هل سأعود اليك يا من كنت حبيبى ؟!

‫قالت جملتها وهمت بالهروب‬ ‫مى وهى تطاردها ‪:‬وكمان بالفم المليان‪.‬نهارك مش‬ ‫معدى يا شفشق‬ ‫ثم بدأ صوت صراخهم المزوج بالضحكات تتعالى‬ ‫حتى وصل مهند ودخل الغرفة فوجد منار ممدة على‬ ‫السرير ومى فوقها تكتف زراعها بيد‬ ‫وتدغدغهابالاخرى وتنفخ فى وجهها مما جعل منار‬ ‫تصرخ صرخات عالية يغلبها الضحك‬ ‫مهندبجدية‪:‬بتعملى اية انتى وهية؟ صوتكو خرم ودنى‬ ‫اول ما دخلت من بابا الشقة‬ ‫منار باستنجاد وهى لا ستطيع التوقف عن الضحك ‪:‬‬ ‫ههههههه الحقنى يا مهند هههههه‪.‬اختك هتموتنى‬ ‫مى وهى تحكم قبضتها اكثر على منار‪:‬اطلع برة يا‬ ‫مهند‪.‬اللى هيقرب هيتعور‬

‫مهند وقد رمى حقيبة مدرستة ارضا اخذ يشمر زراعة‬ ‫وبدأ يحرك قدمة على الارض كمن يستعد لمصارعة‬ ‫الثيران‪:‬استعنا عالشقى بالله‬ ‫مى‪:‬لالالالالالالا بهزر والله بهز‪............‬‬ ‫لم تكمل جملتها حتى انقض فوقها مهند واخذ يدغدغ‬ ‫كلتاهما وهما تصرخان وتضحكان بقوة‬ ‫اما فى الجانب الاخر عند ماجد فقد عادت الية فوقية‬ ‫غاضبة من تصرفة الغير مبرر‬ ‫فوقية‪:‬ينفع اللى انت عملتو دة يا ماجد‬ ‫ماجد‪:‬عملت اية يا ماما؟‬ ‫فوقية‪:‬يعنى مش عارف عملت اية؟دى طريقة تكلم بيها‬ ‫البنت؟من امتى وانت قليل الذوق مع الناس يا ماجد؟‬ ‫ماجد‪:‬امال كنتى عايزانى اعملها اية يا ماما؟ افرشلها‬ ‫الارض ورد؟هو كان ينفع اصلا انها تيجى عندنا‬ ‫لوحدها وهية عارفة ان ماحدش هنا غيرى انا وانتى؟‬

‫فوقية‪:‬اولا البنت واضح جدا انها مكنتش عارفة انك‬ ‫موجود‪ .‬انت مشوفتش اتفاجئت ووشها جاب الوان‬ ‫ازاى لما شافتك‪ .‬وبعدين انا مش عجباك ولا اية؟امال‬ ‫لو مكنتش هنا كنت هتعمل اية؟‬ ‫ماجد باستنكار‪:‬وانا كنت هخليها تعتب باب الشقة اصلا‬ ‫فوقية‪:‬بقولك اية متوهنيش انت لازم تعتذرلها‬ ‫ماجد باستنفار‪:‬نعم !!!مبقاش الا حتت العيلة دى‬ ‫اعتذرلها؟ لا طبعا‬ ‫فوقية‪:‬الله يسامحك يا ماجد يا بنى من امتى واحنا‬ ‫بنحسبها بالاكبر والاصغر؟ انا طول عمرى معوداك‬ ‫تعتذر لاى حد تغلط فى حقة ان شالله لو عيل فى‬ ‫حضانة‪ .‬انا نفسى بعمل معاك كدة‬ ‫ماجد بتردد‪:‬يا ماما ما انا مش شايف انى غلط‬ ‫فوقية‪:‬لا يا ماجد غلطان وانا مش هقول اكتر من كدة‬ ‫‪.‬البنت يا حبيبتى عيطت من كتر الاحراج‬

‫ماجد باندهاش‪:‬اية؟عيطت !!! هو انا كنت عملتلها اية‬ ‫عشان تعيط؟‬ ‫فوقية‪:‬مش هخلص منك يا ماجد بس اعرف انى حبيت‬ ‫الناس دول وارتحتلهم جدا على الاقل لو سمحت‬ ‫ميتكررش الغلط دة تانى‬ ‫تركتة فوقية وذهبت للمطبخ تركتة ولافكار تتخبط فى‬ ‫راسة‪:‬بتعيط عشان كلمتها بطريقة وحشة!اية البت دى؟‬ ‫وكمان وشها احمر لما شافتنى!‬ ‫ما انا لسة شايفها من الشباك وقفة بتكلم ولد تحت‬ ‫العمارة ولا هممها حد يشوفها‬ ‫ويعود ليرد على نفسة‪:‬بس هية كانت مديانى ضهرها ‪.‬‬ ‫ما يمكن كانت بتزعقلة مثلا‬ ‫يوووووووووووة وانا هشغل بالى لية؟ الايام جاية‬ ‫كتير وهيبان هية فعلا محترمة ولا لأ‬ ‫نفض راسة سريعا‪:‬وانا مالى انا محترمة ولا ل؟أوانا‬ ‫مالى بيها اصلا ؟ثم عاد الى عملة مرة اخرى‬

‫فى اليوم التالى عادت منار وحيدة ايضا من المدرسة‬ ‫والتى ما ان انتهى دوامها حتى خرجت مسرعة من‬ ‫المدرسة وذهبت الى البيت بخطوات سريعة تشبة‬ ‫الركض خوفا من ان يلحقها ذلك السمج مرة اخرى‬ ‫وصلت منار الى العمارة التى تقطن بها وما ان دخلت‬ ‫المصعدنظرت امامها فلم تجد احدا فتنفست الصعداء‬ ‫‪.‬ضغطت زر المصعد وما كاد المصعد يغلق ابوابة‬ ‫حتى سمعت صوتا‪ :‬استنى لو سمحت‬ ‫اجفلت منار لليد التى وضعت تمنع المصعد من‬ ‫الاغلاق ففتح باب المصعد ثانية‬ ‫وجدت ماجد امامها فتدفقت الافكار فى ذهنها فى اقل‬ ‫من ثانية ‪:‬انه هو مهلا انه رجل سيركب معها المصعد‬ ‫وحدها‪ .‬لا والف لا لن اسمح لنفسى بأن اكون فى هذا‬ ‫الموقف‪ .‬وحدى مع رجل ومغلق علينا الباب ولو ثوان‬ ‫؟؟؟‬

‫خرجت منار من المصعد بسرعة وهى تضع نظرها‬ ‫ارضا فكادت تصطدم بة لولا انه عاد للوراء بسرعة‬ ‫وتفادها‬ ‫ذهل ماجد لما فعلتة بسرعة وما كاد يفيق من المفاجئة‬ ‫حتى وجد المصعد يرفع لاعلى فنظر لها شرزا‪:‬عجبك‬ ‫كدة؟الاسانسير اترفع للدور ال ‪15‬هستنى انا بقى لما‬ ‫يطلع وينزل‬ ‫منار بصوت خافت يكاد يسمع‪:‬مكنش ينفع اركب مع‬ ‫حضرتك لوحدى ‪......‬اسفة‬ ‫ماجد بدهشة‪:‬نعم!!!‬ ‫مناربصوت اعلى نسبيا ‪:‬قولت لحضرتك خلاص انا‬ ‫اسفة‪.‬وبعدين الدور التانى مش بعيد يعنى‬ ‫اتجة ماجد الى السلم دون حرف تاركا منار وسط‬ ‫احراجها من تجاهلة لها‬ ‫ما ان اختفى من امامها حتى بدأت هى الاخرى بصعود‬ ‫السلالم ‪.‬انهت القالب الاول منها وما ان استدارت‬

