هل سأعود اليك يا من كنت حبيبى ؟!

‫انا هجنن طب ليه مافقش ؟‬ ‫سها بحيرة ‪ :‬مش عارفه يا عماد الله اعلم ‪ .‬طب ما يمكن فى حاجه‬ ‫والدكتور ده ما قدرش يوصلها‬ ‫عماد‪ :‬انا قلت زيك كده واستدعيت اكبر داكترة فى مصر ‪ .‬فؤاد نفسه‬ ‫قالى انه متأكد انه مفيش اصابه فى راسه تسبب الغيبوبه دى‬ ‫سها بأسى ‪ :‬طب وايه الحل ؟ ممكن يسافر بره ؟‬ ‫عماد ‪ :‬قالولى ممنوش فايده مش هيقدروا يعملوا اكتر من اللى اتعمل‬ ‫هنا ‪ .‬اخر حاجه وصلولها انهم يستدعوا دكتور نفسى يمكن يلاقى حل‬ ‫سها‪ :‬ربنا معاه هو قادر على كل شيئ ادعى انت بس وخليك واثق فى‬ ‫ربنا وبكرة تلاقيه قدامك زى الحصان ويتناقر معاك زى زمان كمان‬ ‫عماد برجاء صادق ‪ :‬يا رب ‪.‬‬ ‫هم بالذهاب ‪ :‬انا ماشى يا سها اقفلوا على نفسكم كويس انا مش هتاخر‬ ‫ان شاء الله‬ ‫اوقفته سها بتردد فحثها عماد على الكلام ‪ :‬ايه يا حبيبتى مالك ؟ عايزة‬ ‫تقولى حاجه؟‬ ‫سها بتردد ‪ :‬كنت‪ ........‬كنت عايزة اجى معاك‬ ‫عماد عاقدا بين حاجبيه ‪ :‬تيجى معاى فين؟ تعملى ايه ؟‬ ‫سها وهى تفرك يديها ببعضهما بتوتر ‪ :‬بصراحه كده عايزة ازور منار‬

‫امسكت زراعه برجاء ‪ :‬بالله عليك يا عماد انت عارف ان منار عزيزة‬ ‫عليا وغاليه عندى خلينى اجى ازورها اطمن عليها‬ ‫عماد وهو ينظر الى نقطه فى الفراغ ‪ :‬ما تستهلش يا سها‬ ‫هى السبب فى كل اللى حصل زمان ودلوقتى محدش سبب لماجد الم‬ ‫فى حياته قدها ودلوقتى مرمى فى غيبوبه بين الحياه والموت بسبببها ‪.‬‬ ‫ماتستهلش يا سها‬ ‫سها مدافعه ‪ :‬حرام عليك يا عماد ما تقولش كده ‪ .‬اللى ماجد فيه ربنا‬ ‫كاتبهوله سواء بمنار او منغيرها‬ ‫وبعدين مش انت اللى زمان قلت اننا منقدرش نلومها على اللى عملته‬ ‫ليه دلوقتى بتشيلها ذنب ش ذنبها ؟‬ ‫منار هى اكبر ضحيه فى اللى حصل يا عماد وماجد انقذها بارادته لانه‬ ‫بيحبها والموت بالنسبه له كان اهون انها تتاذى قدام عينه‬ ‫لم يستطع عماد ان يجيبها ولم يجد بدا من الذهاب دون مجادله فهو لا‬ ‫يجد عله لما ييضيق به صدرة من تحميل منار المسؤليه وفى نفس‬ ‫الوقت لا يستطيع ان يسمح لسها بزيارتها الان على نفسه ان تهدأ اولا‬ ‫كى يتحمل الامر‬ ‫‪.................................................................‬‬ ‫فى المشفى تجمع الاطباء المتابعين لحاله ماجد العجيبه مع الطبيب‬ ‫النفسى لاطلاعه على حاله ماجد بالتفصيل‬

