هل سأعود اليك يا من كنت حبيبى ؟!

‫منار خجله ‪:‬امتى؟‬ ‫ماجد ‪ :‬دى قصه طويله هقولهالك بعدين‬ ‫بس دلوقتى هقولك امتى شفتك اول مرة‬ ‫يوم لما نقلتم اول يوم كنت نازل على السلم وانتى شايله صندوق كرتون‬ ‫كده على قدك باديكى الاتنين‬ ‫تقريبا كان فيه كتبك بقى مش عارف‬ ‫المهم الهوا يومها كان شديد وطرف طرحتك غطى على وشك ومبقتيش‬ ‫شايفه السلالم قدامك ومش عارفه ترفعيها‬ ‫فاكره؟‬ ‫منار متذكرة ‪:‬اه اه ايوة فاكرة‬ ‫حتى الهوا يومها رجعها تانى‬ ‫ماجد ‪ :‬ده عشان انتى واحده عبيطه ومحستيش بيا وانا معدى جنبك‬ ‫منار ‪ :‬انا مش فاهم يا نصه‬ ‫ماجد‪ :‬ياااااااااااه ده انتى مخك ضيق اوى‬ ‫ياخوفى عالنتيجه يا بدران‬ ‫يا بنتى انا كنت معدى جنبك ساعته واخدت طرف الطرحه من على‬ ‫وشك وانا نازل‬ ‫منار ‪ :‬انت بتتكلم جد؟‬

‫ماجد ‪ :‬لا بهزر معاكى‬ ‫ايه ده يا بنتى هتتصاحبى عليا ولا ايه‬ ‫منار بطفوليه ‪ :‬بطل رخامه بقى‬ ‫يلا قولى تانى مرة‬ ‫ماجد باستغباء متعمد‪ :‬تانى مرة ايه؟‬ ‫منار ‪ :‬متعملهمش عليا‬ ‫انت عارف انا بتكلم عن ايه‬ ‫ماجد ‪ :‬انت يا حاجه انتى مين فينا اللى خاطب التانى‬ ‫انتى بتحسسينى انك متربيه فى ملجأ ايتام‬ ‫منار ‪ :‬طب قول الحته دى بس‬ ‫عشان خاطرى بقى‬ ‫ماجد‪:‬لما اجى بقى هكلمك باليل ونرغى براحتنا‬ ‫منار بتساؤل ‪:‬تيجى منين؟ اوع تقول انك نازل دلوقتى‬ ‫ماجد وهو يعبا راتيه هواءا وهو يفكر فى مشاكل شركته ‪ :‬اه يا حبيبى‬ ‫نازل دلوقتى‬ ‫الشركه فيها مشاكل كتير عايزة قاعدات‬ ‫هروح ادرس شويه ورق عقبال باقى المهندسين والسكرتاريا ما يجو‬ ‫عشان تقريبا طول اليوم اجتماعات‬

‫ادعيلى يا منار بجد خنقانى المشاكل دى اوى‬ ‫منار ‪ :‬ربنا معاك يا ماجد‬ ‫طول ما انت مستعين بالله كل حاجه هتتحل ان شاء الله‬ ‫وخد بالك من نفسك وانت سايق لو سمحت الوقت ده بدرى اوى واكيد‬ ‫الطرق مش امان‬ ‫بالله عليك يا ماجد تاخد بالك من نفسك ولما توصل المكتب تكلمنى‬ ‫ماجد ‪ :‬من عيونى يا مناره حياتى‪.‬‬ ‫مش عايزة منى اى حاجه تانيه؟‬ ‫منار باستحياء‪ :‬تسلملى عيونك‬ ‫ماجد ‪ :‬طب اقفل انا بقى عشان مش ضامن نفسى لو سمعت منك اكتر‬ ‫من كده فى يوم واحد‬ ‫منار ‪ :‬ههههه فى رعايه الله وحفظه‬ ‫ماجد ‪ :‬مع السلامه‬ ‫انتهت المحادثه لتتمتم منار بعدها بخفوت ‪ :‬استودعك الله الذى لا تضيع‬ ‫ودائعه‬ ‫‪.........................................................‬‬ ‫فى الشركه بعد ان وصل ماجد مباشرة بعث برساله الى منار يخبرها‬ ‫بوصوله فيها‬

‫من ثم بدأ بعمله فى مراجعه المناقصات الاخيرة والاسباب فى عدم‬ ‫قبولها رغم تأكده من ذلك شخصيا قبل تقديمها‬ ‫ظل على هذه الحال حتى اتى الموظفين وبدأ بتوزيع المهام عليهم حتى‬ ‫موعد الاجتماع‬ ‫وقبل موعد الاجتماع بعشر دقائق استأذن محامى الشركه فى الدخول‬ ‫الى ماجد‬ ‫ماجد داعى اياه للجلوس ولا يزال يراجع بعض الاوراق ‪ :‬اتفضل يا‬ ‫استاذ زيدان ‪ .‬دقايق واكون معاك‬ ‫الاستاذ زيدان ‪ :‬معلش يا باشمهندس بس اللى جايلك فيه مينفعش يتأجل‬ ‫كده الباشمهندس عماد هيمشى ومش هتلحقه‬ ‫ترك ماجد ما بيده فورا لينظر الى المحامى بفضول حاثا اياه على التقدم‬ ‫الاستاذ زيدان وهو يقرب من ماجد بضع وريقات ‪ :‬دة ورق تنازل‬ ‫الباشمهندس عماد عن نصيبه فى الشركه لحضرتك‬ ‫انتفض ماجد من مجلسه بسرعه وقبل ان ينطق ببنت شفه قدم له‬ ‫المحامى ورقه اخيره صاحبها تفسيره ‪ :‬الورقه دى فيها سبب المشاكل‬ ‫اللى بتمر بيها الشركه حاليا والباشمهندس عماد قالى ان لما حضرتك‬ ‫تشوفها هتفهم السبب‬ ‫مد ماجد يده لاخذ الورقه بتردد بينما كان عيناه لاتزال مركزه على‬ ‫المحامى وكانه يحاول قرائه افكارة‬

‫ما ان التقطها وقرأ ما كتب فيها بعينين زائغتين حتى التفت الى المحامى‬ ‫بسرعه‬ ‫ماجد ‪ :‬عماد فين دلوقتى‬ ‫الاستاذ زيدان بابتسامه ‪ :‬الحقه على سطوح المبنى قبل ما يمشى‬ ‫ركضا صعد ماجد سلالم البنايه حتى وصل الى سطحا محدثا ضجه‬ ‫خفيفه بدخوله القوى فالتفت اليه عماد واول ما فعله هو التوجه الى عماد‬ ‫ولكمه لكمه قويه جعلت يندفع للوراء خطوتين بينما تبعه ماجد وامسك‬ ‫بياقه قميصه ودار به حتى جعله يرتطم بالحائط دون ادنى مقاومه من‬ ‫عماد‬ ‫ماجد بغضب ‪ :‬انت معتوه يا بنى انت‬ ‫ايه اللى بتهببه ده‬ ‫عماد بابتسامه هادئه ‪ :‬بحاول اصلح جزء من اللى خرب بسببى‬ ‫ماجد ولا يزال على غضبه ‪:‬هو ايه ده اللى بسببك يا متخلف انت‬ ‫الشركه دى بتاعتنا احنا الاتنين يعنى اى مشكله تحصل فيها مشكلتنا‬ ‫احنا الاتنين‬ ‫ابعد عماد يد ماجد عن قميصه بهدوء ‪ :‬لا يا ماجد المشكله دى بتاعتى‬ ‫لوحدى وانا لوفضلت فى الشركه اكتر من كده الكلب اللى اسمه يحى ده‬ ‫مش هيسبنا فى حالنا وهيخسرنا اكتر‬ ‫الحل الوحيد انى اسيب الشركه حسابه معايا انا‬ ‫ماجد ‪ :‬وتفتكر لو سبت الشركه هيسبك انت ومراتك فى حالكم‬

‫طب هيسبنى فى حالى ؟‬ ‫ولو افترضنا انه هيسبنا فى حالنا يبقى هو ده الحل؟‬ ‫يطيح هو بقى فى خلق الله كده من غير ما حد يقفله؟‬ ‫يعنى احنا لو سبناه واخترنا اسلم حل نبقى بنقويه يعمل كده فى غيرنا‬ ‫كمان وذنبهم فى رقابتنا يا عماد‬ ‫لازم ورق التلاعب بتاع المناقصات يتقدم للوزارة‬ ‫عماد ‪ :‬تفتكر هيفيد يا صاحبى؟‬ ‫ماجد ‪:‬يحى ده انا هوديه فى ستين داهيه بس صبرك عليا‬ ‫عماد مصححا ‪ :‬هنوديه فى ستين داهيه‬ ‫مد ماجد قبضه يده الى صديقه ليضربها بدورة بقبضه يده ايضا بينما‬ ‫صاح ماجد ‪ :‬هو ده الكلام يا عمده‬ ‫عماد وهو يلتمس انفه ‪ :‬اه يا حبيبى بس ايدك تقلت اوى‬ ‫ماجد وهو يمد له منديله ‪ :‬معلش بقى يا عمدة كان لازم افوقك‬ ‫اخذ عماد المنديل من ماجد ‪ :‬تسلم ايدك يا صاحبى‬ ‫ماجد متقدما للنزول ‪ :‬يلا يا خويا ورانا اجتماع والبنى ادمين اللى تحت‬ ‫هيناموا مننا‬ ‫نزل ماجد ادراج السم بسرعه كما صعد بينما توقف عماد لوهله متمتما‬ ‫‪:‬حسابى معاك يا يحى الكلب‬

‫ما لبث ان ناداه ماجد فنزل درجات السلم بسرعه ليلتحق بصديقه‬ ‫‪.....................................................................‬‬ ‫بعد الاجتماع مباشرة ابلغ عماد ماجد بضرورة ذهابه واعتذر عن ترك‬ ‫باقى العمل لماجد ليتقبل ماجد ذلك بسعه صدر‬ ‫صف عماد سيارته امام كورنيش النيل وترجل منها واقفا امامه يتأمل‬ ‫زرقته التى مالت الى اللون الاحمر وقت الغروب متذكرا وقت ان حث‬ ‫زوجته على ان تحكى له ماضيها‬ ‫‪..................................................‬‬ ‫بينما فى ذلك الوقت كانت فوقيه فى غرفتها تجرى مكالمه هامه بعد ان‬ ‫تأكدت من عدم وجود ماجد بالمنزل الان‬ ‫فوقيه ‪ :‬والله صدقنى هاجى بس مش النهارده‬ ‫الشخص على الطرف الاخر ‪ :‬انتى كل مرة بتقوليلى كده‬ ‫لو فضلتى تعملى كده هتضطرينى اخلف وعدى معاكى واكلم ماجد‬ ‫فوقيه بسرعه ‪ :‬اوعى ‪...........‬والله والله لو عملتها اكون مقطعاك طول‬ ‫العمر‬ ‫اياك تعمل كده‬ ‫الشخص ‪ :‬يبقى لازم تيجى‬ ‫كفايه فوتى الجلستين اللى فاتوا كده ممكن تتعبى فجاه‬

