INDONA ROPUI

["650 INDONA ROPUI lant\u00eertu, kan thlahtu bul chu, pawm t\u00fbrin, Pathian Fapa chu b\u00e2n pharin A ding a. Adama chuan th\u00eerkilhna nunr\u00e2wng tak chhunnate a han hmuh chuan, Chhandamtu t\u00e2ng pawh b\u00eal ti lo chuan, A ke bula bawkkhupin, \u201cBeram No talh tawh chu A hl\u00fb e, A hl\u00fb e!\u201d tiin a au va. Zaidam takin Chhandamtu chuan A kaitho va, tichuan rei tak a lo vahvaihsan tawh Eden huan chu A han hmuht\u00eer leh ta a. Eden a\\\\anga hnawh chhuah a nih hnu kh\u00e2n, Adama nun chu lungngaiin a khat a. Thing hnah tla tinr\u00eang te, inthawina ran talh zawng zawng te, thil siam mawi tak chunga natna lo thleng te, mihring thianghlimna chunga bawlhhlawh kaite chu a sualna hriat chhuah thart\u00eer rengtu an ni a. Khawlohna lo chawr chhuak \\\\uam \\\\uam a han hmuh chuan a inchh\u00eer av\u00e2nga a lungngaihna chuan v\u00e2n pawh tawng hiala mawi a ni. Zilh l\u00e2wkna a lo dawn tawh ang ngeiin, sual mawh chu a chungah a lo innghat ta si a. Bawhchhiatna rah chu inngaitl\u00e2wm leh dawhthei takin, kum s\u00e2ngkhat deuhthaw a phur a. A sual v\u00e2nga inchh\u00eer \u00eam \u00eamin Chhandamtu Tiam chu a ring a, tichuan thawhlehna beiseiin a lo muhil ta a ni. Mihring hlawhchhamna leh tl\u00fbkna chu Pathian Fapa chuan A tlan a, t\u00fbnah chuan tlanna hnathawh az\u00e2rah, a lalna hmasa chu Adama chuan a luah leh ta a ni. Hlim taka l\u00eang v\u00ealin, hm\u00e2na a l\u00e2wmna lo ni tawh \\\\h\u00een thing, a thianghlim leh lawm lai n\u00eea amah ngeiin an rah a lo lawh \\\\hin thingte chu a hmu a. Grep hrui, ama k\u00fbt ngeiin duat \u00eam \u00eama a lo enkawl tawh te leh pangp\u00e2r a lo cheib\u00e2wl tawh ngeite chu a han hmu leh a. Ch\u00fbngte chu a tak tak a nihzia a hre chiang a; hei hi Eden siam thar ngei chu a ni a, hm\u00e2na chuta \\\\anga hnawh chhuah a nih lai aia mawi z\u00e2wk daih chu a ni tih pawh a hre thiam a ni. Chhandamtu chuan nunna thingkung lamah hruaiin, a rahte chu a lo va, A han eit\u00eer a. A han hawi v\u00eala, mipui tam tak am\u00e2 thlah chhandamte, Pathian Para- dise-a ding a hmu a. Tichuan a lallukhum \u00eang tak chu hlipin Isua ke bulah a dah a, A \u00e2ng chh\u00fbngah tlu l\u00fbtin Tlantu chu a han pawm a. Rangkachak \\\\ing\\\\ang chu a han tum a, \u201cBeram No talh tawh, Nung leha hi A hl\u00fb e, A hl\u00fb e,\u201d tia an hnehna hla sak chuan v\u00e2n chu a thangkh\u00e2wk ta rum rum a, Adama fate chu Chhandamtu ke bulah an lallukhumte dahin, hla sa chungin a hm\u00e2ah an bawkkhup a.","PATHIAN MITE CHHANCHHUAHAN NI 651 V\u00e2ntirhkoh, Adama a tl\u00fbk laia \\\\apa, Isua thawhleh hnua v\u00e2na A l\u00e2wn a, thl\u00e2nte chu A hming ringtu zawng zawngte t\u00e2na hawn a nih v\u00e2nga l\u00e2wm \u00eam \u00eamte chuan he intawhkh\u00e2wmna hi an hriatpui a. T\u00fbnah chuan Chhandamna hna chu peih fel a ni tawh tih an hmu a, tichuan fakna hla sak chu an lo zawm ve a. Krustal tuipui, lal\\\\hulphah hm\u00e2a awm, d\u00e2rthlalang tuifinriat, mei n\u00eana inpawlh niawm tak, - Pathian ropuina neia tle s\u00fbt maiah chuan, - \u201cSakawlh leh a lem leh, a chhinchhiahna leh a hming nambarte hnehtu\u201d p\u00e2wlhote chu an pungkh\u00e2wm a. Mihring z\u00eeng ata tlan sa mi 144,000 te chu \u201cPathian \\\\ing\\\\ang kengin,\u201d Ber\u00e2m No Zion tl\u00e2nga awm n\u00ean, an ding ho va; tin, tui tam tak ri ang leh, khawpui ri ring tak ang, \u201c\\\\ing\\\\ang kaituten \\\\ing\\\\ang an kaih ri ang,\u201d chu hriat a ni a (Thupuan 14:1-5, 15:3; 7:14-17). Lal\\\\hutphah hm\u00e2ah chuan, mi 144,000 te chauh lo chuan, tumain an sak theih loh \u201chla thar\u201d an sa a. Mosia leh Ber\u00e2m No hla a ni a, - Chhan chhuahna hla a ni. Mi 144,000 te chauh lo chuan tuma\u2019n ch\u00fb hla chu an zir thei lo; an daihriat hla a ni si a, - mi dang r\u00eang r\u00eangin an tawn ve ngai loh thil a ni a. \u201cCh\u00fbngte chu Ber\u00e2m No A kalna apianga zuitute chu an ni. Ch\u00fbngte chu leia mi nung z\u00eeng ata tlan chhuahte an ni a. \u201cPathian t\u00e2n leh Ber\u00e2m No t\u00e2n rah hmasa ber,\u201d an ni (Thupuan 14:1-5). \u201cH\u00eangte hi hrehawm nasa tak ata chhuakhote kha an ni.\u201d Buaina hun, hnam awm tirh ata chutiang r\u00eang la awm ngai lo chu an kal tlang a; Jakoba mangan hun lungngaihna chu an tuar chhuak a; Pathian ror\u00ealna hnuhn\u00fbng ber leih buak zawh a nih hm\u00e2 chu Sawipuitu tel lovin an ding a. Mahse an puante chu \u201cBeram No thisena su faiin an tihv\u00e2r\u201d tawh av\u00e2ngin chhan chhuahin an awm a. \u201cAn k\u00e2ah d\u00e2wt a chhuah r\u00eang hriat a ni lo; Pathian hm\u00e2ah sawis\u00eal bo an ni si a.\u201d \u201cChuv\u00e2ngin Pathian \\\\hutphah hm\u00e2ah chuan an awm a ni; tin, a chh\u00fbn a z\u00e2nin A biak inah chuan A rawng an b\u00e2wl \\\\h\u00een; tin, lal\\\\hutphaha |hua chu an hn\u00eanah A awm ang.\u201d Lei hi \\\\\u00e2m leh hriin a tihchhiat chu an hmu a, n\u00ee khian mi em \u00fbt t\u00fbrin thiltihtheihna a nei a, tin, anmahni ngei pawhin ril\\\\\u00e2m te, tuihal te an lo tuar chhuak tawh si a. Mahse an \u201cril\\\\\u00e2m leh tawh lo vang a, an tuihal leh tawh lo vang; n\u00eein a em tawh lo vang a, lum r\u00eang r\u00eangin a tihrehawm tawh hek lo vang: Beram No, lal\\\\hutphah laia awm chu an V\u00eangtu A ni ang a, nunna tuikhurah","652 INDONA ROPUI te A hruai ang; Pathianin an mit ata mittui zawng zawng A hru fai tawh ang.\u201d (Thupuan 7:14-17). Hun tinr\u00eangah Chhandamtu mi thlante chu hrehawmna sikulah zirt\u00eer leh thununin an awm \\\\h\u00een. Leiah hian kawng z\u00eem takahte an kal a; hrehawmna rawhtuina meipuiah tihthianghlim an ni tawh a. Isua hming av\u00e2ngin dod\u00e2lna te, huatna te, d\u00e2wta h\u00eakna te an tuar tawh a. Hrehawmna nasa tak hnuaiah pawh Amah chu an zui a; mahni inphatin, beidawnna lungchhiatthl\u00e2k takte pawh an kal tlang tawh a. An thil tawh hrehawm tak chuan sual sualzia te, a thiltihtheihzia te, a thiam lohzia te, sual av\u00e2nga a chungpikna nasatzia te chu an zir zo tawh a; an lungten hluah hluah a ni. Chhui chhuah ph\u00e2k rual loh inthawina, sual thawi dam n\u00e2na hlan chu an han hriat chian meuh chuan, ph\u00fb lo leh tling lo hliah hliahin an inhmu ta a; suala tlu ve loten an tem ve ph\u00e2k r\u00eang r\u00eang loh l\u00e2wmna leh fakna chuan an lo khat ta a ni. Sual nasa tak ngaihdamna an chan av\u00e2ngin an hmangaihna pawh th\u00fbk tak a ni. Krista tuarna tuarpuitute an nih av\u00e2ngin, A ropuina chang tl\u00e2k an ni si a. Pathian ro luahtute chu in chh\u00fbng kilkh\u00e2wr a\\\\ang te, r\u00e2p in a\\\\ang te, t\u00e2n in thim a\\\\ang te, khai hlumna dawhk\u00e2n a\\\\ang te, tl\u00e2ng s\u00e2ng a\\\\ang te, lei kawrang a\\\\ang te, tuifinriat p\u00fbk a\\\\ang te chuan an lo chhuak a. Leiah hian \u201crethei takin, hrehawm takin, tihduhdahin,\u201d an awm a. Setana bumna hnuaia an inp\u00eak duh loh tlat av\u00e2ngin mi","PATHIAN MITE CHHANCHHUAHAN NI 653 maktaduai tam tak chu hming chhe t\u00e2wpin thl\u00e2nah an chhuk a. Mihring ror\u00ealsak an ni a. Mahse t\u00fbnah chuan \u201cAmah, Pathian ngei chu Ror\u00ealtu A ni ta.\u201d (S\u00e2m 50:6). T\u00fbnah zet chuan lei ror\u00ealna thute chu l\u00eatt\u00eer a ni ta. \u201cA mite hmingchhiatna chu A la bo vang.\u201d (Isaia 25:8). \u201cMi thianghlimho, Lalpa tlante,\u201d tia kohvin an awm ang. \u201cVut aiah pangp\u00e2r \\\\hi hrui te, lungngaih aiah hlimna hriak te, nguina thlarau aiah fakna silhf\u00ean te an hn\u00eana p\u00eakah,\u201d A ruat a ni (Isaia 61:3). Chaklo, tihhrehawm, tihdarh leh hnehchhiahin an awm tawh lo. T\u00fbn a\\\\ang chuan Lalpa n\u00ean kumkhuain an ch\u00eang z\u00e2 tawh ang. Leia mi zahawm ber pawhin an h\u00e2k \\\\hin aia ropui z\u00e2wk thawmhnawte inbelin lal\\\\hutphah hm\u00e2ah an ding a. Leia lalten an khum \\\\hin aia mawi z\u00e2wk lailukhum khumt\u00eer an ni bawk a. Hrehawmna leh \\\\ahna n\u00ee chu a lo t\u00e2wp hlen ta. Ropuina Lalpa chuan an mit ata mittui zawng zawng A hrufai tawh a, lungngaihna awmt\u00eertu bul tinr\u00eang pawh tihbo a ni ta. Fakna hla mawi, chiang leh inchawih mawi tak chu, t\u00fbm kau phe suau suau k\u00e2rah chuan an sa rual \\\\hup \\\\hup mai a. V\u00e2n pumpui kh\u00e2wk chhuak khawpin, \u201cKan Pathian, Lal\\\\hutphaha |hu leh Ber\u00e2m No hn\u00eanah Chhandamna,\u201d tia auvin mi tinr\u00eangin an z\u00e2wm a. Tin, v\u00e2na awmho zawng zawngten an lo chh\u00e2wn a, \u201cAmen; mals\u00e2wmna te, ropuina te, finna te, lawmthu sawina te, chawimawina te, thiltihtheihna te chu kan Pathian hn\u00eanah chatuanin awm rawh se, \u201c an ti a (Thupuan 7: 10, 11). He dam chh\u00fbng hi chuan tlanna thupui mak tak mai hi kan hre thiam \\\\an d\u00e2wn chauh a ni. Kan rilru tawi t\u00ea hian theiht\u00e2wp chhuahin, ropuina, nunna leh thihna, r\u00ealdikna leh khawngaihna, krawsa int\u00e2wk chu ngaihtuah mah ila, a th\u00fbkzia hriatna famkim chu kan nei chuang lo vang. Tlanna hmangaihna dung leh vang, a th\u00fbkzia leh s\u00e2nzia hi kan hre riai ruai chauh a ni a. Tlan sate pawhin vawi khatah chuan an hre s\u00eang d\u00e2wn lo. Kumkhuain thutak thar, mak tihna leh l\u00e2wmnaa khat rilruah chuan a lang z\u00eal ang. He khawv\u00eal lungngaihna te leh natna te leh thl\u00eamna te chu kin tawh mah se, chutiang thil awmt\u00eertu chu bo daih tawh mah se, Pathian