظرى‬ ‫سها بتلقائيه ‪ :‬بابا‬ ‫عماد ‪ :‬هههههههه اوت‪ .‬امك هى اللى جات وقالتلى على كل حاجه‬ ‫سها بدهشه ‪ :‬ماما!‬ ‫عماد ‪ :‬يا ما تحت السواهى دواهى‬ ‫سها وهى تضرب صدرى برقه ‪ :‬احترم نفسك‬ ‫عماد ‪ :‬دلوقتى احترم نفسك ‪ .‬انتى مش لسه طرداها من اوضتك اول‬ ‫امبارح ؟‬

‫سها با ستغراب وقبل ان تسأل اخذها عماد فى حضنه ثانيه ‪:‬‬ ‫شششششششش بس بقى كفايه كلام صدعتينى‬ ‫يا ساتر عالستات تموت فى الرغى‬ ‫خلى الواحد يستمتع بالاحضان والذى منه شويه بقى‬ ‫سها ‪ :‬ههههههههههه ايه الذى منه ده ؟‬ ‫عماد ‪ :‬محاولا ان يتمالك نفسه ‪ :‬اما نروح هقولك‬ ‫سها ‪ :‬هو احنا هنروح امتى ؟‬ ‫عماد ‪ :‬والله انا كان نفسى اروح دلوقتى حالا بس امك شارطه عليا‬ ‫منمشيش غير لما تتكلمى معاها ونتغدى سوا زى اى عيله‬ ‫سها بطفوليه ‪ :‬تؤه‬ ‫عماد مبعدا اياها قليلا لينظر فى وجهها ‪ :‬ايه تؤة ده ؟‬ ‫سها مبتسمه ‪ :‬مفيش عيله كامله من غير فوفو‬ ‫وحشتنى او يا عماد هموت واخدها فى حضنى‬ ‫عماد بأسى ‪ :‬والله يا سها من ساعه اللى حصل وهى عند جدتها انا كنت‬ ‫حاسس ان روحى بتروح منى ومكنتش هقدر اخد بالى منها‬ ‫سها ‪ :‬بعد الشر عليك يا حبيبى‬ ‫عماد واضعا يده على رأسها بحنان ‪ :‬يا رب باركلى فيها ومتحرمنيش‬ ‫منها ابدا‬

‫دست سها رأسها فى صدر عماد تتململ فيه كيفما تشاء بينما ضمها‬ ‫عماد بين زراعيه بقوة لتنام بين احضان زوجها وحبيبها بكامل ارادتها‬ ‫للمرة الاولى التى لم تكن سوى بدايه لسرد وصلات من العشق والهوى‬ ‫بين زوجين جمعتهما ظروف الحياه ليبنيا حياه زوجيه ملؤها السعاده‬ ‫والطمانينه التى لا يعكر صفوها سوى اصحاب الحقد والانفس الامارة‬ ‫بالسوء‬ ‫فى المشفى حيث جلس الصديقان بل الاكثر من اخوان عماد وماجد‬ ‫يتبادلان اطراف الحديث من هنا وهناك نادتهما نفين القادمه للزيارة‬ ‫والتى راتهما بينما كانت تتجه الى غرفه فوقيه‬ ‫نفين ‪ :‬ايه يا ولاد بتعملوا ايه هنا وسايبين فوقيه لوحدها‬ ‫عماد ‪ :‬معلش يا طنط اصل بقالنا كتير معقدناش قعده المصطبه دى‬ ‫نفين ‪ :‬ههههههه ربنا يخليكوا لبعض ‪ .‬يلا تعالوا عشان تتغدوا انا جايبه‬ ‫معايا الغدا‬ ‫عماد ‪ :‬اه يالا بينا ‪ .‬الواحد حاسس انه جاع من كتر الكلام‬ ‫ماجد ‪ :‬وانت من امتى بتشبع يا طفس؟ انت يالا انت مش لسه ضاربين‬ ‫دسته فول وفلافل دلوقتى لوحدنا‬ ‫نفين ‪ :‬عموما براحتك يا ماجد منار اللى طبخه ودى اول مره تعملها خد‬ ‫بالك‬ ‫ماجد ‪ :‬تصدق يا ض يا عماد الكلام بيجوع فعلا ياااااااه ده الواحد‬ ‫خراتيت بطنه هوهوت‬

‫ضحك الجميع واتجهوا معا الى غرفه فوقيه وتناولوا الغداء معا بينما‬ ‫اعلنت نفين بعد الغداء عن مفاجئه كانت سارة للجميع ماعدا فوقيه التى‬ ‫كانت تعد هذة المفاجئه لها قنبله موقوته على وشك الانفجار وبالطبع لم‬ ‫يغب ذلك عن اعين عماد‬ ‫نهايه الفصل الحادى والثلاثون‬ ‫الفصل الثانى والثلاثون‬ ‫هل سمع احدكم يوما عن البراكين ؟؟‬ ‫انها تلك الحمم الملتهبه التى تحتوى المعادن النفيثه‪ .‬تنصهر بداخل‬ ‫الجبال مع اسرار الارض لتخرج على هيئه تلك النيران الثائرة‬ ‫عفوا اجابه خاطئه فأنا لم اقصد هذة البراكين‬ ‫قصدت تلك التى تتكون فى داخل النفس البشريه لتثور بما هو اغلظ‬ ‫من الحمم‬ ‫فعلى الارجح تلك الحمم مهما بلغ لهيبها هى مفيده للبشريه‬ ‫لكن براكين الغضب داخل الانسان تاتى دائما بما لاتحمد عقباه‬ ‫كانت فوقيه فى حال لا تحسد عليها بعد ان فجرت نفين تلك المفاجاه‬ ‫بعوده الغائب قريبا فقد وجدت شركته بديلا عنه اخيرا كما انه قام بجمع‬ ‫المعلومات المطلوبه عن افضل مشفى فى المانيا يمكن لفوقيه اجراء‬ ‫عمليتها به‬

‫اندلعت بداخلها حرب طاحنه بين ضميرها وامومتها من جانب و‬ ‫بركان غضبها ورغبتها الملحه فى الانتقام من عصام على الجانب‬ ‫الاخر‬ ‫ظل الجميع يتضاحكون ويتبادلون اطراف الحديث الى ان اتى موعد‬ ‫ذهاب نفين فتلك الليله كانت دور ماجد فى المبيت مع والدته‬ ‫عرض عماد على نفين توصيلها فوافقت بعد ان اكد انها فى طريقه الى‬ ‫موعد هام‬ ‫ودعهم ماجد وما ان اغلق الباب حتى التفت الى والدته ليجدها صامته‬ ‫مستغرقه فى التفكير‬ ‫لم يبد اندهاشا فقد لاحظ حالتها هذة اكثر من مرة ولكنه كان حائرا عما‬ ‫يكون السبب‬ ‫اتجه اليها بخطى ثابته وجلس بجانب سريرها يمسك يدها مقبلا اياها‬ ‫بحب ‪ :‬ايه يا ست الكل سرحانه فى ايه؟‬ ‫فوقيه بانتباه‪ :‬ها بتقول حاجه يا ماجد؟‬ ‫ماجد بجديه ‪ :‬فيه ايه يا امى مالك ؟‬ ‫فوقيه بعد ان اطالت النظر اليه ‪ :‬انت بتحب منار قد ايه يا ماجد؟‬ ‫ماجد باندهاش ‪ :‬ايه يا امى السؤال الغريب ده ؟‬ ‫ابتسم ابتسامه جانبيه ثم اضاف بمرح ‪ :‬احنا بقينا نغير ولا ايه يا فوفه!‬ ‫فوقيه بجديه وعبوس ‪ :‬لما اسألك تجاوبنى عدل ‪ .‬انا مابهزرش‬

‫ماجد وقد تغيرت معالم وجهه الى الجديه ايضا لكنه ابقى على هدوئه‬ ‫فهو يدرك بالنهايه انه يتحدث الى والدته ‪ :‬بحبها قد ما قلبى اتعلم يعنى‬ ‫ايه حب وقد ما عقلى فهم يعنى زوجه‪.‬‬ ‫بحبها قد ما علمتينى ازاى الراجل بيحب زوجته وبيحتويها يا امى‬ ‫قد ما ابويا الله يرحمه حبك وقد ما ربنا زرعلها حب فى قلبى بحبها‬ ‫كان ماجد يتكلم وكأنه يرسم صورة لمنار وسط طيات حديثه اما فوقيه‬ ‫فكانت تنظر لابنها وبداخلها اكبر قدر من الالم والحسرة والمعاناه‬ ‫لو قال هذا الكلام دون ان اعرف بانها ابنه ذلك الرجل لرقص قلبى‬ ‫فرحا بابنى الذى اختار زوجه صالحه وحفظ لها مكانا خاصا فى قلبه‬ ‫لربما شعرت بالقليل من الغيرة لكنى ما كنت سأشعر بذلك الالم فى‬ ‫صدرى‬ ‫ان كان ابنى يحبها بتلك القوة وانا واثقه من حبها له فكيف ستكون‬ ‫معاناتها بعد عوده الغائب‬ ‫كيف سأتحمل رؤيه عذاب الفراق فى عيون فلذه كبدى ذلك العذاب الذى‬ ‫تذوقته مرارا ومرارا‬ ‫فارقتنى امى ثم اختى الوحيده فوالدى ثم زوجى وحمياتى فى هذه‬ ‫الحياه‬ ‫هل سأكون سببا فى ان يتجرع ابنى نصيبا من تلك المراره‬ ‫لكن‪ .‬لست انا السبب‪ .....‬انه عصام وفقط عصام‬ ‫انه السبب فى كل مصائب حياتى وكانه لعنه حلت على فى هذة الحياه‬