‫ظل الطبيب النفسى يستمع ويستمع الى ان فاجئ الجميع بطلبه ‪ :‬عايز‬ ‫اعرف تفاصيل الحادث تفصيل تفصيل‪ ..‬كل كلامكم على عينى‬ ‫وراسى بس ميهمنيش اوى منه غير انه مفيش سبب عضوى لحالته‬ ‫انا عايز الشاهد على الحادث‬ ‫د‪/‬سعيد جادالله المسؤال الاول عن حاله ماجد ‪ :‬يا دكتور مروان مفيش‬ ‫شاهد معين اللى عرفته ان المريض جيه معاه بنت فى نفس الحادث لو‬ ‫تقدر تفيدك الدكتور عبد الرحمن عمار هو المسؤل عن حالتها‬ ‫د‪/‬مروان ‪ :‬حلو اوى‪ .‬انا عايز الاول اقعد مع عبدالرحمن وبعدين‬ ‫المريضه بتاعته‪...................................‬وقد تم‬ ‫بدات المحادثه بين عبد الرحمن والدكتور مرواون بتفاصيل معالجتها‬ ‫وحالتها وقت الحادث وقد اخبرة عبدالرحمن بكل ما يعرفه عن حالتها‬ ‫وحتى دموعها التى هبطت اثناه العمليه ولكنه لم يخبرة عن التفاصيل‬ ‫العائليه سوى بعد ضغوط عده من الدكتور مروان واخباره ان حياه هذا‬ ‫الشاب تتوقف على تلك المعلومات وانها فى هذه الحاله لا تعد افشاءا‬ ‫لسر المهنه كما اعتقد عبد الرحمن‬ ‫وقد اتى دور منار فى مقابله د ‪/‬مروان الذى طلب من عبد الرحمن‬ ‫تهيئ جو مناسب لذلك‬ ‫عبد الرحمن ‪ :‬مش فاهم يعنى اهيئ الجو دى ؟‬ ‫د‪/‬مروان ‪ :‬بص يا عبد الرحمن انت لسه قايل انه باباها خرج عن‬ ‫شعورة لما عرف انها بس كانت معاه وادت عصبيته لمضاعفات الكسر‬ ‫اقوم انا اروح اتكلم معاها عن حالته مثلا قدام ابوها ؟‬

‫انت عايزين اطلع بكام غرزة ولا بتفكر تخلص عالمريضه بتاعتك ؟‬ ‫عبد الرحمن وهو يضرب راسه بباطن كفه كالمعتاد ‪:‬‬ ‫اووووووووووووبا فاتتنى دى كد انا فهمت‬ ‫ابتسم ثم اضاف‪ :‬انا فعلا لازم اهيئلك الجو‪ .‬سيبه عليا الموضوع ده يا‬ ‫دوك‬ ‫مروان ‪:‬دوك !!انت نسيت انك كنت تليميذى يا عبد الرحمن ولا عشان‬ ‫ابوك صاحبى بقى واخد راحتك‬ ‫وبعدين تعالى هنا يا بنى انت مستسهل الموضوع كده ليه ؟ الموضوع‬ ‫صعب مش زى مانت متخيل ‪ .‬انا عايز اقعد معاه اطول فترة ممكنه‬ ‫بدون اهلها انت فاهم انت مطلوب منك ايه ؟‬ ‫عبد الرحمن وهو يخرج من الغرفه متبرما ‪ :‬فاهم فاهم يا عم خلاص‬ ‫مروان وهو يضرب كفيه ضاحكا بعد خروج عبد الرحمن ‪ :‬عم كمان‬ ‫!!ماشى ماشى‬ ‫بالطبع كان عبد الرحمن يعرف ماذا عليه ان يفعل فقد ظل طوال النهار‬ ‫يجول فى الكوريدور بحجه وبدون حجه ينتظر خروج مى وحدها من‬ ‫الغرفه حتى صار ما يريد‬ ‫راته فاسرعت الخطا الى وجهتها ولكنه لحق بها بسرعه الى ان ابتعد‬ ‫عن عيون من يعرفها‬ ‫عبد الرحمن ‪ :‬مى‪ .....‬يا مى‪ ......‬استنى بس هقولك والله عايزك فى‬ ‫موضوع مهم‪...........‬طب بلاش مى ‪.....‬يا طمطم ‪..........‬انتى يا ست‬

