هل سأعود اليك يا من كنت حبيبى ؟!

‫بالفعل صعد عماد الى شقة ماجد ثانية‪ .‬بالطبع لم تسمح‬ ‫لة فوقية بالنوم دون ان ياكل‪ .‬قبل يدها ثم ذهب فى نوم‬ ‫عميق ليقابل محبوبتة فى طيات احلامة‬ ‫اما عن ماجد فكما توعدة عماد كان مصيرة ‪........‬‬ ‫(الكنبة)‬ ‫‪.....................................................‬‬ ‫اما عند منار فقد احبت معلمتها كثيرا فكم هى رقيقة‬ ‫وحنونة‪.‬كما ان سها تعلقت بهم كثيرا ليس فقط لانها‬ ‫تحب عملها ومجالها كثيرا بل لانها وجدت فيهم الاسرة‬ ‫المحبة المترابطة‪ .‬ذلك الرابط الاسرة الذى لطالما‬ ‫افتقدتة‬ ‫فى بيت منار بعد عدة اسابيع من الاحداث الخاصة‬ ‫بعماد‬ ‫منار‪:‬خلاص يا مس متقلقيش ان شاء الله هقفل‬ ‫الامتحان‬

‫سها‪:‬يا رب يا منار‪ .‬انتى فعلا ذكية واجتهدتى عشان‬ ‫تحسنى مستواكى وان شاء الله هتلاقى ثمرة تعبك‬ ‫منار‪:‬والله يا مس عمرى ما حبيت اللغة غير لما‬ ‫درستيهالى ‪.‬بجد حبيتها لدرجة انى نفسى اكمل دراستى‬ ‫فيها فى الجامعة‬ ‫سها‪:‬اللغة مش بس يا منار معرفة وحب‪ ,‬لا دى كمان‬ ‫سلاح فى ايدينا‬ ‫الرسول صلى الله علية وسلم قال((من عرف لغة قوم‬ ‫امن مكرهم))‬ ‫همت سها بالقيام‪:‬يلا بقى يا مينو اشوف وشك بخير ‪.‬‬ ‫كدة خلصنا مراجعة منهجك كلة قبل الامتحان ‪......‬‬ ‫عايزاكى ترفعى راسى وتسمعينى عنك اخبار كويسة‬ ‫لما النتيجة تظهر ان شاء الله‬ ‫مدت يدها لمنار بالسلام لكنها فوجئت بها تطوق‬ ‫رقبتها بزراعيها مودعه اياها‪:‬هتوحشينى اوى يا‬ ‫مس ‪........‬انا هكلمك علطول متزهقيش منى‬

‫ابتسمت سها وضمت منار اليها بحنان‪:‬وانا هستنى‬ ‫مكالماتك يا منار ربنا وحدة اعلم انا حبيتكو وصعبان‬ ‫عليا فراقكو قد اية‬ ‫كذلك سلمت سها على مى ومهند ايضا ففى هذة الفترة‬ ‫القصيرة احبها الجميع وصارت صديقة لهم حتى انهم‬ ‫اصروا عليها عدة مرات لتناول الغداء معهم فكانوا‬ ‫بمثابة عائلتها التى تحبها وتنتظر الذهاب اليها بفارغ‬ ‫الصبر‬ ‫خرجت اخيرا لتسلم على نفين فوجدت فوقية معها‬ ‫تتحدثان بمرح وقد ارتسمت على وجة كلتاهما علامات‬ ‫السعادة فور خروجها اليهم‬ ‫نفين‪:‬تعالى يا سها يا حبيبتى عايزاكى فى موضوع مهم‬ ‫سها مندهشة‪:‬انا؟ ‪..........‬خير يا طنط تحت امرك‬ ‫فوقية‪:‬تعالى يا حبيبة قلبى اقعدى جنبى هنا‬

‫بالفعل ذهبت سها لتجلس بجوار فوقية بينما خرجت‬ ‫مى مندفعة اليهم تتبعها منار ومهند‪:‬خيييييييير؟‪ ......‬انا‬ ‫سامعاكو من جوة بتقولوا مواضيع مهمة‬ ‫نفين‪:‬خدى اخواتك وعلى اواضكو يا مى‪......‬العبو بعيد‬ ‫مش عايزين دوشة‬ ‫مى‪:‬العب بعيد دة اية‪............‬يا فيها لخافيها(قالتها‬ ‫بتفخيم الخاء بشدة)‬ ‫منار بطفولية‪ :‬وانا وانا وانا يا ماما‪...........‬انا كمان‬ ‫هخفيها‬ ‫مهند‪:‬وانا ابن البطة السودة يعنى‪ ....‬انا كمان عايز‬ ‫ابقى فيها‬ ‫نظرت لهم نفين معاتبة بقوة ( بالعربى ‪:‬زغرتلهم )بينما‬ ‫ضحكت فوقية على صبيانيتهم‪:‬سيبيهم يا نفين سها زى‬ ‫اختهم وهيفرحولها‬ ‫سها بعدم فهم‪:‬انا مش فاهمه حاجة يا طنط‪..‬هو فية اية؟‬ ‫نفين‪:‬عايزين نفرح بيكى يا سها‬

‫فوقية‪:‬بصى يا سها انا عارفة طبعا ان الاصول بتقول‬ ‫الكلام مينفعش هنا‪ .........‬انا عايزة بس اخد رقم‬ ‫تليفون والدك وهنتكلم فى كل حاجة بعدين‬ ‫سهاوقد زادت حيرتها‪:‬مش فاهمة حاجة‬ ‫مى باندفاع وبهجة‪:‬مش فاهمة اية بس يا سوسو‬ ‫‪.‬؟بالمفتشر يعنى موووووووووووووز‪ ...‬بالعربى‬ ‫يعنى عريس يا اوختى‬ ‫اجفلت سها لوهلة وما لبثت ان تدرج وجهها بالحمرة‬ ‫ونظرت ارضا‪:‬بس‪ ......‬بس يا جماعة‪...........‬‬ ‫ربتت فوقية على ظهرها بحنان‪:‬عايزاكى تعرفى يا‬ ‫سها انك زى بنتى‪ ......‬والانسان اللى هتوافقى بيه‬ ‫هيبقى بختة من السما‪ .....‬مش هكسفك اكتر انا عايزة‬ ‫تليفون باباكى بس ‪........‬وعشان تطمنى ابنى يستاهلك‬ ‫والله يا سها‬ ‫ما ان نطقت فوقية هذة العبارة حتى شعرت منار وكأن‬ ‫دلوا من الماء المثلج صب على راسها‪.‬‬

‫لم تعلم لماذا؟‬ ‫لم تالم قلبها بهذة القوة ؟‬ ‫لم شعرت بهذة السكين تقطع روحها؟‬ ‫لم شعرت بان احدهم قبض الهواء من حولها فجاة؟‬ ‫لم رات ‪.......‬او بمعنى اصح لما لم تعد ترى الصورة‬ ‫حولها واضحة؟‬ ‫لم تسمرت مكانها دون حراك وكأنها رات شبحا؟‬ ‫‪........................................‬‬ ‫تبادلت فوقية وسها ارقام الهواتف وكذلك رقم هاتف‬ ‫والد سها وسط فرحه الجميع والارتباك الشديد الذى بدا‬ ‫جليا على سها فى ارتعاد اصابعها وهى تضغط ازرار‬ ‫الهاتف الذى قوبل بضحكات وسخرية مى ومهند مثل‬ ‫(الله يسهلو _ متخافيش مش دلوقتى _كسرى براحتك‬ ‫هنخلية يجبلك واحد تانى)‪................‬‬ ‫اما منار فلم تستطع المكوث اكثر فجاهدت فى ارتسام‬ ‫بسمة تهنئة على شفتيها قائلة بمرح‪:‬اروح انا بقى‬