‫كنت لاقبل باى لعنه تصيبنى ولكنى سأموت ان اصابتك لعنتك ابنى يا‬ ‫عصام‬ ‫لكن ابعد كل ما فعلته بالماضى يمكنك ان تعيش هنيئا هكذا فقط؟ دون‬ ‫عقاب ؟‬ ‫لا والف لا ؟ لابد ان تعاقب‬ ‫ستعرف ما مررت به انا عندما ترى ابنتك تذرف دموع الفراق على‬ ‫حبيبها كما ذرفتها انا على احبائى‬ ‫ارايتم ؟ الم اقل لكم انها باركين ؟‬ ‫تذكرتم ذلك ؟ اتذكرون ما قلته بعدها ؟‬ ‫براكين الغضب تاتى دائما بما لا تحمد عقباه‬ ‫فوقيه دون مقدمات ‪ :‬طلقها‬ ‫ماجد وهو يوشك على الجزم بأنه اخطأ السمع ‪ :‬نعم!!!‬ ‫فوقيه وهى تنظر لعيون ابنها مباشرة وبصراخ ‪:‬بقولك طلقها قبل ما‬ ‫تحط ايدك فى ايد ابوها‬ ‫ماجد محاولا التماسك ‪ :‬بتقولى ايه يا ماما‬ ‫انخرطت فوقيه فى بكاء مرير ‪ :‬انا مستحيل اسمحلك تحط ايدك فى ايد‬ ‫البنى ادم اللى اغتصب اختى‬ ‫عصام ده اغتصب اختى‪ ...‬انت فاهم يعنى ايه اغتصبها‬ ‫ازاى يغتصب اختى وانا ابنى يستر بنته ؟ازاااااااى؟‬

‫ماجد وهو فى حاله من الذهول ‪ :‬انا مش فاهم حاجه ‪ .‬ولا حاجه‬ ‫فوقيه وهى تمسح دموعها باصرار ‪ :‬انا هحكيلك على كل حاجه‬ ‫بس توعدنى انك هتاخد القرارا الصح ومش هتجرى ورا مشاعرك‬ ‫وتنسى كل اللى هقولهولك‬ ‫هز ماجد راسه ايجابا وهو فى حاله داخليه من الاستعداد لسماع اسوأ ما‬ ‫قد يتوقعه فى حياته‬ ‫بدات فوقيه تسرد له الاحداث منذ خمس وعشرين عاما حين كانت‬ ‫تدرس الازياء بفرنسا‬ ‫لم تمتلك فى حياتها سوى اختا واحده لطالما اعتبرتها هديه من الله‬ ‫لتعوضها عن فقدان امها‬ ‫كا نابوها دائم الانشغال باعماله بينما كانت والدتها تعوضها ذلك‬ ‫بأفياض الدفئ والحنان والرعايه‬ ‫توفيت والدتها بعد ان انجبت فتاه صغيرة اسموها\" فاديه \" بينما كان‬ ‫عمر فوقيه لا يتجاوز السبع سنوات‬ ‫فتاه لم تتجاوز السبع سنوات حملت نفسها مسؤليه رضيعه توفيت امها‬ ‫لتتقمص هى دور الام بدل الاخت بل بالاحرى ام واخت وصديقه ايضا‬ ‫طوال سبع عشر عاما وهى تحتضن اختها فى صحوها ونومها‬ ‫فوقيه كانت دائما ينبوع حب وحنانا للجميع منذ صغرها‬ ‫لم تفترق عن فايده ابدا سوى بعد ان بدات دراستها بالخارج‬

‫كانت اختها تهاتفها دائما مطالبه اياها بالعوده ومعبرة عن اشواقها لها‬ ‫الا ان اتت تلك الفترة التى كانت تلح فيها ان تأخذها فوقيه لديها بباريس‬ ‫‪.‬لم يبدى صوتها انها بخير ابدا لكن فوقيه وللمرة الاولى كذبت‬ ‫احساسها عن ذلك واجبرت نفسها على التصديق بأنه مجرد اشتياق‬ ‫وحنين‬ ‫قاومت ذلك كثيرا الا ان عادت الى ار الوطن لتصدم بمت حدث‬ ‫كانت اختها تعانى الامرين بينما ينتهك شريك والدها حرماتها شيئا‬ ‫فشيئا‬ ‫وصلت به القذارة ان قام باغتصابها ورميها بعد ذلك وكانها احدى‬ ‫الجوارى المعروضات للبيع‬ ‫قامت فايده بالانتحار بعد ان كتبت رساله انتحارها تاركه اياها على‬ ‫سرير اختها او بالاحرى امها فوقيه‬ ‫قطعت شرايين يدها لتزهق روحها فوق فراش اقرب الاقربين لقلبها‬ ‫‪.....‬اختها وحاضنتها ومربيتها وامها فوقيه‬ ‫\"فايده السيوفى‬ ‫فتاه لم تتجاوز الثامنه عشر فى عامها الاول بالجامعه ربه احدى اكبر‬ ‫عائلات الاسكندريه تنتحر بعد تركت رساله غامضه لاختها الغائبه فى‬ ‫احدى البلدان الاجنبيه\"‬ ‫هكذا تحدثت الجرائد حول الحادث‬

‫بعدها اجريت التحقيقات حول رفعت السيوفى المتهم الاول فى ضبط‬ ‫اكبر كميه من مخدر البانجو فى محاوله لتهريبها الى احدى المدن‬ ‫الساحليه بعد ان تم القاء القبض على زراعه الايمن\" خالد الاشول \"‬ ‫وهو يرأس هذه العمليه وقد سبق ذلك اشاعات كاذبه حول وفاه الدعو‬ ‫\"خالد‬ ‫كانت فوقيه كمن عاش حلم جميلا لفترة طويله واستيقظ بالنهايه ليدرك‬ ‫ان الحياه هى سلسله ضخمه من الكوابيس المتلاحقه‬ ‫غابت عن الوعى لفترة طويله وهى فى حاله من الصدمه والهروب من‬ ‫الحقيقه‬ ‫ظلت قابعه باحدى المستشفيات البسيطه بالمحافظه بما كان يناسب‬ ‫\"نصر الدين\"‬ ‫ذلك الشاب المكافح الذى لطالما احبها منذ عرفها ‪ .‬احب طيبتها‬ ‫وبساطتها ‪.‬‬ ‫احب تواضعها وخجلها‬ ‫احب روحها الحنونه وجمالها‬ ‫لم يتركها ابدا بل ظل بجانبها يساندها فى الضراء قبل السراء‬ ‫خرجت من المشفى بعد ذلك لتسكن مع مربيتها العجوز فى بيتها ووسط‬ ‫بناتها الاربع بينما كانت لاتزال تشعر بالتيهه والضياع‬

‫كم كانت خجله وهى تراقب نصر الدين يتقاسم الاموال البسيطه التى‬ ‫جناها من العمل فى احدى البنايات كبناء بينما هو مهندس مع مربيتها‬ ‫لتنفق على البيت ذو البنات الخمس‬ ‫قررت ان عليها ان تقابل والدها بسجنه لتعرف كل شيئ حول تلك‬ ‫الرساله وما حدث بالضبط مع والدها واختها‬ ‫لكن لم تسر الرياح بما تشتهيه السفن فاهو والدها قد تلقى للتو حكما‬ ‫بالاعدام‬ ‫لم تستطع مقابلته ولم تستطع معرفه اى شيئ وسط صدماتها المتلاحقه‬ ‫كل ما عرفته ان السبب فى كل ماحدث هو رجل واحد هو شريك والدها‬ ‫\"عصام \"‬ ‫بحثت عنه طويلا وطويلا الا ان وصلت الى عنوانه اخيرا‬ ‫يالا سخريه القدر انه يسكن فى شقه متواضعه الان مع شيخ‬ ‫ذهبت اليه بكل ما تحمله من صدمات وشحنات بداخلها‬ ‫‪.................................................‬‬ ‫طرقات كازلازال دقت باب الشيخ بينما انتهى للتو من اعداد الافطار‬ ‫لضيفه قبل ان يوقظه‬ ‫هرع\" الحاج شفيق بسرعه الى الباب ليفتحه ليجد امامه فتاه ترتدى‬ ‫الاسود وتشع عيونها حمم بركانيه من الغضب لتهاجمه بالسؤال ‪ :‬فين‬ ‫اللى اسمه عصام ؟ انت ؟‬

‫لم يكد الشيخ يفتح فمه حتى التفت ورائه اثر رد عصام المستنفر ‪ :‬انتى‬ ‫ايه اللى جابك هنا ؟‬ ‫فوقيه بصدمه وبصعوبه استطاعت تجميع الكلمات فى فمها ‪ :‬انت ‪....‬‬ ‫انت عصام نفسه؟؟‪ ......‬انت شريك بابا ؟؟‬ ‫عصام بسخريه وهو يضم يديه حول صدرة ‪ :‬عايزة تفهمينى انك‬ ‫مكنتيش تعرفى انى شريك ابوكى لما اتقابلنا قبل كده !‬ ‫تغيرت تعابير وجهه الساخرة الى الجديه والقسوة ‪ :‬انت فاكرة نفسك‬ ‫جايه تستكردى مين ؟؟‬ ‫انتو عيله نصابين وحراميه ؟‬ ‫انتو ايه ؟ مافيا ؟‬ ‫جايه ليه هنا يا فوقيه هانم ؟ جايه تتهمينى زى اختك ؟‬ ‫انتو فاكرين انكم كده بتلو دراعى ؟‬ ‫لا يا ماما فوقوا‪ .‬انتوا بتفضحوا نفسكم مش بتفضحونى انا‬ ‫بينما كان عصام يتحدث لم تكن فوقيه تستمع لكلماته جيدا كان عقلها‬ ‫يعمل بسرعه كبيرة وبمعدلات مضاعفه‬ ‫تجمعت الصور فى عقلها بسرعه ‪ .‬حين قابلته بحفله عالميه لمجموع‬ ‫الشركه المتعاونه فى باريس لم تعلم انه شريك والدها‬