‫فوقيه ‪ :‬معلش يا فؤاد ان شاء الله خير انا مداومه على الدوا اللى‬ ‫كتبتهولى والله‬ ‫فؤاد ‪ :‬مش كفايه يا امى لازم تيجى الجلسات‬ ‫الدوا اللى بتاخدى ده كماله صورة‬ ‫انتى عارفه طبعا انه لازم تسافرى العلاج برة احسن‬ ‫فوقيه ‪ :‬ما انا قلتلك يا فؤاد حاضر ان شاء الله‬ ‫بس اخلص اللى ورايا فى مصر وبعدين هسافر باذن الرحمن‬ ‫فؤاد ‪:‬ماشى يا امى بس الله يخليكى تحاولى تحضرى الجلسات على قد‬ ‫ما تقدرى‬ ‫عايزين نسيطر على الوضع عقبال ما نسافر‬ ‫فوقيه ‪:‬ان شاء الله يا بنى‬ ‫ربنا يقدم اللى فيه الخير‬ ‫السلام عليكم‬ ‫فؤاد ‪:‬فى رعايه الله يا امى‬ ‫‪............................................................‬‬ ‫نهايه الفصل السادس والعشرون‬

‫الفصل السابع والعشرون‬ ‫وقف عماد مستندا بظهرة على مقدمه سيارته واضعا يديه فى جيب‬ ‫بنطاله يتامل غروب الشمس بين جنبات النيل وكأنه يطفئ لهيبها‬ ‫المشتعل ثانيه بعد اخرى‬ ‫كان مثقلا بالهموم لا يعرف ماذا يفعل‬ ‫لو كان الامر يعنيه وحده لتصرف دون تفكير غير عابئ بالعواقب لكن‬ ‫الامر الان يمس صديقه الاقرب ايضا‬ ‫لذا عليه التصرف بحذر شديد حتى لا يورط صديقه ويتسبب له‬ ‫بالمشاكل‬ ‫اجفل على اهتزاز هاتفه النقال بجيبه بنغمته المميزة ‪:‬‬ ‫احبك مثلما انتى‪ ............‬احبك كيفما كنتى‬ ‫ومهما صار مهما كان‪ ........‬انتى حبيبتى انتى‬ ‫زوجتى‪ ...........‬انتى حبيبتى انتى‬

‫غزت الابتسامه قلبه ودق قلبه لطلتها ولو عبر الهاتف فامسك هاتفه‬ ‫مبتسما وكانها ذلك الطيف السحرى الذى يزيل بعصاه السحريه كل‬ ‫هموم قد تبقى بقلبه او تؤرقه‬ ‫انه ذلك الطيف الرقيق الناعم الذى لطالما زين عالمه باجمل الالوان‬ ‫واضاف الي اوتار قلبه اروع‬ ‫لحن تراقصت عليها مذ عرفت معنى الحب‬ ‫منذ اليوم الاول الذى راها فيه على السلم وقد اعلن قلبه حاله الخطر‬ ‫وان كان عماد تجاهل فى البدايه غير متعمدا ثم حارب كثيرا فى معركه‬ ‫مستميته ضد هذا الطيف ليقاوم سيطرته على قلبه‬ ‫الا ان معركته كانت خاسرة منذ البدايه‬ ‫فقد كان سلاحه الالم والمعاناه اما طيف زوجته الرقيق فكان سلاحه‬ ‫الموده والحب والعاطفه الجياشه التى تشع حنانا ودفئا متناهيين‬ ‫وبالطبع فازت سها بسلاح النور الذى تملكه واخترقت به كل جوانب‬ ‫الظلام التى عانى منها عماد طويلا ليحل مكانها النور الى ما شاء الله‬ ‫بدأت سها تلك الحرب مع عماد او بالاحرى مع جراحه التى سكنت‬ ‫قلبه مذ تلك الليله التى ادلى فيها عماد برغبته فى معرفه ماضيها‬ ‫باك لاول فجر بعد زفاف الزوجين‬ ‫‪....................................‬‬

‫نزعت سها يدها بسرعه ناظرة امامها بتوتر لدى كلمات عماد التى كان‬ ‫من الواضح انها ذات مغزى فقد برهنت نظراته و نبرة صوته على ذلك‬ ‫رمقها عماد بنظرات شك فقد اثبت توترها ان شعورة ليس خاطئا فيما‬ ‫بنبئه به عنها‬ ‫عماد وهو ينظر لها ببرود ‪ :‬ايه مالك سكتى ليه؟‬ ‫هو انتى مخبيه حاجه ولا ايه؟‬ ‫سها مبتسمه بتوتر ‪ :‬انا ! لا ابدا‬ ‫ليه بتقول كده؟‬ ‫عماد وهو ينقل نظرة الى الامام‪:‬مجرد احساس‬ ‫نظرت له سها نظرة لم تستطع هى نفسها تفسيرها ومع انها لم تدم‬ ‫سويعه الا ان عماد شعر بها تخترق حصونه وتحطم حواجزة‬ ‫اجفل ليد سها التى دفعته فجأه حاثه اياه على القيام بلهفه ‪:‬قوم بسرعه‬ ‫الفجر هيفوتك‬ ‫انتبه للمرة الاولى منذ ارتطامه بها انه فى الاصل قام ليؤدى الصلاه‬ ‫مع انه انتفض بسرعه متجها الى باب شقته للنزول لاداء الصلاه الا ان‬ ‫عقله كان قد دخل الى دوامه من التيهه التى لا اخر لها‬ ‫انتهى الامام من الصلاة ليردد عماد بعدها كما علمنا المصطفى صلى‬ ‫الله عليه وسلم\" اللهم اعنى على ذكرك وشكرك وحسن عبادتك\"‬

‫ثم ردد دعاء ما بعد افجر \" اللهم انى اسالك علما نافعا ورزقا طيبا‬ ‫وعملا متقبلا\"‬ ‫ثم ردد سبعا \" اللهم اجرنى من النار\"‬ ‫بعدها بدأ يردد اذكار الصباح ووما ان انتهى حتى استقام متجها الى‬ ‫خارج المسجد‬ ‫سار عماد فى طريقه الى البيت تتخبطه الافكار حول سها ويحدثه عقله‬ ‫بالكثير من التساؤلات والفضول عنها‪:‬‬ ‫ياترى مخبيه ايه سها؟‬ ‫شايف فى عيونك الم يمكن قد المى بس مش حاسس انه يشبهه‬ ‫عنيكى بتقول كلام كتير مش قادر افسرة؟‬ ‫ياترى كل الرقه والحنيه اللى انا شايفها منك دى حقيقه ولا مجرد قناع‬ ‫لابساه عشان‪.............‬‬ ‫توقف عقله عن التفكير للحظه محدثا اياه‪:‬‬ ‫عشان ايه بس يا عماد؟‬ ‫هى هتعوز منك ايه ؟‬ ‫ثم يعود للتفكير مرة اخرى‪:‬‬ ‫مين اللى قال انها عايزة حاجه ؟‬ ‫مايمكن القناع ده بتدارى بيه حاجه‬

‫ايوة صح‪ ....‬مداريه حاجه ومش عايزانى اعرفها‬ ‫بس ايه هى الحاجه دى ؟‬ ‫وبالنهايه يعود عقله الى نفس السؤال‪:‬‬ ‫ياترى مخبيه ايه يا سها؟‬ ‫وصل عماد الى شقته ونيته تسبقه فى اكمال ما بدأه مع سها الا انه لم‬ ‫يجد لها اثرا بالمرة فاتجه الى غرفتها يقرع باباها فلم يجد ردا‬ ‫فتح باب الغرفه ليجد سها نائمه باسدال صلاتها فاستشف انها ادت‬ ‫صلاتها ونامت‬ ‫ما ان اغلق الباب حتى فتحت سها عينيها ببطئ وما ان اطمئت انه قد‬ ‫خرج حتى اطلقت زفرة ارتياح طويله متمتمه\" الحمد لله\"‬ ‫جافاها النوم قليلا وما لبث ان ذهبت فى ثبات عميق بعد تلك الليله‬ ‫الغريبه التى مرت بها‬ ‫اما عماد فقد نام عماد بصعوبه بعد ان تقاذفته الافكار والخواطر عن‬ ‫سها‬ ‫شعر بيدها تمسح على كتفه برقه‪.‬‬ ‫بحنان انزلقت يدها من اعلى كتفه وحتى ظهرة ثم تعاود فعلتها مرة‬ ‫اخرى‬ ‫كان للمساتها اثر السحر على شفاء جروحه الغير ملتئمه وكانت البسمه‬ ‫لا تفارق شفتيه‬

‫ظلت سها تهيم به وهو يبتسم متململا بينما هى تمسح على كتفه تحاول‬ ‫ايقاظه‬ ‫حاولت ثانيه وهى تربت على كتفه هامسه ‪ :‬عماد ! انت صاحى؟‬ ‫عماد متململا ‪ :‬حاضر يا حبيبه قلبى هقوم اهو‬ ‫فرغت سها فاها لا تكاد تستوعب ما يقوله عماد بينما عماد امسك يدها‬ ‫وقربها الى شفتيه هامسا بغرام ‪ :‬وحشتينى يا قلبى‬ ‫تسلملى ايدينك الحلوين دول انا خلاص قايم اهو‬ ‫ما ان نطقت بعبارته حتى فهمت سها ما يعنيه فهو يحلم بزوجته ويعتقد‬ ‫انها هى الان‬ ‫لم تستوعب هذا الكم من الحب الذى يحمله عماد بداخله لزوجته المتوفاه‬ ‫بل لم تستوعب مقدار الالم الذى يشعر به الان لفقدانه اياها‬ ‫لم تستطع منع دموعها لدى رؤيته يحتضن كفها وكأنه يخاف ان تتركه‬ ‫زوجته بينما هى لن تجد ما تقوله اذا ما فتح عينيه ليجد انه كان يتيه فى‬ ‫مجرد حلم وينزل الى ارض الواقع ليدرك انها ما عادت بين الوجود‬ ‫ظلت تنظر اليه والدموع تبلل وجهها ثم قررت ان تعود ادراجها ثانيه‬ ‫دون ايقاظه‬ ‫سحبت يدها من بين يديه التى احتضنتها ببطئ ثم التفتت متجه نحو‬ ‫الباب‬ ‫لكن ما ان استقامت وهمت بالخطا حتى توقفت اثر امساك عماد يدها‬ ‫ثانيه وقد استفاق من نومه‬