mite chuan an chhandamna man p\u00eak tawh chu chiang taka hriat rengna an nei kumkhua ang.","654 INDONA ROPUI Tlante t\u00e2n chuan chatuanin Krista kraws chu an zir t\u00fbr leh an hla a ni ang a. Tihropuia awm Kristaah chuan, Krista khehbeha chu an hmu ang. V\u00e2n boruak zau taka khawv\u00eal chhiar s\u00ean lohte si\u00e2ma enkawl ngh\u00e2ltu, Hmangaih Pathian, v\u00e2n Lalber, cherub leh seraf \u00eang ropuiten chawimawi an nin ngai lohva chu - mi sualte chhandam t\u00fbrin mahni A inngaitl\u00e2wm a, sual v\u00e2nga mualphona leh thiam loh chant\u00eerna chu A phur a, khawv\u00eal bo chungpiknain A thinlung a delh keh a, Kalvari krawsa A nunna a s\u00e2wr chhuahsak thlenga a tuarzia te, A pain A hm\u00eal A thup takzia te chu engtikah mah theihnghilh a ni tawh ngai lo vang. Khawv\u00eal zawng zawng Siamtu, engkim t\u00e2wpna t\u00fbr R\u00ealtuin, mihringte A hmangaih av\u00e2nga mahni inhn\u00fbk hniamin A ropuina zawng zawng A han hl\u00eep thla vek mai hi v\u00e2n leh khawv\u00eal chuan mak an tiin an chawimawi kumkhua ang. Tlanten an Chhandamtu an en a, P\u00e2 chatuan ropuina A hm\u00eala lo \u00eang chhuak an hmuh a, A lal\\\\hutthl\u00eang chu chatuan a\\\\anga chutuana awm z\u00eal t\u00fbr a nihzia an hmuh a, A ramin kin n\u00ee a neih loh t\u00fbrzia te an hriat chuan, l\u00e2wmna hla: \u201cA hl\u00fb e, Ber\u00e2m No talh tawha hi a hl\u00fb e, Am\u00e2 thisen hlu ber ngei chuan Pathian hn\u00eanah min tlan tawh si a,\u201d tih hi ropui takin an sa d\u00e2wn a ni. Kraws thur\u00fbk chuan thur\u00fbk dang zawng zawng a hrilhfiah zo va. Kalvari a\\\\anga \u00eanna zung lo chhuakah ropui \\\\ihbaiawm anga lang chu mawi tak leh mit la takin a lo z\u00e2m chhuak a. Zahngaihna te, zaidamna te leh nu leh pa hmangaihna te chu, thianghlimna leh dikna leh thiltihtheihna n\u00ean chuan rem taka inf\u00e2wk kh\u00e2wmin an lang a. A lal\\\\hutthl\u00eang ropui, chawi s\u00e2na awm chu kan hmu a, t\u00fbn hm\u00e2 zawng zawng aia chiang z\u00e2wkin, \u201cKan Pa\u201d kan lo tih \\\\h\u00een awmzia pawh chu kan hre ta a. Finnaa khata chuan, chhandama kan awm theih n\u00e2n A Fapa rawn hlan chauh lo chu rem dang A ruat thei lo tih hriat a la ni ang. He inhlanna av\u00e2ng hian he lei hi mi thianghlim, thi thei lo, l\u00e2wmnaa khatte chauhvin an la luah d\u00e2wn a ni. Thim thiltihtheihna n\u00eana Chhandamtu inbeihna rah chu tlante l\u00e2wmna, chatuan thlenga Pa ropuina t\u00fbra luang liam reng hi a ni. Chu chu Pathian ngaiha mihring hlutna tilangtu a ni a, tichuan man at\u00e2na A p\u00eakah chuan Pa chu a lungawi t\u00e2wk a, Krista ngei pawh chu, A inhlanna ropui tak rah A hmuh chuan, A lungawi t\u00e2wk a ni.","655 BUNG 41 LEI A RAM HUN T\u00dbR (DESOLATION OF THE EARTH) A\u201c sualnate chuan v\u00e2n pawh a tawng ta hial a, Pathianin a thiltih fel lote pawh chu A hre reng si a. Anin a p\u00eak ang ngei kh\u00e2n pe thung ula, a thil tihzia ang z\u00eal chu a leh hnihin thungr\u00fbl ula. A chawhpawlhna novah chuan a t\u00e2n a leh hnihin chawhpawlhsak rawh u. A intihropui leh a intihnawmsakzia ang z\u00eal kh\u00e2n nghaisain tilungngai thung rawh u; a rilru chuan, \u2018lalnuah ka \\\\hu a ni, hmeithai r\u00eang ka ni lo va, lungngaihna ka hmu hauh lo vang,\u2019 a ti si a. Chuv\u00e2ngin ni khat chauhvah a hremna - thih te, lungngaih te, \\\\\u00e2m te chu a lo thleng vek ang; meia h\u00e2lralin a awm bawk ang; a ror\u00ealtu, Lalpa Pathian chu A chak si a. Tin, leia lal, a ngai \\\\h\u00eentute leh a nawmsak b\u00e2wlpui \\\\h\u00eentute chuan a kang kh\u00fb chu an thl\u00eer hunah chuan, \u2018Babulon khaw ropui, khaw nghet tak chu a chung a pik e, a pik e! D\u00e2rk\u00e2r khat chauhvah i chungah ror\u00ealna chu a lo thleng ta si a!\u2019 tiin, nghaisakna a tuar chu hlauh v\u00e2nga hla taka dinga, a chunga \\\\apin an \u00e2wm an inch\u00fbm ang.\u201d (Thupuan 18:5-10). \u201cLeia sumd\u00e2wngtute,\u201d a nawmsak b\u00e2wlna av\u00e2nga \u201clo hausate chuan, \u2018Khaw ropui, puan zai sin leh puan sen duk leh sen l\u00e2r sina, rangkachak leh tuikep lunga incheii chu a chung a pik e, a pik e! D\u00e2rk\u00e2r khat chauhvah sum chuti zozai chu engmah lo a lo nih t\u00e2k hi,\u201d tiin \\\\ap leh lungngai chungin a nghaisakna hlauh v\u00e2ngin hla takah an ding ang.\\\" (Thupuan 18:11, 15 -17). Ch\u00fbngte chu Pathian thinur n\u00eea Babulon chunga hremna tla t\u00fbrte chu an ni. A sual tehkhawngte chu a tikhat tawh a; a hremna hun a lo thleng ta a; tihboral a hun ta a ni. Pathian awin A mite sal t\u00e2nna a l\u00eatt\u00eer hunah chuan dam chh\u00fbng indona ropui taka hnehna chang lotute harhna r\u00e2pthl\u00e2k tak chu a lo awm a. Khawngaihna hawn a nih chh\u00fbng kh\u00e2n, Setana bumnain an mit a tidel a, an thil sual tihah thiam an inchant\u00eer a. Mi","656 INDONA ROPUI hausate chuan an aia rethei z\u00e2wkte lakah an chungnunna chu an chapopui a; mahse an hausaknate chu Pathian d\u00e2n bawhchhiat v\u00e2nga an neih a ni si a. Ril\\\\\u00e2mte hn\u00eana chaw p\u00eak leh, saruakte puan sint\u00eer leh, fel taka tih leh khawngaihna ngainat an thlahthlam a. An anpui thilsiamte laka zah derna leh chawi s\u00e2nna dawn an tum a. T\u00fbnah chuan anmahni tiropuitu zawng zawngte chu hlihsak an ni a, thlathlama awm leh himna nei lova kalsan an ni ta. An Siamtu aia an lo thlan milimte chunga chhiatna chu thlab\u00e2rin an thl\u00eer a. Lei hausakna leh nawmsipb\u00e2wlnaah an nunna chu an hralh a, Pathian lama hausakna an zawng lo. A rah chu - an nun a hlawhchham a, an nawmchenna chu thil kh\u00e2ah a chang a, an ro sumte chu a tui\u00eak zo ta. Dam chh\u00fbng hlawkna chu rei lot\u00eaah hnawl bo a ni a. An in ropui chhiate leh an rangkachak leh tangkaraw tihdarh chu mi hausate chuan an \\\\ah chhan a. Mahse an milem ruala boral an hlauhna chuan an \\\\ap rite chu a tireh vek a. Mi sualte chu an inchh\u00eer a, Pathian ngaihsak lova an sual v\u00e2nga inchh\u00eer ni lovin, Pathianin A hneh t\u00e2k z\u00e2wk vanga inchh\u00eer an ni. A rah chu chutiang a lo nih t\u00e2k av\u00e2ngin pawi an ti a; mahse an suahsualnaah simna an nei lo. Thei ni ta sela hneh t\u00fbrin engkim an ti duh ang. Khawv\u00ealin an hmuhsit leh an nuihzatb\u00fbra, tihboral vek an ch\u00e2k p\u00e2wlte ngei chu, hripuiah te, thlipuiah te, lirnghingah te na lova an kal tlang chu an hmu a. A d\u00e2n bawhchhetute t\u00e2na kan ral hmang mei chu, A mite t\u00e2n chuan b\u00fbk him tak a ni a. Mihringte duhsak hlawh duh v\u00e2nga thutak hralhtu rawngb\u00e2wltu chuan, t\u00fbnah chuan a thiltih leh zirt\u00eerna awmzia chu a hre ta. Engkim hmutu mit chuan, dawhk\u00e2n bula a din lai te, tual a l\u00ean lai te, hmun hrang hranga mite n\u00eana an ch\u00eattlat lai te chuan a zui z\u00eal tih a chiang a ni. Thinlunga thlarau ch\u00eat d\u00e2n tinr\u00eang te, thuziak tlar tinr\u00eang te, thu chh\u00e2k chhuah tinr\u00eang te, dik lohnaa awm t\u00fbra mite hruaina t\u00fbra thiltih tinr\u00eang te chuan chi a theh darh a; t\u00fbnah chuan a v\u00eala thlarau bo, riangvaihote a\\\\ang chuan chutiang hnathawh rah \\\\ha lo tak chu a hmu ta a ni. \u201cKa fanu ka mite hliam chu ngaihsam takin, \u2018A \\\\ha al\u00e2wm, a \\\\ha alawm,\u2019 tiin an thawi a, a \\\\ha hauh si lo va.\u201d (Jeremia 8:11).","LEIARAM HUN T\u00dbR 657 \u201cKeima tihlungngaih ni lova, d\u00e2wta mi felte thinlung in tihnat av\u00e2ng leh, mi suaksual chu nungdama a awmna t\u00fbra a sualna kawng ata a laml\u00eat lohna t\u00fbrin mi suaksual kutte chu in tichak a.\u201d (Ezekiela 13:22). \u201cKa ran tlatna hmuna ber\u00e2m tiborala, tidarhtuho ber\u00e2mpute chu an chung a pik e!... Ngai rawh u, in thil tihsual av\u00e2ng hian ka kan d\u00e2wn che u a ni.\u201d \u201cBer\u00e2mpute u, chiau vak vak ula, \\\\ap rawh u; nangni ber\u00e2m rual z\u00eenga a puipate u, t\u00e2l tawp tawp rawh u; Thaha in awm n\u00ee leh in darhsarh n\u00eete a lo thleng tak zet a nih hi, ... ber\u00e2m rual z\u00eenga puipate pawhin tlanchhiatna t\u00fbr leh pumpelhna kawng an nei lo vang.\u201d (Jeremia 23:1, 2; 25:34, 35). Rawngb\u00e2wltute leh mipuite chuan Pathian n\u00eana inlaich\u00eenna \\\\ha chu an vawng reng lo tih an hmu a. D\u00e2n fel leh dik zawng zawng Petu lakah an hel tih an inhmu a. Thup\u00eak thianghlim s\u00eera an hnawlna chuan thil \\\\ha lo s\u00e2ng tam tak, inrem lohna te, huatna te, khawlohna te a rawn thlen a, lei hi inbeihna hmun zau tak, tui bawlhhlawh luan kh\u00e2wmna hmunah a siam a. Hei hi thutak hnartute leh sualna vawn reng thlangtute lan d\u00e2n t\u00fbna lo lang chu a ni. Thu awih lote leh rinawm loten chatuan nunna- an hloh hlen t\u00e2k neih an ch\u00e2kzia chu eng \\\\awng mahin sawi fiah theih a ni lo. Mi, an thiamna b\u00eek leh thusawi thiam v\u00e2nga mi chawimawina dawngtute chuan h\u00eang thilte hi an \u00eang dik takah an hmu ta. Bawhchhiat v\u00e2nga an ch\u00e2n takte chu an hria a, an rinawmna an lo ngaihn\u00eap leh hmuhsitsakate ke bulah tluin, Pathianin A hmangaih a ni tih an puang a. Mite chuan bum an nih an hre ta. Boralnaa hruaituah an inpuh tawn a; mahse rawngb\u00e2wltute chungah thiam lohna nasa ber an bel kh\u00e2wm a. Ber\u00e2mpu rinawm lote chuan thu m\u00e2m an sawi a; an thu ngaithlatute chu Pathian d\u00e2n engmah lova siam t\u00fbr leh, a vawng thianghlimtute chu tiduhdah t\u00fbrin an hruai a. T\u00fbnah an beidawn av\u00e2ngin, khawv\u00eal hriatah ch\u00fbng zirt\u00eertute chuan an bumna hnathawh chu an puang a. Mipuite chuan thinur \u00eam \u00eamin, \u201cKan boral ta! Nangmahni v\u00e2nga boral kan ni,\u201d tia auvin ber\u00e2mpu dik lote chu an bei a. Hm\u00e2na anmahni ngais\u00e2ngtu berte chuan \u00e2nchhe r\u00e2pthl\u00e2k ber an lawh ta a. Hm\u00e2na chawimawina khumt\u00eertu kutte ngei chu anmahni tihboral n\u00e2n an la lek ang. Pathian mite thah n\u00e2na hman an tum","658 INDONA ROPUI khandaihte chu an hm\u00ealmate tihboral n\u00e2n an lek ta. Hmun tinr\u00eangah inbeihna leh thisen chhuahna a awm ta. \u201cLeilung t\u00e2wp thlengin th\u00e2wm a thang kh\u00e2wk ang a; Lalpan hnamte A khing a, t\u00eesa zawng zawng chungah ro A r\u00eal d\u00e2wn; mi suak sual chu khandaih hn\u00eanah A pe ang.