هل سأعود اليك يا من كنت حبيبى ؟!

‫لم يعلم عماد متى ولا كيف اخرج هاتفه من جيبه‬ ‫وضغط الازرار ليأتيه صوت ملاكه الحنون فى‬ ‫الهاتف‬ ‫ملاك ‪:‬السلام عليكم ورحمه الله‬ ‫عماد‪:..............................‬‬ ‫ملاك ‪:‬عماد انت معايا‬ ‫عماد بصوت اجش ‪ :‬معاكى‬ ‫صمتت ملاك قليلا وقد شعرت بحزن زوجها فانقبض‬ ‫قلبها بشده اسا عليه فاتاه صوتها الحنون ‪ :‬يااااااااااااااااة‬ ‫هو الوضع وحش اوى كدة؟‬ ‫عماد‪ :‬اوى اوى‪ ........‬انا حاسس ان انا ضايع ‪......‬‬ ‫مش عارف اتصرف ولا عارف افكر‬ ‫ملاك بهدوء‪ :‬مين قال كدة ؟ طول ما انت متوكل على‬ ‫ربك كل حاجه هتهون‪ .............‬هتعرف تفكر‬ ‫وتتصرف وتعدى باخوك الازمه‬

‫عماد ‪ :‬المرة دى صعبه عليا اوى‪ ...........‬طول عمرة‬ ‫جنبى وبنعدى ازماتنا سوا‪ ............‬اول مرة احس انا‬ ‫عاجز كدة ومش عارف اعمله حاجه ولا حاجه‬ ‫ملاك ‪ :‬عشان الشيطان اللى سولك كدة عشان يخليك‬ ‫تيأس من رحمه ربنا مش كدة؟‬ ‫عماد وقد قام يجوب الغرفه بعصبيه ‪ :‬لا مش كدة‪ ...‬انا‬ ‫فعلا عاجز دلوقتى‪ ........‬قوليلى فى ايدى ايه اعمله؟‬ ‫ملاك بنفس الحنان والهدوء‪:‬فى ايدك كتير تعمله‬ ‫‪...........‬فى ايدك تروح اقرب مسجد تقيم الليل عشان‬ ‫تطلب من ربنا ينجيه‪ ............‬فى ايدك تطلع اكبر‬ ‫مبلغ صدقه تقدر عليه عشان ربنا يقومه بالسلامه‬ ‫‪........‬هو مش الرسول صلى الله عليه وسلم قال‬ ‫((داووا مرضاكم بالصدقه))‬ ‫فى ايدك تعمل اللى عليك وتجيب اكبر دكاترة فى البلد‬ ‫دة طبعا بعد ما تتوكل على الله‬

‫اخذت نفسا عميقا ثم اردفت‪ :‬تحب اقولك حاجات تانيه‬ ‫تقدر تعملها ولا كفايه عليك دول انهاردة؟‬ ‫عماد وقد حمد الله فى قلبه كثيرا على هذة الزوجه‬ ‫الصالحه ونورت ابتسامه الرضا وجهه ‪:‬هبدأ‬ ‫بالمسجد‪ .......‬ممكن بقى تقفلى عشان انتى معطلانى‬ ‫عن الواجب بتاع انهاردة‬ ‫ملاك بابتسامه وصل طيفها لعماد وكأنها تتراى‬ ‫امامه‪:‬حاضر‪ ............‬انا كمان هعمل معاك الواجب‬ ‫بتاع انهاردة وهدعى ربنا يريح قلبك ويصبرك‬ ‫صمتت برهه ثم تابعت بمرح‪:..‬يلا روح دور على‬ ‫مسجد المستشفى واوعى تتوة‬ ‫عماد بحنان‪ :‬حاضر‪ ...........‬فى رعايه الله‪ ......‬مع‬ ‫السلامه يا ملاكى‬ ‫‪...................................................‬‬ ‫طرق مهند غرفه اختيه ليأتيه صوت مى سامحه له‬ ‫بالدخول‬

‫دخل ليرى الدموع فى عين منار التى مازالت تهطل‬ ‫فى صمت وكأنها اقسمت عليها ان لا تجف‬ ‫حاول اضفاء روح من المرح‪:‬ايه يا بت انتى وهيه اللى‬ ‫مصحيكو لحد دلوقتى‪ ..........‬يلا اتخمدى منك ليها‬ ‫معندناش بنات تسهر بعد نص الليل‬ ‫نظر الى اختيه ليدرك ان مزحته باءت بالفشل الزريع‬ ‫فحال منار لم تتغير بالمرة بينما نظرت له مى بعتاب‬ ‫وكانها تقول له‪:‬دة وقت هزار دة؟؟‬ ‫اقترب مهند من منار وجلس مقابلا لها على طرف‬ ‫فراشها‬ ‫حاول ان يتكلم لكن منار سبقته بالارتماء فى حضنه‬ ‫واخذت تتحدث وتبكى فى ان واحد‪ .‬تبث اخيها حزنها‬ ‫علها ترتاح قليلا ‪:‬ماجد كان هيروح يا‬ ‫مهند‪..........‬كان هيروح بسببى‪ ..........‬طول عمرى‬ ‫ماسببتلوش غير الاذى‪................‬انا مش هسامح‬ ‫نفسى لو جراله حاجه‬

‫احتضنها مهند بقوة واخذ يبث فيها كلمات الامل‬ ‫والعزيمه ‪:‬مش هيروح يا منار‪..........‬صدقينى مش‬ ‫هيروح‪ .‬خليكى مؤمنه بكدة‪ ..............‬اوعى تحملى‬ ‫نفسك فوق طاقتك دة قدرة‪.......‬انتى عمرك ما سببتيله‬ ‫اذى‪ ......‬صدقينى طول عمرة بيقول انك طول عمرك‬ ‫مصدر سعادته وفرحته‬ ‫منار ولازالت تبكى فى احضان اخيها ‪ :‬اشوفه بس بالله‬ ‫عليك ودينى يا مهند‬ ‫اعتدلت فى جلستها بعيدا عنه وامسكت يدة باستماته‬ ‫وسط شهقاتها ودموعها الغزيرة‪ :‬بالله عليك يا مهند‬ ‫‪.‬بالله عليك‪ .......‬لو ليا خاطر عندك ودينى اشوفه‬ ‫‪..........‬اطمن عليه وامسك ايدة‪ ...........‬خليه يمسك‬ ‫ايدى زى زمان وميسبهاش يا مهند بالله‪ .............‬بالله‬ ‫قوله ميسبنيش ويمشى تانى‬ ‫مهند وقد بدا الغضب جليا عليه ونفض يدة من يدها‬ ‫وامسك بكتفيها يهزها‪ :‬فوقى يا منار فوقى ‪......‬‬ ‫‪.............‬انتى اللى اخترتى زمان وانتى اللى خسرتى‬

‫حقك فيه بأرادتك‪ ...........‬ماجد مابقاش جوزك‬ ‫خلاص‬ ‫‪.................................................................‬‬ ‫‪..............‬‬ ‫نهايه الفصل السابع عشر‬ ‫اسفه والله عارفه انى اتأخرت بس النور كان قاطع‬ ‫الفصل الثامن عشر‬ ‫ماجد ‪ :‬ماما انا عايز اخطب منار‬ ‫تفاجئت فوقيه بطابه على الرغم من انتظارها له لكن‬ ‫التوقيت فاجئها‪ .‬نظرت لماجد نظرة طويله متفحصه‬ ‫بينما كان ينظر امامه منشغلا بالقيادة او هكذا ادعى‬

‫شعر بنظرات والدته الموصوبه تجاهه مما اربكه قليلا‬ ‫فنظر لها نظرة خاطفه بجانب عينه ثم تابع ‪ :‬ايه يا ماما‬ ‫انا قولت حاجه غلط؟‬ ‫فوقيه ‪ :‬هسألك سؤال وترد عليا بصراحه‬ ‫ماجد‪ :‬طبعا اتفضلى يا ست الكل‬ ‫فوقيه‪ :‬اشمعنه منار؟‬ ‫اوقف ماجد سيارته على جانب الطريق ثم نظر الى‬ ‫فوقيه بدهشه ‪:‬يعنى ايه اشمعنه منار؟‬ ‫فوقيه‪ :‬يعنى انت راجل عندك ‪ 23‬سنه ومنار لسه ‪17‬‬ ‫سنه‬ ‫ترددت قليلا ثم اردفت ‪:‬يعنى المفروض انها صغيرة‬ ‫عليك؟‬ ‫ماجد‪ :‬اولا يا ماما انا مش شايف ان فرق ‪ 6‬سنين‬ ‫كبير ‪..........‬ثانيا بقى انتى شايفاها صغيرة !يعنى‬ ‫تصرفات منار بتديكى ايحاء انها طفله او مراهقه فى‬ ‫الثانويه ‪! ......‬انا مش شايف كدة بالعكس منار‬

‫تصرفاتها كلها عقلانيه مش زى بقيت البنات اللى فى‬ ‫سنها وكمان انسانه متدينه واخلاقها عاليه‬ ‫‪.............‬المشكله الوحيدة اللى شايفها مرحلتها‬ ‫التعليمه دى بجد اللى مشكله‬ ‫فوقه ‪ :‬كل اللى انت بتقوله دة كوةيس وفعلا منار‬ ‫تفكيرها متزن ومش مراهقه ومتهورة زى بنات سنها‬ ‫‪.......‬بس طب ما مى بردة كدة اشمعه منار بردة؟‬ ‫التفت اليها ماجد دفعه واحد بكامل جسدة‪ :‬مى مين ؟ايه‬ ‫الكلام دة يا ماما؟‬ ‫فوقيه ‪ :‬وهى تربت على كتفه ‪ :‬يا حبيبى انا امك مش‬ ‫عيب لما تقولى اللى انت حاسس بيه‬ ‫ماجد بتردد ‪:‬انتى‪ ......‬انتى عايزة توصلى لايه بالظبط‬ ‫يا ماما؟‬ ‫فوقيه بابتسامه مشجعه ‪ :‬عايزة اوصل للى فى قلبك يا‬ ‫ماجد‬