‫عماد ‪ :‬كنتى بتعملى ايه هنا؟‬ ‫سها ولا تزال توليه ظهرها محاوله اخفاء دمعها ‪:‬ولا حاجه كنت جايه‬ ‫اصحيك ‪........‬حضرت الفطار ‪...........‬والضهرخلاص هيأذن‬ ‫عماد بجفاء‪:‬مكنش ليه لزوم انا بفطر لوحدى‬ ‫متعمليهاش تانى وتدخلى اوضتى وانا نايم‬ ‫اغمضت سها عيناها ولا تزال مسمرة مكانها وهى تزم شفتيها بالم فهى‬ ‫الان اصبحت تعرف ان عماد يتحدث بهذا الجفاء فقط عندما تنزف‬ ‫جراحه‬ ‫على مضض محاوله منها ان يظهر صوتها طبيعيا جاءته اجابتها ‪:‬‬ ‫حاضر‪ ....‬ممكن تسيب ايدى وانا هخرج‬ ‫نظر عماد الى يدها ليدرك انه لم يرد تركها ثم اعاد النظر نحو وجهها‬ ‫ليلمح دمعه فرت هاربه من جانب عينها‬ ‫لامته نفسه كثيراعلى جرحه لها ظانا منه ان سوء معاملته هى سبب‬ ‫دمعها فلم يستطع ترك يدها بل لم يرد ذلك اصلا‬ ‫وبدلا عن ذلك قام بجذبها برفق ليجلسها الى جواره على طرف سريرة‬ ‫بينما بقت سها توليه ظهرها‬ ‫لم ينطق حرفا واحدا يعتذر به بل مد يده ليدير وجهها الباكى اليه ويبدأ‬ ‫بمسح دموعها بصمت بينما بقيت سها ساكنه تنظر اليه وهو يمسح عنها‬ ‫دموعها بابهامه بينما يحتضن وجهها بكفيه برفق‬

‫ما ان انتهى حتى ازاح يديه عن وجهها ممسكا بكلتا يديها وهو ينظر‬ ‫لهما وكأنه يبدى اعتذارا ولكن بطريقته الخاصه‬ ‫طال الصمت ولكن سها اخيرا قطعته وهى تسحب يدها من بين يديه‬ ‫هامه بالقيام ‪ :‬هقوم انا افطر قبل ما الضهر يأذن‬ ‫اتجت الى باب الغرفه وما ان فتحته حتى اتاها صوت عماد ‪ :‬استنينى‬ ‫نفطر سوا‬ ‫وقبل ان تخرج ابتسمت دون ان تستدير متمتمه بكلمه واحده ‪ :‬حاضر‬ ‫ادى عماد صلاة الضحى وخرج الى سها بسرعه ليجدها بالفعل اعدت‬ ‫ما سمته هى افطارا لكن من وجهه نظرة كان مجرد\" لعب عيال\"‬ ‫كانت سها بالمطبخ تحضر بعض المخلالات بينما خرجت لتجد عماد‬ ‫ينظر الى طاوله الطعام فارغا فاه ثم نقل نظرة اليها ليجدها ترتدى‬ ‫ماريو المطبخ مبتسمه‪ :‬صليت الضحى الاول صح؟ انا قلت كده برده‬ ‫‪...........‬يلا اقعد بسرعه قبل الضهر مايأذن‬ ‫عماد ‪ :‬انا كنت سامع ان فى عندنا فطار النهارده فى البيت‬ ‫الكلام ده حيقيقى ولا انا كنت بهييس مع نفسى؟‬ ‫سها باستغراب ‪ :‬ايوة ما انا خلاص حضرته‬ ‫اتفضل الفطار اهو خلاص‬ ‫عماد‪ :‬هارسود‪............‬انتى عايزة تفطرنى مربى وقشطه وجبن‬ ‫وخلاص كده‬

‫ايه فطار العيانين ده‬ ‫لاااااااااا يا امى يكون فى معلومك انا مبكلش الكلام الفارغ ده‬ ‫بصى بقى من الاول كده لف وارجع تانى‬ ‫انا مالى التلاجه معلبات فول بكل الاطعمه وعندك علب تونه وفيه كمان‬ ‫بيض اعمللنا اومليت فى الفريزر بقى هتلاقى بطاطس نص تحمير‬ ‫كملى عليها وتعالى‬ ‫وبسرعه قبل الظهر ماياذن‬ ‫سها متسمرة مكانها ببلاهه ‪:‬انت مستنى حد عالفطار‬ ‫عماد ‪:‬ايوة انا‬ ‫سها بنفس الاسلوب‪:‬بس انا مش بعرف احضر الفول والاومليت‬ ‫عماد مقلدا اياها ‪:‬امال بتعرفى تعملى ايه؟‬ ‫سها ‪ :‬ممكن اعملك سندوتشات اى حاجه تحبها‬ ‫اطلق عماد ضحكه رنانه اذابت قلبها ثم اتجه نحوها اخذا بيدها الى‬ ‫المطبخ ‪ :‬تعالى تعالى انتى شكلك هتتعبينى وهضطر اجيبلك داده‬ ‫سها بغضب مغلفا برقتها ‪ :‬لا طبعا انا مش محتاجه داده ولا هحتاج‬ ‫استنى بس عليا شويه وانا هتعلم كل حاجه لوحدى‬ ‫دة مجرد تعود بس مش اكتر‬ ‫ورينى بس بيتعمل ازاى وانا اعملك‬

‫عماد مبتسما ‪ :‬ماشى يا ستى‬ ‫مبدئيا خلينا فى الاومليت عشان بحبه‬ ‫‪...........................................................................‬‬ ‫عاد عماد الى صوتها الرقيق الذى يعشقه وهو يجيب على هاتفه النقال‬ ‫‪:‬ملاكى‪ ......‬تعرفى انك وحشتينى‬ ‫سها بخجل‪:‬انت كمان وحشتنى اوى‬ ‫عماد ‪ :‬طب مكلمتنيش من بدرى ليه؟‬ ‫سها ‪ :‬مش عارفه‪ ......‬زحاسه انك مشغول اليومين دول فمحبتش‬ ‫اعطلك عن شغلك‬ ‫اه صحيح انت هتتاخر النهارده‬ ‫نروح احنا ؟‬ ‫عماد بسرعه ‪ :‬تروحوا فين بس يا سها لوحدكم؟‬ ‫سها ‪ :‬مش مشكله يا حبيبى هاخد تاكسى‬ ‫عماد ‪:‬يا سلام‪ .‬شوال بطاطا انا بقى عشان اسيبك تروحى انتى والبنت‬ ‫فى تاكسى‬ ‫سها ‪ :‬ههههههههههه لا والله يا عماد مش قصدى بس الدنيا هتبقى هوا‬ ‫بليل وانا مخففه لوفاء وخايفه تاخد برد‬ ‫عماد‪ :‬عموما يا ستى انا قدامى لسه شويه‬

‫شوفى عند ماما كده شال نغطيها بيه واحنا نازلين‬ ‫سها ‪ :‬ماشى حاضر توصل بالسلامه‬ ‫عماد ‪ :‬مع السلامه يا ملاكى‬ ‫‪....................................................‬‬ ‫انهى عماد اتصاله ليبدأ بالاتصال بحماه‪ :‬هشام اسعد‬ ‫هشام ‪ :‬اهلااااااااااا ايه ياعم الغيبه الطويله دى‬ ‫والله ليك وحشه يا عمده‬ ‫عماد بود صادق ‪:‬اذيك يا عمى ؟‬ ‫اخبار حضرتك ايه؟‬ ‫هشام ‪:‬حضرتى زعلان من حضرتك انت والهانم مراتك‬ ‫بقالى قد ايه مشفتكموش ومنعين عنى حفيدتى كمان؟‬ ‫عماد بمرح ‪:‬ايه ده انت بتاخدنى بالصوت ولا ايه يا عمى؟‬ ‫ما احنا كنا عنكم يوم الجمعه وانت اللى مكنتش موجود طب اعمل انا‬ ‫ايه بقى؟‬ ‫هشام ‪:‬تستنانى يا لمض لما ارجع ولا هى حماتك خلاص بقت حبيبتك‬ ‫وانا لا؟‬ ‫عماد ‪ :‬هههههه ازاى بس دة انت الحته الشمال يا اتش ‪.‬انت اللى فيهم‬ ‫والباقى سلطه‬

‫هشام ‪ :‬لا يا راجل‪ .‬طب ايه رايك بقى المكالمه دى مسجله وهتوصل‬ ‫لسها وام سها وام ام وفاء اللى انا متأكد انكم هناك دلوقتى‬ ‫عماد ‪:‬برئ يا بيه‪ .............‬وربنا انا مش هناك‬ ‫هشام ‪:‬ههههههههه امال انت فين يا عم؟‬ ‫عماد ‪:‬عالنيل يا عم ‪.‬‬ ‫هشام ‪:‬يااااااااااااااااسيدى طب سلملى عالحبايب بقى‬ ‫عماد بجديه ‪:‬لا انا لوحدى‪ .‬بس كنت عايز اقابل حضرتك ضرورى من‬ ‫غير ما حد يعرف‬ ‫هشام وقد بدا صوته جادا ايضا ‪ :‬كده تبقى عرفت‬ ‫قولى مكانك بالظبط يا عمده انا جايلك‬ ‫‪...................................................‬‬ ‫ارتد عماد عن الطاوله الى الوراء متفاجئا من حديث هشام ‪ :‬ايه اللى‬ ‫انت بتقوله ده يا عمى‬ ‫لا طبعا انا لايمكن اعمل كده‬ ‫هشام بهدوء‪:‬انت بالفعل مش هتعمل كده يا عماد بس اللى هيبان انك‬ ‫عملت كده‬ ‫هو ده اللى احنا عايزينه مش اكتر‬ ‫عماد‪:‬برده مش مقتنع‪ .‬انا برده شايف ان احنا هنحاربه بنفس السلاح‬ ‫القذر اللى بيستخدمه معانا‬