\u201d (Jeremia 26:31). Kum s\u00e2ngruk chh\u00fbng chu inhnialna ropui chuan hm\u00e2 a s\u00e2wn z\u00eal a; Pathian Fapa leh A v\u00e2n palaite chuan mihring fate zilh l\u00e2wk t\u00fbr leh ti-\u00eang t\u00fbr leh chhandam t\u00fbrin sual thiltihtheihna chu an do va. T\u00fbnah chuan thu tihtl\u00fbkna an siam fel vek tawh a; Pathian sork\u00e2r donaah Setana an thurualpui thlap tawh. Pathianin A d\u00e2n rahbeh tawh thuneihna A tihlan hun a lo thleng ta. T\u00fbnah chuan inbeihna chu Setana n\u00ean chauh ni tawh lovin, mihringte n\u00ean pawh a ni ta. \u201cLalpan hnamte chu A khing a.\u201d \u201cMi suaksualte chu khandaih hn\u00eanah A pe ang.\u201d \u201cThil tenawm tihte av\u00e2nga zaka \\\\ap \\\\h\u00eente\u201d t\u00e2na chhan chhuahna chhinchhiahna chu tihlan a ni ta. Ezekiela inl\u00e2rnaa ent\u00eer t\u00e2k, thihna v\u00e2ntirhkoh chu, mi thahna hmanrua leh thu a p\u00eakte hn\u00eanah kal chhuakin, \u201cPutar te, tlangval te, nula te, naupang te leh nu te that fai vek rawh u. Chhinchhiahna neite erawh chu rawn hnaih suh u; ka hmun thianghlimah \\\\an rawh u,\u201d a ti a.\u201d - Z\u00e2wlnei chuan, \u201cBiak in kawta upahovah chuan an \\\\an ta a \u201c a ti a (Ezekiela 9:6). Tihboralna hna chu thlarau lam puipa intiho z\u00eengah \\\\an a ni a.","LEIARAM HUN T\u00dbR 659 Hruaitudik lote chu tlu hmasa ber t\u00fbr an ni. Tute mah han khawngaih t\u00fbr leh zuah t\u00fbr an awm chuang lo. A hmei a pain, chhiahhlawh te leh naupang t\u00ea te pawh an boral tlang a. \u201cLalpa chu an sualnate av\u00e2nga leia awmte hrem t\u00fbrin A awmna ata A lo chhuak d\u00e2wn a ni; lei pawh hian a thisen chu a tilang ang a, mi an thahte chu a khuh tawh lo vang.\u201d (Isaia 26:21). Tin, Jerusalem dotu zawng zawng chunga Lalpan hripui A l\u00eantir t\u00fbr chu hei hi a ni: An kea an ding reng chungin an tisa chu a ral ang a, an ka chh\u00fbnga an lei pawh a ral ang a, tin, chumi n\u00eeah chuan heti hi a ni ang a, Lalpa hn\u00ean ata buaina nasa tak an z\u00eengah a awm ang a, mi tinin a \\\\henawm kut a chelh ang a, a \\\\henawm kut chungah a kut a lek bawk ang.\u201d (Zakaria 14:12, 13). An thinurna av\u00e2nga an inbeihna \u00e2tthl\u00e2kah leh, Pathian thinurna engmah pawlh loh leih buaknaah chuan leia ch\u00eang mi sualte chu an tlu a, - puithiamho te, ror\u00ealtu te, mipui te, hausa leh rethei te, mi chungnung leh hnuaihnung te chu. \u201cCh\u00fbmi n\u00eea Lalpa thahte chuan lei t\u00e2wp a\\\\angin lei t\u00e2wp thlengin an d\u00e2p ang a; s\u00fbn loh leh kh\u00e2wm loh leh ph\u00fbm lohvin an awm ang.\u201d (Jeremia 25:33). Krista lo kal hunah chuan lei pumpui a\\\\angin mi suaksualte chu tihboral an ni ang a - A k\u00e2a thaw chuan a tiboral ang a, a ni, A ropuina \u00eang chuan a tiboral ang. A mite chu Pathian khawpuiah Kristan A hruai ang a, lei chu a chh\u00fbngah tumah awm lovin tihruah a ni ang a. \u201cNgai teh, Lalpa chuan lei hi a tiruakin, a tiram d\u00e2wn a, a khaikhup ang a, a awmate chu a tidarh d\u00e2wn.\u201d \u201cLei hi tihruah fai k\u00ealh leh tihchhiat fai k\u00ealhin a awm ang, chu thu chu Lalpan a sawi tawh si a.\u201d \u201cLei hi a awmate hnuaiah chuan a bawlhhlawh zo ta; d\u00e2nte chu an bawhchhiat a, thuruat chu an tihdanglam a, kumkhaw thuthlung chu an bawhchhiat av\u00e2ngin. Chuv\u00e2ngin \u00e2nchhe lawhnain lei hi a ei zo va, a awmate chu thiam loh chant\u00eerin an awm ta: chuv\u00e2ngin leia awmate chu an kang hlum ta.\u201d (Isaia 24:1, 3, 5, 6). Lei pumpui chu thlal\u00ear ram pilril ang mai a ni a. Khawpui leh khaw t\u00ea lirnghingin a sawi chhiat te, thing tlu kar te, tuipui vawrh chhuah lungpui phel rem rum te leh lei a\\\\anga lo puak darh te chu ram tinah a tla rem rum mai a, tl\u00e2ng lian pui pui, a innghah chhan a\\\\anga lo","660 INDONA ROPUI phel darh tate hmunah chuan p\u00fbk zau tak takte a lo awm bawk a. Tlanna N\u00eea rawngb\u00e2wlna urhs\u00fbn tak hnuhn\u00fbng berin a ent\u00eer, thil thleng t\u00fbrte chu t\u00fbnah an lo thleng ta. Hmun thianghlim bera rawngb\u00e2wlna chu zawh a nih a, sual thawina thisenin maich\u00e2m ata Israelte sualna chu a tihbo va, k\u00eal chu a nung chunga Lalpa hm\u00e2ah rawn l\u00e2k a nih chuan, puithiam lalberin, mipui hm\u00e2ah Israelho zawng zawng khawlohna te, an bawhchhiatna zawng zawng te, an sualna zawng zawng te chenin a chham ang a, k\u00eal lu chungah chuan a nghat ang a.\u201d (Leviticus 16:21). Chutiang bawkin v\u00e2n biak b\u00fbkah tlanna hnathawh chu zawh a nih hun chuan, Pathian leh v\u00e2na v\u00e2ntirhkohte hm\u00e2ah leh chhandam fate hm\u00e2ah, Pathian mite sualna chu Setana chungah nghah a la ni ang; thil sual a tiht\u00eer zawng zawngah a thiam lohzia puan chhuah a la ni ang. K\u00eal chu ch\u00ean loh leiah dah bo a ni ang kh\u00e2n, Setana chu lei khawhar ch\u00ean lohna leh thlal\u00ear ngui takah chuan dah bo a ni ang. Setana t\u00e2nt\u00eer a nih d\u00e2n t\u00fbr leh he lei chhiat d\u00e2n t\u00fbr leh \\\\iau d\u00e2n t\u00fbr hi, inl\u00e2rna hmutu chuan a lo sawi l\u00e2wk a, chutiang chuan kum s\u00e2ngkhat a awm ang tih pawh a puang bawk a. Lalpa lo kal lehna leh mi suaksualte tihboralna t\u00fbr a t\u00e2rlan hnu chuan hrilhl\u00e2wkna chu hetiang hian chhunzawm z\u00eal a ni: \u201cV\u00e2ntirhkoh leil\u00e2wt chabi leh khaidiat lian pui kengin, v\u00e2n a\\\\anga lo chhuk ka hmu a. Tin, drakon, r\u00fblpui tar chu (chu chu Diabola leh Setana a ni) a man a, kum s\u00e2ngkhat at\u00e2n a phuar a, leil\u00e2wtah chuan a paih l\u00fbt a, a khar khum a, kum s\u00e2ngkhat chu a vei hm\u00e2 loh chuan hnam tin a bum leh tawh lohna t\u00fbrin a char hnan ta a; chu mi hnuah chuan rei lo t\u00ea at\u00e2n chhuah leh rih t\u00fbr a ni.\u201d (Thupuan 20:1-3). Heta \u201cleil\u00e2wt\u201d tih hi Pathian Lehkha Thu dang a\\\\angin, he lei, mumal lo leh thim mupa a awm hun t\u00fbr sawina a ni tih a lang chiang a. \u201cA t\u00eera\u201d he lei awm d\u00e2n chung thuah Bible chuan hetiangin a sawi: \u201cA chhia a, a ruak ngawt a ni a, tui th\u00fbk tak chung chu a thim mup a.\u201d (Genesis 1:2). Hetiang hian, a \\\\hen lai tal chu, a la awm leh ngei d\u00e2wn tih hrilhl\u00e2wknain min zirt\u00eer a ni. Pathian ni ropui tak chu thl\u00eerin, z\u00e2wlnei Jeremia chuan, \u201cLeilung chu ka han en a, ngai teh, \\\\iau leh ruakin a awm; v\u00e2nte pawhin \u00eang an nei lo. Tl\u00e2ngte","LEIARAM HUN T\u00dbR 661 ka en a, ngai teh, a nghing a, mual zawng zawng pawh an phe hlawk hlawk a. Ka han en a, ngai teh, mihring an awm lo va, chungl\u00eang sava zawng zawng pawh an thl\u00e2wk bo zo ta. Ka han en a, ngai teh, thlawhhma \\\\hate chu thlal\u00ear a chang ta, khawpui zawng zawng pawh a chim zo ta,\u201d tiin a puang a (Jeremia 4:23-26). Hei hi kum s\u00e2ngkhat chh\u00fbnga Setana leh a tirhkoh sual te in t\u00fbr chu a ni. Kan leilung b\u00e2k hi a pelh phal a ni lo va, khawv\u00eal dangtea suala la tlu ngai lote thl\u00eam t\u00fbr leh tibuai t\u00fbrin kal theihna a nei hek lo vang. Hei hi phuara a awm d\u00e2n t\u00fbr chu a ni; an chunga a thiltihtheihna a han hmanna t\u00fbr tumah an awm tawh lo. Kum tam tak chh\u00fbnga a l\u00e2wmna ber, bumna leh chhiatna hna a\\\\ang chuan sah thl\u00e2k hlauh a ni tawh ang. Setana paih thl\u00e2k a nih hun thl\u00eerin, z\u00e2wlnei Isaia chuan heti hian a ti a, \u201cAw, \u2018v\u00e2rparh,\u2019 \u2018z\u00eeng lam fapa,\u2019 v\u00e2n ata i tl\u00e2k t\u00e2k chu le! Hnam tin titl\u00e2wmtu, engtizia nge leia sah thl\u00e2ka i awm t\u00e2k chu le!\u201d I rilruah chuan, \u2018V\u00e2nah ka chho vang a, Pathian arsite chung lamah khian ka lal\\\\hutphah ka chawi s\u00e2ng ang; Chungnungbera ang maiin ka awm ang,\u201d i tih vei n\u00ean kh\u00e2n. Nimahsela Seol-ah, khuarkhurum t\u00e2wp r\u00eatahte chuan hruai thl\u00e2kin i awm d\u00e2wn si. A hmu che apiangin an en ngun ang chia; \u2018He mi hi maw lei tikh\u00fbra, ram tin tinghinga, khawv\u00eal thlal\u00ear anga siama, a khaw awmte tiborala, a salte an in lama kal t\u00fbra chhuah ngai lova chu?\u2019 tiin, i chanchin an la chh\u00fbt ang.\u201d (Isaia 14:12-17). Kum s\u00e2ngruk chh\u00fbng chu, Setana helna hnathawh hian \u201clei hi a tikh\u00fbr\u201d a. He \u201ckhawv\u00eal hi thlal\u00ear anga siamin, a chh\u00fbnga khawpuite a tichhia\u201d a. \u201cA salte an in lama kal t\u00fbrin a chhuah ngai lo.