‫اشوف امتحاناتى انا كدة خلاص عرفت اللى فيها‬ ‫سلاموووووووووووووووز يا عثل‬ ‫ثم قبلت سها بحب على خدها وذهبت‬ ‫‪...........................................‬‬ ‫باك من اسبوعين‬ ‫عماد‪:‬ها يا امى مين العروسة؟‬ ‫فوقية‪:‬مين اللى قالك ان فى عروسة ؟الواد دة؟‬ ‫ماجد‪:‬وربنا ما نطقت‪ ....‬وانا كنت شوفت خلقتو فين‬ ‫اصلا‬ ‫عماد بابتسامة‪:‬وانا مش عارف امى ؟عمرك ماكنتى‬ ‫هتفتحى الموضوع غير وفى حد فى دماغك‪ ....‬صح؟‬ ‫ماجد موجها حديثة لفوقية‪:‬طول عمرك ظلمانى‪ ...‬اهو‬ ‫طلع هارشك لوحدة‬ ‫فوقية‪:‬قوم ياض من هنا بالفاظك السوقية دى‬

‫عماد‪:‬خلاص بقى يا ست الكل ‪......‬سيبى عليا انا‬ ‫هربيهولك ‪......‬خلينا احنا فى موضوعنا‬ ‫ماجد‪ :‬خلاص؟ ‪..........‬اطلع انا منها؟‪.......‬اتفقتو عليا‬ ‫وبمقاليش لازمة؟‪ ......‬هو انا ابنك ولا هو؟‬ ‫فوقية‪:‬الاسطوانة هتشتغل تانى اهية؟‬ ‫قوم يا ماجد اعملنا شاى عقبال مانتكلم احسن اقوملك‬ ‫ماجد‪:‬بتزحلقينى يا ماما‪ .....‬ماشى انا هقوم بمزاجى‬ ‫مش خايف ولا حاجة يعنى‪ ...‬لحسن تفهمونى غلط‬ ‫همت فوقية بالقيام لكن ماجد قاطعها‪:‬والله مانتى قايمة‬ ‫‪.....‬انا رايح لوحدى‬ ‫ذهب ماجد واعتدلت فوقية موجهه حديثها الى عماد‪:‬ها‬ ‫يا حبيبى‪ .....‬عايز تعرف اية بالظبط؟‬ ‫عماد‪:‬عادى يا امى ‪...........‬هيا مين؟ تنفع تربى وفاء‬ ‫ولا لا؟هتوافق اصلا ولا لا؟ كدة يعنى‬

‫سردت لو فوقية ما تعرفة عن سها وعماد يستمع بقليل‬ ‫من الاهتمام او بمعنى اصح الا مبالاة الى ان اضافت‬ ‫فوقية‪ :‬بنت حلال وطيبة اوى يا عماد‪ .....‬كل اما‬ ‫اشوفها قاعدة ولمة البنات حواليها وحنيتها عليهم حتى‬ ‫مهند الاقى نفسى بتخيلها وهى واخدة وفاء فى حضنها‬ ‫بتلاعبها ودداديها‬ ‫عماد فجأة‪:‬شكلها اية دى يا ماما؟‬ ‫تفاجئت فوقية بسؤالة فى البداية وما لبثت ان اجابتة‬ ‫بحماس ‪:‬تقول للقمر اقوم وانا مطرحك زى مابيقولوا‬ ‫‪.‬عينيها رمادى و‪...........‬‬ ‫اكملت فوقية وصفها لجمال سها بينما سرح عماد‬ ‫متذكرا تلك الحسناء التى راها يوما تداعب ابنتة بحنان‬ ‫‪:‬هل يمكن ان تكون هي نفسها؟ ربما ‪.....‬لنرى‬ ‫عاد ماجد بالشاى وتبادلو الاحاديث الى ان توصلو فى‬ ‫النهاية الى محاثتها باجمال اولا للوصول الى والدها ثم‬ ‫تداول التفاصيل معة لاتباع الاصول‬ ‫ماجد‪:‬هتكلميهم امتى يا ماما؟‬

‫فوقية‪:‬مش دلوقتى‪...‬اسبوعين كدة لما منار تخلص‬ ‫امتحانات‪ .....‬تقريبا اللغة اخر مادة عشان ميبقاش‬ ‫احراج لسها تيجى تانى والموضوع مفتوح‬ ‫وقد كان‬ ‫‪....................................................‬‬ ‫بعد منتصف تلك الليل فبيل الفجر استيقظت مى هذة‬ ‫المرة على صوت بكاء ونحيب‪ .‬قامت بهدوء واضائت‬ ‫انوار الغرفة لتجد منار تصلى وتبكى وتنتحب فى‬ ‫سجودها‪.‬‬ ‫انتظرتها الى ان اتمت صلاتها وظلت تنظر نحوها‬ ‫بهدوء مشجعة اياها على التقدم والحديث ولكن منار‬ ‫كان يدور براسها الف سؤال‪:‬ماذا اقول الان؟ليتنى لم‬ ‫اصلى هنا‪......‬هل كان بكائى عاليا الى هذا الحد؟هل‬ ‫اكذب واختلق عذرا للخروج من هذا المازق؟لكن ماذا‬ ‫اقول؟‬ ‫ظلت الاسئلة تراود عقل منار بينما ظهر التوتر جليا‬ ‫على ملامح وجهها الذى كستة الدموع‬

‫مى بهدوء‪:‬الدموع دى عشان ماجد‪ ....‬مش كدة؟‬ ‫نهاية الفصل الثالث عشر‬ ‫الفصل الرابع عشر‬ ‫تكون الجراح موجعه ومؤلمة لكنها بالنهاية تنتهى ‪......‬‬ ‫فكما يقول المفكرون (كل شيئ يبدأ صغيرا ويكبر الا‬ ‫الحزن يبدا كبيرا ويضمحل الى ان يختفى)‬ ‫لكن الجرح كلما كان اعمق كلما احتاج وقتا اطول‬ ‫للاتئام‪.‬‬

‫قد يكون كبيرا لدرجة ان نظن اننا سنموت بسببة لكن‬ ‫الزمان كفيلا بمعاجتة مهما كبر حجمة‬ ‫‪.....................................‬‬ ‫فى فيلا هشام اسعد داخل احدى غرفها الفخمة والكبيرة‬ ‫يطرق باب الغرفة فياتى ذلك الصوت الناعم الرقيق‬ ‫مجيبا‬ ‫سها‪:‬اتفضل‬ ‫يدخل هشام غرفة ابنتة لتظهر علامات الدهشة على‬ ‫سها فوالداها لم يعتدا زيارة غرفتها كثيرا ‪........‬لربما‬ ‫فى بعض الاحيان عندما كانت طفلة او عندما تكون‬ ‫مريضة فيدخلونها مع الطبيب‬ ‫لنكن على قدر كاف من الصراحه ‪.......‬فالحق يقال‬ ‫انهم فى وقت من الاوقات كانوا يزورونها مرارا‬ ‫وتكرارا عندما كانو يسمعون صرخاتها ليلا‬

‫لنعد الان الى سها حيث ما لبثت ان اختفت علامات‬ ‫الدهشة من وجهها فقد تذكرت انها تنتظر ان يناقشها‬ ‫فى موضوع ما‪.‬‬ ‫ابتسمت لنفسها فى سخرية‪:‬ها هو موضوع مقضى‬ ‫امرة بالنسبة لها جعل هشام بيك شخصيا يأتى الى‬ ‫غرفتها‬ ‫هشام‪:‬اميرتى الحلوة تسمح لباباها يقعد معاها شوية؟‬ ‫سها ‪:‬يا خبر !اية الكلام دة؟‪ ....‬اتفضل يا بابا طبعا‬ ‫هشام وهو يربت على كتفها‪ :‬عاملة اية يا حبيبتى ؟اية‬ ‫اخبار شغلك؟‬ ‫سها‪:‬الحمد لله يا بابا انا كويسة ومنار الحمد لله خلصت‬ ‫منهجها ودخلة الامتحان جاهزة باذن الله‬ ‫ثم اضافت بابتسامة باهتة ‪:‬ورجعت لاصحابى‬ ‫تانى ‪...............‬بقالى كتير مقصرة معاهم‬ ‫نظر لها هشام بعدم فهم فاضافت بخفة‪:‬اوضتى ولابى‬ ‫والتليفزيون هههههه بقالى كتير مقصرة فحقهم‬