‫انا لايمكن ازور اوراق رسميه‬ ‫هشام وهو يحتسى قهوته بهدوء ثم يجيب ‪:‬مين اللى قالك انك هتزور‬ ‫حاجه‪ .‬البوليس هيعمل كل حاجه وما عليك غير انك تقدمه وساعتها‬ ‫يحى مش هيسكت وهيلجأ انه يظهر ماهى اللعبه بالنسباله ساعتها هتبقى‬ ‫عالمكشوف‬ ‫قوم احنا ايه؟‬ ‫عماد وهو يقلب الفكرة براسه مبتسما ‪:‬ايه؟‬ ‫هشام ‪ :‬نصادوا بقى من على وش القفص وهو اللى جيه برجله‬ ‫عماد وهو يضرب احد كفيه بالاخرى ‪ :‬عمى‪ .......‬احب اقولك ان‬ ‫دماغك دى‪ ..............‬مش عارف مش عارف الدماغ دى ايه ؟‬ ‫هشام ‪ :‬هههههههههههههههه ‪watch and learn‬‬ ‫اتفرج واتعلم يا عمده‬ ‫‪...................................................‬‬ ‫صف ماجد سيارته وترجل منها متجها الى البنايه التى يقطنها اخيرا بعد‬ ‫يوم شاق ملئ بالاجتماعات والمداولات التى لا توافق ما تشتهيه السفن‬ ‫بالنهايه‬ ‫لتذهب ادراج الرياح‬

‫كان يبدو محبطا وخائب الامل لدرجه كبيرة ولم يخف ذلك عن عينا‬ ‫منار التى انتظرته بالشرفه طوال المساء لتطمئن عليه دون الاتصال به‬ ‫والهائه عن العمل‬ ‫ما ان اطمئنت بوصوله حتى دلفت الى الداخل لتخرج هاتفها وتستعد‬ ‫للاتصال به بعد فترة لتترك له المجال للقليل من الراحه والطعام‬ ‫انتظرت ما يقرب من النصف ساعه ثم اخرجت رقم هاتفه وقبل ان‬ ‫تضغط زر الاتصال اتتها مكالمه منه فسمحت بفتح الاتصال بسرعه‬ ‫منار ‪ :‬السلام عليكم‬ ‫ماجد بانهاك‪:‬وعليكم السلام ورحمه الله‬ ‫منار وقدلاحظت انهاك صوته فاتاه صوتها كطفله تخاف على ابيها ‪:‬‬ ‫تعبان اوى؟‬ ‫ماجد مقلدا اياها ‪:‬مممممممممممممم‬ ‫منار برقه ‪ :‬ههههههه يلا يا سيدى ومن علمنى حرفا بقى‬ ‫ماجد‪:‬لا وهو حرف حرف يعنى‬ ‫منار‪ :‬ممكن اطلب منك طلب‬ ‫ماجد ‪:‬اؤمرى يا منار‬ ‫منار‪:‬ممكن تنام علطول من غير ما تفكر فى حاجه وتخلى توكلك على‬ ‫الله وكل حاجه هتتحل صدقنى‬ ‫ماجد‪ :‬ممكن انا كمان طلب‬

‫منار‪ :‬اكيد‬ ‫ماجد ‪ :‬ممكن تجيبى مصحفك وتقرأيلى قران لحد ما انام منك‬ ‫ابتسمت منار برقه ثم خرج صوتها رقيقا كبسمتها ‪ :‬مممممم‬ ‫ضحك ماجد بوهن وهو يتمدد على سريرة بينما اتت منار بمصحفها‬ ‫وقبل ان تبدأ ‪:‬ماجد هو انا هعرف منين انك نمت؟‬ ‫ماجد ‪ :‬ههههههه لا من النحيه دى متقلقيش هتسمعى لوحدك ههههه‬ ‫قصدى هتعرفى لوحدك‬ ‫منار ‪ :‬هههههه مش بقولك ظريف‬ ‫وهكذا ظلت منار بصوتها العذب الندى تتلو لماجد ايات من القران‬ ‫تتطمئن قلبه وتساعد على شفاء روحه التى ارهقتها متاعب الحياه فقد‬ ‫صدقالله تعالى فى قرانه\" الذين ءامنوا وتطمئن قلوبهم بذكر الله الا بذكر‬ ‫الله تطمئن القلوب\"‬ ‫بلى يا رب بذكرك تطمئن القلوب فاللهم طهر قلوبنا وازل كل ما قد‬ ‫يشوبها من هم او حزن انك انت مالك القلوب وعلام الغيوب‬ ‫اللهم امين اللهم امين‬ ‫‪...............................................................................‬‬ ‫نهايه الفصل السابع والعشرون‬

‫الفصل الثامن والعشرون‬ ‫على صوت منار العذب نام ماجد مطمئن البال والخاطر‬ ‫استيقظ متململا فى سريرة يشعر بالالم يغزو عضلات ظهرة ويده من‬ ‫اثار العمل‬ ‫بأعين تكاد تكون مغلقه بحث عن الهاتف بجانبه ليجد انه لم يبقى‬ ‫لشروق الشمس سوى بضع دقائق‬ ‫فى ثوان معدوده كان ماجد قد انتفض متجها الى الحمام وهو ينادى‬ ‫والدته بصوت عال اثناء وضؤة ‪ :‬يا ماما‪ ............‬ايه حاجه ده‪ .‬كده‬ ‫تسيبينى يا ماما الفجر كان هيفوتنى‬ ‫لم يجد ردا ولم يكن منشغلا بذلك بل اتجه بسرعه الى سجاده صلاته‬ ‫كى يدرك الفجر قبل شروق الشمس وما هم ان يكبر للصلا حتى تذكر‬ ‫قوله صلى الله عليه وسلم للرجال الذين احدثوا جلبه عند دخولهم‬ ‫المسجد متأخرين عن الصلاه\" ما شأنكم ؟ فقالوا ‪ :‬استعجلنا الى الصلاه‬ ‫‪.‬قال‪ :‬فلا تفعلوا‪ .‬اذا اتيتم الصلاه فعليكم السكينه فما ادركتم فصلوا وما‬ ‫فاتكم فأتموا\"‬ ‫فوقف معتدلا مطمئنا ردد\" اشهد ان لا اله الا الله وحده لا شريك له‬ ‫الملك وله الحمد يحى ويميت وهو على كل شيئ قدير\"‬ ‫ثم كبر مبتهلا صلاته‬ ‫انتهى من الصلاه مرددا اذكار الصباح ثم التفت الى هاتفه ليجد انه‬ ‫حظى ببعض المكالمات الفائته من مهند‬

‫اتصل به ليجد مهند يرد بصوت ناعس ‪ :‬ايه يا ابيه انت كنت فين‬ ‫ماجد مبتسما انت اللى فين يا بنى معدتش عليا الفجر ليه؟‬ ‫مهند ‪ :‬والله يا ابيه عديت ورنيت الجرس ‪ 3‬مرات ومحدش رد‬ ‫حتى اتصلت بيك وبرده مش رديت‬ ‫ماجد ‪ :‬معلش يا مهند هو انا فعلا تعبان ومرهق جدا من امبارح عشان‬ ‫كد محستش‬ ‫بس ازاى ماما محستش بيك!‬ ‫انت متأكد ان الجرس رن معاك ولا يمكن مش شغال اصلا‬ ‫مهند‪:‬لا يا ابيه كان شغال انا سمعت النغمه كويس‬ ‫ماجد باستغراب ‪ :‬دى اول مرة ماما يروح عليها نومه كده‬ ‫مهند ‪ :‬مش عارف بقى يا ابيه يمكن طنط مرهقه ولا حاجه‬ ‫ماجد وقد اصابه القلق ‪:‬طيب يا مهند كمل انت نومك هكلمك بعدين يا‬ ‫بطل‬ ‫مهند ‪ :‬تمام يا ابيه‬ ‫خرج من غرفته سريعا متجها الى غرفه والدته‬ ‫لم يلق اى جواب فازداد القلق لديه فوالدته تجيبه دائما من الوهله‬ ‫الاولى حتى وان كانت نائمه فهى من النوع الذى يوقظه مجرد صوت‬ ‫الاقدام بجانبها‬

‫بدون تفكير فتح ماجد باب الغرفه بسرعه ليجد فوقيه ممده ارضا دون‬ ‫حراك‬ ‫ظل متسمرا مكانه وكأن عقله قد توقف عن التفكير بل وكأن العالم‬ ‫كاملا من حوله قد توقف عن الدوران‬ ‫فى البدايه لم يقوى على التحرك تجاهها بل جلس مكانه ارضا يناديها‬ ‫بصوت مرتجف ‪ :‬ماما‪ .......‬ردى عليا يا ماما الله يكرمك بلاش هزار‬ ‫‪.............‬يا ماما ردى عليا‬ ‫لم يدرى لم الان بالذات تذكر وجه منار الخائف وقت ان كانت اختها‬ ‫ممده على الارض كما هى والدته الان‬ ‫اقترب منها زاحفا على ركبتيه وبيد مرتعده مد ادار وجهها اليه ليفاجئ‬ ‫بالدماء تحيط فمها‬ ‫ارتد للوراء بذعر شديد محتضا يده التى لامستها وكأن افعى لثمت يده‬ ‫للتو‬ ‫ارتجف جسده بالكامل بينما اخرج هاتفه متصلا بعماد الذى ما ان سمح‬ ‫بفتح الاتصال من جهته حتى تقدم ماجد الحوار ‪ :‬الحقنى يا عماد ماما‬ ‫مرميه على الارض مبتتحركش‬ ‫عماد فزعا ‪ :‬بتقول ايه يا ماجد ؟ انت فى البت طيب؟‬ ‫ماجد بصوت مرتجف وهو يهز راسه باليه ‪:‬ايوة‬ ‫عماد بسرعه ‪:‬حالا هبقى عندك حالا‬ ‫لم يدرى ماجد كم مر من الوقت وهو قابع مكانه ينظر لوالدته برعب‬