\u201d Kum s\u00e2ngruk chh\u00fbng chu a t\u00e2n inah Pathian mite a khung a, kumkhaw sal at\u00e2n neih a tum a; mahse a phuarnate chu Kristan tichatin, mi t\u00e2ngte pawh A chhuaht\u00eer a. Mi suaksualte takngial pawh t\u00fbnah chuan Setana khawih ph\u00e2k an ni ta lo, amah leh a v\u00e2ntirhkohte n\u00ean sual v\u00e2nga \u00e2nchhe hnathawh chu hre chhuak t\u00fbrin an awm ta si a. \u201cHnam tin lal zawng zawng, an zain, mahni in \\\\heuhvah ropui takin an muhil a. Nang erawh chu a zung puak chhuak tenawm tak leh, r\u00e2l thah, khandaiha","662 INDONA ROPUI chhun tlang, khuarkhuruma lungte z\u00eenga chhuk-ho silhf\u00ean angin i awmna a\\\\anga hla takah paih chhuahin i awm t\u00e2k z\u00e2wk hi; ruang rahbeh ang maiin. I ram i tihchhiat a, i khua leh i tuite i thah av\u00e2ngin an z\u00eenga ph\u00fbmin i awm ve lo vang.\u201d (Isaia 14:18-20). Kum s\u00e2ngkhat chh\u00fbng chuan Setana chu lei \\\\iau leh ram ro tawhah chuan, Pathian d\u00e2n laka a helna rah chu hmu t\u00fbrin a tei ruk ruk ang a. Chumi chh\u00fbnga a tuar chu nam\u00ean lo a ni ang. Paih thl\u00e2k a nih a\\\\angin \\\\hahnemngai taka a hna a thawh zui reng av\u00e2ngin hun kal tawh lamte thl\u00eer k\u00eerna hun pawh a nei ngai lo va; t\u00fbnah erawh chuan a thiltihtheihna chu chhuhsak a ni ta si a, v\u00e2n sork\u00e2r laka a hel \\\\an tirh a\\\\anga a thiltih tawh zawng zawng thl\u00eer k\u00eerna leh a thil sual tih v\u00e2nga nakina a la tuar z\u00eal t\u00fbr r\u00e2pthl\u00e2k tak chu hlau leh kh\u00fbr chunga thl\u00eer l\u00e2wkna nei t\u00fbrin leh, sual a lo tiht\u00eer tawh zawng zawng av\u00e2nga hremna tuar t\u00fbrin hnutchhiah a ni ta. Setana sala a t\u00e2n av\u00e2ng chuan Pathian mite chu an hlimin an l\u00e2wm hl\u00ea thung ang a. Z\u00e2wlnei chuan heti hian a ti: \u201cI lungngaihna ata te, i buaina ata te, hnathawh hautak zet an thawht\u00eerna che ata te Lalpan a chawlht\u00eer che n\u00eeah chuan heti hi a ni ang a, he tihelna thu hi Babulon lal (Setana tihna) au khumin i la sawi ang, \u2018Eng tizia nge hnehchhiahtu chu a va reh ta \u00eam! Eng tizia nge rangkachak khawpui chu a va reh ta \u00eam! Lalpa chuan mi suaksual tiang a titliak ta, ror\u00ealtute lal tiang chu, mi tin thinrim chunga vaw zawt zawt z\u00eal \\\\h\u00een a, hnam tin thinur chunga t\u00fbm\u00e2 khap rual loh tihduhdahnaa ror\u00ealsak \\\\h\u00eena chu.\u201d (Isaia 14:3-6). Thawhlehna hmasa leh hnuhn\u00fbng ink\u00e2r kum s\u00e2ngkhat chh\u00fbng chuan mi sualte ror\u00ealsakna a awm a. Tirhkoh Paula chuan he ror\u00ealna hi, Isua lo kal vawi hnihna rawn zuitu t\u00fbr nia sawiin, \u201cA hun hmain engmah fiah suh u, Lalpa lo kal hm\u00e2 loh zawng; Ani chuan thima thil thuhr\u00fbkte chu \u00eangah A rawn la chhuak ang a, thinlunga tumte pawh A tilang bawk a,\u201d a ti a (1 Korin 4:5). Hm\u00e2khaws\u00e2nga A lo kalin, \u201cRor\u00ealna chu Chungnungbera mi thianghlimte hn\u00eanah p\u00eak a ni,\u201d tih Danielan a sawi a (Daniela 7:22). Hetih hun hian mi felte chu lalte leh puithiamte angin Pathian hn\u00eanah ro an r\u00eal a. \u201cLal\\\\hutthl\u00eangte ka hmu a, a chungah mi an \\\\hu a, ror\u00ealna chu an hn\u00eanah an pe a,\u201d tiin","LEIARAM HUN T\u00dbR 663 Johanan Thupuanah a sawi a (Thupuan 20:4, 6). \u201cPathian leh Krista puithiamte an ni ang a, Amah n\u00ean kum s\u00e2ngkhat ror\u00ealin an awm ang.\u201d (Thupuan 20:6). Paulan a lo sawi l\u00e2wk tawh angin, hetih hunah hian, \u201cMi thianghlimte chuan he khawv\u00eal hi an la ngaihtuah d\u00e2wn a ni.\u201d (1 Korin 6:2). Krista leh mi thianghlimte chuan, mi sualte chu an thiltihte leh d\u00e2n bu, Bible khaikhinin an ro an r\u00ealsak ang a, an taksaa an thiltih ang z\u00ealin an r\u00ealsak ang. Tin, mi sualte tuar t\u00fbr chu, an thil tih ang z\u00ealin tihfel a ni ang a; thihna buah an hming zawnah ziak vek a ni. Setana leh tirhkoh sualhote pawh chu Krista leh A mite chuan an r\u00ealsak a. Paulan, \u201cV\u00e2ntirhkohte lam pawh kan ngaihtuah d\u00e2wn tih in hre lo vem ni?\u201d a ti (1 Korin 6:3). Juda chuan, \u201cV\u00e2ntirhkoh, an nihna pawm lova, an awmna pangngai kalsantute chu, ni ropui ror\u00ealna at\u00e2n thim hnuaiah chatuan phuarnaa phuar chungin kh\u00eak an ni,\u201d a ti (Juda 6). Kum s\u00e2ngkhat t\u00e2wpah chuan thawhlehna hnuhn\u00fbng a lo thleng ang. Mi sualte chu an thl\u00e2n ata kaihthawha awmin, Pathian hm\u00e2ah an ding ang a, \u201chremna ziak sa\u201d chu hlen a ni ang. Thupuan ziaktu chuan mi felte thawhlehna thu sawiin, \u201cKum s\u00e2ngkhat chu a vei hm\u00e2 loh chuan mitthi dangte chu an tho rih lo va,\u201d a ti (Thupuan 20:5). Isaian mi sualte chung thu sawiin, \u201cMi t\u00e2ngho khuarkhuruma hruai kh\u00e2wma an awm angin an awm ang a, t\u00e2n inah khungin an awm ang a, ni rei tak hnuah hremin an awm ang,\u201d a ti. (Isaia 24:22).","664 INDONA ROPUI BUNG 42 INDONA A T\u00c2WP TA (THE CONTROVERSY ENDED) Kum s\u00e2ngkhat t\u00e2wpah chuan, Krista chu leiah A lo k\u00eer leh a. Tlan tawh mipui tam tak chuan an rawn zui a, v\u00e2ntirhkoh tam takin an rawn zui nguai nguai bawk a. Ropui r\u00e2pthl\u00e2k taka A lo chhuk lai chuan, mi suaksual thite chu an chhiatna t\u00e2wk t\u00fbra kaihthawh an ni a. Tichuan an lo tho chhuak a, sipai rual lian tak, tuifinriat kama \\\\iau vaivut anga chhiar sen loh an ni. Thawhlehna hmasa bera thote n\u00ean chuan an inang lo ngei mai! Mi felte chu v\u00e2nglai leh mawina chuai thei lovin thuam an ni a, mi suaksualte hm\u00ealah erawh chuan natna leh thihna sulhn\u00fb a lang thung a. Chuta mipui tam tak chuan, an vaiin Pathian Fapa ropuina chu an thl\u00eer a. Mi suaksualte chuan lungrual takin, \u201cLalpa hminga lo kal chu a eng a thawl e,\u201d tiin an au rual a. Isua an hmangaih v\u00e2nga au rual erawh chu an ni lo. Au chhuah hreh teh mah sela, dikna chuan a tur hneh miau si a ni. Mi suaksualte chu thl\u00e2na an luh lai ang bawkin, Krista la hm\u00ealm\u00e2k ranin, helna rilru n\u00ean an lo tho leh a. Mahse an t\u00fbn hma nuna famkim lohnate siam \\\\hat n\u00e2n khawngaihna hun hran p\u00eak an ni d\u00e2wn tawh lo, p\u00eak leh pawh ni se, an hlawkpui tawh hek lo vang. An dam chh\u00fbng zawnga an bawhchhiatna chuan an thinlungte chu a tin\u00eam zo tawh si lo va. Khawngaihna hun hran pawh chu p\u00eak nawn lo ni teh r\u00eang mah sela, a hmasa z\u00e2wk ang bawkin Pathian duhz\u00e2wng do n\u00e2n leh Ama laka helna chawh chhuah n\u00e2n bawk an hmang leh tho vang. Krista chu Oliv tl\u00e2ngah, A thawh leh hnua v\u00e2na A l\u00e2wnna hmun, A lo k\u00eer lehna thutiam v\u00e2ntirhkohten an rawn sawi nawnnaah chuan, A lo chhuk a. Z\u00e2wlnei chuan hetiang hian a sawi: \u201cLalpa ka Pathian chu a lo kal ang, a mi thianghlim zawng zawngte pawh i hn\u00eanah an lo kal ang.\u201d \u201cCh\u00fb mi n\u00eeah chuan Oliv tl\u00e2ng chhak lama Jerusalem rawn chhawngah chuan, a ke a nghat ang a, tin, Oliv","INDONAA T\u00c2WP TA 665 tl\u00e2ng chu chhak leh thlang z\u00e2wngin a laiah a phel ang a, ruam nasa tak a awm ang. \u201cTin, lei chung zawng zawngah Lalpa chu lalber a lo ni ang: chu mi n\u00eeah chuan Lalpa chu pakhat a ni ang a, a hming pawh pakhat a ni ang.\u201d (Zakaria 14:5, 4, 9). Jerusalem Thar, \u00eang ropui tak mai, Pathian hn\u00ean a\\\\anga lo chhuk chu, a awmna t\u00fbr buatsaih, tihthianghlim tawhah chuan a innghat a, Krista chu A mite leh v\u00e2ntirhkohte n\u00ean chuan Khaw Thianghlimah chuan A l\u00fbt ta a. T\u00fbnah Setana chu chungnun ber tuma a beihna hnuhn\u00fbng ber at\u00e2n a inpuahchah sauh sauh m\u00eak a. A thiltihtheihna chhuhsak a nih a, a bumna hna a\\\\anga sah thl\u00e2k a nih chh\u00fbng kh\u00e2n, sualna lalpa chu a mangangin a hrehawm ngawih ngawih mai a; amaherawhchu mi suaksual thite kaihthawh an nih a, a lam \\\\ang mipui nasa tak a han hmuh chuan, a beiseinate chu a lo nung leh a, indona ropuiah chuan tl\u00e2wm awz\u00e2wng a tum ta lo va. Chhandam loh sipai rual zawng zawngte chu a puan z\u00e2r hnuaiah a hruai kh\u00e2wm a, anmahni chakna ringin a remruatnate chu hlen ngei a tum a. Mi suaksualte chu Setana salte an ni. Krista an hnar kh\u00e2n hel hotu d\u00e2n an pawm a lo ni a. A rawtnate pawm t\u00fbr leh a tirh anga ti t\u00fbrin an inpeih reng a ni. Nimahsela, a vertherna p\u00e2ngngai a la thlah chuang lo va, Setana a ni tih pawh a inhre duh lo. He khawv\u00eal neitu, lal dik takah a inchh\u00e2l a, tin, dik lo takin a bumate hn\u00eanah chuan tlantuah a inchant\u00eer a, a thiltihtheihnaa an thl\u00e2n ata ko chhuaktuah a insawi b\u00e2kah, lal sual tawrawt ber lak ata anni chu chhan chhuak d\u00e2wn \\\\\u00eap angin a insawi leh z\u00eal a. Krista awmpuina l\u00e2k kian a nih hnu chuan, a rahbi tihngheh n\u00e2n, Setana chuan thilmakte a ti a. Mi chak lote a tichak a, an zain a fuihpawrh a. Mi thianghlimte riah hmun leh Pathian Khawpui chu dova l\u00e2k a tum a. Nui vur vur chungin mipui chhiar s\u00ean loh, thihna ata kaihthawha awmte chu a en a, an hn\u00eanah chuan, an hruaitu a ni a, a lal\\\\hutphah leh a ram chu chang leh t\u00fbrin Khawpui chu a hneh thei a ni tih a puang a. Chuta mipui tam tak z\u00eengah chuan, tuil\u00eat hm\u00e2 lama mi, dam reiho, mi lian leh fing tak tak, v\u00e2ntirhkoh sualho thu hnuaia intul\u00fbt a, an themthiamna leh finna zawng zawng anmahni inchawis\u00e2n n\u00e2na hmangte, an themthiam \u00eam av\u00e2ng leh an thil siam mawi tak takte av\u00e2nga an thiamna khawv\u00ealin an biak t\u00e2k hial, amaherawhchu an","666 INDONA ROPUI