‫لتصعد القالب الاخر حتى فوجئت بة يقف فى وسط‬ ‫السلالم يوليها ظهرة‬ ‫تسمرت مكانها فلم تتوقع هذا ابدا‬ ‫ماجد وما زال يوليها ظهرة‪:‬انا اسف عالى حصل‬ ‫امبارح‪.‬مكنتش مركز زى ماشوفتى وكان عندى‬ ‫مشاكل كتير فى شغلى‪.......... ..‬جات فيكى معلش‬ ‫انتظر برهة ولم يتلقى ردا فقد كانت منار فى حالة‬ ‫ذهول تام‬ ‫ماجدوقد استدار فقط بنصف وجهه‪:‬انتى لسة هنا ولا‬ ‫‪............‬‬ ‫منار بحرج‪:‬اممممممممم‬ ‫ماجد بضحكة خافتة ‪:‬ههههههه بردة اممممممم ماشى‬ ‫يا ستى انا هعتبر ان اعتذارى مقبول زى ما انا كمان‬ ‫قبلت اعتذرك ‪.‬‬ ‫ثم وضع يدة على جبهته بخفة كأنما يؤدى التحية‬ ‫العسكرية‪ :‬ساااااااااالمو عليكووووووووووو‬

‫وتابع صعود درجات السلم بينما ظلت منار مكانها دون‬ ‫حراك تحاول ان تستوعب ما حدث فى الدقيقة الاخيرة‬ ‫‪...................................................‬‬ ‫نهاية الفصل السادس‬ ‫الفصل السابع‬ ‫صعد ماجد السلم بسرعة واتجة الى شقتة تاركا منار‬ ‫فى ذهول تام مما حدث ‪.‬لم تدرى منار ان كانت‬ ‫اخطات فى وقوفها تستمع الية ام لا لكنها لم تجد مجالا‬ ‫للهرب حتى انه لم يكلمها وجها الى وجه ‪.‬‬ ‫بدات اخيرا فى صعود درجات السلم ببطئ وهى فى‬ ‫قمة الشرود ‪.‬‬ ‫دخلت الشقة ووصلت الى غرفتها على نفس الحالة‬ ‫واتجهت الى سريرها تلقى بحقيبتها علية‪ .‬وقد كانت‬ ‫عيناى مى تراقبانها باستغراب‪.‬‬ ‫مى باستغراب‪:‬اية يا بت انتى داخلة كنيسة !مفيش‬ ‫سلامو عليكو‪.‬‬

‫تذكرت منار على الفور طريقتة المضحكة وهو يلقى‬ ‫عليها السلام فشقت البسمة طريقها الى شفتيها رغما‬ ‫عنها‪.‬‬ ‫مى‪:‬يا سلاااااااااااام يعنى يوم تيجيلى معيطة ويوم‬ ‫سهتانة فى اية يا بت ماتنطقى‪.‬‬ ‫منار بانتباة‪:‬هه ‪ .....‬لا يامى مفيش حاجة بس مستغربة‬ ‫البنى ادم دة اوى شوية يزعق وشوية يمشى ولا يعبرك‬ ‫وفى الاخر اعتذرلى ‪.‬اخر حاجة توقعتها‪.‬‬ ‫مى ‪:‬ماهو يا اما انتى مجنونة يا انا الى نسبة غبائى‬ ‫نطرت فى العالى‪.‬‬ ‫ثم اردفت بصوت اعلى‪:‬متنطقى يا بت انتى بدل ما‬ ‫اقوم افتح نافوخك‪.‬‬ ‫قصت عليها منار ما حدث ثم اضافت‪:‬تفتكرى انا‬ ‫غلطانه يا مى ؟‬

‫مى‪:‬لا طبعا وانتى كنتى هتعرفى منين انو لسة عالسلم ‪.‬‬ ‫ثم انا مش شايفة فيها حاجة يعنى ‪.‬الراجل حب يعتذرلك‬ ‫بدون ما يعرضك لموقف مش ظريف‪.‬‬ ‫منار‪:‬يا سلام وهو الموقف دة اللى كان ظريف!‬ ‫مى‪:‬اه طبعا مش احسن ما كان كلمك ادام الا سانسير‬ ‫واللى طالع واللى نازل يبص عليكو؟‬ ‫منار بعدم اقتناع‪:‬يمكن‬ ‫مى بتنهيدة‪:‬يلا قومى غيرى هدومك عشان تتغدى‬ ‫ثم اضافت وهى تشير لنفسها بفخر‪:‬انا اللى عملالكو‬ ‫الغدا النهاردة‪.‬‬ ‫منار بسرعة‪:‬يالهووووى ‪.‬لية كدة يا مى احنا عملنا‬ ‫فيكى حاجة وحشة؟‬ ‫مى‪:‬بتقولى حاجة يا شفشق؟‬ ‫منار‪:‬بقول انتى اكيد متعمليش حاجة وحشة ‪.‬‬ ‫يا سلام واناافديكى الساعة لما نلكل من ايدك؟‬

‫ثم اضافت بخفوت‪:‬عديها على خير يارب‪.‬‬ ‫بعد الغداء اجتمعت الاسرة فى غرفة الصالون للتحدث‬ ‫الى عصام عبر الانترنت‪.‬‬ ‫بدات المحادثة كالعادة بالترحيب والاشواق بينهم‬ ‫ثم التطرق الى عدة مواضيع اخرى‪.‬‬ ‫مهند وهو يمسك معدتة‪:‬اسكت يا بابا مش مى الى‬ ‫طبخالنا انهاردة‪.‬‬ ‫عصام‪:‬حبيبة قلب باباها اللى كبرت وبقت بتطبخ ‪.‬‬ ‫يارتنى كنت وسطيكو يا حببتى عشان ادوق اكلك‪.‬‬ ‫نفين‪:‬لو تعرف اللى فيها مكنتش اتمنيت الامنية دى‬ ‫ابداااااااا‪.‬‬ ‫مى بغضب فولى‪:‬وانا مالى بقى هو اللى صعب‪.‬‬ ‫عصام بمسرحية‪:‬حطى الفرخة فى المية تبقى شوربة يا‬ ‫لينا‪.‬‬

‫ضحك الجميع على ما قالة عصام وتابعو حوارهم فى‬ ‫مختلف المواضيع الى ان انتهت المحادثة مع حزن‬ ‫الجميع على غيابة وتمنيهم بعودتة سالما‪.‬‬ ‫اما عند ماجد فعلى الغداء كان الحوار الاتى‬ ‫ماجد‪ :‬تسلم ايديكى يا ست الكل‬ ‫فوقية‪:‬بالهنا والشفا يا حبيبى‬ ‫بقولك اية يا ماجد‬ ‫ماجد‪:‬بعد الاكلة الجامدة دى تقولى اللى يخطر على‬ ‫بالك‬ ‫فوقية‪:‬هههههه ماشى يا بكاش‬ ‫المهم عايزة اعزم نفين والاولاد عندنا على الغدا‪ .‬اية‬ ‫رايك؟‬ ‫ماجد وهو يتابع الاكل‪:‬نفين مين يا ماما؟‬ ‫فوقية‪:‬متركز معايا شوية يا بنى انت‪ .‬نفين جارتنا‬

‫ماجد‪ :‬ااااااااااه ‪ .‬ومالة يا ماما شكلكو اصحابتو اوى ‪.‬‬ ‫خلاص شوفى هتعزميهم امتى وانا هروح اتغدى عند‬ ‫الواد عماد‪.‬‬ ‫فوقية‪:‬ولية تتغدى عند عماد؟‬ ‫ماجد‪:‬يعنى يا ماما عشان يبقو على راحتهم‪.‬‬ ‫فوقية‪:‬لا يا حبيبى انا عمله حسابى انت هتتغدى انت‬ ‫ومهند على الطرابيزة اللى فى الصالون واحنا هنقعد‬ ‫على السفرة ‪.‬يعنى هيبقو على راحتهم ان شاء الله‪.‬‬ ‫ماجد ‪ :‬مهند دة بقى ابنها؟ هو خريج اية؟‬ ‫فوقية؟هههههه خريج ابتدائية وبيفكر ياخد الاعدادية ‪.‬‬ ‫اية يا ماجد ما انا قايلالك الواد فى تانية اعدادى‬ ‫سلامة الذاكرة‪.‬‬ ‫ماجد‪:‬اه صح والله يا ماما الواحد خلاص عقلة هيطير‬ ‫‪.‬عماد بقالو فترة سيبلى الشغل على كتافى‬ ‫ال اية؟البنت بتسنن‪.‬‬