‫انتفض قلب هشام لهذا الياس الذى اوت الية ابنته‪.‬لكم‬ ‫ندم على ما اضاعة من وقت بعيد عنها‬ ‫لكم ندم على اعتقادة الدائم بانها فقط طفله تحتاج‬ ‫الاموال لتلهو ولتسير فقط وفق الخطط التى يضعونها‬ ‫لها‪.‬‬ ‫تمنى لو استمع اليها يوما وكان صديقا لها‪.‬‬ ‫تمنى ان يعود بة الزمان للوراء ليكون الاب الذى‬ ‫تستحقة تلك الفتاة التى تشبة الملاك فى طيبة قلبها‬ ‫وحنانها ‪ ........‬هيهات فالزمان لا يعود للوراء ابدا لكن‬ ‫العاقل فقط من يسطيع ان يعوض ما فاتة وهشام رغم‬ ‫كل ماحدث كان رجلا عاقلا ورغم كل شيئ هو اب‬ ‫يحب ابنتة الوحيدة ولا يريد لها سوى السكينة والراحة‬ ‫هشام بجدية يخالطها ابتسامه حنونة‪:‬جيلك عريس يا‬ ‫سها‪ .....‬ناس كلمونى وعايزين‪...‬‬ ‫سها مقاطعة بصرامة‪ :‬لا يا بابا‪.‬اسفة بس حضرتك‬ ‫عارف راى كويس‬

‫هشام‪:‬بس هما قالولى انهم اخدو رقم تليفونى منك‬ ‫‪....‬لماهو لا بتديهولهم لية؟‬ ‫سها‪:‬يا بابا الناس دى ليهم معزة كبيرة اوى عندى‬ ‫مكنش ينفع احرجهم و كمان مدونيش فرصة اعترض‬ ‫عشام محاولا اقناعها‪:‬طيب يا حبيبتى لما انتى بتعزيهم‬ ‫اوى كدة ومرتحالهم لية لا يا سها ؟متجربى يا بنتى‬ ‫مش هتخسرى حاجة‬ ‫سها منتفضة من مكانها‪:‬زمان قلتولى نفس الكلام‬ ‫وخسرت كل حاجة‪ .‬كرامتى وحياتى وروحى‬ ‫‪........‬كل حاجة حلوة جوايا خسرتها‪ ......‬المرة دى لا‬ ‫يا بابا انا اللى هاخد القرار لوحدى وانا قولت لا يعنى‬ ‫لا‬ ‫هشام وقد اصابه كلامها فى مقتل منه‪:‬خلاص يا سها‬ ‫اللى تشوفية ‪..........‬انتى عندك حق فى كل كلمة‬ ‫قولتيها‬

‫هم بالمغادرة لكن استوقفة صوت ابنتة الملئ‬ ‫بالدموع‪:‬استنى يا بابا‪.........‬‬ ‫ترددت قليلا ثم اردفت‪ :‬انا اسفة مقصدتش اجرح‬ ‫حضرتك بس صدقينى انا تعبت اوى‪ .......‬اكيد‬ ‫حضرتك حاسس بيا مش كدة؟‬ ‫هشام وقد اقترب منها وضمها الية بحنان‪:‬عمرى ما‬ ‫ازعل منك يا سها‪ .‬اللى عندة بنت زيك مقيدرش يزعل‬ ‫منها‪ .‬انا اللى اسف على كل حاجة مريتى بيها بسببنا‬ ‫‪......‬انا حاسس بيكى والله يا سها ونفسى اعملك اى‬ ‫حاجة عشان تنسى ‪.....‬انتى مش متخيلة انا متعذب قد‬ ‫اية وانا عاجز كدة ومش عارف اعملك حاجة‬ ‫سها وهى تتململ فى حضة وتبكى‪:‬ربنا يخليك ليا يا بابا‬ ‫والله مش عايزة اكتر من كدة ‪......‬يمكن دى الحاجة‬ ‫الوحيدة الكويسة اللى طلعت بيها من كل دة‬ ‫ظل هشام يضمها الى صدرة بحنان الى ان كفت عن‬ ‫البكاء ثم ابعدها قليلا‪ :‬خلاص يا سها اللى انتى عايزاة‬

‫هو اللى هيمشى ايا كان رايك انا هنفذهولك يلا ريحى‬ ‫شوية عشان هخرج انا وانتى باليل اية رايك؟‬ ‫سها بفرحة‪:‬بجد يا بابا هنروح فين؟‬ ‫هشام‪:‬سيبرايس‪ .....‬مش بتقولوا كدة؟‬ ‫سها بابتسامة‪:‬ماشى يا بابا الساعة ‪ 8‬هبقى جاهزة‬ ‫استدار هشام للخروج من الغرفة‪ :‬اوكية يا حبيبتى‬ ‫هستناكى تحت فى التراس‬ ‫اوقفتة سها هذة المرة بيدها فاستدار لها مستفهما عما‬ ‫تريدة‬ ‫سها‪:‬بابا ممكن ترفض الناس دول بشيكة‪ ......‬اصلهم‬ ‫فعلا غالين عندى اوى‬ ‫هشام مبتسما وهو يداعب وجنتها‪:‬حاضر‬ ‫‪........................................‬‬ ‫صدمت منار لما قالتة مى ‪.‬ظلت تنظر لها بدهشة‬ ‫شديدة غير مدركة لما تفوهت بة مى للتو‬

‫مى بنفس الهدوء‪:‬مالك مبلمة كدة؟اية كنتى فاكرة انى‬ ‫مش واخدة بالى؟‬ ‫منار من بين دموعها‪:‬اعمل اية يا مى ؟انا نفسى مكنتش‬ ‫عارفة؟‬ ‫ازدادت بكاءا وهى تقول‪:‬انا مش عارفة اية اللى جرالى‬ ‫؟امتى وازاى؟انا خلاص دماغى هتتشل من التفكير يا‬ ‫مى‬ ‫نزلت مى الى مستواها وجلست امامها محاوله تهدئتها‬ ‫مى‪ :‬طيب تيجى نفكر سوا يمكن نرتاحى؟‬ ‫منار وهى تفرك يدها باضطراب‪ :‬مش عارفة يا مى‬ ‫‪.......‬اصلا مش من حقى حتى افكر‬ ‫مى‪ :‬على فكرة انا زي زيك مستغربة جدا ‪.......‬عشان‬ ‫كمان كنت ملاحظة ان فى حاجة من ناحيته‪.‬ودة اللى‬ ‫مخلينى اتكلم معاكى دلوقتى‪ ...‬حاسة ان فية حاجة مش‬ ‫مظبوطة‬ ‫منار متفاجئة‪:‬انتى بتعرفى الحاجات دى منين يا مى ؟‬

‫مى‪ :‬ههههههه عشان انتى هبلة وعبيطة وووووشفشق‬ ‫فاكرة الناس كلها زيك؟‬ ‫من ناحيتك يا ستى انا افهمك اكتر من نفسك دا انا امك‬ ‫التانية يا بنتى‪ .‬اما من ناحية ماجد فتصرفاتة كلها‬ ‫مفضوحة هههههه يلعب معاكى بالمشابك زى العيال‬ ‫الصغيرين‪....‬يخاف من زعلك وفى نفس الوقت يخاف‬ ‫عليكى من الناس وكلامهم‪ .........‬دة غير نظراتة اللى‬ ‫كل ما يشوفك تزوغ فى المكان وكانة بيهرب عشان‬ ‫ميوقعكيش ويوقع نفسة فى الغلط‪ .‬كل دة ومفهمتيش‬ ‫حاجة‪ .....‬ولا اى حاجة؟‬ ‫منار بعصبية بسيطة‪ :‬مفهمتش ومش عايزة افهم‪.....‬هو‬ ‫مقلش حاجة‪ ....‬ودلوقتى خلاص هيتجوز‪ ...‬انا اللى‬ ‫ضايعة فى النص ومش عارفة اعمل اية‪ ....‬خايفة ربنا‬ ‫يغضب عليا بسببة‪ .....‬انا تعباننة يا مى اعمل اية؟‬ ‫مى بحنان‪:‬اولا انتى معملتيش حاجة غلط تغضب ربنا‬ ‫ثانيا يا ستى اللى فى قلبك دة من عند ربنا حتى لو‬ ‫مكنش ماجد الشخص اللى انتى شايفاة مناسب اللى فى‬