‫توقفت مى والتفتت غاضبه تضع يدها بخصرها ‪ :‬نعم عايز ايه ؟ انا‬ ‫مش قولت عيب كده مينفعش تتكلم معايا ؟ ولا حضرتك عايز تتسلى‬ ‫وخلاص ؟‬ ‫عبد الرحمن ‪ :‬بغض النظر عن انك ظلمانى بس والله فعلا عايزك فى‬ ‫موضوع مهم جداااا يخص حياه الاستاذ ماجد واختك‬ ‫هدأت ملامح مى ونزعت يدها من خصرها ‪ :‬انت تعرف ماجد منين ؟‬ ‫عبد الرحمن ‪ :‬طب انا اكلمك ازاى دلوقتى ؟ ممكن نقعد فى جنينه‬ ‫المستشفى‬ ‫مى غاضبه مرة اخرى ‪ :‬لا طبعا لو عندك كلام مهم قولوا دلوقتى حالا‬ ‫انا مبقعدتش مع حد فى جناين‬ ‫عبد الرحمن وقد بدأ بالغضب ايضا ‪ :‬خلاص يا مى الموضوع انه‬ ‫‪............‬‬ ‫فجا جاء مهند وكأنه اتى من العدم ‪ :‬طيب ما تقولى انا الموضوع ايه‬ ‫بالظبط يا دكتور عبد الرحمن انا اقدر افهمك اكتر من مى‬ ‫اصفر وجه مى بينما ابتلع عبد الرحمن ريقه وما لبث ان استعاد ثقته‬ ‫ورفع نظارته لاعلى بسبابته بينما تقدم نحو مكتبه ‪ :‬هات الانسه وتعالى‬ ‫رايا مكتبى يا استاذ مهند‬ ‫لم يدع عبد الرحمن لمهند فرصه للاعتراض فنظر مهند بدورة نحو مى‬ ‫بغيظ ‪ :‬قدامى يا انسه اما اشوف ايه حكايتك انتى كمان‬

‫اغتاظت مى ايضا من قوله ومن حركه يده ايضا التى امتدت تقودها‬ ‫خلف عبد الرحمن الى مكتبه فهمست لمهند ‪ :‬حسابك معايا بعدين يا‬ ‫جزمه انت ناسى ان انا الكبيرة ؟‬ ‫مهند ولا يزال يقودها فتحدث بهمس مثلها ‪ :‬اما نشوف مين اللى‬ ‫هيحاسب مين يا جزمه قال كبيرة قال !!ده انا هنفخك‬ ‫وصل الاثنين خلف عبد الرحمن غرفه مكتبه التى تعرفها مى جيدا فبدأ‬ ‫مهند بالكلام ‪ :‬احب اعرف ايه الموضوع اللى كنت عايز مى اختى فيه‬ ‫يا دكتور‬ ‫عبد الرحمن بثقه الطبيب وهو ينظر تجاه مى ‪ :‬انا اديت للانسه مى‬ ‫فكرة انه الموضوع يخص الانسه اختكم والاستاذ ماجد‬ ‫تحولت كل ملامح مهند الى الجديه والاهتمام ‪ :‬فيه ايه ؟ ابيه ماجد‬ ‫كويس ؟‬ ‫عبدالرحمن باستغراب ‪ :‬ابيه ؟ !هو يقربكم ايه بالظبط ؟‬ ‫مهند بلهفه‪:‬ده وقت تحقيق ده ؟ فيه ايه يا دكتور بالظبط؟‬ ‫عبد الرحمن مهدئا ‪ :‬اقعد يا استاذ مهند لو سمحت‬ ‫مفيش حاجه ان شاء الله الاكيد اننا هنلاقى حل‬ ‫مبدئيا انا عايز اعرف الاستاذ ماجد يقربكم ايه بالظبط عشان نبقى‬ ‫متاكدين انه مفيش غلط هيحصل‬ ‫تردد مهند بالاجابه بينما اجابت مى ‪ :‬جوز اختى منار‬

‫نظر لها مهند بالم وعدل كلامها ‪ :‬كان‪ .......‬كان جوز منار‬ ‫نظر عبد الرحمن لكليهما لا يدرى ما يحدث حقا ففى البدايه ظنه زوجها‬ ‫وبعد ما فعله عصام ظنه مجرد حبيبها ولا يرضى والدها به ثم الان‬ ‫يقولون طليقها‪ .‬ترى ما هى القصه حول ذلك‬ ‫عبد الرحمن ‪ :‬مبدئيا انا هعرض عليكم حاله الاستاذ ماجد ‪ .‬يوم الحادثه‬ ‫كان جاى غايب عن الوعى اللى حصل انه رجع لوعيه نوعا ما‬ ‫والممرضات بيحضروه للعمليه عشان نوقف النزيف خطرف بكلام‬ ‫مش مفهوم وبعدين فقد وعيه تانى تحت تاثير البنج‬ ‫لما حاولوا الدكاترة يفوقوه من البنج ما استجبش مع ان الاشعه المقطعيه‬ ‫على المخ ما اظهرتش اى خلل فيه‬ ‫كمان دكاترة المخ والاعصاب بعد الفحص ملقوش اى مشكله الحكايه‬ ‫كلها كسور متفرقه فى جسمه‬ ‫قسم الاستعلامات قال ان اللى جيه مع الاستاذ ماجد قال انه كان بيفدى‬ ‫الانسه اللى كانت معاه واكيد دى حاجه انتوا عارفينها‬ ‫اقدر اقولكم ان الانسه منار لو اخدت نفس الخبطه مكنتش هتستحملها‬ ‫زى الاستاذ ماجد انا عارف ان الاعمار بيد الله بس انا حبيت اوضحلكم‬ ‫الصورة‬ ‫مهند مقاطعا ‪ :‬انا لحد دلوقتى مش فاهم حضرتك عايز مننا ايه بالظبط‬ ‫؟؟‬ ‫عبد الرحمن ‪ :‬سبنى اكمل لو سمحت للاخر‬