nun chhiatna leh an thil sual hmuh chhuahtea lei tibawlhhlawha, Pathian anna tibotute, an sualna av\u00e2nga khawv\u00eal ata hnamte tutl\u00e2wm \\\\h\u00eentu, mi huaisen, indonaa vawi khat mah la tl\u00e2wm ngai lo, r\u00e2ltu mi, chapo leh tumruh tak, an hm\u00e2a lalramte an khurhna hial \\\\hinate pawh an tel a. Thihna chuan anni chu a tidanglam chuang lo. Thl\u00e2n a\\\\anga an lo chhuah chuan, an thih d\u00e2wna an rilru t\u00e2wpna chiahah kh\u00e2n an rawn \\\\an leh a. An thih d\u00e2wna an chunga ror\u00ealtu hneh an ch\u00e2kna chiah kha an pu leh a. Setana chuan a v\u00e2ntirhkohte chu a r\u00e2wn a, chutah h\u00eang lalte leh hnehtute leh mi chakte hi a r\u00e2wn leh a. An lama \\\\angho tamzia leh chakzia chu an en a, anni n\u00eana tehkhin r\u00e2lah chuan khawpui chh\u00fbnga sipaite chu tl\u00eam t\u00ea an ni a, hneh mai theih an ni ang tih an puang a. Jerusalem Thar hausaknate leh ropuina chu chhuhsak tumin rem an ruat a. Chawplehchilhin an za chuan indo an buatsaih ta a. Mi themthiam tak takte chuan indona hriamhrei an siam \\\\an ta a. Sipai rual hruaitu, an hlawhtlinna av\u00e2nga hmingthan lo hlawh tawhte chuan, h\u00eang indo chak mite hi a p\u00e2wl p\u00e2wlin, khawpui r\u00fbn t\u00fbrin an khalh kh\u00e2wm a. A t\u00e2wpah chuan hma lam panna t\u00fbr thup\u00eak a lo chhuak ta a, sipai rual chhiar s\u00ean loh chuan hma lam an pan ta \\\\hup \\\\hup a, khawv\u00eal hnehtu ropui r\u00eang r\u00eangin an ho tawh aia tam, khawv\u00eal indo a lo chhuah tirh a\\\\anga sipai rual zawng zawng infin kh\u00e2wm ai pawha tam an lo thawk a. Indo mi zawng zawng z\u00eenga chak ber, Setana chuan hm\u00e2 a hruai a, a v\u00e2ntirhkoh rualte pawh chuan an rawn zui nghal a. A zuitute z\u00eengah chuan lalte leh raltu mite pawh an tel a, mipui nasa tak chuan, a p\u00e2wl p\u00e2wlin an hotute \\\\heuh n\u00ean an rawn zui nguai nguai mai a. Sipai r\u00e2l do thiam tawh sa vek ang maiin he khawv\u00eal khi chat leh bumboh tak chungah Pathian Khawpui lam panin an kal d\u00fbl d\u00fbl a. Chutih lai chuan, Isua thup\u00eakin Jerusalem Thar kawngkh\u00e2rte chu kh\u00e2r a ni ta a, Setana sipai rualte chuan khawpui chu an hual ta mup mai a, bei zui z\u00eal t\u00fbrin an inpeih reng a. Krista chu A hm\u00ealmate hmuh theihah a lo lang leh a. Khawpui chung lam daihah, rangkachak lungph\u00fbm tle s\u00fbr mai chungah, s\u00e2ng taka chawi s\u00e2nin lal\\\\hutphah a awm a. Ch\u00fb","INDONAA T\u00c2WP TA 667 lal\\\\hutphahah chuan Pathian Fapa a \\\\hu a, a v\u00ealah chuan a khua leh tuite an awm a. Krista thiltihtheihna leh ropuina chu eng \\\\awng mahin a hrilhfiah zo lo, ziak chhuah rual lah a ni hek lo. Chatuan Pa ropuina chuan A Fapa chu a tuam v\u00eal ch\u00fbk a, A \u00eanna ropui tak chuan Pathian Khawpui chu a khat a, kawngka p\u00e2wn lamah chuan a \u00eang chhuak sung mai a, a ni, lei pumpui mai hi a \u00ean chhuak vek mai a ni. Lal\\\\hutphah bul chh\u00eanah chuan, Setana t\u00e2na \\\\hahnemngai taka lo thawk tawh \\\\h\u00een, amaherawhchu, thingthu mei ata phih chhuah ang lo ni tate leh, tih takzeta inpump\u00eaka an Chhandamtu zui leh ta z\u00e2wkte chu an awm a. A dawt lehah chuan, tihderna leh rin lohna k\u00e2ra Kristian nungchang chhertute, Kristian khawv\u00ealin Pathian d\u00e2n engmah lova an chant\u00eer lai pawha lo chawimawitute leh khawv\u00eal awm \\\\an tirh a\\\\anga a t\u00e2wp thleng ink\u00e2ra an rinna av\u00e2nga martar-na chang maktaduai tam tak an awm a. Ch\u00fbng mite dawt lehah chuan, \u201cmipui nasa tak, t\u00fbm\u00e2 chhiar s\u00ean loh, hnam tin z\u00eenga mi te, chi tin z\u00eenga mi te, mi tin z\u00eenga mi te, \\\\awng tin z\u00eenga mi te puan v\u00e2r sina, t\u00fbm kau kengin, lal\\\\hutphah hm\u00e2ah leh Ber\u00e2m No hm\u00e2ah\u201d chuan an ding a (Thupuan 7:9). An indona a t\u00e2wp tawh a, hnehna an chang ta. Intl\u00e2nsiakna chu an zo tawh a, l\u00e2wmman chu an hmu ta. An kuta t\u00fbm kaute chuan an hnehna a ent\u00eer a, an puan v\u00e2rte chu kai dum awm lova Krista felna, t\u00fbna an ta lo ni ta ent\u00eerna chu a ni. V\u00e2n thangkhawk rum rum khawpin tlante chuan fakna hla: \u201cKan Pathian lal\\\\hutphaha \\\\hua leh Ber\u00e2m No hn\u00eanah chhandamna,\u201d tiin an sa a (Ch\u00e2ng 10). V\u00e2ntirhkoh leh Seraf te chuan chawimawina hla chu an sakpui a. Tin, tlanten Setana chimawmzia leh thiltihtheihzia an hmuh hnu chuan, Krista thiltihtheihna chauh lo chuan, thiltihtheihna dang r\u00eang r\u00eangin, hnehtuah a siam thei lo tih, t\u00fbn hm\u00e2 aia chiang lehzualin an hmu fiah ta a. Chutah mipui tam tak z\u00eengah chuan, anmahni chakna leh \\\\hatnaa chhandamna inpe anga sawi pakhat mah an awm lo. An thiltih emaw, an tuar tawh emaw r\u00eang r\u00eang sawi lan a ni lo va, an thupui ber leh hla ber chu, \u201cKan Pathian leh Ber\u00e2m No hn\u00eanah chhandamna,\u201d tih hi a ni. Lei leh v\u00e2n mi inkh\u00e2wmpuiho hm\u00e2ah chuan Pathian Fapa lallukhum khumt\u00eera takzet chu a awm ta a. Ropuina leh thuneihna","668 INDONA ROPUI s\u00e2ng ber chu changin, d\u00e2n bawhchhiaa A mite rapbettute chungah chuan diknain ro A r\u00eal ta a. Pathian z\u00e2wlneiin hetiang hian a lo sawi l\u00e2wk tawh r\u00eang a: \u201cLal\\\\hutphah lianpui v\u00e2r tak leh a chunga \\\\hu chu ka hmu a, a hm\u00e2 ata chu lei leh v\u00e2n an tl\u00e2n bo va, an t\u00e2n hmun r\u00eang a awm ta lo va. Tin, mitthite, a lian a t\u00eain, lal\\\\hutphah hm\u00e2a ding ka hmu a; tin, lehkhabute an hawng a; tin, lehkhabu dang Nunna Bu chu, an hawng bawk a; tin, mi tinte chu lehkhabutea ziak, an thiltih ang z\u00eala r\u00ealsakin an awm ta a,\u201d tiin (Thupuan 20:11, 12). Chhinchhiahna lehkhabute hawn a niha, Isua mitin mi suaksualte an han en v\u00ealeh chuan, an thiltih sual zawng zawng chu an hre chhuak leh ta uar uar mai a. Thianghlimna leh faina kawng ata an k\u00ea an p\u00ean chhuaht\u00eerna lai chiah te, Pathian d\u00e2n bawhchhiatnaa chapona leh helnain a hruai luh th\u00fbkzia te an inhmu fai k\u00ealh a. Sual tih dawklak v\u00e2nga sual t\u00fbra thl\u00eamna an punlunt\u00eerzia te, mals\u00e2wmna an hman khawloh te, Pathian zualkote an hmuhsitna te, inr\u00e2lrinna thuchah an hnar tawh te, sim duh lova zahngaihna tuif\u00e2wn an lo hn\u00e2wl k\u00eer leh t\u00e2kzia te, - a vaiin, mei hawrawpa ziak ang maiin a lo lang ta a. Lal\\\\hutphah chung lamah chuan kraws a lo lang a; Adama thl\u00eama a awm lai leh a sual t\u00e2kzia te leh tlanna thuthlung rahbi indawt thliah te chu chiang deuh maiin a lo lang a. Tl\u00e2wm taka Chhandamtu a lo pianna te, A naupan lai pawha thuawina a neih fozia te, Jordan luia a baptisma chan te, chaw ngheia thlal\u00eara a awm laia a hn\u00eana thl\u00eamna lo thleng te, v\u00e2ntl\u00e2ng z\u00eenga A rawngbawlna, mite hn\u00eana v\u00e2nram mals\u00e2wmna hlu ber A t\u00e2rlan lai te, hmangaihna leh zahngaihnaa rawng A b\u00e2wl a, mipuiin an bawr luai luai lai te, tl\u00e2ng hmun fianriala khawhar taka a \\\\awng\\\\ai \\\\hin lai te, A \\\\hatnate \\\\hatna v\u00eaka thungrul lova, huat leh \u00eets\u00eek leh elrel a hlawh z\u00e2wkzia te, khawv\u00eal pumpui sualnain a delh beh laia Gethsemane-a A lungngaihna r\u00e2pthl\u00e2k leh mak tak te, tualthah ch\u00eeng mipui kuta mant\u00eer A nih lai te, ch\u00fbmi z\u00e2n r\u00e2pthl\u00e2k taka thil r\u00e2pthl\u00e2k pui lo thleng - lo dod\u00e2l miah lova an man lai, A zirt\u00eer a hmangaih berte meuh pawhin an kalsan lai, Jerusalem kawtthl\u00eara d\u00eem lo baksaka an hruai dawr dawr lai, diriam taka Ana hm\u00e2a hruai a nih lai, puithiam lalber inah leh","INDONAA T\u00c2WP TA 669 Pilata ror\u00ealna hm\u00e2a h\u00eak a nih lai, mi dawizep leh nunr\u00e2wng Heroda hm\u00e2ah, hmusit leh ch\u00eaksawlh leh thi t\u00fbra thiam loh chant\u00eer a nih lai te zawng zawng - a vai mai chuan, chiang \u00eam \u00eamin a lo lang chhuak leh ta vek a. Chumi zawhah chuan mipui tlim hmur mai hm\u00e2ah chuan ennawm t\u00e2wpna chu a lo lang \\\\an ta a. Chhel taka Tuartuin Kalvari lam A pan lai, v\u00e2n Lal Fapa krawsa khai k\u00e2n A nih lai, puithiam chapote leh hmusittu mipui zi mur murin A lungngaihna an nuihzatb\u00fbr lai, nam\u00ean lova thimna te, lirnghing te, lungpui khi chat te leh thl\u00e2n inhawngten khawv\u00eal Tlantuin A nunna a thlah ta a ni tih an lant\u00eer laite chu fiah takin t\u00e2rlan a ni a. Ennawm mak tak chu t\u00fbn hm\u00e2a a nih ang angin a lo lang leh a. Setana leh a v\u00e2ntirhkohte leh a khua leh tuitena an hmuh loh theih loh t\u00fbrin an hnathawh chu a lo lang a. Mahni \\\\heuh chuan an thil lo tih tawh chu an hre chhuak leh a. Israel Lal tihboral tuma Bethlehema naus\u00ean pawi sawi hauh lote thattu Heroda te, mi bawlhhlawh Herodi, Baptistu Johana thisen mawh phurtu te, mi dawizep leh mipui tihl\u00e2wm tum Pilata te, hmusittu sipai te, puithiam te leh ror\u00ealtu te leh mipui thinrim, \u201cA thisen chu keimahni chungah leh kan fate chungah awm rawh se,\u201d titu te chuan, an zain an sual nasatzia chu an hmu a. Tlante chuan Chhandamtu ke bula an lallukhumte dah a, \u201cKa t\u00e2n A thi a ni!