‫حين راته من بعيد يرفض تناول رشفه واحده من الخمر بينما اصر‬ ‫مضيفه على ذلك لكم احترمته حينها اذ نفر كل ما يقوم به باقى رجال‬ ‫الاعمال من القذارة والشرب تحت رايه الاحتفال‬ ‫ظلت تراقبه طوال الحفله وهو يلتفت يمينا ويسارا ينظر للباقين بنفور‬ ‫وتقزز الى ان اهتدى اخيرا الى شرفه خاليه ليقضى بها سهرته التى‬ ‫كان من الواضح كضى الشمس انه ارغم على حضورها مثلما كان‬ ‫الحال معها تماما‬ ‫لا اراديه اتخذت خطواتها الفضوليه طريقها خلفه الى الشرفه لتقف على‬ ‫باباها تراقب حركاته السريعه التى حاكها منكبيه العريضين وهو ينزع‬ ‫ربطه عنقه بعصبيه وكأنه كاد ان يختنق فعلا‬ ‫اجفلت لصوته الصارم الموجه نحوها ‪ :‬كتبتى تقريرك ولا شفت‬ ‫المرابقه بتاعك مخلصش؟؟؟‬ ‫بالرغم من انه كان يوليها ظهره الا انها عرفت تماما انها كلماته موجه‬ ‫لها لكنها ردت صوت خافت وهو تشير نحو نفسها بسبابتها ‪:‬انا ؟؟‬ ‫حضرتك بتكلمنى انا ؟‬ ‫التفت اليها بشراسه ‪ :‬وهو حد بيراقبنى من اول الحفله غيرك ؟؟‬ ‫ابتلعت فوقه ريقها بسرعه ولم تعرف من اين استجمعت الشجاعه لترد‬ ‫عليه بثبات بعد ان ضحكت ضحكه خفيفه تنم عن سخريه ‪ :‬ايه كميه‬ ‫الغرورو دى يا حضرت ؟‬ ‫اولا انا يحقلى اقف هنا زيك بالظبط‬ ‫ثانيا ‪ :‬عنيه ملكى ابص بيها على اللى يعجبنى‬

‫تعتبرها مراقبه تعتبرها غير كده ميهمنيش‬ ‫اظن واضح ؟؟‬ ‫صمت عصام حينها قليلا قبل ان يجيبها وهو يقبض على يده بقوه وكانه‬ ‫يمنع لكمه فولاذيه من الاتجاه نحوها ‪ :‬انت ماحدش علمك قبل كده \"‬ ‫وقل للمؤمنات يغضضن من ابصارهن \"‬ ‫حينها رد عصام الجم لسانها فاتجهت بدورة نحو مدخل الشرفه التى‬ ‫كانت تقف قباله ناويا الخروج الا انها اوقفته بينما كان بجانبها تماما ‪:‬‬ ‫انت مين ؟‬ ‫عصام وقبل ان يكمل طريقه للخارج ‪ :‬عصام‬ ‫عادت الى وجهه ثانيه بعينيها لتدرك انه ما كان سوى قناع زائف يتخفى‬ ‫ورائه ذئب شرس وماكر‬ ‫اهذا هو نفس الرجل الذى بسسبه عرفت ما معنى التعمق بايات الخالق‬ ‫؟‬ ‫اهو نفسه الذى دعت له فى صلاتها كلما تذكرته اذ بسببه اصبحت اكثر‬ ‫تدينا وتقربا من ربها بينما هى فى غربتها وسط اهل فرنسا الذين كادوا‬ ‫ينسوها انها بالاصل مسلمه عربيه ؟؟‬ ‫ايا ما كان فهو نفس الرجل الذى نهش عرض اختى‬ ‫هو نفس الرجل الذى اودى بحياه والدى بسبب اعماله المشوبه‬ ‫لم تجفل هذه المرة حين علا صوته بهستيريه بينما يمنعه الشيخ من‬ ‫التقدم نحوها ‪ :‬اطلعى بره بقى عايزين منى ايه ؟‬

‫حسبى الله ونعم الوكيل فيكم انتو مش بنى ادمين‬ ‫حين اخذت فوقيه بالصراخ فى وجهه ايضا ‪ :‬انت اخر واحد تتكلم عن‬ ‫البنى ادمين يا كلب يا حقير‬ ‫انت احقر مخلوق على وجه الارض‬ ‫انت ايه ؟ انت ازاى كده ؟ انت بعد كل ده لسه بتقول حسبى الله ونعم‬ ‫الوكيل‬ ‫ربنا ينتقم منك يا شيخ واشوف فيك يوم‬ ‫لازم ربنا هينتقم منك انا متاكده‬ ‫انت فاكر انك هتفلت بعملتك عشان مفيش دليل‬ ‫لو البوليس ماخدش منك حقى ربنا هياخدهولى وبأيدى‬ ‫لو مر ميه سنه يا عصام بيه هشوفك وانت مذلول وبينتهك عرض‬ ‫اقرب الناس ليك‬ ‫داين تداين ‪ ...........‬خليك فاكر كلامى‬ ‫كان الشرر يتطار من عينها بينما تتوعده بلا وعى ‪ :‬هشوفك ولو بعد‬ ‫ميه سنه وانت محروق نفس حرقه قلبى على اقرب الناس ليك‬ ‫وعرضها منتهك زى ما انت عملت بالظبط وتبقى فضيحتك وسط كل‬ ‫الناس بجلاجل‬ ‫هنتقابل يا عصام ولازم ساعتها تفتكر كلامى‬

‫فاهم ؟ لازم ساعتها تفتكرنى عشان تتمنى انك تموت قبل ما كنت تمس‬ ‫شعرة واحده من فاديه ؟‬ ‫بصعوبه كاد الشيخ حقا منعه من التوجه نحوها والله وحده اعلم ما كان‬ ‫يمكن ان يفعل بها لو استطاع الوصول اليها وسط فرط عصبيته حينها‬ ‫فعصام حقا كان ممكن تفقده العصبيه صوابه‬ ‫اعلن الباب صوتا قويا صاحب اهتزازة بعنف لدى اغلاق فوقيه القوى‬ ‫له بعد خروجها‬ ‫كان عصام لا يزال يحاول التملص من الشيخ للحاق بها قبل ان يجره‬ ‫جرا الى حمامه المتواضع ليجبرة على وضع راسه تحت صنبور المياه‬ ‫كان الشيخ يدرك جيدا ان الغضب ليس ورائه من مسبب زوى ذلك‬ ‫اللعين وهو كما قال رسولنا صلى الله عليه وسلم من النار ولا يطفئ‬ ‫نيران الغضب التى يسببها ذلك اللعين سوى الماء‬ ‫تركه الشيخ بعد دقائق بعد ان وجهه لصلاه الضحى‬ ‫فتح باب شقته لاخراج القمامه ففوجئ بنفس الفتاه تجلس على السلم‬ ‫تضم ركبتيها الى صدرها وقد دست وجهها بين يديها وكانها تحتضن‬ ‫نفسها‬ ‫نزل الشيخ بسرعه اليها ووقف على مقربه ‪ :‬انتى كويسه يا بنتى ؟؟‬ ‫مالك ؟‬ ‫رفعت فوقيه راسها ‪ :‬انت مين ؟‬ ‫الشيخ باطمئنان ‪ :‬انا الحاج شفيق يا بنتى‬

‫اشار الى الشقه ‪ :‬صاحب الشقه دى‬ ‫نظرت خلفها لتدرك انه من طرف المجرم فكشرت عن انيابها بسرعه‬ ‫وقد هبت واقفه ‪ :‬ابعد عنى احسنلك ‪ .‬ربنا ينقم منكم‬ ‫الشيخ ‪ :‬يا بنتى لازم تسمع ‪ .‬مش المفروض ابدا اننا نرمى الناس‬ ‫بالباطل لازم تسمعى عشان انتى كمان ترتاحى يا بنتى‬ ‫حين يتملك الانسان الاسى والظن السوء ويسيطر على راسه تلك‬ ‫الافكار الانتقاميه يصم اذنيه عما يقوله الاخرين ولو كان فيه الراحه‬ ‫والحقيقه‬ ‫وهذا تماما ما قامت به فوقيه فقد صمت اذنيه عن ادنى كلام قد يقوله‬ ‫الشيخ وولت ذاهبه مقررة ان عليها الانتقام منه يوم ما وقد فوضت‬ ‫امرها الى خالقها‬ ‫بعد سنه من ذلك استطاع نصر الدين الحصول على وظيفه ملائمه‬ ‫كمهندس فى احدى مكاتب الهندسه المبتدئه لكنه على الاقل استطاع‬ ‫وضع قدمه على اول طريق مستقبله الهندسى ليثبت نفسه بجدارة بعد‬ ‫فترة قياسيه استطاع بعدها التقدم لزواج فوقيه التى لم تجد بدا للموافقه‬ ‫بالبدايه فقد كانت تعرف انها تدين له بالكثير الكثير‬ ‫لكنها بعد ان تزوجته عرفت ما يعنيه الحب حقا‬ ‫كم اغدق عليها حبا وحنان انسوها قسوة الايام التى مرت بها وكم‬ ‫امضت من ايام وسنين سعيده مع حبيبها وطفلها ماجد الى ان وافه‬ ‫زوجها المنيه بعد عشر سنوات من زواجها‬ ‫كان ماجد يستمع الى والدته وقد كاد يجن حقا مما يسمعه‬