‫الدكتور سعيد المسؤل عن الحاله وصى باستشارة طبيب نفسى وحصل‬ ‫والدكتور مروان فعلا اللى هو الطبيب النفسى معتقد فعلا انه سبب‬ ‫الغيبوبه شيئ نفسى بس لحد دلوقتى مش قادرين نعرف ايه السبب‬ ‫كل الخيوط فى ايدينا بس اكيد فى خيط مش موجود غير مع الانسه منار‬ ‫عشان كده الدكتور مروان محتاج جلسه مستعجله معاها‬ ‫هو معتقد انه هى الوحيده اللى هتوصلنا لسبب الغيبوبه ولو قدرنا‬ ‫نوصل للسبب ان شاء الله الحل هيكون فى ايدينا وطبعا محتاجين جلسه‬ ‫منفرده معاها ولوقت طويل وده مش هيكون ممكن غير بمساعدتكم‬ ‫عشان الاستاذ عصام وحساسيته للموضوع‬ ‫نظر مهند لمى باستفهام وكانه يسألها ‪ :‬من اين له ان يعرف بذلك ؟؟‬ ‫فاومت مى كنايه عن ‪ :‬بعدين هقولك‬ ‫عبد الرحمن‪ :‬ها يا اساتذه ايه رايكم فى الكلام ده ؟‬ ‫مهند بثقه ‪ :‬اتوكل على الله وقولى محتاجينها امتى وانا هتصرف‬ ‫مى ‪ :‬استنى يا مهند بس انت ناسى ان منار ماتعرفش اصلا ان ماجد فى‬ ‫غيبوبه‪ .‬دى لو عرفت احنا اكيد هنحتاج الدكتور مروان ده عشانها هى‬ ‫عبد الرحمن‪ :‬اه يعنى محتاجين نمهدلها الاول ؟‬ ‫مهند ومى ‪ :‬اكيد‬ ‫عبد الرحمن ناظرا لمى ‪ :‬اعتقد دى مهمه الانسه مى‬ ‫مى متبرمه ‪ :‬واشمعنه انا ؟‬

‫عبد الرحمن بطفوليه متبرمه مثلها ‪ :‬عشان انتى اختها وبنت زيها مش‬ ‫محتاجه فقاقه‬ ‫مى بنفس التبرم ‪ :‬لا دى صعبه شوفلك حد غيرى مليش دعوة انا‬ ‫عبد الرحمن ‪ :‬فيه ايه يا مى احنا هنهظر ؟‬ ‫مهند واقفا بقوة ‪ :‬فى ايه انتو ؟ ما تهدوا شويه مش ناقص غير‬ ‫احضرلكم الرضعه ايه شغل العيال ده‬ ‫وبعدين فيه يا دكتور عبد الرحمن اسمها انسه مى ايه مى اللى انت‬ ‫عمال تقولهالى دى ؟ عيب عليك والله‬ ‫عبد الرحمن وهو ينظر تجاه مى بغيظ بينما هى تكتم ضحكاتها انتصارا‬ ‫‪:‬اسف‬ ‫مهند ‪ :‬محصلش حاجه خلاص ‪ .‬شوف الدكتور ده هيحدد معاد امتى‬ ‫وياريت لو بالليل بعد انتهاء الزيارة وبلغنى‬ ‫عبد الرحمن ‪ :‬النهارده لو امكن‬ ‫مهند لمى ‪ :‬كده محتاجين حاجتين النهارده انتى تمهدى لمنار وانا‬ ‫ازحلق ابوكى وامك‬ ‫مى معترضه ‪ :‬مهند!!‬ ‫مهند ‪ :‬قدامى قدامى ما بناخدتش منك غيرحفظ الاسامى‬ ‫‪.......................................................‬‬