‫اتجه ماجد بنظرة لخارج النافذة قليلا يستنشق نسيم‬ ‫الليل البارد ‪.‬بدا تائها ومترددا لعده دقائق‬ ‫مالبث ان نظر امامه ثم اخذ نفسا عميقا واجابها‬ ‫ولايزال ينظر اماه‪ :‬ايوة يا ماما بحبها‪ .......‬ارتحتى؟‬ ‫فوقيه ‪ :‬يااااااااااااااه‪ .......‬كل دة عشان تقولى انا‬ ‫هههههه امال لما تيجى تقولها هى هتعمل ايه ؟‬ ‫يا قلبى يا منار دة انتى هتوقعى فى واحد تقيل اوى‬ ‫ماجد ‪ :‬ههههه يا سلام ‪ .........‬انا بقى هخلص من‬ ‫عماد تطلعى منار‪ .....‬ايه يا ماما انتى حلفه تتبنى اى‬ ‫حد غيرى وخلاص‬ ‫فوقيه ‪ :‬لا يا لمض ‪ ....‬انت بس اللى بتغير زى العيال‬ ‫الصغيرين‪ .......‬هييييييييه ربنا يقويك يا منار بقى‬ ‫ماجد ‪ :‬بعيدا عن انك افترضى لوحدك لن الموضوع‬ ‫خلاص تم يا فوقتى‪ .......‬ايه بقى مردتيش عليا‬ ‫هتروحى تخطبيهالى امتى؟‬

‫فوقيه ‪ :‬انت يا يا بنى انت عندك زهايمر‪ .......‬انت‬ ‫مش لسه قايل دلوقتى ان الدراسه مشكله ؟‬ ‫طب يرضيك تشغلها وهى السنه دى سنويه عامه؟‬ ‫ماجد بحيرة ‪ :‬طب يا ماما ما انا محتاج يبقى فيه كلام‬ ‫رسمى‪ ......‬وفى نفس الوقت مش عايزة فعلا اشغلها‬ ‫عن دراستها وعارف كويس ان دى اهم سنه فى حياتها‬ ‫‪......‬اعمل ايه دلوقتى انا بقى ؟‬ ‫فوقيه ‪ :‬امممممممممم انا عندى حل‬ ‫ماجد ‪ :‬الحقينى بيه يا ماما‬ ‫فوقيه ‪ :‬ربنا قال (( لا جناح عليكم فيما عرضتم به من‬ ‫خطبه النساء او اكننتم فى انفسكم علم الله انكم‬ ‫ستذكرونهن ولكن لا تواعدونهن سرا الا ان تقولوا قولا‬ ‫معروفا))‬ ‫ماجد بحيرة ‪ :‬مش فاهم حاجه‬

‫فوقيه وهى تضرب راسه بخفه ‪ :‬عشان مخك دة تخين‬ ‫وبتقرأ القران من غير تدبر وانت سرحان ‪ ...... .‬انا‬ ‫عارفه انت اخدت البكارليوس دة ازاى ؟‬ ‫زفرت ثم تابعت ‪ :‬المهم‪ .....‬بص يا سيدى المفروض‬ ‫ان الايه دى نزلت فى المطلقات اللى لسه عدتهم‬ ‫مخلصتش ‪.‬انه الانسان يجوز ليه انه يلمح بالخطبه او‬ ‫ينوى فى نفسه بس مش اكتر لان طبعا عدتها لسه‬ ‫مخلصتش والانسان دة بيبقى مثلا عايز يضمنها تبقى‬ ‫له ‪.‬فانا بقترح اننا نقيس دى على دى‪ ..........‬بمعنى‬ ‫اصح انا هلمح لنفين بالموضوع واستنى ردها ونربط‬ ‫كلام دلوقتى لحد ما منار تخلص السنه دى على خير‬ ‫وبعدين نخلى الموضوع رسمى‪.......‬ايه رأيك بقى فى‬ ‫الحل دة ؟‬ ‫ماجد بسعادة وهو يقبل يد والدته ‪ :‬ابوسك منين يا فوقه‬ ‫يا قمر انتى ؟ ربنا يخليكى ليا يا رب‬

‫فوقيه ‪ :‬هههههههه اه بس خد بالك فى السنه مش‬ ‫ممنوع منعا باتا تكلمها او حتى ترفع عينك فيها لحد ما‬ ‫الموضوع يبقى رسمى‪ ..............‬انت فاهم ولا لأ ؟‬ ‫ماجد وهو يكاد يقفز من السعادة ‪ :‬حاضر حاضر‬ ‫‪..........‬هو انا كنت لاقى هتأمر كمان‪ ........‬ادعيلى‬ ‫بس يوافقوا دلوقتى وانا والله مش هعطلها ‪.‬انا اخاف‬ ‫على مصلحتها اكتر من اى حد يا ماما صدقينى‬ ‫فوقيه ‪:‬ههههه وانا اللى بقول عليك تقلان‪ .......‬دة انت‬ ‫وقعت ومحدش سمى عليك‪ .....‬ههههههههه اطلع اطلع‬ ‫روحنا بقى انا هلكااااااااااانه‪.‬‬ ‫ماجد وقد ادار محرك السيارة ‪ :‬يا سلام دة انا اوديكى‬ ‫لحد السرير واغطيكى كمان هو انا عندى كم فوقه‬ ‫فوقيه ‪ :‬لا بجد ثبتنى‪ ........‬لو كنت قلتلك لا دلوقتى‬ ‫كنت نزلتنى اروح بتاكسى‬

‫ماجد وهو يقبل يدها ويعاتبها ‪ :‬كدة بردة يا ماما !دة انا‬ ‫لا عشت ولا كنت‪ ..............‬دة انت اللى فى الحته‬ ‫الشمال يا جميييييييييل‬ ‫فوقيه ‪ :‬هههههه ربنا يبارك فيك يا حبيبى‬ ‫تابع ماجد القيادة الى المنزل بينما كانت الفرحه تكاد‬ ‫تحمله فوق السحاب وهويتمنى من كل قلبه ان يتم ما‬ ‫نوته والدته على خير‬ ‫‪...........................................................‬‬ ‫فى اليوم التالى اتجه عماد بصحبه فوقيه لاصطحاب‬ ‫سها الى احد واكبر متاجر المجوهرات لشراء‬ ‫\"الشبكه \"كما ارادت سها‬ ‫بالطبع اصر عماد على اصطحاب وفاء معه ليؤكد ما‬ ‫اخبر به سها من ان وفاء قبل وفوق كل شيئ‬ ‫بينما فى فيلا هشام اسعد كانت الحاله فى صباح هذا‬ ‫اليوم اشبه بما يقال عنه اندلاع الحرب العالمي الثالثه‬ ‫فى غرفه سها‬

‫علا بصوت عالى وغضب وهى تجذب سها من‬ ‫ذراعها ‪:‬انتى هتيجى معايا النادى والجزمه فوق رقبتك‬ ‫سها ببكاء وصوت عالى فى ان واحد ‪ :‬مش هاجى يا‬ ‫ماما مش هاجى واللى عايزة تعمليه اعمليه‪ ......‬انا‬ ‫خلاص قررت وقرارى هيحترم وهمشيه يعنى همشيه‬ ‫علا ‪ :‬يعنى ايه الكلام دة يا ست سها؟ا‪ ........‬الناس دى‬ ‫ايه سحرالك ولا ايه؟‪ ............‬من امتى وانتى بتزعقى‬ ‫وصوتك بيعلى ؟‬ ‫ضحكت بسخريه ثم اضافت ‪ :‬لا وكمان بقى ليكى رأى‬ ‫وعايزة تمشيه!!‬ ‫طب ايه رايك بقى انتى لو ملبستيش وجيتى معايا‬ ‫دلوقتى النادى وقعدتى قابلتى خيرى بيه بذوق وادب‬ ‫اعتبرى انك خلاص مبقاش ليكى ام‬ ‫جلست سها على سريرها وادارت وجهها ناظرةالى‬ ‫خارج النافذة ودموعها تزين وجهها الجميل ‪ :‬يبقى‬ ‫انتى اللى اخترتى تتخلى عنى يا ماما مش انا‬

‫صدمت علا لردها فقد كان هذا التهديد هو سلاحها‬ ‫الاخير الذى اعتقدت بانه اقوى سلاح قد تستخدمه لكن‬ ‫احلامها انهارت بكلمات سها فخرجت من الغرفه‬ ‫صافقه الباب بقوة كبيرة خلفها مما جعل سها تنتفض‬ ‫مكانها‬ ‫‪............................................................‬‬ ‫قبعت سها فى غرفتها لباقى النهار كالعادة تنتحب بينما‬ ‫هى تشكو الى الله ضعفها وقله حيلتها‪.‬‬ ‫تدعو الله ان يمدها بالقوة والصبر لمواجه كل من يظن‬ ‫ان رقتها وحنانها ضعفا وعليه استغلاله لصالحه‬ ‫دعت الله ان يوفقها لما فيه الخير لها وان يرشدها‬ ‫للصواب فقد اصبح عقلها وفؤادها على اقتناع تام بأن‬ ‫عماد يجسد ذلك البستان فى حلمها وانه سبيل نجاتها‬ ‫الوحيدة فى هذا العالم الذى طالما اذاقها الظلم والمهانه‬ ‫اقترب موعد وصول عماد المتفق عليه وكانت سها قد‬ ‫ارتدت ملابسها ونزلت الى الصالون تنتظر والدها وقد‬ ‫بعثت الخادمه لمناداته‬