‫كان ينظر لها فقط دون ان يتحرك من مكانه وكأن عقله يرفض ترجمه‬ ‫الصورة التى تراها عينيه‬ ‫اجفل على الدق المستمر على بابه وكذلك قرع الجرس فقام مسرعا يفتح‬ ‫الباب متخبطا فى اثاث البيت وهو فى حاله بين الوعى واللا وعى‬ ‫ما ان فتح الباب حتى بادرة فؤاد بالسؤال ‪ :‬هى فين يا ماجد‬ ‫كان ماجد ينظر لهم وكأنه لا يراهم فلم يعد فؤاد السؤال مرة اخرى بل‬ ‫دفعه بنفاذ صبر واتجه للداخل بسرعه معطيا اوامرة للمسعفين الذين‬ ‫يرافقانه بالانتظار خارجا وكذلك طلب من عماد مرافقته للداخل ليبحثوا‬ ‫عن مكانها‬ ‫ظل ماجد واقفا مكانه وهو يسمع صوت عماد الاتى من غرفه والدته‬ ‫يخبرهم بمكانها وما لبث ان اذن فؤاد لمرافقيه بالدخول الذين مرا من‬ ‫امامه بعد دقائق حاملين والدته على ما يسمى \"التورلى \"يرافقهم فؤاد‬ ‫بينما وقف عماد بجانبه يدفعه حاثا اياه على الدخول لتبديل ملابسه‬ ‫واللحاق بهم‬ ‫عماد باشفاق ‪ :‬يلا يا بنى غير هدومك بسرعه عشان نروح وراهم‬ ‫ماجد ‪ :‬نروح وراهم فين؟‬ ‫اجفل عماد لرد ماجد الغريب وما لبث ان تفهم حاله الصدمه التى يمر‬ ‫بها صديقه حتى جذبه الى الداخل دون حرف واحد مساعدا اياه على‬ ‫تبديل ملابسه بينما كان ماجد مستسلما له كطفل صغير‬ ‫ما ان انتهى عماد حتى نظر الى وجه ماجد باسى ‪ :‬يلا بينا‬

‫ماجد بنفس الاليه ‪:‬على فين؟‬ ‫لم يجد عماد بدا من صفعه صفعه قويه اوقعته ارضا وهو يصرخ به‬ ‫بقوة ‪ :‬ما تفوق بقى يا بنى ادم‪ ...‬فوووووق يا اخى وخلينا نلحقها فى‬ ‫المستشفى‪ ........‬فوق‬ ‫ماجد باكيا دون حيله وهو جالس ارضا يضم ركبتيه الى صدرة وهو‬ ‫يمسك راسه بكلتا يديه وكأنه يمنعها من الانفجار ‪:‬امى هتروح منى يا‬ ‫عماد‪ ..............‬ماما هتروح منى‪ ................‬انا مش فاهم حاجه‬ ‫ومش عارف ايه اللى بيحصل‬ ‫امسكه عماد من ياقه قميصه مرغما اياه على الوقوف ثم جرة بيد واحده‬ ‫الى الخارج دون حرف واحد‬ ‫بقى ماجد بسياره عماد حيث قادها الى المشفى الذى يعمل به فؤاد يردد‬ ‫الاستغفار والادعيه وكأنه بدأ يعود الى رشده نوعا ما‬ ‫يحاول ان يقنع نفسه بان الامر ليس خطيرا لكن ما ان يتذكر منظر‬ ‫الدماء حول فمها حتى يهوى قلبه فى اضلعه ولا يسطيع سوى ترديد ‪ :‬يا‬ ‫رب‬ ‫ما ان صف عماد السيارة تحديدا حتى ترجل ماجد راكضا الى الداخل‬ ‫بينما حادث عماد فؤاد بسرعه ليعلم مكانه تحديدا ثم لحق بماجد الى‬ ‫الداخل ليجده يقف عند قسم الاستعلامات يحاول ايجاد العبارات‬ ‫المناسبه للسؤال‬ ‫جذبه عماد بسرعه متهجا الى المصعد ‪ :‬تعالى معايا يا ماجد انا عارف‬ ‫هما فين‬

‫صعد كلاهما الى المكان المطلوب ليخرجا بحثا عن فؤاد الذى وقف‬ ‫بانتظارهما قرب المصعد‬ ‫ما ان راه ماجد حتى بادرة بالسؤال ‪ :‬مالها امى يا فؤاد انطق‬ ‫فؤاد ناظرا لعماد بتردد ‪ :‬تعالى يا ماجد معايا‬ ‫ماجد ‪ :‬مش قبل ما اشوف امى الاول‬ ‫فؤاد بنظرة ثاقبه ‪:‬مش هينفع دلوقتى‬ ‫ماجد بعناد ‪:‬لا دلوقتى‬ ‫عماد متدخلا ‪ :‬اهدى بس يا ماجد اما نعرف فيه ايه الاول‬ ‫ماجد ناظرا لكلاهما بعدم اقتناع ‪ :‬امى مالها يا فؤاد‬ ‫فؤاد بهدوء ‪:‬تعالى معايا يا ماجد مكتبى نتكلم‬ ‫نظر ماجد الى عماد بتردد ليشجعه بدورة على الذهاب‬ ‫‪.....................................................................................‬‬ ‫‪.‬‬ ‫ماجد فزعا ‪ :‬لا حول ولا قوة الا بالله‬ ‫اللهم اجرنى فى مصيبتى‪ ........‬اللهم اجرنى فى مصيبتى‬ ‫فؤاد ‪:‬انا اسف يا ماجد بس انت عارف ان المؤمن مبتلى وطنط الحمد لله‬ ‫ربنا يثبتها صابره على الابتلاء‬ ‫ماجد بصوت مهزوز ‪ :‬سرطان فى الكبد!‬

‫فؤاد باسف ‪:‬بص يا ماجد‬ ‫انا مش هخبى عنك حاجه المرحله دى فى المرض خطيره جدا‬ ‫قبل كده كنت ممكن اقولك ممكن نشيله بعمليه بس الواضح اننا خلاص‬ ‫تخطينا المرحله دى‬ ‫الورم انتشر فى اغلبيه خلايا الكبد والحل ده مبقاش ينفع‬ ‫ماجد منتفضا ‪:‬يعنى ايه يا فؤاد ؟ امى خلاص راحت‪ .....‬مفيش حل‬ ‫فؤاد متنهدا ‪ :‬فيه‪ ........‬بس صعب شويه ونسبه نجاحه مش مضمونه‬ ‫ماجد بلهفه ‪ :‬الحقنى بيه‬ ‫فؤاد ‪ :‬زراعه كبد وافضل تبقى فى المانيا‬ ‫ماجد دون تفكير ‪ :‬موافق ‪ .‬من بكرة تبقى فى المانيا‬ ‫فؤاد ‪ :‬استهدى بالله بس يا ماجد‬ ‫لازم حالتها الصحيه تبقى مجهزة للسفر ودلوقتى مش هينفع‬ ‫نظر لعماد وكأنه يستمد منه القوة ثم اردف ‪ :‬دلوقتى الوضع مش مستقر‬ ‫ماجد ‪ :‬يعنى ايه مش فاهم‬ ‫فؤاد ‪:‬حاليا احنا فى مرحله تشبه نوعا ما الغيبوبه بس ان شاء الله مش‬ ‫هتطول هتفوق منها قريب‬ ‫اول ما حالتها تستقر هديك الاوكيه علطول وانت تبقى مجهز كل حاجه‬ ‫ونتوكل على الله علطول‬

‫تنهد ماجد بقله حيله بينما وضع عماد يده على ركبته مؤازرا له ‪:‬‬ ‫متشلش هم يا ماجد سيبلى كل حاجه انا هخلصلك كل الورق ده ان شاء‬ ‫الله متقلقلش‬ ‫ماجد فجأه ‪ :‬اتصرف يا فؤاد عايز اشوفها‬ ‫‪.....................................................................................‬‬ ‫‪.....................................‬‬ ‫فى الصباح الباكر ارتدت منار ملابسها واستاذنت والدتها فى الذهاب‬ ‫خفيه الى مدرستها للحصول على النتيجه لتفاجئ الجميع بذلك‬ ‫ما ان خرجت من المصعد حتى قابلها بواب البنايه بلهفه‬ ‫عم محمد ‪ :‬الست فوقيه بجت كيفيها يا ست منار؟‬ ‫منار بعدم فهم‪ :‬الحمد لله يا عم محمد‬ ‫عم محمد ‪:‬انا واعتلهم شايلنها جلت دى حالتها باينلها صعبه جوى يا‬ ‫ست منار‬ ‫ينوبك ثواب تطمينينا عليها دى الست فوجيه ست كومل ومفشفناش منها‬ ‫غير كل خير‬ ‫منار محاوله الاستيعاب ‪ :‬استنى استنى يا عم محمد كده‬ ‫انت بتقول مين اللى تعبان ومين شال مين ؟‬ ‫عم محمد‪ :‬لهو انتى متعرفيش يا ست منار ان الست فوقيه نقلوها‬ ‫المستشفى من ساعه اكده‬

‫منار بسرعه ‪ :‬مستشفى ايه يا عم محمد‬ ‫عم محمد ‪ :‬مش عارف والله يا ست‪ ..‬انا فكرتك دريانه بس الباشمهندس‬ ‫عماد والداكتور فؤاد كانوا معاهم‬ ‫منار وهى تخرج هاتفها متصله بماجد ‪ :‬لحظه يا عم محمد كده‬ ‫لم تجد اى ردا من ماجد فهو بالاصل قد ترك هاتفه ارضا منذ اتصل‬ ‫بعماد فاتصلت بسها لتعلمها بدورها عن مكانهم كما اخبرها زوجها كما‬ ‫اخبرت منار بالخبر المؤسف عن مرض فوقيه‬ ‫اخرجت منار وريقه صغيرة من حقيبه يدها وكتبت بها اسم المشفى‬ ‫وعنوانها كما اخبرتها سها واعطتها بسرعه لبواب البنايه وهى تتجه‬ ‫مشيرة لاول سياره اجرة تمر من امامها ‪:‬عم محمد طلع الورقه دى‬ ‫لماما وقولها عاللى حصل وخليها تحصلنى عالعنوان ده عشان موبايلى‬ ‫هيفصل شحن‬ ‫عم محمد وهو يفتح لها باب السياره ‪ :‬من عنينا يا ست منار وابجى‬ ‫طمنينا عالست فوقيه الله يسترك‬ ‫‪.....................................................................................‬‬ ‫‪..................‬‬ ‫وصلت منار للطابق الذى يقبع به غرفه فوقيه كما اخبروها فى‬ ‫الاستعلامات لتجد عماد يجلس باحد المقاعد فى الخارج‬ ‫وركضا اتجهت منار اليه وبلهفه سالته قبل ان تصل اليه ‪ :‬استاذ عماد‬ ‫ماجد فين؟‬