‫قلبك ملوش علاقة لان القلوب بيد الرحمن يقلبها كيف‬ ‫يشاء‬ ‫ثالثا بقى ودة الاهم طالما بقى مش من نصيبنا يبقى‬ ‫نتمنالة الخير وندعى ربنا يهدى قلوبنا ‪.‬اللى انتى‬ ‫عملتية صح يا منار صلى يا حبيبتى وقربى من ربنا‬ ‫اكتر ‪.‬وجهى طاقة الحب اللى فى قلبك لله هترتاحى ‪.‬‬ ‫ومتستعجليش نصيبك ربنا هيبعتهولك فى الوقت‬ ‫المناسب وهيسخر الحب اللى جوة قلبك كلة للشخص‬ ‫المناسب‬ ‫منار وهى ترتمى فى حضن مى‪:‬يااااااااه يا مى انتى‬ ‫متعرفيش كلامك ريحنى قد اية‪ .‬بس مش سهل عليا يا‬ ‫مى والله ‪......‬انا حاسة انى كسبت حاجة وخسرتها وفى‬ ‫وقت واحد ‪.......‬فهمانى؟‬ ‫يعنى اول مرة ادرك ان فى حاجة فى قلبى ناحيتة فى‬ ‫نفس الوقت ادرك انه مش من حقى حتى انى افكر او‬ ‫اختار انتى فهمانى مش كدة؟‬

‫مى‪ :‬فهماكى يا منار وعارفة انه مش سهل عليكى بس‬ ‫لما نتوكل على الله كل حاجة بتهون مش ربنا قال فى‬ ‫القران(( ومن يتوكل على الله فهو حسبة))؟‬ ‫يلا قومى نامى وسلمى قلبك لله‬ ‫قامت منار لتنام وهى تردد(( بسم الله‪ .‬توكلت على الله‬ ‫‪.‬ولا حول ولا قوة الا بالله اللهم انى سلمت قلبى لك‬ ‫ووجهت وجهى اليك لا ملجأ ولا منجى منك الا اليك))‬ ‫‪..................................................‬‬ ‫انتهت سها من لف حجابها فى السابعه ظنا منها انها‬ ‫الثامنة‪.‬نزلت الى التراس كما اخبرها والدها فلم تجدة‬ ‫‪.‬فسالت الخدامة التى اخبرتها بدورها ان والدها فى‬ ‫غرفى المكتب‪.‬‬ ‫كطفلة صغيرة تلعب مع والدها الغميضة اتخذت سها‬ ‫طريقها الى غرفة المكتب على اطراف اصابعها‬ ‫‪.‬فتحت الباب بخفة وهدوء وهيئت حنجرتها لاطلاق‬ ‫صرخة تفزع بها والدها‪ .‬لكن مالبثت ان فتحت فمها‬

‫حتى استقر مفتوحا لما سمعتة‪.‬تسمرت سها مكانها‬ ‫وهى تسمع الحوار الدائر بين والديها ‪...........‬‬ ‫علا‪:‬وهية ان شاء الله تعرف مصلحتها اكتر مننا؟‬ ‫هشام‪:‬يا علا اصبرى عالبنت لسة يدوب مفاقتش من‬ ‫اللى حصل نقوم ندبسها تانى‬ ‫علا‪ :‬ندبسها دة اية؟احنا لو سيبناها تنفذ اللى فى دماغها‬ ‫علطول يبقى مش هتتجوز يا هشام‪ .‬لازم تشوف طريقة‬ ‫تقنعها بالجواز ‪.‬سها علانيتها ومش هنغلب معاها‬ ‫هشام‪:‬بطلى يا علا الطريقة دى البنت مش صغيرة سها‬ ‫عندها ‪ 24‬سنة مهياش لسة بنت مراهقة زى زمان‬ ‫علا‪:‬يعنى اسيبها من غير جواز لما يبقى عندها ‪ 44‬لا‬ ‫يا هشام بية اسفة مش بنتى اللى تعنس والناس تقول‬ ‫عليها مجنونة وعندها حاله نفسية‬ ‫هشام ‪:‬اااااه هو دة اللى يهمك‪ .‬كلام الناس ‪.............‬‬ ‫اسمعى يا علا‪ .......‬كلمتى مش هتنيها ‪.‬بنتى مش‬

‫هتتجوز البتاع اللى انتى جيبهولها دة حرام عليكى يا‬ ‫شيخة دة اكبر منها ب ‪15‬سنة‬ ‫علا ‪:‬وفيها اية؟ هما‪ 15‬سنة كتير؟راجل مركز وفلوس‬ ‫وجنتل وعيلة‪......‬امال تتجوز حتة الاراجوز اللى‬ ‫كلمك محلتوش غير حتة مكتب مسمية شركة؟ لا واية‬ ‫عندة بنت عيزلها دادة ‪......‬انابنتى على اخر الزمن‬ ‫تتجوز واحد تبقى شغالة عندة هو وبنته‪ .....‬على جثتى‬ ‫يا هشام‬ ‫عندها التفت الاثنان الى سها التى فتحت الباب بقوة‬ ‫ليرتطم بالحائط معلنة عن وجودها بشراسة‬ ‫سها بصوت عالى مليؤة الغضب الذى سيطر على كل‬ ‫جزء منها‪:‬افهم بقى اللى بتقولوة‪ ......‬اظن من حق‬ ‫العبدة اللى عمالين تبيعو وتشترو فيها تعرف مين‬ ‫سيدها الجديد‬ ‫علا متجاهله لكلامها‪:‬انتى كنتى بتتصنتى علينا يا‬ ‫سها؟ واية الطريقة اللى بتتكلمى بيها دى ؟اعتذرى‬ ‫فورا‬

‫سها بصرامة‪ :‬لأ ‪......‬عمرى ماهعتذر تانى عن‬ ‫حاجة انا مش شايفاها غلط وعمرى ما هسمحلك تمشى‬ ‫حياتى على هواكى تانى‪ ..........‬سها الضعيفة اللى‬ ‫ملهاش راى خلاص راحت‪ ....‬راحت ومش هترجع‬ ‫تانى فياريت تنسيها زى مانا نسيتها‬ ‫خطت سها بضع خطوات بطيئة من والدها ثم القت الى‬ ‫والدتها نظرة جانبية وقالت ببرود‪:‬لو سمحت يا بابا‬ ‫اتصل بالناس اللى كلموك قلهم انى موافقه يشرفونا‬ ‫‪.‬ياريت حضرتك ترتب معاهم اقرب وقت ممكن‬ ‫ثم تركتهما وذهبت‪ .‬تركتهم يكملون الحديث الذى بدأوة‬ ‫لكن بصورة مختلفة قليلا فقد اصبح الغضب الان هو‬ ‫سيد الموقف‬ ‫علا‪:‬شوفت البنت وقلة ادبها؟ دى خلاص اتجننت‬ ‫هشام‪ :‬بالعكس سها بتعقل ويتكبر يوم بعد يوم‬ ‫علا‪:‬يعنى اية؟‬

‫هشام‪:‬يعنى هنفذلها كلامها ‪.‬اللى طلبتة عين العقل‬ ‫‪.‬الناس بنتك بتحبهم ومرتحالهم وانا سألت عن الشاب‬ ‫محدش قال عنه كلمة وحشة بالعكس الكل بيشكر فية‬ ‫وفى اخلاقة‬ ‫علا‪:‬اخلاق اية يا هشام بية فوق‪ .‬دول كلوا عقل البنت‬ ‫عشان اللى وراها‬ ‫هشام ‪ :‬الراجل مش محتاج اللى وراها يا علا ‪.‬مهوش‬ ‫شحات يعنى‬ ‫علا‪:‬بالنسبةلخيرى بية شحات يا هشام‬ ‫هشام بغضب‪:‬اية رايك بقة انة راجل ومالى عينى عن‬ ‫خيرى بتاعك دة الولد اشتغل فى شركة كبيرة اول‬ ‫ماتخرج وفتح السنة اللى فاتت مكتب مع صاحبة بردة‬ ‫اللى لسة متخرج وما شاء الله عليهم عملوا اسم مش‬ ‫بطال فى سنة واحدة رغم كل الظروف اللى مروا بيها‬ ‫فى السوق‬ ‫حاولت علا الاعتراض ثانية فاسكتها هشام بغضب‪:‬انا‬ ‫وعدت سها انى هنفذلها اللى هتقول علية‪ ......‬لو‬