‫فى تلك الليله اصر مهند اصرارا مستميته على والدته بالذهاب الى‬ ‫البيت وهو سيتناوب مع مى بالنيابه عنها اما عصام فقد كان من الاصل‬ ‫يبيت غالبا فى المنزل مع مهند‬ ‫ذهب الجميع ولم يبقى سوى مهند ومى بصحبه منار نظرت مى لمهند‬ ‫واشارت بانها ستبدأ فبادر مهند ‪ :‬نا هروح الاوضه اللى جنبكم اشوف‬ ‫ابيه عماد بايت النهارده ولا ايه‬ ‫خرج سريعا وخرجت مى تلحقه ‪ :‬انت بتستهبل يا مهند ؟ انت رايح فين‬ ‫وسيابنى اقولها لوحدى‬ ‫مهند برجاء ‪ :‬مش هقدر يا مى مش هقدر اشوفها بتبكى بمرار عليه‬ ‫تانى انا ماصدقت هديت اليومين اللى فاتوا عشان خاطرى يا مى خليكى‬ ‫انتى جنبها واول ما تكون جاهزة رنيلى عشان نجيب الدكتور زى ما‬ ‫اتفقنا‬ ‫بالفعل عادت مى وحدها لتجد وجه منار المتربص بانتظارها ‪ :‬فيه ايه ؟‬ ‫مى ‪ :‬ها ايه ايه ؟؟ مفيش حاجه يا منار مالك‬ ‫منار ‪ :‬لا فيه انتى ومهند خرجتوا ورا بعض وعمالين تغمزوا لبعض‬ ‫من الصبح هو فيه ايه بالظبط‬ ‫مى ‪ :‬بصى يا منار عايزاكى تهدى كده وتسمعينى للاخر‪......‬‬ ‫بادرت منار بسرعه‪ :‬ماجد جراله حاجه ؟ قولى يا مى بسرعه‬ ‫ماتوقعيش قلبى الله يخليكى‬ ‫مى ‪ :‬لالا والله زى ماهو مجرالوش حاجه‬

‫تنفست منار الصعداء ثم اعادت سؤالها ‪ :‬امال فى ايه ؟‬ ‫مى ببطئ ‪ :‬هو بصراحه ماجد حالته زى ماهى من الاول ماجراش‬ ‫حاجه جديده‬ ‫منار بتوجس ‪ :‬يعنى ايه؟‬ ‫مى ‪ :‬بصراحه كده ماجد فى غيبوبه من يوم الحادثه‬ ‫منار وهى تهز راسها ‪ :‬انتى بتقولى ايه يا مى ؟ يعنى ايه غيبوبه ؟‬ ‫يعنى هيروح منى تانى‬ ‫اسرعت مى اليها تحتضنها ‪ :‬لا يا حبيبتى لا ان شاء الله يقوم بالف‬ ‫سلامه‬ ‫منار وقد انخرطت فى البكاء ‪ :‬ليه مقلتوليش ؟؟ انا قلبى كان حاسس‬ ‫والله انكم مخبين حاجه‬ ‫انا كنت عارفه انه فيه حاجه لو كان كويس كان جيه شافنى انا كنت‬ ‫عارفه‬ ‫مى ‪ :‬بصى يا منار الله يكرمك ركزى معايا‬ ‫ماجد ان شاء الله هيخف وهيقوم على رجليه وكل ده فى ايدك انتى بعد‬ ‫ربنا‬ ‫مناربلهفه ‪ :‬انا ؟؟ طب قوليلى اقدر اعمل ايه ؟ والله مش هتاخر بس هو‬ ‫يبقى كويس‬

‫مى ‪ :‬حلو اوى ‪ .‬الدكتور اللى بيعالجه عايزك فى كلمتين دول‬ ‫هيساعدوة جدا انه يلاقى حل‬ ‫منار وهى تمسح دموعها بامل ‪ :‬حاضر والله حاضر خليه يجى يسالتى‬ ‫اللى هو عايزة دلوقتى‬ ‫خرجت مى بسرعه الى مهند لتجده يقف قباله الباب بصحبه عماد الذى‬ ‫كان ينتظر معه بفارغ الصبر وقد اعربت وجوههم عن القلق‬ ‫مى بسرعه ‪ :‬فين الدكتور يقعد مع منار‬ ‫ذهب عماد ومهند بسرعه لاستدعاء الطبيب الذى اتى بصحبه عبد‬ ‫الرحمن‬ ‫دخل الطبيب وحيدا الى منار وقد ابقى باب الغرفه مفتوحا بينما بقى‬ ‫الجميع بالخارج يدعون لبان يصل الطبيب الى مبتغاه‬ ‫بدا الطبيب جلسته بمحاوله التخيف عن منار ببعض الجمل كامثال ‪ :‬ايه‬ ‫يا بنتى ده رجعتونى لزمان عنتر وعبله‬ ‫ابتسمت منار ابتسامه جانبيه بعدها سالت بامل ‪ :‬ماجد هيبقى كويس ؟؟‬ ‫ابتسم الطبيب ‪ :‬ان شاء الله بس انتى ساعدينى‬ ‫منار وقد بالبكاء ‪ :‬قولى اعمل ايه بس وانا اعمله ؟‬ ‫الطبيب هتحكيلى على كل حاجه بالتفصيل ابتداءا بجوازكم واسباب‬ ‫الطلاق وانتهاءا بالحادثه تفصيلا‬