‫عماد وقد قام من مجلسه فور رؤيته لها مندهشا ‪:‬انسه منار انتى‬ ‫وصلتى ازاى هنا‬ ‫منار وهى تجاهد دموعها وبأنفاس متقطعه ‪ :‬مش مهم دلوقتى المهم‬ ‫طنط عامله ايه ؟ وماجد فين؟‬ ‫عماد وهو يومئ براسه للغرفه المقابله ‪:‬ماما فوقيه فى الاوضه دى‬ ‫وماجد معاها جوة‬ ‫منار وهى تنظر نحو الباب بأسى ‪:‬ممكن ادخل؟‬ ‫عماد ‪ :‬يا ريت يا انسه منار ماجد فعلا محتاجك جنبه دلوقتى‬ ‫بخطى بطيئه لكن واثقه اتجهت منار لباب الغرفه وفتحته دون ان‬ ‫تطرقه بهدوء لتجد ماجد يقف عند نهايه سرير والدته ينظر لها بالم وقد‬ ‫تحجرت الدموع بعينيه‬ ‫ما ان راته حتى انتفض قلبها الما على رؤيا حبيبها بهذة الحال وكذلك‬ ‫على رؤيه فوقيه هكذا ممده دون حراك‬ ‫تقدمت اكثر للداخل واغلقت البا خلفها متعمده اصدار صوت ليلتفت لها‬ ‫ماجد بدورة‬ ‫تسمر مكانه ناظرا اليها وقد اغرورقت عيناه بالدموع وكأنه يستنجدها‬ ‫ويستغيث بها لتبثه طمأنينه تقيه من هذا الالم الذى الم به‬ ‫دون كلمه واحده اتجت منار الى حيث وقف وبدورها وقفت على‬ ‫اطراف اصابع قدمها الصغيرة لتطوق رقبه ماجد بزراعيها ضامه‬ ‫اياه اليها‬

‫وكطفل صغير يبكى فى حضن امه تمسك بها ماجد بقوة واخذ يبكى‬ ‫بمراره بين زراعيها بينما منار لم تستطع سوى ان تشاركه البكاء رغما‬ ‫عنها‬ ‫لم يدر ايا منهما كم بقيا على هذة الحال لكن ماجد افضى اليها بكل ما‬ ‫يملكه من الالم وسط بكائه حتى ازاحته منار بلطف لتمسح دموع عينيه‬ ‫بكفيها بينما ابتلعت هى ايضا ريقها محاوله الكف عن البكاء ليخرج‬ ‫صوتها الباكى ‪ :‬مش هتروح يا ماجد صدقنى ‪ .‬ربنا مش هيسيبك‬ ‫ماجد باكياوهو يهز راسه بين كفيها ‪ :‬مش قادر يا منار‪...........‬هموت‬ ‫من الخوف ليجرلها حاجه‪ ..........‬مرعوووووووووووب‬ ‫ضمته اليها منار ثانيه ولكن بقوة اكبر وهى تهز راسها شاهقه ‪ :‬لا يا‬ ‫ماجد لا‪ ..........‬اوعى تخاف‪ ........‬خلى ايمانك بربنا كبير‬ ‫محنه هتعدى‪ ........‬صدقنى هتعدى‬ ‫ماجد ضاما اياها بقوه ‪ :‬خليكى جنبى يا منار‪ ...........‬وجودك بيريحنى‬ ‫وقبل ان تجيب منار سمع كلاهما طرقا على الباب‬ ‫ابعدها ماجد هذة المرة بسرعه وبرفق بينما حاول كلاهما مسح دموعه‬ ‫ليأذن ماجد للطارق بالدخول‬ ‫دخل عماد متنحنحا ليخبرة بأن سها ووالديها قد قدما بالخارج‬ ‫نظر ماجد لمنار وقبل ان يتكلم فهمت منار ما اراده‬ ‫منار بلطف‪ :‬اخرج لضيوفك وانا هفضل جنب ماما متقلقش‬

‫ماجد ببسمه جانبيه وهو يخرج خلف عماد‪:‬ربنا يخليكى ليا‬ ‫خرج ماجد وعماد ليقابلا هشام بينما اتجهت سها ووالدتها علا للداخل‬ ‫للاطمئنان على فوقيه‬ ‫بعد فترة وجيزة كانت نفين تسير بالكوريدور بسرعه اقرب الى الركض‬ ‫بينما امتلئت عينيها بالدموع حتى كادت تصطدم باكثر من شخص‬ ‫وبرفقتها مهند ومى‬ ‫ما ان رات ماجد حتى اتجهت اليه بسرعه تحتضنه كأم حنون محاوله‬ ‫منها ان تواسى نفسها قبل مواساته‬ ‫ماجد محاولا التماسك وهو يربت على كتف نفين‪ :‬خير يا ماما ان شاء‬ ‫الله خير‬ ‫نفين باكيه ‪ :‬كل اللى يجى من عند ربنا خير‪ ...............‬اللهم لا‬ ‫اعتراض‬ ‫قولى يا ماجد هى فين الله يكرمك اشوفها بس واطمن عليها‬ ‫ماجد مشيرا الى الغرفه ‪ :‬اتفضلى يا ماما هنا منار ومدام سها وطنط‬ ‫علا جوه معاها‬ ‫بس‪.................‬‬ ‫نفين بقلق وبكاء ‪ :‬بس ايه يا ماجد ؟ قول يا بنى الله يهديك متوقعش قلبى‬ ‫اكتر من كده‬ ‫ماجد زاما شفتيه ‪ :‬ماما مش فى وعيها دلوقتى‪ ...............‬دخلت فى‬ ‫غيبوبه‬

‫لم تستطع قدما نفين ان تحملانها اكثر فارتمت الى اقرب كرسى وقد‬ ‫اسرع ماجد ومهند لالتقاطها‬ ‫نفين باكيه ‪ :‬يا حبيبتى يا فوقيه‪ ..............‬كل ده كنتى شايلاه لوحدك‬ ‫ليه بس ؟‬ ‫مى ‪ :‬ماما الله يخليكى مينفعش كده‪ .............‬اجمدى شويه يا ماما بالله‬ ‫نفين معتدله ‪ :‬انا هدخلها‪ .............‬لازم اشوفها عشان قلبى يرتاح‬ ‫دخلت نفين برفقه مى للداخل بينما بقى مهند بجانب الباقين فى الخارج‬ ‫جلس بجانب ماجد ليمسك بيده‬ ‫التفت اليه ماجد ليقابله مهند بالابتسامه ‪ :‬انت راجل يا ابيه وقدها وربنا‬ ‫هيعينك عشان انت قريب منه‬ ‫مش انت اللى كنت ديما بتقولى كده لما كنت بخاف من الشله اياها؟‬ ‫ماجد مبتسما وهو يلف زراعه حول مهند بصبيانيه ‪ :‬كبرت يا مهند‬ ‫وبقيت راجل‬ ‫بينما فى الداخل اتجهت نفين الى حيث فوقيه وجلست بجوارها على‬ ‫السرير ممسكه بيدها تقبلها‬ ‫وتقبل راسها بحنان مما جعل الدمع يتدفق الى اعين الباقين‬ ‫تقدمت علا محاوله ابعادها ولكنها ابت ‪ :‬سيبنى يا علا بالله مش هقدر‬ ‫اسيبها‬

‫علا ‪ :‬عشان خاطرى يا نفين متعمليش كده ‪ .‬امسكى نفسك شويه عالاقل‬ ‫عشان خاطر ماجد دة يا حبيبى صالب طوله بالعافيه‬ ‫نفين باكيه ‪ :‬قومى يا فوقيه‪ .............‬انا مليش اخت غيرك‬ ‫‪...........‬مش هقدر على خسارتك يا فوقيه قومى لو ليا خاطر عندك‬ ‫علا ‪ :‬يا نفين مش انا اللى هقولك الكلام ده‪ ..............‬سبيها على الله‬ ‫اللى انتى بتعمليه ده غلط‬ ‫ارتمت نفين بحضن علا باكيه ‪:‬مش قادرة يا علا غصب عنى والله‬ ‫انا ملياش اخت غيرها هى اللى عوضتنى غربتى ووحدتى يا علا‬ ‫مش قادرة اشوفها كده‬ ‫اخذت علا تربت على ظهر نفين مواسيه بينما وقفت الفتيات معا‬ ‫يحاولن ايقاف سيل الدمع الذى غزا اعينهن‬ ‫وفجأه اجفل الجميع على همهمات فوقيه التى من الواضح انها قد بدأت‬ ‫فى الاستفاقه اخيرا‬ ‫دون حرف واحد اتجهت منار ركضا الى الخارج لتخبر ماجد بفرحه‬ ‫عارمه عن استيقاظ فوقيه‬ ‫بدون وعى هلع ماجد وعماد ومهند الى الداخل اما هشام فقد التزم مكانه‬ ‫متمتما \" الحمد لله\"‬ ‫اخذ ماجد بتقبيل يد فوقيه وراسها مرارا وتكرارا مرددا \" الحمد لله على‬ ‫السلامه يا امى\"‬

‫بينما ازاحه عماد بعد مده بفرح ‪ :‬وسع يا جدع انت اطمن على امى هى‬ ‫امك لوحدك‬ ‫ماجد دافعا اياه ‪:‬لا بقولك ايه احترم نفسك بقى دى امى انا لوحدى‬ ‫عماد مداعبا ‪ :‬لا يا حبيبى انا ابنها الحقيقى وانت متشرد لاقينك على‬ ‫باب جامع‬ ‫ماجد ‪ :‬يلا يالا من هنا بدل ما ابطحك‬ ‫هكذا ظل الصديقان يتجادلان كالعاده راسمين البسمه على وجوه الجميع‬ ‫وخاصه فوقيه التى اعلنت استسلامها عن خوض المعركه معهما هذه‬ ‫المرة‬ ‫فى اليوم التالى كانت فوقيه قد استعادت بعضا من عافيتها التى مكنتها‬ ‫من الجلوس والقليل من الحركه‬ ‫اصرت نفين على البقاء معها والاعتناء بها مع ماجد بينما قضى‬ ‫الجميع ليلتهم ببيوتهم الا ان سها ومنار عادتا معا فى صباح اليوم‬ ‫التالى‬ ‫نفين ‪ :‬ايه بنات اللى جايبكم بدرى كده وانتى يا سها فين بنتك يا حبيبتى‬ ‫سها ‪ :‬بنتى عند ماما يا طنط متقلقيش‬ ‫منار جالسه بجانب فوقيه مرتميه بحضنها ‪ :‬وانا محشش يقدر يمنعنى‬ ‫عن ماماتى حبيبتى‬ ‫فوقيه محتضنه اياها بحب ‪ :‬احلى بنوته مامتها فى الدنيا‬