‫رأت والدها يهبط السلالم بوجه قد احمر من العصبيه‬ ‫فتخيلت الهجوم الذى واجه والدها كما واجهته هى فى‬ ‫اول النهار‬ ‫حاولت الابتسام فى وجه ابيها للتخفيف عنه فقالت‬ ‫بمرح ‪ :‬ايه يا عم الشياكه دى‪ .......‬لا لا‪ .......‬انت‬ ‫هتخلينى اغير راى‪ ...........‬الراجل دة ميجيش حاجه‬ ‫جنبك خالص‬ ‫شعرهشام بالأسف فادعائها الفكاهه لم ينجح فى مداراه‬ ‫عيناها الحزينتين فاحتضنها برقه ‪ :‬ولا يهمك يا سها‬ ‫صدقينى مامتك بتطلع تطلع وتنزل على مفيش‬ ‫‪.......‬يومين وهتلاقيها جايه لوحدها تباركلك وجيبالك‬ ‫هديه جوازك كمان‬ ‫سها‪ :‬مش زعلانه منها والله يا بابا قد ما زعلانه عليها‬ ‫‪............‬الدنيا مش مستاهله مننا كل دة‪............‬احنا‬ ‫ناقصنا ايه بس ؟‬

‫هشام باعدا اياها عن حضنه وهو يرتب حجابها بحنان‬ ‫‪:‬سيبك انتى دلوقتى من كل دة‪ ............‬عايزك‬ ‫تفرحى وتبقى قمر النهاردة‬ ‫ثم ربت بيديه على خديها بحنان ‪ :‬انتى تستاهلى الفرحه‬ ‫يا سها صدقينى‪ ......‬وانا احساسى بيقولى ان عماد‬ ‫راجل بجد وهيحافظ عليكى وهيقدر النعمه اللى ربنا‬ ‫ادهاله‬ ‫سها ‪ :‬ربنا يخليكى ليا يا بابا وميحرمنيش منك‬ ‫اخيرا وصل عماد بصحبه وفاء وفوقيه التى ابدت‬ ‫الاخيره استفهاما لغياب علا فرد هشام ‪ :‬معلش اصلها‬ ‫تعبانه شويه‬ ‫اما وفاء فلم تجد سها ادنى مقاومه منها لحملها‬ ‫ومداعبتها التى كانت تبتسم لها وفاء بشدة فالاطفال‬ ‫كائنات بريئة تستشعر حنان ونقاء الناس وشفافيتهم‬ ‫وصل الجميع الى المحل المطلوب واخذ صاحب‬ ‫المتجر بأظهار بعض الاطقم النفيثه بناء على طلب‬

‫فوقيه الا ان سها كانت تبدى رفضها باستمرار على ما‬ ‫يعرضه لها‬ ‫كان عماد يسخر فى نفسه ‪ :‬ههههه اه طبعا بنت الحسب‬ ‫والنسب ميعجبهاش الكلام دة لازم يجبلها المستخبى‬ ‫فرغ عماد فاه واتسعت عيناه دهشه وهو يراها تنتقى‬ ‫خاتما بسيطا ورقيقا وتقيسه بيدها طالبه من الصائغ ان‬ ‫يحضر لها مقاسا اقل ليناسب يدها‬ ‫وجد الجميع بما فيهم الصائغ مستغربين لاختيارها‬ ‫ايضا بينما هى تبتسم للخاتم بيدها برقه تبدى سعادة‬ ‫داخليه واضحه‬ ‫اعطت الصائغ الخاتم مجددا مكررة طلبها ‪ :‬زى ما‬ ‫قولت لحضرتك لو سمحت عايزه نفس الخاتم بس‬ ‫مقاس يناسبنى‪ ........‬وشيل كل الاطقم دى‬ ‫الصائغ بتردد ‪:‬بس كدة حضرتك‬ ‫سها ‪:‬ايوة بس كدة‬ ‫الصائغ بقله حيله ‪ :‬حاضر يا فندم اللى تشوفيه‬

‫اجفلت سها لوقوف عماد المفاجؤ بجانبها وبدأ يحدث‬ ‫والدها وهو ينظر تجاهها بغضب واضح ‪:‬بعد اذن‬ ‫حضرتك يا هشام بيه اتكلم مع سها على انفراد برة‬ ‫شويه‬ ‫هشام ‪ :‬اتفضل يا بنى‪ ......‬ثم وجه كلامه الى سها ‪:‬‬ ‫روحى مع خطيبك يا سها‬ ‫لم ينتظرها عماد بل اتجه للخارج وتبعته سها بأحراج‬ ‫وما ان وصلت الى الخارج حتى بدأ النقاش الذى لم‬ ‫يسسمعه من بالداخل بل رأوة من خلال الباب الزجاجي‬ ‫عماد ولازال معطيا ظهرة اياها دون مقدمات ‪ :‬ما‬ ‫خترتيش اللى انتى عايزاة ليه؟‬ ‫سها ببراءة ‪ :‬مين قال كدة انا اخترت اللى انا عايزاة‬ ‫فعلا‬ ‫عماد مستديرا لها بغضب ‪ :‬يا سلام بقى بنت الحسب‬ ‫والنسب ماعجبهاش غير حتت الخاتم دة‬

‫على فكرة انا اقدر اجيبلك اغلى طقم موجود جوة ولو‬ ‫مش عاجبك اختارى فى اى حته تانيه اللى يعجبك وانا‬ ‫اجيبهولك‬ ‫سها وقد احمر وجهها غضبا ‪ :‬وانا محدش يشترينى‬ ‫بفلوسه يا عماد بيه‪ ......‬اظن بابا امبارح قالك ان‬ ‫الشبكه دى هديتك ليا والهديه مش بتمنها المادى بتمنها‬ ‫المعنوى‬ ‫استدارت للعودة الى الداخل لكنها التفتت مرة اخرى ‪:‬‬ ‫اه كنت هنسى‪ .......‬كويس اوى انك طلبت نتكلم على‬ ‫انفراد لانى كنت عايزة اقولك حاجه‬ ‫عماد بتساؤل ‪:‬حاجه ايه؟‬ ‫سها ‪ :‬انت اتكلمت معايا قبل كدة بمنتهى الصراحه وانا‬ ‫كمان مش هبدأ حياتى معاك بكدب وهبادلك صراحتك‬ ‫نظر لها مستفهما فأردفت بخجل ‪ :‬سبب ان ماما مجتش‬ ‫مش انها تعبانه‪ ...........‬ماما مش موافقه عليك اصلا‬

‫عماد بسخريه ‪ :‬يااااااااه ايه السر الدفين اللى‬ ‫صارحتينى بيه دة‪ .....‬تصدقى صدمتينى فعلا‬ ‫نظرت له بقوة فأردف بجديه ‪ :‬انا مش غبى‪.......‬طبعا‬ ‫عارف انها مش موافقه‪ ............‬تصرفتها كلها‬ ‫امبارح كانت بتنطق برفضها‬ ‫سها مستنكرة ‪ :‬ودى حاجه متفرقش معاك‬ ‫عماد ‪ :‬قلتلك قبل كدة ان اهم حاجه عندى بنتى وطالما‬ ‫جيتى انتى وباباكى النهاردة تبقى مشكلتك مع مامتك‬ ‫مش كبيرة اوى‪........‬ها عايزة تقولى الصراحه فى‬ ‫حاجه تانيه؟‬ ‫نظرت له سها بغضب ثم اتجهت الى الداخل دون‬ ‫اضافه حرف واحد‬ ‫وقف فى الخارج قليلا ثم تبعها الى الداخل منتظرا ان‬ ‫يراها فى قمه غضبها من كلماته المستفزة لكنه فوجئ‬ ‫بها تضحك برقه وسعادة واضحه وهى تداعب ابنته‬ ‫التى بدورها اخذت تضحك بقوة مصدرة ذلك الصوت‬ ‫الطفولى الذى يدغدغ القلوب لدى سماعه فلم يستطع‬

‫عماد مقاومه البسمه التى ظهرت جليه على وجهه‬ ‫مرددا داخله ‪ :‬صبرنى يا رب‪ ......‬دى شكلها هبله ولا‬ ‫ايه البت دى‬ ‫‪............................................‬‬ ‫ظل ماجد قابعا فى مكتبه يطرق بقلمه على المكتب‬ ‫دون وعى وهو سارح بعيدا اخرجه من عامه صوت‬ ‫الساعى(( عم جلال ))وهو يخبرة ان الوقت اصبح بعد‬ ‫الغروب وان جميع المهندسين بالمكتب قد انصرفوا‬ ‫ماجد ‪:‬يااااه هى الساعه بقت كام يا عم جلال‬ ‫عم جلال ‪ :‬الساعه بقت ‪ 6‬يا بشمهندس‪..........‬الناس‬ ‫كلها مشيت‬ ‫ماجد ‪ :‬ايه دة؟ وعماد مشى قبل ما يعدى علياظ‬ ‫عم جلال وهو ينظر له باستغراب ‪:‬الباشمهندس عماد‬ ‫عدى عليك من بعد الضهر قبل ما ينزل يا بشمهندس‬ ‫خبط عماد راسه ببطن يدة ‪ :‬ااااااااه صحيح دة انا نسيت‬ ‫خالص‬

‫عم جلال ‪:‬ههههههههه اللى واخد عقلك يا بشمهندس‬ ‫ماجد مبتسما وهو يلتقط سترته وهم بالذهاب الى‬ ‫الخارج ‪ :‬هو عقلى بس ! ههههههه ادعيلى يا راجل يا‬ ‫طيب‬ ‫عم جلالك ‪:‬ربنا يسترها معاك دنيا واخره يا بنى ويريح‬ ‫عقلك وقلبك‬ ‫ماجد وقد عاد ادراجه الى الداخل بظهرة ‪:‬‬ ‫ايووووووووووووووووووووة هى الدعوه دى‬ ‫‪............‬ادعيهالى علطول يا عم جلال الهى ربنا‬ ‫يخليهملك‬ ‫عم جلال ‪ :‬هههههه بس كدة من عنيا يا بشمهندس‬ ‫‪........‬تامرنى بحاجه تانيه‬ ‫ماجد ‪:‬تشكر يا راجل يا طيب‬ ‫‪................................................‬‬ ‫عاد ماجد الى منزله بعد العشاء ليجد فوقيه تنتظرة‬ ‫بابتسامه واسعه بقرب الباب‬