\u201d tia an au lai chuan, A hm\u00eala Pathian ropuina lo lang, ni aia \u00eang z\u00e2wk lak a\\\\ang chuan, mi sualte chuan bihr\u00fbkna an zawng a, mahse bihr\u00fbkna t\u00fbr an hmu zo si lo. Chhandam mipui z\u00eengah chuan Krista zirt\u00eer te, pasal\\\\ha Paula te, mi \\\\hahnemngai Petera te, hmangaih Johana te leh thinlung dik pu mi a unau te, leh martar chang zawng zawng te an awm a, kulh p\u00e2wn lamah chuan thil bawlhhlawh leh tenawm tinr\u00eang n\u00ean, mi thianghlimte tiduhdaha, t\u00e2n inahte khunga thattute chu an awm Nero- a, mi nunchhe r\u00e2pthl\u00e2k t\u00e2wpkh\u00e2wk leh sual tak, hm\u00e2na a lo nghaisak hrep tawh hnute lungngaihna t\u00e2wpkh\u00e2wka l\u00e2wmna lo hmu \\\\h\u00een, t\u00fbna ch\u00fbng mite l\u00e2wmna leh chawimawina hmu ta chu a awm bawk a. A hnathwh rah chu hmu t\u00fbrin a nu pawh a awm ve a; a fapa hn\u00eanah nungchang sual a lo p\u00eak d\u00e2n hmu t\u00fbr leh, a nun d\u00e2n leh ch\u00eat d\u00e2na","670 INDONA ROPUI rilru sual ch\u00e2wm liantu, ch\u00fb rilru sual chuan khawv\u00eal tithlab\u00e2r khawpa pawi nasa tak rawn thlent\u00eertu chu a awm ve a ni. Ch\u00fbng lo pawh chu, Pope zuitu puithiam te leh kohhran ror\u00ealtu te, Krista palaite nia inchh\u00e2l \\\\h\u00een, mahse A mite chhia leh \\\\ha hriatna thunun n\u00e2na kawl leh t\u00e2n in hmang \\\\h\u00eente pawh an awm a. Puithiam lal, Pathian chung lama inchawi s\u00e2ng a, Chungnungbera d\u00e2n thl\u00e2ktu chapo tak takte an awm bawk a. Ch\u00fbng mi, kohhran paa invuahte chuan Pathian laka thu sawi fel t\u00fbr an nei a, mahse a theih hr\u00e2m chuan sawi loh ch\u00e2k ngawih ngawihte an ni. Engkimhriaa chu A d\u00e2nahte hian A th\u00eekthu a chhe \u00eam \u00eam a, khawlohna neite chu a chhuah mai mai ngai lo a ni tih an hria, mahse a tlai lutuk ta si. A mite hrehawm tuarnate chu Kristan A tuar a ni tih t\u00fbnah chuan an hre takzet ta a. \u201cH\u00eang ka unau t\u00ea berte z\u00eenga mi pakhat chunga in tih chu, ka chunga ti in ni,\u201d a tihte kh\u00e2n nasa tak maiin a rawn khawih ta a (Matthaia 25:40). Khawv\u00eal mi suaksual zawng zawngte chu Pathian ror\u00ealna hm\u00e2ah chuan, v\u00e2n ram sork\u00e2r laka helna av\u00e2nga pawi khawih an nih av\u00e2ngin, khin an ni a. D\u00eelpuitu r\u00eang r\u00eang an nei lo; chhuanlam siam t\u00fbr an nei bawk hek lo; chatuan thihna tuar t\u00fbra ruat an ni ta. T\u00fbnah zet chuan mi zawng zawngin sual man chu, an lo rin d\u00e2n \\\\hin ang, mahni kea dinna leh chatuan nunna ni lovin, bawi nihna, chhiatna leh thihna a lo ni z\u00e2wk tih an hmu chiang ta. Chatuan ropuina nasa tak mai chu an hn\u00eana p\u00eak tiam a nih lai kh\u00e2n an lo hmusit tawh a; t\u00fbnah chuan a va han \u00eetawm nasa ta \u00eam! \u201cH\u00eang zawng zawng hi nei thei t\u00fbr ka ni n\u00e2a le; mahse ka hn\u00ean a\\\\anga dah bo ka lo thlang z\u00e2wk ta si a. Aw, ka lo va thlang sual tak \u00eam! Muanna te, hlimna te leh chawimawina te ai chuan retheihna te, hmingchhiatna te leh beidawnna te ka lo thlang ta si a,\u201d tih hi boral hlen t\u00fbra ruat lo ni tate au th\u00e2wm chu a ni. V\u00e2nram kai ve lo t\u00fbra an chung thu r\u00ealna chu dik taka r\u00eal a ni tih an hmu \\\\heuh va. An nunnain, \u201cHe mi (Isua) hi kan lal at\u00e2n kan duh lo ve,\u201d tiin a lo puang tawh si a. Pual-\u00e2t ni\u00e2wm takin, mi suaksualte chuan Pathian Fapa lallukhum chu an thl\u00eer a. A kutah chuan lung ph\u00eak pahnih, Pathian d\u00e2n ziakna, d\u00e2n an hmuhsita an lo bawhchhiat tawhte kha an hmu a.","INDONAA T\u00c2WP TA 671 Chhandamte chawimawina leh l\u00e2wmna au th\u00e2wm chu an hria a, an mit ngeiin ch\u00fbng thilte chu an hmu bawk a. Ch\u00fbng aw mawi ropui tak maiin khaw p\u00e2wn a hriat meuh chuan, an zain, lungrual takin, \u201cAw Lalpa Pathian, Engkimtithei, i thiltihte chu a ropuiin a mak a; nang, hnam tin Lalber, i kawngte chu a felin a dik a ni,\u201d (Thupuan 15:3) tiin an au va, bawkkhupin nunna Lal chu chibai an b\u00fbk a. Krista ropuina leh lalna a hmuhin, Setana chu a zeng zo ta vek emaw tih t\u00fbrin a awm a. V\u00eangtu cherub lo ni tawha chuan a tl\u00e2k \\\\anna chu a hre reng a. Seraf \u00eang, \u201cz\u00eeng lam fapa\u201d chu a va danglam tain, a chan a va han chhe ta em! Vawi khat chawimawia a lo awm tawhna, ror\u00ealna hmun a\\\\ang chuan chatuanin hnawh chhuah a ni ta. T\u00fbnah chuan Pa kiangah, A ropuina khuhsaktu mi dang ding a hmu ta a. V\u00e2ntirhkoh s\u00e2ng tak leh lal hm\u00eal pu tak maiin Krista lua lallukhum a khumt\u00eer lai chu a hmu a, tin ch\u00fb v\u00e2ntirhkoh dinhmun s\u00e2ng tak chu, ama dinhmun ni hlen thei t\u00fbr a ni tih pawh a hria. A pawi khawih hm\u00e2 leh a thianghlim laia a ch\u00eanna in chu a hre chhuak leh a, Pathian laka phunnawi leh Krista \u00eets\u00eek a ch\u00een dawklak hm\u00e2a a thlamuanzia leh lungawizia te pawh chu a hre chhuak leh bawk a. V\u00e2ntirhkohte lainat leh \\\\anpui a hlawh theihna t\u00fbra a h\u00eakna te leh a bumna te, Pathianin ngaihdam a duh lai pawha insiam \\\\hat a tum lohzia leh luhlul taka a awm tlatzia te chu a hm\u00e2ah chiang takin a lo lang vek a. Mihring z\u00eenga a hnathawh leh a hnathawh rahte chu ennawnin - mihringin a mihringpui a huatna te, r\u00e2pthl\u00e2k taka nunna inl\u00e2ksakna te, ram a lo ding chhuak a, a lo tl\u00e2wm leh \\\\hin te, lalte tihtl\u00e2wma an awm d\u00e2n te, buaina leh helna chi hrang hrang rawn inzui zut zut te chu a hmu leh vek a. Krista hnathawh dod\u00e2l t\u00fbr leh mihring hruai khawlo deuh deuh t\u00fbra b\u00e2ng lova a beih laite chu a hre chhuak leh a. Bumna hna a phiar v\u00eal zawng zawng pawhin Isua rinchhan tlattute a tihchhiat zawh lohziate pawh a hmu a. Setana chuan a lalna ram, a thawhrimna rah chu a enin, hlawhchhamna leh chhiatna chauh a hmu a. Pathian khawpui chu awlsam taka l\u00e2k mai theih t\u00fbr angin mipuite chu a rint\u00eer a; l\u00e2k theih t\u00fbr chi a ni lo tih erawh chu a hre reng a. |ha leh sual indona ropui tak, t\u00fbnah pawh la kal z\u00ealah hian, vawi tam tak hnehin a awm tawh","672 INDONA ROPUI \\\\h\u00een a. Engkimtitheia ropuizia leh thiltihtheihzia hi a hai lo, a hre chiang \u00eam \u00eam a ni. Hel hotu ropuia tum ber pakhat chu mahni thiam inchant\u00eer leh helna lo chhuahna chhan chu Pathian sork\u00e2rna a ni, tih lanfiaht\u00eer hi a ni. Hei hi a tih theih n\u00e2n a thiltihtheihna leh finna ropui tak chu a hmang zo tak meuh va. Kawnghmang fel tak neiin, tum nei ranin a thawk a, indona ropui, hun rei tak chh\u00fbnga zual lam pan z\u00ealah hian, a lama \\\\ang t\u00fbrin mipui nasa tak a hneh tawh a, a hlawhtling hl\u00ea z\u00eal a ni. Kum s\u00eeng tam tak chh\u00fbngin he hel hotupa hian d\u00e2wt chu thutak angin a lo khuh m\u00e2m tawh \\\\h\u00een a. Nimahsela, t\u00fbnah chuan helna tlawm hlen hun t\u00fbr leh ama chanchin leh mizia t\u00e2rlan fiahna t\u00fbr hun chu a lo thleng ta. Krista lal\\\\hutphah chhuhsaka, A mite tiborala, Pathian khawpui la t\u00fbra a beihna hnuhn\u00fbng berah hian bumtu lalbera chu, a inkhuhna zawng zawng hlihsak vek a ni ta. A lama \\\\angte chuan a hlawhchham chianzia chu an hmu a. Krista zuitute leh v\u00e2ntirhkoh rinawmte chuan Pathian sork\u00e2r a phiar v\u00ealna zawng zawngte chu an hmu fiah ta k\u00ealh a. V\u00e2n leh khawv\u00eal pumpuiin an ten hluah hluah mai a ni. Ama thu liau liauva a helna chuan v\u00e2nram chang tl\u00e2k lovah a siam ta a ni tih Setana chuan a hmu a. A thiltihtheihnate chu Pathian do n\u00e2n a lo t\u00e2t hriam tawh a; v\u00e2nram thianghlimna leh muanna leh inremna chu a t\u00e2n chuan hrehawmna r\u00e2pthl\u00e2k ber a ni ta hlauh z\u00e2wk d\u00e2wn a ni. Pathian zahngaihna leh dikna a h\u00eaknate chu a reh zo ta. Jehova chunga hming chhiatna nghah a lo tum \\\\h\u00een chu ama chungah nghah vek t\u00fbr a lo ni ta. T\u00fbnah chuan Setana chu a \\\\hing\\\\hi a, a chunga hremna chu a dik a ni tih a puang a. \u201cAw Lalpa, tunge i hming zah lo vanga chawimawi lo vang? Nang chauh i thianghlim si; i thiltih felte chu tihlan a nih tawh av\u00e2ngin hnam tinr\u00eangin chibai an rawn b\u00fbk ang che.\u201d (Thupuan 15:4). Hun rei tak chh\u00fbng indonaa thu dik leh dik lo chungch\u00e2nga zawhna awm zawng zawng chu t\u00fbnah chuan a lang fiah ta. Helna rah, Pathian dante hn\u00e2wlna rahte chu, thil siam finna nei zawng zawngte mithmuhah t\u00e2rlan vek a ni ta. Pathian sork\u00e2r leh Setana sork\u00e2r kalhmang inan lohna chu v\u00e2n leh khawv\u00eal mithmuha tihlan a ni ta. Ama hnathawhin","INDONAA T\u00c2WP TA 673 Setana chu thiam loh a chant\u00eer ta a, Pathian finna leh dikna leh \\\\hatna chu hnial rual lohvin a lang fiah ta bawk. Indona ropui Pathian thiltih d\u00e2n zawng zawngte chu chatuana A mite \\\\hatna t\u00fbr leh A khawv\u00eal siam zawng zawngte \\\\hatna t\u00fbrin tih a ni tih a lang fiah ta. \u201cAw Lalpa, i thil siam zawng zawng chuan i hn\u00eanah l\u00e2wmthu an hril ang a; mi thianghlimte pawhin an fak ang che.