‫ماجد بغيره صبيانيه ‪ :‬هو انا اخلص من تناحه عماد\"\" لامؤاخذة يا مدام‬ ‫سها \"\" تطلعيلى انتى يا قرده‬ ‫عماد ظاهرا راسه فقط من خلف الباب وهو مغمض العينين ‪ :‬انا تنح يا‬ ‫ارزل خلق الله‬ ‫السلام عليكم الاول واللى خالع راسه يلبسها بلاش افلام الرعب دى‬ ‫سها ‪ :‬هههههه ادخل يا عماد مفيش حد خالع راسه‬ ‫عماد ‪ :‬هاهاهاهاها ما انا عرف يا نبيهه الباب اصلا كان مفتوح ايه‬ ‫الذكاء اللى انتى فيه ده‬ ‫فوقيه‪:‬انت يا واد يا اللى اسمك عماد متزعلش سها بدل ما اقوملك‬ ‫عماد وهو يلوى زراع سها للخلف لتصدر هى تاوها بسيطا ‪ :‬بس كده‬ ‫هو ده اللى هيقومك يعنى يا امى‬ ‫فداك سها وام سها كمان‬ ‫ضحك الجميع لتراهته بينما ضربته سها على صدرة بخفه‪:‬احترم نفسك‬ ‫عماد هامسا ‪ :‬معلش اصل امك دى حبيبتشى تلاته واربعين حبيبتشى‬ ‫سها بنفس الهمس ‪ :‬شمعنه بقى تلاته واربعين‬ ‫عماد مستعدا للهرب خلف ماجد ‪ :‬اصلهم اخواتك‬ ‫ما ان فهمت سها ما يعنيه عماد حتى وجدته قد التصق بماجد ختى لا‬ ‫تستطيع الوصول اليه فاكتفت بالاشارة اليه تتوعده‬

‫رن هاتف ماجد لتتسع عينا فوقيه بعد كلمات ماجد الموجهه لمنار ‪:‬دة‬ ‫باباكى يا مينو‬ ‫‪.....................................................................................‬‬ ‫‪....‬‬ ‫نهايه الفصل الثامن والعشرون‬ ‫الفصل التاسع والعشرون‬ ‫كانت زراعى فوقيه تحيطا منار بحب وحنان نابع من قلبها حين صوب‬ ‫ماجد نظره لها قبل ان يجيب على هاتفه‪ :‬دة باباكى يا مينو‬ ‫وكأن فوقيه كانت قد نسيت للتو من هى منار او بالاحرى ابنه من هى‬ ‫وحين تذكرت سحبت زراعيها اللتا تحيطان منار سريعا وقد تبدلت‬ ‫معالم وجهها للغضب‬ ‫حتى هى لم تعلم مما هى غاضبه ‪.‬‬ ‫لم تعلم اكان غضبها ممن حولها ام من نفسها هى‬ ‫لاحظ الجميع رد فعلها الغريب ولكن لم يفهم احدهم شيئا‬ ‫اثنين فقط من الحاضرين فهما جيدا تصرفها وان كان هذا التصرف قد‬ ‫اكد امرا لاحدهما وقد احتار فى تصديقه‬ ‫فاتجهت عيناه بسرعه الى الشخص الاخر لتنظر له علا بانعدام حيله‬ ‫يشوبه اللوم وكأن لسان حالها يقول ‪ :‬قلتلك من الاول مصدقتنيش‬

‫حاولت منار ان تتدارك الموقف الغريب التى وضعتها به فوقيه وقد‬ ‫تحولت انظار الجميع صوبهما حتى ماجد الذى احتار عندها فيما عليه‬ ‫ان يفعل ايجيب عن الهاتف ام يحاول الاستفسار عن سبب هذ التحول‬ ‫مناربابتسامه زائفه ومتوترة ‪ :‬رد يا ماجد دة اكيد بابا بيتصل عشان‬ ‫يطمن عليك وعلى ماما‬ ‫نفين باستغراب‪:‬وبابا عرف منين؟‬ ‫منار بابتسامه‪ :‬يا ماما انتى نستى تليفونك فى البيت امبارح فبابا لم‬ ‫اتصل بيكى اكتر من مرة رديت انا وحكيتله‬ ‫خدى بالك بقى لحسن شكله زعلان منك عشان سيبتى تليفونك فى البيت‬ ‫وقلقتيه‬ ‫ثم رمقت ماجد بنظرة جانبيه‪ :‬اكيد اكيد زعلان والحركه بتقلق وبتخوف‬ ‫عماد متدخلا ‪ :‬ايوة والنبى يست منار قوليلهم الا فى عالم بتبهدل بعد‬ ‫كده وهى بتدورلهم عالتليفونات عشان تجيبهالهم لحد هنا‬ ‫ماجد‪ :‬خلاص ‪.......‬خلصت وصله خالتى فتنه يا عماد؟‬ ‫ضحك الجميع بينما خرج ماجد ليجيب حماه بعد ان اتصل مرة اخرى‬ ‫ولم يكن ماجد قد اجابه فى المرة الاولى‬ ‫ماجد ‪ :‬السلام عليكم ورحمه الله‬ ‫عصام بوقار‪:‬وعليكم السلام ورحمه الله‬ ‫اذيك يا بنى عامل ايه؟ ووالدتك عامله ايه دلوقتى؟‬

‫ماجد ولم يستطع اخفاء نبرة الحزن من صوته‪:‬الحمد لله على كل حال‬ ‫‪....................‬ادعيلها ياعمى‬ ‫عصام‪ :‬اللهم اشفها شفاءا لا يغادر سقما‬ ‫ماجد‪:‬اللهم امين‬ ‫عصام بجديه‪:‬اسمع يابنى‪ ............‬منار قالتلى ان ليها عمليه ممكن‬ ‫تتعمل هنا فى المانيا‪ ...........‬الكلام ده مظبوط؟‬ ‫ماجد‪:‬ايوة يا عمى ان شاء الله اول ماصحتها تتحسن شويه وتوصل‬ ‫لمرحله معينه زى الدكاترة ما قالوا هسافر بيها المانيا علطول‬ ‫عصام‪:‬حلو اوى‪.............‬انا ليا صديق قديم جراح كبير فى مصر‬ ‫هخليه يرشحلى مستشفى هنا ودكتور كويس وباذن الله اول لما الدكاترة‬ ‫ياشروا هتبقى كل حاجه هنا جاهزة‬ ‫ماجد‪:‬ربنا يخليك يا عمى‪ ..........‬مش عايز اتعبك معايا‬ ‫عصام مؤنبا‪:‬لو سمعت الكلام الفارغ ده تانى هزعل منك‪ ............‬انت‬ ‫ابنى يا ماجد ووالدتك خلاص فى مقام اختى‬ ‫الكلام اللى انت قلته ده عيب ومش عايز اسمعه تانى مفهوم؟‬ ‫ماجد مبتسما‪ :‬حاضر يا عمى‬ ‫عصام بهدوء‪:‬معلش يا بنى انا حاسس بيك وعارف ان الفترة دى‬ ‫صعبه عليك بس لازم تجمد‬

‫والدتك هتستمد قوتها عشان تقاوم منك انت‪ ..............‬انا مريت زمان‬ ‫بنفس ظروفك وعارف انا بقولك ايه‬ ‫تجمعت الدموع فى عين ماجدرغما عنه ولكن منعها من النزول وهو‬ ‫يلتقط نفسا عميقا مجيبا عصام بثبات‪ :‬عندك حق ياعمى‪ .....‬ان شاء الله‬ ‫هتعدى الازمه دى على خير‪ ..............‬انا متاكد انه ربنا كريم‬ ‫عصام سعيدا بما سمعه من ماجد‪:‬ونعم بالله يا بنى‪...........‬مش محتاجه‬ ‫اى حاجه؟‬ ‫ماجد‪:‬تسلم يا عمى‬ ‫انهى ماجد محادثته ليلتفت ثايه الى حجرة والدته لكنه ما ان استدار حتى‬ ‫كاد يصطدم بمنار التى خرجت للتو خلفه‬ ‫ارتد خطوة للوراء وكذلك منار التى كتمت ضحكتها متذكرة يوم ان‬ ‫كادت تصطدم به عند باب المصعد ولم يغب ذلك عن ماجد ايضا فابتسم‬ ‫ابتسامه جانبيه‬ ‫ماجد‪ :‬انتى كنتى رايحه فين؟‬ ‫منار بخجل ‪:‬كنت جيالك اشوفك‬ ‫ماجد فجأه‪ :‬منار انتى عرفتى منين باللى حصل‬ ‫منار بتلقائيه‪:‬عم محمد البواب اللى قالى‬ ‫ماجد عاقدا حاجبيه‪:‬وعم محمد البواب شافك فين بدرى كده عشان‬ ‫يقولك‪ ..........‬هو اللى طلع خبط عليكم؟‬

‫منار نافيه‪:‬لالالا دة انا اللى قابلته على باب العمارة وانا خارجه‬ ‫ماجد بشراسه ‪:‬افندم‪........‬كنتى خارجه رايحه فين حضرتك الصبح‬ ‫كده ومن غير ما تقوليلى‬ ‫منار بتوتر وصوت مرتجف‪ :‬عادى كنت رايحه اجيب النتيجه‬ ‫ماجد محاولا السيطرة على صوته‪ :‬لا يا هانم يا محترمه مش عادى‬ ‫محدش قالك ان سيادتك متجوزة راجل مش قرطاس لب‬ ‫منار محاوله الدفاع واخبارة بانها ارادتها مفاجئه ‪ :‬والله يا ماجد‬ ‫‪...........‬‬ ‫لم يسمح لها ماجد بالكلام بل قاطعها بقوة قبل ان يذهب ‪:‬مش عايز‬ ‫كلام كتير‪ .............‬اول واخرمرة تحصل وتنزلى مكان من غير اذنى‬ ‫خلفها ماجد وراء ظهرة تتقاذف الدموع الى عينيها‬ ‫اسندت يدها الى الحائط وكانها تحمى نفسها من السقوط‬ ‫اجفلت على يد مى تسادنها وتاخذ بيدها الى اول مقعد قابلها‬ ‫مى بقلق‪:‬منار انتى كويسه‬ ‫هزت منار راسها لتتساقط الدوع بعيدا عن وجنتيها فاخذت مى بيدها‬ ‫ثانيه حاثه اياها على القيام‬ ‫مى‪ :‬قومى نطلع برة شويه‬ ‫سارت معها منار كالتائهه الى ان وصلتا الى احد المقاعد بالحديقه تحت‬ ‫ظل شجرة تتمايل اوراقها الكثيفه مع نسيم الصباح العليل‬