‫انطبقت السما عالارض الناس هتيجى بكرة يقروا‬ ‫فاتحة بنتك‪ .‬عايزة تقعدى مع الناس تقابليهم كويس‬ ‫وتفرحى زى اى ام كان بها ‪.‬مش عاجبك يبقى‬ ‫متحضريش خالص‬ ‫‪...............................................‬‬ ‫دلفت سها الى غرفتها تبكى بمرارة‪ .‬بدلت ملابسها ثم‬ ‫اتجهت الى الحمام الخاص بغرفتها‪ .‬توضئت ووقفت‬ ‫بين يدى الله تصلى قضاء الحاجة‪ .‬بكت كثيرا فى‬ ‫سجودها ودعت كثيرا بالهداية وان يرشدها الله الى‬ ‫الصواب‪ .‬قضت ليلتها باكية تدعو الله حتى غلبها النوم‬ ‫كانت تركض بسرعة كبيرة وهى تلتفت خلفها فى كل‬ ‫ثانية لترى الوحوش تقترب منها بسرعة كبيرة وهى‬ ‫تركض لاهثة ‪.‬تطلب النجدة من امها التى تجلس على‬ ‫مقربة تشاهدها دون ابداء اى اعتراض‬ ‫نظرت الى والدها فوجدتة يقرا كتابا وهو يبكى ربما‬ ‫كان يقرا القران نادتة باعلى صوتها ان ينقذها لكن دون‬ ‫اجابة عندها ما قالت سوى‪:‬ياااااااااارب ففوجئت‬

‫ببستان يفتح لها ‪.‬بابة قديم لكن احدهم بالداخل يناديها‬ ‫للدخول بسرعة لكنها وقفت مكانها دون حراك تنظر‬ ‫خلفها لتجد الوحوش تقترب ثم تنظر اماهها لتجد باب‬ ‫البستان يوشك على الاغلاق‬ ‫قامت من نومها لاهثة وكانها كانت تركض بالفعل‬ ‫‪.‬ادمعت عيناها وهى تقول‪:‬يا رب‪ ....‬مليش غيرك يا‬ ‫رب‪ .‬ارحمنى وابعدهم عنى يا رب‬ ‫‪.............................................‬‬ ‫فى نفس الليلة اتصل هشام بعماد يخبرة بموافقتة‬ ‫واعطاة موعدا فى الغد ليحضر اهله ويتناقشوا فى‬ ‫التفاصيل المتعلقة بالزواج‬ ‫بدورة اتصل عماد بماجد وفوقية واخبرهم بما حدث‬ ‫ذلك الذى اسعد فوقية كثيرا واخذت فى الترتيب للزيارة‬ ‫‪.‬‬ ‫بينما عماد قضى ليلتة وسط ذكرياته مع وفاء‬

‫يتذكر ابتسامتها ‪...‬شقاوتها ولهوها ‪........‬دموعها‬ ‫وفرحها‬ ‫اخرج فستان زفافها الابيض ‪.‬لكم كانت جميلة وهى‬ ‫ترتدية وحجابها الابيض ينور وجهها ‪ .‬ربما وفاء لم‬ ‫تكن على قدر عال من الجمال لكنها كانت اميرة متوجة‬ ‫على قلبة لم يدر كم ذرف من الدموع وهو جالس على‬ ‫الارض يضم فستانها الى صدرة يستنشق عبيرة‬ ‫ويردد‪:‬سامحينى يا وفاء ‪...‬والله غصب عنى عشان‬ ‫خاطر وفاء ‪..........‬هية اللى بقيالى منك مش قادر‬ ‫ابهدلها اكتر من كدة ‪...........‬سامحينى يا حبيبتى ‪......‬‬ ‫انتى روحى اللى راحت منى يوم ما روحتى‬ ‫يمكن هبقى لحد غيرك بس روحى لسة معاكى‬ ‫قلبى مات ودفنتة معاكى ‪.......‬سامحينى يا حتة‬ ‫منى ‪.............................‬سامحينى‬ ‫‪.................................................‬‬

‫فى اليوم التالى ذهب ماجد عصرا الى احد محال‬ ‫الحلويات ليحضر مستلزمات الزيارة بينما كانت منار‬ ‫ومهند يتبضعان معا ‪ .‬تقابلوا عند باب العمارة بينما‬ ‫ركن ماجد سيارتة وهبطت منار ومهند من سيارة‬ ‫الاجرة‬ ‫لا تعلم ماذا حدث لها فقد دق قلبها بعنف شديد عندما‬ ‫لمحتة قادم اليهم بابتسامة واسعة‪:‬يالله اه!اسعيد هو لهذة‬ ‫الدرجة!‬ ‫لم لا؟فسها فتاة جميلة ورقيقة‪ .....‬لن الومك فقد اخترت‬ ‫زوجة صالحة لكن ‪.......‬ليعنى الله على قلبى لاخرجك‬ ‫منه دون ان اتذوق هذا العذاب‬ ‫ارادت ان تهرب بعيدا فاسرعت الخطى الا ان مهند‬ ‫بادر بالقاء التحية على ماجد‪ :‬السلام عليكم‪ .‬اذيك يا ابية‬ ‫ماجد ‪ :‬وعليكم السلام ورحمة الله وبركاتة اذيك يا مهند‬ ‫عامل اية؟ اية الشيل دى يابنى انت مهاجر ولا اية؟‬ ‫تابع الجميع طريقهم نحو المصعد بينما مهند وماجد‬ ‫يتبادلان الاحاديث‬

‫مهند ‪:‬هههه لا يا ابية دى طلبات الاسبوع بما ان طنط‬ ‫اتخلت عن ماما انهاردة فاحنا اللى اتدبسنا فى المشوار‬ ‫ضحك ماجد على ماقالة مهند عندما وصلوا الى باب‬ ‫المصعد ليجدو لافتة‪:‬مغلق للصيانة‬ ‫مهند‪:‬هههههههههه دول قاصدينك بقى يا ابية بشيلك‬ ‫دى‬ ‫ماجد‪:‬على اساس ان حضرتك واقف بطولك‬ ‫عندها للمرة الاولى لاحظ ما تحملة منار من اكياس‬ ‫تبدو ثقيلة وفوق احتمالها‬ ‫ماجد‪:‬هاتى يا انسة منار الاكياس دى لو سمحتى‬ ‫منار بعدم فهم‪:‬نعم !اكياس اية‬ ‫حمل ماجد جميع ما كان معة بيد واحدة ومد لها اليد‬ ‫الفارغة‪:‬هاتى الاكياس اللى فى ايدك شكلها تقيل انا‬ ‫هشيلها‬ ‫منار بعصبية غير مبررة‪:‬لا شكرا كفاية عليك اللى انت‬ ‫شايلة‬

‫تركتهم وذهبت للاعلى بخطوات سريعة بينما نظر‬ ‫ماجد الى مهند ليجدة رافعا اكتافة فى عدم فهم‬ ‫تابعوا الصعود معا فاراد مهند ان يلطف‬ ‫الاجواءقليلا‪:‬بالمناسبة مبروك يا ابية عقبال ماتفرح بيا‬ ‫ماجد‪ :‬ههههههه مش لما افرح بيا انا الاول‬ ‫مهند‪:‬خلاص يا عم انت فرحت سيب الناس تاكل عيش‬ ‫بقى‬ ‫ماجد مذعورا فقد ظن ان مهند يتحدث عن منار‪:‬انت‬ ‫جبت الكلام دة منين؟‬ ‫مهند مستغربا‪:‬كلام اية يا ابية؟ مكلنا عارفين انك رايح‬ ‫تخطب انهاردة‬ ‫ماجد بدهشة‪ :‬مين اللى قال الكلام دة؟‬ ‫مهند‪:‬طنط فوقية قالت لمس سها ان العريس‬ ‫ابنها ‪.............‬يبقى انت مش محتاجة فقاقة يعنى‬