‫بعد اكثر من ساعتين خرج الطبيب مستبشرا بينما التف الجميع حوله ‪:‬‬ ‫يااااااااااه لسه فيه حب كده الولاد دول ربنا يباركلهم فيه‬ ‫عبد الرحمن ‪ :‬يااااااااااااااااادكتور مروان لسه هتستغرب الناس هتموت‬ ‫مالاقلق يا عم طمنهم الاول‬ ‫مروان بنظره لعبد الرحمن\" زغرله ‪\" :‬مبدئيا مااسمعش صوت الواد ده‬ ‫تانى‬ ‫دفعه عماد ومهند للخلف بسرعه‬ ‫مهند ‪ :‬ولا هتشوف خلقته تانى بس طمنا الله يخليك‬ ‫مروان‪ :‬وهو يرفه نظارته الطبيه ‪ :‬انا الحمد لله غالبا وصلت لسببب‬ ‫الغيبوبه‬ ‫الاستاذ ماجد معتقد ان العربيه اللى فى الصف التانى من الطريق‬ ‫خبطت بالفعل الانسه منار‬ ‫بمعنى انه فاهم انه حدفها لموتها لانه زى ما قالت الانسه منار لقت‬ ‫نفسها تحت عربيه اول ما فاقت من الصدمه‬ ‫اعتقد ان الاستاذ ماجد ما اسعفهوش الوقت قبل ما تحصل حادثته انه‬ ‫يتاكد انه العربيه التانيه ما خبطتش الانسه منار وده يفسر ليه كام‬ ‫بيخطرف بحاسبى يا منار قبل العمليه‬ ‫حبه ليها مخليه مش قادر يتصور انه ممكن يرجع للحياه تانى بعد ما‬ ‫تسبب فى موتها ‪..........‬ده على اعتقاده‬

‫انا شايف انه باذن الله لو الانسه منار دخلتله واتكلمت معاه اكيد‬ ‫هيستصوتها ويدرك انها بالاصل عايشه وانه ما تسببلهاش فى اذى‬ ‫الموضوع بسيط ان شاء الله لو زى ما انا معتقد‬ ‫عماد ‪ :‬طب افرض الموضوع ماطلعش كده‬ ‫صمت الطبيب قليلا ثو تحدث باسف ‪ :‬يبقى الموضوع مش فى ايدى انا‬ ‫اسف‬ ‫مهند ‪ :‬ان شاء الله يبقى زى ما حضرتك قلت‬ ‫عماد ‪ :‬طب هى تقدر تشوفه امتى‬ ‫مى معاتبه ‪ :‬لما تهدى الاول يا استاذ عماد منار منهارة اصلا‬ ‫عماد ‪ :‬لو هى منهارة ماجد بيموت يا انسه مى‬ ‫الطبيب ‪ :‬اهدوا يا جماعه ما يصحش كده انتوا فى مستشفى‬ ‫انا شايف انه من الافضل نخليها بكرة الصبح لما الانسه منار تهدى‬ ‫عشان الدنيا ما تتعقدش اكتر وتبقى قادرة تقف على رجليها‬ ‫اجفل الجميع على الصوت الباكى الاتى من باب الغرفه ‪ :‬لا انا عايزة‬ ‫اشوفه دلوقتى‬ ‫لم تستطع منار الصمود اكثر فجلست ارضا على ركبتيها تبكى بمرار‬ ‫انها نفس الجلسه التى جلستها وقت خرج ماجد اخر مرة بعد ان اعطاها‬ ‫حريتها‬