‫ما ان جلستا حتى بدات منار بالبكاء وهى تحكى لمى ما حدث من ماجد‬ ‫منذ دقائق وما ان انتهت حتى نظرت الى وجه اختها لتجد علامات‬ ‫الهدوء باديه عليه كالعاده بل وابتسامه ايضا‬ ‫مى بهدوء‪:‬بس كده يا ستى‪ .....‬هو ده اللى مزعلك اوى كده‬ ‫منار مستغربه وهى تمسح دموعها ببطن يدها‪:‬وهو اللى انا قلتهولك ده‬ ‫قليل‪ ..........‬ليه محسسانى انه عادى حتى لو ضربنى‬ ‫مى ‪ :‬قوليلى يا منار‪...........‬هو ماجد فى الطبيعى بتاعه بيعاتب‬ ‫بالاسلوب ده‬ ‫منار مفكرة‪:‬لا‪ ........‬ساعات بيتعصب بس مش كده‪ ............‬دى اول‬ ‫مرة يتكلم معايا بالطريقه دى‬ ‫مى وهى تمسك يد اختها ‪:‬بصى يا منار‪ ......‬ربنا سبحانه وتعالى بييقول‬ ‫\"وجعل لكم من انفسكم ازواجا لتسكنوا اليها وجعل بينكم موده ورحمه‬ ‫‪\" ..........‬صح؟‬ ‫يعنى الزوجه دى هى سكن زوجها‬ ‫هى ملجأ الطمأنينه والامان اللى لو الدنيا كلها حاربته مش بيلاقى غيرة‬ ‫يجرى عليه ويتحامه فيه‬ ‫هى اللى لازم تفهمه اكتر من نفسه‬ ‫الزوجه هى اللى تحسس زوجها بالامان لما يبقى خايف من حاجه‬ ‫هى اللى تستحمله فى حزنه قبل فرحه‬

‫مش تموت فيه ساعه الكلام الحلو واول ما يبقى تعبان تتنطط عليه‬ ‫فاهمانى يا منار انا عايزة اوصلك ايه؟‬ ‫منار مدافعه عن نفسها ‪ :‬والله يا مى مش بتنطط عليه ولا حاجه‬ ‫‪................‬انتى مشوفتيش كان بيكلمنى ازاى‬ ‫مى‪:‬لازم تفهمى زوجك يا منار‪ .............‬المفروض انه تعبان جدا‬ ‫دلوقتى‬ ‫وعلى فكرة معظم الرجاله كده‬ ‫كانها فطرة فيهم لما يتعبوا لازم يخرجوا كل الشحنات اللى جواهم فى‬ ‫اقرب الناس ليهم‬ ‫وكلنا نبصم بالمليون انك اقرب الناس لقلب ماجد‪ ...........‬انتى ما‬ ‫بتشوفيش نظراته ليكى بتبقى عامله ازاى كل ماعينه تقع عليكى‬ ‫وبرده سبحان الله فطر المراة انها تبقى حموله ديما عشان تبقى هى‬ ‫الملجأ والسكن‬ ‫اينعم فى ستات لا صله لهم بموضوع السكينه ده خالص بس مش‬ ‫عايزاكى تبقى منهم‬ ‫اوعى يا منار اوعى‬ ‫بصى لماما شوفى طول عمرها استحملت قد ايه مع بابا‪ ......‬غربته‬ ‫ووحدتها واحنا وفوق ده كله عصبيه بابا وطبعه الحامى اللى اخد وقت‬ ‫طويل عشان يغيرة‬

‫وشوفى بابا قد ايه بيحبها ومهما اتغرب بيرجعلها تانى وعمرة ما فكر‬ ‫يبص لغيرها‬ ‫عشان هى ديما كانت سكنه وملجأه فى اى شده وكانت ديما الاسفنجه‬ ‫اللى عمرها ما شبعت من الميه‬ ‫ديما بتمتص غضبه وتهديه من غير ما يحس‬ ‫اخذت نفسا عميقا ثم اضافت بمرح وهى تضع يدها على كتف منار التى‬ ‫سرحت بنظرها بعيدا تتامل كلمات مى‪ :‬عايزاكى تبقى اسفنجه ولا‬ ‫مراتب هايبر تكنو يا شفشق‬ ‫منار وهى تلتفت ناظرة الى اعين اختها بطمأنينه‪ :‬حاضر‬ ‫مى مبتسمه وهى تقف‪:‬يلا قومى بقى هاتيلى ميكس‬ ‫منار جاذبه اياها للجلوس مرة اخرى باصرار ‪:‬مش هتمشى غير لما‬ ‫تقوليلى ايه حكايه الميكس ده بالظبط‬ ‫‪.....................................................................................‬‬ ‫‪...........................‬‬ ‫بعد ان نفث ماجد عن بعض ما يعتمر بصدرة فى وجه منار تركها ذاهبا‬ ‫الى الحديقه الخلفيه بالمشفى حيث كانت فارغه فى ذلك الوقت من‬ ‫الصباح‬ ‫جعل يجوبها بعصبيه وهو يمرر يده على شعرة احيانا ويضعها حول‬ ‫خصرة احيانا اخرى وكأنه يحاول ان يتدارك تصرفاته اللا عقلانيه‬

‫تجاه منار فذلك الخطأ الصغير الذى قامت به لم يتطلب كل هذة العصبيه‬ ‫والتوبيخ‬ ‫انصهر قلبه بداخل اضلعه الما عندما تذكر تلك الدمعه الهاربه من‬ ‫جانب عينيها بينما مر بجوارها غاضبا‬ ‫لم يستطع ضبط نفسه فركل صندوق قمامه بجوارة بقوى ليوقعه ارضا‬ ‫بعنف محدثا ضجه عاليه التفت لها بعض المارة‬ ‫نظر حوله بنظرات اسف للمارة وكأنما خرج توا من متاهه الندم التى‬ ‫مر بها بينما الجميع نظر له باعين تتحدث معظمها كلمه واحده \" ‪:‬‬ ‫مجنون\"‬ ‫لم يتسطع التفسير او الاعتذار ولكنه فضل الركض الى حيث ترك منار‬ ‫حياته ليطلب صفحها ويشكى اليها جراحه بدلا من صب جم غضبه‬ ‫عليها‬ ‫بانفاس متقطعه فتح الغرفه فجأه لينظر له الجميع بشيئ من التساؤل‬ ‫بينما لم يقل سوى \" منار فين ؟‬ ‫ظهر فجأه وكأنه ظهر من العدم يبحث بين ثنايا الحديقه يقف امام اى‬ ‫مجلس لينظر بوجه الجالسين الا ان لمحها من بعيد تبكى بحرارة بينما‬ ‫تشكى لاختها ما يعتمر بصدرها‬ ‫االمه قلبه كثيرا لرؤيا الدموع فى عينيها‬ ‫اراد الهرب بعيدا كى لا يراى منار حياته على هذة الحاله‬ ‫لكن وعده لها اوقفه عن ذلك فقد تذكر وعده لها بان يمسح دموعها دائما‬ ‫وابدا‬

‫وقف بعيدا يتاملها بينما هى تهدأ وتستمع الى كلمات مى وتتغير تعابير‬ ‫وجهها شيئا فشيئا‬ ‫ودون وعى اقترب من الخلف قليلا ليستمع الى كلمات مى وتتسع‬ ‫ابتسامته لتلك الاخت العاقله بعكس ما يظنه الاخرون عنها وقت المرح‬ ‫فمن يرى مى وهى تلهو وتمرح بصبيانيه لن يعتقد ابدا انها قد تحل‬ ‫مواقف كهذة بتلك البساطه والعقلانيه‬ ‫هم بالاقتراب لكنه وقف دون حراك بينما منار تحث مى على اخبارها‬ ‫بامر ما ربما هو سر بينهما‬ ‫لم يفهم شيئا عن الحوار الدائر بينهما عن اللبن ولكنه تردد فى الخطا‬ ‫للوارء ام للامام‬ ‫لم يدرى ماذا يفعل ايذهب ثم يعاود البحث عن منار ام يقاطع حديث‬ ‫الشقيقتين ام ان عليه الانتظار فقط مكانه‬ ‫بعد ثوان ثبتت خطواته ونصب كامل اهتمامه على ما ترويه مى‬ ‫فى احد احياء الأسكندرية العريقه ‪...‬إحدى تلك الاحياء الشعبية البسيطة‬ ‫اللتى ينتمى إليها اغلبية سكان المحافظة ‪...‬وفى إحدى العمارات السكنية‬ ‫اللتى تآكلت خرسانتها من الخارج بسبب هواء البحر تسللت فتاة‬ ‫صغيرة ربما هى فى الخامسة من شقتها إلى الشارع لتلعب مع هؤلاء‬ ‫الأولاد اللذين كانت تراهم دائما من شرفه شقتهم الضيقة دون ان تسمح‬ ‫لها والدتها بالمشاركة إلا انها إتخذت قرارها بالنهاية لتنفيذ خطة للعب‬ ‫معهم‬

‫إتجهت اليهم بخطوات متحمسة وفرحة وبطفولية سألتهم بالمشاركه فى‬ ‫اللعب‬ ‫كانو اولادا أصغرهم ربما كان يكبرها بثلاث سنوات فنظرو لها‬ ‫بإستهتار وسخرية مطالبينها بالعودة‬ ‫لم ترضخ الفتاة لطللبهم بل ظلت تلح عليهم طلبها ‪.....‬إبتسم احد الفتية‬ ‫وهو يغمز لأصدقائه ليخبرها بموافقتهم شرط ان تؤدى الدور اللذى‬ ‫يطلبونه منها وقد فرحت الفتاة كثيرا لذلك ووافقت دون تردد‬ ‫بعد دقائق معدودة كانت الفتاة تقف بدور حارس المرمى أما حائط‬ ‫إحدى البنايات وقد قررو تسديد الركلات إلى حيث تقف طالبين منها أن‬ ‫تقوم بصدها‬ ‫وتوالت الركلات اللتى صدت معظمها من جانب الفتاة لكن بواسطة‬ ‫جسدها الهزيل وقد كانت الفتاة عنيدة لدرجة جعلتها تقف ثانية بعد كل‬ ‫ركلة مطالبة بالمزيد ولكنها لم تستطع التحكم فى دموع عينيها اللتى‬ ‫كانت تهطل الما‬ ‫فجاة توقف توالى الركلات بينما هى ملقاة ارضا تحاول الوقوف ثانية‬ ‫وهى مغمضة العينين إثر الألم‬ ‫ببطء فتحت عينيها ذات الأهداب الطويلة لتجد ان هناك فتى طويل‬ ‫القامة يقف متصدياللركلات فاتحا ذراعيه على مصرعيهما مطالبا‬ ‫الفتية بالتوقف‬