‫توقف ماجد فجأة عن الصعود واخذ يلوح براسة وكانة‬ ‫يزن امرا ما براسه‪:‬فكرينى انا العريس ! كفاية عليك‬ ‫اللى انت شايلة ! هههههههههه دى غيرة بقى‬ ‫انتبة لصوت مهند وهو يسخر منة‪ :‬ههههههههههه‬ ‫انت روحت فين يا عريس ارجع ارجع مش دلوقتى‬ ‫لسة قدامك لبعد العشا عشان تروح هناك‬ ‫ماجد‪ :‬قدامى يا لمض مش انا العريس يا ابو الفققاقة‬ ‫كانو قد وصلو الى بداية السلم المؤدى الى شقتيهم‬ ‫عندما وجدوا منار منتظرة مهند ليدق لها الجرس فقد‬ ‫كانت تحمل الاكياس فى كلتا يديها مما لم يمكنها من‬ ‫قرع الجرس‬ ‫منار موجهه حديثها الى مهند بنفس العصبية‪:‬ساعة‬ ‫طالع عالسلم اخلص يا مهند‬ ‫هم مهند بالصعود بسرعة بينما لحقة ماجد وهو فى قمة‬ ‫السعادة من هذا الغضب البادى على وجهها‬

‫كان يصعد السلالم كالاطفال من فرط السعادة بينما‬ ‫الغضب والالم يتعالى فى قلب منار‬ ‫نظر لها نظرة خاطفة ليدرك انه مهما كان سعيدا فلن‬ ‫يستطيع رؤيتها حزينة ومتالمة بسببة ابدا‬ ‫فقرر‪..............‬‬ ‫ماجد ‪:‬بس مقولتليش يا مهند مين اللى قالك انى رايح‬ ‫اخطب انهاردة‬ ‫مهند‪:‬اة صحيح اية حكاية مش انت العريس دى؟‬ ‫ماجد مخفيا ضحكة كادت تفلت منه عندما راى وجة‬ ‫منار الذى تبدل فى ثانية من الحزن والغضب والتعاسة‬ ‫الشديدة الى المفاجئةو التساؤل الملح الذى ظهر فى‬ ‫عينيها وكاد ينطق بة لسانها‬ ‫ماجد‪:‬مش انا يا قفل دة عماد صاحبى بس طنطك فوقية‬ ‫بتعتبرة ابنها‬ ‫نظر الى منار نظرة جانبية اردف بعدها ‪:‬انما انا‬ ‫خلاص لقيت نصيبى من زمان‬

‫‪.................................................................‬‬ ‫‪....................‬‬ ‫نهاية الفصل الرابع عشر‬ ‫الفصل الخامس عشر‬ ‫وقفت امام مراة الحمام تنظر الى وجهها الذى تبلل‬ ‫بالماء لكن الماء بدورة لم ينجح فى اخفاء حمرة‬ ‫وجنتاها المشتعلة‪.‬‬ ‫حاولت مرارا وتكرارا لكنها لم تنجح‪.‬‬ ‫وضعت يداها على وجنتيها تلتمس الحرارة التى تنبعث‬ ‫منهماوكانهما تشتعلان حقا ‪.‬‬ ‫ابتسمت لنفسها فى المراه عندما تذكرت تصريحة( انا‬ ‫لقيت نصيبى خلاص )‬ ‫يا الهى هل كان يقصدنى حقا؟‪.‬‬

‫هل اعنى له شيئا كما هو يعنى لى الكثير؟‬ ‫احقا لن يتزوج غيرى؟‬ ‫اتسعت ابتسامتها عندما تذكرت انه لن يتزوج‬ ‫بدات طبول قلبها تهتف فى فرح‪ :‬مش هيتجوزها‬ ‫‪.....‬مش هيتجوزها‪ ......‬مش هيتجوزها‬ ‫فجأة توقف الطبل فى قلبها عندما بدأ طبل اخر على‬ ‫الباب ‪ ..............‬بالطبع اعنى طرقات مى على‬ ‫الباب‪.‬‬ ‫تلك الطرقات التى كانت تهتف بسعادة مى لما سمعتة‬ ‫من مهند من ان ماجد ليس العريس المقصود‪.‬‬ ‫منار ولم تنجح فى اخفاء السعادة من صوتها‪:‬ايوة يا مى‬ ‫هخرج اهو‬ ‫مى بسعادة ايضا‪ :‬بسرعة يا شفشق بتعملى اية كل دة؟‬ ‫يلا بقى احسن والله اسيحلك‬ ‫خرجت منار بسرعة ووضعت يدها على فم مى جاذبة‬ ‫اياها الى غرفتهم‪ :‬هسسسسسس يخربيتك دة انتى حقنه‬

‫مى وهى تكتم ضحكاتها تحت يد منار التى تطبق على‬ ‫فمها وتحاول نزعها‪ :‬ممممممم اوعى بس هقولك‬ ‫نزعت منار يدها وحاولت التحدث بجدية‪ :‬نعم‬ ‫‪.....‬عايزة تقولى اية؟‬ ‫مى بفرحة‪ :‬الواد مهند قالى ان ماجد مطلعش العريس‬ ‫ثم اشارت لنفسها فى زهو‪:‬شوفتى تحليلاتشى يا بنتى ؟‬ ‫‪........‬مش قلتلك فى حاجة غلط‬ ‫منار بارتباك‪:‬طب‪ .....‬طب وانا مالى يا ستى ؟‬ ‫مى ‪ :‬هههههه يا واد يا تقيل انت‪ .‬اللى يشوفك كدة‬ ‫ميشوفكيش وانتى مهريه من العياط امبارح ولا الفرحة‬ ‫اللى هطنط من عنيكى وانتى داخلة من برة‬ ‫ثم وضعت يدها على كتف منار بطريقة صبيانية‪:‬انسى‬ ‫يا منار انك تعرفى تعملى عليا الحبتين دول‬ ‫منار بارتباك وفرحة واضحة‪:‬بصلى يا مى وقال انا‬ ‫لقيت نصيبى خلاص‪ ..........‬حسيت انه بيقولى انا‬ ‫الكلام دة‬

‫اكفهر وجة مى ونزعت يدها بخفة‪ :‬نعم‪!........‬قالك اية‬ ‫ياختى‬ ‫منار وقد تغيرت معالم وجهها التى تنطق بالفرح الى‬ ‫التساؤل‪:‬اية يا مى مالك انا قلت حاجة غلط؟‬ ‫مى وهى تزفر لتتمسك بالهدوء‪:‬اقعدى يا منار وقوليلى‬ ‫اية اللى حصل بالظبط‬ ‫قصت عليها منار ماحدث منذ رؤيته الى ان قال جملتة‬ ‫الاخيرة‬ ‫سكتت مى قليلا ثم بدات بالكلام وكانها كانت تنتقى‬ ‫العبارات المناسبة‬ ‫مى‪ :‬انا راضية حكمك يا منار ؟فكرى بعقل كدة ‪........‬‬ ‫انتى شايفة اللى حصل مفيهوش حاجة غلط؟‬ ‫منار بتردد‪:‬مش عارفة‪......‬قوليلى طيب وجهه نظرك‬ ‫مى‪:‬بصى يا منار‪ ..........‬كويس اوى انه يبقى فية نبتة‬ ‫جميلة فى قلبنا بتكبر يوم بعد يوم ‪..........‬بس النبتة دى‬ ‫لازم نحافظ عليها عشان تكبر فى رعاية ربنا‬

‫‪..............‬يعنى زى ما قولتلك قبل كدة اللى فى قلبك‬ ‫ربنا كتبهولك مليكيش يد فية بس اللى ليكى يد فية انك‬ ‫تحافظى على الحاجة الحلوة دى فى رضا ربنا مش‬ ‫تضيعيها بانك تغضبى ربنا‬ ‫منار‪:‬انا مش فاهمه انتى عايزة توصلى لاية يا مى‬ ‫مى‪:‬افرضى يا منار حد طالع او نازل من الجيران‬ ‫دلوقتى وشافة وهو بيقول الكلام دة بالطريقة دى‬ ‫بلاش الجيران‪........‬طب انتى مش عارفة يا منار ان‬ ‫النظرة سهم من سهام الشيطان ؟‬ ‫حلو اوى ان انتو الاتنين فى حاجة جميلة جواكو لبعض‬ ‫بس الحاجة دى عشان تفضل جميلة ومحتفظة بتوب‬ ‫البراءة ورضا ربنا لازم تبقى فى النور‪ .......‬ولو مش‬ ‫اوانها النور دلوقتى يبقى تفضل جوانا مخبين عليها من‬ ‫غير اى تصرف يخدشها قبل ما تظهر للنور‬ ‫‪..........‬مش بيقولوا من استعجل الشيئ قبل اوانه‬ ‫عوقب بحرمانة؟‪ ......‬فهمتينى يا منار؟‬