‫كاد عقله يطير حين تخيل ما فعله عصام بالماضى‬ ‫وكادت ضربات قلبه تتوقف حين تخيل ما قد يحل بمنار ان علمت بذلك‬ ‫لكن الادهى انه كاد يختنق حقا حين اقدمت والدته على سؤاله ‪ :‬هطلقها‬ ‫؟؟؟؟؟؟؟‬ ‫___________________________________________‬ ‫___‬ ‫نهايه الفصل الثانى والثلاثون‬ ‫الفصل الثالث والثلاثون‬ ‫كادت انفاس ماجد تتوقف او بالفعل حبس انفاسه لا اراديا حين اتاه‬ ‫سؤال والدته ‪ :‬هطلقها ؟؟‬ ‫لم يدر ماجد ماذا عليه ان يجيب‬ ‫نعم يشعر بالالم لما مرت به والدته فى الماضى‬ ‫نعم يدرك ان عصام هو ذئب نهش عرض خالته فى الماضى‬ ‫نعم يغلى الدم فى عروقه وتنتابه رغبه ملحه فى قتل ذلك الرجل‬ ‫لكن ماذنب منار فى ذلك ؟‬ ‫مال بال قلبه يؤلمه بهذه القوة عند ذكر هذا الفراق ؟‬ ‫مال روحه وكأنها تغادرة لاعنه اياه اذا ما فكر فقط فى التخلى عنها ؟‬

‫ما سر حرارة تلك الدموع على خدة وكأن حمم براكين الغضب والانتقام‬ ‫لدى فوقيه تتساقط من ملقتيه دون وعى منه‬ ‫شعر بيد والدته تضغط بضعف على وجنتيه تمسح دمعه الذى انتبه له‬ ‫بعد فوات الاوان فلم يرد ابدا ان يبدوا بهذا الضعف امام والدته‬ ‫كرجل شرقى لم يرد ابدا ان تهتز صورته وينقلب كيانه لدرجه البكاء اذا‬ ‫ما ذكر فراق محبوبته‬ ‫سريعا كصقر جريح انتفض معلنا الخروج الى اللا سبيل‬ ‫نعم هو لم يهتدى طريقا يسير فيه فقد غزت الدموع مقلتيه رغم‬ ‫محاولاته المستميته فى ايقافها‬ ‫لم يجد غير المصعد امامه فضغط ازرارة بعصبيه دون زر محدد‬ ‫ظل قابعا بالمصعد لا يعى ان كان ياخذة للاعلى ام للاسفل‬ ‫كل ما اتى بخاطرة وقتها هو تذكر طيف معشوقته فى ذلك اليوم وقت‬ ‫ان كادت تصطدم به عند الباب‬ ‫يالهى كم هى رقيقه كرقاقات الثلج البيضاء‬ ‫هل ستستطيع تحمل الامر ؟‬ ‫هل يمكن ان تتحمل كشف حقيقه والدها وان اتخلى عنها فى ان واحد ؟؟‬ ‫لم يستطع ماجد نفسه ان يتخيل الى اى مدى قد تنهار منار اذا ما عرفت‬ ‫بحقيقه الامر‬ ‫لم تستطع قدميه ان تحملانه اكثر فخر ارضا ككتله متهالكه وهو‬ ‫يضرب بيده قبضات متتاليه على ارض المصعد‬

‫ظل يوجه لارض المصعد لكمات هزيله تناسب قوة انهياره واغورار‬ ‫دمعه حتى فتح باب المصعد اخيرا ليجد نفسه على سطح المشفى‬ ‫__________________________________‬ ‫وصلت نفين بأمان الى بيتها لتلتقى عند الباب بوجه منار القلق‬ ‫منار ‪ :‬ايه يا ماما ليه اتاخرتى كده ؟‬ ‫نفين باستغراب ‪ :‬اتاخرتى ايه يا بنتى ما انا باجى بعد الوقت ده كتير لما‬ ‫بزور فوقيه‬ ‫منار بقلق واضح ‪ :‬لا يا ماما حسيتك اتخرتى المرة دى‬ ‫طيب طنط كويسه ؟‬ ‫ماجد كويس ؟‬ ‫حد جراله حاجه ؟‬ ‫فوقيه ‪ :‬ايه يا بنتى حيلك حيلك ايه صفحه الحوادث اللى داخله بيها عليا‬ ‫دى‬ ‫كلهم كويسين يا حبيبه قلبى والله‬ ‫مى وقد ظهرت فجأه تحمل تفاحه ‪ :‬قشطه يا معلمه ايه الالش الجامد ده‬ ‫نفين وقد فاجأتها مى ‪ :‬بسم الله‪ ......‬ايه يا بنت ده خضتينى الله يجازيكى‬ ‫مى وهى تقضم التفاحه وتحيط كتف والدتها باليد الاخرى ‪ :‬بلاش يا‬ ‫ماما تبقى بسكوته كده عايزاك تجمدى الراجل زمانه جاى‬ ‫يجى يلاقيكى نايتى كده ؟؟؟؟‬

‫لالالا انا عايزاكى اول ما يجى تديله انطباع انه سايب وراه رجاله تاكل‬ ‫الظلط‬ ‫نفين وهى تزيح يد مى وتاخذ منها التفاحه ‪ :‬هاتى التفاحه دى غسلتيها‬ ‫ولا كالعاده ؟‬ ‫واوعى كده اما اشوف اختك دى مالها‬ ‫مى ‪ :‬انا الحق عليا عايزة مصلحتك بدل ما الراجل يبص برة!‬ ‫وبعدين مالها منار ما هى زى القشطه اهى‬ ‫هى بس شافتلها كام حلم كده على حين غرة فجالها حاله من الذعر‬ ‫المصاحب لنوبات من القلق الشديد يتبعه تخيلات دراميه كئيبه متزمته‬ ‫لاحداث عدائيه ومصائب قد تكون حدثت بالفعل او قد تحدث بالمستقبل‬ ‫لانه وكما من الواضح ‪.....‬قلبها رهيف ونايتى‬ ‫وعلى راى المثل \" اقلب القدرة على فمها تطلع البت لامها\"‬ ‫والسلام عليكم ورحمه الله وبركاته‬ ‫كانت منار ووالدتها ينظرون نحوها باعين متسعه وهى تتجه الى‬ ‫غرفتها بعد القاء هذا الكلام الغريب‬ ‫بعد خطوات قليله عادت مى لتنزع التفاحه ثانيه ‪ :‬وهاتى التفاحه دى‬ ‫لاتعدوها‬ ‫فرت مسرعه الى غرفتها وضحكاتها تملأ الارجاء ‪ :‬اوعدك اغسلها‬ ‫المرة الجايه يا نايتى‬

‫نفين وهى تضرب كفيها ‪ :‬عليه العوض ومنه العوض ‪ .‬يا رب عوضنى‬ ‫عوض الصابرين يا رب‬ ‫ظهر رأس مى من الداخل ‪ :‬مش كبرتى عالحاجات دى خلاص يا نوفه‬ ‫؟ حظ سعيد مع احفادك بقى هتاخدوا زمنكم وزمن غيركم‬ ‫قبل ان تجيب نفين انطلق صوت منار المعترض والمتبرم هذة المره ‪:‬‬ ‫خلاص بقى يا مى الله يخليكى مش ناقصاكى‬ ‫فيه ايه ؟ سيبنى اعرف اكلم ماما كلمتين بقى‬ ‫نفين ‪ :‬ده الموضوع جد بقى‬ ‫تعالى يا بنتى احكيلى مالك فيكى ايه ؟‬ ‫قادت نفين ابنتها الصغرى الى احد مقاعد الصالون وتبعتهم مى وقد‬ ‫تغيرت تعابير وجهها الى الجديه فقد ظنت انه مجرد حلم يزعج اختها‬ ‫فحسب لكن من الواضح ان الامر يحمل معنى اخر للخطورة حقا‬ ‫نفين ‪ :‬مالك يا روح ماما ؟ شوفتى ايه تعبك اوى كده ؟‬ ‫منار محاوله التماسك وعدم البكاء ‪ :‬مش قادرة يا ماما احكى مش قادرة‬ ‫خايفه احكيه كان وحش اوى‬ ‫كل اللى عايزاه دلوقتى تطمنينى عليهم‪ .‬الكل كويسين ؟‬ ‫اجهشت منار بالبكاء ‪ :‬الله يخليكى يا ماما طمنينى‬ ‫نفين وهى تضم ابنتها لصدرها ‪ :‬والله يا بنتى سيباهم كلهم زى الفل‬ ‫وبيضحكم ويهزروا كمان‬