‫ماجد بابتسامه يخالطها الاستغراب ‪ :‬ايه؟ ‪...........‬فى‬ ‫ايه؟‬ ‫فوقيه بنظرة ذات مغزى ‪ :‬حذر فظر كدة‬ ‫سكت ماجد برهه ثم اتجه نحوها بلهفه ‪ :‬كلمتيهم يا‬ ‫ماما ؟‬ ‫فوقيه ‪ :‬وانتى كنت فاكرنى هستنى‬ ‫ماجد ‪:‬طب قالولك ايه؟‬ ‫فوقيه ‪:‬طب ادخل بس غير هدومك عقبال ما احضرلك‬ ‫الاكل ونتكلم وانت بتاكل‬ ‫ماجد بلهفه ‪:‬اكل مين يا ماما دلوقتى ؟ دة انا ممكن‬ ‫اروح اتغدى عندهم دلوقتى‬ ‫فوقيه ‪ :‬هههههههه طب براحه بس يا واد بلاش الدلقه‬ ‫دى‬ ‫ماجد ‪:‬قولى يا ماما تعبتينى‬ ‫فوقيه ‪:‬طب خلاص خلاص يا سيدى هقولك‬

‫انا روحت لنفين انهاردة وفاتحتها فى الموضوع‬ ‫وفرحت جدا كمان ومعندهاش مانع وان شاء الله هتكلم‬ ‫زوجها وترد علينا‬ ‫ماجد ‪ :‬يا ماما سيبك من دة كله‪ .....‬هي رايها ايه؟‬ ‫فوقيه مدعيه البلاهه ‪ :‬هى مين دى يا بنى‬ ‫ماجد ‪ :‬ايه يا ماما التمثيل دة مكشوف اوى‬ ‫فوقيه ‪ :‬يا رااااااجل طب ابقى دور بقى على اللى‬ ‫هيعبرك‬ ‫ماجد ‪ :‬طب خلاص حقك عليا ‪.‬انتى ممثله اعظم من‬ ‫امينه رزق‪ .....‬قووووووولى بقى‬ ‫فوقيه ‪ :‬هههههههه ولا حاجه وشها جاب الوان وجريت‬ ‫على اوضتها‬ ‫ماجد ‪ :‬يعنى ايه يا ماما مش فاهم؟‬ ‫فوقيه وهى تدفعه للمرور ‪ :‬اوعى يا لا دة انتى غبى‬ ‫وهتجبلى الضغط‬

‫مرت فوقيه الى الداخل بينما تسمر ماجد مكانه واخذ‬ ‫يردد ك وشها احمر وجريت على اوضتها‬ ‫ابتسم لنفسه ثم وضع يده تحت ذقنه مفكرا ‪ :‬دة يبقى‬ ‫اسمه خجل ولا موافقه ؟ ‪........‬لالالالالالالالالالا دة‬ ‫خجل وموافقه مع بعض‪......‬باين كدة ؟ ‪.......‬ااااااااه‬ ‫باين‬ ‫هز راسه وهو يتجه الى الداخل ‪ :‬ايوة صح‪ ......‬هو‬ ‫كدة‬ ‫بينما كانت فوقيه تتابعه من المطبخ بضحكات مكتومه‬ ‫وقلبها يقفز فرحا لفرحه ابنها الوحيد‬ ‫نهايه الفصل الثامن عشر‬ ‫الفصل التاسع عشر‬ ‫الاحلام‪ ................‬كلمه اعتاد الناس اطلاقها على ما يرونه فى نومهم‬ ‫من احداث ‪......‬لكن البعض الاخر اعتاد اطلاقها على ما يتمنى حدوثه‬ ‫فى اليقظه فيما اصبحت تعرف باحلام اليقظه‬ ‫والحق يقال ان احلام اليقظه اصبحت هى السائدة الان‪ ...........‬لكن‬ ‫القليل القليل من الناس هم من اصبحوا يناضلون لتحقيق هذة الاحلام‬

‫اما الاكثريه منهم فهم ينتظرون فقط تحققها بمعجزة بينما هم يتأملونها‬ ‫بكثير من الشغف‬ ‫وبالنهايه مع الوقت تذهب هذة الاحلام ادراج الرياح فالامانى‬ ‫والاحلام لا تتحقق الا اذا توجت بالعمل والمثابرة‬ ‫قد تحتاج احيانا الكثير من الوقت فى العمل الدئوب لتتحقق لكنك فى‬ ‫النهايه تنسى كل ما مررت به من صعاب حين تغمرك السعادة لدى‬ ‫تحقيق حلمك او عندما توشك على تحقيقه‪ .‬عندها لا يتسع صدرك‬ ‫للمعاناه والفرحه معا بل تطغو الفرحه وتبيد اى الم بقى بصدرك‬ ‫اطلت الحديث عن الاحلام وتحقيقها لكنى اردت ان اصف حال عصام‬ ‫فى هذة الفترة‬ ‫نعم انها الفترة التى كانت تسبق تحقيق الحلم بخطوة واحدة‬ ‫انه ذلك الحلم الذى اغترب من اجله عصام فى المانيا لاكثر من خمس‬ ‫وعشرون عاما لا يرى عائلته الا مرة فى السنه فى زيارة لا تزيد عن‬ ‫الشهر الواحد‪ .......‬ربما حاول جاهدا ان يكون معهم فى صغرهم اكثر‬ ‫من هذة الفترة ليقوم على تربيتهم فعصام كان يعى جيدا ان الاموال‬ ‫والعمل على جمعها لا يجب ان تنسيه واجبه نحو اولادة وحقوقهم عليه‬ ‫فى تعليمهم الاخلاق والتدين وقد حمد الله كثيرا على ان رزقه زوجه‬ ‫صالحه كنفين تعينه على ذلك‪.‬‬ ‫تلك التى لطالما ساندته فى محنه ‪.‬‬ ‫تلك التى وافقت على مشاركته دربه منذ البدايه وهى تعلم صعوبه هدفه‬ ‫الذى اراد تحقيقه فى الحياه‬

‫تلك التى صدقت برائته مما ادعاه الجميع عليه وقت ان رفض تصديقه‬ ‫اقرب الاقربين اليه حتى اخوته‬ ‫تلك كانت الفتاه الصبورة القنوعه التى تعرف عليها عصام وقت ان كان‬ ‫شابا فى الجامعه‬ ‫تلك التى لطالما جشعته وقوت عزيمته وقت ان كان يمر بالصعاب فى‬ ‫غربته وهو يبدأ من مما يطلقون عليه\"تحت الصفر \"من العمل فى شتى‬ ‫المجالات التى لك ان تتخيلها وقد كان يوما الوريث الاول لواحدة من‬ ‫اكبر المؤسسات الضخمه فى هذا البلد‬ ‫حتى استطاع اخيرا بعد سنوات ليست بالقليله ان يجد وظيفه تناسب‬ ‫مجال تخرجه فى ادارة الاعمال‬ ‫اما الان فبعد مرور ما يقرب من خمسه وعشرين عاما او يزيد من‬ ‫السفر والتنقل وقد اصبح المدير التنفيذى لواحدة من اكبر شركات‬ ‫التسويق فى المانيا قرر العودة والاستقرار فى وطنه الحبيب وبين‬ ‫اسرته الصغيرة بعد انقضاء اخر عقد له مع الشركه‪.‬‬ ‫ذلك العقد الذى ينص على بقائه عامين متتاليين دون اجازات طويله ‪.‬‬ ‫وها قد بقى عام واحد من المدة المحدده ويقترب تحقيق الحلم العظيم‬ ‫لعصام فى العودة الابديه الى الوطن واعاده بناء الامبراطوريه التى‬ ‫ضاعت فى الماضى بسببه ليعيد الحق الى اصحابه ويرتاح ضميرة‬ ‫لبقيه حياته‬ ‫‪...................................................................‬‬

‫كان ماجد يرقد على سريرة متأملا سقف حجرته بعد اداء صلاة العشاء‬ ‫والسنن بعدها يجافيه النوم‬ ‫ينهش الفضول والتفكير عقله منتظرا الرد‬ ‫اخبرته فوقيه نفين وعدتها بالرد عليها بما سيقوله زوجها فى اليوم‬ ‫التالى مما جعل ماجد يعد الساعات والدقائق منتظرا يومه التالى بفارغ‬ ‫الصبر‬ ‫فى ذلك الوقت كانت نفين قد جلست فى حجرتها تحدث زوجها من‬ ‫\"اللاب توب \" الخاص بها‬ ‫عصام بشك ‪:‬انتى بتقولى منار ولا انا اللى سمعت غلط؟‬ ‫نفين وهى تضحك‪ :‬هههههه اه والله منار‬ ‫زفرت بارتياح ثم اضافت ‪:‬ابنات كبرت يا عصام ومحسناش بيهم‬ ‫عصام ولا تزال الدهشه تسيطر عليه ‪:‬بنات ايه اللى كبرت؟ دة انا اخر‬ ‫مرة كنت موجود كانت بتستنانى اجيبلها عسليه وانا راجع‪ .........‬فجأه‬ ‫كدة بقت عروسه ومتقدملها عريس‪ !! ......‬فكرينى يا نفين كدة البت‬ ‫دى عندها كم سنه؟‬ ‫نفين وهى تضحك بشدة ‪ :‬هههههههههههههه ايه يا عصام انت مذبهل‬ ‫كدة ليه ؟ انت فاكر انهم هيفضلوا عيال بقيت حياتهم مستنين العسليه‬ ‫بتاعتك؟ ايوة يا سيدى كبرت وبقت عروسه منار قفلت ‪ 17‬اهى وماشيه‬ ‫كمان فى‪18‬‬