‫فوقية ‪:‬بكرة ان شاء الله ربنا يرزقك وتقول حقى‬ ‫برقبتى‪.‬‬ ‫ماجد‪:‬قولى الحقيقة يا ماما مش هزعل والله بس اعرف‬ ‫الحقيقه‬ ‫فوقية مكملة مع ابنها الجملة التى يعرضها دائما‬ ‫عندما يتعلق الامر بعماد‪:‬انتى لاقيانى على باب جامع‬ ‫قولتى اخد فية ثواب اكمنة امور وعينية زرقة‬ ‫واخذ الاثنان فى الضحك‬ ‫انتهى اليوم بسلام عند الاسرتين‬ ‫استيقظ الجميع ليؤدوا صلاة الفجر التى يصاحبها دائما‬ ‫الرجاء من مهند ليؤدى فرضة فى المسجد يقابلة‬ ‫الرفض التام من نفين التى كانت تخشى علية دائما‬ ‫الذهاب الى المسجد وقت الفجر وحدة متعللة‪:‬الدنيا‬ ‫مبقتش امان يا بنى مش مشكلة مباح ليك فى الحالة دى‬ ‫تصلى فى البيت صدقنى‬

‫انتهى الجميع من اداء فريضة الفجر فامسكت منار‬ ‫مصحفها واتجهت الى الشرفة‬ ‫نفين‪:‬بردة يا منار فى البلكونة؟الجو برد عليكى يا‬ ‫حبيبتى‬ ‫منار ‪ :‬معلش يا ماما بقالى كتير مقراتش وردى بعد‬ ‫الفجر وبعدين انتى عارفة انى بحب قاعدة البلكونة وانا‬ ‫بقرا قران‪.‬‬ ‫مى ‪:‬سيبيها يا مامااهى بالمرة تسيبلى الاوضة انا كمان‬ ‫مقراتش وردى بعد الفجر من ساعة مجينا هنا‪.‬‬ ‫نفين‪:‬ماشى يا حبيبى بس خدى يا منار شال على كتفك‬ ‫قبل ماتطلعى‪.‬‬ ‫منار ‪:‬حاضر يا ماما‬ ‫كعادة منار اخذت سجادة صلاتها تفترشها ارضا‬ ‫وتركن الى الحائط لتبدا فى قراة وردها وكلما تفكرت‬ ‫فى اية نظرت للسماء واخذت تتاملها وتشم نسمات‬ ‫هواء الفجر الصافى ثم تعود للتلاوة مرة اخرى‪.‬‬

‫كانت منار قد تعلمت هذة العادة من والدها فقد كانت‬ ‫دائما وهى صغيرة تستيقظ وقت الفجر وتنتظر والدها‬ ‫بالمصحف لياتى من المسجد وتذهب الية وتعطية‬ ‫المصحف وما كان منة سوى ان يضحك وياخذها معة‬ ‫الى الشرفة ويجلسها فى حضنة ويبدا بالتلاوة‪.‬‬ ‫اما ماجد فقد كان حريصا دائما على اداء صلاة‬ ‫الفجرفى المسجد واحيانا ما كان يخرج الى الشرفة بعد‬ ‫العودة من المسجد ليشم بعض الهواء النقى‪.‬‬ ‫فى هذا اليوم خرج ايضا الى شرفة حجرتة التى كانت‬ ‫تلاصق الشرفة التى تجلس بها منار‬ ‫ما ان دخل حتى سمع صوتها الندى والعذب فى التلاوة‬ ‫هم بالدخول مرة اخرى لكن اوقفة صوت بكائها وهى‬ ‫تقرا ايات سورة المؤمنون((افحسبتم انما خلقناكم عبثا‬ ‫وانكم الينا لا ترجعون ))‬ ‫سكتت منار قليلا للتامل هذة الايات وهى تبكى وتنظر‬ ‫للسماء وتتمتم‪:‬لا والله ما خلقتنا عبثا يا رب‬

‫اللهم لا تخذلنا يوم الرجوع اليك واثقل موازيننا‬ ‫اللهم اغفر لى ما قدمت وما اخرت وما انت اعلم بة‬ ‫منى‪...............‬‬ ‫اكملت منار دعائها ومازال ماجد متسمرا مكانة يستمع‬ ‫اليها ويؤمن على دعائها بخفووت‪.‬‬ ‫‪..................................‬‬ ‫نهاية الفصل السابع‬ ‫الفصل الثامن‬ ‫اتنهت منارمن الدعاء وعادت ترتل مرة اخرى‬ ‫فاستدار ماجد بسرعة وجلب مصحفة وعاد الى الشرفة‬ ‫متسللا‪ .‬بحث بسرعة عن السورة التى تقرا بها منار‬ ‫ومالبث ان وجدها حتى جلس على احد الكراسى‬ ‫بشرفتة يتابع القراءة خلفها‬ ‫انتهت منار من قراءة وردها ودخلت‪ .‬سمع ماجد‬

‫صوت دخولها فقال لنفسة‪:‬اىة دة خلصت!! يااااااة هو‬ ‫الوقت عدى بسرعة كدة لية؟‬ ‫نظر فى ساعتة فوجدها السابعة‬ ‫ماجد‪:‬يا دوبك اقوم افطر واروح شغلى بقى‬ ‫كان يشعر بالانتعاش والسعادة الداخلية طوال اليوم‬ ‫اقتنع ماجد ان هذة السعادة كان مصدرها فقط قراءة‬ ‫القران فى بداية اليوم لذا قرر ماجد فى نفسة شيئا ما‪.‬‬ ‫‪..........................................‬‬ ‫فى منزل منار على السفرة وقت الغداء‬ ‫نفين‪:‬صحيح يا ولاد طنطكو فوقية جات انهاردة الصبح‬ ‫عزمتنا على الغدا يوم الجمعة‪ .‬اية رايكو؟‬ ‫مهند‪ :‬مين طنط فوقية دى يا ماما؟‬ ‫مى‪:‬يابنى ركز المزة اللى حكتلك عنها‬ ‫منار‪:‬هههههههههه اسكت يا واد يا مهند دة كان حتة‬ ‫يوم‬ ‫نفين‪:‬والله ما انا عارفة بتجيبو الكلام دة منين‪.‬المهم انا‬ ‫قلتلها ان شاء الله هشوف الولاد وراهم اية وارد‬ ‫عليكى‪.‬ها اقولها اية؟‬

‫مى‪:‬بكرة الجمعة انا مش ورايا حاجة‬ ‫منار ‪:‬وانا شرحة‬ ‫مهند‪:‬وانا مش شرحة‪ .‬انا ورايا ماتش ومصدقت العيال‬ ‫وافقو العب الجيم يوم الجمعة معاهم‬ ‫نفين ومنار ومى فى صوت واحد‪:‬كورة تاااااااانى!!!‬ ‫منار‪:‬انت ياض انت متحرمش ‪.‬كل مرة تروح تلعب‬ ‫بتتخانق وتجيلنا مضروب ‪.‬متتهد شوية بقى‬ ‫مهند‪:‬هما اللى خمامين وبستهفونى‬ ‫مى‪:‬ما انت لو بتلعب العقلة زى ما بقولك كنت طولتلك‬ ‫شوية بدل ما انت سبع سنتى ونص كدة‬ ‫مهند‪:‬خليكى فى حالك يا مى‪.‬انتى سبعة سنتى من غير‬ ‫النص‬ ‫مى بتحدى كالاطفال‪:‬طب قوم نقيس‬ ‫نفين‪:‬ااااااااه يانى حتى الكبيرة العاقلة تصرفتها كدة!‬ ‫ارحمنى يا رب‬ ‫اخر كلام يا مهند مفيش لعب كورة بكرة وجهزو‬ ‫نفسكو بعد صلاة الجمعة كدة هنروح لفوقية ان شاء الله‬ ‫انا هرد عليها باليل‬