‫انه نفس البكاؤ المرير ونفس الالم الذى يعتلى صدرها لفقدانه ولكنه هذه‬ ‫المرة اشد واشد‬ ‫هرع اليها مهند ومى فامسكت بزراع مهند تستنجده ‪ :‬سيبنى اروحله يا‬ ‫مهند الله يخليك‬ ‫سيبنى اساعده ولو مرة فى حياتى‬ ‫عشان خاطرى يا مهند خليهم يودونى اشوفه واكلمه‬ ‫مى وهى تحتضنها ‪ :‬طب خليكى للصبح لما تهدى والله هتروحيلو‬ ‫صدقينى‬ ‫منار ‪ :‬لا دلوقتى ما اقدرش استنى للصبح ودواه فى ايدى‬ ‫الطبيب حاسما للامر ‪ :‬هاتوا كرسى متحرك ودخلو الانسه منار فورا‬ ‫لبى عبد الرحمن طلب الطبيب بينما بقى عماد ينظر نحوها باسى‬ ‫هل ظلمها يا ترى حين حملها مسؤليه ما حدث؟‬ ‫ولكن حقا كيف يحملها مسؤليه ما حدث الان وفى الماضى وهى لم‬ ‫تختر من ذلك شيئا بل كل ما حدث كان رغما عنها‬ ‫تذكر كلمات زوجته ‪ :‬منار هى اكبر ضحيه فى اللى حصل‬ ‫قاد مهند الكرسى الذى تجلس فوقه منار الى غرفه ماجد‬ ‫امرة الطبيب بان يتوقف وان يدع منار تدخل وحدها فاعترض مهند‬ ‫ومى‬ ‫مهند ‪ :‬اسيبها لوحدها ازاى يعنى‬

‫مى ‪ :‬ما ينفعش منار هتنهار اول ما تشوفه ولازم ابقى جانبها‬ ‫الطبيب حاسما للامر ‪ :‬اللى اقوله يتنفذ بالحرف الانسه منار هتدخل‬ ‫لوحدها ومحدش هيدخل بعدها غير لما هى اللى تنادى او تخرج‬ ‫كانت منار تنظر نحو الباب غير عابئه بما يقوله الاخرون فقط اتسعت‬ ‫عينيها ودعت الله فى سرها متوكله عليه فور ان فتح لها الباب‪.‬‬ ‫فى الغرفه كان ماجد يرقد قبالتها موصلا باسلاك عده الى راسه‬ ‫وصدرة‬ ‫لا تزال بعض الكدمات ظاهرة على وجهه وجسده‬ ‫تلتف الشاشات البيضاء حول جسده لتخفى منه اكثر بكثير مما تظهر‬ ‫نظرت ليديه لتجدها ممده دون حراك بينما تتصل باحدى شيئ يشبه‬ ‫المشبك‬ ‫نظرت الى وجهه فوجدته ساكنا للاعلى مغمض العينين وتغطى راسه‬ ‫عصابه بيضاء‬ ‫توققت عن تحريك كرسيها بيدها السليمه ووضعتها على فمها تكتم‬ ‫شهقاتها القويه والتى سمعها كل من بالخارج حتى حاول مهند الدخول‬ ‫ولكنه منعه الاطباء‬ ‫بقيت تبكى وتبكى لا تعلم من اين اتت كل تلك الدموع التى ذرفتها حتى‬ ‫ظنت انها قد لا تبصر مجددا من كثرت ما ذرفته حتى الان‬ ‫وسط شهقاتها تجمعت بعض الحروف التى لم يعلم احد ماهيتها التى‬ ‫اكنت تتمثل فى ‪ :‬ماجد حبيبى‬

‫عادت من جديد تدير عجله كرسيها المتحرك باتجاه سريرة حتى‬ ‫وصلت جوارة تماما‬ ‫ظلت تنظر له فترة وقد جفت الدموع بعينيها ولم تدر نفسها ماهيه تلك‬ ‫النظرات‬ ‫اهى نظرات الاشتياق ؟‬ ‫ام هى نظرات الالم ؟‬ ‫اهى نظرات الحب ؟‬ ‫ام كانت تلك نظرات الندم ؟‬ ‫اخيرا بدات بالكلام تناديه اامله فى الاجابه‬ ‫ماجد‬ ‫انت سمعنى مش كده ؟‬ ‫طب ردى عليا‬ ‫طمنى قول اى حاجه‪ .....‬اى حاجه انشالله تقولى بكرهك بس قول اى‬ ‫حاجه‬ ‫لم تجد اجابه وبدأ صوتها بالارتعاش ودمعها بالهطول ثانيه ‪ :‬انت‬ ‫عارف انت بتعمل فيه ايه وانت كده ؟‬ ‫انت ليه مصر تعاقبنى على حاجات مليش ذنب فيها ؟‬ ‫لو بتعاقبنى عاقبنى باى حاجه غير دى‬ ‫الا دى ‪........‬الا حياتك يا ماجد الا دى‬