‫عصام بتريقه ‪:‬يا سلااااااام ومش عايزانى ابقى مذبهل‪ ..........‬انتى يا‬ ‫ست انتى بتقولى ‪ 17‬و ‪18‬دى زى مايكونوا ‪ 27‬ولا ‪ 28 .‬ايوة طبعا‬ ‫لسه صغيرة‪ .‬ثم مين بقى اللى متقدملها دة واد زميلها فى المدرسه؟‬ ‫نفين ‪ :‬ههههههه لا والله يا عصام دة راجل ملو هدومه‪ .‬ماجد اللى فى‬ ‫الشقه اللى قدامنا ‪ .‬اللى كلمتك عنهم يا عصام قبل كدة؟‬ ‫عصام متذكرا ‪ :‬ااااااه بن صاحبتك اللى اتعرفتى عليها دى ؟‬ ‫ثم تغير وجهه للصرامه فجأه ‪ :‬وان شاء الله البيه بقى داخل خارج عندنا‬ ‫مع الست والدته ؟‬ ‫نفين ‪ :‬لا والله يا عصام دة شاب مؤدب جدا وعمرة ما رفع عينه فى‬ ‫واحدة من البنات ولا حتى انا يا اللى قد مامته ‪ .‬دة فى السنه اللى‬ ‫قاعدناه مدخلش عندنا غير ‪ 3‬مرات بالعدد وكلهم احنا اللى بعتنالوا فيهم‬ ‫‪.‬ما شاء الله عليه حوالى ‪ 23‬سنه وتحسه راجل كدة وواخد باله من‬ ‫مامته‪ ...........‬طب دة هو اللى وقف جنبنا يوم الحرامى‬ ‫ما‪..................‬توقفت نفين فجأه عن الكلام وقد ادركت زله لسانها‬ ‫بينما اتسعت اعين عصام متسائله ‪ :‬حرامى ايه دة ؟‬ ‫نفين محاوله التملص ‪:‬حرامى ؟ انا قلت حرامى؟‬ ‫عصام ‪ :‬مش عايز لف ودوران يا نفين‪ ............‬انا وانتى عارفين انك‬ ‫قولتى حرامى‬ ‫ثم اضاف بنفاذ صبر وهو يجز على اسنانه ‪ :‬قولى ايه اللى حصل‬ ‫بسرعه انتى عارفانى خلقى ضيق‬

‫نفين محاوله تهدئته ‪:‬اهدى بس يا عصام مفيش حاجه والله ‪ .‬دة كان‬ ‫حرامى دخل عندنا من شباك المطبخ تقريبا كان مفتوح و‪ ......‬و‪.......‬‬ ‫ترددت قليلا ثم اضافت بعد ان حثها عصام على ذلك ‪:‬وخبط مى فى‬ ‫دماغها لما شافته‬ ‫عصام بهوجاء وقد انتفض من مكانه ‪ :‬كمان خبط مى‪ .......‬وهي فين يا‬ ‫نفين البنت دلوقتى؟‬ ‫نفين بسرعه ‪ :‬يا عصام اهدى مى كويسه والله الموضوع دة عدى‬ ‫بقالوة يجى خمس شهور‬ ‫عصام بغضب ‪ :‬ولسه فاكرة تقوليلى يا مدام؟‬ ‫زفر بقوة غضبه ثم اضاف ‪ :‬كملى‪ ...........‬كملى ايه اللى حصل بعد‬ ‫كدة؟‬ ‫نفين ‪ :‬الحمد لله جات سليمه والله ‪ ......‬مى يا حبيبتى دماغها اتعورت‬ ‫يومها وماجد هو اللى جابلها الدكتور وش الفجر والله وفضل هو ومامته‬ ‫معانا لحد ما فاقت ومسابوناش غير لما حط اقفال على الشبابيك‬ ‫والابواب كلها وكمان تانى يوم هو اللى راح عمل المحضر وفضل‬ ‫معاهم وهما بيعاينو الشقه ‪.‬‬ ‫يبقى راجل ويستحق بنتك ولا لأ؟‬ ‫عصام ‪ :‬بعيدا عن عقابكوا كلكوا لما ارجع عشان خبيتوا عليا‬ ‫‪........‬بس بجد راجل وخليتى عندى فضول اشوفه واتعرف عليه‬

‫نفين بفرحه ‪ :‬طب اجيبلك منار بقى تتكلم معاها وبكرة ان شاء الله‬ ‫اخليك تكلمه‬ ‫عصام‪ :‬لااااااااا‪ ........‬انا اكلمه هو الاول وبعدين ابقى اكلم منار‬ ‫نفين بخيبه امل وقد قلبت شفتها السفلى كالاطفال ‪ :‬ليه كدة ؟ متفرح‬ ‫البنت الاول وبعدين ابقى كلمه‬ ‫عصام وهو يكتم ضحكاته على طفوليه زوجته وتعاطفها مع ابنائها‬ ‫‪:‬مهو انا لازم اكلمه الاول يا ذكيه عشان لو معجبنيش مش هيبقى فيها‬ ‫انى اكلم منار اصلا‬ ‫نفين بمرح ‪ :‬انا مش ذكيه يا خويا انا نفين‬ ‫عصام ‪ :‬ههههههه معلش اتلغبط اصل ذكيه واكله عقلى‬ ‫نفين وقد همت باغلاق\" اللاب توب ‪\":‬لا يا راجل ‪ ............‬طب ابقى‬ ‫خلى ذكيه تنفعك بقى‬ ‫عصام بسرعه ‪ :‬استنى بس يا مجنونه دة انا مصدقت تكلمينى من غير‬ ‫العيال‬ ‫نفين وهى ترفع راسها بكبرياء وجديه مصتنعه وقد اغلقت عياناها ‪:‬‬ ‫خلاص اعتذر عن اللى قولته الاول ‪.‬قول‪ .......‬انا اسف( قالتها بافراد‬ ‫حروفها حرفا حرفا)‬ ‫عصام بابتسامه ونظرة اشتياق ‪ :‬طب ينفع وحشتينى ؟‬

‫فتحت نفين عينيها التى ملائتها الدموع اثر صوته الحنون وكلمات فقد‬ ‫اشتاقت لزوجها الحبيب ايضا ونظرت اليه نظرة تحمل شوقها الجارف‬ ‫وحنينها اليه ‪:‬لو قلتها تانى‬ ‫عصام بحب ‪:‬بس كدة؟ وحشتينى وبحبك وبموت فيكى كمان وعايز‬ ‫اخد اول طيارة وابقى عندك فى لحظه‪.‬‬ ‫ثم اردف بصوت يملؤة الحزن والاشتياق‪ :‬انتى متخيله انا تعبان قد ايه‬ ‫وانتى قاعدة قدامى كدة ومش عارف اخدك فى حضنى ؟ ‪.‬طب متخليه‬ ‫انى مبسوط فى البعد عنكم وانا قلبى هيتفرتك على بنتى حتى لو كان‬ ‫اللى حصل بقالوا خمس سنين؟‬ ‫نفين ولم تستطع دموع عيناها ان تبقى فى مقلتيها اكثر فاقتربت من‬ ‫الشاشه ووضعت راسها عليها ‪ :‬وحشتنى اوى يا عصام‪ .......‬اوووى‬ ‫‪........‬ياااااااااااه مش مصدقه انك خلاص هتفضل جنبنا ومش هتسافر‬ ‫تانى‪ ............‬انا بعد الايام والساعات لرجوعك يا عصام‬ ‫بدورة وضع عصام ايضا راسه على شاشه\" اللاب توب\" الخاص به‬ ‫وامضى الزوجان وقتا ليس بالقصير يبث كلا منهما اشتياقه وحبه‬ ‫للاخر‬ ‫‪..........................................................‬‬ ‫فى غرفه منار ومى كان هناك ما يشبه \" الزفه \"بعد ذهاب فوقيه‬ ‫مى وهى تضرب على المكتب كمن يضرب على الدف ‪ :‬زوقينى يا‬ ‫ماما اوووووووام يا ماما‪..........‬دة ماجد هياخدنى المنتخب يا ماما‬

‫مهند ‪ :‬ههههههههههه هيلعبها بدل جدو اصل عجز اوى والفرقه‬ ‫محتاجه دم جديد‬ ‫منار وقد اصبح وجهها كحبه الطماطم فادعت الصراخ بهما ‪:‬دة انتو‬ ‫اللى دمكو تقيل‪ ............‬ما تحترمو نفسكو بقى‬ ‫مى مقلدة اياها بميوعه ‪ :‬متحترموا نفسكو بقى‪.‬‬ ‫ثم اردفت ‪ :‬هتعمليهم علينا يا بت ؟‬ ‫طب بلاش الواد العبيط اللى مش عارف حاجه فى حاجه دة‬ ‫غمزت لها ثم اردفت ‪ :‬عليا انا يا نصيبى بيه؟‬ ‫صرخ مهند عندها ‪ :‬اااااااااه افتكرت‪ ........‬ايوة ايوة‬ ‫قولتوووووووووولى اتاريه عماله يقولى انا لقيت نسيبى لقيت‬ ‫نسيبى‪.....‬بقى انتى بقى نسيبى؟‬ ‫بتستغفلونى وانا واقف ؟‪ ........‬اه يا ولاد الذينه‬ ‫دفعته بمى بخفه لتقف بدل منه امام منار‪:‬اوعى يا لا كدة بلا نسيبى بلا‬ ‫طليقى‬ ‫قوليلى بقى يا كتكوته هتعملوا اييييييييييه؟‬ ‫منار وهى تلقى بنظرها على اى شيئ فى الغرفه سوى وجه اخوتها ‪:‬‬ ‫هعمل ايه فى ايه؟ ما انا قاعدة معاكوا اهو‪ ........‬انا اعرف حاجه؟‬ ‫مهند ‪ :‬انا اعرف حاجه؟ ااااه يا سهنه انتى يا سهنه‬