‫منار بابتسامة خجلة‪:‬ايوة فهمت‪......‬اوعدك انى مش‬ ‫هحط نفسى فى الموقف دة تانى لحد ما نبتتى تخرج‬ ‫للنور عشان ربنا يفضل راضى عنى وميحرمنيش‬ ‫منها‪.‬‬ ‫مى وهى تربت على كتفها بحنان‪:‬ربنا يكملك بعلقك يا‬ ‫منار ويصلحلك الحال‬ ‫‪..........................................................‬‬ ‫اما عند ماجد فكما يقولون(مكنتش الفرحة سيعاه)‬ ‫ظل يدور فى غرفتة بسعادة كلما تذكر وجهها الخجل‬ ‫اثر كلماته ودخولها الشقة بسرعة هروبا منه‪ :‬لكم انتى‬ ‫رقيقة وجميلة فى خجلك يا منار حياتى‬ ‫افاق على صوت طرقات على باب غرفتة‬ ‫فوقية‪:‬ماجد انت جيت؟‬ ‫فتح ماجد الباب‪ :‬ايوة يا ماما لسة داخل‬ ‫فوقية مستغربة‪:‬محستش بيك يعنى وانت داخل لقيت‬ ‫الشنط برة فى الصاله قلت يبقى جيت‬

‫ماجد‪:‬تقريبا كنتى فى المطبخ يا ماما وانا دخلت‬ ‫اوضتى علطول‬ ‫فوقية‪:‬طيب يا حبيبى جبت كل الطلبات‬ ‫ماجد وهو يرتمى على سريرة‪:‬ايوة يا امى جبتها‬ ‫كلها‪.‬اريح انا بقى شوية عقبال ما المغرب‬ ‫تاذن ‪............‬نصلى وبعدين نبدأ نجهز ان شاء الله‬ ‫فوقية‪:‬طيب يا حبيبى هقفلك الشيش عشان النور‬ ‫خرجت من الغرفة وتركت ماجد لينام او هكذا ظنت‬ ‫فماجد ظل مستيقظا يحدق فى الظلام المحيط بة ويفكر‬ ‫فى كل شيئ مر بة منذ قابل منار للمرة الاولى‬ ‫‪...................................................‬‬ ‫قبيل المغرب قام ماجد نشيطاوالبسمة لا تفارق وجهه‬ ‫فاخيرا قرر امرا ما بعد طول تفكير‬ ‫صلى المغرب واتصل بعماد ليؤكد الموعد‬ ‫بعد صلاة العشاء كان ماجد يقود سيارتة متجها الى‬ ‫بيت عماد بصحبة فوقية‪.‬‬

‫اتصل بعماد عندما اقترب من منزلة ليأتة الجواب على‬ ‫الطرف الاخر بأنه جاهز‬ ‫ما لبث ان وصل امام البناية التى يقطنها عماد حتى‬ ‫اتسعت عيناه دهشة مما شاهدة‪.‬‬ ‫فلم يكن عماد وحدة القادم بل كان يحمل وفاء ايضا‪.‬‬ ‫نقل بصرة الى والدته استنكارا فوجدها مبتسمة وكانها‬ ‫انتظرت شيئا كهذا‪.‬‬ ‫بادرت فوقية بالنزول وكذلك ماجد ليقابل صديقة‬ ‫بالسؤال‪:‬اية يا عماد انت لسة مودتش وفاء لجدتها لحد‬ ‫دلوقتى ؟يابنى كدة هنتاخر عالناس‬ ‫عماد بجدية ‪:‬ومين اللى قالك انى هوديها لجدتها‬ ‫‪......‬انا مش هروح من غير بنتى يا ماجد‪ ..........‬انا‬ ‫اصلا رايح عشان خاطربنتى ‪.......‬لازم الكل يعرف‬ ‫ان وفاء قبل اى حاجة‬ ‫هم ماجد بالرد الا ان فوقية اوقفتة وهى تربت على‬ ‫وجنتى وفاء بحنان ‪:‬عين العقل يا بنى‪ ..........‬انا كنت‬

‫عارفة انك هتعمل كدة‪ ...........‬انت عندك حق‪ .‬لازم‬ ‫الكل يعرف ان وفاء قبل اى حاجة‬ ‫استسلم ماجد للامر الواقع او بالاحرى اعجبتة وجهه‬ ‫نظرهم فانطلق الى العنوان الذى اخبره بة عماد وهو‬ ‫يتمنى لصديقة الخير والسعادة التى غابت عنة طويلا‬ ‫‪........................................‬‬ ‫فى غرفة سها كانت قد انتهت من صلاة العشاء عندما‬ ‫سمعت طرقات على الباب لتسمع صوت الخادمة‬ ‫تخبرها بأن والدها ينتظرها فى غرفة مكتبة‪.‬‬ ‫ابدلت اسدال صلاتها بملابسها التى كانت مكونة من‬ ‫جيب باللون البيج تعلوها بلوزة بيضاة باكمام‬ ‫واسعة(مومباى)وحجاب قصير من الستان يجمع‬ ‫اللونين معا مع بعض درجات الروز مع عقد ذهبيا‬ ‫يزين رقبتها برقة‬ ‫نزلت الى غرفة المكتب لرؤية والدها لكنها لم تجدة‬ ‫بانتظارها بل وجدت والدتها علا تنتظرها بدلا عنه‬ ‫سها بدهشة‪:‬هوبابا فين؟قالولى انه مستنينى هنا‬

‫علا‪:‬انا اللى بعتلك ‪..........‬كنت عارفة انك هتيجى‬ ‫جرى لو عرفتى ان باباكى اللى مستنى ‪.......‬انما انا‬ ‫خلاص بقيت عدوتك مش كدة؟‬ ‫اغمضت سها عيناها محاولة استيعاب ما تقوله والدتها‬ ‫وتفعلة ‪.‬اخذت نفسا عميقا كانما تحاول التماسك‬ ‫واعطاء نفسها الهدوء الللازم‬ ‫سها‪:‬اية يا ماما اللى حضرتك بتقولية دة؟ مكنش لية‬ ‫لزوم اللى حضرتك عملتية يا ماما‪ .....‬لو بعتيلى كنت‬ ‫هجيلك من غير ما افكر‬ ‫علا وهى تتقترب اليها وتكلمها بحنان فقد ادركت ان‬ ‫العصبية والاوامر لم تعد تجدى نفعا مع سها‪:‬يا حبيبة‬ ‫قلبى انتى عارفة انا بحبك قد اية‪.‬انتى روح مامى يا‬ ‫سها‪.‬هو انا لية حد غيرك يا روحى‬ ‫سها برقة ‪:‬يا ماما وانا والله مالية غيرك بس انتى مش‬ ‫بتفهمينى‪ .‬انا لية راى يا ماما وكيان‪.‬نفسى تعرفى كدة‬ ‫وتقدرى يا ماما‬

‫علا ‪ :‬مقدرة يا حبيبتى والله ‪.‬انا مش عايزة غير‬ ‫مصلحتك يا سها ‪.‬وعشان كدة انا هقعد مع الناس اللى‬ ‫جايين دول وهرحب بيهم كمان ‪......‬ايه رايك بقى؟‬ ‫سها بفرحة‪ :‬بتتكلم جد يا ماما؟يعنى المرة دى هتسيبينى‬ ‫اختار بجد؟‬ ‫علا‪:‬ايوة طبعا بجد انا عمرى قلتلك حاجة‬ ‫ومعملتهاش‪.............‬بس انتى كمان لازم تنفذيلى‬ ‫طلبى زى ما هنفذلك اللى انتى عايزاة‬ ‫سها وقد تراجعت للوراء واختفت البسمة من‬ ‫وجهها‪:‬طلب اية يا ماما؟انتى بتفاوضينى؟‬ ‫علا متدراكه لما قالتة‪:‬لالا طبعا لا يا روحى تفاوض‬ ‫اية اللى بتتكلمى عنة ؟‬ ‫انتى مش قولتى انك عايزة الاختيار يبقى ليكى لوحدك؟‬ ‫و هوة دة اللى انا بطلبة منك‬ ‫نظرت لها سها بعدم فهم فاردفت علا‪:‬تيجى معايا بكرة‬ ‫النادى عشان تقابلى خيرت بية مش يمكن يعجبك عن‬