‫دى حتى فوقيه كانت صحتها كويسه خالص النهارده وقعدت معانا كتير‬ ‫من غير ما تنام‬ ‫وماجد كمان كان زى الفل ومسح الاطباق مسح لما عرف انك اللى‬ ‫عامله الاكل‬ ‫طب حتى كان منظرهم يفطس من الضحك وهو وعماد وهم بيتخانقوا‬ ‫وماجد مش راضى يأكلوا معاه ويقولوا روح لمراتك تاكلك كل واحد‬ ‫ياكل اكل مراته‬ ‫ابتسمت منار رغما عنها حين تخيلت الموقف وبالرغم منذلك ظل هذ‬ ‫الشعور ينتابها ويؤرقها‬ ‫ذلك الشعور حين ترى حلما يؤرقك ويثير قلقك واضطرابك على اقرب‬ ‫الاقربين لك‬ ‫ذلك الشعور الذى لاتدرى اهو الالم ام الخوف هو فقط شعور لا ارادى‬ ‫بعدم الامان والقلق‬ ‫مسحت نفين على راس ابنتها بحب ‪ :‬يا عبيطه استهدى بالله كده وقومى‬ ‫اغسلى وشك‬ ‫ولو يا ستى لسه قلقانه اتصلى بماجد قبل ما تنامى اطمنى عليه بيتهيألى‬ ‫هيكون صاحى معاه شويه ورق سابهوله عماد يمضيه بس ماتتقليش‬ ‫على جوزك يا حبيبتى ‪ .‬متقلقيهوش عليكى يا حبيبى فيه اللى مكفيه‬ ‫عند عماد عاد الى فتح باب شقته ليجد ملاكه ككل ليله تنتظرة قرب‬ ‫الباب لاستقباله بوجهها البشوش الناعم لتزيل ببسمتها الرقيقه كل هموم‬ ‫يومه التى قد تواجهه‬

‫عماد بابتسامه ‪ :‬عارفه انى كل ما بشوفك ورا الباب كده ببقى نفسى‬ ‫اقفله وارجع افتحه تانى عشان قلبى يعيش نفس لحظه لقاكى تانى‬ ‫سها بابتسامه دافئه ‪ :‬وحشتنى‬ ‫ضمها عماد الى صدرة يستنشق عبيرها بشغف ‪ :‬انتى وحشتنى اكتر‬ ‫بكتيييييييييييييييييييير‬ ‫امسك وجهها بين كفيه مقربا ايه الى وجهه ‪ :‬انتى بتحلوى كده ليه كل ما‬ ‫تقولى وحشتنى دى ها ؟‬ ‫ابتسمت سها ابتسامه عريضع وعبثت بانفه مداعبه‪ :‬طب وحشتنى‬ ‫وحشتنى وحشتنى بئا‬ ‫عماد متاظاهرا بالاعياء ‪ :‬اه يانى ياما هتموتنى الست دى‬ ‫سها بسرعه ‪ :‬بعد الشر اخص عليك يا عماد ما تقولش كده‬ ‫عماد\" بسهوكه ‪\" :‬طب امال اقول ايه ؟‬ ‫سها ‪ :‬هههههه ما تقولش حاجه يلا عشان تاكل‬ ‫عماد بحماس ‪ :‬طب يلا‬ ‫جذبها عماد بيدها باتجاه غرفتهم فقاومته سها باستغراب ‪ :‬انت رايح فين‬ ‫؟ الاكل على السفرة‬ ‫عماد مكملا طريقه معها دون توقف نحو الغرفه ‪ :‬ما انا هاكل هنا‬ ‫برده بس الاكل اللى جوه هنا احلى بكتير من الاكل اللى عالسفرة‬

‫توقفت سها على استحياء بينما استدار لها عماد ‪ :‬وقفتى ليه ؟ هتيجى‬ ‫برجليكى ولا اشيل وتقعدى تفلفصى بقى زى ما اكون خاطفك‬ ‫سها بحياء ‪ :‬اصل ‪...........‬اصل‪ .......‬اصل مش هينفع‬ ‫عماد بطفوليه وهى يضع يديه بخصرة‪ :‬وايه اللى قل نفعه ان شاء الله ؟‬ ‫مااعجبش انا ولا ما اشبهش يا ختى ؟‬ ‫انا جعان مليش فيه‬ ‫سها وقد احمر وجهها ‪ :‬احممم احممم اصل مينفعش اليومين دول يا‬ ‫عماد انا بقول تاكل اللى عالسفرة وتحلى بعدين باربع خمس ست ايام‬ ‫كده‬ ‫عماد رافعا احدى حاجبيه بتسليه ‪ :‬اااااااااااااه قولتيلى‬ ‫ارادمشاكستها فاردف ‪ :‬طب اشمعنى اربع خمس ست ايام ليه مش‬ ‫تلاته اربعه بس ؟‬ ‫سها بعصبيه خجله وهى تلوح بيدها ‪ :‬هو كده الله ‪ .‬انا زنبى ايه انا ؟‬ ‫تناول عماد يدها من الهواء مقربا اياها لشفتيه ليطبع قبله محبه عليها ‪:‬‬ ‫زنبك انك مراتى و حبيبه قلبى وروحى وعمرى ودنيتا كلها ‪ .‬ينفع ؟‬ ‫سها بابتسامه محبه ‪ :‬ينفع‬ ‫قادها عماد ثانيه ولكن هذه المرة الى طاوله الطعام لبدأ بتناول عشاؤة‬ ‫بعد ان حرمه ماجد من وجبه الغداء تقريبا‬ ‫عماد ‪ :‬وفاء نامت من امتى ؟‬

‫سها‪ :‬يااااااااااااااه من بدرى ‪ .‬لعبت النهارده واطنططت كتير لحد ما‬ ‫تعبت يا روحى ونامت زى الملايكه‬ ‫عماد بشغف ابوى ‪ :‬مبسوط انا اوى ومتمزج انها بقت بتمشى‬ ‫ياااااااااه امتى تتصل بيا بقى وتقولى\" مقلدا صوت طفولى ‪ \":‬بابا هاتلى‬ ‫شيكولاته وانت جاى ههههههههههه‬ ‫سها ‪ :‬هههههههههه لما تقول بس بابا الاول لحد دلوقتى مش بتعرف‬ ‫تجيبها غير بوب انما اسمك ماشاء الله عليها بتقوله زى الطير‬ ‫عماد ‪ :‬هههههههه ويارتها بتقول عماد دى بتقولى يا امده‬ ‫ظل الزوجان يتبادلان القليل من الاحاديث حول الصغيرة الى ان تقدمت‬ ‫سها بسؤالها ‪ :‬ماما فوقيه عامله ايه اليومين دول يا عماد ؟‬ ‫انا عارفه انى مقصرة معاها والله اليومين دول بس مشغوله بوفاء ديما‬ ‫ومش بحب اخدها جو المستشفى كتير‬ ‫عماد زفر طويلا ثم اجاب ‪ :‬كويسه يا سها ‪ .‬حالتها الصحيه كويسه بس‬ ‫مش عارف موضوع ماجد ومنار هيرسى على ايه؟‬ ‫سها ‪ :‬تفتكر صحيح الكلام اللى ماما قالته وماما فوقيه ليها تار قديم فعلا‬ ‫مع بابا منار ؟‬ ‫عماد ‪ :‬كل يوم ورا التانى كلام مامتك بيتاكدلى اكتر يا سها‬ ‫مامه فوقيه ما بتبقاش على بعضها اول ما تيجى سيره الاستاذ عصام ده‬ ‫‪.‬دى بتتقلب ‪ 180‬درجه بحس انها بقت واحده تانيه غير ماما فوقيه‬ ‫الحنينه اللى ما تعرفش غير العاطفه والامومه‬

‫سها ‪ :‬ياااااااااا للدرجه دى يا عماد ‪ .‬طب ايه الحل ؟‬ ‫‪.‬قلبى مش مطاوعنى اصدق انها عايزة تعمل كده فى منار فعلا‬ ‫لو الكلام ده صحيح منار مش هتقدر تستحمل يا عماد‬ ‫منار لسه صغيرة اوى على جرح كبير زى ده‬ ‫الله يخليك يا عماد اعمل حاجه‬ ‫عماد ‪ :‬ولا ماجد يا سها يقدر على فراق منار ‪ .‬انتى مش متخيله بيحبها‬ ‫قد ايه‬ ‫تحسى كده انها حياته ‪ .‬تعرفى لما بيكون مضايق يتصل بيها بس يسمع‬ ‫صوتها ويخبى عليها ضيقه‬ ‫انا نفسى ببقى جنبه ومش بحس بصوته مضايق رغم انى عارف‬ ‫ومتاكد انه مضايق‬ ‫اتفاجئ انا وهو بيها بتسأله ليه مضايق وبتدعيله ديما ربنا يفك كربه‬ ‫ياااااااا ما تتصوريش يا سها بعد دعوتين من دول ماجد بيتحول ازاى‬ ‫تحسى كده انها مخزن الامل بتاعه كل ما يحبط او تواجه مشكله ياخد‬ ‫من المخزن شويه امل عشان يقدر يقوم على رجليه ويكمل تانى‬ ‫سها بامل ‪ :‬يبقى عمرة ما هيوافق على اللى مامته عايزاه يا عماد‬ ‫مش هيطلق منار مش كده ؟‬ ‫عماد ‪ :‬بالرغم من كل اللى قولته الا انى مقدرش اقولك انى متكد انه‬ ‫مش هيطلقها‬