‫‪......................................‬‬ ‫فى اليوم التالى عاد ماجد مسرعا من صلاة الفجر على‬ ‫غير عادتة فقد كان دائما يعود على مهل ليسبح الله فى‬ ‫كل خطوة يخطوها وهو عائد الى بيتة‬ ‫فتحت لة فوقية مستغربه‪:‬مش بعادة يعنى يا ماجد ترجع‬ ‫بعد الصلاة علطول كدة‬ ‫ماجد‪ :‬اصلى عايز الحق سورة الكهف‬ ‫فوقية باستغراب اكبر‪:‬تلحق سورة الكهف ازاى يعنى؟‬ ‫ماجد منتبها‪:‬ها‪ ..........‬اة‪......‬اصلى كنت عايز اقراها‬ ‫قبل الشروق يا ماما بيتهيألى كل ما قدمت كل ما كان‬ ‫احسن‪ .‬بعد اذنك بقى عشان الحق‬ ‫دخل ماجد غرفتة مسرعا وسط نظرات الدهشة‬ ‫والاستغراب من فوقية متمتمه‪:‬ربنا يهديك يا بنى‬ ‫دخل ماجد غرفتة واخذ مصحفة بسرعة متجها الى‬ ‫الشرفة متسللا ليجد ان منار تقرا سورة الكهف كما‬ ‫توقع‪ .‬ابتسم لنفسة وجلس يتابع القراءة خلفها فى‬ ‫مصحفة بصمت ‪.‬يسكت مع سكتاتها فيتفكر ويبكى مع‬ ‫بكاؤها فيتدبر ويخشع‪.‬‬

‫هكذا بدا قلب ماجد يتعلق بمنار دون ان ينتبة لة ماجد‬ ‫فقد كان عقلة يقنعة بانة يفعل ذلك فقط ليشجع نفسة‬ ‫على تلاوة القران‪.‬‬ ‫‪..........................................‬‬ ‫خرج ماجد ليؤدى صلاة الجمعة ففوجئ بمهند يخرج‬ ‫ايضا‪ .‬كانت هذة المرة الاولى التى يرى بها ماجد‬ ‫مهند‪.‬‬ ‫ماجد بابتسامة‪:‬مهند صح؟‬ ‫مهند بدهشة‪:‬ايوة انا‪ ...‬هو حضرتك تعرفنى؟‬ ‫ماجد مداعبا‪:‬هو فى حد فى مصر ميعرفش مهند‬ ‫ههههههه دة ستات مصر فلقانة بى يا بنى‬ ‫مهند‪:‬هههههههه فى دى عندك حق بس هو مين‬ ‫حضرتك‬ ‫ماجد‪:‬انا الكابتن ماجد اظن بردة غنى عن التعريف‬ ‫مهند‪:‬هههههههههه طبعا ‪.‬اكيد حضرتك ابن طنط فوقية‬ ‫صح؟‬ ‫ماجد‪:‬صح ‪ .‬انا رايح اصلى الجمعة ها جاى ؟‬ ‫مهند ‪:‬ايوة طبعا جاى يلا بينا‬

‫اتجة ماجد ومهند لاداء صلاة الجمعة فى المسجد بينما‬ ‫اداها باقى النساء فى المنزل واخذو فى تجهيز انفسهم‬ ‫للزيارة‬ ‫عاد مهند من الصلاة برفقة ماجد الذى دعاة للدخول‬ ‫لكن مهند رفض بتهذيب‬ ‫مهند‪:‬احنا خلاص اهو شوية وهنبقى عندكو‬ ‫بعد ما يقرب من الساعة كانت نفين واسرتها يطرقون‬ ‫باب فوقية‬ ‫فتح ماجد الباب ليدق قلب منار بقوة وعنف وتطرق‬ ‫راسها ارضا‪.‬اما ماجد فبادرهم بالعتاب‬ ‫ماجد‪:‬كدة يا طنط هو دة بعد الصلاة؟انا عصافير بطنى‬ ‫نونوت‪.‬‬ ‫نفين‪:‬ههههههههههه براحة عليا يا ماجد الساعة لسة‬ ‫‪3.‬امال مامتك فين‪.‬‬ ‫اتاها صوت فوقية القادمة من المطبخ‪:‬يا اهلا وسهلا‪ .‬يا‬ ‫دى النور‪ .‬اتفضلو يا حبايبى‬ ‫اخذت فوقية تسلم عليهم واحتضت منار ومى بحنان‬ ‫وتوجه الجميع الى الصالون‬

‫ماجد‪:‬تعالى يا استاذ مهند نلعبلنا ماتشين عقبال ما الغدا‬ ‫يجهز‪.‬‬ ‫مهند‪:‬بلاى استيشن ؟ بلاش انت مش قدى‬ ‫نفين‪ :‬عيب يا مهند‬ ‫ماجد‪:‬سيبىه يا طنط دة بقى خلاص صاحبى ‪.‬قدامى اما‬ ‫نشوف يا فالح شكلك هتطلع بوء‬ ‫فى غرفة ماجد‬ ‫مهند‪:‬قشطة دا احدث يلاى استيشن نزل‬ ‫ماجد‪:‬ايوة يا عم اصلى غاوى كورة وبينى وبينك‬ ‫اعتزلت الملاعب‬ ‫مهند بحزن‪:‬انا بقى ماما مش راضية تودينى‬ ‫ماجد‪:‬لية كدة‬ ‫مهند‪:‬عشان بيخمونى فبتخانق معاهم‬ ‫ماجد وقد لمعت الفكرة فى راسة‪ :‬اصبر بس بعد الغدا‬ ‫وليك عليا اوديك‬ ‫مهند بفرحة‪:‬بتتكلم جد يا استاذ ماجد‬ ‫ماجد‪:‬اة بس بشرط بلاش استاذ دى لسة بقول اخويا‬ ‫الصغير وبتاع‬

‫مهند بحيرة‪:‬طب اقولك اية؟مينفعش اندهك باسمك‬ ‫ماجد‪:‬اممممممم خلاص خليها ابية انا مش زى اخوك‬ ‫كبير؟‬ ‫اوما مهند راسةبفرحة فحقا لكم تمنى ان يكون لة اخ‬ ‫اكبر ليشاركة حياتة‬ ‫فوقية منادية‪:‬يلا يا كباتن الغدا‬ ‫مهند‪:‬يلا يا كابتن على الغدا الاول ثم همس عشن نخلع‬ ‫انا وانت بسرعة‬ ‫بعد الغداء ماجد مع مهند للاستئذان للذعاب الى الملعب‬ ‫نفين‪:‬احنا مش اتكلمنا فى الموضوع دة يا مهند وقلت لا‬ ‫ماجد‪:‬بعد اذن حضرتك يا طنط متخافيش انا هروح‬ ‫معاة‬ ‫فوقية‪ :‬نعم تروح فين انا مصدقت عقلت انت وعماد‬ ‫وبطلتوا لالالالا انت بتهرج‬ ‫ماجد‪:‬اية يا ماما كمية لا دى انتى ناقص تقوليلى خمسة‬ ‫لا‪.‬بصى يا ماما انا هروح مع مهند اشجعة بس وكمان‬ ‫عشان محدش يضياقة‬ ‫فوققية‪:‬مش عايزين مشاكل قبل صلاه العصر تبقة هنا‬

‫ماجد ‪:‬ربنا يسر اجرى يا بنى قبل ما يرجعو فى كلامهم‬ ‫مهند ‪:‬ثوانى اروح الشقة البس الباتا واجى‬ ‫ماجد ‪:‬تمام نتقابل تحت‬ ‫ذهب ماجد ومهند للعب كرة القدم بينما ظلت الفتيات‬ ‫مع فوقية ونفين يتبادلون النكات والاحاديث العائلية‬ ‫فيما بينهم‬ ‫اقترب اذان المغرب ولم يعد ايا من ماجد ومهند‬ ‫فاستئذنت نفين بالذهاب‬ ‫فوقية‪:‬اية دة لسة بدرى وبعدين الولاد لسة مجوش‬ ‫نفين‪:‬معلش بقى يا فوقية عشان البنات يجهزو نفسهم‬ ‫للكليات والمدارس بكرة والولاد شكلهم هيتاخرو‬ ‫مى‪:‬ايوة يا طنط انا ورايا واجب كتير لسة معملتوش‬ ‫فوقية‪:‬هههههههه يا سلام‬ ‫نفين‪ :‬خلاص يا فوقية بقى غشان نسيبك ترتاحى شوية‬ ‫ثم نظرت الى بناتها‪:‬يلا يا بنات‬ ‫اسئذن الجميع بالذهاب وانتهت الزيارة التى استمتع بها‬ ‫الجميع ماعدا منار التى كانت هادئة على غير العادة‬ ‫ولم تجرؤ على اتلكلام فى وجود ماجد فقط كانت‬