‫ثم اضاف بكثير من الحماس وهو يلوح بيدة بعدة حركات حماسيه‪ :‬ما‬ ‫الست لسه قايله برة اهى هتبقى رسمى بعد الامتحانات وسنه ولا اتنين‬ ‫ووووووهبااااا هتلبسى كلبش فى الشقه اللى فوق يا اوختشى العزيزة‬ ‫تناقلت مى ومنار النظرات باستغراب بينهما تارة وبالنظر الى مهند‬ ‫تارة اخرى‬ ‫منار ‪ :‬تعرفى الواد دة؟‬ ‫مى ‪ :‬ولا عمرى شوفت خلقته‬ ‫ثم صرخه الاثنتان صرخه قويه ‪ :‬يا ماماااااااااااا‬ ‫‪................................................‬‬ ‫فى اليوم التالى كان ماجد يجوب غرفه مكتبه ذهابا وايابا بقلق شديد‬ ‫حتى انه كان يقضم اطراف اظافرة احيانا ‪ .‬بينما عماد كان يتابعه‬ ‫والتسليه تملؤ عينيه والابتسامه الواسعه على شفتيه‬ ‫ماجد بعصبيه ‪ :‬انت يا جدع انت بتضحك على ايه؟‬ ‫عماد ‪ :‬انا كلمتك يا عم ؟‪ ............‬لف لف كمان لفه عقبال ما النتيجه‬ ‫تطلع‬ ‫ثم قلد ممثله فى احد الافلام الشهيره ‪ :‬منصور يا بنى ان شاء الله‬ ‫ماجد ‪ :‬اتريق اتريق ما انت خلاص ضامن وفرحك اخر الشهر‬ ‫عماد متجاهلا تلميح ماجد ‪:‬يا بنى اهدى شويه‪ .....‬هتكلم الراجل‬ ‫بالمنظر دة يقول عليك ايه ؟طالب خايف فى امتحان الشفوى؟‬

‫ماجد جالسا بجوار صديقه على الفوتيه الخاص بمكتبه ‪:‬قلقان اوى يا‬ ‫عماد ليرفض‬ ‫عماد مطمئنا ‪:‬لو مكنش فيه موافقه مبدئيه مكنش طلب‬ ‫يكلمك‪............‬صدقنى انا توقعى الشخصى انه عايز يكلمك عشان‬ ‫التفاصيل‬ ‫ماجد‪ :‬ما اعتقدش‪ ..........‬مكنش طلب يكلمنى لوحدى‬ ‫عماد مفكرا ‪ :‬هو طلب غريب‪ ......‬بس لو مكانه لازم اعصرك الاول‬ ‫عشان اطمن على بنتى متنساش انه متغرب ومش سهل يوافق على‬ ‫واحد ماقبلوش وجها لوجه قبل كدة‬ ‫ماجد وقد اخذ بجر عماد خارج المكتب ‪ :‬اطلع برة يا لا انت وترتنى‬ ‫اكتر ما انا متنيل‪ ............‬اطلع كتكو القرف مليتو البلد‬ ‫عماد وهو يقاوم الخروج قرب الباب ‪ :‬استنى بس هقولك على حاجه‬ ‫حلوة هتفيدك اوى فى الليله دى‬ ‫توقف ماجد عن جرة ناظرا له بتساؤل ‪:‬حاجه ايه؟‬ ‫عماد بميوعه وهو يهيئ نفسه للهروب بفتح الباب ‪ :‬الحبايه الزرقه يا‬ ‫عينيه‬ ‫امسك ماجد بالمطفئه القابعه فوق احد المكاتب الصغيره بينما فر عماد‬ ‫الى الخارج واصوات ضحكاته تملا الشركه‬ ‫اعاد ماجد المطفئه الى مكانها وقد نجح عماد فى رسمه البسمه على‬ ‫شفتيه وسط توترة الشديد‬

‫نظر الى الساعه فوجدها تقترب من الرابعه عصرا‪ .‬انه ذلك الموعد‬ ‫الذى اخبرته فوقيه بأن حددة عصام للتواصل بينهما بعد ان اعطته رقم‬ ‫الايميل الخاص به‬ ‫توجه ماجد الى مكتبه وقام بفتح بريدة الالكترونى بعد ان اضاف بريد‬ ‫عصام وانتظر اجابه الدعوه للمحادثه من الطرف الاخر بعد ان اخبر‬ ‫سكرتيره بعدم السماح لدخول احد كائنا من كان‬ ‫لم يمر الكثير من الوقت حتى ااته الاجابه وبدأت المحادثه التى تقدمها‬ ‫ماجد‬ ‫ماجد ‪:‬السلام عليكم ورحمه الله يا فندم‪ ...........‬مع حضرتك ماجد‬ ‫نصر الدين‬ ‫عصام ‪ :‬وعليكم السلام ورحمه الله وبركاته‪ ....‬اهلا يا بشمهندس ‪.‬‬ ‫اخبارك ايه؟‬ ‫ماجد ‪ :‬الحمد لله يا فندم تمام‪.‬‬ ‫عصام ‪ :‬طبعا انت عارف انا طلبت اكلمك بخصوص ايه‬ ‫ماجد ‪:‬طبعا يا فندم ‪ .‬انا ليا الشرف انى اطلب من حضرتك ايد الانسه‬ ‫منار‬ ‫عصام ‪ :‬اكيد انت عارف اهميه المرحله اللى منار بتدرس فيها وان‬ ‫مينفعش الموضوع يبقى رسمى دلوقتى‬ ‫ماجد ‪ :‬عارف يا فندم ومقدر والله ‪ .‬انا مش هلف وادور على حضرتك‬ ‫انا بحب اتكلم دوهرى‬

‫عصام بابتسامه‪:‬اتفضل‪ ......‬انا بفضل الاسلوب دة‬ ‫ماجد ‪:‬انا فعلا كنت ناوى اجل الكلام فى الموضوع خالص السنه دى ‪.‬‬ ‫بس لقيت انه مينفعش يكون عندى انجذاب للانسه منار ونيه فى‬ ‫الارتباط بيها من غير ما اهلى واهلها يكونوا على علم بده‬ ‫انا اسف يا فندم بس بصراحه حسيت انه دة هيتحكم فى تصرفاتى‬ ‫معاها قدام الناس اكتر عشان مش هكون قلقان ديما انها ممكن ترتبط‬ ‫باى حد تانى وبالتالى تفكيرى يقودنى انى المحلها‬ ‫انا اسف يا فندم بس والله هو دة اللى فكرت فيه‬ ‫عصام وقد غضب بداخله قليلا لما قاله ماجد عن التلميح لها والتحكم فى‬ ‫تصرفاته معها امام الناس الا انه انبهر برجولته وشجاعته فى الكلام‬ ‫معه وقد ظهر ذلك واضحا فى الابتسامه التى زينت وجهه‬ ‫عصام ‪ :‬طيب افرض انى مش موافق؟‬ ‫ماجد وقد امتعق وجهه لهذة العبارة فأجاب بسرعه ‪ :‬ليه بس يا فندم؟‬ ‫عصام ومازال محافظا على ابتسامته ‪ :‬افرض هي مش موافقه؟‬ ‫ماجد وقد حاول ان يتمالك نفسه فمجرد تخيل رفض منار له قد االمه‬ ‫فابتاع ريقه ثم اجاب ‪:‬هحترم قرارها يا فندم واوعد حضرتك انى مش‬ ‫هتعرضلها ابدا‬ ‫عصام وقد اتسعت ابتسامته ‪ :‬تبقى راجل بجد يا بنى وتستاهلها‬ ‫نظر له ماجد وهو غير مستوعب ما قاله عصام ‪:‬نعم ‪ ...........‬انا مش‬ ‫فاهم حاجه‬

‫عصام ضاحكا ‪ :‬ههههههه لما انت وشك جاب الوان كدة امال البت‬ ‫تعمل ايه؟‬ ‫ماجد بابتسامه بدأت تشق طريقها تدريجيا الى فمه ‪ :‬يعنى حضرتك‬ ‫موافق‪ ...........‬يعنى خلاص كدة‬ ‫عصام ‪ :‬من ناحيتى انا خلاص كدة‪ ...........‬بس لسه طبعا الكلمه‬ ‫الاخيرة لصاحبه الشأن‬ ‫ماجد بفرحه ‪ :‬يعنى حضرتك موافق كدة خلاص؟ مش هتسألنى عن‬ ‫شغلى ودراستى و‪...........‬كدة يعنى؟‬ ‫عصام ‪ :‬هههههه لا يا سيدى انا عارف كل دة ومش مهم كمان انا المهم‬ ‫عندى ادى بنتى للشخص اللى يستحقها‪.‬بس طبعا زى ما اتفقنا اكلم منار‬ ‫الاول وبعدين ابقى اديك معاد تانى نتكلم فى التفاصيل لو في نصيب ان‬ ‫شاء الله‬ ‫ماجد بلهفه ظهرت فى سرعته بالرد ‪:‬امتى؟‬ ‫عصام رافعا احدى حاجبيه باستغراب‪ :‬هو ايه اللى امتى؟‬ ‫ماجد وقد اضطربت كلماته ‪:‬يعنى‪ .......‬امتى حضرتك هتسألها وترد‬ ‫عليا؟‬ ‫عصام ‪ :‬هكلمها بعد ما اقفل معاك علطول ان شاء الله‬ ‫ظهرت الفرحه جليه على وجه ماجد فأردف عصام بتسليه ‪:‬بس هى‬ ‫بقى هتاخد وقتها براحتها فى الرد‬