‫باباها راجع قريب ولازم هيجى يزور ماما فوقيه‬ ‫الله وحده اعلم ايه اللى ممكن يحصل وقتها‬ ‫انا مش ضامن اى عواقب خصوصا انى سمعت كتير ان ابوها عصبى‬ ‫جدا‬ ‫سها ‪ :‬تفتكر طنط نفين والولاد هيتحمله حقيقه باباهم ؟‬ ‫عماد ‪ :‬اهى دى اكتر حاجه صعبانين عليا فيها‬ ‫طنط نفين دى ست طيبه جدا واولادها كمان مايستاهلوش ابدا ان يبقى‬ ‫ليهم اب قذر زى ده‬ ‫انا هتجنن يا سها الراجل تكلميه ايه الادب والاحترام والاخلاق دى كلها‬ ‫؟‬ ‫ده اكتر من مرة استاذن ينهى المكالمه عشان يادى الصلاه على وقتها‬ ‫مع اول الاذان‬ ‫وفى الاخر حقيقته تبقى كده ؟ انا مش قادر استوعب فى ناس بتقدر‬ ‫تتلون بالطريقه دى ؟‬ ‫سها ‪ :‬الله اعلم يا عماد يمكن فعلا تاب لوجه الله توبه صادقه‬ ‫مين عارف يا حبيبى يمكن مظلوم انت عارف الموضوع ده حساس قد‬ ‫ايه ويمكن فعلا الراجل مظلوم ؟‬ ‫عماد ‪ :‬فاديه سابت جواب انتحارها بخط ايدها يا سها ما اعتقدتش ابدا‬ ‫ان واحده هتكذب وهى مقبله عالانتحار‬

‫ملهاش مصلحه تورطه كانت خلاص ملهاش مصلحه مع الدنيا كلها‬ ‫ربنا يغفرلها ويسامحها هو اعلم بيها مننا واللى مرت بيه‬ ‫سها ‪ :‬مفيش مبرر فى الدنيا دى كلها يديها الحق انها تتصرف فى‬ ‫حياتها‬ ‫ربنا وهبنا الحياه دى وهو وحده يملك الحق فيها ينهيها بارادته احنا‬ ‫ملناش دخل مهما كانت الاسباب‬ ‫عماد ‪ :‬عندك حق يا سها فعلا احنا ملك خالقنا ملناش اى حق فى قرار‬ ‫انهاء حياتنا‬ ‫بس تعاالى هنا قوليلى هى مامتك عرفت منين بالموضوع دة ؟‬ ‫سها ‪ :‬زى ماقالت يا عماد ماما كانت زميله فايده من ثانوى وكانوا اعز‬ ‫اصحاب لحد المشكله اللى حكت عليها طشاش بتاعه حب الجامعه دى‬ ‫بعد كده سمعت انها انتحرت ولانها كانت صاحبتها دورت فى‬ ‫الموضوع وسالت لحد ما عرفت التفاصيل‬ ‫عماد ‪ :‬ايوة انا عارف كل ده اللى عايزة اعرفه مامتك عرفت ازاى ان‬ ‫بابا منار هو نفسه عصام بتاع زمان‬ ‫سها ‪ :‬بص هو انا مش عارفه بالظبط الكلام اللى هقولهوك ده صح انى‬ ‫اقولك عليه ولا غلط بس انا هقولك عشان لو فى خيط نعرف نفك بيه‬ ‫الموضوع‬

‫ماما عرفت مامه فوقيه من يوم فرحنا انها نفسها اخت فاديه وسالتنى‬ ‫اذا كنت انت ابنها فعلا ولما عرفت انه الحقيقه غير كده وان ماجد بس‬ ‫هو ابنها لاحظت وقتها فى الفرح انجذاب ماجد لمنار‬ ‫منار كانت واقفه مع مامه فوقيه وطنط نفين وقتها‬ ‫انا لاحظت يومها ان ماما فضلت مركزه معاهم اوى وكنت فاكرة انها‬ ‫مركزة مع ماما فوقيه مش كنت واخده بالى خالص انها مركزة مع طنط‬ ‫نفين‬ ‫عماد متفاجئا ‪ :‬ومامتك تعرف طنط نفين منين ؟‬ ‫سها ‪ :‬ما هو ده السر بقى‬ ‫بص يا سيدى ‪ .‬طنط نفين زمان وهى لسه حوالى ‪ 15‬سنه كده اتوفى‬ ‫باباها ومامتها فى حادثه وهى كانت وحيدتهم‬ ‫باباها الله يرحمه كان غنى جدا وكان عارف انه بنته وحيده وكان‬ ‫خايف انه اخوه لو هو جراله حاجه هياكل حق بنته فكان اى عقار او‬ ‫اراضى او فلوس بيكتبها باسمها‬ ‫المهم لما مات البنت كانت لسه ‪ 15‬سنه فكان عمها واصى عليها لحد ما‬ ‫تبلغ سن الرشد وكان مضيق عليها الحصار جدا عشان يفرض سيطرته‬ ‫عليها علطول عشان متقدرش تقف قدامه لما تكبر فكان معيشها فى‬ ‫البيت بتاعه زى ما تقول كده منفصله ملهاش علاقه لا بولاده ولا مراته‬ ‫عشان كده اول ما خلصت ثانوى اصرت انها تكمل تعليمها بره وده جه‬ ‫لعمها فى وقته عشان يخلص منها فبعتها تكمل فى المانيا‬

‫هناك قابلت بابا منار وحبوا بعض بس هو على اقوال ماما كان تنك‬ ‫حبتين وشايف نفسه عالاخر بس بصراحه قالت انه كان بيحبها جدا‬ ‫وكان ليها تاثير قوى عليه‬ ‫ماما قالتلى انه خطبها اول ما رجعوا وكان عايز يتجوزها علطول‬ ‫ويعمل بقى حفلات الف ليله وليله لفرحها وكده بس هى موافقتش‬ ‫وشرطت انه كل قرش يتصرف فى جوازها لازم يكون من فلوسه هو‬ ‫وانه لازم يشتغل عشان يعرف قيمتها‬ ‫فالاستاذ عصام ده قرر ايامها انه يبذل اقصى مجهوداته فى شركه باباه‬ ‫عشان يقدر يوفى الشرط اللى شرطته طنط نفين فى اقرب وقت‬ ‫ايامها دخل شراكه مهوله مع رفعت السوفى اللى هو يبقى جد ماجد‬ ‫زى ما تقول كده دمجوا الشركتين وبعدها اتقبض على رفعت ده بتهمه‬ ‫تهريب سلاح ومخدرات وكده فى نفس الوقت اللى انتحرت فيه فاديه‬ ‫وبتتهم فى رسالتها بابا منار انه اعتدى عليها وكده‬ ‫وقتها خرج زى الشعرة من العجين فى موضوع التهريب ده لان سيرته‬ ‫ماجتش فيه اصلا بس عيلته خسرت كل حاجه لما اتحجز على املاك‬ ‫رفعت السيوفى لانهم كانوا شركا‬ ‫غير الفضيحه الكبيرة بتاعه تهمه الاغتصاب اللى دخل باباه بسببها‬ ‫الانعاش وبعدين اتوفا‬ ‫اللى سمعته ماما انه ايامها اخواته قاطعوه واتبروا منه وكمان عم طنط‬ ‫نفين صمم يفسخ الخطوبه بس طنط نفين وقفتله زى السد واكدت انها‬ ‫مصدقه انه معملش حاجه وهتقف جنبه للنهايه‬

‫عمهاعشان كان وليها ومتقدرش تتجوز بدون موافقته شرط ان موافقته‬ ‫قصاد تنازلها عن املاكها لانه هيحافظ عليها بقى وانه عصام ده طمعان‬ ‫فيها وكلام من ده‬ ‫عماد مقاطعا ‪ :‬وطنط نفين وافقت واتجوزته ؟؟؟‬ ‫سها ‪ :‬عماد يا حبيبى انت سخن ؟‬ ‫فوق يا حبيبى دى مش قصه الف ليله وليله ما الست قدامك متجوزاه‬ ‫اهى وجايبه ‪ 3‬عيال‬ ‫عماد ‪ :‬انا تهت منك يا سها ‪ .‬ايه دخل مامتك فى كل ده حيرتينى اكتر‬ ‫مامتك تعرف الاسرار دى كلها منين ؟‬ ‫ابتلعت سها ريقها ‪ :‬اهو ده الوحش اللى فى الموضوع بقى‬ ‫عماد بحذر ‪ :‬ازاى بقى؟‬ ‫سها ‪ :‬اصل عم طنط نفين اللى عمل البلاوى دى يبقى جده الله يرحمه‬ ‫ويسامحه بقى‬ ‫عماد ‪ :‬نعم !!!! عايزة تقولى ان امك وطنط نفين ولاد عم ؟‬ ‫سها ‪ :‬شفت الصدف ؟‬ ‫عماد ‪ :‬برده كده فى حلقه مفقوده ازاى طنط نفين تبقى مصدقاه اوى كده‬ ‫وتتخلى عن كل حاجه عشانه ؟‬ ‫ما تعملش كده الا اذا كانت واثقه فى برائته‬ ‫طب ازاى والتهمه لابساه لابساه ؟‬