‫تستمع الى نكاتة وتعليقاتة بصمت‬ ‫تاخر الوقت ولم يعودا بعد فانتظرت مى بالشرفة قلقا‬ ‫ومنار ونفين يجوبان الشقة ذاهبا وايابا فى قلق‬ ‫منار‪:‬ادخلى يا ماما ريحى وانا ومى قاعدين مستنين‬ ‫اهو اول ما يجو هصحيكى‬ ‫نفين بتعب ‪:‬ماشى بس امانة عليكى يا منار لو اتاخرو‬ ‫عن الساعة ‪ 8‬صحينى‬ ‫منار‪:‬حاضر يا ماما‬ ‫لم يمر الكثير من الوقت حتى خرجت مى من الشرفة‬ ‫بسرعة‪:‬جم يا منار وشكلهم متخانقين‬ ‫لم تنتظر منار اكثر فارتدت اسدال صلاتها بسرعة‬ ‫وخرجت تلاقيهم عند بابا الشقة‬ ‫منار بغضب‪:‬انت بستهبل يا مهند ! وكمان مضروب‬ ‫‪.‬اكيد انخانقت كالعادة‬ ‫وكزتها مى التى خرجت خلفها بسرعة وهم مهند‬ ‫بقاطعتها ولكنها لم تستجب‬ ‫منار مكمكلة بغضب‪:‬مش هتكبر بقى وتبطل شغل‬ ‫البلطجية دة يعنى مينفعش تاخد حقك غير بقلة الادب‬

‫همت منار ان تكمل ما بداتة لكن هذة المرة قاطعها‬ ‫ماجد‪:‬انا اسف يا انسة منار بس المرة دى انا اللى‬ ‫اتخانقت‬ ‫واشار الى قدمة وهو يرفعها بضحك‪:‬وانا كمان اللى‬ ‫اتعورت‬ ‫وقفت منار لثوانى دهشة تحاول استيعاب ما قيل‬ ‫والخطأ الذى وقعت بة‬ ‫نظرت لمى فوجدتها تنظر لها بعتاب وكانها تقول‪:‬ما‬ ‫حاولت اوقفك انتى اللى مسمعتيش‬ ‫نظرت لمهند فلاحظت للمرة الاولى ان ماجد هو الذى‬ ‫يستند على مهند‬ ‫احمرت وجناتاها كثيرا ولم تدرى ماذا تقول‬ ‫منار‪:‬اه‪ .....‬هو انا‪...........‬اصلى‪ .......‬يعنى‪.......‬‬ ‫لم تجد ما تستطيع التفوة بة فانسحبت الى داخل الشقة‬ ‫بسرعة تاركة الجميع فى حرج ماعدا ماجد الذى‬ ‫ارتسمت على شفاهه ابتسامة لم يعرف مغزاها احد‪.‬‬ ‫نهاية الفصل الثامن‬ ‫والله العظيم ااااااثف ومش عايز حد يزعل منى‬

‫الفصل التاسع‬ ‫احيانا نتبرم من اسلوب الحياة التى نعيشها‪ .‬نستعجل‬ ‫الامور قبل اوانها‪.‬البعض يتسائل‪ :‬لما لم يدق قلبى الى‬ ‫الان؟لما لم اصل الى حب حياتى الى الان؟هل هذا‬ ‫غضب من الله لانى عاصية يا ترى؟ام انة فقط حفظ‬ ‫لقلبى الى ان ياتية نصيبة؟‬ ‫واخيرا وجدت الاجابة ‪.‬نعم ‪........‬حفظ الله قلبى كل‬ ‫هذة المدة لانة اراد لة النقاء والسعادة‪ .‬قدر له الحب‬ ‫الصافى ‪.......‬ذلك الحب النقى الذى ينمو بداخلى كنبتة‬ ‫برية تسقيها القليل فقط لتترعرع وتصيير باحلى طلة ‪.‬‬ ‫نعم ‪.......‬واخيرا وجدتك ايها الحب الصافى ‪.‬اخيرا‬ ‫وجدتك يا حبيبتى يا‪............‬منار حياتى‬ ‫هذة هى الافكار التى راودت ماجد فى تلك الليلة‬ ‫ومنعتة من النوم‪ .‬ظل النوم يجافية والاسئلة تراود‬ ‫خاطرة فقرر ان لا ملجا من الله الا اليه‬ ‫توضا وصلى القيام ثم اخذ يدعو الله كثيرا ان يريح قلبة‬ ‫ويرشدة الى الصواب‬

‫ابتسم لنفسة فما ان انتهى من الصلاه حتى اقر فى‬ ‫النهاية ما الذى يؤرقة نعم انه قلبة الذى استيقظ اخيرا‬ ‫وبدا بالحب‬ ‫ماجد وقد عاد للنوم مبتسما ظل يردد اسمها فى خفوت‬ ‫وبالنهاية قرر ان يعطيها من الان وصاعدا لقب‪ :‬منار‬ ‫حياتى‬ ‫قرر انة سيحافظ عليها حتى من نفسة ‪.‬تلك الفتاة البريئة‬ ‫التى تشبة الملاك فى نظرة‪ .‬قرر انة سينتظر حتى‬ ‫الوقت المناسب ليتقدم لخطبتها‪ .‬نعم انها الزوجة التى‬ ‫حلم بها دائما قد تكون صغيرة الان لكنها ستكبر‬ ‫لتعرف كم زرع الله لها من حب فى قلبه ‪.‬اما الان فما‬ ‫على قلبه سوى الانتظار نعم فقط الانتظار هو الحل‬ ‫الان‪.‬‬ ‫اما عند منار فقد دخلت غرفتها مسرعة دون ان تسمح‬ ‫لاحد بان يحدثها او يعاتبها على ما فعلت‬

‫ظلت مى مع مهند قليلا يحكى لها عما صار ثم دخلت‬ ‫غرفتها المشتركة مع منار لتجدها على سريرها تغطى‬ ‫نفسها حتى وجهها وكانها تهرب اوتختبئ مما فعلت‬ ‫مى‪:‬قومى يا منار انا عارفة انك صاحية‪ .‬دفسة راسك‬ ‫زى النعامة كدة لية؟‬ ‫منار وقد نفضت الغطاء وقامت متبرمة‪:‬عايزة اية يا‬ ‫مى ؟اعتذار مش هعتذر؟هما اتاخرو وبعدين‬ ‫المفروض هو رايح مع مهند عشان ميتخانقش طلع هو‬ ‫اللى عيل فى الاخر واتخانق‬ ‫مى بهدوء‪:‬وبعدين؟‬ ‫منار‪:‬هو اية اللى وبعدين؟‬ ‫مى بنفس الهدوء‪:‬بصى يا منار اولا احنا المفروض‬ ‫نشكرة عشان هو اتخانق بسبب مهند‬ ‫نظرت لها منار بدهشة فاردفت مى‪:‬ايوة اخوكى مسك‬ ‫فى واحد وهو بيلعب عشان ضربة بالكوع والحكم‬

‫محسبلوش حاجة اكتر من مرة راح الواد ضرب‬ ‫اخوكى بقى برة اللعب وبجد‬ ‫ماجد طبعا ادخل بهدوء الاول لكن اصلا كانو بيلعبو‬ ‫مع شباب شكلهم مش مظبوطين فاتهجمو على ماجد‬ ‫كمان وضربو بعض‬ ‫يبقى نشكر الراجل ولا نطلع فية زى الوبور وفى‬ ‫الاخر كمان منعتذرش‬ ‫منار بصوت مرتجف يوشك على البكاء‪:‬والله يا مى‬ ‫مش كان قصدى انا كنت قلقانة على مهند جدا ومكنتش‬ ‫شايفة قدامى‬ ‫مى‪ :‬خلاص يا منار اللى حصل حصل بس لما ماما‬ ‫تصحى هنحكيلها وطبعا ماما هتشكرة فلو سمحتى‬ ‫تروحى معاها تعتذريلوه ‪ .‬شوفى هو اكبر منك اد اية‬ ‫ومع ذلك اعتذرلك لما غلط فيكى‬ ‫منار‪ :‬حاضر‬