‫‪.....‬يمكن النهاردة يمكن بكرة‪............‬يمكن كمان اسبوع‬ ‫فرغ ماجد فاه ‪ :‬اسبوع!‬ ‫عصام ‪ :‬اه اسبوع ويمكن شهر كمان او ‪..........‬يمكن متوافقش اصلا‬ ‫انتفض ماجد من كرسيه واقفا بينما لم يتمالك عصام نفسه من الضحك ‪:‬‬ ‫هههههه اقعد اقعد بهزر معاك يا راجل‪.‬‬ ‫جلس ماجد يلتقط انفاسه بارتياح بينما اردف عصام بجديه ‪:‬لازم طبعا‬ ‫تاخد وقتها فى التفكير‪ .......‬المهم عندى انك تبعد خالص اليومين دول‬ ‫لحد ما تاخد قرارها وكمان عايزك تبقى عند وعدك ليا فى حال انها‬ ‫رفضت ولا ايه يا بشمهندس‬ ‫ماجد بجديه ‪:‬انا تحت امر حضرتك يا فندم واوعدك ان الفترة الجايه‬ ‫لحد ما حضرتك تدينى الرد انا حتى لو شفت الانسه منار صدفه همشى‬ ‫فى طريقى كأنى مش شايفها والقرار اللى هتاخدة انا هحترمه‬ ‫عصام ‪ :‬دة عشمى فيك‪ ............‬يلا بقى عشان معطلكش عن شغلك‬ ‫اكتر من كدة‬ ‫ماجد بسرعه ‪ :‬عطله ايه بس يا فندم ؟ الشغل كله تحت امرك‬ ‫عصام ممازحا ‪ :‬بس انا بقى مش فاضيلك ولسه ورايا مكالمه تانيه‬ ‫‪.........‬لو مش عايز ادينا قاعدين نسلى بعض انا فاضى‪ ........‬انت‬ ‫وراك حاجه؟‬ ‫ماجد مستجيبا للمزحه واضعا يدة على راسه ممثلا التذكر ‪:‬ياااااااة هو‬ ‫انا مقلتش لحضرتك ان انا عندى اجتماع مهم‬

‫عصام ممثلا الدهشه ‪:‬لا والله‪ ........‬مقولتليش انت على الحكايه دى‬ ‫قبل كدة‪........‬امتى الكلام دة؟‬ ‫ماجد عاقدا حاجبيه متصنعا الاسى ‪ :‬اول امبارح كدة‪ ....‬بس الدكتور‬ ‫طمنى وقالى الحاله مش خطيرة اوى‬ ‫عصام ‪ :‬هههههه تصدق اللماضه واحدة‪ ..........‬المهم صحيح فكرتنى‬ ‫‪........‬بمناسبه الدكتور انا متشكر جدا للى عملته مع عليتى فى يوم‬ ‫الحرامى دة‪ ......‬صدقنى لسه عارف امبارح والا كنت اتشرفت‬ ‫بمعرفتك من زمان‬ ‫ماجد ‪:‬الشرف ليا يا فندم والله‪ ..‬وبعدين دة واجبى‪ ........‬اى حد مكانى‬ ‫كان هيعمل اللى عملته واكتر‬ ‫عصام ‪ :‬ربنا يكتر من الشباب اللى زيك يا بنى‬ ‫ثم اضاف بلهجه امرة مرحه ‪ :‬على اجتماعك يا عم انت بقى وسيبنى‬ ‫اشوف مكالماتى‬ ‫ماجد بابتسامه ‪ :‬حاضر يا فندم ‪.‬السلام عليكم‬ ‫عصام ‪ :‬وعليكم السلام ورحمه الله وبركاته‬ ‫‪.................................................‬‬ ‫انتهى ماجد من محادثته بينما كان عماد يخوض محادثه اخرى لكن عبر‬ ‫هاتفه الذى اعلن ورود مكالمه من‪ .........................‬سها‬ ‫تجاهل عماد اتصالها فى اول مرة اى ان اصرارها ارغمه على الرد‬ ‫ليأتيه صوتها فى الجه المقابله‬

‫سها بصوت خجول ‪ :‬السلام عليكم ورحمه الله وبركاته‬ ‫عماد بخشونه ‪:‬وعليكم السلام ورحمه الله وبركاته‪ ........‬نعم‬ ‫سكتت سها قليلا تستجمع شجاعتها امام لهجته القاسيه ثم تابعت ‪ :‬انا‬ ‫كنت بكلمك علشان عايزة اتناقش معاك فى حاجه مهمه ممكن دلوقتى؟‬ ‫عماد زافرا ‪:‬اتفضلى‪.......‬بخصوص ايه؟‬ ‫سها ‪ :‬بخصوص الفرح‬ ‫عندها هب عماد بقوة ‪ :‬والله انا راجل عندى شغل ومش فاضى للكلام‬ ‫الفارغ دة‪ .......‬روحى اتفرجى على اللى انتى هايزاة واختارى اللى‬ ‫انتى عايزاه وانا هبعتلك الكرديت بتاعتى‪ ..........‬خلاص؟‬ ‫عندها اتاه ايضا صوت سها العالى الذى يشوبه بكأؤها بوضوح ‪:‬انا‬ ‫مش عايزة منك حاجه‪ .....‬انا اصلا كنت بتصل عشان اقولك انى مش‬ ‫عايزة فرح اصلا‪ ...........‬وانا قلتلك قبل كدة انى مش للبيع‪.‬‬ ‫هدأ صوتها ثم اردفت ولا يزال البكاء يسيطر على صوتها ‪:‬انت ليه‬ ‫مصر تحسسنى انك بتشترينى ؟‪.............‬انا متطلبتش منك حاجه‬ ‫وانت وعدتنى انك هتعاملنى بالحسنى‪ ............‬والله مش عايزة منك‬ ‫اكتر من كدة‪ ........‬يا سيدى بلاش عشان هبقى مراتك بس عاملنى على‬ ‫انى بنى ادمه بلاش الاسلوب دة‬ ‫رق عماد لصوت بكاؤها وكلمتها ‪ .‬المه ان يتسبب فى جرحها دائما بهذة‬ ‫الطريقه ‪.‬لام نفسه على معاملته القاسيه دائما معها فما ذنبها هى ان كان‬

‫قلبه يحمل الجراح والألام الى الان ‪.‬ايجب عليه ان يجرحها دائما‬ ‫ليشعر بالانتصار لقلبه المجروح ؟‬ ‫اجفلت سها واتسعت عيناها الرماديتين المليئتان بالدموع لدى سماع‬ ‫صوته الحنون ‪ :‬طيب انا اسف‪ ........‬ممكن تبطلى عياط بقى؟‬ ‫والله مش قصدى اجرحك بالكلام بس صدقينى انا مضغوط‬ ‫‪.............‬ممكن تقبلى اعتذراى ؟ وصدقينى مش هخلف وعدك معاكى‬ ‫تانى‬ ‫سها وقد مسحت دموعها واتاه صوتها كطفله بريئه ‪:‬وعد مش‬ ‫هتجرحنى بكلامك دة تانى؟‬ ‫عماد مبتسما ‪ :‬وعد‬ ‫سها ‪ :‬طب ادينى هديه الهدنه بقى‬ ‫عماد مستغربا ‪:‬هديه ايه؟‬ ‫سها ‪:‬هو بصراحه طلب‪...........‬اللى انا اسه طلباه دلوقتى‪.‬بعد اذنك‬ ‫مش عايزة فرح ‪ .‬يعنى‪...........‬انا وانت مش اول مرة لينا وحكايه‬ ‫الفرح دى هتبقى بايخه اوى وهتبقى فلوس على الفاضى‪ .‬شركتك وبيتك‬ ‫اولى بالفلوس دى‬ ‫انبهر عماد لطريقه تفكيرها فلم يظن ان امرأه نشأت وسط كل هذا‬ ‫الترف قد يكون هذا هو تفكيرها‬ ‫افاق على صوتها ‪:‬انت روحت فين؟‬

‫عماد ‪:‬ها‪ ...........‬معاكى‪........‬طيب اقفلى دلوقتى عشان ورايا شغل‬ ‫لما اخلصه نبقى نشوف الموضوع دة‪..........‬ممكن؟‬ ‫سها وهى سعيدة لطريقه حديثه التى اصبحت اكثر لينا ‪:‬اه طبعا‬ ‫‪..........‬هستناك ترد عليا ‪.......‬مع السلامه‬ ‫اغلقت الخط تاركه عماد وسط ذهوله المتكرر لتصرفاتها الغريبه ‪ :‬هل‬ ‫يعقل ان هناك امرأة تفكر بهذة الطريقه فى هذا المجتمع؟‬ ‫‪........................................................‬‬ ‫مر الشهر سريعا على الجميع بالطبع وافقت منار على طلب ماجد لكن‬ ‫بعد ان استأذنت والدها لاداء الاستخارة اولا مما اسعد الجميع هذا‬ ‫التفكير السليم‬ ‫اما ماجد فقد ارتاح قلبه كثيرا وبدأ يعد الايام والشهور حتى تنتهى تلك‬ ‫السنه ليبدأ بعد انتهائها‬ ‫علاقته الرسميه بمنار حياته كما اطلق عليها‬ ‫اما عماد فالبطبع وافق على فكرة عدم اقامه حفل للزفاف وقد اكتفو‬ ‫بحفله بسيطه لدى عقد القران حضرها الاحبه من الطرفين الذين‬ ‫تضمنوا ماجد ومنار وعائلتيهما بالطبع‬ ‫اما السنه فقد مرت على الجميع باختلاف كبير بين احوالهم‪.‬‬ ‫فمنهم من كان يعد الساعات والدقائق قبل الايام والشهور لانقضائها‬ ‫كماجد ومنار ونفين وعصام‬

‫ومنهم من مرت عليه طويله مليئه ومحمله بالاحداث الحلوة والمرة‬ ‫على حد سواء كتلك الاسرة الصغيرة التى تكونت حديثا‬ ‫ومنهم من خاضها بين الذكريت والحاضر والمستقبل فلم يحدد ما ان‬ ‫كانت مرت بسرعه ام ببطئ كفوقيه ومى ومهند‬ ‫لكنها بالنهايه مرت ككثير من الايام والشهوروالسنين‬ ‫واخيرا اتى اليوم المنتظر لدى العاشقان ‪ .‬اخر ايام امتحانات الثانويه‬ ‫العامه لدى‪ ...............‬منار‬ ‫‪......................................................................‬‬ ‫نهايه الفصل التاسع عشر‬ ‫الفصل الثالث والعشرون‬ ‫انهت سها صلاتها وشرعت فى تبديل ملابسها‬ ‫كان الجو حارا ولم تجد جهاز التحكم الخاص بمكيف الهواء فقررت‬ ‫ارتداء قميصا قطنيا خفيفا يساعدها على الراحه والنوم فى هذا الجو‬ ‫الحار‬ ‫اخرجته من حقيبتها الكبيرة التى نقلها عماد الى غرفتها بعد ان قررت‬ ‫الهروب مؤقتا بعيدا عنه‬