‫انا هتجنن الراجل ده ساحرلها ولا فعلا مظلوم ؟‬ ‫سها بأسى ‪ :‬الله اعلم يا عماد بس اللى اتمناه من كل قلبى ان منار وماجد‬ ‫ميتاذوش بسبب خلافات الماضى دى‬ ‫يا حرام ملهمش ذنب فيها‬ ‫تنهد عماد بقوة وقد نبذ طعامه دون الانتهاء منه ‪ :‬الحمد لله شبعت‬ ‫__________________________________‬ ‫ضوء خافت كان يتسلل الى سطح البنايه بينما كان ماجد ساكنا وسط‬ ‫الظلام النسبى فوق سطح المبنى الشاهق الاتفاع ينظر للاضواء المنيرة‬ ‫من بعيد وسط ظلام الليل حين رن هاتفه بنغمته المميزة لمعشوقته‬ ‫الصغيرة‬ ‫اود لو ادخرت فى جفونى‬ ‫شعاعا تستضيئ به عيونى‬ ‫شربت براحتيك الحب عذبا‬ ‫نقى الورد سلسال المعين‬ ‫‪.................................................................‬‬ ‫نهايه الفصل الثالث والثلاثون‬ ‫الفصل الرابع والثلاثون‬

‫يجلس وحيدا وسط الظلام يكاد الرعب على فقدان اغلى ما يمكلك يفتك‬ ‫بقلبه‬ ‫يلتف بعيناه حول ما يحيط به بجنون وكانه يبحث عن اى شيئ‪ ,‬اى شيئ‬ ‫يملك القدرة على تخفيف هذا الالم‬ ‫ينظر للسماء وكانه يناجى ربه ‪ :‬يا رب لم يدق قلبى لسواها فلا تحرمنى‬ ‫منها‬ ‫يا رب لا شيئ يحول دون قضاك وانك قلت\" لا يكلف الله نفسا الا‬ ‫وسعها \" فيارب لا تكلفنى ما لا اطيق‬ ‫ينهار ارضا على ركبتيه وهى يرفع راسه للسماء ويضع كلتا يديه خلف‬ ‫راسه صارخا بقوة ‪ :‬يا رب‬ ‫يأتيه طيفها العذب متمثلا فى رنه هاتفه المميزة من اجلها فيمكسك هاتفه‬ ‫ناظرا لاسمها وكأنها ماثله امامه‬ ‫نظرات مخلوطه بين الالم والاسف والشوق والرعب‬ ‫يتكرر نداء معشوقته ولا يجد بدا من الرد بصوت مهزوز وخائف ‪:‬‬ ‫منار‬ ‫منار بلوعه ‪ :‬انت صوتك عامل كده ليه ؟ فيه ايه ؟‬ ‫ماجد ولم يخفى صوت بكائه ‪ :‬انتى فين يا منار ؟ ما تسبينيش‬ ‫منار بلوعه اكبر ‪ :‬ابوس ايدك ما تخوفنيش عليك اكتر من كده انت فين‬ ‫؟ مالك يا ماجد ؟‬

‫ماجد ولا زال صوت بكاؤة جليا ‪ :‬انتى عارفه انا بحبك قد ايه ؟‬ ‫عارفه انك انتى منار حياتى ؟‬ ‫انا حياتى منغيرك مفيش‬ ‫طب‪ .......‬طب انتى بتحبينى يا منار قد ما بحبك ؟‬ ‫منار باكيه ‪ :‬بحبك والله بحبك‬ ‫انت مش عارف انت ايه عندى ؟‬ ‫انا قلبى معرفش الحب الا بيك‬ ‫انا بحبك انت ومعرفتش غيرك انت‬ ‫فاكر لما قلتلى انا انتى‬ ‫انا انت يا ماجد‪ .....‬انا انت‬ ‫اللى واجعك دابحنى من غير ما اعرفه‬ ‫صوتك بيوصلنى قبل ما اسمعه‬ ‫اللى تاعب قلبك بيقطع فى قلبى قبل ما انت تحسه‬ ‫مالك يا حبيبى ؟ ايه بيوجعك ؟‬ ‫ماجد ‪ :‬حجات كتيييييييييييييير اوى اوى اوى‬ ‫امى وشغلى وحياتى ويتمى‬ ‫بس كل كل كل ده فى كفه وانتى فى كفه تانيه‬

‫انتى اللى بتهونى عليا كل ده‬ ‫صوتك انتى النسمه اللى بطفى كل نارى وبتلئم كل جروحى‬ ‫لوخسرتك هموت يا منار فاهمه؟‬ ‫خليكى جنبى لو خسرتك هموت‬ ‫منار بين شهقات بكائها ‪ :‬والله جنبك عمرى ما اقدر اسيبك عارف ليه ؟‬ ‫عشان انا اللى منغيرك اموت يا ماجد‬ ‫انا اللى مقدرش اتنفس وانت غايب عنى‬ ‫انا اللى لما بشوفك بترد فيا روحى من تانى‬ ‫انا اللى لما بسع صوتك بحس انى فيه حياه وانى عايشه‬ ‫انا لو روحت منى هموت يا ماجد‬ ‫مين قال انى اقدر اعيش من غيرك مين قال ؟‬ ‫تنفس ماجد طويلا وكانه يسترد كيانه الذى كاد يفقده للتو ‪ :‬ممكن اطلب‬ ‫منك طلب ؟‬ ‫منار ‪ :‬لو طلبت عيونى هديهملك عن طيب خاطر‬ ‫ماجد ‪ :‬عايز اقابلك بكرة ‪ .‬عايز اقضى معاكى طول النهار‬ ‫عايز اشبع منك انا حاسس انى مش لاقيكى‬ ‫منار ‪ :‬بس كده ؟‬ ‫ماجد ‪ :‬بس كده‬

‫منارببرائه لتلطيف الجو ‪ :‬تدفع كام ؟‬ ‫ماجد ‪ :‬ادفع عمرى كله‬ ‫منار ‪ :‬لالالا انا عايزة حاجه تانيه‬ ‫ماجد ‪ :‬ايه هى ؟‬ ‫منار ‪ :‬هتحكيلى على اللى بيوجعك وتشاركنى اهاتك ؟‬ ‫ماجد مبتسما ‪ :‬حاضر‬ ‫‪............................................................................‬‬ ‫قامت نفين من نومها فزعه تستعيذ بربها من الشيطان الرجيم‬ ‫قامت من مضجعها توضأت واتجهت لصلاة ركعتين بين يدى الله فى‬ ‫جنف الليل علها تهدئ لوعه قلبها وارتجافه لسوء ما راته‬ ‫دعت الله كثيرا ان يعيد اليها زوجها سالما فقد ظنت ان سوء رؤياها‬ ‫متعلقا بسفر زوجها وظلت على ذلك حتى جافاها النوم على سجاده‬ ‫صلاتها‬ ‫فى صباح اليوم التالى على الافطار‬ ‫منار ‪ :‬ماما عايزة اطلب منك طلب‬ ‫نفين‪:__________-‬‬ ‫منار بصوت اعلى ‪ :‬ماما‬ ‫نفين منتبهه ‪ :‬ها‪ .....‬كنتى بتقولى ايه يا حبيبتى‬

‫منار ‪ :‬ماما كنت عاوزة اطلب منك اخرج مع ماجد النهارده‬ ‫نفين باستغراب‪ :‬تخرجوا تروحوا فين‬ ‫مى ‪ :‬ايه يا ماما ما تركزى مع الغلابه دول شويه دول يا حبه عينى من‬ ‫ساعه ما كتبوا الكتاب ما خرجوش غير مرة واحده ومعانا‬ ‫نفين باستسلام ‪ :‬اه صح ‪ .‬طب ماجد مش كلم بابا ليه ؟‬ ‫مى ‪ :‬ما تركزى معانا يا نوفه الله يخليكى هو بابا فاضى دلوقتى‬ ‫زمانه بيرتب شنطه خلاص مش با قى لسفرة حاجه‬ ‫نفين ‪ :‬صحيح يا منار بابا هيكون على وصول النهارده بالليل‪ .‬ماتاجليها‬ ‫يا بنتى عقبال ما يجى‬ ‫منار بخجل ‪ :‬بصراحه يا ماما الامر ملح مينفعش يتاجل انا وماجد‬ ‫عايزين نتكلم سوا شويه ونقضى وقت اطول مع بعض احنا فعلا ما‬ ‫اخدناش فرصه اننا نقعد مع بعض زى اى اتنين نخطوبين الفترة دى‬ ‫نفين مبتسمه ‪ :‬كبرتى يا منار وبقى ليكى زوج لازم تاخدى بالك منه‬ ‫تنفست طويلا ثم اضافت ‪ :‬ماشى يا حبيبتى هتخرجوا الساعه كام‬ ‫منار بخجل اكبر ‪ :‬بصراحه كنا بنفكر نقضى النهار كله سوا يعنى ماجد‬ ‫هيوصل كمان شويه كده وهنتغدى برة ونرجع على العشا ان شاء الله‬ ‫نفين مستنكرة ‪ :‬ايه الكلام ده ؟ طول النهار ؟ وبعدين باباكى ممكن‬ ‫يرجع وانتى ماتكونيش فى استقباله ؟‬

‫نظرت لها منار برجاء بينما تحدثت محاميه الدفاع مى ‪ :‬ايه يا ماما فيه‬ ‫ايه ؟ ما تفكوها على مخاليق ربنا شويه‬ ‫اشمعنه انتو يعنى ؟‬ ‫غمزت لوالدتها ثم اضافت ‪ :‬ما انتو كنتو منظلقين فى المانيا يا نوفا ؟‬ ‫خلاص جات على الغلابه دول‬ ‫الا يا ختى ما شوفتهم حتى ماسكين ايد بعض زى العيال الفاقده اللى‬ ‫ماشين فى الشارع‬ ‫نفين وهى تترك المائده فقد كان هناك ما يشغل بالها اكثر ‪ :‬بس بس‬ ‫صدعتينى اعوذ بالله منك ‪ .‬روحى يا منار بس حاولى تبقى معايا على‬ ‫اتصال عشان تيجى قبل باباكى‬ ‫مى بانتصار ‪ :‬يس يس‬ ‫التفتت الى منار ثن اضافت ‪ :‬قسما عظما الميكس بتاعى لو ما جيه‬ ‫لابيتك فى الصالون بعد المجهود اللى بذلته عشانك‬ ‫منار فرحه وهى تتجه الى غرفتها لتستعد ‪ :‬بس كده ده انا هجيبلك كل‬ ‫اللى فى السوبر ماركت‬ ‫‪.............................................................‬‬ ‫قضى ماجد ليلته على سطح المشفى يفكر فيما الات اليه حياته حتى غفا‬ ‫احرقته شمس الصباح فاستيقظ متبرما يحاول ان يخفف اشعتها عن‬ ‫وجهه ببطن يده‬