‫مى وهى تحتضنها ‪:‬هى دى منار البسكوتة اللى بتسمع‬ ‫الكلام‪.‬نفسى تبطلى هبل بقى وبلاش تاخدى كل حاجة‬ ‫على اعصابك كدة‪.‬مش عايزاكى تبكى مع اى مشكلة‬ ‫تواجهك كدة يا مينو لازم تجمدى وتبقى اقوى ‪.‬ياما‬ ‫هيقابلك مشاكل فى الحياة يا حبيبتى‪.‬كدة هتتعبى اوى؟‬ ‫منارببكاء فى حضن اختها‪:‬بحاول والله يامى بس مش‬ ‫بقدر علطول بلاقى دموعى فلتت منى‪.‬‬ ‫مى‪:‬عشان انتى حساسة ورقيقة ‪.‬بس بردة لازم نحاول‬ ‫دايما نبقى اقوى مش نستسلم ونقول طبيعتنا كدة‬ ‫منار مبتسمة وهى تلف زراعيها حول اختها‪:‬ربنا‬ ‫يخليكى ليا يا مى انتى اللى علطول فهمانى وبتعرفى‬ ‫تنصحينى فعلا‬ ‫مى وهى تبعدها وتنظر لها وهى ترفع‬ ‫حاجبها‪:‬ببلاش ‪............‬لا يا ماما انتى فهمتينى غلط‬ ‫منار وهى تضحك وتقبلها على خدها‪:‬احلى ميكس لبن‬ ‫بالشيكولاتة لاحلى مى‬

‫مى وهى تصفق بطفولية‪:‬بجد يا مينو هتجبيلى‬ ‫‪.......‬ياااااااه دا انا ههريكى نصايح من هنا ورايح‬ ‫منار‪ :‬هههههههه اه لو بس اعرف اية حكاية البتاع دة‬ ‫معاكى‬ ‫مى وهى تقوم لتنام على سريرها‪:‬ابدا بس اتعودت علية‬ ‫من وانا صغيرة‬ ‫نامت مى وهى تولى منار ظهرها كى لا ترى اختها‬ ‫شرودها مع ذكرياتها قبل النوم‬ ‫استيقظ الجميع لاداء صلاة الفجر كالعادة وعلمت نفين‬ ‫بما حدث فقررت ان تذهب فعلا لتشكر ماجد لكنها‬ ‫رفضت ان تاتى منار فهى ستعتذر بالنيابة عنها‬ ‫لم يستطع ماجد فى ذلك اليوم ان يعود من الصلاة‬ ‫بسرعة فقدمة كانت تؤلمة لذلك مشى ببطئ على‬ ‫مضض‬

‫خرجت منار الى شرفتها لتقرا وردها كالعادة لم تعلم لم‬ ‫اتجت بنظرها الى الشارع لتجد عينا ماجد تقابلانها‬ ‫وهو ينظر الى شرفتها‬ ‫اخفضت بصرها بسرعة فى خجل وكانها تعتذر عما‬ ‫بدر منها فابتسم ماجد بتلقائية وتابع طريقة دون ان‬ ‫يلتفت اليها ثانية فقد قرر انه سيحميها حتى من نفسة‬ ‫ولن يقوم باى فعل يوضح لها حبة حتى يحمى برائتها‬ ‫كى لا يقع ويوقعها فى اى شيئ يغضب الله حتى لو‬ ‫كانت مجرد نظرة‬ ‫صعد ماجد هذة المرة الى غرفتة مقررا انه لن يتسلل‬ ‫الى الشرفة مرة اخرى‪.‬قرر انه سيقرا فى نفس الوقت‬ ‫يوميا ونفس ما تقراة لكن دون ان يسترق السمع عليها‬ ‫فقد شعر ان هذا غير لائق وفكر على مضض ان لو‬ ‫قدر الله انها لغيرة لما اعجبة ذلك ابدا‬ ‫بعد الغداء ذهبت نفين فعلا الى فوقية لشكر ماجد‬ ‫والاعتذار لة ولكن للاسف لم يكن قد عاد من عملة بعد‬

‫فوقية بدهشة‪:‬يااااااااااه كل دة حصل وكمان رجلة‬ ‫متعورة طب والله ما اعرف ولا جابلى سيرة‬ ‫نفين‪:‬بتتكلمى جد يا فوقية بجد والله ابنك راجل ربنا‬ ‫يحميهولك‬ ‫فوقية‪:‬ولا يهمك يا نفين واحنا عندنا كم مهند‬ ‫نفين‪:‬لا ازاى وكمان منار كملت علية والله مكسوفة‬ ‫منك ومش عارفة اقولك اية‬ ‫فوقية‪:‬هههههه انتى مكبرة الموضوع اوى يا نفين مش‬ ‫مستاهلة يا حبيبه قلبى ماجد لو كان زعل كان قال‬ ‫صدقينى مش مستاهلة يا روحى‬ ‫نفين‪:‬لا ازاى دة بدل ما نشكرة ‪.‬اشكرية بالنيابة عنى‬ ‫اوى يا فوقية ووصليلو كمان اعتذار منار بالله عليكى‬ ‫فوقية‪:‬حاضر يا ستى عشان خاطر الحلفان بس‬ ‫نفين‪:‬ها قوليلى بقى تحبو تيجو تتغدو عندنا امتى‬ ‫فوقية‪:‬اخس عليكى يا نفين بترديلى العزومة ولا اية؟‬

‫نفين‪:‬لا والله يا حبيبتى بس انا كمان عايزاكو تنورونا و‬ ‫تتغدو معانا ‪.‬انتى متعرفيش مهند بقى متعلق بماجد قد‬ ‫اية ‪.‬وانا والله ربنا العالم بمعزتك عندى‪.‬‬ ‫فوقية‪:‬خلاص يا ستى خليها الجمعة ماجد بيبقى فاضى‬ ‫تمام؟‬ ‫نفين‪ :‬تمام يا روح قلبى‬ ‫‪...............................‬‬ ‫انقضت الزيارة يوم الجمعة وكالعادة تناول مهند وماجد‬ ‫الغداء سويا ثم توجهو للعب البلاى استيشن‬ ‫دون اى احتكاك بين ماجد ومنار‬ ‫اما فوقية ونفين فقد اصبحتا مقربتين جدا ‪.‬تذهبان‬ ‫للتسوق معا ويقضيان اوقات الفراغ حيث ماجد بعملة‬ ‫والاولاد بالمدرسة معا ‪.‬فكلتاهما لم يكن لها اخت او‬ ‫بالاحرى اخت على قيد الحياة ففرحتا برفقة بعضهما‬ ‫كثيرا‪.‬‬

‫انقضى الفصل الدراسى الاول وفى اخر ايام‬ ‫الامتحانات لمنار‪.‬اصر ذلك السمج على ملاحقتها‬ ‫للبيت مرة اخرى حتى وقفت منار امام البيت ثانية‬ ‫منار‪:‬احترم نفسك بقى ؟فى اية يا بنى ادم انت؟‬ ‫الفتى بسماجة‪:‬اسمى رامى‪ .‬ممكن تقوليلى يا روميو‬ ‫هههههه‪.‬اصل البنات بيموتو فيا‬ ‫منار متمتة‪:‬يكش تموت واخلص منك يا شيخ‬ ‫رامى‪:‬بتقولى حاجة يا روحى‬ ‫منار بزعيق‪:‬طلعت روحك احترم نفسك بدل ما اندهلك‬ ‫اخويا يبعزئك‬ ‫رامى‪:‬هههههه اخوكى الاوزعة اللى فى تانية اعدادى‬ ‫قديمة هههه‪....‬اااااااااااااه‬ ‫لم يكد يكمل ضحكتة المستفزةحتى وجد يد قوية تمسك‬ ‫على كتفة بقوة كالمخبرين‬ ‫ماجد بغضب هادر وهو يجبرة على الالتفاف‬ ‫ومواجهتة‪:‬او يبعزئك اخوها الكبير‪ .....‬جديدة صح؟‬