‫حتة البتاع دة‪ .............‬وطبعا الاختيار ليكى فى‬ ‫الاخر يا قلبى‬ ‫فى البداية نظرت لها سها باشفاق ربما على حالها اكثر‬ ‫منه على محاولات والدتها المستميتة فى حيازة الدنيا‬ ‫وما بها من مظاهر ولو باى ثمن حتى لو كانت ابنتها‬ ‫الوحيدة هى ذلك الثمن‬ ‫ما لبثت ان تبدل تلك النظرة الى ابتسامة بعد تفكير لم‬ ‫يدم طويلا‪:‬اوكى يا ماما اللى تشوفية‬ ‫احتضنتها علا بلهفة مصطنعة‪:‬مبروك يا روح‬ ‫ماما‪..........‬هتبقى عروسة زى الامر‪....‬وزى لية؟هو‬ ‫مين فى جمال روح قلبى سها؟‬ ‫اما سها فقد كانت تبتسم فى سخرية‪:‬اذا فهذا هو الحل‬ ‫الوحيد للخروج من هذا العذاب‪.......‬سأهرب بعيدا يا‬ ‫علا هانم ‪............‬اعدك بذلك‬ ‫‪...........................................‬‬

‫وصل عماد بصحبة ماجد وفوقية وبالطبع وفاء الى‬ ‫فيلا هشام اسعد‬ ‫هبط الجميع من السيارة متجهين الى باب الفيلا بعد ان‬ ‫عبروا البوابة الرئيسية‬ ‫تابطت فوقية زراع ماجد بينما اصر عماد على ان‬ ‫يحمل ابنتة بنفسة‬ ‫استقبلتهم امراة وقور تبدو مدبرة المنزل وارشدتهم الى‬ ‫غرفة صالون فخمة تطل على التراس‬ ‫لم يمضى من الوقت دقائق معدودة حتى دخل هشام‬ ‫بصحبة سها التى تأبطت زراعة بدورها‬ ‫قام الجميع ليسلم على هشام بينما اتجهت سها الى حيث‬ ‫تجلس فوقية التى احتضنتها بحنان واجلستها بقربها‬ ‫هشام‪:‬نورتوتنا يا جماعة والله‬ ‫ثم اضاف بمرح‪:‬ها مين العريس يا شباب ؟‬

‫تبادلوا النظرات المرحة فيما بينهم بينما وجهت سها‬ ‫نظرها ارضا فهى لم تعرف حقا من هو عوضا عن‬ ‫انها لم تنظر الى وجه احد منهم الى الان‬ ‫همت فوقية بالرد لكن هشام سبقها وهو يمد يدة ليحمل‬ ‫الصغيرة من يد عماد ويهمس لها بمرح‪:‬اكيد انتى وفاء‬ ‫الامورة ‪ ......‬يبقى دة باباكى صح؟‬ ‫عماد وهو يمد يدة للسلام‪ :‬ايوة يا فندم‪ ...‬عماد الشيخ‬ ‫حمل هشام الصغيرة بيد ومد يدة الاخرى للسلام‪ :‬اهلا‬ ‫بيك يا بشمهندس‪ ............‬تشرفنا‬ ‫عماد ‪ :‬الشرف ليا يا فندم‬ ‫ثم اشار الى فوقية ثم ماجد‪:‬مدام فوقية‬ ‫والدتى‪......‬وماجد اخويا‬ ‫سلم هشام على ماجد واومأ لوفقية محييا ايها ثم تكلم‬ ‫باستغراب‪:‬الحقيقة يا بشمهندس عماد انا لما سألت‬ ‫قالولى انك وحيد‪ ....‬اعذرنى بس يعنى‪........‬‬

‫قاطعتة فوقية بدورها هذة المرة‪:‬يمكن عماد مش ابنى‬ ‫بالنسب يا استاذ هشام‪ ....‬بس معزتة عندى متقلش عن‬ ‫ماجد‬ ‫هشام موجها حديثة لماجد‪:‬اكيد انت شريكه يا‬ ‫بشمهندس‪ .‬مش كدة؟‬ ‫ماجد‪:‬كدة يا فندم بس قبل الشراكة احنا اصدقاء واكتر‬ ‫من الاخوات‬ ‫هشام‪:‬متتخيروش عن بعض والله يا بنى ربنا يبارك‬ ‫فيكو‬ ‫كانت وفاء اثناء مناقشاتهم تنقل نظرها بين هشام الذى‬ ‫يحملها وسها باستغراب شديد‬ ‫ما ان توقفو عن الكلام حتى نظرت الى والدها عماد‬ ‫وبدأت بالبكاء‬ ‫قام عمادبسرعة من مكانه ليحملها‪ .‬اخذ فى حضنة‬ ‫ليشعرها بالامان‪:‬هشششششش بس يا فوفو متخفيش يا‬ ‫روحى انا هنا اهو‬

‫ما لبثت ان ذهبت الى والدها وقام بتهدئتها حتى كفت‬ ‫عن البكاء واخذت تلعب فى ازرار قميصة‬ ‫فوقية‪:‬معلش يا جماعه المكان بس جديد عليها‬ ‫هشام‪ :‬ولا يهمك يا فندم‪ .....‬ماشاء الله ربنا يخليهالك يا‬ ‫بشمهندس‬ ‫عماد متعمدا‪:‬ربنا يكرمك يا فندم وفاء دى كل حاجة فى‬ ‫حياتى ‪......‬انا مستعد اعمل اى حاجة عشان تبقى‬ ‫مرتاحة وكويسة‬ ‫ربما هشام لم يدرك ما كان يرمى الية عماد لكن سها‬ ‫ادركت ذلك‪ .....‬فسها كامراه مرهفة المشاعر ادركت‬ ‫ما يرمة الية عماد وخاصة عندما انتبهت الية للوهلة‬ ‫الاولى لتتذكر ملامحة‪ .‬نعم انه ذلك الشاب الذى قابلها‬ ‫يوما على السلم ‪.‬لكنه يومذاك كان مرحا لطيفا اما الان‬ ‫فلا يظهر على وجهه سوى الجدية المطلقة اذا فانا‬ ‫مجرد وسيلة لاسعاد ابنتة‪.‬اذا انا غير مطالبة سوى‬ ‫بالاعتناء بتلك الملاك لاعيش حياة سعيدة دون مشاكل‬

‫نظرت اليها نظرة خاطفة لتجدها تلعب بازرار قميصة‬ ‫‪:‬ابتسمت تحدث نفسها وقد زينت تلك البسمةالحنونه‬ ‫شفتيها‪:‬لا تقلقى يا صغيرتى فأنا قادمة لاعتنى بك‬ ‫قريبا ولن ادعك للحياة تتقاذفك مثل ما فعلت معى‬ ‫فجاة شعرت بنظراته مصوبة اليها اثناء انشغال الباقين‬ ‫فى الحديث‪ .‬لوكانت راته ينظر لها نظرة اعجاب او‬ ‫على الاقل نظرة تقيمية لكانت اخفضت راسها‬ ‫خجلا ‪.......‬لكن ما جعلها عاجزة عن رفع عيناها عنه‬ ‫انه كان ينظر لها بتهكم ‪.‬لم تدر ما سر تلك النظرة ‪.‬‬ ‫ودت لو اخترقت هذا الراس المتحجر لتعرف ما يفكر‬ ‫بة هذا الشاب‬ ‫اجفل الجميع على قدوم علا المفاجئ ملقية بعبارات‬ ‫الترحيب المتعارفة‬ ‫بالطبع اندهش الجميع لرؤيتها فيما عدا سها وهشام فقد‬ ‫كانت ترتدى فستانا يغطى الركبة بقليل وشعرها‬ ‫القصير الملتف يدور حول وجهها ‪.‬كانت تبدوا صغيرة‬ ‫السن مقارنة بالام التى ينتظر الجميع رؤيتها‬