‫انت فاكر انت لما سبتنى كنت عايشه ؟‬ ‫انا كنت بموت كل يوم منغيرك‬ ‫مجرد اله نفس داخل ونفس طالع‬ ‫بس كنت عايشه كنت عارف انك بتتنفس وعايش وكنت انا كمان بتنفس‬ ‫لكن لو روحت منى نفسى كمان هتروح منى مش هقدر اتنفس منغيرك‬ ‫يا ماجد‬ ‫اجهشت بالبكاء ‪ :‬مكنش بايدى والله ما كان بايدى‬ ‫لو كنت جيت معاك كان ربنا هيفضل غضبان عليا عشان عقت اهلى‬ ‫ومكنش هيباركلى فيك‬ ‫ماقدرتش يا ماجد ما اقدرتش‬ ‫بيقولولى ان اللى انت فيه بسببى‬ ‫انا عارفه انى عمرى ما سببتلك غير الالم بس والله مش برضاى‬ ‫نظرت ليده مطولا باكيه ثم اضافت ‪ :‬نفسى امسك ايدك واقولك انى‬ ‫جنبك اطمن انا عايشه بسببك‪ ......‬بس خايفه‬ ‫خايفه اغضب ربنا فيك فيحرمنى منك‬ ‫نظرت له مطولا تنتظر ردا او مؤشرا لكن دون فائده‬ ‫انهارت تنتحب بقوة واضعه راسها على سريره ‪ :‬فوق بقى حرام عليك‬ ‫كفايه كده‬ ‫انت طلعت كداب‬

‫انت اكبر كداب عرفته فى حياتى كلها‬ ‫انت قولتلى طول عمرك هتمسح دموعى بايدك وانها غاليه عندك بس‬ ‫طلعت كداب‬ ‫انت مش بتمسح دموعى انت بتزيدها وبتوجعنى اكتر‬ ‫انا تعبت منك‬ ‫تعبت من فراقك وتعبت من نفسى‬ ‫قوم بقى‪ .......‬فوق‬ ‫قوم بقى لو بتحبنى قوم‬ ‫ضاع صوتها وسط نحيبها بينما ادمعت عيون جميع من بالخارج بعد ان‬ ‫وصلتهم كلماتها المؤلمه ونادائها المستميت له‬ ‫كاد الجميع يفقد الامل حقا وكاد الطبيب يعلن عن فشل المحاوله حين‬ ‫توقف صوت نحيب منار فجأه‬ ‫فجأه شعرت بشيئ ثقيل يجثو فوق راسها الذى اخفته بين طيات غطائه‬ ‫رفعت راسها قليلا تكاد عينيها تخرج من مكانه وهى تنظر امامها على‬ ‫مرمى البصر دون ان تمتلك الجرأه بالنظر نحوة‬ ‫اراد الجميع الدخول ايضا لمعرفه ما يجرى بالداخل فقد خافوا انها‬ ‫فقدت وعيها لكن منعهم الطبيب باشارة من يده وكأنه يقول لهم ‪:‬‬ ‫انصتوا جيدا‬

‫بحروف مبعثرة هامسه لم يسمعها سواها اتاها صوته الخافت المتالم ‪:‬‬ ‫ب‪.......‬ح‪.........‬ب‪.............‬ك‬ ‫فى لمح البصر اتجهت منار بعينيها اليها فاسقطت يده عن راسها ويكاد‬ ‫قلبها يتوقف من شده الخفقان وهى تنظر نحو عينيه المفتوحتين بعينيه‬ ‫البنيتين التين لطالما اذابته فابادلها الابتسامه محاولا الكلام بخفوت‬ ‫وسط المه ‪ :‬قولتيلى فوق لو بتحبنى‬ ‫بحبك‬ ‫عندها صرخت منار بوجهه باكيه بقوة والابتسامه تملؤ فمها حتى انك‬ ‫لا تدرى اكان صوتها نحيبا ام ضحكا‬ ‫هرع الجميع الى الداخل ولم يستطع مروان ايقافهم اكثر من ذلك بينما‬ ‫اعاد ماجد كلمته مرارا وتكرارا وسط الجميع ومن بين الم اضلعه ‪:‬‬ ‫بحبك بحبك يا منار بحبك‬ ‫نهايه الفصل الثامن والعشرون‬