\u201d (S\u00e2m 145:10). Pathian d\u00e2n hi A thilsiam zawng zawngte hlimna t\u00fbr a ni tih sual chanchin hian chatuanin a hriatt\u00eer ang. Indona ropui thu dik zawng zawngte chu t\u00e2rlan a ni ang a, chutah zet chuan v\u00e2n leh khawv\u00eal zawng zawnga mi rinawm leh helho zawng zawngte pawhin, thukhat vuain, \u201cI kawngte chu a felin a dik a ni, nang, mi thianghlim Lalber,\u201d tiin an au rual ang. V\u00e2n leh khawv\u00eal hm\u00e2ah Pa leh Fapain mihring t\u00e2na inhlanna an siam chu chiang takin t\u00e2rlan a ni tawh a. Kristan A hmun dik tak A luahna hun leh, hming zawng zawng leh thiltihtheihna te leh lalna te chung lama chawimawi A nih hun chu a lo thleng ta a. A hm\u00e2a l\u00e2wmna awm - mi tam tak ropuinaa a hruai leh theihna t\u00fbr - av\u00e2ng chuan mualphona chu ngain\u00eapin kraws chu A lo tuar hr\u00e2m hr\u00e2m tawh a. Mualphona leh lungngaihna, suangtuah ph\u00e2k loh khawpa nasa A tawrh ai chuan, A l\u00e2wmna leh ropuina chu a la nasa leh zual a ni. Tlante chu a en a, Amah annaah siam tharin an awm a, an Lal anpui chu an hm\u00ealah chuan a lang thei a ni tih A hmu a. A nunna thawhrim rah chu a hmu a, a lungawi ta a. Tichuan mi fel pung kh\u00e2wm, mipui tam tak hriat vek khawpin, \u201cEn teh u, ka thisena ka leite hi! Chatuana ka hn\u00eana an awm theih n\u00e2n, h\u00eangho t\u00e2n hian tuarin ka thi tawh a ni,\u201d tiin, A puang ta a. Chutah, lal\\\\hutphah v\u00eala puan v\u00e2r sinte chuan, \u201cBer\u00e2m No talh tawha hi thiltihtheihna te, hausakna te, finna te, chakna te, chawimawina te, ropuina te, mals\u00e2wmna te hmu tl\u00e2k a ni e,\u201d an ti (Thupuan 5:12). Setana chu Pathian dikna hre lo thei lovin leh Krista hm\u00e2ah chuan k\u00fbn lo thei lo mah sela, a nungchang chu a danglam chuang lo. Helna rilru a neih chu, tuilian nasa tak ang maiin, a lo lian leh ta but but mai a. Thinrimnain a lo khat a, indona ropuiah chuan a tl\u00e2wm hun chu a lo thleng ta le. A khua leh tuite z\u00eengah chuan a","674 INDONA ROPUI zuang l\u00fbt a, amah anga thinrim t\u00fbr leh chawplehchilha do nghal rup t\u00fbra fuihpawrh a tum a. Nimahsela hel t\u00fbra a lo thl\u00eam thl\u00fbk tawh mipui maktaduai tam tak, chhiar s\u00ean loh z\u00eengah chuan, a lalna pawm duh pakhat mah an awm tawh si lo. A thuneihna chu a kin ta. Mi sualte chu Setana fuihpawrhna av\u00e2ngin Pathian huatnain an lo khat a; mahse Pathian chu hneh rual a nih loh av\u00e2ngin an beiseite chu a bo zo ta. Setana leh bumna hna thawk t\u00fbra a mi rawihte chungah chuan, ramhuai t\u00fbr nei thinrim ang maiin an leh thinrim ta z\u00e2wk a. Lalpa chuan heti hian a ti: \u201cPathian rilru ang pua i inngaih av\u00e2ngin, ngai rawh, awze mi, hnam \\\\ihbaiawm tak i hn\u00eanah ka rawn t\u00eer d\u00e2wn a ni; i finna rah mawi chungah an khandaih an vilik ang a, i ropuina an tikhawlo vang. Khur th\u00fbkah an t\u00eer l\u00fbt ang che.\u201d \u201cKa tiboral ang che, aw v\u00eangtu (khuhtu) cherub, mei v\u00e2m iang lung z\u00eeng ata ... Leiah ka paih thla ang chia, Lalte hm\u00e2ah mualah ka pho che - ennawmah ... |ihkhaiah i lo chang ang a, i awm ngai r\u00eang r\u00eang tawh lo vang le.\u201d (Ezekiela 28:6-8, 16-19). \u201cSa mur mura mi r\u00e2lthuama a inthuamna zawng zawng leh silhf\u00ean thisen n\u00eana inchiahpiah niai nuai zawng zawng chu, hala, meia tuah at\u00e2n lek a ni si a.\u201d \u201cLalpa chuan hnam tinr\u00eang chungah chuan lungnih lohna a neiin, an sipaiho zawng zawng chungah chuan thinrimna a nei si a: anni chu a tiboral vek a, thahah a pe ta a.\u201d \u201cMi suaksualte chungah chuan thangte a s\u00fbrt\u00eer ang a; mei leh k\u00e2t leh thli lum tak hi an no chan t\u00fbr a ni ang.\u201d (Isaia 9:5; 34:2, S\u00e2m 11:6). Tichuan Pathian hn\u00ean ata v\u00e2n a\\\\angin mei a lo chhuk a, lei chu a keh zo ta a. Th\u00fbk taka ralthuam thuhr\u00fbkte chu phih chhuah an ni ta a, lei khi chat diai duai a\\\\ang chuan kan ral hmang mei alhte chu an lo chhuak puat puat a. Lungpuite meuh pawh an alh zo ta. Rawh tuina mei anga kanna n\u00ee chu a lo thleng ta a ni. Thil bulte chu sa taka em ralin an awm ta, lei leh a chh\u00fbnga hnathawh awm zawng zawng pawh a k\u00e2ng ral ta (Malakia 4: 1; 2 Petera 3:10). Lei pumpui mai hi rawh tuinaa thil rawh tui ang, mei dil ang mai a ni zo ta a. Ror\u00ealna leh Pathian ngaihsak lote boralna hun - \u201cLalpa phuba l\u00e2k n\u00ee a ni tawh si a, Zion hnialna kawng thua thungrulhna kum chu.\u201d (Isaia 34:8).","INDONAA T\u00c2WP TA 675 Mi suaksualte chu leiah hian thungrulh an ni (Thufingte 11:31). \\\"Buhp\u00e2wl ang an ni ang: chu mi ni lo thleng chuan anmahni a k\u00e2ng ang; zung leh z\u00e2r chenin a zuah lo vang, sipaihote Lalpa chuan a ti.\\\"(Malakia 4:1). Mi \\\\henkhatte chuan ni tamtak an tuar tlawk tlawk ang a, \\\\henkhatte erawh chu mitkhap k\u00e2r lovah tihboral an ni ang. An vaiin an thiltih ang z\u00eala hrem an ni ang. Tin, mi felte sualnate chu Setana chungah sawn a ni tawh a, a helna av\u00e2nga a sual man chauh ni lovin, Pathian mite sual a lo tiht\u00eer zawng zawng av\u00e2nga a sual man pawh chu a tuar ang. A chunga hremna chu a bumate tuar t\u00fbr ai chuan nasa takin a r\u00e2pthl\u00e2k z\u00e2wk a. A bumna av\u00e2nga sual vete an boral zawh vek hnuah pawh ani chu a la nung ang a, a la tuar z\u00eal ang. K\u00e2ng raltu mei alh chuan a t\u00e2wpah chuan mi suaksualte chu zung leh z\u00e2r pawh zuah lovin a kang ral ta - a zung chu Setana a ni a, a z\u00e2rte chu a zuitute an ni. D\u00e2n bawhchhiatna man chu a kimin p\u00eak a ni ta; diknain a ph\u00fbt ang chu p\u00eak a ni ta a, chu chu lei leh v\u00e2nin an hmuhin, Jehova felna thu chu an puang chhuak a. Setana chhiatna hna chu chatuan at\u00e2n a t\u00e2wp hlen ta. Kum s\u00e2ngruk chh\u00fbng zet chu a duh angin a lo che tawh a, lei hi chungpiknain a tikhat tawh a, Pathian thil siamte hi lungngaihnain a tikhat zo tawh a ni. Thil siam zawng zawng hi na tuarin, na hrehawm tiin an r\u00fbm tak meuh tawh a ni. T\u00fbnah chuan Pathian thil siam zawng zawngte chu Setana leh a thl\u00eamna lak ata an chhuak fihilm ta. \\\"Leilung pumpui hi a ch\u00e2wl a, a reh rawih rawih a; hla an sa chhuak phut a.\\\" (Isaia 14:7). V\u00e2n leh khawv\u00eal luahtu rinawm zawng zawngte chuan fakna leh hnehna an aupui a. \\\"Tin, mipui nasa tak aw ang leh tui tam tak ri ang leh khawpui nasa tak ri angin, 'Halleluia, Lalpa kan Pathian Engkimtitheia chuan ro a r\u00eal t\u00e2k hi,\\\" an ti a (Thupuan 19:6). Tihchhiatna meiin lei hi a tuam v\u00eal lai chuan mi felte chu him takin Khaw Thianghlimah an awm a. Thawhlehna hmasa bera telte chungah chuan thih hnihna chuan thu r\u00eang a nei lo va. Pathian chu mi suaksualte t\u00e2na mi kan ral hmang mei a nih lai chuan, A mite t\u00e2n chuan n\u00ee leh phaw a ni thung a (Thupuan 20:6; S\u00e2m 84: 11).","676 INDONA ROPUI \\\"V\u00e2n thar leh lei thar ka hmu a; v\u00e2n hmasa leh lei hmasa chu a boral tawh a.\\\" (Thupuan 21:1). Mi suaksualte k\u00e2ng raltu mei chuan lei hi a k\u00e2ng thianghlim a. \u00c2nchhe sulhn\u00fb zawng zawng chu hn\u00e2wl bo vek a ni ta. Chhandamte hm\u00e2ah chuan, sual man r\u00e2pthl\u00e2k tak tilang rengtu, chatuana alh reng hremhmun awz\u00e2wng a awm lo. Hriat reng t\u00fbr pakhat a awm: Kan Tlantu chuan khenbehna serte chu A pu reng ang. A lu hliamah leh A n\u00e2kah leh A kut leh k\u00eaahte chuan sual hnathawh r\u00e2pthl\u00e2k tak sulhn\u00fbte chauh chu a awm reng a. A ropuinaa Krista a hmuhin, z\u00e2wlnei chuan heti hian a ti: \\\"A kut a\\\\angin \u00eang z\u00e2m a lo chhuak a; chutah chuan a thiltihtheihna inthupin a awm.\\\" (Habakuka 3:4). (A kut tih hi lehlinna \\\\henkhatah chuan, a n\u00e2k tih a ni.) Feia an chhunna A n\u00e2k a\\\\ang chuan thisen, Pathian hn\u00eana mihring zawm lehtu chu a lo luang chhuak a - chutah chuan Chhandamtu ropuina a awm a, \\\"chutah a thiltihtheihna chu thupin a awm.\\\" Tlan t\u00fbra a inhlanna z\u00e2rah \\\"Chhandamtu chak\\\" a ni a, tichuan Pathian zahngaihna ngain\u00eaptute chungah chuan diknaa ror\u00eal t\u00fbrin a chak t\u00e2wk a ni. A tl\u00e2wm lai chhinchhiahnate chu A t\u00e2n chawimawina s\u00e2ng ber an lo ni ta; chatuan thleng pawhin Kalvari hliam chuan A fakna a lant\u00eer ang a, A thiltihtheihna a puang z\u00eal ang. \\\"Aw nang, ran rual kulh, Zion fanu awmna tl\u00e2ng, i hn\u00eanah a lo thleng ang; a ni, lalna hmasa chu a lo thleng ang.\\\" (Mika 4:8). Mei alh khandaihin nupa hmasa berte Eden huan luhna kawng a hnawhsak a\\\\anga, mi thianghlimtena an lo thl\u00eer \\\\hin, tlan chhuahna t\u00fbra kan roluahna t\u00fbra zakhamna thlen famkimna hun chu a lo thleng ta a ni.\\\" (Ephesi 1:14). Lei, a t\u00eera mihring lalna ram t\u00fbra p\u00eak, mihringin Setana kuta a lo hralh t\u00e2k, ch\u00fb leh chen hm\u00ealma chak takin a lo ta neih hn\u00fb chu, tlanna thuthlung ropui tak chuan a rawn chhuhsak leh ta a ni. Sual v\u00e2nga hloh tawh zawng zawng chu p\u00eak l\u00eat leh a ni ta. \\\"Lalpa ... leilung hi dina siamtu chu a ni; Ani chuan leilung hi a tinghet a, engmah lovah a siam lo va, mihring awm n\u00e2n a din z\u00e2wk a ni.\\\" (Isaia 45:18). Chutia chatuana tlante awm n\u00e2na Pathianin lei A siam tharna hi, a t\u00eera Pathian tum hlen famkimna chu a ni. \\\"Mi felte chuan ram hi an luah ang a, a chh\u00fbngah hian kumkhuain an awm ang.