‫رامى بخوف‪:‬على فكرة انا زميلها فى المدرسة‬ ‫حاولت منار الحديث فالتفت اليها ماجد بغضب شديد‬ ‫فاثرت السكوت‬ ‫ماجد بنفس الغضب ‪:‬وجاى تنقل الواجب هنا يا حبيبى‬ ‫ولا جاى تراجع الامتحان‬ ‫رامى وقد استعاد سماجتة‪ :‬عادى زميلتى‬ ‫وبوصلها‪.‬مفيهاش حاجة يعنى‬ ‫همت منار بالرد مرة اخرى ولكن ماجد لم يكتف هذة‬ ‫المرة بالتحذير الصامت فنظر لها غاضبا‪ :‬على فوق‬ ‫منار غير مستوعبة‪:‬افندم‬ ‫ماجد بغضب هادر‪:‬قلت على فوق‪ ..........‬اتفضلى‬ ‫ارتدت منار للخلف بخوف اثر غضبة وصراخة فيها‬ ‫فاستدارت صاعدة الى شقتها فى صمت‬ ‫التفت ماجد الى رامى مرة اخرى ومازال يمسكة من‬ ‫كتفة كالمجرمين‬

‫حاول التحكم فى اعصابة فبدا صوتة هادئا نوعا‬ ‫ما‪:‬روح يا شاطر متشكرين عالتوصيلة‬ ‫وانا هكلمك بالذوق المرة دى‪ .....‬اياك عارف يعنى اية‬ ‫اياك؟ ‪..........‬اشوفك او اسمع بس انك دايقتها تانى‬ ‫مفهوم؟‬ ‫رامى باستفزاز وهو ينظر ليد ماجد‪:‬حاضر يا باشا بس‬ ‫كدة‪.‬انا بس كنت فاكرها خايفة تروح لوحدها فقلت‬ ‫اوصلها‬ ‫عندها لم يستطع ماجد ان يتحكم فى اعصابة اكثر فنقل‬ ‫يدة الى ياقة القميص الخلفية(بالبلدى جرجرة من‬ ‫قفاة‪):‬امشى يالا من هنا بدل ما ارتكب فيك جناية‬ ‫هرب رامى ضاحكا بعد ان نجح فى استفزاز ماجد‬ ‫صعد ماجد الى شقتة وما زال غضبة يسيطر عليةوما‬ ‫لبث ان وضع المفتاح فى باب الشقة حتى فوجئ بمنار‬ ‫تفتح باب شقتها‬

‫منار دون مقدمات‪:‬انا مسمحلكش تزعقلى كدة‪.‬انا‬ ‫مغلطش فى حاجة عشان تزعقلى‬ ‫ماجد التفت اليها بغضب‪:‬ليكى عين كمان تزعقى‬ ‫؟ايوة غلطانة وستين غلطانة‪ .‬انتى اية اللى وقفك اصلا‬ ‫تردى علية؟‬ ‫منار بسخرية‪:‬امال يفتكر انى مبسوطة بمعاكستة؟ كان‬ ‫لازم طبعا اديلة على دماغة‬ ‫ماجد وقد قبض على يدة بشدة كى يمنع نفسة من التهور‬ ‫بصوت جاهد فى خفضة ‪:‬انتى غبية ولا اصلا‬ ‫بستعبطى‪ ..........‬مهو كدة كانك بتشاغلية ومبسوطة يا‬ ‫اذكى اخواتك‬ ‫امتعق وجة منار فهى لم تفكر فى هذا الاحتمال ابدا‬ ‫منار بصوت اقرب للبكاء وهى تنظر ارضا‪:‬والله مش‬ ‫كدة‬ ‫ماجد وقد رق قلبة كثيرا لرؤية دموعها المهدده‬ ‫بالنزول‪.‬اقترب قليلا لكنة حافظ على المسافة بينهما‬

‫وانحنى ليصبح فى مستواها قائلا بحنان‪:‬طيب خلاص‬ ‫انا عارف والله انك متقصديش‪...........‬ممكن بقى اى‬ ‫حد يكلمك تانى تكملى طريقك ولا تعبرية ‪........‬‬ ‫وياستى لو مش مستحملة قولى لمامتك تقولى وانا‬ ‫اتصرف‬ ‫بس لو سمحتى مترديش وتحطى نفسك فى الموقف دا‬ ‫تانى‪ .....‬ممكن؟‬ ‫منار وهى لا تزال تطرق راسها ارضا‪:‬امممممم‬ ‫ماجد ضاحكا وهو يستدير ليدخل شقتة‪:‬ههههههه نفسى‬ ‫اعرف امممممم دى هتبطليها امتى‬ ‫ابتسمت منار لما قالة ودخلت شقتها هى الاخرى‬ ‫فى المساء قبل النوم كانت منار ومى يتحدثان وهما‬ ‫مستلقيتان على الاسرة جاهزين للنوم فقد كانت هذة‬ ‫العادة مححبة للاختين منذ الصغر‬ ‫حكت منار لمى ما حدث معها‪.‬فانتفضت مى من‬ ‫سريرها واشعلت الانوار‬

‫مى‪ :‬اية الفلم الهندى دة؟‬ ‫منار‪ :‬اة والله حصل زى ما بقولك كدة‬ ‫مى‪:‬يا ساتر اية الواد اللزج دة يخربيت تناحتة‬ ‫منار بعصبية خفيفة‪:‬تناحة اية ولزاجة اية يا كرنبة‬ ‫انتى؟بقولك اللى اسمة ماجد دة زعقلى وانتى معندكيش‬ ‫اى ريأكشن خالص‬ ‫مى بابتسامة خبيثة‪:‬طب مهو صالحك فى الاخر يا‬ ‫شفشق‬ ‫منار وهى ترميها بالوسادة‪:‬اتخمدى يا مى انا غلطانة‬ ‫انى حكتلك‬ ‫مى وقد التقطت الوسادة‪ :‬كدة طب اتفلقى والله ما انا‬ ‫معبراكى‬ ‫استدارت منار للجهة الاخرى‪:‬احسن بردة‬ ‫استغرقت منار وقتا طويلا كى تستطيع النوم فى تلك‬ ‫الليلة فكلما اغمضت عينيها يتراى امامها فتتذكر كل‬

‫كلمة قالها بل كل نظرة كل ضحكة فتستغفر الله ثم تعود‬ ‫للنوم مرة اخرى‬ ‫ظلت منار هكذا حتى قامت فزعةمن النوم اثر صراخ‬ ‫مى الاتى من الخارج‬ ‫‪.................................................................‬‬ ‫‪...............................‬‬ ‫نهاية الفصل التاسع‬ ‫يا جماعة انا بقول خلونا يومين فى الاسبوع احسن‬ ‫عشان انزلكو بارتات محترمة فيها احداث كتير وكمان‬ ‫تكون موصولة ‪.‬بجد حكاية كل يوم بارت دى مجهدة‬ ‫جدا وكمان مش بلحق اكتب كل اللى انا عايزاة‬ ‫اية رايكو؟؟؟؟؟؟؟؟؟؟؟؟‬

‫الفصل العاشر‬ ‫كان صراخ مى قويا فقامت منار فزعة من السرير‬ ‫وركضت الى غرفة المكتب حيث اتى الصوت وقد‬ ‫كانت مى ملقاة على الارض وسيل من الدماء يغزو‬ ‫جبينها‪ .‬فى اقل من ثانية افاقت منار على صوت نفين‬ ‫تشهق بقوة من الفزع وهلعت ترفع راس مى من‬ ‫الارض محاولة افاقتها‪ .‬لم تحملها قدماها وجلست على‬ ‫الارض بجانب نفين تهز مى بعنف وترجوها ان‬ ‫تستجيب لها ‪:‬مى‪ ...‬ردى عليا‪ .....‬مى‬ ‫كانت هذة الكلمات الوحيدة التى كاد يسمعها مهند من‬ ‫بين بكاء منار ونفين وهما يفترشان الارض بجانب‬ ‫مى‪.‬قرر بسرعة ان علية التصرف‬ ‫بدون كلمة واحدة اتجة الى شقة ماجد وقرع الجرس‬ ‫بقوة‬ ‫ماجد هلعا فى الصالة وقد قوبل بوالدتة ايضا تخرج من‬ ‫غرفتها قلقا‬ ‫فوقية‪:‬من اللى هيجلنا الساعة دى يا ماجد؟‬