‫استقل سيارته الى شقته اولا دون ان يمر بوالدته او يجيب اتصالها‬ ‫المتكرر‬ ‫هذب ذقنه واخذ حماما ساخنا وابدل ملابسه بافضل ما لديه وتطيب‬ ‫باحسن الطيب ثم اتجه الى شقه منار حيث استقبله مهند‬ ‫مهند وهو يشتم رائحته ‪ :‬ايش ايش ايه الروائح الطيبه دى‬ ‫لا ولابس الحته اللى عالحبل كمان‬ ‫اوعدنا يا رب‬ ‫اكتفى ماجد بابتسامه جانبيه دون الخوض فى تلك المزحه ‪ :‬منار جاهزة‬ ‫؟‬ ‫اتاه صوت نفين ‪ :‬تعالى يا حبيبى ادخل ما يصحش تقف عالباب كده‬ ‫لم يرد ماجد الدخول فقد ابت نفسه دخول بيت ذلك الرجل الذى تعلم‬ ‫على يده معنى الكرة فاجاب بلباقه ‪ :‬معلش يا امى بس عشان نلحق اليوم‬ ‫من اوله ‪ .‬الفترة اللى جايه هبقى مشغول وسفر ماما قرب عشان كده‬ ‫بحاول اعوض منار‬ ‫نفين ‪ :‬ربنا يبارك فيك يا حبيبى‬ ‫منار فجاه وكانها ظهرت من العدم ‪ :‬بخ عليكم ‪ .......‬انا جاهزة‬ ‫ابتسم ماجد من قلبه بينما فزعت نفين ‪ :‬يا بنت خضتينى‬ ‫ماجد وهو يتناول يد منار ويجذبها بجانبه مستعدا للرحيل ‪ :‬عندى يا‬ ‫ماما معلش ‪ .‬يلا سلام‬

‫نفين وهى تغلق الباب خلفهما ‪ :‬ربنا يسعدكم يا رب‬ ‫اختارا نزول السلالم معا دون المصعد حتى توققفت منار فجاه‬ ‫ماجد ‪ :‬وقفتى ليه ؟‬ ‫منار ‪ :‬فاكر السلمه دى ؟ كنت واقف عليها وانت بتعتذرلى‬ ‫ماجد ‪ :‬هههههههههه قلبك ابيض‪ .‬طب فاكرة انتى بقى السلمه دى‬ ‫اشار الى سلمه فى الخلف ثم اضاف ‪ :‬مشاركه دى ولا مش مشاركه يا‬ ‫متعلمين يا بتوع المدارس‬ ‫منار ‪ :‬هههههههههه ولا لما كنا جايبن الحاجات من السوبر ماركت‬ ‫ووقفنا تحت نتعازم‬ ‫ماجد ‪ :‬اه لما كنتى فاكرة انى هخطب سها هههههههههه اما انتى عليكى‬ ‫حبه عبط‬ ‫ظلا العاشقين ينزلان سلمه تلو الاخرى يكملون تارة ويقفون تارة‬ ‫يتذكران قصه حبهما التى شهد هذا السلم الكثير والكثير منها‬ ‫خرجا الى الشارع يتشابكان الايدى كالعاشقين حقيقين والسعاده تكاد‬ ‫تقفز خارج عيونهما‬ ‫ماجد ‪:‬ها تحبى تروحى فين ؟ فطرتى الاول ؟‬ ‫منار ‪ :‬هههه بصراحه فطرت بس جعت تانى‬ ‫يلا نروح النيل نفطر هناك‬ ‫ماجد ‪ :‬اشمعنه النيل‬

‫منار ‪ :‬كده عايزة نروح الكرنيش ونمشى ونمسك ايد بعض زى الحبيبه‬ ‫اللى هناك‬ ‫التفت ماجد حوله بسرعه وقبل يدها التى تشابك يده ‪ :‬عيون ماجد‬ ‫منار محرجه ‪ :‬هخلعهملك دلوقتى احنا فى الشارع اتلم‬ ‫ضحك ماجد من قلبه ضحك صافيه ثم فتح لها باب سيارته لينطلقا معا‬ ‫الى حيث وجبه الافطار‬ ‫هناك فى جو النيل حيث اخذ يقطع لها البيض ليسها عليها تناوله قطعه‬ ‫قطعه‬ ‫حيث اصر عليها اطعامه بيدها فى فمه متجاهلا من حولهم‬ ‫حيث امسك يدها مقبلا اياها بعمق رغم خجلها الشديد ونظرات من‬ ‫حولهم مبتسمه لهذان العاشقين‬ ‫انطلقا بعدها الى احدى المراكز التجاريه الضخمه للتسوق حيث‬ ‫اختارت منار له الكثير من القمصان ورابطات العنق والاحذيه بينما‬ ‫اصر ماجد على شراء فستان للسهرة انبهرت منار بجماله رغم‬ ‫اعتراضها ‪ :‬يا ماجد مكشوف اوى يستحيل البسه‬ ‫ماجد بنظرات ذات مخزى اخجلتها ‪ :‬هتلبسهولى انا‬ ‫اكملا التجوال والتجوال حتى تعب كلاهما فذهبا الى احدى المطاعم‬ ‫المركزالتجارى لتناول الغداء الذى غلفه ذلك الجو الرومانسى بينهما‬ ‫والذى اثار حسد من حولهما‬ ‫اكملا التجوال بعد فترة الى ان طلب ماجد منها ان تنتظرة لدقائق‬

‫عاد بعد ذلك لتسأله منار ‪ :‬ايه روحت فين ؟‬ ‫ماجد ‪ :‬ها لا ابدا كنت بشوف حاجه كده‬ ‫اذن للصلا العصر ففعلا كما فعلا بصلا الظهر‬ ‫اتجاها الى اقرب مسجد لتأديه الصلاه‬ ‫دخلت منار الى المكان المخصص للسيدات ادت صلاتها ثم خرجت‬ ‫لتجد ماجد ينتظرها فى الخارج وقد انتهى ايضا من صلاته‬ ‫ماجد ‪ :‬دعتيلى ؟‬ ‫منار ‪ :‬دعيت ربنا يخليك ليا‬ ‫ماجد بتاثر ‪ :‬دى احلى دعوه ممكن تقدميهالى‬ ‫منار وقد انتهزت الفرصه ‪ :‬نسيت اتفاقنا ؟‬ ‫ماجد ناظرا للامام ‪ :‬عايزة تعرفى ايه يا منار ؟‬ ‫منار بحنان وهى تمسك يده ‪ :‬عايزة اعرف حبيبى ماله‬ ‫لف ماجد يده حول يدها قائلا بعزم ‪ :‬هنروح مشوار وهناك هحكيلك كل‬ ‫حاجه‬ ‫انطلق ماجد بسيارته وقد ترك العنوان للمركز التجارى لارسال‬ ‫متبضعاتهم بعد ان دفع مستحقاتها بواسطه\" الكريدت كارد \"‬ ‫فوجئت منار بماجد يأخذ بسيره اتجاه البيت‬ ‫منار باستفسار ‪ :‬هنروح خلاص ؟‬

‫ماجد منشغلا فى القياده ‪:‬حاجه زى كده‬ ‫منار ‪ :‬مش فاهمه‬ ‫ماجد ‪ :‬دلوقتى هتفهمى‬ ‫بالفعل صف ماجد سيارته امام عمارتهم السكنيه وتناول يد منار واتجها‬ ‫معا الى المصعد‬ ‫لم تنبت منار ببنت شفه بينما اخذت تفكر فيما يمكن ان يريد ماجد قوله‬ ‫وسط العائله لكنها وسط عمق تفكيرها لم تلحظ ان ماجد من الاصل لم‬ ‫يضغط زر الدور الثانى حيث يقبع كلا بيتهما بل ضغط زرا مختلفا‬ ‫تماما‬ ‫‪.......................................................................‬‬ ‫فى مطار القاهرة الدولى يعلن ذلك الصوت النسائى باناقه عن وصول‬ ‫الرحله القادمه من المانيا والتى يوجد على متنها مفتاح سر اللغز‬ ‫كالعاده امر عصام زوجته بعدم الحضور الى المطار لاجتناب المشقه‬ ‫وعلل بأن احد اصدقائه سياتى لاصطحابه‬ ‫وقف ينتظر مرور حقائبه بسير التفتيش بينما كان يصيح بالهاتف ‪ :‬انت‬ ‫مين ؟ وعرفت دة كله ازاى ؟‬ ‫الطرف الاخر‪:..............................‬‬ ‫عصام ‪ :‬انت بتقول ايه ده انا هخرب بيوتكم‪ ............‬كله الا بنتى يا‬ ‫ولاد ))__((‬ ‫خرج عصام من المطار كالثور تاركا حقائبه‬