‫انهت ارتدائه ثم نظرت حولها ببسمه نابعه من قلبها وهى تتامل الغرفه‬ ‫ذات الالوان الطفوليه والمليئه بالالعاب وصور الكارتونات ذات الطابع‬ ‫الوردى فى انحاء الغرفه ‪.‬‬ ‫اغلقت عينيها بالم وما لبثت ان فتحتهم مرة اخرى بتصميم وعزم‬ ‫سها لنفسها ‪ :‬لا يا سها مش هتضعفى تانى‪.‬انتى قويه وتقدرى تكملى ‪.‬‬ ‫وكله يهون عشان وفاء‬ ‫اخذت تردد لنفسها ‪:‬عماد مش زى يحى ‪ .‬عماد مش زى يحى‬ ‫وضعت يدها على فمها تكتم شهقاتها التى صحبت شلالات الدموع من‬ ‫مقلتيها لدى تذكر زوجها الاول يحى الذى تدافعت صورته الى عقلها‬ ‫فى احدى الليالى التى لا تعد وهو يعود مخمورا الى القصر ليوقظها من‬ ‫نومها ويأخذ منها كامل حقوقه عنوة وسط المها وانتحابها الذى قد‬ ‫يدعوه احيانا الى ضربها بقسوة‬ ‫اخذ جسدها بالارتجاف وقد اصبحت تكرر بصوت خافت لكن مسموع‬ ‫‪:‬عماد مش زى يحى‬ ‫تذكرت كلمات طبيبها النفسى الذى عالجها لفترات طويله بأن تغير‬ ‫حالها وتشغل نفسها دائما بأى شيئ ولو كان بسيطا كى لا تترك لنفسها‬ ‫العنان لتذكر الماضى مرة اخرى‬ ‫وبالفعل اخذت نفسا عميقا قامت على اثرة تعلق فستانها لتضعه بالخزانه‬ ‫وتعود لترتيب باقى ملابسها‬

‫لكنها استدارت فزعه لدى دخول عماد المفاجئ غرفتها فتغلبت‬ ‫غريزتها على عقلها وقلبها الذان كررا مرارا وتكرارا ‪ :‬عماد مش‬ ‫زى يحى‬ ‫انتفضت سها مردته الى الخلف بسرعه وقد شدت ملائه السرير‬ ‫بعصيبه وحاولت لفها حول نفسها من اعلى راسها حتى اخمص قدميها‬ ‫ليخرج صوتها العالى الملئ بالخوف والتربص الذان وافقا‬ ‫تصرفها‪:‬اطلع برة‪ ...........‬انت عايز منى ايه؟‬ ‫وقف عماد متسمرا وهو يرى تصرفاتها الجنونيه ‪ :‬تلك المراه ماذا تظن‬ ‫اننى فاعل؟‬ ‫اتظن حقا اننى اتيت لذلك السبب الذى دفعها الى تلك التصرفات؟‬ ‫لم يعلم كيف خرج صوته هادئا رغم ما يتملكه من رغبه فى صفعها‬ ‫على ماظنته به‬ ‫عماد ‪:‬انتى بتعملى ايه يا سها ؟‬ ‫نظرت له سها بعدم فهم وما زال التربص والخوف يفرضان السيطرة‬ ‫عليها فاردف عماد ‪ :‬ايه الملايه اللى انتى لفاها دى ؟ وايه الرعب اللى‬ ‫انتى فيه ده ؟‬ ‫هم بالاقتراب الا ان صوتها الجهورى جعله يتسمر مكانه ثانيه‬ ‫سها ‪ :‬خليك مكانك ‪ ..........‬لو قربت منى هقتلك‬ ‫ظنت ان تسمرة لوهله يعنى تراجعه لكنها لم تعلم انها جعلته يفقد صوابه‬ ‫بكلماته وبسرعه البرق كان يقف مواجها لها يمسكها من زراعها بقوة‬

‫قيدت حركتها وهو ينزع الملائه التى غطت بها نفسها وهو يصرخ بها‬ ‫‪:‬شيلى الزفته دى‬ ‫انتى فاكرة نفسك ايه ؟ ولا فاكرنى انا ايه؟‬ ‫اظن انا قلتلك قبل كده انى راجل بحب مراتى‬ ‫انتى ملكيش لازمه هنا ليا‪ ............‬انتى دورك داده لوفاء وبس‬ ‫‪.............‬اللى زيك ماتملاش عينى‪ .‬فاهمه؟‬ ‫جذبها من زراعها مقربا وجهها الى وجهه بقوة حتى اصبحت عيناهما‬ ‫متقابلتين كما لو كانتا تحتضنان بعضهما مما جعل سها رغما عنها تهيم‬ ‫فى بريق عينيه ذات اللون العسلى الصافى الذى لاحظته لاول مرة‬ ‫حتى اتاها صوت عماد الذى ربما هدأ فى علوة لكن نبرته كانت لاتزال‬ ‫تحمل كل الحزم والقوة ‪ :‬حتى لو كنتى عريانه مش هبصلك‬ ‫انهى جملته ثم نفضها عنه بقوة لتسقط على السرير بينما خرج من‬ ‫غرفتها صافعا الباب خلفه بقوة مما جعله تنتفض مكانها غارقه فى‬ ‫بحور من الاهات والدموع والالام مرة اخرى‬ ‫ارتمت براسها على السرير تنتحب بقوة وهى تغطى وجهها بكلتا يديها‬ ‫اما عماد فاتجه الى حمام غرفته يضع راسه تحت صنبور المياه عله‬ ‫يطفئ بعض الرغبات المشتعله براسه الان اما بضرب سها او اخذها‬ ‫بين ذراعيه بقوة ويعتصرها بين احضانه حتى تبلى عظامها‬ ‫اغمض عينيه ولايزال راسه تحت صنبور المياه وهو يتذكر عينيها‬ ‫الرماديتين الهائمه التان ازالت الضباب عن عينيه وجعلته يراهما‬ ‫بوضوح لاول مرة‬

‫اخرج راسه فجأة يلتقط انفاسه وهو يستند براحتى يده على حوض‬ ‫المياه فخرج صوته من بين انفاسه المتلاحقه ‪:‬ماشى يا سها‪ ........‬يانا‬ ‫يانتى‪ .........‬لما نشوف اخرتها معاكى ايه‬ ‫للمره الثانيه ترى سها ذلك الحلم المخيف والغريب لكن هذة المرة يمد‬ ‫الرجل خلف الباب لها يده لتدخل الا ان سها تردد فى ذلك فيصر الرجل‬ ‫الذى يختفى وراء الباب على مد يدة اليها فيأتيه صوتها الباكى ‪ :‬بس‬ ‫انت بابك قديم اوى ومش هتعرف تحمينى منهم‬ ‫ليرد عليها الرجل من خلف الباب ‪ :‬بابى قديم بس ممكن يتجدد‬ ‫‪............‬دة باب قوى ومش هيقدروا يعدوا منه وراكى‬ ‫سها بخطوات بطيئه متردده ناحيه البستان ‪:‬بس انا خايفه‬ ‫يحثها بيده ثانيه على التقدم بينما هى تنظر خلفها لتجد الوحوش تقترب‬ ‫بسرعه كبيرة والباب يكاد يغلق ثانيه وهى مكانها لاتدرى ما تفعل‬ ‫استيقظت سها من نومها لاهثه وهى تتمتم(( اعوذ بالله من الشيطان‬ ‫الرجيم)) ثلاثا ثم نفثت عن يسارها ثلاثا‬ ‫نظرت حولها لتبحث عن هاتفها فأجفلت على صوت المؤذن يعلن عن‬ ‫دخول وقت الفجر‬ ‫رددت الاذان ثم تخذت شالا على كتفيها وخرجت تجوب الشقه على‬ ‫اطراف اصابعها تبحث عن الحمام فغرفه الصغيرة لم تكن ذات حمام‬ ‫خاص كذلك سها لم تحفظ اماكن الغرف بالتحديد فقد كانت متوترة وقت‬ ‫كان عماد يريها اركان البيت‬

‫كانت تشعر بالتوتر وهى تجوب شقته فى الظلام على اطراف اصابعها‬ ‫الا ان رات ضوا ياتى من اخر الممر الطويل الذى يجمع الغرف‬ ‫ابتسمت لنفسها وهى تتذكر مكن الحمام القريب من غرفه وفاء والذى‬ ‫دلها عليه عماد من قبل قائله فى نفسها بسخريه ‪ :‬هه غبيه‬ ‫اتجهت الى الحمام سارحه فاصطدمت بعماد الذى خرج من غرفته‬ ‫فجأة ولا يزال يكمل ارتداء جبته البيضاء التى غطت راسه‬ ‫كان عماد يتميز ببنيته القويه فوقعت سها ارضا اثر اصطدامها به بعد‬ ‫ان ارتطم زراعها باحدى التحف الطويله الموضوعه فى الممر‬ ‫فاصدرت تاوها عاليا‬ ‫بينما اكمل عماد ارتداء جبته بسرعه وانحنى بجانبها على ركبتيه‬ ‫ارضا ليرى ما الذى اصابها‬ ‫اسندها بكلتا يديه بلهفه ‪ :‬جرالك حاجه ؟‬ ‫سها وهى تمسك بزراعها ‪ :‬لا ابدا بسيطه‬ ‫عماد ‪ :‬بسيطه ازاى ؟انا سمعت صوت خبطه جامدة وصوتك كمان‬ ‫ميطمنش‬ ‫كانا يجلسان ارضا وسط الظلام الذى لا يثنيه سوى الضوء الخافت‬ ‫الذى يأتى من اخر الممر‬ ‫كانت سها تجلس مستنده على زراعى عماد القويتين حيث لف احدهما‬ ‫حول ظهرها يسندها والاخرى ممسكه يدها بقلق بينما هو يجلس مستندا‬ ‫على ركبتيه‬