‫ماجد‪:‬معرفش ‪..........‬اتفضلى يا ماما انتى وانا‬ ‫هشوف فية اية‬ ‫فوقية‪:‬اتفضل فين انا هقف ورا الباب اشوف مين معاك‬ ‫مش هسيبك‬ ‫زفر ماجد فلا وقت للنقاش وصوت الجرس يتكرر‬ ‫ما ان فتح ماجد الباب حتى بادر مهند‪:‬الحقنى يا ابية مى‬ ‫مرمية على الارض بتجيب دم وماما ومنار مش‬ ‫عارفين يتصرفو‬ ‫عندها ظهرت فوقية واتجهت الى شقة نفين بسرعة‬ ‫مالبثت ان دخلت حتى استدارت بسرعة موجهه كلماتها‬ ‫لمهند فى لهفة وقلق‪:‬هما فين يا مهند؟‬ ‫مهند بسرعة‪:‬فى اوضة المكتب يا طنط‬ ‫دلفت فوقية الى الداخل بسرعة اما ماجد فوجة كلامة‬ ‫الى مهند بسرعة‪:‬اية اللى حصل؟‬

‫مهند بصوت مرتجف ويداة ترتعشان‪:‬مش عارف‬ ‫سمعنا صريخ مى فجرينا كلنا على اوضة المكتب‬ ‫لقيناها على الارض وراسها متعورة جامد‬ ‫دلف ماجد الى شقتة بسرعة دون اى رد ولم يجد مهند‬ ‫بدا من الرجوع الى الشقة بسرعة ليرى ما حل باختة‬ ‫اما ماجد فاتصل بصديقة عماد‪.‬بالطبع لم يجد ردا من‬ ‫المرة الاولى فقد تجاوزت الساعة منتصف الليل بكثير‬ ‫‪.‬اعاد الكرة مرتين وفى المرة الثالثة لقى الجواب‬ ‫عماد بصوت ناعس‪:‬اية يابنى انت ؟فى حد يتصل‬ ‫دلوقتى ؟‬ ‫ماجد بصوت جاد‪:‬ابعتلى ابت خالتك دلوقتى حالا‬ ‫‪.‬فاهم ‪..........‬حالا‬ ‫انتفض عماد وبدا صوتة قلقا‪:‬فى اية يا ماجد ؟ماما‬ ‫فوقية جرالها حاجة؟‬ ‫ماجد بنفاذ صبر‪:‬لا يا سيدى مش ماما‬ ‫عماد‪:‬امال فيه اية يابنى؟ ماتنطق يا ماجد‬

‫ماجد بعصبية وصوت عالى‪:‬انت لسة هتفتحلى محضر‬ ‫يا عماد؟بقولك ابعتهولى دلوقتى حالا‪..‬هتعرف ولا‬ ‫اتصرف انا؟‬ ‫عماد بسرعة‪:‬خلاص خلاص ربع ساعة ويبقى عندك‬ ‫ماجد‪ :‬كتير يا عماد عشر دقايق الاقية قدامى‬ ‫عماد‪:‬حاضر حاضر‬ ‫هم عماد باغلاق الخط لكن استوقفة صوت‬ ‫ماجد‪:‬متجيش يا عماد ‪.‬متسبش بنتك لوحدها‬ ‫عماد مبتسما‪ :‬تمام‬ ‫اغلق ماجد الخط وذهب بسرعة الى الشقة المقابلة‬ ‫وقف امام الباب المفتوح ونادى بصوت‬ ‫عالى‪:‬ماما‪.......‬يا مهند‪............‬‬ ‫خرج الية مهند مسرعا‬ ‫ماجد‪:‬خلى الجماعة يا مهند جوة يعملو حسابهم انى‬ ‫داخل‬

‫مهند‪:‬حاضر يا ابية‬ ‫عاد مهند الى غرفة المكتب ليخبرهم بدخول ماجد‬ ‫فذهبت منار الى غرفتها بسرعة لترتدى اسدال الصلاة‬ ‫بينما اكتفت نفين بطرحة فوق عبائتها المنزلية وكذلك‬ ‫غطت شعر مى‬ ‫اذن مهند لماجد بالدخول الى غرفة المكتب فوجد مى‬ ‫ملقاة على الارض فاقدة للوعى ونفين تبكى وتحاول‬ ‫افاقتها بينما امسكت فوقية راسها بقوة محاولة منع‬ ‫النزيف اما منار فقد لجات الى ركن بالمكتب تستند بقوة‬ ‫الى الحائط كانما تريد منة ان يحتويها وتنظر الى اختها‬ ‫ببكاء بخوف شديد‬ ‫ماجد‪ :‬اهدو يا جماعة ‪ .‬انا اتصلت بالدكتور عشر‬ ‫دقايق ويكون هنا‬ ‫لم تعلم منار لم نظرت الية بلهفة ورجاء وكانما تريد‬ ‫منه ان يطمئنها لتستمد منة الامان والقوة‬ ‫ولم يعلم ماجد ايضا لم التفت اليها فجأة ليرى نظرتها‬ ‫فيزودها بنظرة اطمئنان طويلة‬

‫لم تستطع منار الصمود اكثر فاطرقت بوجهها الذى‬ ‫تزين بالحمرة الشديدة ارضا‬ ‫تنحنح ماجد فى حرج ليقول‪:‬بعد اذن حضرتك يا طنط‬ ‫الدكتور على وصول ممكن بس تدخلوها سريرها‬ ‫حاولت نفين وفوقية حملها لكن ايديهم المرتعشة منعتهم‬ ‫من ذلك فنظرت لة نفين بحرج‪:‬معلش يا ماجد يابنى‬ ‫هنتعبك‬ ‫ماجد‪:‬لا ابدا يا طنط‪ ......‬اشار لهما بالابتعاد‪:‬لو سمحتو‬ ‫بعد اذنكو كدة‬ ‫حملها ماجد الى غرفتها مسرعا بعد ان دلة مهند الى‬ ‫الطريق تتبعانة نفين وفوقية بينما منار لاتزال متسمرة‬ ‫مكانها ترتجف خوفا على اختها ولا تستطيع ان تراها‬ ‫ممدة بلا حراك اكثر من ذلك‬ ‫بالفعل لم يمضى اكثر من عشر دقائق حتى وصل‬ ‫فؤاد(الطبيب‪).‬انتظرة ماجد على السلم فهو لا يعرف‬ ‫سوى شقة ماجد‬

‫فؤاد وهو يصعد السلالم بسرعة‪:‬اية يا ماجد فى‬ ‫اية؟الواد عماد جابنى على ملى وشى‬ ‫ماجد وهو يدفعة للداخل بسرعة‪ :‬ادخل يا فؤاد مش‬ ‫عايز شوشرة‪.‬‬ ‫ادخلة الى الغرفة التى بها مى ليخبرة بحالتها‬ ‫ماجد‪:‬منعرفش حاجة غير انها كانت على الارض‬ ‫بتنزف كدة ‪..........‬تقريبا حرامى‬ ‫فؤاد وقد بدا يخرج ادواتة الضرورية بهدوء‬ ‫الطبيب‪:‬اتفضلو لو سمحتو عايز فرد واحد معايا فى‬ ‫الاوضة‬ ‫نفين بصوت مرتعد‪ :‬هيه كويسة؟دى مابتنطقش‬ ‫فؤاد وهو يتابع عملة‪:‬الحمد لله مفيش نزيف كتير‬ ‫ونبضها معقول هطهرلها الجرح واخيطة وهتفوق‬ ‫عالصبح ان شاء الله ان ماكنش دلوقتى الموضوع‬ ‫بسيط متقلقوش‪.‬بس لو سمحتو زى ماقولت فرد واحد‬ ‫يفضل والباقى بعد اذنكو يخرج‬