\\\" (S\u00e2m 37:29).","INDONAA T\u00c2WP TA 677 Nakina kan roluah t\u00fbr hi khawv\u00eal thil ang lutuka lant\u00eer hlauhth\u00e2wn v\u00e2ngin mi \\\\henkhat chuan, kan in tak tak anga min thl\u00eert\u00eertu thutak pawimawh tak maite hi, thlarau lam thilah an kal zawht\u00eer vek mai a. Krista chuan a zirt\u00eerte chu, A Pa inah an awmna t\u00fbr buatsaih t\u00fbrin A kal d\u00e2wn a ni tih chiang takin a hrilh a ni. Pathian thu zirt\u00eerna pawmtute chuan, v\u00e2na awmna t\u00fbr chungch\u00e2ng hi an hre lo d\u00ear lo vang. Mita hmuh ngai loh, benga hriat ngai loh, mihring rilrua l\u00fbt ngai lo, Pathianin a hmangaihtute t\u00e2n a buatsaih apiangte chu,\\\" tih a ni (1 Korin 2:9). Mihring \\\\awng hian mi felte l\u00e2wmman chu a hrilhfiah zo lo. Hmutute chauhvin an hria ang. Pathian Paradis ropuizia chu mihring rilru tawi t\u00ea hian a hre ph\u00e2k ngang lo a ni. Bible chuan chhandamte rochan t\u00fbr chu \\\"ram\\\" tiin a sawi a (Hebrai 11:14-16). Ch\u00fb ramah chuan v\u00e2n Ber\u00e2mpu chuan a ran rualte chu nunna lui kamahte A hruai \\\\h\u00een a. Nunna Thing chu thla kipin a rah \\\\h\u00een a, a hnahte chu hnamte tihdamna t\u00fbr a ni. Tuihna kangchat ngai lo, krustal lung ang maia f\u00eemte chu an luang hiau hiau mai a, a kam v\u00eala thing z\u00e2r phe siau siaute chuan Lalpa tlante kawng chu a tidaihlim a. Phai z\u00e2wl cham p\u00fbt maiahte chuan mual p\u00e2wng mawi tak takte hi a awm a, chutah chuan Pathian tl\u00e2ng lian pui pui, s\u00e2ng tak tak leh ropui tak takte an awm bawk a. Ch\u00fb ram nuam tak, tui nung luanna ram chu, Pathian mi, hun rei tak chh\u00fbng vakvai tawhte leh khualzin lo ni tawhte chuan, anmahni t\u00e2n ch\u00eanna t\u00fbrin an nei tawh ang. \\\"Ka mite chu r\u00e2lmuanga awmnaah leh in nghet takahte leh chawlhna hmun muanawm takahte chuan an awm tawh ang.\\\" \\\"R\u00e2wng taka thiltih th\u00e2wm chu i ramah hriat a ni tawh lo vang a, \\\\iauna leh chhiatna th\u00e2wm pawh i ramri chh\u00fbngah hriat a ni tawh lo vang; i kulh chu 'Chhandamna' i ti z\u00e2wk ang a, i kawngkh\u00e2rte pawh 'Fakna' i ti bawk ang.\\\" \\\"Inte an sa ang a, chungah chuan an awm reng bawk ang; grep huante an siam ang a, a rah an ei bawk ang. Mi dang awmna t\u00fbrin in an sa tawh lo vang a, mi dang eiah gr\u00eap huan an siam tawh lo vang: ... Ka mi thlante chu rei tak an thawh chhuah chungah chuan an l\u00e2wm d\u00e2wn a ni.\\\" (Isaia 32:18; 60:18; 65:21, 22). Chutah chuan \\\"thlal\u00ear leh ram pilril chu a l\u00e2wm ang a, ram ro","678 INDONA ROPUI chu hlimin ph\u00fbl pangp\u00e2r angin a p\u00e2r ang.\\\" \\\"Hnimhlingnei ai chuan f\u00e2r a \\\\o z\u00e2wk ang a, buar ai chuan l\u00eanhmui a \\\\o z\u00e2wk ang.\\\" \\\"Chinghnia chu ber\u00e2m no n\u00ean an awm d\u00fbn tawh ang a, keit\u00ea chu k\u00eal no n\u00ean an bawk d\u00fbn tawh ang; ... naupang t\u00eain a hruai duah duah ang.\\\" \\\"Ka tl\u00e2ng thianghlimah r\u00eang r\u00eang chuan intihnat a awm tawh lo vang a, intihchhiat a awm tawh hek lo vang.\\\" (Isaia 35:1; 55:13; 11:6, 9). V\u00e2nram boruakah chuan natna a awm thei lo. Mittui tl\u00e2kna te, mitthi vui te, lus\u00fbn te a awm tawh ngai lo vang. \\\"Thihna a awm leh tawh lo vang a, lungngaih te, \\\\ah te, nat te pawh a awm leh tawh lo vang; thil hmasate chu a ral ta.\\\" \\\"Chumi khuaa awm chuan, 'Ka dam lo ve' a ti lo vang a, a chh\u00fbnga mi awmte chu sual ngaihdamin an awm ang.\\\" (Thupuan 21:4; Isaia 33:24). Chutah chuan Jerusalem Thar, lei thar, tihropuia awm tawh khawpui chu a awm a, \\\"Lalpa kutah mawina lallukhum a awm a, i Pathian kutah ropuina lallukhum a awm bawk a.\\\" \\\"A \u00eanzia chu lung man tam ber ang, jaspi lung ang mai hi a ni a, krustal lung angin a tle a ni.\\\" \\\"Tin, hnam tin a \u00eangah chuan an awm ang a; leia lalte chuan an ropuina an la l\u00fbt ang.\\\" \\\"Jerusalem chungah chuan ka hlim ang a, ka mite chungah pawh ka hlim ang.\\\" \\\"Pathian b\u00e2wkt\u00ea chu mihring z\u00eengah a lo awm ta, Ani chu an hn\u00eanah a awm a, anni chu a mite an ni ang a, Pathian ngei chu an hn\u00eanah a awm ang a, an Pathian a ni bawk ang.\\\" (Isaia 62:3; Thupuan 21:11, 24; Isaia 65:19; Thupuan 21:3). Pathian khawpuiah chuan \\\"z\u00e2n a awm tawh ngai lo vang.\\\" Tuman chawlh an mamawhin an ch\u00e2k hek lo vang. Pathian duhz\u00e2wng tih leh A hming fak chu nin tih a awm lo vang a, z\u00eeng lam harhna chu kan nei reng ang. \\\"Kh\u00e2wnv\u00e2r \u00eang leh n\u00ee an ngai lo vang a; Lalpa Pathian chuan anmahni a \u00ean d\u00e2wn si a.\\\" (Thupuan 22:5). Ni \u00eang chu a aia \u00eang z\u00e2wk daih, mahse mit \u00ean khalh hrehawm hauh si lovin a luahl\u00e2n ang a; ch\u00fb \u00eang chu chh\u00fbn lai taka n\u00ee aiin a \u00eang z\u00e2wk ang a, teh rual lohva \u00eang a ni ang. Pathian leh Ber\u00e2m No ropuina chuan Khaw Thianghlim chu \u00eang chuai ngai lovin a \u00ean chhuak pup reng a. N\u00ee tel lova ropuina, chatuana chh\u00fbn a nih rengna ramah chuan tlante chu an l\u00eang ang.","INDONAA T\u00c2WP TA 679 \\\"A chh\u00fbngah chuan biak in r\u00eang ka hmu lo va; Lalpa Pathian Engkimtitheia leh Berim No chu an biak in a ni si a.\\\" (Thupuan 21:22). Pathian mite chuan Pa leh Fapa chu inhmatawnin an be thei tawh ang. \\\"T\u00fbnah zawng d\u00e2rthlalangah kan hmu riai ruai a ni.\\\" (1 Korin 13:12). Thil siamah leh mihringte chunga A thiltih d\u00e2nah hian, d\u00e2rthlalanga thil kan hmu angin, Pathian ruang\u00e2m chu kan hmu a; chutih hunah erawh chuan inhmatawnin, hmai khuhna tel lovin kan hmu tawh ang. A bul chh\u00eanah kan ding thei tawh ang a, tin, a hm\u00eal ropuina pawh kan hmu ang. Chutah chuan tlante chuan, anmahni hriat an ni ang bawkin, an hria ang. Mihring thinlunga hmangaihna te leh lainatna te Pathianin a lo phun tawhnate chuan insawizawina dik ber leh nuam ber chu an nei tawh ang. Mi thianghlimte n\u00eana inkawmna thianghlim, ength\u00e2wlte leh leilung pian tirh a\\\\anga khawv\u00eal t\u00e2wp thlenga mi thianghlimte zawng zawng, Ber\u00e2m No thisena an puante su-a, tiv\u00e2r tawhte n\u00eana inngeih dial diala inp\u00e2wlhona te leh \\\"lei leh v\u00e2n chh\u00fbngkua zawng zawng,\\\" (Efesi 3:15) phuar kh\u00e2wmtu hrui thianghlim te chu, tlante t\u00e2na hlimna siamtu an ni. Chutah chuan rilru thi thei lote chuan, Siamtu thiltihtheihna leh tlanna hmangaihna thur\u00fbkte chu l\u00e2wmna chuai ngai lo neiin an ngaihtuah ang a. Hm\u00ealma nunr\u00e2wng, bum hmang tak, Pathian theihnghilht\u00eer t\u00fbra thl\u00eamtu chu a awm tawh lo vang. Taksa leh rilru chakna zawng zawng chu a \\\\hang puitling tawh ang a, thiltihtheihna tinr\u00eang chu a pung tawh ang. Hriatna nei t\u00fbra zirna chuan rilru a tichau lo vang a, chakna te a tichau hek lo vang. Chutah chuan thil ropui ber chu tih zui z\u00eal a ni ang a, suangtuahna tlin ph\u00e2k t\u00e2wk chu thlen a ni tawh bawk ang a, duhthus\u00e2m chu hlen a ni tawh ang; chutichung chuan l\u00e2wn kai z\u00ealna t\u00fbr thil tharte a lo awm z\u00eal ang a, ennawm mak thar te, thutak thar hriat chhuah t\u00fbr te, taksa leh rilru thiltihtheihna hman \\\\\u00fblna chi thil thar te a lo awm z\u00eal ang. Pathian fate zir at\u00e2n v\u00e2n leh khawv\u00eal ro hl\u00fb zawng zawngte chu hawn a ni tawh ang. Phuartu thihna chu phelh a ni tawh a, khawv\u00eal hla takah - mihring chungpikna av\u00e2nga khawv\u00eal lungngaihnain a chhun tlang tawh hnu, thlarau chhandamna thu av\u00e2nga","680 INDONA ROPUI l\u00e2wmna hla sak th\u00e2wm thawn chhuahna khawv\u00ealahte chuan, hah lovin an thl\u00e2wk ang a. L\u00e2wmna sawi s\u00ean loh changin, lei mihringte chu suala tlu ngai lote l\u00e2wmnaah leh finnaah chuan an l\u00fbt tawh ang. Pathian kut chhuak ngaihtuahna a\\\\anga hriatna leh hriat thiam theihna ro hl\u00fb, kumkhaw tlaitluana lo khawl tawh sa chu, an han \\\\\u00e2wm ve ang a. Thilsiam ropuina - n\u00ee leh arsi leh an her v\u00eal d\u00e2n te, anmahni kawng \\\\heuh zawha Pathian lal\\\\hutphah an v\u00eal mup mup laite chu, mit kham tih r\u00eang nei lovin an thl\u00eer ang. Thil t\u00ea ber a\\\\anga a lian ber thlengin, engkim chungah hian Siamtu hming chu a chuang a, engkim maiah hian A thiltihtheihna ngahzia chu t\u00e2rlan a ni si a. Chatuan kum inher chhuak z\u00eal chuan Pathian leh Krista inpuan chhuahna ropui z\u00e2wk leh hausa z\u00e2wk chu a rawn her chhuahpui z\u00eal a. Hriatna a pung z\u00eal angin, hmangaihna te, zahawmna te, hlimna te pawh a pung z\u00eal d\u00e2wn a ni. Pathian mizia chu miten an zir tam zawh poh leh an ngaina deuh deuh mai d\u00e2wn a ni. Setana n\u00eana indona ropuia hlawhtlinna mak takte leh tlanna ropuizia te chu an hm\u00e2a Isuan A han t\u00e2rlan meuh chuan, tlante thinlung chu inpump\u00eakna nasa z\u00e2wk chuan a lo khat a, l\u00e2wmna ropui tak n\u00ean rangkachak \\\\ing\\\\angte chu an kai a; a s\u00eeng hl\u00eera s\u00eeng tam takte chuan, fakna hla ropui tak mai chu lungrual takin an sa \\\\hup \\\\hup mai a. \\\"V\u00e2n leh, lei chung leh, lei hnuai leh, tuifinriat chuan a thil siam tinr\u00eang awm te leh, ch\u00fbngho chh\u00fbnga awm zawng zawngten, 'Lal\\\\hutphaha \\\\hua leh Ber\u00e2m No hn\u00eanah chuan, mals\u00e2wmna te, chawimawina te, ropuina te, ror\u00ealna te, chatuanin awm rawh se,' an ti a.\\\" (Thupuan 5:13). Indona ropui chu a t\u00e2wp ta. Sual leh mi sualte an awm tawh lo va, thil siam zawng zawng chu tihthianghlim vek a ni ta. Thu khat vuaa lungrualna leh l\u00e2wmna chuan v\u00e2n leh khawv\u00eal chu a khat ta. Engkim Siamtu hn\u00ean a\\\\angin, lalram zauzia t\u00e2wp nei lo chu fang chhuak dap khawpin nunna leh \u00eanna leh l\u00e2wmna chu tuilian angin a lo luang chhuak a. Atom t\u00ea ber a\\\\anga khawv\u00eal lian ber thlengin, engkim mai chuan, thil nung leh nung lo te pawhin an mawina khuh loh an l\u00e2wmna famkim n\u00ean Pathian chu hmangaihna a ni tih an puang ta a ni.","INDONAA T\u00c2WP TA 681"]